رواية احفاد السيد : الثار ( بأجزائها الإثنين ) الفصل العاشر 10 - بقلم ​رُقَـيَّـةُ الْأَكْـبَـرُ

. أحفاد السيد
بقلم الكاتبة ﴿ رقَـيـَة الأكــبر ﴾
لاتنسون التصويت ومتابعة للحساب

.
البارت 23

- أَموتُ وَلا تَدري وَأَنتَ قَتَلتَني
فَلا أَنا أُبديها وَلا أَنتَ تَعلَمُ
لِساني وَقَلبي يَكتُمانِ هَواكُمُ
وَلَكِنَّ دَمعي بِالهَوى يَتَكَلَّمُ
وَلَو لَم يَبُح دَمعي بِمَكنونِ حُبُّكُم
تَكَلَّمَ جِسمٌ بِالنُحولِ يُتَرجِمُ

₪₪₪₪₪₪₪₪₪₪₪₪₪₪₪₪₪₪₪₪₪

رحمـة :: طلعيت بليل لطارمة ولكيت حامد والمصطفى كاعدين بالحوش واول ما شافاني كام المصطفى ودخل جوة
واني رحت للحديقه بالخلف واجه وراية حامد ....

حامد :: شلون صرتي ؟؟!

رحمـة :: بخير الحمد الله

ـ دومج والله كلبي تكطع عليج ماتحمل اشوف ادموعج ابد

ـ واني هم ميهون عليه هيج اسوي بنفسي بس الحزن جتال

ـ هس عمي عند الاحسن مننا ومرات اكول هم زين مات ورتاح جان متعذب هنا

ـ الله يرحمة ان شاءالله

ـ اميين...

ـ شنو علي الباقر لهسة مراجع؟

ـ بطريق قبل اشوي علي السجاد اتصل عليه

ـ الله يوصلهم بالسلامه

ـ شعجب ما رحتي وي طيبة وزرتي ابوج يمك ترتاحين ؟

ـ طيبة هسة راح ترتاح لان هي ودعت ابوي وشافته وتقبلت الفكرة
بس اني عكسها اذا شفته ما اتقبل الفكرة اموت الفكرة واموت....

ـ لا ميصير هيج هاي وانت الجبيرة والمؤمنه

ـ الفراك ميعرف جبير لو قوي يجي وحزنه يدك بالعظام

ـ واني. وياج بالخصوص افراك الابو انا الي اساليني على فراك الابو

ـ. الله يرحم ابائنا ..

ـ. صدك زُبير اتصل عليه يطمن عليج شنو انت ممحاجيته ؟؟

ـ وشنو كلتله انت

ـ كتله فاتحه وابوها. اتوفى وهيج

ـ اها زين تسووي

ـ شنو ممحاجيته ؟

ـ لا مالي واهس احجي وي اي شخص

ـ جا مو تحبينه

ـ شدخل ؟؟

ـ بالعادة الشخص يلجأ لليحب حتى يرتاح

ـ واني مو هيج

ـ انت شنو عكس الكل ؟؟!

ـ ايي الي شخصيتي والي اشيائي

ـ وهذا الشي الخلاني احبج مختلفه عن باقي بنات عمامي

ـ ممختلفه لمن تركز بيهن تلكاهن كلهن مختلفات كلهن الهن شخصيه خاصه بيها
ابسط مثال
اريج الله وغدير الله معنو اخووات
بس شووف اريج الله شكد هادئه
وغدير الله شكد ملكوفه ولسان
اريج تاخذ كلشي بعقل .عقلانيه
غدير لا كلشي لازم عصبيه واعراك

كل وحدة بينا مقتنعه بروحه

ـ بس انتي الوحيدة الي لفتي انتباهي

ـ هنا نكدر انكول المشكلة بعيونك غلطن ونضرن لشخص الخطأ

ـ ليش هاي الجفى وياي ؟؟

ـ وي الكل مو بس وياك !!!

ـ رحمة

ـ دقيقه بشير جااي يتصل

ـ خير ان شاءالله

"" شلت التلفون وجاوبت على البشير الي جان صوتة يرجف حييل
وبسرعة ما فهمت منه شي غير
دزيتلج عنوان الحكيني عليه....
وسد التلفون بوجهي ..

حامد :: شكوو ؟؟

رحمة :: مااعرف مااعرف رايحة اجيب عباتي انت اطلع شغل السيارة واني جايتك

ـ تمام يروحي تمام

"" دخلت اركض لبست عباتي وطلعت ركبت السيارة وي حامد ورحنا للبيت الي دازلي موقعه بشير
نزلنا لكيت الباب مفتوح
دخلنا بسرعة لكيت الصاله مكلوبه كلاب حبوب على كزاز على دنيا محتركه
سمعنا صوت خرير مااي
صعدنا نركض ولكيت البشير ساحب جميلة ومدخلها االحمام وحاطها جوة الدوش ....
لحد ما صحت

رحت اني. وكومتها رحت وياها للغرفة غيرت ملابسها ونشفت شعرها
وصرت احجي وياها بوقت شفت منضر البشير شلون جان ناشف دمة عليهاا

جميلـة :: لييشش نقذني ليششش ميريدني امووت

رحمة :: لان هوة يحبج ياخبلة
هوة ما صدك على الله حصل عليج تردي يخليج هيج ترحين منه بهاي السهولة ؟؟

ـ ميحبنـي البشير بعمرة ما حباني اليحب ميأذي

ـ وبشير ممأذيج هوة جاي يأذي نفسة

ـ واني نفسة اني الديأذيني

ـ دام انت نفسة ف لازم تعرفين ان البشير هسة عايش بلا نفس ولج البشير مات مرتين مرة من طلكج ومرة من شيع اخوانه
لحد الان اكول اني ان هاي معجزة رجعتج اله ورجعت دخوليتج على حياته بهاذا الوقت المحدد
جميلـة طول عمرج انت النفس لبشير وراح تضلين هيج

ـ حطي روحج بمكاني
لو زوجج يسوي الي سواه بشير
يشكك بشرفج ويشكك بيج ويطلكج ويطرج بنص هوسة الحرب وبنص الليل وانت بطرك روحج وروح الاثنين الي شايلتهم بداخلج وماعندج احد ووين ما تلتفتين يوكع يمج صاروخ والرصاص فوك راسج ما يوكف ولا دقيقه
وتتخطين وتكولين ياالله كدررت وتشيلين روحج وروح اولادج

وبعد كل هذا تربين وتتعبين يجي هوة على الحاضر ياخذ تعبج منج بكل صلافه ...

شنو راح تسوينن ؟؟ هااا
ابسط شي اسووي هية انهي حياتي الي ما هي حياه

ـ بس السويتي غلط وانت تعرفين انه غلط !!!

ـ ياختي كلشي بينه غلط ضلت على هااي

ـ جميلـة شجاج خيـة حيل يأستي من الحياه مرة وحدة

ـ ما بية شـي

ـ خيتـي اكدر اخذج لدكتور اطمئن عليج اكثر ؟

ـ لا ميحتاج

ـ جميــلة يروحي فدوة خلينـي اطمئن عليج اكثر ..

ـ والله احس بروحي صرت احسن هوواي

ـ متأكدة ؟؟

ـ ايي وداعت عيوني

ـ اذا هيج تمام نازلة اسويلج سوب حتى تشربي وترتاحي عليه

ـ. لاا تعااي

ـ شنو ؟؟

ـ محتاج لا تتعبين روحج

ـ هية شنيه كلشي ميحتاج ميحتاج جميلــة !!

ـ والله م اريد اتعبج ما م جبورة بية انت

ـ لا دامج مرة اخويي وام اوليداته مجبوره بيج اني وبعدين كل هذا والله ماحس بتعب ولا شي
بس. اذا تبقين هيج تدلعين عليه لا راح احس بتعب حيل

ـ ٠٠٠٠٠٠٠٠٠٠٠٠٠٠٠٠٠٠

ـ عفية ابقي ساكته واني نازلة اسويلج

"" نزلت ورحت المطبخ حتي اسوي الها سوب تريح معدتها بي
واني نازله غمزت للبشير هوة. بدوره فهمني ترك حامد المتقين وصعد الها
واني جاي اسوي بالمطبخ دخل عليه حامد

حامـِد :: واصلـة مرحلـة تنتحر لخاطـر بشيـر ؟؟؟
معقولة لهااي الدرجـة تحبه ما فكرت بنفسهــا حتـى !!؟

رحمــة :: يا نفس هاي التحجي انت عنها ولازم جميلة تفكر بيها صدك تحجي انت

ـ جا هاي ايمانها شكد ضعيف حتى يأست من رحمـة رب العالمين

ـ ترى هية حاولـت تنتحر لان عاشت شعور اكبر منها ومرت بي مرتين ...
يأست بيوم خسرت بشير وبقت مصبرة وصبرت روحها وكـالت ميخالف لان اولادها جانـو مصبريها
جانت تشم عطر البشير وتشوفه بيهم

بس هسة هيه عاااشت الشعوور نفسة وخلص يأست من حياتها

لمن ابن خالك كام وحرمها حتى من اولادها
وملكـت شي تصبر بي روحها

حقها حقها وما الومهااا ابدداا

ـ مادري بعد انتن اذا عشكتن وكلبجن هاام هاي هيه مستشفى العصفورية ترحب بيجن

ـ كلوبنا رجيجه ومنتحمل قابل مثلكم نخون ونحط راسنه وننام ولا كأن صاير شي

ـ ونحن شبيـنه ؟؟
ترى لمعلومتج الزلم اوفى من النساء

ـ عيني باردة عليكم وعلي وفائكم الخااارق قوانين الطبيعه

ـ. اي والله تراني احجي صدك لا تستهزئين

ـ اوك راح اذكرك بشي بسيط وانت كلي من الاوفى الرجال او النساء

ـ ايي شنو ؟

ـ لا تحجي وياي ولا تكلي هذا اوفى من هذا
قبل متروح وتشوف نساء الشهداء
يقفلن الملف بالوفاء والتضحية
وحدتهن زوجها شهيد تلكاه من عهد صدام
وتلكاها لحد الان ممفاركه حزنها ولحد الان عايشه على ذكرياته

ـ ٠٠٠٠٠٠٠٠٠٠٠٠٠٠٠٠٠٠

ـ شفتك سكتت هااا ؟
جا مو انتم الزلم اهل الوفاء

ـ ترا اني سكتت احتراما وتقديرا للي ذكرتيهن

ـ وسكوتك هذا دليل على ان كلامي صحيح ونحن
النسوان الي نتعب ونضحي ونوفي بعد

ـ بس ترا نحن هم نتعب خاطر نوفر كل متطلابتكم
وهم نضحيي لجلجن ونتنازل ببعض الاحيان
لا تاخذن الاضواء بس الجن وتضلمنا

ـ زين ابحضك وبختك وانت ميرزا

ـ دخيل بختـي شنو ولج ؟؟

ـ اسالك سؤؤال وجاوبني علي ونختصر الموضوع هذا من الاساس

ـ تمام جواب

ـ تكدر توصل مرحلة تنهي حياتك علمود طليقتك ؟؟

ـ اذا احبة ما اطلكها

ـ اذا صاررت وتطلكت

ـ مستحيل اتخلى عن الاحبها ولا بأي شكل من الاشكال

ـ ترى البشير يمووت بالتراب التمشي عليه جميلة بس طلكهاا
حامـِد انت متعرف الايام شنو ضامه الك ف جاوب على سؤالي بهاذا المنضوور

ـ يعني قصدج اذا احبها وانجبرت اطلكها ؟

ـ اييي توصل مرحلة وتسوي الي سوته جميـلـة هسسة ؟

ـ لاا

ـ حتى لو تحبها ؟

ـ راح احب روحي اكثر

ـ هاا ليش ؟؟

ـ شنو ليش خو ما اني انهي حياتي واروح لجهنم وهيه تبقى متونسه هنا ولا تدري عني اصلن ادري شبية تخبلت

ـ هااا وهسسة ؟؟؟
شرئيك منو الاوفى النساء ولا الرجال؟

جميلـة عاشت وي بشير وراوها الضيم والضلايم وختمها لمن مسح بكرامتها الارض وطرتها بنص الليل وهوسة الحرب

ونست كلشي او ما نست هيا تناست خاطر اطفالها
وكعدت تهتم بيهم وكبرتهم وربتهم على حبها لبشير

واجه هووة على الحاضر واخذهم.

وكل هذني جانن يمكن عدها ممكن تتحملهن

تعرف شنو الي كسرهاا ووصلها مرحلة تكتل نفسها ؟؟؟

ـ شنوو ؟

ـ اتخيل لان سالت البشير وكالتله
انت ستغليت سالفه الاولاد علمود ترجعني ؟؟
انت بعدك تحبني ؟؟

وابن خالك المحرووس كررامته ما سمحتله يجاوبها

انت ملاحظ هية بدقيقه وحده نست كلشي عاشته ولو بس بشير مجاوب عليها ب ايي
جان هية رجعتله ركض
بس هوة حتى ال اييي اتكبر يكولها وكسرها مره ثالثه....

حامـِد لا تقارنون نفسكم بحبنا ترى نحن لمن ننهوى
اولا الكلوب تنقفل
وثانيا مستعدات نعلن الحرب ونواجه ونكتل خاطر حبنه
واذا انتهت المعركه بخسارتنا

صدكني 90% مننا راح يختم هاي الخسارة
هي بتوديعنا لحياتنا ...

ـ وارجع واكلج اكو شباب يسوون هيجي وازوود

ـ. واني وياك. صح مو كل اصابيعي سوة

ـ اي عفية

ـ هااك هذا يلا الكلاص انطيني بي مااي دوخت راسي بالسوالف

ـ يعني انت مترتاحين الا تشغلين الوياج ؟

ـ اايي اذا متساعدني شعدك واكف هنا يمي شني شمعه فكر ؟

ـ تردين مساعده يعني ؟؟

ـ ولك انطيني ماااي احتررك الجدر

ـ.ياا هااج

ـ ااخخ الله يساعد كلبج يا عمة شلون متحملة ؟

ـ يمعووده لا تذكريين اميي من غير شي سابيتنا شيصير وصااحت هاا ولد حسين كااظم !!

ـ والله تستاهلوون اذا على هااي الفهااوة عمي. الله يساعدها ززين ما نجلطت

ـ لاا لاتخافين امي تجلط بلد بحاله محد يجلطها

ـ هههههه بعد كلبي عمتي صدك هية عليها لسان الله يخليها هههه

ـ اي والله متشوفين هسة محد مستغرب من شخصية غدير الله لان حرفيا هية كلها على بعضها امي بشبابها

ـ يححح لا تحجيي بالغدير يممة

ـ ليش شنو شبيها ؟؟

ـ ولك على السانها وصلافتها يحح
انت شايفها من. تشوفف ليناا مدري منين تطلع السوالف وتصير تذب نغززات على لينا

ـ لا صدك !!

ـ والله ادور هيه التعيل وهي التتعارك وهي التروح تشتكي صلفه صلفه خرب يومها

ـ ههههه هاي غدير طبقت مقولة ضربني وبجة. سبقني واشتكه

ـ اييي والله

ـ ديري بالج النااار

ـ بسسم الله

ـ زين ما حتركتييي شبيج

ـ عددت سلاماات عاادي منتبهت

ـ نجويتي ؟؟

ـ لا لا انطيني طاسة منااك خليني اصب

ـ تمام بس. متاكده مابيج شي ؟

ـ اييي

« مـَــشـــهِــد »

البشير :: اول مشفت رحمه الزهراا نزلت من يم جميلة عفت حامد المتقين وصعدت دكيت الباب وبعد ما تغطت دخلت وكعدت كدامها

وبقيت اني ساكت وهيه مدنكه

شجعت نفسي واردفت ببعض الكلمات بس هية ما ساعدتني. ....

البشيـر :: لييش سويتـي هيجي ؟؟

جميلة :: ٠٠٠٠٠٠٠٠٠٠٠٠٠٠٠٠٠٠

ـ ما فكرتي بيه ؟؟

ـ ٠٠٠٠٠٠٠٠٠٠٠٠٠٠٠٠٠٠

ـ عوفيني اني طبني ستين مررض بس ماا صارو شبر وشبير كداام عيونج ؟؟

ـ ٠٠٠٠٠٠٠٠٠٠٠٠٠٠٠٠٠٠

ـ اذا حياتج موو مهمة بالسنبه الج
تره كلش مهمه بالنسبه النا

ـ ٠٠٠٠٠٠٠٠٠٠٠٠٠٠٠٠٠٠

ـ اولادنا بلياج ترة يدودهوون وعيوننج حتى لو انا موجود مستتحيل اسد مكانج

ـ ٠٠٠٠٠٠٠٠٠٠٠٠٠٠٠٠٠٠

ـ زين انت لي هسة مجاي تجاوبيني ؟؟

ـ ٠٠٠٠٠٠٠٠٠٠٠٠٠٠٠٠٠٠

ـ ترديني ارروح ؟؟

ـ ٠٠٠٠٠٠٠٠٠٠٠٠٠٠٠٠٠٠

ـ ما تردين وجودي ؟؟

ـ ٠٠٠٠٠٠٠٠٠٠٠٠٠٠٠٠٠٠

ـ كووليي شيي عااد !!!!

ـ ٠٠٠٠٠٠٠٠٠٠٠٠٠٠٠٠٠٠

ـ اكووم ارروح ؟؟

ـ ٠٠٠٠٠٠٠٠٠٠٠٠٠٠٠٠٠٠

ـ تماام براحتج واسف خااف ازعجتج

ـ اوكـــف . . .

"" لمن طك كلبي احجي وياها ومترد عليه
كمت حتى اروح بس اول ما نداريت
رفعت ايدها ولزمت ايدي
وشبكت اصابعها باصابعي
واردفت بكلمه < اوكـــف >

هية بهاي كلمتها ما وكفت بس البشير قيصر
هية وكففتت كل اوقات العالم الي يمشي واني يمها

رجعت كعدت وهي مستمرة. بلزمه ايدي

واردفت واني عيوني بلشن يدمعن وجنت ضاغط على نفسي ماريد ابجي كدامها

ورجعت اردفت وياها

وهي بقت تحجي وهي حاطة ايدي بين ايديها وتلعب بيها وتتلمس

البشيـر :: هـــاااا ؟؟

جميلة ::اكــعد

ـ ضلي ساعة كاعد وانت ممعترفه بيه

ـ ارجع اكعد هسة

ـ شنوو اني امشي بامرج ؟؟

ـ مدا اامرك دا اطلب منك ارجع بشيري اكعد

ـ كعددت خلصي شتردين ؟؟

ـ اخلص ؟؟

ـ ايي خلصي ضلي ساعه ارطن وانت ساكته بالعه لسانج

ـ مجان عندي جوواب

ـ وهسسة منين طلع الجواب حتى طلعتي صوتج ؟؟

ـ مراح اجاوبك على اسالتك اريد اكلك شي

ـ شنوو ؟

ـ اكعد انت واكف انت وهذا طولك !!!

ـ كعددت شنوو ؟؟

ـ شوف بشير مداعي اكلك منو اني انت اكثر شخص يمكن من عائلة احمد ال صادق الي تعرفني

ـ ايي

ـ كضييت عمرري اتنازل وهااي المرة هم مستعده اتنازل
ولا اشوف كلشي ينهدم كدام عيني للمرة الثانيه
واضل ساكته

ـ تتنازلين عن شنو ؟؟

ـ عن بقيه اوشاله كرامتي الباقيه

ـ ٠٠٠٠٠٠٠٠٠٠٠٠٠٠٠٠٠٠

ـ..وراح اكلك اني احبك حيل ومكدر بعد على فراكك اكثر من هيج
مشتاقة لسوالفك
مشتاقة لحضنك
مشتاقة لعصبيتك
مشتاقه حتى لفصلاتك
مشتاقتلك كلك

وما مستعده بعد اختبر نفسي بفراك اولادي

مثل ما اختبرت روحي بفراكك

ـ وهس اني شنو الافتهما من هذا كلامج ؟؟

ـ اني موافقه ارجعلك

ـ زين تسووين هذا عين الصواب علمود اولادنا اكييد لا يتشتتوون

ـ بس بشرط

ـ الي هووة ؟؟

ـ عمك عبد الحسن

ـ شبي ؟

ـ يجي لهنا يعتذر على كلشي سواه وياي وهوه بذاات نفسه يطلب مني ارجع على ذمتك

ـ شننييي تخبلتي انتتيي ؟؟؟؟

ـ ليشش ؟؟

ـ جملييــة لااا تغلططين كاافي اعرفي حدودج

ـ واني مغالطه وكلش زين اعرف حدودي جا شتريد مني ارجع الك بدون ما جبيرك هوة اليطلبني الك ؟؟

ـ يطلبج الي شييي والي كلتي هسة. شي ثاني

ـ بشير ابسط حق اطلبه السواه مو قليل على الاقل اني مطلبت يطيني تعويض عن السنين العشتهن بدونك
اني اريده بس يعتذذر

ـ ماا اخليي لو على كطع ركبتـي السيد عبد الحسن ما ينزل روحةة ولا يعتذر لو شنو مصاار

ـ بس الغلط لازم يعتذر موو هيج تعلمنا ؟؟

ـ بس مو عمي باعي جميلـة حتى اذا عمي قبل واجه واعتذر منج وطلبج بذاك. الوقت ثقي بالله اني مراح اقبل اخذج ولا ارجعج ولا اشوف وجهج

ـ ٠٠٠٠٠٠٠٠٠٠٠٠٠٠٠٠٠٠

ـ كرامه عمي تعز عليه وماخلي ينزل من روحة. ويعتذر لاي شخص كان

ـ وكرامتي مسحولة عندك ؟

ـ جميــلة

ـ هااي هيه بشير هااي هسة طللعت منك مو منيي ..

ـ ما طلع شي مني تردين ترجعيلي كل الهلا بيج
تنتضرين عمي يجي ويعتذر
ايسي من. رجعتج احسن
هذا الشي الوحيد الاكدر اكولة الج

ـ اسالك زين

ـ خير ؟

ـ انت تريدني ؟ ماريد ارجع واطلع فارضه نفسي عليك !!.

ـ تاخر الوقت راح ارروح اني

ـ بشيـرر كاافي تتهرب ولك حررام عليك الجااي تسووي بيه والله حررام عليك

ـ ما اتهرب من شي كتلج. ارجعيي علمود اولادج. مو علمود احد

ـ يعني انت متريدني راح تتحملني علمود الاولاد !!

ـ ماعندي شي اني

ـ البشير شنو خلاك تصير هيج حجارة. مجنت هيج انت ؟؟

ـ اني دوم هيج بس انت مجنتي منتبه

ـ لا والله بس يمكن العشرة وي عمك. خلتك. تصير مثله ما تحس وحجارة

ـ لحد الان محترمج انا وانت هوواي جاي تغلطين باسم عمي

ـ لان كسر كلبي ..

ـ ما كسر احد

ـ بالله عليك مقتنع ؟؟

ـ ايي

ـ مررات استغرب اني شلون حبيت هيج شخص لك شنوو مسويه بحياتي والله عاقبني بيكم ياا ال احمد شنووو ؟؟

ـ مـــع الســلامة

ـ بششيــر !!!!

"" تركتها وطلعت نزلت ومريت على المطبخ وصصيت رحمة. عليها ..
وطلعت من البيت ...

رحت لبيتنا رغم الولد وعمي. والكل كاعدين ابيت عمي. الحسن المجتبى

طبيت لبيتنا الجان فااارغ صعدت لفوك لغرفه المخرن فتحتها ودخلت
هاي الغرفه جنت مخزن بيها كلشي يخص حياتي. وي جميلـة. من. صور من دفاتر وبيهن ذكريات من هدايا من. كلشي يخص سنينا الراحن

صرت اكلب بيهن
واني حالي. مكلووب !!!

ليش بغيابها ابجي عليها وكدامها انطي بيها ؟؟؟

شنو هذا الشعور ليش يصير هيج وياي ؟؟

ليش اني هلكد متناقض واختلافي ؟؟

اسئلة ماكو الهن جواب
بذيج الليله اني نمت بالمخزن .

« مـَـشــهِــد »

طيبــة ::وبعد ما وصلنا للبيت وكفنا بالشارع
وبقى علي الباقر يوصيني قبل لا انزل ...

علي الباقر :: وهااي وصلينا

طيبــة :: شكراً كلش هوواي والله ماعرف شلون. اشكرك ريحت كلبي

ـ اكلج. شلون تشكريني ؟

ـ شلون ؟؟

ـ خليني على بالج وكلما تصلين اذكريني بدعائج وادعي الله ينطيني الي براسي

ـ بس هيجج ايي مو تدلل ياا خوويةة جنك على دعاء

ـ اني ابن عمج مو اخوج. وهم كثريلي دعاء بلكي صوتج. مسموع ويستجاب

ـ هاي هيه منا وغااد متفارك ادعيتي بكل صلاه

ـ يانحري ويا بعد صمام كلبي

ـ اليوم وين راح تنام ؟

ـ هم بالبراني

ـ اهاا

ـ اي والله اذا تردين نامي بغرفتي اتعودي عليها من هسة. احسن

ـ مفهمت ؟؟

ـ اقصد يعني لان الغرفه بعيده واحسن الج ترتاحين بيها

ـ اها تمام بس اذا تريد تنام اصعد الها احسن

ـ لا نسوان غرب جوة ماريد ادخل البراني اريح الي

ـ تمام

ـ طيباتي

ـ عيوني

ـ بالج لنفسج وناامي يانحري و ارتتاحي

ـ ان شاءالله وانت هم ارتااح حيل تعبت اليوم

ـ ولو تعبج احلا راحة

ـ حفوت جوة اني محتاج شي

ـ غير راحتج ما اريد

ـ عيوني

ـ طيباتي

ـ هلا ؟؟

ـ اني الي اشكرج

ـ على شنو ؟

ـ هذا اعتبره احلا يوم بكل عمري اول مره هيج اعيش اليوم بكل تفاصيله

ـ انا الي اشكرك مو العكس

ـ انت خلصتي اجة دوريي

ـ اها تمام لا تشكرني بكل وقت موجودة

ـ شنو يعني ؟

ـ يعني اذا تريد تطلع وتعيش الليوم بتفاصيله تعال وياي

ـ هههههه شكرا

ـ على الرحب والسعه

ـ هاي شنـي ؟

ـ شنو ؟

ـ حافضتها من الكارتون ؟

ـ ههههه وعندنا غيره نحن الكارتون

ـ بعدج لهسة تشوفين ؟

ـ ياااا ما ارتااح ولا اناام اذا ما حطيته على العربيه والمربعه الخضرة

ـ لا صدكك ولج

ـ والله لهسة اشووف توم جيري و سبونج بوب و فتيات القوه و الدببة الثلاثه و التنانين و بين تن و دورة وموزو هوواي بعد مجاي يحضرني

ـ يااا بعدج طفله شسوي بيج ؟؟

ـ جا اني طفلة منو كالك اني جبيرة ؟

ـ ههههه مااعرف والله غرني الشكل كلت هاي عاقله طلعتي اطفل من العمرة ثلاث سنين

ـ هااي اني بعد

ـ ادور ما اصيحج طيبات

ـ جا شنو تصيحني ؟

ـ طفلتــي

ـ اضوج تره

ـ ليش ؟

ـ طفله شنو ؟

ـ توج انت كلتي اني طفله من كتلج اني صرتي ما تردين ؟

ـ ايي بس اني اكول عن نفسسي طفله مو من حق واحد يكلي طفله

ـ واني مو واحد اني علي الباقر

ـ مممم يلااا راح اسويك انت بستثناء

ـ غصب ما عليج شنـي بكيفـج ؟؟

ـ هههههه تعبت حييل

ـ سودة بوجهي يلا فوتي ورتاحي

ـ تمام تصبح عَ خير

ـ انت الخيير وابو الخير ...
احلام سعيدة ونوم الهنا ابويه انتـي ....

"" تركت علي الباقر ودخلت جوة لكيت اريج الله كاعده وتمرغ برجلين مرة جبيره تصير كرايبنا من بعيد
صعدت لفوك ودخلت غرفه علي الباقر
واني جاي انزع شالي على المراية دخلت لينا عليه الغرفة بدون متدك الباب حتــى ..

طيبــة :: خير ؟

ليــنــا :: شجاي تسوين بغرفة علي الباقر ؟

ـ عفوا وانت شدخلاج ؟

ـ غرفة حمااي

ـ وغرفه ابن عمي

ـ اطلعي منها وروحي نامي بغرفه اريج الله وي باقي البنات واذا تردين لوحدج اطلعي ناامي بغرفه غدير الله

ـ واني بخاطري اناام عَ عطر ابن عمي

ـ طيبــة اطلعيي منا

ـ وشنو حارك خبزتج انتـي ؟

ـ لان عيب استحي شووية

ـ منو يكوول العيب منو يريد يعلمني المستحة ؟؟

ـ اني اذا محد علمج اني اعلمج

ـ الحاميج عني البطنج ولا جاان سحلتج هنا اطلعييي يلاا

ـ اذا مطلعتي بكرامتج رااح اكول لعلي الباقر هَو يجي ويطردج

ـ صدك والله

ـ اي والله

ـ اوك جا انزلي وحتى اختصر الوقت الج تلكينه جوة. بالبراني

ـ اني اعلمج ...

ـ اوكفيي اوككفيي بس دقيقه

ـ نعــم ؟!

ـ هسـة اني ما فهمت انت زوجج علي السجاد لو علي الباقر ؟

ـ علي السجاد اكيد

ـ جاا شعندج وي علي الباقر حاركة كلبج ليش ؟

ـ انا كتلج لان عييب انت بنت صغيرة نايمه بغرفة عزابي تعرفي شنو معناهاا ؟؟

ـ لا والله ماعرف كليلي شنو معناها بلة ؟

ـ معناها انت جااي تسويله اغرائات بيج ولا شنو معنى تنامي على فراشة هيج المستحه مااتت وعود انت العلويه

ـ المستحة قطره ماي بالوجه
واني هااي القطرة مطيحتها من زمان هااا ف خلي ببالج مستحه. مااكو ادب مااكو خجل

الاحسن الج ونصيحة من اخت صغيره نحن كلنا لا تدخلين بيناتنا لان انت الوحيده الغريبه
وانت الوحيده الراح تخسرين

ـ رحم الله من عرف قدر نفسه

ـ واني الله راحمني واعرف قدري كلش زين

ـ نازله لعلي الباقر اني متاكدة هوا ميعرف انت هنا لان هوا ميقبل احد يدخل لغرفته

ـ لمعلومتج علي الباقر هوة. الطلب مني انام هنا وهاي مو اول ليله البارحه هم نمت هنا وباجر هم انام هنااا
وراح اضل نايمه هناا لين ما ارجع لبيتنا عندج يمي شي ؟؟

ـ تمــــام تمــام طيبوو

ـ تمامين وثلاث تمامات مو وحدة

"" طلعت وسديت الباب وراها بس ربدته ربد
ورحت كعدت على الجربايه حيلل ضوجتني صرت ما الوم غدير الله لمن جانت متحبها عمي البنت ماا تنجررع ابد

غثثة كطــع لعمررها ان شاءالله. فوك هذا بطنها صاير شكبرها
زادها غثة. لشكلها

الله يعين علي السجاد اخووي المكروود متحمل وساكت سودة عليه....

حطيت راسي على المخده وصرت اتذكر الصار باليوم كله
شوفتي لابوي الطيحت حيلي
لو سوالفي وي علي الباقر الي طلعتلي شخصية. ثانيه منه اول مرة اشوفه
جنت حيل اخاف منه لان جان بطبيعته ميضحك ابد كل ما اشوفه جان عاكد حوجبة
وفوك هذا كلامه ثكيل وي البنات
جنت اشوفه بس وي اخواته يسولف ويضحك

بس هسة. هذا اليوم خلاني اشووف الشخصية الي غدير الله واريج الله اتربن عليها

شخصية التجنن من عندة الله يخلي ان شاءالله.

« مَــشــهِـــد »

غدير الله :: فزيت من النووم وجنت حيلل عطششانه وكاني جنت اركض بالحلم ريجي جان نااشف حيلل
اخذ الكلاص اليمي لكيته ما تارسته ماي قبل لا انام

كمت ونرلت للمطبخ فتحت الضوة ورحت للثلاجة طلعت المطارة وصرت افرغ منها ماي بالكلاص

اني شباك مطبخي يعكس على الحديقه الخارجيه يعنـي لطارمه اليدخل بيتي من باب الشارع اشوفه ويشوفنـي

جنت دايره وجهي اشرب واني بيدي الكلاص اندارت وصارت عيني على الشباك وشفت رجال واكف وراه

جان كلة دم وطين وجه جان محترك والجلد مشيول
والدم جااي ينزل منه والوجه متشوه

من المنضررر المخييف الي شفته وكع الكلاص من ايدي وصرت اصيييح لانماار
وكعت على رجليه ( اركبي ) اني بس اصييح
لان من الخووف والخرعه الشفتها. رجليه كامن ميشيلني

بعدها الضوه انطفا لوحده حطيت ايدي على وجهي وبقييت اصييح لانمار وهوه ميرد عليه

رغم المسافه كلش قليله من المطبخ للغرفه بس. معرف ليش جان ميسمعنـي يمكن لان جان نايم

بقييتت اصييح واديه على. وجهي لين ما لاحظت الضوة اشتغل شلت ايدي من وجهي وكمت ارجف

لكيت المطبخ الكاعيه كلها طين ودم
والرجال جووة. بيتي وواكف كدامي بباب المطبخ ملابسة مشككه والوجه محتررك

اني هنا حتى صوتي رراااحح

صرت بس اررجف ارررجف حييل وهذا اتقرب مني وحط ايديه الوسخه على خددي ومنضره جاان يخررع يوكف الكلب

ما تذكر شنو صار لان بذاك الوقت بس اتقرب مني اني اغمى عليه ... ....

وبعدها كعددت لكيت روحي بالغرفه !!!
نايمة بمكاني عادي وانمار نايم يمي وحاط ايدة على بطنـي.

كمت وطلعت من الغرفه وجان كللشي على ما يراام
اخذت اسلاح انمار من الجرار وخليته بيدي ونزلت للمطبخ

لكيت الكاعيه نضيفة والكلاص الوكع مني وانكسر ماهوه
والطين والدم مختفي

فتحت باب الطارمه وطلعت للحديقه ورحت للمكان الي شفت بي الرجال ومجان اكوو اححدد حتى اثر الدم الصارت على جام شباك المطبخ لمن الرجال حط ايدة عليها الدم كله رراايح ...

شنوووو جاااي يصصييرر متاكده الصار وياي موو حلم متاكده لان. الرجال اتقرب من وجاسني جاان حقيقي

اخذذت نفسس ورحت دخلت للهول لكيت انمار توه نازل من الغرفه وخايف عليه اول. ماشفني اجاني على السريع واخذ السلاح من ايدي
وصار يسالني شبيه

وكعت على الكنباية وهوة كعد كدامي بعد مجابلي ماي شربت ... ...

انمار :: شجنتي تسووين برة ؟؟ وليش. ماخده وياج السلاح ؟

غدير :: مااعرف

ـ شنو متعرفين غدير بيج شي ؟؟

ـ مادري انماار جنت اشوف منو برة

ـ ومنو راح يكون بره واني مقفل كل البيبان بس الهوه يفوت ويدخل

ـ بس اني شفته

ـ شفتي منوو ؟؟

ـ قبل ساعه كمت من النووم عطشانه

ـ ايي

ـ ونزلت للمطبخ اشرب مااي وفجاه طلع. واحد من الحديقه وطك بيده الجامه مال الشباك
وجاان ملابسة مشككه وكلهن طين ودم وجه محتتررك والدم جاي يطلع من الاجروح البوجه

ـ شنووو هااي جنتي تتخيلين ؟؟

ـ والله العضيم موو تخيل جاان حقيقي واني جنت اصيح الك صيحت الك حييللل وانت مجنت ترد عليه فجاه الضوه نطفه ومن اشتغل لكيت المطبخ كله وسخ من الرجال وهذا فايت بيتي واجه. واتقرب مني وجاسني حط ايده على خدي ... ...

ـ وتالــي شنو صــار وياج ؟

ـ انت مصدكني. موو ؟؟

ـ حبيبتي

ـ انماررر انت مصدكني اني مجنت اتخييلل جااي اكلك الولد جااسني حط ايده على خددي لو خيال جان. مكدرت اجيسه وما حسيت بحركته .. ..

ـ ماخذه علاجج

ـ انماار ماخذه علاجي مااخذه كلشي جااي اكلك الرجال جااان بنص بيتك هوووه جااسني ولك جااس مرتك

ـ موو حقيقيييي هذاااا من رااسج غدييرر كاافي لا تخبليني ويااااج انت جاااي تهلوسسين كاافييي سددي المووضووع

ـ انماار اني متخبلت ومجااي اهلووس اني صاحية واعرف كلش زين جااي اكلك انيي شفتته وحسييت بي مو حلم ولت خييال من رااسي

ـ اني اكول اذكري الله وخلي نصعد ننام الساعات الباقية. وعدي اليله هااي على خير
ولاحسن لاتكولين لاحد الصار اليوم لا يروح يحجي عليج ويكول البنت استخفت وعقلها طاار

ـ اني مستخفييت وعقليي بمكانه انمار صدكني مثل ما جاي اشوفك كدامي اني شفت الرجاال المحروك

ـ تمام رااح اصدكج واصدك كلامج تعااي وياي امششيي ويااااييي يلةةةة

ـ اخخخ انمااار اييدييي

"" عتنــي انماار من ايدي ورحنا للمطبخ دخلنا
وصاار يصيح عليه. ... ... . ...

انمار :: هااي المطبخ كددامي شنو وينه الرجاال

غدير :: ما اعرف منو نضف هيج ثق بيه انمار والله العظيم والنبي محمد شفته وحسيت بي جاان اكو رجال هنا
وحتى توسخ المطبخ من وراه وصارت الكاعيه كلها طين ودم صدكني انمااار

ـ واني مصدكج بس هااي الطين وينه الدم وينه ؟ الكااع نضيفه
هااي الكلاص وينه الكزاز وينه ؟؟

وهاي الشباك يلك لك لو صدك الرجال حط ايده عليه ووسخه طين ودم جان حتى بعد التنضيف يبقى اثر

غدير اعويناتي انتـي صدكيني يا اما صرتي تهلوسين من مفعول العلاج التاخذييي يا هذا تعب وخلاج تشوفين هيج
ياا جنت تحلمين وبعد ما تفرقين بين الواقع والحلم

ـ والعظييم والعظيم اني شفته باااام عيني واغمى عليه ووكعت ابين اديه ولكك اني اختترعت جووة
اني مرريضه قلبب
لو. ما الله ستررني جاان اجتني نووبة ورحت بيها

ـ مرراح تجيج نوبه لان ماكو شي صددك افهمييي كاافي عاادي شلعتي كلبي مناقصني خباال كاافي خبال ابووي

ـ ولك اني مووو مخبلة كلكم مخبلللين بس انييي لاااا

ـ غديييررررر غديييررررر تعااللييي وين ررايححة ؟؟؟؟

"" طلعت اركض وقفلت باب الصاله على انمار واني بقيت برة بالطارمة
رحت للحديقه بالخلف كدت على الزرع وصرت ابجي

ولان قفلت الباب على انمار كاام وطفر الي من السطح وانزل على الحايط وطفر وصار كدامي

كومني وضربني راجدي ورجع ضربني الثاني واني ابجي

انمار :: كااافي غديير اصحييي اصححيييي اصححيييي

غدير :: ٠٠٠٠٠٠٠٠٠٠٠٠٠٠٠٠٠٠

ـ صحيتي ؟؟؟

ـ وخخررر عنييي وخررر

ـ غديرتي انت شلون اوخر عنج كافي تسوين بروحج هيج كافي

ـ اني ما سوي شي. والله اكو احد جاان هنااا

ـ خووش ابيش الساعه بالبضبط ؟

ـ شنو ؟

ـ شفتي الرجال هذا ؟

ـ مسااع من كعدت تقريببا الساعه 3:36ص

ـ تعالي يروحي نرجع بالكاممرات حتى اثبت الج الصار مجرد سيناريو براسج

ـ تمام اررجع

"" اخذني من ايدي ودخلنا جووة صعدنا لغرفه الكامرات ورجع الكامرات للوقت الكلتله علي نحن عدنا ثلاث كاامرات

وحدة بالشارع بالباب
والثانيه بباب الصاله تراقب الطارمه
والثالثه بالحديقه الخلفيه الي هيه مال شباك. المطبخ

والمصيبه حتى من رجع كل الكامررات بهذا الوقت بيتي جاان يصفر محد بي !!!
وخليته ينقص الوقت وكذالك مصارت حركه غريبه
وتقدمت بالوقت خاف اني مضابطة الساعه
وكذاللككك مااكو شيي مرريب صاارر بالعكس طلعت اني من رحت للمطبخ بس. بالفيد طلعت اني شربت مااي ووكع الكلاص من ايدي وصرت اصييح لوحدي ماكو اي احد وياي

طفى الكامررات وصار يباوعلي !!

انمار :: هااا شكالل بهلول هااي كداام عينج

غدير :: بعدني ما مقتنعة

ـ هاي مو اول مره غدير ذاك اليوم هم طفرتي من السياره وصرتي تمششين بشارع على ابو تحرير جان يمشي كداامج

ـ بس ذيج المرة صددك جاان تحرير يمشي وياي

ـ لا اله الا الله غدير لحد الان لازم اعصابي وياااج لا تطلعيني عن طووري

ـ صااعده اناام

ـ روحي

ـ راح تبقى انت هنا ؟

ـ طاررت النومه

ـ اخااف اصعد لوحدي وااخااف انام لوحدي بالغرفه تععاال نام يمي وخليني اناام على ايدك ....

ـ خووش ..

ـ يلا تعاال

ـ صااعد وراج اصعدي انت همم

ـ وين تريد ؟

ـ شبيج يرروحييي اصعدي وابقي 5 دقايق اني يمج. ..

ـ تمام لا تتاخر حباب

ـ ما اتاخر ياروحي انتي

ـ صااعده....

"" صعددت وبقيت بالغرفه اتلفت خاايفه حيل وكل جسمي يرجف وجنت منتضره صعدت انماار الي ...

≤ مَـــشـــهِـــد ≥

انمار :: بعد صعدت غدير واتاكدت ان هيه صعددت طلعت لطارمة وصرت اصيح لاخوي . ..

انمار :: بنــدر هييوووو بنـــدر وينك ؟؟

بندر :: هلااا

ـ عززه العززاك شهل منضر ؟؟

ـ مو انت كتلي اخرعها ؟

ـ يالخبل كتلك خووفها مكتلك اجلطهاااا

ـ هااي بعد هذا الطلع وياي وصار الي تريده انت

ـ هااك هاي المفاتيح ويلا اطلعع وغسل وجهك ووضعك هذاا حقها من رادت تموت

ـ بس تره مرتك حلوه وخدها نااعم

ـ بنــددررررر

ـ اسف اسف ترة مرة اخووي هيه شبيك خايف مني

ـ رروحح يلله لازم اطب اني هسسه

ـ ايي روح طب هنيئا لك ههههه

ـ روح لا صدك احرك وجهك هسة

ـ مــع الســلامــه

ـ الله وياك

"" ودعت بنـــدر وطبيت صعدت للغرفه لكيت غدير نايمه وهي حاضنه البطانيه وايدها ترجف ..

نمت وراها ودخل ايدي جوة ركبتها وايدي الثانيه حطيتها على بطنها ...

وهية من حست بوجودي لوحدها تقربت مني لاول مره والتفت الي وحضنتنـي وخلت راسها بمستوى ركبتـي ونامت بامان

صرت امشي ايدي على ظهرها واني بكلبي اتعذر منها باشد الكلماات

حيل اسف لان خرعتج وحيل اسف لان هيج خليتج بهاي اللحالة بس مجبووور والله مجبوور
اذا مخلصتج هيج يمكن تموتين

مينطيني كلبي لا اسوي بيج هيج ولا اشوفج كدامي تموتين ومكدر اساعدج

ابوي لعنه ما وكعت بس على بيت السيد احمد ال صادق
لااا
لعنت ابوي وكعت حتى علينا نحن اولاده لا لينا خلصت من لعنته
ولا اني هسة
وحاليا بنــدر دخـل على الخط واجه من الانبار وراح يضل وياي بحجة هوه صديقي
واخذله بيت صغير
ما سكن وي ابوي شغله احترازيه خااف يراقبونه ليعورفون منو وهيج
يطلع عدهم مجرد ولد وحداني ما اله احد

بقيت كااعد للفجر عيوني ممغمضى واني حاضن غدير بكل حيلي وخايف عليها لان هي مريضه قلب وكل شوي ارفع راسها اطمن عليه وابوسها بي وارجع انزله ..

وبعد ما كعدت دخلت سبحت وغيرت ملابسها واني رحت سبحت وطلعتت هي جانت كاعده على الجربايه تلبس بحذائها واني وكفت على المرايه اسال عن علبه الكحل مالتي الجنت مخليه وي مكياجها
بس مدري وين راحتت

وهي اشتلت عليه ف اردفت وياي بسؤال ....

غدير :: شنو مضيع على شنو جاي تدور ؟

انمار :: بس حبيبي علبه الكحل وينها ؟

ـ يا كحل ؟

ـ مالتي ؟

ـ شسوي بيها ؟

ـ ترة سبحت كحلتي رراحت اريد اخلي

ـ تراك هيج حلو وبعدين هاي عيونك متروساات كحل وين راحح صاير جنك سحير الليل

ـ لاا شوفي سبحت هذا تخربط اريد ارجع ارسمه عدل انت ماخذه العلبه مالتي

ـ ايي اني

ـ وينهاا طلعيها

ـ والله هيج حلوو لا تحط

ـ مااعرف انطينـي الكحــل

ـ واذا كتلك لخاطري ؟

"" سحبني لصدرة بعد هذا كلامي وهوة مشااء الله عليه طووول مدري شكد طوله يمكن مترين نكسرت ركبتي واني رافعه راسي اعاين عيونه

انمار :: خاطرج جبير عندي بس ماكدر اطلع بدون الكحل

غدير :: ليش

ـ مااعرف وانتهت انطيني العلببه

ـ تمام اكعد على الكرسي واني احطه الك

ـ لا شكررا اني احط لروحي

ـ ها متثق بيه ؟

ـ لا يروحي مو قصة ثقه بس اني متعود احطها لنفسي ماريد اتعبج ياتعبي

ـ جا منطيها الك اذا تريدها اني اخليلك

ـ خااف تخبثين وتخربيها

ـ اكو وحده تخرب على زوجها حبيبها ؟؟

ـ متأكدة

ـ اي والله اكعد يلا

ـ تمام نشووف

"" كعد انمار على الكرسي واني رحت وطلعت الكحل من الدولاب ورجعت لكدامه وصرت ارسم اله بالكحل
واخر شي درت الكرسي وشاف روحه وابتسم

غدير :: شرائيك ؟؟

انمار :: يخبل

ـ انت التخبل

ـ صدك ؟

ـ حيل ممنونه منك

ـ على شنو ؟

ـ على الامان الخليتني اعيش بي البارحه بحضنك

ـ اليسمعج هسة يضحك عليج ولج زوجج اني

ـ اعرف زوجي بس البارحه اني خبلتك وياي لو. واحد غيرك جاان طردني اصلن

ـ اطرد رووحي اذا فكرت هيج مستعد اتحملج لو تصيرين جني

ـ يعني تتتحملني اذا دخلت مستشفى المجانين

ـ اروح وراج والله

ـ يا خوويف انت التدزني لهناك

ـ ايي عادي اوديج. واروح وياج ونروح نخبل المخابيل

ـ ههههههه اذا كعدنا يمهم يطلعون اعقل مننا

ـ ايي والله

ـ يلا نرروح

ـ انت بخير مو صرتي احسن ؟

ـ دامك وياي اني بخير

ـ تعااي يابعد رمش عيوني

ـ يلا انزل شغل السياره اني البس عباتي ولاحكتك

ـ تمام حبيبي

"" نزل انمار وتركني رحت اني سحبت عباتي من على الكرسي واني دا البسها رن تلفوني
رحت لين يمه وشلته
لكيت جواد يتصل عليه

اتردد بالبدايه بس بعد ما فصل الخط ورجع اتصل انجبرت اجاوبه

غدير :: نعم ؟

جواد :: ياهلا بهلصوت عاش من سمعه

ـ عشتت محتاج شي ؟

ـ اني الي محتتاج يا نور عيني

ـ خيير جوواد مو تعرف بيه تزوجت شتريد مني ؟؟

ـ اريدج بسالفه اريد اشوفج

ـ واني ماكدر

ـ تجيين مو بكيفج تعااي لمكانا اريد احجي وياج بموضوع

ـ شترريد بضبط ؟؟؟

ـ ارييدد اراوويج شيي تعااي ورااح تعرفين شنو اريد

ـ جوواد مالي خللك مشاكل وي زوجي انت تعرف بي لو وين ما اروح حتى لو ميعرف يطلعلي من فطر الحايط

ـ لاتخافين مرراح يعرف انت بس تعاي بسكته

ـ شوكت تريد ؟

ـ اليوم العصر

ـ تمام

ـ انتضرج اذا ما اجيتي رااح يصير العكس

ـ عكس شنو ؟

ـ من تجين تعرفين وصدكيني مراح تندمين

ـ خللص خللص رروح هسسة انت

ـ مرراح اكلج بااي راح اكلج الى اللقاء

ـ الله وياك

"" سديت التلفون طب انمار صار يخزر بيه للحظة. حسيته سمع الاتصال بس من ابتسم. وكالي يلا راح نتاخر على دوامي ارتااح كلبي

صعدت وياه السياره ورحت نزلني كدام بيت اهلي وطلع هوة لدوامه

اليوم هوة ثالث يوم للفاتحه والاخير الختمه اليومم...

دخلت لبيتنا نزعت عباتي علكتها بشماعه وره الباب
ودخلت بوجهي للمطبخ لكيت بس بنين واريج وامي

غدير :: سلاام

العلويه :: هلا يا رووحي وعليكم السلام

بنين :: ياهلا ياعمرري

ـ شلونكم بشنو اساعدكم ؟؟

العلوية:: لا تساعدينا بشي بس ابقي هناا وجهزي الجاي

ـ تسوون ريوك للنسوان؟

العلوية:: اييي اليوم الختمه حتى عشاهن هنا

ـ زين انطني القوري..

اريج:: سوي جاي بالجبير هذيا فوك الكاونتر

ـ خووش
.

« مَـشـِهـد »

طيبة:: كعديت الصبح وغسلت وجهي وحطيت الشال على راسي واخذت ملابس ورحت للبراني
لكيت علي الباقر نايم والساعه جانت ب7 الصبح
حطيت ملابسة فوك راسه وطلعت

رحت للمطبخ لكيت غدير الله واريج الله وام البنين والعلويه
يسوون ريوك للنسوان النامن عندنا
بالوقت الجانن امي ورحمه نايمات فووك ..

العلوية :: هلا ببنيتي

طيبة:: عمة علي الباقر شيحب يتريك؟

غدير:: ليشش

ـ هوة نايم لهسة كلت اسويله ريوك حتى اكعده

العلوية:: السيد علي الباقر لهسة نايم بالبراني؟

ـ ايي حيل تعب البارحه ف ذاب روحه

العلوية:: اكعدي حبيبتي هسة غدير تسوي الريوك لاخوها

ـ تمام

غدير:: اني تعبانه يعني تووني وصليت الكم تردون تشغلوني؟
خلي طيبه توديها مو هيه دكت صدرها

ـ وشنو طيبه ممتحنه باخوج كوومي ولج طلعي الجبن والمربى وصبي جااي وودي يلا

بنين:: خاله متشوفين غيمة وجهه ذبلان خطي تعبانه

ـ تمام روحي انتي مو انتي زوجه اخوه

غدير:: بنانه تبقى ويايي ما اكدر على فراكها

ـ خمس دقايق وترجعلج

غدير:: حتى لو خمس دقايق مااكدر مش قاددره اتنفس

ـ وشنو هية الاوكسجين الج؟

غدير:: اايي بدونهااا اختنااق اوكسسجيننن اوكسجيين

طيبة:: اذا نبقى هيج نتعازم ترى يكعد هسة علي الباقر ويروح بلا ريوك

ـ اي والله امري لله تعااي اميميتي خلي ذني العلويات متخدراات ما يتحركن
اجهزلج الصينيه وانت بس وديها

طيبة:: تمام عماتي

ـ ولو راح نتعبج

ـ شسالفه عمه صاللكم ثلاث ايام واكفين بعزاء ابوي يصير اكللكم تعبتكم ومشكورين؟

ـ لا شنو القصة احنا اهلل

ـ ودام احنا اهل انطيني الصينيه

ـ بعد روحيي بس دقيقه الخبز يلا ماماتي روحي وديها لاخيج

ـ ان شاءلله

بنين:: ءءءحم ءءحم

غدير:: علي الباقر مو اخو واحده غير اني واريج هوة بس نحن اخواننا

ـ ودامه اخووج واخو اريج متكومين تخدمينه؟

غدير:: طيبة موجوده مو مهم وجودنا

طيبة:: رايحة اني

ـ متلزمين لساننج شنو ولج طيبه خداامه

بنين:: ترى علي الباقر ابن عمها مو شي اذا تخدمه مو يعني تصير خدامه

ـ وعود انتن شنوو هذاا الفلم السويتنه علموود طيبه ترووح لعلي الباقر ترى منتبه اني
ليش تردن طيبة تطب على علي الباقر

بنين:: نحن نحس بس

غدير:: مجرد احساس جاينا

اريج:: ويمكن يكوون هذا الاحساس غلط

ـ وشنو هذا الاحساس؟

اريج:: باختصااار غدير وبنين يحسن ان علي الباقر معجب ب طيبة علمود هيج هنه دزنها عليه

ـ شنوووة ؟؟؟

بنين:: لا تنصدمين خاله كلنا مجرد احسساس ويمكن غللط

ـ تسكتن والسالفه هاااي ما تنفتح فهمتن لو لااا!؟؟؟

غدير:: لييش يمااه؟؟

ـ لا ليش ولا بيشش كللت تنسد وكاافي تعاي حطي ايديج ويااي تاخرنا على النسوان

غدير :: تماام

« مَـشـِهـد »

وقت راحت طيبه لاتوودي الصينيه لعلي الباقر سمعت الباب انربد

ولمن حطت الصينيه سمعتتت
صوت علي الهادي داخل للبيت ويطرد النسووان من الفاتحة ويفرغ بيت اهله

༺༺༺༺༺༻༻༻༻༻

__ ‏كَم يؤلمُ الأمسُ إن لاحَت ملامِحهُ فالرّوحُ تُؤلمها الذِّكرى وتُدميها.

يــتــب؏ ........

5808 كلمة

لتواصل o.oll13