رواية احفاد السيد : الثار ( بأجزائها الإثنين ) الفصل الثالث وثلاثون 33 - بقلم ​رُقَـيَّـةُ الْأَكْـبَـرُ

بسم الله الرحمٰن الرحيم
اللهم صّلِ على محمد وعلى ال بيت محمد

﴿الباقيات الصالحيات ﴾
الحمدالله
سُبحان الله
الله اكبر
لا اله الا الله
لا حول ولا قوة الا بالله
حسبي الله ونعم الوكيل

الکَـــاتـبة ﴿ رُقــيّــة الأكـــبِـــر ﴾

بقلمي روايــة ﴿ ضـحـايـا الـثـأر ﴾
➖ المعروفة بأسم ﴿ أحـفـاد السـيد : الـثـأر ﴾

✨ التَـــعـِب عليــنـا والتــفاعــل عليـــكم ✨

______________________★______________________

_ لمُتابعة حساب الكاتبة _

انستكرام || o.oll13

تيك توك || oo_ll13

قناة الابطال الرواية تلكرام || ali_bakiir

قناتُنا تلكرام || oo_ii13

واتباد || oo_ll13

______________________★______________________

- أمــي ترفة وچف صبرها شكد حنين
أمــي من أذكر أسمها اقرأ الفاتحة لأم البنين

______________________★______________________

″″″″ صَــــيـوان ″″″″

رجعنا للعمارة أنا و حامِد المتقين لأن أكو كم شغلة اريد اوصلها لعلي الباقر
ولأن مابية بعد ارد لبغداد اختصرت الوقت علينا واخذت الميرزا وياي

ولمن وصلنا ودخلت گاعي وكفنا على درج الباب وحط ايدة على متني وأردف وياي

حامِد المتقين :: يلا خوة جيبلي الأوراق حتى اتوكل

صــيوان :: شسالفة خوية مطرود حتى من الباب وتروح مااكو تطب وتكعد نتغدة وترتاح وباجر ان شاءالله ياالله اخليك تروح

- بس صيوان احس زحمة من اهل بيتك

- هي شني الزحمة غير اهلك وناسك والبيت بيتك تعال يا خوية

ولمن صعدنا وصرت يم الباب دخلت المفاتيح وراد يدخل حامِد المتقين وياي
سمعنا صوت صياح أمي من المطبخ كالعادة يا سادة گاعدة تتعارك وي دريــة

شفت شاون حامِد المتقين رجع خطوة لورة وأردف وياي ..

- انا اكول اتوكل اكعد بالديوان أحسن بهواي خلي اهل بيتك ياخذون راحتهم أشوفك هناك وفدوتك خوية من تجي جيب وياك جهاز فحص السكر احس السكر مالتي هبط من الطريق ..

عافني وراح وانا شرارة العصبية تطير من عيوني
حيل خجلت الميرزا هيچ يصير كدامه شنيي شيفكر

انا صيوان الضابط المركز كلة مابية اضبط نسوان بيتي ؟؟

فتت لجوة للمطبخ لكيت الكاع متروسة كزاز واكو دم على الأرض ما اعرف منين مصدرة

وامي جانت عارضة بالمطبخ ودريـة متكترة ...

أم دهـام :: كم مرة لازم اعلم بيچ ؟؟

صــيوان :: شنوو صاير هناا ؟

- تعال يمة تعال شوف مرتك الشفية شلون چاعدة تغسل المواعين من ورة خشمها

صــيوان :: شنيي هذاا الكزاز البلكاع ؟ وهذا الدم شنهيي منينن أجة ؟

زحت الكزاز ابرچلي لان تكرمون جنت لابس حذاء ووكفت كدام مرتي دريــة
وهي من كد ما جانت خايفة صارت بظهري ولزمت أردان ايدي

ام دهـام :: الگزاز هذا من ورة هي بنت أبليس خلتني اعصب واشمر المواعين من الكاونتر للگاع روحت امواعيني هي السافلة .

صــيوان :: يمةة لا تغلطين يعني أنتِ العصبتي وشمرتيهن لازم مرتي تتحاسب ؟

- بس هذا شغلها شنيي دريـــة خانم تريد تچيب الها خدامة ؟

- دريــة حامل ومابيها التعب انا مو كعدت وياكم وكلت الكم شغلها وكلشي عليها يتحول لعزيزة وهي بسس تهتم بنفسها و بأابنـي صمود !؟؟

- شنيي اول وحدة تحبل هي ؟؟ اشو نحن كلنا حبلنا وجنا الصبح نخلف ونطلگ بالغرفة لا دكتور ولا مستشفى والعصر تتلگانا متعصبين الراس ومتحزمين ونغسل البيت لچل الخطار الراح تجي تبارك النا شنو التغير هسةة ؟؟ عيني الحامل ما تكدر تشيل ماعون

- يمة الحمل مو ثابت تردينهاا تسگط ؟

- وشنووو يگرة عيني الطفل املزكتة بعلچ ؟؟ ترى طبگت شهرها السابع لو غيرها جان حافت البيت حووف لو بلة ببيت لوحدكم شلوون بيك ؟؟ تحفحف الوساخة منا ومناا لو تكوم وتنضف ؟

- ما اخليها تشيل الريشة انا انضف ابدالهاا

- ترى محد امطلع عينها غيرك ؟ كلنا حبلنا وچبنا ونجنا قناني نشيل وابطوننا لحلكنا ماكلنا اخ ظهري يمة ابني راح يروح ؟

- هي انتِ وامثالچ امثال مرتي الكلاص ما تشيلة وهذا التصرف اذا انعاد راح تجبريني اخذها ونطلع من البيت كاافي يمة اچفيها من شرچ اذا مو لخاطرها لخاطر ابني الشايلتة لخااطر ابني لهناا وكاافي .. امشي دريـــة ..

- وشنييي يمةة ؟ هذني المواعين الباقية منو يغسلهن ولا تكلي عزيزة بنتي ما تسوي شغلها وشغل هي السحلية تريد لو تموت ما اخلي اخيتك تشتغل خدامة عند هي بنت أبليس ..

- انا راح انزل واغسلهن وحتى المواعين الانكسرن انا اعوضج واجيبلج سيت كامل مو قحط يعني بس كفيناا من السانج ولا تحجين وي دريـــة !
يلا بوية امشي دريتــي ..

لمن رادت تمشي عرچت رجلها رفعت ثوبها لكيت الدم الترس الكاع
من كعب رجلها مشگوك بالكزازة

حجيت وياها و صحت ابصوت عالي لأختي وبعد ما اجتني تركض ..

صيوان :: الدم هذا من رچلج ؟

دريــة :: صيوان حيل تأذيني مااكدر ادوس عليها

- سودة ابوچهي .. عززيززة !! ولججج عززيززةة !!!

عزيزة :: اجيييتت هااا صيوان ؟

- تعااي أكنسي هذا الكزاز وديري بالج لا تتعورين لو كزازة ناعمة تفوت لرجلج وبدربج سوي صينية حطي بيها چاي مر بدون شگر و ماي ووديها لديوان حامِد المتقين أجة وياي

عزيزة :: حامِد المتقين هناا ؟

- لاا ابن عمة شمالج مو جي احجيي ويااج ؟؟ سووي الكتلچ علية وهم اخذيلة جهاز فحص سكر الدم مال امي وكليلة مدة قليلة وصيوان يمك ..

عزيزة :: هي هية خوية راح اسوي كلشي تدلل علية

- وأنتِ دريتــي تكدرين تمشين ؟

دريــة :: صيواان مابية اضغط على رچليي ابد جي تأذيني

بقيت اتنوع الها وماعندي بس خيار واحد وبعدة لو بالهدف لو بالنچف
لزمتها وشلتها وخليتها أبين أيدية وطلعت المطبخ كدااميي درچ ؟

و جانت دريــة فوك وزنهاا وياها وزن ابني وبطنها تطخ بية ! كلت ياعلي وصعدت الدرچ بيها واذا وكعنا نحن الثلاثة فااا قدر الله وما شاء فعل هههه

بس عدت سلاماات فتت للغرفة وكعدتها على الجرباية ورفعت ثوابها لحد الركبة
وسحبت كرسي كعدت كدامها وجبت علبة الإسعافات الأولية

وشلت رجلها ردت اخليها بحضني حتى اضمدها
هي رفضت وسحبت رجلها ولزمت ايدي وأردفت وياي

صيوان :: هيي ليش ؟

دريــة :: لاا صيوان انا ما اقبل اخليك تلزم رجلي مو ادور تخليها بحضنك مستحيل اتقبلها تنزل من روحك هلگد

- ترى انا ضابط هيبتي ورتبتي فقط برة وي الناس الخارجية انا ما اقبل انزل من نفسي كدامهم بس اهناا انا زوچج انا ابنج انا حبيبج انا صديقج انا اخوج انا ابوج وعمج وكل الدنيا بالنسبة الج حتى ولك اقبلها منج هنا

- اعرف صيوان بس انا ما اقبل هيج تسوي انطيني انا اضمد رجلي

- وين راح تلوحين رجلج وهي القنبلة جدامج ؟

- لا راح اكدر واسيطر انطيني وشوف

- هاچ شوفيني شلون راح تعالجين روحج يالتكدرين

اخذت الگطن من ايدي الجان بية مُطهر الجروح وصارت تحاول توصل ايدها لكعب رجلها بس بطنها مترين لكدام جانت مشلوعة كلب وهي تحاول لزمت ايدها انا

واخذت منها الگطن وشلت رجلها خليتها بحضني " على رجلية "
وطهرت الجرح واتأكدت ماكو كزازة ناعمة داخلة مناا مناا ولمن اتاكدت وخلصت اخذت الشاش ولفيت رجلها بي

ومن كملت بقيت مدنك اباوع لرجلها شلون اتأذت وجي تتاذة بسبب أمي وهي ما تحجي ولا تشتكي ابد دنكت حيل وبست دريــة من رجلها المجروحة واردفت وياها

دريـــة :: لااا صيووان هي شنو يسموهاا ؟؟

صيوان :: اسف

- على شنو تتأسف ؟ شنوو سويت أنتَ حتى تتأسف مني ؟

- اسف لان جي تتحملين كلهذا من امي لخاطري امسحيها ابوجهي وسامحيها الله يخليج هي طبعها هيچ اعذريها

- صيوان والقران الكريم جي اشوف امي بيها لهذا انا متحملة وما جي اسويلها شيء

- انا ادري هيج تسوي بيج الما يتسولف بغيابي وأنتِ الج حلگ ياكل ما يعرف يحجي

- كتلك صيوان اعتبرها امي مااكو بنت ترد ابوجه امها لو تشتكي منها وتحجي عليها

ضحكت ابوجهة ونزلت رچلها بهيدة وكمت عدلتها وخليتها تنام صفح حتى ترتاح
غطيتها ومشيت ايدي على شعرها واردفت وياها ..

- ارتاحي ونامي تعبتي هواي ..

- وين رايح أنتَ ؟

- نازل لجوة اكمل شغلچ بالمطبخ واطلع ابوجهي لديوان

- خوش يروحي

- يلا يا عزة نفس صيوان غمضيلي عيوناتج ونامي ولا تتعبين اميري النائم هنا

- هناا الحجي أنتَ كاتلك الأمير ما هامتك انا !؟

- دام مهتم للأمير اكيد مهتم لأمة يعني لولاها چان ما صار

- ممم راح احاول اصدك كلامك ههه

- صدكي جعل محد غيرج يصدك .. صددك دريتــي چا صميدة وينه ؟

- اخذاه دغار لان انا اتصلت على حبيبة وطلبت منها يبقى يمها وتهتم بي لان ادري بيها تحبة وهم رويدة تتونس وياه وانا تعبانة وماكدر على حركاتة

- اهاا زين سويتي يلا ارتاحي يعزة صيوان ..

- صيوان

- عزتــة وهيبتة

- أحبك حيل يا ابو الأمير

- وانـا عايش على عيونج الحشيش يـا كل صيوان يلا شوفي وجهج شلون متغير لونة نامي وريحي بالج يبعد عشيرتي ..

بستها براسها ونزلت الدرج رحت المطبخ اخذت اشيل بالمواعين وافصل حتى اغسل بسرعة اجت امي وأردفت وياي ..

ام دهام :: لا يمة عوف من ايدك انا اسويهن روح شوف ضيفك !

- چا ليش ما كلتي هيچ لدريــة ؟ ليش مخليتها تغسل ؟

- ماكو داعي نحجي على دريــة هسة

- ليش هيچ تكرهينة

- صيوان روح شووف ضيفك يمةة رووح ..

- حقچ ما تجاوبين لان مااكو شيءء يخليج تكرهينها

بقت تباوع علية وما جاوبت غسلت ايدي ومسحتهن وطلعت من المطبخ وانا گاصد اروح للديوان أكعد وي حامِد المتقين

______________________★______________________

""""" عَــــزيــزة """""

جبت المكناسة وكعدت اكنس الكزاز ولمن كملت كمت وخليت الماي على النار واردفت وياي امي ..

ام دهام :: لحد هسة ما مصدكة هي السحلية حامل !

عزيزة :: لا تخافين عليها هيج نماذج يعيشوون ..

- لجج اريد افهم شلون قنعت ابني صيوان ولعبت بعقلة شلوون ؟؟ وهو جان ما يشوفها بس مرة اخو ؟

- اصوج بتكتم لوو متزوجة صيوان جان ما صار كلهذا وانجبرنا نتحمل هي الحية !

- هي تكتم الثانية همم الله لا ينطيهاا ضيعت روحها وضيعت ابني بشبكة هااي

- خلص يمة شأنا او ابينا درية صار وحدة من اهل هذا البيت

- أنتِ شبيچ هيجي باردة ؟ لو سحرتج أنتِ هم ؟

- يمةة لا سحرتني ولا هم يحزنون بس شنو بيدنا نسوي سمعتي صيوان هددج اذا ضوجتيها لو تعاركتي وياها راح يطلع بيها لبيت لوحدة اني اكول حافضي على الدرية لخاطر ابنج لان حالياً هو كدام عينج لا تخليها تاخذة وتروح بي

- اذبحهاا والله ما اخليها تتهنى وي ابني هي بنت ابليس بس ابوها ردادهاا اني اعلمها الا اراويها ام دهام شنيي

- سوي التردينة انا راح اجهز الجاي والماي للضيف واروح اضيفة ..

عفت امي وصعدت لفوك جبت جهاز الفاحص ونزلت سويت الصينية وحطيت الجاي والماي والجهاز ولبست شالي وصايتي وطلعت رحت لديوان

وجان براسي يفتر سؤال رغم هو اخذ رقمي فكرت راح يتصل بية بس ابد ما اتصل ولا سأل ! وانا كضيت نفسسي ما راسلتة ولا اتصلت علية كلت لمن هو يبادر ويراسل

فتحت الباب لكيتة كاعد ومخلي المخدة بحضنة اول ما شافني وخر المخدة وكام اخذ الصينية مني وكعد كعدت كدامة وانطيتة الجهاز واردفت وياه ..

حامِد المتقين :: عنچ خوية ..

عزيزة :: اتفضل ..

- زاد فضلج خويـة

- هذا جهاز الفحص كال صيون تريدة

- اييي رحم الله امچ وابوچ

- تدلل

اخذاه من ايدي وأردف وياي وهو يرجع ينطيني الجهاز

- عادي اطلب طلب ؟

- أيي كوول

- هاچ ممكن تحطين دمج اشوف نسبة السكر عندچ ؟ هو أنتِ السكر مالتج طبيعي مو ؟

- اييي طبيعي

- چا زين هاچ انطيني التحليل

- ثواني اسويي

اخذت الجهاز منة وسويت بي فحصت سكر الدم مالتي ولمن طلعت النتيجة اخذ الجهاز مني وشافهة ورجع سوة لنفسة حتى يقارن بين نسبة دمة ونسبة دمي انا الطبيعية واردف وياي ..

- جنت حاس والله السكر مالتي هابط شوي !

- اءءء لازم تاكل شيء حلو على الاقل حتى يتوازن

- اييي هاچ بس خليلي شگر شوي على الچاي

- صاار هسة اجيبلك ما اتاخر

طلعت اركض دخلت لبيتنا أخذت الشگردانة ورجعت طلعت الة عدلت صايتي وعدلت حجابي ودخلت الة انطيتة الشگردانة اخذها وحط گفشة وحدة شگر
وأردف وياي ..

- تعبتچ وياي معانا صاحب السكر هههه

- لا شسالفة ماكو تعب بس بعدك صغير على السكر !

- هي بعد حظيي محروم من الحلو والمالح

- بيك ضغط ؟؟

- اييي

- شسالفةة ترى بعدك شبااب وينك وين السكر ؟

- هي بعد من انا وصغير ولحد ما كبرت واكع وكعة على الملح والحلويات بالجامعة عرفت عندي ضغط كطعت الملح ودبنت الحلويات وقبل سنة صار بية سكر

- الله يشافيك ان شاءالله

- مابيهن شفاء بيهن تعايش وانا اتعايشت وياهن الحمدالله

- ااييي الحمدالله

بهذا الوقت فات علية صيوان وانا واكفة ودعتهم وطلعت ..

صيوان :: هاا ابو كرم ؟

- هلا خويةة

عزيزة ؛؛ انا طالعة صيوان محتاج شيء ؟

صيوان :: اذا احتاجيت اصيح الچ

عزيزة :: تمام خويةة في امان الله

تركتهم وطلعت رحتت ليم الساچية وكعدت اتمشى على حوافها واجاني مكرم ابن عمي

مكرم :: اعزيزةة

- هلا مكرم

- شنهي ولچ شتسوين اهينة ؟ موش الچ هذا المچان

- مادري جي افكر ولكيت روحي هناا بنص هذا البستان !

- ارچعي للبيت وفوتي اهچدي لا يگب علينة اخوچ ترا مالي خلگ اكتلچ انتِ وياه

- ههههه لا تخااف ماراح يكب عليك وماراح اتاخر شوي وارجع

- خوية لا تتعوين هنية ارچعي واستري علينةةة

- وعلي ما اطول هسة دقيقتين تعال يمنا للبيت تلكاني

- خووش لا تتعطلين

- ان شاءالله..

عافني ورجع لشغلة يشتل بالحديقة صفح الديوان يريد يسوي شجر
كملت انا مشي بأراضينا ومادري شنو إحساسي أحس انا طلعت بس عزيزة بقت جوة بالديوان !

وهو مَ شاء الله متكبر بشوفتة مانكدر نلمحة الا بسنة حسنة اووف لو نحن بغداد هسة جان ما اتحسرت هلكثر وكليوم يعزمة صيوان لعندنا والله ما اتعب لو كل يوم يجي انا اغسل امواعين العزومة وانا الاطبخ وانا انضف ورهم بس خلي يجي كليوم !

هاا عزيزة استخفيتي حييل !؟؟ محامي هو شايف وعايف بنات الجامعة وبنات بغداد وغير المحاميات الوياه بالمحكمة تردينة يفتر عليج لو ينضر الج ؟

هو هذا حضي ددووم يوكع وي الي موو الييي شمالني مدري شبية !

______________________★______________________

" مشهد من بقاع الارض ‚ قـــريـــة رَمــــاد "

< أريــــج الله >

بقى ينضر الي حَيرام وأردف وياي وهو يهز راسة بعد ما سمع كلامي ..

داسِم :: وشنو هذا الشرط ؟

أريج الله :: أنتَ تريدني زوجة زوجة حقيقة لو تريد فقط أسم زواج حتى تحميني من خالتك ؟

- أريج أنتِ ماصار الچ بس ثلث أشهر اهنا ونور عيني ما حسيت بهذا الامان الاحس بي يمج يم أي احد ! وجنت انا اكدر ائذيج بس كلبي جان يمنعني
جان يكدر داسِم يطلع عليچ بس حَيرام صار اقوة منة وصار يطلع حتى وهو بالقرية

- ما جاوبت على سؤالي ؟

- اريدچ زوجة حقيقية

- اذا قبلت هسة شنو يضمن بعد الزواج ما يطلع علية داسِم ؟

- حَيرام يـضمن ألچ

- ماكدرت تسيطر على نفسك كلهي السنين تريد هسة بسالفة ثلث اشهور كضن تسيطر ؟ سولفها على الدبة

- هسة أنتِ مو كلتي موافقة بس بشرط شنو هو شرطج ؟

- جان شرطي نتزوج على طريقتي الشيعية ما اخليك تتكرب مني اذا ما اضمن انا صرت مرتك وحلالك وعقد ابيناتنا السيد

- زين ؟ سهلة هي ننزل للولاية ونتزوج هناك

- وبعد اكو شيء ثاني

- الي هو ؟

- الشرط الثاني تعرفة بعد الزواج مو هسة

- هم مكضية ..

- حَيرام

- ها ؟

- اهلي شلون ؟

- شنو شلون ؟ تردين نروح ونكللهم يابة نحن راح نتزوج لو شني ؟ نسيتي وضعج اريج

- بس على الاقل اخواني لازم يصير عندهم علم !

- اريج شنوو مستحيل اخلي احد يوصل هي الارض لو على جثتي

- مااا يوصلون الارض وانا أصلاً مو مخبلة حتى اخليهم يشوفون انا وين عايشة وينشغل بالهم علية بس على الاقل لمن ننزل الولاية لنعقد هم موجودين وياي ؟

- وبلكي طلع ابوج مراقبهم ؟

- لاا ما اضن !

- زين وشلون توصلين الهم خبر ؟

جنت اريد اكلة عن طريق التلفون بس سكت بعدة كلبي ممرتاح من ناحية داسِم ابد لهذا غيرت الموضوع واردفت وياه

- هاااا صدددك ماادرييي چااا .. على العموم شوكت تريد الزواج ؟

- بعد باجر ؟

- خليها بعد اربع ايام

- ليش ؟

- اءء مادري احس احسن

- براحتج هو أنتِ شكد عمرج يصير نعقد زواج بدون ولي الامر مالتج موو عمرج صالح ؟

- عمري 26 سنة !

- اوو صالح وفووك

- اييي

- زين اذا هيج

باوعت لعيونة وأردفت وياه

- حَيرام!

- نعم

- أكوو شرط ثاالث لزواجنة هسة خطر على بالي

- الي هو ؟

- احلف تريد تتزوجنـي بس لان انت حسيت بأمان وياي ؟

- ونور عيوني

- احلف بأالله كول والله العظيمم اريد ازوجج لان صدك حسيت بالامان وياج وماراح ااذيچ ورب العالمين على كلامي شاهد

- اريج

- سويهاا يلااا حَيرام مو تريد تتزوجني وانا ما اتزوج كافر !

- والله العظيم اريد ازوجج لأن صدك حسيت بالامان يمج
ومستحيل ائذيچ لو على چثتي و الله عز وجل على كلامي شهيد

- وبعد اكووو شرط رابع !

- مو طوختيها ؟

- ترى ماراح اخذ منك مهر ولا شييء خليني اتشرط على كيفي شمالك ؟

- تمام اتشرطي يانور عيوني

- ايييي الشرط الرابع هوو اول ليلة النا نصلي سوة

- هااااا

- لا تسويلي شكلك هيچ كتلك ما اتزوج كاافر اناا وترى راح اتزوج حَيرام انا موش داسِم خلي ببالك

- ايي خير خير

دار وجه لتجاه البحيرة وانا اخذت ولبست الحلقة وبقيت أنضرله
ورفعت حاجبي وأردفت وياه ..

- أكوول حَيرام

دار وجهة الي صار يباوع بنص عيوني واردف وياي وهو مبتسم مطلعلي أنيابة لان فتح حلگة رديت علية

- كوليي

- بسس سدد حلگك اوول

- اهاا تمام تدلليين يلا كولييي

- انا مستعدة هسة اجاوبك على أسالتك الي ذاك اليوم

- أي اسألة ؟

- لمن كلتلي شلون تعبدين إله ما شافيتة ولا سامعة صوتة

- خلص انسيي

- لااا ما انسى راح اجاوبك انت غلطان اني دا اعبد إله اشوفة واسمع صوتة
دكلييي شلوون ؟ انا اكلك
أولاً اناا دا اعبد إله كل يوم أشوفة واول مرة اشوفة هو بمعاملتي وي اهلي وحسن سلوكي وأدبي وياهم اشوف رب العالمين بيهم
لمن اريد اطلع واوكف كدام المراية اشوف رب العالمين بالمراية حتى اتذكر انا شنو وانتبة للبسي و شكلي
لمن اطلع للشارع واشوف رجال جبير وفقير دا يشتغل بالحلال والتعب علمود لگمة لهلة اشوف رب العالمين بيه
لما اشوف انسان نضيف من الداخل ونضيف من الخارج نزيه ما يغش ولا يغدر ويساعد الاخرين اشوف رب العالمين بي واقرب الك لمن شفت ابن اخوك جميل انا بسرعة شفت رب العالمين واتذكرتة لان شفت جمال ابن اخوك شلون مخلوق ومتصور وكلت بداخلي الخالقة جميل ويحب الجمال ذكرني برب العالمين
الله مو بالسماء الله بكل مكان الله هو الوجود وكليوم نحن نشوفة لان حَيرام بأختصار لمن نطلع نخلي الله بين اعيونة لهذا انا بالنسبة الي دائماً اشوف ربي
وانت سألت هيچ سؤال لان شفت شيطانك ووهمك وفكرت رب العالمين لازم يطلع بهي الصورة حتى نعبدة وهذا الشي خطأ الله اعظم من ان يتصور على هيئة شي لو يطلع على شكل ماا بس تكدر تشوف رب العالمين بالاشياء الذكرتهن الك
هذااا جواب سؤالك الاول

اما سؤالك الثاني مال الصوت واحجي وياه انتَ سألت هذا السؤال من بعد ما شفت شيطانك وحجيت وياه وسمعت صوتة وارجع واكلك الله اعظم من هي الامور بسس الله عز وجل حجة ويانة ودوم يحجي ويانة ودوم نسمع صوتة نحن بس ما نسمع صوتة بأذننا لااا نسمعة هنااا بداخلنا دائماً يحجي ويانة
ومن كلامة ويانة لمن يحاور المكسور ويكلة
﴿وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ﴾
ويرجع رب العالمين ويحجي وي الما قابل على نصيبة ويكلة
﴿وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ﴾
ويرجعع رب العالمين يحجي ويانة ويكول النا
﴿ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ ﴾
ويرجع ويحجي ويانة ويكول النا
﴿ ادْعُونِي أَسْتَجِبْ لَكُمْ ﴾
ورجع رب العالمين وحجة وي المتزوجين وكال الهم
﴿ هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ ﴾
وكذالك رب العالمين حجة وي امثالك وكال الكم
﴿ وَلَقَدْ خَلَقْنَا الإنْسَانَ وَنَعْلَمُ مَا تُوَسْوِسُ بِهِ نَفْسُهُ ﴾
الله يدري بيك راح تصير هيچ مو ميدري
لهذاا اعتبر هذا جوابي على سؤالك انا دائماً اقرأ رسائل الله الي من القران الكريم
وبنفس الوقت اسمع صوتة بكلبي

حسيت اعيونة دمعت رف كلبي الحمدالله بعد بي ذررةة أمل صغيرة حتى لو راح اتعب وياه عادي ولا اخلي ادموع مماس هيچ تروح وتبقى عايشة بهذا العذاب

ساعدتني ونقذتني من اهلي صار الوقت انقذها واساعدها اذا بيدي شيء اكدر اسوي راح اسوي كلشي .

اندار عني حَيرام وراح بعيد عني وانا مردت اضغط علية حجيت وياه بما فية كفاية عفتها ورجعت صوب القرية ودخلت الها وفتت للغرفة

حاولت اناامم حاولت ماكدرت كعدت اتكلب بالفراش واني اتذكر شلون هي المسودنة غيرة فاتت علية ذاك اليوم ورادت تخنگني بس لان حَيرام دافعلي وكسر كلامها رادت تروحني بيها الخبلةة !

صرت اباوع للباب واتخيلها بأي لحضة راح يندفر الباب علية وتدخلي هي ومو كلمرة يطلعلي حَيرام " داسِم " ويخلصني منها لازم الگي طريقة حتى اضمن روحي بوجود حَيرام او بعدمة بس شلوون اتعامل وي هي الشيطاانة ؟ اريد اناملييي ساعتيين هسة ما بقى شيء للفجر ياالله !

كمت من الفراش وكعدت على الكرسي رفعت البردة و فتحت الشباك وشفت حَيرام توة يفوت للقرية وهو لازم يمر على بيتي ياالله يروح لبيته لهذا مر على الشباك مادريي شجاني ابتسمت الة بدوون شعور اول ما شفتة

هو ضحك واجة وكف كدام الشباك حط ايدة على الحديد وأردف وياي

داسِم :: هاا ولچ شعندچ فاتحة البردة وتباوعين ؟

أريـج الله :: رحمة لموتاك سد حلگك ! لاا تضحك

- اهااا ما اضحك بعد ايي شعندج كاعدة هيج كدام الشباك ممسويتها قبل ؟

- تريد الصدك لو أبن عمة ؟

- شأسوي بأبن عمة اريدة هوو كولي

- حَيرام خايفــة !

- مِن شنو ؟

- من كلشي هنااا ما جي تغمض عييني جي اتخيل خالتك تدفر الباب علية وتفوت مثل ذاك اليوم

- صدك تحجين ؟

- والله العظيم حيل خايفة ومن الخوف النوم ما جي على عيوني ماجي احس بالامان

- اذا بقيت يمچ تحسين بالامان ؟

- هاا شكووو شكوو خير ان شاءالله ؟؟

- شبيج ؟ أنتِ مو خايفة خالتي لا تفوت عليچ ؟ ولهذا مجي تكدرين تنامين

- اييييي !

- ايي سهلة اذا بقيت هنا يم باب غرفتج وأنتِ تفوتين تنامين ترتاحين ؟

- وأنتَ تنام على الباب اكيد لا ما اقبلها تتكسر من وراي

- ترى متعود سدي الشباچ يلا ونزلي البردة وناامي اناا راح اكعد كدام بابچ ومحد راح يعتب غرفتچ

- حَيرام ! للاا روح ناام ببيتك وانا ادبر نفسي هناا اذا فاتت علية اخلص روحي

- اقماار أنتِ مو خايفة ومابيج تحسين بالأمان انا اكلج ماراح تكدرين تنامين مادام كلبج ممرتاح لهذا انا راح انام على الباب وماريد اسمع ولا تعليق روحي أنتِ لجوة فوتي وناميي مرتاحة ولا تفكرين بية وعيونچ اذا ارتاحتي انا ارتااح يلااا فوتي

- تمام تصبح على خير

- أنتِ الخير كلة لحياتي

كمت من الكرسي وسديت الشباچ ونزلت البردة ورحت قفلت باب الغرفة وكعدت على الفراش صرت اباوع بالغرفة وبالي يم حَيرام حيناام هيج والاجواء هسة بدت تصير باردة بليل لان مابقى شيء لشتاء راح نفوت بشهر العاشر !

سحبت غطى ومخدة وفتحت الباب وأردف وياي ..

داسِم :: هاا ليش طلعتي أكو شيء ؟

أريج الله :: لا ماكو بس هاك هذا الغطى حطة على رجليك عن البرد

- زين شكراً

- وهاك هي المخدة !

- شأسوي بيها ؟

- اكعد عليها اوو هيچ دچيها على الباب وانتجي عليها حتى يرتاح ظهرك وما يأذيك

- خلص انطيني وفوتي نامي يلا

- امم تمام بالك لنفسك وبس يطلع الضوة شوي دك علية الباب وروح

- خوش

دخلت للغرفة وسديت الباب وشمرت روحي على الفراش وغمضتت عيوني
اذا صدك وصارت راح نتزوج انا وحَيرام

لازم واحد من اخواني يحضر بأي طريقة جانت اذا ما حضر واحد من اخواني ما اتزوج مُستحيل أسوي شيء من ورة ظهرهم !

بس مادام كلت لــ حَيرام بعد ثلاث أيام الحگ أوصل لعلي الباقر خبر
يعني لازم باجر الگي طريقة اتصل علية واحجي وياه لازم شيء ضروري !!

كاافييي اشتاقيييتت لاخوانييي جيبولييي اخواني جيبوليي اميي اريد احضنهاا وابجي بحضنهاا شنو هييي صالي من شهر الثامن هنااا شوكت راح تنحل العُقدة مالتي شووكت ؟

اللهم صل على محمد وآل محمد، واقبض على الصدق نفسي، واقطع من الدنيا حاجتي، واجعل فيما عندك رغبتي شوقاً للقائك، وهب لي صدق التوكل عليك

اللهم يا مسهل الشديد ويا ملين الحديد، ويا منجز الوعيد، ويا من هو كل يوم في أمر جديد، أخرجني من حلق الضيق إلى أوسع الطريق، بك أدفع ما لا أطيق، ولا حول ولا قوة إلا بالله العلي العظيم

لاَ إِلَهَ إِلاَّ اللَّهُ العَظِيمُ الحَلِيمُ، لاَ إِلَهَ إِلاَّ اللَّهُ رَبُّ العَرْشِ العَظِيمِ، لاَ إِلَهَ إِلاَّ اللَّهُ رَبُّ السَّمَوَاتِ وَرَبُّ الأَرْضِ وَرَبُّ العَرْشِ الكَرِيمِ

بقيت اقرأ هذني الثلاث ادعية واكررهن لحتى يرتاح كلبي لان لابت روحي واتذكرت الحادثة مالتي وحسيت روحي تريد تطلع لهذا كطعت التفكير وبقيت ملتهية اردد هي الادعية

لحد ماا غمضت وغفييت بدون ما احس على روحييي ....

______________________★______________________

"""""" وَهـَــج الطـَـف """"""

كلام المعتز باالله زرف كلبي وماكدرت انام الليل كلة بس وانا افكر بي صدك انا كسرتة حيل ماجنت ادري هلكثر يحبني ؟

انا احس بشعور الضلم ما جنت اريد اضلمة وياي والله العظيم ساامحني عزوز ماجان بيدي شيء والله مجبورة اعوفك مثل ما أنتَ انجبرت تعوفني

ماكدرت انام وطلع علية الضوة ومن الصبح الله دخل علية الغرفة اخوي الفاروق الأعظم وهتف وياي

الفاروق الأعظم :: اريد احجي وياج

وَهج الطف :: ايي احجي اسمعك بس شووف إذا على موضوع زواجي لا تجيب طااري لان الصار امس من فلم واگشن كلش كاافي الحمدالله خليفة واهلة ماجانوا موجودين جاان اطلگت والله لو شايفين فِلم المعتز باالله
باااع لا تزعلون منيي بس هذا اخوكم مووش صاحي شوفولة فِد دكتور نفسي لو مستشفى ترعى حالتة النفسية لا يروح بيها ويرتكب جريمة بية لو يسوي شيء طرگاعة وبأحد ماا وبذاك الوقت يكون وكع الفأس برأس ومابيكم تسوون شييء وتساعدونة وانا اكلك راح تخسرون " نفس السادة " هذا انا كلت الكم

بقى يباوعلي بدون ما يقاطعني وانا احجي وبعد ما سكتت ضيگ النضر الي وهتف

الفاروق الأعظم ؛؛ يعني تعرفين ألمعتز باالله هو ' نفس بيت السيد احمد ' ؟

وَهج الطف :: ايي اعرف شسالفة غريب علية بيت السيد احمد حتى ما اعرفكم؟

- دامچ تعرفين هو النفس مالتنا چاا شلوون گطعتي النفس عنة ؟

باوعت لعيونة وماجان عندي شيء أرد علية واذا رديت شنو أريد أكول ؟ شنو الي يطلع بية خاطر اكدر احجي الكم ؟

جنت حجيتة من زمان يا خوية بس اتاخر الوقت انتم من البداية ما انطيتوني الأمان حتى احجيلكم كلشي ماريدكم هسة هيج تحاسبني

على تصرفاات هي طلعت مني نتيجة اهمالكم وتصرفاتكم وياي

بقيت ساكتة وكان الفاروق الأعظم أخذ الجواب من سكوتي لهذا هو غير الموضوع ورجع هتف وياي

الفاروق الأعظم :: اناا هسة أجيت احجي وياج بموضوع غير هذاا ماريد احجي بسالفة ألمعتز باالله

- شنوو الموضوع ؟

- ما يتسولف لازم تشوفينة بعينچ تعي وياي

لزمني من ايدي وسحبني طلعنة من الغرفة ونزلنا الدرچ نزل اخوي كدامي وانا على الدرچ لاحضت بالهول اكو مرة كاعدة وي عمتي

ما انتبهت الها لحد ما نزلت اخر باية وصارت رجلية على الأرض باوعتلي المرة وصارت عينها بعيني كامت على حيلها

وهتفت وهي عين تصد الي وعين تصد لعمتي ..

بـــسمة :: فاطمة !! فاطمة هية هي وَهج الطف ؟ أنتِ متأكدة هي وَهج الطف ؟

فاطمة الزهراء :: ايي متأكدة خية شمالج هي الكدامج هي وَهج الطف صفاء الحسن

بقيت انا اباوع لوجهة الي جان مو غريب علية عيونهااا حلگها خشمهاا وحتى ضحكتها لمن باوعتلي وضحكت جانت هي المرة نفس ملامح أمييي بالصور !؟

بس صور امي العندي جان عمرها بوقتهن 23سنة
والمرة الواكفة كدامي صاحبة الـــ 34 سنة

وانا انضر الها اكيد هي أمي ماكو هيج شبة طاحت دمعتي وصرت ابجي وجسمي كلة صار يرجف وصرت اسولف وي الفاروق الأعظم بشهگات وابتعدت عن المرة وصرت كدامي اخووي صرت الزم ايدية واهتف وياه ..

وَهج الطف :: هي بسمة ؟ فاروق هي امي مو لو انا متوهمة هية هي امي موو ؟ فااروق العيون عيون أمي الله عليك هي اميي موو ؟

جان هو يبجي وانا احجي وياه هزلي براسهة بمعنى " ايي امچ "

خليت أيدي على حلگي وبديت ابجي حيل واحجي بهستيريا ما مصدكة ابد جنت واردفت وياهم ...

وَهج الطف :: امييي امييي ولكم هيي امييي ايي ايي والله الواكفة كدامي امي بعد كل هذا الوقت واكفة كدامي هسة بسمة النجمة الي بالسماء اتلالي ومحتاجة وهجها هية هي اميي وأخيراً شفتچ ؟ وقت ما جنت حاسبتچ ميتة !

حضنتها حيل وصرت أبجي واجر شهگات مامصدگة عيوني أبداً أجتني أمي كعدت كدامي وهسة هي حاضنتني ؟

بعدتني عن حضنها وشالت شعري عن وجهي وبدت تمسح بأثنين أيديها وهي تبجي وأردفت وياي بعد ما خلت راسي على كتفهاا

بــسمة :: ما اتوقعت هيج راح الگيچ صايرة عروس يا روح امچ أنتِ يا نفس ابوچ

شبگتني حيل وبدت تبجي وبقيت انا احجي وياها ..

وهج الطف :: وينچ عني يا يمة ؟ يا اعتاب هسة اعاتبج خاطر تطفي نار كلبي يا عتاب يردلي دلالي الراح وياچ ياعتاب راح يعوضني عن طفولتي الخسرتها بوقت خسرتچ أنتِ وأبوي ؟ يمة الناس هنا مااترحمم ولج يمةة فوك نار فگدچ خلوني بنار الوحدة وأبين أربع حيطان ما سمعت كلمة بية ولا بيچ من جنت اتمرض
يمة ليالي وانا انام لوحدي وجسمي يرجف من المرض وجان حلمي بس أنتِ تجين وتغطيني وتقيسين حرارتي لو تسويلي كمادات ولج يمة الضلاام الجنت بي ما جان يخليني أشوف شيء !!
فرفحت روحيي عليچ هووواي سولفت وياج بسس مامش خبر چان يوصلني عنچ
ولا جنت اكدر اسمع صوتچ ياا كلتلچ ردي اخذيني وياچ
ولج يمة كلتيلي احسبي منا للـ 100 تلگيني يمج وهي كضيت كل ليلة أغمض عيوني وأحسب الج منا للــ 100 النوم يجيني وياخذني وأنتِ ما تجين
بجيت هواي خفت هواي ماكو اليحس بية التركتيني امانة عندهم ما صانوا امانتچ يمة ماعرفوا يحافظون علية يمة عذبوني ! محد جان يحبني بس أنتِ محد كدر يحبني يمة بس أنتِ التحبيني بس أنتِ ..

شالت راسي من كتفها باستني بجبهتي وهتفت وياي

بـــسمة :: أعذريني قصرت وياج هواي والله وجانت ايام متاناچ تچيني وارجع الچ ثچيلة وما تنحمل اعتذر يا اميي أنتِ لأن عيشتچ شعور أكبر من عمرچ وحطيتج بموقف اكبر من طاقة تحملچ
بس خلص حبيبتي النجمة رجعت هسةة وراح اعوضج عن كلشي واتمنى اجيت بالوقت الصح وراح تخليني اكضي وياج الوقت الكافي تعويض عن أسنينچ الراحت !

بقيت اعاين لعيونها بدون ما ارد على كلامها ولان اعيوني بجيت هواي وهم جانت بيهن أدموع جانت اشوف صورة امي مغوشة شوي لهذا كعدت امسح وجهي بأثننين أديـة ومسحت اعيوني ورجعت اعاين الها وصفنت بدون ما ارد بشيء

ابتسمت امي الي وجعل محد غيرها يبتسم وأردفت وياي ..

بســـمة :: هاا وهجــتي أشنوو بيج ؟

وَهـج الطف :: اريد عيوني تشبع منچ اريد اعوضهن عن كل الوقت الفاات

- راح تشبعين وراح اعوضج عن كلشي تعي يلا يروح أمچ

لمن ابتعدت حيل عني ولزمتني من أيدي حتى نكعد شافت الفاروق الأعظم جان متكتر وداير وجهة يبجي حيل

راحت يمة حطت ايديها على كتفة ودارت وجهة الها ومسحت أدموعة وهو دنك الها و باست راسة واردفت وياه

بســـمة :: مااريد أشوف أدموعك يا وصية صفائي . هذني أدموعك غالية على كلبي مو بساهل اخليهن ينزلن خووش ؟

الفاروق الأعظم :: ان شاءالله الله يحفضچ لأوهاج

دنگ باس امي من كتفها ولمن كعد كعدت امي كدامة يم عمتي واخذت انا وكعدت يمها خليت راسي على صدرها وهي شبگتني على گعدة وأردفت وياها ..

وهج الطف :: شعجب اجيتي بهذا الوقت ؟ وين جنتي بهي السنوات ؟ ما اصدك ابد عمي عبد الحسن يوفي بوعدة اليي ورجعج ..

رفعت راسي ونضرت الي بأستغراب هي وعمتي وهتفت وياي

بسمة :: عبد الحسن ؟

- ايي يمة هو انطاني وعد ان راح يردچ الي وراح يدور عليج ويلكاچ

بسمة :: اهااا خووش والله .. ززين شوكتت اكدر اشوف الباقيين ؟

فاطمة الزهراء :: تشوفين منو تردين ؟

- الكل اريدكم تجتمعون كلكم اريد احجي وياكم

وهج الطف :: شنو تردين تحجين وياهم ؟

- اريد اسولف وياكم كلشي احجي الكم وين گضيت هي الــ 11 سنة من حياتي ووين جنت وليش مارجعت وشنو السبب ومنو وكف ابوچهي ..

فاطمة الزهراء :: متأكدة من هذا القرار ؟

- فاطمة كلامچ صحيح اليعيش خايف خلة لا يعيش الموت أشرف الة لهذا ماراح اعيش خايفة وانا بنتي وهج الطف وزلمي اولادي السادة كلهم أكبر مشهد للموت مااراح يهز كلبي

فاطمة الزهراء :: بس بسمة مو وقت هذا السوالف شوفي الوضع النحن بي !

- لا فاطمة سكتت 11سنة كلشي لازم يعرفونة السادة هسة

الفاروق الأعظم :: ليش احسكم تعرفون شيء نحن ما نعرفة ؟

- ماكو شيء ينضم عليكم لا تخاف راح تعرفون كلشي بوقتة

فاطمة الزهراء :: اصعدي هسة نامي ادريچ تعبانة من الطريق

وهج الطف :: أي يمة تعي وياي خلي ننام بغرفتي اليوم اناام بحضنچ وأخيراً تعيي ويااي يروحييي

اخذت امي من ايدها وصعدت بيها دخلنا لغرفتي نزعت حجابها ونامت على الچرباية طفرت انا ونمت يمها اتجاهلت اسولف وياها بالحزن اريد بس اشوف ضحكتها

ولمن خلصت السوالف وانا نايمة على صدرها تلعب بشعري شافت أيدي الحلقة بيها تلمع سولفت وياي

بسمة :: منوو سعيد الحظ الي حظة ببنتي

- عمتي تعرفة أسمة خليفة عمر شاهين

- صدددك ازوجتيي أبن عمر شاهين ؟ ههههه

- هي أنتِ وعمتي بس سمعتوا بأسم عمر شاهين فرحتوا

- لأن بعدچ صغيرة وما تعرفين النحن نعرفة والي عشنا بي وشنو الناس التعرفنا عليها والي صار ويانة ووياهم موقف !

- مامة هُم سُـــنة

- وشنو يعني انا سُنيــة ؟

- مترددة لمن افكر اولادنا شنو راح يطلعون ؟

- يمة ترى عمر بزرتة نضيفة وصافية مثلة واذا كملت فرحتچ وصار عندچ اولاد من خليفة راح تصيرين مثل عمتچ هم اتزوجت سُنـي وأولادها صاروا ميرزا كلهم

- يعني يمة مثلاً لو اريدهم يطلعون الاولاد على مذهبي تتخيلين راح يقبل ؟

- لا تتعمقون بهذا الموضوع أحسن الكم

- شلون يعني ؟

- يعني لا تخلونة نقطة أساسية لبداية حياتكم وممكن تسويلكم خلاف بالمُستقبل عيشي اليوم لليوم وباجر عوفي لوقتة

- هم صدك الله كريم شعندي من هسة شايلة هم

- ايي يروح أمچ ..

- اييي

هنا امي سحبتني حيل لصدرها وأردفت وياي

- يابعد چبدي وهجتي شكد مشتاقتلچ ؟

- انا اكثر والله اشتياقي الچ ما ينحصي

بهذا الوقت اندك الباب ودخلت عمتي وهتفت وياي

فاطمة الزهراء :: بسمة كاعدة ؟

بسمة :: هاا ينور عيني فووتي !

- حبيبتي بس انزلي شوي للبراني وصل البشير ويريد يشوفچ

- البشير قيصر ؟؟

- ايي من عرف من اخوة أن أنتِ رجعتي على طول أجة لهنا

- ياابعد اعضااي هسة نازلة الة

- تمام خية

طلعت عمتي وكامت امي رادت تطلع أردفت وياها

وهج الطف :: وشعندچ عايفتني ونازلة ركض الة ؟ ترى انا بنتج النحرمت منج مووش هوة

- اشنو هذا الحچي وهج الطف ما جي تحجين عن واحد غريب هذا اخوج يوم توگعين بشدة ما تكلين احد يكلچ انا موجود غير اخوانج مسندچ

- هههههه لا يمة ما تعرفين شيء الغريب احن علية من هذول التسميهم اخواني لچ يمةة امس الصبح عينج عينج يكلي ويطكها ابوجهي ويكول انا اكره‍ امچ وحاولت اذبحچ قبل لا تجين لدنيا واسقط حمل امچ ! هذاا اخوو تسميي ؟

- وهچ هذا السالفة عمرها 16 سنة ! وانحل كلشي بعد موت أمة لا تاخذين السالفة من راسها وتطيرين بيها

- لا يمة ما اتغير شيء ولا نحل شيء لان مجرد أنتِ رحتي وأبوي مات طلعوا حقدهم وكرهم الج بية و لو جانوا عندهم فرصة يذبحوني جان ذبحوني لچن اكتفوا بتعذيبي بالمحزن ما يوكف بعينچ السووة ببنتچ ؟ تردين تنزلين هسة الة ركض ؟

لبست حجابها ونضرتني بطرف عينها وأردفت وياي ..

- وهجتــي أنتِ على تواصل مع عبد الحسن ؟

- ايي ليش ؟

- چا ما استغرب أسمع منچ هذا الكلام نازلة أشوف أبنــي أحسن وأنتِ أبقي فكري بكلامچ وشوفي اخوانچ ليش سوو هيچ وشلون صارت معاملتهم وياچ لمن اختلف الوضع عندهم وكولي بينچ وبين نفسچ الحجي الحجيتة على اخوتي صح لو لأ!

عافتني امي وراحت وضليت افكر كلام عبد الحسن طلع صحيح
واذا مو صحيح جان مارجعلي امي

أبداً ماجنت متخيلة اولاد ابوي واولاد عمي يحرموني من أمي مادري شلون صدگت بيهم ووثقت وفكرت عبد الحسن مو خوش وطلع العگس !

بس شنو يخلي امي تنزل الهم هيج وتتعامل وياهم كان ماصار شيء ؟ معقولة ماتعرف هم سبب ببعدها عني ؟ اي اكيد ما تعرف لان لو تعرف جان ما باوعت لوجهم أصلاً

صرت اباوع للمراية وعيني راحت للحلقة البيدي ما همني شيء بعد ما دام امي صارت يمي بعد كل هذا العذاب والوقت

بس اتزوج راح اخذها ونستقر هناك بعيدين عن السادة ومرتاحين اكثر
نبدي انا وامي حياة جديدة ما تربطنا بالسادة احفاد الأحمد أي صلة

حياة عنوانهاا " النجمة و وهجها "

______________________★______________________

""""" بــــســـمــة """""

عفت بنتي وهج الطف ونزلت الدرج طلعت للبراني أووف ياريحة هذا البيت فاركتة صارلي اسنين بس بعدة هوة هوة ما متغير منة شيء
أولادي محافضين على ريحة ابوهم صفائي بكل كتــر

فتحت باب البراني وفتت وأول ما شافني البشير قيصر فز من مكانة دخلت و كعدت وهو ضل واكف يباوعلي وكأن عيونة جانت ممصدكة جي تشوفني كدامة

انا ما حجيت شيء انتضرتة يستوعب الي جي تشوفة عيونة حتى يحجي عدل انتضرت دقائق رجع هو كعد وهتف ..

البشير قيصر :: بســــمة ؟؟

ضحكت وهزيت راسي بمعنى " أيي " وهمست وياه

بسمـة :: اييي بسمة يا بشير يا چبير السادة وشيخهم

- ما مصدگ عيوني بعد كل هي السنوات ابد ما تخيلت تصير وارجع اشوفچ ؟

- وانا هم ماجنت متخيلة بس أنا أريد وأنتَ تريد والله يفعل مايريد

- وين جنتي بهذا الوقت كلة دامچ عايشة وبخير ؟

- اكثر سؤال اتعرض ألة !

- اكيد اكثر سؤال لان بسمة ماغبتي يوم لو يومين تحجين عن 11سنــة راحت نحن حتى فاتحة سوينة الچ واعتبرناچ ميتة وأنتِ موجودة وبخير وما وصلتي خبر النا وهسة ترجعين بهذا شكلچ شلون جنتي عايشة ؟

- جنت عايشة بأمان و ماعلية شر أكل و أنام واخلص يومي هيچ

- معقولة ما فكرتي بينا ؟ ما أجينة على بالچ ؟ بسمة بعد روحتج ابوي سوة حادث و مات واخواني انحطوا ذمة بركبتي صرت الأب الهم وآلام وكلشي لولا خالة نجلاء الجانت تجي النا وتنضف وتطبخ وتكمل كلشي جان ما اسولفلج شلون حالنا صار

- لاا بشير اتقبل كلشي منك الا العتاب لا تعاتبني !

- شلون ما اعاتبج ؟ شلون بسمة روحي راحت بفترة خسرت امي ورديت خسرتج وخسرت ابوي الكسر ظهري وخسرت جدي ووياه اخوي محمد الصدر وصاروا ثلاث اولاد وصية بركبتي من ابوي وبنتج الضلت وصية عندي منج بسمةة انا ادمرت
صارت حادثة خالج يريد ياخذ وهج الطف مننا ودست على كلبي وحبست وهج وبعدتها عن عيون الناس الكل يشوف هذا ضلم الها بس انا اشوفة جنت حماية الها جنت مستعد اسوي كلشي خاطر اصير كد الأمانة
حبست وهج الطف وصرت الحگ مؤمل الصدر وتحرير على الخطوة خوف لا يصيبهم شيء وبالتااللييي ما فلحتت لا صنت امانة أبوي ولا كدرت اصون امانتچ

انتضرتة لحد ما خلص كلامة ولمن سكت ومسح ادموعة رديت وسالتة بعفوية وابتسامة لان جنت اريد ألطف الجو وماجنت اريد يصير شيء يضوجنا بعد تعبنا من الحزن ..

بسمة :: خلص الفات ماات خلونا نفكر لليوم ونفرح باليوم لا نتذكر شيء بعد
ووو اييي هههههه شنوو حبيبي ليش ما جبت وياك مؤمل الصدر وتحرير اريد اشوفهم طاك كلبي عليهم وبالخصوص صغيري تحريري هسة صاير زلمة موو يااا مشتاقة اشوفة اوليدي وينةة شنوو ما جبتهم وياك ليش ؟

- شلون أجيبهم وياي وهم أشتهتهم أرض النجف واخذتهم من بين أدية !

مافهمت كلامة أو لاا فهمت بس اتجاهلتة مِن راسي ماريد أصدك الفهمتة أبتسمت أبتسامة مكسورة ورديت علية بصوت يرجف وخايف لا يسمع الجواب اليكسر المهضوم

بسمة :: شنو قصدك يمة ؟ افتح تلفونك هسة واتصل على صغيري تحرير خلني أسمع صوتة واحجي وياه وهم انا اريد أرزلة رزالة معدلة شني يعرف أمة أجت وما يجي وياك و يشوفني ؟ اتصل بشير يلا

- بسمة كتلج اناا ما صنت الامانة ماا صنتها !

- شنييي ولك ما صنت الأمانة ؟ ابني تحرير الصغير وينة ؟ مؤمل الصدر وينة ؟

- راحوا

طاحت الدمعة من عيني وي هي كلمتة وهنا فاتت فاطمة الزهراء على صوت اصياحي على البشير قيصر نضرت الها وهتفت ..

بسمة :: همزين اجيتي فاطمة تعي احجي وياي بس أنتِ تفهميني

فاطمة الزهراء :: صوتكم عالي حيل وهم ليش تبجون ؟ شنو صاير شبيج بسمة ؟

- تعيي خية اسمعيي ابن اخوج شيحجي ما جي افهم علية والله شني يكلي راحوا ؟

- منو الراح ؟

- ولج فاطمة اولاددييي صغيري تحرير و ابني مؤمل الصدر هيي شني الراحوا وانا كل سنة احتفل بميلادهم و السنة هي صغيري لازم يكمل الـ 17 سنة وابني مؤمل الصدر راح يصير 20سنة ولك بشير وين اولادي يروحون بهذا العمر ماايكدرون يروحون مو هيچ فاطمة ؟؟

- خلص يختي اتهدي بالرحمٰن واندعي الهم بالرحمة ترى بعد شهر دورة السنة مالتهم لا تبجين والله ما يصلح عليهم

دفعت فاطمة الزهراء ووكعت بالكاع وبديت أزنخ بخدودي واني أصيح

بسمة :: عمت عيني عمت عيني شني بعد شهر تكمل سنة ؟ ولكم وينهم وين اولادي نزلة الگبر ؟ ياا يمةة ياا يمةة ولج أسرااء ولج خية سامحيني يابعد اختج سامحيني واعذريني أطشروا ولدچ ولج أسراء كلها تريد الفرگة ولج كلهم أجو يمچ ليش هيچ ليش كتبتي علية هذا العذاب ؟
مو على أساس يبقون يمي ويسندوني ؟ چا اشوفج اخذتي صفاء الحسن ورجعتي واخذتي مُحمد و مؤمل و تحرير چا أسراء وانااا منوو يبقالي ؟
عسى لعيوني العمى ان شاءالله ولكم شتفيد اعيوني لو ما شافت عيون تحريري ؟
ولكم ما لحگت لمن طاحوا ماكدرت اصيح عليهم أسم الله راحوا مني بغفلة ياايمةة يا تحريريي

أجت علية فاطمة الزهراء لزمت أيدية ومنعتني من اللطم وهي تصيح علية والبشير قيصر جان مهدود حيلة يبجي ويلطم راسة

فاطمة الزهراء :: ولچ ارحمي حالچ حرام عليچ هيچ تسوين نحن بألف يا علي مصبرين البشير قيصر لا تطلعين أنتِ هم علينة والله ما يصلح البجي عليهم اذا محترك كلبچ اقرئي قرآن الهم وصلي هذا اليفيد إدموعچ هذني عذاب عليهم بگبرهم ..
بشير يمة شچاك لكيت حجة ؟ اسكت يمة كاافي بداعتي عليك اسكت كافي ولكم هسة انتم جي تزيدوها عليهم حراام عليكم والله العظيم ما يصلح البجيي كاافي اسكتوا

سكتت والغصة انرسمت بعيوني عافتني فاطمة الزهراء وراحت للبشير قيصر شالت ايدة من وجهة وحضنتة ومسحت ادموعة وباستة براسة ورجعت شبگتة حتى يسكت وهدأ صدك ولمن جريت النفس أردفت وياهم

بسمة :: شلون صار هيچ شلون أتراب النجف لفى اولادي وهم بعز شبابهم ؟

البشير قيصر :: مؤمل الصدر أستشهد بالتظاهرات أكتوبر وتحرير مات ورا بيوم رحنا ندفن مؤمل الصدر رجعنا الصبح انصدمنا بموت تحرير نام وماكعد

- شلون صغيري ماات ؟

فاطمة الزهراء :: تحرير مريض قلب گل الاحتمالات تكول صدمة موت اخوة أثرت علية ولمن كتم على گلبة ما اتحمل ومات لان تقريرة الطبي يكول سبب الوفاء نوبة قلبية

حطيت ايدي على راسي ورجعت ادموعي نزلت وأردفت وانا اضرب على گصتي

بسمة :: عساني انا البلگبر ولا هم من الموت يلفينـي انعى على شبابهم الراح وهمة بعز شبابهم

فاطمة الزهراء :: كل أيامنة بأيد الله امسحوا ادموعكم ياالله اندعوا لهم بالرحمة

البشير قيصر :: الله يرحمهم برحمتة الواسعة يارب

- بعد شنو صار بعد هي الحادث سولفولي كلشيي اريد اعرف

فاطمة الزهراء :: خية راح تعرفين كلشي وتشوفين كمية الحمل الثچيل الشايلتة وماأشتكي بس موش هسة كتلچ اصعدي هسة ونامي باعي عيونچ راحن كومي خية

- بس انا اريد اعرف كلشي وهسة

البشير قيصر :: راح تعرفين ما نضم عنج شيء صدكيني بس اسمعي كلام عمتي هسة وأصعدي نامي صدك أمبين عليچ التعب

بعد ما ضغطوا علية عفتهم كاعدين وطلعت دخلت البيت وصعدت حتى أرتاح لأن صدك ميتة من التعب وسالفة تحرير و مؤمل احس كلبي انفطر عليها

وهسة جي ينزف ادمرت علية حسيت صدري تنك من الخنگة والضوجة والقهر الصابني وجنت احاول امرن لنفسي

حتى اسمع الصار بعد لأن من كلامهم واضح اكو مصائب موش مصيبة وحدة بعد صايرة

______________________★______________________

""""" الـفـاروق الأعظم """""

طلعت من بيتنا ورحت للمحل وصلت وشفت زينب طلعت چدامي وجانت مكسورة ظهر

تمشي وهي أمدنگة وين جانت تجي النا ضحگتها شاگة حلگها وكبريائها وغرورها جانت رافعة راسها للسماء وقت اخوي مؤمل جان موجود وياها

وباع هسة حالها بفراگة !! أردفت وانا اباوع الها

الفاروق الأعظم :: زينب ؟

- اي زينب

- شجابج شنو تسوين هنا خوية ؟

- جنت مخنوگة وكلت أشم هوى ورجلية جابتني لهناا

- تعي فوتي نحجي جوة

دخلت وياي ورحنا لغرفة الحسابات فوك ودخلنا وسديت الباب ورحت كعدت ورة المكتب وهي كعدت كدامي خلت جنطتها على الطبلة الكدامها

وعيونها انزاحت لوراي لصورة مؤمل الصدر وتحرير المعلگهن انا
الدمعة صارت بعينها

وهي صافنة على الصور طكيت على المكتب گطعت تفكيرها وهتفت وياها

الفاروق الأعظم :: شنو حابة اضيفچ ؟

- ماريد شيء

- زينب انا جنت مو بس حماچ مو على اساس انا اخوچ صح ؟

- اي صح

- سولفيلي شبيچ ؟

- مابية شيء شأسولفلك ؟

- شلونج

رفعت عينها باوعت لصورة مؤمل الصدر وهتفت وياي

- اجذب عليك اذا اكلك زينة

- لا تجذبين علية سولفيلي

- فاروق الصبح شفت التقويم باقي بس عشرين يوم لذكرى السنوية لاستشهاد مؤمل الصدر

- صح

- اطلبك بشيء وما تردني ؟

- ابد والله ما حاشى أردج كوليي وأمرينـي

- اريدك تاخذني وياك فاروق لا تبااوعليي هيچ الله يخليك الله يخليك كافي عذاب اهلي علية خليني اروح وياكم أزورة واشفي گلبي بيه والله بشوفة گبرة راح ترد الروح الي فاروق ترى والله يجذب عليكم اليكللكم زينب عايشة بعد مؤمل باع ايدي لهسة ما خلعت الحلقة لهسة اكو خيط أمل بكلبي يتحرك يكلي مؤمل راح يرجعلج تصدك لو اكلك لحد هي الساعة انا ما مصدكة سالفة استشهاد مؤمل لحد الان ادزلة صوتيات باع الواتساب كل يوم ادزلة بالخمسين صوتية أسولفلة شنو سويت بيومي مثل ما متعودة وياه قبل هو جان يزعل علية اذا ما سولفت الة شنو سويت بيومي بالتفاصيل المملة جان يخليني افرغ كلبي بالكلام وهسة بعدني ادزلة واسولف وانا ادري هو ما يسمع الصوتيات ولا راح يرد علية بس أسولفلة على أمل اكعد والكي الصح هذا صاير صحين وبعدها يصيرن صحين زرك !!
فاروق انا هسة گصدت الك لا تردني واذا ما تريد احضر وياكم ماكو مشكلة انطيني وين مدفون " شهيدي الحي " وانا اروح لوحدي ازورة

مسحت وجهي بأثنين ادية ورفعت راسي رديت عليهَ

الفاروق الأعظم :: ما يحتاج تعي ويانة بليلة النريد نروح انا اراسلج حتى تجهزين روحچ ونمر عليچ الغبشة وترحين ويانة

- ماعرف اشلون اشكرك راح تصير السبب بالتقاء الفاگدة و الشهيد الحي

- نحن نفس الوجع استشهاد مؤمل كسرنا وكسرچ

- هو لو سامع صوت واحد بينا بس جان هسة هو ابيناتنا بس جان راكب راسة عجزت وانا أكلة لخاطري لا تروح لو صار بيك شيء وين انطي وجهي وهو يكلي اريد وطن ماريد يحكمنا الفاسدين !
جان كاتلة الوطن وهسد صدك كتلة الوطن وحرمنا شوفتــة
ياماا كلتلة اليطلع ويكول اريد عراق حُر راح ينگص اجناحة وراح ينگطع راسة وراح يخلونة يرجع ويكول اريد عراق حُر بس هي المرة محد يسمع صوتة لان راح يكولها وراسة جوة التراب
ماجان يسمع صوتي ولا يقتنع بكلامي هو راح شهيد وانا مافكر بية ولا خلاني بعيونة يوم جان يكلي حتى الموت ما يفرگنا اخوك طلع چذاابب
هي الموت فرگ بيني وبينة بسس تعررفف لالا يمكن جان كلام اخوك صدك لان لحد الان مؤمل ما ميت هو عايش مومهم نشوفة كدامنا ونلزمة حتى نصدك
لا هو عايش هناا بنص كلبي مادام النفس لهسة بية والدم جي يدخل كلبي ويطلع مؤمل بعدة عايش وراح يرجع وراح نتزوج وبأيدة راح ينزع الحلقة من ايدي اليمنى ويخليها باليسرى !

جنت ساكت واسمع بهدوء لان جنت اريدها تسولف كلشي بكلبها خاطر ترتاح لان عرفتها كاتمة كلشي بروحها من موت مؤمل لهسة

وبعد ما سكتت انطيتها الاكلنس حتى تمسح وجها
وماجنت ادري شأرد عليها فتحت الي چرح عجزت وانا اداوي بس جرح الاخو ما يطيب

بهذا الوقت انفتح الباب ودخل علينة علي الباقر واردف وياي بعد ما شافنة

علي الباقر :: اهاا اعتذر كملوا كلامكم

- لاا خوية اتفضل انا رايحة .. مثل ما وصيتك خوية فاروق فدوتك لا تنساني

- صار ان شاءالله

اتكتر علي الباقر ودار وجهة عنها وطلعت هي وسد الباب واجة كعد بمكانها وهتف وياي بسؤال ..

علي الباقر :: هي مو زينب خطيبة مؤمل الصدر ' الله يرحمة ' لو انا متوهم ؟

- لا صح هية هي

- عرفتها من صوتها وعيونها شنيي محتاجة شيء

- اجت تطلبني نأخذها ويانة بسنوية مؤمل تريد تزورة وتشوف گبرة

- لحد الان ما متخطية الله يصبر كلبها أن شاء الله

- وعلى أساس نحن المتخطين كلش ؟ اسككت يا خوي

- نحن بس الله يكدر يعوضنا هي خسارتنا الجبيرة الله يعين گلوبنا بسس

- ايي خوية أشوفك هنا شعجب زايرني بهذا المكان ؟

- لأن حبيت احجي وياك بموضوع لوحدنا ماردت يم الاخوة او شيء

- ايي كول شنو ؟؟

- ليش اتصرفت هيچ وي المعتز باالله أمس ؟

- يعني أنتَ شفت بس تصرف الفاروق الأعظم أما اسوايات المعتز باالله تغمض عيونك عليهن ؟
يعني بشرفك سيد اشوفة ماخذ اسلاحة ويركض يريد يكتل اختي تريدني اصفكلة لو اركض وياه ؟

- أنتَ تعرف وواثق المعتز باالله ماراح يأذيها ولا يضرها من سابع المستحيلات بسس هو من عصبيتة وحرگة كلبة عليها طلع وياه هيچ

- مايمشي وياي هذا الحجي يعني انا اكدر اباوع لرحمة الزهراء واكدر اتغزل بطيبة الزهراء اكدر اسوي كلشي بس انا مخليه أبين اعيونيي زحمة علية رجال 24س وياي اكوم واكعد واكل واشرب وياه ومن طفولتة ما اصيح بأسمة اكلة خوية زحمة وفشل علية احط عيني على عرضة ومادام هو اخوي هن اخواتي واكثر من وهج الطف

- يعني أنتَ مشكلتك چي ألمعتزباالله طلع يحب أختك ويريدها ؟

- عليي الباقر لا تحجي هيچ لا تطير عقلييي لا تكوولل يحبب اختك ! لكك ألمعتزباالله كسر ظهري بعرضي جاان مخلي عينة على .....

قاطع كلامي وجاوبني علي الباقر بنتر و ماراضي على المعتز باالله وابد ما انطى بية

- لااا فارووق دير باالك هيج تفكر لك هذا " نفسنا " هو ما فكر ولا تفكير خطأ بيها لعلمك خافك ما تدري ترى ألمعتزباالله خطب وهج الطف من البشير قيصر ورد وخطبها من ابوي وجان مطمئن ان وهج الطف الة لهذا اتخبل من عرف بسالفة عقدها ولا تلومة على رد فعلة هذا

- سيد سسسيد ما يهمنييي هذاا كلة بكثر ما همني أختي أختي خط احمر يمها أنسى الاخو وأبن العم

- زين أجي وياك وأسألك سؤال

- خوش ؟

- يعني لو مثلاً انا أحب طيبة الزهراء المطلوب مِن ألمعتزباالله هيچ تصير رد فعلة ؟ ويضل يكلي كسرتني بعرضي وحاط عينك على اختي وأنتَ أخوي ؟

- ما علية انا بطيبة الزهراء كلمن حر بأخواتة شلون يتقبلها منك ألمعتزباالله يتقبلهاا هو ونفسيتة العلية اناا واليهمني اختيي محد يدناها

- فاروق مو منطق التحجي بي بوية اسمعني الحب مو تحت سيطرة الإنسان ماندري بأي لحضة الله يفتح كلبك ويدخل بي الحب وما تدري بذيچ الساعة ياهي صاحبة النصيب التقبض كلبك
لا تلوم ألمعتز باالله لمن انفتح كلبة وهج الطف طلعت كدامة ولا نغشم انفسنا انا وأنتَ نعرف كلش زين عزوز شلون يفكر وشلون عايش مو زين وطلع عندة گلب ويحس وبعدين ابدال ما تفرح وتهوس أخوك راح يأخذ أختك وراح تطمئن عليهة موش تحطها بأيد غريب هيچ تتصرف صدك جذب فاروق ؟ ما توقعتها منك ابد .

- سيدد انا عقلي طار ساعة عرفت ألمعتز باالله يحب وهج الطف مااعرف شني رگبني تريدني اكعد وافكر من هذا الباب وافرح لأخوي ترى رد فعلي كلش طبيعي يطلع من أي اخوو من غيرتة على اختة

- امس أنتَ رگبك چني يا بعد اخوك

- استغفر الله رب العالمين . زين هم حجيتوا وي عزوز ؟

- لا والله أمس كضاها يبجي و يلطم وصعد لغرفتة وطلعت انا وهي اليوم الصبح مريت علية لكيتة قافل الباب على نفسة اجيتك لهنا وعفتة بالغرفة آخر شيء

- اهاا يلا عادي يكبر و ينسى موش أول واحد ما يتزوج اليحبه

- شنو الصار وي وهج الطف أنتَ مقتنع بالي سوتة ؟

- دام السيد والدك نايم براسها فا مقتنعة ومكثرة هم

- شجااب ابوي على وهج الطف ؟

- لا حبيبي لا تستغرب ولا نفر مننا راح يسلم من أيد أبوك لازم كلنا تحت حكمة و أوامرة

- الله يسامحة ان شاءالله ويهدي ! زين فارووق ما عرفتوا منو العريس ؟

- العريس خليفة عمر شاهين

- شنييي ؟ خليفة خليفة مااغيرة ؟

- بدمة ولحمة

- هفف ياابوية الف الحمدالله وعلي الله رحمها طاحت بخليفة ولا بغيرة على الأقل راحت لواحد يستاهل يحصل نفسها هواي ارتاح كلبي هسة والله

- حتى انا والبشير قيصر هم والله ارتاحينا واطمئنة من عرفنا منو العريس

- بس راح ينجرح ألمعتز باالله أكثر فوك ما وهج الطف اتزوجت فوك ما صاحبنة العريس

- ياخذلة فترة متأذي هواي بس لازم يقنتع ان لو هي نصيبة ما بعدها الله عنة تصير عادي بالنسبة الة ينسى

- فااروق تحجي هيج لأن بعدك مامجرب هذا الشعور وأن شاء الله ما تجربة ولا تنكسر

- انا والحب ههه ابد ما ننجمع لهذا لا تخاف ما ننكسر

- هواي غيرك كال هذا الكلام وبتالي وكع على وجهة خوش وكعة

- الله كريم لذاك الوقت

- زين فاروق اليوم تمر علينة ؟

- اذا خلصت على وقت امرلكم

- اي عفية تعال اريدك تصالح عزوز اكيد ماتردون هذا الزعل يدوم ؟

- اكيد لا مهما صار يبقى اخوي مابية كسرة فوك كسرتنا

- ترى ابوي هذا اليريدة اتقصد يختار المعتز باالله من بيناتنا علمود يكسرنا بي يدري شكد عزيز علينة فااروق

- لا تخاف ياخوي ماراح انطي ابوك اليريدة والله

- عفية عليك شعلة السادة بعد يلا انا اترخص هسة عندي قضية تحقيق

- مرخوصلك وموفق أن شاء الله

- صمامي الرئوي

تركني علي الباقر وطلع بقيت انا ارتب بأوراق المحاسبة هذا انباع وهذا اشترى
اخذت التلفون واتصلت على شُبر حتى يجيني هو واخوه ويساعدوني بهذا الشغل

كمت افتح الخزنة صارت عيني لصورة مؤمل اخذت وهتفت وياه

- طلع طيفك مو بس انا يراودني يلا مؤمل راح نكمل سنة من يمتى أنتَ هيچ كطعي ؟ ما مليت من النوم ؟ كاافي أرجع

وانا اباوع واسولف وياه انزااح تفكيري لبعيد ورجعتت بأيامي ..

( في 2018 قبل سنتين )

دخلت البيت لكيت تحريري كاعد بالهول يلعب بتلفونة رحت لعبت بشعرة ( بكفشتة ) وأردفت وياه ..

الفاروق الأعظم :: هاا تحريري شلونك ؟

تحرير :: بخير الحمدالله

- اخذت علاجك لو التلفون منسيك كلشي ؟

- لا الصبح ابوي بشير انطاني ياه وهسة ورة الغدة خالة نجلاء انطتني ياه

- اهاا زين . بلة شنو جي تشوف أشوف وياك ؟

- متابع باب الحارة وجي أشوف الحلقات

ضربتة على راسة وضحكت وياه وأردفت

- عليي وياك لا تمل ولا تكل ولا تضوج كم مرة لازم تشوفة ؟

- چاا شسووي وين اروح واللعبة صايرة مملات

- نازل مسلسل جديد تركي تابعة وياي يضرب باب الحارة مالتك مليار صفر

- شنو أسمة ؟

- أسمة Cukur

- شفتت اعلاناتة نازل من العام ترى من 2017 نزل بتركيا وهسة نزلوا الجزء الثاني وما عجبني مو اجوائي

- لا أنتَ جوك أبن عميي تشگل أسيي تأبرني

- ههههههه اموت عليهم واعشق كلامهم

طلعت خالة نجلاء من المطبخ تريد تروح لهلها واردفت وياي

نجلاء :: هاا يمةة سيد فاروق محتاج شي ؟

- لا يمة كواچ الله ان شاءالله تعبناچ حيل ويانة

- لا يبعد امك تعبكم راحة اذا احتاجيتوا شيء دزوا علية

- ان شاءالله

- صدك يمة فاروق ترى السيد مؤمل الصدر فوك وما تغدة شوف اخيك تدري بية ماكدر احجي وياه انا لان راح يعصب

- هسة راح اصعد اشوفة وايي زين تسوين خالة تدرين مؤمل السانة متبري منة ماريدة يضوجج بكلمة يطلعها ومايعرف وين تطيح

- ما ازعل من اوليدي استودعكم الله بالكم على تحرير

- لا توصين على صغيرنا

تحرير :: في حفظ الرحمٰن خالة

نكشت كفشة تحريري وأردفت وياه وصعدت لفوك

- راح اصعد أشوف ميمي لا تباوع هواي بالتلفون وأنتَ حتى عدساتك ما لابسهن لا تأذي عيونك

- لا بس هي الحلقة وراح اطفي واطلع اروح لبيت عمي عبد الحسن

- شعندك هناك ؟

- خالتي دزت علية ترديني

- اهاا دز خبر للبشير قبل لا تطلع خووش ولا تتعطل بالرجعة

- ان شاءالله

عفت تحرير يتابع مسلسلة وصعدت للطابق الثاني ودخلت غرفة ميمي لكيتة كالب خلقتة ومتمدد على افراشة اجيت كعدت يمة وهتفت وياه

الفاروق الأعظم :: ليش ما تغديت ؟

مؤمل الصدر :: مااكوو نفس

- هي شني ماكو نفس كوم إكل مو زين تضل بدون أكل تروح تتمرض علينة !

- لا تخاف اذا گرصني الچوع راح انزل ركض وأكل اليطلع چدامي

خليت ايدي على گصتة وايدي الثانية خليتها على كصتي حتى اقيس حرارتة واردف وياي

- فااروق شنو جي تسوي ؟

- اشوف حرارتك اذا ما مصخن ولا بيك شيء چا شمالك مطنگر ومالك نفس ؟

- فاروق وعلي ما مطنكر بس تعبت من المدرسة السادس طلع خلگي

- يمعود لا تعضمة هو صف حالة حال الخلصتهن البقية لا يخرع السادس ولا يأكل بشر اتوكل على الله والشيء اليخوفك طب بي أنتَ السيد مؤمل الصدر ابن السيد صفاء الحسن ماتخلي خلگ سادس يغلبك

- ياالله يا فاروق تحجي ببروود وفوك ضيم السادس يجيني ضيم زينب

- شني شبيها زينب ؟

- اهلها ساحبين التلفون منها علمود دراستها وباقي بالي يمها ما يقبلون اتواصل وياها يكلولي لمن تكمل وتنجح استلمم يلااا اكللهم بس كلولي شلونهاا ما يردون !

ضحگت وضربتة على أيدة وهتفت وياه

- هناا الحجي أنتَ ما كاتل روحك من خوف السادس ولا شيء كاتلتك سُت الحِسن

- غير خطيبتي وأشيل همها ؟

- على كيفك لا تشد حيلك هواي بعدكم بس كلام اهتم بدراستك خلص السادس على خير وخلي المگرودة تطلع من الرابع وفكروا بذاك الوقت وخلي واحد يشيل هم الثاني

- يااعلي شووكت اخلص من السادس موو راح يخلص عمرري !!

- هب هبب بوية شمالك توك 18س ابو العمر أصلاً راح اكول للبشير ما يزوجك لحد مايصير عمرك 25 س

- علمود اذبحك والزهرة هو انا سالفة لحد ما هي تخلص سادس بالكوة بالعها يعني مايصير نتزوج لحد سنة 2020 وام البنين هووواي

- على شنو مستعجل يمعودة ترى شلعان گلب و مسؤلية تطيح الحظ

- انا مشتري هذا شلعان الگلب

- اكول كووم يلا انزل اتغدة اذا أجة البشير قيصر وعرف ماماكل ما يحجي وياك لاا يجي يرزلني انا

- ما مشتهيي فارووق لا تلح

- مؤمل انزل اتغدة

- مااريد

- مؤمل انزل

- يااالله على الملحةةة

- شوف انا انازل انطي للمحزن أكل اذا فتت للبيت وما لكيتك نازل اصعدلك يصير غير كلام وياك

- يصير خير ..

تركت مؤمل الصدر ونزلت للمطبخ سويت الاكل واخذت الماي وطلعت لاختي بالمخزن فتحت الباب وانطيت الماي والاكل وطلعت رجعت قفلت الباب

ودخلت جوة لكيت مؤمل الصدر موجود يم تحرير غديت للمطبخ اسويلة اكل لهذا الثاني هم مالي خلك عصبية البشير قيصر علية لان ما اهتميت بيهم بأغيابة

﴿ الحاضـــر 2020 ﴾

بقيت اعاين لصورة مؤمل واردفت وياه

الفاروق الأعظم :: صارت سنة 2020 وصار موعد عرسك الجنت تنتضرة بس گلي شلون نسوي عرس بدون عريس ؟ غير تجي وتكعد يم مرتك ؟ بس انا اكلك بهذا عرسك هواي ما راح يحضرون ومنهم حتى اخوك الصغير وابوك وامك وعمك

هنا دخل علية شُبر و شُبير للغرفة مسحت أدموعي وزفرت النفس وانداريت الهم

- همزين أجيتوا الشغل لراسي جووة والعمال نصهم ما جايين

شبير :: شبيهن عيونك عمي ؟

- ما بيهن شيء

شبر :: عمي عيونك حمر حيل شني ما بيهن شيء ؟

- ولكم فاات علية واحد مخلي عطر يعط منة سطر راسي واتحسست عيوني

شبير :: أشوة اذا متحسسة انخطف كلبي على بالي كاعد تبجي

- عوفكم من هذا الحجي هسة وانزلوا كدامي خلي نخلص الشغل هذا لأن كلش هواي

شبير :: نازل كدامكم انا

شبر ':: انا رايح وياك

- انزلوا وانا لاحگم بس أكمل هي تسجيل الحسابات

شبر :: چا راح ننزل نسوي كم شغلة من هذني الخفايف على ما تجينة

- ان شاءالله

عافوني ونزلوا وانا كعدت اكمل السجلات على السريع
حتى ما أتأخر عليهم شغل هوااي وماريدهم يتعبون ولديي

______________________★______________________

"""""" علي الباقر """"""

تركت الفاروق الأعظم ورجعت للبيت أول مافتت لكيت طيبة الزهراء تفتر بالحوش وحافرة الكاع على كد ما راحت واجت عليها وكفت كدامها واردفت وياها

علي الباقر :: شبيج ؟

طيبة الزهراء :: لاا ماكو شيء

- شبيج لونج مخطوف ؟؟ منو موجود جوة ؟

- هااا لاا محد

- لاا اكوو واحد داخل اشوف

تركت طيبة الزهراء وردت اروح فزت من مكانها ولزمتني من عضد ايدي بأثنين ايديها وصاحت

- لااا عليي لا تفوت شنو رئيك تجي نكعد هناا ؟؟

لزمتني حزرتها بطرف عيني هي خافت وتركت ايدي عفتها ودخلت للبيت لكيت اخواني كاعدين بلاستقبال وابوي كاعد كدامهم وامي وخالتي صفح

رحت وكفت بظهر الإخوة واردفت وياه وعيني على الدرج لان ماريد ينزل عزوز ويشوف ابوي

علي الباقر:: هسة اتذكرت عندك بيت واجيت على طريقة ؟

العلوية :: عليي البااقر

- دقيقة علوية اناا سألت عبد الحسن واريد اسمع الجواب

عبد الحسن :: عبد الحسن مو اخووك الصغيرر ولكك

علي الهادي :: من حقنا نعرف سبب جيتك ماغلط اخوي صالك شهرين لا جاي لهنا ولا سألت شلون عايشين وين نايمين هسة تجي شنو تريد ؟

عبد الحسن :: هاا يا علويةة هي تربيتچ التفتخرين بيهم ؟؟

علي الباقر :: ايي تفتخرر بينا وترفع راسها لحد السماء أنتَ و تربيتك لازم نفتخر بيها

علي الرضا :: عووف اميي بحالهاا كلامكك ويانة نحن أنتَ تدري لو تكوم وتكعد امي ماراح ترد ابوچهك لهذا كلامك خلليي ويانة

عبد الحسن ؛؛ اجيت انطيكم خبر واروح لان ماريد مشاكل

علي السجاد :: خبر شنو ؟

- عرضت معمل الخياطة للبيع واجيت اكللكم علمود لاا تحاولون ترحولة لو تفتحونة

علي السجاد :: شنيييي ؟؟

علي الباقر :: لاا ترووح زاايد بالتمرد مالتك عبد الحسن المعمل ما ينباااع

- راح ابيعة خلص اتفقت وي الناس باجر الصبح يجوني راح نكسب افلوسة احسن مما يضل هيچ صاحبتة ما جابت النا بس الذل والعاارر صرت امشيي وانا مدنچ من ورة فعايلهااا و وكفتكم وياهاا

علي الهادي :: المعملل بأسم اختتييي وحلالها وما يننبااع الا بأذن منها غير هيچ نحركة وما نبيعة

بقى ابوي يتنوع النا وضحك ومارد كلعاادة يختصر كلامة . رجعت انا واردفت

علي الباقر :: اضن سمعت كلام علي الهادي واذا ضليت راكب راسك راح تتندم حيل المعمل ما تبيعة واذا سويتها راح نصير كلنا ابوچهك وراح تخسر هوواي

- انا سكتت على شردة أريج الله رغم انا اعرف وواثق ومتأكد انتم ورها بس بمزاج عبد الحسن ما حاسبتكم لان متأكد راح الكيها وراح اسحلها من شعرها واذبحها كدام عينكم بس هسةة لا تخلوني افقد سيطرتي وياكم لا تطلعون وچهي الثاني

العلوية :: رحمة لموتاكم كافي هيچ هواي عبد الحسن هذول أولادك موش اعداك شمالك تنضر الهم بهذي الطريقة كأن عندك ثأر وياهم ؟

اتقدمت اريد احجي وي ابوي بس فهمت نصراتي أميي واشرت لعلي السجاد الي هو كام واخذني من ايدي وسحلني لفوك ..

علي الباقر :: اريد احجي وياه

علي السجاد :: امشيي ابا الحسن

- دقيقة ابا النقي دقيقة اريد احجي وياه بسس دقيقة

- علييي كتلك تعاال وياي امشيي عاد

سحلني حيل من ايدي وصعدني فوك دخلني الغرفة وسد الباب كعدت وانا اهز برجلي ..

علي الباقر :: شكو جبتني لهنا ؟

علي السجاد :: چا تريدني اخليك تهد على ابوي ابا الحسن شيصير يبقى ابونا !

- وذيچ المگرودة مو اختنا ؟

- علي الباقر رحمةة للكائناات رحمة لمدري يااهو حل عن ابوك اذا هسة هم عاندناه راح يتمادة اكثر كاافي هذا الجي يصير نتيجة اعنادنة الة من البداية

- شجي تحجي أنتَ ؟ منووو الوكف برة يريد يذبح اريج وصعد الها ركض حتى يكطع راسها بدوون تفاهم يااهوو ؟ تريد نتفاهم وياه ونخلي يذبح البنت ؟ علي السجاد اصحى على نفسك كافي نخاف من عبد الحسن كافي

- لك انا ما اخااف من احد بس علي الباقر بس اسمعنييي انا ما افكر مثل ما انت تفكر ..

- ههه وشلون أنتَ تفكر بلة ؟

- علي الباقر ابوي وي المساير يصير حلقة بأيدك والله ما تشوفة ليش هو جي يمشي ورة الشيخ محمد وجدي عيسى لان هم جي يعاملونة هيج محسسينة كلمتة هي الماشية وما تصير اثنين بس بالحقيقة هوا جي يمشي على رئيهم بس واهمينة بسالفة نحن نسوي كلامك بالصدك هم مقنعينة بكلامهم ومخلينة يسوي بحذافيرة
لهذا خلينة نصير منهم ونوهم ابوي ان نحن وياه وبالصدك نخلي يمشي على كلامنا !

- علي السجاد تحجي صددك من عقلـك يعنيي ؟

- اييي علي الباقر من عقلي احجي ابوي بالعناد ما يجي افهمم صاللنا بِـ ثلث اشهور مدري شهرين معاندينة شنوو صار ؟ شنو حصلنا ؟ ما حصلنا شيء لا نحن النكدر نرجع اختنا ونثبت برائتها لان كل البيبان مسدودة ابوجهنا ولا نحن النكدر نسوي شيء وهذا هو كاعد يفرض رئية علينا ومانكدر نوكف بوجهَ ونكلة على عينك حاچب

- عبد الحسن ما وراه تفاهم هي خرب حياة اختي وهجر امي وهساع مشرفنا حتى يكللنا راح ابيع .

- علي الباقر الله يخليك نحن جربنا وياه كلشي خلينا نجرب وياه التفاهم هي المرة !

- علي السجاد ..

- اناااا اكلك ابا الحسن لخااطري لخاطري بس هي المرة

- راح أجرب !! تريدني انززل ابوووس راسة هسة واكلة عفية استمر على هذا مبدائك أنتَ صح ؟؟

- لا تبوس راسة بس طبقت صوتك سيطر عليها ونضراتك هم بس سوي هيچ

- ياعمي تدلل علينا

- تعال وياي يلا ننزل ..

اخذني من ايدي وفتح الباب نزلنا للإستقبال لكينة بس اهلي كاعدين عبدالحسن ما موجود وكفنا كدام امي وأردف علي السجاد

علي السجاد :: چا ابوي وين راح ؟

ألعلوية :: راح قبل عشر دقائق

علي الباقر :: الحاصل من كلامة شني طلع؟

ام رحمة :: ماكو شيء ماعندة سالفة اجة حتى يكول راح ابيع المعمل وباجر راح يتفق وي الناس

نضرت بطرف عيني لعلي الهادي رفع عينة يباوعلييي

علي الباقر :: كلتي يريد يبييع هاا ؟؟

ضحك علي الهادي لأن فهم نضراتي واردف وياي وهو مدنك يضحك

علي الهادي :: اييي ياخوي راح يبييع ياعمي الله يهنيهم

علي الباقر :: صدك الله يهنيهم ياخذون خيرة ويجفيهم شرة

غمزت لعلي الهادي وغديت لغرفة المصلى ودخلت وسديت الباب وفات وراي الهادي وأردف وياي

علي الهادي :: أبشر اخوي

- جهزلي نفسك بليل

- بس أنا ؟

- لا موش بس أنتَ اريدنك تتصل على أصفاد ألحق يحضر وياك

ضحك ابوجهي باوعتلة برفعة حواجب وهتفت

- هاا ولك شمالك ؟

- تريدنا بليل وياك بس انا و صفد ؟

- ايي مدام المعتزباالله عالن الحداد أنتَ بديل عنة

- اهاا چا هلاا بطك الفشك بصوت أصفاد هههه

- مااكو طك الفشك اكو نار وفشك اليللة

- الله اليستر من راسك!

- لحد الان الله ساتركم من راسي وتفكيري ومادري اذا راح تضلون هيچي لو لا

- صدك علي الباقر شوكت تريدنا لان البشير قيصر اتصل وكال يريدنا كلنا موجودين بليل

- خير شعندة ؟

- مدريي كال راح نجيكم كلنا وعدنا مفاجاه الكم لازم تشوفوها

- مفاجاة ؟

- انا ماااحب المفاجأت هيي

- هه وانا مثلك والله بس ان شاءالله خير ورة ما يروح نحن نطلع عادي

- اهاا تمام رايح اتصل على صفدفد

- خووش تسوي

طلع علي الهادي من غرفة المصلى واني كعدت بالزاوية واخذت القرآن واتوجهت للقبلة واخذت اقرأ سورة النور

ولمن خلصتها وبديت اقرا بسورة الفتح رن تلفوني استغفرت وسديت القران واخذت التلفون لكيت رقم اريج الله المنطي الها يتصل

فتحتة بسرعة ورديت عليها وسمعت صوتتهاااا للمرة الاولى بعد طلعتها من البيت !

علي الباقر :: الوو ؟

اريج الله :: علي الباقر ؟

- نحرة وصمام كلبة وصمامة الرئوي يابعدهم كلهم

- شلونك خوية ؟

- عوفچ مني وعوفچ من الكل وأنتِ كليلي شلونچ وينچ ؟

- هو اتصلت لهذا الموضوع خوية

- نحرة لاخوج

- اذا دزيتلك عنوان راح تجيني ؟

- أبشري ابسعدچ اجيچ حاافي وركض اكيد دزيلي

- اريدك انت واخواني تجون

- صاار وين ؟

- مادري بعدنا ممحددين بس كلت اتصل انطيك خبر حتى بس ادزلك الموقع أنتَ تفهم

- اكو شيء مو زين ؟

- خوية انا راح اتزوج واريدكم تحضرون ماكدر اتزوج بدون علمكم او من وراكم

- ...................

______________________★______________________

- هي النهار وأنتَ الليل
هي الثلچ وانتَ ناار
هي الابيض وانتَ الأسود
هي النور وأنتَ الضلام
فكيف تريد منناا ان نتقبلكم معاً ؟؟

______________________★______________________

يــــتــــبع 👈🏻👉🏻

⁹,⁸²⁵ كلمة

حسابي الانستكرام