احفاد ال رحيم الفصل الثمانون 80 - بقلم سيريوس

اخـاف يفوت عُمري عليك
ويَعفسه الهوى ويَعتك
ترا الديـوان لو هِجروه
بَس البوم بيه ينغك
وترا من يُكبر الرُمان
طبعه يهيج يتفَشك
وترا من يبرَد التنور
تِلتم خُبزته وتلزك
وبَعد من يلتوي البسمـار
مابي حيل مِن يندَك
ترد عُمري !
ترد ردود تحوي شراعي المَزك

,,,,,,,,,,,,,

ام رسل يعني جبتوني وخليتوني تحت الامر الواقع هاا

مهتدى. عمة احنه نريدج تامنين مستقبل البنات وحتى من تخلصين اقساط البيت هم نشوفلج مشروع وهم نخليج ادفعين عمة فكري بس بنات عمرج طويل ان شاءالله باجر عكبة لو صارلج شي منو الهم ومنو يضمن مستقبلهم

نور. خالة صح البنات يتزوجن وكل وحدة تروح البيت رجلها بس يبقة عدها نقص اذا ماعدها ماواه لا سامح الله وان شاءالله حياتهن بس الفرح اذا وحدة منهن تزعل وي رجلها لو تريد تجيج زيارة ع الاقل من تكول رايحة البيت امي تحجيها بثقة احسن ما يعيرها الرجل باجر عكبة وترا مو كل رجال كلمته التمشي ولا كل رجال رجال وحتى لو رجال اذا خيروه بين مرته وامه ماكو واحد يختار مرته ع امه ذاك من ذاك ولا كل عمة عمة وتنحمل

رسل. فكري يمة احنه بنات لا سند تحت رحمة ربج لا اهل بيهم خير

ريان وليان. اي يمة كلامهم صح

مهتدى. بعدين عمة مو بيت ابو نور البيت انا راح اشتري واعتبري نفسج مداينه مني فلوس حتى تشترينه وجاي توفيني بالقسط

ام رسل. تمام يصير خير بس ها دين وتجون كدامي تحسبون من سعره وكم سنة القسط واذا متت ذمة بركبت بناتي يسددن الدين اليبقة

الينات. تمام الله يطول بعمرج

مهتدى. صار الله يطول بعمرج ويحفظج

ساعدناهم بالترتيب اغراضهم ثاني يوم رحنة اشترينه البيوت ومهتدى اشترة بيتنه وحولة باسم ام رسل ووقعنه كلشي عزمتنه خالة ع العشة خلصنه وساعدنه البنات بالتنظيف اخذنه الجهال انطيت جود المهند وجهال مهتدى المهتدى وموتمن.

نور. عن اذنكم عندي شغلة وي رسل دربالكم عليهم شوية ونجي

مهتدى. وين خاف يبجون

نور. بغرفتي واذا يبجون يمك امة محمد كلها من حضن الحضن مايبجون باي. اخذتها ورحت الغرفتي

رسل. ههههه شبيج

نور. اوكفي خلي اخذ نفس

رسل. هاج مي شربي

نور. شربت الحمدلله

رسل شبيج تجرجرين بيه هيج

نور. موضوع مهم وداعتج قنبلة

رسل. شكو حمستيني

نور. انتي اقرب وحدة السمارة مو

رسل. اي

نور. اهلها اذا اتقدملها واحد مطلك عادي

رسل. مادري بس ليش

نور. اريد اخطبها المهند

رسل. وشمعنى هية

نور. لان جود الوحيدة يحبها من الغرب وهية تحبه وتموت عليه بعدين اكو شغلة احتمال عدي سفرة بالعطلة فجود خطية اريد امن عليه

رسل. وين وشكو

نور. شبيج غير تجديد اقامة وحتى ماما وبابا

رسل. ها حسبالي انتي ترديني اجيس نبضها هااا

نور. عفية حتى اذا كلشي تمام ورا اربعينج نخطبها

رسل. تمام باجر اخلي البنات يدزن عليها وتجي
ونكعد نجيس نبضها

نور. تمام طلعنه رجعنه يمهم كعدت انا يم مهند

موتمن. شعدجن رحتن ركض واجيتن

نور. سوالف بنات حاب تدخل

مهتدى. هسة اله تسال شبيك

نور. بهمس هنودي حاجيتها تجيس نبض سمارة

مهند. شكلتيلها

نور. كلتلها تلمحلها اذا اجاها شخص مطلك تقبل بيه لان هية اقرب وحدة الها

مهند. بس كلتيلها انا اريد

نور. لا كلتلها عندي سفرة بالعطلة واخاف ع جود ماكدر اتركة وحدة لان انا واهلي ومقتدى ومرته هم

مهند. تمام الله يكتب البيه خير

نور. ان شاءالله

رفعنا راسنة لكينه موتمن مركز ويانه

موتمن. والله عدكم شي ليش تتبسبسون

نور. جاي اكله المسدس مالتي بيه طلقتين وهلمرة الخبال صاعد عندي شرايك اخليهن براس موتمن

موتمن. يمة عزا العزاني شفتو كدامكم اختي تريد تكتلني خاف يصير علي شي لو تلكوني مكتول نور الكاتلتني

مهتدى. صعدها بعد ضيفلها دراما اكثر

موتمن. يمة انشهرنا انفضحنة باجر. ننشر بالتلفزيون والمواقع اخت كتلت اخوها لان ضايجة ويتمت جهالة البعدهم ما شايفهم

الكل. هههههه

مقتدى. هوب هوب وين رحت كبل شهرت وترند ومدري شنو تشاقة وياك

موتمن. يا شقة شوفها تخزر بيه عيون البزون

نور. انا حيوانه تكول علي مو

موتمن. منو كال حيوانه

نور. شوفو هاي كدامكم كال عني حيوانه مع الاسف عليكم يغلط علي وساكتين رحم الله والديكم وجزاكم الله الف خير والنعم منكم 😢 وكمت اطلع

مهتدى. هاي صدك لو يشاقون

موتمن. نور بجت لو يتهيالي

مقتدى. انتم تشاقون لو صدك لو شنو الفلم

مومل. طلعت ركض وراها

مهند. امشو نشوف شبيها

طلعنة كلنا وراها لكيناها شابكة جدو

الجد. شمسوين الها ومخلينها تبجي.

جاد. جدو جانو يحجون هية وموتمن وكلبوها عركة حسبالنه يتشاقون مانشوف اله نور دمعت وطلعت

الجد. ليش شكلولج بابا

نور. مسحت دموعي جدو تقبلها موتمن يكول علي بزونة وهم يبقون ساكتين انت مو كلت الخوان يكونون سند لاختهم ومايسمحون لاحد يحجي وياها

الجد. صح ليش تكولون عليها بزونة انا حفيدتي لبوة

ابو نور. ليش تبجون عيون الغزال هااا

موتمن. يعني انا من كلت بزون سويتج حيوان جا الغزال واللبوة شنو

نور. شوف شوف كدامك يجاوز علي وساكتين

الجد. ما اسمح لاحد يحجي ع بتي بعدين انا جدها وابوها ونشبها عادي

نور. اي ما يحق لاحد يتجاوز علي غيرهم

مقتدى حتى انا

نور. اييي روحو زعلت منكم

الجد. يلا يلا كلمن ياخذ مرته ويروح عوفو بنيتي شسويتو بيها هيج هية تخلون دموعها يصبن

ريان. زين شنو يسوون حتى تسامحيهم

ابو مهند. اي بابا خطية سامحيهم هاي اخر مرةبعد ما يعيدوها وشنو تردين يسوون

نور. شاورت جدو خلي يحركون جيبهم كلمن 25 بس موتمن يورق 100 دولار وموتمن ومقتدى يغسلون سياراتي

الجد. ههههه ملعونه صدك لو سميج لبوة منو يكدرلج

موتمن. كول جدو شنو تريد حاضرين

الجد. متاكدين

الشباب. اي جدو نور روحنه من الدنيا شتريد وتطلب تامرنة

الجد. اوكفو بالسرة من الجبير للاصغر وحركو جيبكم

وكفو بالسرة تقدم جود انطاها المحفضة اخذي الترديه

نور. اخذت 25 ورجعتها

جاد. بس هاي قليل

نور. بس تعنيلي هواي

مهند. اطلبي حبيبي

نور. اريدك سالم نفس القبلك

مهند. انطيتها 25

نور. شكرا حياتي

انطاها مقتدى 25 ومهتدى هم وصل السرة الموتمن طلع 25 وانطاها

نور. 🤨

موتمن. ها ليش ماتاخذين

الجد. ابو المشاكل انت مصيبتك اكبر تريد بالدولار

موتمن. يرخصلها شكد تردين حياتي

نور. 100

موتمن. تدللين وهاي 100 دولار لاحلى اخت

وانطاها مومل هم 25

الشباب. ها رضيتي علينه هسة

نور. مو كلكم

الشباب. شلون

الجد. اذا تردون ترضى موتمن ومقتدى كل واحد ياخذ سيارة من سياراتها ويغسلها

مقتدى. بلا موتمن فهمناها انا ليش

الجد. اسال نفسك شمسوي

مقتدى. والله مامسوي شي

نور. جا منو الوعدني بعد العرس يعاملني مثل قبله وما وفه

مقتدى. افا انا شلون

نور. جنت من ترجع اذا ماتلكاني قبل ما تدخل غرفتك تجيلي هسة صار 3 ايام تسبح وتخلص يلا

مقتدى. صح اعتذر منج

العمة. عفية حيل بيهم

الكل. هههههه

نور. جذب جنت اشاقة وياكم لا زعلانه ولا شي. هاكم فلوسكم بس حبيت اغير جو

مقتدى. لا فدوة الج الفلوس وكلشي وهسة اخذ السيارات اغسلهن واجيبهن

نور. ههههلا حبيبي اصلا السيارة امس غسلناها انا ومومل من رجعنه وهاي فلوسكم كلمن ياخذ مالاته

موتمن. فدوة الج خليهن

العمة. يا فدوة غير اليشوفك من انطيت اليكول ماخذة ابنك مو فلوس

موتمن. ها يمة سويتيني بخيل

العمة. لا يمة انت ابو الكرم وين اكو منك

نور. بما انو ماتردونهن كومن بنات لبسن عبيجن وتعالن نطلع للسنتر نشتري ونجي بالسيارة

جاد ها بابا خير وين

مهتدى. وين كاعدين احنه اطلعن بدون اذن

مقتدى. ومنو يخليجن اطلعن وحدجن انتن مو بلندن

نور. سمعتن بنات جاي يكولون تردن بعد فلوس يلا كلمن تجيب من رجلها فلوس والمامتزوجة علي

الكل. هههههه

مقتدى. لا صدك نور مايصير اطلعن هيج لازم نسوانه ياخذن اذن منه

نور. ومنو يكول طالعات وحدنه احنه بسياراتي نطلع البنات وانتم تجون كلكم بسيارة

العمة. والجهال.

نور. جا انتم المن اجداد غير اديرون بالكم ع الجهال

ام رسل. رسل ماتروح بعدها ماطالعة الاربعين

نور. عمة قابل شيصير هو نشتري ونطلع هاا شباب

الشباب. يلا امشن

رحنة لبسنه عبي واخذت نسوان اخواني رسل وازهار وسيلين وميليسا
وجولي وياها ريان وليان وخوات رسل البكدنه

والشباب اجو ورانه عدا مهند ومومل

رحنة اشترينه غراض للسهرة وجبنه دجاج مقطع وكباب جاهز بس نشوي وهمبركر واتصلت بام سامي تسوي دولمة وجبنة شاورمة وصوصات واشترينه النه وجبت الجوليان وجود هم حلويات رجعنه وكفنه البيت جدو دخلنه البنات نحضر ونسوي حلويات هم كل وحدة تسوي شي

نور. مقتدى اتصل بيهم يجون هنا اليوم السهرة هنا

مقتدى صار اتصلو واجو اذن صلينه وراها فرشنة بالحديقة فراش جبير وكعدنه كلنه واكل وضحك وونسة

الجد. عندي موضوع مهم

الكل. نسمعك.

الجد. اي اتصلو بيه ناس يردون يخطبون نور لابنهم

الكل التفت الي

الجد. والناس خوش ومحترمين شتكولون

ابو نور. الراي رايها مانريد نكرر الصار

الجد. ها بوية نور

نور. حدو ماريد ورجاءا اي احد يجيك علي كله ماعدنه بنية للزواج وسد الموضوع من يمك اذا تعزني

الجد. بابا مايصير نحكم ع شخص بسبب اشخاص مرو بحياتنه مايصير توكفين حياتج هيج

نور. جدو منو كال موكفة حياتي انا حياتي ماتوكف ع احد والشخص الراح تجربة خضتها وتعلمت منها وراحت بس انا مامستعدة للزواج بالوقت الحالي

الجد. الشوكت هيج راح تبقين

نور. مادري سنة سنتين اكثر مادري عوفوني فدوة اروحلكم لان تعبت هواي تعبت خلوني براحتي واسوي اهدافي اذا تحبوني وعفتهم ودخلت الغرفتي

مقتدى. جدو لا تضغطون عليها هية ما صار هواي من رجعت طبيعية صار 3 اشهر خلوها ترتاح شوية اعصابها تعبانه ونفسيتها هم لا تشوفوها كاعدة وتضحك وسدو سالفة زواجها اصلا بعدها صغيرة والعمر كدامها طويل

الجد. هذا هو خلوها براحتها بس واحد بيكم يروح يشوفها.

مومل. رايح انا جدو

نور. صعدت الغرفتي صايرة اكره ماكره سيرة الزواج مو لان فصخت خطوبتي لا لان جان بدايتة غلط ونفسيتي تعبانه كلش دخلت للحمام سمعت الباب

مومل. نوارة وينج

نور. بالحمام

مومل. بيج شي

نور. لا بس بيه ريحة اكل جاي اسبح

مومل. تمام منتظريج جوة طلعت يمهم

الجد. ها

مومل. جدو جاي تسبح تكول بيه ريحة طبخ

مقتدى خاف تبجي

مومل. لا جانت طبيعي صوتها

دخلو كلمن غرفته واحنه صعدنه الالغرفة نور القديمة ننجمع بيها وعمتي وام رسل وبيت خالي راحو للبيت

حضرنه كلشي ومنتظرين نور

مهند رايح انا اصيحلها

موتمن. عادي اجي وياك

مهند تعال

صعدنه الغرفة نور دكينه الباب نور عادي ندخل

نور. عدلت نفسي اي تعال خوية

مهند وموتمن. ليش القمر مختفي

نور هههه جنت امشط شعري وانشفه

مهند. تعاي نروح نباوع فلم

نور. روحو باوعو انا منعسة اريد انام

موتمن. الخاطري اول مرة اطلب شي منج

نور. تمام جاية بس البس حجاب

مهند. ليش ضايجة

نور. ما ضايجة

موتمن. وهذا الوجه الحلو شبيه

نور. مابيه شي والله يلا امشو

موتمن. البنات حضرن ذيج السهرة المعدلة وذاك الترتيب

نور هههه امشي امشي نزلنه يمهم

موتمن. اشرتلهم بعيوني هسة نور المكان المكان المابيه نور اظلم

الشباب. اي والله

مهند. اي اختاري يم منو تردين

نور. يمك ويم مومل

مقتدى. افا ليش

نور. اريد يم هنودي حبيبي

مقتدى. ها هيج صارت

نور. انتم كلمن مرتة يمه احنه سناكل خلونه براحتنه

الشباب. ههههه

كعدنه نباوع اجه جود بحضني كعدت بنصهم واحد يوكلني واحد يشربني نام جود عدلته بحضني بنص الفلم نمت

مومل. شوفها جنها طفلة نامت اخ بس هواي تعبت

مهند. اي خطية اخذ جود خلي اوديها بغرفتها

مومل. شلت جود وشال مهند نور صعدناهم للغرفة وكلمن راح الغرفته ثاني يوم بالليل

نور. ها رسل شصار ع سالفتنه

رسل. كالت عادي اهم شي يقدرني ويحترمني

نور. تمام راسلت مهند بلغته مرت الاربعين مالت رسل سوو عزيمة وملتهين العصر بعد ما الكل راح. مهند حاجي جدو

مهند. تمام. احم جدو

الجد. ها بابا

مهند. جدو جود جاي يكبر وانا اكثر الوقت بالدوام وسيلين متزوجة واداوم وامي كبرت مومال تربي طفل وتعب ونور خطية هية متكفلة كلشي بيه وبجود بس هم تريد تطلع تشتغل تسافر حقها ماكدر اصير اناني وهية ماجاي تسوي شي الخاطر جود فاريد اتزوج

الجد. حقك بوية ما طلبت غير حقك عندك احد ابالك لو تريد المهمة علينه

مهند. لا جدو انا وين شايف احد من الدوام للبيت واذا طلعت وي الشباب انتم من يمكم بس كون جبيرة يعني مقاربة العمري فاهمة وتصون بيتها ورجلها وجود اهم شي

الجد. ها بوية اكو احد ابالجن

نور. جدو انا اكو وحدة نفس المواصفات اليريدها مهند وبعد تحب جود تموت عليه وهو هم يحبها جود بس مادري اهلها ينطوها او لا

الجد. منو بابا

نور. جدو سمارة صديقتنه هية عمرها 25 سنة والبنية ادب واخلاق ماشفت منها شي مو زين وجود يحبها

الجد. والله والنعم منها زين ما اختاريتي البنية مودبة ومحتشمة وفقيرة اذا عندج رقم امها انطيه العمتج تتصل شرايكم

ام مهند. والله البنية خوش بنية شايفتها باكثر من مناسبة وحلوة وصحيح تحب جود ماعندي مانع عمة نورة اتصلي عليهم وخلي نحاجيها

نور. تدللين عمة اتصلت عليهم وانطيته العمة ام مهند

ام مهند. السلام عليكم خية ام سمارة شلونج

ام سمارة. هلا خية وعليكم السلام ام مهند الحمدلله انتم شلونكم

ام مهند. الحمدلله خية ولو ازعجناج بس حابين نزوركم بالليل

ام سمارة. يا خية اهلا وسهلا كل الهلا حياكم الله البيت بيتكم تنورونا

ام مهند. منور باهلا ان شاءالله ب8 نمرلكم

ام سمارة كل الهلا

خلصن حجي وسدنة

ام مهند ب8 نروحلهم

الجد. اخذي وياج ام نور وام مهتدى وام جاد وام مومل

ام مهند. صار يابة صار الليل بدلن وراحن

ام سمارة. اهلا وسهلا تفضلن حياجن الله

ام مهند. الله يحيج خية

ام سمارة نورتونا بجيتكم

ام نور. منور بيكم

جابو الضيافة

ام مهند. بصراحة احنة اليوم جايين وعدنا طلب يمج

ام سمارة. كل الهلا بيكم كولو

ام مهتدى. والله خية جايين وكلنه كرم بيكم وجايين نطلب ايد بنيتكم لابنه

ام سمارة هذا من طيب اصلكم بس منو من البنات والمن

ام نور. خية احنة جاين نطلب ايد سمارة المهند والولد مثل ماتعرفون هو عقيد ومطلك وعنده ولد

ام سمارة. كل الهلا بيكم نشرف بس مثل ماتعرفون الشور للبنية اخذ رايها واشوف اهلها ونردلكم خبر

ام مهند. عاد انا احبها ومعجبة بيها وباخلاقها الف رحمة ع والديج ع هلتربية واتمناها لوليدي اليوم كبل باجر لا تتاخرون علينه بالرد

ام سمارة تسلمين حبيبتي ان شاءالله يوم يومين ونردلكم خبر

ام نور. جا احنه نستاذن منكم

ام سمارة. يا وين بعد وكت

ام مومل. والله تاخرنه هم يلا وان شاءالله الزيارات هواي

ام سمارة كل الهلا بيكم

طلعنه ها يمة

ام مهند. كالو نشوف البنية ونشوف اهلها ونرد خبر

مرت يومين اليوم احد كاعدين العصر اتصلت ام سمارة علي. رفعت الخط. هلا خالة

ام سمارة. هلا بيج خالة نورا شلونج الاهل شلونهن

نور. احمدلله انتي شلونج البنات

ام سمارة. الحمدلله عمتج يمج ام مهند

نور. اي خالة هسة انطيجياها. عمة ام سمارة ع الخط

ام مهند. يا هلا خية شلونج

ام سمارة الحمدلله انتي شلونج

ام منهد بخير خية

ام سمارة. خية شاورت الاهل والبنية

ام مهند اي خية بشري

ام سمارة. كل الهلا بيكم شوكت ماتردون

ام مهند. يعني

ام سمارة. البنية موافقة واهلها موافقين

ام مهند. الحمدلله والشكر الله يكتب البيه خير ان شاءالله اشوف الاهل ونحدد موعد ونبلغكم. مع السلامة

الجد. هاا بوية

ام مهند. موافقين

الكل باركلهم. نور. الف مبروك خيو وغمزتله

مهند. ههه الله يبارك بيج حبيبتي.

حددو موعد وراح يشوفون البنية ويحددون المهر والمهر مثلنا كلنه نفس المهر. حجزنه قاعة وبدلات وصالون.

يوم المهر. كعدت الصبح بدلت ونزلت صبحت عليهم. صباح الخير

الكل. صباح الخيرات كعدنه تريكنه التمن البنات الصالون نروح انا وسيلين وجولي وازهار وي سمارا ميليسا ورسل والبنات بالبيت رحنه بدت ام الصالون بسمارا بعدها بينه وحدة ورا الثانية طلعت تجنن سمارا وشكلها ناعم حيل ساعدناها لبست

للعقد لان مناك نعقد بيتهم بعدها ناخذها للقاعة. احنه مثل كل مرة نبدل بالبيت هلمرة كلنه بسيارة وحدة اجينه لبسناها كبوس وعباية وطلعنه احنة لبسنه جبب وانا نضارات لان اغطي وجهي وصلناها عدلنة مكياجها وشعرها ورحنه للبيت كبل صعدنة كلها مجمعة بيتنه صعدنه نبدل

نور

سيلين

رسل

ازهار

ميليسا

جولي

ريان

ليان

نزلنه من فوك كلها تصلي ع محمد لبسنه جببنه وشالاتنه طلعنه رحنة الهم عقدلهم الشيخ بعدها لبسو خلقات وطلع مهند لبست سمارا بدلت الحفلة

دخل مهند طلعها وطلعنه كلنه وكفو صورو كم صورة بعدها رحنة للقاعة سوو دخوليت العروس بعدها دخل مهند بيده ورد

ام مهند. ماما لبس عروستك الذهب

كصصو الكيك

وركصو سلو

ام مهند الف مبروك ماما الله يهنيكم

سمارا ومهند. الله يبارك بيج يمة

ام سمارا. الف مبروك ماما

مهند وسمارا. الله يبارك بيج