رواية احفاد السيد : الثار ( بأجزائها الإثنين ) الفصل الثامن عشر 18 - بقلم ​رُقَـيَّـةُ الْأَكْـبَـرُ

أحفاد السيد

رقية الاكبر

لاتنسون التوصيت ومتابعة للحساب وتعليق ابين الفقرات ..

.

البارت 33

__ لو ترجَع
ذهب مصبوب
ما اريدك
هضيمه شلون بعت
أنسان حافظ
حتى أهل بيتك .

□□□□□□□♡□□□□□□□

"" علي الباقر ""

بعد ما كعدت الصبح واني جاي البس ملابسي اتصل علية فردوس اخذت التلفون ورديت علية وسمعت ....

_ هلا فردوس

_ سيدي السجين دخل بغيبوبة ..

_ شنووو ؟

_ ايي والله سيدي هاي كمل 24 ساعة وهوة مصاحي دخلت الدكتور يشوفة وطلع وكالي صار بية حالة غيبوبة بسبب الضربة التعرض الها على راسه ..

_ فردووس ..

_ نعم ؟

_ بالك ثم بالك تفاارك الباب دقيقة يا دقيقة ثاانية وحده متفارك الباب مال الغرفة تمام

_ صار سيدي

_ ذمة بركبتك اذا صار شي على آمرين من ورة تقصير منك ذمة هاا

_ لاا سيدي هاي ههي بعيني والله وحتى اذا اريد اروح راح احط ثقة لا تخاف بعد

_ خووش

_ محتاج شي ثاني سيدي

_ بس بالك على آمرين ماريد شي غير هذا ..

_ بعيني

_ سالمة عينك يلة واني امر عليكم ان شاء الله مع السلامة

_ الله وياك ..

سديت الخط وطلعت من البيت واني الدنيا مضلمة بعيني بعد ما سمعتت آمرين صار بغيبوبة من العصبية الصارت بية مشييت بالسيارة بكل سرعة وحسيتها طارت من الكاع ..
وصلت وكفت السيارة ودفعت الحرس وطبيت على سراج من وره مكتبة سحلته من ياخة قميصة و نترت بوجهة ..

_ لك انت شمسوووي وي آمرين؟

_ ششيل ايدك عنييي

_ سالتك جااوب شنو مسوي وي آمرين ؟

_ ممسوي شي غير شغلي

_ وهذا تسمي شغل ؟

_ اايي واجبي احقق وياه واخلي يعترف غصب عنه

_ سررراااج لاتخليني افصم عليك هسه

_ علي الباقر

_ انتة اكثر واحد تعرف ان اعترف آمرين مو لصالحك ابد انت مردت تخلي يعترف انت ردت تكتلة مو هيج وهسه صار مبتغااك وامرين دخل غيبوبة وهيج انت صار عندك شوية وقتت تتنفس بي موو؟؟

_ انت جاي تتهمني هسه ؟

_ بعمري ما اتهمت احد باطل ولك انا علي الباقر وانت اكثر واحد تعرف شنو انا والله لاخليك تشتهي الموت وما تطولة اذا نمست بعد شعره وحده من امرين واذا صار عليه شي وهوة داخل المستشفى راح اتهمك انت واحقق وياك ..
وريح بالك اضن الامر كلك ان انا اخذت قضية آمرين يعني بعد ماكو داعي تشوفة او تحقق وياه انا ادور احجي وياه وراح اخلي يعترف على كلشي ..

وخرت ايدي من ياخت قميصة ودفعته كعدته على الكرسي مالتة بقى بس يباوعلي بدون اي كلمة منه ..
وانداريت اريد اطلع واتذكرت شغلة ورجعت باوعت الة واردفت وياه ..

_ وصدك لا سامح الله وحكمو على آمرين بذاك الوقت انا خلص ماعندي بعد اي شي اخسرة وراح يصير الموضوع بيني وبينك وبذاك الوقت بسسسس عليةةة وعلى اعدائي ...
التلاحك روحك وخلي آمرين يطلع حكم برائة حتى تضمن ما يحجي شي اذا بقى داخل السجن ما يطول ويحجي وانتم الاثنين تغدون ورة الشمس ...

عفتة ورحت صعدت سيارتي ورحت قريب من اراضينا وكفت سيارتي ونزلت منها وصعدت على البدي كعدت وبقيت اباوع للاجواء والسماء واني منتضر الشباب تجي ..

【 العمارة 】

"" صيوان ""

بعد ما جهزت درية الجنطة و حطت بيها الي تحتاجهن والي يحتاجهن أبني الصمود صعدت كدامي بالسيارة ولمن ردت اصعد
سمعت صوت تكتم وراي انداريت الها وسديت باب السيارة
ورجعت دخلت للمزرعة و وكفت جدام تكتم وبقيت اناضرها وانا متلايم ..

تكتم :: عود انته هسه وين رايح وي هايي ؟؟

_ هاي الها أسم واسمها درية ام صمود وبعدين مالج غرض وين نروح و وين نجي ..

_ انا بس اريد افهم رااحح اتخبل لك انت شلون عايفني اناا ورايح راكضلي ورة هاي .
صيوان انا تكتم انا الي ربيتني بيدك انا الي بيوم من الايام اجيتني وكتلي احبج ولك شنو الغيرك عليه هيجي شنو الي كلب مشاعرك اتجاهي ؟؟؟؟

_ صح انتي كبرتي هنا بهاي المزرعة وجدام عيوني بس تكتم انت مو تربيتي ...

_ لالاا اناا تكتم اناا تربيتك انا تربية صيووان ..

_ لااا تكتم والله انتي بس عشتي هناا ويانه وبهونا بس انتي الدم الشايلته والتربية راجعه لابوج صح انا بيوم من الايام حبيتج وما انكر بس الحب هذا تحول كره انا هسه اكرهج كره مو طبيعي بعمرري ما كرهت احد هيج ...

_ ليش شنو السبب

_ هههههههه وتساليني السبب صدك تحجين انتي ؟

_ ايي صيوان خليني اعرف ليش هيج نكلبت عليه 180 وصرت مو طايق تباوع لوجهي

_ بختصار جان املي بيج كلش جبير ان تطلعين تختلفين عن الكل بس للاسف خيبتي املي يوم الي شفتج نسخة من ابوج بالحقد بالكره بالانانية بكلشي انت تكتم بنت ابوج ما تختلفين عنه بشي .. أسفي على نفسي جنت الجأ الج بكل لحضة احس بيها بالضعف احس بيها بالكسر واخر شي صرتي انتي سبب ضعفي وسبب كسرتي انا شكرتج على كلشي قدمتي الي وارجع واشكرج دام ذكرتيني ..

_ صيوان اوكف خلينا نتفاهم هشه مدام انفتحت الدفاتر القديمة

_ لااا لاا محد يفتح الدفاتر القديمة وانا اصلن مراح اخليي احد يفتح شي قديم انا سديته وخلصص ..

_ صيوان اسالك سؤال هسه

_ كولي شنو وخليني اروح ..

_ بالله عليك مو علساس زواجك من درية بس علمود الصمود

_ منو كال ؟

_ شني منو كال ؟

_ درية هسه زوجتي وام بيتي ويمكن راح تجيب اخ لصمود ماعرف بعدهي ممحللة ما متاكد هل هي حامل او لا ...

_ يعني انت تدنييت يمهاا انت طخيتها صيووان ؟؟؟؟

_ هههههه وليش حتى ما اطخها مرتيي غير حلالي وكلشي بيها الي وبعدين انتي شايفه عيونها الحشيشية اكو احد الله عليج
يقاوم هاي العيوون ؟؟

_ لاا صيووان انت مو هيج انا ادري انت سولفت هيج علمود تقهرني صيوان انت تحبني انا مستحيييل تطخ وحده جانت زوجة اخوك مستتحيل ..

_ ما مجبور اجذب بهيج موضوع درية جاانت مرت اخوي بس هسه صاللها سنتين مرتي اناا خلص اخوي ماات راح ما موجود و درية هسه الي انا درية هسه زوجة صيوان مو دهام

تكتم هنا طكتني بثنين اديها على صدري ودفعتني وهيه تبجي وصارت تنتر ..

_ لكك شتحسسس شنوو تحس انته هسه شلون هيج دنت نفسك على مرة بيوم من الايام نامت ابين ايدين اخوك بيوم هيه حبلت منه لك هاااي التكول عنها زوجتك ولك هااي كضت اليالي وي اخوووككك وشالت ابننه ببطنهاا شلونن انطتك روحي تكرب منها وتطخهاا شلوون بس اريد افهم ولك عايفني انااا الي ماخليت احد يتزوجني ورفضت الدنيا كلها لخاطرك وراكضلي ورة ذيج الي عشكت اخوك واخذته الي بيوم انته جنت تنضر الها ك مرة اخ و ههسه انت تباوع الها ك زوجة شنووو هااذاا القرف انت ما كاره روحك هسسة ولا مكيف راح تخليها تشيل ابنك ؟؟

صيوان انا الوحيدة الي استاهل اشيل ابنك انت مَ راح يصير عندك اولاد بس مني فهمتت والله والاسمة الله والي خلقني بصلب ابوي وكوني برحم امي يا صيوان مراح اخليها تجيبلك ولا طفل اناا الي استاهلك وانت اليي ومراح اخليها تتهنى بيك ..

_ خلصتي ؟ اريد اروح اتاخرت علة مرتي وابني ..

بقت تباوع علية مسحت ادموعها وحضنتني وهمست باذاني ..
رغم انا ما حطيت ايدي على ظهرها ولا حضنتها بقيت جامد بمكاني ...

_ صيوان روح هسه لدرية ارملة دهام وام صمود دهام بس خلني على بالك زين انا تكتم مو زوجة احد ولا حبيبه احد انا منتضرتك انته واريدك انته ومستعدة اجيبلك الطفل الي تريدة واصير أم ابنك انتة صدكني انا هنا علمودك انتة واذا تريد حتى ابوي اتبرى منة ولا تفكر بيه اعوفه وانا اصلن عايفته متشوفني 24 ساعه يمة والله ما عاجبني كلشي يسويه صدكني انا هنا الك انته وراح انتضرك لو بعد مليون سنه شوكت ما تجي الي راح تلكاني حضن دافي الك تدري بيه حيل احبك وابقى احبك هيجي ما ابطل ابد ......

وخرت عن حضني وبقت تباوع الي وحطت ايدها على خدي واتقربت مني وخلت كصتها على كصتي وكالت ...

_ انا اعرفك كلش زين واحلفلك هسه ان انته ما طاخ درية صح صرتو تنامون بنفس الغرفة بس انت ما متقرب منها لان انت صيوان حبيبي انا واثقة بيك وهم مثل ماهسه انا هلكد قريبة منك انا وثقه انت بعدك تحبني والدليل هذا توترك وهاي دكات كلبك الي صوتهن وصلني بس لان هلكد يمك اني ...

اخذت ادية وحطتهن على خصرها ورجعت هيه باديها تمسح على وجهي وكالت ....

_ تكتم الي انت جنت تريدها هسه هيه تريدك شوف انا كلي الك شتريد مني انطيك ماعندي مانع روح هسه لدرية وروح وياها لات متأكدة مراح يصير شي ابيناتكم .. صيوان اموتن عليك واذا صدك وطلعت درية حامل .. والله احرك نفسي كدامك ..

ابتعدت عنها وعفتها وطلعت من المزرعة وانا محاجي شي وياها
ورحت صعدت السيارة واول ما حركتها بقت درية تباوعلي واردفت ....

درية :: ليش ندهتلك تكتم شنو جانت تريد ..

_ سوالف تكتم ما تخلص انسيها ..

_ اريد اعرف ضلك ساعه ماهو وانا منتضره كل هاي سوالف ؟

_ ايي جانت تسولف وياي واني جنت اتعارك وياها كتلج انسي

_ بس اريد افهم خلصت الزلم بالعمااارة ماكو بس صيوان وهيجي راكضة وراك اذا وكعت بجبد نفسها عمي انا اجيب الها عريس ..

_ درية سدي المووضوع خللص ..

_ الموضوع ماراح ينسد دام هيه راح تبقى هيج كدام عيونك

_ كدام عيوني شني شمالج صايرة متعرفين تحجي ؟

_ انا ماعرف احجي صيوان جا شنو تسميها هاي 24 ساعه وكدامي ولا يكلك انا مرتك تكتم تحاول تاخذ انتباهك وتهتم بيك وامك تصفك الها ...

_ ما تعودتي عليها ؟

_ لااا وماريد اتعود على هيج شي اسمع صيوان من هسه اكلك نرجع من بغداد تروح وتحجي وياها هي هم عدهم بيت يركض بيه الخيل ختولي لبيتهم وتعوفنا بحالنا خلص أو

_ أو شني ؟

_ نطلع ابيت لوحدنا ..

_ هاا واعوف اميي واختي لوحدها جدامج واحد ساقط غيررة يعني ؟؟

_ لاا شوفلك بيت هنا قريب او ابني النا بيت بالمرزعة كدام بيتكم اهم شي بيت الي انا وياك وبيه خصوصيه ميصير سري مري ياهو اليجي ويدخل ..

_ خليني هسه منتبه لطريق لا نندعم والله كريم ..

_ انا سولفت وماريد اسولف مره ثانيه حبيبي

_ كافي درية شلشتي بالي ترى

_ هاي سكتت ...

كملت طريقي وبعد 5 ساعات وصلنا بغداد ؤحت لفندق اخذت غرفة ورحنا الها .. وما طلعت باليوم الوصلت بية لان جنت حيل تعبان عفتها شوفة علي الباقر لباجر ونمت ...
ولمن كعدت ثاني يوم لكيت درية كاعدة وتلاعب صمود خليتها تكوم وتبدل حتى نطلع ناكل برة وبعد ما طلعنا اتصل علية علي الباقر وكالي هوة كاعد قريب من الاراضي مالتهم ويريدني اجي لهناك رجعت درية للفندق واطمنت عليهم وطلعت بسيارتي للمكان ...

"" طيبة الزهراء ""

بعد ما طكني الملل صعدت لغرفة أريج الله دخلت عليها لكيتها كاعدة تاخذ قياسات أم البنين و رحمة الزهراء علمود تصمم الهن فساتين مال حنة وهيج ..
رحت وكعدت يمهم ولمن هن كملن كعدت أم البنين يمي وأريج الله ورحمة الزهراء كعدن كدامي ..
واردفت أريج الله وياي

أريج الله :: يااهلا بجية جُعدة العلويات ..

_ بالمهلي يا قفص صدري ..

أم البنين :: شمالج ؟

_ شني شمالني ؟

أم البنين :: مدري مزاجج متعقج وجهج مغندب شني ؟

_ لا ماكو شي بس طاكني الملل وروحي لايجة ..

رحمة الزهراء :: ليش يروحي شبيج تهيسين بشي يوجعج لو شنو صاير وياج شي ؟

_ لا ماكو شي مجرد تعب عاادي هسه دقايق واصير زينه ..

أريج الله :: يعني هسه كل هاي الفرحة الي تارسة بيتنا وعدنا عروستين وعريس جنهم البخت وتكولي ملل وكأبة صدك تحجين انتي ؟

_ ززين عادي أسالكم سؤال ..

أم البنين :: جوواب ياحلوة

أريج الله :: ايي شي اكيد عادي يا جُعدتنا ..

_ هسه اذا اجة شخص وتقدم الي وكال اطلب ايد بنتكم الي هيه انا ..

رحمة الزهراء :: ايييي ..

_ برايجن يا ايد راح انطيها الة يعني يا ايد راح ياخذها مني هاي اليمنى لو اليسرى ؟

أريج الله :: تفكيرج خاارج الصندووق لدرجة هههههه

أم البنين :: حبيبتي طيبات اليجي يتقدم الج ماياخد بس وحدة من ايديج ..

_ جاا شنو ؟

رحمة الزهراء :: هَوة راح ياخذج كلج على بعضج ..

_ ااييي لاا هيج الموضوع صار بية طمع حيل .

أم البنين :: هههههههههههه خرب يومج ..

أريج الله :: ماعليها عتب طيبات تفكر هيج جا اني بعمرها جنت اتخيل الزلم هيه التجيب الولد والنسوان هن يجيبن البنات ..

رحمة الزهراء :: ههههههههه كلنا هيج والله بس لا تخافين ترى طيبات اوعى مني ومنج ..

_ لا تحسدني ..

أريج الله :: كوومي بقيتي بس انتي خلشوف قياسج ..

_ تعاي ..

أم البنين :: ما تتعبج بالتفصيل ذني الملابس الي فصلتيهن لبنت علي السجاد خلي تلبسهن طيبات

رحمة الزهراء :: ههههههههه اييي والله صدك بس ولج ما اقبل تقلدين على اختي ..

أريج :: لا جُعدة العلويات انا ما اقبل عليها لا تضوجين يغارن منج لان سون كلشييي وهن ما صارن بضعفج ههههههه

أم البنين :: ترى اتشاقى عيوني اكو احلا من طيبات عمي مرات اتمنى الله خالقني بجمالها ..

_ شكرا على المجاملة ...

رحمة الزهراء :: هههههههههههه مطنكره حيل طيبات ..

أم البنين :: يلة انا نازلة هسه

رحمة الزهراء :: وين رايحة ولج ؟

_ نازلة اشوف بَعلي

اريج الله :: اثكلي شوية ولج باقي بس 3 اييام ويصير يمج

_ ما اتحمل بعد ولا ثانية بغرفته هوة موو ؟

رحمة الزهراء :: ولج بنين اووكفي لا تروحين شني يكول ممصدكة رتح تتزوجني

_ جا اني صدك ممصدكة راح اتزوجه واصلن ممصدكة على روحي حصلتلي رجل سيد

اريج :: هههههههههههه ترى كلج ماخذه أخويي علي الهادي

_ تاج راسي انتي واخوج يلا جااووو اشوف زلمتييييي ..

راحت أم البنين وبقت اريج الله تباوع لرحمة الزهراء وهيه تضحك واردفت ..

أريج :: صدك طفلة خرب يومهاا زوجنا علي الهادي حتى يعقل تاليتنا بنين تخبلة ..

رحمة :: ههههههههههههه والله ضحكتني خرب ...

_ ايي عوفن البنيه تحبه وممصدكة ماخذته ..

رحمة :: انتي عود سوي مثلها هيج وفلفلي على الرجال حتى اموتج والله ماخلي يشوفج لليوم ما يجي ياخذج من الصالون ..

_ ادري شني ليش هذا العجاف كلة

رحمة :: احسسن ماخلي ياخذج بسهولة ..

أريج :: صحيح كلام رحمة الي يجي بسهولة يروح بسهولة ف زوجج المستقبلي خلي كلبة ينششلع يالله ياخذج ..

_ والله اذا مشلعتت كلبة وعلعلته ما اطلع اخت الدكتورة ههههه

رحمة :: انجبي ولا تفكرين بهاي السوالف خلي عقلج هسه بدراستج يلا مو انطيناج مجال ..

_ اخخخ اريج وين طببتي الدبووس ..

اريج :: ههههههه اسفة والله جكيتة واني ممنتبه اسفة يروحي

_ انتبهي اكثر عورتيني ..

_ تدللين ...

بعد ما اخذت قياسي عفتها وطلعت واني احس روحي مشتاقة لعلي الباقر اليوم من الصبح طلع هوة واني ما شفته ابد ..
ولهسه ما راجع .. بقى بالي يمه ومردت اتصل علية علمود لا يكول هاي ذابة روحه فرد مره عليه عفته .....

【 مَشهِد 】

"" أم البنين ""

عفت البنات ورحت لغرفة بَعلي دخلت ولكيته نايم رحت كعدت كدامة وبقيت منتضرته يكعد وتالي عرفت هذا دب مال نووم لو اموت هسه ميكعد رحت كعدت يمة وصرت اندس بمتنه حتى يكعد ولاحضت نازع الحلقة ومخليها على ميز المراية طكيييته حييل على ضهرة وفز من النووم ...

علي الهادي :: اااسم الله أصبحنا واصبح الملك لله هاي شبيج اكو احد يكعد هيج ضهرييييي ...

_ شنووو ذييج ؟؟

_ شنوو ؟

_ حلقتك ليش نازعهااا ؟

_ اجيت اناام

_ واذا تريد تناام تنزع الحلقة هاا علموود خااف تمر بحلمك وحدة حلووة ماتريدها تشوف الحلقة مووو ؟

_ الا اله الا الله ههههههههه

_ علي الهادي لا تضحك روحي وجرت منك ترى ليش نازع الحلقة

_ ولج بنيتي يابعد عيني انتي سبحت البارحه بليل ومردت اسبح وهيه بيدي حطيتها هنا وبقت هناك

_ هااا ويعني اني ما اجيت على بالك البارحه مووو

_ ليش ؟

_ ايي لان لو اجيت على بالك البارحه جان انت باوعت لايدك حتى تشوف الحلقه وجان شفتها ماهيه ورحت تلبسها بس هذا دليل ان انا ما اجيت على راسك وانت تريد تنام كلييي بَ شنو جنت تفكر ؟؟؟

_ شنو هذاا النكد بنين منو معلمج ؟

_ بَ منو جنت تفكر قبل لا تنام ؟

_ وعلي بروحي ما افكر انا بوقت النوم اريد بس احضن المخدة وانخمدد ترديني اكعد افكرر

_ ما صدكت

_ لا والله

_ أشو انت صاير مدري شلونك وياي هاااا

_ بنيني انت صايرة مدري شلونج وين بنين الجانت تهتم بيه وجانت متضوجني ههسه صايرة حيل تنكديين وعلي ..

_ هاك البسها ولو تحترك ما تخلعها من ايدك

_ غالي والطلب رخيص ..

_ زززييين

_ مشتاقلج ترى شعجب اجيتي اليوم النا ؟

_ اممم اجييت لاريج وهسه اجيتك حتى اشوفك لان انا مشتاقتلك لو انت مشتاق جان اجيت الي ..

_ لا والله كلما امي تشوفني طالع تحلفني ما اشوفج تكلي عوفها باقي ايام وتصير مرتك ..

_ حتى هسه اريج ورحمة مقبلن اجيك بس اجيتك لان مشتاقتلك

_ خايبة اروحلج فدوة

_ لا يطب واحد وخر عني

_ مرتيي

_ هههههههه بس بنضرهم ماصير مرتك الا بعد الزفة

_ يلة كومي طلعي ملابس حلوة لرجلج يريد يطلع ..

_ وين رايح ؟

_ اشوف ابنادم اشوف الناس كافي من امس بهاذا البيت ..

_ و لوين رجلج يريد يطلع ؟

_ اشوف الولد وين واروح الهم وي المعتز بالله وي أصفاد الحق

_ اهاا تمام اذا هيج

_ ما ادور بنات لا تخافين

_ لو اخاف عليك ماخليتك تدرس بالخارج

_ ههههههه وليش العندة هيج وحدة بهاذا الجمالل يباوع لغيرها

_ متملي عينكم بس الترااب ..

_ واني عيني امتلت بالتراب الي انخلقت منة بنيني

_ يححح انت شكد بيااع حجي

_ ههههههههه هسه جاي اتغزل بيج وجاي احجي الي بكلبي تكليلي بياع حجي اني بياع حجي ولج ؟!

_ ايي والله انت سليط السان ولازم ينخاف منك

_ انعم الله عليك عمي ..

_ اكوم اطلعلك اهدووم ..

_ حلوات مثلج

_ لا يروحي ما اطلعك حلو حتى البنات يبصبصن على حلالي

_ طلعي التردينه يلة يروحي .

كمت عنه ورحت للميز طلعت الة ملابس وهوة سبح واخذ الهدوم ومن طلع وكف على المراية وكفت يمة وصرت ارتب شكلة ومشطت شعره
وحسيته كأن اوليد بين ادية مادري منو زرع حب هذا السيد بكلبي علي الهادي جان كلشي بالنسبة الي ..
ماحسيت بخسارة ابوي لأن لمن مات لكيت حضن علي الهادي موجود صار هوة كلشي بالنسبة الي
حبيتة حب ما اتوقع راح انساه بيوم من الايام
بس الله لا يسامح الي مخلاني اتهنى بحبي
اصَابني اليَتم مبكراً فقِدت غصَن متِين
وأدركت حيَنها أن الحَرمان
فعلاً هَوه حَرمان الأب وأن الكَسر الحقِيقي هَو
فعلاً حرمان علي الهادي ......

【 مَشهِد 】

"" المعتز بالله """

طلعت من المحل ومن وصلتني رسالة من المرتضى الامير
ركبت سيارتي ورحت قريب لاراضينا ..
ولكيت علي الباقر كاعد على البدي مال السيارة
وكدامة حاطين كراتين وكاعدين المرتضى الامير وحامِد المتقين واصفاد الحق وعلي السجاد .. وكفت كدامهم ...

_ انااا اجيييت ...

حامِد المتقين :: ياهلااا بالمسوودن

_ لا تكول مسودن لا اتسودن صدك هسه عليكم

علي الباقر :: هههههه عيفوو الله ساتره علينا

_ شعدكم مجتمعين على خير هنانة ؟!

علي السجاد :: من زمان مكاعدين هيج كعدة كلت اسويها

_ يعني الفكرة فكرتك ..

علي السجاد :: مو بعينك يعني

_ بعيني وبراسي هم هههههه

المرتضى الامير :: تعال تعال سيد اكعد هنا يمي

_ على شنو جنتو تسولفون ؟!

أصفاد الحق :: جنا نحجي عن زواج علي الهادي والعرس الي راح يصير ..

_ زين ذكرتوني صفدفد تنزل وياي بليل

أصفاد الحق :: تدلل بس وين تريد ؟

_ اكوو قااط عيني علية صالي مدري شكد مدام هسه صارت عدنا مناسبة اريد اشتري والبسة

علي السجاد :: مدام السيد المعتز بالله عجبة شي يعني غالي شكد سعره بلة ؟

_ لا وينة وين الغلا سعره 300 دولار

حامِد المتقين :: شنيييي ؟؟

علي الباقر :: هاااااا

_ افهم صدمتكم بس والله يستاهل هذا السعر ..

المرتضى الامير :: شكو شكو ليش هاذا التبذير علمود قاطط استجن يمعود ترى النعمة زوالة ..

أصفاد الحق :: كلام المرتضى صحيح المن كل هذا شمقصر وياك القاط أبو ال50 الف لو 75 الف يخبلن ...

_ انا عجبني هذا والله مَ احضر العرس اذا ما لبسته ..

علي السجاد :: زين انطينا موصفاتة شنيي خيوطة من ذهب لو مرصع بالالماس ؟؟

علي الباقر :: والله اذا اشتريته وذبيت علية هل هاي الفلوس الا بعد العرس اسوي وصلة مسح فهمت ولك هوة انت تلبسة مرة وحدة ..

_ هاي شبيكم وياي من يمتاا انتم عصص هيج ترى 300 دولار اذا كتلكم 1000 دولار شسوون ...

اصفاد الحق :: هااي ال300دولار الي انت مستهزء بيها بأيران تحوليها 30 مليون تومان يعني ابدال ما تشتري قاط ب 30 مليون تومان اخذ الفلوس وسافر لايران وعيش حيااتك وارجع لهنا من تكضي فلوسك ..

حامِد المتقين :: ايي والله كلام صفصف حلوو روح اتونس بالفلوس ذنبي ابدال متشمرهن على اقماش تلبسة مره وحدة ..

_ كسرتوو ابو واهسيي ..

علي السجاد :: منريد نكسر شي حبيبي انتة بس كلامنا معقول ترى هوة العرس يوم واحد وانت لو هسه نشيلك ونركعك ما ترجع وتلبس اللبسة مرتين يعني القاط هذا حدك راح تلبسة مره وحده وتشمره المن شامر علية هذا الفلوس وكلام صفصف بي عقلانية يا تاخذهن وتتونس بأيران أو انرتبهن ونلبسهن لاختك بالحنه مالتها ..

_ خلااص مااريد شيي ..

علي الباقر :: احسن عساك مردت شيي ..

_ هااي شبيك وياي ؟

علي الباقر :: اييي ومرضض وين اكو قاط ب400 الف شتريد تشتري انته وهسة من نروح ونشوفة يطلع خلاكيين ...

_ أسم الله على ذوقكم ..

علي الباقر :: انجب يلة انجب

أصفاد الحق :: ههههههههههه كاافي كافيي هدو الوضع طلع دخاان ..

حامِد المتقين :: اكلكم الاجوااء هنا تموت شاريكم نرتب هااي ونحط زينه وهيج ونسوي العرس هنا ..

علي السجاد :: ايي عفية حتى السيد الوالد يعرس علينه ..

المرتضى الامير :: ههااهااايي ااي بعلي صدك ..

علي الباقر :: متكعد احمييد احنا من غير شي نجي تهريب لهنا بدون علم ابوي مو ادور نكلة نسوي العرس اهنانة

حامِد المتقين :: ترى الارض مابية شي والله علمود هذا الخوف ..

أصفاد الحق :: ما بية شيي اسالني اني انا الي كضيت وقتي بيها وشفت وعفت ..

_ اكلكم لا تحجون عنها اكثر ترى اسلاحي مجايبة ..

علي السجاد :: صدك منو بيكم جايب اسلاح ؟

أصفاد الحق :: عايفة بالبيت ..

علي الباقر :: لا تباوعوولييي ما شايل شيي ..

المرتضى الامير :: شعجب انت اسلاحك ميطيح من ايدك ؟؟

علي الباقر :: ما احتاجة اجيت اكعد وياكم ف عفتة ..

_ اليسمعك يكول هسة انت كاعد على ارض حرم القتال فيها صدك تحجوون ولا واحد شايل ..

حامِد المتقين :: اني ما متعود اشيل اسلاح ..

علي السجاد :: واني ضد هاذ العنف تدرون بيه ماحب اشيل اداوات قتال ..

علي الباقر :: هسة احنا كاعدين وعين الله عيلنا شمالكم صرتو تتلفتون ماكوو شي وهاي صيوان على الطريق راح يجيني ..

_ استلم كملت السبحة شصار عدنا هناا محقق وضابط ومُدرس ومحامي ومخترق لا والله انتم اليخطفكم يربح بيكم وعلي ..

علي السجاد :: هههههههههه لا تنسى انا سيدهم كلهم لولا المُدرس ما طلعو هم ..

أصفاد الحق :: لو مو اكبر مني جان جاوبتك بس تريد اوديلك جوابي بصمة ؟؟

علي الباقر :: صفد نزعع اخلاقة واذا هيج صار الوضع راح يخرج عن السيطرة

_ شوكت يجي صيوانن اتصل كلة يجيب اسلاح عمي خلي واحد بينا على الاقل مسلح ..

حامِد المتقين :: يلة انا اترخص ..

علي الباقر :: هاا وين راح تولي منهزم

_ ههههههه مجنت متخيلها منك ياا ابو كرمم ..

حامِد المتقين :: هاا شبيكم ولكم عندي موعد وي الدكتورة علمود اضرب أبرة أنسلين وبنفس الوقت اسوي فحص دم ..

علي السجاد :: صدك ولك انت منين اجاك هذا من غير شي بيك ضغط وهسة طلع بيك سكر ؟ وين صايرة هاي ..

علي الباقر :: هذني الامراض يدرن عمرك بس 26 ؟؟

حامِد المتقين :: شسووي حضيي غير ..

المرتضى الامير :: لا والله انتم جبتها لروحك ..

_ شلون يعني هوة جابها ؟

المرتضى الامير :: هسة السكر مادري شلون طلع بيه بس اضن من العصبية العندة بس الضغط ياابويةة تعالو وخلوني احجيييي ولكم مشيب راسنا جاان اذا الاكل مابية رطل ملح ماياكل ووصل مرحلة يجيب بطل ماي يحط بية ملح ويعصر ليمون ويحط خل ويكعد يشررب ..

_ يااعلييي لعبت روحيي

أصفاد الحق :: لا ويكوول غير حضي هوة غير انت مطيح حضك

علي السجاد :: خررب يوومكك حامد اني من يمي كسبرررت من الحمووضة ...

حامِد المتقين :: ههههههههعهههه هاي قبل هسه وين نحرمت من كلشي يلا لا اتاخر على موعدي ..

علي الباقر :: الله وياك انتبه لطريقك ..

رآح حامِد المتقين وبقينا نحن نسولف عن آجواء العرس وشلون راح نخليها وبنفس الوقت جنا منتضرين صيوان ...

【 مِشهِد 】

"" غدير الله ""

انا جنت بالمطبخ أرتب بالمواعين سمعت صوت أنمار بالهول يصيح ...
طلعت الة ولكيت بيدة اجياس حطهن على الطبلة وكعد ...
كعدت مستغربة كدامة واردفت وياه ...

_ شنو هذني شبيهن ؟

_ غديرتي فريت المولات مول مول ما ضل مول يعتب علية واشتريت ذني واجيت واتمنى يعجبج ذووقي ما دام ما بقى شي لعرس أهلج ..

_ اهههه اتخيل اشتريت ملابس الي ؟!

_ ايي اشتريت اغراض لاميرتي المدلله

_ يااعينيي زين خلني اشوفهم واشوف شنو جاب حبيبي لاميرته ..

_ انماررر يا طفل يكتب هيج باعع الورقة عليها دمم

_ منو يكول دم يمكن حبر احمر لا ننطي الامور اكبر من حجمها خلص تعاي وياي ابقي يمي خلينا نكمل غدة ونصعد سوة انا وياج ..

_ انمار

_ غديرتي لا تتوترين من غير شي انتي عضلة كلبج على كدج كافيي لا تخوفيني عليج صدكيني مااكو شي وحك الله ما اعوفة هذا هسة اعرفة الج تعااي ..

اخذني من ايدي طلعت من الغرفة ونزلت كعدت بالمطبخ انطاني اكلاص ماي اشرب وارتاح وهوة كمل بالطبخ مالتة واني عقلي يفتر شنوو معنى الكلام هذا

شنوو يعنيي يالله مجاي نرتاح مصيبة بعد ما مصيبة ...
بس الله يكدر يحلهن محد غير رب العالمين القادر
واذا جان اكو واحد جاي يلعب بينه هيج ويلعب باعصابنه ف بجاه كلمن الة جاه الله يرد كيدة بنحره ...

【 مَشهِد 】

""" حامِد المتقين """

بعد ما عفت الشباب وطلعت لشارع صعدت بسياره مالتي وانيجاي اربط احزام الامان انتبهت اكو ورقة علة كرسي الصدر استغربت اني من نزلت سيارتي مجان بيها شيي ..
اخذت الورقة فتحتها لكيت عليها دم ومكتوب بيها ...
【 طلقة فارغة و جثة هامدة 】

رفعت عيني واني احاول افهم المكتوب ..ردت انزل وارجع للولد بس باوعت للوقت الموعد راح يفوتني شكيت الورقة وشمرتها من الشباك وعتبرت واحد يريد يسوي مقلب بيه يا اصفاد الحق يا المعتز بالله سوالفهم هاي وهم شمرو الورقة على كرسي الصدر لان انا مخلي الشباك مالته شوي نازل

مشيت بسيارتي طبيعي وما اهتميت للمكتوب ورحت للمستشفى واول ما وصلت نزلت ورحت لرحمة الزهراء دخلت عليها وكعدت كدامها ولكيتها متوترة رحت أسالها شبيها ...

_ اني اجيت دكتورتنا ...
هاا رحمة هاي شبيج اسم الله ..

_ هااك شوف شنو لكيت هناا على الطبلة مالتي ..

_ شنووو

مدتلي ايدها وجانت لازمة ورقه اخذتها من ايدها وفتحتها وكذالك جان عليها دم ومكتوب بيها ...
【 طلقة فارغه وجثة هامدة 】

مدري شنو لجم كلبي من رجعت وقريت الورقة رجعت اباوع لعيون رحمة ولمن شفت الخوفف والرعب بعيونها ضحكتت واردفت ....

_ هااي شبيج راح تموتين من الخوف متوقعتج هلكد خنيثة

_ شنو اليضحك بالموضوع حامِد قريت المكتوب ولا مقريته

_ عادي انا هم لكيت نفس هاي الورقة بسيارتي وشكيتها وذبيتها يمعودة مخوفة روحج وشايلة هم علمود ورقة شوفي ياهو مسوي بينا مقلب ...

_ انت هم لكيت نفس الورقة ؟؟

_ ايي وكتلج شككتها وذبيتها ختوولي لا تفكرين ..

_ شلون ما افكر حامد دام انت لكيت بسيارتك واني افوت لهنا الكيها حاطيها الي اكيد اكو شي وراها أنة ..

_ صدكي ماكو شي تلاكي مقلب لو واحد فارغ ويريد يتونس ..

_ كلبي دا يرجف ..

اتقربت منها لزمت ايدها وصرت احجي وياها خاطر تهدة ..

_ اشش مالة داعي هلخووف يابعد بيتي انتي هااج اشربي مااي والله العضيم هسه يطلع يا معتز جاي يفرها علينه متعرفين اخوج المسودن عوفي خيولي

_ المعتز خطة حلوو مو هيج هذا مو خط المعتز هذا الخط جان يرجف امبين الكاتبة جان يرجف باع الخط شلون اهتزازي ..

_ يمعوودة كافي تركزين بي شوو انطيني خليني اخلصج منهاا .

اخذت الورقة من ايدها وشككتها وشمرتها بالزبالة ورجعت وكفت كدامها وحطيت ايدي على امتونها ..واردفت وياها .

_ كافي تفكرين وخلي بالج هسه وي مراجعينج يا ملاك الرحمة انتي ..

_ حامِد اناا

_ لا انتي ولا اني كافي ترجفين هيج هاي ورقة وسوت بيج هيج شمالج انتي دكتورة مو المفروض كلبج قوي شجاج رحمتي ؟؟

_ ماعرف حيلل خفت من شفت هااي الورقة وحطيتكم ابين عيوني واتذكرت حلم جميلة والله اموت لون صار عليكم شي

_ اااشش فالج ما كبالناهه اسكتي لا تحجين هيج .

حضنتهااا وصرت احاول وياها بدت تبجي حيل هنا ادركت شما بينت رحمة الزهراء النا ان هيه قوية ومحد يهزها شكد كلبهة رجيج وينجرح وينكسر من اخف الاشياء ..
واني حاضنها سمعنا باب الغرفة نفتح درت وجهي للباب ورحمة رفعت راسها من صدري وباوعت للباب ..

وطلع زُبير دخل علينا ......

بدون مقدماات ركض وضربني بوكسي على وجهي خلاني اوكع بالكاع كمت ودفعته و رحمة الزهراء صارت بنصنا

زُبير :: يعني انت مناوووييي توخر عن مرررتييي ؟؟؟

_ لكك وخر عنيييي

رحمة الزهراء :: عزززةة لا تفضحوونااا اششش زُبيرررر حامِد كافي ولا واحد يطلع حسة مستشفى ومرضى منااا اششش ولا صوت ..

زُبير :: خلي هذا يرووح ..

حامِد المتقين :: انت تروووح مو اناا

زّبير :: لا تخليينيي ارتكب جريمة بيك هسه ...

حامِد المتقين :: ههههه والله خفت باعني شلون ارجف ..

_ كاافييي انتة وياااه اسكتووو زُبير روح اطلع ...

زُبير :: هااا انا الاطلع ؟؟

_ اييي انتة تطلع رووح منا لا ننفضح رووح واني اكمل واشوفك

زُبير :: وشتردين تكملين بالضبط ؟؟ لج انا اليل كلة منايمة من ورااج افكر بيج واجيتج هسه الكيج بحضن هذااا

_ زُبيرررر الزم السانك واطلع منا لا تزيد الناار حطب روحح

زُبير :: خووش يا رحمة يصير خير ...

_ روووحح

فتحت الاجياس وطلعت المشتريهن الي جانو عبارة عن بدلات اثنين حيل فخماات واني مو ذوقي هيج + امبين حيل غاليات حطيتهن على الكنبة وبقيت اباوع عليه ..
واردف وياي ..

_ هاا شنو من عيونج مبين ما عجبوج تمام شوفي غيرهن جبت هواي ناعمات وحلوواات ..

_ أنمار ليش مكلف على روحك هيجي ؟

_ لا ابد ممكلف على روحي ..

_ بلة هذني الاغراض شكد صارو فلوسهن عليك ؟؟

_ افلوس الدنيا كلها جوة رجلج صدك جذب ..

_ انمار انا مطلبت منك تجيب شي

_ وما مجبورة تطلبين انا رجلج وشنو اشوفه بدون متكليلي لازم اجيبة الج وبعدين اعتبريهن هدية مني هاي ابدال ما تشكريني وتكليلي شكرا وتجيب تبوسيني على العموم عفواً ..

_ أنمار انا حيل اسفة والله فرحت من شفتك هيج مهتم الي بس ماريدنك تذب افلوسك على هيج اشياء ..

_ غديرتي انا اعرف انج جنتي بعز الدلال وجانت اللبسة العادية مالتج تسوة سعر هذني البدلتين بثلاث مرات

_ هااي ابيت اهلي جنت هيج واصرف هلكد مو اهناا ..

_ وشلفرق ليش مو اهنا هذا هم بيت اهلج غدير انا اهلج وراح اخليج تعيشين هنا بعز ودلال اكثر من عز عبد الحسن ولو كلفني هذا الشي مال قارون واشتغل كل عمري ..
ولج هية بس كلمتج البارحة وياي هاي هيه ادفعلج عمري علمودها ...

_ أنمارري ..

_ شوفي البقية ..

_ بسس

_ شووفيي البقيةة

بقيت اطلع بالفساتين وهوة جابلي اربعة كلش حلووات سنبل ويخبلن .. والباقيات ملابس بيت ومنهم ملابس نوم

ولمن وصلت لاخر جيس فتحتة لكيت بكج كلة مكياج والله لمن كلبت بية حسيت لو اوصي خبيرة ميك آب هم مراح تكدر تجيب الي مثل هذا المكياج ومثل هاي البراندات الاصلية ..

والله بقيت مصدومة صح علي السجاد و علي الباقر جانو
ميخلون شي بخاطري والشغلة قبل لا اطلبها الكيها جوة رجلي

بس اهتمام انمار الي جان الة طعم ثاني حسسني هيجي ودي الزم انمار وابوسة من راسة وكان هذا اول واحد يذكرني ويجيب الي اغراض كان اول مره بحياتي ادلل ..

رحت حضنته وكعدت على رجلية واردفت وياه ..

_ لك اروووح فدووة انا بعد عيوني ياعمر غدير و روح غدير

_ لو ادري هيج جان من زمان نازل للمول هههه

_ مو علمود الاغراض اني عجبني اهتمامك بية هذا رغم ماتعرف شي انت بسوالف الملابس النسائية ولا بسوالف المكياج بس رحت وحاولت تجيب الي ..

_ مدام انت مرة أنمار وشايلة ابنة يعني نامي و خلي رجليج بالشمس وبس تكعدين تلكين كلشي يمج من لبس تزين آكل ..

_ بس هيج ..

_ عَجل شنو تردين فوك هذني كولي وادللي ..

_ آريدك خلي ذني كلهن يرحن بس انتة لاااا

_ يابعد دلال كلبي انا الج يابعد روحيي اوووفف ما طلع عرس شوكت يخلص حتى اخذج و نسافر ونبلش هناك حياتنا الجديدة

_ ايي هسه يخلص يروحي ما تحس بي اني يلة رايحة اكمل الغدة ..

_ ابد والله ما تحطين أيدج على شي ولا تتعبين روحج ابد ..
انا اسويلج الغدة انتي اخذي هذني واصعدي و رتبيهم فوك يروحي ..

_ ترى انا ما اتحمل هيج دلال اذووب انا

_ ههههههههه لاا يعمري كلشي ولا تذوبييين وين الكي مثلج بعد

_ ولكك

_ هااا

_ أشو صاير تعرف تحجيي هايي شنو منو معلمك ؟

_ انا من زمان اعرف احجي بس انتي جنتي ترفسين ببطني

_ ترى لهسه الراجدي مالتك يصل بذاني ..

_ تستاهلي

_ هااااا

_ ايي والله لحد الان اكلج تستاهلي ولو رجع بيه الوقت هم اضربج ..

_ انت تعرف ان انتة اول واحد تجرئت ومديت ايدك عليه من جابتني امي لهاذا الوقت محددد ضرب خدييي غير بالبووس ..

_ اتعوودي عجل وي كل غلط تنكتلين مني ..

_ لا والله

_ ايي وداعت عيوني

_ بااع العيون اليحلف بيهن

_ اشوف العيون وكعنج لا تحجين عليهن

_ اشو اليوم الكحل خفيف ؟

_ لا مو غسلت وجهي قبل لا اصعد بالسياره ف راحت منها شوي يمكن ..

_ اها هل اكول ..

_ يلة يروحي صعدي الاغراض وانا حسوي الاكل ..

_ تمام يعمريي .

اخذت الاغراض وصعدت لفوك اول ما دخلت للغرفة وحطيت الاجياس على الجربايه شفت البردة مال الشباك تتحرك
ياا منوو فاتح الشبااك باع البردة شلون تلعب من وره الهوة
رحت يمها وخرتها لاسد الشباك لكيته ما مفتوح مكسور بقيت اباوع لكيت شامري شباك غرفتي بطابوكة صغيرونه حصواية ومشدود عليها ورقة دنكت وشلعت الورقة منها ..

ولمن وخرت عن الشباك وصرت اباوع محد بالشارع شوكت شمروها هااي ..

فتحت الورقة لكيت عليها دم ومكتوب عليها بخط باهت
【 طلقة فارغة وجثة هامدة 】

كلشي ما فهمت منها بقيت اصييح لانمار بعلو صووتي
ولمن طب الي مخترع عبالة صار وياي شييي انطيته الورقة وبقى يقرة بيها ....

أنمار :: هاا ولج شكووو

_ تعالل شووف شنو لكيت

_ شنو هاي ؟

_ اقراها ..

_ شنوو طلقة فارغة وجثة هامدة ؟؟

_ مااعرف

_ وين لكيتيها ؟

_ شووف واحد شامرها من الشارع رباطها بهاي الطابوكه وشامرها بتجاه غرفتي باع كسرت الشباك ..

_ خلص حبيبي اهدييي تلكين طفل يلعب ويحب يخوف الناس

طلع زبير والتفت الي رحمة الزهراء حطت ايدها على شفتي لان جانت تجري دم لان البوكسي طبك لهاتي على اسنوني ف صارت تجري دم سحبتني من ايدي وجابت كطن وصارت تنشف الدم وانطتني مادة مدري شني اتمضمضت بيها نضفت حلكي من جراثيم الدم لان نكس ..

وبعدها كامت وجبتلي ابرة ومديت ايدي ضربتني بيها
وجابت ابرة ثانية ورفعت راسي وسحبت دم من ركبتي لان بس هذا المكان عندي يكدرون يسحبون منه
وراحت وسوت تحليل لدم ولمن كملت كلشي واطمنت عليه عفتها وطلعت ..

ولكيت زُبير واكف كدام المستشفى ومنتجي على سيارته اول ما فتحت باب سيارتي حتى اروح اجاني من وره طبك باب السيارة وصار يحجي وياي بنتر ...

زٌبير :: اخرر تحذير الك وخر عن رحمةة مره وحده ...

بقيت اباوع عليه ابتسمت واردفت وياه ...

_ ززين واذا ما وخرت شيطلع بيدك ؟؟

_ يطلع بيدي كللشي والله احطك بمكان الجلاب السود ما تعيش بي ...

_ جا خووش اليطلع بيدك يطلع برجلك وخررر ..

دفعته وفتحت الباب صعدت وحركت وحتى بدون ما اباوع علية
ما ردت انطي اهمية واباوع الة ...
كملت طريقيي واني روحي ملجومة شنو لكت بيه رحمة حتى تعوفني وتروح الة بشنوو احسن مني هذا لو الكي بالسوك ابلاشش ما اخذه ...
بسس صدك لو كال الحلو حضة مو حلو

اتصلت على اخوي المرتضى الامير وعرفت ان هم بعدهم كاعدين يم الارض .. بس المعتز بالله عافهم وراح واجاهم علي الهادي وصيوان ..
ف كسرت طريقي وجان بوهسي ارجع الهم لان كعدتهم هاي ما تتعوض لو شنو يصير ....

""" رحمة الزهراء """

من كملت من حامِد المتقين رتبت اغراضي وطلعت حجيت وي الدكتورة زميلتي ...

_ اكول مريم ..

_ هلا رحمة حبيبتي كولي

_ عندج مواعيد اليوم ؟

_ لا يروحي اليوم آوف الي بس داومت لان تدرين ماحب كعدت البيت ..

_ بداعتي روحي لغرفتي واستلمي مواعيدي وارجعها الج ..

_ لا شسالفه اكيد يروحي بس كون ماعندج عملية ؟؟

_ لاا ماعندي بس فحص حامل يمكن اثنين وهيج يعني خفايفي

_ لا اذا هيج تدللين عليه هسه اخلص كهوتي واروح

_ بعد روحيي اخت دنيا والله

_ شعندي غيرج عروستنا لازم ندللج

_ هههه بعد روحي يلة اني طالعة

_ الله وياج يروحي ..

عفت مريم وطلعت ولكيت زُبير منتضرني مثل ما جنت متوقعه رحت وصعدت وياه بالسيارة بس هاي المره كعدت وره ما كعدت بالصدر صعد هوة وضل يباوعلي بالمراية واردف ...

_ ليش كعدتي ورةة ما اجيتي هناا ؟

_ احسن

_ مابية حيل كل شوي اباوع بالمراية عيني علة الطريق

_ لا تباوعلي

_ باعي رحمة والكافلج روحيي براس خشمي ولو الزم هذا حامد واحركه ما ارتااح لاتخليينيي اطلعها بيج ..

_ لا عيني طلعها .. لك انت شلون تسووي هيج شلون تضربة انت تعرف ان هوة ابن عمتي ..

_ لا والله ترديني افوت والكيج بحضنه واصفك لو اجي احضنكم شننييي شايفتني شاد كروون لو ساقط غيرة اذا شايفتني واحد من هذني كليلي ...

_ زُبير انا جنت خايفه حيل وترى هوة ما تقرب مني وحضني الا بعد ما نهاريت بالبجي وهوة خاف عليه حضني وصار يهدي بيه ..

_ لا انعم الله عليه شكد حنين ..

_ زُبير

_ اسكتي رحمة ..

_ ترى كلش عادي ابن عمتي واخووي..

_ رحمةةة لا تخبليينييي

_ اخبلك شنو ترى انت متعرف شي عن مووضوع علاقتنا وشلون تربينا..

_ ايي انا ماعرف شي الي اعرفة ماريد اتيه مرتي

_ تتيه مرتك شنووو زُبير ارتقي بكلماتكك وياييي لا تنسى روحك وتصير تغلط بالحجي..

_ ارتقي بالكلام كتيلي وانتي خليتي بيها ارتقاء ستت رحمة

_ زُبير وكف السيارة هنااا

_ ما اووكف شيي رحمةة

_ زُبيرررر وكف هنااا وعلي روحي جاي تطلع وكف هنا

_ كتللج مرااح اووكف اسسكتيي لا اطير هسة وادخل روحنا بشي سيارة..

_ ما تريد توكف مووو

_ ايي م رااح اوكف..

_ خووش اني الك

تصرف سريع مني ولان جنت ضايجة منة فتحت باب السيارة وهية تمشي وشمررت روحي على الرصيف ..
اتأذيت صح ردت اكوم على حيلي ماكدرت
وكف السيارة زُبير طبك صفح ونزلي واتجة الي يركض
واجا لزمني من امتوني وكومني واني رجلي ماحس بيها حيل جانت تآذيني ..
صعدني بالصدر وصعد واني عاكدة حواجبي ولازمة رجلي بيدي ..
وهوة جان حيل معصب واردف ...

ـــ اخذذج للمستشفى لو تكدرين تعالجين روحج يا دكتوورة؟

_ ماكو داعي تسووي روحك خايف عليية يا سيادة النقيبب.

_ لا تخلييني احرك عشيرتج هسه

_ زُبير دير بالك قسم بالله اذا جبت طاري اهلي لو عشيرتي ادفنك هنا لا تنسى انا علويية..

_ اعتذذر راح عن بالي والله علوية وكاعدة تحضن بالرجال..

_ وصلني للبيت بسرعة

_ واذا ما وصلتج تشمرين روحج من السيارة مرة ثانية؟؟

_ زُبييير

_ انا هم اعصابي تعببت ف علمود لا تزعلين راح ارجعج لان انا من اعصب اخووط واخربط..

_ زين تسووي وصلنيي..

_ تدللين..

وصلني للبيت وعفته ونززلت واني جنت حيل معصبة منة ولمن دخلت للبيت بسرعة رحت وشمرت روحي بحضن العلوية لان هية الامان الحقيقي ...

"" طيبة الزهراء ""

واني دا امشي حتى انزل للصالون مال الطابق الارضي
لزمت ايدي لينا واردفت وياي ..

_ وين رايحة؟

_ اريد انزل لامي جوة .

_ تعاي وياي اريد احجي وياج

_ خير

_ بس اريد احجي وياج شبيج خايفة مني؟

_ مو طيبة الي تخاف بس اكدر اعرف بخصوص شنو تردين تحجين وياي

_ تعاي واني افهمج

_ ايييددييي هيييي

سحبتني من ايدي وودتني للسطح اول ما دفعتني وصرت بالسطح قفلت الباب وبقيت انا وياها على السطح
بقيت احجي وياها..

_ شكوو اجينا هناا اذا عميي عرف راح يعصب علينا السطح مكشوف مابي تشاريف ليينا النااس جاي تشوفنا وباعي احنا بلا حجاب ولا شي خلينا ننزل....

رحت بأتجاه الباب اريد افتحة لينا من وراي سحبتني من ايدي ودفعتني للكاع صرت عن حافة السطح شعرة
بس اتحرك خطوة وحدة او يطكني الهوة هاي هيه اوكع من مسافة ثلاث طوابق..

بطنها مترين كدامها منين اجتها هاي القوة وياي ماعرف..
لزمتني من ركبتي ورجعتني لورة صرت بس تهدني اوكع واموت..
واردفت وياي و بهاي اللحضة حسيت هاي اخر لحظة الي..

꧁꧁꧁꧁꧁꧂꧂꧂꧂꧂

__ غابَت مَع غروَب الشمَس
والشَمس عادَت وحبيبتي لمَ تعَود

يتبعع......

لتواصل o.oll13

متابعة لحسابي الواتباد oo_ll13