رواية احفاد ال رحيم الفصل السابع والثمانون بقلم سـيـريـوس

فراشات و ورد وطيور
تشوفك لهفتي وشوفي

وصحراء وعطش ورمال
تشوفك عزتي وخوفي ..

شجاني وصدگت بالشوف ؟!
شجاني وجذبيت الخوف ؟!
شجاني وأمنت بالشوگ ؟!

جان الشوگ عاميني ....

لــ سمير صبيح

،،،،،،،،،،،،،،،،،
هيَ حلوة وآنه أسمر
وجهي حارگته الشمس..
هي لؤلؤ بالمتاحف
كاتبين أعليها ممنوع اللمس
آنه صوتي شگد خشن
فززله ميت ،
وهيَ صوت العندليب
مِن الصُبح يحَمس حَمس !
آنه طالِب ،
مدري أحير بخدها أفكر
مدري أحيرن بالدرس..
مِن تطُب للقاعة أرجف
هاي عود آنه الشرس !

،،،،،،،،،،،،،،،،،،،،،،،،،،،،،

بعد سنة من رجعونه من لندن وهاي السنة انا ثاني سنة تخصص وبعدلي 3 سنوات وازهار. هم ثاني سنة بس رسل 3 سنة احنة كلنة ندرس نفس المستشفى غير عن المستشفى مالتنه الخاصة اليوم جمعة وملتمين كلنه كاعدة انا وبصفي جود ومن الجهة الثانية شاه ورا الغدا اشوف مهند كاعد ويبسبس وي جدو والبقية كلمن ملتهيله

مومل. نور نوارة

نور. هاا

مومل. شبيج وين صفنتي جنت احجي وياج

نور. اسفة مانتبهت هيج شغلة اي شنو تريد حبيبي

مومل. اكلج شنو رايج نطلع نغير جو بالليل

نور. كيفكم ماعندي شي

مهند. اباوع ع مهيمن واشوفه هو الوحيد كاعد وحدة كلنه ازوجنه واستقرينه وهو ضل منتظر محبوبته اخ منك يالحب ادمر المايدمر

بهمس. جدو عادي احجي وياك بشغلة

الجد. اي بابا كول

مهند. جدو ليش مانزوج مهيمن شوفة كلنه ازوجنه وخلفنه وهو ضال

الجد. يوم عيد ازوجكم بس بوية مايقبل عنيدين هو ونور هم الخايف عليها

مهند. شرايك نزوجهم هم الاثنين وهم نور تضل يمنه وهم يستقرون

الجد. شلون بابا خاف عنده احد اباله ونور مانكدر نفاتحة بالموضوع قافلة ماتريد واخاف افتح الموضوع وتتخربط

مهند. جدو علي انا اقنعهم بس انت شرايك بيهم كزوجين

الجد. والله مالكة احسن من مهيمن النور صح عنده طيش،بس نور معدلة وتعدله وياها

مهند. جا جدو خليها علي باجر ارجعلك جواب

الجد. بس ها كلشي ولا نور اذا رفضت لاتحاول وياها مريضة واخاف عليها

مهند. مو اكثر مني هاي روحي من الدنيا

الجد. الله يحفظكم ويبعد عنكم كل مكروه

مهند. صارت ب 4 العصر دزيت رسالة النور. نوارة عادي نطلع انا وياج عندي شغلة مهمة ومحتاجج

نور. قريت رسالته تعجبت شعنده ومحتاجني كتبتله. تمام بس شوكت ووين

مهند. ب5 ونص نطلع عادي لبسي اليريحج لان مكان عام

نور. تمام وضميته وشابكة جودي العمرة 9 سنوات

مهند. من رخصت الحاظرين عمو محتاج نور بشغلة عادي نطلع

ابو نور. عادي بس ان شاءالله خير

مهند. ماكو شي عمو شغلة اخلصها ونرجع

ابو نور. براحتك وليدي اخيتك هاي

مهند. جا نوارة خوية حظري روحج ب5 ونص نطلع

نور. تمام

مقتدى. نور شعدكم

نور. مادري والله

مومل. اذا متكليلي ازعل

نور. شبيكم خلي افهم انا بالاول

صارت 4 ونص احم انا كايمة احضر روحي

الكل. براحتج

نور. جود عمة خليك يم اخوانك ودربالك عليهم انت وجوليان الكبار

جود. ان شاءالله عمة انتي دربالج ع روحج

نور. حبيب عمته ان شاءالله. صعدت لبست بشت قطعتين وخليت حمرة خفيفة ومسكرة ومرطب ولبست اكسسوارات وتكرمون حذائي وجنطتي ونزلت وصلت للطابق الثاني طلع مهند

مهند. فدوة شهلجمال

نور. هههه جمالك حبيبي

مهند. يلا ننزل

نور. يلا نزلنه اشوف الجماعة ضايجة. لا لا شنو هاي الوجوه ليش هيج

مومل. جا شيسمونها اطلعون بدونه

نور. طالعين نتونس غير طالعين بشغلة بعدين اكو يوم واحد بيكم رادني وكتله لا

موتمن. لا بس مايصير هية الجمعة النه

نور. ميخالف اعوضكم بعزيمة ع حسابي كلنه عدا جولي وسيلين

جولي وسيلين. ياااا ليش،

نور. حياية واحنة نريد نتونس نخاف تسممنه

الكل. هههههه

نور. يلا عيني باي انتهى يومي وياكم فديت ابو جودي ابو الحظات الحلوة. شفتهم ضايجين واكثر واحد مقتدى بس مسوي نفسة يلعب شهومي رحت ع السريع بسته بخدة وشاورته ياروح روحي احبك رفع راسه متفاجا من حركتي وطلعنه انا ومهند رحنة بسيارتة بالطريق. هنودي وين رايحين وشنو تريد

مهند. من نوصل اكلج شنو اريد وصلنه مطعم نزلنه كعدنة طلبنه عصاير اجت العصاير. نور اريد احجي وياج بشي بس حافضي ع هدوئج لان احنه بمكان عام

نور. شنو خوفتني

مهند. لا تخافين ماكو شي بس الى متى تبقين هيج

نور. شنو مافهمت

مهند. الى متى تبقين هيج بدون زواج منو اليجي نطردة من يمنه

نور. سكتت

مهند. احجي

نور. مهند انا ماذيتكم بشي ليش تردوني ازوج

مهند. لا تكملين لا حسبالج انتي ثكيلة علينة او شي ثاني لا والله انتي بمعزت امي شوفي اليا حد امي يعني اعز من اختي ومرتي وبنتي بس انا حاب اشوفج مستقرة بحياتج حالج حالنا وحال خواتج اشوفج تهتمين برجلج مثل ماتهتميلنه وتهتمين باطفالج مثل ما تهتمين بجهالنه اريد اشوف حنيتج عليهم اريد اكلج شي بس لا تزعلين ماكو احد دايملج لا الاهل بعد عمر طويل ولا احنه ولا جهالنة ولا حتى الفلوس وانتي شفتي جم طيحة بطيحة طحتي والحمدلله هسة بس العمر يمشي وهسة انتي عمرج ب28 شوكت حابة تلتفتين الحياتج الحمدلله دراسة وكملتي احسن اختصاصين واهدافج حققتيهن واحد ورا الثاني ومازلتي بعد بس،نور مو كلشي دراسة وشغل اريدلج شي الكبرتج اذا كبرتي منو الج لا حسبالج جهالنه ينفعوج باجر عكبة يكبرون وجيل يختلف عن جيل شتكولين

نور. ماعرف شنو اكول بس انا هسة كل تركيزي ع دراستي الطب مامفكرة بشي ثاني

مهند. هواي يدرسون وازوجن وجابن وهاي كدامج نسوان اخوتج مو وياج

نور. مادري خليها ورا الايام

مهند. نور اذا اجاج عريس هسة توافقين
نور. نزلت راسي

مهند. لا تنزلين راسج احنه راسنة مرفوع برفعت راسج بس اريد اعرف جوابج لاتخجلين مني صحيح اخوج بس اعتبريني صديق مقرب واحجي

نور. هو سوال مهيمن محاجيك

مهند. لا والله اصلا من يوم عمليته كلي اعتذرت منها وسديت الموضوع وياها لان مامفكرة بالزواج وما اكدر اصير اناني واجبرها

نور. اممم جا شمعنه هسة

مهند. الصراحة جدو يريد يزوج مهيمن لان كبر وجانت حجته اكون نفسي والحمدلله عنده بيت ودخل شريك وي مومل بالسنتر من غير شغل المستشفى والعيادة وهسة يريده يزوج واعرف باخوي يحبج بس اذا جدو كله تزوج ولحو عليه اهلي راح يزوج بس راح يظلم نفس ويظلم بنت الناس

نور. والله ماعرف اصلا ما مفكرة بالموضوع

مهند. نور حبيبتي ولزمت ايدها اذا قنعت جدو يخطبج المهيمن تقبلين

نور. ضليت ساكته مادري اكو لخبطة براسي

مهند. ها حبيبتي شتكولين وبالشروط التردينهن

نور. مهند خايفة

مهند. افاا انا اخوج وتخافين من شنو

نور. مهند خايفة من هواي،امور واكثر شي خايفة اذا وافقت تهم هيام تثبت علي

مهند. هم صخام هم ن،،، استغفر الله بابا انتي شبيج القصة صارلها 8 سنوات بعدين صخام راحت ومنو بعده يفكر هيج تفكير احنه نعرف شنو انتي واشك حلكة اليحجي وياج كلمة

نور. مادري مادري

مهند. انطيني كلمة هلمرة ثقي بيه شفتي قبل من كتلج بوكت الجد كلنة وياج وثبتتلج

نور. بكيفكم انت وجدو التشوفوه

مهند. مو بكيفنه اريد كلمة متاكدة منها

نور. مهند انا هم تعبت من نظرة بابا وماما وجدو وقلقهم علي وانتم ادري بداخلكم تفكرون بيه وتخافون علي كافي تعبتكم كل هل سنين موافقة بس هااا ماتكول لاحد بس الجدو واذا مهيمن جان بعدة رايدني ماتجبرونه علي فدوة ماريد الماضي يتكرر

مهند. لا والله راح اكول الجدو لانت من ناحية الزواج واحاجي مهيمن اكله نريد نفرح بيك عندك احد بالك لو يدورون اذا كال نور خير ع خير كال غيرها تبقين بنيتي الجبيرة واذا ماترتاحين بغرفتج اكعدج بكلبي

نور. حبيبي انت ويلوموني بحبك وانا مجنونك

مهند. هههه يمة البنات فدوة شرايج نكمل الطلعة ونحركهم عدل

نور. ههههه خطية ومومل راد نطلع بالليل

مهند. ها ماتردين وياي

نور. اذا ماريد وياك ويامن اطلع هو اكو احلى من طلعاتك

مهند. جا شوفي الو هلا جدو

الجد. هلا وليدي

مهند. جدو عادي بلغهم راح نتاخر

الجد. خوماكو شي

مهند. كل الخير جدو وداعتك بس حاب نكمل طلعتنه ونتونس بس لا تكلهم كلهم شغلتهم مطولة

الجد. ان شاءالله وليدي الله يحفظكم دربالكم ع نفسكم

مهند. ان شاءالله

ابو نور. ها يابة

الجد. راح يتاخرون كال بلغهم لا يظل بالهم علينه

مقتدى. جدو اكو شي وينهم

الجد. لا بابا ماكو شي مايصير يعني اخو وعنده شغلة وي اخيته

مهند نور اريدج تموعينهم من الغيرة نشري ستوريات اي شي نسوي انا وياج اريدهم كلش بس هم يغوروني

نور. ههههه واحدكم بثلاثين وتصرفاتكم مال مراهقين بس تم ولو مرتك مو حية بس ع عناد الحياية صور العصاير وايده وايدي لازمين بعض بس ما نزلتهم صار مغرب طلبنه عشة صورنة الاكل بعده اخذني للالعاب

مهند. هسة نلعب بنت وابوها

نور. لك فديتك دادي صعدنة العاب سوة صورت ستوريات ولعبنة هواي العاب رحنه بولنك لعبنة بعدها لعبنة العاب الينطون هدايا فزت بهدايا واشترالي عصير انا وياه صورته وصورت انا وياه نمشي لازمين ادين بعض وجابلي شعر بنات وذرة ونفاخ هههههه هسة جوري تزعل

مهند. وزعلتهم اهم شي نوري متونس

نور. الله يحفظك بس ها لازم من ارجع اخذلهم نفاخ وعصير لان ماريدهم يغارون ويضوجون

مهند. ههههه لازم ناخذ الرجال بكبرة ابو النفاخ ما شاء الله

نور. ههه لا جا ناخذلهم عصير ونمنميات

مهند. ام كليب ان شاءالله ابوس كلبج الحنين

من ردنة نرجع مرينة سنتر جبنة للجهال واكيد علاكتي انا وجود وحدنة ورجعنه بالسيارة هنودي راح انشر بس الله اليستر من نرجع

مهند. معليج نشري

نور. نشرت وكتبت عليهم كلام قوي وختمت الاستوريات بصورة نص وجه مهند كلش حلوة جانت وكتبت
يالوجهك حلو وعيونك مرايات
جمال الكون خطك بالكتب ايه
نحبك مو هواية نحبك هوايات
وبعد فوك الهواية نحبك هواية

شوف هنودي

مهند. يمة كلبي ماتحمل هيج راح انجلط

نور. هههه اسم الله عليك راح ادخل منفسة اسلم واصعد ابدل وانت هم ومن ننزل خليها علي

مهند. لبوة

مقتدى. كاعدين كلنه وجان نشوف نور ناشرة كل صورة كاتبة كلام وونستهم والالعاب ومشترياتهم واخر صورة صعدت عندي الغيرة فل صح كبرنه بس نور عدنا خط احمر ونغار عليها ونحبها اكثر من نفسنه سبحان الله جان يدخلون

نور. نزلنه دخلنه شفت وجهم حصرتني الضحكة بس،سوينه نفسنه ضايجين

نور ومهند. سلام عليكم

الكل. وعليكم السلام

الجد. شبيكم بابا

نور. مابينه شي جدو صاعدين انبدل وونزل مرخصتكم

الكل. براحتكم

نور صعدنه فوك وطكينه ضحك اخ يمة كحكح

مهند. كافي ولج لا تختنكين بس شفتي الوجوه

نور. اي كلت راح يفترسونه بس من شافونه ضايجين بدت علامات الاستغراب

مهند. امشي بدلي حتى ننزل

نور. تمام صعدت غيرت لبسي لبست دشداشة بيت وحجاب ونزلت تلاكيت وي مهند لابس كلابية. مهند رايحة اجيب مي اجيبلك

مهند. اي والله

نور. رحت للمطبخ جبت بطلين مي شربت ورحنة يمهم اجالي جود

جود. عمة وين رحتو اتاخرتو تانيتكم وماما كالت اكلو يتاخرون واكلت وانتم ماكو

نور. حبيبي جنة بشغلة خلصناها ورجعنه مهند اشر الجدو براسه اي

الشهم. عمة بس انتي جنتي بالالعاب شفت عند بابا

نور. لا عمة قديمة هاي تردون اخذكم للالعاب

شهم. اي عمة

نور. جا باجر اتحضرو جوليان وجود ومرتضى ومسرة وشهم وشاه ويمان وجوري وليليان علوش اخذكم وياي

ام نور. ماتكدرين يمة

جود. جا والباقي عمة خطية

نور. جا خلي نروح كلنه سوة

مقتدى. لا خلوها ع الاسبوع الجاي

شاه. ليش بابا

مقتدى. حبيبتي بابا نسيتي باجر عدكم فحوصات

الجد. شبيهم بابا ليش تسويلهم فحوصات

مقتدى. جدو فحوصات روتينية لازم كل 6 اشهر نطمن ع صحتهم

شاه. اوكي بابي

مقتدى. صح غيران ع نور بس مدري شبيها هواي تصفن

نور. مهند مانزلنه الغراض الجبناهن

مهند. صح نسيت رايح اجيبهم

ننور. اجي وياك

جود. اجي اساعدك بابا

مهند. كوم يا روح بابا تعال

رحنة للسيارة طلعنة غراض كلها بقن بس الالعاب الربحناهن

جود. شنو هاي

نور. حبيبي شوف جنت ضايجة وطلعت وي بابا بشغلة ومناك حب يغير نفسيتي فوداني للالعاب اسفة ما اخذتك

جود. لا عمة زين سوة بابا اهم شي اميرتنه ماتضوج

نور. اخخخ شكد احبك جودي يلا امشي رحنة كعدنة ووزع جود ع اجداده وعمامة شنو جبنه وانطه الاخوانه وولد عمة هم كلهم اخذوهن بس مومل خلاهن ع صفحة ادري ضاج لان راد نطلع بالليل سكتت

مهند.جود حبيبي ودي هاي العلاكة العمة وبوسها الي من خدها كلها هذا من بابا الريحانته

جود. حاضر بابا اخذت العلاكة وصلت يم عمة سيلين خزرني عمو مقتدى باوعت ع بابا وعمة نور اشرولي معليك بيه بستها حيل عمة سوسو حبيبتي هذا من بابا يكول هاي الريحانتي

سيلين. هههه حياتي انت كله تكول عمة شكرا يا احسن اخ بالدنيا

نور. جود هاي علاكتك من تصعد الغرفتك تاخذها وياك اوكي حبيبي

جود. شكرا عمة

نور. خلصها مومل ضايج شوية وكام عافنة وصعد اشرت المقتدى اشرلي ما اعرف. حبيبي جود وخر شوية واجي جدو رايحة شوية واجي

الجد. براحتج بنيتي

موتمن. لا تتاخرين لان شوية ونروح

نور. تمام. صعدت فوك الغرفته لكيته توه طالع من الحمام مغسل وجاي يشرب ماي. مومل التفتلي

مومل. هاا نور

نور. مومل ضايج مني

مومل. لا

نور. جا شبيك

مومل. ماكو شي وكعدت صح ضايج بس ماريد اكول

نور. بداعتي بداعت علوش كول الصدك هاي الضوجة انا السبب

مومل. اممم اي

نور. ليش هاي كلها لان طلعت وي مهند

مومل. نور لا تضوجين ولا تزعلين مني بس انا اخوج واحبج اكثر شي بحياتي بعد امي وابوي وانا انسان اغار اغار كلش صح اكو يسموها انانية مني بس انا اغار ع الشي الخاص بيه ماكدر اتحكم بنفسي شاسوي مو بيدي اغار عليج احس ياخذون روحي من يشاقوج لو اطلعين وياهم

نور. اسفة بس ما يصير هيج مثل مانت اخوي هم هم اخواني والهم حق مثلك مثلهم بعدين انا طلعت وي مهند عنده شغلة مهمة وسويناها ومن شافني تعبت حسباله ضجت فاخذني وانا كتله مواعده مومل كلي يعني وي مومل اي وياي لا ماحبيت ازعله وماكدرت ارفض طلبه الصراحة لان مهند احترمة كلش هواي وانتم كلكم احبكم ماحب ازعلكم ولا اضوج واحد بيكم 😢 اسفة بس انت هم لازم تكدر تتحكم بنفسك

مومل. لا نوارة لا تبجين مو قصدي بس هذا طبع هواي حاولت اتخلص منه ماكدر خاصة وياج بس ليش اجيتو ضايجين عادي اعرف

نور. لا ما ضايجة بس ماحب اتونس وانتو ضايجين فمن شفتكم هيج ضجت خلاص بعد ماطلع وياكم وحدنة خلاص لو كلنه سوة لو ماكو

مومل. حبيبتي مو هيج بس اريدج تفتهميني انا مازعلان بس شسوي

نور. خلاص كوم انزل عيب منهم شوية ويرحون

مومل. تمام امشي ننزل

نور. انزل انت انا شوية واجي بس لا تكلهم جنت يمك

مومل. تمام

نور. رحت الغرفة غسلت واخذت علاج الربو لان حسيت شوية بخنكة ورا 5 دقائق نزلت رحت يم مومل وموتمن. موتمن سوولي مكان بينكم

موتمن. هلا بنورنا ولبوتنا تعاي حبيبتي

نور كعدت بينهم. اي شنو ردت مني

موتمن. بهمس نور عادي باجر نطلع اريد اطلع الجهال وازهار ماتكدر تطلع ويانه هية ورسل

نور. لا حبيبي ماكدر اسفة

موتمن. ليش

نور. اسفة بس ماكدر عندي شغل

موتمن براحتج

مهتدى. ها شكالت

موتمن ماتقبل

مهتدى. مو كتلك اكو شي

جاد. نور

نور. هلا

جاد. نور اريد اخذ جوليان وليليان اشتريلهم ملابس عادي تجين ويانه باجر مثل ايام لندن

نور. اعذرني حبيبي ماكدر باجر عندي شغل

جاد براحتج

مقتدى. استغربت منها اول مرة ترفض جاد ورفضت مهتدى وموتمن هم لان من كامت اتفقنه احنه انشوف ويامن تطلع

مقتدى. شعندج باجر

نور. شغل خاص بيه فما الحك

مومل. بهمس نور بسببي مو

نور. تؤ والله لا مو بسببك بس من صدك باجر مشغولة وكمت كعدت يم بابا همستة باباتي

ابو نور. ها يروحة

نور. فديتك بابا باجر نروح مو

ابو نور. اي بابا باجر عندج فحص بس لا تكوليلهم لان ياجلون كلشي ويلتهون بيج

نور. تمام لا انا وياك نروح العصر مو

ابو نور. اي بابا لا تخافين ان شاءالله خير

الجد. ليش بابا ماترحين وي اخوتج

نور. جدو الصبح عندي كم تقرير لازم اكملهم والعصر عندي شغلة وي بابا مادري ممكن اتاخر او لا بعدها من نرجع لازم احضر نفسي لان الاحد دوام

الجد. براحتج بنيتي حسبالي ماتردين ترحين وياهم

نور. لا حبيبي هذولي رويحتي بعدين هاي كدام الكل اي طلعة ونسة ماطلع وي واحد لو كلكم لو ماكو الا في حالات خاصة اطلع مفرد

الكل. ليش

نور. احسن لا تخلوني بعد ماطلع وياكم بعدين عندي اسود تحميني وتريدني غيركم هم جودي وجوليان منا وهيج وياهم

شهم وومرتضى ويمان. جا احنة شنو

نور. هههه حبايبي انتم هم اسود بس هذول اكبار وها كلما اطلع بعد اطلع واحد وياي اتفقنه الحجي للكل ولد وبنات

الاطفال. تم

مهتدى. يلا عيني احنة نترخص اتاخر الوقت

الخال. اي والله احنه هم

الجد. هلا بيكم يابة

نور. اجو جوليان واخوانة باسوني بالسرة وجهال مهتدى هم وجهال موتمن بعدها اخواني باسوني من راسي. اسفة بس والله مشغولة

جاد وموتمن ومهتدى. براحتج حبيبتي لا تضوجين مازعلانين

وراحو كلمن البيته واحنه كلمن راح الغرفته هم

كعدنة الصبح. كلمن التها بشغلة انا كعدت اكمل كم تقرير صار الظهر كمت صليت وغيرت ملابسي نزلت جوة نتغدة تغدينه وخلصنة كلنه كاعدين

ابو نور. نوارة بابا ب3 ونص حضري نفسج ب4 نروح

نور. صار باباتي.
صباحا. نور اكول جدو منو كلمرة يسوي سياراتكم من تردون تجيكون عليهن

الجد. سامي ياخذهن الولد نعرفة كل سياراتنه يمه نسويهن ليش

نور. جدو اريده يجيكلي الجي مالتي صار هواي ما مجيكتها اريد فحص شامل

الجد. خوش جا جيبيلي السويج انطيه اله ويسويها الج مادام بعد وقت

نور. اي فدوة جدورايحة اجيبه واجي صعدت جبته انطاه جدو السامي ووصاه واجه دخل

نور. ورا الغدا كاعدين شوية وكلمن راح الغرفته صعدت سبحت وجهزت نفسي وجنطتي واخذت كل تقاريري ونزلت لكيت بابا جاهز.

ابو نور. يلا بابا نوارة

نور. اي بابا طلعنه رحنة بسيارتي الثانية اتوجهنة للمستشفى سوولي هواي فحوصات من ضمنهن اشعة الصدري ورنين وتخطيط اعصاب وعضلي وايكو وتخطيط قلب وفحوصات شاملة الكل جسمي لان انريد اندزهن الدكتور بلندن خلصت طلعن التحاليل وكل الفحوصات حسب الشفته اكو تحسن زين بصحتي خلصنة من كلشي الحمدلله الساعة ب8 بالليل

ابو نور. الحمدلله بابا وضعج زين الف الحمدلله شبيج خايفة بعد

نور. لا الحمدلله لا ابد ماخايفة من وضعي لان الكاتبة الله مانكدر نعترض عليه بس مادري شبيه

ابو نور جا امشي نتعشة خاف جوعانه

نور. هههه لا ماجوعانه بس هاا انا عازمتك ع عشة امشي اوكلك اطيب مشاوي تاكلهم

ابو نور. مادامني وياج كلشي حللو

نور. فديت باباتي امشي رحنة للمطعم طلب بابا وانا طلبت شاورما بس ما اكلت بس بابا اكل

ابو نور. شبيج بابا

نور. بابا لان تعبت ماشتهي

ابو نور. جا امشي نرجع للبيت

نور. يلا رجعنه للبيت دخلنة السلام عليكم

الكل. وعليكم السلام

مقتدى. بابا وين جنتو اتاخرتو ضل بالنه عليكم

ابو نور. بابا جنة بشغلة خلصناها ورجعنه

ام نور. اكوم اسويلكم عشة

ابو نور. لا تعشينة برا بس نورة ماتعشت عدل

نور. لا ماماتي،ما اشتهي عود اذا جعت اكل

الجد. جا شبيج انتي

نور. مابيه شي

مومل. بهمس شبيج نور ليش هيج حالتج وين جنتو

نور. مادري بس كلبي يلعب احس اكو شي راح يصير جنت قلقانه عليكم بس من شفتكم وشفت سيارات الولد بالباب اطمنت بس مادري ليش،هلقلق

مومل. ماكو شي ان شاءالله صلي ع محمد

نور. اللهم صل ع محمد وال محمد شوية ودك تلفون جدو

الجد. الو هلا يابة اي انا رحيم ال،،،، شنو اي جايين جايين وين اي يابة جايبن

ابو مهند. شصاير يابة

نور. جدو باوع علي وكال. سامي مسوي حادث وربك ستر وطالع من السيارة والسيارة محتركة. انصدمت من الخبر

ابو مهند. وهسة شلونه

الجد. ربك حامية والولد مامتاذي حيل ونقاليه المستشفى، ،،،،، لازم نروح

مهند. امشو نروح لازم اكو سبب للحادث

نور. اروح وياكم

مقتدى. لا ضلي هنا

الجد. لا تجي لان السيارة سيارتها لا تنسة

مهند. تعاي امشي رحنة كلنه بس ما بلغنه اهله بس ابوه يدري وراح ويانه وصلنه للمستشفى

مقتدى. السلام عليكم دكتور مازن

مازن. وعليكم السلام اهلا دكتور مقتدى حياك الله

مقتدى. الله يحيك شلونه سامي

مازن ليش تعرفة

مقتدى. اي واحد من العائلة

مازن. يعني اقاربك

مقتدى. اي هيج شي ويصير السايق مال جدي

مازن. ها الحمدلله ع سلامته طبعا هلولد نجة بمعجزة سبحان الله رغم جان مخلي حزام الامان بس ربك يحبة وخلاه يطلع من الجامة وعنده كسر برجلة ورض بايده ع خدوش بسيطة الحمدلله لو باقي بالسيارة جان لا سامح الله مالحكناه

مقتدى. الحمدلله يعني وضعه زين

مازن. اي الحمدلله تكدرون ادخلون بس بالبداية يدخلون المحقق يحقق وياه

مقتدى. ان شاءالله شوية وامرلك بس نطمن عليه

مهند. هلا ملازم امجد

امجد. اهلا سيدي

مهند. حققتو وياه

امجد. لا والله سيدي جان فاقد وهسة صحة وداخلين

مهند. امشي ندخل وياك

دخلنة تحمدنه السلامة السامي

مهند. اي خوية شلون صار الحادث

سامي. اخذت سيارة ورحت جيكتها وكملت كلشي وراها اخذتها افولها واغسلها جاي ادفع فلوس لكيت ورقة مكتوب عليها ماتشوفون خير مادامني عايش ماعرفت شنو سالفتها خليتها بالسيارة وصعدت راجع من طريق الصناعية واكو شوارع ترابية شفت سيارة مضللة وراي ضلت ترمي ع التايرات مادري شلون جان تنكلب السيارة باول كلبة حسيت نشمرت من السيارة مادري سبحان الله اليكول واحد وشامرني انشمرت بعيد شويه وانفجرت السيارة

امجد. تعرف الجانو يرمون شايفهم قبل

سامي. لا ابد انا كل شغلي وي الحجي ومرات النسوان لو البنات ولا مرة صاير وياي هيج شي

امجد. زين السيارة الجنت راكبها المن

مهند. لاختي نور

امجد. عفوا سيدي نكدر نحجي وياها

مهند. اي هاي يمك نوارة حبيبتي احجي وياه

امجد. العفو اختي بس هم صاير هيج شي مراقبينج ومتعرضة التهديد من قبل شايفة احد يراقبج مشتبها او شاكة باحد

نور. لا ابد

مهند. نور متاكدة لان لا سامح الله ممكن يتعرضولج او لاحد من العائلة

نور. لا ابد والله ولا صاير هيج شي

امجد. تمام شكرا اختي العفو سيدي احنة راح نراقب كامرات المحطة والشارع ونشوفونبلغك بكلشي

مهند. عفية كلشي يصير تبلغني

امجد. حاضر سيدي

مومل. لا تخافين ولا تضوجين ان شاءالله خير

مقتدى رايح اشوف دكتور مازن واجي

الجد. اي وساله نكدر نطلع سامي

مقتدى. تدلل جدو رحنة انا والولد واجو ورانه مهتدى وموتمن هم وجاد شوية ورجعنه جدو يكول تكدرون اطلعونه جبتله عربانة

الجد. اي بوية ساعدوه وامشي نرجع

مقتدى. صار جدو خليناه ع الكرسي وطلعنه صعد بسيارة مهند وانا وياي جدي وابوي ونور وصلنه للبيت دخلناه الغرفتة وانجمعنه بالصالة كلنه

مقتدى. شبيج نور ليش ضايجة اذا ع السيارة نشتريلج غيرها فدوة الج

نور. ما اريد

مهند. اهم شي لا تضوجين والله نجيبلج اجدد منها

نور. ماريد ما ضايجة عليها فدوة ماريد لا تجيبون عندي سيارة الحمدلله شسوي بيها بعدين انا ما ضايجة ع السيارة اصلا صرت اكره شي اسمه جي

مقتدى. ولو مو وقته بس شنو جنتو تسوون بالمستشفى انتي وابوي

نور. مانسوي شي

موتمن. ليش تضمين علينه كولي

ابو نور. شنضم ماكو شي جنة نادي واجب بس

جاد. بس عمي دكتور مازن كال غير هيج

مهند. شصاير وياكم

مهتدى. ليش انتم جنتو بالمستشفى احجي وليش مو يمنه ليش غير مستشفى ليش تضمون علينة اكو شي مانعرفه

نور. كلنة ماكو شي شنضم يعني

مقتدى. نور ليش مصرة تضمين علينه هااا اكو شي كولي احنة اخوتج ودكاترة حتى اذا اكو شي نشوف حل قبل لا يتاخر الوقت

نور. بصياح كيفي هاي حياتيييي فهمتوووو حياتيييي مو لازم كلشي تعرفون انتم ليش مصرين تدخلون بكلشي يخصني هاااا ادري اخواني بس مو لهل درجة لازم كلشي تعرفووون كلت ماكووو شي

مقتدى. ليشش صيحين بعدين من حقنه نعرف شبيج

نور. يا حق شبيكم بابا انا اختكم فهمو الى متى اضل ماعندي خصوصية ليييييش تدخلون بكلشي ماريد احجييي وانا كلت البابا ماريد احد يعرف ورحت سويت هناك حتى ماتعرفون ليش بس تردون تدخلون بحياتي ليش كلشي نور ليش كلشي النور مفضوح ولازم الكل يعرف بيه كافييي كافي تلحون شنو هاي الواحد مايصير عنده خصوصية

مقتدى. 🖐️ شبيج اصحي

نور. 😳لزمت مكان الضربة ضليت اتنفس بسرعة وارمش بعيوني اخذت السويج وجنطتي،وردت اطلع صح مقتدى وين طالعه بهليل. درت وجهي وصعدت الدرج ركض اروح الغرفتي

مهند. ليش ضربتها

الجد. ليش تمد ايدك ع اختك

ابو نور. هاي اول مرة تمد ايدك عليها ليش هيج صح كلامها مو كلشي ينعرف بعدين انا هيج معلمك تمد ايدك عليها انا الكتلها لا تكولين فهمت يالجبير

مقتدى. يابة اعترف غلطت ومديت ايدي بس نور بحالة صدمة وعصبية لو مامدخل جان ضلت تصيح ويصير عدها انهيار عصبي او تجيلها نوبة ربو وليش ماتريد نعرف

مومل. حتى لو غلط السويته ورحت وراها اركض،

نور. صعدت الدرج ركض واسمع صوتهم جوة يتصايحون خلصت اول درج وصلت للثاني احس اختنكت ودخت ضليت اكح واصعد الدرج وكلمالها اختنك اكثر اريد بس اوصل للغرفة حتى اخذ البخاخ احس الطريق صار طويل واسمع صوت وراي وصلت الباب غرفتي طحت بالكاع اريد اخذ نفس ماكدر ضليت اكح حسيت روحي طحت بحضن احد وفقدت

مومل. ركضت وراها اسمع صوت كحتها ركضتلها شفتها بالكوة تمشي الا ان طاحت باب الغرفة عرفت اجتها نوبة ربو بس الخوفني اكثر من اغما عليها ظربت ع خدها نور نور ماكو شلتها دخلتها للغرفة واتصلت بمهتدى. الو مهتدى تعال بسرعة الغرفة نور

مهتدى. شوية شوية شبيك

مومل. تعال الغرفة نور بسرعة لا تموت وسديته اخذت جهاز قياس الاوكسجين قسته اوكسجين عدها نقص قست الضغط مالها ودكات كلبها دكات كلبها حيل مرتفعه وضغطها نازل ايدي ترجف كوة مسيطر

مهتدى. هاااا شبيها

مومل. نوبة ربو وهبوط بالضغط سيلين وين جهاز الاوكسجين

سيلين. اي رايحة

مهتدى. اهدى تعال وياي خلي نكعدها حتى لا تختنك

مومل. اي عدلنه كعدتها اجت سيلين جابت الجهاز

مقتدى. جيبيه بسرعة

مومل. جيبة ووخر عنها دربالك تجي يمها

مقتدى. وخر لا تضيع وقت ولا تدخل

مومل. لا ادخل ونص ليش منو سبب حالتها هاي هااا

موتمن. جيبو الجهاز وتعاركو عدل اخذته ركبته الها

مقتدى. وخر من وجهي لا اشوفك شي ماشايفة

مومل. شوفني يلا شوفني طلع مراجلك اضربني مثل ماضربت نور ووصلتها لهل حالة

مقتدى. واكسر راسك هم لا تنسة نفسك

مومل. شسوي بلا هااا شوفني انت زلمة يلا ادنه وشوف شسوي

مقتدى. غصبا عليك وخر يلا

مومل. ماوخر شتريد سوي تعاركنة بينة والولد يهدون بينه جان يطكني راشدي

مهند. شبيكم تخبلتو نور ماندري بيها شنو ماشنو وانتو وتتعاركون

مومل. وخرت منهم ورحت يم نور

الجد. ها شنو جاي يصير هنااا عفية ولدي عفية

مهند. جدو مو وكتها هسة تكعد نور ونحل كلشي،

ام نور. يمة بنيتي فدوة شبيها يمة

مهتدى. عمة هبوط بالضغط لا تخافين

ابو نور. اي هاي لان ماكلت

مهتدى. موتمن روح جيب،هذن بسرعة من الصيدلية ابرتها وين

مومل. اصبر اشوف بالثلاجة مالتها رحت لكيت علاجها جبتة واجيت اخذه مهتدى خلالها بالجهاز شوية واجة موتمن ركبولها مغذي وابر موسعة قصبات وابر للضغط ورا ساعة ضلت تكح شوية شوية استعادة وعيها

مهتدى. هاا حبيبتي شتحسين

نور. كعدت مخنوكة حيل ودايخة ةكلها فوك راسي والاجهزة ومغذي عدلت روحي. هزيت راسي زينة المهتدى تذكرت الراشدي انملت عيوني دموع بس مابجيت

مقتدى. لزمت ايدها اسف حبيبتي بعدني ما مكمل كلامي سحبت ايدها مني ودارت وجهانور

مهتدى. عوفها هسة خلي تصير زينة وبعدين احجو

نور. سحبت ايدي منه نهضمت حيل منه وشفت اثر اصابع ع وجه مومل مال ضرب تعجبت

موتمن. نوري حبيبي شلون وضعك

نور. وخرت الاوكسجين كح كح زينة عادي كح كح اطلعون ورجعت الجهاز

جاد. خلينة يمج حبيبتي نطمن

مهند. بنيتي انتي شلون نعوفج وانت بهلحالة. باوعتلي بترجي. احم خلونة نطلع ونعوفها

مهتدى. تمام بس لازم كل ساعة يتجيك عليها

مومل. انا اجيها لا تخاف ولا تشيل هم

طلعو كلهم راد مومل يطلع لزمت ايده

مومل. لزمت ايدي ماخلتني اطلع. ترديني ابقة

نور. هزيت راسي

موتمن. ماتجي

مومل. طلعو هسة جاي وراكم.

نور. اشرتله شبيك

مومل. ماكو شي لا تخافين اهم شي صحتج

نور. وخرت الجهاز بداعتي كح كح شبيك

مومل. بس رجعي رجعته انا ومقتدى تعاركنة لان راد يجي يمج وماخليته تعاركنة دخلو الولد يفكونة جان يضربني راشدي

نور. دمعن عيوني

مومل. لا تبجين لا تنتكس حالتج اهم شي صحتج هسة بعدين الحجي يبقة اخونا الجبير

نور. سكتت كعد يمي خليت راسي ع ختفة شبكني ونمت

مومل. نامت وانا دمعت عيوني هاي اول مرة يمد ايده علينة بحياتة فززني اتصال مهند.

مهند. وينك

مومل. يم نور راح ابقة يمها لا تخافون عليها انا يمها

مهند. تمام دربالك

مهند. نزلنة جوة

الجد. شيسمونها هاي مقتدى اول تالي تتعارك وي اخوانك

مقتدى. اسف جدو بس ماشفته شلون يمنعني من اختي

ابو نور. اختك يعرفها اكثر منك يدري بيها ماراح تتقبل الصار وماتريدك يمها بعد السويته بعدين شلون تكله بيا حق تمنعني انت وانت منو هااا هو اخوك غصبا عنك واخوها حاله حالك الرضيت وان مارضيت فاهم

مقتدى. اعترف غلطت واعترف غلطان بس نور خط احمر ماتمنعوني منها

الجد. امشو كلمن الغرفتة والصبح الله كريم

مومل. ضليت كاعد يمها شوية واجه جود

جود. خالو عادي ادخل

مومل. اي تعال حبيب خالو انت

جود. خالو عمة نور ليش هيج حالتها ودائما تختنك

مومل. خالو عدها ربو شلون انت عندك حساسية بالقصبات هية عدها ربو يعني اقوى من حالتك

جود. زين خالو هذا المرض خطير

مومل. خطير اذا مر المريض مثلا يختنك وماكو احد يمة او اذا شم ريحة قوية وتجي النوبة هنا خطر عليه

جود. خالو انا احبة عمة ماريدها تروح مني عادي انطيها رئتيني بس تصير زينه

مومل. تعال حبيب خالك مايصير حبيبي هذا مرض ادعيلها الله يشافيها منه

جود. ان شاءالله. خالو عادي ابقة يمكم

مومل. لازم تنام وراك دوام

جود. ماروح خالو اضل يم عمة نور هية كالت انا عندي اسود تحميني

مومل. بس عمة نور تزعل عليك اذا ما تروح للدوام انت مو تريد تصير مثلها ناجح

جود. تمام بس من اكعد اجي اشوفها يلا اروح خالو فدوة انت مو دكتور لا تخليها تروح وتعوفني هاي امي الثانية

مومل. صار يروح خالك يلا حبيبي روح نام وراك دوام. طلع جود اخ الله ينتقم منج هيام 8 اسنين ماتردين ابنج حتى من تجين قست ضغط نور زين صاعد درجة بدلت المغذي اتصل علي مهتدى طمنته وراها موتمن وجاد ومهند طمنتهم صليت الفجر وضليت للصبح وياها كاعد اخاف انام ويصير شي اجت عمتي تكعد ب6 قبل الكل

ام نور. ها يمة شلونها اخبتك

مومل. الحمدلله عمة زينة والله لا تخافين يروحي

ام نور. اخ منه شجاه بالله هلمسودن وطكاكم سودنة الطب كلش

مومل. ميخالف عمة اخونة الجبير يمون

ام نور. الله يحفظكم يمة روح ارتاح انا يمها

مومل. لا عمة ماروح اذا ماتكعد وتاكل ماينطيني كلبي وادري مانام

ام نور. الله يريح كلبكم جا اروح اكعد الجهال للدوام

مومل. اخذي راحتج عمة

شوية ودخلت جولي والجهال. صباح الخير حبيبي

مومل. صباح الخيرات هلا حبايبي

علوش. بابا شبيها عمة

مومل. بابا مريضة بس تكعد تصير زينة

علوش. بابا انا احب عمة هواي وهية تحبني وتكلي انت شبيهي بابا انت مو دكتور ليش ماتخليها بعد ماتصير مريضة

مومل. هههه خبيبي المرض من الله مايصير نحجي هيج لازم تدعي الله ما يخليها تتمرض بعد

علوش. اوكي بابا اروح ابدل لان عمة تكول اذا تحبوني لازم تلتزمون بالدوام وتنجحون حتى نصير مثلها ناجحين والناس تحبنه ونساعد الناس الماعدهم

مومل. عفية باباتي 😘 يلا روحو بدلو

جولي. اكملهم واسويلك ريوك واجيبه

مومل. تكعد نور يلا اخذيهم لا يتاخرون

جود. صباح الخير خالو

مومل. صباح العسل يعسل

جود. خالو شلونها عمة ماصارت زينة

مومل. لا زينة وبس تكعد تتريك وتاخذ علاجها تصير تمام وعد من تجون من الدوام هية تستقبلكم

جود. ان شاءالله جا خالو بوسها الي حيل وكلها جود يحبج حيل

مومل. صار حبيبي يلا روح واتريك ودربالك ع اخوانك وولد عمامك

جود. صار خالو لا تخاف بعيوني

راحو صارت ب8 اتصلو الول يطمنون عليها طمنتهم كالو راح نجي سديت الاتصال منهم كعدت نور

نور. كح كحصباح الخير

مومل. صباح الخيرات يوجه العافية

نور. سودة علية مانمت وضليت كاعد الهسة علمودي ووراك شغل

مومل. فدوة الج انا والشغل والجهال والحية جولي

نور. هههه كح كح اسم الله عليك حبيبي 🫂

مومل. شلون صرتي

نور. الحمدلله بعدين لا تخاف عادي تعودنة ع الحالة

مومل. وين رايحة

نور. رايحة ابدل واغسل حتى ننزل نتريك صح انا اسفة عليت صوتي عليكم

مومل. لا حبيبتي معذورة هم الصار مو شوية وخسرتي سيارتج

نور. فدوة السيارة اهم شي سامي بخير

مومل. عادي اسال

نور. كول

مومل. ليش امس معصبة وضايجة ع السيارة لو شي ثاني انا الاعرفة انتي ماتهتمين الهيج سوالف

نور. اكيد لا مو ع السيارة بس حالت سامي انا السبب بيها ولو صاير شي بيه جان ماسامحت نفسي

مومل. ليش انتي شدخلج

نور. مومل. السيارة سيارتي وانا ردت ياخذها فاكون انا السبب الحمدلله من عبرت ع هيج

مومل. لا تفكرين يلا روحي سبحي وبدلي راح يجون الولد. ووعدت علوش وجود والجهال انتي تستقبليهم

نور. ليش الجهال اجو شافوني

مومل. اي جود امس اجه راد يبقة يمج و،،،،، والصبح قبل لا يروح اجه وكلي بوسلي عمة وكلها احبج حيل وعلوش الوحيد طلع عاقل بعائلتي اعقل مني ومن امه يكلي بوسلي عمة وانا رايح للدوام لان ماريد ازعل عمة

نور. ههههه فدوة الحبايب عمتهم رايحة اغسل واجي

مومل. انا هم رايح اغسل وابدل ع ماتخلصين لا تنزلين جولي راح تصعد الاكل

نور. تمام رحت بدلت وغسلت ورتبت نفسي طلعت عدلت الجرباية حسيت بدوخة كعدت ع الجرباية ولزمت راسي

مومل. دخلت لكيتها لازمة راسها. ها نوارتي شبيج

نور. يمكن هبوط دوخة عندي

مومل. اصبري اقيسلج قست ضغط وسكر. اممم عندج هبوط بيهن اثنينهن

جولي. صباح الخير الحمدلله ع سلامتج خيتي شلونج

نور. الله يسلمج حبيبتي الحمدلله زينة لا تخافين

جولي. شلون ماخاف وانتي هلاخت وحيدة عندي

نور. ام علوش والله مابية شي هاي كدامي وعاشت ايدج ع الريوك تعاي ويانة. كعدنة تريكنة وخلصنة اخذت جولي الصينية ونزلت اخذت علاجي اندك الباب. ادخل

ام نور. ماماتي اخوانج يردون يدخلون

نور. اي هلا بيكم

الشباب صباح الخير شلونج

نور. صباح الخيرات الحمدلله لا تخافون اختكم لبوة

الشباب. دوم يارب

مهتدى. نور زينة زينة لو لا

نور. والله زينة بس عندي هبوط اكلت هسة وحتى دوخة راحت

موتمن. انا مارتاح اذا ماششوف بعيني

نور. اخ من عنادكم تعال عيني اتاكد

ام نور. هههه يامي ياحبيبتي غير يحبوج ويردون يطمنون

نور. وهسة انا معارضة. اجه موتمن قاس كلشي،

موتمن. امممم حلو زين الوضع بس بعده هبوط قليل

نور. ها شكلت. اريد اكول شي

الشباب. كولي حبيبتي

نور. انا اسفة ع الصار امس واعتذر عليت صوتي عليكم

مهند. لا حبيبتي لا تعتذرين ندري بيج بسبب التعب وعاذرينج

جاد. حياتي انتي عادي هاي ردة فعل اي شخص يكون بمكانج ومثل ضغوطاتج

مهتدى. احنة. مابينه اعتذار

موتمن. نجبي وبلا هسوالف والله لاجيبلج احسن سيارة

نور. افهموني انا مو قصة سيارة اذا تحبوني صدك لا تجيبولي ماريد انا ضجت لان هلشي بسببي صار

مهند. هذا قدر ربج اولا بعدين انتي شعليج بالصار

نور. شلون شعلي وانا كتله اخذ السيارة مو جان بسببي خليت عائلة تخسر وحديهم مو بسببي جان ضيعت شبابة مو بسببي جان يتمت اطفالة ورملت مرته شلون مو انا السبب

جاد. حبيبتي هذا امر ربج وبعدين اي احد مكانة جان تعرض النفس الموقف لان مبين هذول مترصدين عائلتنة احنة بالتحديد يلا بلا هلسوالف

موتمن. شوفي احنة رايحين للدوام اذا رجعنه وماشفناج زينة انسي عندج اخوان شيلي هلتفكير من راسج

نور. 🥺 ان شاءالله اندك الباب التفتنه مقتدى

مقتدى. عادي ادخل

ام نور. تعال يمة

مقتدى. مومل اعتذر ع السويتة

مومل. نوارة حبيبتي رايح للغرفة اذا تردين شي اتصلي علي موتمن اليوم الشغل كله عليك

نور. روح حبيبي اخذ راحتك ونام انت مانايم كلش من وراي سلبت راحتك

مومل. راحتي اذا انتي مرتاحة وبستها من راسها عبرت من يم مقتدى لزم ايدي

مقتدى. مومل جاي احجي وياك

مومل. وخرت ايده بكل ادب وطلعت من الغرفة

مقتدى. نور اسف

نور. شو بعدكم واكفين مو عدكم دوامات يلا كلمن الدوامة لا ازعل هااا

مهند. نور اسمعي

نور. مهند شكلنة يلا حبايبي للدوام

جاد. تمام بسناها من راسها يعافيتنه من نرجع نريدج تمام

نور. من عيوني يلا اتاخرتو. راحو. ماما فدوة طلعي وسدي الباب وراج اريد انام ب10 كعديني

ام نور. نور حبيبتي بس اخوج

نور. ماما فدوة مالي خلك تعبانة

ام نور. براحتج امشي امي

مقتدى. يمة ليش هيج وياي كلها لان ضربتها راشدي

ام نور. هاي سبب تعلومك لان علمتها ع الحب والعز والدلال اتحمل نتيجة غلطك وغلطة شاطر يبني بالف يلا روح االدوامك

نور. ضليت افكر وبس ادموعي تنزل كمت غسلت عدلت كم شغلة صارت ب9ونص نزلت جوة لكيت جدو وبابا

الجد. هلا بلبوتنة

نور. هلا بيك جدو اكول جدو شو هدوء

الجد. بابا اخوانج كلمن دوامة ومومل نايم ونسوان اخوتج بدواماتهن بس سمارا بالطابق الفوك تنظف وامج وعماتج بالمطبخ

نور. بابا رد عليك الدكتور

ابو نور. اي بابا يكول زينة وتحسن زين وحتى الربو مو مثل قبل بس خلي تنتبه من الهبوط

نور. تمام اكول اريد اطلع

الجد. وين بابا وانتي تعبانة

نور. جدو صرت زينة بعدين اريد اخذ كم شغلة واروح البيت ام سامي اطمن ع الولد كافي الصارلة من ورانة

الجد. اي جنة مقررين نروح العصر

نور. جدو خلي نروح هسة وهم قبل لا نروحلهمم نمر نسوكلهم كم شغلة

الجد. مثل ماتردين كومي نبدل وشوفي عماتج وامج منو تروح

نور. تمام رحت سالتهن امي كالت اروح عماتي كالن العصر صعدنة بدلنه وطلعنه بسيارتي رحنة للسوك جبنة كراعين ولحم وعظام لان هذن زينات للكسور وحليب بقر ومسواك كامل وفواكة وسمج ومرينة محل حلويات اخذنة كم نوع وورد ورحنالهم

ام سامي نور البيت بيكم

ابو سامي. ليش مكلفين ع نفسكم بسببكم وبسبب خيركم احنة باحسن حال

الجد. خير الله بعدين اصرت نور نجي لان محملة نفسها مسوولية الصار

سامي. العفو خيتي الصار قضاء الله وقدرة انتي مالج علاقة بالصار

ام سامي. فدوة الهل كلب الطيب يمة مالج شغل بالصار بعدين شبيه وجهج اصفر وايدج كانونة

ام نور. خية من رجعو من يمكم تخربطت والليل كله ما نامت هبوط ونوبة ربو

ام سامي. سلامتج حبيبتي لا تشيلين هم والله وداعت وحيدي مامحمليكم المسولية

نور. شكرا خالة هاي من طيبة كلبكم

الجد. يلا بوية احنة نترخص

ابو سامي لا وين تبقون اليوم يمنة ع الغدا

ابو نور. عساك سالم وبيت العامر والله مانكدر لا يجون المخابيل العدنا ومايلكون نور وهم موصينها ماتطلع

ابو سامي. الله يخليهم الك ولا يفرقهم

نور. ودعناهم ورجعنه للبيت صعدت بدلت ونزلت يمهم صارت ب12 صلينة شوية واجو الجهال دخلو بالسرة كلهم حتى جهال جاد وموتمن ومهتدى يدخلون من بيتنة يسلمون بعدين يرحون البيتهم. دهلو بالسرة سلمو اجالي شهم ويمان وعلوش يحجون سوة. عمة شلون صرتي

نور. يروح عمة صرت زينة

علوش. عمة انا اجيت وي اخواني لكيتج نايمة بابا كال روحو للدوام من ترجعون تلكوها زينة

شهم. عمة انا احبج شايفة هذا المرض لو رجال جا طيحت حضة شنو يمرضج

يمان عمة ردت اجي يمج بالليل ماقبل بابا ماخلاني اجيج لان انا احبج وماينطيني
كلبي تنامين مريضة من اكبر اصير دكتور مال ربو حتى اطيبج

نور. يروح عمتكم انتو حبايبي بوس
تهم يلا حبايبي الشطار كلمن يروح الغرفتة يبدل ويرجع كلشي مكانه وتعالو هنا منتظرتكم وانت علوش بابا خطية نايم لا تكعدة وانت شهم اخذ اختك واصعدو الغرفتكم انت واخوانك بدلو ونزلو علكيفكم لا اطيحون

شهم ويمان وعلوش. اوكي عمة

جوليان الحمدلله ع سلامتج عمة

نور. الله يسلمك يروح عمتك

جوري ومسرة وليليان. الحمدلله ع سلامتج عمة احنة نحبج اميرتنة

نور. يروح عمتكم

جود. عمة

نور. يروحها وحياتها

جود. خالو مومل ماقبل اضل يمج صدك تزعلين اذا بقيت يمج وماداومت

نور. اي ازعل انت مو تريد تصير ناجح ومتفوق لازم ما تخلي شي ياخرك عن هدفك

جود. صار عمة عمة بس انا احبج واعرف هذا المرض مرات يصير خطير وانا ماريد اخسرج انتي امي الثانية

نور. يروح امك انت حبيبي لا ماعوفك يلا حبيبي اصعد الغرفتك بدل وتعال انا هنا يم جدو

صعدو بدلو ونزلو اجن امهاتهم وابائهم من الدوام كعدنة كلنة تغدينة وكاعدين ورا الغدا

مهند. من رجعنه جاي نغسل انا ومهيمن. مهيمن عادي تجي شوية الغرفتك

مهيمن. اي خوية امشي

مهند. مهيمن جدو كلفني احاجيك بسالفة زواجك نريد نفرح بيك ونشوف جهالك

مهيمن. مهند سد السالفة كله مهيمن مايريد هسة

مهند. مهيمن جدو هلمرة مصر ومايقبل كتله

مهيمن. مهند افهمني ماكدر ماكدر اتورط ببنية وادخلها الحياتي وانا ماكدر احبها ولا افكر بيها واضلمها وياي

مهند. يعني بعدها بعقلك

مهيمن. ليش هية طلعت حتى بعدها ماكدر حاولت ماكدر اطلعها شي انزرع من الصغر وكبر وكلما يكبر تكبر وياه ماكدر وانا واعد نفسي غيرها ماتصيرلي مرة لو اعرف اموت نفسي

مهند. لا حول الله زين اذا حاجيت نور وقبلت توافق

مهيمن. لا اتعب نفسك نور ماتشوفني غير اخو وابن عم لا اكثر. وانا لو نور لو ماريد

مهند. اخ منكم ومن عنادكم نزلنة تغدينة وحاجيت جدي

مقتدى. رحت للمستشفى. بس بلا فايدة لا استقبلت مرضة ولا شي فقط عندي مرضة مسويلهم عمليات شكفت عليهم

مهتدى. مقتدى ليش ماجاي تستقبل مرضة وهيج حالتك

مقتدى. مادري عقلي مشوش مالي خلك شلون تريدني عادي وانا نور زعلانة مني وماتقبل تحجي،وياي ولك هاي بنتي قبل لا تصير اختي هاي روحي،من الدنيا عساها ايدي مكسورة ولا مادها عليهم

مهتدى. اهدا نور قلبها طيب راح تراضيك وتشوف بعينك

مقتدى. ماتعرف نور بعدك لو زعلت رجعنة للبيت شفتها شلون استقبلتهم هم والجهال وانا ماعبرتني صعدت للغرفة حتى ع الاكل مانزلت كتلهم ماشتهي

الجد. بوية انتبهولي وانت بابا ابو مقتدى احنة اليوم نريد نجمع راسين بالحلال ونريد نور لابن عمها مهيمن

مهيمن بقيت مصدوم ونور هم. بهمس مهند ليش حجيت البنية ماتريد

مهند. اسكت

ابو مقتدى. والله يابة شاريد غير اشوف ولدي مستقرين بحياتهم وعايشين بخير وسلامة هاي نور كدامك واسالها انا هذا الموضوع مادخل بيه لان حياتهم هاي كافي غلطت مرة وانا علي وين احصل مثل ابني لبنتي

ابو مهند. والله خير ما اختاريت يابة بس كون عاد نور توافق

الجد. ها شتكولين بابا القرار قرارج وهاي حياتج بس بابا انتي كبرتي والعمر يمشي وانتي مو صغيرة

نور. كلها تباوعلي ومنتظرة رد مني وانا متوترة وخايفة وافرك بايدي وهم هم كلهم منتريني انطق شي. احم. التشوفوه

الجد. لا بابا مو النشوفه هاي حياتج اذا موافقة كولي موافقة واذا لا عادي رفضي،

نور. موافقة جدو

مهيمن. بقيت مصدوم يعني نور وافقت وعلي. مهند يحجي وياي وانا فاصل

مهند. مهيمن ولك مهيمن فضحتنة

مهيمن. مهند نور نور من صدك وافقت

مهند. وحمس اي ولك فشلتنة منا اخوانها وجدي وابوي وعمامي

الجد. مبروك بابا الله يوفقكم ويسعدكم

مهيمن. الله يبارك بيك جدو

باركولنة كلنا

الجد. بعد اسبوع الخطبة زين

نور. جدو عادي اكول شي

الجد. كولي بنيتي

نور. جدو عادي يكون العقد مالنة بين الحرمين

الجد. هاي من الزينات حتى الله يباركلكم بيه ويجعل السعادة كل حياتكم بحق ال بيت محمد

الكل. امين

نور. بدو يخططون كمت انا اروح للغرفة ارتاح

الكل براحتج

مومل. اجي وياج لان عندي مكالمة ظروري

ام نور. سيلين روحي شوفي رجلج مايتغدة

سيلين. صار عمة

صعدنة فوك رحت غسلت واخذت علاجي شوية وحسيت الباب تفلش واصوات برا

سيلين. دخلت عليه. حبيبي ما تاكل

مقتدى. لا ماشتهي تضحكين والابتسامة شاكة الحلك دوم ان شاءالله صاير شي

سيلين. اي مو خطبو المهيمن وهل فرحانة

مقتدى. الف مبروك الله يتمملة شعجب وافق

سيلين. مبين جدو ضاغط عليه بس لو تعرف منو الخطبها

مقتدى. منو

سيلين. احزر

مقتدى. سيلين واصلة وياي حدها روحي ماطايقها احجي بلا هلسوالف

سيلين. خطب نور اختك

مقتدى. كمت ع حيلي. شلون شلون عيدي

سيلين. والله شبيك خطب جدو نور المهيمن

مقتدى. وشكالت نور

سيلين. وافقت

مقتدى. من كل عقلج جاي تحجين صدك

سيلين. والله وداعت جهالي هذا الصاير

مقتدى. ضليت افتر

سيلين. شبيك اهدا هاك اشرب ماي ليش هاي ردت فعلك ماتوقعت هيج

مقتدى شربت ماي وضاغط ع الكلاص حيل تعرفين نور ليش وافقت

سيلين. ليش

مقتدى. انا السبب بسبب الصار امس حسبالها ثكيله علينة حسبالها ملينة منها احجي ومنفعل وضاغط ع الكلاص جان ينكسر وتدخل كزازة جبيرة بايدي،

سيلين. مقتدى هاي شسويت ايدك

مقتدى. عوفيها لا تتقربين حيل استاهل الايد التنمد ع نور المفروض تنكص

سيلين. مقتدى شبيك ماتكلي شنو هذا الحجي ايدك تنزف دخل شهم

شهم. شبيكم ماما تصيحون ماما شبيها ايد بابا

سيلين. شهم بسرعة روح صيح واحد من عمامك عمو مومل بغرفتة صيحلة بسرعة

شهم صار.

شوية وكلها صعدت مهتدى. شبيك مقتدى شبيها ايدك

مقتدى. ماكو،شي كزازة دخلت بايدي وشهم وامة كبروها

موتمن. شو اشوفها

مقتدى. ماكو شي شبيكم

ام مقتدى. شلون ماكو شي وهذا الدم الترس الكاع

مقتدى. ماكو شي هسة رايح اغسل

نور فتحت الباب. ها عمة شهم شبيك

شهم. عمة،بابا ايده اتصب دم دمه راح يخلص

نور. طلع مومل ع صوتهم. شوية شوية عمة شبيه بابا

شهم. جانو يحجون هو وماما ونكسر الكلاص وانشكت ايده

نور. شنووو ركضنا انا ومومل الغرفته كعدنة كباله اثنينة

مقتدى. عوفوها

نور. مومل جيب علبة الاسعافات وانت اسكت ماريد حرف واحد وانتم لي هيج واكفين ليش،ماسويتو شي شمنتظرين مسحت دموعي سيلين جيبي طاسة بيها ماي بسرعة

مقتدى. لا تبجين تيزاب ع كلبي

نور. اسكت انت ولا كلمة. كعدنة نظف ايده انا ومومل وبعدها عقمنة ايده وخيطناها جاي انلف بيها انت شبيك ليش هيج تتصرف شنو هلاهمال

مقتدى. الايد التنمد ع اخوتي تستاهل اكثر من هيج تستاهل الكص اصلا تدرون شجاي تسوون جاي تعالجون الايد الانمدت عليكم

مومل. اخونة الجبير ويحقلك كلشي تسوي

مقتدى. لا مايحقلي ارفع ايدي عليكم

نور. خلصنة من ايده ولفيناها كمنة من الكاع مومل رايحة اغسل ايدي اخذ الغراض رجعهم المكانهم وكمت

مقتدى. اوكفي

نور. وكفت بمكاني

مقتدى. ليش عالجتي ايدي اذا ماتردين تحجين وياي ولا تسامحيني هااا

نور. ضليت ساكتة وبس دموعي تنزل

مقتدى. دوري علي واحجو ليش شسويتو هيج ليش ضمدتو الايد الانمدت عليكم ليش ماتردوني اتاذة وانتم جاي تتاذون احجووو

نور. اشرلي مهند ومهتدى ع مقتدى . تريد تعرف ليش لان من الصغر علمتني نتالم سوة ونجوع سوة ونشبع سوة ونفرح سوة ونزعل سوة دائما تكلنة ماعاش اليزعلكم وانا عايش وماعاش اليندك بيكم وانا موجود دائما تعاملنة مثل اطفالك دائما تفضلنة ع نفسك تريد تعرف ليش لان انت بمثابة ابوي معزتكم سوة والبنية ماتكدر تزعل من ابوها مهما يصير وياها ويسوي مقتدى انتم روحي انتم نفسي اذا ماشوف واحد بيكم بيوم اختنك انا اسفة انا غلطت وعليت صوتي واتجاوزت بس حزت بخاطري طول عمري ماماد ايدك علي فنهضمت من الصار هذا كلبي مشتعل نار لان مزعلتك

مقتدى. تعاي اسف لان مديت ايدي عليكم

مومل. يحقلك كلشي تسوي لان الغلط منا

ام نور الله لا يفرق بينكم ويجعل المودة والحب دوم وياكم

مقتدى. نور اريد احجي وياج بموضوع مهم

نور. صار طلعو الكل اي كول

مقتدى. نور مقتنعة بالزواج

نور. اي ليش

مقتدى. ليش وافقتي

نور. وافقت لان كبرت وافقت لان مالكة احسن من ابن عمي الي ووافقت لان حياتي ماتوكف ع احد انا حرة بحياتي

مقندى. نور يعني ما وافقتي لان حسيتي نفسج ثكيلة علينة او غير كلام

نور. لا ابد لا تفكر ليش،ثكيلة عليكم اشو الحمدلله بيت عندي املاك عندي مشاريع عندي شغل عندي اهدافي الحمدلله جاي احققهن جناح خاص بيه سيارة ليش احس ثكيلة بعدين انا هم من حقي استقر واكون عائلة صح لو لا

مقتدى. احلى من يكون عائلة الف مبروك ربي يجعل السعادة دوم وياج شوكت الخطبة

نور. شكرا يوم الجمعة بكربلا ومن نرجع الاثنين حفلة المهر

مقتدى. الله يسعدج رجعنن حبايب الحمدلله وبدو يجهزون للحفلة ومخبوصين والحمدلله اليوم جمعة اجينة كلنة هم زيارة وهم ع الخطبة لبست

هيج زي عقد ابيض بين الحرمين ونمشي وماما وعمتي يطشن جكليت والناس تمشي وتباركلنة زرنة وخلصنة بعدها عقدنة وكف بين الحرمين ولبسني

مهيمن. حرت شاجيب مالكيت اغلى من الالماس لاغلى شي بحياتي وكلت الغالي يستاهل الغالي

نور. شكرا

مهيمن انتِ عَذبة شَلون دجلهَ
ويمَج تحوم النَوارس
والله لو كَلها بچمَالج
مَا بقى ليَل الله دَامس
النَاس حَلاها لبسَها
وانتِ حليتَي المَلابس.

نور. خجلت كلها باركتلنة ورجعنة بدت تحضيرات الحفلة.

سيلين. نور مهيمن يكول لا تحجز او تشتري بدلات بدلاتها باجر من ترجع من الصالون تلكاهن بغرفتها لان تصميم خاص مصممهن

نور. تمام
رغم ماردت بس اصرو واليوم خطبتي كعدني البنات رحنة للصالون بدت بية بعدها بدت بالبنات وحدة ورا الثانية لبسنة عبي ورجعنه للبيت تلكتني امي وعماتي هلاهل راسا صعدني البنات للغرفة هنة راحن الغرفتي القديمة يبدلن وانا بقن يمي جولي وسيلين لكيت 3 بوكسات كبار ومكتوب عليهن

اتمنى دوم وياج انا خطبتي
والبدلة الج تصميم انتي لبستي

اتمنة يعجبنج

نور. فتحت البدلات تصميم حلو بس وحدة ثكيلة حيل والثانية بدون ظهر بس خيط ينشد والثالثة تلتها كلش طويلة. الله يطيح حظج سيلين

جولي. حلوات عاش ذوقه

نور. خ،،، عليج وع الذوق

سيلين. هسة غير افهم شكو

نور. شنو الماكو هاي شثكلها وين اكدر انزل وذيلها 5 امتار هاي بدون ضهر وفضيحة شلون من يدخلون وهاي شكبرها اوصل للصالة وهية بعدها فوك ذوقمن

سيلين. انا كتله شتحبين

نور. طلعن برا يلا طلعن

جولي يا شلون تلبسين

نور. طلعن ماريدجن طلعن. طلعن اخذت تلفوني اتصلت بمهند

مهند. هلا نونتي

نور. هذا اخوك وينه

مهند. ليش شبيه شمسوي

نور. شنو ما مسوي صخام الصخمني خلاني ما اجيب بدلات وهو جايب بدلات ماينلبسن هو واختك الحية

مهند. ع كيفج شبيج

نور. كلها والله لاطلعها من عيونه سوايته هاي ترا انا مخبلة استغفر الله سديتة لبست

هاي بس نفشتها كلش جبيره اكثر من 3 امتار وراي تمشي لبستها ورتبت نفسي عدلت المكياج خليت عطر وطلعت لكيتهن بالباب

جولى واااااو تجننن

نور. دربالج تفتحين حلكج وياي يسلين اخذي البيجية نزليها بالغرفة الثانية خاف يجون الولد البسها قابل اطلع بهل فضيحة هاي

رسل مايصير تعصبين حبيبتي خليج ريلاكس

نور. هاي واخوها خلو بيها ريلاكس نزلن كدامي سوون مثل الممر استقبال وانا انزل وراجن من ورا هاي البلوة

البنات. تمام نزلن شغلو دخوليتي نزلت ومرتين ردت اوكع من ورا البدلة وصلت اخر باية من الدرج واشتغلت الهلاهل كعدت بمكاني وبدة الحفلة والركص ساعة وكالو راح يدخل العريس ماخليت غلطة ماغلطت ع سيلين بكلبي لا خليت حجاية

مهيمن. مبروك حبيبتي

نور. عليمن مبروك ع صخام حضي بالله من كل عقلك اخذت كلام سيلين ومصمم هيج بدلات

مهيمن. ليش ماعجبنج

نور. كلش عجبني واذا تريد راي الصريح اكلكياه ورا الحفلة

مهيمن. هههه مبين عجبن كلش،

نوز. كلش

ام مهند. يلا ماما لبس عروستك

مهيمن. صار يالغالية لبستها

الماستي ماتستاهل تلبس شي غير الالماس لان نادرة

نور. شكرا

ام مهند. الف مبروك ماما الله يوفقكم ويحميكم

ام مقتدى. الف مبروك ماماتي الله يسعدكم وان شاءالله نشوف اولادكم

باركولنة الكل بعدها رادو يدخلون الولد رحت بدلت لبست

بس شيالاتها ليفوك وارداناتها اطول لبستها ودخلت يم مهيمن دخلو الولد وعمامي وابوي وجدو باركولنة وقدمو هدايا اخر شي مقتدى

مقتدى. الف مبروك اميرتنه طالعة اميرة من صدك بس اميرة بلا تاج مايصير طلعت هديتي ولبستها التاج. اي هسة احلى اميرة صرتي

نور. الله يحفظك الي ولا يحرمني منك 🥲
وشغلو اغاني وخلو جدو يركص شوية وطلعو كلهم بقن بس البنات رجعن يركصن وراها وزعنه للمعازيم وكلمن راحله

الهدايا

كاعدين بعد الحفلة

الجد الحمدلله هسة ارتاحيت من شفت اولادي واحفادي كلمن مستقر وي عائلته اي بابا مهيمن اختارو يوم قريب واتزوجو وفرحو كلبي

مهيمن. ان شاءالله جدو

جود. بهمس بابا اريد انطي هديتي العمة

مهند. يروح البابا اي حبيبي هاك روح

جود. شكرا رحت يم عمة. عمة الف الف مبروك انا احبج هواي

نور. حبيبي الله يبارك بيك وانا هم احبك

جود. عمة انا جايبلج هدية بس اريدج ماتنزعيها اذا تحبيني

نور. شنو هية وعد مانزعها

جود شوفي

نور. يحياتي شنو هلجمال هذا

جود عمة عادي البسج

مهيمن. لا ماقبل انا

جود. ليش عمو

نور. لا حبيبي عمو يشاقة اكيد تعال وباوعت ع مهيمن

جود. اوكي

لبسني الخاتم والاسوار والكلادة. فديته حبيب عمته والله مانزعهم بعد يعسل

جود. عمة احبج 🫂

خلصنة وكلمن راح الغرفته بدلت ورحت ع الجرباية اجتلي رسالة من مهيمن

اكَثر منْ أمكَ احُبك شيَ أكيد
نعمَ هيه تخِأف وُتحبكَ أجَل
بسَ تغار عِليك شَياً مسِتحيل
وُانا خوُفي وُغيرتيَ تهزَ الجَبل
ليشَ أطوُلها وأضلٰ أخِذ وُأجيب
علٰ جأهليهَ أهوُأك وأكثرَ منْ قبل
انيَ لوُ ماكوُ نبيَ وُعندي كتاب
جأنْ مابيها مجَأل انتَ هبل .

نور. دزيته ☺️☺️

بدينة تحضير للعرس ورتبنه الطابق الثاني صار نفس تصميم الطابق الفوك مالنه هو اصلا نفس التصميم بس فتحنه الجدران ورتبناه واليوم الحنة مالتنه بعد ماخلصنة من الحنة صعدت الغرفتي سبحت لبست دشداشة وجاي انشف شعري اندك الباب. اتفضل دخلو الولد عفت شعري وكمت يمهم احس نظراتهم ع شكلهم كله مخربط. شبيكم

جاد. بنيتنة الصغيرة الجانت تلعب كدام عيوني وجانت تخلط علينة لهجات ولغات كبرت وصارت مراة وباجر زواجها الجنت اوديها بايدي للروضة والمدرسة باجر اوديها الرجلها

مهند. رويحتي الضاميها بروحنة وجان فراقها علينه ماكو طعم بحياتنا واجتنة ونورت حياتنه وصارتلنه سند اكثر من ما احنه سندناها راح باجر يصير عدها سند غيرنة

مهتدى. البنية الحلوة الامورة الجنت اتمنة تكون اختي واحبها وادللها واشارك اخوانها هلحب باجر راح يجي منو يشاركنة بيج ويحبج ويدللج مثلنا

موتمن. الاخت الجنت بكلبي وعقلي دائما اتمناها ودائما احب استفزها حتى تحجي وياي طلع اكو شخص ثاني يحب بنفس طريقتي وجنت متوقع انا مميز الوحيد طلع اكو غيري هم يحبها ويتمناها بس مو اخت كزوجة وباجر ياخذها

مقتدى. البنية التعلقت بيها من اول ساعة الها بحياتها وصارت بنتي قبل اختي ورغم صغر عمري خليتها بنتي اكثر من اختي اتعلقت بيها وكلما تكبر اكبر وياها واحبها اكثر واكثر والربيتها واتربيت وياها وعشنة سوة بالفرح والحزن وبالمرض،والصحة بنجاحنا بشغلنة بسفرنا بونستنه كلها سوة كبرت وباجر منو راح يكمل البديته وياها وراح يشاركها الشاركتها بيه وراح يعرف اسرارها قبلي وراح يعرف كلشي عنها قبلي وراح يشاركها حياتها اكثر مني ومن تتمرض راح يسهر وياها ويكون طبيبها ويشاركها بكلشي ويصير اقرب منا الها

نور. هم يحجون وانا ادموعي تنزل خلص مقتدى باوعت ع مومل شفت بس الدموع تنزل عافنة وطلع كعدت ع الجرباية وخليت ايدي ع وجهي وبجيت اجو الولد كعدو بالكاع يم رجلي. وخرو ايدي واحد يمسح دموعي واحد يبوس بايدي نور. الله لا يحرمني منكم اخذت تلفوني اتصلت بمهيمن

مهيمن. هلا بنورحياتي

نور. ببجي ماريد بعد ماريد ازوج كنسل العرس وسديته 😭😭

مهيمن. الو الو كمت الغرفتها هاي شبيها

مهند. ليش سويتي هيج

مقتدى. ليش باباتي عيب مو هيج

نور. ماريد ماريد ازوج واعوفكم

جاد. حبيبتي وين عايفتنه انتي يمنه وكدام عيونة ماراح تروحين مكان

موتمن. هو صح راح تتزوجين بس ماراح ترحين مكان هو من غرفتج راح تنزلين كم باية الغرفة مهيمن ماكو اختلاف

مهيمن. نور نور شبيها نور شنو هذا الحجي الحجته صاير شي

مهند. ماكو شي بس جنة نحجي وتكول ماريد اعوفكم

مهيمن. وين تعوفكم

موتمن. شوف هاي كدامهم كلهم شتريد نور تكول تم

مهيمن. تم

مهتدى. ومن نريدها ويانه تكول

مهيمن. تم

مهند. واذا تريد تسهر ويانة او تطلع او تسوي شي

مهيمن. تم

جاد. شغلها دراستها اهلها

مهيمن. تم

مقتدى. واذا سافرنا

مهيمن. والله تم شتريد تسوي تطلع وياكم اطلعكم تعزموها تسافرون تشتغلون كلشي تم بس بعلمي واهم شي هية مرتي

الكل. هههههه

مهينن. ها نور

نور. تمام

مهيمن. استغفرالله الله يلعن بليسكم هيج هية تلعبون ع اعصابي

نور. خليتهم،يحجون لبست روب فوك ملابسي وشال ونزلت للحديقة لكيت مومل واكف بعيد عن الضوة رحت يمة وشبكت ايده ليش توام روحي هيج حالته

مقتدى. وين نور

مهنذ. هههه نزلت المومل امشو نزلنة شفناهم

مومل. التفتت عليها لزمت ايديها. مابيه شي

نور. تؤ لا تغشم روحك احنة جسدين بس روح وحدة شيصير وياي انت اول من يحس وانا كذلك كول شبيك

مومل. بست ايديها اثنينهن مابيه شي

نور. تريد اكلك شبيك ماتريد احد يشاركك بيه تغار منه مثل ماتغار من الشباب ماتريد تشوف غيرك،يكعد يمي،ولا يلزم ايدي ولا يشاركني ولا يكون قريب علي مثلكم

مومل. اخذت نفس عميق وزفرتة. المشكلة انتي تفهميني بدون ما احجي كل الكلتيه صح

نور. ميخالف مو انتم تكلولي لازم استقر واكون عائلة واسس حياتي هاي جاي اتقبل الفكرة واتقبلتها واخذت انسان من ضمن عائلتي يصوني ويحبني ويهتم بيه وراح اكون تحت نظركم وماابتعد عنكم هذا اهم شي وماراح يتغير شي كلشي نفس قبل واحسن

مومل. اخ منج ومن حجاياتج التبرد الكلب 🫂

نور. وهسة،حبيب اخته

مومل. يروحه انتي تعاي نكعد هنا كعدت ع المرجوحة وشبكتها اميرتنه عروسة باجر ماجاي اتخيل الشكل

مانحس الا الشباب واكفين كلهم كبالنه

مومل. ها خير

الشباب اليصيبكم شنو هاي عفتينه نتعارك فوك ونزلتي هنا

نور. والله اذا انتو التهيتو تتعاركون انا خليتكم براحتكم ونزلت يم رويحتي ماحب يكون ضايج

مقتدى. شنو وشابكته وتحجين ويانه

نور. لعد شو بدك اعمل

مهند. خوية اسكت تحولت كلمة ثانية ندخل الاوربا

الكل. ههههه

نور. يلا حبايبي روحو نامو وارتاحو وراكم تعب باجر وانا هم انام

موتمن. منو حبايبج حتى مهيمن تقصدين

نور. تصبحون ع خير انا الك ابو يمون تريد تعلكها وركضت الغرفتي نمت كعدت ثاني يوم رحنة للصالون بدت بيه بعدها بدت بالبنات وحدة ورا الثانية ساعدني جولي وسيلين البس البدلة لبست بدلتي هلهلن واجه علينه جاد ومهند صعدت وي مهند انا وسيلين وسمارا ورحنة للبيت استقبلوني هلاهل وجكليت كعدت بدلن البنات ونزلن شوية واجت الزفة غطني البنات دخل مهيمن وجدو وبابا وعمامي واخواني وصوه علي وجدو خله ايدي بايده ولبسني عباته وطلعوني كلشي ماشوف ومنا توتر وبجيت صعدوني ورا انا ومهيمن وجدو ومومل صعدو كدام علكها بالاغاني مومل مومل صاير مزيج مشاعر عنده فرحان المهيمن وضايج لان عرست حسيت مهيمن ضغط ع ايدي

مهيمن. شبيج نوراي ليش ترجفين بيج شي

نور. لا بس متوترة عادي

مومل. مهيمن هاك هذا ماي خلي تشرب

نور. اخذته شربته

مومل. نور رفعي شوية البركع لان مضللة السيارة ماتنشافين

نور. رفعت شوية البركع اتنفست جان اكو عطر قوي بالسيارة حسيت نفسي بديت اختنك كحيت

مهيمن. صحة صحة بيج شي

نور. لا بس عطر قوي

مهيمن. اسف اسف هذا انا مخلي

نور. لا عادي. شوية ونزلو بنص الطريق ونزلو مهيمن يركصون جماعة مهيمن بقة مومل يمي تقربت علي مومل

مومل. يروح مومل

نور. مومل تكدر تنزل الجولي او سيلين كلهن نور تريد جنطتها ظروري

مومل. ماكدر اروح لان الهوسة يم سيارة مقتدى وهنة وياه

نور. فدوة ضروري كح كح

مومل. نور تردين البخاخ

نور. اي

مومل. هاج هذا جبت وياي بس شبيج مختنكة

نور. شوية واريد اخذ حتى لا تزيد ماريد اخرب فرحتكم

مومل. فدوة الج هاج تردين بعد شي

نور. اخذت بخاخ سحبت منه. لا ماخذة احتياطي وشربت علاجي بس عطر قوي

مومل. هذا المطي مهيمن حاط

نور. مومل هاي سيارة منو

مومل. اجرناها حبينه اميرتنه تنزف زفة اميرات وباحسن سيارة

نور. الله يخليكم الي هاك ضمة لا يجون ويقلقون

مومل. تمام اججو رجعنه نمشي وصلنه للقاعة دخلنة بالبداية غرفة استراحة اجن البنات عدلن مكياجي وشعري بعدها رحنة جناح تصوير سوينه جلسة بعدها دخلو اخواني وصورنه كلنة بعدين الاهل ساعة بس تصوير وراها دخلنة دخوليتنه دخولية تجنن صدك دخولية اميرات شوية وطلع بدن البنات ركص وفعاليات شوية وصاحو دخولية،العريس واخته دخلو ركصو بعدين اجه انطاني هديته وكمنه ركصنة سلو وراها غيرنة مكان الحلقات وكصينة الكيكة،وطلع سون دخولية،خوات العروس سيلين وجولي وراها دخولية صديقات العروس بعدين كالو لبسن راح يدخل العريس دخل دخول خاص بيه ولازم استقبلة استقبلته نزلن عماته يهوسن وراها كالو راح يدخلون اهل المعاريس دخلو بابا وجدو وعمامي واخواني بيدهم بوكسات 3 واحد جبير حيل والثاني وسط والثالث صغير وكلمن بيده كلاده من فلوس لبسوني بالسرة شغلو اغنية للاخ اجو الكل يمنه الا اخواني كبالي وكفو

جاد. الف مبروك خوية الله يجعل السعادة ع طول حياتج

مهند. الف مبروك اميرتي الله يوفقكم بحياتكم

مقتدى. الف الف مبروك لبوتي الله يجعل حياتج حب وسعادة

مهتدى. الف مبروك امنيتي الله يجعلها بداية خير الكم

موتمن. الف مبروك مميزتي ان شاء الله الضحكة متفارق وجهج

مومل. الف مبروك توامي ورويحتي ونور عيوني ان شاءالله الله يرزقج كلشي حلو وينطيج ع كد نيتج

نور. الله يبارك بيكم شكرا

جاد. وهسة اجه وقت الجد. مهند. هاي هدايانا كدامج. مهتدى. انتي مخيرة اما تاخذينهم ام لا. مقتدى. الخيار الاول تختارين اكثر اخو تحبينه يزفكم واكيد الاخوة البقية راح يزعلون والخيار الثاني تقبلين الهدايا وتفتحيهم بالترتيب وشنو بداخلهن تسويهن وهسة موتمن. انا انصحج بالخيار الثاني. مومل. احد الخيارات بيها مفاجاة وهسة قرري

نور. شنو هاي

الجد. شنو هلسوالف بابا وكت لعب

جاد. جدي نور تحب هاي السوالف وانا واعديها مانخلي شي بنفسها

نور. اكيد ماكدر اختار واحد منكم فراح اختار الخيار الثاني وامري لله

موتمن ترا راح اطبقين كلشي بيهن

نور. وانا كدها

مومل. فتحي اكبر واحد بعدها الوسط واخر شي الصغير بس بعد ما تسوين كلشي بالصناديق الكبار

نور. تمام فتحت البوكس الكبير لكيت فستان عرس قطعتين خيال يجنن وياه ورقة

مقتدى اقريها بصوت عالي

نور. نورايتي صح عاجبنة فستانج بس ردنا نلبسج شي من التصاميم التحبيها لكن النا غاية بهلتصميم اتمنى تلبسيه بس بعد ما تفتحين البوكس الثاني. سندج. فتحت البوكس الثاني مثل البركع بس بادين وراس قريت الورقة نوارتنه روحي لبسي الفستان وتعالي النة احنة نكمل الباقي اعرف راح تتسالون عن الشي الجاي يصير بس هاي احد سبل مفاجاتنه

مهتدى. روحي غيري وتعالي

نور. ركت غيرت واجن البنات وياي واجيتهم دخلت طلعوه ولبسوني البركع وخلو التاج فوكه

مومل. بصوت ناصي شبت بضلوعي نار احا يمة الغيرة يمة

نور. ههه حقك انا مستحية اصلا

موتمن. وهسة وقت البوكس الاخير

نور. فتحته بيه سيارة روز رايز احدث من الاريدها سيارة لعبة وياها جهاز تحكم ضليت متفاجاة

مومل. خليها ع البوكس وضغطي الزر الابيض والمخلين عليه تاج

نور. ضغطته انفتحت من فوك وطلعت بصمة سيارة تفاجاة

مقتدى. اميرتنه ماتنزف الا بسيارة احلامها وزفت اميرات

نور. يعني السيارة الاجيت بيها مالتي

مومل. اي الج وانا الوحيد السقتها لان ادري ماتزعلين مني وراح انتي زفين نفسج يعني راح تتبدل الادوار وانتي تسوقين بما انو ماختاريتي واحد منا

نور. دمعت شكرا شكرا

اجو شبكوني وخرو البوكسات لبسني جدو بشته فوك بدلتي وطلعت الزفة كدامنه جدو ووراي بابا وعمامي كلمن وي مرته ورانه اخواني هم كلمن ومرته انفتحت باب القاعة جايبين فرقة خاصة ترش ورد وسجادة حمرا توصلني الباب السيارة واكو فرقة عزف بس مو طبل وبوق لا عزف هادي صدك زفة اميرات ومصوور صعدت وخرت البشت والبنات عدلن البدلة سدينة الباب وصعد مهيمن ايدي ترجف لان ثاني سيارة احبها بعد البي ام روز رايز سقت وصلنه للبيت سوينة جلسة تصوير بعدها زفوني الغرفتي

بس العقد نفس التصميم بس بعد اطول واضخم هو والتراجي واصلات الركبتي نازل منهم الماس حبة حبة طوال

هدايا اخواني

بعد العرس بسنة كعدت الصبح عندي نحول احس مالي خلك بشي ووجع بطني وحرارة خفيفة بداية فلاونزة لبست ملابس الدوام وكعدت مهيمن حظرتله شغلاته ونزلت جوة

نور. صباح الخير

الكل. صباح النور

ام نور. شبيج ماما اليوم مو مثل طبيعتج من تكعدين

نور. مابيه شي ماما لا تخافين هاي لان تاخرت بالليل ع تقارير. كعدت شربت حليب دافي وكمت اشوف مهيمن خلص او لا

مقتدى. نوري

نور. هلا

مقتدى. شبيج احجي

نور. شكلها بداية فلاونزة

مقتدى. جا لا ترحين للدوام

نور. لا ماكدر اليوم كلش بس اخلص شغلتي المهمة اطلع لا تخاف

مقتدى. براحتج واذا تردين شي اتصلي

نور. صار حبيبي. صعدت لكيته مخلص

مهيمن. ها حبيبي الحلو خلصت

نور. اي اجيت اخذ غراضي وانزل انت تريد شي

مهيمن. شبيج مريضة بيج شي يوجعج شي

نور. لا بس يمكن لان تعبت عندي شغلة مهمة اخلصها وارجع ما اكمل الدوام

مهيمن. اكيد

نور. اي اكيد لا تخاف هية شكلها بداية فلاونزة فاخلص شغلي وارجع واذا ماكدرت اتصل عليكم

مهيمن. تمام حبيبي امشي ننزل

نور. نزلنة اجو الولد وزوجاتهم والجهال راحو الجهال للباص مال المدرسة. يلا بنات

البنات. اي جايين

نور. طلعنه رسل عادي تسوقين اليوم

رسل. اي بس شبيج اذا تعبانه ليش مداومة

نور. لان عندي اختبار لازم اخلصه احتمال اطلع ع وقت فاخليلجن السيارة اذا طلعت واتصل ع واحد من الولد يجيني

رسل. تمام

نور. رحنة للدوام مرت ساعتين وانا الوجع يزيد وحتى دوخة صارت عندي رحت الغرفة الخاصة بينة اتصلت ع رسل. رسل عادي تجين للغرفة

رسل. اي جاية جاية

نور. وضعي حيل تخربط حتى اتقيئت طلعت من الحمام كعدت ع القنفة شوية واجت رسل وازهار

رسل. شبيج نور

نور. جاي احجي ولعبت نفسي رحت للحمام تقيئت حتى نكطع نفسي طلعت اسحل بنفسي سحل كعدت ع القنفة حتى نفس ماكدر اتنفس

ازهار. ولج نور نور حاجينة حتى وجهج اصفر

نور. رجعت راسي ليورة مالي حيل احجي ولا اتحرك شوية وغمضت عيوني فقدت

رسل. نور نور ازهار بسرعة صيحي اي احد من برة يجيب دكتور وانا راح اتصل بمهتدى

ازهار. اي. اي رايحة رحت صحت الدكتورة موجودة اجت النور

مهتدى. كاعدين انا ومقتدى ومهيمن نتناقش بحالة مريض دك تلفوني رسل. هلا بام جهالي

رسل. مهتدى تعال بسرعة للمستشفى

مهتدى. شبيج اهدي وفهميني بيجن شي

رسل. اي نور تخربطت وهسة نقلوها الغرفة يفحصوها

مهتدى. ليش شبيها

رسل مادري هية من الصبح وضعها مخربط واتصلت علي بس تتقيئووجها اصفر حتى اختنكت

مهتدى. تمام تمام جايي

مهيمن شبيهم

مقتدى. نور

مهتدى. اي متخربطة ومحوليها الغرفة وجاي يسوولها فحوصات

مقتدى. انا رايح

مهيمن انا هم

مهتدى. امشو نروح غيرنة ملابسنة ورحنة الهم وصلنة لكينة ازهار بس برا. ها خوية شبيها نور وين رسل

ازهار. جوة يمها بعدهم ماطالعين

مقتدى. هية شبيها خوية

ازهار. جان عدها وجع خفيف بطنها بس من اتصلت ع رسل كلتلها دايخة وجاي اتقيئ ومن دخلنة عليها جانت هم تتقيئ طلعت دايخة حيل وكوة تتنفس كعدت ع القنفة رجعت راسها لورة نحاجيها ماتحاحينة فجاة اغمة عليها

مقتدى. استغفرالله كلتلها لا اداومين عاندت

مهتدى. اهدو شبيكم خلنشوف شبيها هية ماكلة شي

مقتدى. يمنة لا بعد مادري اذا من ورانه

مهيمن. لا حتى بالغرفة.

طلعت رسل وياها دكتورات

مقتدى. هاا خوية شبيها

الدكتورة. العفو منو انت

مقتدى. احنة اخوانها وهذا زوجها وهم دكاترة احنة

الدكتور. اهاا العفو اهلا وسهلا والله الاعراض مخربطة وخلينالها اوكسجين لان مانكدر نشخص المرض بهلسهولة الا ان نسويلها تحاليل سوينالها وبعد منتظرين النتائج

مقتدى. دكتورة وضعها خطر لو شنو وعادي ننقلها الغير مستشفى

الدكتورة. ان شاءالله لا بس ليش تنقلها احنة مامقصرين سوينة العلينة واكثر

رسل. العفو دكتورة مستشفى، ،،،، تكون الهم وهمة دكاترة بمختلف الاختصاصات يعني زوجها باطني وزوجي يصير اخوها جراحة باطنية صدرية وحماي يصير زوج دكتورة ازهار قلبية وحماي الثاني جراحة قلبية ودكتور مقتدى دكتور جملة عصبية واختصاص جراحة عظام وعضلي هم فلذلك هيج يحجون خوية مقتدى الدكتورة من احسن الدكتورات بالعراق النسائيات واحنة كلنا عدها مانصحك تنقلها خلي ننتظر الفحوصات وانتم هم تكدرون تطلعون عليها

مهتدى. تمام دكتورة شكرا بس شكد ويطلعن الفحوصات

الدكتورة. اتشرفت بيكم فد نص ساعة المريضة عدها هبوط هم فماتكعد الساعة

مقتدى. راحت الدكتورة دخلنة يمها سودة علية شوف الوجه اصفر

مهتدى. ان شاءالله ماكو شي ننتظر النتائج بس اهداو لا تكعد وتخوفوها وانت مهيمن لاتبجي اختي واعرفها مابيها شي

مقتدى. ان شاءالله مرت نص ساعة اجت الدكتورة وياها البنات. ها دكتورة طمنينة

الدكتورة. والله ماعرف شاكول لان اكثر من حالة

مهتدى. احجي دكتورة خوفتينه بيها شي

الدكتور. لا ان شاءالله ماكو شي بس المريضة حامل صار اسبوعين

مقتدى. الحمدلله يارب بس شنو اكو شي ثاني

الدكتورة. اي الصراحة المريضة ماخذة شي عدها تحسس منه وصار اكثر من 10 ساعات وسبب عدها اعراض من اغماء وارتفاع الحرارة وتقيئ والم بطنها

مهتدى. بس هية اي شي تتحسس منه ماتتقربله شباب هية ماكلة شي

مهيمن. لا ابد حتى شغلاتها التاكلهم هية تجيبهم ماتقبل احد يجيبلها

الدكتورة. ع العموم الحمدلله ع سلامتها ماكو خطر عليها ولا ع البيبي انطيناها علاج يخفف عدها الاعراض وبما انو انتم اطباء اتكدرون تسوولها فحوصات الباقي الجسم حتى تتاكدون بس مو اليوم بعد يومين تقريبا ومن تكعد لازم تعرفون سبب الحساسية منين حتى تتجنبة وعدها العافية

مقتدى. الله يعافيج ونكدر نطلعها اليوم

الدكتورة. بس تكعد نشوف الوضع اذا كعدت دكتورة رسل تعاليلي اشوفها

رسل. ان شاءالله دكتورة. طلعت الدكتورة الف مبروك خوية الله يكومها بالسلامه

باركوله الولد

رسل. هية عدها تحسس من البندق والبطيخ خاف ماكلة

مقتدى. لا خوية هية اصلا ماتحب البطيخ بس احتمال ماكلة شي بيه بندق. مرت ساعة وكعدت نور. نوري الحمدلله ع السلامة

نور. الله يسلمكم شنو صار

مقتدى. عندس تحسس ماكلة شي ومتحسسة منها شنو ماكلة

نور. ماماكلة من الصبح شي بس حليب

مهيمن. زين امس ماماكلة شي

نور. لا بس امس البنات جوري وشاه جانن ياكلن نستلة نوتلة وانطني وحدة اشتهيتها واكلتها

مقتدى. اهنا الحجي جا النوتيلا غير بيها بندق

نور. كلمرة اكل عادي مو نجيبهن

مقتدى. لا النجيبهن انا وياج بس كاكاو بدون بندق علمودج بس مالت الجهال بيها بندق لان هنة يحبن طعمه

رسل. الحمدلله هسة رايحة اصيح الدكتورة

نور. شنو بس تحسس لو اكو شي

مهيمن. اي حبيبتي راح تصيرين احلى واحن ام بالدنيا

نور. شنو

مقتدى. اي يروحي الف مبروك

مهتدى. مبروك يعمري ياحسن ام

نور. الله يبارك بيكم شكد صار ماعندي اي اعراض

مهتدى. اسبوعين

الدكتورة. الحمدلله ع سلامتج دكتورة شلون صرتي

نور. الله يسلمج الحمدلله بس دايخة

الدكتورة. اكيد ادوخين اذا جسمج فارغ ومماكلة ومخلصتها تقيئ اي شنو سبب التحسس

نور. اكلت امس ككاو بيه بندق بلا مانتبه هسة عرفت لان انا اكل منه بس مانتبهت للنوع مو نفسة

الدكتورة. الحمدلله مرت هلمرة مرة ثانية انتبهي وخلي اكلج كله صحي لان انتي حامل مو حياة وحدة هسة

نور. ان شاءالله

الدكتورة. اتكدرون اطلعوها ومثل مافهمتكم تلتزم بالعلاج منا اليومين تجيني وانتم شوفو شغلكم هم

مهتدى. شكرا دكتورة ان شاءالله يلا بنات انتن هم بدلن وتعالن وجيبن غراض نور حتى نرجع

رسل تمام رحنة غيرنة ملابسنة وجبنة غراضنة وغراض نور بس منو يرجع بسيارتها

مهيمن. انا لان اجيت وي مقتدى انطيني السويج

مهتدى. جا انتي وازهار تعالن وياي ونور وي مقتدى

مقتدى. امشو البيت جدو لاترحون للبيتكم وخبرو عمة هم بلا ماتذكرون شصار

الكل. تمام

مقتدى. اخذتها وطلعنه بالسيارة اي يحلو شنو شعورك

نور. مادري فرحانة بس خايفة بنفس الوقت

مقتدى. ليش خايفة

نور. بسبب حالتي ووضعي والمريت بيه من كلبي والربو والرئتين التعبانات كليتي هاي كلها الها دخل

مقتدى. لا تفكرين ان شاءالله ماكو شي بعد يومين نرجع الدكتورتج النسائية وباجر نسويلج كل هلفحوصات لاتنسين منو احفاد رحيم

نور. هههه شلون انسة ومستشفى، ،،،، تحجي بيكم وقريبا يكمل الابداع

مقتدى. اي حبيبتي خليج دوم تضحكين لا تخلين شي يعكر سعادتج

نور. ان شاءالله

مقتدى. اهوو شوف ذولة خابصيها نسيتهم

نور. ميمو وهيمو

مقتدى. هههه اي هاي اتصل موتمن

نور. لا تكلهم بس خلي يجون البيت جدو

مقتدى. هلاا ابو يمان

موتمن. هلا بيك وينكم شو ماكو وكالو طلعتو من زمان وسياراتكم ماكو شصاير ونتصل عليكم ماكو اتصلت بالبيت كالو مارجعو

مقتدى. ماكو شي انتم اذا خلصتو تعالو البيت جدو احنة بالطريق رايحين

موتمن. بداعت جهالك شصاير

مقتدى. وداعت نورعيوني تجون للبيت وتعرفون ماصاير الا كل خير بعد

موتمن. تمام طالعين

نور. ماتعرف شخصيته حنون طيب عصبي هادئ شقي لوتي كلاوجي كلها عده

مقتدى. اخوان النور

مهند. سلام عليكم

الكل. وعليكم السلام

مهند. شبيكم بس الوجوه ماتتفسر ومتجمعين

جاد. والله مادري بس خابرو الولد كالو امشو البيت جدو

مهند. ليش شصاير خاف البنات بيهن شي

الجد. لا مابيهن بس بالبداية اتصلو مومل وموتمن سالو عن الولد تقريبا ب11 وب1 اتصلت بيهم كلهم زينين قبل شوية اجو بيت خالك وعمتكم كالت كالو امشي البيت جدو اتصلت عليهم كالو ماكو شي وجايين

مومل وموتمن. السلام عليكم

الكل. وعليكم السلام

مومل. ها ماوصلو

الجد. جاي بالطريق

موتمن. والبنات

العمة. هم جايات بالطريق

مهند. غير تفهمونة شصاير. كاعدين كلنة مرت دقائق رفعت راسي لشاشة المربوطة عليها الكاميرات دخلن سياراتهم 3 للبيت نزلو منهم ونور نزلت من سيارة مقتدى والولد سانديها كمت كلها باوعت علي

ابو مهند. شبيك

مهند. شوفو الكاميرات

ام نور. يمة بنيتي شبيها

مقتدى والبقية. سلام عليكم

الكل. وعليكم السلام

ابو نور. شبيها اختك

مقتدى. انطونة مجال بس خلي نكعد كعدتها وكعدت بصفها وبالجهة الثانية مهيمن فتح شالها لان مختنكة. سيلين ماي فدوة

سيلين. من عيوني

مقتدى. جابت ماي شربنة نور شربت وشربنة

مهند. موتلفت اعصابنه احجو شصاير وشبيها نور وليش هيج حالتكم

مقتدى. اكعدو وسمعو مو الصبح نزلت نور ومن سالتوها شبيج كلتلكم مالي خلك و،،،،،،،،،،واتصلت رسل علينة ورحنة طلع عدها تحسس متحسسة من اكلة وهيج صار و

ام نور. والله مامسوين شي تتحسس منة

مقتدى. ماكلة ككو بيه بندق

الجد. وشنو بعد

مقتدى. مهيمن كلهم بالخبر الثاني

مهيمن. جدو امنيتك راح تتحقق وراح تشوف ان شاءالله جهالي انا ونور

الجد. اللهم صل ع محمد وال محمد مبروك بوية الله يكومج بالسلامة

الكل باركلهم

ام نور. الحمدلله والشكر الحمدلله الخلاني ربي اعيش هلفرحة

نور. ماما ليش تبجين

الام. يمة من الفرح

نور. حسيت بدوخة رجعت راسي

مقتدى. شبيج حبيبتي

نور. مابيه شي بس شوية دخت

مقتدى. خاف هبوط. يمة شمسوين غدا

الام. كل الخير كايمة اصب

نور. مهيمن اريد ابدل

مهيمن. من عيوني اصعدج للغرفة

نور. لا جيبلي بالغرفة الجوة

مهيمن. مو تدلل مريتي امشي اخذج

مقتدى. وين

نور. بالغرفة الجوة ابدل

مقتدى. تمام

اخذني مهيمن للغرفة سد الباب الف مبروك مريتي واخيرا ثمرت حبي انزرعت داخلج

نور. هههه الله يبارك بيك حبيبي

مهيمن. اخ كلبي خلي اصعد اجيب ملابس لاانجلط منك يحلو

نور. ههه شوية جابلي ملابس دخلت للحمام غسلت وبدلت وعدلت شعري وطلعت يمهم جاي نتغدة شوية وكامو مومل وموتمن غسلو كمت وراهم

مقتدى. وين تعاي كملي

نور. شبعت ماكدر بعد رحت غسلت لكيتهم كاعدين وكالبين الوجه احم سوولي مكان يمكم مومل ادنة بس موتمن ابد ماتحرك اممم شبيهم الحلوين ضايجين

مومل. مابيه شي بس تعبان

موتمن. ماكو شي من الشغل دربالج ع روحج انا رايح. ازهار رايح للبيت من تخلصين جيبي الجهال،وتعالو

نور. شبيكم مومل شبيه موتمن

مومل. مادري شبيه شلون صرتي انتي

نور. زينة الحمدلله

مومل. عندج علاج

نور. اي بس مادري بالاوقات لان العلاج عند مهيمن ومقتدى

مومل. رايح اشوفهم. مقتدى وين علاج نور

مهيمن. بالغرفة الجوة خليته كايم اجيبة

مومل. لا كمل انا اجيبة

العمة. اكول يمة شبيهم مومل وموتمن

مهتدى. يمة هاي من الشغل اليوم جان عدهم 3 عمليات اكيد تعبانين

مومل. هاي بس لازم تشربين عصير قبلهم

نور. فدوة بس مو برتقال

مومل. صار رحت جبتلها رمان شربته واخذت علاج

نور. انتجيت عليه مومل ضايج لان ماجنت يمي بالمستشفى.

مومل. صح ماحب تحتاجين شي وماكون يمج حتى لو الدنيا كلها يمج

نور. بس انا مادري اصلا اغمة علي وماجان يمي بس البنات وكعدت لكيت مقتدى ومهتدى ومهيمن وبس كعدت دقائق وطلعوني

مومل. ادري حبيبي عاذرج نور شنو احساسج هسة

نور. مادري ملخبطة اصلا ماحس بشي بخصوص حملي

مومل. الله يثبته ويجعله سهل عليج شبكتها شوية ونامت

مقتدى. هههه ماتوب لو مو تزوجوها ويصير عدها جهال ماتنام الظهر اذا ماتنام كعدة هنا وشابكة واحد منا

الكل. هههههه

مهند. وخرو انا اشيلها اوديها للغرفة شلتها وديتها ورجعت

مقتدى باجر ناخذها نسويلها فحوصات عامة الكل جسمها حتى كلبها والرئة والكلى خاف اكو شي يعرقل حملها وعكب باجر عدها مراجعة للدكتورة

الكل تمام

كلمن راح غرفتة متجمعين كلنا بالليل ماعدا موتمن

مهند. جا موتمن وين مايفوت هيج جمعات

مهتدى. مادري طالع خوية ازهار ماكلج وين

ازهار. لا والله خوية بس كال عندي شغل وطلع

ضلينة بين سوالف وضحك

مهيمن. اكول انتم متاكدين مرتي حامل شو ماتشتهي شي،

ام مهند. يمة مو كل الحوامل سوة اكو يتنسن باول اشهر واكو من الشهر ال3 واكو اصلا مايتنسن

سيلين. هو انت لو نور تكعدك بالليل وتكلك اريد،فلان شي تكوم تجيبة

مهيمن. اكيد لو اعرف اخلقه الها

سيلين. اخ يمة شوفي وتكولين يحبج جنت اتوسل بيه وبالنهار ومايجيبلي

مهند. ها جا منو جان يجيبلج

سيلين. فديتك بس انتن وبس

مومل. الله يطيح حظج

سيلين. مقتدى جاي تسمع

مهند. وثول شو بحظني وتشتكي تصيح مقتدى

الكل. هههههصارت ب9

مهتدى. احنة نترخص

الجد. وين بابا كاعدين

مهتدى. جدي باجر دوام هميلا ونور لاتنسين باجر ناخذج للفحص

نور. تمام ضلينة شوية وكلمن راح الغرفتة

مهتدى. اتصل بموتمن ماكو مرة مرتين مرة ثالثة رد. انت وينك ليش ماترد

موتمن ما سمعته

مهتدى. وين انت

موتمن. كاعد ع الشط

مهتدى. شسوي ماتجي

موتمن. مالي خلك اريد اكعد بحدي شوية واجي

مهتدى. تمام

موتمن. سديته منه اتصل مهند. هلا ابو الجود

مهند. وينك الكعدة فاهية بدونك

موتمن. مالي خلك ماحبيت اجي واخربها

مهند. وين انت

موتمن. كاعد ع الشط

مهند. جايك

موتمن. لا شوية واجي

مهند. بلا كلام زايد جاي كتلك. بدلت وطلعت رحت لكيته كاعد بمكان مابيه احد شبيك شنو المضوجك

موتمن. مابيه شي

مهند. مو علي حافظكم كلكم واحد واحد ولد وبنات

موتمن. ضايج

مهند. من نور

موتمن. من نفسي

مهند. ليش

موتمن. مهند انا من صغري يا شخص احبة واتقرب منة كلش يبتعد علي. حبيت ابوي راح وعافنة جنت احب صديقي ادم واحسة روحي من الدنيا رجعنه من المدرسة طاحت ورقته جان فرحان ماخذ 100 اجت سيارة وساوتها هو والكاع سوة مات بحضني حبيت ميامين كاخت من الصغر اخذها الموت مني وهسة نور جنت احسب انا الاخ المميز عدها طلع جذب من زوجت تغيرت

مهند. حبيبي هذا امر الله ويريد يختبر صبرنه بس نور ماتتغير ع احد

موتمن. لا دائما مقتدى بالمقدمة ومن ازوجت الهسة كلشي مهيمن يعرفة اول واليوم السالفة الصارت هم مهيمن اول

مهند. لا غلطان اصلا نور ماتدري ولا هية المتصلة مرت اخوك رسل من متخربطة نور متصلة بمهتدى وجانو يمةالولد اياني واياك تكول هلحجي كدام نور نور مستعدة تموت ولا اخو من اخوانها يزعل لو يتغير عليها،

موتمن. منو كلك مو هية المتصلة

مهند. مرت اخوك

موتمن. مهند. خايف اخاف عليها من الدنيا كلها 😢

مهند. هية محتاجتنة ولازم كلنة نكون وياها باجر عدها فحوصات واكيد انت كدكتورها القلبي قبل اخوها لازم تكون موجود

موتمن. مسحت دموعي ليش منو كال

مهند. مقتدى مبلغته الدكتورة لازم يسوون فحص الكل جسمها بالاخص الاعضاء الجانن تعبانات وسوت عملية حتى يعرفون اذا اكو مخاطر للحمل

موتمن. هاي مخبلة مستعدة تضحي بنفسها ولا بالطفل اذا لا سامح الله يكون اكو خطر

مهند. هذا معنى كلامي لازم نكون كلنه وياها وان شاءالله ماكو شي

موتمن. ان شاءالله

مهند. يلا كوم خوية والافكار الخايسة هاي عوفها

موتمن. كايم مشكور خوية كلما اتضايق واختنك الكاك يمي ومن احجي وياك ارتاح

مهند. هههه دائما من تريدني بس اتصلي وتلكاني يمك يلا خوية تصبح ع خير

موتمن. وانت بخير

رجعنه للبيت نمنه كعدنة ثاني يوم نور حالتها احسن بدلنا كلنا

مهند. حبيبتي انا رايح للدوام دربالج ع نفسج واذا ترديني وياج هسة اتصل اكلهم ماجي

نور. لا حبيبي روح بعدين انا مارايحة وحدي وياي مقتدى ومهتدى وموتمن ومومل ومهيمن وماما وبابا

مهند. تمام دربالج ع نفسج وشنو يصير خلي املج بالله جبير مثل ماطلعج من حالاتج قبل كادر كلشي يسوي لا تخافين ولا تتوترين وان شاءالله كلشي خير واذا احتاجيتيني بس اتصلي

نور. تمام حبيبي

جاد. دربالج ع روحج ولا تخافين ماكو شي ان شاءالله

نور. ان شاءالله حبيبي

الجد. بوية لا تخافين كلشي من الله خير

نور. ان شاءاله جدو

طلعنة كلنة صعدت وي مهيمن وبابا وماما وي مقتدى توجهنة للمستشفى وصلنة للمستشفى

مهتدى. عمي بالاول خلي تجي وياي اكتبلها الفحوصات التسويهن وانتم شباب كلمن الغرفتة وانت مقتدى عندك عمليتين اليوم من تخلص كلش تجيك وانت مومل وموتمن عدكم هسة عملية روحو من تخلص مني تجيكم لان انا عمليتي ب10ونص

الشباب تمام

نور. رحنة وي مهتدى كتبلي تحاليل وسونار البطني كاملة واشعة الصدري طلعت من يمة انا وماما وبابا رحنة نسوي فحوصات خلصناهن كلهن من 8 لل10 ونص طلعن نتائج السونار والاشعة بس التحاليل يطولن لل1 يلا رحت المهتدى لكيتة وحده لان مهيمن رايح يكشف ع المرضة

مهتدى. مانشوف اي نتيجة اذا مانخلص كافة الفحوصات ونكعد كلنة سوة هسة روحي الموتمن ومومل مخلصين قبل 10 دقائق طلعو اذا ماتلكين احد دخلي وكعدي يجونج

نور. رحنة القسمهم مالكيت احد كعدنة شوية ودخلو

موتمن. ها نوري

نور. خلصت مناك كملني مو لعبت نفسي

موتمن. اي حبيبتي روحي سوي ايكو وتخطيط واختبار تنفس ومهتدى كتبلج تحاليل عامة مو

نور. اي كتبلي تحليل دم وكريات وعام دم وسكر ويوريا وفيتامينات عامة وزنك وحديد وغدة ودهون وهواي بعد

موتمن. حلو جا روحي سوي هذن هم ع ما يخلص مقتدى

نور. تمام رحنة سوينة ايكو وتخطيط وفحوصات للرئة والتنفس خلصنة رحنة كبل القسم مقتدى لكيتة توة طالع من العملية

مقتدى. يا هلا بنورنا هاا شلونها الاوضاع

نور. لعبان نفس تعبت فدوة كمل راح يغمى علي تعبت

مقتدى. صار روحي سوي هذن ومن تخلصين بوجهج الغرفة الاجتماعات الادارية

نور. تمام رحت سويت تخطيط اعصاب وكم فحص ماخليت شي ماسويتة صارت 12 ونص رحت الغرفة الاجتماعات باردة لكيتهم مجتمعين هناك ذبيت روحي ع الكرسي تعبانة

مهيمن. سودة علي حبيبتي تعبانة

مقتدى الصم

نور. بطني مغصتني ماماكلة ولعبانة نفسي حسيت بعد ماكدر اكو حمام داخل غرفة الاجتماعات رحت ركض دخلت وضليت اتقيئ متت ضلو يدكون بالباب فتحت شالي غسلت بعدها عدلت شالي وطلحت حسيت شوي احسن

مقتدى. شبيج بنيتي

نور. ماكو شي بس لعبت نفسي من الفرة. اخذوني كعدوني.

مهتدى. الو ها طلعت اي دزهن الغرفة الاجتماعات. طلعن التحاليل راح يجيبوهن

موتمن. الو بلا زحمة عليك ممكن عصير برتقال 3 الغرفة الاجتماعات اي

مومل. لزمت راسها ادلكه

نور. لزمت ايد مومل بستها. تعال اكعد مابيه شي كلهم كاعدين داير مدايري بالكاع. هههه جا هاي بعدني اسبوعين وهيج شلون منا للتاسع

مهتدى. لو تردين روحنة مستعذين ننطيها ولا نسمع كلمة اخ منج

نور. بعد روحي. اندك الباب كعدو كلمن مكانة

مقتدى. اتفضل

الممرض. سليم السلام عليكم اتفضل دكتور هاي كل التحاليل والفحوصات الخاصة بدكتورة نور وان شاءالله عدها العافية

مهتدى. الله يعافيك شكرا

طلع اجه عامل جاب عصاير طبيعية برتقال 3

موتمن. يلا حبيبي اشرب العصير

نور. ماكدر والله تلعب نفسي

مهيمن. الخاطر البيبي

نور. تمام شربت شوية وهم كاعدين مخلينه الفحوصات وبس يباوعون مرت ربع ساعة. نور. اي عيني احجو او تنطوني الفحوصات انا اقراهن

مهتدى. لا ماكو شي من ناحية الكلى وبطنج زينة

موتمن. وقلبج هم زين بس لازم كل شهر تسوين فحوصات

مقتدى. كلشي تمام

مومل. بس اكو مشكلة صغيرة

نور. شنو

مهيمن. بعد ممنوع اكل برا ممنوع ببسي ممنوع الحار ممنوع اندومي وككو وممنوع اشياء مالحة حيل او حلوة حيل

مومل. وعندج نقص فيتامين ودمج 10 ونقص حديد

مقتدى. احنة راح نكتبلج علاج ونظام غذائي باجر من ترحين الدكتورتج هم اخذي كلشي وياج وهية تكمل فحص

نور. تمام وهسة عادي اروح

الشباب. وييين

نور. للبيت ترا تعبت

مهيمن. هسة نطلع كلنة انتظري نبدل ونجي

راحو بدلو واجو

مقتدى. ليش ضايجة

نور. مابيه شي بس تعبت اريد ارجع للبيت

مقتدى. ماشي يلا امشو

رجعنة للبيت بدلت واكلت ورحنة كلمن غرفتة ثاني يوم رحت سويت فحص عند دكتورة نسائية طلع كلشي تمام بس لان اول حمل لازم انتبه من هواي امور وهيج مرت الايام

بعد 5 اشهر مرت هاي ال5 اشهر بحمل متعب كلش مخلصتها فواكه وعصاير وحليب تلعب نفسي كلش من اكل البيت احب بس الماكولات البحرية سمج روبيان مكشت واكلهن مرة لو مرتين بالاسبوع واي شي اكله اتقيئ غيرهن كعدت اليوم صادف خميس اليوم ماعندي دوام بطني جبيرة كلش مو مال 6 اشهر واليوم عندي مراجعة للدكتورة حظرت ملابس مهيمن وكعدتة ونزلت بالمصعد طبعا بهاي الفترة ركبو مصعد لان الدرج جان كلش متعب الي وهم الجدو والاهل نزلت لكيتهم كاعدين

نور. صباح الخير يحلوين

الكل. صباح الخيرات

نور. رحت بوست جدو وبابا وماما

الجد. شلونج بوية

نور. الحمدلله جدو

مقتدى. صايرة جنج بطة تخبلين

مهيمن. وانا انزل من الدرج منين بطة جنها بطريق صباح الخير

نور. خليت ايدي ع وجهي وبجيت 😭😭

مهيمن. لا لا هاي شنو صدق بجيتي

مومل. انت شبيك مخبل ليش تبجيها

مهيمن. شسويت انا مرتي وشاقيتها

مهند. انت مو تعرف فترة الحمل صارت حساسة وتدري كلش زين ماتقبل احد يشاقة شقة ماصخ كدامنه

ابو نور. كافي بابا مو زين ع البطنج

نور. بابا كله ماريد اشوف وجه بعد

سيلين. كومي حبيبتي ريوكج هناك خليناه حليب وياه 3 حبات تمر خليتهن هناك لان راح اخلي الريوك لا تلعب نفسج

نور. تمام كمت رحت بعيد عنهم صايرة كلش اتحسس من اي كلمة نساوتي كلش وحمل لعبان نفس خلصت اجو يمي الشباب مثل كلمرة قبل لا يرحون ينجمعون يمنة

مهيمن. والله عادي اشاقيها ليش تبجي

ابو نور. عمو هاي الحمل هرمونات تتخربط وكل شوية بمزاج شكل لا حسبالك بس نور كل النسوان هيج بس نور حملها كلش متعبها شوية سايرها

مهيمن. ان شاءالله عمو

مقتدى. الله اليوم تنام بغرفتها شرايكم اليوم سهرتنه يمها

مهيمن. ليش بغرفتها

مومل. ههههه نور ليوم اذا دخلت غرفتك الك حق تطلب وشنو تريد مستعد انطيك

مهند. نور زعلها كلش قوي وما اطخ راس لبوة بجال اهلها

موتمن. لا لا شنو هاي منو امبجي عيون لبوتنة

نور. هذا ابن عمي يعيب علي تقبلوها

مهتدى. اكيد لا انا اله اذا ماطيحتلج حظه

نور. عفية باخوتي

مهتدى. فدوة صايرة جنج وردة اللوتس تخبلين

نور. شكرا حبيبي

مومل. اليوم ترحين للدكتور

نور. اي موعد اليوم

مهند. منو يروح وياج

نور. ماما

مهتدى. رسل تريد تروح وياج

نور. هلا بيها

موتمن. منو تردين ياخذج

نور. مادري

مقتدى. انا اخذج لان عندي شغل قريب العيادة ع ماتخلصن مخلص

نور. تمام

جاد. يلا حبيبتي احنة نروح دربالج ع نفسج تحتاجين شي

نور. لا حياتي سلامتكم والله كلشي موجود بوسوني من راسي وراحو راد يجي يمي مهيمن عفته وكمت ضليت من مكان المكان اجو الولد ومستحيل يجون وايدهم فارغة كل واحد يجيب شي وياه تغدينة وخلصنة صارت ب3 كمنة بدلنة ب4 طلعنه للدكتور وصلنة دخل ويانة مقتدى شوية وصاحو اسمي هو راح يكمل شغلتة واحنة دخلنة للدكتور

الدكتورة. ياهلا والف هلا بدكتورة نور ودكتورة رسل ووالدتهن

رسل ونور والام. هلا بيج

الدكتورة. اي شلونها الماما الجديدة

نور. الحمدلله كلش تعبت وبطني كلش جبيرة مومال طفل ليكول شهري

الدكتورة كومي نروح للسونار نسوي

رسل دكتورة عادي الجنس وشنو يطلع ماتكولين وتكتبيه بورقة الي

الدكتورة. هههه تمام

نور. انا الج تردين ترديها. صعدت خلت الجهاز ع بطني. زين عادي اسمع دقات كلبي طفلي لو هم مايصير

الدكتورة. لا عادي

شغلته بس سمعت صوتة دموعي ضلن ينزلن وحدهن. اكو احساس وشعور ماعرف شنو

الدكتورة. لا لا ليش هلدموع

ام نور. دكتورة هية صايرة ام دميعة ع كلشي تبجي شلون صحتهم

الدكتورة لا الحمدلله بس نبقة ع الفيتامينات وعدها العافية

نور. شكرا طلعنة رحنة جبنة العلاجات وطلعنة لكينة مقتدى

مقتدى. ها ماميتنة الجديدة شلونها

نور. الحمدلله كلشي زين الف الحمدلله

مقتدى. وكبر بطنج

نور. كالت الطفل جبير

مقتدى ماعرفتو شنو

نور. اي عند رسل ماخلوني اعرف

رسل. هية هلاخت الوحدة ومسوية فضل علينة كلنة فلازم نسويلج مفاجاة

مقتدى. هههه اي ام النور كلشي تستاهل

صعدنة بالسيارة

مقتدى. اي نوني ما مشتهية شي

نور. اي. مشتهية

مقتدى. كولي يروحي

نور. اريد بيتزا دجاج اكسترا جبن وكنتاكي وفنكر وجيبلي باذنجانية وكجب

مقتدى. يا الله جا مو تدللين نزلت يم مطعم جبت بيتزا 5 و5وجبات كنتاكي وفنكر وباذنجانية بدون بصل واتصلت ع مومل وموتمن. الو

موتمن ومومل. اتصال مشترك هلا ابو الشهم

مقتدى. ترحون واحد يجيب تشكيلة مشاوي كلهن دجاج تكة دجاج كباب دجاج بركر دحاج كص دجاج وتبلغون المساعدة تسوي مقبلات بدون بصل وثوم ومومل انت تجيب عصاير طبيعية وكيكة كاكاو وخلية نحل وبسبوسة وترجعون للبيت اليوم الكل يمنة

موتمن. ونور

مقتدى. نور جبتلها رادت بيتزا وكنتاكي وفنكر وباذنجانية وجبت من كلشي 5 الها وللبنات

موتمن. مو تدللون انت ونور هية شلونها

مقتدى كلشي زين سديته اخذت الطلب وخليته بصندوك السيارة

نور. شفت رسل مدري شكتبت وماخلتني اشوف وسدته بسرعة

رجعنة للبيت ذبيت روحي ع القنفة وفتحت الشال يمة اختنكت

ام نور. كومي يمة ذبي ع نفسج ماي ولبسيلج شي مريح وتعاي

نور. هو صاعدة واصلي هم صعدت سبحت وصليت ورتبت نفسي ونزلت لكيتهم كلهم موجودين اجولي كلمن انطاني 6وردات توليب وجهالهم كلمن وردة عمرة. يمة فديت الحلوين

جولي انطيني اخليهم الج بماي واصعدهم

نور. شكرا بس ياويلج الكة وحدة ناقصة

الكل. ههههه

كمنة للاكل انا طاولتي وحد خلولي عليها بيتزا وكنتاكي وفنكر وعصير وباذنجانية وكجب وهم وحد لان اضوج من المشاوي

مومل. عادي اجي اكعد يمج

نور. اي شنو هاي ورا ايدك

مومل. ترترترا احلا ركي لاحلى اخت

نور. حياتي احبك

مومل. انا اكول اليوم هم مشتهي كنتاكي وبيتزا اثاري توامي مشتهي

نور. فديت توامي تعال اكل وياي

مومل. لا حبيبي هاي مالاتي جبتهن. يمااااا

ام مومل. ربي شوكت يعقل مو راح يصيرون ولدة بطوله ها يمة كول

الكل. ههههه

مومل. ما يهمني حتى لو تضحكون. اي اكلج متاكدة انا ونور اخوان بس بالرضاعة

ام مومل. ليش يمة

مومل. جا يمة اشو من حبلت نور الهسة تلعب نفسي من اللحم وشنو تشتهي نور اشتهي بس لا

ام مومل. لا يمة هاي غيرة وعيارة منك بس لا شنو ليش صوفرت

مومل. بس اطلك وياها اذا طلكت

نور. هههههه كحكح

الكل. ههههههههااااااااي

مومل. اسم الله

نور. شربت مي يمة اتخيل شكلك والله

مومل. لا تاخذين عين جاي اشاقيج

نور. ههههه عابتلك

مهتدى. خلي نروح باجر من الصبح للمزرعة ونرجع السبت

نور. عادي

الكل. تمام

مومل. شعنده رايح بهمس

نور. سايرهم ادري بيها هاي سوالف رسل تريد سوي كشف البيبي

مومل. استخبارات

نور. لا تبين تعرف سايرهم

خلصنة الحمدلله ما تقيئت خلصناها ونسة وضحك وصدك نمت بغرفتي وعفت مهيمن كعدنا ثاني يوم اخذنا احتياجاتنة ورحنة للمزرعة وصلنة اتلكونة بيت ابو علي رحبو بينة

ام علي شنو حابين تتغدون

نور. خالة فدوة مشتهية بطة محشية وتمن ودلعينة بدون لحم فدوة بس انا سويلينة 3 بطات وحدة الي واثنين للكبار بس

ام علي جا مو تدللين

مومل. شمعنة بس 3

نور. جا اذبح بطاتي كلهن غير اموت

مومل. اسم الله عليج نويرة هذن رسل وسيلين مدري شيسوون

نور. خليهن براحتهن لا تركز وياهن

مومل. بعدج ماتحجين وي هيمو

نور. خلي يولي يكلي بطريق شايف روحه نافخلة عضلات جا انا منين سمنت غير من الحمل

مقتدى. شبيها قمري

نور. مابيه شي

مهند. شلونج

نور. بخير دامني بنصكم

مهتدى. ولج صايرة تخبلين

نور. اممم خاف تصنفون علي 😒

موتمن. افاا شحدة اليصنف عليج ولج صايرة كيكة

جاد. هو وين اكو بحلاتها بكلشي حلوة

نور. فديتكم يارب يطلعون جهالي حنونين مثلكم

الكل. اميين

مهند. نورايتي عادي اطلب طلب منج

نور. حبيبي انت تامر ماتطلب

مهند. فدوة البنيتي اريد تسامحين مهيمن ووعدني بعد ما يصنف عليج

نور. ميخالف بس هلمرة العيونكم مرة ثانية اتصرف غير تصرف ويتحمل كلشي يجيه

مهند. براحتج واحنة وياج

مهيمن. اسف حبيبتي بعد ماتنعاد عمري انتي

الشباب. هيوووووو هوب هوب

نور. ها شفتو مايستحي

مهيمن. اسف عمي اسف ام علي

مومل. لك هلا بنصي مو اكلكم توام بس بالغلط توزعنة

نور. ههههه

ام نور. يلا يمة تعالو تغدو

نور. جايين يالغالية كمنة تغدينة وكعدنة ورا الغدا سوالف وضحك

جود عمة اريد اروح اشوف الخيل

نور. حبيبي العصر نروح

للعصر اجن رسل وسيلين.

سيلين. اسمعوني احنة كلنا منتظرين بيبي بالطريق وطبعا نور مامقصرة ولا وي احد بينه من اصغر واحد الاكبر واحد ودائما هية تفاجانه وتسوي كلشي يسعدنة واحنة شما نسوي مانوافي حقها فحبينه اليوم نخليها تكشف جنس البيبي بس بشوية غير هاي 3 بوكسات اريد من الكل تلبس التشيرت التتوقع جنس البيبي التشيرت الابيض وبيه قلب ابيض توام والقلب الوردي ينت والازرك ولد وكلهن فري سايز

نور. شي اخذت وردي وشي ازرك بقينة انا ومومل ومقتدى اخذنة ابيض رحنة لبسنة بجامة وجاكيت فوك التشيرت كلنا

رسل. هسة اكو ورقة ع الميز بيها سوال كلما تجاوبون ترحون للمكان وهذا المكان لازم تسوون ذكرة للبيبي

الكل. تمام

فتح جدو اول ورقة. مكان كلنا اذا نجمعنه بيها نكون باسعد لحظاتنا

موتمن. دائما المزرعة نكون بيها فرحانين

نور. لا الصالة الننجمع بيها من نكعد

سيلين. صح

نور. رحنة لكينة ع الطاولة البنص اكو دفتر لازم نكتب بيه رسالة للبيبي كتبنة كلنا واخر ورقة بالدفتر لكينة ظرف

مهيمن. اكثر مكان نور مهتمة بيه ترحون تلكون شي تاخذون منه اليعجبكم

ام مهند. وين فكرو

مهند. قسم الطيور خاصة البط

نور. صح رحنة هناك لكينة سلات ريش اخذو كل واحد شنو يتوقع وانا اخذت الريشة الجبيرة البيضة

ابو نور. مكان هادئ وجميل اله معاني وحكايات يستخدم للاسرار والاسترخاء

جولي. غرفة نوم

موتمن. لا حديقة الاشجار

رسل. صح رحنة للحديقة لكينة خشب وخيوط وورد هذن تسوون بيهن مرجوحة للبيبي وتزينوها

نور. بدينة نسوي وزيناها بالورد كملنا مالتنة صارت تجنن

ابو مهند. مكان مشترك وتكدر تسوي بيه اكثر من شغلة

مومل. النافورة رحنة للنافورة لكينا ملابس ويمهن الوان لازم نرسم عليهن رسمنة وخلصنة وراها لكينة الظرف

العمة. مكان يجتمع فيه الغموض،والاسرار

ازهار. وين هذا المكان

جاد. يمكن غرفة نور

مقتدى. لا الطابق الثاني من بيت الالعاب

نور. صح رحنة لكينة بالصالة 3 مرايات كبيرة وطين اصطناعي النشكل بيه رسم

العمة. مكتوب سوي تحفة فنية لاطفال المستقبل

كعدنة نسوي الاشياء التعجبنة انا ومومل ومقتدى سوينة غيم وطيور من فوك صارت تجنن واكو قبعات زيناهن بالريش وخلينة الريش

نور. وهسة المكان الاخير مكان رياضي ولكن لا تقدر ع دخوله الا بلبس خاص

ابو مومل الملعب

رحنة كلنة للملعب لكينة الملعب فارغ مابيه بس ورد وميز

مومل. هاي شنو ماكو شي

سيلين لا اكو اوراق كلمن يكتب اسمه وشنو يتوقع ويخلي الورقة هنا

كتبنه كلمن شنو يتوقع وخلينا الاوراق

سيلين يلا ادخل عمو ابو علي

دخل ابو علي وياه 3 خيول صغار

سيلين. مبروك نور الاشهب والاصيل والاكحل والادهم قبل اسبوع صار عدهم 3 خيول صغار اثنين ذكر وانثى ولدو بنفس اليوم

مهند. يعني هاي الفرة كلها ع خيول

مهيمن. انتي ماتخافين من الله مجاي تشوفيها شلون بالكوة تتحرك وتعبانة

نور. مومل اريد اكعد تعبت. راح مومل جاب كرسي مخليه يم الميز

مومل نور. بيج شي

نور. لا

مقتدى. بلا شبيج وكت لعب هسة صار ساعة نفتر بالاخير تطلع لعبة من لعباتج شبيج بابا شوكت تكبرين عمو اخذهم رجعهم مكانهم

رسل اشرت المهتدى طلع شوية ورجع

مهتدى خوية هنة مايبطلن هذا سوالفهن وشقاهن باوع فوك

راسا اشتغلت لعبات نارية وراها طلع عرض مال ضوئية لان صارت ليل شلو ام واب جانو اطفال بعدها درسو وتخرجو وصارو دكتور ومهندسة ولبسو لبس عرس بعدين الام حملت وراها طلع قلبين وداخلين جان ينفجرن ويطلع منها جهال 3 ملفوفين وراها طلعو اثنين اولاد وبنت وراها اشتعلت العاب نارية من جديد

كلها ظلت اتصفق وتبجي وفرحانة

ام نور. بدموع والله كبرت بنتي ورفعت راسي بتفوقها ونجاحها وماخلت حلم اشوف اطفالها بعيني وراح تصير ام لاحلى عائلة

كلها ظلت تباركلها

سيلين. شكرا الكم ع الاتهامات بس جان تاخير بالعرض دخلت الخيل وشغلة ثانية مبروك الاختي واخوي ع ما يجيكم بس اكو شي فاجاني شلون مقتدى ومومل ونور عرفو توام ثلاثي

مقتدى. لان يا مرتي العزيزة انتن من ردتن تعرفن جنس البيبي اخذتن بس شنو ماشنو ما اهذتن السونار واحنة دكاترة فجان السونار بسيارتي فشفته بس ماجنت متاكد مية بالمية بعدين نسينه الفحوصات بالسيارة نزلهم مومل وهم عرف من خلال هلشي ونور من اخذت العلاج مالها جانت العلاكة بيها السونار

نور. احتفلو بيه ورجعنة جوة ضحك وونسة وسوالف احلا لحظاتي الاعيشها من ننجمع كلنا رغم كلنة مو اخوة من نفس الاب والام ورغم اختلاف الاعمار بينة وبين اهالينة والاطفال بس كلمن يحجي نصير وياه من عمره بعمرنه مافرقنة بشي بينه ولا نخلي شي يزعلنة او يخرب علينة حتى شقانة وزعلنة بضحك مرت الايام وجانت اصعب علي من القبلها كلش تعبت كلش وصايره اي شي يعصبني حاليا انا بالتاسع صار اسبوع من دخلت وكلتلي الدكتورة تحركي وامشي حتى يتسهل ولادتي اليوم احد عندي فحوصات حتى يعرفون الولادة الطبيعية زين الي او لا لان خلال فترة حملي صارت عندي تعب من ناحية قلبي والتنفس مرات اختنك

نور. بداعتي ماتعوفون شغلكم ولا تركون شي انا اسوي الفحوصات وانتم كملو شغلكم

مقتدى. تمام

مومل. ههه لو مو تزعلين من امس اجلت كلشي رجلي ع رجلج

نور. اخ منك الا انت ماكدرلك امشو رحنة للمستشفى كتبو الولد بقائمة كل الفحوصات اخذني مومل ع كيف ويشاقيني حتى ما اضوج سوولي جميع الفحوصات خلصت ب2 استلمنه الفحوصات وجابلي مومل عصير كعدنة بالحديقة اتصلو الولد

مومل. هلا يابة

مقتدى وينكم

مومل. كاعدين بالحديقة تعالو خلصنة

مقتدى. هلا بنيتي شلونج

نور. زينة

الشباب بالعافية

نور. الله يعافيكم يلا نمشي

مهتدى. اي بس شنو الفحوصات

مومل. امشو هسة وبالبيت شوفوها نور تعبت واشرتلهم

موتمن. يلا امشو

نور. حسيت اكو شي بس سكتت رجعنة للبيت دخلت بدلت ونزلنة نتغدة

الجد. اي بابا شطلع بالفحوصات

مومل. جدو نور ماتكدر تولد ولادة طبيعية لان عدها خفقان والربو وهنا لازم نور تكون ولادتها قيصرية ولازم يكون موجود دكتور رئة ودكتور قلب ودكتور تخدير المشرفين ع حالتها بسبب مشاكل القلب والرئة السابقة

ام نور. وهذا خطر عليها

رسل. عمة هية اصلا بحالتها لان توام ثلاثي افضل حل الها ولادة قيصرية امن الها وللاطفال والدكاترة اليحظرون حتى لا لا سامح الله يصير عدها شي اثناء العملية يكدرون يصيطرون ع الوضع. نور اتصلج ع الدكتورة ونروح حتى تحدد الموعد

نور. تمام

موتمن. نور راح اكون وياج لا تخافين ماكو شي اهم شي للمريض راحته وعدم خوفة

نور. لا ما اخاف الكاتبة الله موجود بعدين انتم راح تكونون وياي اطمانو رحت العصر للدكتورة وحددت موعد العملية بعد يومين واصريت تكون بمستشفى مالتنة ووافقت وحتى انظمت للكادر النسائي بالمستشفى جهزت جنطتنا انا والبيبي وقبلها بيوم حجزولنا غرفة رحت بيوم العملية من وكت للمستشفى اجو يجهزوني للعملية

ابو نور. منو منكم راح يكون وياها

مهتدى. عمو انا ومومل المفروض كان موتمن بس مومل اصر وموتمن عنده حالة خطرة

موتمن. اسف نوري اذا خلصت اجي وعد ما اعوفج

نور. لا حبايبي حتى وجودكم هنا بالغرفة هاي اكبر حافز الي بعدين ماتعرفوني انا النور القوية حسبولي مجرد وقت واطلعلكم وهلمرة مو مخبلة وحدة انا وعصابتي

الجد. الله يكومج بالسلامة بنيتي

مهند. حبيبتي الله يكومج بالسلامة بنيتي القوية

نور. مهند جيب جود اريده قبل لا ادخل للعملية

مهند. من اطلعين اجيبه خاف مالحك

نور. ما فدوة مادري روحي صارت بيه بداعتي جيبة والله مادخل اذا ماشوفة بابا حاجيه

ابو نور. روح بابا جيبة وتعال

مهند صار. الو سمارة يابة حضري جود راح اجي اخذه عمته تريده. يلا يابة رايح

موتمن. نوارتي حبيبي انا اروح راح تصير ب9 وتبدي عمليتي وعد اذا طلعت قبل لا اطلعين ادخل العمليتج لا تخافين ولا تهتمين جكت ابرة وماتحسين تنامين تكعدين تلكين عصافيرج يمج

نور. حبيبي روح الله وياك لا تهتم وانا لبوة ال رحيم

مقتدى. بهمس شبيك مومل

مومل. ماكو شي

مقتدى. جا ليش هيج جنك واحد مريض لا سامح الله اذا هاي لا تدخل وي نور

مومل. لا ماكو هيج شي

مرت نص ساعة اجت الدكتورة

الدكتورة. يلا عيني اطلعو خلي نحضر المريضة للعملية

مقتدى. طلعنة راحو الولد يجهزون نفسهم جهزو نور دخلت انا ومهيمن عدلنا لبسها وخلينة شال فوك قبعة العمليات الله ومحمد وعلي وال بيت النبي يحرسوج ويطلعوج بخير وسلامة

مهيمن. بامانة موسى بن جعفر حبيبتي لا تخافين

نور. شوفولي مهند ترا مادخل اذا ماشوف جودي

مقتدى. تمام. الو ها خوية باب المستشفى تمام. وصل باب المستشفى. دخلو الكل وكلها تقويها وتدعيلها

مهند وهاي كد الوعد روح حبيبي

نور. حبيبي جودي

جود. لا تخافين عمة راح اطلعين بخير وسلامة وراح انتظرج هنا امني ماعوفج

نور. ياروحي عادي امنك ع شي جود

جود. كولي عمة امانج بركبتي للموت

نور. اسم الله عليك من الموت حبيبي شوف عمة اذا رحت انا وبعد ما طلعت وصارلي شي اريد منك شغلة وحدة هية ايليا امانة بركبتك ادربالك عليها وتخليها بعينك هية واخوانها وتحميهم بنفسك لان ايليا بنية تحتاج اهتمام اكثر امانتك وادري بيك انت كدها مثل ابوك اريدك تكونلها السند والقوة والاخ والصديق

جود. اسم الله عليج عمة راح اطلعين بخير وسلامة وايليا بامانتي وراح اطلعين واجيبها واخليها بحضنج ووعد طول مانا عايش اخواني بامانتي لو اعرف اموت

مهند. اسم تعال بابا سيلين اخذيه برا اخذته. شنو هلحجي نور هية عملية بسيطة

نور. هنودي الله موجود ومانعرف شيصير. وانتم دربالكم ع نفسكم وذمة بركبتكم ادربالكم ع جهالي الخمسة الي من ضمنهم مومل وجود وانت مهيمن اعرف شكد تعبتك ومرمرتك سامحني ودربالك ع الجهال وربيهم تربية زينة وذمة بركبتكم لا تبجون علي ولا تحزنون مقتدى ادري هلكلام جبير عليك بس امي وابوي دربالك عليهم بامانتكم ودربالكم ع مومل هذا يموت مخبل كلشي يسوي 😢 مسحت دمعتي لا تبجون خلوني ادخل مرتاحة
جولي دربالج ع مومل خليج دائما وياه ولا اتركيه بوحدة مهند دربالك ع جود وكله عمة تحبك اكثر شي بحياتها وكولو الموتمن انت اكثر شي مميز بحيات نور كاخو وكحب

مهتدى. يلا باباتي شنو هاي ليش تبجون

نور. شوية دراما يلا حبيبي

اجو مومل ومهتدى دخلوني بايدهم للعمليات

مومل. نور تردين شي قبل لا يخلولج البنج

نور. خلولي البنج. مهتدى مومل دربالكم ع نفسكم وع جهالي واذا صارلي شي شنو تتعاملون وياي عاملو بنتي بنفس الحب والاهتمام مهتدى انت الجبير العاقل دربالك عليهم كلهم بالاخص مومل وانت مومل دربالك ع نفسك ولا تزعل لو صارلي شي هذا امر ربك

مومل. اشش ماراح يصيرلج شي كلبي مطمان نسيتي انتي توامي

نور. اح اح ب ك م ونمت بعد مادري

مومل. من كعدت احس اكو شي وقلقان ومتوتر من ناحية نور وكلماتها سمعتهم شلون توصي بينة احس سهم يخترق جسمي بدت الدكتورة بالعملية بعد ساعة صار عدها هبوط عالجنة الامر مرت ساعة ثانية حسيت بعد ماكدر اوكف

مهتدى. شبيك مومل

مومل. مادري طالع وراح اخلي موتمن يجي نور امانة بركبتكم

مهتدى اطلع اطلع لا يصيرلك شي

مومل. احتاجينة دم هم طلعت كدامي ممرضة تركض طلعت انا

مقتدى طلعت بالبداية ممرضة تركض وراها طلع مومل مادري شبيه خلقته كلها مكلوبة. شبيك مومل

مومل. موتمن همزين موجود روح بدل بسرعة وادخل بسرعة

موتمن. اي رحت بدلت ودخلت شكو مهتدى

مهتدى. ماكو شي مابيها نور بس مومل تعب وطلعته

موتمن. الحمدلله

مقتدى. شبيك

مومل. رحت كعدت. مابيها شي نور بس انا تعبت وطلعت

مهند. جا ليش الممرضة طلعت تركض

مومل. ادخل مغذي ودم لان نور صار عدها هبوط

مهيمن. وانت شبيك ليش وجهك هيج احمر شنو مصخن

مومل. راسي وغواش بعيوني رجعت راسي ليورة واغمة علي

مقتدى. مومل مومل شبيك وخرو اشيله

ام نور. يمة وليدي شبيه

مقتدى وخرو اخذتة الغرفة اجه وراي مهيمن ومهند قست ضغطة صاعد وحرارته 40 خر،،، اذا تعبان ليش تعاند جاي اركبله كانونه طك خشمة دم روح مهيمن بسرعة جيب مغذي وابر راح شوية واجه ركبناله مغذي وانطيناه ابر وعلاجات مرت ساعة وحرارته مثل ماهية بس كام يختنك خلينة اوكسجين اله ورا ساعتين يلا نزل ضغطة درجة وبعده مرتفع 4 درجات

رحنة النور ها بابا ماطلعو

الاب. لا شلونه اخيك

مقتدى. والله وضعه مخربط بعدها حرارة وضغطة صاعد زين ما انجلط لو ما طاك خشمة دم سوينة فحوصات وخلينة اوكسجين وخليت يمه ممرض هاي انفتح الباب طلعو مهتدى وموتمن ودكتورتها وممرضات يدفعن بحاضنة اطفال اخذوهم للحاضنة يسوولهم فحوصات. ها شلونها نور

الدكتورة. الحمدلله ع سلامتها الحمدلله عدت ع خير وطبعا بمجهود دكتور مهتدى وموتمن ومومل

مهيمن. يعني زينة

الدكتورة اي والله وضعها مستقر والف مبروك الكم وراح ينقلوها الغرفتها

مقتدى. شكرا دكتورة الف الحمدلله طلعوها وجها اصفر. وشفايفها بيض نقلناها الغرفتها منتظرين تكعد رحت شفت مومل بعده فاقد سودة علي خوية نورك طلعت وزينة يلا كوم بدلت المغذي زين نازل درجة بدرجة اجو عمة وعمو وجولي جولي خوية دربالج شنو يصير اتصلو علي رايح اشوف نور والجهال

جولي. صار خوية ومن تكعد طمنه

مقتدى. رحت جانت توها تكعد

نور. اممم امممم

مهتدى. ها حبيبي اكعد

مقتدى. نوارة كعدي ماتردين تشوفين عصافيرج

نور. فتحت عيوني بس الم مو طبيعي بطني اخخ

مقتدى. شنو يوجعج يروحي

نور. بطني موت وجع

موتمن. اسم الله عليج رايح اصيح الدكتورة

الدكتورة. هلا بدكتورتنا الحمدلله ع سلامتج الالم طبيعي مال العملية هذا مسكن ضربتة الج هسة تصيرين احسن

مهيمن. هاا خف

نور. اي كلها اتحمدتلي السلامة اباوع بالوجوه. وينهم وين مومل والجهال 😢وردت اكوم لزموني مهيمن ومقتدى. وين وين

نور. وين مومل والجهال مقتدى بداعتي بداعة جهالك وينهم

مقتدى. والله مابيهم شي الجهال بالحاضنة يسوولهم فحوصات حتى نجيبهم الج ومومل هسة يجي

نور. بابا بداعت ميمي هذا الحجي فدوة اروحلكم لا تجذبون علي كلبي يكول غير شي

ابو نور. وداعت عيونج الماعندي اغلى منهن مابيهم شي جهالج وهسة هلرايحين انا وامج ومرت عمج نجيبهم الج

نور. سكتت بس اكو شي كلبي يكول غيرها

مقتدى. نور عطشانة

نور. امم

مقتدى. جبت كطن بللته وبللت شفايفها

موتمن. وروح ابوي مابيهم شي جهالج وانا جنت يمج بالعملية هم واخذوهم يسوولهم فحوصات وانتي دكتورة وتعرفين هذا روتين

نور. كلبي يكول اكو شي وعمره ماجذب احساسي

مهتدى. هلاجو عصافيرج شوفيهم عدلنة كعدتها

ام نور. بسم الله الرحمن الرحين يمة يحفظهم القران الج هذا جبيرج شوفيه

ام مهند. بسم الله عليهم محروسين بال البيت وهذا وليدج الثاني

ابو نور. وهاي مدللتنة الصغيرة

نور. 🥺 حبايبي كلش ناعمين

مهيمن. وهاي كد الوعد انتي تسمينهم الهسة بلا اسم

نور. الاكبر علي الدر والثاني علي الاكبر والامورة ايليا

مهيمن. احلى ام علي جدو هاك اذن باذنهم

بدة جدو ياذن باذنهم ومن يخلص ينطيني الطفل ابوسه ويرجعه الحضانته مخلين كاروك الكل واحد بيهم خلو كلمن بمكانة ومشربيهم حليب من جنت نايمة شوية واجه اتصال المقتدى انخطف لونه طلع والولد طلعو وراه. وين راحو

الجد. بوية هذا شغلهم تلكيها حالة اجتهم

مقتدى اتصل علي عمي كلي تعال الحك طلعنة ركض الغرفة مومل لكينة كلبة جاي يقل وضغطة مخربط ركضنة كل واحد يسوي شي

مومل. نايم وحسيت نفسي بظلام مخيف شوية وصار ضوة خفيف انا نايم ع جرباية ونور هم بس كل واحد بينة اكو ناس لازمتهم انا اثنين لازميني حيل ونور نسوان اثنين لازميها النسوان يردن ياخذن نور ويسحبن بيها وانا الزلم يسحبون بيه نور بس تبجي وتصيح مومل لا تروح وياهم دربالك انا مايسوولي شي بس انت لا تروح خليك قوي وردد وياي يا علي يا علي ضلينة نردد نور دفعت النسوان وركضت علي وانا اكو رجال اجه ساعدني عبارة عن نور بنور اخذني منهم وخلاني يم نور وعافنة ومشة وضلينة انا ونور نركض الا ان صار ضوة قوي كعدت لكيتهم فوك راسي

مقتدى. اففففففف الف الحمدلله والشكر

مومل. انا وين شصاير

مهتدى. الف الحمدلله والشكر

مومل. شبيكم واكو صداع موتني وعيوني يحركني ليش تبجين يمة وانتي جولي شصاير نور نور بيها شي

مقتدى. اهدا لا مابيها شي وطلعت الحمدلله وبغرفتها وجهالها يمها انت اله شوية جان متت وبالف ياعلي يلا رجع كلبك

موتمن. مقتدى وضعه استقر

مهتدى. بس عنده حرارة قليلة

ام مومل. الف الحمدلله والشكر ماقصرت يبو الحسنين

مومل. وخرو اريد اروح النور

مهتدى. مو زين عليك خلي شوية وضعك يستقر

مومل. يمها يستقر من اشوفها بعيني

مقتدى. امشي بس ما تتقرب عليها لان موزين خاف تصير عدها حرارة

مومل ميخالف بس اشوفها. كمت حسيت بدوخة رجعت كعدت

مهند. هاا شبيك

مومل. دخت

مهيمن اروح اجيبلك كرسي

مومل. لا امشي. اجو مقتدى ومهند واحد منا واحد منا وكفو مشيت بنصهم رحت الغرفة نور دكينة الباب ودخلت

نور. دخل مومل ومنا ومنا مقتدى ومهند يمة شبيه شبيك مومل

مومل. الحمدلله ع سلامتج رويحتي هسة ردت روحي من شفتج بخير وسلامة مابيه شي بس حرارة عندي

نور. لا تجذبون علي كتلكم كلبي يكول اكو شي وتكلولي ماكو شي شبيك احجي

مومل. والله حرارة وضغطي والحمدلله هاي كدامج

نور. جا ليش وجهك هيج تعال يمي

مومل. خاف اعديج ماكدر اتقرب منج وانتي هسة ولدتي

نور. زين اكعد هناك بعيد علي بس خليك كبال وجهي

مقتدى. لا لازم يرجع يرتاح بعد عنده حرارة

نور. تمام طلعوه الغرفتة ضلينة يومين الا ان استقر وضعنا وطلعنة قبلنا بيوم طلعو مومل
صار الحمدلله استقر وضعه طلعنة وصلنة البيت ذبح جدو جوة رجلينة اربع خرفان ووزعهم للفقراء دخلنة مزينين الغرفة الجوة النة وهم خاف يجون خطار استقبلوني البنات بالجكليت والهلاهل

مومل. هسة اكدر اكلج الحمدلله ع سلامتج يابعد روحي

نور. شبكته وسلامتك هم يكلبي اخذني كعدني ع الجرباية وشابك ايدي

جابت ماما عصير شربت اخذو خلوهم بجرابيهم

مقتدى. هسة ارتاح كلبي واكدر انام مطمان

نور. سودة علي شلعت كلبك

مقتدى. احلى شلعان كلب اثنينكم

الجد. صدك احنة الهسة ما سالنة ليش طولت عملية نور وشنو سبب حالة مومل

مهتدى. جدو اثناء العملية نور خبلتنة يا هابط الضغط وجان مومل جوة يا قال الاوكسجين وخسرت دم هواي ضل يهبط بعدين اجه موتمن وطلع مومل رجع هبط وهم كدرنا نسيطر عليه وراها كلبها ساعة يصير سريع ساعة يقل خبلنة الا ان خلصت العملية واستقر الوضع وطول العملية نور تصيح يا علي بصوت ناصي تعجبنة بنج وماتحس وشفتو شكد يلا صحت

مقتدى. ومومل مرتفعت حرارته وصعد عنده الضغط وراها قل الاوكسجين مالته من كعدت نور اتصلت علي جولي وكالت الحك طلعنه كلنة الغرفته لكينة كلشي جاي يقل دكات كلبها والضغط والاوكسجين هم الحد ما صفر تونة نريد نسوي صدمات كهرباء جان يرجع وضع طبيعي بس قبل لا يكعد هم جان يردد اسم علي

الكل. اللهم صل ع محمد وال محمد

الجد. لازم نسوي ثواب لابو الحسنين سلام الله عليه طلع ولدي من الموت

موتمن. شبيكم صافنين

مومل. مادري جان حلم ولا شنو جنت انا ونور مربوطين كل واحد بجرباية جان يكون اربعة ملثمين اثنين زلم واثنين نسوان النسوان لازمات نور ووووووووووو وسولفت كلشي الهم

نور. انا هم

مومل. بس ماعرفنة منو الاجه ونقذنة

العمة. دخيلك يابو الحسن عمة هذا الامام علي نقذكم وحماكم وردكم النه بخير وسلامة

وهيج مرت الايام ورحت مراجعة الدكتورتي كالت وضعكم زين وكبرو جهالي والولد الدر نسخة من مقتدى ومهند والاكبر نسخة من مومل حتى بسوالفه اما ايلياتي ع كولة جدو عجوز عرب بيبيتي ومحطوطة حتى حركاتها وسوالفها الحمدلله ربي عوضني بكلشي وانطاني كل الخير

خلي اوضح شي بخصوص الاطفال

جوليان ابن جاد وميليسا اكبر واحد بالاحفاد

جود ابن مهند اصغر من جوليان ب3 سنوات

مرتضى ومسرة اولاد رسل ومهتدى اصغر من جود بسنتين ونص

شهم وشاه زنان توام مقتدى وسيلين وجوري بنت مهند وسمارا ويمان ابن موتمن وازهار وعلي النور ابن مومل وجولي وليليان بنت جاد وميليسا نفس العمر بس فرق ايام واشهر

فهد ابن مهند وسمارا وسلطان ابن جاد وميليسا اصغر من شهم والبقية بسنتين

عاليا بنت مومل وجولي وادم واديان توام مقتدى وسيلين اصغر من شهم ب5 سنوات ونص

مهدي وملاك توام مهتدى ورسل وجمان وكيان توام موتمن وازهار. الفرق بينهم 6 اشهر بس اصغر من عاليا وادم واديان بسنة

علي الدر وعلي الاكبر وايليا توام نور ومهيمن وحرة وحيادر توام مومل وجولي وفدك بنت مهند وسمارا ونوران بنت جاد وميليسا الفرق بينهم كل واحد شهرين ضبط كلهم نفس اليوم السنة بس الشهر يختلف وطبعا اصغر شي التوام الثلاثي

الى هنا نختم قصتنة هذا بارت توضيح العرس النور ومهيمن الاسماء مو حقيقية ولا الاعمار وصار اغلاط هواي بالقصة اعتذر لان هاي جانت اول قصة الي انتظروني بقصة جديدة وابطال جدد

استودعتكم الله حبايبي