رواية احفاد السيد : الثار ( بأجزائها الإثنين ) الفصل الرابع وثلاثون 34 - بقلم ​رُقَـيَّـةُ الْأَكْـبَـرُ

بسم الله الرحمٰن الرحيم
اللهم صّلِ على محمد وعلى ال بيت محمد

﴿الباقيات الصالحيات ﴾
الحمدالله
سُبحان الله
الله اكبر
لا اله الا الله
لا حول ولا قوة الا بالله
حسبي الله ونعم الوكيل

الکَـــاتـبة ﴿ رُقــيّــة الأكـــبِـــر ﴾

بقلمي روايــة ﴿ ضـحـايـا الـثـأر ﴾
➖ المعروفة بأسم ﴿ أحـفـاد السـيد : الـثـأر ﴾

✨ التَـــعـِب عليــنـا والتــفاعــل عليـــكم ✨

______________________★______________________

_ لمُتابعة حساب الكاتبة _

انستكرام || o.oll13

تيك توك || oo_ll13

قناتُنا تلكرام || oo_ii13

واتباد || oo_ll13

______________________★______________________

- مرتاح بغيابي گلت؟!

شو اني من دونك طحت !

ماشفت طعم الراحة

عفت الفرح يوم الرحت

عاشور بكليبــي انرسم

والروح ما مرتاحة

______________________★______________________

"""" غــَــدير الله """"

بعد الصدمات من ماضي ابوي وألي مسوي بزوجة اخوة جنت مااكدر استوعب شيء ما اتخيل ممكن ابوي يوصل لهذا الحد

اوكِ نتفق ابوي عصبي و يريد كلشي يمشي بكلامة وكلمتة متصير أثنين ومحد يراددة وكلبـة جـَـلد وما يهتم لأحد بس لنفسة وما يفكر بمشاعر المُقابل

بس بنفس الوقت ما اتخيلتة يوصل لهي العنفوانية ابد يعني درجتة نزلت ليضر زوجة اخوه وبنتهااا ؟ ياالله ابوي من أي طيبنة خلقتة ؟ شلون هو وعمامي من رحم وصلب واحد شلون ؟

صعدت لغرفتي وادموعي بعيوني أخذت تلفوني وسجلت بصمة ودزيتها للرقم الي أخذته من علي الباقر رقم اريج الله الموجود بالجهاز العندها
وهتفت بيها ..

غدير الله :: ويـنج اريج وينج عني كل هي الـمدة ؟ صايرة تعرفين تچافين ارجعيلي اريجة اروحلج فدوة واذا ما تردين ترجعين لهنا عادي لا ترجعين بس تعي واخذيني أريج الله هنيالج اتخلصتي من ضلم عبد الحسن بس انا يا اريجة انا محد إلي بس امي وإخواني والله خايفة يا أختي خايفة لا يوصل ضلم أبوي ويخليني اخسر أحد من اخواني البقية
الرهبة الصابتني مجي تخليني اسيطر على نفسي وين أنتِ ؟
رحتي بلا متودعيني ولا عزيتيني بخسارة بنتـي ولا هسة أنتِ ساندتني وانا خسرانة حتى زوجي
من بين كل الموجودين جوة عيوني كاعدة تدور عليج اريج الله كلهم كاعدين اتخيلي حتى أم وهج الطف طلعت عايشة ورجعت النا باقي الجمعة ناقصتج شوكت تكمل ؟
فقدت كل شعور الأخت من رحتي ريحانتي مشتاقة للنوم بنفس الغرفة واضل انغز عليچ مشتاقة أبوگ اهدومج والبسهن بدون ما تعرفين مشتاقة اتعارك وياج واملش شعرج رغم انا الغلطانة مشتاقة لهذا كلة ردي علية خليني أسمع صوتج لو لمرة وحدة بس لمرة وحدة خلي هذا التعب يطيح من اختج بس مرة وحدة اتواصلي بيها وياي ردي علية بس مررة

دزيت الها هي الصوتية وطلعلي صح واحد جنت حيل مهضومة من حقيقة ابوي واريد بس واحد اشتكيلة او يسمعني ولان اخواني الي بيهم مكفيهم
أخذت التليفون واتصلت على انمار

وما اجاني رد رجعت واتصلت علية وهم ماكو رد وما گطعت الأمل اصريت على السالفة لازم احجي وياه وبقيت اتصل علية لحد ما فتح الخط وسمعت صوت انماري يكول :

- غديرة كلبــي ؟

غدير الله :: ما ضنيت

- أشنو الما ضنيتي يابعد تربيتــي ؟

- ماضنيت انا غديرة كلــبــك

- هي شلچ بيها ؟

- هذا الصدك أنمار

- أجي اخذج هسة ؟

- وشنو انا لعبة عندك شوكت ما حبيت اخذتني وشوكت ما مليت مني ذبيتنـي ؟

- شنو هذا الحجي غديرة أشنو لعبة أشنو أذبچ ؟

- أنمار حياتي كلها ما عاجبتني مو ضابطة كلشي چي يمشي اعوچ وياي كلشي أنمار حتى كلبي

- غديرة اجي اخذج انا ببيتنــا لوحدي ؟

- راح اجهز نفسي شوكت تجي

- هساعين تتلگيني يم بابكم

- انتضرك ..

سديت الاتصال ودخلت غيرت ملابسي ولبست حجابي وعبايتي وأخذت جنطتي وطلعت صادفت علي السجاد على الدرچ

واردف وياي

علي السجاد :: خير ان شاءالله مبرگعة وين رايحة ؟

- راح يجي أنمار ياخذني محتاجة ابتعد عن شحنات البيت شوية

خلة ايدية على اكتافي وهتف وياي

- جان المفروض نأمن الچ اجواء اهدأ من هيج حتى ترتاحين أكثر على حساب توج طالعة من المستشفى والمفروض بيت اهلج الراحة الج
بس اعذرينا لان هيج دمرنا نفسيتج بالأجواء هي

- انتم هم جي تعيشون هذا الشعور محد بينا مرتاح !

- نحن زلم ونتحمل بس انتم لااا سامحيني لان تحسستي هيج يابعد روح اخوج

- سجادي محد بينا مرتاح يا خوية مادام اسماءنا اولاد عبد الحسن لآخر نفس بينا راح نبقى كفارة لذنوب ابونا

- لا تفكرين بشيء روحي هسة وانسي اريدچ ترحين كلبچ بس الساعات هي على الأقل كاافي تعبتي ويانة فوك تعبچ

- ان شاءالله سجادي انا مريت على غرفة علي الباقر ولكيتة ما موچود خاف ما ارجع ومو خاف اكيد راح اضل وي انمار خاف يضيعني لو يسأل علية أنتَ أحجي وياه

- صار يروحي من بطن عيوني الغالية كلبي بالج لنفسج

- اذا صار شيء وياكم اتصل علية امانة

- لا توصين غيمتــي البيضة

تركت علي السجاد ونزلت صادفت امي طالعة من المطبخ واردفت وياي

العلوية :: ها بناتي وين متوكلة ؟

- أنمار على الباب رايحة هسة وياه

- الساعة 1الصبح شوكت ترجعين ؟ لو راح تبقين ابيتج هناك ؟

- لا يمة راح ابقى هناك

- زين تسوين يايمة بالج لنفسج وبيتج وزوجج الصار مو نهاية الدنيا هواي نسوان ماضبط وياهن الحمل أول مرة وهسة عندهم سبعة و ستة
لا تأمنين بكلام الدكاترة وتخلي يعبر ويفوق ايمانج برب عظيم بالتعويض

- لا توصيني يمة أنتِ بالج لنفسج وإخواني ولا يضل بالج علية انا وي أنمار

- أروح فدوة لعيونچ الناعسة

- رايحة انا امي

- كلبي وربي وياچ وراضين عليچ

عفت امي وطلعت من البيت مريت على البراني على أمل اشوف علي الباقر و اودعة بس مدري وين طالع ؟ لان ما لكيتة

طلعت للشارع لكيت سيارة أنمار واكفة كدام بيتنا رحت وصعدت يمة بالصدر وهو بسرعة شغل وطلع كبل

أنمار :: ياالله شكد مشتاقلج ما مصدك الليلة وياي

- انا بكل يوم وياك بس أنتَ هاجرني

- يلعن الشغل والجاب الشغل

- انمار لا تتحچچ بالشغل ترى العمر يخلص والشغل ما يخلص ابتعادك عني سببة مو الشغل .

- وشنو سببة بلة بنضرج ؟

- أنمار ريحني وفضني كول شنو البراسك شنو تريد؟ تريدنا نرجع احسن من قبل عادي والله انا من ناحيتي أنسى كلشي وراح ارجعلك واذا أنتَ مو كادر تتخطى خسارة الطفل اتفهمك واطلب منك الطلاگ

- يهون عليج تطلگين من أنمارچ وتعوفيي ؟

- ليش أنتَ شلون هان عليك تهچر غديرة كلبك ثلاث اشهر ؟

- غديرة

قاطعت كلامة بصوتي العالي وعطت بي

- لا تكلي شغل أنمار رحمة لربك لك المفروض مني ما اطييع كلمتك ولا ارجع وياك بعد شمرك هي إلي بس كلبي الحيوان الما يتحمل

- هسة كلبچ حيوان لأن رجعج وياي ؟

- اييي حيوان چا شنو ؟

- والله العظيم أنا اسف وحقج علية

باوعت بعيونة شلون صارت لمعتهن من اعتذر مني ما اكدر أرفض اعتذارا لزمت ايدة وهتفت وياه

- خلينا هسة ما نفكر بأي شيء اغلقلي جهارك وانا هم راح اغلق جهازي وخلي الليلة هي تنگضي بس لغديرة وانمارها

- غالية وتأمرين يا بعد تربيتي

رحنا للبيت لمن نزلت نزل هو كدامي فتح الباب دخلت و أنا شكثر مشتاقتلة لبيتي من 7 محرم طلعت منة وما رجعت بعدها

صالتي مُطبخي حمامي غُرفتي طارمتي كُلشي يخُصني تاركتة بهذا البيت طبيت للصالة وطب وراي أنمار

نزعت حجابي وعبايتي وشمرتهن على الطبلة ورحت شبگت أنمار
هو خلى ايديه ورا ظهري وشدني لحضنة وأردفت وياه

غدير الله :: مشتاگة لعطرك وحضنك حيل ومشتاگة لبيتي كلش لو ادري هيج راح يصير بية بذاك اليوم جان لا طلعت ولا عتبت عتبة الباب

- كافي غديرتي خلينا نعيش اليوم لليوم لا تحجيلي بعد عن شيء كضى وراح

- بس أنمار هو كضى وكضت وياه بنتي وأمومتي

- الله المُستعان لو رب العالمين كاتب النا رزق بالطفلة هي جان ما خسرناها غديرتي محد ياخذ غير رزقة بهي الدنيا

ابتعدت عن حضنة وصرت أباوع لعيونة و هتفت وياه

- تشوف حياتنا راح تصير أحسن ؟

- كلشي أحسن راح يصير النا دامچ وياي وعيونچ

- وانا وياك ومَا راح اعوفك

- أتأخر الوقت يلا غديرتي ما مشتاگتلــي ؟

- لاا مشتاقتلك وحيل

- عَــجل أشنو منتضرة ؟

- أصعد كدامي أنتَ

تركني أنمار وصعد وانا اخذت اغراضي وصعدت للغرفة
لمن فتت لكيتة بالحمام يسبح

غيرت ملابسي وشغلت تلفوني ووقتت الأذان وطلع أنمار كعد على الجرباية وانا صرت كدامة نشفت شعرة

بعد ما خلصنا نمت بحضنة بعد طول الوقت وغفيت ابين أيديه
وما فزيت الا على صوت تليفوني وهو يرن بالاتصال رفعت راسي والغرفة ضلمة وبس الضوة من شاشة التليفون

كمت اخذت التليفون وطلعت بهدوء من الغرفة لكيت الساعة 3 الفجر فتحت الخط ورديت علية وسمعت صوت من السماعة يكول :

علي الباقر :: هااا شلونهم الجماعة وينهم الي راح يزعلون وما يردون بعد
وكلشي والا عزة نفسهم ؟؟

ضحكت لكلامة لأن حقه أنا شنو جنت أحجي وبس سمعت صوت أنمار رحتلة أركض
مثل ما جنت بالمستشفى اتحلفت بيهم لان ما يزوروني

وتالي من طلعت كمت ابجي بحضنهم مااكدر اسيطر كدام كلبي

علي الباقر سمع بس صوت ضحكاتي ما جاوبته رجع هو هتف وياي

- هاا شنو غيمتي ما تجاوبين صرنا مو مستواج ؟

- باقري أنتَ المستوى كله غير

- ههههه شلونج عزيزة قلب السيد ؟

- والله بخير جنت نايمة وفززتني

- اي شفت ما بقى شيء الاذان كلت اتصل منها أطمئن عليج

- ردت اودعك بس مالكيتك

- ايي صح جنت طالع وي السادة وتوني ياالله رجعت

- وين جنتم بهيج وقت .

- هو نحن

قاطعت كلامة وجاوبته

- علييي الباقر ما متعوده عليك تجذب علية باع كولي الصدك لأن كلبي ما ارتاح لطلعتكم هي بهذا الوقت

- رحنا انا وعليي الهادي و ألمعتز باالله و أصفاد الحق

- هلا هلاا هلاا بااع شلون ثلاثة يلا هسة باشرني بالمصايب شنو سويتوا ؟ كسرتوا ضلوع منو ؟ حركتوا منوو سولفلييي ابهرني

- رحنا و حرگنا بيت صديقة أريج الله وردينة حرگنا المعمل و حرگنا المخزن الجبير حلال ابوي

ضليت مرعوبة من الشيء الي سووه لأن مو هين حارگين بيت العالم لو أكو كاميرات ينحبسون وعليي

واذا على المعمل و المخزن فَ ابوي بسرعة راح يفهم و يشمر السالفة على اخواني لان العلاقة ابيناتنا كلش اهتزازية صايرة

عبد الحسن راح يلزك كلشي بينا خفت هواي على اخواني هتفت وياه بصوت يرجف

- علي الباقر سيد قلبي ؟

- نحرة لسيد قلبج

- نحن وين وهي السالفة وين ليش تدحچون نفسكم بالمصائب ما مكفيكم الجي ينزل علينا ؟تردون بعد

- هذهِ ذرة ببحر من الراح نسوي بيهم

- علي الباقر خسرنا هواي ما بينا حمل خسارة بعد اتركوا هذا الموضوع بيد رب السماوات والأرض هو ياخذ حقنا لا تسوون هيچي

- غيمـــة

- هي المرة انا اكلك علي بداعتي عندك بعد لا تتصرفون هيج تصرفات عدوانية احنا اهل الحق ونكدر اكبر شارب انسحگة بس بهي تصرفاتكم راح تخلوننا نحن نصير على الخطأ

- خلص بعد ما نسوي شيء ننتضر حكم الله بيهم بس انا اكلج راح اضل ورة سالفة اريج الله لحد ما الگي الها دبرة

- علي توعدني ما تتهور وتسوون هيج شغلات ؟

- هي هية وراسج وداعتج ما اتصرف اي تصرف متهور

- هسة شوفوا الكم حل وي ابوي اذا عرف واكيد راح يحط اللوم عليكم ويجيكم بلمح البصر

- خلييي يجي أهلاً وسهلاً اذا ما سايعة البيت نحطة بالعين ههه يسفر و ينور البيت بحضورة البهي

من سمعت هذا الكلام من اخوي عرفتة معصب وضايج من ابوي وواصل حدة هم
لهذا ماحبيت اضوجة اكثر وغيرت الموضوع

- علي الباقر

- أبهرة الرئوي لعلي الباقر

- تواصلت وي اريج الله لان دزيت الها بصمة ولهسة ممجاوبتني

- إريجات ماعندها نت تلكيها هسة ما سامعة البصمة ولا واصلة الها أصلاً بس لا يضل بالج اهي بخير ومن يصح الها مجال تتواصل وياي وادزلي رسائل

- يعني حالتها زينة بداعتي لا تضم عني !

- والله العظيم زينة يعني تتخيلين هي مو زينة وانا هيج كاعد وساكت شمالچ غديرة انا ما هادئ هذا الهدوء الا لأن ضامن امانج أنتِ و اريج الله

- الله يريح راسك مثل ما ريحتني

- عزيزة كلبي صار الوقت روحي اتوضي وصلي بقى دقيقة للاذان

- بالك لنفسك ولاخواننا ولامي

- لا توصين بجڤن عيني هم
بس أنتِ اذا ضجتي او زعلوج اسمج وتتصلين علية

- اخذ حقي بيدي واجي اختل ورا ظهرك

- احطچ بالقفص الصدري واقفل اضلوعي عليچ

- أستودعتك الله خوية

- استودعـتـچ كلـبـي يابعد أخيج

سديت الاتصال رجعت فتت للغرفة لكيت إنماري غارگ بنونة حبيب روحي
اليشوفة يكول صار ثلاث ايام على التوالي ما نايم

بقيت الگلوب منطفي ماحبيت اكعدة خليت تليفوني على الشحن وأخذت ربطة الشعر شلت شعري

طلعت من الغرفة نزلت للصالة اتوضيت فرشت سجادتي كعدت أصلي و اندعي حتى الله يفرج عننا هذا الهم والغم

غدير الله :: لَا إِلَهَ إِلَّا اللَّهُ الْعَظِيمُ الْحَلِيمُ، لَا إِلَهَ إِلَّا اللَّهُ رَبُّ الْعَرْشِ الْعَظِيمِ لَا إِلَهَ إِلَّا اللَّهُ رَبُّ السَّمَاوَاتِ وَرَبُّ الْأَرْضِ وَرَبُّ الْعَرْشِ الْكَرِيمِ
يَا حَيُّ يَا قَيُّومُ بِرَحْمَتِكَ أَسْتَغِيثُ، أَصْلِحْ لِي شَأْنِي كُلَّهُ وَلَا تَكِلْنِي إِلَى نَفْسِي طَرْفَةَ عَيْنٍ
اللَّهُمَّ إِنِّي عَبْدُكَ ابْنُ عَبْدِكَ ابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا مِنْ خَلْقِكَ أَوِ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجَلَاءَ حُزْنِي وَذَهَابَ هَمِّي

______________________★______________________

"""" طَــيبـة الزهراء """"

فزيت على صوت اصياح قوي جي من الطابق الأرضي طفرت من افراشي لبست حجابي و نزلت وكفت على الدرج

لكيت عمي عبد الحسن واكع بالكاع وحلگة يصب دم و علي السجاد يمة يحاول يرفعة من الأرض

و المعتز باالله و علي الهادي واكفين كدام علي ألباقر و اختي و امي و أم البنين لازمات العلوية الجانت تنزف من وجهة وسمعت كلامهم :ـ

علي الباقر :: كوم اطلع مناا ومالك فوتة على هذا البيت طول عمرك

علي السجاد :: علي الباقر كاافي انضبط ابونا هذا

- ابوكم الكم موش أبوي

عبد الحسن :: تمد ايدك علية ولك ؟

- اذا تعود وتضرب أمي راح امد ايدي واضربك مثل ما ضربتها واحمد ربك الولد بعدوني عنك

ضحك عمي عبد الحسن وجانت ضحكتة بعصبية بس تخوف ومسح شوي من الدم الينزل من حلگة وأردف وي علي الباقر

عبد الحسن :: كل گطرة دم نزلت من حلگي راح أخذها اضعاف من دم گلبك وسالفة المعمل و المخزن والخلق عبد الحسن ما امشيها سلامات الكم وراح أطلع كلشي من نص عيونك نفس النار الشعلتوها أمس بحلالي راح اشعلها اضعاف بروحكم

هنا عافهم عبد الحسن وطلع و المعتز باالله نزل ايديه من صدر علي الباقر كعد بالكاع ليتنفس لأن الوضع اتگهرب حيل

انا نزلت رحت يم العلوية اجانة علي الباقر هتف وهو يخلي ايديه على رأس العلوية ( أمة )

علي الباقر :: لازم ناخذج لدكتورة مايصير تبقين هيجي

العلوية :: ما يحتاج

أم رحمة :: ليش مد ايدة عليج هذا المشعول ؟

- طب لهنا مشتعل نار ويصيح على الولد يريدهم ينزلون انا جنت بالمطبخ اسوي ريوگ طلعتلة وكلتلة الولد نايمين شنو تريد منهم ليش هيج معصب
كام دفعني عن وجهة وكعت هنا على الطبلة اتأذى راسي وصار يصيح بية ويكلي تربيتج هي هية جي تحرك رزقهم بيدهم تربيتج العاطلة

علي الهادي :: ابوس ايدي وجه وگفة واسجد شكرٍ لله لان نحن تربيتچ موش تربيتة

رحمة الزهراء :: على هي ضربچ ؟

- لا يمة انا اتماديت وياه صرت اصيح بي وكلتلة يطلگني وهو اتخبل وبدة يضربني ويطلع عصبيتة واجيتوا انتم

علي الباقر :: ما تماديتي لا تكولين اتماديت هو يستاهل هذا النوع من اللغة ومنا وغادي راح يشوف الأشد منها

رحمة الزهراء :: خالة كومي البسي بسرعة اخذج للدكتورة اطمئن عليج أكثر

- ما يحتاج أنتِ جيبي الإسعافات الأولية وضمديها بيدج

رحمة الزهراء :: لا يحتاج خالة يحتاج يمة اخذي خالتي جهزيها على ما اصعد البس حجابي و عبايتي وانزللكم

علي السجاد :: صاعد ابدل حتى اوصلكم

صعدت رحمة الزهراء وامي وخالتي و علي السجاد
انا و ام البنين دخلنا للمطبخ حتى نكمل الريوك

طيبة الزهراء :: ما اتخطئ منضر العلوية

أم البنين :: حتى انا ولج تتذكرين لمن جنا كاعدين وسولفت النا شلون خالي جان يضربها ويعذبها للحضة جنت مو كادرة اصدك لان ما اتخيل خالي عبد الحسن يمد ايده على مرة وهو نفسة الي ربه بناتة کـَ حوريات كاتب عليهن ممنوع اللمس

- كلشي اتوقعي فصلات عمي محد يكدر يتخيلهن

- طيبات خالي مشوه وجه العلوية يعني من كل كتر ينزف ادررييي ميكول علوية عندها بختت تشوور ما يخااف على نفسة ؟

- بس تعرفين ترى نص الحق على العلوية

- شلون بلة هي ؟؟

- بنانة ترى العلوية هي مكبرة راسة شوفي رغم مكسرها تكسر بعدهي تكول لأولادها لا هو مغلطان بس اني اتماديت وياه شفتييي شلون الحق نصة عليها

- بس ترى خالتي خطية يعني من يا كتر تتلگاها بنتها الجبيرة متهجولة لو بنتها الصغيرة بزر گعدتها مستقبلها راح وي طفلتها
لو اولادها التوأم الما تعرفهم شلون كبروا و وين اكلوا شربوا
لو تجي لهنا اربع عدها ماتكدر تسيطر عليهم وفوك هذا كلة يجيها خالي

- صدك على طاري غديرة هي وينها ما شفتها معقولة ماكعدت على صوت الصياح ؟

- صدك والله غديرة وينها ؟؟

- ساعة صايرة بيها شيء فوكك وهي بغرفتهاا يمة اخيتي

طلعت أركض من المطبخ و ردت اصعد سمعت صوت المعتز باالله وكفت وثبتت بمكاني ورديت علية

ألمعتز باالله :: اوكفي اوكفي

- هااا

- وين رايحة طيران لفوك شمالج ؟

- اريد أشوف غدير الله لان ما معقولة ما سمعت شيء وما كعدت واجت يمنا

علي الباقر :: ما موچودة غدير الله هنا

علي الهادي :: شنهي وين راحت ؟

- امس رد أنمار وأخذها هسة غديرة كاعدة ابيتها

ألمعتز باالله :: اذا هي مرتاحة عوفوها الله يستر عليها

طيبة الزهراء :: اهاا هنا الحجي وانا أكول مامعقولة ماكعدت بعد هذا الصياح كلة

- لا ما موجودة

- خوش اذا هيج راجعة نكمل الريوك

عفت الولد ودخلت المطبخ وسألتني أم البنين

- هاا طيبات

- طلعت الملعونة مسرسحة وي رجلها

- شلچ بيها شوكت راحت ؟

- مدري علي الباقر كال أجة رجلها واخذاها

- اها الا اذا اجاها بعد ما طلعت امي والأهل

- يمكن لان انا بعد ما راحوا صعدت لغرفتي وعفت الجلسة

- وانا هم تركت الكعدة وصعدت، بس يمعودة اهم شيء هي رجعت لبيتها وارتاحت جنت لاومة كلبي عليها منة لايعوفها بعد الصار

- لا لا تخافين أنمار مثل زاچل يعشك شيء اسمة غدير الله

- زاچل منو ؟

- شمالچ ما عرفتي الزاجل حلال رحمة الزهراء

- يا طيباات أنتِ شمالج موش انا ولج زاجل حلال رحمة الزهراء شني ؟

- طركاعة تلفج ولج زاچل يعني زُبير

- يااااا عزة العزاج هسة زبير كلبتي أسمة زاچل

- على كولة علي الهادي الاثنين طيور ليش تقبلون بــ زُبير وتزعلون من زاچل شني هي العنصرية العندگم ؟

- يمعودة لا تسمعچ رحمة الزهراء هسة و تطنگر علينة ههههه

- سكتت حتى ترتاح مادري شلون بالعتة

- منو ؟

- لا بنانة صدك شمالچ ما تجمعين وياي ؟

- ههههه والله أنتِ ما ينفهم عليچ طيبات تطلعين من موضوع تطبين ابطن الثاني بسرعة ما تنطينا مجال ندرك الشيء الحجيتي

- جي احجي عن زُبير و رحمة الزهراء

- اهاا اي يروحي شمالهم الگناري ؟

- ويعة منهم الگناري ؟

- اختچ و نسيبكم غير ؟

- الرجال غثيث وينة وين الكناري مدري شمالها رحمة الزهراء لازگة بي

- جا شتردينها تطلگ شمالچ طيبات تحبة وتشوف مرارتة حلاوة

- ياعلليي طگت مرارتيي ماعرف شلون متحملتة انا وكفة ما اتحمل اوكف يمة يصعد الجالي عندي !

- لصراحة انا ما شفتة عدل بس بحادثة اريج الله وهو بقى ويانة هنا انا شفتة وشفت شلون خايف على رحمة الزهراء ومهتم بأدق شيء يخصها

- ولج اعرف كتلج هو يتنفس رحمة الزهراء لو عبادة غير الله حلال ومابيها گفر جان شفتي زُبير يعبد رحمة الزهراء

- جا بعد شنو تردين لاختچ مو زين وحصلت واحد هيچي يحبها ويخاف زعلها ؟

- مادري بنانة كتلج غثيث ما ينبلع

- علساس أنتِ الي تنبلعين ؟

- هااا ولجج ههههه

- هههه والله العظيم لا تعيبين وأنتِ العيبة

- خوش خليچ بس أنتِ سوين الريوگ لوحدچ

- وين أمولية ؟

- ورداتي محد سگاهن ماي طالعة الهن

- ما شايفة ورد يسگي ورد

- انجبي انجبي ما احجي وياج توچ تكليلي ما تنبلعين ولي ياالله

- ههههههه تدرين اشاقة

عفت ام البنين وسويت روحي ماخذة بخاطري

منها وطلعت للحديقة أول شيء شغلت الماطور وخليت الصوندة تجري ماي وشمرتها على الحشيش تصب بالكاع حتى تشبع الكاع ماي

ورحت لزرعاتي وصرت اشربهن ماي واتذكرت طيورنا الجانوا عندنا ببيت ابوي بس باعهن ألمعتز باالله كلهن لمن قررنا نستقر هنا

جبت بس هذني الشتلات وياي مالاتي ..

غرگت زرعاتي ماي حتى ما انطيهن عذر يموتن رحت للماطور ترست صطلين ماي وطفيتة ورحت للحديقة شلت الصوندة وحطيتها بالزاوية

ورحت للحديقة الخلفية شلت أفراش المرجوحة شمرتة بالكاع وجبت صطل من الترستهن وصبيتة فوك الفراش وكعدت ادوس علية برجلي

وجبت صطل ثاني رفعت الفراش وخليتة على المرجوحة وصبيت الماي فوكاه ولمن ردت اشيلة واشمرة على الحايط

ماكدرت لان الفراش گطن و صار شابع ماي ما ينشال ضليت اباوعلة وافكر شلون اشيلة واشمرة حتى ينشف بالنهار !

اجاني صوت من وراي :ـ

- أشيل عنچ وردايتـــي ؟

التفتت مفزوعة للصوت ولكيت علي الصادق كدامي و بظهرة علي الكاظم حطيت ايدي على صدري زفرت النفس وهتفت :ـ

- بسم الله الرحمٰن الرحيم منين طلعتوا انتم ؟

علي الكاظم :ـ دخلنا من الباب مفتوح

- أهلاً وسهلاً بيكم تدخلون لجوة ؟

علي الصادق :ـ لا نبقى هنا الجو يخبل ولا غلطة

- ههههه وعلي تعبت من الغسل هد حيلي الفراش اكيد راح تفوتون البيت بيت ابوكم انتوا اهل الديار

علي الصادق :ـ راح نفوت لبيت ابونا بس قبلها زيحي ليغاد خليني اساعدج

ابتعدت عنة وعدلت حجابي وهو شال الفراش وشمرة على الحايط صرت اباوع الهم وهتف علي الكاظم وياي :ـ

علي الكاظم :ـ هذا أنتِ غسلتي ؟

- ايييي سگيت الكاع و شتلاتي وغسلتة بطريقي

علي الكاظم :ـ والله عفية طلعتي خوش أمرية معدلة تغسلين وتنضفين موشش مكضيتها بس نوم

- ليش سامع عني شيء عكس الي شفتة ؟

- لا والله بس هيج طلعتي صدك كفو تصيرين مرة اخوي الجبير على سن ورمح

خجلت من كلامة وبنفس الوقت استغربت معقولة كلهم يعرفون بعلاقتي بعلي الباقر ونحن على بالنة محد يدري ؟

ذاك اليوم العلوية انطتني بسمار وهسة علي الكاظم

رجعت حطيت ايدي على حجابي وابتسمت ابتسامة سطحية خجولة وعفتهم ورحت دخلت للبيت وطبيت للاستقبال

لكيت الكل كاعد على السفرة الريوك بأستثناء العلوية و علي السجاد و اختي لأن طلعوا للمستشفى

بقيت واكفة كدامهم اباوع واني مترددة اكول الهم منو برة لو لا خزرني علي الباقر وهتف وياي المعتز باالله

المعتز باالله :ـ شمالچ متجمدة بمجانج ما تچعدين ؟

- هوو اءءء

- خير شنهي، حلگج يلزك احجي وفضينا ؟

- علي الصادق و علي الكاظم أجوي لهنا وحالياً هم برة واكفين بالحديقة

علي الباقر :ـ شنو رجعهم ؟

ألمعتز باالله :ـ انا اتصلت بيهم راح اكوم ادخلهم لهنا

علي الهادي :ـ ليش اخواني من شوكت راجعين العراق وانتم عندكم علم وانا لا ؟

المعتز باالله :ـ كلنا نفس حالك ماندري وهي أول ما عرفت كلتلهم وجبرتهم يجون يرجعون لبيت ابوهم

علي الباقر :ـ شكو متصل عليهم معتز هذول اخواني موش اخوانك لا تدخل بيهم وخلهم يرجعون من وين ما أجوو

علي الهادي :ـ باقر ترى التحجي عليهم حالهم من حالنا لا تحجي على عبد الحسن وهسة أنتَ مثلة اخواننا رجعوا للعراق يرجعون لبيتهم ومأمنهم شتريد يكولون احفاد احمد الصادق ما معترفين من الي من دمهم ولحمهم؟

ألمعتز باالله :ـ كلام علي الهادي صحيح 100٪ ماراح اضيف علية شيء بس شغلة صغيرة واتمنى تتفهمني بيها علي الباقر ابوك جرحنا كلنا ونحن مانكدر نجرحة حتى لمن ضيعنا تعب عمرة وحلالة شفتة بعينك مساع ولا مهتم ولا اهتز خلينا نكسرة هو كلشي ولا تنكسر كلمتة وهسة راح نطرة خوش طرة لمن نخلي علي الصادق و علي الكاظم الي هو متبري منهم وطاردهم منا ومحرم فوتتهم للبيت نخليهم يرجعون ويعيشون ابيناتنا وعلى حياة عينة

علي الباقر :ـ مقررين ومخلصين ليش جي تقنعوني غصباً علية راح ارضى واسكت!

ألمعتز باالله :ـ لا والله حاشاك مو غصب عنك ما تريدهم عادي ما يرجعون بس انا اريد ارجع الكسرة الكسرنياها عبد الحسن اضعاف ومالكيت شيء كدامي بس اولادة هذول الهجولهم شبابهم كلة .

- خلص سوو التردونة وطلعلوني من السالفة ولا تطلبون مني اجامل لو شيء خووششش

علي الهادي :ـ هي سوالفك بس هسة لمن يعيشون ويانة وتتذكر ايامك وياهم أنتَ راح تكللهم لا ترحون

علي الباقر :ـ الله كريم ويقدم الي بي الخير

انا أعرف علي الباقر مو شيء علاقتة بأخوانة بس بعد كلام ألمعتز باالله حسيتة شوي طخ لان شاف اخوي شكد مكسور من عمي وماجان يريد يكسر عزوز اكثر
لهذا جاراه

عاف السفرة و طلع اخوي ودخل علي الكاظم، علي الصادق
ورحب بيهم ترحيب حار وامي كذالك كامت وحضنتهم ورحبت بيهم بالنيابة عن امهم الي جانت لازم تشوف اولادها شلون يفوتون للبيت مرة ثانية مثل ما طلعوا منة قبل سنوات

لمن كعدنا كلنا على السفرة ما أردف علي الباقر بولا حرف وياهم حتى الحمدالله على السلامة ما لفظ اللسانة

بعدها حسيتة هواي انغث لهذا ما اتحمل يضل هواي عاف السفرة وكام واردفت وياه امي :ـ

أم رحمة :ـ هاا وين گايم يمة ؟

علي الباقر :ـ شبعت وعندي شغل لازم اروحلة سفرة دايمة

عافنة وصعد لفوك حسيت روحي ما كاعدة يمهم لان بالي صعد وي علي الباقر
وماكدرت أصبر ابد

رجعت لورة من السفرة وكمت اخذت خطواتي اريد أصعد لفوك وكفتني أم البنين وهتفت وياي :ـ

ام البنين :ـ اكعدي خلي نتريك مثل الاوادم وين رايحة !

- متشوفيني جنتي سابحة بهدومي من كل صوب متبللات صاعدة اغيرهن

ام رحمة :ـ لا تتعطلين

- ثواني اغير وانزللكم

صعدت لفوك ورحت للطابق الثاني دفعت الباب ودخلت لغرفة علي الباقر لكيتة واكف على المراية يمشط بشعرة نضرني وضل ساكت

رجع نضر للمراية وأخذ العطر وصار يبخ على ملابسة غرك روحةة
اتقدمت خطوات اخذت العطر من ايدة

وهتفت وياه :ـ

- لاتخلي هوواي ترست الغرفة شعندك بهذا العطر كلة

- ترديني اطلع بخيستي ؟

- وينهاا الخيسة خليني اشمهاا ؟ ولك أنتَ من غير عطر ريحتك ترد الروح ادور تخليلي عطر !

- لا مابية ريحة

- علي انا الي الاعرفك ترى واكف كدام طيبات أنتَ

- وشنو تعرفين يعني ؟

- أنتَ ما كاتلك تطلع بالعطر لو لا بس أنتَ ضايج من وجود اخوانك لهذا مطلع ضوجتك بالعطر

- ما ضايج من اخواني طيبة الزهراء ترى هذول احزام لظهري يوم الكسرة مالي غيرهم

- چا بعد شمالك ينور عيون طيبات !

- ليش صعدتي ماكعدتي وياهم على السفرة مو حضر علي الصادق ؟

- روحي صعدت شكو كاعدة يمهم بس جسّد ؟

- طيبة الزهراء

- عيونها لطيبة الزهراء

- علي الصادق و علي الكاظم راح يستقرون هنا

- شنو ما تريدهم يستقرون شبيك علي مجيّ افهم عليك

- طيبةة علي الصادق راح يستقر هناااا

- علييي خايف منة لو شنو ؟

رجع لورة وبحرگة و دموع بعيونة دك صدرة مثل اللطم وهتف وياي :ـ

- لج خايف من حضي من حضي خايف أدري بروحي مامش حظ عندي

- انزل واطلبني من ألمعتز باالله بدل ما معيش روحك بهذا الرعب والخوف

- ماكدر لون اكدر ما انتضرت ولا ثانية ولا صبرت هذا الوقت كلة

- شنو اليمنعك ليش متكدر يعني تكدر تعيش وي هذا الخوف بس ماتكدر تريح راسك وتضمن انا الك ؟

- طيبة انا حلفت ما اخطب ولا افرح الا بحضور اختي اريج الله دامها ما موجودة لا احجي ولا افكر بالموضوع

- ويعني تضل بهذا الخوف هيجي ؟

- لا انا عندي ثقة بيج طيبة أنتِ بس لا تنطين وجه لعلي الصادق وكلشي راح يصير تمام

- علي الصادق حالة حال هدهد و سجادي و روضي

- دام هيج لا اخاف ولا اهتم اطلع وانا مرتاح موو

- اطلع

- طيبة لا تخليني اعوف التزاماتي وشغلي واكعد اباوعلج واضل هنا مچودر بالبيت بس علمود ما انطيچ فرصة تحجين وي علي الصادق

- شسالفة علييي

- اي لان ادري بيج السانج فالت ما ينلزم اليكلج هلاو تكلبها وياه مسرحية بالسوالف و الاكشن

- لا لتخااف روح وأنتَ مطمئن رايحة اغير اهدومي وانزل اتريك واصعد لغرفتي اكمل تحاضيري

- اخر مرة اكلچ لا تنطينة وچه !

- صار وتدلل سيد گلبي

- راح اروح انا

- صدك وين رايح

- الشعبة طلبتني عندنا قضية ويردوني اروح وياهم للموقع

- كواك الله

- كوة الله حيلج يا نحري

عفت علي الباقر طلعت لغرفتي غيرت اهدومي و نزلت كعدت على السفرة وأردف علي الكاظم :ـ

علي الكاظم :ـ عفناچ كتكوتة وين هسة كبرتي وصرتي زوجة أخونة ونحن آخر من يعلم

أم البنين :ـ الوقت يركض ركض خوية منو يصدك امس چنا نلعب ونركض سوة بالحوش وهسة هههههه

بهذا الوقت نزل علي الباقر وما وكف وهو طالع للحوش أردف :ـ

علي الباقر :ـ استودعكم الله

المعتز باالله :ـ بالك لنفسك خوة

بعد طلعة علي الباقر عم المكان السكوت حسيت علي الصادق جان يريد يفتح شيء موضوع ويخلينا نحجي بي ضحك وهتف :ـ

علي الصادق :ـ صدك شكد طلعتوا معدلات أنتِ وغدير الله ادريكم سادس؟

علي الهادي :ـ بنانة طلعت معدل 88.22

علي الكاظم :ـ حلوو حيل کـَ دور أول وسنة اولى الج بالسادس كلش حلو المعدل وين تردين ترحين بخاطرج شيء ؟

أم البنين :ـ هواي راغبة الصيدلة وبخاطري اروح الها

المعتز باالله :ـ تقبل هذاا معدلچ ؟

علي الهادي :ـ حتى اذا ما قبلتها اخليها تروح موازي او احولها أهلي صيدلة لو اعرف اشتري الها درجات المهم اخليها تروح لحلمها

علي الصادق :ـ زين وغدير الله شنو طلعت معدل !

علي الهادي :ـ هي انطيها بس اكل اهم شيء بطنها ام الكسل

علي الكاظم :ـ هههههه ليش شكد معدلهاا ؟؟

طيبة الزهراء :ـ يمكن طلعت معدل 79.34

علي الكاظم :ـ وين تروح بهذا معدلها ؟

علي الصادق :ـ بهذا معدلها حتى كدام صالة الولادات تهلهل ما يقبلونها هم يردون شهادات عليا ههههه

ألمعتز باالله :ـ يكولكم ايام معدلات الــ 100 والــ 99 و الــ 98 كضضتت وي ذولاك النااسسس ..

ضحك المعتز باالله وصار يباوع لعلي الهادي و علي الرضا لان همة طلعوا معدل 98 و رحمة الزهراء و اريج الله جانوا من المتفوقين

لهذا ابيتنا الي ياخذ معدل حتى لو 80 يتهزءء شنو جايب هذا المعدل ناقصك ايد رجل عين عقل ؟

ضحكت أم البنين وفهمت قصد اخوي وردت علية :ـ

أم البنين :ـ صدك والله خوية على بالك گارطين الكتاب گرط لو مسربين الاسئلة ماكو هيج ما كو خطأ بـ موجب او سالب ما خربطوا ب متسعة لو مرض معادلة راحت من راسهم انشاء نسوا شلون يكتبونة كلشي مااكوو بس على حضنا ستت بس اول كلمة خليني اتذكر التعريف .

علي الرضا :ـ يييع عينكم بالشط ان شاءالله يمة احس عقلي وكف بعد ما يستوعب شيء ماجي اكدر افكر يمة

علي الهادي :ـ وين گوعي الأيسر ارفعة بوجهم أستر على نفسي واخييي راح يروح بيهاا ابدال ما تحسدون اكعدوا ادرسوا واطلعون معدل ترى السادس وعلي شربة ماي

المعتز باالله :ـ اكول لا تمدح السادس كدامي لا اشمرك بالكلاص الجاي هذا سهل ابو السهل غير شمعة شبابي طفاها ياالله طلعت منة

علي الرضا :ـ لا والله صدك سهل كلش احبة واحب دفعتي واتمنى ارجع للسادس وارجع امتحن وزاري ميت مرة وعلي

علي الكاظم :ـ معتز اشمرة اشمرة

ألمعتز باالله :ـ هو هيج والله اذا ما سكت .

علي الصادق :ـ هههههه لا صدك غديرة وين حابة تقدم ؟

علي الهادي :ـ والله ياخوية هي ميتة ومگطعة روحها على المحامى

- يلوگ الها ألسانها اطول من اعمارنا . زين وأنتِ طيبو

طيبة الزهراء :ـ وأنا شنو شبية

ألمعتز باالله :ـ طيبة بعدهي السنة هي ثالث متوسط

علي الكاظم :ـ اوووو الطريق طويل بعدة كدامج ومتروس تعب ديري بالج تصدكين بالي يكلج راح ترتاحين لو شنو بس هي السنة كلها تعب بتعب حتى الجامعة تعبها اضعاف من المدرسة ماكو راحة لحد ما تلبسين روب التخرج

طيبة الزهراء :ـ عادي نتحمل ماكو شيء يجي بدون تعب واذا اجى بدون تعب يروح بدون تعب .

علي الصادق :ـ اي والله كلامج حچي هههه

ألمعتز باالله :ـ طيبة الزهراء هي كلامها حجيها يدرس ترى

- ناصبين علية لو شنو ؟

ام البنين :ـ فهمچ كفاية يروحي ههههه

علي الهادي :ـ ابد منو اليكدر ينصب على چعدة العلويات

- لا جديات احجي

علي الكاظم :ـ ونحن عميات نحجي

المعتز باالله :ـ رجاءاً انا احجي خاليات هههههه

- هي عود صدك تحجون ؟

علي الرضا :ـ عود مال بخور ؟

علي الهادي :ـ لا عود مال نشافة احلا ههههههه

- هسة المفروض مني اخذ هي نصبكم علية كــَ عادي مو ؟

علي الصادق :ـ عادي لو ملون ؟

علي الكاظم :ـ هههههه قديمة بس حلووة اخوووي

ام رحمة :ـ لو انا منج واشوفهم هچي ناصبين علية اسكت وما افگ حلكي بعد

- وتقبلينها هيج ناصبين على بنتج ؟

المعتز باالله :ـ تقبلها بنت تقبلها ههههههه

- لا خلونا صدك نحجي

علي الكاظم :ـ لا اشو الا جذب نحجي

علي الصادق :ـ انا هم ما احب الصدك احجي لي بابن عمة

- ما احجي وي اولاد عمة بس وي الصدك احجي

علي الهادي :ـ لا شيء مو زين جا نحن ما نحب نسمع الصدك هذا عدنا خلاف وياه شلون ؟

أم البنين :ـ هي شبيكم اكلتوا البنت بلا ملح حتى تريد تحجي شيء وانتم لگفتوها شمالكم انطوا فچة للبنية

ألمعتز باالله :ـ اييي نورينا شنو تردين تحجين ؟

- هو انا ردت احجي وياكم بخصوص المدرسة

ام رحمة :ـ وشبيها المدرسِة يمة ؟

- اريد هي السنة اغير مدرستي هي ماريد ابقى بيها

ام رحمة :ـ وين تردين اوديچ ؟ خليج بمدرستج يمة طالبات تعرفيهن صديقاتج وياج ومدرسات يعرفنج ويحبنج وحتى اذا احتاجيتي شيء راح يساعدنج لان طالبتهن انتِ

- صحيح يمة بس ما يهتمن بالوزاري ابد منتبهَ عليهن يتعاملن وي الصف گان مرحلة عادية اسألتة بيدهن ما يكولن اسئلة من الوزارة الثالث عندهم 24س شاغر !

- أسجلچ بأهلية يمة ؟

- لااااا تعرفين قراري بخصوص المدارس الأهلية

- ايي چا وين تردين تروحين المدرسة بقالها اسبوع والمدارس راح تغلق النقل وهي السوالف خليني اشوف دربي انقلچ ابقيچ شنو قرارج شنو تردين ؟

- شوفي اكو مدرسة اسمها ثانوية المعارف خليني اروح الها !

- وين صايرة هي ؟

ألمعتز باالله :ـ شعندچ تردين ترحين لهي المدرسة بالتحديد ؟

- لأن خوية تدريسها كلش زين صديقتي العام راحت الها والسنة رابع هي وكلش تحمد بيها ونصحتني اجيها لان وزاري وهم كل اعتمادهم علينة نحن الثالث والسادس لان يردون مننا نسبة لمدرستهم لهذا منطين الوزاري بمدرستهم الأولوية

المعتز باالله _ برفعة حاجب _ :ـ كلتيلي صديقتچ بيها ونصحتچ تجين ؟

- ايي خوية

ألمعتز باالله :ـ الله يخليج هي الصديقة هواي مهتمة بمستقبلج وتخاف عليج وعايفة روحها وكاعدة تنصح بيج

علي الكاظم :ـ اذا المدرسة زينة صدك وتدريسها خوش خلوها تروح الها

- اي والله هي كلش زينة وحتى كادرهم حلوو

المعتز باالله :ـ وشني كادرهم شبي ؟ شفرقة عن كادر مدرستج هي ؟

- خوية هذا تدريسهم متطور حيل يعني يدروسون الطالب على التعليم الحديث مو مثل مدرستي تحسسني بالتسعينات وهم ثانوية المعارف كادرها ترى نص مُدرسين ونص مُدرسات

ألمعتز باالله :ـ هلا هلاا مختلط يعني

- بس المُدرسين مو المدرسة كلها كم مُدرس رجال

أم البنين :ـ كُلش زين تدريس المُدرس كلش حلو ويفهم اكثر من المُدرسة شفتها انا على اليوتيوب ابد ما اعتمدت على مُدرساتي بكثر ما معتمدة على مُدرسيني الالكترونيين

- صحيح انا هم دا اقرأ على اليوتيوب وجي اشوف شكد يفهمون وحلو شرحهم

ألمعتز باالله :ـ هسة انتِ همچ تردين مدرسة زينة تدرسچ عدل للوزاري مو ؟

- ايي اكيد

ألمعتز باالله :ـ خوش ماكو داعي ترحين لثانوية المعارف اقدملج على ثانوية الاخلاص اتخرجت منها غدير الله و ام البنين وكدام عينج معدلاتهن ترفع الراس

- وليش أنتَ ماتريد مدرسة المعارف ؟

- هيچي من راسي تردين ابقي بمدرستج تريدين تنتقلين ترحين للإخلاص غيرها ماكوو تكعدين هنا بالبيت وتنثبرين تخدمين امي

علي الصادق :ـ شسالفة خوية هدي اعصابك ماكو اعناد بالمُستقبل هذا مُستقبل أختك لو وين ما جانت راحتها لو تريد تتدرس بالبرازيل طك جوازها وطيرها تدرس هناك ترى خوة الدراسة مو بس كتاب افتحة وأقرأ البي اهم شيء بالتدريس كلة نفسية الطالب لازم يركز على راحتة اكثر من على دروسة ولا تخليها بمكان هي ماتريد وما ترتاح نفسياً بية

ألمعتز باالله :ـ انا ماكلتلها شيء مو تريد تنتقل خووش تروح للاخلاص

ام البنين :ـ خاف مدرستنا ما تعجبها وانا واثقة ماراح تعجبها لان نمطنا مُختلف تماماً عن النمط الي متعودة طيبة الزهراء تدرس بيها

ألمعتز باالله :ـ دامها متعلمة على نمطها خوش خليها بمدرستها هي

علي الكاظم :ـ معتز اخيتك وزاري لا توكف هيج بوجها وين ماتريد يا مدرسة تحس روحها مرتاحة بيها وديها اهم شيء هي

ألمعتز باالله :ـ شنيي وزاري لازم نتيه اعراضنا ؟ على ابو وزاري المعارف و مُدرسين لا تحلمين ترحين الهاااا خوووش هو انا على خشمي مخليج تكملين مو ادور ادزج لزلم خوووششش والله

ام رحمة :ـ لا تنسى روحك انا بعدني عايشة وانا اقرر بناتي وين يصيرن من اموت يصير دورك تتحكم !

ألمعتز باالله :ـ هي احجاية وحدة وما اثنيها مدرسة ما نعرفها وبيها مُدرسين مااكوو روحه الها من الأخير لو تنگبرين بمدرستج لو ترحين للاخلاص غيرهن انجبي واكعدي هنااا

ضجت حيل من كلام ألمعتز باالله عفت السفرة وكمتتت ولزمت أذيال صايتي وامي وهتفت وياي :ـ

ام رحمة :ـ ها يمة طيبات شنو وين كايمة ؟

- خلص كلشي ماريد منكم سفرة دايمة ان شاءالله

- طيبات يمة ولج......

عفت امي تندهلي وانا صعدت اركض لغرفتي فتت وسديت الباب علية وجنت حيل مقهورة بحياتي ما طلبت شيء وما عارضني

وهسةة يريد يدخل حتى بمدرستي وين اروح وين ابقى ! شنو هذا التدخل ياالله

شمرت حجابي على الفراش رحت سحبت الكرسي بحرگة كعدت بعصبية اخذت كتاب الاجتماعيات وقررت اقرأ

بعدها شفت روحي مچي افهم شيء لان جنت حيل ضايجة من المعتز باالله طبگت الكتاب واخذت تلفوني اتصلت على علي الباقر

بعد ما جاوبني :ـ

:ـ ها يا أبهري الرئوي

- وين وصلت

:ـ كولي ياالله توني راح اوصل للموقع صار شيء

- تمتم يروحي انتبه لنفسك ولا تتاخر ارجع على وقت اروحلك فدووة

:ـ صاير شيء صوتچ مو تمام

- لا بس اريد اقرأ وضجت شوي

:ـ لا تضوجين باباتي بس ارجع أجيبلج شيء وياي يونسج

- شنو ؟

:ـ اندومي اكو غيرة يعني ؟

- هههههههه خوش بس اتقبلة بشرط

:ـ شنو هي ينحـــري

- أنتَ تطبخة الي بأيدك

:ـ افف جنج على طبخ اطبخلچ حتى كلبــي

- احبك حيل

:ـ خايبة انا الميت عليچ يصمامي

- ماريدك تموت علية

:ـ چا شنو تردين ؟ بس كولي وادللي التردينة

- اريدك تعيش علية

:ـ اااوفف وهو من اسنين صار
علي الباقر عايش على طيبة الزهراء موش من اليوم لو باجر

- لا تتاخر يروحي أنتَ

:ـ وانا اگدر على افراك عيونچ ساعتين تلكيني مچودر يمچ

- انتضرك

:ـ خوش ينحري بس خاف أتأخر على الغدة أكلي لا تضلين بدون أكل

- لا توصيني يروحي

:ـ يلا استودعتــچ الله

- في امان الله

سديت التلفون وانا حاسة كلش ارتاحيت طفيتة وخليتة على صفحة
سحبت الكتاب فتحتة على الفصل الثالث

شغلت الأيباد حطيت السماعات بأذاني علمود انعزل عن الواقع المرير
و صرت احضر المحاضرات التخص هذا الفصل

______________________★______________________

""""" أريج الله """""

بينما أنا بالبيت كاعدة على الفراش وأقرأ كتاب اندك الباب حطيت شالي على راسي ثم سديت الكتاب صليت على النبي ثلاث مرات

كمت وكفت ورة الباب و خليت ايدي على مقبض الباب اتعوذت من الشيطان خوفاً جان لا تطلع الجايتني غيرة

بينما أنا واكفة بحيرة أفتح لو لا ؟ اجاني الصوت خافت حيل من خلف الباب يكول :ـ

:ـ أريجات افتحي يمعودة شنو نايمة ؟

الصوت هذا صوت داسِم!!

فتحت القفل ثم سحبت الباب فات هَو للغرفة و سد الباب وخلا ايده عليه
بقيت واكفة وأعاين بعيونـه

أخذ وهتف وياي :ـ

:ـ شلونچ عيني ؟

- شوفة عينك زينة الحمدالله

:ـ زين شوكت عاجبج او يا يوم يوالمج علمود ننزل للولاية لأن انا من ناحيتي كملت كلشي بخصوص الشيخ و العقد وأمنت كلشي بقت بس أنتِ

- اليوم شنو بالايام ؟

:ـ اليوم الإثنين

- متأكد ؟

:ـ اييي اكيد غير شفت التقويم اليوم الصبح

- اذا اليوم أثنين خلينا للخميس الصبح ننزل ونكمل كلشي

:ـ هواي للخميس !

- لا مو هواي ترى باقي بس يومين

:ـ وتشوفين هي اليومين سهلات ؟

- داسِم شنو الوراك أنتَ ؟

:ـ الميز هذا وراي أنا

- أقصد شنو الي براسك

:ـ براسي مخ و مخيخ وجمجمة واعصاب شنو البراسي يعني

- يووو داسِم احجي وياي عدل !

:ـ شني احجي عدل چا هسة انا شسوي احجي وياج مرعبل ؟

- انطيها الك من الأخير

:ـ انطيني

- انا خايفة منك

:ـ مو شيء جديد دومج خايفة مني اذكرج اول ما اجيتي شلون من اوكف كدامج شلون ترجفين !

- بس هي المرة تختلف هي المرة صدك خايفة مو بس جسدياً شعورياً ونفسياً وكلشي انا خايفة منك

:ـ هم حقچ تخافين وما الومج لو غيرج جان هچت منا بالنهاية انا متعاون وي الشيطان وأنتِ علوية!

- وشلون هسة ؟

:ـ نتزوج واغير نضرتج هي بية

- داسِم انا لحد الآن عايشة 26سنة من عمري ويمكن الي شفتة كلش كافي وزيادة هم اذا جنت أنتَ أمبيت الي نية مو زينة بعد الزواج هذا خلي براسك قبل كلشي انا ما ضريتك بشيء وبالنهاية لو شنو تسوي وياي انا ما استاهل منك هيجي تعاملني لو تدفعني ثمن شيء
جي تفهمني شنو جي اكول لو أوضح اكثر ؟

:ـ لااا جي افهم شسالفة منو كالج جاهل ترى الكدامج جان
طالب طب عام

- اذا تفهم كلش زين

:ـ شوفي أريج الله انا لا اعرفج ولا أنتِ تعرفيني
لخاطر يجي براسج ان انا احقد عليچ واتزوچچ حتى اعذبچ هي السوالف كلها مو بعيني ولا براسي انا ما طلبتج الا من بعد ما شفت يمج الأمان الي جنت ادور علية الي ضيعتة بيوم ضاعت عائلتي
وانا جي اغير من اطباعي واحاول اسيطر على نفسي وما اطلع كدامج بصورة داسِم خاطر لا تخافين مني اكثر ما أنتِ خايفة
كلهذا الصراع النفسي الي حالياً جي اعيشة لخاطرج
ماريد اخسر نضرة اعيونج هي الحنينة

- عادي اكلك شيء و تتقبلة مني ؟

:ـ اكيد اتقبل كلشي منج كولي

- ماريد اتزوجك هذا الموضوع كلة انا ضدة وماريدة واذا صار صدكني راح يكون ضد رغبتي الشخصية

:ـ أريج الله اذا بعدج ما تعرفين حَيرام روحي اسالي مماس عليه
انا مُستحيل اسوي شيء ضد رغبتج الشخصية واذا ما تردين هذا الزواج براحتج انا بس لخاطرج ردتة يصير لان بالحالتين انا متقبلج هنا بالقرية ان جنتي مرتي لو دخيلتي بس خايف عليج من خالتي اذا عرفت ما تخليج عايشة وأنتِ ما تكدرين تطلعين من هذا المكان وبنفس الوقت غيرة ما ينخفي عليها شيء ترى انا ذرة ابحر من كفرها و سحرها لهذا انا كلت اخليج مرتي وهيج ماراح تندك بيج مثل زوجة متعب

- احس نفسي مو كد هي الخطوة داسِم هي الخطوة اكبر مني اكبر من طاقتي صدكني داسِم انا متفهمة أنتَ تريد تحميني من خالتك بس والله شعوري جي يخنگني

بديت ابجي حيل لان ماكدرت اتحمل الموقف ولا اتخيلة

يعني من بعد ماجانت امي تتمنى تجيني القسمة الزينة وتفرح بية تاليتي اتزوج هيج ؟

ولا من بعد ما جنت احلم واريد اتزوج واحد مثل علي الباقر و علي الهادي يطلع واتزوج داسِم ؟؟

كعدت على الفراش امسح وجهي بأدية وامسح ادموعي
و داسِم سحب الكرسي وكعد كدامي

وهتف وياي :ـ

:ـ انعل ابو الزواج لا ابو اليتزوج خلي يولي ولا اجيب طاريه بعد هو انا مااريد اشوف ادموعج واريدج بس تضحكين مو ادور اصير انا سبب بدموعج وقهرج مستحيل اقبلها

رفعت ايدية عن وجهي اخذت نفس حطيت عيني بعينه رديت عليه

- يعني ما تريد نتـــزوج ؟

:ـ شوفي الزواج هسة واكف عليج انا اريدج بس اذا أنتِ ما ترديني ما اجبرج ولا احط السچين على ركبتج طلعي السالفة من راسج وكأن ما حجيت وياج نبقى حبايب هيج لحد ما تفرج عنج وترجعين معززة مكرمة لهلچ

- وخالتــك غيرة ؟

:ـ شبيها خالتي ؟

- تسويلي مشاكل اذا ضليت

:ـ مالچ غرض بيها ما اخليها تدنالچ

- اذا هيج تمام

:ـ انا نازل للولاية بالچ لنفسج ولا تحجين وي غيرة حاولي تتجاهلينها واذا حجت وياج اخذيها على مايها وجاريها بس خلصي روحج منها وهم لا تبقين هنا لوحدج كافي راح تتخبلين روحي اطلعي شمي هوى العبي برة وي جميل لو روحي لصديقتج مماس او اكلج روحي اكعدي وي مرة اخوي و امي راح تتونس بيج

- ان شاءالله بس أنتَ ليش اجيت لهنا محتاج شيء معين مني ؟

:ـ انا اجيتج على سالفة العرس علساس اكلج خلصت كلشي بس طلعت لازم اخرب كلشي

- اسفة حيل داسِم

:ـ ههههه لا شسالفة المن تتأسفين ما أسوة تتأسفين الي، يلا انا رايح بالج النفسج ولا تنسين الكتلچ علية .

- براسي انطبع الله وياك

فتح الباب و طلع بقيت لوحدي صرت أفكر بيني ما بين نفسي هل السويتة هو الصح ؟

لو جان المفروض امشي وياه علمود اخلص روحي واخلصة ؟

جنت محتارة حيل اختصرت الوقت علية عدلت ملابسي وشالي طلعت من البيت رحت ركض لبيت مماس

على أمل ما اصادف هي السعلوة غيرة

وكفت بالباب ضربتة اول مرة ما طلعتلي رجعت ضربت مرة ثانية ضربة اقوى انفتح الباب دخلت وربدت الباب وراي

حطت مماس ايدية على اكتافي وربتت عليهن وهتفت وياي :ـ

:ـ شبيچ اقمار جنتي تركضين لو شنو ؟

- خلينا نكعد اول جيبيلي ماي وحطي علية شوي هيل .

:ـ صار تعالي اكعدي هنا واخذي راحتج ساتر مو بالبيت انزعي حجابج
واتنفسي وهسة اجيبلج ماي الهيل ثواني

- بسرعة فدووة .

راحت مماس بأتجاه المطبخ وانا نزعت حجابي و فليت شعري وشمرت شعري على اكتافي وارتخيت على الحايط وانا اتنفس بصوت عالي

مادري شبية كلما اكول ما اخاف تجيني رهبة أقوى من القبلها

اجتني وهي بيدها كلاص ماي مكثرة بي الهيل
لان حفضتني خلص ما اشرب الماي ابد اذا ما بي هيل او نعناع

اخذتة من أيدها وشربتة كعدت يمي خلت ايدها على رجلي وهتفت وياي :ـ

:ـ احجيلي شبيج اجيتي تركضين اكو احد حجة وياج وخوفج ؟

- لاااا ماكو شيء اجيت طبيعي

:ـ جا شبيج هيچي تلهثين عبالك احد جان يركض وراچ

- ولج مو جنت لازمة كلبي لا تطلعلي خالتج الخطوة سويتها خطوتين الطريقج

:ـ بشرفج أقمار بظهرج داسِم وتخافين من غيرة ؟

- ترى الاثنين شياطين شنو الفرق ابيناتهم ؟

:ـ لااا احجي بحضج و بختج ترى اكو تغير جذري بحياة داسِم وأولهن رجع فات لأمي وكعد وياها وصار يحجيلها عنچ
أقمار ترى الله دزچ لحياة داسِم والله جيتج لهنا فلا صدفة ولا عبث الله كتب كلشي كتب تتعبين وتلكين البحيرة كدامج وترتاحين بيها وكتب الي بذيج الساعة يذبحني الشوگ لاختي منسة واروح للبحيرة حتى اتذكرها واشوفج واجيبج وياي صدكيني ماكو صدفة كلشي الله جان كاتبة النا ومن اسنين هم بس نحن ما نعلم الغيب

- مماس تؤمنين بلعبة الأقدار

:ـ انا اؤمن بالاقدار الي تكون من صنع الاهي مو صنع عبادة

- ما فهمت ؟

:ـ يعني أؤمن بالقدر الي الله كتبة الي ويصير وياي صدفة مو قدر ابن آدم هو الي مسوي ومخطط ومدقق حتى تصير يعني هي الصدفة ما أؤمن بيها إطلاقاً .

- زين مماس بيرچ مسدود ؟

:ـ ههه قافلتة ومضيعة مفتاحة صدك تحجين

- خوش اسمعيني جان المفروض الخميس هذا نروح انا واخوج ونتزوج

:ـ صدكك والله وشنوو شنو ليشش جان المفروض ليش شنو التبدل شنو الصارر ؟؟

- الصار ان شعوري اتجاه اخوج اتبدل بأخر ثواني

:ـ شلون شعورج اتبدل ؟

- مماس للحضة حسيت خلص انا مو كد الخطوة هي وما اريدها ابد

:ـ بس لا حجيتي وي حَيرام وكلتيلة بهذا قرارج وما ترديي ؟

- اي كلتلة قبل شوي جنت احجي وياه وواكفين سوة و توة هَو راح للولاية وانا اجيتج لهنا احجي وياج

طگت گصتها و هتفت وياي بصوت عالي حيل

:ـ لجج يالخبلة ليششش ليييشش

- شنو أليشش ؟ اكلچ خفت شعور راودني خلاني مخترعة

:ـ أقمار تحجين من عقلچ ولج ما صدگت على الله داسِم يخطي هيچ خطوة تجين أنتِ على الحاضر تخربينه ؟

- وشتردين مني أدمر حياتي على احساب حياة اخوچ ؟

:ـ ما حياتج مدمرة أقماار ليش تحسسيني حضرتج عايشة بنعيم وعيشتج تنحسدين عليها اذا نسيتي اذكرچ ترى بطلتي العلوية المدللة اريج الله
أنتِ هسة مجرد بنت عادية دخيلة بقرية رماد

- لو مو دخيلة ولو مليون حادث مثل هلحادث يصير وياي ابقى انا العلوية وبنت الاسياد فهمتتييي ولا أنتِ ولا اخوج ولا اكبر واحد بقرية رماد راح يجبرني على شيء انا ماريدة

عفت مماس وكمت جنت اريد اطلع لزمتني من ايدي من ورة وهتفت وياي بصوت خافت و زعلان حيل

:ـ اووكفي أقمار لا ترحين انا اسفة ماجان قصدي هيج احجي وياج والله بس من حركة كلبي على حياتنا الضاعت اقمار اسمعيني بس فدوة لعمرج والله وصلنا لنهاية لا تخربين شيء لا تخربين شيء أقمار 10سنوات ونحن عايشين بهذا خلال هذا الوقت كلة ما شفت اخوي هيج يضحك من كلبة ولا شفتة يحجي وياي بهدوء ويكلي اختي ولا شفتة يكعد يم امي ويبوس راسها ويحجي وياها بحب وكأن صدك امة واتذكرها أقمار الله يخليج حطي اهلج بعيونج وشوفيهم واتذكري صالچ بس ثلاث شهور تاركتهم وأنتِ دمعتج ما نشفت لان مشتاقة الهم شتكولين عني الصارلي 10 مادري اهلي وينهمم نص الراحوا ونص الي ماتوا هناا كدام عيني بالسحر وهي امي مابيها تلفظ حرف هم بسبب سحر غيرة واخوي الجبير المربط ايديه ولا اخوي الثاني اليمشي ويقدم قرابين من أمر غيرة وفعايلها فكري بينا اقمار ما صدكتت على الله اشوف اكو تغير فدووة

- كلامج رن براسي لا تخافين راح اتذكرة ولا تبطلين دعاء لاخوج علمود الله يهدي محد يكدر يغير وضعكم بس رب العالمين اما انا مابيدي شيء

لزمت ايد مماس وفلتتها من ايدي عفتها وطلعت من البيت بقيت اباوع لسماء وخطفت خطواتي لداخل القرية اكثر ورحت لبيت داسِم القديم

دخلت للبيت صرت اباوع للحيطان ورجعت باوعت لنقش الاسماء على الحائط ومريت ايدي عليهن وكلام مماس يرن بأذاني مال مساع ومال ذاك اليوم من سولفتلي قصتهم

طلعت من البيت لكيت كدامي غيرة كطعت نفسي لثواني وانا اباوع عليها

كسرت ركبتها وهي تباوع علية ونضرتني بنضرة تخرع ما تنوصف و هتفت وياي :ـ

:ـ شنو شغلچ هنا ؟

- مادري خالة جنت اتمشى واجيت لهنا صابني فضول اشوف شنو ما شنو بيي

:ـ خالةة ؟؟؟؟

- يعني أنتِ خالة مماس وانا من عمرها يعني خالتي الي هم .

:ـ انا خالة مماس صح بس مو خالتج لا تتمادين وياي

- اعتذر بس احتراماً الج هل كلت خالة زحمة اكلج غيرة

:ـ لا تكليلي شيء ماريد اسمع حسج .

- تمام رايحة

:ـ اوكفييي

- نعم ؟

:ـ أنتِ شكد عمرج ؟

- اءء مادري ما اتذكررر

:ـ اهااا أنتِ فاقدة الذاكرة اتذكرت

- للأسف اييي

:ـ زين أنتِ ابد ما تتذكرين شيء ولا لمحة ؟

- ابد ولا طگة

:ـ اهااا خلص روحييي ولا اشوفچ تفرفرين ترى بقيتج على عيني لخاطر داسِم بس تخلص المدة راح اعرف اتصرف وياج

- مدة شنو التخلص ؟

:ـ وشعليجج أنتِ روحييي مناا ومعليج لا اشوفج بعد روحييي يلا

تركت غيرة رحت عنها لبعيد بقيت اتمشى قريب عن بيتي وعيوني تدور على داسِم ماعرف شوكت يجي !

وانا اتلفت هتف وياي متعب :ـ

:ـ محتاجة شيء ؟.

- اييي اريد داسِم شوكت يجي

:ـ هو كالي راح ينزل للولاية شوفي شوكت ما يخلص شغلة يجي

- يعني مطول ما تضبط انتضرة هنا ؟

:ـ لا حيل يتأخر حسب شغلة وهو بس الطريق للولاية لهنا ساعتين يعني بالحالتين انتضارج مالة داعي

- خوش انا رايحة للبيت ومن يجي حباب كلة اقمار تريدك .

:ـ خوش اذا اتذكرت راح اكلة بس اذا راح عن راسي اعذريني

- لا عادي انا هم ما اعتمد عليك شوي واطلع اشوفة

:ـ خوش .

تركت متعب ودخلت للبيت وقفلت على روحي الباب و طلعت التلفون شغلتة ولكيت شحنة بس 33 ياالله منين اجيبلة شاحنة ؟

سويت تمديد رصيد لخطي دخلت للرسائل اخذت الرصيد الي دازة الي
علي الباقر ودخلتة

بعدها كتبت رسالة الة على السريع ...

- السلام عليكم خوية شلونك شخبارك يروحي أنتَ انا بخير الحمدالله واتمنى انتم هم بخير وصحة وسلامة بس حبيت اكلك الخميس الصبح اريدنك موجود بالمحافضة ***** قريب من المنطقة ***** على الساعة 8الصبح حاولوا تطلعون من وقت واريد علي السجاد و علي الهادي و علي الرضا وياك لا تجيني لوحدك اريدكم كلكم وياي مشتااقة لشوفتكم وحك هو علي اشوفنــك بخير خوية ..

دزيت الرسالة وطفيت التلفون بسرعة حتى لا يگضي الشحن .
صرت افكر بيوم الخميس شلون راح يصير شوفتي لإخواني!

نمت على ظهري وبقيت اباوع للسگف وللحضة طرق بأذني صوت جدي يوم جانت تنطفي الكهرباء واخاف من الضلمة .

- شلغوا الايتت شغلواااا يمةةة

:ـ جدو ريحانة وينج ؟

- جدوو هياتني هنااا شغلوا الايت شغلوا الشمعة

:ـ تعاي جدو شبيج تبجين انا يمج لا تخافين هسة نشغل الشمعة وراح تشوفين كلشي ماكو لا تبجين .شيخة وين ؟

صفاء الحسن :ـ بوية شيخة مو يمك ؟

:ـ لاا ريحانة يمي شيخة وينهااا ؟

أم البشير :ـ الدنيا ضلمة ديروا بالكم لا تسحكون شيء لا تتحركون ثواني

:ـ الايت وين الشموع وين مو تعرفون الدنيا شتاء وبأي لحضة تمطر واذا مطرت تفصل الكهرباء ليش ما محضرين الاضوية .

العلوية :ـ والله جنت احضرهن بس اليوم غيرت مكانهن مادري .

الحسن المجتبى :ـ بنتي شيخة وينها ؟

ام رحمة :ـ ولج شيخة وينج ماماتيي ؟

رحمة الزهراء :ـ مامة انا هناا يم المحجر ماكدر امشي اخاف لا اوكع

:ـ اوكفي جدو لا تمشين هسة نشغل لايت وتشوفين دربچ .

صفاء الحسن :ـ ياالله وأخيراً شغلتوا الايت تعي بابة شيخة تعي لحضني لا تخافين هسة توكف المطر تجي الكهرباء

عبد الحسن :ـ البنات يمكم ؟

:ـ ايي ريحانة يمي و شيخة يم صفاء الحسن

عبد الحسن :ـ بوية الولد وين ؟

:ـ علي السجاد علي الباقر البشير قيصر الفاروق الاعظم علي الكاظم علي الصادق وينهم ؟

أم البشير :ـ كلهم فوك بالغرفة يدرسون وتلكاهم انطفت عليهم الكهرباء بعد ما يكدرون ينزلون

صفاء الحسن :ـ هاچ حبيبتي اخذي الضوة الهم واصعدي خطية

ام البشير :ـ انطيني .

:ـ شنهي بناتي ريحانتي خايفة ؟

العلوية :ـ ريحانة تخاف حيل من الضلمة .

:ـ ولج جدووو صدكك تخافين من الضلمة ؟

- جدو تخوف الضلمة كلشي ما اشوف وتصير تطلعلي صور تخرعني

:ـ مرة التجي اذا صارت ضلمة غمضي عيونج وضلي كولي

﴿ يَا كَافِياً مِنْ كُلِّ شَيْءٍ وَلا يَكْفِي مِنْكَ شَيْءٌ فِي السَّمَاوَاتِ وَالأَرْضِ اكْفِنِي مَا أَهَمَّنِي مِنْ أَمْرِ الدُّنْيَا وَالآخِرَةِ وَصَلِّ عَلَى مُحَمَّدٍ وَآلِهِ
بِسْمِ اللَّهِ الرَّحْمنِ الرَّحيمِ اَللَّهُمَّ احْرُسْنا بِعَيْنِكَ الَّتي لاتَنامُ... أَسْأَلُكَ فَرَجاً عاجِلاً، وَ صَبْراً واسِعاً وَ الْعافِيَةَ مِنْ جَميعِ الْبَلاءِ وَ الشُّكْرَ عَلَى الْعافِيَةِ يا اَرْحَمَ الرَّاحِمينَ ﴾

وابقي رددي بيهن لحد ما تحسين اشتغل الضوة افتحي عيونج ماعندي حفيدات يخافن انااا هاا جدو أنتِ ريحانة علوياتي يمةة شأكول للناس ريحانتي تخااف من الضلمة يا سوااد وچوهنااا ياا دهرناا هههههههه

- بس جددوو هذني صعبات ماكدر احفضهن هيج بسرعة

:ـ عادي من تجي الكهرباء جيبيلي ورقة وقلم واكتبة الج واحفضي وشوكت ما تحسين روحج خايفة اقري واتذكريني .

- بس تجي الكهرباء راح اجيبلك تكتبلي .

:ـ تدللين علية ريحانتي

رحمة الزهراء :ـ بس لريحانة چا وانا شنو ؟

:ـ بوية أنتِ الكل بالكل يكفيچ أنتِ الشيخة وبنت الشيخ

رحمة الزهراء :ـ انا هم اريدك تكتبلي

:ـ صار وتدللين اوامر ثانية يا شيختي ؟

الحسن المجتبى :ـ بابة عيب الشغلة مو غيرة

:ـ لا تحجون شيء وي علوياتي اذا سولفن وياي

الحسن المجتبى :ـ بوية ما تشوفهن شلون يتعبنك ؟

:ـ شاكيلكم انااا كايل الكم تعبت ؟؟؟ شعليكمم انا وعلوياتي و سادة كلبي مالكم غرض ابن السيد احمد واحفادة كبرتكم وتعبت بيكم صار وقت اولادي الصغار هذول اكبرهم واتعب عليهم

عبد الحسن :ـ بس مايصير هيج تنطي وقتك بس للاطفال بوية

:ـ مالكم غرض وقتي وانا اعرف وين اكضي المن انطي وشلون اخلصة .

العلوية :ـ خلص يجماعة الخير رايحة اصب الكم لبلبي أكيد أستوة هسة والجو بارد والكهرباء منطفية راح يصير شحلاتة هسة

اريج الله :ـ انا صبيلي وي جدووو .

العلوية :ـ لا كل واحد لوحد

:ـ اذا ريحانتي تريد وياي خليها وياي

رحمة الزهراء :ـ واناا هم اريد وي جدو

:ـ جا ليش كاعدة بحضن عمج عوفي صفاء الحسن مو حلو تعي لحضني يا شيخة كلبييي تعي

فتحت عيوني وحطيت ايدي على كلبي وصرت اردد الحفضني ياه جدي لمن اخاف اقراه واتذكرة

" بِسْمِ اللَّهِ الرَّحْمنِ الرَّحيمِ اَللَّهُمَّ احْرُسْنا بِعَيْنِكَ الَّتي لاتَنامُ... أَسْأَلُكَ فَرَجاً عاجِلاً وَ صَبْراً واسِعاً وَ الْعافِيَةَ مِنْ جَميعِ الْبَلاءِ وَ الشُّكْرَ عَلَى الْعافِيَةِ يا اَرْحَمَ الرَّاحِمينَ
يَا كَافِياً مِنْ كُلِّ شَيْءٍ وَلا يَكْفِي مِنْكَ شَيْءٌ فِي السَّمَاوَاتِ وَالأَرْضِ اكْفِنِي مَا أَهَمَّنِي مِنْ أَمْرِ الدُّنْيَا وَالآخِرَةِ وَصَلِّ عَلَى مُحَمَّدٍ وَآلِهِ "

بعدها قريت سورة الفاتحة نور لقبرة وقريت سورة يسٰ وهديت ثوابها لرواحة ولروح عمامي .

______________________★______________________

""""" رحمــة الزهراء """""

وصلنا انا والعلوية و علي السجاد للمستشفى ورحنا لغرفة الدكتورة
جمال عمر الدين كعدت خطية وضمدت كل اجروح خالتي واتأكدنا ماعلية شيء خطر

وأردفت ويانة :ـ

جمال :ـ لازم تبلغون شرطة المستشفى هذا نوع الضرب شروع بالقتل ولازم يشوفونج علوية ويتخذون الإجراءات الأزمة

رحمة الزهراء :ـ لا جمايلي ميحتاج خالتي بس وكعت وجرحت نفسها

:ـ رحمة الزهراء أنتِ دكتورة وانا دكتورة ونحن الاثنين نشخص الحالة مجرد انضر للشكل الخارجي ما جايتج من الشارع وواكفة كدامج علمود تضحكين علية وتكليلي وكعت وعورت روحها هيج ترى مبينة ذيچ هي مضروبة اعتددااء مُتعمد

علي السجاد :ـ يعني احنا اهل المضروب نكلچ حادث ماكو داعي للتدخل دكتورة شغلج تعالجين

:ـ بنفس الوقت شغلي احافظ على مراجعيني مو بس اعالج اجروحهم الضاهرة الي اعالج حتى جرح ارواحهم

علي السجاد :ـ هي وي مراجعينج البقية اما نحن ما بحاجة الحمدالله عندنا العباس كافل ومتكفل بكل اجروحنا الصغيرة منها والجبيرة

:ـ بس واجبنا هذا يبقى

رحمة الزهراء :ـ جمال اهلي هذولة ما تخافين عليهم أكثر مني كتلج ماكو شيء لا يضل بالج

:ـ اتفضل هي العلاجات الازمة جيبهم من الصيدلية جوة

علي السجاد :ـ تمام شكراً

:ـ تعالي دكتورة رحمة الزهراء وياي شوية عن أذنكم

العلوية :ـ وين تردين بيها ؟

:ـ خالة محتاجتها بكم شغلة ما نتأخر عليكم اخذوا راحتكم بالغرفة

اخذتني من ايدي طلعنا من الغرفة هتفت وياها

- المن طلعتيني من يمهم ؟

:ـ اجيتي برجلج الي مالج عذر بعد تعالي وياي اسويلج فحص

- جمال تشوفين هذا وقتها ؟

:ـ اييي وقتهاا شبيج رحمة مستهزءة بالحمل ؟ تعي وياي اشوف صحتج واشوف وضعج

- ما يحتاج جمال لا تنسين انا دكتورة واعرف شني الزين و الموزين لعمري

:ـ تحجين صدك لو تضحكين علية وعلى عقلي ؟

- والله العظيم احجي صدك

:ـ جا والحلفتي بي غصب عنچ تجين وياي وافحصج واشوفج شبيج ما بيج تعي وياي

- اخخ جماللل ولجج جمـــ....،،

اخذتني من ايدي ورحت للغرفة الفحص كعدت على السرير ورفعت ثوبي وهي شغلت جهاز السونار .

بعد ما صارت تفحصني وتباوع بالشاشة ونضراتها جانت تتغير تدريجاً رفعت راسي اباوع للجهاز وانا ماكدر اركز واشوف شبيها

مسحت بطني وخلتني اكوم سحبت مني شوي دم وانطتة للمرضة حتى تسويلي تحليل

لمن كمل كلشي شوية رابتني نوع من الخوفة كعدت كدامها وجانت أبين ايديها اوراق تحاليلي ان جانت مال الدم او الحمل الإثنين

أردفت وياها :ـ

- شنو جمال شطلع وياج ليش انخطف لونچ ؟

:ـ رحمة نسبة دمج تخرع ليش هيج مخلية روحج!

- لان انا مريضة فقر دم أصلاً

:ـ وما جي تعتنين بنفسج عدل مو صح رحمة نسبة دمج مو طبيعية أبد

- ما منتبه والله نسيت روحي حيل بهي الايام الراحت

:ـ ماكوو هيج حجي يعني هم أنتِ دكتورة وهم هاملة نفسج ؟ شنو تردين بس تعالجين الناس والدكتور ما يتمرض ما يحتاج علاج ما يحتاج ياخذ ولو خمس دقائق من وقتة يشوف نفسة شنو بي شنو ما بي ؟

- عوفج من دمي هسة ومن هذا الحجي كلة الدم شغلتة سهلة يصعد وينزل بس سولفيلي بسالفة الحمل !

:ـ رحمة الزهراء أنتِ جنتي رافضة تسوين سونار لان تعرفين شراح يطلع التحليل موو ؟

- جمال انا جنت خايفة اسمعة بس ماكو مهرب هي انا وهي حالتي احجي لازم اسمعة هسة

:ـ كم مرة صابچ نزيف ؟

- يمكن صابني ثلاث مرات

:ـ الله الله صابها بس ثلاث مرات كلش عادي واذا انا حامل بأول طفل ويصير بية نزيف ثلاث مرات لا اهتم ولا يرجف كلبي ولا اركض للدكتور ابد ولا أصلا اكول ابني اروح اشوفة لا اخسرة وارجع واهتم بنفسي لا كلشي ما اسوي مجرد اغسل واكعد شوي لتهيد روحي وارجع لطبيعتي .

- جمال ترى انا ماسويت هذا كلة لان من البداية ماريد الطفل

:ـ عززةة! استغفري ربج ولج وهي أنتِ العلوية شنو ما تردين الطفل ؟ ولج هو هدية من رب العالمين شتحجين أنتِ رحمة الزهراء صديقتي وينهااا الي تموت على الاطفال ومن ايام الجامعة جانت تتحلم تصير أم وينهاا هسة من الله رزقج تكليلي ماريدة ؟

- هي هية صديقتج نفسها بس بأيام الجامعة شيء وهسة شيء ثاني جانت بس سوالف نسولفها ونضحك وبعدين كل وحدة بينة ترجع لهلها تسبح وتنام بدون قلق بدون مسؤولية بدون شيء حمل البيت كلة على امنا و ابونا بس جمال هسة صارت صددكك هسة اتحول حمل البيت علية و على زُبير وحتى زُبير ما احسبة لان ثلاث ارباع يومة بالدوام

:ـ مو عذر هذا رب العالمين كلما ينطي شيء ينطي وياه رزقة وطاقة تحملة ترى كلامج هذا حرراااام المطلوب منج هسة تحمدين الله و تشكرينة رحمة الزهراء نسيتي شلون جانت الناس تجينا لهنا خاطر تتعالج لان مايصير عندهم اطفال أنتِ أنتِ نسيتي مريضتچ الجانت تتعالج عندج مرام الي جانت 12 بدون اطفال وشفتيها شلون تركض من مكان لمكان لا دولة ضلت ولا علاج بقى وما توسلت بي خاطر يصير عندها أسم الطفل
لو الناس الجانت تأيس من العلاج وتجينا نسوي الهم عمليات اطفال أنابيب رحمة الزهراء هسة أنتِ صالچ بس اشهر متزوجة وحالياً حامل بشهرج الثالث شنو تردين من الله بعد ؟

- جمال خايفة من المسؤولية حيل جبيرة

:ـ وَ أنتِ شيخة العلويات

- شيخة العلويات راحت وي روحة جدها .

:ـ رحمتي خلي كلشي هسة ورة ظهرج وخلي تركيزج لحياتج وألطفل الي ابطنج ترى هَو أمانة تخص رب العالمين أنتِ شايلتها اذا ما حافضتي على هذا الطفل يعني أنتِ خسرتي امانة رب العالمين
ماكو شيء يخوف الأمومة شيء كلش حلو وكيووت هم .

- چا أنتِ ليش لهسة رافضة الزواج دام الأمومة شيء حلو ؟

:ـ ههههههه وانا عايشة الامومة وي صهوة من غير زواج

- جمال من يوم العرفت بنفسي حامل وانا شايلة هم اكبر من الجبل احس مراح اكدر اصير الأم المثالية ماراح اكدر اتفاهم وي عقلية طفلي وشلون راح يصير اكو اختلاف مابين تفكيري وتفكيرة وشلون لازم اساوي ابيناتنا الامومة ابد مو سهلة وابد مو كيوت كسران ظهر

:ـ دام زُبير وياج سهلة صدكيني الي يسويلج كلشي علمود يحصلج ثقي راح يسوي كلشي علمود أبنة ماراح تشيلين الحمل هذا لوحدج وأنتِ عندج زلمة نفس زُبير

- تدرين لحد هسة مادري هل هو راح يفرح لو لا و شنو راح تصير رد فعلة يمكن هم يطلع ما يريدني احبل !

:ـ انجبي انجبي رحمة تلكينة هسة منتضر يوم يوم بس ما يفتح وياج الموضوع لان يخاف عليج لا تتحسين ان شلون كالج اريد طفل وأنتِ بعدج ما حبلتي وتزعلين .

- زين جمالي هسة الحمل شلونة ؟

:ـ باقيلج اسبوع وتصيرين بالشهر الثالث ترى الحمل مو حيل ثابت واذا بقت هيج نفسيتج مو زينة وهاملة نفسج راح تنصابين بنزيف رابع وارجع واكلج مو كل مرة تسلم الجرة

- لا أن شاءالله راح اكول لـــ زُبير لان أظن راح يلاحضني صار شهرين ما جايتني .

:ـ كليلة احسن حتى اذا صار شيء هو يكون بالصورة مو تصير بوجهج ويكلج ليش ما كلتيلي ومن وحدة تصيرين باثنين

- لا خية مالي خلگ مشاكل زايدة بس أرجع أكلة

:ـ هههه هاج اخذي وياج هذا التقرير فرحي وخلي يطير من الفرح

- يصير صدك زاچل

:ـ ياالله باالله ما شايفة بنت تنصب على رجلها

- من ورة اخواني يسمونة زاجل وضلت بحلكي

:ـ ههههههه ديري بالج لا يسمعج يتحول عليج احصان مو زاجل

- مايكدر اخواني يكسرون ظهرة غير هههههه يلا خوة انا رايحة اتاخرت عليهم وابن عمي دزلي رسالة

:ـ الله وياج كلبي واذا على خالتج خلي بس تجيب الأدوية الكتبتهن الها من الصيدلية جوة

- تمام جمايلي

:ـ في امان الله

تركت الدكتورة جمال وطلعت نزلت جوة لان علي السجاد دزلي رسالة يكلي بيها منتضريني بالسيارة

طلعت صعدت بالخلف يم خالتي و هتفت وياي

العلوية :ـ الدكتورة اخذتچ حتى تتأكد من سالفتي لو شنو ؟

- لا يمة مة يمج الدكتورة جمال هي صديقة الطفولة سولفتلي كم سالفة ونزلت الكم ايييي علي جبتوا العلاج الكتبتة جمال ؟

علي السجاد :ـ اي جبتة من الصيدلية واجيت

- زين يلا ماعندنا شيء بعد ردونة للبيت ؟

علي السجاد :ـ يا بيت نتريك اول شيء بأحلا مطعم وراها نرجع

العلوية :ـ اذا على حسابك مانكول لااا

علي السجاد :ـ الحساب وصاحب الحساب تحت أمركم قزح عيوني شعندي غيركم ..

رحنا للمطعم لمن دخلنا كعدنا و طلبنة الاكل أتصل علية زّبير
جاوبتة اول ما فتحت الخط سمعتة يكول :ـ

:ـ رحمة الزهراء وين أنتِ ؟

- بسم الله الرحمٰن الرحيم

:ـ صدق الله العظيم لا تطلعيني من الإسلام كلة كتلج وين أنتِ ؟

- طالعة وي خالتي و علي السجاد

:ـ لا صدك هسة لازم اكلج بالج لنفسج ولا تتاخرين بالرجعة للبيت مووو وانجب واسكت

- زُبير حبيبي أتصل عليك من أوصل للبيت

:ـ والخليفة علي اذا سديتي هسة اجيج للبيت وأطر البيت عليكم لا تخبليني رحمة

- خوش اشوفك بخير حبيبي

سديت التليفون بوجه زُبير وحطيت تليفوني على الطبلة وكملت وياهم عادي
ولمن خلصنة خالتي جانت ممرتاحة بالطلعة

لهذا طلبت من علي السجاد نرجع للبيت بسرعة دفع الحساب هَو ونحن طلعنة كدامة وصعدنا بالسيارة وعيوني جانت تتلفت بالشارع

اشوف زّبير موجود ! شلون عرف بية طالعة شنو هذا يراقبني لو صادفني لو شنو موضوعة ؟

وبنفس الوقت خفت لان اعرف زبير من يعصب هيج شيسوي بس ان شاءالله ما يطلع البراسي و يجيني لبيت عمي ويصيح هناك والله يصير شيء مو زين وياه ما اسكت ابد

صعدت السيارة وانا لازمة كلبي ومشينا لمن وصلنا للبيت دخلنا لجوة ركضوا اثنين شباب لخالتي و حضنوها جانت ملامحهم مو غريبة علية وبنفس الوقت جانوا كاعدين بالاستقبال

منتضرين رجعة العلوية . وشفت علي السجاد و العلوية شلون فرحوا لمن شافوهم بس انا ماكدرت اتعرف عليهم رغب عقلي يكلي شايفهم بس ماكدرت احدد وين ويمتااا ؟

لحد ما لفظ علي السجاد أسماءهم من الصدمة وطخ براسي واتذكرتهم .

علي السجاد :ـ علي الصادق علي الكاظم ؟؟؟؟

العلوية :ـ هلا يابعد ارويحتي

علي الصادق :ـ شلونككمم هههههه شلونك خوية الجبير ؟

علي السجاد :ـ مشتاقين لشوفتكم ياقزح عيون اخوكم الجبير

علي الكاظم :ـ يمةة راح نبقى وياج هناا خلاص رجعنا وراح نكعد على كلبج ولدج كلهم صاروا يمج يمة

علي السجاد :ـ منو كدچ يا علوية هي زلمج الــ 6 صاروا تحت اجناحج هههههه

العلوية :ـ واحلا كعدة اسمها راحة كلبي مو كعدة ومنتضرة ترجع اخيتكم اريج الله خاطر صدك اولادي يصيرون تحت اجناحي .

علي الصادق :ـ ترجع وعيونج ترجع

علي الهادي :ـ نرجعها ولو كلفت رجعتها موت واحد بينا بس راح نرجعها .

العلوية :ـ لاااا اريدكم كلكم ما مستعدة ترجع بنتي اخسر ابني

علي الهادي :ـ يمة اذا رجعتها ما تصح الا بروحة واحد بينا والله مستعدين نروح خاطر هي تعيش

علي السجاد :ـ ان شاءالله ما نوصل لهي المرحلة تعالوا اكعدوا خلونا نسولف شوي .

علي الصادق :ـ يمة شلونج شخبارج شكالت الدكتورة ؟

:ـ ماكو شيء يابعد أمك بس كدمات بسيطة وي الوقت راح تروح

علي الهادي :ـ اتعودتي عليهن يرحن وترجع تطلع كدمات جديدة صار عندج روتين بهذا الشيء ما تكدرين تكولين لا وماتكدرين تلزمين ايد التنمد عليج وتكسريها

علي السجاد :ـ علي الهادي كلامك عدل وي امي

:ـ ما غلطت خوية بس انا اريدها تصير قوية يمة ماكو شيء تخافين منة بعد اولادج كلهم افحلة وبظهرج امشي بزودج واكسري ظهر شكو واحد استضعفج والي بي خير يحجي وياج ويكلج على عينج حاجب يا علوية .

العلوية :ـ خلص حبايبي تعالوا لهنا خلونا نكعد ونرتاح وماخاف شيء وانتم حواليني وما نسيت سالفة الطلاگ انا راح اطلك من ابوكم .

علي الكاظم :ـ القرار هذا جان لازم تاخذي من زمان

علي السجاد :ـ المرة هي ماراح اوكف ابوجهج واعتذر يمة لان قبل منعتج من هذا القرار اتمنى تسامحيني يمة اتحملتي هذا هسة من وراي

:ـ لااا سجادي لا تحجي هيج وبالحالتين ماجنت راح اطلك بالمرة الراحت بس هسة وبعد سالفة بسمة وسالفتة وياكم ماراح اسكتلة وراح يلكاني بوجهة مااخلي ياخذكم مني بعد وبنتي لازم ترجع وعلى عينك يا تاجر

أم البنين :ـ وكلنا بظهرج وهو محد بظهرة بس عيسى و مؤيد و الشيخ مُحمد خالة أنتِ أقوى بهواي من خالي عبد الحسن .

ام رحمة :ـ اثبتي على قرار الطلاگ وخلينا نفتك من شرة يريد ياخذ عمرج شنو مانريدج احنا مو كافي التحملتي لا تتحملين بعد

:ـ هو هيج راح يصير . تعالوا انتم الزوج لحضني تعالوا شكد مشتاقة لعطركم

علي الكاظم :ـ نحن المشتاقين لحضنج .

عفتهم و طلعت للطرمة مسحت ادموعي وجريت النفس و فتحت تلفوني اريد اتصل سمعت الباب يندك

رحت فتحتة دفعة ودخل زُبير وشافني كدامة نعتني من ايدي حيل و نتر ابوجهي بصوت عالي .

:ـ انا شنو كلتلج ؟

- اخخ زُبير شبيك تخبلت ؟

:ـ اييي اتخبلت أنتِ خبلتيني كم مرة لازم اكلج علمود تفهمين كم مرة

- والله طلعتي صارت مفاجأة

:ـ ما تبقين هنا ولا ثانية فوتي جيبي غراضج وتعاي

- اكيد لا شبيك زُبير

:ـ رحمة ماعندي غير هذا الكلام فوتي جيبي غراضج وتعي لا اسجلج بدون غراض واخذج للبيت يلاا فوتييي

- ما اروح وياك وأنتَ هيج معصب شنو تريد امشي للموت برجلية ؟

:ـ ما معصب انا خلص حبيبتي فوتي جيبي غراضج وتعي انتضرج بالسيارة

- لاااا

:ـ رحمةةةة لا تخبلينيييي سوي الكتلج علية .

هنا طلعت امي من سمعت صوت اصياح واجت وكفت كدامنا وهتفت

ام رحمة :ـ ليش هيج صوتكم طالع شاارع ترى شلونك يمة زُبير

:ـ هلا خالة انا بخير أنتِ شلونج

ام رحمة :ـ بخير الحمدالله شنو شبيكم

:ـ ماكو شيء خالة بس جي احجي وي رحمة الزهراء واكللها تجي وياي ومجي تقبل .

ام رحمة :ـ شيخة اذا زوجج محتاجج يمة ليش ما تردين ؟

- يمة ما صارلي بس امس هنا بعدني ما شابعة منكم .

ام رحمة :ـ ماكو هجي حجي روحي وي زوجج ولا تخلينة يزعل منج نحن ما نطير بأي وقت تجينا

- هو هم ماراح يطير

ام رحمة :ـ صايرة عنيدة ولجج ؟؟

- مو قصة اعناد بس ماريد اروحح وياه كوة هي ابتليت على عمري اتزوجت ؟؟؟

:ـ متأكدة من كلامج ؟

- شنوو

:ـ ما تردين تجين وياي ؟؟؟

- ايييي متأكدة ومكثرة هم بعدني ما شابعة من اهلي صالي شهرين ما شايفتهم

:ـ خوش خليچ يم اهلچ تضل يمكم العافية .

ام رحمة :ـ اوكف يمة زُبير ابني .

عافنــة زُبير و طلع وامي ضربتني على كتفي وعاطت بية

:ـ ليش هيج اتصرفتي وي الرجال ؟

- لان اريد أدبة شوي يمة مو حالة هي يحصرني بالبيت شهرين ثلاثة ولازم اجيكم بس نهار واحد .

:ـ مو هذا الي أنتِ ردتي ؟

- طيح الله حضي ززييينن

تركت امي ودخلت لجوة ورحت للمطبخ يم ام البنين وصرت اساعدها بغسل المواعين ولمن خلصت اخذت خطواتي وفتت لغرفة علي السجاد وكعدت وي لينا و الاطفال الجانت منومتهم على الكاع وتلاعبهم .

كعدت يمها وصرت اللعب وي طيور الجنة واتخيل اذا صرت ام اصير هيج مثل لينا كل وقتها لأطفالها حتى ماتكدر تنزل وتكعد براحتها كلشوي وصايح واحد وتركضلة ترضعة .

بس اخلي بعين الإعتبار لينا صار عدها توأم بس انا حامل بطفل واحد يعني المسؤولية الي انا شايلتها لينا شايلتها تكعيب .

ارتاحيت شوي من شفت شلون لينا مسيطرة على الوضع وهي ام لثلاث اطفال بنفس العمر وكلت بيها مجال انا هم اسيطر على الوضع وي ابني وحيدي .

______________________★______________________

""""" ألمعتز باالله """""

رحت لبيت عمي صفاء الحسن دخلت وكعدت بالاستقبال واجت عمتي فاطمة الزهراء و عمتي بسمة

فاطمة الزهراء :ـ نفس السادة اليوم منور البيت

:ـ اجيت اشوفكم شلونكم شخباركم

- اهااااا كلتلي تشوفنا ميت على شوفتنة أنتَ ولك هههههه

:ـ جا شلون غير انتم أهلي شلونج عمة بسمة ؟

بسمة :ـ شلوني لوني جوزي

فاطمة الزهراء :ـ عوفك من المقدمات أعزيز سولفلي شنو تريد شنو الغاية ؟

:ـ أمس انتم اجيتونا ووضحتوا سبب اختفاءج عمة بسمة وفهمنا ان عبد الحسن جبر وهج الطف تتزوج بحجة يرجعج مو صح ؟

بسمة :ـ ايي صح

:ـ زين هسة أنتِ رجعتي و وهج الطف ما مجبورة تسمع كلام عبد الحسن لان هو السبب جان ورة تضيعج يعني زواجهاا باطل .

فاطمة الزهراء :ـ وهج الطف عقدت عقد رسمي مو بكيفنا نبطلة واذا ما تريدة لازم تطلگ وتسمع هذا الشيء من اللسان خليفة

:ـ هي هية خلي تطلك هي زواجها من هذا خليفة لخاطرج عمة وهسة انتِ رجعتيلهااا ماكو داعي للزواج .

بسمة :ـ من رجعنا امس كعدنا انا و فاطمة الزهراء وحجينة وياها

:ـ اييي بشريي شنو ؟

فاطمة الزهراء :ـ ما قبلت تطلگ وتريد تكمل بهذا الزواج

:ـ شنهي يعني ماتريد تطلگ ؟

بسمة :ـ معتز ابني وهج الطف متفهمة الموضوع حيل وهواي امس حجيت وياها وكدام عمتك سمعت جواب بنتي تكلي خليفة خوش واحد وماغلط وياي ماكدر اتركة واكلة والله حصلت امي ماريدك بعد

:ـ وأنتِ تقبلين عمة وهج الطف تحبني وعافتني علمود عبد الحسن

فاطمة الزهراء :ـ وهج الطف ما تحبك حبيبي لو تحبك ما عافتك ولو تحبك جان استغلت هي الفرصة وتركت خليفة مو توكف امس كدامي وكدام امها نكللها ألمعتز باالله يحبج تكللنا انا اريد خليفة قسمتي صارت وياه

:ـ بس عمة انا احبنهااا احبنهاا

فاطمة الزهراء :ـ والله مو هين علية اشوفك هيج مكسور يا نفس ابوي

بسمة :ـ مانكدر نجبرها اذا جبرناها عليك يمكن تكرهك

:ـ عادي خلي تكرهني واخذها وتصير يمي كلش عادي

فاطمة الزهراء :ـ أعزيز خلي عندك عزة نفس الي ماريدك لا تريدة وخلي يولي

:ـ السالفة مو يم عزة النفس ولا يم كرامتي الشغلة يم كلبي هذا كلبي الي بهذلني وسوة هيج حالتي على العموم شكراً هواي لان طلعتن امس مفكرات بية يعز علية هذا الشيء

بسمة :ـ وين رايح ابني

:ـ راح اكمـل بطريقـي اشوف نهايتـي وينها .

عفتهم وطلعت وي طلعتي دخلت وهج الطف للبيت وصلها شبير وراح عنها صرت انا وياها وجه بوجه

ابتسمت ابوجهَ وهتفت وياها

:ـ تعزميني لعرسج ؟

- هههه أنتَ اول الحاضرين غير عرس اختك شلون ما تحضر .؟

:ـ عرس اختي نكتة حلوة

- خلينا نكتب شيء جديد مو نهاية الدنيا اذا ما صار النا نصيب

:ـ نكدر يصير النا نصيب هسة كلشي بيدج عوفي خليفة وخلي نتزوج

- لا تفكر بهذا الشيء شنو ذنب خليفة جي يجهز هسة لو اهلة الي طايرين ما حاطين من الفرحة لزواج ابنهم مني معتز خليفة هواي مختلف عنك يمكن اذا صرت وياك ماراح نرتاح سوة وياه راح اصير احسن

:ـ حالفة تكسريني ؟

- ماعندي شيء وياك حتى اكسرك بس لو عبد الحسن ما لعب بمشاعري ذاك اليوم وخلاني اصير زوجة خليفة جان ما تركتك بس خلص انا هسة على ذمة رجال وحرام عليك تحجي هيج وياي اذا عندك كلام روح لعبد الحسن واحجي وياه هو الجان متقصد يكسرك حتى يكسر السادة بيك

:ـ وهج الطف

- معتز بيا حيل تريد تعاتبني ؟ مو مال اعتاب انا

:ـ كلبي راح يروح وياج

- هههه وراح يرجعلك كدام اول محطة ويصير من ينجاب اسم وهج الطف تكول حيين ذكرتوني بيها

:ـ الله يسمع منج . الله يوفقج ويهنيج وما يخيب ضنج ب خليفة ويطلع كد هذا تفكيرج بي واتمنى الج حياة سعيدة وتجيبولنا ميرزات حلوين مثلج من هذا الزواج .

- الك بالمثل أن شاءالله

:ـ ايي أن شاءالله استودعتج كلبـي و بالي

تركتها وطلعت من البيت صعدت سيارتي رحت لمحلاتنا فتحتهن واتصلت على العمال اجوي وبقيت الهي روحي بالشغل حتى ما انطي لنفسي مجال افكر بيها

وبعد شوي ضربت براسي فكرة

رن تليفوني شلتة لكيت عبد الحسن يتصل علية شكد عينة قوية هذا ؟؟

فتحت الخط وجاوبتة :ـ

:ـ خير عمي ؟

- معتز وين أنتَ هسة ؟

:ـ ما يخصك أظن

- احجي عدل ولك موش اخوك الصغير انا

:ـ شتريييد

- لازم اشوفك هسة خلينا نسوي الفرحة فرحتين

:ـ شنهييي ؟؟

- تكدر تجي حتى احجي وياك وتعرف شنو أقصد ؟

:ـ ما اجي انا اليريدني اهو يجيني

- خوش تبقى ابني وعزيز علية راح اجيك للمحل أنتَ موچود بي ؟

:ـ تعال بس لا تتاخر مو فارغ مثلك ساعة واطلع منة

- سالفة خمس دقائق انا يمك

سديت التلفون ابوجه وبقيت كاعد بمكاني منتضر يجيني واشوف شنو عندة وشيريد .

كملت شغلي وشغلة ربع ساعة بس دخل عبد الحسن علية

كعدت ابمكان ابوي انا جان المفروض اكوم وهو يكعد بي بس هي المرة مختلفة المحل محل ابوي ومحد
يكعد بمكان الحسن المجتبى بس ألمعتز باالله وريثة الوحيد

اغتاض من تصرفي هذا وياه وبلع موس وغصب عنه سكت وكعد كدامي حط رجل على رجل وصار يسبح بمسبحتة

حطيت ايدي على المكتب وهتفت وياه

:ـ شعندك جايني ؟

- سالوفة صغيرة اريد احجيها وياك

:ـ الي هية ؟

- أنتَ تعرف ان وهج ألطف راح تتزوج خليفة لهذا كلت ليش ما نسوي الفرحة هي فرحتين والعرس عرسين

:ـ العرس عرسين ؟ ليش منو يريد يتزوج بعد

- اجيت اطلب ايد اخيتك طيبة الزهراء لإبني علي الباقر

رفعت حاجبي ورياكشن وجهي كلة اختلف من طرق أذني كلماااات اريد اختك لإبني هو نفسة الأخذ روحي مني هسة جاي يريد يأخذ اختي ؟؟؟

بس ماراح افوتها الك يا عبد الحسن والله الارجعلك الصاع صاعين

ابتسمت وهتفت وياه :ـ

:ـ أنتَ سألت علي الباقر هو يريد اختي ؟

- اي انا اعرف ابني هو يحب طيبة من اسنين وهي كبرت هسة خلينة نودعهن وبعدين احمدالله من بعد فضيحة الما تسمى مو زين حصلت رجل لوهج الطف و ابن عمك راح ياخذ اختك ترى الناس إذا عرفت بيت طلعت منة العيبة ماتاخذ نسوانة لو رب الشرف

:ـ صحيح كلامك عبد الحسن ابن عمي يأخذ اختي لازم أطير من الفرح

- شنو رئيك معتز أنتَ ولي أمر طيبة الزهراء

:ـ وانا ماعندي مانع بس خليني ادور السالفة براسي اكثر انطيني يومين بعد

- شوكت ترجعلي خبر ؟

:ـ كتلك ماعندي مشكلة بس الخميس بليل تعال للبيت وي مشيتك يعني جدي عيسى و مؤيد وتعال اطلب طيبة الزهراء رسمي وانطيك اذا الله انطاك

- يعني ماعندك مانع ؟

:ـ ماكدر انطيك هيج قرار اخذ رئي طيبة الزهراء الخميس ان شاءالله تسمع اليرضيك

- ان شاءالله

:ـ الله وياك

كام عبد الحسن وطلع من المحل واني بقيت افكر بسالفتة اخذت تليفوني واتصلت على علي الصادق حتى لا يطلع من البيت

وطلعت للبيت وصلت صعدت للطابق الثالث ورحت لغرفتهم القديمة لكيت العلوية مرجعتها وكأن جديدة

طردت علي الكاظم وبقيت بس انا و علي الصادق لوحدنا واردفت وياه

:ـ علي الصادق

- عيوني خوية

:ـ منك لو من الذيب ؟

- يخسي الذيب ابشر خوية

:ـ اريدك بخدمة اصغيرة بس قبلها تتذكر لمن طلبت طيبة الزهراء مني ؟

- باع معتز ترى طلعت طيبة من راسي الله شاهد جانت بس رغبة عندي اريد بنت عمي ماريد اجيب لامي غريبة بس خلص نسيت الموضوع وي رفضك الي .

:ـ بس انا ما رفضت

- بس كلتلي ان ماتريد اختك تتزوج

:ـ جنت افكر هيج بس تاليها راح تتزوج وتنسرت ابيت رجلها وحلوة اذا راحت من وقت

- شنو يعني ؟

:ـ انا موافق تتزوج اختي بس بشرط .

- الي هو

:ـ هذا الموضوع ما ينفتح لحد ما انا احجي بي ويوم الخميس اريدك أنتَ و علي الكاظم بليل ما تتواجدون بالبيت

- بس ليش ؟

:ـ هية هي الخدمة الاريدها منك بس الخميس بليل لا تگرب صوب البيت لحد ما انا اتصل عليك واكلك ترجع أنتَ واخوك

- صار اعتبرها صارت

:ـ اخليك ترتاح بغرفتك من بعد هي السنوات راح تنام على فراشك .

- هههههه ما مصدك تدري يمكن اليوم راح تكون المرة الأولى الي انام بيها بهذا العمق وراحة

:ـ واتعود عليها راح تضل دوم تنامها

- دوام الحال محال حبيبي مثل ما طلعنة هسة رجعنا ويمكن يصير ويانة شيء مرة ثانية محد يضمن الزمن هذا

:ـ بس لا نفكر ونشيل هم من هسة خلينة نعيش اليوم باليوم واترك هم باجر لباجر
اشوفك بعدين

- حبيب روحيي

تركت علي الصادق ورحت لغرفة طيبة الزهراء دخلت عليها لكيتها جي تدرس حجيت وياها واني واكف

:ـ كلتيلي شنو أسمها المدرسة التردين تروحين الها ؟

- ثانوية المعارف

:ـ وين صايرة هي ؟

- ليش تسأل عليها راح أبقى بمدرستـي

:ـ لاا حبيبتي اذا تردين المدرسة راح اروح هسة اسالج عليها واسوي نقل الج قبل دوامكم

- شنو غير رأيك ؟

:ـ اليهمج هسة راح تدرسين بالمدرسة التردينها لا تضوجين بعد وخلي براسج شيء واحد بس انا ماسوي شيء الا لمصلحتج حتى اذا فد يوم جبرتج على شغلة فهي راح تكون لمصلحتج .

- رغم ما فهمت شيء بس شكراً لان راح تقدملي للمدرسة الثانوية

:ـ تدللين چعدة العلويات حبيبة روح اخوج .

لأول مرة كامت طيبة الزهراء وحضنتني حيل حسيت روحي صدك ابوها اهتزيت شوي وحسيت شنو راح تصير بيها اذا حجيت وياها بسالفة الزواج ؟

قبلها هي جانت تريد آدم بس هسة انا اريد الها علي الصادق حتى لو جبرتها علية هي ماراح تنضر لان رتح ازوجها واحد ماتلكى احن منة

ويريدها ويحبها وطلبها مني
وما اضن علي الباقر يحب طيبة الزهراء اخوي مو من هذا النوع ابد مستحيل يطلع يحب اختي وهي تطلع بعمر بنتة !!

بقيت اباوع للمراية واتذكر كلام وهج الطف وياي وشلون هيج اتحولت وصارت لغيري اذا علي الباقر جان يريد اختي صدك وهو داز ابوة يطلبها مني

هيج صارت يا علي الباقر يمناا مسوي روحك ما تريد ابوك ومقهور علية وماراضي على السواه

وهسة جي تدزة الي حتى يخطبلك ! خوش دامك هيج تريد چا يا خوية اسمع ردي يوم الخميس واذا كسري 10سنوات وينسي
كسر ابوك راح اخلي لحد مماتة

وانا المعتز باالله أبن الحسن المجتبى

______________________★______________________

"""""" أريــــج الله """"""

محد اجاني وكالي داسِم اجى عرفت ان متعب نساني طلعت من البيت ولكيت مماس جايتني بالاكل ووكفتني

:ـ اقمار اوكفي العشى .

- مماس والله ما مشتهية هسة

:ـ تضلين بدون أكل ؟

- يمعودة غير فجرتيني من الاكل على الغدة لحد الان مسدودة نفسي باعي أخوج داسِم وينة ؟

:ـ وداعتج ما اعرف شوفي ابيت متعب

- تمام

:ـ اوكفي وين اودي الأكل هذا اخلي الج بالبيت ؟

- لالا مماس اخذي ماريدة

تركت مماس ورحت بسرعة لبيت متعب دكيت الباب وطلعلي جميل وهتف وياي

:ـ هلاوو خالةة تعي طبي

- حبيبي جمولة عمو داسِم موچود جوة ؟

:ـ لاااا خالة طلع مساع

- وين راح ما تعرف ما سمعتة يكول لابوك

:ـ اممم لاااا ما سمعتة

- صيحلي بابة حبيبي

دخل جميل وبعدة بدقائق طلعلي متعب حجيت وياه وانا ما مخلية عيني بعينة جانت نضرتي على الحايط

:ـ ليش واكفة هناا تعي فوتي لجوة

- لا خوية متقصر بس اريد داسِم وينة ؟

:ـ طلع داسِم قبل شوي

- وين راح ؟

:ـ راح للبحيرة لان ضايج حيل

- يعني هسة هو هناك

:ـ اي هو كالي راح يروح للبحيرة

- تمام خوية شكراً

:ـ دقيقة أقمار تردين ترحين لهناك لوحدج ؟

- حافضة الطريق مثل أسمي مو اول مرة اروح للبحيرة بليل لا تخاف

:ـ بالج لنفسج

تركت متعب ورحت بسرعة طلعت من القرية وطريقي جان للبحيرة ماعرف شنو العثرت بي وكعت بالكاع لان جان الطريق ضلمة كلة بس ضوء القمر

شلت روحي ولزمت رجلي وحسيت شيء جي يطلع منها من اتلمستها اكثر عرفت ان رجلي انشكت بالكزازة

حطيت ايدي حتى على الكاع حتى احمل وجع رجلي حسيت بشيء انغرز بأيدي لمن رفعت ايدي لكيت هم كزازة ثانية داخلة بأيدي

ماكدرت اتحمل الوجع رجلي وايدي مشگوگات وماكدر اكوم ابد بقيت ابجي

هذا الاكدر علية ابجي وبس وصرت اصيح بصوت عالي لــــ داسِم لان مسافة قليلة عن البحيرة انا وكعت ما معقولة ما يسمع صوتي

بس ماجنت اشوف شيء ما يسمع داسِم ما اجاني بقيت أصرخلة بكل حيلي بالأسمين داسِم & حَيرام

وماكو جواب ماجنت اسمع جواب حاولت اكوم بس ماكدرت الكزاز جان برجلي وبس حركت رجلي وضغطت عليها انغرز اكثر

قررت ابقى ثابتة بمكاني غمضت عيوني وانا ابجي ثم رجعت أصيح حَيرام حَيرام لآخر مرة على الأقل وبلگي الحظ يكعد وياي ويسمعني

نفس القبلة الحجر سمعت صوتة و حَيرام ماله حس اجاني شعور يكلي ما موجود بالبحيرة لا تصيحي ولا تتعبي روحج

قررت انا اضغط على روحي بكد ما اكدر واكوم على حيلي مابية ابقى هيج بس لمن حطيت ايدي الثانية على الجهة الثانية هم حسيت بكزاز وجرحت ايدي على الخفيف وصلت الي الفكرة

الكاع هي كلها كزاز بس السؤال منين اجاهااا مو أول مرة امشي بهذا الطريق بس اول مرة هيج يصير وياي من كل صوب كزاز شنو الصار ؟

داسِم وينة بكل مرة ما اريدة يطلع بوجهي هسة وينة من احتاجيتة ياالله ااخخخ يمةة اخخخ شنو مسوية بدنيتي إجازة هيج يا الله شنو ذنبي شنوو

ياعليي ..

حيل اتأذيت الوجع بية من كل صوب جان ما سيطرت على روحي وفقدت الوعي وماعرف بعدها شنو صار وشكد بقيت على الكاع

بس لمن فتحت عيني لكيت روحي بغرفتي وكدامي حكيمة دكتورة القرية و مماس كاعدة يمي بس فتحت عيني ضحكت حكيمة وأردفت

:ـ كعدت كعدت هفف شغلتي بالنة شلونج شنو تهيسين بي ؟

أريج الله :ـ وين انا ؟

مماس :ـ لا تخافين يروحي أنتِ ابيتج لحكنة عليج

رفعت ايدي احطها على راسي لكيتها لافة أدية ومضمدتهن كامت حكيمة وطلعت وبقت يمي بس مماس

انطتني بطل بي ماي و مخلية بي هيل وهتفت وياي

:ـ هاج اشربي

- الحمدالله . شنو جابني هنا انا ماتذكر رجعت للقرية ؟

:ـ غير خرعتينا عليج باعي البسي حجابج عدل ووضعيتج عدليها طالعة اكول لـــ داسِم أن أنتِ كعدتـي لان اكثر واحد اخترع عليج

- مماس

عافتني مماس وطلعت لبست حجابي عدل وشمرت الصاية على اكتافي ووسدت راسي فات داسِم بعد ما دگ الباب

وكف كدامي وأردف

:ـ ما تشوفين شر

- الشر ما يجيك

:ـ لا تمشين هسة ولا تشيلين شيء ايديج ورجلج حيل مجروحات خلي يرتاحن ويلتأم الجرح بعدها سوي التردي

- داسِم انا شلون أجيت هنا

:ـ قبل لا اكلج شلون اجيتي هنا اريدج أنتِ تجاوبيني شكو رايحة لهناك شنو اخذت رجلج على الطلعة من القرية لو شنو ؟

- انا جنت اريد اشوفك لان اريد احجي وياك وكلولي أنتَ يم البحيرة لهذا انا رحت حتى اشوفك وانا بالطريق حسيت مثل الحجارة صارت بطريقي وكعتني على وجهي ووكعت على كزاز زين ماراح وجهي بالكزاز الحمدالله كضت بس على ايدية ورجلية

:ـ وشنو الموضوع الي ماكدرتي تنتضرين تشوفيني بالقرية وتحجين وياي بي طلعتي للبحيرة

- داسِم مو أول مرة اطلع ولا اول مرة امشي بهذا الطريق مادري شلون صار الكزاز منثور بكل الكاع هناك

:ـ انا هم اتفاجئت ماجانت اكو كزاز بالكااع

- انا شلون أجيت لهناا ؟

:ـ ربج يحبج
لمن رجعت للقرية حبيت أمر عليج قبل لا اروح لبيتي ولكيتج ماموجودة رحت لمماس كالتلي ان جي تدورين علية كلت يمكن الكيج هناك ببيت متعب ومن رحت كالي أنتِ مريتي علية وسالتي علية وهو كالج انا على البحيرة لهذا رحت الج بسرعة وانا بالطريق عثرت برجلج لمن ركزت اكثر شفتج بس ماكدرت اجيسج ولا اتقرب منج لان اعرف مايصير عدكم هذا الشيء وتعتبري حرررام هم ماحبيت تزعلين مني من تكعدين وتعرفين انا متقرب منج وشايلج لهذا
انجبرت ارجع للقرية ركض جبت وياي لايت وجبت مماس و حكيمة ورجعت الج خليت غطى عليج فوك صايتج علمود من تنرفعين ما يضهر منج شيء
وخليتهن يشيلنج واني جنت احاول اضوي الطريق الهن لمن وصلنا لهنا بقيت منتضر برة وأنتِ لوحدج بقيتي وي مماس و حكيمة هنا وعالجنج

- لمن وكعت هناك داسِم انا لأول مرة أصيح بأسمك لحتى تدركني ولمن فقدت الأمل وحسيت مامنك جية انا استسلمت وغمضت عيوني وماجنت اظن راح ارجع وافتحهن

:ـ حيل آسف لان لمن طلبتيني ما لبيتج من آول مرة

- بس انا هنا من بعد فضل الله علية فضلك

:ـ شلون تحسين روحج هسة ؟

- وجع قليل بس اكيد راح اصير احسن

:ـ شنو تكولون انتم بهيج حالة؟

- شنوو؟

:ـ اذا شخص كال الكم انا شوي زين شنو تكولون له الحمدالله ؟؟؟

- هههههه اييي اذا شخص كال انا شوي زين نكول الحمدالله

:ـ اهاا اي هسة الحمدالله لان بس قليل وجع وراح يخلص وي الساعات الجاية

- حَيرام

:ـ عيونة ؟

- اجيت احجي وياك بموضوع

:ـ ايي كليلي

- نحن على موعدنا صح

:ـ أي موعد ؟

- الخميس ننزل ونتزوج !

:ـ شنو أنتِ كل شوي قرار ما تثبتين ؟

- لا انا فكرت وهذا قراري النهائي الخميس أصير مرتك ونتزوج لان لازم ابقى هنا بس ماكدر ابقى اكثر من هيج بهذا حالي

:ـ كتلج انا تحت حكمج التردينة يصير نتزوج الخميس نتزوج ماتردين نتزوج ما نزوج

- انا اريد نتزوج

:ـ صار الخميس الكيج جاهزة

- داسِم أنتَ تعرف ان اناا متعرضة للاعتداء صح ؟

:ـ اءءء اييي صح اعرف كلتيلي

- حبيت اذكرك مادام باقي يومين لزواجنة

:ـ لا تذكريني لأن ما نسيت ابد

- وماعندك مشكلة بهذا الزواج ؟

:ـ أريج الله انا ما اريد اتزوجج لتلبية رغباتي الشخصية انا اريد اخذج حتى احميج وانطيج حياة حلوة مثل عيونج وانطيج الامان التعيشي بي مثل الامان الي انطيتي الي من وكفت يمج اول مرة

- يعني زواجك هذا لحمايتي ؟

:ـ بالضبط زواجنا لخاطرج أنتِ وبس واذا تردين نرجع لهلج ومحد يحجي وياج عادي اخذج ونرجع وترجعين كـَ زوجة حَيرام ومحد يحجي وياج حتى ابوچ

- لااا ماريد تصير مشكلة اكبر من هيج مالي رجعة لهلي لحد ما يتأكدون انا بريئة ومستحيل اسوي هيج
ومنا لذاك الوقت ياالله اريج الله ترد وتدخل بغداد بس باع حَيرام اخواني راح يحضرون الخميس

:ـ بس شلون عرفوا ؟

- امممم عرفوا وهي هية المهم راح نلتقي بالولاية وراح يصيرون شهود بالعقد القرآني مالتنة وبنفس الوقت انا طلبت من اخوي يجيب هويتي وياه حتى نعقد محكمة هم شنو رأيك ؟

:ـ رأيي من رأيج أريج كلــبي وارتوائة

- اذا هيج ما مختلفين احنا بشيء

:ـ بس بعدج مصرة على الشروط الخليتيهن ؟

- حَيرام اخواني ما يعرفون أنتَ شنو لهذا الشرط الأساسي يبقى ابيناتنا بس باقي اشروطي لا لازم تسويهن

:ـ مابية احجي شيء ربطتيني ولج اخاف أنتِ التسوين سحر مو انا

- ههههههه ويني وين السحر انا انطيني بس الادعية هي الاكدر عليهن

:ـ بس لا أنتِ سحارة سحرج جان أقوى حتى من سحر وشيطنة داسِم

- وشنو نوع سحري ؟

:ـ سحرج مالة نوع بس الة لون

- وشنو لون سحريي

:ـ رصاصيي هههه اخليج ترتاحين ناامي

عافني وراح وبقيت افكر شنوو سحري لونة رصاصيي هذا شنو يخربط ؟

حبيت اغير ملابسي لمن كمت مشيت على كيفي حيل لان رجلية تاذيني وفتحت الدولاب وطلعت ملابس ورحت قفلت الباب و غيرت ملابسي

وباوعت للمراية وأخذت المشط مشطت شعري ولفيتة عدل ولمن ركزت على وجهي شفت عيوني لونهن رصاصي!

ياالله هههههههههه ليكوون داسِم جان يقصد عيوني هن سحرييي بلون رصاصي
شلون انا ما انتبهت هيج ابد ؟

رحت لفراشي واتمددت علية لان ضغطت على رجلية حيل وهن مضمدات
غمضت عيوني و نمت

وانا نايمة حسيت بأيد جي تتحسسني وحسيت بوجود احد يمي بالغرفة وقريب مني حيل وجي يباوعلي ومخلي ايدة علية

فزيت حيل وطفرت من مكاني باوعت بأركان الغرفة وما لكيت احد نضرت للباب لكيتها مسدودة على حطة ايدي

مسحت وجهي بشالي و اتعوذت من الشيطان وصليت على النبي ورجعت خليت راسي على المخدة وحاولت انام بس ماكدرت

لان شعور اكو احد وياي بالغرفة ودا يباوعلي ضل مرافقني رغم جنت اباوع بكل كتر من الغرفة وانا ما اشوف احد غير نفسي

سحبت نفسي بألف يا علي ورحت للميز مال المراية مديت ايدي لورة وطلعت القران والحصن الحصين

ورجعت لفراشي خليت القران جوة رااسيي وفتحت الحصن الحصين وبديت اقرأ بي لخاطر شوي اريح نفسيتـي حتى اذا انجبرت ابقى للصبح كاعدة وما انام

أهم شيء ماخلي هيج شعور يخوفني لو يهزني وانا ايماني برب العالمين لهسة موجود وما خف بداخلي

وانا اقرأ حسيت روحي جي تلعب حيل وبديت أصرخ بلا شعور
واني اضرب راسي بالفراش

للحضة حسيت نفسي مو أريج الله مجرد ضحية جي تتحكم بيها سحر !

______________________★______________________

- أتمنى أن تكون كُل الطرقات التي أسلكها من اليوم ولآخر حياتي آمِنة وصالحة لي، وأن يرضى اللّٰه عني دائماً.

______________________★______________________

وَزاتي هذا نهاية البارت توقعاتكم بالتعليقات
واتمنى تتركون وراكم نجمة منتبه لتصويت مجاي يوصل حتى 100 والمشاهدات الألف ما تخسرون اذا تركتون تصويت تقدير للتعب .

✨ التعب علينة والتفاعل عليكم ✨

متابعة لحسابي oo_ll13