الفصل الثامن عشر

رواية أحفاد الرفاعي الجزء الثامن عشر 18 بقلم صباح صابر أحفاد الرفاعيرواية أحفاد الرفاعي الحلقة الثامنة عشر ساره وهي خايفه ومرعوبه شافت سليم الي قاعد وبيلمع في شويه خواتم سارة بقوة: السلام عليكم ساب سليم الخواتم اللي في إيده وبص لها با ابتسامة خفيفة _وعليكم السلام إتفضلي أقدر أسعدك في إيه _هو ده محل محمد الرفاعي سليم: أيوة أنا أبنه محتاجه حاجه كيان لسه هتتكلم قطعتها سارة و أتكلمت بسرعه _لا خلاص انا كنت عايزة هو

طب هيبقى موجود امتى سليم: ممكن تيجي على المغرب سارة: شكرا لحضرتك سارة مسكت كيان من إيديها ولسه هيخرجوا شافوا عمر الي لسةأيدخل المحل اتصدم عمر وأستغرب وجودهم ولسه أيسالهم كانوا خلاص مشيوا دخل ونظر لي سليم اللي رجع يكمل شغلة عمر: هي البنات دي كانت بتعمل إيه هنا _ما اعرفش هو أنت تعرفهم ولا إيه _دي البنت اللي كانت رافعة قضيه خلع على أبن عمت حازم _ودي بقى عايزه إيه من جدك _ما اعرفش بس سيبك ده موضوع فاكس

المهم يلا عشان تفطر سليم: أنا روحت لحازم ولقيتوا مش موجود هو كلمك _لا مكلمنيش ساب الشغل سليم وقفل المحل وطلع هو وعمر عشان يفطروا فوق في بيت عيله الرفاعي نزلت شروق شافها حاتم الي خرج من شقة والدته وأبتسم شروق قربت من حاتم: عاوزه تليفوني حاتم: مش تقولي صباح الخير يا قطه الاول شروق: صباح الخير يا سيدي ممكن موبايلي حاتم: طب يلا ننزل نفطر الاول معاهم شروق: ومين قالك إني هفطر مع حد من عيلتك

رفع حاجبه حاتم: يبقى خلاص مش هتاكلي خالص أصل إحنا في الفطار والغدا والعشاء بناكل تحت شروق: صلا أنا مش عايزه أكل في البيت ده أنا عاوزه تليفوني عشان اكلم ماما _تعالي قال كده ونزل شقه محمد ومنى وقفت وهو دخل _إيه واقف كده ليه مش هتدخلي تسلمي عليهم _لا مش عايزه ادخل اسلم على حد _لا هتدخلي وتصبحي على الجميع وبعدها تاخدي تليفونك الا مافيشتليفون نفخت شروق بضيق: ودخلت معاها لقيته راحه ناحيه جدو _صباح الخير يا جدي وقبل أيده

وبعدها وجه نظراته للجميع: صباح الخير يا جماعه الكل بصوت واحد: صباح النور يا عريس تليفون الجد رن وقام واتسحب من القاعدة عشان يرد علي المكالمة معاذ: عريس الخفلة دخل في الوقت ده سليم: صباح الخير يا شويه مقاطيع ما حدش نزل فيكم قال هلحق افتح المحل مع عمي الغلبان عبد الرحمن: ما أنت اللي مدلعهم سليم: خلاص الدلع أينتهي عشان هسافر شرم الشيخ الاسبوع الجاي أنس: من غيري مني: ومين قال كده اصلا انت مش هتخرج من البيت أخاف عليك

سليم: هقنعك يا ست الكل ما تخافيش شروق كانت بتبص لهم بأستغراب كانت دائماً بتسمع كلام من مامتها اني هما بيكرهوا بعض وفي مشاكل بينهم بس بيبينوا قدام الناس إنهم بيحبوا بعض بس الي هي شايفة في نظراتهم عكس كده و باين عليهم قد إيه بيحبوا بعض فاتكلمت ملك بأستغراب هي وبتشاور على شروق: مين دي وفين رحمه ما خرجتش من الغرفة لية لحد دلوقتي معاذ: أنتِ كنتِ فين امبارح زين: آه حتى أنا مشوفتكيش إمبارح ملك: كنت بخلص الكتاب

سليم: يا صباح الفل هو انتي با روح امك جاية تستفسري زين: أنا مش عارف إزاي بتستحملوا تطيعوا الحظات الهامة دي ملك: أتعلمت منك يا زيزو ضحك يحي: لما يحصل حاجة مهم كان بياخد أول طيارة ملك: بجد بقا شوقتوني مبن القمر دي حاتم: مراتي ملك بصدمة وانفعال: أتجوزت من ورايا اتصدمت شروق ورجعت خطوه الوراء واتكلمت بخوف رعب من نظرات ملك: والله ما كنت أعرف أنه متجوز هم أجبروني أني اتجوزه ا لكل ضحك من رد فعل شروق سليم: يا مصيبة خطيتيها

زين هو وبيضربها في كتفها: اتلمي يا ملك ملك: يا بارد شوف إبنك يا عمي يحي: مالكش دعوة في لوكة يا زين ملك با إحراج: أنا أخته مش مراتة الف مبروك نورتينا يا جميل انتي بقى بنت مين شروق بلعت رئها: بنت عائلة المحمدي ملك: أهلا وسهلا يعني تقربي لليان و مراد _اه _طب فين رحمة ا محدش رد بسبب حزنهم علي بنت عمهم و الكبار حزنهم علي بنت اخوهم الي أتدفع تمن ملهاش ذنب في إيه مليكة أخيراً خرجت من صمتها: ابقي أقولك يا ملك

قام أنس بضيق وخنقه فكل ميفتكر اني أخه الي هي مش أخت لي بس دي نور عينه دي بنته الكل حس في إيه لانهم عارفين رحمة بنسبة لانس إيه مش با النسبة لانس بس فهي عند كل واحد في العائلة حاجه مميزة معاذ شد أنس وقاعده فتكلم زين: علفكره أنا كلمت روما ( رحمة) وأطمنت عليها وقالتلي انها كويسة معتز: و أنا أطمنت عليها إمبارح حاتم: أبقي أكلمها وأطمن عليها سليم: أنا بقي أحسن منكم روحتلها وجبتلها جميع الشوكلاتات وقعدنا نتكلم

ونضحك فوق الساعتين معاذ: انت بتهزر ولا بتكلم بجد _لا يا أخويا بتكلم بجد و بكرة هجبها تقعد معانا مليكة بدموع: قالتلك إيه _قالتلي أنها مبسوطة ومفيش اي حاجه عملها مراد وضيقيها فيها ملك الدموع اتجمعت في عينيها لانها فهمت قصدهم: هي رحمة اتجوزت مراد قالت كده ودموعها نزلت أنس مستحملش أكتر من كده وقام ولسه ايخرج من الشقة وقفه الجد _عاوزك يا أنس معاذ بغضب: وانت مفكر انه لو عملها حاجه رحمة هتحكي

عمر: هي لازم تتطلق من البني ادم ده إحنا من إمبارح مش عارفين ننام بسبب التوتر والخوف عليها معتز: ومكلمتهاش ليه عبد الرحمن: لازم تفهموا اني هي خلاص بقئت مراته خفكم ورعبكم ده مش هيفيد في حاجه وانتوا بتبكوا ليه معاذ: أمال عاوزنا نبقي هادين وباردين يا بابا إحنا منعرفش اذا كانمد إيده عليها ولا لا وإحنا معقدين بنت خالة في شقة و حاتم من أول مدخلت البيت وهو بيعملها أفضل معاملة

يحي: ربنا تعالى الي قال كدة في كتابة الكريم بسم الله الرحمن الرحيم ﴿وَعَاشِرُوهُنَّ بِالْمَعْرُوفِ﴾ (النساء: 19) دخلت في الوقت ده منال وأتكلمت _يلا يا شباب الاكل جاهز على السفره، قاموا الشباب عشان يروحوا يقعدوا عبد الرحمن: يلا يا بنتي واقفه ليه شروق: أنا عايزه تليفوني مش عايزه أكل منال: ليه يا بنتي انتي ما اكلتيش من إمبارح قربت منها سميه: يلا يا منال يلا يا بنات يلا يا حبيبتي تعالي كلي معانا

_لا شكراً أنا نازله اخد تليفوني بس قالت كدا و راحت ناحيه حاتم _عايزه تليفوني أتكلم يحي: انتي مش أتقعدي تاكلي الاول _لا شكرا لحضرتك بس انا مش عايزه أكل حاتم بضيق لسليم: فين التليفون يا سليم سليم: موجود في النيش قام حاتم راح جاب التليفون واديه لها _أتفضلي، أخذت التليفون شروق وطلعت على طول على فوق أما في غرفة الجد محمد دخل هو وأنس قاعدة الجد وبعدها أنس قعد واتكلم: ممكن اعرف مالك _يعني انت مش عارف انا مالي يا جدي

محمد بابتسامة: عارف بس عايزه أسمع منك قام أنس ولسه هيخرج مسك الجد ايده: هو أنا مش بكلمك أنس بضيق : أنت بجد يا جدي عايز تدخل ما بينه مراد وعشان كدة جوزتوا رحمة _وفيها إيه يعني ده أبن عمك _لا يا جدي عمر مكان مراد أبن عمي ده بيعمل المستحيل عشان يشوفنا واقعين الباب خبط ودخلت مني _الاكل جاهز يا محمد وبعدها وجهة نظراتها لانس: مالك يا حبيبي مضايق ليه

محمد بقوة هو و بيقوم: ميهمنيش أنت شايفة بيعمل إيه يهمني أني أنا شايفة عكس كده وهكدلك حاجة زي كدة وبا النسبة لموضوع رحمة أنا كسرتة بكلام مافيش اي راجل يسمعه و يوافق بردو يتجوز البنت دي قال أخر كلامته هو وبيخرج من الغرفة أنس طلع من الغرفة عشان يطلع على فوق مني بحدة _انت رايح فين يا أنس يلا عشان تاكل أنس: لا أنا مش عايزة أكل راحت مني ومسكتة من ودانة ودخلتة غصب عنه: يلا يا واد انت طويل كده ليه جايب الطول ده كله من فين

معاذ: كنت هزعل لو. مجبرتوش أنه يدخل وياكل أبتسم الجد وفي الوقت ده دخل سهر و روضة و محمود الي كان باين علي وشة الخنقة سهر: صباح الخير _صباح النور الجد: هو أنا مش بشوفك ليه يا محمود محمود: عشان تعبان و للاسف مموتش مني: يا ساتر من كلامك الكل بصوت واحد: بعد الشر عليك سليم: مقولتش ليه كنت جبتلك الدكتور مريم: وكنا كلنا حطيناك في عينيا لحد متشفي محمود: تسلمي يا خالتي هو في حد سال

أتعصب زين: والله أنت الي لو خد بالك إحنا اليومين الي فاتوا دول كان في مشاكل كتير معانا وأنت ولا هنا معاذ: أنت أساسا مكلمتش حد فينا ولا قولت هنعرف مينين أنس: يا أفندي أنا رنيت عليك بدل المرة الف وكمان طلعتلك الشقة وروضة قالتلي إنك مش موجود معاذ: رنئت عليه لقيته عملي بلوك عمر: يعني مش أنا الوحيد اللي عملي بلوك بس أنا واخد علي خاطري منك يا محمود

أنفعل زين: انتو بتقولوا إيه يا تافهين محمود ده واحد عاق عامل لابوه مش أيعملك أنت و للعائلة كلها بلوك ممكن يكون نسي يعمل لانس ملك: يعني إيه عاق زين: يعني ماشي بيوعرج متقولهاش قدامة كتيرة محمود لسه هيرد محمد: ونعمه ولاد العم بتتخانقوا وإحنا قاعدين الكل ياكل ومش عايز أسمع صوت اي حيوان سامعين بدأ الجميع ياكل بدون اي صوت _اما عند ساره وكيان دخلوا الشقه سارة قفلت الباب نظرت كيان بخوف لباب

كيان بخوف: أنا خايفه أنهم يعرفوا اني أنا هنا و يجوا يعملوا لك مشاكل سارة: ما حدش هيعمل لي مشكله ممكن بس تهدي و تقعدي قعدت كيان و اتكلمت: شفت المحامي اللي كان مع ماهر في القضيه _أيوة ما هو أنا جبت اسم عيله الرفاعي ده منو ما هو من العيلة دي كيان بصدمة: وانتي و ديتينا عنده _ما هي الست قالت لي انهم كويسين وان شاء الله يا كيان تطلقي من اللي اسمه ماهر ده و تيجي تعيشي معايا وتخلصي من القرف اللي انتي عايشه ده

كيان بضيق: مش لما اعرف أذا كان عايش ولا لا سارة: عايش إن شاء الله في المستشفى كان واقف حازم بضيق و جنبة وفاء اللي بيتكلم ماهر: انت لازم تربيها يا ماهر البنت دي مش متربيه خالص انت مشوفتش كانت واقفة ببرود إزاي وكانها معملتش حاجه لازم تقتلها حازم بخنقه: الحمد لله اني أنت كويس يا ماهر انا هامشي انا بقى عشان منمتش من امبارح سلام يا عمتي و أنصحِ ابنك نصايح اكتر و أكتر لحد ما يروح وراء الشمس ولسه هيخرج

رجع و بص لماهر: متسمعش كلام امك عامل مراتك با إحترام خليك محترم قال كده وسابهم ومشي عشان يرجع البيت وينام اما في بيت مراد كان واقف و بِيجهز وهي قاعده برة في الريسبشن سايبا في الاوضة يلبس كان بيبص في المرايه والتفكير فيها مش بيخلص هي عامله إيه طب أكلت طب عملوا فيها إيه لحد ما قطع تفكيره صوت رنة التليفون مسك التليفون ليتفاجأ أني المكالمه منها هي بسرعه مراد على المكالمة: الو يا حبيبتي عامله أيه

شروق من الجهه الثانيه: الحمد لله انت عامل ايه يا حبيبي مراد بسرعة: انا كويس طمنيني عليكي انتي _انا بخير طول ما انت بخير _حاتم عمل فيكي حاجه شروق: لا معملش حاجه انا اساسا نمت لوحدي في الشقه وهو نام تحت عند ممته حس براحه مراد: طب في اي حد عمل لك حاجه _لا بالعكس دول كويسين جدا وما حدش فيهم أتكلم معايا بس على فكره هم زعلانين على موضوع رحمة جدا وحكت له على اللي حصل ما بينهم و المناقشة اللي حصلت

مراد بغضب: اللي قال انه عايز حاتم يعاملك وحش اكيد حد من اخواتها انا ليا حساب معاهم ومتخافيش يا حبيبتي ما حدش يقدر يلمسك أو يقرب منك طول ما أنا عايش شروق: متاكده يا حبيبي طول ما انت جنبي انا عمري ما اخاف مراد: يومين و هتكلم مع محمد و خلية يا خلي حاتم يطلقك شروق: هو أنت قربت من البنت دي _بتقولي ايه يا شروق انتي إتجننتي اقرب من مين انتي عارفه انك انتي الوحيده اللي في قلبي والوحيدة اللي ينفع تبقى مراتي بس

_بس سليم بيقول إنك إمبارح عملتها بطيبة وحنية وطلعت حنين وطيب اهو ولو مطلقنيش حاتم هتعمل إيه ولا أتكمل معاها و تسيبني أعيش طول عمري معاهم _الكلام ده كلة كذب أنا نومتها علي الارض إمبارح ولسه الي جاية أوحش و جوازي منها كان عشان أرجعك و أكسرها و أفضحها في المنطقه كلها و أندم عائلتها و أحرق قلبهم عليها و حقي وحق امي و أبويا أرجعة وحرق قلبهم علي حاتم عشان إتكتبتي علي أسمه في أقرب وقت ممكن

_ماشي يا مراد و أنا واثقة أنك أترجع حقي وحقك و حق خالتو وتنهي العائلة دي سكتت شوية…. هقفل معاك عشان لاحد يسمعني _خلي بالك من نفسك _ماشي هكلمك علي با ليل _ماشي هستني مكالمتك كانت واقفة بره وسمعت كل كلمة قالها دموعها نزلت يعني هو أتجوزني عشان يكسر أهلي طب أنا ذنبي إيه وأهلي ذنبهم أيه وحاتم ذنبه.. سمعت صوته بقوة: انتي يا بت مسحت دموعها عشان متباين أنها سمعت أي حاجة دخلت بخطوات متردد _نعم يا مراد _عملتي الشوز _اه

_طب جيبي راحت وجابت الشوز قربت وقفت هي وبتبصلة بعدم فهم هو أزاي كده عايز يكسر بنت عمه ويقتل أبن عمه، بس لا هي متاكدة اني جوه الشخص ده إنسان كويس وهي هتخرج الانسان الي جوه زي م سليم قالها و هتخلية يرجع يعيش بينهم حطئت الشوز وقعدت قدامة علي الارض وابتسمت _علفكره سليم قالي اني في سهرة بكرة بيعملوها الشباب علي با ليل كل أسبوع لو عاوز تروح وتقعد معاهم _لا متشكر _طب بكرة الجمعة أيه رايك نروح نفطر بكرة معاهم _لا _طب

إيه رايك مراد با إنفعال: لا لا اي حاجه تخص أهلك ردي عليها هيكون لا _خلاص براحة متزعقش هروح لوحدي أنصدم مراد من رد فعلها قام بغضب ومسكها من هدومها أنتي بتكلمي كده ليه يا بت انتي _بتكلم عادي _إتعدلي بدل معدلك قال كده هو و يرميها ناحية السرير وخرج من الشقة نزل علي تحت من غير ما يعدي علي جده وفتح المحل نزلوا الشباب هم كمان وفتحوا المحل بِتاعهم وانس فتح الورشه بتاعته وبدا كل واحد يشتغل وعلى العصر نزلت منه

شافها أنس وقرب منها: يا صباح الجمال انا زعلان منك على فكره بصيت له منة بضيق ولسه هتكمل وقفها أنس _يعني كده جوزك يا غيب يومين وما تساليش عليا _جوز مين يا متخلف أنت أنس: وكمان بتخلطي على فكره الحساب ثقل يا بيبي _ان شاء الله ينكدوا عليك يا شيخ _هم مين _العفاريت اللي لبسك نفخ أنس: بصي يا منه يا حبيبتي انتي لازم تفتكري كل حياتك أنا مش فاهم إزاي تنسيني هو في حد بيِشوفني و ينساني

منة: عندك حق والله هو في حد يشوف واحد رخم يتدخل في خصوصيات الناس وينساه _لا أنا ما اسمح لكيش أنا بتدخل في خصوصيات حياتي بس أما البنات الثانيه انا ما ينفعش ادخل في خصوصيتها عارفه ليه _ليه اوعي تقولي عشان محترم _لا يا حبي عشان قلبي خطفه واحده اسمها منه _حد قال لك قبل كده انك انت دمك تقيل _وبارد وصايع يلا بقى سمعينا القصيده بتاعتك نفخت منه ولسه هتمشي وقفها هو تاني منة: هو انت عايز إيه مني يا بارد _رايحه فين

_رايحه مكان ما رايحه انت مالك _لو قلتي الكلمه دي تاني يا منه هدفنك مكانك أنا ليا علاقة في أقل حاجه في حياتك _على فكره بقى انت لو قربت مني تاني انا هروح اقول لعمك وهو يتصرف معاك هي وصلت معاكي للتهديد _اه و براحتك ومشيت و سابته راحت تقابل يحيى اما في مطار كان قاعد ياسين سعيد فالنهارده هيشوف اهله وعيلته واصحابه واهم حاجه انه هيرجع بلده أبتسم ابتسامه خفيفه هو مقلش لاحد حابة يعملهلهم مفاجأة أما في محل مراد دخلت شهد

_إيه يا حبيبي عامل إيه _الحمد لله انتي عامله أيه يا شهد قعدت شهد: الحمدلله امال ما عدت علينا ليه _عشان مش عايز اسمع قصيده حياة أنا تعبان لوحدي _معلش يا حبيبي فتره وهتعدي اما فوق كانت واقفه وتخرج الفلوس من الشنطه حياة: اهي كل الفلوس اللي طلبتها يا بلال أنا عايزاك تدمر بيت عيله تندمهم انهم خادوا أختك بلال: متخافيش يا ماما الرجاله اللي انا مجرهم اتخلص عليهم ومش هيقدروا يعملوا حاجه حياة: هو ده اللي انا عايزاه

_يلا أنا همشي عشان اتفق مع الرجالة _ماشي وأنا هطلع اشوف الهانم اللي فوق قالتها و طلعت على فوق وبلال مشي كانت قاعده بعد ما خلصت تنظيف الشقه و بتقرا قران سمعت صوت خبطات قوية علي الباب قامت وفتحت الباب و تفاجئت بحياة حسيت با الخوف فحاولت تبين انها مش خايفه ولا مرعوبه رحمة: محتاجه حاجه حياة رفعت حاجب: عاوزكِ تنزلي و تنطفئ و تجهزي الاكل رحمة بهدوء: بس مراد مقليش اني أنا اعمل كده _أنا اللي بقول مش هو اللي بيقول هنا وكلمتي

انا اللي بتمشي رحمة: كلمتك بتمشي على اللي في البيت بس مش عليا أنا بتمشي بس كلمه جوزي عليا وبعد اذنك عشان عايزه انام إتعصبت حياة ومسكت رحمة من شعرها وهي بتضرب فيها رحمة كانت بتحاول على قد ما تقدر أنها تدافع عن نفسها رميت رحمه على السلم بعد مضربتها ضربات شديده جداً ونزلت على الشارع تحت بسرعة و بعدها دخلت المحل كان قاعد هو وشهد يشتغلوا أول ما شافوا شكلها با المنظر ده قاموا بسرعه راحت حياة على مراد: الحقني يا مراد بنت

عائلة الرفاعي ضربتني شهد: ازاي يعني _رحت وطلبت منها انها تعمل الاكل راحت عملت كده مراد: ما فيكيش حاجه يا مرات خالي إطلعي يا شهد خلي البنت دي تنزل تنظف الشقه وتعمل الاكل _هو ده كل اللي هتعمله يا مراد _امال عايزين اعمل ايه يا مرات خالي _بقولك ضربتني _لما أطلع يا مرات خالي همسح بيها البلاط و أخليها تعتذر حاجة تاني

حياة إتعصبت وطلعت على فوق أما في محل الرفاعي كان قاعد عمر وبيكلم واحدة ومرجع ضهرة وبيتكلم بتوهان معاها لقي الباب أتفتح ودخلت كيان وسارة _السلام عليكم أنا جيت الصبح وفي حد قالي اني انا اجي على المغرب و هلاقي محمد الرفاعي معاذ: اه بس جدي مش موجود دلوقتي سارة: طب هيبقى موجود امتى دي تاني مره اجي _معلش ممكن تسيبي رقمك وانا هكلمك اول ما يجي كيان: لا خلاص شكرا قالت كده وهي بتشد سارة وخرجوا من المحل كيان: أنا زهقت

على فكره وفقدت الامل سارة: متقوليش كده بالله عليكي هو بكره هنيجي وهنلاقيه شفتي المحامي كان قاعد وبيكلم واحده كيان: اه _اكيد بتاع نسوان كيان: عندك حق أما في بيت عائلة الرفاعي كانوا حريم بيت عائلة الرفاعي متجمعة مني: هي البنت دي مش أتنزل تقعد معانا سمية: مش عارفة يا ماما منال: طب متروحي تنديها يا ملك تقعد معانا مريم: بلاش إحنا لسه منعرفهاش مليكه: هو إحنا بنحكي أسرار يا ماما

سهر: مريم عندها حق يمكن البنت تتبلي علينا أوتعمل حاجه أو تحاول توقعنا في بعض زي مامها عملت زمان مني: ولسه بتوقع مبينا وبين حفيدي ليان: شروق طيب مش شبه مرات خالي ملك: بردو إحنا منعرفهاش ولا عشرنها ليان: الي انتوا شايفينه وبالليل كل واحد خلص شغله وطلع علي بيتة في بيت عائلة المحمدي دخل مراد عشان يلاقي حياة قاعدة وباين عليها الغضب مراد: مساء الخير مالك يا مرات خالي قولتلك هجبلك حقك حياة بغضب: شهد مخلتيهاش تعمل حاجه وجابت

أم سيد هي الي تعمل مراد: ليه يا شهد شهد بغضب: عشان حياة مسكت البت وضربتها والبت يعني كان متقطعة شعرها و كانت شوية وهتموت في إيد حياة تخيل بقا لو البنت دي كلمت أهلها وقلتلهم محدش أيسكت و هيعملة في شروق كدا نفخ مراد: أنا طالع قال كده وسابهم وطلع كانت قاعدة وبتبكي بقوة سمعت باب الشقة بيتقفل قامت بسرعة من علي السرير بخوف ورعب هي وبتقرب رحمة بتردد: مين

دخل مراد وبصالها بصدمةمن منظرها عيونها كانت ورمة من العياط وعيونها وشفايفها حمراءة مراد لنفسه: وعاوزني أرجعلها حقها ده أنا عايز منها رحمة بدموع حضنته بشدة: مرات خالك ضربتني صعبت رحمة علي مراد: خلاص متبكيش حقك عليا رحمة خرجت من حضنه وابتسمت و راحت وفرددت نفسها علي الكنبة أما في بيت سارة سمعت خبط قوي علي الباب قربت و أتكلمت _مين كانت كيان واقفة وراها بخوف شديد _افتحي عاوز مراتي

في بيت عائلة الرفاعي أتجمع الكل علي السفرة في أنتظار حاتم ومراتة في شقة حاتم _يلا عشان تنزلي تاكلي معانا _أنا مش عايزة _لا هتنزلي وغصب عنك الا والله العظيم لمخلي اليلة أنهاردة ليلة دخلتك ومحدش هيمنعني _أنت اتجننت _لا متجننتش أنتي حلوة وأنا أساسا مش بحب مراد فا هتبقي فرصة أكسر مراد بيكي فا يلا قولي حاضر وانزلي هزت راسها شروق غصب عنها ونزلت معاه و بدا الجميع الاكل وبعد ربع ساعة تقريباً

في بيت حازم كان حازم نايم على الكنبه بيتفرج على فيلم الباب خبط _إفتحي يا ماما أتنهدت وقام وراح يفتح الباب عشان يتفاجا با الي واقف قدامة حازم حط إيدة علي رأسه بعدم تصديق _ياسين ياسين حضنه بقوة وحازم ضمه لي بقوة: انت كنت بتكلمني إمبارح مقولتش ليه انك جاية ياسين: مفاجأة ضحك حازم: يا ماما يا بابا ياسين رجع خرجوا و بدأ سلمات بينهم والاحضان لابنهم الي مسافر بقالة أكتر من 3سنين

وفي نفس الوقت في الشارع دخلوا ناس المنطقة يبان عليهم الاجرام ماسكين في إيديهم معدات كتيره قرب واحد هو وبيخرج زجاجة وبيولع في داخلها نار وبيرميها ناحية محل عائلة الرفاعي الرجالة بصوت واحد عالي هز المنطقة: يا محمد الرفاعي كانوا قاعدين بعد مسمعوا النداء ده قام الجميع من علي السفرة با خضه وراحوا ناحية البلكونة أتصدم الجميع من الي شافوا محلهم بيولع و ناس واقفين سليم: مين دول معاذ هو وبيخرج بسرعة هو وأنس: هو أنت لسة هتسال

ونزل علي تحت عند حازم و ياسين حازم: إيه الصوت ده قال كده هو وبيروح علي البلكونة قام ياسين وراها وتفاجوا من المنظر حازم: ده سليم والشباب بتخانق أنا نازل قال كده هو وبيلبس الشبشب ياسين: إستني هاجي معاك باين عليل هرجع لشقاوة بتاعت زمان والدته: انت بتقول إيه أنت لسة راجع من السفر وتعبان _حتي لو بموت مش هسيب صحابي وعشرة عمري يتخانقوا وأقعد أتفرج عليهم

والده لسه هيعترض، كان خلاص نزل في بيت عائلة الرفاعي كانت واقفة وبتبص ومصدومة خرجت شروق من بلكونة الجد ودخلت المطبخ خرجت تليفونها هي وبتتصل علي مراد أما في بيت عائلة المحمدي كانت نائمه علي الكنبة لحد مسمعت الصوت وخرجت عشان تشوف رحمة وشهقت بصدمة وعدم تصديق _يا اللهوي مين الناس دي خرجت بسرعة أول مفتكرت مراد عشان تلاقي مرجع ضهرة وحاطط الايربودز و بيتفرج علي فيلم

رحمة: الحمدلله ده لو نزل كان أيولع الدنيا أكتر خلي بلال يارب تقع يا بلال في إيد أنس أو معاذ أو سليم عشان يكسروا وشك الي عليه الإبتسامة جوة عند مراد قطع مشاهدته رنة تليفون رد لاكن أول مرد إتفاجاء من نبرة صوت شروق: أنت فين يا مراد أحفاد الرفاعي نزلوا يتخانقوا مع بلال وحاتم هددتني أنه أيلمسني أنا عاوزك تنزل يا مراد وتقتل حاتم دي فرصتك الوحيدة… ….. لو عايز الرواية كاملة اضغط على : (رواية أحفاد الرفاعي)