احفاد ال رحيم الفصل السادس وثمانون 86 - بقلم سيريوس

خاف اموت وماشوفك
ديربالك على عيّونك
لا يذبلها الغياب
وخاف أروح ومابوسك
تدري بيه شگد أحبك
حُطلي خدك عالتراب
ومن تخلص الفاتحه
بَس گولي أحبك
حَتى توصلني
الأحبك بالثواب .

،،،،،،،،،،،
مهيمن جنة كاعدين صار عندي الم بطني بس خفيف فساكت هاي الحالة من الصبح واليوم جمعة واكيد كاي جمعة منجمعين اليوم كلنه بيت جدو اليوم حتى شهيتي مزدودةوالمزاج مو تمام من الصبح الهسة هاي حالتي والوجع كلماله يزيد فخلصنه عشا كلنه كاعدين حسيت بوجع بنص بطني سكتت حسبالي لان مااكلت زين

مهند. مهيمن شبيك اليوم

مهيمن. مابيه شي بس يمكن اريد اطيح فلاونزة

مهند. دربالك اخذ حذر فلاونزتك صعبة

مهيمن. ان شاءالله ورا شوية حسيت بوجع قوي كلش ما ينحمل فسديت ايدي حيل عقجت وجهي

مومل. مهيمن مهيمن شبيك
الكل اندار علينه

مهند. شبيك مهيمن

مهيمن. اخ بطني بطني وجع قوي

مهتدى. وخرو نومو هنا

ام مهند. يمة وليدي اسم الله الرحمن شبيك

ام نور. اسم الله الرحمن اهدي خية خليشوفوه

مهتدى. وين مكان الوجع حدده

مهيمن. اشرت ع بطني من جوة منا وانا ساد اديه حيل والوجع يزيد

مهتدى. هنا

مهيمن. اي اخخخ

مهتدى. لازم ناخذه للمستشفى

ابو مهند. ليش شبيه

مهتدى. احتمال جبير زائدة دودية انا لاحظته ما اكل اليوم كله كلش قليل واذا طولنه احتمال تنفجر وتسبب كوارث

ام مهند. يمة وليدي راح يروح مني

مهند. ع كيفج يمة راح ناخذه امشو اخذناه انا ومومل ومهتدى وموتمن للمستشفى والباقي اجو ورانه

مهتدى. امشو للفحص السونار فورا

مهيمن. مهتدى راح اموت وجع قوي

مهتدى. بس شوية خلشوف دربي مررت جهاز السونار. مثل ماتوقعت كلش ملتهب من شوكت عندك

مهيمن. من الصبح وجع خفيف

مهتدى. غير تحجي تعال نقلك الغرفة ع مانجهز كلشي وندخلك عملية. بدلنه لبسة وشكلنه كانونه انا رايح اغير لبسي ونجي انقلك للصالة

مهيمن. اممم صيحلي مهند

مهتدى. تمام بس اهدا ولا تخاف بسيطة ان شاءالله. طلعت مهند ادخل بس انت يمة رايح ابدل واجي

مهند. تمام. دخلت ها خوية بيه الوجع ولا بيك

مهيمن. اسمه الله عليك بالم مهند اريد طلب واحد

مهند. روحي الك كول حبيبي

مهيمن. ريح كلب اخوك خاف اموت وكلبي مامرتاح صار 25 سنة معلعل ريحني

مهند. شتريد نور

مهيمن. اي بس احجي وياها حتى اذا متت مرتاح اموت

مهند. اسم الله عليك لا تكول هيج هاي انت الدكتور هيج تحجي

مهيمن. مهند وجع موتني ماينحمل فدوة خوية ابوس ايدك بسرعة

مهند. استغفر الله اصبرلي اتصلت عليها من تلفونه طلعت عايف تلفوني بالبيت وجايب تلفونة

مهيمن. اخخخخ

مهند. بيه ولا بيك خوية هاك دك

مهيمن. سمعت صوتها واحس الالم كله اختفه

نور. الو مهيمن الو شبيك احجي فدوة

مهيمن. الو

نور. شبيك مهيمن خوفتني احد بيه شي

مهيمن. بالكوة مصيطر من الالم لا انا البيه شي

نور. مهيمن شبيك احجي ليش هيج صوتك

مهيمن. نور راح اموت

نور. اسم الله شنو هلكلام

مهيمن. والله نور اريد اكول شي ماضل وقت اخ نور والله شاهد علي احبج من وانتي وصغيرة واحبج اكثر واكثر كلما تكبرين حسي بيه ولو شوية اخ وصلت بيه حد الجنون صرت مجنون بيج لا ليلي ليل ولا نهاري نهار كمت اتخيل الناس كلهم انتي اخخخ نور سامحيني خاف اموت بس اتذكري انا اكثر بشر احبج بالكون واتذكري هذا الشي مرمرتيني بفراكج تعبتيني. احبج حتى اكثر من روحي ومن اخوانج وسديتة اخخخخخ

نور. شبيك شصاير وياك شنو هلحجي الو الو

مهيمن. سديته هاك مهند انا اسف احجي هيج وياها بس بعد ماعندي صبر اخخخخ

مهند. اسم الله عليك شكلتلك

مهيمن. اممم ماخليتها ترد ماريد تصدمني بشي
مهند بطني راح اموت وجع يزيد

مهند. شسوي لو بيدي اخذ الوجع منك شسوي ونور تتصل ردت ارد ودخل مهتدى. يلا تعالو انقلة للعمليات بسرعة اخذوه وراحو رحت ع صفحة ارد ع نور

نور. اتصل علي مهيمن تعجبت وبنفس الوقت خفت لا احد بيه شي رديت وكلامه مافهمت شبيه اذا مريض او شي بس انصدمت من اعترافه بعدين انسد خفت اتصل باحد وابلغة رجعت ضليت اتصل مرة ومرتين انسد علي ثالث مرة فتحة مهند

نور. الو

مهند. هلا خوية

نور. توترت خفت خاف يفهموني غلط. ءا م مه

مهند. اعرف جنت يمة

نور. مهند شبيه مهيمن كلبي راح يوكف خفت كلش شصاير ليش هيج يحجي وصوته

مهند. حبيبتي جنه كاعدين وفاجاة اجاه الم بطنه وطلع عندة زائدة دودية ملتهبة كلش وهسة دخل للعمليات

نور. بينت قوية الله يطلعه بالسلامة ان شاءالله

مهند. نور بخصوص الكلام صح اي اخو ما يقبل اخته هيج ينحجي وياها بس مهيمن

نور. مهند خوية هسة مو وكته اهم شي صحت مهيمن بعدين لكل حادث حديث

مهند. تمام

نور. مسحت دموعي طمني فدوة كلبي مامرتاح

مهند. ان شاءالله

سديت الخط ضليت قلقة وكمت افتر بالغرفة افكر بالكلام الكالة وافكر بيه ربي رحمتك كومة بالسلامة استغفر الله حسيت الغرفة صارت خنكة علي طلعت برا الغرفة اكو صالة بين الغرف دمعتي مانشفت وكمت اكح شوية وطلع مقتدى

مقتدى. ورا ساعتين طلعت اجيب ماي سمعت احد يبجي التفتت لكيتها نور. نور حبيبتي شبيج وجهج احمر شنو مختنكة

نور. مسحت ادموعي. لا بس نمت وتحلمت حلم مو زين كح كح اجتلي نوبة الربو

مقتدى. اشبيج

نور. ضليت كوة اتنفس كح كح

مقتدي. اصبري رحت الغرفتها جبت بخاخها واجيت هاج

نور. اخذت نفس حسيت شوية احسن

مقتدى. شبيج حبيبتي هو حلم

نور. لا كلبي مامرتاح خايفة خاف بيهم شي فدوة اتصل باي احد من الولد

مقتدي. الوقت اتاخر خاف نخوفهم

نور. اتصل ع مهيمن او مومل هذول هسة كاعدين

مقتدى. تمام بس اهدي اتصلت ع مهيمن. الو

مهند. هلا خوية

مقتدى. هلا بيك مهند جا مهيمن وين ليش انت رديت

مهند. تلفونه يمي خير خوماكو شي

مقتدى. ماكو شي بس كمت اشرب ماي لكيت نور متحلمة بيكم وخايفة شكو شبيك وشنو هذا الصوت يمك

مهند. مهيمن اتخربط عدنا وجبناه للمستشفى وهسة بالعمليات

مقتدى. ليش شبيه

مهند. زائدة دودية كلش ملتهبة طمن نورة كلها ماكو شي وبس يطلعون اطمنكم

مقتدى. ان شاءالله عنده العافية سهلة ان شاءالله اي عفية طمني لان هذن اثنينهن يضلن يتلاطمن شكد صارله

مهند. ساعة ونص

مقتدى. تمام خوية فدوة طمني وسيلين ماراح اكللها هسة

مهند. اي احسن
سديت الخط ماكو شي بس مهيمن طلع عنده مصران اعور وبالعمليات

نور. الحمدلله وشنو طلع بعده

مقتدى. لا بعده

طلعت سيلين. ها شبيكم نور شبيها

مقتدى. ماكو شي دخلي نامي متحلمة وكعدة خايفة علينه شافتني وسكتت هههه

سيلين. حبيبتي اقري ايات قرانية وتهدين كوم نام مقتدى انا ابقة يمها

مقتدى. لا روحي نامي حبيبتي لا يكعدون الجهال انا شوية واجي

سيلين. تمام اذا تردين اجي يمج انام

نور. لا حبيبتي روحي انتي هم الجهال تعبوج

مقتدى. كومي الغرفتج ولا تكليلها شي انا الصبح اكلها

نور. تمام كمنه دخلنه للغرفة

مهند. ساعة وطلع مهتدى. ها خوية شلونه

ابو مهند. بوية شلونه وليدي

مهتدى. الحمدلله عمو تمت العملية بنجاح ولحكناه ع اخر حبة جان جاي ينفجر همزين استاصلناه والا جان انفجر وسبب كوارث بس الحمدلله كلشي تمام وراح انقله الغرفة وبس يكعد ادخلون

مهند. خوية يعني صحته شلونها

مهتدى. الحمدلله كلشي تمام

مهند. الحمدلله
نقلوه الغرفة خاصة وع طلب منه ممنوع احد يدخل بس انا دخلني مهتدى وياه توة جاي يفكة البنج وبدة يخربط

مهتدى. راح يسرب كلشي

مهند. هههه عادي تطلع وتعوفني يمة

مهتدي. اي اخذ راحتك

مهند. طلع وهمزين طلع اول اسم كالة نور بعدها ضل يحجي كلشي بكلبه فتحت تلفوني همزين جابة عمي اللي وسجلت كلشي صورته بعدها ضل يغلط ومنو اكول اسمه يحجي عليه شي كعدته كعد. هاا خوية الحمدلله ع سلامتك

مهيمن. امم الله يسلمك

مهند. يوجعك شي

مهيمن. لا زين شبيك حاصر الضحكة

مهند. لا هيج

مهيمن. حجيت شي بالبنج

مهند. لا رايح اصيح المهتدى. مهتدى كعد

مهتدى. الحمدلله ع السلامة دكتور شلونك

مهيمن. لا زين بس عندي بزة

مهتدى. اي عادي هاا مهند خربها

مهند. كلش دخل بالاعماق

مهتدى. حرامات عفتك وطلعت ماصورت

مهند. لا ما افضح اخوي

الكل. هههه

مهتدى. راح يدخلون يشوفونك ولازم يرحون اقنعهم. طلعت

الجد. ها بوية شلونه

مهتدى. لا الحمدلله زين تكدرون تشوفونه وترجعون للبيت

دخلو تحمدولة السلامة

مهيمن. شبيج يالغالية ليش الدموع

ام مهند. شلون مابجي وهيج حالتك سودة عليه شوف الوجه اصفر

مهيمن. اسم الله عليج حبيبتي والله مابيه شي هية عملية بسيطة. وانتي عمة فدوة الحنيتج كافي بجي

مهند. ههه اشوف نور لامتها المحنة لم

الجد. هههه والله مشتاقيلهم كلبي طاك عليهم

مهند. بلكي يجون

مهتدى. يلا يابة اتاخر الوقت للبيت محد يظل

ام مهند. يايمة شلون اعوفه

مهتدى. عمة فدوة اروحلج خلوه يرتاح وواحد من الولد يبقة

مهند. انا ابقة روحو. طلعو كلهم وبقيت يمة نسيت مقتدى اتصلت بمقتدى. الو خوية

مقتدى. هلا خوية هااا طمني

مهند. الحمدلله طلع وفكه البنج هم

مقتدى. الحمدلله ع سلامته كاعد نايم

مهند. لا كاعد تريده

مقتدى. اي خلحجي وياه

مهيمن. هلا ابو شهم

مقتدى. الحمدلله ع سلامتك شلونك

مهيمن الله يسلمك الحمدلله زين

مقتدى. الحمدلله دربالك كلش زين جم يوم وترجع طبيعي

مهيمن. ان شاءالله

مهند. هاا خوية نور شلونها

مقتدى. لا زينه كاعد يمها بالغرفة

مهند. طمنها كلها كلشي تمام ام الحنيه تنكط محنة

مقتدى. هههه ان شاءالله يلا حبيبي اخذ راحتك. هاا اهااا طلع وزين

نور. الحمدلله كلش اخاف من احلامي

مقتدى. لا تخافين حبيبتي يلا تعاي نامي

نور. روح بمكانك تعبتك وياي ومنا الجهال متعبيك

مقتدى. راحتي يمكم جنت بنورة صرت بنورين عسل ع الكلب

نور. ههه حبيبي تصبح ع خير

مهيمن. شبيها نور

مهند. مابيها شي بس ورا ما اتصلت بيها اتصلت وحاجيتها وخايفة ضالة تبجي فمقتدى شايفها وكلتله جنت احلم وخايفة واتصل بيه وعرف بحالتك

مهيمن. هاا مهند اريد انام

مهند. نام ارتاح حبيبي

ثاني يوم الصبح كاعدين ع الريوك الليل كله مانمته عدل يمكن ساعتين افكر بكلام مهيمن

مقتدى. شبيج نور

نور. مابيه شي بس شوية راسي يوجعني

مقتدى. خير يارب خاف بيج شي

نور. لا لان نمت متاخرة لا تخاف واشرتله ع سيلين

مقتدى. سوسو خلصتي

سيلين. اي الحمدلله تريد شي

مقتدى. اي اريد اكلج شي

سيلين. لاتكلي مانسافر فدوة

مقتدى. لا بس مهيمن امس سوة عملية

سيلين. يمة عمليتيش شبيه فدوة احجي شبيه مهيمن

مقتدى. اهدي حبيبتي مابيه شي قبل شوية حاجيتهم زين عملية زائدة دودية. والحمدلله تمام زين وضعه اصلا حتى بعد شوية يطلع للبيت

سيلين 😭 ليش ماكتلي سودة علية خوية

مقتدى. ليش هلدموع والله مابيه شي بعدين بالليل كلش متخربط ومسويله بعد ساعة اتصل عليهم واحجي وياه لان هسة بالفحص شبيج الجهال لاتخوفينهم

سيلين. تمام

شهم. ماما شبيج ليش تبجين

سيلين. حبيبي خالو مهيمن مريض

شهم. انتن ع كلشي تبجن خالو قوي مابيه شي

الكل. ههههه

مقتدى. عفية وليدي خفف عني شوية اتصلنه بيهم والحمدلله بخير صار الليل

مهيمن. طلعوني للبيت والناس وخطار لليل يلا فكونه مهند خوية فدوة اريد بغرفتي

مهند. لا هنا بهاي الغرفة ع ما اطيب يلا تصعد مايصير

مهيمن. جا يلا اريد ارتاح

مهند. تمام خليته بمكانه وعدلته واخذ علاجه ونام طلعت

مهيمن سويت نفسي نايم حتى يطلع طلع اخذت تلفوني ماكدرت اتصل ع نور دزيتلها

نور لا تخافين الحمدلله صرت زين وبالبيت انا وحاب اعتذر منج ع كلام امس سمعت من البنات انتي محذرة احد يدخل بحياتج الخاصة وكارها فكرة الزواج اعتذر منج حجيت هلكلام بوقت غلط بس جنت مجبور كلت خاف تسمع من الغير وجنت حاب اسمع منج شي قبل العملية لان شفت الموت من الوجع وحجيته بدون وعي مني اعتذر منج حسبي كلامي ماكلته واتخطي واعتذر منج لان حرجتج وي اخوانج انا اسف لا حاجيتج امس واسف لان حجيت مشاعري بهاي الطريقة اتمنة اتسامحيني وتعيشين حياتج ولا كانو ما صاير شي ولا سامعة ارجع واكول اسف ع كلشي

نور. لا عادي من حقك تعبر عن مشاعرك تجاه الشخص التحبة وتحجي بس انا الاسفة هاي الفترة مصفية حياتي للدراسة وما مفكرة بالزواج جاي اسوي شي بنفسي اسويه من الطفولة اسفة لان رديتك واسفة لان خليتك تنتظرني كل هل المدة وموكف حياتك علمودي بس انا بعد مارجع ال3 سنين ليش موكف حياتك علي ماريد اضلمك وياي والعمر يمشي واحنه نكبر مانصغر وانا مامفكرة بيك غير ابن عم وعزيز علي

مهيمن. نور صح مايصير اكول هل كلام بس انا انتظرتج العمر كلة تردين 3 سنوات ما انتظرج انتظرج لو بعد ميت سنة حالف غيرج ما تصيرلي مرة اتقبل تفكيرج ومن حقج تهتمين بمستقبلج هذا شي حلو وانتي قدوة الكل بنية اهم شي شهادتها ومتقبل مامفكرة بيه بغير طريقة هذا يعكس اخلاقج وتربيتج وانا احترم هلشي كلش زين

نور. شكرا ع تفهمك الي واسفة ع كلشي

مهيمن. ليش تعتذرين حقج مامجبورة تحبيتي لان انا احبج. زين عندي اقتراح ومنها اذا تقبلتيني اتقبلتيني ماتقبلتيني تضلين بنت عمي وتاج راسي وعزيزة علي

نور. يسلم راسك شنو

مهيمن. شرايج نصير اصدقاء صح احنه اولاد عم بس مامدخلين بحياة بعض بس نتعرف اكثر ع بعض

نور. تمام بس هذا الشي يبقة بيناتنه

مهيمن. تمام بس هاا انا اصدقائي اتغزل بيهم ادزلهم شعر

نور. براحتك

سديته منه غيرت اسمه خاف كلشي يصير مابيه حيل مشاكل مرت الايام واجة وقت السفرة قبلها بيوم كالو ماتجون كنالهم لا لان عدنا شغل مانكدر ركبنة الطيارة وراح ننزل بدولة ومن الدولة طيارة ثانية تاخذنه للعراق بعد رحلة طويله الحمدلله نزلنه بمطار البصرة واحلى شي من تقرا العراق يرحب بضيوفه الكرام

نور. افيش ياريحة هلي

مقتدى. هههه ها نويرة نعادة ذكريات اول يوم اجينه

نور. هاجت المواجيع بس ذيج الجية جانت خلط مشاعر ان شاءالله هلجية تكون جية خير

مقتدى. ان شاءالله اخذنا تكسي من المطار نروح بيه البيت جدو

شاه. امة احنه وين

نور. عمة احنه بنص اهلنه وناسنه احنه بالعراق بالبصرة شوفي البصرة حلوة

شاه. اي بسلة حوة

شهم. بابا رايحين بيت جدو

مقتدى. اي حبيب بابا

نور. عمة حبايبي اذا تحبوني تصيرون عقال وماتتوكحون وتحترمون الاكبر منكم وتحجون بادب

شاه وشهم. ok

شاه. عمة يسير احجي كليزي لو اله البي

نور. هههه شوفي احجي عربي احسن لان تصيرين تصنيف من عمامج وخوالج

شاه. بابا انو تسنيف

مقتدى. يعني بابا مايعرفون يحجون مثلج احجي عربي ههه

صادف جمعة واجينه وي الغدا وكلها ملتمة جاي تصلي وصلنه فتح الباب ابو سامي سلمنه علي وخليناه ما يبلغهم توهم مخلصين صلاة وكاعدين كلهم جان ندخل عليهم ضلو كلهم صافنين

مقتدى. شنو ماتردونه نروح

الجد. هلا بيك بوية فاجاتونه تعالو هسة نورت حياتنه

ام نور. يمة وليداتي

كلمن اخذ احد وسلمنه بالسرة حتى الجهال نسيناهم

مهند. تعالو خالو

شهم. امشي شاه هاذ خالو هنودي

مهند. ياروح خالو تعالو نسوكم الخياس

مقتدى. اسفين حبايبي تعالو سلمو هذا جدو الكبير وهذا جدو وبيبي اهلي وهذا جدو وبيبي اهل ماما وهذا جدو وبيبي يصيرون اهل عمو مومل وهاي بيبي تصير ام عمو مهتدى سلمو عليهم زين هسة تعرفون هذول منو

شهم. اي بابا هذا خالو مهند وهاي خالة سمسم وهذا خالو هيمو مريض وهذا عمو مهتدى وهاي عمة رسل وهذا عمو موتمن وعمة ازهار وهذا عمو جاد وعمة مليسا وهاي عمة جوجو بس بابا امولي شنو نكله عمو لو خالو

مقتدى. ههههه حبيبي كله عمو هو صح يصير خالك وعمك بس عمك اكثر

شهم. ok

كلهم سلمو عليهم وضلو من حضن الحضن

نور. اي وين مزعطتكم

جاد. هههه العصابة هسة اصيحهم راح يشيطنونكم بابا جوليان جيب اخوانك وولد عمك وتعال شوف منو اجة اجو ووكفو بالسرة. تعالو اعرفكم جوليان تعرف منو هاي

جوليان. اي عمة نور وعمو مقتدى. هلا عمة شلونج

نور. هلا حبيب عمته صاير جبير ومعدل

جاد. وهذا رويحتج جود جود منو هاي

جود. عمتي الحنينة

نور. يروح عمتك انت كلبي وحياتي 🫂وليدي انت

جود. عمة احبج لاترحين بعد انا والله عاقل ومودب وحباب واحب اخواني كلهم وماسوي مشاكل سالي بابا

نور. يروح عمة بس اخلص دراسة اجي بعد ماروح شلون اعوف وليدي

جاد. هسة نعرفج العصابة العدنا هذول كتاكيتج مسرة ومرتضى وهذا يمان ابن موتمن وهاي ليليان بنتي وهاي جوري بنت مهند واخيرا اصغرهم شبيه عمته علي النور ابن المشاكسين

نور. بوستهم كلهم وعلوش خليته بحضني وخر مني وراح الابوه

علوش. اباه انو

مومل. حبيبي هاي عمة النخابرها الحلوة توام بابا اتصير اختي واخت امك هم

علوش. ابااااه تنو اله لو امة

الكل. ههههههههه

ام مهند. جهال مومل وجهال مقتدى اكثر اثنين يعانون من الالقاب بسببكم

مومل. احلى معانات

نور. روحي من الدنيا جود خليته بحضني شابكني وشابكته ومهند وسمارا خطية دائما يحجوله عني فحبني بزيادة ومسرة عدها محنة مو طبيعية ماخذه محنة وهدوء ابوها اكثر اثنين يشبهني بالتصرفات شاه ومسرة
اجت شاه تخصرت كبالي وحطت ايدها ع خصرها وتححي وياي

شاه. ها امة مو كتي احبكم انتم اكتر وما احب اكتر منكم

نور. تعاي يروح عمتج كلكم احبكم مايصير احب واحد اكثر من الثاني شلتها خليتها ع رجلي الثانية شوفي هذا جود ابن خالو مهند انا احبه من جان عنوني والهسة هوة جبير احبه هواي انتم من تكبرون هم احبكم هواي كلش

شاه. اي امة جود احبة حلو

الكل. ههههههه

مقتدى. عيب بابا كولي بس احبة

مومل. بنتك صريحة كلش عليمن طالعة

مهند. ع خالها مهيمن مايحتاجلها سوال

الكل. هههههه

نور. تحمحمت وكعدت عدل

الجد. اي بابا شنو هلمفاجئة ليش ماكلتو

مقتدى. حبينه نفاجئكم احسن

ابو نور. مطولين لو ترحون بسرعة

مقتدى. لا يابة شهر ونروح لان راح يبدي الدوام

ام مهند. شلون ملحكة دوام واطفال

سيلين. يمة انا خلصت دراسة لان دراستي تختلف عن نور انا قدمت دوام كامل فختصرتها سنة انا نضري اكثر مو مثل نور

نور. مرخصتكم صاعدة ابدل يمة وين مفاتيح غرفتي

ام نور. اي يمة كايمة اجيبهن

مقتدى واحنه هم نبدل للجهال

صعدنه اخذت جود وياي فتحت غرفتي نضيفة ومرتبة جود عمة اكعد هنا اسبح وابدل واجي رحت سبحت وبدلت ونشفت شعري لبست حجابي صليت ورحت يم جود. اي عمة احجيلي شلونك سمسم شلونها وياك

جود. زين ماما زينة وياي وتحبني وهية وبابا يجيبولي شنو اريد ويحبوني ودخلوني روضة وهاي السنة اسجل مدرسة. عمة والله اشتاقلج ليش ترحين

نور. حبيبي انت مو تدرس انا هم ادرس بس انت لان ولدت هنا تدرس هنا انانا ولدت هناك ادرس هناك بعدين انت ماتحب تصير عمتك ناجحة

جود. اي عمة احب وهم كلت البابا اصير ناجح مثل عمة نور

نور. ياروح عمة نور انت حبيبي لا تغار من شهم وشاه بس همة لان متعلمين علي يغارون منكم فانته خليهم يحبونك لان انت اتصير ابن عمهم وابن خالهم ومن اسافر شوكت ماتريد كول البابا خابر عمة وخابرني

جود. صار عمة

نور. حبيب عمته تعال ننزل جوة رحت نزلت كعدت بنص بابا وجدو

الجد. اي هلا بريحانة البيت ونورة هسة صدك عائلة

سيلين ونور. حبيبي جدو الله يحفظك النه

ام مهند. كومو يلا اكلو صبينه الغدا

رحنة كعدنه كلنا خلصت اول وحدة لان صار تغير وقت علي وتعب من الطيارة الف عافية

الجد. وين بابا ماكلتي شي

نور. الحمدلله جدو بس من اتعب بطبعي ما اكل. كمت غسلت وتلفون بجيب ملابسي اجتلي رسالة من مهيمن مكتوب

روحَ شگد مَابيك
وارجَع تلكِه حُبك
مستمر الشمس مَتغير
تِفاصيل السَمر
امنتِ عطَري بقميصك وانَتظر .. الملكلة بلضِلمه نميزة ، من لعُطر .

نور. قريته وسديت التلفون اجولي شهم وشاه امة اغسل اخذتهم غسلتلهم جان يجي مومل يمي وخرو اريد توامي اي اخيتي وحبيبتي مشتاقلج 🫂 نور. وانا اكثر حياتي

مومل. متغيرهة هواي

نور. من الراحة مو مبين

مومل. هههه اريدج تادبين الحياية العدنا

نور. من عيوني بس مو اليوم باجر اليوم تعبت

مومل. بيه التعب ولا بيج

نور. اسم الله عليج خلصو اجو الولد ضلو يتعاركون

مهتدى.يمي. مهند. لا يمي. موتمن. يمي. جاد لا انا يمي

مومل. يا ناس ياعالم ابهات انتم شهل زعططة هاي

مقتدى. وانت الشبكها وخانكها شيسمونها

مومل. حرام عليكم انا توامها مو حرام تفرقونه

الكل. هههههه

جابن البنات عصاير وجاي وكهوة ماشربت كعدت بين مهتدى ومومل. هم يحجون وانا نمت وانا شابكة مومل

الجد. ههههه نامت نويرة ع دفو اخوانها

مقتدى. ههه تعبت من السفر ماتنام كلش بالطيارة

ابو مقتدى. كعدها تروح الغرفتها

مهند. لا عمو انا اشيلها اخذها

مقتدى. اتعبك درجين

مهند. يمكن ناسي انا شنو شلتها صعدتها للغرفة اجة وراي جود وخرت شالها وغطيتها

جود. بابا عادي انام يم عمة

مهند. عمة تعبانه خاف تزعجها

جود لا بابا والله ماسوي شي بس اشبكها وانام حباب

مهند. براحتك يروح ابوك وبسته من راسه طفيت الضوة وطلعت نزلت جوة شوية واحنه الشباب كمنه وحدنة والكبار راحو ينامون والبنات اخذن الجهال الغرفة نور القديمة ينومنهم من ننجمع تصير هاي الغرفة للبنات

صار العصر قريب المغرب كاعدين ملتمين نزلت نور وجود كعدنه كلنه

مقتدى. اي مهيمن شلونها عمليتك

مهيمن. الحمدلله وصرت زين من اجيتو وشفتكم

مومل. ماتردين تعرفين اخبار الشغل

نور. مو اليوم خلوها باجر اريد اشبع منكم اليوم. اي حياياتي شلونجن

سيلين. انا مو وياهن

نور. تؤ انتي جبيرتهن

جولي. كل هلكياتة والرقي وحية انا

نور. لا وين انتي كوبرا. اي عماتي حبيباتي شلونجن الحياية شلونهن وياجن

العمة. الحمدلله لا وين اكو منهن عسل بنياتي

ام مهند. انا جنتي بسم الله عليها تحطيها ع الجرح واطيب

ام جاد. ميمي معدلة

ام مومل. لا جنتي زينه تخبل

نور. عمة متاكدة يعني جوجو ما مهددتج

الكل. هههههه

جولي. انا بس اريد اعرف انتي مو اختي ليش هيج وياي

نور. من حبك لاشاك بنات بس لا تزعلن من احجي هيج وياجن واكول الحياية

البنات. لا حبيبتي انتي اختنه عادي ندري اشاقين

نور. اي رسل انت وازهار يا مرحلة وصلتن

رسل. انا رابعة خلصتها رحت للخامسة وحولت صباحي لان اول سنة الاولى طلعت

ازهار. وانا رحت رابعة من رحتي قدمت والحمدلله قبلوني صباحي

نور. شنو الاختصاص التردنه

رسل. انا نسائي

ازهار. وانا اطفال

نور. الله يوفقجن يعني من نرجع انتن مخلصات

ازهار ورسل. اي الحمدلله

شوية واجو الجهال كعدو بالكاع واجن بنات ام سامي انطنهم كلمن قطعة كيك وحليب

نور. ههههه

مومل. دوم الضحكة شبيج

نور. هاي سوالف امي مو هية معلمتهم

مومل. هههه اي شلون عرفتي

نور. من جنة صغار هيج تسوي الحدما خلصنه مدرسة يلا تعوف هاي العادة وانا علمت جهال مقتدى هم

ام نور. اي صح جا احسن من سوالف البرا والحلويات ع الاقل هذا صحي ونظيف

خلص هيج وقتنه ضحك وسوالف وفرحانه بوحودي بين اهلي صار الليل.

نور. اي اخواني ما مشتاقين الاختكم

الشباب. اي ههههه

نور. جا امشو انام

سيلين. وين ماخذتهم

نور. مامشتاقه الاهلج روحي نامي بنص امج وابوج بعد يومين من نروح وتتصلين مشتاقة الحضنكم جا هية بس حجي طبقي

جولي. لا وين علوش متعلم ع ايد ابوه

نور. اي مو ايد ابوه ريش وايد امه صوف امشي نومي ابنج

مومل. انا اريد يم اختي حبيبتي مشتاقلها

الشباب. ههههه

مسرة. بابا ليش اروح يم عمة اليوم اته ما تنومنه وتحجينه قصة 🥺

نور. لا كلشي ولا دموع كتكوتي الحلوة لا عيني كلمن ينام بغرفته انا اريد انام يم اهلي اريد ارجع الايام الطفولة

مقتدى. انا هم اريد انام يمكم

شاه. هية انية بابا ينام ام امه وماما انام ام امها احنة اين انام

الكل. ههههههه

مقتدى. لا بابا حبيبتي تعالو انتم تنامون بحضيني

مر الوقت نمنه ثاني يوم صباحا بدلنه وكلنا كاعدين

مهيمن. راح ترجع للمركز

مقتدى. اي اشوفلي يومين 3 بالاسبوع اكعد بالعيادة

نور. مومل سياراتي شنو وضعهن

مومل. يسلمن عليج اول امس لكيت الحي تبجي والبي ام حاضنتها تسكت بيها

نور. لا تصير تافه

مومل. لا زينات كلشي تمام يومية اشغلهن

نور. اليوم نطلع انا وياك عندك شي

مومل. لا جمعة وسبت مااشتغل

نور. حلو اليوم انا وياك طالعين

الجد. وين ترحون

نور. جدو اتفقد الاوضاع وهم محتاجة كم شغلة اريدهن

مومل. تمام اخلص ونبدل

خلصنه بدلنه ولبست عباية خليجية ونزلنه امشي بسيارتي اشتاقيتلها

مومل. بعد احسن ماخسر بانزين

رحنة بالاول للمشغل شلون الوضع هنا

مومل. الشغل اطور وزاد الحمدلله وسوينه توصيل محافظات والفلوس جاي تتقسم حسب الحق وجاي اخليهن بحسابج ومن نحتاج عمو يسحبلنه

نور. الحمدلله ينطيكم العافية. امشي للعمارة

رحنه وتفاجات من الجوة. شنو هاي

مومل. ماعجبج

نور. يجنن مثل ماجنت رايده بس كلت من ارجع

مومل. مو اكلج نفس التفكير كوفي النور شرايج بي

نور. واو كلش حابة هاي الفكرة مال كوفي وي ورد وحلو بيه معجنات

مومل. وريوكات وحلويات والناس جاي تجي هنا من تطلب حلويات او اكلات

نور. بس ازهار ماتشتغل بعد

مومل. مو ازهار تعرف بنات فقرة حيل وهم شاطرات وبنات هم يطبخن ويساعدن خالة ام رسل لان ماقبلت تترك كالت اشو بالبيت منو يدري وهذن العاملات هم بنات متعلمات ودارسات بس مامحصلات وضيفة وهيج مشروع بناتي حلو واحد يشتغل بيه بس محل الملابس خليته والطلب قبل بيوم يصير

نور. عاشت ايدك ماخاب ضني من سلمتك مسوليته

مومل. وهسة

نور نمر للمدرسة

مومل. بيها امتحانات

نور جا خليها غير وقت اي شخبار الاختصاص

مومل. هاي السنة خلصت بس ما اخذت نفس اختصاص موتمن انا جراحة قلبية صدرية اخذت

نور. حلو ومهيمن

مومل. مهيمن. طب عام باطني. انت شنو الاختصاص الحابته

نور. جراحة عامة يعني مو مثل اختصاص مقتدى جراحة عظام وعضلي لا اريد عامة يعني لكل جسم الانسان

مومل. حلو تدرين قليل اكو بهذا الاختصاص وصعب ودقيق بس وين تكملين

نور. هنا من السنة الجاية راح اروح وي مقتدى حتى اكتسب خبرة والاقامة والامتياز هنا

مومل. حلو بعدهم محد يدري

نور. اي بس انا وانت وسيلين ومقتدى حتى اهلي وجدو مايدرون دربالك يزل لسانك

مومل. لا امني وين هسة

نور. للمستشفى نخرب عليهم ونطلع

مومل. ههههه المستشفى مالتج عيني

نور. جا شلون رحنة للمستشفى لبست نضارات كبار حتى محد يعرفني ودخلنة كبل الغرفة مهتدى دكينه الباب

مهتدى. تفضل

مومل. تتقبل مراجعين لو لا

مهتدى. اذا حلوين مثلكم اي

نور. هههه هلاو دكتورنه شلونك

مهتدى. بخير بشوفتج منورة المستشفى

نور. بنورك منو مدير المستشفى ووين الولد

مهتدى. خالج وموتمن عنده مرضة ومهيمن مايداوم

نور. حلو مستشفى لازم نغير اسمها

مهتدى. شنسميه

نور. بعدين اي شلونه الشغل

مهتدى. الحمدلله انتي شلونج شخبارج

نور. والله لو ادري اخواني من اعوفهم يبدعون جان من زمان عفتهم هواي ابداع داشوف

مهتدى. هذا كله بسببج لو ماثقتج بينه مايصير هيج

نور. جا حظرو روحكم الاسبوع الجاي نخلصه بالمزرعة

مهتدى. الله والله مشتاقين تمام راح ناجل كلشي

نور جا اروح غير مرة نمر لان اريد اروح اجيب كم شغلة ناقصتني

مهتدى. براحتج

نور. بيباي ابو مرتضى

طلعنه مرينه للسنتر جبت شغلات للغرفة هواي محتاجة لان الغرفة فارغة وجبت اشياء للجهال صحية وجبت الجود وجوليان ورجعنه لبيت امس وزعت عليهم هداياهم

ابو نور. رجعت نور ورجعت لسوالفها مشترية السنتر كله

نور. ههههه بابا جنت انا واخواني هسة انا واخواني وجهال اخواني

ابو نور. هههه الله يحفظكم

نور. ها من هسة ابلغكم خاف انسة الاسبوع الجاي نروح للمزرعة نبقة اسبوع

الجد. الله ع ايام المزرعة

نور. امولي يلا خيو كمل جميلك وصعد وياي الغراض

مومل. مو تدلل ست نور صعدنه الغراض كلهن كعد بالغرفة اخ يمة تعبت لازم نسوي مصعد بعد ما منها

نور. ههههه اكول ولو سوالي مو وقته بس اريد اسال

مومل. لا كولي

نور. شخبار هيام

مومل. ههههه جدر ولكة غطاه رجلها تاجر ذهب وهية وياه يومية بدولة جابت بنية ومخليتها وي المربية والخدامة وهية ماخذة راحتها حتى احنه بالسنة مرة تحي من الباب تسلم ع اهلي وتروح

نور. الله يوفقها. طلع مومل يبدل نزعت العباية والشال قفلت الغرفة اتلي رسالة

أَضمچ ويَن مِن يا عِيْن
هوَ المثلــچ شيـــنضَم
يَلجَنـچ بُخور هنــود
مِن سابِع سَلَف ينشَم.

انا ما ارد عليه فعادي من يدز شعر رحت سبحت لان حارة وبدلت مر هذا الاسبوع واجه الاسبوع الثاني ورحنه للمزرعة والمفاجاة وين الخيول بدل ال4 صايرات 7

نور. يمة الحب يمة خيول الاحبهم

جاد. ها شرايج بهل مفاجاة

نور. فديتك اختار من الجدد واحد والاثنين البقية واحد الك مهتدى واحد الموتمن

الشباب شكرا

نور. عمو ابو علي صار شكد من ولدن

ابو علي عمي صار سنة وما خليتهم يتزاوجن بعد لان ما ماخذين اذن منج

نور. عمو لا انا راح ارجع هم بعد 3 سنين اذا عدلي ارجع استقر فانت وي جاد بعد شنو تريد حاجيه وخليهن يتكاثرن اريد من اجي الكه اكثر وشنو تحتاجون ماليا اتصلولي اخلي الوالد يدزلكم

ابو علي صار بنيتي

نور. جا عمو روح بهل مناسبة اذبحلنه 3 خرفان كبار واحد اشووه والبقية ضموهن نريد دلالكم

ايو علي مو تدللون

جاد. منو اكبر خيل هنا

مقتدى. ومنو يعلو فوق الاميرة نورا غير الادهم

نور. هههه اي الادهم اكبر واحد عفيه بادهمي اريدك سبع ههههه بس ادهم زلمة كلهم نسوان

جاد. هههه صدك كلهن فرس

موتمن. نور. اذا يتكاثرن شسوين بيهن

نور. اطلع واحد يبيع غاز واحد عمالة يعني شاسوي بيهن

جود. عمة

نور. يروح عمة انت

جود. عمة تدرين بابا كلي بس تكبر ادخلك نادي فروسية

نور. صدك والله

مهند. اي كلش يحب الخيل حتى الكاه مرات يتابع بالتلفزيون سباقات ويحب يعرف اسمائهن وانواعهن واصنفهن طالع عليح

نور. فدوة حبيب عمته جا وعد الك احلى حصان بالسلاله

مرت الايام وخلص الشهر ورجعنه لندن وسجلنه الجهال حضانه وروضة سوة تصير حتى يتعلمون اكثر وبدا الدوام ومرحلة اصعب من مرحلة ومرت السنين وانا هسة مرحلة خامسة واخيرة لان الجامعة الدرست بيها من اهم واحسن الجامعات عالميا ودراسة الطب بيها 5 سنوات والجهال صار عمرهم 5 سنوات وخلال هاي السنوات صارت هواي احداث منها قوت علاقتي بمهيمن صرنا من صدق مثل الاصدقاء من تعبانه لو متوترة يساعدني وهديني بس محد يعرف شنو ادرس وكل خميس يدزلي شعر لازم بعض الاشعار الدزهم

‏فِي بَحر عَينيك هَامت كل أشواقِي
يَاسَيد الحسنِ هَل تَنوي إغرَاقي ؟

و

وافرفح چم تعال بسد تصاويرك
يالبروحي كبر غصنك
ولا حطن عصافيرك

و

أذاَ فِوگ الِوردَ
لِوٰ فوگ صخِره يطُِيحَ
مِا تفِرق بعُِد لِوٰ عمُِري طيحُِته
أنِا مبللَ عشگ يأليبِستَ مُلگاكَ
رحِت وخِيال وجُهِك عينيَ حاضِنته
واضفِر بالخِلگ بلكِت گُصيبهَ يصيرَ
وضوهَ چفِوفكَ بصُِدري ألكِاها ضافِرتهَ
وأغِص بليلَ واگصِر والمِسافة تطِول
واجُِي وتعِثر عُِيوني بكُِل أثِر عفتهَ
وأجِي مغيمَ سهِر يمكَ وانگط ليُلَ
رحِت عنكَ بعُيِد وجهكَ مِٰا درته
ولحُِد ثِامن سمِه وصِلت الشهِگة ويِاك
واسِافر وألتِرابَ بچدِميَ مِٰا دستهَ
ونكِدت ثيابيَ يمِك جانَ بيهِن غِيمَ
مہَטּ ثِامن سمُا للگِاع وصِلتهَ .

و

أي يا گلبي من العشگ والشوگ زيد
وتدري شوفتهم محبة وفرح عيد

و

ضِحكتك حِيل حُلوة
منيلَك هاي؟
أشو ضِحكات أهَلنا
توجِع الرأس؟
أغار مِن الخـيَال اليِمشي وَياك
وصِرت مَجنون
أفكِر خاف تِنجاس
وبَعد لا تِمشي وَحدك
لا يخُطفوك!
أنه وي خَيالي نصَير حُراس..؟!

و
صعَب تتوصِف انتَ شمِا يوصفونگ
يل مَخليني هَايم انهَ بـ عيونك
شمَا وادم تحبگ انهَ احبگ حَيل
وأكثر بِعد مَن كَل اليحبونگ

هاي اخر شي اندزلي

هناك الشباب. مهند مرتة حبلت وجابت ولد سموه فهد وعمرة سنة ونص

وميليسا جابت ولد هم عمرة سنة و3 اشهر اسمه كنان

ازهار ورسل مارادن يخلصن يلا وجولي هسة حامل وسيلين هم حامل عليهن اثنينهم 4 وانا بعد شهر واخلص ونرجع خلال هذا الشهر كملت امتخاناتي وطلعت الاولى ع الدفعة مالتي كالعادة واهناك ينطون امتياز للاوائل شهادة ثانية وسبب الخبرة العندي لان طول هلسنين بالمستشفى قدمت اوراقي واضطريت اخبر جاد حتى يساعدني من العراق واليوم اخر يوم وكدرت اكمل كلشي والحمدلله راح نرجع لبلدنه وحبيبنه العراق بس خايفين ع سيلين لان حامل من السفر صعدنه الطيارة غراضنه دزيناهن بالشحن قبل اسبوع بس جنط السفر اخذناهن كل ساعة او ساعتين نكومها تمشي والسوائل ماتركناها الحمدلله جرينه نفس من وصلنه الى بلدنا الحبيب واجه مومل يستقبلنه لان بس هوة يدري صورت المطار والطيارة والبيت من وصلنه وباب البيت نزلتهن ستوري ودخلنه بهدوء. العصر

موتمن. شنو هاي دخلو شوفو ستوري نور

مهند. شبيه

موتمن. مخلية ستوري بالعراق شوف هاي اخر ستوري مو بيتكم

نور. من ورا. اي رجعت البيتنه بعد ماكو سفر رجعت انور حياتكم

الجد. هلا بنورها وسورها هلا بيكم بابا الحمدلله ع سلامتكم

رحنة سلمنه كلنه وكعدنه

نور. سيلين شربي العصير كومي وياي سبحي ولبسي شي مريح

سيلين. اي كايمة

مقتدى. خاف ماتكدر تصعد

نور. لا بالغرفة الحوة ماتصعد هواي تعبت كومتها وديتها سبحت وبدلت تمددت ع الجرباية دخلت انا هم سبحت وبدلت ونشفت شعري لبست شال. هااا تكومين لو تضلين

سيلين. لا كايمة يمهم رحنة يمهم صار صلاة صلينه وتعشينه

نور. ما دامنه متجمعين حابة اكول شي

الكل. تفضلي

نور. كمت افرك بايدي توترت مقتدى احجي انت

مقتدى تدللين حبيبتي

الجد. شكو احجو

مقتدى. جدو نور وسيلين صح راحن درسن ماجستير بس خلصن دراسة صار 5 سنوات لان دراستهم سنه وحدة بس

ابو مقتدى. بس شنو وليش هاي الفترة. كلها تكولون ندرس وشضامين علينه

مقتدى. اهدا يابة ما جذبنه صدك جانت نور تدرس بس مو للهندسة

الجد. جا شنو

مقتدى. جدو نور درست طب وحصلت امتياز لان طلعت اولى ع دفعتها ونور رادت تثبت نفسها كدامكم وكدام الكل وبدل الشهادة اجتكم ب3 شهادات الماجستير بالهندسة قسم انشاءات وشهادة بكلوريوس طب وشهادة امتياز بسبب خبرتها وذكائها

الجد. وليش ماحجيتو من البداية

ابو نور. ليش تضمون علينه شنو قابل راح نمنعها

نور. بس دموعي يطيحن ومنزلة راسي

مقتدى. لا رادت تسويها مفاجاة وانت يابة كلش زين جنت تدري نور حلمها من الطفولة طب ولان رجعنه للعراق وهنا ع المعدل دخلت هندسة وبسبب الصار رادت تثبت نفسها النفسها وللكل ولكل بنية انو ماتنكسر مهما يصير وياها ومهما تعرضت بخياتها واجت تكمل طريقها البدت بيه هناك وتاخذ اهم اختصاص بالعالم وهو الجراحة العامة عامة
احنه ماجذبنه عليكم من كنالكم رايحين البنات يدرسن وصدق درسن واجن باحسن العلامات

شهم بابا شبيها عمة تبجي

مقتدى. درت عليها. حبيبي مشتاقه الجدو وبيبي روح اخذ اختك وروحو انت وولد عمامك لعبو بذيج الغرفة احنه شوية ونجي نلعب وياكم

شهم. صار بابا

مهند. مبروك يرفعة راسنة انتي انتي فخر لكل البنات لا تبجين

مومل. الف مبروك مرة ثانية يروح اخوج لا تبجين وتعبين هلعيون وراهن عمليات هواي

جاد. مبروك مرة ثانية الحمدلله ربي ماضيع تعبج انتي فخر النه

مهتدى. مبروك حبيبتي دكتورتنه الجميلة هنةكل الدكتورات هيج حلوات لو بس انت

موتمن. الف مبروك يا احسن دكتورة بالعالم منا وهيج خافن منها الحياية صارت جراحة يعني اتخيلن المشرط يطلع من حيث لا تدرن

العمات. الف مبروك يمة

ام نور. الف مبروك يمة الحمدلله صبرتي ونلتي الله يوفقج ويجعل طريقج اخضر بجاه محمد وال محمد لا تبجين كلبي يوجعني من اشوف دمعتج

نور. ماما والله مالي نية ازعلكم جنت متخيلة افاجئكم وتفرحون والله حبيت اسعدكم وافرحكم وارفع راسكم 😭

ام نور. لا ماما ابوج يحبج وفرحان الج بس جاي يشاقة وياج يا شبيك يا رجال شوفها شلون تبجي لا يوكف كلبها وين اروح بهل الليل وقت شقاك هسة والبنية تعبانه عمي فدوة اروحلك عوفو الشقة

نور. كح كح

مهند. جدو شبيكم وياها ماسوت شي غلط راحت درست ماسوت شي عيب

الجد. وانتم من كل عقلكم اضوج من نور لو ازعل هاي اميرتنه ورفعت راسنه كومي من يمها بابا تعاي بوية والله اشاقة وياج

نور. كح كح جدو والله ردت افرحكم

الجد. احلى فرحة اكثر فرحة فرحتها انتي انتي فرحتنه وبسمتنه

ابو نور. ههههه ياروح ابوج حبينه نشاقة وياج ام دميعة تضل هيج دمعتج ع خدج مو صرتي دكتورة بعد شيصيرين

نور. كح كح بابا

ابو نور. ياروح ابوج الف مبروك الحمدلله والشكر ربي الحمدلله وصلتو هلمرحلة

نور. كح كح كح

مقتدى. شبيج نور

نور. كح كح اتنفس كوة كح كح ب بخ بخاخ

مقتدى. اي اي وين مخليته

نور. اتنفس كوة اشرتله جنطة

سيلين. بالجنطة مالتها هذيج يمك

مقتدى. جبتها هاج اهدي وسحبي

نور. شهكت هوة شوية ورجع نفسي طبيعي. الحمدلله

مقتدى. ها

نور. الحمدلله

مهتدى. بعدهن يجلج

نور. اي مو دائما بس اذا ضجت لو اتمرض لو اتعب

الجد. لازم نسوي حفلة بمناسبة رجوعجن ونجاحج

نور. ماله داعي جدو مانريد هوسة بعدين البنات حوامل

ام نور عمة شكد عليج سيلين

سيلين. عمة خلصت الخامس دخلت بالسادس

ام نور. الله يسهلج ماعرفتي شنو بيج

سيلين. اي عمة امس رحت وطلع بيه هم توم ولد وبنية

الكل. اللهم صل ع محمد وال محمد الف مبروك

نور. وجولي

جولي. بنية

نور. حياتي الف مبروك

الجد. انتم تعرفون بنور

مهند ومهيمن وموتمن ومهتدى. لا والله جدو

الجد. وانتم

مومل. جدو انا اعرف من قبل لا تخلص هندسة تريد تدرس طب ومن راحت اتصلت بيها وعرفت

جاد. وانا قبل شهرين لان احتاجت اوراقها اكملهن هنا وكلتلي

بعد اسبوع من رجعتنا من لندن ملتمين كلنه

جاد. نور عدنا مفاجاة الج وهن اثنين

نور. شنو

جاد. نور بما انو انا المحامي هنا والوكيل على املاكم احنه خلال هل 6 سنوات اي هدية ما اجتج منا

فسوينه كالاتي

المستشفى جانت باسم بابا ربع وانتي ربع ومقتدى ربع ومهتدى وموتمن ربع فصارت انتي ربع ومقتدى ربع ومهتدى ربع وموتمن ربع لان ابوي باع حصته واشتره عمارة واجرها لان كبر وعاف الطب

نجي اول هدية راح تكون الج وهية هدية من مقتدى وهية المركز الطبي البصف مركزهم هم 3 طوابق وصيدلية اشتروه مهتدى وموتمن ومقتدى بالتساوي فحصة مقتدى صارت باسمج حتى بعد سنتين 3 راح يكون الج عيادتج الخاصة وهسة ماجرينه والفلوس تروح الحسابج مالت حصتج

الهدية الثانية هية من مومل وعمو ابو مومل وعمو ابو مهند وابوي ومهيمن اكو مطعم ب ،،،، جبير طابقين الج صار

الهدية الثالثة. اكو جم نادي رياضي قريب المطعم نسائي هذا هدية مهتدى وموتمن ومهند وانا

بقت هدية جدو وابوج وهي مثل ما تحبين وتتمنين دائما تكون عدنا حسينية جبيرة ونخدم بيها الى مولانا ابا عبدالله الحسين عليه السلام فصارت باسم حسينية سميناها حسينية نور الزهراء تبركا بمولاتنا الزهراء قيد البناء حاليا وراح تكون من اكبر الحسينيات بال،،،،

نور. 🥲🥲ليش هيج تسوون هذا هواي هاي بدل ما توسعون شغلكم

جاد. هذا شي قليل بحقج ع كل التسويه ويانه بعدين منو كلج ما وسعنه

انا اشتريت عمارة بيها شقق ومهند اشترة بيت البصف بيته القديم وروضة اهلية ومهيمن اخذ البيت اشتراه كله من مهند وسيلين ومهتدى وموتمن ومقتدى. اشترو عمارة بصف عمارتج وهم بيها 3 محلات فتحو واحد كوزمتك واحد ملابس اطفال واحد زي عربي ومومل اخذ المحلات البصف عمارتج وسواهن واحد وفتحهن سنتر

نور. ان شاءالله الله يوفقكم ويسعدكم ويخليكم الي والجهالكم ويكتبلكم كل الخير شكرا الكم

جاد والخبر الثاني قبلو اوراقج وراح تكملين هنا وتكدرين تباشرين بالمستشفى

نور شكرا شكرا

بعد مرور سنة هاي السنة داومت بيها انا ورسل ازهار بالمستشفى كلمن اختصاصه وحبلن وجابن واطورت علاقتي بمهيمن واكتشفت الحانب المخفي منه وجان هذا الشعر امس منه

‏"البدرُ أنتِ وما عداكِ كواكبٌ
‏والنورُ أنتِ وما سواكِ ظلامُ
‏يا مَن تضيءُ بكِ الليالي بهجةً
‏وبحلو قربكِ تهنأُ الأيّـامُ"

وقبل اسبوعين خطبني وتفاجات وكعدو كلها تقنعني ووافقت بس بشرط العقد كان باجمل مكان بحرم الامام الحسين ومتباركة بهم وما حبيت اسوي حفلة جبيرة وجابولي هدايا وبعد اسبوع عرسي وجاي نجهز النه وتعبت من التجهيز غيرت كلشي وهم مقتدى ومومل المطبخ البارد والغرفة مالت الالعاب نقلوهن للطابق الثاني بدل المخزن الجبير وسوو الغرف لاطفالهم واليوم حنتي والبنات ماقصرن وياي بكلشي طلعنه من الصالون للبيت سوولي حفلة ولا بالاحلام خلصنه الحفلة من التعب نمنه ثاني يوم العرس طلعنه من الصبح للصالون سوتنه وخلصنه كلمن اجه رجلها ياخذها وسوينه جلسة تصوير باحد الفنادق ع الزرع صورنة وحدنه بعدها احو الولد ونسوانهم واطفالهم واخذنه صور جماعية بعدها اخذوني للقاعة لان عرس كلش جبير وسون فقرات العرس ووصلنه للفقرة البجيت بيها اكثر شي بحياتي وهي دخول اخوان العروس ودخلو بالسرة جاد وراه مهند وراه مقتدى وراه مهتدى وموتمن ومومل وكلمن بيده مثل الكلادة طويله دولارات دخلو ع اغنية خياي لبسوني كلمن وحدة واكو هدية جبيرة كلش جابوها ونزلونه لنص القاعة نركص وكل هذا وانا دمعتي ما وكفت بعدها غطوني وزفونةوامو مفاجاة راح تعرفوها بعد ين . وهيج مرت 2 سنة ع زواجنة وصارو عندي احلى توام بالدنيا اطفال توام علي الدر وعلي الاكبر وايليا بنت توام ثلاثي وداومت ضمن اختصاصي وبهل عمر صرت من اشهر الجراحين وعشت الحمدلله بحب ما لكيته عند اي احد غرقني مهيمن بحبه ودلالة واهتمامة الحمدلله ع نعمة الاهل والاخوة

مقتدى وسيلين. عدهم الشهم وشاه زنان توام
ادم واديان

مهند وسمارا. جود وجوري وفهد و فدك

مومل وجولي. علي النور وعاليا وهسة جابت توام حيادر وحرة

موتمن وازهار. يمان وجابت توام جمان وكيان

مهتدى ورسل. مسرة ومرتضى وصار عدهم توام. مهدي وملاك

جاد وميليسا. جوليان وليليان ووتوام سلطان ولد. ونوران

متجمعين كلنا يم جدو وهو يسولف النه ع ايام قبل وشلون لازم نحافظ ع لمتنه وخوتنه ونضل دوم صامدين ومانسمح الاحد يدخل بينه وشلون لازم نساعد غيرنه وما تغرنه الدنيا لان يوم النه ويوم علينه مثل ماهو جان رجال فقير وبسبب رجال ساعدة واشتغل عنده وجان هذا الرجال جبير وما عنده احد وكتب نص املاكه الجدو ونص للفقراء وهذا عرفنه بيه بعد موت الرجال وجدو كبر الشغل وضل يساعد الفقراء وعلمنا احنه وغرس بينه هاي المعاملة وعلمنه الاحترام والحب والمودة واليوم كاعد يعلمها الاطفالنه وعلمنا انو الحياة ماتوكف ع شخص والشخص اذا نضيف لا يخاف من الناس الوسخة لان بحياتنه هواي هيج ناس ولازم نعامل الناس باخلاقنة وتربيتنه مو باخلاقهم ولازم نحترم الجبير والصغير ولازم نرحم الحيوان ولا ننغر ونتباها بالعدنه كدام غيرنه والفلوس مو اهم شي بالحياة ممكن اكو ناس عدهم خير بس مامرتاحين ولا مطمانين وعرك وهوسة ووممكن اكو ناس فقرة بكلشي بس مرتاخين ومطمان راسهم وبالهم وهاي كل حياتنه الى هنا نختم قصتنه احفاد ال رحيم اتمنة عجبتكم وسامحوني اذا قصرت لان هاي اول قصة الي وجانت عندي ضروف ودراسة اتمنة تكتبولي ارائكم هنا او ع حساب الانستا راح اخليه اخر البارت

مع الف سلامة وانتظرونه بقصة جديدة وحلوة

إيليا أبو ماضي يبتاهى بالحبّ فيقول: ومهيمن يكلم محبوبته نور

"مَن كانَ يَحلَمُ بِالسَماءِ فَإِنَّني
في قَلبِ إِنسانٍ وَجَدتُ سَمائي"

بيباي

الكاتبة. NOORAT2002

G21_ar حساب الانستا

شكرا الكم ع كلشي وشكرا ع القراءة والتصويت صح اختصرت قصة مهيمن ونور وزواجهم اذا تردون اتعمق بالتفاصيل كتبو بهذا البارت وصوتو اذا شفت طلب اسويلكم بارت خاص بيهم وشلون نور بدت تحبة وشلون وافقت وشصار وياهم بيباي فراشاتي 🦋🦋🤍