رواية احفاد ال رحيم الفصل العاشر 10 - بقلم سـيـريـوس | Sirius ✨

,
,
,
,
,
اليحبك من صدك
ما يمشي ويخليك
يضل يمك لحد
ما تخلص سنينه
اليحبك من صدك
ما يحب غيرك ناس
بس إنت العزيز يشوفك بعينه...
,
,
,
,
,
________________________
 

مقتدى. من جهة مومل ومن جهة موتمن لازميني يقووني حتى احجي

الجد. احجي بوية شبيك ليش ووجوهكم هيج صفر وساكتين اخيتكم بيها شي

مقتدى. احم الصوت من الصدمة كوة يطلع وعندي دوخة وتعب. الحمدلله العملية عدت ع خير رغم جانت كلش صعبة بس نور حالتها بعدها بخطر وجدا خطرة

الامهات يبجن والجد كعد من الصدمة
الجد. ليش بوية شبيها هية غير بس كسور ليش هلكد خطرة

مقتدى. كافي بجي هية محتاجة دعائكم اكثر لان حالتها حرجة ومنعرف شراح يصير ورا ال3 ايام

الجد. حاجيني بوية ولا تضم اختك شنو صوابها

مقتدى. كعدت مقابيل جدي انا ومؤمل ولازميه من ايده جدي نور مو بس كسور عدها نور عدها كسر بايدها ورجلها اليمنه وعدها ضربه ع راسها خيطناها مما سوة عدها فطر وما نعرف عواقب الضربة الا تصحة و عدها بكل جسمها خدوش وقطع كزاز داخلة اضافة الا اكو قطعة كلش جبيرة داخلة داخلة بطنها من جهة اليمنه وماذية الكلة وهم هاي لازم تصحة وننتظر كم يوم يلا وبعد اكو شغلة وهاي الاهم والاخطر

ابو مقتدى. كول بابا شنو بعد فوك هاي كلها

مقتدى. باوعت المهند ونا كاعد يم جدي نور مضروبة طلقة وقريبة ع القلب كلش وهاي الاخطر مما سببت توقف بقلبها لمدة 5 دقائق اثناء العملية ومومل وموتمن انقذوها ورجعوه للنبض وحاليا تحت المراقبة وبس ادعولها تطلع منها

الكل. شهق بقوة وبجة

الجد. يعني سبب رجفة ايدكم هية حالت نور وانتو تنقذوها

مومل. شفت مقتدة كلش داخ وايده زادت رجفتها اي جدي نهبطنه لذلك هيج حالتنه انتو بس عوفو البجي وادعولها صلولها كوم خوية مقتدى خل نغسل ونبدل وروح شوف حالتهم وراك مرضة هم

مقتدى. مهند نص ساعة وتعال وراي الغرفتي وانت خوية موتمن ساعة وتعالي نروح نشوفهم وتسلمني ملفات المرضة حتى تروح ترتاح
رحنا للغرفة كعدت مهدود حيلي شكد صايرة جوة ايدي حالات اخطر من حالة نور وشكد اشخاص واكف كلبهم ورجعتها حتى بعد مرور نص ساعة بس نور هدت حيلي لان عدها قوة اول مرة اكتشفها صح اختي قوية بس ادريها ضعيف من الداخل وحالتها مو اي شخص بتحمل بسبب نقص الدم والفيتامينات والحديد والمخوفني من هذا كله گلبها احتمال يطلع بيه شي. فزيت من صفنتي ع مومل جاب الاجهزة قاس ضغطي لكاه معلك وقاس السكر هابط جاب ماي وعصير شربت شوي وكمنه غسلنه وبدلنه. وحجة مومل
مومل هاي شنو دكتور مقتدى هاي انت الازم تعلمني اكون قوي واواجه هيج حالات واقوي كلبي انت هيج يصير بيك
مقتدى. هههه ضحكتني وانا ما بيه اضحك ولك شنو هاي دكتور مقتدى غير اخوك انا
مؤمل. احم مو احنه بمكان عمل هسة مو بالبيت
مقتدى. تدري سبب حالتي ليش هيج مو بسبب الحالة الهية بيها لا بسبب نور نفسها لان نور هاي روحي هيج احسها وي الهوة تصعد وتنزل طول عمري محافظ عليها لان نور هواي تعذبت واتاذت كل فترة يطلع مرض شكل الها وهية تطلعلكم بالضحكة والتحشيش ما تحب احد ينضرلها بنضرة شفقة واذا متحب تشوف غيرها يتاذة تحب تساعد الكل حتى تشوفهم يضحكون وانت تدري حتى سبب روحاتها للشط

مؤمل. اي خوية انا الادري بس خوية لازم نقوة حتى نقويها ونقوي الكاعدين برا تدري بيهم كالبيها مناحة اذا كعدتن نور وتشوفهم فوك ما حالتها متازمة تتازم اكثر

مقتدى. ان شاءالله خوية راحت الدوخة خفت شوي دك دك دك صوت دكات الباب. تفضل

مهند. دخلت ها خوية شبيك ليش هيج حالتكم ما ارتاحيتلها

مومل. مقتدى علك عنده الضغط من وكف كلب نور بيده ولزمته رجفه بسبب الصدمة وحتى خشمة طك دم بس استعدل وقوة روحة قبل لا يطلع وهسة احسن
مهند. خوية قوي نفسك نور محتاجتك اكثر منا كلنه لان انت اقرب شخص الها
مقتدى. بنفس عميق ان شاءالله احم مهند تدري ع شنو ردتك
مهند. احتمال اي بس احجي خل افهم
مقتدى. تدري سبب ضربة نور بالطلقة شنو هذا معناها قاصد عائلتك ما قاصدك قاصد يكسر كلبك ع شخص قريب من كلبك واحب اله جان قاصد يموت اما مرتك او اختك او حتى جود لا سامح الله هم واصلك تهديد او فد شي

مهند. الصراحة اي وصلني بس اخر تهديد كان قبل شهر وجنت متخيلهم حالهم حال اي تهديد اتعرضله
مقتدى. شلون تسكت ومتخبر احد ومنو
مهند.  اسكت لان هاي مهنتي يومبة تهديد  ومنو هاي عصابة قبل 6 اشهر لزمناهم تجار كبار مخدرات وعدهم اكثر من مكان حول العالم تدري حتى اطفال جانو يتعاطون ويبيعون ويتاجرون بالاعضاء تتذكر قبل فترة سالتك عن دكتور
مقتدى. اي اي كمل
مهند. اي فلزمناهم واخوه بسن الشباب اثناء التعذيب مات فهو حملني المسوولية واثناء واجبي البغداد قبل شهرين جاي شخص جبير ومطلعه بسبب اوامر عليا وضل يهدد وانقطعت التهديدات قبل شهر فكرت نقطعو لان دندور عليهم

مقتدى. ايي لازم تكول يعني تخيل لو غير سيارة انتو طالعين بيها وتعرضولكم جان وين عرفنه مكانك لان هذول هلمرا مترصدين رقم السيارة ميعرفون الاشكال وهلمرا الحظ جان محالفهم. اثناء حديثنا اجت رسالة المهند
مهند. صح كلامك مقتدى شوف الرسالة
(اهلا عقيد مهند اكيد عرفتني من المفاجاة الدزيتها الك اليوم جانت نيتي انت وعائلتك بس هلمرا الحظ كعد وياك مو سبب ثاني جنت متمني احرك كلبك بابنك وزوجتك واختك لان بعدين من التصوير عرفت جنتو طالعين وطاحت ببنت عمك المسكينة والا ليش مسكينه عرفت تعزها وتحبها مثل حبك الاختك واعز فتستاهل همرا الخطا هم راح يحسسك بالذنب طول عمرك اذا بنت عمك صارلها شي وهم عمك واهلك وابن عمك راح يحقدون عليك ويحملوك المسوولية وراك وراك لحسبالك لهنا وانتهيت مدام واحد منا عايش ههههه سلام ابو الجود)
مقتدى. شفت مو كتلك انت المقصود خوية انتبه النفسك ولحسبالك نحملك مسولية مهيمن ونور لان هذا قضاء وقدر بس كل الاكله الك شدد الحراسة ع البيت وخلي كم شخص بصورة مدني بالمستشفى وركب اجهزة تعقب بالسيارات ولا تثق بالمركز بس المجربهم

مهند. هو هيج هلرايح دربالك ع نفسك والاهل

مقتدى. ان شاءالله هاك اخذ سيارتي وبعد ساعتين دزلي واحد من الحماية وي سيارة يجي ياخذ الاهل لان كعدتهم ما منها فايدة اليوم

مهند. ان شاءالله تمام انت اليوم هنا

مقتدى. اي عندي خفر وهم اضل يمهم انت ديربالك ومثل ما وصيتك
دك دك دك تفضل
موتمن. سلام شباب
الكل. وعليكم السلام
موتمن. ها ابو الشباب شلون صرت
مقتدى. الحمدلله يلا نطلع نشوفهم
موتمن. اي يلا
مقتدى. مهند مثل ما وصيتك خوية مومل روح يم جدي وهديهم فدوة هم محتاجين دعاء اكثر من البجي مابيه حيل واحد يطيح علي بعد
مهند ومومل. تمام
مقتدى طلعنه انا وموتمن دخلنه غرفة مهيمن شفت الوضع تمام منتظرين باجر يكعد من البنج طلعت واخذت شهيق بكل قوتي وزفرته ودخلنه الغرفة نور اخ يا نور الوجه اصفر وملفلفة براسها وجسمها وايدها ورجلها وضعها حرج كلش وحالتها ما مستقرة روحي من اشوفها بحالتها هاي احس تنسحب روحي مني نكول الحمدلله ع كل حال
طلعت وصارو بوجهي اهلي
ابو مقتدى. ها بوية طمنوني ع وضع اخوانكم

مقتدى. مهيمن ان شاءالله باجر يصحة من البنج وضعه استقر وجسمه بسرعة استجاب للعلاج
الكل. الحمدلله ونور

مقتدى. نور وضعها كما هو حالتها بعدها ما مستقرة وما ندري شوكت تكعد وشنو حيصير فبدل البجي والنوح ادعولها صلولها وهسة الكل يروح وي مومل والسايق منتظركم برا بعد ساعة الكل يروح ما اريد احد هنا

ام مقتدى. لا يمة واخيتك ما اعوفها
مقتدى. شنو تسوين هنا بس اتعبين هية محاسة باحد يمها روحو وقوو نفسكم من تكعد خلي تشوفكم كلها يمها وتساندها حتى متضعف انا رايح اشوف المرضة واروح الغرفتي اذا تردون شي هناك تلكوني

الكل. ان شاءالله

مقتدى نمشي انا وموتمن ويستفسر عن الوضع وسببه وعرف بمهند وسالفته واجه وياي للغرفة يشرحلي ع كم مريض لازم استلمهم اندك الباب ودخل ابوي

الاب. بابا مقتدى اجيت انطيك خبر راح اروح للامام علي واطلب اختك منه تدري باختك اكثر امام مقرب الها هو الامام علي وما طلبته وتركها
مقتدى. سلام الله عليه بس بابا ما اكدر اعوفك تروح وحدك ولا اكدر اجي وياك شلون
الاب. ليش متكدر اروح وحدي
مقتدى. حجيتله كل الصار
موتمن. مقتدى عادي اروح انا وي عمي
مقتدى. بس انت تعبان حيل وكافي امس خفر وحتى اليوم خلص ويانه رغم ماكو دوام
موتمن. ما عندي شي واصلا انا بعد 3ايام ماعندي خفر فعادي ولا تعترض
مقتدى. براحتكم سوو التردوه ومشكور خوية وكفتك ويانه هاي ماانساها طول عمري
موتمن. شتحجي انت جا الم مسميني اخو اذا هيج عمي من رخصتك عادي فد ساعتين واجيك امرلك للبيت بس اكمل كم شغلة هنا واروح للبيت اسبح وابدل
الاب براحتك عمي ب3 الفجر نطلع ورا الاذان
موتمن. ان شاءالله مقتدى انا طالع وشنو تحتاج اتصل
مقتدى. الله وياك وديربالك
طلعو وحتى اهلي راحو للبيت وانا لزمت خفر ومرضاي والشباب هم كل شوي ادخل اشوفهم ووضع نور معاجبني كلش وبابا وموتمن طلعو ووصلو وانا امشي بالممر باب غرفة نور هسة سديت الاتصال من ابوي باب الامام يريد يدخل واباوع ع الاجهزة جاي تصفر ركضت الغرفتها واجو وراي دكاترة وممرضين بديت اسوي انعاش للقلب الاوكسجين بدة ينزل ضغطها هبط بشكل وكلبها وكف ضليت اسوي انعاش للقلب واحاول وماكو ضربناها ابرة و،،، ومايرجع الوضعه اخذت جهاز الصدمات الكهربائية سويت مرة ومرتين و3 وماكو سويت رابع مرة هم ماكو احس الدنيا طفت بعيني حددو وقت الوفاة ورادو يشيلون الاجهزة اخذت درجهة اعلى وصحت يا علي وضربتها وماكو ورا 10 ثواني رجع كلبها وبدة جسمها يستجيب ويستقر دنكت ع راسها وبستها وتشكرت نن ابو الحسنين دخيلك يا علي هذا كله ووي دخلتي وركضت الدكاترة للغرفة جايين اهلي وصايرة فاتحة برا
دكتور علي. الحمدلله ع سلامتها دكتور مقتدى وضعها استقر ان شاءالله ننتظر بعد جسمها يستجيب للعلاج لو ما تكعد تعرف تدخل غيبووبة روح اطلع طمن اهلك كلبو المستشفى منا المرضى
مقتدى. الله يسلمك دكتور تمام طالعلهم وراجعلك.
طلعت والتمو علي هاا يمة راحت اختك كلي شبيها اطمني امي انتي اطمنو كدرنا نشغلة مرة ثانية واستقر وضع كلبها بعد ننتظر تكعد ونشوف انا لازم ادخل اشرف ع العلاج شوي واطلع لا اطلعون صوت لا يطردوكم
رجعت وجيكت الوضع وانطيتها العلاج وطلعنه
طمنت امي ورن موبايلي هلا يابة زيارة مقبولة
الاب. ها يابة شلونها اختك اتصل ع البيت ميردون
مقتدى. بوية ركعتين لابو الحسنين هدية طلع نور من الموت بعد ان سجلنه حتى وقت الوفاة
الاب. شلون شدتحجي انت
مقتدى. سولفتله شلون وشصار وحالت نور هسة 
الاب. دخيلك يا علي دخيلك يا امير المومنين مو كتلك يابه مو كتلك اختك ايمانها قوي بيهم ومراح يتركوها اهل البيت
مقتدى. والنعم منهم اي يابة اذا خلصتو تعالو لا تتاخرون بالي وياكم
الاب. راح نطلع هسة ان شاءالله
سديته منه ورحت اطمان على المرضى دخلت غرفة مهيمن شفت وضعه زين وبدة يصحة جيكت حالته وسالته اذا متوجت او شي حولته غرفة خاصة وبعد ساعة يسووله فحوصات حتى نطمان اكثر
طلعت بلغت الاهل وفرحو نقاته الغرفته وكعدت اساله ع الصار
مقتدى. الحمدلله ع سلامتك خوية شلونك متوجع
مهيمن. بتعب الله يسلمك وجع بايدي ورجلي وشوي بطني ودوخة
مقتدى. انطيتك مسكن شوي ويهدء وراح نسوي فحوصات ونتاكد ماكو شي حتى يدخلون الاهل
مهيمن. نور وينها وشلونها بيها شي
مقتدى. بالعناية حالتها خطرة وما مستقرة لان عدها اصابات خطرة وهسة استقر وضعها منتظريها تكعد
مهيمن. مقتدى مداتضم علي
مقتدى. لا هاي وضعها بالتفصيل اي مهيمن شصار وياكم
مهيمن. عدل روحة بمساعدة مقتدى.  طلعنة ورحنه للشط منن رجعنه جاي نمشي دست بريك ردنه نوكف للسنتر البريك ما يشتغل والتايرات بدن ينزلن نور كالت روح طريق ما بيه ناس حتى لا يتاذى احد بسببنه وانا ادخل من مكان المكان صرنا بطريق البساتين ونشوف سيارة تمشي ورانة بعدين ردنا سلاح شي حتى اذا اجونة ندافع ملكينه جان يرمون ع واحد من التايرات ونكلبت بينه السيارة
مقتدى.  اي هذول عصابة مترصدين مهند بس لا تحجي كدام الاهل لان ميدرون بس ابوي يدري وتدري نور مضروبة طلقة بكلبها
مهيمن. احس من كالها كان صاوبني بكلبي هم وهسة شلونها
مقتدى. تحت رحمة ربك يلا اجه الممرض راح يسورلك فحوصات وحتى نتاكد من وضعك
مهيمن. اجه الممرض نقلوني الغرفة فحوصات اخذو دم وسونار واشعة ورجعت للغرفة اجه مقتدى متعجب
مقتدى. سوينا الفحوصات ورحت وراهم استلمت الفحوصات ورحت الغرفته قريتهن اتعجبت مهيمن صحتك تمام وكلش زين بس لازم تضل 3 ايام هنا نراقب الوضع واكو شغلة بعد
مهيمن. شكو خوية احجي شبيك مصدوم
مقتدى. والله الصراحة حالة نادرة هاي انت هم جنت تعطش هواي تشرب مي وراها بسرة تنحصر
مهيمن.  اي ليش اكو شي
مقتدى. الصراحة بالسونار لكينة عندك كلة ثالثة يعني جهتك اليمنه بيها كلتين وهاي حالة نادرة
مهيمن. شنو زين اكو خطورة علي او شي
مقتدى. لا عادي بس لازم تنتبه متحاول تنضرب بجهتك اليمين
مهيمن. ان شاءالله
مقتدى. هسة ريح وراح ادخل الاهل عليك بس لا تعب نفسك
طلعت بلغت اهلي ودخلو، ،،،،

________________
الى اللقاء