رواية احفاد السيد : الثار ( بأجزائها الإثنين ) الفصل السادس والعشرون 26 - بقلم ​رُقَـيَّـةُ الْأَكْـبَـرُ

〖 بــسـم الله الرحـمـن الرحـيــم 〗

الكـــاتبــة ⊂ رُقـــيـة الـأكـبـــر ⊃
بقلمــها روايـــة ⊆ أحفاد السيد : الثأر ⊇

لا تنســون التصــويت و متابعة لحسابي oo_ll13
والتعليــق أبين الفقرات
لطفــاً 💗✨

__ ثقل ميزانــك بذكــر الله

_ سبحان الله
_ الحــمد لله
_ لا اله الا الله
_ الله وأكـــبر
_ لا حول ولا قوة الا باالله
_ سُبحان الله العضيم
_ سُبحان الله وبحمدة
_ أستغفر الله واتوب اليه
_ اللهم صل على محمد وال محمد

━━━━━━━━━━━━━━━━━━━━

__ ‏ الفَارِس الحَقِيقِيٌّ ،
تَعرِفُهُ أرضُ المَعركَة ...!!

━━━━━━━━━━━━━━━━━━━━

"" أصــفاد الحق ""

التقـيت بــأانمار ورحنا انا وياه للبيت لمن وكفنا بالباب التفتت وشفت حامِد المتقين واكف ورانا بمسافـة بعيـدة .. رجعت باوعت للباب وضربنا عليـه بقوة وفتح الباب واول ما شافنـي فتح الباب على كبرة ودخلنا لان سبق اله واتعرف عليـة لمن دخلنا وكعدنا بالهول اردف وياي وهو يأشر على انمار ..

سـراج :: الـيـوم جايب وياك حمايـة خير ان شاءالله ؟

_ هههههه نسيت اعرفك نسيبـي زوج اختـي الصغيرة انمار

بقى سراج ينضر لأنمار من فوك لجوة واردف برفعة حاجب وابتسامة حقيرة ..

سـراج :: اهاا اتشرفت اسُتاذ أنمار

أنمار _ أردف بتكبـر _ :: انا مو اسُتاذ بس على العموم الـي الشرف

سـراج :: زين أكدر اعرف ليش مشرفينـي هاي المرة ؟ انت مو ذاك اليوم اجيتني واعرفت كلشي مني ؟

أنمار :: انت غلطان اصفاد مااعرف منك شي وهاي المرة انااا اريد اعرف ..

سـراج :: وشتريد تعرف ..

طلع تلفــونـة وطلع بي فيديو وحطاه على الطبلة شالة سراج وصار يشوف بالفيديو لمن خلص انرسمت معاني الخوف بوجهة وبدة يعرق و يتأتأ وأردف .

سـراج :: موو صحيح هاذا الفيديو مو صحيح انتم شنو لاعبيها عليـه وتردون تورطوني ؟؟ ..

أصفاد الحق :: انجب لكك هاي مو انت جنك ... طالع كلك بالفيديو شنـي المو صحيح هاي مو جهرتك ؟؟ ياهو يشيل هاي الخلقة الزفره غيرك ؟؟

أنمار :: الفيديو 100% حقيقـي لا بي فتشوب ولا بي فبركـة فَ الاحسن الك احجي كلشي و خلي هاي القضية تنسد و نرتاح و شعرفك يمكن نساعدك و نحطلك محامي. زين يدافع عنك و يقلل الحكم ..

أصفاد الحق :: وبالحالتين نحن رابحين القضية مجرد القاضي يشوف الفيديو هاي هية يعتبر لهيب بريئ .

سراج :: مستحيل اعترف على هيج شي ابو سمعتي تدمر نسيتو انا ضابط !!

أنمار :: ليش من البداية محترمت نفسك واحترمت مقامك ومصرو تلعب هيج وهيج ..

_ الشغلة هاي قديمة والله قديمة من ايام داعش

أصفاد الحق :: ايي قديمة بالنسبة الك بس نسيت اكو بريئ جاي يتعاقب ابدالك ؟؟؟ لك بس اريد افهم شلون تحط راسك على المخدة وتنام وانت تعرف وواثــق ان اكو مضلوم جاي ينام بالتعذيب من وراك ..

_ اعترف انا سويت كلشـي ولمن حسيت حبال الشرطة بدت تضيق على رقبتـي دورت على واحد ماعندة ظهر حت اشمرها عليـة ومحد يسأل وراه
وطلع لهيب كدامي بذاك اليوم رجال مكطوع من شجرة لا اهل ولا عشيرة شفـته هو المناسب الي اتقربت منة بحجة الصداقة ولمن شفت الوقت مناسب لــزكتها بي

بقيـت اباوع لأنمار وانا مبتسم وأخيـراً اعترف سراج
بعد سجن لهيب ثلاث سنوات ضلم وافتراء
لمن سكت سراج اردف أنمار

أنمار :: خوش هذا الحجـي خوش تعال ويـانة هسة واعترف بهاذا الحجيتة هسة هنااك بالمركز مو اهنــا

_ لاااا انا كتلكم مستحييل اعترف بشي كدام احد حجيت الكم حتى ترتاحون وتعوفونـي بحالــي ..

أصفاد الحق :: لا مو بكيفك ما نعوفك والله واذا هسـة انت ما اجيت ويانـة برضاك غصباً عليك وعلى عشيرتك تجي لا تصير ابن شرفاء بروسنا و متريد تهتز سمعتك ابو سمعة

بقـى سراج ساكت وهو ماعندة شي شيحجي شيكول بلحضات راح يضيع عمرة كلـة وجان يعرف ومتأكد نحن ما راح نتركـة بوحدة كام على حيلة واردف ويانـة .

_ تـمام راح اجي وياكم انتضروني اجيب كم شغلة من فوك من غرفتـي ..

أنمار :: لا تتعطل على السريع تعال

_ ما اتعطل ان شاءالله

تركنـا سـراج و صعد لفوك و بقيت انا و انمار مرتاحين لان جنا نحس خلصنا و اخيراًو لهيب راح يطلع و الفرج قرب حيل .
وبعــد نص ساعة تقريباً ..

أنمار :: مو اتأخر حيل ما تحس هيج شي ؟

أصفاد الحق :: شيريد يسوي يعنـي يشرد خلة يشرد هذا التلفون و جاي نسجل كلشي علية و تسجل صوتة و هوة يعترف و هذا الفيديو خلص أنمار كلشي انكشف و راح :

_ مادري بس كلبي بدة يلعب من صوبـة

_ هسـة ينزل

_ مراح ينزل هذا ضابط يموت بسمعتة ما سمعتة هسة شيكول مستعد يسوي كلشي بس لا يعترف و يخلي علية شي

وبالوقـت ألـي أنمار يحجـي بيها وياي سمعنا صوت طلقـة جاي من فوك صعدنا نركض

ولمن دخلـنا للغرفـة طلع كلام أنمار صحيح مثل هيج شخص مستعد يموت ولا يشوه سمعتـة

انتــحر !! اول ما شاف خلص ماكو مهرب وكلشي صار واضح ومكشوف انتحـر وما اتحمل فكرة يضل كاعد بسجن .

هاي من فكرة انتحر فما بالـة بالي صالة ثلاث سنوات بالسجن ضلــم ..!

بقيت اباوع لأنمار لمن حطيت ايدي على الميز استند بحيلي شفت ورقـة و قلم و لمن شـلتة لكيتـة كاتب كلشي بالورقة اعتراف منـة

نزل أنمــار و نزلــت انا اتصلت على الطوارئ ..
وطلعـنا نوكف بالباب ولاحضت حامِد المتقين راييـح

و على ما اجت الاسعاف واخذتـة واجت وياهم النجـدة اخذتنا لان كلشي يفكرون يمكن مو انتحار يمكن قتل ..

اتصـلت على علي الباقــر وكلتلة وكذالك رجعت واتصلت على حامِد المتقين ..

"" علـي الصـادق ""

نطلعـت للمركز ورة ما اخذو اخوي ودخلت على الضابط واردفت وياه :

_ سيدي توكم اخذتم اخوي اكدر اعرف شنو العلية ؟؟

_ اخوك علي الكاظم عبد الحسن ؟

_ ايي سيدي ..

_ عليـة شكوة شروع بالقتل

بقيت مصدوم واباوع لوجـه شني وينة وين الشروع بالقتل اردفت بصوت يرجف ححيل ..

_ دخيلك سيدي اخوي نملة يخاف يسحك وينة وين شروع بالقتل !!

_ يعني المشكـي يجذب عليـنة مثلاً اجانـة متغطي بدمة. ورفع شكوة لو لان اخوك نسيت الحق وتوكف وياه حتى لو هو غلطان ؟؟

_ مستحيل سيدي و الله اصلاً نحن قبل فترة وصلنا العراق وين نحن ونلحك نسوي عداوات وشروع بالقتل

_ المهم هسة اتقدمت شكوة النا ونحن اخذناها بعين الاعتبار واذا اخوك. مثل متكول ممسوي شي لا خوف علية ما نضلم احد نحن

_ مراح يطلع هسة يعني ؟؟

_ ميصير .

_ زين اشوفـة !!

_ لـاا اليـوم راح يبقى عدنا باجر تكدر تجي وتشوفـة ..

_ بس ليشش ؟

_ المشتگي بدورة علاج بسبب اخوك وباجر ياالله يطلع من المستشفى لمن يجي المشتگي تكدر انت تشوف اخوك

_ تمــام سيــد

طلعـت من المركـز وانا بحيـرة من أمـري .. معقــولـة ابوي وراها ؟ اكيد ماكو غيرها وينـة علي الكاظم وين يسوي هيج صدك جذب ..

رحت للمحل وعرفتـة ما موجود اتصلت علـى طيبــة الزهراء و ما ردت عليـة عرفتها نايـمة بس الحرگـة
والعصبيــة الجانت بيـة مجانت تعرف نايــمة لو كاعدة حرگت تلفونها حرگ بالاتصال لمـن جاوبتــنـي ..

طيبــة الزهراء :: الوو ؟

_ عبد الحسن بالبيت ؟

_ اسم الله شبيــك ؟

_ سألتـج جاوبي عبد الحسن بالبيت ؟؟

_ ما اضن يمكن لهسـة مجاي ماعرف انا جنت نايمـة

_ انزليي شووفي

_ ليش صادق ؟

_ طيبــاااات انززلييي

_ تمام دقايق ضل وياي على الخط

بقيت صامت و هَي نزلت و بعد دقايــق جاوبتــنـي
بكلـمات :

_ ما موجود بالبيــت وهم محد من السادة هنا

_ خوش باي

_ اووكفف صـادق

شلـت السماعة من اذاني وردت اسد بس من سمعت همس صوتها رجعت التلفون ورجعت اردفت .:

_ نعــم طيبــات ؟

_ شبيــك بداعت عيونـك جاوبنـي

_ ماكو شي بس وعيوني اليوم كلشي راح ينتهي لو بيها لو عليها .

_ شنو يعنـي صادق ؟

_ يعنـيي البيت بيتــنا و ماكو حق لأي شخص يطردنــا منــة

_ شنـو راح تســوي صادق ؟

_ تعرفين كلشي عم قريب ارجعي ناامي بنتـي

_ علي صادق

_ أرجعــي ناامـيي بنتـي مـع الســلامـة

ما انتـضرت أسمــع ردها سديـت الخط وغلقت تلفونـي ورحت للبيــت كعدت بعد ما فلشت شكو شي طلع كدامي وكعت بالكاع كدامي صورة النا نحن كلنـا جماعيـة انكسر الاطار والكزازة مالتها ..

شلتها من الكاع ونفضت الكزاز منها وصرت اباوع بيها
واني صافن بوجــة عبد الحسن اردفت وي الصورة مخاطب ابوي

علي الصادق :: عشت كل عمري ادفع ثمن غلط مو غلطي انحرمت من اخواني وابتعدت عن اهلي وناسي من وراك من ورة راسك اليابس ما جان غايتنا غير ندرس برة وانت كبرت ويانـة سهلـة عبد الحسن اذا بديتهـا هيج ويانـة بعد كل العذاب الي عشنا بي بسببك
جا اتحمل كلـشي راح يطلــع مننا
والله لاندمـك على الساعة السمعت بيها تبريكات للمولود الجديد وانت انطيتـة أسم علي الصادق .
وداعة مســرة الـأ اندمــك وشوف الليلـة شراح يصير
لاخلي ليلك نهار ..

انهيت كلامي شكيت صورة عبد الحسن وبعدتها عن صورة اهلـي الباقيين ..

وشمرت صورتة بعيد وباقي الصورة الجزء الثاني منها حطيتـها على الميز ودخلت لجوة ..

"" علــي الباقــر ""

وصـلت لبيـت عمـي صفـاء الحـسن نزلت من سيارتـي
وفتحت الباب من جوة ودخلت لكيت الكل رايح طالع

صعدت لفوك وفتت على اول غرفـة لكيتها غرفـة حامِد المتقين عفتها وطلعت وصعدت لثانيـة ودخلت كل الغرف
لحد ما وصلت لغرفة وهج الطف صرت افتش باغراضها لان ادري بيها اذا حجيت وياها راح تتتهرب وراح تغير الموضوع وتضيعـة علية ..

بعد ما خلصت شوي من التفتيش رحت للجرار وصرت ادور بي لكـيت شريط حب جان بس هذا شي غريب بالغرفة حطيتة بجيبـي وطلعت بي

ركبت سيارتي اتصل علية حامد المتقين وگـالي بخصـوص أنمار و اصفاد الحق .

اتوجهت الهم وبعد ما طلعناهم لان مالهم شي وأتاكـدو ان القصة قصة انتحار راح أنمار للمستشفى رجع
وأصفاد الحق اتوجه لشغلة .
وكفنا انا وحامد المتقين بشارع واردفت وياه .

_ حامد اوصلك ؟

_ لا يخوي هاي سيارتي هسة اروح

_ تمام عزيزي ..

_ وين راح تروح انت ابا الحسن ؟

_ مادري بأرض الله

_ بيك شي

_ لاا كلشي مابية خلص روح انت وكمل سوالف القضية لا تنسى باجر عندك محاكمـة

_ ابا الحسن تدري شي

_ شنو يبوي ؟

_ ماكو بس اجتنـي خوفـة من باجر الله يستر

_ كلشي صار بيدك و صاحب الحق سلطان

_ اعرف بس بعدنـي خايف ..

_ لا تخاف القـضية النا ان شاءالله

_ ان شاءالله

_ يلا روح ووكمل ورتيب الادلة حتى تسلمهم للقاضي باجر .

_ ان شاءالله يلا خوي بعد سلامة

_ فمــان الله

تركنــي حامد المتقين وراح . واني شغلت تلفونـي اتصلت على رحمة الزهراء لكيتها مغلق ماعرف شموضوعها هلبنت من اتزوجت وانغلق تلفونها ..

رحت اتصلت على أمي كالتلي ان رحمة أجة زوجها واخذها ..
فا صار توجهـي لبيتها صعدت السيارة ورحت الها للبيت .

نزلت ودكيت الباب وفتحة زُبيــر ..

علـي البـاقـر :: السـلام عليـكم ؟!

_ هلا باقر وعليكم السلام

_ شيخة هنا ؟

_ اكيد هنا غير بيتها هذا

_ صيحها الي

_ تعال تفضل

_ زاد فضلك

فتت لجوة كعدت بالصالة وطلعت رحمة الزهراء كعدت يمي و زُبير جان كاعد كدامنـة ..
واردفت رحمـة الزهزاء وياي وانا رديت عليها واني اطلع الشريط من جيبـي وانطي الها

رحمة الزهراء :: خيرك ابا الحسن صاير شي !

_ بس اريـد اعرف هذا مال شنــو ؟

اخذتـة رحمـة من ايدي وصارت تباوع بي وهي مستغربـة
ورجعت اخذت تباوع الي وفرت الشريط بيدها واردفت :

رحمة الزهراء :: هاذا الشريط ممنوع صرف بالصيدليات منين جبتـة انت ؟

_ ليش شريط شنو هذا ؟

_ على اساس هوة مهدء ومنوم عميق . بس بالحقيقـة لمن ياخذه الانسان راح يدوخ وينام ومحس بروحة
واذا ادمن عليـة وجسمـة اتعود راح يصير اصلاً ميكدر يكعد ولا يرتاح الا ياخذ منـة
باختصار هو مخدرات بس مبطن علي هيئـة دواء
لذالك الشرطة عممت على كل المستشفيات و الصيدلات ما تنصرف هيج نوع من الادويـة ألا بوصفـة دكتور مختص وشرط
لازم تكون مدة معينـة و كميـة معينة
يعني مو هيج شريط كامل
حشك ولبك ..

_ اهاا زيـن شنو اعراض الـي ادمن عليـة ؟

_ كتلك هوة مخدرات واذا الشخص العادي ادمن على هاذا النوع راح تصير وياه اعراض المدمن الحقيقي لكن خفيف يعني احمرار العين الدائمي تحس اعيونة توة جان يبجي لو منايم ضعف وجهة يصير اصفر وشاحب
يعني المدمن يبين ذاك هوة .

_ اهاا ..

زُبيـر :: بس ليش هيج تسأل منو عدك جاي ياخذ هذهِ الادويـة ؟؟

_ لااا راسي يوجعنـي و صايـر ما انام ف رحت للصيدلية وانطتنيي هذا ومرتاحيت لشكلة فَ اجيت لدكتورتنا ..

زبير :: خير ان شاءالله. مابيك غير العافية و اييي هم زين ماكو من عدك مدمن عليهن ..

_ لا تضل تفكر مو السادة التنزل مستوها لهيج مستوى يلا اني اترخص ..

رحمة الزهراء :: ابقى على الغدة شسالفة طالع هيج ..

_ لا يختـي وعلي مستعجـل ححيل تضل يمكم العافيـة

رحمة الزهراء :: الله وياك نورت بيتك يبعد اخيتك

زُبيــر :: اوصلك للباب ..

طلعت وطلع وياي زبير وانا بالباب رد و سألنـي

_ أكول علي الباقر .

_ كول نحــري

_ الكريمة اخيتك شلون صارت ؟

_ غدير الله

_ ايي

_ والله بعدهي لهسة ماصاحية ضلت على الاوكسجين و المغذي

_ الله يكومها بالسلامة ان شاءالله

_ ليش تســأل ؟

_ هيج والله ضل بالي يمها لان الصار وياها مو شي عادي

_ الحمدالله عَ كل حال

_ ان شاءالله تكوم بسلامة وترجع أقوة من ذي قبل

_ الله يسمع منك يلا انا اترخص

_ مرخوصــلك الله ويـاك دربك سلام .

تركت زُبيــر وصعدت بالسيارة واني بدوامـة الافكار افتــر . وَهج الطف مدمنــة !!! شجابها على هذا الدرب و شوداها ياالله

رحت لدوامـي رغم عطلتـي اليوم بس أقتصرت بية الطرق وصارت كل الاماكن ما ترحب بيـة .

بعيد انشد روحي شسوي بهاذا الحال ؟ شلون اساعد وهج الطف وانقذها .

اكول للبشير قيصر لان هو اخوها الجبير لو اكول لعمتي لان هي يمها 24 س ما انتبهت عليها ؟

شلون كدرت تباغت الكل هيج زين منو وصف الها هذا الدواء لازم اكعد وي هاي البنيـة واحجي وياها لوحدنا ..

وصلت لمكان دوامي وكفت السيارة. نزلت منها وقفلتها
ورحت دخلت جوة ..

"" رحمــة الزهراء ""

بعد طلعة علي الباقر اصعدت لفوك وكعدت تكميل تنضيف الغرفـة وصعدت لفوك وصرت كدام الغرفة الجان قافلها زبير الحاط بيها كل صوري فتحتها ودخلت
وصرت اتمشى بيها واقرة

جان حاط صورتي لمن جنت بالجامعة مرحلة ثانية و كاتب جوها

〖 14 / 4 / 2013 الساعـة 37 : 10 ص كدرت اشوفها لمــدة عشرة دقايق فقط طلعت من المكتـبة 〗

رحــت لجهـة الثانيــة لكيــت صورة بالمرحلة الثالثــة
حاطها الي مصورني من بعيد وكاتب جوها

〖 13 / 10 / 2015 الســاعة 13 :1 م كدرت اشوفها لمدة خمسة دقايق ومكدرت اشوفها اكثر من هيج لان اجوها صديقاتها وطلعن وراها 〗

ولكيت حاط صورتي واني بالسنة التخرج بذاك اليوم اتذكرة طلعت من نص الدوام ابجي لان اتعاركت وي صديقاتي وعفتهن وطلعت ابجي وهوة مصورني
وكاتب جواها

〖 7 / 3 / 2016 الساعـة 56 : 9 ص كدرت اشوفها لمدة نص ساعة طلعت تبجي مدري منو وياها روحي لاجت لو اكدر جان كلبت الجامعة عليهم شلون هيج ينزلون دمعتهاا ؟؟ بس ماكدرت الزم روحي اتوجهت الها وانطيتها اكلينكس لتمسح دموعها وكتلها ( لا تبجين عيونج الحلوة وجمالج منخلق للحزن اضحكي دوم لان الدنيا عند غيرج تنسر لمن يشوفون ضحكتج ) وتركتها ورحت وما حجت وياي شي بسس مييتت من الفرح حطت عينها بعينييي هههه يااللهه 〗

هذن جزء من مليون جزء من الصور الي امعلكهن بس انا اختاريت الي جذبنـي حيل وضلن عالقات ببالي
تركت الغرفـة وطلعت بعد ما عقلي كام يوجعني

سديت الباب ونزلت جوة لكيتـة كاعد ويباوع بالتلفون كعدت يمـة وسحب ايدي خلاني اخلي راسي على صدرة

لمن صرت اسمع دكات كلبـة اردفت وياه :

رحمــة الزهراء :: اكول زُبيــري ..

_ كولـي يروحــة

_ اجازتـي راح تخلـص ولازم ارجع لحياتي الطبيعية

_ حياتج الطبيعية ؟؟ وليش شنو شبيها حياتج هسة !

_ اقصد بحياتي الطبيعية يعني امارس مهنتي بِ الطب ميصير هيج من تزوجنا لهسـة وانت مانعنـي من الطلعة والروحة الا وياك لا تنسى نحن حتى ما حجينة بهل موضوع فترة الخطوبة ولو انت جنت مخلي ابالك من زمان جان لازم تحجي وياي ونتفاهم غلط تنتظر لمن اصير مرتك حيل وتسيطر عليه ويصير اسلوبك وياي اسلوب أمر حتى بدون تفاهم لو عقلانية

_ خلصتــي ؟!

_ لا كلام هواي لو ابقى العمر كلـة احجي بي هم ميشفى كلبـي ..

_ خليني أسمعج احجايـة و انت قرري حقي لو مو حقي

قاطعت كلام كمت من صدرة و كعدت كدامة ونترت بوجهة بعذاط صار يباوعلي واردف :

_ بنبرة عالـية _ زبير شنو كلما احجي وياك تكلي حقي و حقي

_ صووتتتج ..

_ تمام اعتذر يابــة بس طلعتني من ثوبي كرهتنـي بالغيرة وبساعتها

_ لان مجاي تفهمين عليـة انت لو جاي تفهمين عليـة و تحتوينـي جان مصارت هاي الحزازياات بعلاقتنا من زواجنا و لهسة .

_ زبير انا مجاي احتويك ؟؟؟ اكثر من هاذا الاحتواء شنو بيدي أسوي ؟ اكثر من القدمتـة الك من الحب و الحنية و الاحتواء و الطاعة و الصبر شنو تريد من تزوجنا لهسة و لا فد يوم كتلك يلا هلمرة انت تنازز وانت سويلي رغباتي لا جنت بس انا انفذ وانا ساكتة وعلى الاقل جازينـي وخلينـي ارجع لدوامــي الطبيعي ..

_ دوامچ الحقيقي و الزين هنا بالبيت تهتمين ابيتچ و اديرين بالچ عليــة و اذا جاي تمليـن عادي گلتـها الچ من زمان احبلي وجيبـي طفل يونسچ

_ على هاذا وضعنااا تريد طفل ؟

_ رحمــة شنييي شبـي وضعنة لا تخبلينـي ترى هذة الاحساس الجاي تخلين عقلج الباطن يصدك بي راح يدمرج ويمكن يدمر حياتنا

_ عادي اسألك سؤال

_ لا مو عادي

كام وتركنـي واتوجه يريد يصعد لفوك صحت بي واردفت .

_ تعال وين رايــح مو دا احجي وياك ؟؟

_ اريد اطلع لجماعتـي واتنمى من ارجع الگيج مرتاحة ومفكرة بعقلچ

_ لاااا هههه انت مو طبيعي والله اذا مملاحظ على نفسك انا اكلك زُبيــر انت مريض نفسسي اقسث عليك انك سايكو تصرفاتك هاذي مو مال عاقل وصاحب رأي و عندة عاقل متزن ..

_ هسة هاي الطلعتي بيها انا سايكو ؟؟

_ الحجي وياك ضايع وخر عني

دفعتـة عنـي وصعدت لغرفتـي دخلت وشمرت نفسي على افراشي نمت على صفحة واخذت البطانيـة وصرت ابجي ( النحيط )

وحسيت بوجودة لمن فتح الباب ودخل . ما سويت اي رد فعل وهوة كذالك اجة اخذ ملابسـة من الدولاب
وطلع من الغرفة ورد الباب الى گيــفة ..

يا ربي هذا الگتلت روحي علية انا ؟ جنت ميتة بحبة بية أشو صار هسة حبة عذاب الي .

هو جاو يدري بية انا ماتحمل هيج اسلوب جاف واتأذة ورغم هيج اتعامل وياي بهاذا البرود والقسوة بس علمود اخضع لمتطلباتـة الي راح تخلص حياتي وهن ممخلصاتك

و كل مطلب اقوة من الثاني .. و انا اجبر نفـسي و احاول اسكت جبت التلفون الجديد و حطيت بي الـسيـم كارت مالتـي وحطيـتة على الشحن ورجعت نمت

مجان عندي رغبـة لأي شي فقط النوم و البجـي ..

"" المعتز باالله ""

طلعت من البيت ورة ما گــعدت من النوم جابتلي طيبة الزهراء الريوگ

وكعدت اتريك و طلعـت من البيـت بعد ما دزيت رسالـة لــ وَهج الطف وطلبتـها تطلع وكفت بالحوش وهي طلعت الي و وكفـت كدامي وأردفــت :

_ ها عزوز .

_ هلا يبعـد اعضـــامـي

_ هلا بك

_ اسف خليتج تطلعين بس

_ لاا عادي لا تهتم گــلي بس شنو ؟

_ ردت اطلع وحبيت اسألج محتاجـة شي

_ سلامتك

_ متاكدة العباس عليج لا تستحين كولي

_ والله ممحتاجـة شـي لا يضل فكرك الله ويـاك

_ خوش انا رايـح ..

_ تمام

طلعـت من البيت واتوجهت علساس للمحل بس وانا بالطريق اتصلت عليـة جرح فتحت الخط وما حجيت شي وياها الا وكالتلـي تعال للكوزمتك بسرعـة وسدت الخط ..

فريت السيارة ورحت لصوب المول اول ما نزلت طلعت الها لفوك ودخلت للمحل لكيتها جاي تمسح بالجام اول ما شافتنـي سحبتلي كرسي وسدت الباب وحطت مغلق حتـى نحجي براحتنا كعدت واني انضرها ..

جـــرح :: اكعـد .. دقيـقة اسد البــاب ..

_ شبيـج اجيت عبالي صاير وياج شي

_ ولااا تسميني صلفة والله انت الصلف وجاي تسألني شبيـة بكل وقاحة

_ شسويت انا ؟؟

_ حضرتك وييننكك صالك شهر واكثر واني كاتلة روحي ادز بهل رسايل وبالي صار طبل من التفكير ..

_ زين

_ اشش ماريد اسمع منك شي خلينـي اكمل كلامي

_ كمليي

_ فوك هذا شلعان الگلب حضرتك يطلع احريشي مابيك ولاا يعني متكبر يقرأ الرسايل ويشوف اتصالاتي ومايرد ويكعد ينشر ستوريات وميكول خطية هاي حيوانة مراسلتني خليـنـي اشوفها .

_ ليش تحجين على نفسج هيج ؟

_ لان حضرتك كل تصرفاتك هيج توحي والله توحي انا الحيوانة الكاعد أركض وراك وانت متكبر ومتعالي

_ جرح البارحة رجعت انا .. جنت بشغل كافي تمسلتين هاي لو غيرج حاجي وياي بهاذا الاسلوب و هلكلام جان طفيت شمعـة شبابـة .

_ تعال وين رايح

_ مو خلصتـي كلامج و هاي طلعتـي كل طاقتج شكو بعد باقي هنا ؟!

_ المعتز اوكف والله اعتذر منك اعرف مجان لازم احجي و ياك بهاذا الاسلوب بس و الله من حرگــة كلبي عليك حيل خفت وجنت منتضرة حرف منك لمن شفتك شايف الرسايل و ممجاوبنـي اتخبلت مدري شصار بية ..

_ عادي مصار شي وهم انا فتحت الرسايل ونسيت ارد

_ يلا هسة نحن الاثنين خطئانين خلينة نتصالح .

_ هههههههه اطفال نحن ؟؟

مدت الي ايدها وطلعتلي الخنصر وتريد احط الخنصر مالتي ضحكت وطلعت الها الخنصر ..

_ ها معتز

_ ها جرح ؟

_ صافـي يا لبن ؟

_ صاافي

_ حلوو تعاال اكعد طمئني عنك بعد

_ امج شلونها ؟

_ تندعيلك بخير الحمدالله

_ الحمدالله والشكر

_ ضحيت الي هواي ماعرف شلون اجازيك

_ لا تجازيني وماريد منج شي غير تنتبهين لنفسج و اميمتج لان هي چنتج ونارج

_ ياريت كل الزلم مثلــك ..

_ هواي احسن منـي

_ مستحـيل

بقيـت كاعد يم جرح ونسولف ولمن لاحضت خلص لازم اكوم ودعتها ورحت طلعت من المحل ورحت لمحلاتنــا حتـى اشوف شغــلي ..

"" الفــاروق الاعظــم ""

تركـت بغداد والي بيها واني احس صدري جاي تسحكة الخيل من الوجع والخنگـه الجانت بي
اتوجهت للنجف ورحت وكعدت ابين قبر تحرير و قبر مؤمل الصدر .
وجانت الدنيا مغرب حطيت راسي ابين رجلية و صرت اردف وياهم ..

_ انا بعلم صدك هذا يعني من شوكت انا السيد الفاروق جنت لازم افكر راح يجي يوم واكعد ابين كبروكم ؟؟
افتحو الگــبر خليي احجي وياكم اخوانيي
اخوكم الفاروق ياهو الة من بعدكم ليش رحتو وعفتونيي .
امي ابوي وانتم ليش هيج جاي تشوفون معزتكــم بكلبـي ؟!
من رحتو لليوم وانا انام على ملابسكم ولكم ماريد احد يحس بية حاولت اضم لجمتكم بكلبي بس الوجع جتال ماكدرت اصبر روحي وما اجيكم ..
احجو ويايي اغدي الكم انا حتى لو بس كلمة وحدة فدوة لترابكم الي ماعنده اهل گلولي بلة شيجيب النوم على عيونــة ؟؟ هاااا ونيني و ونين كلبي شيسكتة يكلولي ماتو
واني اكللهم لااااا عايشينن هم غلطانين واني الصح ولكم احزاامي ولكم تچايتــي انتم عايشين برووحيي بررووحييي هناا هنااا عايشين بنصص كلبيييي اااخخخ ..

مر على روحتكم تسع اشهور و عشرين يوم و هسة كملت 15ساعة و 35 دقيقـة و سبع ثواني

لمن رحتـو صار سيد يتچى على سيد انهدمنا بفاتحتكم انهدمنا يكولون عيب انتم اكبار وميصير تبجون
ومايدرون نحن دافنين صغير السادة و عريس السادة

مؤمل .. خطيبتك ودتلك وياي مرسال وحلفتني اقراه الك حتـى تسمعها ..
وكالتلـي اذكرك بيها لو جنت ناسـي هاذه هو مرسالها
راح اقراه الك بأسمها ..

زيــنــب :: 【 فــي قلبــي شيء ينزف جرح الوداع يؤلمــنـي
مــع مرور الوقت سوف يقلتنـي وقلبي سوف يصبح رماداً
مع مرور الوقت لأنــة يحترق و يحترق يوجد شيء عالق في ذهنـي ..

سوف ابقى وحيدة بلا سند ؟؟ سوف ابقى لوحدي من بعدك لا يوجد احد يقف الى جانبي لقد تركني الجميع ورحلوا .

حياتـي من بعد غيابك سوف تصبح جحيماً فرحيلك جرحني كثيراً لم اتوقع ان الموت هاكذا وجعــة لا يشفى الا بعد ان يقتلني

تركت قلبي في لهيب بعدك يشتعل الموت اصعب من كل شي على وجـه الحياة
ان القبر مغلق وحرمنـي رؤيــة ملامح وجهـك لأخر مرة في حياتي التعيسة

هل احببت المكان هناك ؟ ام انت مجبر عليـة ؟
مثلي تماماً انا مجبرة على مفارقة عيناك الجميلتان
هل انت سعيد الان ؟؟
لأننـي وبعد شهادتــك لم ارئ السعادة قط ..

احببتك كثيراً و كثيراً وكيف جازيت حبي جازيتـة في رحيلك الذي ابكاني كثيراً و كثيراً

لم ارئ للفرح طريقاً من بعدك
هنيئاً لك فأانت رحلت شهيداً
ويا أسفي على نفسي لأن احببت شهيداً

ماذا الان !! ماذا سوف يصبح بي ؟
كيف لي ان اعيش وكل هاذا الحزن والوجع مكتوم في داخلي و لا استطيع ان اخرجــه او يراه احد
لماذا كتب علينا الفراق و الدمع ؟
بدل الحب الفرح و العرس ؟

لقد مر على شهادتك تسع اشهر الا انا الى الان اسمع صوتك واراك ولا اصدق فكرة انك رحلت الى الابد

سوف ابقى احبك حتـى يأتي الي ملك الموت ويقول هناك شهيداً طلبك ..

الى ذاك الحين انا سوف ابقى مع ذكريات خطوبتنا
الذي تلوثت بالدماء

سوف انتضر لقائــك

الفتــاه الذي وقعت بحبك ايها الشهيد
زيـــنــب سامــر 】

الفاروق الاعظم :: هاا خوييــة هاذا مرسال خطيبتك الك
شترد عليها ؟؟ شتكللها مو بس احنا نبجي عليك خوية هي زينب لحد الان حاضنة بدلة العرس ومنتضرتك تجي ليها ..

خويــة بداعت خوتنا رد علية زين انت رحت ليش متحملت فراك تحرير ليش اخذتة وياك ؟
جا هيجي تجازينـة ؟؟ ونحن جنا وياك كد الاخوة ؟
يامهدود حيلي عليك ياخوييي

بقيت كاعد يمهم لمن صارت الساعـة 12 بليل انا مشغل فلاش تلفونـي واقرأ زيارة عاشوراء خلصت اروح اقرة قرآن وارجع اقرأ زياره عاشوراء

لمن خلص شحن تلفوني وانطفى نهائياً صار الضلام دامس
واني بنص المكبرة تجيت راسي على قبر مؤمل وغفيت .

صار الصبح واني محاس على روحي فزيت على ايد بنت تندس بظهري وتكعدني فتحت عيوني

لكيتها صغيرة ما تناهز العشرين من عمرها عبايتها كلها تراب ومن جوة بيهن طين لان امبين واصل الهن ماي والكاع اتراب صارت طينة ..

اردفت وياها بعد ما قدمت الي بطل ماي اغسل وجهي بي لمن اخذتة وغسلت رديته الها ورجعت انطتني بطل ماي شرب .

شربت شربة منة حتى استعيد شوي من نفسي ورديتـه الها

الفاروق الاعظم _ بهمس _ ;: الســلام عليك يا ابا عبد الله .

_ اعتذر خويـة كعدتك بس خفت عليك مو زينة النوم يم الكبور ..

_ لا عادي اختي ومشكورة لان كعديتي هاج الماي

_ بقي عندك خاف تلعب نفسك او شي

_ لا مشكورة انا اصلاً هسة راجع ما مطول هنا بس تلفوني طافي شكد الساعة هسة ؟؟

_ الساعـة هسة عشرة ونص

_ شلون هيج نمت ..

_ انا لمحتك من اول ما اجيت الصبح ب7 بس اتغاضيت عنك كلت معلية بس من ردت اطلع هسة كلت مابيها مجال خليني اكعدة ..

_ هوواي اشكرج بس عادي سؤال ولو تدخل منـي

_ لاعادي اسأل !!

_ انت يومياً تجين لهنا ؟

_ ايي انا أجي علمود اغسل قبر ابوي وامي كل يوم

_ الله يرحمهم ..

_ وانت ؟

_ انا ههه انا هاذا قبر اخوي الصغير وهذا قبر الاكبر منة وهذا قبر تؤأمة وهذا قبر امي وذاك قبر ابوي ويمة قبر اخوة( عمـي ) وقبر ابوة ( جدي )

_ الله يساعد گلبــك شكم مصيبـة شايل انا ذول الاثنين وروحي تغلي عليهم ..

_ هاي بعد نصبر بروحنا والله مع الصابرين

_ الله يرحمهم أجمعين

_ ويرحــم موتــاج ..

_ يلا انا اترخص

_ الله وياج ツ ربي يحفضج ويستر عليج

تركتني البنت وراحت واني نفضت التراب عن روحي ورحت اشيل اغراضي ضليت صافن على القبور رجعت كعدت ورجعت اقرأ الزيارة وقران لان ادري هلشي جاي ينزل رحمـة عليهم ف طولت

وهي ساعات قليلة رفعت راسي لكيت البشير قيصر و علي السجاد كدامي اول ما حطيت عيني بعينهم وكمت على حيلي سحبني البشير وحضني واردف بحركة وخوف ;

البشير قيصر :: شلوون هيج ادلوب رووحيي شلوون تسوي بيــة هيجي ولك ليشش ؟

_ اسسف والله مقصدي اخوفكم عليـة بس التلفون خلص شحن والليل اخذاني بقيت هنا

علي السجاد :: جنت اطلع لشارع واتصل من اي شخص ونحن نجيك شلون تنام هنا ؟

_ تخاف علية وانا نايم بنص اهلي ؟؟

علي السجاد :: حت لوو فاروق تبقى مكبرة ميصير غلط

البشير قيصر :: مو وقت هلحجي صار الي صار تعال وياي يلا تاكل وتغير ملابسك ..

_ حيل تعبان و جوعان

البشير قيصر :: يخسسسي الجووعع تعال يبعد اهلي تعال ..

علي السجاد :; خلينا هسة نروح لمطعم ناكل و بعدين نطلع لبغداد ..

البشير قيصر :: هذه الراح يصير ..

مشينا انا واخواني وصعدت بالسيارة وطلعنا للمطعم اتغدينا و بعدها اتوجهنا لبغداد وبعد ساعات قرينــة بغداد ترحب بكم ..
دخلناها في سلام امنين ..

"" طيبـــة الزهراء ""

مرت الساعات عليــنة والبيت هادئ واليوم ماجان اكو ملا لان تعبانات النسوان منا للــتاســع يالله نسوي قرايـة يعنـي بعد يومين وجان الكل بالبيت ما عدة عمي عبد الحسن الجان بالمستشفى واخوي المعتز جان طالع
والولد كلهم وجانو كاعدين بالصالة ويسولفون ويضحكون ..

وغدير الله لهسـة ما صاحيـة والدكتورة كالت من اثر الضرب الي اتعرضت الة تتاخر بعد يومين لمن تصحى ف بقيــنا على هذا الامل ..

نزلت الدرج حتـى اكعد يمهم نزلت واني ادندن بيني وبين نفسي اكثر قصيدة مغرمــة بيها انا
لشاعــر السيــد حيدر الحلي

__ الله يا حامي الشَّريعهْ
أَتقرُّ وهِيَ كَذا مَروعهْ!

بِكَ تَستَغيثُ وقَلبُها
لَكَ عَن جَوىً يَشكو صُدوعَهْ

أَينَ الذَّريعَةُ لا قَرارَ
عَلى العِدى أَينَ الذَّريعهْ

كَمْ ذا القُعودُ ودينُكُم
هُدِمَتْ قَواعِدهُ الرَّفيعهْ

انقطع صوتي وي نفسي وانا سمعت صوت الباب الشارع ينضرب بهستيرية كام علي الباقر وطلع يشوف منو
وطلع وراه علي الهادي بعد ما انطى علي التقي لــ لينا
وكذالك علي السجاد كام وطلع وجان مخلي نور الزهراء بحضنه اخذتها العلويـة

صابني نوع من الرعب منو يكون اليدك الباب بهايق الطريقة وكذالك صابنـي الفضول اعرف منــو هذا

صعـدت ودخلـت لغـرفـة رحمـة الزهراء سابقاً لان غرفتها جانت تطل على الشارع

فتحت الشباك ونصدمت من الشفـتـة كدامي
هذا علي الصادددق جاي وشايل سلاح ..
وعلي الباقر و اكف كدامة. و علي السجاد و علي الهادي يهدئون الوضع

مجنت اكدر اسمع شي من اليحجون بي لان انا فوك وهم تحت .. بس جنت اشوف مناضرهم الجانت تخرع وعرفت علي الصادق جاي و ناوي على الشر ماكو غيره

قررت اخذ موقــف واتصرف شيء اذا بقى علي الباقر بهاذي عصبيتـة و علي الصادق بخباله راح يسوون النا كارثــة وطلعت فكرة براسي بس جنت مترددة بين الخطي خطوة واسويها لو اعوف الاخوان واحد يخلص على الثاني . بس اخذت قراري بسرعـة ونزلت اسوي الفكرة واطلع الهم .

"" علي السجاد ""

سمعنــا صوت دك للباب الشارع قوي حيل طلعنا انا و علي الباقر و علي الهادي
واول ما فتحنى الباب طلع بوجهنا علي الصادق !! وشايل بيدة سلاحة جان علي الباقر كدامة
وبدة يصيح علي الصادق بكل حيلة

علـي الصادق :: وينننةةة لييشش ماا طللعع ليش خلاكم انتم تطلعوون ميريد يواجهنـي ميريد يشووفنـي
مو هو كاتل روحة وسوة اخوي قضية شروع بالقتل اشوو اليوم اريد اسويهااا صددك وعود انتم ارفعو عليـة قضيــة قتل مع سبق الاصرار والترصد عااديي اتحمل العقوبــة

هنا علي الباقر حيل عصب ودفع ب علي الصادق حيل لورة وصاح بية

علي الباقر :: گــصر حسكك والسانك لا ادفنك هنا ويلا اخذ رشاش الماي هاذا البيدك ورروح اتوكلل مناا يلاا

علي الصادق :: رشاش الماي هاذا اليوم راح يتفرغ بالراس عبد الحسن كلة لو اناا لو هو اليووم وعلي والخلقنييي وخلقكــم لاخلي هاذا ليلكم نهاااارر من الرصاص الراح اصرفـة .. لأخليي النوم ما يطر عيونكم مثل ماهسة النوم مايطر عيون اخوي الخليتو بالسجن ضلم

علي السجاد :: صلي على النبي علي الصادق نحن اخوانك الكبار لا تنسى هلشي

علي الصادق ;: هههههه اخووونييي كلتلي لااا انتم ولد عبد الحسن مو اخوانيي ويـــنةة السيد الي مرجف كلوب النااسس ويينــة خلي يطلعليييي لاف بعباية العلوية ؟؟

عصب علي الباقر حيل وراح وضرب علي الصادق بوكـسي على عينة وصاح

علي الباقر :: اكضب السانك يا حييوان تخسي انت واشواربــك السيد يلتف ورة العلوية فهممتتت

راح علي الهادي وصار بنصهم علمود يفرقهم عن بعض وكذالك شفت طيبة الزهراء طلعت من الباب

كام علي الصادق من الارض ومسح الدم جان طالع من حلگــة ورفع اسلاحة وسحب اقسام
والعصبية جانت تارستة رمى وما انتبه لروحة

━━━━━━━━━━━━━━━━━━━━━━━

__ يكِلها خـاف أسلوفلچ؟
ووجهچ ينَخطف لـونه

يَــتــبــِع ☜ ♡ ☞