رواية احفاد ال رحيم الفصل الخامس وستون 65 - بقلم سـيـريـوس | Sirius ✨

يالمبشر
متى المكصوص جنحه يطولن اكصار
ومتى الوكت التراده يبذل اطواره
ومتى العايش غريب ايأمن ابداره
يا لمبشر ممحله الروح
غيمك عزت امطاره
وچثيره الما يهزهه الضيم
جن اكلوبها حجاره

عريان السيد خلف

,,,,,,

مقتدى. شنو نور ماكعدت

مومل. مادري من كعدنه هية ماكو

مهند. سيلين نور نايمة

سيلين لا ماكو فوك حسبالي جوة

ام نور. لا ماكو جوة يمة بنيتي جا انتم ماتدرون وينها

مقتدى. اهدي يمة رايح ادورها

مهند. انا وياك كمنه دورنه البيت كله ماكو

سيلين حتى بالحديقة ماكو بس سياراتها موجودات

مومل. حتى تلفونها ماخذته خاف راحت البيت جدو

ابو نور. انا كاعد من 7 ماشفتها نزلت

مهيمن. جا وينها ليش ما نتصل عليها

مقتدى. اي هسة اتصل بدينه نتصل عليها ماكو ولا واخد ترد عليه

مهتدى. دخلتني نور للكروب مال الاخوة امس بالليل بس موتمن ما دخلته دزيتلهم كملو بهاي الطريقة اعرف نور وين وتريد تلتقي بس بموتمن لا تخافون وفهمتهم . شافو الرسالة وكل واحد دز كلام شي

موتمن. شنو اجاكم وهيج كلمن لازم تلفونه

مهند. انا جاي اتصل عليها

مقتدى. جاي اشوف كامرات البيت

مهتدى. انا بكامرات بيتنه

مهند. خرب تلفوني طفة مومل اتصل

مومل. ماكو رصيد خلص فتحت نت عليه بالغلط

مهتدى. موتمن اتصل

موتمن. عليكم ماترد علي ترد

مهتدى. دجرب هسة انت البنية ماندري صار شكد من طالعة

موتمن اتصلت ماردت

مهتدى. انا. رايح ابدل واجي

مقتدى. تعالو مني نبدل ونطلع ندور اول واخد بدل موتمن

مهتدى. موتمن مدام خلصت اتصل برا

موتمن. تمام. الصراحة خفت عليها خاف صار شي اتصلت مرة ماكو مرة ثانية جان تفتح خط. الو الو نور وينج

نور. اهه اهه

موتمن. وين انتي احجي شبيج

نور. موتمن عادي اطلب طلب واحد اول طلب واخر طلب اهه

موتمن. كولي

نور. عادي تجي بس انت ماريد احد من الولد ولا تكلهم بس انت تعال

موتمن. عادي بس ليش

نور. بعدين اكلك

موتمن. تمام بس انتي بخير

نور. اي

موتمن. وين انتي

نور. كاعدة ب،،،،

موتمن. تمام جاي

مقتدى. هااا وينها احجي

موتمن. تريدني بس انا

مومل. ليش شمعنه احجي موتمن بيها شي

موتمن. لا والله هية حلفتني وتريدني بس انا

مهتدى. تمام روح بس من نتصل بيك جاوب

موتمن تمام اخذت كوت من مقتدة بيدي وسويج سيارتي وطلعت رحت للعنوان الدازته كاعدة ع الشط بهلبرد نزلت قليل كلش ناس طالعة والدنيا تكص كص من البرد نور نور شبيج تبجين

نور. اهه اهه

موتمن كومي امشي بالسيارة باردة شوفي شصاير بيج من البرد كومتها للسيارة صعدتها وشغلت تدفئة ولزمت اديها ثلج يموتن ضليت افرك بيهن نور شبيج احجي ليش هيج حالتج وشوكت طلعتي لليش ماتردين

نور. موتمن تعبت انا تعبت تعبانه

موتمن. يخسي التعب بيه ولا بيج كولي من شنو

نور من كلشي كلشي تعبني الا متى وانا اشوف نضرة ابخوف والقلق بعيونهم علي الى متى هاا انت الوحيد الما شفت هاي النظرة بعينك ادري انا ما اهمك ولا حاسبني اختك لذلك انا جاي احجيلك لان ادري ماراح تحبني ولا راح تخاف علي ولا تهتملي

موتمن. منو كال هيج هاا منو كال ما احبجولا اعزج ولج تعرفين شنو واحد 28سنة يتمنة عنده اخت اي هذا انا جنت اتحصر ع الولد واضوج من اشوفهم شلون يعاملونكم واحنه محرومين من هلشي بس انا اخ مني انا بية طبع خ،،، ماحب اتعامل مثل البقية احب اكون مميز بكلشي

نور. اهه اهه جذب هيج تكول لان شفتني بهاي حالتي كافي تتعاطفون وياي

موتمن. لا والله وروح ابوي لا نور والله احبج واعزج وانتي احسن اخت تدرين من عرفت جان بودي اخذج واطير بيج بمكان محد بيه وادللج بطر يقتي

نور. 😢😢

موتمن. شو مسحي هلعيون صارن طماطة هنة والخشم من الدموع اييع هاي دموع لو،،،

نور. هاا رجعنه

موتمن. لا يلا يلا

نور. ☺️☺️

موتمن. نور عادي ارد هذول حركوني حرك

نور. اي رد بس لا تكلهم شي كلهم تريد تكعد بحدها وتفكر وماتريدكم ينشغل بالكم عليها وبس ترتاح ترجع

موتمن. تمام. هااا مقتدى. مابيها شي والله

مقتدى. موتمن جا ليش ردت بس عليك هاا

موتمن. ماتريد احد تحبة وياها تريد واحد تكرها حتى تغلط عدل

مقتدى. مو وكت سخافتك نور وينها

موتمن. يابة والله مابيها شي وروح اليوم مانجي بكيفنه يلا يلا مدخل روحة بكلشي

نور لا خطية

موتمن. اموت بكلبج الطيب وين تردين ترحين انتي متريكة

نور. تو ماريد اكل بس بردانة

موتمن. امشي اعرف مطعم يسوي ريوكات ومشروبات ساخنه يموت امشي اليوم كله بس الي

نور. هههه جاي يتصل مقتدى

موتمن. عوفيه يولي

نور. لا خطية تدري مقتدى ميعرف الا يسمع صوتي الصبح يلا يرتاح.

موتمن. ردي عليه

نور. هلا خيو

مقتدى. هلا نور وينج بيج شي ليش طالعة جاوبيني

نور. ماكو شي لا تخاف كعدت الصبح مزاجي مو شي طلعت اتمشة وتلفوني صامت ومن جاي اشوف الوقت شفت موتمن يتصل

مقتدى. صدك جذب غير تكولين ليش تكولين وتتفقين وي مهتدى تدرين الف فكرة بالي وهذا مهند راح باله بعيد ضل ينطي الوان

نور. لا مابيه شي سودة علي خوفتكم

مقتدى. اسم الله عليج دربالج ع روحج وخلي هذا الافندي يدير باله عليج مسوي بيها الاخ الحنون احنه رايحين البيت جدو تعالو هناك

نور. هههه تمام

رحنه مطعم دخلنه دافي طلبنه شي حار وكرواسون بعدها رحنه نفتر بالسيارة صار وكت الغدا رحنه مطعم نتغدا وراها اخذني للمول

نور. مدام هنا خلي ناخذ شنو تحتاج للغرفة

موتمن. لا اليوم بس الج اريد اخذلج ع ذوقي

اخذي كم لبسة للبيت واوفرات وملابس وانا اشتريتله هم بعدها كعدنا نشرب شي صار ليل رحنه تعشينة ورحنا مدينه العاب لعبة واشترينه كم شغلة للبيبي وجابلي نفاخ وذرة

نور. شكرا موتمن هذا من احلى ايامي شكرا ع كلشي

موتمن. العفو بس عادي تنجبين هذا جزء بسيط من دلالي الج وصح خلص طابق مالكم اليوم مقتدى مرتب كلشي وهم بيت جدج

نور. ربي انطيتني اخ واحد وعوضتني بخمسة اللهم احفظهم بعينك التي لا تنام وارزقهم السعادة والخير والصحة

موتمن. فدوة للدعاوي بس تدرين انا بسببج اليوم راح اتعاقب من كل الجهات

نور. ليش

موتمن. انتي ماتدرين جم خزرة اخذت من رديتي علي هاي من غير ازهار اذا عرفت

نور. ازهار فقيرة انت شيطان كلشي تسوي بعدين منو يجرا يسويلك شي وانا موجودة

موتمن. والله وكفو يلا خلصن فلوسج امشي نروح للبيت

نور. تمام بس اليسالك كله ضايجة وطالعة وتلفونها صامت وانا حبيت اغيرلها جو فطلعتها اوك

موتمن. يبعد الاوكيات كلهن رحنة وصلنه للبيت كلها تبوس بيها ومقتدى ومهند ومومل ومهتدى بس يخزرون

موتمن. الحمدلله والشكر شبيكم عيونكم راح تطلع من الخزرة

الجد. وين جنتم بابا نور كالو طالعة وماندري بيها

نور. منو كال جدو

الجد. الولد

نور. جدو ردنا نطلع طلعة اخوية بدونهم اصلا يدرون بس همة كبروها

الجد. اهم شي اتونستي

نور. كلش ماتوقعت راح اتونس وياه الهاي المرحلة طلع شخصية نور الماشايفها احد ودللني دلال

الشباب. الله يدوم 😒

رحت كعدت بين مقتدى ومهتدى.

مهتدى. بهمس. هاا شلونها

نور. قبل ماتبدي بلش الاخ بس طاحن دموع هواي وخسر فلوس هواي

مهتدى. احلفي

نور. والله اشترالي شكد اشياء من نروح راح تشوف.

مقتدى. نور كمل الفوك كلها وكلشي تمام تصعدين تشوفين

نور. اي

مقتدى. يلا

ابو نور. وين رايحين

نور. اصعد اشوف الفوك

الشباب. نجي وياج

موتمن. ادري عزيمة مو جنتو كاعدين ما شفتوه لو الا وياها

الكل. ههههههه

مقتدى ومومل ومهند ومهتدى. 😡😡😡

نور. اباوع وحابسة الضحكة الصفة المشتركة بيهم الغيرة اعتقد بسبب حليب الوالدة

نور. امشو

العمة. صعدت الغيرة ايدي ع كلبي بس لا يطيح علينه واحد من فوك

الجد. هههه خليهم يتونسون

نور صعدت احنه تصميم البيت الدرج يصير بالنص ومسكر يعني من نصعد من الارضي للطابق الفوكة الدرج صاير بالنص ومن الامام بس من الطابق الاول للطابق الثاني مالنه يصير حلزوني مكمل للجوة المهم صعدنه. نور. بالاول اريد اشوف جناح مقتدى

مقتدى. تفضلي حبيبتي وخلاني جوة ايده حضني ودخلني شوفنياه كامل.

نور. ما شاءالله كلش حلو ماتوقعت نفس التصميم راح يصير مقتدى ديكورة بالبداية الغرفة ومن الغرفة مسوي ممر يودي للحمام من اليمنه وغرفة ملابس يسرة بعدين يلاكيه بابين واحد مكتب واحد غرفة بلكونه

مقتدى. اي كلش شاطر مهندس الديكور سواه احلى بعد

الشباب ما شاءالله عاش ذوقك

مقتدى. هذا ذوق نونايتي

نور. وذوقك هم يلا امشي نشوف جناح مومل

مومل. هلا بنورها وسورها اكيد راح تنوريني ونورين جناحي من الصبح كاعد واكول اظلم

نور. متت ضحك يحجي ويسوي حركات يغوررهم

دخلنه كلش حلو مسويه. ديكوره بالنص الغرفة من يسار الغرفة اكو غرفة ملابس وحمام ومن يمين بلكونه ومكتب مومل الغرفة تبجي ع البالي

مومل. ما ضل شي بس اتخرج خطبة وراها باسبوع اعرس ماطول

الكل. خهههههه

مهند. اي نوارة هسة نروح الجناحج

نور. تنوروه. تصميم غرفتي غرفة من ندخلها ع اليمنه جرباية وكعدة ومن اليسرة اكو باب بيه ممر صاير الباب بنص الحايط ممر طويل من جهة اليمنه بابين حمام والمكتب الحمام كلش جبير وغرفة المكتب هم جبيرة على اليسرة غرفة الملابس طويلة كلش بنهاية الممر اكو باب يودي الغرفة البلكونة مخليتلكم صور التصميم

مهتدى نور. عاشت ايدج كله جمال ما شاءالله

مهند نور. ذوقج يجنن مهندسة اسم ع مسمة

مومل. اي من زمان تحب تصمم هية

مهتدى. نور غرفتج عالمية تحس من تدخللها جاي تفر العالم والعصور

مقتدى. صح غرفتها تصميم فكتوري تحس البلكونة تصميم اوربي مازجة بين الحديث والقديم

نور. شكرا يلا ننزل مومل. ماتصعد فوك ابد منا لمن ننتقل كلنه

مومل. هو اصلا حالف مااصعد اذا مو رجلي ع رجلج

موتمن. هذن الغرفتين شنو

مقتدى. هاي مو غرفتين وحدة مطبخ ايطالي مفتوح بس نكدر نسدة ونفتحه مخلي بيه ثلاجة وشغلات كهوة عصاير خلاط مال سرعة غلاية وهذيج غرفة صغيرة ننجمع بيها بيها تلفزيون وميز لبلي وهاي سوالف

نور. حلو امشو ننزل نزلنه

الجد. ها بابا شلونه

نور. جدو كلش حلو ماتوقعت هيج يصير من اختاريت الالوان والتصميم

ابو نور. اي بابا حاولو تنقلون الشغلات التردوها الغرفكم والماتردوها الينذب ينذب والتتبرعون بيه اتبرعو مادام نورة ماملتزمة بدوام ومقتدى وكت فراغك انقل غراضك حتى خطيبتك هم تنقل لا تتخردلون قبل العرس

نور. اي بابا انا غرفتي جديدة اكو عائلة اعرفهم فقرة وابنهم ع وجه زواج هو المعين الوحيد لاهله راح اتبرع اله بالغرفة وعدهم بنية تدرس هم انطيها الجرباية الثانية وميز الدراسة وميز الفردي والقنفة بس ميز الرسم الهندسي والمرجوحات اخذهن وحدة بالمكتب وحدة بالبلكونه

مقتدى. انا هم اتبرع بيهم العائلة اعرفها وحتى مالت مومل

الجد. نور. وغرفتج القديمة شراح تسوينها

نور. جدو غرفتي نسويها مثل غرفة كعده يعني ننجمع بيها نشوف فلم العاب يعني تبقة غرفة اخوية ناخذ راحتنه بيها وسيلين تبقة غرفتها كما هية حتى لو تزوجت وخلي مهند ياخذ غرفة مقتدى وهية اصلا بيها حمام داخلي بس يفتح باب ع الغرفة البصفه الفارغة وشنو يحب يسويها يسويها وغرفته القديمة يخليها الجود غرفة اطفال

الجد. براحتكم بابا انا كتلكم الطابق الولد محمد الولد ثنينهم والبنية والفوكها الكم ولد اثنين وبنية حتى من تزوجون عدكم غرفكم تكفيكم

طلعنه للبيت ومنا بدت تصفية ونقلت الغرف بدينا بالبداية بغرفة مقتدى بعدها غرفتي قفلناهن وبلشنة نجهز للبنات للعرس مومل غرفته من يخلص امتحانات لان بدا ومشت الايام نكمل جهازهن طلبنه كم شغلة طلب واشترينه بيت ابو غسان الخالي وربع المستشفى اليوم اخر يوم امتحان واليوم يوصلون بيت خالي ملتمين كلنه بيت جدو مسوين غدا ومنتظرين مقتدى راح يجيبهم من المطار والولد هسة اجو من الدوام

مهيمن. مومل شنو هلنشاط اليوم كلمرة من نجي من الامتحان بالكوة تاكل

مومل. نمت عدل امس

نور. شوية وسمعنة صوت سيارة يمكن وصلو جنت لابسة تراك شنوي طويل ومخلية كبوس ع راسي طلعو الولد شوية ودخلو

الخال. سلام عليكم

الكل. وعليكم السلام وتحمدولهم السلامة

جوليان. عمة نول

نور. يا روحها واجه يركض شلته وشبكته بوسته هلا يروح عمة وكلبة

جوجو. عمة بعد راح نضل انا

نور. اي حبيبي

جوجو. احبج عمة

نور. اموت بيك

جاد. شلونج نوارتي تعاي هنا

نور. رحت يمة الحمدلله بشوفتكم زينه

جاد. بهمس طلعو عندج خوان جدد

نور. ههه اي وشلون اخوان يخبلون

جاد. اذا ماخبلتهم بس اصبريلي هو هذول مافاكين مني وهذوليج اسودنهم

نور. بس اهم شي بلا زعل لان عدك اثنين غيرتهم تموت كلش مومل وموتمن واثنينهم نفس الاختصاص

جاد. ههههه اذا ما اوكف كلوبهم شوفي شلون يباوعون

رفعت راسي مقتدى ومهند ومهتدى ومومل وموتمن. خازرين بس موتمن ومومل مبينه اكثر ضحك جاد بصوت عالي

مقتدى. اي جاد شلون الوضع،

الكل. ضحك ههههههه

مومل. ع شنو الضحك

الجد. كافي بطلوها للغيرة

كمنه تغدينه وخلصنه كاعدين

مقتدى. خالو البيت ماثث من كل نواحية وجديد بس اغراضكم ناقصة

الخال. اي وليدي رحم الله والديك احنه نشوف شنو نعدل عليه وهم الغراض باجر يوصلن

الجد ليش مانفتح باب ع البيوت ال3

الخال يابيوت

الجد. مو بيتك بصف بيت ام مهتدى وبصفهم بيت ابو مقتدى احمد

الخال. ها. براحتك حجي احنه اهل وهم تسهل النه الطبة والطلعة بدل ما نفتر

الجد. جا ولدي باجرسووه قبل العرس وهم يسهل للبنيات الروحة

راحو بيت خالو البيتهم وبيت عمة هم انا وسيلين بدينه ننقل غراض مومل لليل خلصنه غرفة مقتدى ومومل خليناهن هسة مثل ما هنة من يخلص العرس نتبرع بيهن لان هسة جاي يجون ناس بس غرفتي فتحناها لان انا خلصت اول شي وتبرعت بيهن ااناس فرحو ودعو شكد وعرس ابنهم بعد شهر سوينه الغرفة جهة ديوان وبالنص كرة منضدة وبليارد ويم الشباك ميز وكراسي والجهة اليم الحايط تلفزيون جبير وكراسي للعب بس حاليا لا البلياردو ولا كرة المنضدة موجودة غراض يجيبوهن ورا العرس رتبنه كلشي وكاعدين بالليل سوالف بنات وعناية وتنظيف حجزنا صالون وبدلات رحنة انا وسيلين وعمة ومرت جاد ميليسا اجه يوم الحنه احنه سوينه الحنه قبل العرس بيوم لان الولد حنتهم باجر وراها العرس اليوم حنت البنات اتفقنه خوات رسل وامهن وبيت ام ازهار وام سمارا يجون يكعدون بيتنه لان نريد نلتهم البنات كلنه سوة بيتنه واهلهم بيت خالو رحنه للصالون انا اخذت رسل وسيلين ومرينه ع ازهار وميليسا رحنة بالجي مالتي وجولي اخذت عمة وريان وليان وسمارا بالبي ام مالتي احنه كلنا نفس الصالون دخلنه احنه بالاول حاجزين VIP لسيلين ورسل وميليسا لان رسل حامل وسيلين حتى ترتاح وانا وي البنات عادي لان هية حنه مو عرس حتى احجز. رحت يم البنات اختارن المكياج والتسريحة بدت بيهن وخليت عمة جوة يم البنات وكلساع جايبتلهن شي لا يصير عدهن هبوط رسل وسيلين لان رسل حامل وسيلين متوترة وصل سراي نزلت ع مخلصولي صعدت لكيتهن مخلصات وسيلين طالعة لعابة

نور. اللهم صل ع محمد وال محمد شنو هاي زوجات اخي ليش هيج مو اخوتي اريدنهم ليش ناوياتلهم الجلطة وانتي عروستنه شنو لعابة عمة سويلهن شي لا يموعن من العيون

ام الصالون. حقج والله الله يحفظهن انتم كلكم حلوين

العمة. اي يعمة هلماخليت شي ما حافظته ما قريته الله اليحرسجن ادور جنتي حامل بتوم وين اضمها

سيلين. انتن حلوات اكيد نطلع عليجن

ام الصالون يلا عروس لبسي بدلتج

نور. امشي اساعدج وانتن بدلن هناك وكلجن تغطن وجهجن ما يطلع شي منجن هاي اوامر عليا نزلت اخذت سيلين لبست بدلتها

غطيناها زين لفيناها لف وصعدتها بالصدر وميليسا وازهار ورسل ورا كعدت بعد ما لفن نفسهن لف حتى الوجه غطنه انا وجولي لبسنه كاب وشال ومناظر لان نسوق ورجعنه للبيت سوينه الحنه بالصالة الجبيرة دخلت انا وعمة وي سيلين فوك صعدناها بغرفتي القديمة كعدناها ورتبناها والبنات بدن يبدلن لبسنه كلنا اخضر

ميليسا لبست

جولي

ريان

ليان

سمارا

رسل

ازهار

نور لبست

عدلنه نفسنه شغلنه دخولية سيلين نزلت بالبداية واحنه وراها وبدت الهلاهل واشتعل الجو بالركص واباوع اكو كم مرة تباوعلي وتبسبس شوية ورحت كعدت يم سيلين

نور. سيلين هاي منو تعرفيها

سيلين. اقارب جدو من غير محافظة ليش

نور. بس تبسبس وتباوعلي

سيلين خاف معجبين

نور. لا وين

شوية واتصلي مقتدى راح يدخل

نور. اتسترو حبايب العريس راح يدخل لبسن ودخل مقتدى لابس دشداشة طالع يموت قريت الفلق بكلبي من عيون النسوان هوسناله جرتني عمتي

العمة. عمة نور صعدي بدلي بدلتج ونزلي قبل لا تبدي مراسم الحنه

نور. عمة ليش بيها شي

العمة. مثل ماكتلج بسرعة بعدين نتناقش الخاطر اخوج

نور. تمام عمة ضجت بس همزين جنت جايبة اكثر من بدلة لبست

ونزلت ها عمة

العمة. تخبلين شنو تلبسين حلو

رحت بدو مراسم الحنه وحناها وجان جايب ليرة ذهب خلاها الها وشداها بعدين اجت عمة حنت اصبعه وخلت كلنسة وكامو ركصو سلو بعدها كعدو ومقتدى طلع ركصنا وصورنا ورا ساعة كومنه سيلين تبدل لبست

اتصل بيه مهند.

مهند. نوارة سوي درب مقتدى يدخل وراها دخوليتنه صح

نور. تمام.

بنات البسو فقرة دخول العريس الخواته

شغلنه اغنية اليوم حنة الغالي وكفنا بالنص انا وجولي وتلكيناه ركص خلصت الاغنية صعدت بدلت لبست

لان راح يدخل مهيمن ماكدر جسمي طالع
دخلنه انا ومهند ومومل ومهيمن ع اغنية خياي

خياي زلمه ومو حچي!

خياي يالمبچي البچي

كشاخ بيك من ارد اهد

والعال باسمك ينحصد

تچايتي وصلعي الصدگ

لو دار وكتي وياي

هذا عيوني وضوه عيوني

هذا الماترك ربعه

هذا الزلمه واخو خيته

لو هد محد يرجعه

خياي بي طبع النهر

خياي صافي وماغدر

ياحوك فدوه ليمنتك

الماز تلمع غيرتك

الروح ترخص للاخو

صدگ واحسها شواي

هذا حزامي وگدامي

محد ماعرف طبعه

هذا الغالي هذا العالي

انه حبيبه وضلعه

خياي زلمه ومو حچي!

خياي يالمبچي البچي

كشاخ بيك من ارد اهد

والعال باسمك ينحصد

لو دار وكتي وياي

خياي صاحب مايزل

خياي غازلهم غزل

خياي يحزام الظهر

لو لاك مايوصل خبر

شيال حملي لو وگع

تسوه المشه والجاي

هذ النشمي هذا ابن امي

هذا المايرد واحد

الك دمي والك روحي

والله بخوتي شاهد

خياي زلمه ومو حچي!

خياي يالمبچي البچي

كشاخ بيك من ارد اهد

والعال باسمك ينحصد

لو دار وكتي وياي

ونتمايل وي الاغنية سلمو عليها ونزلو ركصو شوية وراحو ومقتدى طلع هم بدينا نوزع للمعازيم واسمعهن يبسبسن واكو بيهن يحجن علي سمعت وحدة تكول اي هاي اخت العريس المطلكة. وحدة تكول يا فلك مو عيب تدخل وي ولد عمها مصلخة وكلام هواي العصبية صعدت للستار عندي شفت رسل تريد توزع

نور. كعدي انتي مال هيج

رسل. اساعدج

نور. تعاي كعدي يم سيلين سيلين ليلتج سودة اذا كامت

سيلين. تمام خليها يمي

ذبيت عصبيتي بالتوزيع وبين ع وجهي كملت الحفلة طلعو المعازيم اليطلعون احنه اخذنا سيلين ورحنه البيتنه الولد بيت خالي والبيت بقو بيه المعازيم الجايين محافظات جابو الولد عشا سفري هناك بالبيت ماما وعماتي ومرت خالي وام سامي وبناتها احنه رحنه للبيت صورنه وبدلنه ملابسنة صارت ب11 لبسنة بجايم كلنه

ثخين بس سيلين لبست

سيلين شبيج نور مو على بعضج

نور. ماكو شي لا تفكرين

رسل. لا مبين اكو شي من رحتي توزعين وي البنات تغيرت احوالج

نور. ماكو شي يتهيئلكم

حولي. خاف احد سمعج حجي

نور. لا

نمنه ثاني يوم حفلة حنة مقتدى واحنه سوينة حفلة توديع العزوبية خلص اليوم من التعب كلها نامت ع وكت كعدنا ثاني يوم بدلنه احنن البنات حتى نروح للصالون رحنة بالبداية البيت جدو هوسة وكعدو يتريكون صعدت الغرفتي تريكت كورنفلكس اتصل مقتدى

مقتدى. صباح الخير نوارتي

نور. يا صباح الخير يا احلى عريس

مقتدى. رحتن لو بعد

نور. لا بعد

مقتدى. منو ياخذجن

نور. مثل الحنة بسياراتي بس بالرجعة لازم تجي انت تاخذ عروستك

مقتدى. تمام جا من نرجع احنه نصور لازم احد ويانه

نور. اضل تريد لان جولي هية مستلمة سيارتي الثانية

مقتدى. تمام جا اجيب وياي جاد ياخذ سيارتج ويوصل البنات وانتي تجين ويانه لان سيارتي يسوقها مومل.

نور. تمام خلصت نزلت. يلا بنات تاخرنة هلمرة جيبن بدلاتجن وياجن لان انا اروح وياهم للتصوير ومناك نجي للقاعة نسوي جلسة تصوير ثانية

البنات. تمام

نور. رسل راح يرجعكم جاد بسيارتي انتي وميليسا

رسل. تمام

نور. رحنة هلمرة انا ورسل وسيلين وميليسا VIP حجزنا والبقية عادي بدت بينه وحدة ورا الثانية طلعنه نجنن ساعدنه سيلين تلبس بدلتها. لبست

وانا لبست

ورسل لبست

ميليسا لبست

ازهار لبست

جول

ي لبست