احفاد ال رحيم الفصل الخامس وثمانون 85 - بقلم سيريوس

خَاويتَك عشِب وي كُل نَسيم تمِيل
جَربتَك شَجر بالريح تِتكَسر
ومِن صار الصِدگ ردِتك ولو حاجوز
وغَصب عِذرك قِبلتة تخَاف تِتعَور
بزَلاتك اضِم ردتَك ضَمير اتصير
وچَذبت الصِدگ حتىٰ انتَ ماتِخسر
وعاوَنتك عَلي من شِفت عُذرَك خَاب
قَنعت النَفس گلتلها يتغَير
لا گِصرَك طوَل لا فَاض بيك الطِيب
لا شَمسَك عِلَت والراكِد اتبَخر
لا مَدك وِصل والعَين شافَت نور
لا كَسرك جِبر لا لغَزك اتفَسر
گدامَك طِحت ماشِفِت وجهَك گام
هاك ابسَط مِثال وشوف وتصَور
وَلك خشبَة بطُبر فرگَست چَف حَطاب
مِن شافَت حَطب گِدامها اتطَبَر.

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

نور. بعد 20 يوم تقريبا من زواج مومل كاعدين يوم جمعة وملتمين كاعدة يم بابا اباوع كلمن كاعد ويمة مرته وجهالة مقتدى وبصفة سيلين مومل وبصفة جولي موتمن وبصفة ازهار مهند وبصفة سمارا البحضنها جود وجاد وبصفة ميليسا وبحضنه جوليان ومهتدى ويمة رسل وبحضنهم توام وعايشين الحمدلله ومستقرين والفرح والسعادة اباوع بس مهيمن باقي وحيد اعرف شمنتظر منتظرني بس انا بيه طبع الموقف الموحلو ماكدر اتخطاه بسهولة صح احس بسبب مراسلاتي المهتدى اتحسنت حالتي اكثر من قبل بس هذا الموقف ما احبة واكو شي بداخلي رافض الزواج والحب وهاي السوالف واكو شي براسي لازم اسويه دزيت رسالة المقتدى

نور. الم يحين الوقت لتحقيق الوعد

مقتدى. اجتني رسالة من نور قريتها باوعت عليها انطتني وجه الترجي. احم

كلها اندارت عليه

مقتدى. جدو خلال هاي السنة والقبلها هواي عشنا احداث منها الحلوة ومنها المرة منها السعيدة ومنها الحزينة ومنها الاثرت بكلوب اشخاص منا ومنها الرسمت السعادة بكلوبنا

الجد. صح بابا وشنو المعنى

مقتدى. جدو تتذكر هداياكم مال السفر مارحتو الها بسبب حالت نور والصار ويانه فانا ونور حجزنالكم انت وبابا وماما ترحون انت وبابا وماما وانا وسيلين ونور للعمرة مادام استقر الوضع والحمدلله عيشتنه

الجد. بارك الله بيك وليدي اي والله طلبت الروحة

مهند. واحنه هم

مومل. واحنة

موتمن. واحنة

جاد واحنه هم

كلمن هو واهله

مقتدى. يعني كلنه راح نروح

الكل. الحمدلله يارب

الجد. شوكت

مقتدى. عكب باجر

الحد. ليش قريبة مانلحك

مقتدى. لان جدو دوامات راح تبدي ولازم يوم 12 بشهر التاسع نروح انا ونور وسيلين لندن عدنا شغل هناك

الجد واطولون لو لا

مقتدى. ماندري لان طالبينه نوقع ع اوراق

الجد. ان شاءالله خير جا بوية جهزو روحكم

نور بدينة نشتري شغلات خاصة بمناسك العمرة وجولي وميليسا قررن يلتزمن بالحجاب جهزنا الجنط وصار وقت السفر سافرنة ووصلنه الاجمل واقرب مكان الى الله من اجمل ايام عشتها بحياتي كلما تادي امر من فريضة العمرة تحس احساس حلو بحياتك وتكون قريب من ربنه سبحانة وتعالى واجه اليوم لازم بيه نرجع للعراق وخلصت اجمل 10 ايام بالحياة رجعنه للعراق وكدامنه يومين حتى نسافر لندن رجعنة وقت عصر تعبانين صار مغرب صلينه واكلنه ونمت كعدت ثاني يوم متفقة انا وجاد ومقتدى نطلع

الجد. ها بابا وين

نور. جدو عندي كم شغلة تخص العمارة والمدرسة لازم نكملها خاف نتاخر والمدارس راح تبدي

الجد. الله يوفقكم بابا

رحنه انا ومقتدى بسيارة المكتب جاد

مقتدى. نور متاكدة من قرارج

نور. اي كافي كلشي وصلتله هنا اريد ابدي ما لم يبدا من قبل

وصلنة للمكتب دخلنة عليه

جاد. ياهلا بهلصباح هذا نور مكتبي بنوركم

نور. ههه منور براعيه

جاد. اي عيني شنو سبب الزيارة

مقتدى. اهوو راح يمشي علينه دور المحامي

جاد. رجاءا احنه بالمكتب

نور. ههه كافي اي نريد نسوي وكالة وفدوة خلصها اليوم

جاد. الشنو

نور. ،،،،،،،،،،،،، وكل هاي

جاد. ليش مو شخص واحد يصير عليهن كلهن

نور. لا انا حصصي هيج اريدهن

جاد. تمام وانت مقتدى

مقتدى. انت وكيل كلشي وكلشي تحصله تنطيه لابوي وهو يتصرف

جاد. تمام وقعو هنا بس لازم تجيب اشخاص التردون توكلوهم

نور. وقعنا واتصلت عليهم اجو مومل ومهتدى وموتمن ومهند وبابا

مومل مهند موتمن مهتدى بابا. ليش اجينه هنا

نور. راح اسافر ممكن نطول هناك حسب الاجراءات فاريد اسوي وكالة البابا بالبيت ووكالة المهند بالمدرسة ووكالة الموتمن بحصتي مالت المركز ووكالة المهتدى بحصتي مالت المستشفى ووكالة المومل بالعمارة والمشغل بس هذا يبقة سر بينه وجاد راح يكون المحامي الخاص بيه وكلشي يمة واسلمك وكالت المزرعة وماتنطي المفتاح اذا ماتتصلي

الاب. ليش هيج اسوين

نور. بابا خاف يصير شي وطلبوني انتم نيابة عني مانعرف كلشي يصير

جاد. ها الكل موافق

الكل. نعم

خلصنه كلشي ورحت انا ومقتدى نجيك ع الوضا ومرينن الخالة ام حمزة نطمن عليهم رجعنه تغدينة ورحنة نلم غراضنه صار المغرب صلينه ورا الاذان دزالي مهتدى انزلي كلنه جوة نريدج

نور. تمام غيرت ملابسي ولبس شال ونزلت لكيتها كلها ملتمة كعدت بين مهتدى ومنهد

مهتدى. شلون راح نعيش بدونج

نور. هههه مو انا الماي لو الهوى عدكم من يعوض مكاني

مهند. انتي نور حياتنه وفرحتنه وسعادتنه محد يعوض مكانج

نور. الله يخليكم الي ولا يحرمني منكم كعدة وضحك وونسة

ام نور. يلا ماما كومو تعشو

كلنه التمينه ع العشة. هههههه

ابو نور. شبيج بابا

نور. بابا العشة اليوم شي يختلف عن شي

الجد. اي هاي نسوان اخوتج كل وحدة سوتلج شكل

مهتدى. رسل سوتلج الدولمة التحبيها

موتمن. وازهار سوتلج البيتزا

مهندد. وسمارا سوتلج التبولة والباذنجانية التحبيهم

جاد. وميليسا سوتلج الباستا التحبيها

مومل. وجولي سوتلج خلية نحل وبسبوسة

سيلين. لا تباوعين انا جنت الم بالغراض بس سويتلج عصير التحبيه ولبن

نور. الله يخليكم ويدوم جمعتنه وضحكتنه ولا يفرقنه ابد

الكل. امين

بدينه ناكل وكل واحد يجب شي ويخليه بحلكي ختنكت كافي والله شبعت

الكل. هههههه

جمعة من العمر ضلينه للصبح كلمن راح نمت لان طيارتنه 4 العصر كعدتب12 سبحت وبدلت ونزلت اتغدة وياهم بعدها ودعناهم ورحنة للمطار ومناك انطلقنه لندن وصلنه هناك اخذنه سيارة من المطار ورحنة البيتنه نمنه بعد مرور اسبوع بلندن طلعنه وتونسنة وجددنة الاقامة وسويت الشي الاجيت علي

مقتدى. نور رجعو الموافقة

نور. احلف يعني قبلوني

مقتدى. حبيبتي الف مبروك

نور. ياااي الله يبارك بيك

سيلين. قبول شنو

نور. سوسو الصراحة انا اجيت هنا حتى اكمل دراستي

سيلين. يعني قدمتي ماجستير

نور. تؤ قدمت طب حلم الطفولة

سيلين. الف مبروك بس شلون

مقتدى. انتي متاكدة من قرارج

نور. اي متاكدة وعادي اصلا انتم اذا تردون رجعو

مقتدى. شلون ارجع واعوفج ماكدر

سيلين. شبيج من كل عقلج نخليج بحدج

نور. جا شلون تعوفون اهلنه انا ماعلي شي

مقتدى. مستحيل اعوفج وسيلين اذا رادت ترجع بكيفها ما اجبرها

سيلين. لا مارجع واعوفك ما يفرقنه غير الموت بعدين ليش ما اقدم ماجستير مادام ماعندي شغل

مقتدى. تمام بس نور لازم تبلغيهم

نور. اي خليها باجر امشو عازمتكم

طلعنه وتونسنه ثاني يوم العصر مقتدى. تعال راح اتصل عليهم

مقتدى. اي يلا اتصلي

نور. اتصلت عليهم وسلمنه وحجينه

الجد. البيت اظلم بدونكم شوكت ترجعون

نور. جدو اكو خبر لازم نخبرك بيه ومادام مجمعين سمعوه كلكم

الجد. كولي حبيبتي شنو

نور. جدو اجتلي فرصة وهي بالعراق دازين اسمي ضمن الطلبة المتفوقين ضمن الهندسة ومقدميلي منحة مجانية لدراسة الماجستير هنا وبالمقابل لازم ارجع للعراق بس اخلص واكون ضمن افضل الشركات

الجد. يعني راح تكملين هناك

نور. اي جدو راح ابقة ادرس واكمل كافي السنة الراحت بلا فايدة

ابو نور. شلون تبقين هناك بحدج لا ماتكملين رجعي وهنا كملي

مقتدى. بابا ماراح اخليها راح ابقة وياها وقدمت السيلين هم

ام نور. وشكد تبقين ادرسين

نور. 5 سنوات او 6

الجد. يعني راح ترجعون تبتعدون عني وهلمرة بدل ال2 صرتو 3

نور. جدو والله نجي كل عطلة

سيلين. جدو هاي فرصة مهمة النه حتى نطور

مقتدى. جدو انت مو تحب دائما تشوفنه بمراتب عالية وترفع راسك بينه وانا اذا ضليت هنا الخدمة مالتي مال خمس سنوات تعادل خدمة 15 سنة بالعراق

نور. بعدين انا ماكدر اعيش بعيدة عنكم والله بس اخلص نرجع جدو هاي خطوة كلش مهمة النه ونحتاج تشجيعكم النه

الجد. الله يوفقكم بابا شنريد غير هيج بس بالنسبة الشغلكم

نور. جدو احنة قبل لا نروح ضبطنه كلشي

الجد. شلون

نور. جاد تسمعني

جاد. اي حبيبتي

نور. جاد بلغهم بكلشي صار قبل لا نسافر

جاد. تمام طلعت صورة لاوراق الوكالة اسمعو

انا نور احمد رحيم اليوم بتاريخ، ،،،ويوم، ،، صاحبة الاملاك التالية نصف منزل في، ،،،، ومزرعة ومدرسة خاصة وربع مستشفى وربع مركز الطبي وعمارة في، ،،،نسبة 60 بالمية ومشغل خياطة اقوم بتوكيل وكالة خاصة لابي بنصف البيت ووكالة باسم جاد ع المزرعة ووكالة باسم مهند ع المدرسة ووكالة باسم مهتدى ع المستشفى ووكالة باسم موتمن بالمركز ووكالة باسم مومل بالعمارة والمشغل وفي حالة حدوث اي ظرف يكونون قادرين ع التصرف بشرط لا يحق لهم بيع اي عقار من الذي توكلو عليه واذا مت يكون كل الاملاك السابق ذكرها عدا البيت والمزرعة وقف خاص لمساعدة الناس الفقراء والمحتاجين والايتام باجورهم اما البيت يكون لابي والمزرعة تنقل الى اسم كل من مهند وجاد ومقتدى ومهتدى وموتمن ومومل وجولي وسيلين بالتساوي وتبقة وقف لا يحق لهم البيع اطلاقا وتبقة من جيل الى جيل

ومقتدى كذلك بس الفرق مقتدى سلمها كلها بانا وكيل عليهن وهي نصف بيت ومدرسة وربع المستشفى وربع المركز

مومل. بس لحظا شلون حصة نوز من العمارة 60 بالمية

نور. لان جانت هدية عرسك هاي النسبة بس الاوراق جانن ماخلصانات بيوم العرس وهم حتى تكون نسبتك عالية وتكدر تتحكم بالعمارة

الجد. الله يوفقكم بابا ويفتحها بوجهكم

نور. ماما ليش تبجين

ام مقتدى. شلون ما ابجي وانا بنتي وابني بعاد عني احنه سوينة كلشي وحولنا هنا غير حتى نستقر ونعيش سوة

نور. ماما فدوة لا تكولين هيج وانا هم ماتحمل يوم بدونكم بس ماما انا كلش تعبت بهاي الخمس سنوات هواي تعبت هواي صارت اشياء اكثر ضارة الي حتى جسمي تعب يمة انا بسنة سويت 6 عمليات اربعة منهن كلش خطيرات انا بسنة متت 5 مرات وكف كلبي فدوة بس هلمرة خلوني اسوي شي وانا حابته ومرتاحة فدوة 😭 وكمت الغرفتي

مقتدى. لا تضغطون عليها لان نور اصلا نفستها تعبانه كلش احتمال اذا زاد الضغط عليها تدخل باكتئاب حاد واتوقعو كلشي يصير اذا تكتائبت

ابو نور. لا بابا خليها براحتها لا تضغط عليها شنو تريده تسويه ولا تخلوها وحدها

مقتدى. صار يابة احنة نروح نشوف نور
سدينه الخط رحنه النور دكينه الباب نوارة عادي ندخل

نور. مسحت دموعي. اي تعال

مقتدى. هاي شنو ليش هلدموع نور حبيبتي احجي شبيج احجي البكلبج

نور. اخ ياخوية اخ. تعبت كلش تعبانه ليش هيج جاي يصير وياي ليش. مقتدى خلص كنسل كلشي خلي نرجع صح انا صرت انانية ومافكرت بس بنفسي مافكرت بيكم وبسيلين البعدتها عن اهلها مافكرت باهلي هلمرة صرت انانية

مقتدى. سلامتج من الاخ عساه التعب بيه ولا بيج. لا والله تكملين وادرسين وتحققين هدفج لان وعدتج بس اتخلصين الهندسة ادخلين واطلع مو زلمة اذا ماسويتها. يخسي اليكول عنج انانية انتي اكثر وحدة تفكر بغيرها اكثر من نفسها ووعد مانرجع اذا مو شهادتين بايدج بدل الوحدة اريد اشوفج اشطر دكتورة بالعراق بعدين نعتبرها شهر عسل مفتوح وهم نتونس

نور. اسم الله عليك حبيبي

سيلين. خاب سكتي خلينه هنا هم ندرس وهم نغير جو عليمن انانية عود من نشتاقلهم نفتح كاميرا وياهم

نور. ههههه تمام

مقتدى. يلا مسحي هلدموع نريد من نرجع للعراق نرجع وراسنه مرفوع وهم نكبر الشغل

نور. ان شاءالله

طلعو بقيت بحدي غسلت واتمنيت من الله يحفظلياهم صار الليل بغرفتي اريد انام اتصل مومل

مومل. هلو نوارة شلونج

نور. هلا بروحي الحمدلله انت شلونك

مومل. الحمدلله شبيه صوتج

نور. مابيه شي شخبارك شخبار جولي وياك

مومل. مخبلتني نور اريد اسالج سوالين بس جاوبي بصراحة

نور. اوك كول

مومل. نور شنو التردين تكمليه دراسة الماجستير لو البالي

نور. الاثنين سوة

مومل. شلون راح ادرسين الاثنين سوة

نور. سواها مقتدى راح ادرس ماجستير سنة بعدها ادرس طب تقريبا 6 سنوات مخلصة

مومل. تمام الله يوفقج بس هذا تعب

نور. واحب هيج تعب شنو سوالك الثاني

مومل. نور ليش كبرتي نسبتي بالعمارة هذا تعبج وماقبل اخذ تعبج عالحاظر ادري انتي كلش زين ماتجيبين هدية النه من نتزوج

نور. اولا هذا شي بكيفي ثانيا انا حرة المن انطي والمن اسجل ثالثا حتى تكدر تتحكم بالعمارة اكثر عندك مانع حبيب قلبي

مومل. ههههه لا يروحي

جولي. هلا هلا روحي ويامن تحجي

مومل. شبيج حبيبتي جوجو وي نور

نور. ههههه ابو جوجو قبضو عليك

مومل. اي وماخذات راحتهن كلش بغيابج

نور. عيني جوجو لا حسبالجن ارتاحيتن مني ترا هااا خواني خط احمر كلمن الفيها درب اهلها والله لو اسمع وحدة مجاوزة حدها

جولي. حبيبي اخيتي ينطيج كلبج مو انا اختج

نور. ماكو كلب بعد راح بح كلشي اسوي خافو مني ها ماتدرون تفتحون عينكم يمكم تغمضون اروح

مومل. ههههه عفية لبوتنه

نور. هههه روح ابو جوجو خلي انام بعدين احاجيك

سديته منه قدمنة وانقبلنه الحمدلله وبدينه دوام ومرت الايام واليوم 10ـ10 اكيد تعرفون هذا التاريخ المميز صح ميلادي انا ومهيمن بس العجيب محد ذكرني واخر شي وياهم امس العصر نزلت جوة نتريك شفت مقتدى واكف باب الحمام

نور. صباح الخير شبيك

مقتدى. صباح النور. مادري سيلين جوة وبس تتقيئ

نور. شبيها بالليل ما بيها شي

مقتدى. مادري من كعدنه عدها وجع بطنها جاي اتسوي ريوك لعبت نفسها ودخلت تتقيئ

نور. شو وخر اشوفها دخلت عليها. شبيج سوسو

سيلين. مادري بطني ولعبانه نفسي يمكن ماخذة برد لان برد الجو

نور. هههههه امشي امشي نطلع

سيلين. يا شبيج تضحكين

مقتدى. ها شلونج ونور ليش تضحكين

سيلين. احسن مادري

نور. الحمدلله والشكر صدك لو كالو طبيب يداوي الناس وهو عليل

مقتدي. شبيج احجي

نور. شاورت سيلين

سيلين. مادري هواي

نور. الحمدلله والشكر تعال خوية نتريك ونروح للمستشفى نتاكد

مقتدى. من شنو

نور. مرتك يمكن حامل

مقتدى. تعالن نتريك ونتاكد

تريكنا لميت الاكل وغسلت الاماعين ورحنة بدلنه وطلعنه صعدت انا ورا وضليت صافنه ع الشباك قلقت ليش ماعايدوني خاف صاير شي

مقتدى. حبيبتي نور. شبيج

نور. مابيه شي جاي استرجع ذكرياتنه شلون جنت اتمنه سيلين ومومل وياي من نجي البابا للمستشفى ونلعب

سيلين. ههه هاي هسة انا وياج وبنفس الطريق

نور. مقتدى هم اتصل احد بيك من العراق شوكت اخر مرة حاجيتهم

مقتدى. بالليل جنة نحجي انا والولد ماكو شي ليش

نور. لان انا من العصر امس ماحجيت وياهم فقلقت

مقتدى. لا امني ماكو شي يلا نزلن

نزلنه اخذ موعد مقتدى ودخلنة

سيلين ونور. راح نحجي انكليزي فالكلام راح يكون فصحى . مرحبا دكتورة

الدكتورة. اهلا وسهلا بكم. من هو المريض

سيلين. انا

الدكتورة. قولي ماذا تشعرين

سيلين. فهمتها بحالتي

الدكتورة. قومي الى هناك للفحص

سوتلها سونار ورجعن كعدن

نور. دكتورة ماذا بها

الدكتورة. امرا عادية بمثل حالتها

سيلين. ماهي حالتي

الدكتورة. الم تعرفي انك حامل

سيلين. حامل. لا لم اعرف

الدكتورة. مبروك. انك حامل

نور. عفوا كم لها حامل

الدكتورة. لقد انتهت من الاسبوع 12

نور. وكيف حالتهم

الدكتور. جيدة جدا لكن يجب ان تنتبه لان هذا الحمل الاول وتنتبه الى تغذيتها جيدا

نور. شكرا. لك دكتورة

طلعنه تلكانه مقتدي. ها شبيها

نور. مبروك خوية راح تصير احن اب

مقتدي. يعني صدك حامل

سيلين. اي

مقتدى. الحمدلله والشكر ربي وشنو وضعكم

سيلين الحمدلله زين وكتبتلي فيتامينات

مقتدى. وشبيج نور

نور. ههههه اضحك ع مرتك الثولة محد يصدكني من اكول ثولة

مقتدى. ليش

نور. خوية بالله انت زلمة بس هية مرة وتعرف سوالف النسوان بعدين مرتك مخلصة 12 شهر وكرش عدها ماحست مرتك مخلصة شهرين وهسة بالثالث

سيلين. غير اول حمل شمعرفني

مقتدى. عوفجن من هلسوالف تعالن نروح نتغدا

نور. يلا. رحنة تغدينه وتونسنه شوي ورجعنه

مقتدى. لازم نبلغهم

نور. خليها العصر

كلمن صعد الغرفته بدل ونام كعدنه العصر نزلت لكيت سيلين محظرة عصاير وحلويات ومكسرات نزلت يمهم

نور. مقتدى لازم تجيب ماري او وحدة ثانية

سيلين. منو هذن

نور. المساعدة مالتنه مالت البيت جانت وي ماما تساعدها لان سيلين اول حمل الها وهم ندرس فتعب عليها ولا انا حكدر اساعدها

مقتدي. هو هيج راح اسوي. يلا نتصل بيهم مادام ب6 هسة اكيد كلها ملتمة

سيلين ونور. اي يلا كعدنه كلنا سوة اتصل مقتدى وسلمنه عليهم وكلها ملتمة

نور. خير ان شاءالله دوم الجمعة الحلوة هاي

الجد. ناقصنه انتو خير خير عدنا اخبار حلوة

مقتدى. ان شاءالله دوم واحنه هم عدنا خبر حلو

الجد. الله يكثر الاخبار الحلوة

الكل. امين

نور. شنو الاخبار الحلوة شاركونة

ابو مهند. راح تصيرين عمة من جديد وخالة هم

نور. شنو

ابو مهند. سمارا حامل وجولي هم

نور. يا عمري الف مبروك الكم الله يكومجن بالسلامة

مقتدى وسيلين. الف مبروك

العمة. بعد اكو اخبار حلوة

نور. ازهار حامل

ازهار. اي وميليسا هم

نور ومقتدى وسيلين. اللهم صل ع محمد وال محمد الف مبروك

الكل. الله يبارك بيكم

الجد. شنو الخبر الحلو مالكم

مقتدى. جدو راح اصير اب سيلين حامل

الكل. الف الف مبروك

مقتدى. الله يبارك بيكم

ام نور. الف مبروك يمة دربالج لاتصعدين درج وتنزلين هواي ولا اتعبين نفسج

ام مهند. يمة انتبهي ع روحج اكلي زين ولا تشيلين شي ثكيل

سيلين. ان شاءالله

مومل. شكد حلو كلنا حوامل

الكل. شنووووو

مومل. اقصد نسوانه كلهن حوامل

الكل. هههههه

نور. وشكد صارلجن

العمة. ازهار دخلت بالاسبوع ال12. ميليسا بالاسبوع ال10. سمارا 6 اسابيع وجولي 4 اسابيع. سيلين شكد

نور. دخلت بالاسبوع 13. شوكت عرفتو

موتمن. وداعتج اليوم احنة بالمستشفى وجابوهن حسبالهن تسمم لان بس يتقيئن وبطنهم

نور. ايييععع الله يساعد اخوتي ع الثول مالجن مع احتراماتي للكبار بس شنو هلثول اكو وحدة ماتعرف بنفسها حامل بالله ذن اول مرة بس ميليسا انتي شبيج حتى الثولة اليمي هم

ميليسا بعد مامفكرين

مقتدى. مرخصتكم هسة اجي ومومل وموتمن هم راحو

نور. اي جدو شلونك صحتك شلونها

الجد. الحمدلله ناقصني شوفتكم

نور. يابعد روحي جدو هاي جاي نشاوف وبس تجيب سيلين نجي زيارة

مهند. يعني ماتحظرين ولادة نسوانه

نور. الله كريم منو يكول هذول وين راحو

مهتدى. هذول شلعان كلب ماندري شلون راح يصيرون اباء ع تصرفاتهم

نور. لا وما راح يطيحون بيها غير جهال مومل الام والاب اثنينهم نفس العقل

جولي. يا وشبي عقلي احسن من عقلج

نور. جادوو اذا ماتكض اختك اجي اكص السانها وارجع صاير السانها طويل

جاد. اي كلش وماخذات راحتهن يرادلهن عقاب

نور. شرايكم تجون وتعوفوهن هم تغيرون جو وهم ترتاحون منهن

جولي. انتي ليش تحبين تعاقبينه عمة صيحي عليها

ام مومل. خطية مشتاقة الاخوانها مابيها شي

جولي. شنو هاي يمة حاجيها انتي

ام جاد. لزمي السانج وهية ماتسويلجن شي

الكل. هههههه

مانحس اله طكشي يمنه ويمهم كمزت

مقتدى ومومل وموتمن. هابي بيرثدي تو يو سنة حلوة ياحلوين

نور. ضليت مصدومة يعني مانسو عيدميلادي

مقتدى. كل عام وانتو بخير

نور. وانت بخير

مقتدى. كل عام وانت بخير مهيمن

مهيمن. وانت بخير خوية

عايدونه كلنه واحتفلنه جانو هم جايبين كيكتين ومقتدى هم

مومل. يلا اتمنو وطفو الشموع وكصو الكيك

مهيمن. بس شلون نكصهن

نور. انت كص كيكتي اليمك واتمنالي امنية وانا هم

مهيمن. تمام اتمنيت امنيتي انجمع بمحبوبتي وطفيت شمعة واتمنيتلها الله يبرد كلبها ويحقق اهدافها وطفيت الشمعة وكصيتهم

نور. اتمنيت الله يحفظ اخواني ولمتنة ونضل هيج دوم كلب ع كلب وطفيت الشمعة واتمنيتله الله يحقق امانيه واحلامه وطفيت الشمعة وكصينه الكيك. وزعو الهدايا على مهيمن حتى من مقتدى وسيلين

مهند. نور انت مالج هدية هسة راح نجمع الهدايا مالتج ومن ترجعون من لندن وتستقرون ننطيجياهم

نور. حبايبي مالها داعي انتم احلى هدية من ربي وصحتكم ولمتكم والاخبار الحلوة هاي اكبر هدية

جاد. انا محظرلج هدية غير عنهم. راح توصلج سيارة حاجيت ليو تضل عندج منا لمن ترجعون وانت بكيفج تردينها بحدها تردين وياها سايق

نور. مشكور خيو ليش مكلف ع نفسك

جاد. ولو نونو هاذ واجبي

خلصنة سدينه الخط وهيج مرت الايام والاشهر والسنين وصار 3اسنين احنة بلندن ومارحنه للعراق لان سيلين جابت وماكدرنا نروح خفنة عليهم واليوم يصادف 14بشهر 7 عطلة واتفقنه هاي السنة نروح الهم بس بدون مانكول مفاجاة بعد اسبوع تقريبا بالنسبة للشباب

مقتدى. سيلين جابت توام سميناهم الشهم.وشاه زنان

مهند. سمارا جابت بنية سميناها جوري

موتمن. ازهار جابت ولد سميناه يمان

جاد. ميليسا جابت بنية سميناها ليليان

مومل. جولي جابت ولد سميناه علي النور

الجو هنا حار بس حلو مو مثل العراق جاي نجهز الغراض وعمر الجهال مقتدى صار سنتين و3 اشهر وهم وابن موتمن نفس الشهر بس الفرق يومين اما ابن بنت جاد اصغر منهم ب20 يوم صارت بشهر 6 وبنت مهند 1 بشهر سبعة وابن مومل 12 بشهر 7. ملتمين بالصالة اجولي الشهم وشاه زنان يركضون شهم اسمه عليه شهم ويدافعلنة مرات انا ومقتدى نتشاقة مايقبل ويضل يصيح ويحب اخته حب مو طبيعي ولفض الحجي صح مو مثل اخته اكو احرف تبلعهم

شهم. عمة وين راح نروح

نور. نروح البيت جدو مو تحب جدو وبيبي وتكول نريدهم

شاه. امة اتي انو اتحبين احنه لو اذولي تلفون

نور. ههههه كلكم احبكم لان كلكم اصير عمتكم انا

شاه. اعني ما تهبين اسة هواي

نور. هههه لا انتي اكثر احبج مقتدى اخذهم لا اكلهم هاي بنتك طالعه ع عمها وخالها

سيلين. مومل هم خالها

نور. تؤ الحية مومل رضع ويانه اكثر معناها عمها مثل حالتي وي مومل انا عمت جهالة لان رضعت اكثر من 20 يوم عكس جولي بس 15 يوم

مقتدى. انتي ومومل صدك توام حتى بهاي.

نور. كلمن راح الغرفته لان ساعة 10 والجهال معلميهم ينامون من وكت دك تلفوني اتعجبت مهيمن ياستار شصاير بعمره مامتصل علي

،،،،،،،،،،،،،،،،،

انتظرونا