رواية احفاد السيد : الثار ( بأجزائها الإثنين ) الفصل الحادي عشر 11 - بقلم ​رُقَـيَّـةُ الْأَكْـبَـرُ

. أحفاد السيد
بقلم الكاتبة ﴿ رقَـيـَة الأكــبر ﴾
لاتنسون التصويت ومتابعة للحساب

.
البارت 24

- دَخل الىٰ المقهىٰ فَوجدها
تقرأ كتاب '' الاسود يليق بك ''
ومِن يَومها وهوَ يرتديِ
الأسود لعلهُ يَلفت انتباهها .

***

طيبة :: دخلت على علي الباقر وهم لكيته نايم
حطيت الصينيه ودنكت ندسته بيدي على متنه وصرت اهزة واصيحه باسمه حتى يكعد
وخطية فز
كاام وصار يمسح وجه وهوه يباوعلي بلكوه فاتح عيونه...

طيبة :: اسفة كعدتك بس العلويه جهزت الريوك

علي الباقر :: صباح الخير

ـ صباح الفل يا سيد

ـ شنوو هذا الصباح الحلو ؟

ـ صدك الجو حلو اليوم حتى اني كعدت مرتاحة

ـ بس اكو شي احلا من الجو كدامي

ـ الريوك والله صح الاكل احلا من كلشي مو بس من الجو
يلة كوم غسل وجهك وتعال اتريك

ـ حاطتلي بصينيه مربى واني هسة مجاي اشبع حلاه

ـ هههههههه اكيدد ليش اكو واحد يشبع من حلاة. النوم ؟

ـ انت لو غبيه لو تتغابين ؟

ـ ليش انت حجيت شي مستحق ذكاء .

ـ هاي ايديج هنا هيج بيض لو هذا الاسود مطلعج بيضه ؟

ـ لا ترا اني هيج بيضة متششوف وجهي ؟

ـ عليمن طالعه هيج ولج ؟

ـ مااعرف

ـ خااف مو بتنا انتي

ـ يا اسم الله ليش ؟

ـ ما عدنا هيج بياض احنا !!!

ـ لا اكو عمه ناقصها بياض ؟

ـ لا والله كلحنا جوزيين

ـ تري اسمه سمار جوزي شنو ؟

ـ هوة لوني جوزي انتم طلعتو سالفه الاسمر

ـ يااا علي الباقر اسمر انت اسمر مو جوزي

ـ لا اني جوووزي

ـ اوووكك مقتنع مكدر احجي وياك شي
يلة. الجاي راح يبرد والخبز راح يّــبس

ـ تمام ابقي هنا اغسل وجهي واجي
ماكو وحده بالخلفيه موو ؟؟

ـ ايي الكل جووة

ـ ابقي هنا اغسل وارجع

ـ خووش

"" طلع علي الباقر واني بقيت واكفه منتضره يجي حتى اشوفه شنو يريد
ولمن رجع دخل ضربني بيده على ظهري
وكعد كدامي واردف... .

علي الباقر :: متكعدين ليش واكفة ؟؟

طيبة :: اريد اطلع وافوت لجوة

ـ ليش ؟

ـ شغل هوواي جوة. واريد اخلصه اليوم الختمه

ـ اليوم اخر يوم مو

ـ ايي امي كالت باجر نرجع بيتنا

ـ الله كريم .. هية شلون صارت عمتي ؟؟

ـ نكول احسن والله البارحه يالله حجت وهم قبلت تاكل لكمتين من ايد عمتي فاطمة

ـ الله يصبر كلبها

ـ ونحن مجبورينن نضحك كدامها ونبين الها احنا كد هاي المحنه

ـ شوفي طيباتي امج هسة شدت حيلها ورجعت الجن احسن من قبل لان شافتكم شلون انتم اقوياء صدكيني هسة بهاي الحاله اتقوت بيكم

ـ ايي اكيد ونحن اوردي ماعدنا غيرها نشد حيلنا بيها وهي تستند علينه

ـ وليش ما عدكم غيرها ونحنا وين رحنا ؟؟!

ـ لا علي الباقر خلينا واقعيين انتم مهما يكون تبقون اسمكم عمام واني كمت لو كعدت يبقى اسمي يتيمه

ـ مو يتيمه الي يصير عدها مثــل علي الباقر

ـ واثق حيل

ـ جا شعبالج وصدك احجي اني
اكول طيباتي

ـ كول عيني

ـ ٠٠٠٠٠٠٠٠٠٠٠٠٠٠٠٠٠

"" بهاي اللحظة وقبل لا يردف علي الباقر انفتح الباب ودخلت غدير الله
الي اني من نضرت الها ورجعت نضرت لعلي الباقر شفت شلون من شاف اخته الضحكه شكت وجه شك
وكام على حيلة وقت ما دخلت حضنها وباسها براسها ورد كعد. ....

غدير :: مرحبـــا

طيبة :: مراحب كلب كلبي

علي الباقر :: لك هلا هلا والله هلا بالزين كله هلا بالطش والرش هلا بنحري هلا بصمام كلبي هلا برويحتي وعافيتي
ياااحياتييي افيششش شكد مشتاقلج البارحه كله مشايفج

ـ اي انت جنت ملتهي عني

طيبة :: اني اترخص

ـ اوكفي طيوب ابقي خلينا نسولف

علي الباقر :: صدك وين تردين جوة كأبة تضوجين

طيبة :: لا اريد ادخل اصعد لامي اضن رحمه راحت للمستشفى طلعت من الصبح هية
واريد امي من تكعد تشوف وحده من بناتها يمها .

ـ بس وهج الطف وعمة فاطمة يمها بالغرفه

طيبة :: اي واني اريد اروح حتـة اني ارتااح

علي الباقر :: هاي هيه براحتج منضغط عليج اكثر من هيج بس فدوتج هاج تلفوني بطريقج الشاحن ناسي فوك حطي على الشحن هجي نص ساعه وجيبي الي حتى اطلع

طيبة :: تمام

ـ الشاحن بغرفتي

ـ راح احطة

ـ مو تسينه وتنسينياه

ـ ان شاءالله لااا

"" طلعت وتركت الغدير وي علي الباقر
صعدت لغرفته اخذت الشاحن خليته بالدكمه وشكلته بالتلفون
واشتغلت الشاشه الاماميه

وشفت حاط خلفيه لجهازة صورتي اني وياه
الصورة هي هوة كاعد بيها واني كاعده بحضنه ابين رجليه

وبوقتها جان عمري بصوره بسس

5 سنوات وهوه جان عمرة 20 سنه

ضحكت لمن شفته مخليه ولمن رفعت الشاشه التلفون
لكيته مخلي رمز مكون من اربع ارقاام
على لاهيتي والله
دكيت مواليد غدير الله وكتبت 2001
ولمن ضغطت على موافق
انفتح الجهاز

اعرف الي سويته غلط بس الفضول قاتل صرت اكلب بالحسابات مالته ليشش ما اعررف

الانستا مسوي حسابه خااص
وما بي ولا بنيه لا بت عم ولا بت خال بس الغدير واريج
والباقين كلهم زلم جماعته واخواننا

ولد ومسوي حسابه بالانستا خاص وضايف بس 200 وكسور
ودخلت على طلبات المتابعه الدازيله طلب
جيووش والله
انواع واشكال البنات الي دازاتله واكو حتى شباب دازيله
وهوة معلك الكل
والطلبات الي معلكه فوك ال 500

دخلت على التلكرام وكذالك لكيت بس جماعته
بعدها صحيت على نفسي وطلعت من البرامج وغلقت التلفون

وصرت اباوع لاركان الغرفة واتذكرت الدفتر الي شفته اول ما نمت هنا بس ما فتحته
رحت لدولاب وطلعت الدفتر

وكلت بيني وبين نفسي هوة الفضول كاتلني كاتلني خليني اشوف شنو بي ؟؟

ولمن فتحت قريت باول صفحة كاتب !!

< ذمة بركبته الي يفتح الدفتر لو يقرة شي من المكتوب بي من غير علمي >

خليت وسديته ورجعته لمكانه
وطلعت من الغرفه لاروح لغرفة اريج يم امي
واني امشي بالممرر

سمعت صووت علي الهادي جااي من الاستقبال
نزلت اركض حتى اشوف شنو صار ؟؟

واني الاعرفه علي الهادي و علي الرضا بالقاهره

شجاب بهم للعراق ؟؟

《 مَــشــهِــد 》

غدير :: شبيـك ضجت من طلعت المحروسة ؟

علي الباقر :: شنوو !!!

ـ يمة يمة شلون يسوي روحه مو فاهم شي

ـ لان صدك ما فهمت شي

ـ انت حتى لو فاهم راح تسوي روحك ما تعرف

ـ ودامج تعرفين هيج غيري الموضوع احسن ... خليني اتريك النعمه اتصبرت هوواي

ـ تعاال اني اوكلك بيدي يا عمري

ـ شنو معوق كدامج توكليني ؟؟

ـ ترى هذا نوع من انواع الدلال شبيك ؟

ـ اهاااا دلالل

ـ ايي سودة عليه خووية متعرف الدلال حقك لو جنت متزوج جاان امريتك دللتك

ـ عوفج هسة من امريتي وكليلي

ـ شنو حبيبي

ـ ورة هذا الدلال شنو ؟

ـ وراهه

ـ ايي

ـ ما وراه شي اخت دا تدلل اخيها مسندها وظهرها بيه شي

ـ لا يا نحري مابيه شي اكيد

ـ مشتاقه لعلي السجاد من تزوجت اهسة ما شفته

ـ علي السجاد شاد روحه بالفاتحه

ـ سوده عليه على الاقل دا يرتاح لو هيج ؟؟

ـ ايي جاي ينامون ابيت عمي الحسن المجتبى

ـ زين بس مشتاقتله

ـ اليوم اخر يوم يلا بليل تشوفي

ـ ما ابقى لليل

ـ ليش ؟؟

ـ ياا متدررري انماار ميقبل

ـ وشنيي بكيفه ؟

ـ يوو مالي خلك تسوي مشكله وياه هوة كالي اوديج الصبح وارجعج المغرب ما يقبل انام هنا وبعدين هم حقة

ـ شكوو حقة بيت اهلج ترى غدير لا ضلين شيكلج تكليله صاار وتخلينه يصيطر عليج ويركبج !!!

ـ اكييد لااا بس اني ساكتتله لان تونا مزوجين يعني لاتخاف
عوود تمر اشهر واكله اريد انام ابيت اهلي ويرفض غير اعرس عليه

ـ تعرسين عليه شني ؟

ـ يعني افضحه فضيحه

ـ اهاا عبالي تزوجين عليه واجيبله شريج

ـ هية بس هايي الناقصنا النسوان يصير تنزوج على زلمها

ـ كلشي سويتن ضلت على هااي

ـ ترى عادي جاي تصير بالخارج

ـ شني العادي ؟؟

ـ اقصد بالخاارج عدهم عادي

ـ وليش الخارج دين اخلاق ؟

ـ كلشي مااكو

ـ دام تعرفين بيهم كلشي ماكو اسكتي ولاتحجين بيهم ولا تكولين عاادي ...

ـ اعصابك اعصابك !!

ـ وكليني عدل يالله .. ..

ـ تدلل سيد قلبي

"" وبقيت اوكل علي الباقر واحجي وي نفسي واردد هوسة لحد ماهوة طلعت روحة مني وصار يقلد عليه وحجه وياي بنفس لحن الهوسة وضربني على حلكي

غدير :: 《 هم عريس هم نشمي هم جدة رسول الله 》10x

علي الباقر :: ممكن تنجبين وتسكتين وحسج ما تطلعينه

ـ حلككييي عورتني

ـ ترى ضربج على كيف لا تسوين الحباية كبايه !!

ـ ترى الضربة صارت بالحديد مال محبسك

ـ اووو اعتذرر عيني
بس راسي سطرتي

ـ حبيت الهووسة كلت ارددها بلكي واحد يحس على دمه ويتزوج

ـ ................. ..

ـ اكول سيد قلبي

ـ كولي يا نحَــري

ـ شوكت ناووي هيج تفرجها على نفسك وتتزوج ؟

ـ .....................

ـ وهم شوكتت نااوي تجيب النا أبا الحسن مو تعبنا ونحن نصيحك بي وهو بالعدم

ـ الله كريم

ـ اعرف الله كريم ومحد اكرم من الله اييي بس لازم الواحد يسعى الله كال اسعى يا عبدي واني اعينك

ـ اييي الله كريم

ـ ايييي شووكتتت نااوي تسسعى ؟؟

ـ لمن تكبر طفلتي بعدهي

ـ يعني اكووو حاط عينك على وحده !!

ـ ما حاط عيني على وحده انيي اذا الله كاتبها الي احمد الله واشكره على هاي النعمه الرزقني بيها

ـ اعرفف اقصد هااوي وحده وتتمنى تصير هية من قسمتك ؟؟؟

ـ اييي نوعا ماا

ـ منووو ؟؟!!

ـ لااا لاتسحبين مني كلام ما اكوول

ـ بدااعتي كلي وما اكول لاحد

ـ غيمـة اعرفف السانج متبري منج

ـ هااي اني ؟؟؟

ـ ايي انتييي اددريي بسس تعرفيين رااح تفضحيني

ـ لااا والله ما يطلع مني ولا حررف

ـ ما اثق لابد يزل السانج

ـ صدكنيييي حبااابببب كلييي

ـ شبيج رااح تموتيين متحمسه اكثر منييي

ـ موووو الفضضوولل اكل كلبي كللي حباابب والله سرك ابير ماحجي اختتتك انييي

ـ غيمـةةة

ـ حبااببب هسة شنو جااي اتوسل بيككك هيج

ـ لان ابنيه متعرفيها

ـ ما اعرفها ؟؟

ـ لا متعرفيها

ـ صدكك ؟؟

ـ وداعت عيوني

ـ يعني تحب وحده غريبة ؟

ـ اييي

ـ اوووو عابتلك عبالللييي

ـ شعبالج ؟؟

ـ عبالي هاويها لطيـبة

ـ لا شسالفة بعمر بنتي شأهوة بيها ؟؟

ـ ماادري اجاني احساس هيج

ـ احساس خطأ

ـ زين وهااي منووو التحبه انت

ـ كتلج غريبة

ـ اي وين شفتها انت وين عرفتها ؟

ـ صدفةة بيتهم يم المركز مالتي وكل يوم اشوفها

ـ هيجج!!!

ـ ايي هيجج

ـ احللففف

ـ كتلج وداعتت عيوني شحلف بعد اكثر من هيج

ـ يااا

ـ شبيج ؟

ـ تمنيتك لطيبة والله

ـ ههههه منضبط

ـ لا والله جنكم بلابل تخبلووون سووة انت جسمك وهيبته وهيه نعومتها وبرائتها ياااي والله جنتم راح تطلعون تخبلوون

ـ الله كريم مو كلشي يتمناه المرء يدركه

ـ عزززه شنووو هذاا الصووت ؟؟؟؟

ـ اضن صوووت علي الهاادي لو متوهم اني

ـ لا صوته

ـ شيسويي هنااا

ـ تعاال نشووفه

"" ونحن نسولف اني وعلي الباقر فجأة سمعنا صووت علي الهادي يصيح من دخل من الباب وهوة عصبي واعصابه فالته

طلعنا اني واخوي من البراني وشفنا النسوان تطلع من الاستقبال وتكضب الباب مال الشارع

دخلنا لجوةة لكيت علي الهادي حااط ويصيح على النسوان ويطرد بيهن !!!!
رااح علي الباقر وحااول يلزمةة ويسكته وهوه ما رتااح الا لمن طرد كل النسوان وبقينا بس نحن العائلة وعمتي ومره عمي

بعد ما امي اتصلت على ابوي وطلبته يجي للبيت لان علي الهادي جاان حيلل عصبي ومكدرنا نهددي

علي الهادي :: الكل بررةةة مااريد احد هناا اطلعنن فاتحةة وماكوو اطلعووو كلكم اطلعوو

العلوية :: الهااديي شبيك ؟؟؟؟؟ يمةة اذكر الله

ـ ذاكررة ذااكرة بس خللص خلصت الفاتحةة اطلعن يلااا كلجن بررة اطلعنن رحم الله من زاار وخفف

اطللعنننن برررةةة

العلوية :: ولك يمةة زحمةةةة عزة العززاني

خية فدووة امسحيها بوجهي فدوة اعذرني خوواتي اعذرني الله وياجن الله وياجن

علي الباقر :: علي الهادي خيررك تصيح ؟؟؟

ـ خيرييي وتحجوون وياييي بعدكم ؟؟؟؟

العلويه :: ززين اجيت يمه شوف اخيك تخبل وطرد النسوان من الفاتحة ..

علي الباقر :: هااي شبيييك ؟؟

ـ فاتحة ماااكو واذا شفت ملاية لو مره هنا والخلقني احرك البيت على الي بيي

علي الباقر :: هيييي كلامك وياي لاترفع صووتك امكك هااي

ـ وانتم خليتووو بيها ام واب انتمم

غدير :: بشنو حلماان انت شجابك من مصر لهنا ؟؟

ـ حضيي جابني حضييي بس اريد اعرف انتم عدكم زلم مسافرين لو طليان لا صدك احجولي الصدك ما ازعل منكم !!!!

العلوية :: حشاك يمه ليش تحجي هيجج

ـ لااا موو حشاااي احجي خليني ارتااح زلم من اهلكم مساافرين لوو امطااية هااا كلولنا ؟؟؟؟

علي الباقر :: صوووتك نصيييي واحجي عددل

علي الرضا :: حقه يعصب علي الهادي ولا شنو الدنيا تنكلب هناا ونحن اخر من يعلم ؟؟

العلوية :: وانتم من كاللكم ؟؟

ـ وانتييي هذاا اليهمج هذاا ؟؟؟؟ يعنييي الكاتلج هسسة منو كاللنا مكاتلج ليش محد كاللنا ؟؟

علي الباقر :: غير عدكم ددراسةة فوك هم دراستكم تردون نزيد همكم ؟؟

ـ دنعل ابوو الدراسه لابو اليساافر بعد

العلوية :: الباببب اكيد ابوك اجه

علي الباقر :: ولييشش كلتي لابوي

العلوية :: جاا شلووننن شتريد مني ؟؟

ـ لاااا خللييي خليي يجي خليي رووحي افتحي البااببب

"" طلعت فتحت الباب ولكيت ابوي بوجهي دفعني وطب جفت للستقبال
وفاتو وراه .....
المعتز بالله وعلي السجاد
وحامد المتقين والمرتضى الامير ....

رجعت دخلت لجوة
وبقه علي الهادي يصيح ويحجي ومحتركه روحه على الصاير !!!

عبد الحسن :: خييررر شبيككك صووتك طالع ؟؟

علي الباقر :: تعبان من السفر مابي شيي

علي الهادي :: لا بية وبيه كلشي مو شي واحد همم

علي الباقر :: الهااديييي كااافي لفهااا

ـ م رااح الف شيي

عبد الحسن :: ايي يلا احجي شنو عندك ؟

ـ العنديييي تريد تعرف العندي ؟؟ اني اريد اعرف العدكم
يعني اخوواني يموتون وتصير الفاتحة ويخلص الاربعين ولا واحد يذكرنا ويكوول
هااا صددك اكو فد زوووج نعل خلينا نحجي ونكللهم
وتزووج اختيي وهمم ناسينا
وهسسة عمييي

شوكت جنتو تردوون تحجون ويانه وتكلولنا لمن تخلص دورة السنه ؟؟؟؟
عبد الحسن :: الي سويته اني لمصلحتكم
يعني انتم ببلد غربة ودراستكم وهمها
تردون مني اشلشل راسكم واكللكم ..؟؟

علي الرضا :: بس جان لازم نعررف على الاقل ناخذ اجازه وفا ونحضر التشييع

علي السجاد :: مجان له دااعي نحن هنا كلنا مكفين وموفيين

علي الهادي :: ما له داااعيي ؟؟؟
ولكمم اخووتي الماتووو اخوووتي وانتم تكلولي ما نريد نزيد همكم ؟؟؟

بنين :: علي الهادي كاافي لخاطري تعاال اهدء

ـ مااريد اهدددة ولا اريدد شي منكم بعد

عبد الحسن :: احنا سوينه ههيج علمودكم وعلمود مستقبلكم

علي الهادي :: انعل ابوو المستقبل هذا التحجي عنه الما يخليني اوودع اخواني انعل ابوه

البشير :: لاتززيد كسرنا علي الهادي كاافي نصي صوتك بوجه ابوك درينا بيك عصبي بس مو هيج كاافي ....

علي الهادي :: سفر بعد ما اسافر ودراسه بعد مااكو حتى ترتاحوون مره وحده

علي الباقر :: اتهدده وصلي على النبي

عبد الحسن :: مووو بكيفك هسة تحجز وتروح على اول طيارة ورجلك فووك راسك بسرعه
وشغلت طردتك للسنوان راح افوتها الك

علي الهادي :: مو بكيفك

عبد الحسن :: علييي الهااادي لا تطاااول ويياي

ـ لا رااح اطاوول انتم الي بديتوو مو سوييت الي براسك وخليت محد يكللنا خووش واني اسوي الي براسي ومراح اسافر
واذا انت كلش كاتلك الدراسه اوكِ روح سافر ابدالي وادرس واتخرج رووح على اول طيارة

"" بعد كلام علي الهادي هاذا
وهوة حاط عينه بعين ابوي
عصب حيل ابوي ورغم جان ابوي لازم السبحه بيده والايد الثانيه مستند على العوجيه
كاام وضرب علي الهاادي بايده وهوة رابط السبحه من قووه الضربة كلنا اني واخواني واولاد عميي غمضنا عيوننا ودرنا وجهنا

كاام علي الهادي وطلع من البيت من بعد ما دفع اخواني البشير والمعتز وحامد الجانو واكفين يم الباب ....

الشباب طلعو وراه يركضون وعلي الباقر راح لكدام طيبة صعدت تركض جابتله جهازه اخذاه وطلع ...

وابوي كعد كدامنا ركضت جبتله مااي وصرنا نهدي بي لا يصعد السكر عنده لان حيل اغتاض من كلام علي الهادي وياه .....

《 مَــشـهِــد 》

علي الباقر :: طلعنا نركض ورة علي الهادي وهو ركب السيارة وانطلق بيها

صعدت اني وعلي السجاد وعلي الرضا والمعتز بالله بسياره ولحكناه

والبشير قيصر وحامد المتقين والمرتضى الامير بالسيارة الثانيه يمشون ورانا

وصرنا نمشي وراه هو وسياقته المتهورة
لحد ما حسيت جاي يمشي بطريق البساتين مالتنا لان الطريق جان كل ماله ويصير صحراء وتصير كطعه محد بي !!!

وبعد ساعه ونحن نلحكه طلع احساسي بمكانه ووكف سيارته ببدايه المدخل مال البساتين
المشكله صار واحد يباوع بثاني خطر نجي لهذا المكان ونحن مدننين
ولا واحد بينه شايل سلاح
وكلحنا لابسيين دشاديش سودة مال فاتحة

نزل هوة ودخل جوة
ونحن نزلنا
ووكفنا صف واحد وصرنا نباوعله ....

علي السجاد :: هذا تخبل رسمي ؟

البشير :: معصب هسة وعمي زادها عليه عوفوه

علي الباقر :: شنو نعوفة مجاي تشوفه وين دخل ...

البشير :: ما بيدنا شي الزلمه معصب واذا رحنا وراه هسة راح يعاند اكثر عوفو شويية وندخل ورا

حامد :: زين خلينا هسة نمشي وراه على كيف ..

علي السجاد :: ولا واحد بينا شايل اسلاح ندخل وين ننطي وجهنا !!

المرتضى :: جا وعلي الهادي هسة دخل شنو ؟؟

المعتز بالله :: اني بسيارتي اكو سلاحي الخاص
وهناك بالجنطه باقي سلاحي الـ M4

البشير :: تخبلللتتت انته

المعتز بالله :: شنوو ؟؟

علي الباقر :: هوة شنوو الشنوو الطريق مترووس دوريااتت وانت مخليلي بالجنطه M4
ادريي شنوو رايح تحرر الموصل ؟؟

ـ من فاتحة ابوي اول يووم رمييت بي وره الجنازه وبقةة التهيت ونسيت اطلعه

البشير :: لو دورية هسة موقفتنا ومفتشه ؟؟

ـ مااعرف ما خطر ببالي كتلكم نسيته ترى زين هسة بس هذني السلاحين جانت حتى رمانه بس طلعتها قبل لا يموت ابوي

حامد :: ارهاابي مو المعتز بالله سلاح خااص وسلاح M4 و رمـانـة

ـ الحذر واجب وانتم تعرفون اني شكد متهدد من حقي انتبه هيج

البشير :: عوود اذا لزمك واحد منتسب زايعع روحه ويريد بس يتونس بالعالم كوله متهدد

ـ اراووي هويتييي ويعوفني اصلن احط المداس بحلكه

علي السجاد :: كاافي مو وقت هذا الكلام وهذني مالاتك اجن بوقتهن يلا هسة روح طلع سلاحك وجيبلي الM4

ـ صاار خووية

المرتضى :: وكلام الله واحدكم مسودن اكثر من الثاني ...

علي الباقر :: آحفـاد احمِـد ال صـادق شنو تترجه مننا

"" راح المعتز باالله لسيارته وطلع اسلاحة والسلاح الثاني
اخذ علي السجاد الـ M4
والبشير اخذ السلاح الخاص ...

ودخلنا للبساتين ولمن وصلنا
لكينا علي الهادي كاعد على المسطبة ويبجي
رحت وكعدت يمه والبشير كذالك انطة السلاح للمعتز باالله وكعد بالصفحة الثانية

وباقي الشباب صارو يتلفتون ماعنو دخلنا بالنهاار بس جان الخطر متحتم علينه 98%
لان هاي الاراضي بزمنها داعش داس منها شوية ... وهاي غير السلابة والمجرمين الي يلجئون الها لان اراضي جبيرة واليدخل يضيع
موقهن صاير بنهاية بغداد حيييل ....
ماادري شكال لروحة جدي من اشتراهن ..؟

علي الباقر :: شبيك تبجي هيج مثل النساوين؟؟!!

علي الهادي :: وخررو عنيي

البشير :: هااا جا مو احنا اخوتك شني تريدنا هسة نروح ؟

ـ كلبي مجمر حييل

البشير :: حاس بيك والله بس لازم تتفهم الي سواه ابوك لمصلحتك

ـ كااافي تكلولي لمصلحتك ومصلحتك كااافي مو من حقكم تضموون عليه مو من حقكم

علي الباقر :: صح. والله ابوي غلط من هااي الناحيه بس لان والله فكر كاافي عليكم وعلى نفسيتكم سالفه الغربة انتم بمصر بعيدين علينا نزيدها عليكم بالمصايب البدت تنزل علينه مثل زخ المطر ؟؟

ـ ...............

البشير :: ما بيدنا نسوي شي وهاي انت عرفت هسة وتركت دراستك وتركت القاهره واجيت لهنا شنوو التغير مؤمل الصدر رجع ؟؟ لو تحرير الرجعنا سمعنا حسة ؟؟
لو اختك رجعت عزبه ؟؟
لو الحسن المجتبئ طلع من كبرة ؟؟

ما تغيير شييي لا انت تكدر تغير شي
ولا نحن الجنا يمهم كدرنا نغيرر ...

علي الباقر :: وتستاهل ضربة ابوي الك لان حيل تطاولت ولو ابوي مضاربك جنت اني راح ابتلي بيك من شفتك شلون تصيح على امي وكان هيه اختك الصغيرة

ـ حيلل فقدت اعصابي

البشير :: الشيطان استحكمك هاي هيه وخلاك تسوي كلشي على مزاجه صيحت على امك وغلطت وي ابوك
وهاي النتيجه .!!!

ـ اوووفف اوووففف ااخخخخ

البشير :: ابجي ابجييي البجي زززين

علي الباقر :: كوم نروح لابوي تبوس راسه وتعتذر منه يلا كووم

ـ اريد ازور اخواني

البشير :: تروح لنجف ؟

ـ ايي اريد ازورهم !!!

علي الباقر :: تروح وتعتذر من ابوي وترجع انت وعلي الرضا تحجزون وتسافرون ولك هن بس هشهرين اكضيهن على خير وفضهااا

ـ كتلك ارريد ازووور اخوواني !!!

علي الباقر :: اخذلك راجددي لا ترفع صووتك ولك

البشير :: علي الباقرر كاافي لاحط عقلك بعقله شجاكم راح تتعاركون هناا !!!!

حامد :: تريد تزور اخوانك تدلل اني بذات نفسي راح اخذك

علي الباقر :: ماايرووح لمكان قبل ما يراضي امي وابويي
ماتفكر اذا متت على الطريق تروح لربك وانت مزعل اهلك ؟؟

علي الهادي :: تمام ارووح لابوي بس وراها ارروح للنجف

علي الباقر :: اذا هيج خووش

حامد :: واني الي راح اخذك تدلل علينه

ـ تمام !!!

"" وقت الي خلصنا وقنعنا علي الهادي جان بواهسنا نروح فجاة صرنا نسمع صووت رمي يجي على اتجاهنا كل احنا انحنيا للارض على لا تجي طلقه براس واحد بينه وبقى المعتز باالله وعلي السجاد يروموون بالهوة ميدرون الطلق منين يجينا
فجأة اني انتبهت لطريقه الرمي
عطت باخواني
وكمت وكفت على حيلي ...

المرتضى :: ياعليي احضرنا شجااي يصيير ؟؟

البشير :: اكعدووو كلكم دنكوو الرمي فووك.!!

المعتز باالله :: لوو انت زلمةةة اطللععع لا تررمي بالخفيه !!!!!

علي السجاد :: منيين جااي يجي الرمي هذاا انتبهو ماكو طلق ترى بس صووت !!!!

حامد :: خلينااا نطللع لا تصير كارثة وننقرض كلنا ترى

علي الرضا :: شنوو هااييي منكددر ندخل على اراضينا بامان ؟؟

حامد :: امششو نطلعع مو وقت هذا الحجي !!!

علي الباقر :: دقيقه شباابب انتضرووو علي السجااد المعتز باالله لا ترموون اوكفوو

المعتز باالله :: خيرر ؟؟؟

علي السجاد :: رراسسك يمعوود وين كاايم لا تجيك طلقه تفجرة الك !!!!

علي الباقر :: الرمي الجاي يجينا بطريقه طلقتين متفرقات وي طلقتين سوة انتبهتو ؟؟

البشير :: وشنو يعني ؟

ـ هااي الطريقه بالرمي يستعملها بس شخص واحد

حامد :: يا زلمةة دنك !!

ـ اصبرو عليه لحد يرمي بيكم وانتم انتضرو دقيقه

"" وكفت على حيلي
وتقدمت بالمشـي واخواني كلهم صارو وراي وحطيت اديه بحلكي وصرت اصفر مثل المطيرچي
وفجأة ومن نص الشجر والساچيات
طفر النا رجال وكف كدامنا ميت من الضحك وخله رشاشه بالكاع واتجة عليه وصار يباوع النا ... ...

صَــفـِد :: والسـلام علـيــكم ايــها الســاده الـكـرام ..

علي الباقر :: هاذ انت يالمسووودن ؟؟؟

صَــفِــد :: والله اذا النيشان على السادة ما يسوه الصيد

البشير :: تريد اصيدنا يا الأغم !!!!

ـ ايي والله سمعت صوت صياح علي الباقر كلت خليني شوي اخرعهم ...

المعتز باالله :: ما نخاف احنا ولا عدنا شي بس ماعرفنا نتصرف لان ما عدنا سلاح شوف بس هذن !!!

ـ جا خوية واذا ماعدكم اسلاح مسامع مقولة الكثرة تغلب الشجاعه ؟؟ وانتم هسة 7 مشاء الله عليكم

علي السجاد :: ايي عيينيي واذا طلع النا هم ثلاثه ومسلحين يخلصنا رش ويمشون

ـ وصدك انتم مَسادنين شلون هيجي تجون لهنا بطرك روحك ؟؟؟!

البشير :: نركـض ورة هاذا المــخبل

ـ هسة هو كلام حق مي ينزعل منه بس كلكم نفس الشاكلة محد وحد عن احد

المرتضى :: شلون يعني ؟؟

ـ يعني كلكم مخابيل رس واحد

حامد :: وانت اول واحد اولك شلون ترمي هيجي علينة ؟؟

ـ ترى مرميت عليكم منو التصوب منو الي تاذه جنت ارمي بالغيم

المعتز باالله :: وهذا الطلق راح يبقى نايم بالغيم مراح. ينزل على راس واحد بينا لو واحد من المارة ؟؟

ـ بشرفــكـم هذا الـM4 حلال منو ؟؟

المعتز باالله :: حلالي

ـ جااايبلييي M4 مررة وحدة وتكلييي الطلق ينزل على راس المارة !!!!

علي الباقر :: الحجي وي صفد ضايعع لاتحجون وياه

ـ اي والله الحجي وياي مزنجر

علي السجاد :: شجااي تسوي هنا ؟؟

ـ جا اني دوم اهنا اتمشى واخذ استراحه من الكون وبعدين ارجع للعالم المقرف

البشير :: انت وسلاحك هيج تفتر ؟؟

ـ اي والله ذاك. اليوم صارلي شي الله لا يحطكم بي !!

المعتز باالله :: شنو ولك ؟؟

ـ جاي اتمشى هنا وسمعت صوت حركة واطفررلكم فوك الشجرة وكعدت عليها ومن جواي يمرون اربعه مدري خمسة شاكلتهم حررامية ويعني شايلين سجاجين وهيج سوالف ..

البشير :: وانت بطرك روحك موو ؟؟

ـ لااا رشاشي وييايي

علي الباقر :: چا شمالك مخترع ومتعلك بالشجره جنك طرزان ؟؟

ـ توني كتلكم الكثرة. تغلب الشجاعه هم 5 واني لوحيدتي

المعتز باالله :: هههههه وبله بقيت شكد متعلك فوك الشجرة ؟؟

ـ والله يمكن ساعه ادور ما حلالهم المكان الا هذا لزكوو فرد مرة

علي السجاد :: لو واحد رافع راسه وشايفك خرررب جان راووك شغل الله

ـ بااع بااع علي الباقر شوف اخوك يغار منيي هااا لان شفتني احلا منك ...

علي السجاد :: تاخرنا ولازم نرجع ..

ـ الزمو هذا السلاح بقو وياكم

المرتضى :: لا ميحتاج

ـ لا خاف كلشي يصير واذا طلعتو بخير واحد منكم يجيبه الي للبيت

البشير :: لا خويـة رجـع اسلاحك بقي يمك ونحن راح نرجع من الطريق الدخلنا بي

ـ متاكدين ممحتاجي ااسلاح ؟؟

علي الباقر :: لا خوية ممحتاجي بقي وياك

ـ خوش اذا هيج بس توصلون ابا الحسن اتصل عليه طمئني

علي الباقر :: ان شاءالله.

"" ودعنا صَــفِــد وراح ونحن طلعنا من الاراضي وركبنا سيارتنا وطلعنا بيها لبيتنا
حتى نراضـي بين ابوي وعلي الهادي المطنكر

« مَـــشـــهِـــد »

رحمــة :: رحت للمستشفى لان طلبوني بعملية
اول ما كملت العملية
طلعيت من المستشفى ومريت على زُبير
صفيت سيارتي ونزلت منها رحت ووكفت يمه وبقيت اباوع بوجه
ماعندي شي احجي بي !!!
وهوة ميعرف شيكلي ... ماعنو لا متعاركين ولا صايره مشكلة بيناتنا بس كاننا التقينا بعد فرااق...

زُبير :: راح تضلين هيجي ساكتة ؟

رحمـة :: شتريد مني اكلك ؟

ـ ايي شي كولي اي شي احجي اي شي بس لا ضلين ساكته ترى سكوتج يتعبني فووك ما انا تعباان !!!

ـ تمام شلونك ؟

ـ لوني على اخبارج عايش

ـ اها

ـ انت شلونج ؟

ـ جااي احااول اصير قوية واصير بخير

ـ تحااولين ؟

ـ ايي جااي اصبر نفسي بفراكة بس جااي اكول شلون بينا اليوم اخر يوم باجر لازم نرجع لبيتنا شلون بيه اول مره افوت للبيت ومابي ابوي

ـ الله يرحمة ان شاءالله. منكدر نكول غير هيج لاضلين تحجين كلام يغضب رب العالمين هاي امانته وهوه حر بيها ياخذه لو يخليها محد الا الحق يعاتب الله لو يلومه .

ـ ٠٠٠٠٠٠٠٠٠٠ ٠٠٠٠٠٠٠٠٠

ـ وبعدين انت بصراوية ما ينخااف عليج

ـ وشنو يعني ؟؟

ـ يعني تاخذين الواحد لشط العرب تغركينا وتطلعينه ناشف

ـ هااي اني هيج

ـ ايي

ـ ماعرفت نفسي ههههه

ـ اييي هيج اضحكي شبيج ريحي كلبي

ـ وكلبك يرتااح لمن اني اضحك ؟

ـ ايي والله

ـ هااا

ـ عندج شك بهاذا الشي ؟

ـ ما ادرري

ـ رحمة ثقي بالله لا تثقين بيه ثقي بالله يا الكلب الي اني شايلة كل هااي البشرية العلى الارض كسرته وتعبته
الا انت الوحيدة من بينهم

ـ انا شنو ؟

ـ قسم باالله بسالفه منج تشيلين كل التعب وشجم جرح وكسر بي تداووين

ـ زُبـيـر

ـ عيونه وروحة لزُبير

ـ لحد الان اني صافنه شبسرعه حبيتنـي ؟؟

ـ شلون يعني ؟

ـ يعني صح اني جنت اشوفك كل يوم بس اول مرة. يصير ابيناتنا حوار هوة بسالفه اختي بشهر العاشر !!

ـ ايي

ـ يعني من العاشر لهسة احنا بالثاني 5 اشهور

ـ صحح

ـ ياا حب هذا اليجي ب 5 شهور بس ؟؟

ـ بس اني جنت دوم اشوفج قبل هذا الوقت

ـ ايي صح كلتلك بس اني جنت مجرد امر من يم دوريتك حالي حال الباقين ؟؟

ـ باعي رحمة اعرف وادري بيج خايفه مني ويمكن بعدج لازمه كلبج متحبيني هواي بس خليني اكلج احجاية !!

ـ شنو ؟

ـ بعمرج لا تخافين من واحد الدنيا كلها جانت ضدة وكلها جانت كاسرته
لان المكسور بطبعه ابد ميجرح احد ولا يأذي واحد ولو بكلمه لان هوه حاس بهذا الاحساس ويعرف بي شكد موو حلوو ابد ويوجع

ـ واني ما خايفه منك تكسرني

ـ لعد شنو ؟

ـ مستغربه ليش حبيتني بهاي السرعه ؟

ـ ومنو كالج بهااي السرعه

ـ جاا ؟

ـ غير صالي ثلاث سنوواتتت اشووفج ررايحه جاايه كل يوم من يمي ؟؟

ـ زين شنو الخلاك تحبني ؟

ـ لان اني شايف وعايف والله العظيم وانت جنت اول وحده اشوفج هيج ولحد الان بنضري انت الوحيدة هيج

ـ شنو الشايفه بيه ؟

ـ بأالبيئه الجنت عايش بيها انت اجيتي عكسها بكلشي

ـ شلون يعني ؟

ـ ابسط مثال النسوان بعالمي
لبسهم مشكل يا لوز اما انت لاا من شفتج وانت العبايه مطايحه من راسج
يعنيي مثل بناتنا لا اخلاق ولا شي التشوفه تحجي وياه وتضرب ميانه ولا شرط لازم تسهر وياه
اما انت شحجي عنج

وبعددين اني ليشش جااي انطيج امثثال اختتصاار انت متتقارنين باحد بنضرري
بس اني قارنت اول ما شفتج ولكيت انت كنز والله

واني كلتلج جنت اتأمل منج تطلعيني من الزباله الجنت عايش بيها

من بعد حسن اختياري للكليه العسكريه انتي الشي الثاني الي حسنت اختااره

ـ وانت هم تعرف اني من مراهقتي لحد الان يعني صالي تقريب الـ 16 سنه
من جان عمري 12 لحد هسة اني كملت الـ 27
واني مبعده نفسي عن هاي السوالف وبعمري ما حجيت وي رجال غريب عمري كضيته وي ولد عمي وولد عمتي تربينا سوة تحت سقف واحد ف اني ينطبق عليه مثل صامت صامت وفطرت عليك

ـ واحلا فطور لعيونج والله

ـ زُبير لا تخليني بفد يوم اتندم لان حبيتك وفتحت كلبي !!

ـ مسستحيل اخليج بهاذا المووقف مسستحيل

ـ اتمنى

ـ ثقي لا تتمنين

ـ تمام

ـ امووت عليج

ـ وانا بعد احبك

ـ هههههههه تعرفين شي

ـ ما اعرف !!؟

ـ البارحة جاي اكلب بالفيديوهاات وطلعلي فيديو متت من الضحك عليه

ـ وشنو محتوى هذا الفيديو ؟

ـ واحد من التظاهرات يهووس ويصيح
← اخوان سنه وشيعه هذا البلد ما نبيعه. →

ـ زين وشنو اليضحك بي ؟

ـ ولج تذكرت اني اول ما عرفت بيج شيعيه رحت ونزلته ستوري على الانستا وكتبت عليه
اروح فدوة لاخوننا الشيعه اموت عليهم وربي

ـ والله انت عليك سوالف ما تنحزر !!

ـ شسوي اذا من يوم الشفتج واني مطير عقلي

ـ دوهنتك هااا

ـ شنو ؟

ـ شنوو ؟؟

ـ شنو يعني دوهنتك ؟؟

ـ يعني شلشتك

ـ هااي شنوو بعد ؟؟

ـ نفس دوهنتك

ـ هية دوهنتك شنو ؟

ـ معناها دوبجتك ..

ـ اصبريي عليه خليني افهم الاولى ياالله روحي على الثانيه والثالثه وكفتتيي عقلييي

ـ ياااا انتم هنا تستعملون كلمه دوختك

ـ هسة كلمه دوختك صاارت شلشتك مدري دوهنتك مدري دوبجتك ؟؟

ـ ماادري زُبير متعوودة على الكلام وي اخواتي

ـ واني احبه حيل كلامج

ـ مم مبين توك ما فهمت كلمه مني

ـ والله انتم الجنوبيين لهجتكم صعبه

ـ هاي عوود نحن ما نحجي بصراوي بس كلمات قليله

ـ هاا صدك ؟

ـ والله اخذنا على بغداد

ـ لعد شايفه هذن الكلمات لا تحجيهن وياي لان م راح افهم عليج

ـ اعلمك على كلامنا

ـ ما ضنييت اتعلم ههههه

"" مد ايدة ولزم ايديي وانتبهت على كفة ايده مسوي وشم بي
وخدت ايدي ولزمت ايده وكلبتها وصرت اباوع للوشم
مسوي عيوني وشم على ايدية
ابستمت واردفت ... ...

رحمة :: شنوو هاي مسووي وشم جديد ؟؟

زُبير :: ايي وشمت عيونج شنو محلوو ؟

ـ لاا كللشش حلووو
بس مو سامعه الوشم حررام ؟

ـ لا ما اضن

ـ والله سامعته حرام وهم سامعه يبطل الصلاه

ـ خااف انتم الشيعه محرمي بس نحن الكل يوشم نسوان وزلم عاادي مابيه اشكال

ـ وشنو نحن الشيعه من كوكب زمرد غير نحن اسلام.
والسلام يكول حرام ومبطل للصلاه

ـ شسالفه رحمة معقوله حررام والعالم كلها مسويه اي نكول واحد ثنين ما يعرفون بس مو كلهم

ـ اناا هيج ساامعه

ـ لاا يمكن خطأ

ـ هااا ؟؟

ـ والله مااكو هيج شيي

ـ ماادري بعدد وبعدين شنو واشم ؟

ـ عيونج هذني

ـ اعرف اعيوني

ـ اي شبيج ؟

ـ جا بيدك رااسم عيوني ؟

ـ لعد وين ؟

ـ غير بصدرك بمكان كلبك غير عود هذا دليل على حبك الي ؟

ـ مو اني واشم بكل مكان

ـ يعني واشم بصدرك ؟

ـ تارسة وشم

ـ اشووف عاادي

ـ دقيقه افتح القميص بسس هااا من هسة اكلج صدمه وسؤال وجوااب ماكو تشوفين وتسكتين

ـ تماام

"" فتحلي قميصه والصدمة باانت على وجهي

راسم وجهي وشم بصدرة
وبكل مكاان داك اسمي رحمة رحمة رحمة

وداك فوك كلبة مواليدي

ضليت صافنه على مصدوومة الرجال هذا واصل مرحلة بيه حتى عابر مرحلة الهيام
هوة من شاف صدمتي الي ما خلتني اكول ولا كلمه وياه
سد قميصه ورجع غير المووضوع

زُبير :: علمود هيج دكيت عيونج بيدي حتى من اتعب وهيج بس ارفع ايدي اباوع ويطيح التعب

رحمة :: هذا هووس

ـ حب

ـ لاا هووس

ـ تمام واني مهووس بيج

ـ زُبــير !!!

ـ رحمة شنوو موضوعج انت متردين احد يحبج

ـ بس موو هيج انت مخليني كلشي بحياتك

ـ وانت هييج يعني ما تردين تصيرين كلشي الي ؟؟

ـ لاا اكيدد اريد بس لازم نتفهم ونخلي حدود نخلي احتمال ان احنا متصير النا قسمه سووة
لازم نفكر بحتمالات هوواي خاطر ما ننكسر مرة وحده

ـ واني هيج احتمال ما اخلي براسي هااي خطبتج واخوج وافـق وكالي بعد ما ينفك حزنكم على الوالد
يتمم كلشـي بعد على شنو اخلي احتمال ؟؟

ـ وكلششي يصير لا تامن هيج وتطيح روحك بيه

ـ بالحالتين مراح احب غيرج اني تقصدت اسوي هيج علمود حت اذا عفتيني او بطلتي تحبيني او تفاركنا اني ابقى احبج ومتتقرب مني وحده لان محد راح تقبل تضل وي رجال هيج مسوي بروحه علمود غيرها

ـ انت مو صاحي تعررف ؟

ـ ايي اعرف اني مرريض بيج !!!

ـ ٠٠٠٠٠٠٠٠٠٠٠٠٠٠

ـ هسة اني احبج انتي شدخلاج هااا ؟؟

ـ مدخلني اني شعليه

ـ لعد لا تحجين يلة

ـ جا ...

"" قاطع كلامي لمن حط ايده على حلكي وضحك وصار يباوع بنص عيني ويكول...

زُبير :: جا وشحلات الجا واني شنو طيح كلبي غير الجا
اموووت على دينج من تكليلي جاا

ـ وليش بلة ؟؟

ـ ماادري هيج احسها كلها ملح تطلع وياج احسج بيج رجولة اكثر من جماعتي يحجون كله بالعد و الدانروح دنجي

ـ هههههههه هسة اني صرررت بيه رجوله هاا ؟

ـ غير انت تحجين ب جاا وكلنا نعرف ال جا بيه مرجلة

ـ ممم يلا منا وغاد احجيلك ب العد

ـ لاا رحمة لاهلج خليج وياي على الجا وهاي هيه مستانس صوتج كان موسيقى وكلماتج لحن

ـ يا يا هههههه ياعمي فدواا الك صوتي وسواليفي

ـ اكول رحمتي

ـ كول عيني

ـ تسمعين شعر ؟

ـ مو كلش بي

ـ اهاا

ـ ليش ؟

ـ اكوول

ـ انت تسمع ؟

ـ اني اموت على الشعر ..

ـ مم شتحب تسمع ؟

ـ بس شاعرين اني اسمع الهم كلش

ـ منو هم ؟؟

ـ علي رشم و عريان السيد خلف بس ذولة

ـ زين سمعني شي حافض ؟

ـ راح اسمعج لعلي رشم

ـ تمامم

ـ يكول ::
من اموت ابرودتك خليها على التابوت
وبيدك كون نعش اجنازتي تطبكه
وخليلي دمعتك على الكبر نيشان
خاف بچفن كبري ادموع ما تلكه
وخاف يمر وكت وتزورني من بعيد
تدليك بمكاني حروره الشهكة ...

ـ الله الله

ـ كلش امووت عليه

ـ كلش حلوو

ـ تدرين هوة شهيد

ـ صدك ؟

ـ والله استشهد بالحرب وي داعش وخطية ماات
وكتب وصيه لحبيبته

ـ يحح شلون ضلت بدونه ؟

ـ مثل ما انت هسة حاضرتني وباقيه بدوني

ـ ههههههههه

ـ ايي اضحكي اضحكييي الله يصبر كلبي بس

ـ يلا بس ارجع افتح الحضر

ـ انعم الله ست

ـ لا على الله على الله

ـ لا والله خااف تصير زحمة عليج ؟

ـ لا والله رحمة ولا تفكر

ـ شلون راح تخليني انتقم منها

ـ ههههههههههه

ـ مشكلتي ماكدر ازعل منج

ـ احسن

ـ ليش ؟

ـ لان ماعرف اراضي ف اذا زعلت تبقى زعلان لو ترضى لوحدك

ـ يالله استلم تعرفين اني هسه ااكد على كلامج اني موو صاحي مرريض

ـ ليش ؟

ـ لان حبيتج !!!

ـ ههههههههههه

ـ بااع الضحكة ياربي

ـ امشي يالله لا اتاخر على البيت

ـ بعدني مشبعان منج ؟

ـ لو اضل العمر كله متشبع

ـ اي والله

ـ امشي

ـ اوصلج اني لو جايه بسيارتج ؟

ـ لا هذيج سيارتي ..

ـ تمام انتبهي لنفسج يروحي

ـ وانت هم بالك لنفسك اكل زين وناام زين ولا تفكر بيه ترا اني بخير يروحي

ـ تماام يابعد بيتـــي

ـ يلا بايي

ـ ماكو احبك ؟

ـ هههههه تعرف بيها الا اكولها ؟

ـ احب اسمعهاا

ـ ياابه احبك

ـ مو من كلبج

ـ والله من كلبي

ـ كوليها عدل

ـ يابة والله احبك

ـ بدوون يابه ترى اني جاي احجي وي رحمة مو وي جبار شنو تكليلي يابة جنج واحد من جماعتي

ـ جا شكلك

ـ كولي حبيبي كولي شي مو يااابه !!!

ـ تمامم اوف حبيبي اني حيل احبك.

ـ لا هيج طلعتي زايد روحي لسيارتج لا ننفضح

ـ مو صوجك والله صوجي اني الي جاملتك

ـ هاا يعني هااي مجاملة ؟

ـ يلاا ابباااي

ـ تتعااي اوكفيي

ـ باااييي احبككك

ـ وانا اموت عليج ..

"" تركت زُبير ورحت لسيارتي
رجعت للبيت لمن دخلت لكيت محد بس اهلنا وعمي عبد الحسن كاعد بصاله
وعرفت من طيبة وآم البنين ان علي الهادي راجع للبيت وطارد النسوان وعمي من كد ممعصب ضاربه ..

رحت وكعدت يم عمي وحطيت ايدي على متنه وصرت احجي وياه ادري بنفسي اني الي معزه خاصة بكلب عمي لان اني اكبر العلويات

بعد كلامي وياه هدء واندار الي وحضني وباسني براسي
وهم العلويه قنعته من يرجع علي الهادي كافي ميعصب عليه ويكسرون الشر ... ..

« مَـــشـــهِــد » « الــْــعمــْـارة »

دريـــة :: جنت بالغرفة اسوي الممية لصمود وصيوان وراي يعدل بملابسة لان يريد يطلع لبغداد لابن عمته علي الباقر ....
ولمن انتبه عليه اسوي الحليب اردف وياي ...

صـيوان :: هااي شجاي تسوين ؟

دريـة :: حليب لصمود

ـ جا صميدة لهسة يشرب ممة ؟

ـ ايي

ـ شكد صار عمره ليش لهسة مفاطمته ؟

ـ ميقبل ذااك اليوم مجرد يوم واحد عود منطيته فضحني. بالبجي مالته واجتي امك سوتلي سالفه تردين تكتلينه تردين تجوعينه !!!!

ـ جا يعني عادي لهاذا العمر ويشرب ممة هوة كمل سنتين مو ؟

ـ ايي كملهن وعاادي اكو حتى اربع اسنين وبحلكهم الممه بس هيه احسن لمن نفطمة على وقت

ـ اذا صميدة كمل السنتين نحن صارلنا شكد متزوجين ؟

ـ ممم صار النا سنه و 9 شهور

ـ حاسبتله

ـ لا بس حافضه اليوم ما انسى التواريخ اني

ـ حلوو

ـ انت ناسي مو ؟

ـ 14 / 3 / 2018 .

ـ عبالي ناسسي

ـ شلون انسى

ـ صـيوان اسالك سؤال

ـ جواب

ـ هم بداية زواجنا ارتابك شعور غريب هيج ان انت ممرتاح متكدر تنام لان تزوجتني واني جنت زوجه اخوك ؟

ـ اني ما اخذتج من حضن اخوي وازوجتج يعني نجبرت

ـ نجبررت ؟؟

ـ ايي اقصد الضرف جبرنا يعني لو باقين هيج لا اني افكر اتزوجج ولا انت يخطر ببالج تصيرين مرتي

ـ اي صح

ـ ف بدايه زوجنا ايي يعني صارت تجيني افكار ان انتي جنتي وي اخووي وصعبه عليه شووية بس شغلت ان انا بغرفه وانت بغرفه ريحت ذهني

ـ وهسة ما صرنا ننام بنفس الغرفة ؟

ـ اييي بس لهسه احس اذا اتقرب منج اخوي يلومني احسج انت ملك لدهام واضلين هيج

ـ اهاا

ـ ليش تسالين ؟

ـ لان اني هم بالبداية اجاني هذا الشعور ومجنت متقبلتك

ـ وهسة ؟

ـ مااعرف جاي يتبدل شوي شوي

ـ الحمد الله تدريين نسسيت اجيب امس جكليت وياي

ـ المن الجكليت ؟

ـ ما منتبه يعني ؟

ـ لشنو ؟

ـ صاللنا اسببووع ماكو لا عركه ولا صيحه

ـ اها صدك والله

ـ ف هااي يرادلها جيس جكليت واطشه
اميي صاللها اسبوعع ساكته وممتعركه وياج
وتكتم ما جايتنا ... ..

ـ هسة تكب هذا هدوء ما قبل العاصفه

ـ يمعوودة خلييها والله قابل بالهدوء الي ماقبل العاصفه
اهم شي هادئه
ارتاحيت وين جنت كل يووم كل يوم صيحة وعيطه .

"" بهااي الاثنااء سمعتت صووت صياح من جوة جاي
عزيزة وحَبيبه اتعاركن !!!!
باووعت لصيـوان واشرت اله على الباب

دريــة :: جاان صلليت على النبي بطريقك هاي الصيحه الجنت تريدها

ـ هل اكوول ممعقوله البيت يبقى هادء

ـ صياحهن على انززل شووف اخواتك

ـ تاليتي لو اكتلهن لو اكتل نفسي !!!!

"" نزل صـيوان ونزلت وراه ولكيت عزيزه وحَبيبة
بالهوول يتعاركن على ماعرف شنوو وحده تجر طول وحدة تجر عرض وام دهام واكفة بنصهن لا تكدر علي هاي ولا على هاي
وكف صيوان على الدرج واني وره مباشرتا

وصرنا نسمع اعياطهن على بعضهن

عزيزة :: لا تغلطين وياي حبيبة

حبيبة:: انت الي بلشتي اوول اني شعليه

ـ فوكاهاااا

ـ وخرري عنيييي

ـ والله لاربيج من جديد

درية:: هااي شجاجن بنااات !!!!

صيوان:: عزيزه حبيبه كاافي

حبيبة:: هي البلشتت !!!!

عزيزه:: اكووول انجبييي

درية:: لااا عزيزه !!!

ام دهاام :: ولججج حبيبة حااامل

"" كامت عزيزه وسحلت حبيبه بالكااع من عصبيته ورفست ابطنها

صيحنا بيها اني وعمتي لان محد يردي ب حبيبه حامل بس احنا ...

ركض الها صيوان وشفت الكاع شلون صارت كلها دمم

وعزيزه الصارت ترجف من عرفت اختها حامل وهيج سووت بيها !!

اخذ صيوان حبيبه للولاية
المستشفى
وطلب مني اتصل على دغار حتى يلحك عليها ...

اتصلت علي وكلتله وبقينه بالبيت احنا كاعدين على الجمر

وبليل كللش دخل علينا صيوان رحت لي يمه وجان وجه ميتفسر ...

درية:: شصاار؟

ام دهام:: حبيبه شلونهااا يمه؟

صيوان:: ٠٠٠٠٠٠٠٠٠٠٠٠٠٠٠

عزيزه:: عصبت مجنت اقصد اضر اختي والله العظيم شلونها حبيبه؟

دريه:: صيووان احجييي

ـ حبيبة سقطتت !!!!!

༺༺༺༺༺༻༻༻༻༻

- واذا وي غيري تلگة المالگيتة وياي
يحقلك لو رحت شتريد اسويلك

يـتـبـ؏........☜

6193 كلمة ...