احفاد ال رحيم الفصل الحادي وثمانون 81 - بقلم سيريوس

تكتلنِي وانَه بلا عَقل
اشتاكَلك مِثل الطَفل
جن انتَ المربيني
رَخصت كُلشي لجيتك
حسَبالي تغنِيلي،
وتتونس انتَ من أحترك
عطابي لما يوصلك تبتسم ما تطفيني!
كُل هذا وانَه اشتاكلك كُل هذا وانَه اتلفهلك‏
كل هَذا وآني اتذَكرك
چا كلِي شينسيني؟

،،،،،،،،،،،،،،

نور. كح كح هزيت راسي اي بس تعبت كلش مو طبيعي

موتمن. الحمدلله

سيلين. مقتدى عمة جاي اتصيح علينة

مهتدى. مقتدى لازم ناخذها مستشفى ونخليها تحت المراقبة ونسويلها فحص للرئة وكلبها لان نوبة قوية كلش

مقتدى. سيلين انتي والبنات لبسنها عبايتها حتى ناخذها للمستشفى نازل احاجيهم. نزلت

الجد. شصاير بابا وين كلكم اختفيتو

مقتدى. جدو نور اجتها نوبة ربو وجنة يمها

ام نور. يمة بنيتي ولطمت ع صدرها

ابو نور. شلونها هسة

مقتدى. كدرنه نتلاحكها بس لازم ننقلها مستشفى

ابو مهند. عمو هية لو دخان لو تراب ياذيها بس هية جانت يمنة مابيها شي

مقتدى. بعد اجتها نوبة رايح ابدل واشوف البنات خلصن

ام نور. صاعدة وياك

مقتدى وين يمة رايح انزلها اصلا انتي رجليج
صعدت ها بنات

سيلين. خلصنه

مقتدى. سمعو كلش زين سالفة جولي ونور ماينحجي بيها والاسمعه حاجي مايلوم الا نفسة تكوم نور بالسلامة وهية تتصرف كتلهم جوة اجتها نوبة ربو وانتن منو يسالجن كولن صعدنه نريد نصلي واختنكت وضلت تكح واجتها النوبة تمام

الكل. تمام

مقتدى. شلتها روح مومل افتح السيارة موتمن شيل الجهاز وامشي وياي

مهتدى. يلا بسرعة

مقتدى امشو بسرعة نزلنه اول درج

جاد. مقتدى انطينياها عنك تعبت

مقتدى. لا ماتعبت كملت اخذتها للسيارة صعدنه انا وموتمن ورا يمها ومهتدى كدام ومومل يسوق

موتمن. ع كيفك مو حيل تمشي

وصلنه للمستشفى خليناها بغرفة راح مهتدى لبس الزي واجه وياه دكتور خاص للرئة سوولها فحوصات للرئة والقلب

موتمن. نور شلونج احسن من قبل شوية

نور. هزيت راسي كلش تعبانن ومابية حيل اسوي شي حتى حجي وراسي من التفكير ضل يوجعني اشرتلهم راسي

مقتدى. موتمن راسها يوجعها

مهتدى. اي هية المسبب الرئيسس للنوبة العصبية فلازم تخفف منها او اطلع البكلبها تفضفض وتسوي تمارين تنفس

مهتدى. شباب عادي اطلعون شوية

مومل. ليش

مهتدى. اريد احجي وياها شوية

مقتدى. تمام امشو

طلعو نور شلون صرتي

نور. بعده الاعراض عندي احسن وصعوبة احجي

مهتدى خلي ايدج ع بطنج اخذي نفس من خشمج الحدما تنفخ بطنج وطلعيه من حلكج

نور. سويته مرتين 3 تعبت

مهتدى. نور احجي فضفضي اعرف محتاجة احد تفضفضيله

نور. كوة احجي صح محتاجة احد افضفضله بس محتاجة احد من احاجيه واخلص كون يمسح ذاكرته من كلشي حجيته

مهتدى. احجيلي وعد لا اذكرج بيه ولا اكوله ومن تخلصين كانما لم يكن شي

نور. توعدني

مهتدى وعد وداعت جهالي وبعد اكدر اسويلج شي كلما تردين تفضفضين اذا انا مو يمج تسوينه

نور. شنو

مهتدى. دخلي ع محادثتي يومية خليها احجي شنو صار وياج شنو المضوجج شنو الماعاجبج ودزيها وعد مارد ع ولا محادثة ومن تحتاجيني بس كتبي help me ارد عليج

نور. تمام

مهتدى. شنو الوصلج الهنا كولي

نور. جنة نشاقة انا وجولي ووووووو حجيت كلشي اعرف انا صرت علة ع كلبكم مهتدى صحيح انا اتعامل وياهن بطريقة مو زينه انا فارضة عليكم شي ماذية احد شنو ذنبي اذا قدري هيج شنو ذنبي اذا الله كاتبلي ما اكمل زواجي شنو ذنبي هااا ليش المطلقة دائما عليها صفة مو حلوة شنو ذنب البنية اذا الرجل مو زين لو الرجل السبب منة لو الرجال لازم يرضة اهله ويعوفها لو، ،،، هواي اشياء كح كح

مهتدى. كافي خلي الاوكسجين بعدين نكمل اهم شي حجيتي ولو شي قليل من البكلبج بس عادي ارد ع شي واحد من الكلتيه

نور. هزيت براسي اي

مهتدى شوفي انتي مو علة ع كلبنه ولا مسويتلنه شي ولا نسوانه يحجن عليج وهاي السوالف بالعكس يخلصنها مدح بيج وغزل والله شاهد علي وداعت جهالي بعد لا حسبالج هيج اكو حتى اخفف عنج ومو ذنبج كل الصار اختبار من الله ونجحتي بيه لانج مومنه بربج بعدين السيد مو كلج من رحنه للزيارة الله راح يختبرج لان يحبج ومعليج بالحجي اليحجي معناتها غيران منج ومن نجاحج ومن حياتج لان يتمنه يصير مثلج وما يكدر وانتي مفضلة علينه كلنه احنه ونسوانه وجهالنه

نور. شكرا

اندك الباب

مهتدى. ادخل

مقتدى. عادي ندخل الاهل برا

مهتدى. هلا بيهم

ام نور. يمة بنيتي شصايرلج شبيها احجولي

مهتدى. هدي عمة والله هسة زينة كاي مريض ربو اجته نوبة

ابو نور. شنو السبب

مهتدى. شامة ريحة قوية منضف او عطر او بسبب الحديقة لان وكت لقاح

الجد. الحمدلله ع سلامتج بابا

نور. خلصتها ابتسامة واغمض عيني احس شوية ارتاحيت من حجيت المهتدى اليسال ليش مهتدى بالتحديد لان اكثر واحد بيهم فاهم ويتصرف بحكمة وعقل مامتسرع وهادي يعني لو ع كص ركبته مايحجي السر

مقتدى. شنو هاي دكتور خليت مريضتنه تصحة وتضحك

مهتدى. مو كل دكتور دكتور

موتمن. شقصدك هاا

مهتدى. بكيفكم

العمة. ولكم اخيتكم مريضة وانتو تتناكرون

الجد. بابا صحيح الكالو بسبب الجو انا حاجيت البنات كالن ماندري واخيتج جولي خلصتها بجي

نور. هزيت راسي

مهتدى. جدو مو زين عليها التجمع ولا الحجي خلوها ترتاح اروحو نور راح نخليها لباجر نطمن ع صحتها اكثر يلا نطلعها

الجد. ان شاءالله

مقتدى. روحو انا يمها

مهتدى. لا روحو انا ابقة

نور. خلو مومل بالكوة احجي

مومل. روحو انا يمها وماعندي دوام اصلا

ام نور. ليش هيج حالتها ماما

مهتدى. عمة من تجي النوبة الانسان يبذل جهد هواي حتى يكدر يتنفس بس مايكدر فمن يجيه جسمه كله يتعب حتى النوم مايكدر اينامه هسة احنه مخلينها ع هلوضع لان اذا نامت راح يصير ضغط ع راتها وترجع

ام نور. سودة علي بنيتي

طلعو ضل مومل يمي شغلي قران حتى ارتاح والليل كله مانمته ولا هو نام خطية

الجد. ليش اجتها وجولي تبجي من دونهم

مقتدى. جولي من هي صغيرة ماتتحمل هيج حالات وتضل تبجي يعني شلون الخوفة وغير هذا هية ونور مزاعلات من امس ليكول جهال وخافت عليها

الجد. والله اذا عرفت غير هيج ماتلومون نفسكم

راح الغرفتة والاهل راحو بقينة بس الشباب

جاد. انا الج

مقتدى تعالو برا نحجي طلعنه احنه الشباب. تعال شنو انا الج بصوت ناصي ليش هية شمسوية

جاد. كل هذا وما مسوية شي جا مو جان ماتت لو ما متلاحكيها انتم لا سامح الله

جولي. والله احنه من امس نشاقة اسال البنات واليوم هم اشاقينه مثل كلمرا

سيلين. بس انتي غلطتي تدرين بيها ومبلغتنه سيرة الزواج ما نذكرها كدامها تجين انتي تكليلها حظي ولو متزوجه ومخلصه والله يدزلج رجل اعمى واعور وعرج واطرش ويكومج بكتله ويكعدج بكتله وي الاذان ونخلص منج

جاد. صدك هلحجي

جولي. 😭والله بالشقة جنة نشاقة وانا هم بنية شقة جنت احجي والله مادري يصير هيج

جاد. مو تدرين بيها مريضة مو سوت عملية وكبال عينج وانوب خطبوها وهية عقل طفل عقلها شوكت تكبرين هااا والله لو يصيرلها شي ماتلومين غير نفسج

مقتدى. هية مو محذرتجن من هاي السالفة ليش تذكريها كدامها

موتمن. ترا نور نفسيتها كلش تعبانه مدمرة دمار تعرفن شلون لو لا لا حسبالجن من تكعد وتضحك هاي الحقيقة نور ماتحب تحسس احد بالبداخلها بس ساكته وصابرة علمودنه لا تشوفنه ضايجين عليها

مهند. كافي يابة الخاطر الله كافي البنية تعبانه كلش كلش مو شلون ماكان زين منها وصابرة من شي الشي خطية

مقتدى. اصلا ما راح اخليها انا بس يخلص تخرج مومل وزواجكم انت ومومل اخذها اسفرها لان هية ماتقبل علمودكم

جاد هذا اذا ضل زواج المومل مومل اكثر واحد يحب نور ومتعلق بيها لا تتوقعين يكمل اذا صار النور شي لا سامح الله يدفنج بيده وانتي عايشة لان اخته بنت امه وابوه وكف بوجها ولعب بيها لعب الخاطر نور هذول توام جسدين بس روح وحدة بحالتها هاي حسيته جاي يحارب وياها شفت بيه المرض مثل نور

جولي. والله وملائكته وانبيائه جنت اشاقة واتحمست وهيج كلت والله مو من كلبي والله ما اقصد صدك شاسوي وتصدكون

مقتدى. شنو حجت وياك لان من دخلنه وضعه احسن

مهتدى. ماحجت شي بس نصحتها ماتسمع كلام الناس ولا تهتملهم وضل ع ثقتها نفسها لان العمر يخلص وكلام الناس مايخلص. يلا عوفو الحجي الماله داعي كله اذا طلعت نور باجر اتصرفو عادي وياها كانما شي ما صار ولا تسوون مشاكل كدامها لان العصبية مو زينه الها روحو نامو وانتي الحية مالتي تعاي وراي وانت موتمن جيب الحية مالتك وتعال هم

مقتدى. ههه امشي حيتي

رسل. جا ماتتعشون

مهتدى. لا شبعنه سم

الكل. ههههههه

جاد. امشن كدامي يلا

سيلين. خوية مهند جود نام بغرفة نور خطية بجة عليها ونام

مهند. ماشي خوية صاعد اخذه وقفلو الباب مال غرفتها

نمنه كعدنة ثاني يوم رحت انا ومهند ومهتدى وموتمن وجاد للمستشفى دخلنه لكينه مومل ونور نايمة

صباح الخير

مومل. هلا بيكم صباح النور

مهتدى. شنو وضعها

مومل. والله خطية ضلت تسوي تمارين تنفس فترة وفترة صارت ب4 يلا نامت وانا مانمت خفت عليها ضليت كاعد رفعت راسها جابت ممرضة بعد مخدة يلا ارتاحت

مقتدى. روح حبيبي واحنه يمها تكعد ونشوف وضعها

مومل. لا تحاولون والله ماروح اذا مو رجلي ع رجلها

موتمن. عوفه

نور. كعدت لكيتهم موجودين كحكح تحمدولي السلامة

مهتدى. ها نونة شنو وضعج

نور. الحمدلله

مهتدى. هسة نشوف بعد الفحص سويتلها فحوصات. لا الحمدلله بس العلاج راح نغيره باقوة منه واحنه موجودين يمج شيصير تكليلنة وانشاءالله خير

نور. ان شاءالله

مهتدى. ترا يحتاجلج راحة اضافة الى تمارين تنفس

نور. تمام

مهتدى. وهسة نطلع بنيتنه بس وين تردين تتريكين بالبيت لو نطلع برا

نور. بالبيت احسن

مهتدى. مثل ماتريد اميرتنه امشي وصلنه للسيارات نور تعاي بسيارتي

مقتدى وليش بالله عيني انت ماخذ راحتك كلش

مهتدى يالفهيم سيارتي بيها جهاز تنقية الهوا ركبته علمود الجهال

نور. مقتدى مشيها مابيه حيل

مقتدى. اصيرلج حيل يا بعد حيل تعاي اصعدج بيدي بنيتي

مهتدى. صعدها كدام صعدنه وانطلقنه للبيت

نور. شصار امس بالبيت

مهتدي. عصبو ع جولي مقتدى وسيلين وجاد واكثر شي جاد لعب بيها لعب ماتشوفينه ضايج عليج حتى كلها ممكن مايتم عرسكم

نور. خليها سالفتي معليها بيهم بعدين مومل يحبها ماريد اخرب حياتهم وهية هاي دفشة ماتعرف تحجي تولي مومل خسر هواي ماريده يكره حب حياته بسببي واكون انا عائق بطريقهم

مهتدى. ههه صدقة لله شنو هاي شلفهم هذا لو كل البنات مثلج يتصرفن العالم بخير جان

نور. ابتسمت وسكتت

مهتدى. نور لاتنسين محادثتنه شوكت ماتردين عسما ب3 بالليل

نور. تمام

وصلنه للبيت لكينه ماما محظرة الريوك كلشي ممكن ينوكل محظرته تحمدولي السلامة واجن البنات هم تحمدلي السلامة

سيلين. الحمدلله ع سلامتج

نور. 🫂 الله يسلمج مرت اخي بهمس ام لسان الكلبها ع حماتها

سيلين. هه

جولي الحمدلله ع سلامتج ومنزلة راسي

نور. الله يسلمج بنت الخال. اكعد امولي تريك انت الهسة مانايم

مومل. تمام

نور. اكلت شوية وكمت

ام نور. ها ماما

نور. شبعت اريد اروح الغرفتي تعبانه

مقتدى. امشي يابة هاي كدامكم نور يحتاجلها راحة مايصيرلها التعب فد يومين ع الاقل

مهتدى. صح ولازم تنتبه الصحتها

ام نور. تمام صار

نور. صعدت وياي صعد مومل ومقتدى ومهتدى. مومل حبيبي روح نام. تعبت انت

موةل. روحي فدوة الج اهم شي انتي بخير

نور. يابعد روحي والله زينه روح ارتاح

مقتدى. ها مرتاحة

نور. اي شبيكم والله زينه روحو الشغلكم

مهتدى. العلاج

نور. هاي راح اخذه يلا كلمن الشغلة وصيحولي سيلين وخلي تجيب جود

مقتدى. تدللين نوارة

مقتدى. نزلت. سيلين اخذي جود وصعدي النور تريدكم كونو ع علم ممنوع عطورات بخور مواد تنظيف ريحتهن قوية دخان جكاير او اي دخان والتراب مو زين عليها كلش

الكل. تمام

سيلين. اخذت جود وصعدت

جود. امة اين لوح

سيلين. راح نروح العمة نور بس هاا ع كيفك وياها ولا تشبكها حيل لان مريضة

جود. يا اتية بيها

سيلين. صدرها يوجعها وتكح اوك حبيبي

جود. اوتي

دخلنه النور هلاو عمة

جود. امة

نور. ياروح عمة تعال حبيبي اجه باسني بخدي بس

جود. امة بيج اوه

نور. لا بس مريضة

جود. امة سوسو كول مريدة هنا اوجعج تحين

نور. اي حبيبي صح كلام عمة سوسو تعال كلي وين نمت امس شسويت بدوني

جود. بججيت واي امة سوسو كال نام اكعد اجي امة نول نمت انا جبايتج

نور. عفية البطل يسمع الحجي بس بعد لا تبجي عيب انت كبرت تمام

جود تم ابج واي

نور. وانا بعد احبك روح العب هناك بسيارتك. عندة سيارة والهاب مخليتهن ع مثل اللرشة يلعب عليها. اي سوسو شصار

سيلين. ماكو شي جدو استجوبنه كناله صعدت تصلي وسمعتها تكح اتصلت ع الولد وسال ليش جولي تبجي كناله تخاف من صغرها من هيج مناظر

نور. والولد من رجعو اشوفهم مو ع بعضهم

سيلين. لو شايفة من رجعو من المستشفى تحسينهم يردون بس ياكلوها كلها وجها احمر وبارزة شرايينهم من العصبية بس مايكدرون يحجون بس جاد ومقتدى حجو وي جولي ولعبو بيها لعب وكلولها ماتلومين نفسج اذا صار شي حتى جاد كلها حتى عرس ماكو لا تفرحين مومل يدفنج عايشة لان يحب نور حب موطبيعي اخته وكف بوجها عمود نور شحال انتي بس خرب الاكشن مهتدى بالاخير

نور. ههه شسوة

سيلين. عود فك النقاش جان يكول الرسل خطية تعاي الحية مالتي امشي نروح للبيت وانت موتمن جيب الحية مالتك وتعال خطية رسل بلعتها جان تكله ماتتعشة كلها شبعنه من سمجن ومقتدى ع الواهس كلي يلا الحية امشي للغرفة

نور. هههههه كح كح

سيلين. اسم الله بس تدرين كلما واحد بيهم يكول الحية اتخيلج انتي تكوليها

نور. خالستجن خلس مو

سيلين. منو كدج انتي

نور. شو ماجاي تحضرون للخطبة

سيلين. جدو اجلها كال اطيب نور يلا

نور. لا ليش انطيني تلفوني الو جدو

الجد. ها بابا

نور. جدو وين انت

الجد. كاعد بالبيت لش

نور. جدو منو يمك

الجد. كلها كاعدة

نور. جدو افتح سبيكر

الجد. اي بوية كولي

نور. شنو عيني بعد 3 ايام عدنا خطبة ومو اي خطبة خطبة توام روحي مومل شو لا حركة لا شي ليش

الجد. بابا لازم ترتاحين انتي اجالناها

نور. ليش التاجيل جدو انا لا العروس ولا العريس الخاطري جدو خلوه ع الموعد وكملو انا ماعليه شي كاعدة بغرفتي مدللة شعلي

ابو مومل. بس انتي اخته ولازم حاظرة بكلش

نور. عمو انا اخته واذا ماوكفتله المن اوكف وراح اكون وياهم كلهم وكلشي يصير راح تكون بصمتي بيه الحمدلله صرت زينه هاي سوالفهم الدكاترة مال كعدة ماريد اكسر خاطرهم ماخذتهم ع مايهم يلا كلمن يشوف شغله اتقسمو وهاا مومل خلو نايم لا تكعدوه

مرت الخال. جا وجولي منو ياخذها يحجزلها

نور. البركة بيج وبعماتي الغاليات بعدين نسوان اخوتي موجودات مايقصرن ان شاءالله وسيلين هم تصير اخت العريس

الجد. مثل ماتردين بابا

نور. حبيبي جدو فديتك وسديت الخط

سيلين. نور ماروح وياها مالي خلك اشوف وجها بعد السوته

نور. لا تكولين هيج بعدين الخاطر مومل مانريد نحس بالذنب تجاها اذا عافها وهو يحبها صار سنة بعدين ترا جولي خبلة ماتهفهم وتعيد الكلام

سيلين جا ليش عصبتي وضربتيها امس

نور. لان حجته وي صيحة الاذان وكالت يخلصني منج وي كلمة الله اكبر تعرفين هاي الكلمة الها هواي معاني وهم كدام البنات صح هنة صديقاتنه ونسوان اخوتنه بس يبقن غرب باجر عكبة يعيرن اخوتنه بيه

سيلين. تمام انتي اهدي ونامي حتى ترتاحين

نور. اي والله نعسانة

سيلين تعال عمة جود ننزل عمة بيها اوة تريد تنام

جود اوتي امة

اخذته ونزلت

مقتدى ها شلونها ليش عفتيها

سيلين. نامت تكول نعسانة

مهتدى. عوفها بس حاولو كل شوية واحد يشوفها

مقتدي. تمام

مهتدى. يلا عيني احنه نروح اخذو راحتكم

الجد. لا وين والله ماطلعون غداكم يمنه ولاتنسون نور كالت ابدو جهزو للخطبة

الكل. صار

صار وكت الغدا الكل كاعد.

الجد. نور ومومل وين

مقتدى. جدو نور نايمة خلوها هية ومومل خطية هم مانايم من يكعدون ياكلون

الجد. ماشي جا ابدو بسم الله

اتغدينه وخلصنه كعدنه نتفق شنسوي والمعازيم نعزم صارت ب4

مهتدى. مقتدى كعد نور مايصير تضل نايمة هواي وعدها علاج

مقتدى. اي صاعد. صعدت بالاول رحت المومل. امولي مومل اكعد

مومل هاا نور بيها شي

مقتدى. اسم الله حبيبي لا مابيها شي بس دنيا عصر كوم

مومل. فركت وجهي الحمدلله يارب كايم شلونها نور

مقتدى. هم نايمة رايح اكعدها

مومل. انتظر اغسل وابدل اجي وياك

مقتدى. تمام حبيبي

غسل وبدل رحنة النور نكعدها. نوارة نونو

مومل. نونايتي حبيبي كعدي

نور. اي كعدت كح كح

مومل. صحة حبيبي يلا كومي

مقتدى. صحة يحلو يلا عيني كومي نوري حياتي بعدين اخذج الواهس نايمة دنيا عصر تغدي اخذي دوة

نور. هههههه حياتي انتو شبيه وجهك مومل

مومل. ههههه مثل وجهج توني كعدت بوجهي الج كومي نتغدة انا وياج

نور. تمام حبيبي اغسل واجي. كمت غسل وغيرت ملابسي وطلعت

مقتدى. ضلي هنا انجيبلج الاكل لان راح اتعبين من الدرج

نور. يعني بعد مانزل

مقتدى. بس خلي جسمج يرتاح وراها شنو حابة سوي

نور. تمام

نزل كعدنه انا ومومل شوية واجة مقتدى وسيلين جايبين اكل

سيلين. وهذا احلى اكل لاحله اخوان الف عافية

نور ومومل. الله يعافيج

مقتدى. يلا نونو اكلي

نور. تمام اكلنه وخلصنه كمنه غسلنه

مومل. شنو هاي الهوسة الجوة

مقتدى. جاي يتناقشون بخطوبتك ويتحضرون

مومل. منو كلكم راخ اسوي

نور. شلون يعني

مومل. وور انتي تعبانه هية مال خطوبة وحفلة وهوسة

نور. الحمدلله خوفتني انا كتلهم بعدين شعلي انا بخطبتك

مومل. ماعرفج كل مناسبة انتي اكثر وحدة اتعبين بيها

نور. هلمرة ماراح اسوي شي بس وداعت غلاتك عندي اعوضك بالعرس

مومل. لا ماينطيج كلبج اعرف

سيلين. لا هلمرة انا اتولى الامر باجر انا اروح وياها نحجز بدلة وصالون وبيوم الخطبة اروح وياها هم للصالون

مقتدى. وموتمن ومرته راح يتولون امر التوزيعات وحجز الكيك وماي وعصاير

ومهتدى ومرتة امور البيت والتزين وهاي السوالف

ومهند. راح يتولى امر العشة ويتفق وي طباخين وامور الاكل

ومهيمن وياك حلاق والقاط

وانا وي ابوي وعمامي وجدي

مومل. براحتكم بس اذا شفت نور مسوية شي قسم بالله ماحضر بعد

نور. تمام بس منو يجيبلي بدلة

سيلين. من نروح نجيبلج ويانه وانا راح اخليج ع اتصال ويانه بكلشي

مقتدى. واحنه هم

نور. تمام. الله يوفق حبيبي ويسعدك

مومل. نور اكو شي بينج وبين جولي

نور. لا ولاتدخل بهاي السوالف مثل ما انت اخوي جولي هم اختي لاتنسة

مومل. لا يابة اميرتنه الحلوة راح اطلعين مثل كلمرة تكسرين ع الكل

نور. انتم لان تحبوني تشوفوني هيج.

اندك الباب

نور. ادخل

مهند. يابة تستقبلين ضيوف لو بس حبايب الكلب

نور. ههههه هلا بيكم كلكم حبايب كلبي ومعزتكم وحدة

دخلو الكل

الجد. ها بابا شلون صرتي

نور. الحمدلله جدو ازمة وعدت

ابو نور. اخ يالضنة صغير لو جبير كلب اهلك متعلل عليك

نور. اسم الله ع كلبك باباتي

العمة. الله يحفظج بنيتي ويبعد عنج كل شر ولج الصراحة ولايزعلون البقية بس البيت فاهي بدونج

نور. ههههه عمة كلهم خير وبركة والبيت زاد نوره من دخلن جناينه علينه

الجد. ههههه اخ من سوالفج

ابو مهند. هية ما عمت عليها غير سوالفها العسل

ضلينه نسولف شوية ونحجي بعدها نزلو الكبار بقينه بس شباب

جاد. ماكدرنه نحجي كدامهم بس مادام بقينه بس احنه يلا جولي

جولي. كمت وكفت كدامها انا اسفة نور اعتذر ع الكلام الكلته اسفة اعرف غلطت وغلطي جبير والله بعد ماكولها ان شاءالله ينكطع لساني بعد لو عدتها

نور. ماصار شي عادي انا اسفة لان ضربتج

جولي. لا حقج اتضربيني لان غلطت وانتي اختي واستحق هلشي سامحيني

نور. مسامحتج

نور. جاد ليش مبتعد عكس عادتك شنو زعلان ع اختك لان انخطبت

الشباب ههههه

جاد. لا بس مالي عين اجي يمج بعد السوته اختي

نور. لا حبيبي كلنه ندري جولي تحجي بلا تفكير ومو عن قصدها شوفو يكلكم تعرف صديقك من عدوك بعز ضعفك وهسة عرفت اليحبني من الما يحبني

سيلين وشطلع وياج

نور. كلها ماتحبني بس مهتدى

الشباب. شنو

مهتدى. ههههه نور شسويتي راح يفترسوني

مقتدى. امممم عدكم سالفة هيج صارت مع الاسف ما غلط ابو المثل من كال اجاك تالي عكبك

مهند. مع الاسف ابن امس صار عزيز اليوم

مومل. توامي وتوام روحي والحجي كله طلع نفخ تنفخ بينه

موتمن. هاي وانا احبج اكثر شي ومخلصينها مقالب وضحك هيج

نور. هههههه كح كح كح

مهتدى. اسم الله حبيبتي شربي مي

مقتدي. شبيج نور

مومل. اختنكتي لو شنو

نور. ههه ماكو شي شبيكم والله جنت اشاقة احبكم كلكم نفس الحب والمعزة بس اكو واحد بيكم معزته اكثر بواحد بالمية

الشباب منو

نور. اليحزر شيريد يطلب

مومل. انا اكيد

موتمن. مهتدى

جاد. مهتدى

مهتدى. مومل

مهند. مومل

نور. وانت مقتدى

مقتدى.انه الرقم الأول بين الارقام
من تعبرني يم الصفر ترجع

نور. الله عليك خياي

مقتدى جا شعبالج

نور. اطلب وادلل

الشباب. هههه اكيد تحبينه اكثر شي غير اخوج من لحمج ودمج

نور. لا مع الاسف عليكم كلكم احبكم واعزكم نفس الشي بس مقتدى جان وياي بمواقف ماتنذكر مقتدى تعب علي اكثر من امي وابوي وجنت متعلقة بيه اكثر منهم ماتشوفوه مرات يكلي باباتي

الشباب نشاقة

نور. اي حبي اطلب

مقتدى. اريد سلامتج

نور. لا مايصير لازم تطلب

مقتدى. جا لبسج علي مالت الخطبة

نور. تمام

مرت الايام التهو بالتحضيرات صرت احسن واليوم الخطبة راحن البنات للصالون بقيت بس انا ورسل بالبيت ماخلوني اسوي شي كعدت بالصالة ويمي الجهال حبايبي الحلوين صار الغدا تغدينة وخلصنه لملمنه البيت وصعدت الغرفتي ابدل ورسل خطية هم جابت غراضها هنا لان ماتكدر تعبر للبيت بعد ناس هواي جاية اجن البنات من الصالون شوفني جولي جانت لابسة

البنات لبسن

رحنة الهم بدا السيد يعقد خلص العقد دخل مومل كعدها وطلع شوية واتصل مومل راح يدخل استقبلنه بالهوسات سلم عليهم وانا اخر وحدة باركتله باس ايدي وكعد حان جايب

لبسها الحلقة

وكصو الكيك

اكلو بعض

سيلين انتظر تلبس بدلة المهر مالتها كومي وياي راحت لبست

ام مومل. ماما لبسها نيشانها

ام مومل. الف مبروك ماما الله يسعدكم ويفرحك طول حياتكم

مومل وجولي. الله يبارك بيج يمة ويطول بعمرج

ام جاد. الف مبروك ماما

جولي ومومل. الله يبارك بيج

العمة. الف مبروك حبايبي

مومل وجولي. الله يبارك بيج عمة

ام مهند الف مبروك ماما الله يسعدكم

مومل وحولي الله يبارك بيج عمة

ام مقتدى. الف مبروك ماماتي زواج الدهر

مومل وجولي. الله يبارك بيج عمة

ميليسا. الف مبروك شايفين كل الخير

مومل وجولي الله يبارك بيج

سيلين. مبروك حبايبي شايفين كل الخير

هاي من مقتدى

هاي مني

مومل وجولي. الله يبارك بيج

سمارا الف مبروك الله يتمملكم هاي هدية من ابو الجود

مومل وجولي الله يبارك بيج