احفاد ال رحيم الفصل التاسع وسبعون 79 - بقلم سيريوس

العمة. الف مبروك حبايبي

ام نور الف مبروك ماما الله يتمملكم

مهند وسمارا. الله يبارك بيج عمة

ام مومل الف مبروك امي

مهند وسمارا. الله يبارك بيج

ام جاد. الف مبروك حبايبي

مهند وسمارا. الله يبارك بيج خالة

ام رسل الف مبروك

مهند وسمارا. الله يبارك بيج خالة

ميليسا. الف مبروك

مهند وسمارا. الله يبارك بيج

سيلين. الف مبروك حبايبي ان شاءالله بس السعادة تشوفوها

هاي من مقتدى

هاي مني

مهند الله يبارك بيج حبيبتي 🫂

سمارا. الله يبارك بيج يروحي

رسل. الف مبروك الله يسعدكم

مهند وسمارا. الله يبارك بيج

ازهار. الف مبروك

مهند وسمارا. الله يبارك بيج

جولي. الف مبروك

مهند وسمارا. الله يبارك بيج

نور. الف مبروك يا احلى اثنين الهاي السنة حبايبي الله يهنيكم ويسعدكم وتشوف كل الخير
هاي هدية جدو

وهذا من مهيمن

وهذا مني

سمارا الله يبارك بيج

مهند. هههه الله يبارك بيج حبيبتي انا الج بعدين حسابنه
كملنه الحفلة وكلمن رجع البيته مرت ايامنه بخير وفرح وهسة احنه بشهر 5 والشباب عدهم 15 يوم عطلة قبل الامتحان لان همة مرحلة اخيرة منجمعين كالعادة جمعة بيت جدو كاعدة يم مومل ورا الغدا

نور. بهمس مومل ليش مانخطب البالي بالك هسة

مومل. شنوو

نور. اي وبالعطلة عرسو

مومل. لا هسة مالي خلك تفكيري بالامتحان

نور. مومل ترا قررت اسافر قبل شهر 9 اسوي البراسي

مومل. شنو هلحجي هذا

نور. والله ماريد اتاخر بعد كافي هاي السنة راحت علي بدون فايدة

مومل. يعني قرارج النهائي

نور. اي بس بدون محد يدري فدوة لا تخرب علي

مومل. مثل ماتردين

نور. الك الباجر اذا ما بلغتهم وضليت اتماطل للعطلة احتمال ماحظر عرسك

مومل. شجاي تحجين كومي نحجي هناك

نور. كوم

مومل. جدو رايحين عدنا شغلة نخلصها ونجي

الجد. شنو الشغلة الظهر

نور. جدو بغرفتي مجر مالتي ماينسد اريد يسويه لان اذا اجلها اقرا عليه السلام بس يلتهي بعد ماحصلة

الجد. ههههه روحو بابة

صعدنه للغرفة

مومل. هسة تكليلي شبيج

نور. مابيه شي

مقتدى شلون مابيج شي احجي

نور. مومل تعبانه

مومل. من شنو كولي تردين نسويلج فحوصات

نور. لا تعب نفسي

مومل. فضفضي احجي

نور. مومل ماكدر انشر سلبيتي عليكم لا تتوقع احجي والله ماحجي

مومل. واذا هسة خليتهم كلهم يجون

نور. لا تحاول والله ماحجي فكرت هواي افكار براسي تدري شنو اخر افكاري

مومل. شنو

نور. فكرت اسافر المكان محد يندلني بيه بس الوكفني تقاليدكم وجود

مومل. انتي التحجيه صدك شلون تجيج هيج افكار

نور. مجرد افكار لا تخاف ماسافر قبل ما يتم كلشي

مومل. ليش تردين نخطب هسة

نور. لان سمعت ناس يردوها فجاي اكلك هيج وحتى تعرسون قبل ما اسافر

مومل. بس انا ماعرف تقبل بيه لو لا مجرد حب من طرف واحد

نور. تريد اجيس نبضها

مومل. ماعرف كيفج

نور. جا من تنزل صيح سيلين وجولي

مومل. تمام بس طردي الافكار الشيطانية

نور. ههههه شبيك جنت اشاقة ماروحكاعدة ع كلبكم

مومل. احلى من يكعد نزلت سيلين نور تريدج انتي وجولي

سيلين. تمام

مومل. كعدت يم مهند وبالي مشغول بنور

مقتدى. اجه مومل بس مو على بعضة

موتمن. مقتدى شبيه مومل

مقتدى. مادري لحضا كتبت المهند يشوفة

مهند قريت الكاتبة مقتدى باوعت هذا صافن مدري وين. احم مومل شبيك

مونل. هاا ماكو شي

مهند. بداعت الخوة احجي

مومل. بهمس نور

مهند. شبيها

مومل. نور مو نفسها نور

مهند. شنو ولك شتحجي احجي عدل

مومل. ماكدر بعدين لحد يحس

مهند. كوم. شباب كومو هناك نسولف خلي ياخذون راحتهم الاهل ههه

الجد. ملاعين سوالفكم الطايح حظها سووها بعيد امشو لا اكوم

مهند. ههههه لا يابة رايحين رحنة كلنا صعدنه بسويت مومل. اي مومل تحجي كلشي

مومل. شحجي

مهند. الفتك الفتكته خيطه شبيها نور

مومل. مابيها شي

مقتدى. موملل احجي

مومل. نور بالعطلة تريد اسافر

مقتدى. ادري اصلا كلنا مسافرين انا ومرتي وامي وابوي عدنا تجديد اقامة واشرت المومل

مومل. اي بس مو بس هيج

مهتدى. شنو

مومل. نور تعبانه نفسيتها

الشباب شنوو

موتمن. شنو حبيبي راح تغير اختصاصك حولت نفسي

مومل. لا صار فترة ملاخظها من تكعد وحدها تصفن بس من ويانه تبتسم وقبل شوية اتاكدت

مقتدى. شتاكدت

مومل. من كمنه كالت نفسيتي تعبانه ولحيت تحجي ماقبلت وحلفت حتى هددتها اكلكم كالت عادي ماحجي وما انشر طاقتي السلبية عليكم

مقتدى. كعدت ع حيلي وخليت ايدي ع راسي

موتمن. مقتدى شكو تعرف شي وما نعرفه

مقتدى. مثل ماتوقعت راح يصير عدها تعب نفسي بسبب الاحداث الاخيرة المرت بيها من مرض وتعب وعلاقتها الانتهت قبل ما تبدي وضغوطات الزواج والدراسة

مهند. شنو الحل

مهتدى. ما لازم نعوفها

مومل. وهو هذا الراح نسويه

مهند. شلون

مومل. نحاول نطلعها ويانه هواي مانخليها وحدها والاهم من هذا لازم نعرضها ع طبيب نفسي

مقتدى. ماراح تقبل اعرف بسالفة الدكتور

مهتدى عندي حل

مقتدى شنو

مهتدى. تذكر دكتورة ميار ايام سفرة لندن جانت تدرس ويانه

مقتدى. اي

مهتدى جانت صديقة نور بس من رجعنا للعراق انكطعت علاقتنه وياها لان جانت مبدلة جهازها ورايح كلشي بولادة رسل شفتها بالمستشفى وانطتني رقمها وحساباتها شرايك نسويها اليوم ونتفق تلتقي بينه وبنور سوة وبعدها نفهمها بحالت نور وهية اختصاص اكيد تعرف تصرف

الشباب حلو

مقتدى. اتصل بيها بااول

مهتدى. لحظا الو سلام عليكم

ميار. وعليكم السلام

مهتدى دكتورة ميار

ميار صح منو وياي

مهتدى. دكتور مهتدى توام موتمن صديق مقتدى

ميار. هاا اهلا وسهلا وينك كلت اتصلج وما اتصلت

مهتدى. اعتذر انشغلت بالبيبي ونسيت اتصلج واخر فترة مشغول كلش واستحيت اتصل عليج شلونج شخبارج

ميار. الحمدلله هلمرة مسامح الخاطر الكتاكيت الشباب شلونهم نوارة

مهتدى. الحمدلله شرايج اليوم نلتقي ونجيبلج نور مفاحاة الها لان ماتدري

ميار. ياريت والله مشتاقة الكعدتنه الاخوية

مهتدى. ان شاءالله ب8ونص ب،،،، نلتقي

ميار. ان شاءالله سلم ع الشباب وخالة ام مقتدى

مهتدى. ان شاءالله يوصل

مقتدى. هاا

مهتدى. ب8 ونص الموعد

مقتدى. طالع ابلغ نور

الشباب. تمام

مقتدى. رحت دكيت الباب عليهن

نورر. اجن البنات.

سيلين. ها حب خيرج

نور. عندي سالفة وياجن

جولي. ياستار

نور. وجع المهم سيلين انريد انزوج اخونة العنوني مومل

سيلين. ياريت واللله ونفرح بيه

نور. ايي وانا اكول مثل ما جبتج المقتدى وجبت ازهار ورسل وسمارة شرايج جولي تصيرين من الشلة

جولي. شنو يعني

نور. يعني اتصيرين مرت اخونه والجنة الصغيرة بالبيت

جولي. شنو هلحجي شقاج ماصخ

سيلين. نحطله ملح ويصير لوز

نور. نعاااال مو وكت شقة جولي ادري بيج تحبينه حسبالج تمشي علي نظرات كدامج الاستخبارات ما تلحكها كلشي يصير بهلبيت اعرفه

جولي. مصيبة ولج اسكتي فضحتينا

سيلين عليمن فضحتج كولي موافقة باجر نقرا الفاتحة عكبة نعقدلكم

جولي. اي مو هو لعب غير مومل هو يقرر بالله عنده وحدة براسة يحب وحدة اهله مايردوني اهلي يرفضون

نور. الفلم الهندي السويتي براسج فاشل مومل قابل لان هو يحبج وعمي مايكول لا لاختيار مومل لان هو المزوج مو عمي وخالي اذا خطبنه منه مايكلي لا لا تخليني انزل هسة اخطب

جولي. عابت خليني استحي شوية اهلي يسالوني واشرد من يمهم واهلي يكلولي اخذي راحتج بالتفكير وانا اشلع كلبة

نور. استقري يالتركية ترا كلج عراقية باجر نجي نخطب ومن يسالج خالو كولي موافقة واذا كلتي غير هيج انا حالفة ما البس كعب بعد بس باجر البس وشرط 10 سانتيم حتى حركة غلط ادخلة براسج واجرم بيج

جولي. اوي قاسية شلون راح تصيرين حماتي

نور. راح تخليني اتقيئ بنت الحلو حاصلج مومل بعدين اذا ماتقبلين بيه حماتج تقبلين بيمن بهيام 😒

جولي. لا والله انتي احلى حماية عسل بعدين انتي مو حماتي اختي

سيلين. انا حماتج اذا ما صرت الحماية التس🐍

نور. لا تنسن انا حماتجن كلجن بكلمة مني كلجن اوكفجن باب المحكمة وتفلسن لا رجل لا حاظر وغايب لا طفل

سيلين. ومنو يربي الاطفال انتي

نور. لا يامكثر المربيات اجيب الكل واحد 2 بجال عمتهم اعيشهم ملوك

جولي. ولج هاي صايرة تخوف. لا خية انا احبج وموافقة والله اذا تردون حتى حاظر وغايب طايح

نور. هجم بيتج يترسونج ذهب من غير بالعرس الماس

البنات. هههه اندك الباب

نور ادخل

مقتدى. اسف قاطعتجن بس حظري روحج ورا الصلاة طالعين نويرة

نور. وين ومنو ومنو

مقتدى. مفاجاة وبس انا وانتي ومهند وموتمن ومومل مهتدى ومهيمن وجاد

سيلين. جا ليش مو كلنه

مقتدى. لا طلعة خاصة شغل ماتجين نوارة شبكة لاخوج

نور. هههه احلى اخ 🫂

مقتدى. شخص مشتاقتله راح تشوفينه بس ماكدر احجي كدام البنات

نور. هههه تمام مبين بيها بنات السالفة

مقتدى. ههههه لا تنسين نازل ابلغ حدو وبابا

نور. تمام طلع وسد الباب

سيلين. نور. وين عليج الله بغلاة اخوانج كلبي لعب

نور. واذا لعب شسويله مادري اصلا مفاجاة ما سمعتيه

جولى. شلمفاجئة

نور. مادري بلا كلام زايد خلشوف شالبس

مقتدى. رسل ازهار وميليسا نور تريدجن. راحن. جدو بابا عن اذنكم طالعين احنه الشباب ويانه نور نلتقي بصديق النه

الجد. منو هذا

مقتدى. ماما تذكرين ميار صديقة نور

ام نور. اي الدكتورة مو

مقتدى. اي اجت للعراق قبل 3 اشهر وحابة تشوف نور واحنة ماخذين نور الها مفاجاة لان نور ماتعرف وما نكدر نحجي كدام نسوانة لان يخربن كلشي

الجد. ههههههههه والله اجة من يلزمكم عدل اي بابا براحتكم بس لا تتاخرون بالرجعة

مقتدى. ان شاءالله

صار المغرب صلينه بعدها بدلنه وطلعنه

سيارة بيها نور ومهند وجاد ومقتدى وسيارة الثانية بيها مهتدى وموتمن ومومل ومهيمن

رحنة وصلنه مطعم

نور. شنو المفاجاة عادي اعرف

موتمن. ماكو مفاجاة بس ردنه نطلع وحدنة بدون نسوانه فاخترعنه هاي الحيلة

نور. ههههه عن سوالفك لا والله كولو شنو

مقتدى. شخص تحبيه يريد يلتقي بيج

نور. شخص احبة! اريد التقي به

مهتدى نعم تريدين تلتقين به وتحبينه هواي

نور منو

ميار. السلام عليكم

الشباب وعليكم السلام يا اهلا وسهلا

نور. ميار

ميار. اي

نور. هلاو حبيبتي شلونج شخبارج مشتاقتلج🫂

ميار. وانا الاكثر والله انتي شلونج شخبارج

نور. الحمدلله وينج اختفيتي

ميار. غير من رجعت من لندن جاي انزل من الطيارة وطاح تلفوني وتفلش وكلشي بيه راح

مهتدى. اتفضلي وبعدين الحجي

ميار. والله كلش فرحانة بشوفتكم

الشباب. احنه هم

ميار. اي نور شكو ماكو

نور. حاليا ماكو شي شلون كدرتي تلتقين بينه

ميار. شفت مهتدى بالمستشفى بيوم ولادة زوجتة وانطيته رقمي

نور. يااا جا لو ادري جان شفتج لان جنت هم هناك

مهتدى. انتي تعرفين الكل هنا مو

ميار. اي انت واخوك ومقتدى وابن عمه مومل وابن خالة جاد وهاذا اخو مقتدى بالرضاعة وابن عمة البالشرطة مدري جيش بس هذا ولا صغرا بيه ماعرفته

مقتدى. هههه اي هذا هم ابن عمي مهيمن دكتور يدرس مرحلة اخيرة طب عام ويصير اخو مهند

ميار. اتشرف بيكم اي نور. شسار ماصار بغيابي شعجب كلكم استقريتو هنا

نور. هواي صار اشياء بعدين نحجي بس احنة انتقلنه صار هاي سنة خامسة وبيت خالو راح يصير سنة والشباب ازوجو عدا مومل ومهيمن بعدهم،

ميار. ان شاءالله الف مبروك الكم وعقبال العزابية

الشباب شكرا

نور. وانتي

ميار. ازوجت وعندي بنية عمرها سنة ونص

نور. لازم زورينه بالبيت انتي وزوجج هم نتعرف عليه ويتعرف علينن وهم نكوم بالواجب

ميار. ماتقصرون ان شاءالله بس شعجب طالعين بس شباب

نور. طلعة اخوية انا واخوتي

ميار. هههه الله يحفظكم شلون انتي واخوتج

نور. حبيبتي ماما مرضعة الكل عدا جاد خالتي رضعتني ومهيمن ما راضع ويانة يعني بس ابن عمي

ميار. يعني موتمن ومهتدى هم اخوانج

نور. هههه اي بالله شفتي سبحان الله

ميار. هههه الله يحفظكم بس شلون تتصافون انتي وموتمن

موتمن. ساعة وساعة بس انا اكثر واحد يحب نور بيهم

مهند. لا والله

نور. كافي عيب مو بالبيت لا تبدون بعد مانسيطر عليكم بالبيت سوو كلشي

ميار. ليش

نور. غيره عليه

تعشينة وخلصنة انطتني رقمها وراحت واحنة افترينه شوية وتونسنه ورجعنه

نور. شكرا ع كلشي حيل تونست اليوم

الشباب دوم ان شاءالله نعرف احنه مقصرين وياج. فهمنه ميار قبل لا تجي بحالة نور

نور. لا ابد مامنكم قصور دخلنة للبيت امشي وهمة وراي يمشون فديتنه هيبة دخلنة جوة كلها كاعدة سلام

الكل. وعليكم السلام

الجد. ها بابا اتونستو ان شاءالله

نور. اي جدو ماما خالة ميار تسلم عليجن

الام والخالة. الله يسلمها

سيلين. منو ميار

نور. صديقتنا

سيلين. شنو صديقتنا شو ما اعرفها

ميليسا. هاي بنية حلوة حيل ودكتورة هم اجت درست بلندن وصديقة الولد قبل نور

سيلين. حلو ومن كتلج نور اكو بنات كلتي لا

نور. اعتقد سمعتي كالو مفاجاة يعني مادري اصلا

اشوف البنات كلهن ضايجات وكعدن لان يستحن كدام جدو وعمامي يحجن

نور. ليش انكلبت وجوهجن من عرفتن جانت بنية ويانة طالعة

سيلين. حقنا لان نخاف ع رجولتنه

ميليسا. البنات كلشي يسون شمدرينه ما تحط عينها ع واحد منهم لو تباوعله باعجاب

الكل. ههههه

جولي. نور بعدها حلوة

مومل. نور كافي

نور. محلوة اكثر. بعدين انتن بهذا كلامجن ماعدجن ثقة بازواجن

سيلين. طبعا عدنا ثقة بس زمنا هذا ما ينثق بيه

نور. جا قبل ما تستفردن باخوتي زعلن ع راحتجن ماكو داعي يبررولجن الموقف اليوم بيتتهم عندي وعدجن الباجر القابلة بالصار قبل ال8 الكاها بيدها صينية ريوك الرجلها باب غرفتي واكفة والماعاجبها الوضع الكه بيدها جنطت ملابس وتدلل بيدي اوديها الاهلها لو يكونون بالمريخ

الجد. ليش هيج تحجون بابا مايصير هيج نور بابا

نور. غمزتله جدو اخوتي ومثل ماهمة مايرضون علي انا ما ارضة عليهم خليهن الليلة يفكرن

جولي. اجي وياكم

نور. لا انتي شكو اخواني بلا زحمة عليكم عدكم اعتراض

مقتدى. لا والعدها ثقة برجلها لو يكعد بنص النسوان لازم تكون واثقة بيه

مهتدى. والحياة اذا مابيها ثقة ماادوم لان تخلص مشاكل

جاد. ومو كلشي حب لازم اكو ثقة واحترام هم

موتمن. مايصير المرا تمشي بس ورا كلبها الله انطه عقل

نور. مرخصتكم رايحة للغرفة خليهن يفكرن عدل

الشباب احنة جايين وياج

نور. بس مهيمن راح الغرفته.

مومل. ليش هيج سويتي

نور. سيلين ضوجتني مساع بكلمة وكلتلها اقل كلمة تكوليها اطلع الحماية التس عليجن ورجعت غلطت

جاد وشملهن كلهن

نور. جا غير حماتهن كلهن انا

مقتدى. جا جولي ليش وياهن

نور. ختولي صايرة تخبث على جاد غيورة رحت بدلت ورجعت يمهم اي مومل شوكت ناوي تحجي ترا كلشي تمام

مهند. بخصوص شنو

نور. خلوه هو يحجي

مومل. اريد اخطب

الشباب. اي الف مبروك منو

مومل. اا

نور. مثل ماخطبت سيلين المقتدى من مهند اريد اخطب جولي من جاد المومل

جاد. شعدك ولك وياها

مومل. والله ماعندي شي وياها ولا محاجيها ولا شي والله اسال نور

نور. هههه لا جادي ماعده شي انا اقترحت عليه نخطبها هو هذا مال حب ماخذ الدنيا كلها شقة هاا خيو شتكول

جاد. القرار الابوي والها انا وين احصل الها حماية احسن منج

مقتدى. ههههه واكول ليش شملتها وياهن ذيبة

نور. رجاءا لبوة رحيم انا

الشباب والله والنعم

نور. مومل. روح كول العمو حتى هو يفاتحهم بالموضوع

مومل. صار. راح شوية ورجع نمنه كلنه بالغرفة انا ع الحرباية وهم بالكاع كعدت الصبح قبلهم سبحت وبدلت ونشفت شعري بعدها كعدتهم بطريقتي

الولد. الله احلى صباح فيك يادنيا

نور. صباحي انتو كومو خلنشوف نتائج الحرب

الشباب. ههههه

كامو غسلو وخطية هم لمو فراشهم

نور. مستعدين

الشباب. اي

نور فتحت الباب لكيتهن كلهن وحدة بصف الثانية مسوية صينية شكل ومخليات ورد وعصير وجاي وكهوة. اخ يمة ههههههههه

مومل. وعلي لبوة معدلة فرستهن فرس

نور. جا شحسبالك كول وفعل

جاد. تعاي وجريتها من اذنها انتي المن هذا الريوك وهو عقاب جناين

جولي. والله النور انا وياها شوف الصينية حليب كرواسون كورن فلكس ووردتين ابيض لونهن انا ونور والحلوين

جاد. منو الحلوين ولج

جولي. شبيك جوليان وجود متشوف حليب بارد اكو

نور. شبيك عوفها تعاي اي وانتن

الجناين. احنه اسفين مانعودها

نور. شمنتظرين كلمن ياخذ مرته ويروح يتريك بعد ما يعيدنها مو ههه

الجناين. اي والله

كلمن اخذ مرته وراح

مهند. رايح انا انزل

نور. تعال اتريك بالاول محظرة ع البلكونة تعالو. راحو قبلنه. تعاي ثولة انتي

جولي. شمدريني غير كلتي التريد رجلها تجي

نور. وانتي منو رجلج بعد عيني امشي

جولي. هههههه

اتريكنه وكلمن راح شغلة سيلين وجولي يشتغلن سوة بقيت بس انا بالبيت وي امي وعماتي فتحت كاميرات المزرعة شفتها شلون صايرة حلوة للعصر كاعدين

الجد. ابو جاد عندي طلب يمك

ابو جاد كول عمي ان شاءالله ماقصر انت تامر

الجد. بوية نريد بنيتكم لابني مومل تعرفه وتعرف شنو يشتغل ماشنو وشعنده

ابو جاد. والله الي الشرف بس القرار للبنية شتكولين بابا جولي

جولي. سويت نفسي خجلانه اباوع نور خزرتني ومومل مركز وياي اا

ابو جاد كولي بابا لا تستحين هاي حياتج

الجد. بابا مانزعل اذا رفضتي هاي حياتج وانتي حرة تختارين شريكج

جولي. بكيفكم

ابو جاد. بابا مو كيفكم مو احنه راح نتزوج انتي

جولي بابا اذا تشوفه مناسب انا قابلة لان اكيد تتمنالي الخير وطلعت

ابو جاد. البنية بنيتكم بعد ومومل ما الكه احسن منه البنتي شرايك بابا

جاد. مثل ماكلت يابة

الجد. الف مبروك وشطلبون حاظرين

الخال. حالها حال بناتكم

الحد. والنعم منك جا 50 ب50 سمعونا الفاتحة قرو الفاتحة. الخطبة بعد اربع ايام يوم الجمعة عدكم مانع

الكل. لا ع بركة الله

نور. كمنة انا والبنات ورا جولي لكيناها بالصالة
هجم بيت الخجل شوفو الجذب عود خجلت وهية كل خجل ماكو

جولي. ولكم المن جبتنها ماتخلي الواحد يعيش اللحظة

نور. انجبي يلا انا منا وهيج مو اختج حماتج

جولي الله يساعدجن عليها شلون متحملاتها

رسل. يا وين عسل

ازهار. فديتها لو هيج الحماية لو مانريد

سيلين. احلى حماية والله

ميليسا وين نلكة حماية مثلها لو نفر العالم كله

نور. ضليت العب بحواجبي هاا شفتي مرت اخي الحية

جولي. حقهن اذا انتي معنفتهن كافي امس حارمتهن من رجولتهن

نور. صدك بنات

البنات. لا والله اصلا ندري تشاقة ويانه واحنه اماشينها

نور. شفتي كبدي

جولي. امدة حظي اي والله اخ لو مزوجة جا هسة مرتاحين منج وين الله هيج ويجيج رجل اعور اطرش اعرج ويكومج بكتله ويكعدج بكتله ويخلصني منج وصاح الموذن الله واكبر

نور. كلش ضجت من كلامها خاصة هي اختي وكدام البنات الغرب تحجي هيج نهضمت🖐️ انجبي وعفتهن وركضت الغرفتي ركض قفلت الباب واحس النفس وكف عندي وبس دموعي تنزل

سيلين. شلون تحجين وياهاا هيج هااا

ميليسا. جولي غلط السويتيه شفتي اخر مرة شكالت الجدو

رسل. احنه نعرف نور كله شقة ويانا ليش سويتيها جد

جولي. مصدومة والله جنت اشاقة

سيلين. هو هذا شقة بالله وخري مني وصعدت ركض النور واجن وراي. نور فتحي الباب نور جانت تشاقة والله ماتعرفيها قابل ماترد بس نسمع صوت نفس قوي وكح نور فدوة فتحي الباب

رسل. ولج خاف صار بيها شي

ازهار. راح اتصل بوتمن

سيلين. لا لحظا انا اتصل بمقتدى ماريد اسوي هوسة ونقلق جدو والبقية. الو مقتدى

مقتدى. ها شبيج ليش هيج صوتج

سيلين. منو يمك

مقتدى. كلها كامت تصلي وانا والولد راح ندخل نصلي

سيلين. جا بدون ما يحس جدو والبقية تعال انت والولد بسرعة فوك

مقتدى. شنو هذا الصوت نور بيها شي

سيلين. فدوة تعال بسرعة

مقتدى. سديته وركضت شباب وراي بس لا تخلونهم يحسون

مهند شصاير

مقتدى. مادري. صعدنة شبيجن نور شبيها ليش جولي تبجي

جاد. ليش وجهج احمر

سلين. نور وجولي جانن يشاقن بعدين بسبب حجاية نور ضربت جولي وصعدت تركض وبس نسمع صوت نفس ونور تكح

مقتدى. شنو وخرو ضليت ادك ع الباب نور فتحي الباب نور نور اسمعيني. روحي بسرعة جيبي سويجي بيه مفتاح بسرعة

سيلين. صار رحت جبته بسرعة فتح الباب لكينه نور الدموع تنزل وختنكة وتكح

مقتدى. مومل بخاخ الربو بسرعة

موتمن. وخر شوية قست نفسها نور حاجيني بيج شي اكو شي

نور. اختنكت مادري من الركضة من الصدمة ما اكدر احجي بعد خلولي بخاخ بعده اكثر من مرة خلولي نفس الشي

مهتدى. مقتدى. وين جنطتك

سيلين رايحة اجيبها. جبتها واجيت فحصوها وجهاز فحص اوكسجين عند مقتدى

موتمن. لازم نخليلها اوكسجين

مقتدى. مومل. روح وي سيلين جيب جنطة العلاج من الثلاجة وجهاز الاوكسجين

نور. حسيت جسمي بيه برود مو طبيعي ومختنكة شلون الشي الخانكني ودموعي اطيح

موتمن. حبيبتي ليش الدموع زين حاجينه بالاشارة راح اسالج ورمشي بعينج مختنك مثل الواحد خانكج

نور. غمضت عيني وفتحتها

موتمن. زين عندج برود نهول بجسمج

نور. غمضت وفتحت

موتمن. نور خليج وياي عندج الم بصدرج

نور. غمضت واريد اخذ نفس ماكو

مقتدى. شكو شبيك

موتمن. ماكو شي نوبة ربو اصبر ما تسمع النفس مالها كوم شيلها كعدها ع الجرباية وواحد منا واحد منا صيرو

شالوها وكعدوها وصار ع صفحة مهند وصفحة مهتدى.

جاد. مقتدى ايدها وشفايفها ازرق

موتمن. اي اعراضها جاب الجهاز خليناه وخلينه ابرة موسع قصبات وياه نور باوعيلي ع كيف اخذي نفس شوية شوية يلا حبيبتي بدينه نفرج بايدها ورجلها. ها حبيبتي

نور. كدرت اخذ نفس شويةشوية غمضت وفتحت عيوني بس عيوني بعدهن يدمعن

جاد والله اطيحلج حضها بس صيري زينه شسويتيلها

جولي. خفت كلش عليها وبالاخص من صارت زركة خلصتها بس بجي

مرت 10 دقائق مقتدى. نور شنوجاي تحسين مهتدى وضعها مو زين

مهتدى. بعده لو تكدرين تتنفسين هسة

نور،،،،،

انتظرونا

اعتذر ع بارت امس بس جان ماعندي نت وهم ملتهية عندي امتحان بعد كم ساعة ادعولي