احفاد ال رحيم الفصل السابع وسبعون 77 - بقلم سيريوس

ضِحكتك حِيل حُلوة
منيلَك هاي؟
أشو ضِحكات أهَلنا
توجِع الرأس؟
أغار مِن الخـيَال اليِمشي وَياك
وصِرت مَجنون
أفكِر خاف تِنجاس
وبَعد لا تِمشي وَحدك
لا يخُطفوك!
أنه وي خَيالي نصَير حُراس..؟!

،،،،،،،،

الدكتورة. الحمدلله ع سلامتها عدت العملية ع خير المريضة زينه والف الف مبروك دكتور وجابتلكم احلى طفلين ولد وبنية وراح نحولهم للخدج لان تعبو بالولادة بعدها عرضوهم ع دكتور اطفال حتى نتاكد من صحتهم والمريضة هسة نطلعها الغرفتها وتطمنون ع الماما

مهتدى. الحمدلله والشكر شكرا دكتورة

طلعو رسل الغرفتها قبلها احنه زيناها الها

شبيه الهذا بس ورد اكثر طلعوها الغرفتها دخلنه نطمن عليها لان مو بنج عام

مهتدى. الحمدلله ع السلامة حبيبتي

رسل. الله يسلمك وينهم

مهتدى. اخذوهم يفحصوهم

الكل اتحمدلها السلامة

رسل. مهتدى جيبهم

مهتدى. رايح تعاي نور وياي

نور. تمام رحنه الغرفة الخدج لكينه الممرضات جاي اطلعونهم

مهتدى. عفوا هذول جهالي وين ماخذينهم

الممرضة. اهلا دكتور ماخذينهم للفحص اذا تحبون تعالو

مهتدى. اي امشو

اخذناهم للدكتور فحصهم كلش وضعهم زين اخذناهم للغرفة دخلنه

الكل. اللهم صل ع محمد وال محمد

مهتدى. نور احنه ع الوعد اول شخص يشيلهم انتي

نور. لا حبيبي انتم اهلهم اولى او خلي عمة بعدين انا اخاف اطيحهم كلش ناعمين

رسل. لا انتي اتشيليهم

نور. والله اخاف شوفي ناعمين

العمة. تعاي يمة انا اساعدج

اجت عمة شالت مرتضى خلته بايدي بسم الله بسته من راسه فوك الملابس وانطيته الرسل بعدها عمة شالت مسرة هم شلتها بستها وانطيتها المهتدى

العمة. يمة انطوهم للحجي ياذن باذنهم وينطق اسمهم

شالهم مهتدى انطه مرتضى بالاول اذن جدو باذنه وباسه وانطاه العمة بعدها شال مسرة اذن باذنها واخذتها ام رسل منه

الجد. الف مبروك الله يخليهم الكم ويحمينم من كل شر ويجعلهم بارين بيكم

مهتدى. شكرا جدي

العمة بلا زحمة عليكم لازم ترضعهم

الجد. اي يابة تعالو نطلع خلي تاخذ راحتها

طلعنه شوية واجت الدكتورة دخلت فحصتها وطلعت

الدكتورة الحمدلله صحتهم تمام وانطيتها مسكن لان عدها الم هية اليوم تضل هنا وباجر ان شاءالله الخروجية مالتها فماكو داعي تبقون كلكم بس مرافقين يبقون طلعت عمتي وام رسل

مهتدى. يمة يكولون بس 2 يبقون وياها

العمة. اي يمة انا ابقة وي بنيتي

ام رسل. انا هم

نور. خالة روحي انتي انا ابقة وياها ماعندي شي انتي البنات وحدهن بالبيت

مهتدى. صح عمة روحي وباجر مو تطلع للبيت انتي والبنات تعالن يمها وشكد ماتردون تضلون ضلو البيت بيتكم

ام رسل. بكيفكم يمة وصح بنياتي ماكدر اخليهن ابحدهن

نور. رحت يم مهند ومقتدى. مهند خوية اعذرني بس اليوم ابقة يم رسل خطية عمتي ماتكدر وحدها وهية عملية مقتدى خلي جود اليوم يم سيلين

مهند. لا خوية شبيج ليش تعتذرين حقج وبعدين هذا السويتيه يرفع الراس اصلا وواجب علينه تجاه اخونه نوكف وياه. لا تهتمين

مقتدى. معليج امني جود اليوم ينام يمنه واخليه بوسط عيوني

نور. الله يخليكم الي ولا يحرمني منكم

مقتدى. هذا مفتاح غرفتي شنو تردين تلكين بيها خاف تحتاجون شي حتى نمنميات

مهتدى. هاا شباب شبيكم

مهند. ههه المخبلة توصينه ع ابني شايف بالله

مهتدى. شبكتها هاي من قلبها الطيب نوارة رايح اجيب عشة واجي تردين شي انا اصلا راح ابقة هنا راح امر ع البيت اجيب مفتاح الغرفة

مقتدى. ليش تعب نفسك وتروح مفتاح غرفتي عند نور اخذه واكعد بيها

مهتدى. مشكور خيو يلا نوارة رايح

نور. الله وياك راحو رحت دخلت يمها

العمة. يمة راح نتعبج ويانه

نور. شنو هذا الحجي عمة مو اختهم انا وهذا واجبي وحقهم علي بعدين اكو احلى من واحد يكابله اميرين

العمة هههه هسة بعدهم انطيهم ساعة ساعتين يصيرون شياطين بعد نودع النوم

ههههههه

اجه مهتدى جايب مشاوي وعصير اكلت رسل شوية ونامت خلصنه لمينه الاكل

مهتدى. يمة رايح بغرفة مقتدى. اذا تردون شي اتصلو علي لان ماكدر ابقة هنا

العمة. اي يمة اخذ راحتك طلعو نامت عمتي راسلت سيلين اطمنت جود يمها بجة مرتضى شلته اسكت بيه ما سكت كعدت رسل رضعته بجت مسرة هههه هذول منبهين سوة

رسل غير توم كعدت عمة

العمة. ها يمة شبيهم

نور. عمة جوعانين وجاي ترضع رضاوي وكعدت سراوي

العمة انطينياها اسكتها وضلينه لل 5 يلا نامو نسكت واحد يكعد واحد عمة صلت ونامت ورسل نامو انا بقيت كاعدة صارت ب6 اجه مهتدى.

مهتدى. صباح الخير

نور. صباح النور

مهتدى. شبيه وجهج وعيونج

نور. لان مانايمة مابيه شي

مهتدى. جا ليش مانمتي

نور. هههه جهالك واحد يكعد يكعد وياه الثاني نوم واحد ع ماتخلص رضاعة الثاني كعد ذاك قبل ساعة نامن خطية

مهتدى. ههههه معناتها تكليلي دورلك لجوء

نور طلعنة من الغرفة كعدنه برا. والله شكلها هيج لان سامعة من امي الطفل ورا الاربعين يلا يستقر وضعه بعد انت وحضك

مهتدى. الله كريم جوعانه اجيبلج شي

نور. كهوة اذا اكو

مهتدى. لا راح اجيبلج جاي كرك وكرواسون ع مايكعدن نتريك

نور. براحتك راح ودخلت شفتهم نايمين طلعت جاب اكلنه شوي وسمعت صوتهم كعدو دخلنه فزت رسل انطيتها رضعتهم كعدت عمة بدلت ملابسهم

العمة. يمة رسل ماتكدر عليهم اثنينهم شوفلك دكتور خلي يكتبلك خليب مساعد الهم

مهتدى. ميخالف ب8ونص يجون واسالهم. رايح اجيبلكم ريوك

راح جاب كيمر واجبان وعسل وزيتون واشكال اكلت شوية لان قبل شوية ماكلة وهم خلصو اجت الدكتورة

الدكتورة. لا وضعها تمام هاي علاجاتها وتكدرون اطلعوها

مهتدى. شكرا دكتورة

نور. مهتدى بلغهم لا يجون لان مقتدى كال الصبح نجي

مهتدى. اي راح اتصللهم واشوف دكتور يكتبلهم حليب

طلع شوية واجه جايب حليب ومميات الهم لمينة الغراض وانا شلت رضاوي وعمتي شالت سراوي وهو ساعد رسل تكوم رحنه للسيارة صعد رسل وكعدت يمها ورا وعمتي كعدت كدام رحنة للبيت بيتهم لكينه الكل هناك ومسوين استقبال للاطفال ومزينين البيت وموتمن محظر خروفين بالباب ذبحوهن السلامتهم ودخلنه جوة دخلناها الغرفتهم هم جبيرة حيل وهم مزينيها وورد وجرابي البيبي خليناهم بمكانهم وطلعنه من يمهم لان الاطفال نايمين وهم بالصالة مخلليلها جرباية بس دخلناها غرفتها حتى تبدل طلعت غسلت

نور. ريان ليان عا دي تجون شوية

ريان وين

نور. نروح نبدل الرسل

البنات يلا واجت ويانة ازهار

نور رسل ترحين للحمام تبدلين ونرتب شكلج

رسل. ياريت والله

اخذناها بدلت وسوينه شعرها وخلينه شوي مكياج خفيف الها وسوينه شالها وطلعناها للغرفة. ارتاحي ونامي واحنه يم البيبي انتي مانمتي

نور. رسل انا راح اروح للبيت اسبح وانام والعصر اجيج

رسل. اخذي راحتج اصلا تعبتي ومانمتي الليل كله شكرا نور

نور. انجبي مع احتراماتي للعمر انتي اختي ومهداوي اخوي اوك يلا باي بوست الجهال ماينطيني كلبي اعوفكم بس هم عندي غيركم

البنات. هههه طلعنه

العمة. وين جنتن

نور عمة ساعدنا جنتج تبدل وتنام لا تكعدوها خطية عود اذا بجو شربوهم حليب وانا رايحة للبيت اسبح وانام العصر اجيكم

العمة. براحتج يمة اصلا تعبتي انتي

نور. سوسو وين جود

سيلين. يم مهند ترا زعلان منج معلي

نور. ام المصايب حشيتو براسه اعرفكم انتي و رجلج الغيرة صعدت عدكم

الكل. ههههه

رحت للاستقبال كلها كاعدة موتمن مسوي ثواب رحت يم مهند ومقتدى

يمة حبيب عمته شبيه زعلان تعال. ماقبل يجيني وشبك ابوه

نور. جودي اميري شبيك عمتو

جود. ما اليدج

نور. يا ليش

جود. ما ابج 😢

نور. ولكم شمسويله ليش عمري مو انا اميرتك واحبك

جود. لا اتي ابين نونو مال امو متدى ما ابيني
يعني انتي تحبين النونو مال عمو مهتدى ماتحبيني

نور. لا والله انت اكثر واحد احبك انت وليدي واميري 😢 منو كلك ما احبك

جود. امة سوسو وامو متدى

نور. شبيكم صدك جذب اكو واحد يحجي هيج وي طفل مو يضل اباله مقتدى عود هذا انت الجبير

مهند. حيل بيهم لو تشوفين كعد عيونه مورمة وبس يبجي

مقتدى. عود ردناه ينام لان الليل كله يكول اريد امة سمسم لو امة نون

نور. تعال حبيبي يجذبون عليك جانو يلعبون وياك انا احبك بس انت ما احبهم همة بعدهم عنونين اخاف منهم بس انت احبك ما اخاف منك. اجه شبكني ويبجي

جود. انا ما ابهم

نور. لا خطية من يكبرون يصيرون اصدقائك ولعبهم

جود لا ابج بس اتي

نور. ميخالف تعال. نروح وانتم مو صوجكم صوج اليامن عدكم طفل هيج تسوون بيه باجر عكبة هم يصير عدكم اطفال شبيكم هااا عود انت الجبير. مخلي الولد دمعته ماتنشف ويشهك من البجي هي هاي الامانه الامنتها الك عود وصيتك عليه مشكور ماقصرت اخذته وطلعت للبيت

مقتدى. تعاي شبيج نشاقة

مهند. حيل بيكم الولد صار ساعتين بس يبجي

الجد. بالله هم عملة هاي مو يضل يكره عمته وجهال عمة واكول شبيه الولد شابك ابوه ويبجي

ابو نور. ديلا شنو استفاديتو من شقاكم هلزعلت اختك وجيب اليراضيها

مقتدى. رايح اشوفها. طلعت رحت للمطبخ احم احم

ام نور. تعال يمة

مقتدى. يمة وين نور

الام. طلعت من يمكم دمعتها بعينها وجود وياها شبيكم

مقتدى. زعلت مني انا وسيلين لان كلنا الجود عمة ماتحبك بعد حتى نومة بالليل

ام نور. يا هاي زعلت بعد شيراضيها انتم شلون تكولون هيج هل اشوف الولد يبجي راحت للبيت لان من مساع رادت تروح تسبح وتبدل بس رادت تشوف جود يلا

مقتدى. رايحلها

نور. كلش انقهرت شلون يكولون الطفل هيج ودموعي ضلت تنزل صعدنه للغرفة مالتي نزعت جبتي

جود. امة ايش ابجين

نور. لان احبك وانت ماتحبني

جود. لا امة لا ابجين انا ابج واييي

نور. خلاص بعد ما ابجي هاي مسحت دموعي جوعان

جود. وية. شوية

نور. يخسي الجوع رحت جبتله كيكة هاك اكلها وهاي باوع ع الفيديو اسبح واجي اوك

جود. اوتي

رحت اخذت ملابس بيت سبحت سريع وبدلت وطلعت لكيته بعده يباوع نشفت شعري ورحت يمة يلا كافي ما نعسان

جود. اي

نور. تعال نام اندك الباب

مقتدى. نور فتحي الباب اريد احجي وياج

نور. لا تحاول ما افتح وروح بعد لا تجي ولحد يكعدني تمام

دزيت رسالة المهند. هنودي راح انام وجود ونام هم خاف تريد تدخل للغرفة اكو نسخة من المفتاح عند ماما اخذها وافتح الباب لان المفتاح من جوة شلته

عمة جود اذا كعدت انت كعدني تمام

جود. تم

نمنه ساعة 11ب12 ونص كعد جود

نور. هااا حبيبي

جود امة اليد الوح يم بابا

نور. تمام اصبر بدلتله واتصلت بمهند. الو

مهند. ها خوية

نور. هنودي جود يريدك فدوة تعال اخذه ماكدر اجيبه اريد انام

مهند. ثواني اصلا انا جوة اجيت عود اشوفكم صاعدلج

كمت فتحت الباب جودي اجه بابا ياخذك

جود اوتي

نور. عمة انا راح انام شوية واجيكم انت صير عاقل ولا تشلع كلب بابا واذا وكلك لا توصخ ملابس تمام

جود تم ابج

وشبكني. يا روح نور دك الباب مهند

نور. ادخل خوية

مهند. ههههه سلبو راحتج جهالنه

نور. فدوة الضحكتهم عسل ع كلبي مهند لا تخليه يضوج منهم

مهند. لا ما اخليه انا اعرف اصرف وياه

نور. دربالك من الهتلية العدنا بالاخص الثلاثي مومل وموتمن ومهيمن هذول كارثة

مهند. لا تهتمين نامي وارتاحي وصح احنه بس يخلصون غدة نرجع بس ب5 نروح نوجبهم

نور. تمام جا ب4 كعدني فدوة

مهند. تمام يلا نامي وانت هتلي تعال

جود انا اميل واباب مو اتلي

ههههههههه وطلعو

رجعت نمت

مهند. اخذته ورحت الهم جاي يصبون غدة كعد يمي تقدمنه ناكل كعدنه كلنه سوة جاي اوكل بيه يحط ايدة جوة الخاشوكة خاف يطيح اكل وياكل ع كيف معلمتة نور

مومل. جود خالو منو بدلك

جود امة نون

مهيمن. منو تحب اكثر

جود. امة نون

مومل. ليش وعمة سوسو

جود. لا امة سوسو ادب الية امة نون اب نونو اس. لا عمة عمة سوسو اتجذب عليه تكول عمة نور تحب نونو بس

مهند. عيب تكول ع عمة تجذب بعدين عمة نور تضل ما اتحبك

موتمن. شنو كلتلك عمة نور من خذتك

جود. سيل اباب لا اتب بابا ولا وسخ دومي وونونو حلو ازم ابه اتى يعب اياي اسير ابير.

مهند. حبيب البابا عفية وليدي الياخذ الكلام

مهتدى. شيكلك

مهند. يكول تكلي صير حباب ولا اتعب بابا ولا توصخ ملابسك والنونو حلو لازم احبة حتى يلعب وياي من اصير كبير

مقتدى. عفية حبيبي. خزرني وباوع صفح

مهند. عيب بابا

الكل هههههههه

كملنه اكل وجاي احنه الشباب طلعنه للبيت اخذت جود وياي دخلنه للغرفة نام كعدت ب4 دخلت سبحت ورحت كعدت جود

مهند. جود حبيبي نروح نكعد عمة نور

جود هيييي

رحنة دخلنه رايحة بسابع نومة نوري نور 😗بستها من راسها

جود. بابا انه بوس

مهند. اي تعال شلته باسها وشبكته

نور. افييييش احلى كعده

مهند. شنو هاي تكعدين ع بوست جود وانا

نور. انت احبك بس حود احبه هوايييي

جود. ههههههه

مهند. يلا حبيبتي كومي بدلي

نور. تمام

مهند. جيبي جود

نور. لا لا عيني روح انا ابدلة مو جود

جود. اييي

مهند. ههههه يلا جا انا منتظركم

نور. بيباي طلع مهند. جودي جوعان

جود. اي

نور. تعال انطيته كيكة وحليب وشغلتله ايبادي كمل ع ما ابدل واجيك تمام

جود. تم

رحت بدلت وخلصت ورتبت نفسي وشالي يلا عمتو تعال اخذته غسلتله وبدلتله ومشطت شعره وخلينه عطر لبسنه

واخذنه هدايا ونزلنه المهند دكينه الباب

مهند. تعالو حبايبي

نور. ها بابا شلونه

مهند. ههههه امير واميرة طالعين

جود. ابك

مهند. وانا احبكم شنو هاي

نور. هدايا للنونو مو جود

جود. اي

مهند. يلا تعالو اخذت الهدية ونزلنه كلها ملتمة جوة

نور. جا وين البنات وماما

الجد. بابا بقن يمهم بس احنه اجينه

ابو نور. يلا امشو

رحنة الهم دخلنه استقبلونه الولد رسل مبدلة وناقليها للصالة

مهتدى. اهلا وسهلا حياكم الله

الكل. الله يحيك

كلمن كعد بمكانه بقة مكان بين مهند ومقتدى

نور. خيو ادنة ع مقتدى اريد اكعد

مقتدى. تعاي كعدي

نور. هنودي ادنه

مهند. تعاي حبيبتي

كعدنه انا وجود يمة وهدايا مالتنه يمنه جابو ضيافة

موتمن. اي اجه وقت القط دربك السعادة خوية الهدايا مبينه ثكيلة

مهتدى. تسكت لو شلون

الجد. الف مبروك بابا الله يخليهم الكم ويجعلهم بارين بوية انا ابوج وابو مهتدى وانا بعادتي جنتي لو بتي من يجيبن البسهن معاضد ع عدد جهالها اباركهم بيهن يعني بركة مني

رسل. ونعم الاب والجد ماقصرت وياي من اجيتكم الهسة وعاملتني مثل بناتكم واحسن الله يحفظك النه ويخليك خيمة فوك روسنه وردت ابوس ايده ماخلاني وباس راسي

مهتدى. الله يبارك بيك جدو ويحفظك النه ويطول بعمرك

العمة. الف مبروك يمة ان شاءالله تشوفون ع وجهم الرزق

ولبست رسل اثنين اسوارات كبار واربعة صغار هاي عدنا عادة لازم نلبسها ذهب اذا الجنة اتجيب اول حفيد

رسل الله يخليج عمة

مهتدى. الله يحفظج يمة

ام مهند الف مبروك يتربة بعزكم

رسل الله يبارك بيج عمة

ام نور الف مبروك يمة الله يحفظهم ويبعد عنهم كل عين

رسل. الله يبارك بيج عمة

ام مومل. مبروك ما جاكم

رسل الله يبارك بيج عمة

ام جاد. الف مبروك حبايبي محروسين باهل بيت النبي

رسل الله يبارك بيج خالة

مهتدى. الف مبروك النا

رسل. الله يبارك بيك حبايبي يخبلون

مقتدى الف مبروك خوية رسل ومهتدى الله يحفظلكم هلكتاكيت

رسل الله يبارك بيك خوية يوم الالكم

مهتدى. الله يبارك بيك ضلعي يوم الالك

سيلين. الف مبروك حبيبتي رسولة الف مبروك خوية

رسل. حبيبتي شكرا يوم الالكم ونفرح بيكم

مهند. تعال جود ودي ذن العمو مهتدى وكله مبروك انطيته مالت الورد

جود. مبوك امو

مهتدى. حبيب عمو انت تعال 😗

مهند. الف مبروك خوية يتربة بعزكم ودلالكم

رسل الله يبارك بيك خوية فدوة الجود حبيب عمته

مهتدى الله يبارك بيك حبيبي يوم النفرح بيك

جاد الف مبروك خوية
ميليسا الف مبروك حبيبتي رسولة

رسل الله يبارك بيج حياتي

مهيمن. الف مبروك خوية

مهتدى الله يبارك بيك يوم عرسك

مومل. الف مبروك خوية

مهتدى الله يبارك بيك خوية

جولي الف مبروك حبيبتي

رسل الله يبارك بيج عمري

ام رسل الف مبروك يمة ان شاءالله تشوفون ولد ولدهم

رسل االله يبارك بيج يمة ويخليج

مهتدى. الله يبارك بيج عمة

ريان الف مبروك حبيبتي الف مبروك خوية

رسل الله يبارك بيج

ليان الف مبروك عمري

رسل الله يبارك بيج

هدية سمارة

موتمن. الف مبروك خوية

ازهار الف مبروك يتربون بعزكم ودلالكم

رسل الله يبارك بيكم يوم الالكم

مهتدى. الف مبروك خوية يوم الالكم

نور. تعال جودي حبيبي انطي هذول العمو

اخذ جود سلات الورد انطاهم المهتدى وانا شلت علبة الككو والورد انطيتهم اله الف مبروك خوية الله يحفظهم الكم ويحفظكم الهم

مهتدى الله يبارك بيج ليش مكلفة ع نفسج وكفتج ويانن كافية وهم جبتي جرابيهم وشغلاتهم غير عن الملابس والحاجات الجيبيهن كلمرة وحفلة البيبي والخاتم

نور. هذا واجبي بعدين انا هاي هديتي فتحت علبة الاولى هذا عقد رسل نقشت عليه اسامي البيبي

وهذا كلادة وسوار مسرة الحلوة

وهذا سوار وكلادة مرتضى الحلو

مهتدى. شكرا يا احلى اخت

رسل. شكرا الج ع كلشي اخت ونعم الاخت ماتركتيني بكلشي

نور. هذا واجبي مهتدى شيل جود بلا زحمة عليك

مهتدى. يدلل جود وعمته شلته وبسته

نور. فتحت علبة هاي هدية من جود وعمته للامير المرتضى بروش باسمه شكلتها بكماطة مو جود

جود اي

نور. جودي بوس صديقك واخوك مرتضى

جود. اي

باسه ها عمة حلو

جود. اي

نور. وهسة نلبس الاميرة مسرة مو

جود اييي

لبستها وهم باسها جود من خدها

جود امة اي اميلتي هم

نور. اي مو مهتدى

مهتدى. اي يا احلى امير تدري شنو جابولك هم

جود. انو

مهتدى. هاي النفاختين وهذن الككو

جود. اكرن

مهتدى. فدوة الحبيب عمة

نور. ما انتهت هداياكم وهاي هدية العمو مهتدى مو بس هم ياخذون هدايا خياي هم تعب

الكل ههههه

مهتدى. شكرا خوية ماعرف شلون ارد عليج بس انتي مخبلة ليش كل هلتكاليف

موتمن. شوفو الدلال نويرة والله اذا ما جبتيلي هم من تجيب مرتي العب لعب

الكل. ههههه

نور. خلي تحبل وتجيب بخير وسلامة وذيج الساعة الله كريم اباوع ع مقتدى بعده ضايج هو وسيلين كعدنة كلمن مكانه

مومل. نور اكلتي شي انتي بدون غدة

نور. لا ماشتهي

موتمن. كومي انا وياج ناكل لان انا هم مامتغدي

نور. اكل بالعافية ماشتهي

موتمن. الخاطري حتى لو بس شوية

ازهار. كومو وانا احضرلكم الاكل شلتلكم اصلا من الغدا

كمنه اكلت شوية وكعدت ع ماكمل موتمن

موتمن. نور سامحيهم مقتدى خطية شفتيه شلون ضايج

نور. انا مو زعلانه بس ضايجة مايصير هيج يسوون وي طفل هذا طفل يطبع بعقله ممكن ياذيهم وبالخص جود جان متعلق بامة وهسة بيه فما اريد تخرب تربيته ويضل يكره الناس ويصير عقدة عنده

موتمن صح

كمنه كعدنه يمهم اجه جود يمي شبكني

شوية وكام مقتدى اجه وكف كدامي هو وسيلين اسف نور بعد مانعيدها

سيلين. اسفة والله جنه نشاقة ونلعب وياه

نور. هاي هية مصار شي بس مرة ثانية لا تسووها

مقتدى. لا مانشاقة هيج 🫂

مرت الايام وصار يوم السابع مالتهم وقرر مهتدى يطهر مرتضى جبتله انا الزي سويناله مولد ورسل وخرو خياطاتها تكدر تتحرك بس مو كلش كاعدين بعد ما خلصت الحفلة

نور. بهمس مقتدى شنو رايك بدل ما بيت ام رسل كاعدين هناك ايجار ناجرلهم بيتنة احنة
بيتنه ما مستفادين منه وناجرلهم بنفس سعر بيتهم

مقتدى. خاف ماتقبل انا ماعندي مانع بس بالاول لازم نحجي وي بابا

نور. رايحة احجي وياه كمت كعدت يمة

ابو نور. بستها براسها ها شعندج

نور. بهمس فديت اليفهمني شرايك ناجر بيتنه البيت ام رسل لان ادري ماتقبل تكعد بيه بدون ايجار خطية هم يمنة وهن بس بنات

ابو نور. التشوفينه سويه بعدين هو البيت بيتكم

نور. فديتك باباتي

نور. خالة ام رسل

ام رسل.هلا خالة

نور. خالة ليش ماتنتقلون يمنه

ام رسل. شلون

نور. خالة انتم البيت الكاعدين بيه مو ايجار

ام رسل. اي صح

نور. بيتنه فارغ ومحد بيه وهم هذا هو بصف بيت عمة ليش ماتنقلون بيه هم احسلج من الايجار وهم قريب علينا وهم تكدرين اطلعين واطبين براحتج بدون ما تقلقين عالبنات وهم البنات يوفرن فلوس الخط مال المركز يكدرن يرحن ويرجعن وي مهتدى والولد

ام رسل. لا يمة ما اكدر البيت لا بيتي ولا ماجرته شلون اكعد بيه ع الاقل هناك ببيتي بتعبي كاعدة مرتاحة

نور. رسل حاجي خالة

رسل. نور لا تحاولين اعرف امي كلش زين ماراح تقبل

نور. زين عادي تاجرة والله انا اريد مصلحتهم وهم البنات يمنه ونتونس

ام نور. اي،خية البيت بيت اختج واحنه اهل مو غربة ليش الايجار

ام رسل. كعدة هيج ما اكعد اذا ايجار ميخالف

مهتدى. واذا بيتي تكعدين بيه

ام رسل. لا لان مايصير عدنا العمة تكعد بيت نسيبها

نور. ميخالف عادي اجروه وكعدو بيه اهم شي قريب وهم محد يوكفلكم يومية ع الباب وهم امن للبنات

رسل. اي ماما تعالو هنا هم يمي واطمن عليج وع البنات. وهم تبقين يم احفادج

ام رسل ميخالف ماكو اشكال بس لازم نتفق ع الايجار قبل كلشي

نور. شنو جنتي ادفعين البيت الجنتي كاعدة بيه دفعي

ام رسل. انا ماجرة جنت ب250 والايجارات هنا تختلف عن هناك

نور. عادي لان اصلا البيت ما ماثث كامل وهم احنه اهل وحبايب

ام نور. ولو ما قابلة ع سالفة الايجار وهيج تردين اختج وماتكعدين بيتها بس 250 اصلا هواي

ام رسل. عزيزة وغالية بس انا ماعرف من الطفولة هيج ماخذ شي مو الي ولا اكعد بمكان مو الي

نور. جا خالة من باجر لمو غراضكم حتى تنقلون يمنه البيت فارغ

ام رسل ان شاءالله بس البنات يلمن غراضهن

صار الليل كلمن راح البيته دزيت رسالة بكروب الاخوة باجر اريد اشوفكم نتناقش بشي

مهتدى. تعالو العصر يمنه لان الصبح كلها دوام

نور. تمام

الكل. تم

صار ثاني يوم رجعو من الدوام تغدينه وكلمن راح غرفته نام صار العصر رحنه البيت عمة وعمة سيرت البيتنه يم ماما وعماتي خطية من نلتم تعوفننه براحتنه جنة كاعدين انا ومقتدى وسيلين ومهند ومومل ومهيمن وجاد وميليسا وجولي ومهتدى ورسل وموتمن وازهار

مهتدى. اي نور شنو ردتي نتناقش

نور. اول شي حابين نكلكم خبر حلو

الكل. شنو

نور. المدارس خلصن وباقي بس التاثيث وجبنه الاوراق من التربية

الكل. الف مبروك اية الرزق الكم ان شاءالله

نور ومقتدى. شكرا

نور. القرار الثاني مقتدى ومهند. البيوت اليم بيت جدو اثنينهن الورة بيت خالو وورا بيتنه كبار اكبر من بيتنه وخلوات وبناء حديث ليش ما كل اثنين يشترون بيت واحنه عدنا ما شاءالله

مقتدى انا وياج ماعندي مانع نشتري البيت ورا بيتنه

مهند وانا شلون وحدي لان مهيمن بعده ما يشتغل

مقتدى. لا انا وياك بالنص والنص مالتي كتبه باسم سيلين وبالمستقبل من مهيمن يتخرج ويشتغل اذا راد وياك يتفاهم هو وسيلين

مهيمن. خوش حجي

مومل. جا وبيتكم القديم

نور. هنا مربط سالفتنه اسمعي رسل وانت خوية انا امس من حجيت جان بودي اساعد خالة من زمان بس خالة ام رسل عنيدة وما تقبل احد يساعدها لو يسوي فضل عليها فجان بودي امس تكعد بيتنه بدون ايجار وفلوس الايجار تلمهن وتشتري بيت الها وللبنات حتى يضمن حقهن بس خالة ما قبلت الا ايجار فانا اكول ليش مو بفلوس الايجار نجمع حق البيت والبيت يصير باسمها يعني نحسب فلوس البيت مقابل الايجار يصير كم سنة

رسل. هي فكرة حلوة بس جيبي اليقنع امي

مهتدى. انا اضبطها اكثر اشتري البيت منكم ونسجله باسمها ونكلها بدل ما ادفعين ايجار البيت نشتريلج بيت بالاقساط وكل شهر دفعي 250 يعني تعتبر مداينه مني

رسل حلو انا وياك نروح ونقنعها

مومل. زين نور وعمو البيت باسمه

نور. احنه نسجل البيت الجديد باسمه لان هو اول وتالي النه يعني وبابا ماراح يعارض

مهند. انه هم هيج مقرر

نور. مومل لا تضوج لان ماحسبناك ويانه وكنالك اشتري بيت بس انته لا تنسة عندك نسبة بالعمارة وياي وانا اريدك تكبر النسبة وانت اكثر واحد مستفاد لان بنسبتك اطلع ضعف ايجار البيوت اصلا احنه البيوت راح اناجرهن يعني ما نكعد بيهن لان اصلا جدو ما يقبل وهم مهند ومهيمن خلصو تعديل الطابق مالهم ونقل مهند ع غرفتة الجديدة باقي بس تاثيث غرفة جود

مهند. نور انا غرفتي اريد اتبرع بيها لاحد اريد غيرها

نور. براحتك

مهتدى. باجر من ينقلون نور تعاي ويانن ونحاجي عمة وانتو حاجو اهلكم

نور. تمام اخذنا الجهال ورحنه البيت جدو

الجد. هلا هلا بيكم وبحفادي الجدد جيبوهم اشوفهم

الكل. هههه هلا بيك جدو

مهند. جدو الله يديم الجمعة علينا بس قررنا شي ولازم ناخذ رائيك بيه لان تعرف مانتصرف بدون شورك

مقتدى. اي جدو وهم القرار قرار نوارة انت علمتنه اذا مارضو الكبار ع بقرارنه مايصير

الجد. كولو بابا اسمعكم

مهند ومقتدى. كولي نور

نور. مع الاسف مثل كلمرة من توصل للحد تذبوها براسي. جدو، ،،،،،،،،، حجيتله كلشي شنو رائيك

الجد. والله بوية خوش قرار وهم هذا تامين المستقبلكم بس اخذ راي ابوكم مقتدى ونور لان البيت باسمه

ابو نور. بوية انا موافق ماعندي مشكلة اصلا البيت بيتهم وهم انا مامحتاجه لان عندي بيت هناك ومستشفى وعمارة وانا كل همي همة ومستقبلهم والحمدلله ولدي ولا صغرا بالبقية جاي اشوفهم خوش يبنون مستقبلهم وهلشي كلش جبير بالنسبة الي

الجد. بارك الله بيكم ولدي كملو البديتو بيه

نور. جدو والشغلة البدينه بيها قبل اكثر من سنة صارت وخلصت وجبنه الموافقة وان شاءالله ع الموسم الجديد نبدي

الجد. اي اللهم صل ع محمد وال محمد الف مبروك

ابو مهند. شنو هو وليش هلمرة مومل. مو وياهم

الجد. قبل اكثر من سنة تذكرون من نور جابت اكل وحلويات وكالت اكو خياطة وهاي

الكل. ايي

الجد. نور فتحت مشغل خياطة واشترت عمارة بيها شقق ومحلاة وكامت ششنو يسوون بالمشغل تنقله الواحد من المحلاة والمحلاة البقية واحد ماكولات بيت مجمدة وسوبر ماركت وواحد حلويات ومعجنات وهاي العمارة المومل نسبة بيها بس نسبته صغيرة فايجار الشقق ياخذ منهن مومل بكد نسبته ووارد المحلات هم رغم نور لازم الها اكثر بالمحل بس ما قبلت الا بالنسبة وبذاك الوكت مقتدى ونور اشترو اراضي وبنو مدارس وحدة ولد ووحدة بنات ابتدائي ثانوي

الكل. اللهم صل ع محمد وال محمد

ابو مهند. عفية والله بس ليش ما تكولون

نور. العفو عمو لان جان بوقتها خطوبتي ومشاكل فما حبينه احد يعرف بس بابا عرف بسبب حساب البنك لان مفتوح عنده هم ردنا كلشي يضبط يلا حتى نفاجائكم

ابو مومل. الله يوفقكم يارب

الجد. وشوكت ناوين تفتحون السيرة وي ام رسل

مهتدى. من يكعدون بالبيت يلا

الجد. براحتكم.

بقينه سوالف وضحك لليل كلش كلمن راح العالمة انا اخذت جود ونمت ثاني يوم انقلت ام رسل رحنة حجينه وياها

مهتدى. ها عمة شكلتي

ام رسل، ،،،،،،

،،،،،،،،،،،

انتظرونا