رواية احفاد السيد : الثار ( بأجزائها الإثنين ) الفصل الخامس والعشرون 25 - بقلم ​رُقَـيَّـةُ الْأَكْـبَـرُ

#الســــادة

" أحــفـاد السيد : الثار "

بقلم الكاتبة رقيـــة الــأكـبر

قبل كلشي اتركو تصويت ومتابعة لحسابي هذا
oo_ll13

وتعليق حلو مثلكم 💗✨

__ ثقل ميزانــك بذكــر الله

_ سبحان الله
_ الحــمد لله
_ لا اله الا الله
_ الله وأكـــبر
_ لا حول ولا قوة الا باالله
_ سُبحان الله العضيم
_ سُبحان الله وبحمدة
_ أستغفر الله واتوب اليه
_ اللهم صل على محمد وال محمد

─────────────────────────

__ أحياناً كل ما نحتاجه ،
هو شخص يلاحظ ما وراء صمتنا .

─────────────────────────

"" صــيوان ""

بقيـت اباوع لرجال و اباوع لعمي معقول هذا صدك علـي الكاظم ؟؟ شنوو رجعـة اووف شكد متغيــر وكبران .
شذكرة بينا بعد كُل هاي السنين ؟؟
رحت يمة واخذتة من ايدة اريد ابعــدة عن عبد الحسن بس هوة جان مصر ومتقصد يضل لزم ايدي وشالها
واردف بوجه ابوة .

علــي الكاظــم :: اييي علي الكاظم يا بويــة علي الكاظم الكضيت عليه السنين وهو الناس تفكرة يتيم بس هو عندة اهل ..

صيوان :: اكظيم تعال وياي عوف عمـي هسة امشينا .

_ لاا ليش انا اريد هسة نحل كلشي مو هوة كاتل روحـة مجاي يفارك المواكب زين كلي شنو اتعلمت من الحسين ؟؟؟ هاااا الحسين اتخلى عن علي الاكبر واتبرى منك ؟؟ بويــة الحسين راح وكعد يفهم المواضيع من راسة ويحمل الناس خطأ تفكيرة وكعد يسوي عداوات ؟؟ هاا احجي جاي اسمع شنيي علمك الحسين الانت ماخذة قدوة الك الهاد حيلك هسة بالعزاء مالتة شنو ماخذ من صفاتة ؟؟ شنو القيم الخذتها منة ؟؟
هههههههه انا اكلك وكافل زينب ما اخذذت منة شي
هاي و كفتك اقسم عليها فقط منضر ..
كلشي مااكو انت يا بوية فقط منضر تريد الناس تشوفك وبس ولو انا غلطان جاان مشفت هذا حالي ..

اناا و اخووي علـي الصـادق ضحـية لأنانيتك يااا عبد الحسن .

صيوان :: علـي الكاظم امشي يخوي منا العالم كافي تصيح كاافي امشي ..

_ هوة انا ماشي راح امشـي وخر ايدك عني راح امشي وبدون ما احد يگودني اندل طريقي .
شوف عبد الحسن اذا مفكـر اجيت لهنا لاطلب مساعدتك لو اكلك سامحنـي !! انت غلطان وهوواي
هاي انا كدامك علـي الكاظم احمد صادق
ابوي مــآت من اسنين ولهذا انااا
راح اشوف اخواتـي وراح التقي بأمي و اخواني وانت متكدر تفـك حلكك وتحجي ولا تكدر تمنعني واذاا صارت وحاولت تسوي لهم مشاكل لان انطوني مجال
وحك صاحب هلعزاء لشياطين الارض كلها اخليها تضهر كدامك ..

لمن اندار وراد يروح كضاه عمـي من ايدة وخلى يفترك النا وصـار وجه بوجه وي عبد الحسن واردف :

_ تريد تضربنـي ؟ كلامي ما عجبك مو ؟؟

عبد الحسن ;: لو جنت سامع هذا الكلام من ابني جان ضربتة بس هسة ماكو مجرد غريب يحجي ميهز بية اشعرة .

_ هههههههههه سبحان الله لحد الان متفاجئ من شغلة وحدة بسسس

عبد الحسن :: الي هية ؟

_ شلون سيد وهيج كلبك جلد ؟ شورثت من جدك رسول الله الكال رب العالمين علية :
⇦ وانما لم ابعثك الا رحمة للعالمين ⇨
شنوو الي ورثتة من جدك هااا وهوة جان مبعث الرحمة والحنية

عبد الحسن :: لااا غلــطـان انت انا رحمتــي واسعـة كلش هواي بس ما شاملــة امثالـك ..

_ ههههههههااي صحيح اصلا انت رحمتك ما شاملة حت روحك لك انت حتى روحك ما ترحمها تكسر الخاطر انت والله

رفع ايدة عمي يريد يضرب علي الكاظم بسس علي الكاظم لزم ايد ابوة ورجعها لمكانها بقوة ورفع ايدة بوجها ☝️محذرة .

_ ديرر بالكك ترفع ايدك لو تفكر تسويها مو طفل كدامك ولا انا ابنك خاطر تتحكم بية احجي الي يعجبني والي يجي براسي ومحد يكلي على عيني حاجب .

_ امشيي منااا كاظم ..

_ ههههههه راح امشي انا بس اريد اكلك شي ارجع وفكر بنفسك وعلي انا منكسر خاطري عليك لا اكثر ولا اقل لان كلشش جاي تضلم نفسك حيلل
واصلا انا اجيت بس اراويك وجهي خاطر تعرف علي الكاظم و علي الصادق رجعو بس هيج تخلي هاي الفكرة براسك يعني بأي لحــضـة تلكاني ملتقي بأمي واذا بيك الخير امنع هلشي يصير ..
مـــع الســلامة ..

دار وجهــة وراح وبقى عمي صرت اشوفة شلون اغتااض حيل والله لون علي الكاظم غريب انا اضمن مراح يبقى عدل جان عمي خلص عليـة وعلى الاخر ..
بس مهما يكون يبقى ابنــة ويمكن صدك عمي سوة اشياء بحياتـة تكون خطأ بس منكدر نحجي وياه شي
لان بتالي راح نطلع كلنا خطأ وهو الصح الوحيد لذالك غسلنا ايدينــة من ناحيـة الحجي وياه ..

تركــني وراح دخل الموكب وصرت اشوفـة يشيل بملابس التشابية ويشمرهن على صفحـة وهو بالـة مو يم الي بيدة اببددد ..

"" طيبــة الزهراء ""

جنت احاول استجمــع أفكـاري خاطر اجاوب
على سؤال المعتز باالله
انا مغمضــة عيونــي وما فتحتهم ابد
والمعتز باالله جانت كل ثانيـة تمر علية هو يشد على ايدي
فجأة وبلا سابق انذار حتى
حسيت بأيد المعتز باالله انشالت من ايدي وابتعد عني وحسيت طرف ثالث اجة لكدامي مجنت اريد افتح واشوف امي او رحمة او عمي مدخل وراح يعرف السالفة و من جنت بواحد صرت بأثنين ياا ربيي
بعد ثواني زفرت النفس وفتحت عيوني
لكيــت علي الباقر واكف كدامي وهوة لازم ايد عزوز
دفع عزوز لورة ونتر بوجهـة وهوة رافع اصبعــة بوجـه اخوي . :

علي البـاقـــر :: المرة الجايــة قبل لا تفكر ولو فكررة صغيرة تضر طيبات خلينــي چدام اعيونك لا اعميهم الك
ولك طيبات مو تايهة الك خاطر تسوي بيها هيج من كيفك زحمةة استحيي على وجهك بت هااي

المعتز باالله :: علي الباقر انت متعرف شسووت

قاطع كلام المعتز باالله وعاط بوجهـة وكال :

علي الباقر :: وما عسااهاا مسوية حت لوو تبقى بتت وانت زلمــة زحمـة تصير على وجهك شوارب وانت ترفع طبقـة صوتك بوجه بنت فما بالك وانت تريد تمد ايدك عليها تستقوي عليها ولك ؟؟؟
مرتاح ابوك ماهو عبالك شتسوي محد يحاسبك لو يكلك شي ؟؟

ضل المعتز باالله يفتر بمكانة ومسح وجهة ابين ايديه
وانا من منضر المعتز الهستيري خففت صرت بظهر علي الباقر حيل
وبيدي لزمت بدشداشتة من الخلف حس علية هو اندار الي على كيف نزل ايدي ولزمها ورجع باوع للمعتز باالله الي بدة يضرب راسة بيدة ويصيح ..

المعتز باالله :: خلهاا تفهمنيي وين جاانتت وينن جاانتت الساعــة 3 الفجرر لون شايفها واحد ويسالون العلوية شعدها طالعـة بهل وكت ابيش نجاوبة ؟؟ خلهاا تطيني جواب وين جانت لا تحميها هيج بظهرك اهي لو ما مسوية شي غلط جان ما صارت هيج خايفـة توكف كدامي وتكلي هيج وهيج بيها شي يخووف ؟

علي الباقر ;: بهاذا منضرك انا خفت متريد هاي الطفلة تخاف شمالك معتز متسودن حيلل شمالك ابتليت على عمري خليت طيبات تفوت لوحدها لان جنت ادخل السيارة للكراج ؟؟؟

رفع راســة المعتز باالله وصار يباوع لعلي الباقر برفعة حاجب وكأنـة ارتاح شوي وهم ونزاح وارتاح صدرة لمن اردف وياه بسؤال :
بعد ما حتـى انا ملامحي تغيرت من كلام علي الباقر اووووو شسووه هذاا يرربيي كلامــة وطريقـة تصرفة طبيعي حييلل
سواني جنت وياهه يااا الله على هذا الرجال !!!!

المعتز باالله :: طيبــات جانت وياك ؟؟

علي الباقر :: لو منطيها شوي مجال تحجي وانت هادئ جان حجت وكالتلك ان جوة احتاجو هيل وانا جنت هنا مردتها تروح لوحدها ردت اروح انا للمجمع واجيب
بس هي لزمت الا تروح وياي تريد تتنفس شوي ف اخذتها ورحنا وما حصلنا هناك من رجعنا كتلها روحي ادخلي كدامي واني فريت السيارة للكراج واجيت لهنا لكيتك ..

المعتز باالله :: اهاااا هييج استغفرر الله رب العالمين ..

سويت روحي زعلانــة عفت علي الباقر و المعتز بالله ودخلت لجوة نزعت الصايـة و الحجاب حطيتهم بالستقبال ودخلت لصالة الهن وصرت يم رحمـة الزهراء تشتغل بالمطبخ وتسوي ثواب .. وصرت اساعدها ..

"" علــي الباقــر ""

عافتنا طيبــة الزهراء ودخلت جوة رجع المعتز بالله يمسح وجهة وباوع بوجهيي واردف ..

المعتز بالله :: اعتذرلك خويــة والله اعتذرلك للصاار

_ لا تعتذر مني اعتذر للشكيت بيها شلون هيج تسوي بأخيتك تربية ابوك وجدنا هاااي ..

_ ماعرف علي الباقر مدري شصار بية طبلات عقلي طارن بس لمحتها تفوت من الباب الساعة فجرية واختي تطب من الشارع اتخبللت وعلي زين ما دخلت عليــنة ولكيتها مذبوحة اتلاكتنا وعلي ..

_ شهلحجي ولك ادور احسب منا للعشرة لان هاي العصبية صاحبة الشيطان مو كل مرة تسلم الجرة عزوز علم نفسك تهدئ وهم خلي براسك انت هسة ظنيت باخيتك وان بعض الظن أثــم

_ استغفر الله رب العالمين ..

_ روح نـام وارتـاح امبين حيــل تعبـــان من عيـونــك

_ ما نمت ابد بس ساعتين من رجعنا لهســاع

_ چـاا روح نـــام ..

_ وانتَ ما تريــد تچي تنام ؟

_ لا راح اخذلي نفس جكــارة واجي انام هم حيلي مهدود

_ تمام تصبح على خير

_ تصبح على ولايــة المهدي ツ

عافـنـي المعتز باالله وراح دخل البراني وسد الباب وانا كذالـك رحت للحديقــة الخلفيــة وكعدت على المرجوحـة وصرت ادخـن واني استغفر بداخلي ..
جذبت على المعتز باالله خاطـر احمي طيبـة منة لان ادري بي مسودن وما يفوتها الها واني من خوفي عليها سويت كلشي بلا شعور !!
وحتـى ما اجـى براسي اسأل روححي هي وين جانت ؟
صدك بهاذا الوقت وين وليش هلكد خافت لمن شافت المعتز باالله اخذت تلفوني واتصلت على اريج الله
وبعد ما ردت عليــة ..

أريج الله :: ها خــويــة ؟

_ اريــجة اتصلت اسألنچ على شغلة

_ ايي ححبيبــي كول شنو ؟

_ قبل شوي هم طلبتوا من طيبات تطلع تجيب الكم كم شغلـة من برة ؟

_ طيبــة الزهـــراء ؟؟

_ اييي

_ لاا مطلعناها ابد اصلا احتاجينــة ماي و اتصلنا على شبر و شبير هم اجوي وجابو النا مو مخابيل ونطلع طيبات

_ اهاا تمام

_ ليشش اكو شي ترى طيبات ذيج هية بالمطبخ يم شيــخة !

_ لا ماكو شي بس اتذكرت ان انتن يمكن تحتاجن شغلة ف خفت لا تطلعن دازات طيبات

_ لا خويــة اصلا اميي متقبل مو امها

_ خوش

_ محتاج شي ثاني يروححي ؟

_ لا ينحــري بس بالج لنفسج ولا تخلي عينج تغفل عن طيبات

_ لا توصي

_ صمامي الرئوي انتِ

_ مــع السلامــة

سديت التلفون واني جمار كلبي اشتعل !!!
اذا ممطلعيها يعني اصلا طالعة بدووون علم الاهل كلهم يااا الله شنوو جاي تسوي بروحهاا هاي البنت ؟؟
شنيي تطلع بهل وقت وين راحتت ؟
لااا لاااا لاا علي البااقرر توك تكوول لعزوز أن بعض الظن أثم لا تصير مثلة اششش كاافيي لا تفكر بشي تسمع منها واذا ما حچت غصب عنها تحجي

بس اكطع تفكير راسي والاقتراحات التجينـي ..

دخلت للبراني وسبحت المخدة اتمددت وحطيت راسي عليها وحطيت ايدي على گصتـي
وايدي الثانيـة خليتها على بطــنـي .
وبقيت اباوع للكدامــي وافكر شغللتت ابوو راسي هاي الطفلـة خافنها متورطة بشي خاف احد جاي يهددها بصورها لو شي وجاي يبتزها !!!
خافنها صايرة لها شي من ورة سوالفها من التهكير وسحب الحسابات ؟؟
ملييـاار سؤال طرة على راسي وجان يجي سؤال بعد سؤال ومحد يكدر يجاوب غيرها ..

غمضــت عيونــي وانــا اتأمل انام رغم التعب البيــة . والأرق الصايبنـي بس حاولـت انام واغفى ..

"" البــشيــر قيــصـر ""

عفت الموكـب ورجعت للبيت لمن لاحضت التعب على وجه زلمي شبــر و شبيـر اخذتهم ورجعت بيهم للبيت حتى ينامون ويرتاحون وجانت هاي على قرابة الساعـة
12 : 4 الفجر .
اول ما دخلنا البيت رديت الباب وراي وصعدو هم لغرفتهم واني كعدت افتر بالصالـة ورحت للمطبخ سويت عصير برتقال طبيعي وصعدت الهم ..
اول ما فتحت الباب لكيتهم كلمن ماخذ مكانة ونايم بفراشة كعدت ابيناتهم وحطيت الصينيــة على الطبلــة

_ يلا ابوي اشربو العصير ونامو ..

شبـر :: مابيـة اشرب انا

_ مو بكيفك اهي هااك اشربة صگة كلة ونام

شبر :: بويييةةة

_ اشرربب شبر لا تعاند وانت شبير يلا هاك اشرب اكلاصك ..

شبير :: انطينــي

_ هاك يلا بابــة يلا عزيزي اشربة وناام عصرتة بيدي ولك متشرب من ايد ابوك ؟؟

شبر :: انطيــني

_ هاك

بعد ما جرعو الكلاص كلة ولان جان بيـة شوي مرارة لان
انا مخلي بي فيتامينات و منـوم لان شفت شلون تعبو وخفت لا يصيبهم الأرق لهذا ردتهم ينامون ...

غطيتهـم وطفيت الضوء وسديت البردة وطلعت نزلت لـجوة نضفت المطبخ و كنست الصالة كلها .

ورحت صعدت للفوك رحت للحمام الچبير لكيت الملابس بالسلة اليوم جميلة ممسوية شي لان من الصـبح رايـحة لبيت عمي وي النسوان .

اخذت الملابس حطيتهم بالغسالة وحطيت الزاهي حك الاسود وشغلتها ورحت لغرفتنا رتبتها وكنستها كلها
ورتبت الفراش

ورجعت طلعت الملابس و غسلتهم بماي نضيف وحطيتهم بالتجفيف وخليـتة يفتر ..
انتضرت يمة خمس دقايق وكف طلعت الملابس كلها
ورحت حطيتهم على المشر بالحوش .

وسويت جاي وكعدت بالصالة اكلب بتلفونـي و اشرب .
واستلمت رسالـة من رقــم متسجـل عندي بأسم
: شيــبـي و شبابــي :
اييي جميلاتي هاي صاحبـة الرسالة مدري ليش عدلت كعدتي وفتحت الرسالة بأبتسامة عريضـة وجانت كاتبـتلي

جمــيـلـة :: أنتَ الشريانُ النابض ‏فِي لُبابة قلبِـي .

ضحكت حييل مدري شنو اجة. على راسها ودزلي هيج رسالة لان هي بعزاء الحسين وكاعدة تفكر بية ؟؟

قريـت الرسالة وغلقت التلفون ورحت لتلفزيون شغلتة وطلعت قناة الـكوثـر جانت عارضـة مسلسل المختار الحلقـة 12 كعدت اشوفها واندمجت وي الاحداث وجنت مركز على منطوق الكلام .

واني بنص التفاعل رن تلفوني شلتـة وضغطت على زر الرد بدون ما اشوف منو المتصل
حطيتـة على اذاني وصحت ...

_ الووو ؟؟

جميلــة ;: ويــن حضرتـك ؟؟

سمعت صوت جميلة اجاني من السماعة شلت التلفون اوو جميلة المتصلة كتمت التلفزيون واخذت ارد عليها بعد ما رجعت واردفت ..

جميلـة :: هاملنــي صاير حتى متهتم بيــة .

_ جميلاتي وقت هلكلام اني شوكت فاركتج حتى تكولين هاملنـي وما اهتم بيج اشو تـوج رحتـي عنـي بس اليوم ترى

_ هاا وانتَ تريد ترتاح منـي لا كولها عاادي

_ خلصصت القرايـة !؟

_ لا تغير الموضوع

_ لاا صددك سؤالي خلصصت القراية اشو هدوء وين الهوسة او وين انتِ ؟؟

_ لاا النسوان كامن يتوضن مابقى شي للأذان وكاعدة الملا تقرا الهن زيارة عاشوراء على ما يأذن

_ بارك الله بيكم الله يتقبل وينال النضرة من صاحب العصر والزمان ..

_ اايي والله ان شاء الله صدك بشايري

_ آمرينـــي و ادللــي

_ الولد وينهم ؟

_ نايمين فوك لا يضل بالج

_ وليش انت متنام ليش كاعد لوحدك وفوكها دا تشوف رسايليي ومتردد بشير دا تخوونيييي

_ هذا كلامج خلي بكلبج ومن تجين يمي احجي وياي

_ اهاا ليــش ؟؟

_ علمود اكدر اكتلچ لان هسة بس راح انغث منج ما اكدر اطلعلج من السماعة ..

_ ينطيـك كلبك تكتلنـي ؟!

_ هو مينطينـي بس اخلييي لان تستاهلين

_ هااااا بشيرر انا استاهل ؟؟

_ ايي جا شني وقت هاذا حجيچ بس تردين تنگدين ترى ميلوك كبار على مواضيع المراهقين هاذي

_ جاي اباغتـك شبيك

_ تردين تتعاركين وتكليلي اباغتك

_ خللصص مااحجي بعد

_ جمـيلاتــيي

_ عيــونهــا ..

_ احبچ هواي يـا بعد كُل شبيـة طلعت براسي من فراكچ

_ ادري بيك تحبني واكثر من اي شي

وانا على الاتصال سمعت العلوية تناديها ودعتني وسدت الخط ..

_ جاي يصيحوني ححروح

_ بالج لنفسي المستودعها عندج

_ ههههه وانت هم بالك لنفسي العندك

سدت التلفون وراحــت واخذت كوب الجاي ورحت للمطبخ غسلتة ورجعته لمكانة وغسلت القوري ورجعت المطبـخ كأن محد داخل الة .

حسيت بتعب ححيل وصعدت حتى انام وشمرت روحي على الفراش وشغلت تلفوني لكيت الشحن 19%
كمت وصرت ادور على الشاحن

ولمن فتحت الجرارات الي يم فراش جميـلة لكيت اوارق
وياريت ما لكيتهـم ..
شلتهم واني مستغربهن محطوطات على وضيعة كأن متريد احد يشوفهن كعد على الجربايـة وبديت اقرأ ..

""" أريـــج الله """

أبوي و علـي السجاد بااتو هاي الليلة ابيت عمي الحسن المجتبى وي علي الهادي و علي الرضا

أما المعتز باالله و علي الباقر اختارو يرجعون
لهنـا وينامون بالبراني ودخلـو يمكن من الباب الخلفي الي يدخل من الشارع للبراني .

ولمن صارت الساعــة 10 بليل بدت النسوان تجي وبكثرة انترس البيت مَ شاءالله
وكذالك الله يقبل هذا العمل القليل كلشش
وناخذ نضرة وحدة على الاقل لهذا المجلس من صاحب العصر والزمان ومن امنا الزهراء

وكفــت الملايــة وبدت تقرأ فزاعيــات اعمارچيــة ليوم السابع ..

وجنت كاعدة انا على الدرج الباية الثانيـة ويمي جانت رحمة الزهراء كذالك كاعدة ومتچيـة راسها على المحجر

وصرت اباوع لنسوان شلون يهوسن ومسويات ميدان باللطم .

ولمن خلصت الملايــة كعدن النسوان وكامت جميــلة و أم البنين وقدمن الماي الهن

وليــنا و وَهج الطف قدمن الهن العصير ليرتاحن ويبردن كلبهن من الهوسات واللطم

وانا جنت مجرد كاعدة وانضر الهم الحيل راح من رجليـة مابيـة حتى اتحرك بضع خطوات

بسبب تفكيري بصلة رحمـي غديرتي النايمة بالمستشفى متعودة كل عام هي وياي بهاذا اليوم

كمت افكر بالي صار وياها وشنو عاشت من شعور ؟؟
ياعمت عيني عليج يا خيتي ..
شنو راح يكون رد فعلج لمن تكعدين وتعرفين اوليدج المنتضرتة والي حاسبتلة يوم يوم رااح بلحضات
يااربيي قهرر ما بعده قهرر

شنو مسـويـة خاطر تتجازين هيج ؟

بعد دقائــق سمعت النسوان يطلبن من الملا قرائـة شي للحُسين ( عَ )

وكعدت تقرأ بصوتها العذب الي جان يخترق مسامع الوجود صوت شجي وحزين تجبرج تنزل الدمعة من عينج حتـى لو هي تقرأ فزاعية مو نعي

بقيت استمع وهي تقرأ القصيدة مالتها بصوت خافت شوي وهادئ وانا الطم راسي بيدي على الخفـة

صحيح كدامي نعي لمصيبة الحُسين ( عَ )
وبراسـي صافنـة لمصيبـة اختي الصارت الها

ما نريد نعترض على حكــم رب العالمين
بِ ولا شكل من الاشكال بس على كولة باسِم
بعض المصايب صعبــة تتفصل !!

وبعضهن صعب حتى التحمل بيهن والصبر على تبعاتها
اخذت اخطي بخطواتي الضعيــفة وكمت على حيلي وانا وي وكفت لا ارادي ناديت ( يا علي )

شي ماخذي ونحن صغار رغم بعدنا شباب وبالحيل بس اتعودنا وتعلمنا من اهلنا اذا ردنا نكوم نصيح يا علي اذا ردنا نشيل شغلـة مو مهم حجمها ننادي بي

صعدت لفوك ودخلت لغرفـة اخوي ورحت لــ نوني ( نور الزهراء ) شلتها لان جانت تبجي وصرت اهدء بيها واناغيها .

ولان حسيت راسي صدع حيل رحت بيها لغرفتي وحطيت راسي على المخدة وحطيت نوني على ايدي وخليت الممية بحلكها وصرت لازمة الممة واقرأ باذانها بهدوء

حتى تهدأ وتنام غمضت عيوني وصرت ادور على النوم هوواي بس ما حصلتة ما طر النوم عيوني

باوعت لسگف ورجعت اباوع لــنوني وصرت اشوف عيونها شلون كامت تغمض وتفتح جاي تغفى شوي شوي خففت المميـة واول ما غفت شلتها من حلكــها وحطيتها صفح

بقيت امشي ايدي على خدها يمممةة فدووة لله ولعطيتة مو طفلــة تنكررط من الكياتــة مالتها

المهم اذكر بذيج اليلة بقيت اچعص بخدود نوني واستكشف بيهن واني اضحك من كلبي

جانت نوني ححيل تشبــة امهاا لينا بشكل مو معقول
يعـنـي ماخذه بياض امها الثلجي
وماخذه عيون لينا عيون الريم

رغم نوني عمرها كمل الشهر بس اللهم صلِ على محمد وال محمد عليــها عيونها يوسعن بلد .
جانت امي تخاف عليها من العين كل يوم تقرأ عليها المعوذات من تكعد الصبح وتخلي امها تقرأ عليها قبل لا تنام .

كمت من مكاني وشلتها وطلعت بيها رجعتها للغرفـة يم اخوتها وحطيتها بالكاروك

ولكيت علي التقي و علي النقي كاعدين بس ما يبجون جانو يلعبون مطلعين ايدهم من الكماط ويحطوها بحلكهم . سويت الهم حليب بماي فاتر وكعدت ارضعهم
ولمن خلصت جانو دايخين حيل عفتهم بهدوء واتصل علي الباقر طلعت وسديت الباب وراي ورديت على اخوي

ولمن خلصت الكلام وياه سديت الخط

واني نازلـة الدرج وبعدني وصلتنـي رسالـة من رقـم غريب يكول بيها مدري تكول بيها والله معرف منو الدازها ولد ولا بنت !!

محتوى الرسالـــة

〖 سَوف تأتـي الساعـة و نشـاهِـد كَيف يَصبِح غُصن مُستقبلكِ يلين و ينحنـي و سَوف أجعـل الجميـع يشاهدونــة بل و حتـى سوف اجعلهم يستطيعو لمسـة سوف اجعلكِ أداهٌ للــمرح .. و تتحولين مَن العلويــة الى مشردة أو غـِـسل عار و هذا وعد 〗

قريت الرسالــة وكلشيي ما فهمت منها ولان جنت حيل تعبانـة والحيل مبيوك منـي اختصرت الوقت على نفسي
وعقلــي حضرت الرقــم وحذفت المراسلــة من الطرفين

ونزلــت كعدت يم امي وعمتـي

ما اكلت اهمييـة لرسالـة ابد ولا فكرت بيها مجنت اعرف ان من بعد هاي الرسالة حياتي العشت بيها 26 سنة راح تتحول 180%

ياهي مثلي جانت كلب اصغر اخوانها احساس حنيــتة ينجاس ما ينحس بي
جنت محتارة ابجي لصار بية لو ابجي لفقدان اهلي
لو ابجي للضلم الي اتعرضت الـة ..

يارييـت فكرت بذاك اليوم بموضوع الرسالـة واقل شي جنت خليت واحد من اخواني يشوفوها ياارييت ما استهزئت بيها هلكد لان بعدها دفعت ثمنهاا عمري

"" آنـــمـــار ""

لمن كضيت صلاتــي وكعدت اقرأ قرأن يم راسها واني امشي ايدي على راسها .. اسودت حياتي كلها بعد منضر شوفتها وهي نايمـة هيجي .. اضربت راسيي بالوييل كلة من ورايي جانت عايشة باحسن ما يكون انا سويت بيها هيج هاي لعنت زواجنا يا الله ..

اتصلــت على ابوي ( سائــد ↲ قصطير )
بس ما رد عليــة ولمن رجعـت واتصلت كذالك ما شفت رد بُست غديرتي براسها وطلعـت بعد ما وصــيت الدكتورة و الممرضات عليها وتوجهت لبيـت اخوي علمود اجيب جواب لسؤالـــي !!

اول ما وصلــت رحت ودفرت الباب برجلي وطبيت بوجهي للجوة البيت لكيتـة متنونس بالوضع وكاعد يشرب اخذت الكاس من ايدة وشمرتـة بلأرض
وكلبت الطبلـة الكدامة وطيحت كل الجان عليــها !!

كام و وكف كدامي واردف ..

بـــنــدر :: شبلاك يمهبوول !!!!؟؟ اشنو وضعك هاض يولِ

عتيتـة من ياخــة قميصـة ححيل ونترت بوجة .

_ سؤال واحد ماكو غيرة واريدك تجاوبب سمعتني

_ شيل ايدك عنـي ويلا احجي أشنو سؤالك ؟

_ أبوي طلب منـك تأذي مرتـي هيچ ؟؟

بقى صافن بوجهي لو واحد غريب جان اتكسر جوة ايدي بس اخوي الجبير مجنت اكدر امد ايدي علية. ولا اكدر ارفع عيني بعينة لهذا اكتفيت بس احجي وياه وانا عاجز اسوي شي ..

_ جااوبنــيي بنددرر جااوبنيي لا تضل منجعم هيجي احجي ول الله ما سويلك شي وانا شبييدي اقدر عليكم. احجيي ليششش بس هذا السؤال ليش !!

_ أشنو داتحجي انت ماعرف بشنو تحجي

_ بندرر لا تجذذب لك من غبائك حتى ما خلصت هاي الشغلتين بعيد عنك انت غبببـي وجاي تكشف روحك بروحك

_ كتلكك ماعرف عن اشنو تحجي من الأساس روح بابـة لا تحطها براسي ..

اخذت فرة بمكاني ومسحت وجهي وادموعي وحطيت ايدي على خاصرتي وصرت بوجه وياه واردفت بأبتسامة

_ يا سبحان الله متعرف شيي وهيج فجأة اجت الجثة مال الرجال لأرض السادة وجان خنجرك مغروس بصدرة
وفجأة بعدها بأشهر مرتـي هيج يصير بيها وكذالك خنجرك جان مغروس بأحشائها ورادت تموت

اعرفت انت شكد غبي جاي تروح و تسوي مهمتك بأكمل وجه وتترك وراك اكبر دليل الخلاني اعرفك انت ورة الحادثتين هو خنجرك الخاص يا بعد اخوك ..

_ ٠٠٠٠٠٠٠٠٠٠٠٠ ٠٠٠٠٠٠٠٠٠٠

_ اييي اسكت اعذرك اناا اعذرك شتريد تكلي يعني شتريد تسولف ولك انت حطيت راسك بنااس بينهم محامي وضابط و محقق وغير ذول الزوج الثلاثة الي من جوة لجوة شغلهم تعرف شنوو اذا اتأكدو هسة وربطو ابين جريمة كاعهم وجريمة بتهم وعرفو ان وراها شخص واحد راح يجيبونك يجيبونك ويعلگونك من رجليك

يكدرون يوصلون حتى لمصنعك البسوريا اليصدرهن الك ويجيبونك منة..

كعد بندر وهوة يفكر وراها رحت وكعدت كدامي واردفت وياه ..

_ ابوي جاي يغرگك بندر ارجع لحياتك ارجع وعلي ابوي جاي يغرگك ..

_ صاير مثل السادة بالضبط !!

_ لان هذاا الاحسن انا شفت طريقي وسلكتة وجاي اصلح من نفسي انت صير هيج وصلح

_ لا انمارر مراح تكدر تكمل لا تعيش اللحضة عبالك راح تكمل حياتك وي ذيج هسة بس يكشفون ابوك منو يطلعوك من حياتهم هاي اذا ما حطوك بالسجن

_ عادي اهم شي حسيت بأخطائي وعدلت من نفسي وشيصير وياي بعد هذا عقاب من الله ..

_ ابتعد عنــي انمار

_ ابوي ليش طلب منك تذبح غديــر ؟؟

_ لك ابوي مالة غرض

_ عجل منوو الكلك تسوويي هيجج لا تضحك على راسي حقارة الدنيا كلها بكلب ابوك ومتأكد هو وراها بس ليش نحن اتفقنا ما اتقرب لشغلة مقابل ما يضرلي مرتي ليش كسر هذا الوعد ؟؟؟

_ انماار واتراب امي ابونا مالة غرض ولا طلب مني بخصوص مرتك ولا جت على راسـة اصلا

عفتة وكمت وصرت افتر من الحيرة شنو ابوي مالة غرض عجل منووو الي الا مصلحة يسوي هيج بية و بغدير الله ؟؟

رجعت والتفتت الة واردفت

_ اذا مو ابوي عجل منو ؟

_ ليــنــا

_ شنووو ؟؟؟

_ هاك تلفوني واتأكد بنفسك شوف رسائلها الي والصور الي دزتهم الي وكالتلي اخلصها من عدها لان تعبتها حيل وهم كالو اخلي الجماعة يكولون الها سلمينة على انمار حتى توصل فكرة لغدير الصار وياها بسببك انت

بقيت صافن على التلفون وشمرتة بالكاع وطاحت الدمـعة من عينـي انهضمت حييل !!
اختـي واخويي هم كتلو ابنـي وأذو مرتـي وعلمود شنو حقد ابين نسوان !! خسرت ابني وجان راح اخسر مرتي علمود هيج ..

بقيت ابجي وامسح بعيوني واردف وياي بندر
مسحت وجهي حيل ورديت علييـة

بنــدر :: ما تريــد تســوي شــي ؟؟!

_ ههههههه شسويي شنو المفروض اسوي هاا
مرتــي تتعرض للقتــل وابنــي يمووت ويطلع وراة هاي الكارثـة اختـي واخوي شسوي على منو بيكم اكدر وي منو لازم اوكف ؟؟؟

شذنب ابنــي هاا جاوبنـي لك شلون اجة بكلبك قدرة تقتل ابن اخوك ؟؟

يا الله الصبر منك يا رب شلون كدرتو تسوون هيج لو ذيج التسمة اختي شلون فكرت تأذي مرتي هيج وهي تعرف معزة الولد لان عدها ما حطت اولادها ابين عيونها قبل لا تقتل ابنــي البريئ ؟؟

ضــل ســاكت بندر وحقة يسكت شيريد يكول يعنـي أيست منهم عفتة وطلعت وانا اضحك على حالي ههههه ونعم منهم اخووتيي طلعو صدك تربية سائد ابن جبران

تركتـة وطلعـت بسيارتي اخذت تلفوني واتصلت على حامِد المتقيـن خللص دام سائد واولادة بلشو وياي هيج عليــة و على اعدائي ..

رحت ونزلت لحافــة نهر دجلـة وصرت انتضر حامِد المتقين يجينـي

ولمـن حسيــت بحركــة وراي التفت ولكيت !! ابـوي وراي اردف وياي اول مر التفتت ..

قصطيــر :: جنت منتضر واحد غيري هنا ؟؟

_ انت شطلعك كدامي هسة ؟

_ اممم تكدر تكول القدر حس انت راح تسوي شي خطأ ولهذا طلعنـي كدامك ..

_ حامِد على الطريق وراح يجي بأي لحضة مالي خلك روح هسسة

_ الله يعوضك بأبنك سمعت الصار وياك

_ روحح مناا هسة

_ رايـح تقصـدت اطلع بوجهك هسـة حتى اكلك انا مكسرت الوعد بخصوص مرتك ومالي علم بكل السواه وخططو له لينا وبندر دير بالك تكسر الوعد وتنطي بأبوك.

_ مو أنمـار الي يبيع أبوة مهما يكون عمرة الدم ميصير ماي .

_ هذا انمار الي انا الاعرفــة لا تضعف بويـة ..

_ يصير خيــر روح هسة راح يوصـل حامد رووح

_ رايــح ..

تركنــي وراح وبقيت اباوع بهيدة لموجات نهر دجلـة الخفيفـة حيل وبعد دقايق بيهن نص ساعـة او اقل هيج
وكف وراي الميرزا حامِد المتقين
اردفت وياة :

أنــمار :: حسيت بيك راح تجــي ..

حامِد المتقين :: دام ضميرك فجأة اشتغل اكيد مراح افوت هاي الفرصة وراح اعرف كلشي منك وقبل لا يتعطل ضميرك.

_ هههه زين رراح تعرف تستغل الفرصــة. .

_ منين تعرف بقضيـة لهيب وشنو تعرف عنها لا تضم عنـي شي رقبـة واحد بريئ راح يتلف حولها حبل المشنقة ..

_ اكيد لمن استلمت هاي القضيـة كالولك راح تتأذة وراح يغتالونك لان هاي قضية راس جبير وهم كالولك مو مهم حتى اذا طلعت لهيب برائة راح يكتلونة لان ورقتــة احتركت خلص موو صح حجو الك هيج ؟!

_ صحييح .. سمعت كل هذا الكلام

_ وانا اكلك لا تخااف لا اكو جبير ولا اكو من يغتال كل هاذ جذب بس اليهمهم يقتلون لهيب بسسس لان هذا اخر شاهد عليهم

_ منوو هم اريد اوصل الهم لو بس الزم طرف الخيط

_ ههههههههههه على قمة ذكائكم يالسادة بس مرات تجيكم هفووات غباء مع كل احترامي لشخصك

_ ان جان بيك تحجي احجي جاي اسمعك محلف بغالية غدير لا تضم شي

_ ماكو داعي تدور وراهم وكاتل نفسك تريد تعرفهم تراك انت كل يوم جاي تشوفهم وكل هذا الوقت تركض وتدور حتى تلزم طرف الخيط وانت الما منتبه عليه البگرة كلها جانت كدامك

_ انمار مجاي افهم خليني استوعب شنو هذا كلامك. شنو المقصد منــة ؟؟!

_ هههههه المقصد كلش واضح الرأس الجبير كدامك كلهذا الوقت التدور علية انت

_ قصدك انت ابو القضية ؟

_ لاااا يابوي مو لهدرجة هوة صحيح اناا وسخ بس متوصل وساختي لهاي الدرجة مستحيل اكتل نملة مو ادور اصعد رجال طول بعرض و روح للعدام لاا مافكر اصلا هيج حضرتك ابتعدت حيز بالتفكير

_ منو تقصــد جاا بهاذا كلامك ؟؟

_ الضابط سراج ..

_ شنوو ؟؟

_ لا تتفاجئ هاي الحقيقة الجانت كدامكم وانتم محتارين تردون طرف الخيط سراج هو ورة هاي المصايب كلها هو صاحب الخليـة يعني فكر وياي شلون ضابط وهوة الراس الجبير بالخلية وتريد ينكشفون ولااا فوك هذا كلة القضية هاي هوو جان لازمها

_ اذا سراج هو المسؤول ليش سجن لهيب وليش اصر وضل وراه يركض خاطر يجيب له الاعدام !!؟؟؟

_ لان لهيب كشفة عرف كل لعباتهم ولمن حس سراج بالخطر اتغدة بلهيب قبل لا يتعشـى بي ..

_ شلون صار هيج انا حجيت وي سراج !!

_ ميفيد الحجي وياه هذا ياكلك ويشربك بالحجي يدوبجك ادوبج وداعة عيوني

_ باجر اخر يوم النا بعد باجر المحكمة لازم نخلي سراج يعترف ..

_ صالة ثلث اسنين يفر بهل قضية تريد بس بيوم يعترف

_ تساعدنــي ؟؟

_ اذا شيي وصخ انا جاهز

_ هو الوصخ ميفيد وياه بس الوصخ وانا راح انزل للمستوى الخايس مالتة .. واريد مساعدتك

_ ههه مستعد اساعدك لصراحة اساعد اي احد لان اريد اجر هاذ المساعدة بصحــة مرتي

_ راح تكدر عليـة شتشوف انت ؟

_ كلش سهل و عيونك بس انا وهذا المخبل مالتك مرات اشوفه وياكم وياي كلش كاافي علية نطلع كل حرف منة

_ منو المخبل قصدك المعتز باالله ؟؟

_ اعرفة هذا لا ذاك ماعرف أسـمة شوي عندة كفشه اغلب المرات شفتة وياكم لمحتة

_ صيوان قصدك ؟؟

_ لااا صيوان العمارچي اعرفة وهم اعرف اسمة الحقيقي العسكري المؤتمن

_ چا منو تقصد هو محد ويانة غريب بس صيوان و اصفاد الحق ..

_ المشكلة انا مااعرف اسمة بس اشوفه وياكم وهم هيليگي يطفـر من مكانة وهم شكــلة غريب ححيل يعــنـي ملامحة مو يمكم ابد .

_ المواصفات هاي تنطبق علـى صَفِد ..

_ ماعرف أسمــة

_ دقيقـة اطلع صورتــة ..

طلــع تلفونــة وطلع الصور و اتوجه بالتلفون الي واردف وياي ..

_ هذا التقصد عليه ؟؟

_ اييي هذا هو

_ ههههه ايي هوة أصفاد الحق

_ حلو اسمة

_ يعني بس أنت و أصفـاد تدبروها ؟؟

_ اضمن الك هلشـي

_ خلص خير ان شاءالله

_ باجر اجيبلك خبرة بس انطي علم لاصفاد بمكان محدد يلكاني بي

_ سهلة هاي

_ ايي

تركت حامد ودرت وجهي للنهر وصرت اتأمز بشي مااعرفة اشنو هوة وبقى حامد واكف وراي لمن رجع واردف وياي :

_ أنمار

بلا ما اندار له جاوبتة وهو واكف بظهري .. ورجع وصدمنــي بسؤالي

_ نعــم

_ انت منين تعرف سراج وهاي القضــية ؟؟

بقيت صافن وانا ساكت بعدها انداريت الة وكفت كدامة وبقيت احجي ..

_ بالصــدفـة عرفت بهلشي

_ يا صدفة هاي التحجي عنها ؟؟!

_ حامِد المهم هســة ننقذ أمرين وبعدين نحجي بهل خصوص

_ أمرين ؟؟؟

_ أيي لهيب

رفع حاجبة وحط ايدة بجيبة واردف وياي بأستغراب تاام ..

_ منين تعرف بلقب لهيب ؟ شعرفك بأسم أمرين

ضحكت وحاولت اتفادى هذا السـؤال وطلعت تلفونـي وانا اباوع لســااعــة اردفت وياه :

_ اتــأخر الوقــت ححيل لازم ارجع مكدر ابقي غديرتي لوحدها اكثر من هيج اتصل على اصفاد وكلة مــع الســلامـة ..

تركت حامد المقين ورحت حتى ما انطيتة مجال يرد عليـة صعدت لفوك وركبت سيارتي وتوجهت للمستشفى وانا احس اني خلص حطيت ايدي بالنار ولا بية ابقيها ولا بية اسحب ايدي !!

احس كلــبـي ينبــض بالنبضـات الاخيرة .
خلص اتناوبو على كلبـي اكثر من سفاح ابوي اخوي اختي مرتي ابنـي السادة

اشيل همـي هذا شلون ؟ وين اودي ؟ اخخ يا اميي شفت منضر هز كياني لاول مرة بحياتي

ولج يمة منضر مرتي السابحة بدمهاا وطلع وراه ابنج وبنتج يمةة

الوكتت كلشش وكح وياي يمةة الوكت يركص على حس نوحي على دهري يمةة

ابنـي راح يمـة مرتـي راح تروح همم انا واثــق راح تروح هي هم يمة ابنج راح يبقى وحيد يمــة ..

يمــاه غدير الله بمصابها جرحتنــي ابتسمت بوجهي وغمضت عيونها وتركتنــي .

رحت اركض الهاا يمة اركضتت الها بسس حدفهاا سبقنـي الها

يــمةة ذبحتنــي من رفعت صوتها وباسمي صاحتت حاولت اتلاحك الها بس سبقنــي الموت الها وطفالي مصباح ابنــي ..

يــمة وينج عن الجاي يصير لانمارج المدلل ولج يمة ابنج اتعذب هوااي تعاي ضمي بقفص صدرج واخذي تعاي يمة ..

مسحت ادموعــي وشغلت السيارة وطلعــت لمرتـي لأشــوف ويـن مصيــري وياها لمن تكــعد بعد الي سووه بنــدر و ليــنا ..

"" حامِـــد المتقــين ""

تركــنـي انمار وراح وبقيت بحيرة من أمري شلون يعرف انمار كل هذاا ؟؟

شنو يساعدني بقضيــة ويحلها الي وصار لـــ علي الباقـر ثلاث سنين مو كادر يحلها ولا يوصل لخيط لها ..

اكو خطأ ليش اتهرب لمن سألتـة عن لهيب ؟
وشنو يعرف عــنة .

بقيــت اشمر كم حصوة بــدجلــة وانا افكر وادور السالفــة براسي طلعت تلفونــي واتصلــت على اصفاد الحق وانطيــتة العنوان الي لازم يلاقي انمار بي وكتلـة هو راح يكلة شنو يسوون .

صعدت لشــارع ورجعت شغلـت تلفونـي واتَـصلت علـى
علــي الباقــر واول ما فتح الخــط ..

علــي الباقــر _ بصوت مشحوب _ :: وعليــكم السلام

حامد المتقين :: شنـو خويـة جنت نايــم وكعدتك ؟؟

_ لا وين النوم

_ جا شبي صوتك عبالي نايم

_ جنت خانك روحي حتى انام ومااكو طارت النومة من صوت الملاية الما سكتت ولا دقيقــة

_ جا انت ابيتكم ؟؟

_ اييي

_ ياا شسوي بي مو تدري حجة ونسوان

_ شسوي حضيي هسة انا مييت قهر على شغلة وحدة بس

_ شنو ؟

_ ولك هذاا البغلل اليمي غافي بسابع نومــة مدرييي لون هيج اول محط راسـة على المخدة غفى لا فز على صوت الملا ولا على صوت اصياحهن

_ ههههههههههه علي الهادي ولا ؟

_ لااا الهادي شرد وي ابوي هذا البغل عزوز

_ ياااا انت بعد كلتها عزوز هذا يعبد النوم تريدة يفز ؟؟

_ موتني قهر اني جاي اتوسل للنوم وهو شبعع راح يكعد شبعان نوم

_ خبث عليــة ذب ماي عليـة

_ حتـى ماكو ماي يمنا

_ ههههه جا عوفـة نايم حضة هاذا

_ صدك هسة اخذتنا السوالف ليش اتصلت بهل وقت صاير شي ؟

_ اييي صحيح نسسيت هههه

_ شنوو

_ اكلك انمار اتصل بية قبل شوي وطلب يشوفنــي

حسيت بنبرة صوتة شي مثل الواحد الجان كاعد ومرتاح أالا واحد فز من مكانــة واردف بلغــة خوف ورهبــة واضحـة وكال ::

_ ليشش انماار حجة ويااك غـــيــمة بيهاا شي اكو شي صايرر شييي؟؟؟

حاولت اهدء كلب علي الباقر واردفت وياه بكلمات مطمئنة ومأكدة ان غدير الله مابيها غير العافيـة
وبعدها بعد ما ارتاح رجع واردف وياي بلغـة تسائل :

_ اذا غــيمــة مابيها شــيء ليش حجة وياك شيريد ؟؟

_ هوة حجة وياي بخصوص قضيــة أمرين

_ وشنو علاقـتة بقضية أمرين وبعدين من الاساس هو منين يعرف بيها ؟؟ تراه بعيد عننا بعد السماء عن الارض

_ باع شغلة منين يعرف وهاي ماعرف لان اصلاً من سألتة تهرب وراح بس المهم هسسة عندنا برائــة بيدة وهو منقذ امرين

_ شلون هيج ؟؟

_ هوة يعرف كل خيســة سراج واتفقنــة باجر يروح هو واصفاد لــسراج ويطـلعون الحجي من نص حلگــة

_ دقيــقة ابو كرم دقيقــة

_ اعرف عقلك كام يصيح سبلوش قبلك عقلي اتعلك هيج

_ چاااا اذا هااذذ يعرف كلشي ويكدر ينقذ امرين وينة من البداية ؟؟؟

_ ماعرف يمكـن منضر غدير الله والشـي الي اتعرض الا هو خلا يحس وضميرة يشتغل لان هوة كالي مستعد اساعدكم على امل أجر هلشـي يطلع بصحـة مرتي

_ مجااي افهم شي و كلام الله يرادلـي كعدة كاملة وي هذا عبارة عن سؤال و جواب

_ يحقلك تسويلــة كلشـي بعدين
بس هسة المهم يطلــع أمـرين ويكدرون باجر يخلون هذا يعترف ويحجي شـي

_ عنــدي أمل وثقــة باالله حاطـة طمئنينـة بكلبي من هذا الناح

_ صدك خويـة على طاري امرين .

_ شنو ححبيبي ؟؟

_ مرتــك كالتلــي اوصلك ان اذا رجعــت تمر عليهـا بأسرع وقــت ..

_ ان شاءالله حيصير هيج لا تسال راح اتصل عليهـا

_ براحتك المهم وصلتك انا وفرغت ذمتــي

_ ماقصرت والله

_ شسالفــة تحسسني تحجي وي غريب اخوك أنــا

_ تفداك روحــي .

_ يلا ارجع احصر بروحك خاطر تنام

_ مابيهَ نومة بعد حصلي صلاة الليل وهو كم دقيقـة ويأذن اصلي الفجر وياهَ

_ تقبــل الله

_ منا و منكــم صالح الاعمال ツ

سديــت الأتصــال وصــعـدت لسيــارتـي ركبـت بيها وتوجهت لبيتنـا

دخلت لكيت بالهول نايم المصطفى القاسم و على بطنــة مخلي راسة الامرتضى الامير و نايم

خطيــة راجعين مهدود حيلهم من الموكب انا من طلعت مجانو موجودين جاييّن بغيابي ضحكت لمنضرهم

وصعدت لمن وكفت كدام غرفتـي وردت افتح الباب اتذكرت ما موجودة سيارة الفاروق الاعظــم بالباب ..

عفت غرفتي وتوجهت لغرفــتة بخطوات ناشفــة ودكيت على الباب واني اردف .. ( اكدر ادخل خويـة )

ما سمعــت جواب ولاحضت السكوت القامت من خلف الباب قويت قبضتي على المقبذ وفتحتـة ولكيت الضلام دامس بالغرفـة فتحت الضوء لكيت محد موجود ..

والغرفــة على ترتيبـي من الصبح لمن نضفت البيت
ودخلت نضفت غرفتـة ورتبت افراشة

طخ براسي الفاروق الاعظم من طلع الصبح لهسـة حصير الساعـة 5 الفجر مموجود ..

ما انطيت لهاذا اهمـية لان فكرتـة حالة حال الباقين سهران بالموكب وي خالي عبد الحسن او وي جماعتـة وين يكون يعنـي !!

رجعت لغرفتــي وحطيــت تلفونـي على الشحن ودخلت قبل لا انام للواتساب استكشف اخر الرسائل الواصلة الي لان مسوي لتلفوني كتم ولكيت البشير قيصر ممراسل

لو جان الفاروق الاعظم يمـة جان دزلي رسالـة وكالي راح ينام يمي او الفاروق يراسلني لان يعرفون هواي اخاف عليهم اذا مشفت احد بفراشــة ..

اخذت اتصلت على الفاروق الاعظم ولكيــتـة مغلق ..

دخلت على الواتساب لكيتـة اخر ضهور امس الساعـة 6 الصباح
ورجعت دخلـت علي التلي لكيتة اخر ضهور امس كذالك الساعة 6 الصبح

يعني الفاروق الاعظم ب 6 دخل علي كل البرامج مالتـة زين ليش هسة مغلق ؟

حاولت ما احول بيني وبين الافكار المشؤمـة.

واتصلت علي البشير قيصر بس ما رد عليـة ورجعت اتصلت عليـة وكذالك ما رد علية فكرت لو يمكـن يكون نايم بهاذا الوقت أو يكون بالموكب ومن الهوسة ميرد

ويمكن الفاروق يمة لان البشير لو حس مجرد احساس ان اخوة الوحيد صاير لة شي يكلب الدنيا لان خلص ما ضفر من هاي الدنيا بس بالفاروق الاعظم بقالة من الماتو

انكطــعت افكاري ورئسن راحت الـأفكـار وي صوت الاذان الجاي قريب من الجامع .

زفرت بنفسـي واردفت وي نفســي

_ يــا رب المعاجز استودعتــك الفاروق الاعظم فا احطـة بملائكتك و احفــضـة بعينك التـي لا تنام يارب

تركــت التلفون على الشحن ونزلت اتوضيت وكعدت اصلي بغرفـة المصلى .
ورحت اكعد اخوانـي يصلون بس كسر خاطري منضرهم
استغفرت ربي وعفتهم نايمين ..

وصعدت لغرفتـي وحطيت راسي علي المخدة من التعب واليوم الطويـــل ححيل ماصدكت على الله خلص ..
مادري شلون نمت غمضت عيوني ورحت لغير عالم

─────────────────────

┛ خلص يوم يمكن هو من أطول الايـــام الي تمــر على الســادة من جميــع النواحـي
انكشـف لون النهار لزوال سواد الليل وكل ما تجلى به من مشاعر و احداث ليعلن بدايــة يوم جديد
حافل في الاحداث

حافل في السعادة !! الاحزان !! المفاجئات !! الحرية !!
ابتدأ الصباح مـع علي الباقر الي اصلاً ما غمضت عيـنة ولا نام وهو يحاول يحلل افكارة و يكشف دبرة ┗

─────────────────────

"" علــي البــاقـر ""

بعد ما بدت النسوان تروح وخلص فرغ البيت منهن طلعت من البراني واتوجــهت للحديقــة الخلفــية وكعدت على المرجوحـة وطلعت الجكاير صرت ادخن بالوقت الي جان المعتز باالله ما فز ولا ثانيـة من نومة ..

وضليت أجر جكارة وبعد جكارة لمن اجت أريج الله كعدت يمي بدون ما احس الها او انتبه وسحبت الجكارة من بين ايدي وذبتـة رفعت عيـنـي وأخيراً حسيت بوجودها واردفت وياها ..

علــي الباقـر :: شوكــت اجيتـي ؟

أريج الله :: مملاحض حتـى شوكت اجيتك جا شكد جنت سرحان بأفكارك

_ اعتذر الج والله مجنت ممنتبه

_ وليش تعتـذر هسسـة ؟؟

_ لان ما انتبهت الج وجان فكري مشغول

_ هههه لا تعتذر ما يستوجب هلشي .

_ محتاجتنـي بشــي شيات ؟ كولـي وادلي عيوني ونحري وكلي الج ..

_ بهيدة عليـة ماريد شي بس شفتك كاعد هنا اجيت اكعد يم اخوي ..

_ يفداج بروحــة اخيك اكعدي جعل محد غيرج تكعد ..

حطت راســها علـى متنـي ولزمت بجف ايدي واردفت وياي ..

_ أكول علي الباقر ..

_ گــولـي ينحــري

_ هذا تدخينك وهاي الجكاير الي هسة طكيتهن وحدة ورة الثانية جكاير شنــي ؟؟ حزن / هم / شوك / حُب ؟

_ كلهن كل جكارة وكعت منـي تشيل قصـة وعدها شي مختلف عن السبقتها .

رفعت راسها من متنـي وصارت تباوع الي واردفت وهي مضيكة عيونها اخذت راسها بيدي لوره شعرها وقبلتها بجبينها ورديت على سؤالها بعد ما رجعت وباوعت للكدامي ..

_ جا انت من شوكت تدخن ؟؟!

_ مـن يوم الي فكر بية كلبـي يهوى ويقـفل بابــة على الما يعرف يحب

_ هيـج الحب يعذب ؟

_ مَ راح تفهمين الكلام كلش بـس ثقــي لمن تتزوجين راح تعرفيـن شكد الحب يعذب ..

_ أگــول علـي الباقـر .

_ گولـي يا عيــونـة و نحـرة و صمام كلــبـة .

_ هَو انت تحب منــو ؟؟!

_ يا روح انتِ لا توجعين راسج بهلأمور

_ احجيلي افتحلي كلبك

_ أريـجـة

_ عيونـــي

_ حبيبتــي لا توجعين راسج انســي ..

_ علــولــي ..

_ ههههههههه ليش تصيحيني بهل اسم ترى اضعف كدامة

_ ماعاش الضعف يمر بدنك وانتَ السيد علي الباقر

_ بعد نحري محتاجة شي ؟

_ اييي شوكت نروح لمركب الخيـل ؟

_ والله مجاي افرغ

_ اشتاقييت لسالي

_ تامريني أمر شوكت تردين نروح ؟؟

_ مدري انا دوم فارغة بس على فراغك انت

_ خوش يروحي خليني اشوفهم يمكن ابوي راح ينطي الخيل مالتنة للتشابيه

_ حينطي المهرة مالتي ؟؟

_ ايي وشررط اسويها مهرة الشمر هاهاههههه

_ لااا علي الباقر تدرييي الا سالي ما اقبل عليها اناا

_ اشاقه شنسوي بالمهرة مالتج راح ياخذ بس الفرس مالتنا ولان راح يروحن مالتنة منكدر اخذج لهناك لان لازم نتسابق ..

_ تمام بعد العاشر نروح حتى كل الخيل موجودات واسبقكم

_ هههههه بلة انت فارسـة محد يكدر عليج

_ وهوة منو دربني عليه غير انت نسيت لمن جنت اخاف منة

_ حفيدة علي ابن ابي طالب شني تخافين من شي عيب اصلاً الخوف يمر كلبج

_ بأبتسامة _ واخت السادة العلويين هم

_ يرحون لجدمج فدوة .. صدك خلصو النسوان كلهن اكدر اصعد لغرفتـي ؟!

_ ايي تكدر تدخل .

_ تمام انا صاعد اذب ماي على نفسي ( أسبــح )
واغير هذول ملابسـي

_ اسويلك ريوك اطكلك بيض ؟ لو تريد جبن ؟

لزمت ايدها وبستها واردفت وياها ..

_ أغدي فدوة لهاي الأديات انا لا تتعبين روحج يا روحي
اذا اريد ريوك انا اسوي لنفـسـي ما اطلب منكم واتعبچ

ضحكــت وي ضحـكتها حضنتنـي وهي تكول :

_ والله الوحــدة لو يصيـر عدها هيج اخو لو تضل وحيدة كل عمرها اشرفلها هنيالي بيكم يابعد چبدي

_ كلنا خدام الچ علويــة كَــم أريـج الله عندنا

من بعد كلامي وياها فلتت ايدها وتركتها ورحت دخلت للبيت وصعدت كبل لغرفتـي اخذت ملابس وطلعت لأروح للحمام الخارجي طلعت بوچهي السلالــه ليــنــا

ليـنا :: علـي الباقـر ..

_ نعـم ؟

_ شوكت اجيت انتَ علي السجاد وينـة ؟؟

_ انا نمت بالبراني ما طلعــت و علي السجاد اضن وي ابوي ببيت عمي الحسن المجتبى

_ اهاا تمام فكرتك انت جنت وياهم ماعرفنك جنت هنا

_ لا انا و عزوز ما رحنا

_ تمام

تركتها ونزلت دخلت للحمام اغسل ولمن كملت لبست اهدومي وطلعت وكفت على مرايـة المغسلة صرت اكفش بشعري حتـى ينشف الماي الـي بـي اجت يمي عمتـي فاطمة الزهراء وكفت واردفـت ::

فاطمـة الزهراء :: حلوو حلوو والله حلو كافيك مگابل المرايــة ..

_ هههههه عمة دخيل بختج وين شفتيني مكابلها توني وكفت

_ ايي الواحد مو حلو دوم يباوع للمراية لو يباوع هواي

_ تدللين وهاي المرايـة و غمضنا عيوننـا من كدامها

_ لأبــس هندامـك خيـرك وين متوكل ؟

_ اي طالـع اشوف الولد وين واخلص كم شغلة

_ اهاا

بقيت اباوع لعيونها الخضراوتين واني بكلبـي يكول عدها حجي اكو كلام طابع بشفايفها متعرف شلون تطلعة

رحت لدرج الثاني اليمنا طلعت تكرمون حذائـي من الدولاب الي جواه وكعدت على الدرج اللبس

وهي التفتت الي و تباوعلي

لمن كملت وكمت اطك ايدي بالثانيـة حتى اطيح الوساخه البيها رحت للمغسلة وغسلت ايدي

واردفت وياها بعد ما أيست من كلامها ::

_ عنــدج كــلام تردي تكولي الي ؟

_ ايي

_ كولي يرويحتـي

_ بس اذا عندك شغل لو مستعجل روحح ماريد اضغط عليك وأخرك

_ يخسي الشغل كدامج اميمتي انت كلي اذان صاغية احجي يبعد كل ناسي

_ يبعد اكليبــي انتَ

_ احجي يلا

_ ماعندي شي بس اريد منك طلب صغيرون اخافن اطلبة من اخوي عبد الحسن ولان ادري بيك انت ما يخفي عليك شـي اريدها منك

_ اووف تأمرينـي انت شنو هيـة ؟

_ بسـمة زوجة صفاء الحسن الثانيـة أم وهِج الطف

_ الله يرحمها ايي شبيها ؟

_ اريد نروح انا وياها وانت لنجف حتـى نزورها

رفعت حاجبــي بأستغراب شنو عمتـي ماتعرف أم وهج الطف ماعدها قبر لمن شفت عيونها وسمعت الكالتـة نكست راسي واني اختنكت حيل .. واردفت وياها

_ ماكدر

_ شنو متكدر ؟

_ ماكدر اخذج ونروح للنجف

_ ليش يمة ؟ طلبت شي غلط اريد اخذ بنت اخوي واخليها تزور امها وابوها شنو متكدر تراكم حيل جاي تقسون على هاي الطفلة

_ الموضوع مو هيج يمة

_ جا شنهي الموضوع علي الباقر سولفلي خليني بالصورة خليني افهم

_ يــمة أم وهج الطف ماعدها قبر لان من الاساس ماكو چثــة

_ ........................

بقت صافنـة بوجهي وهي بساعة حيرة لمن سمعت هاذا الجواب مني ورجعت تسترجع قوتها بلعت ريچها ومسحت وجها بيديها واردفت وياي ::

_ بس دقيقـة يمة شنهي ماعدها قبر ولا عدها جثة انا اتذكر اجيت لفاتحتها و لزمت تابوتها ..

_ صحيح يمة سوينه فاتحة وخلينا الناس تحضر وتعرف ان زوجة عمي انتقلت لرحمة الله وشلنا التابوت بس التابوت مجان شايل جثة مرة عمي

_ شنووو ؟؟؟ منووو الجاان بتابوت ؟؟

_ اسمعي السالفـة من البدايـة لمن صارت حرب الطائفـة مرة عمي جانت وي اختها و زوج اختها بالانبار
وهي تريد تجي لهنا استوقفتهم مجموعة لمن اخذت هوياتهم وشافت ولادتهم انبار قتلتهم ..
هاذا الخبر الي وصل النا ولا شفــنة جثـة ولا شي
لذالك ابوي راح للمستشفى وهناك صار يدور على شخص ماعندة احد فَــ لگــة واحدة ماتت وماعدها بس ابنها صغير فَ حجة. وي ابنها واستلم جثة امة ابداله
وحطينة المرة بتابوت عساس كدام الناس هي مرة. عمي بس اول ما وصلنا لنجف سوينالها مراسيم الدفن بأسمها الحقيقي وحطينه اسمها الحقيقي على گــبرها لان حرمة ميت هاذي بس بالتشيع كلنا للعالم هاي زوجة السيد صفاء الحسن .

_ يعنـي انتم من الأساس ما تعرفون اذا هي صدك ميتة لو عدلة

_ لا قصـة تطلع عايشة مستحيل لأن وينها كل هاي السنين بس مجان طالع بيدنا شي لازم نعلن هي ميتة وهل شي جان مراح يصير بدون جثة وتابوت ..

_ يعـنـي هسة وهج الطف متكدر تزور امهاا ؟؟

_ هاي بعد مو شرط لازم تشوف گــبرها حتى تزورها تكدر من صلاتها تقرأ زيارة عاشوراء او تصلي بالنيابة عنـها ترى الگبر مجرد احجارات خلص روح امها عرجت لفوك حتى جوة الكبر النمل خلص جثة امها .

_ الكلبـة منچـلم ويريد شي يتمسك بي مراح يقتنع بهاذا الكلام . ضيم والله على هاي المسكينـة .

_ لا حول ولا قوة لنا ألا باالله الله يكون بالعون يميمتـي انا طالع هسة محتاجــة شـي ؟؟!

_ سلامتك محتاجة

_ يلا فمان الله

_ مــع السـلامـة ..

تركــت عمتي وطلعت وصلت لصالة لكيت رحمة الزهراء وجميلة والعلوية ينضفن الصالة رحت بست العلوية براسها وطلعت كبل حتـى ما لحكت تحجي وياي
واني طالع لمحت وهج الطف واكفـة يم الورد تسوي بيهن ..
رحت لين يمها واردفت :

علـي البـاقـر :: ورد يلعب بالورد ؟

وهج الطف :: ههههه فدوة لعمرك

_ مو نعسانـة ؟

_ لا حيل نعسانة بس منتضرة عمة تطلع حتى نرجع للبيت وانام

_ بليل عدكـم شي ؟

_ منــو

_ انتِ

_ لا ماعندي شي يمكن اجي لهنا عدكم قراية

_ اهاا تمام

_ ليش ؟

_ أريـجة تريد تروح للمركب وجان بخاطري اخذج ويانة

_ مركـب شنو ؟؟

_ حك خيل نحن عدنا خيول ف مسوين هلمركب الهم

_ حلوو توني اعرف بهلشي منك

_ اذا توج تعرفي يعني لازم تشوفي ونعلمج تركبين بعد

_ شكراً لطيبـة كلبك وياي

_ شسالفة اختي الصغيرة انتِ ماكو هيج كلام ابين الاخوان ..

_ اسفـة مشدوها روحي ماعرف شحجي

_ هاي شبيهن عيونج هيج حمر ؟؟

قريت ملامح الارتباك والخوف عليها بقيت ساكت لان جنت منتضر منها جواب ..
لمن اردفت وياي :

_ حقهن يصيرن هيج من امس منايمة والملا تقرأ براسي والله احس عقلي صاير طبل ..

_ اهاا متأجدة بس هيج

_ ايي جا شنو يعني

_ مادري والله على العموم بالج لنفسج وهجهج واول مترجعي ناامي هواي لا تشربين جاي لو كهوة هسة لان منبهات هذن

_ ايي ان شاءالله

_ تضل يمج العافيــة ツ

_ الله وياك ..

تركتها وطلعت توجهت لسيارتـي صعدتها واني براسـي اتوجـه لشغلي

بس اتذكرت منضر وهج الطف وعلى الشكول الي اكابلهن بالتحقيق خلتني اشك بيها

هو مصاير بيها هيج من قلة النوم باوعت لعيوني بالمراية هاي انا منايم صالي يومين مصارو عيوني مثل عيونها اكو شي غلط ..

لهذا علمود اقطع الشك من اليقين اتوجهت لبيت عمي صفاء الحسن الي حالياً تسكن بية عمتي و وَهج الطف ..

↲ آلـــ عَ ــــمــارة ↳

"" رهـــف ""

بعد سكني هنا بهاي المحافضة الي لأول مرة بحياتي افوت الها .
وهم مو ولاية جانو ساكنين بشي اشبه بالريف يعني مزرعة واهوار بس الاجواء جانت ولا اروع وكذالك الحلو هم طيبين وياي ..
طلعت لبرة المزرعة وصرت اتمشة بالضواحي والتقيت برجال وكفنـي واردف ::

مكــرم :: كدامج اكو ساچية ديري بالج ..

وكفت حركة رجلي وانداريت الة واني كلشي ماعرف ..

رههف :: مادري بيها هيج جاي امشي

اتقدم يمي واردف ..

مكرم :: حسيت عليج متعرفي شفتج تمشين على العمياوي

_ شنوو مافهمت ؟؟

_ ولا شي انسي وين جنتـي رايحة هيج ؟

_ ماكو. بس جنت اريد اشوف المكان

_ ديري بالج هاي اراضي اهناا كلمن وكاعة ساكن بيها عكس الولايــة يا خوفج لا تضلين تمشين واطلعين من أرض صيوان وادخلين لأرض ابو همام وهناك ادبززيه هواي غيرتهم طايحة لايضلون يحطون عليج كلام شرقي غربي وشيخلصج بعد ..

_ ماعرف بيها هيج لو ادري جان ما طلعت ..

_ دريــة عندج و عزيزة اذا حابة تستكشفي المكان وهلشي مو غلط بس الاحسن اخذيهن وياج هن ادرى بهل مكان ويعرفن وين يدوسن ووين ميصير يوصلن ..

_ تمــام ..

بعدني واكفـة وي مكرم اجتنـي دريــة ووكفت يمي لزمتني من ايدي واردفت بالسلام على الرجال وحجت وياي ::

دريــة :: هااي انت هنا شلونك خويــة مكرم شخبارك ؟

مكرم :: بخير دامج بخير مرة اخوي

_ عساك دوم هيج وانت وينج ادور عليج بالبيت كلة

مكرم :: لكيتها تمشي هيج اخذيها ومشيها وياج يلا اترخصلكم انا السلام عليكم ..

_ مع السلامة

راح الرجال ومشيت انا ودريـة وانا لحد الان ما لفطت بكلمة ورجعت واردفت وياي ..:

دريـة :: وين جنت طالعة ؟

رههف :: ماعرف طلعت اتمشـى وصادفنـي هذا كالي اكو ساچية مدري شني

_ ايي مو جاي نزرع بالارض فا مسوين سواچي للماي وبعدين ماعرفتي تنتضريني علمود نطلع انا وياج لو مليتي مني ؟

_ لا والله هيج طلعت ..

_ تعايي اخذج لمكاني السري ..

_ مكان سري ؟؟

_ ايي سواه الي صيوان لمن اضوج او اعصب اروح واكعب بي ولا شعورياً راح ارتاح

_ وين هو ؟؟

_ شوي ليغاد منا . تعاي وياي ومعليج ..

اخذتني من ايدي ورحت وياي لمن وصلنا لمكانها جان اهوار وعلى الطرف من الجانب الثاني جانت اكو مثل الغرفة بس صغيرة حيل من القصب دخلتني دريـة الها ولكيتها مجهزة كعدنا بيها وصارت الاهوار ومايهن كدامنة وهواها العذيبي يدخل و يطلع علينة
واخذت اردفت وياها :

_ حلوو من زوجج يسويلج هيج حتى ترتاحين

_ اهه صحيح حلو كلش هوة يعرف سوالف امة وياي ف سوالي هاي اتخيلي مرات ننام هنا اذا كلش ضاك بينا الهوى بالمزرعـة .

_ صدك هي ليش تكرهج لاحضت عليها ماتحبج وتسوي من لا شيء مشكلة وياج حتى عزيزة انتبهت عليها بس تشوفج تضحكين تكلب خلقتها

_ خليها براسج قاعدة الي ماعدها اب يصير سند الها وين ما تنطي وجها تنذل ..

_ ميت ابوج ؟

_ ياريت ميت ياريت مجان ابوي

_ عادي تحجيلي لوو ماتردين تتذكرين ؟؟!

_ هوة انا ناسيـة حتى اتذكر

_ لعد احجي حتى يفرغ كلبج وترتاحين .

_ اسمعي السالفـة چــا

_ تمام كلي اسمعج

_ ابوي يشرب خمر ويلعب اقمار يعني حياتة باختصار حرام بحرام مو حياة خـــ....

_ زين

_ اييي مااتت امي من قهرها وهم لان هو هجم عليها وصار يضربها لمن مااتت رجعت بــ2014 بعد ما طاح حضي وي ابوي كل يوم يعتدي علية بالضرب ويجي سكران للبيت وانا جنت احب واحد وياي بالجامعة جان وعندي تواصل وياه صار حب ابيناتنا واجة واتقدم الي ولان ابوي جان مهمة تزوج ما اتزوج او منو اتزوج حتى
اخذ المهر مالتي وشمرني على الرجال الي هوة دهام اتزوجنا انا وياه واجة بيه لهنا لهاي المزرعة كرهتني امة
لان هنا ماكو واحد ياخذ ولاية وغريبة وهيج يعني لمن تجين تلكين الكل ماخذ بت امة بت عمتة انا الوحيدة غريبة وهم لان امة جانت فرحانة بتخرجة وتريد تخطبلة رويدة اخت دغار زوج حبيبـة اجاها متزوجني ولعت حقد عليـه والله لا يراويج المصايب الصارت لحد 2015 شارك دهام بالجيش .وصار يقاتل داعش يلتحق ب 2016 حبلـت بس من ورة امة سقطت
لحد 2017 وهوة جاي يمشي بتحرير الموصل السيارة مالتهم وهي تمشي سحكت على عبوة بلا ما ينتبهون واستشهد اجاني دهام مستشهد بالفاتحة عرفت روحي حامل بشهري الــرابـع ..
حديت ابيت ابوي لحد ما ولدت صمود صارت الحرب هاي الحية تريد تاخذ ابني لان الريحة والذكرة. الوحيدة من دهام وانا اصارع ابني ما انطي و علمود صيوان ينهي هاي المشاجرة اختار يتزوجني ومجانت هاي الحية تكدر ترفض لان تعرف اذا وصلتها انا للمحكمة ويعرف القاضي زوجي ميت راح ينطي الحضانة الي وهي تخسر لذالك قبلت صيوان يتزوجني علمود الولد يتربى بحضن عمة الي شايل وجه ابوة لان صيوان التوأم تبع دهام

_ زين .

_ ايي يا خية .. بنهاية سنة 2018 اتزوجت صيوان وغم جنت رافضته بشكل قطعي بس فكرت بصمود وصرنا بس بلأسم مزوجين هو بغرفة وانا بغرفة وكذالك هاي كرهتني بالزايد لانصيوان جان رايد يتزوج تكتم بت عمة وتركها من اتزوجني لان على كولتة ماكدر اتزوج اثنيو ف ترك تكتم علمودي وامة كرهتني بالزايد لا دهام اتزوج رويدة من وراي ولا صيوان اتزوج تكتم من وراي وبلشت من .جديد الحقد وهاي ليومج هاذا ..

_ تعرفين مرات اتفاجئ يعني الشخص شيحصل اذا هيج صار مشتعل بنار الحقد .

_ يختتيي خليها بالكلب تجرح ولا تطلع برة وتفضح اكثر

_ انا هم قصتيي شوي متشابها وي قصتج .

_ شلون ؟

_ انا هم زوجي استشهد ب 2016 وجنت حامل بابني مجد الحسين وعادي ولدت وخلص الحداد مالتي بس بعدها بسنة انسجن اخوي الوحيد لان نحن امنا وابونا ميتين ف جنت ساكنة وي اخوي الوحيد لهيب واجت الشرطة وسجنتة يابة لييش والله شاكين بي اربعة ارهاب وي داعش يشتغل. اتخيلي اخوي جان عندة صديق صار يمر علية ويجيب الاحتياجات ولمن لاحض هلشي ميكفي و لهيب مطول اجة وعقد عليـة بالسر حتى يحلل دخلتة للبيت عليـة وميصير حرام لان هو سيد تعرفين
وانا جنت محتاجة بس ضل رجال وياي قبلت ومشيت وياه وهاي صالنـة ثلاث سنوات مزوجين ونحن هيج
وضعنا تعرفين لان حبيتة صرت ما اتمنـى اخوي يطلع

_ ليش ولج ؟

_ لان ياختي اعرف زوجي مجرد يطلع اخوي راح يطلكني هو متحلمنـي علمود غياب لهيب .

_ صاللكم ثلاث سنوات متزوجين معقول مصار شي ابيناتكم ما حباج شنو حتى لو كلبة احجاار بثلاث سنوات يلين ..

_ البكلبة شخص ما ينفتح كلبة لغيرة لو يكضي العمر بدونة

_ ياااا يحبب ؟؟

_ اييي

_ جا يختي انسي خيوليي الخلقة مخلق غيرة ادعي يطلع اخوج وتعيشين وياه بكرامة وانت حلـوة وصغيرة راح يجيج اليستاهلج ويشبه اوصافج .

_ جااي احاول اعيش بدونة واتعود على غيابة

_ دامج وياي هنا راح اخليج تنسين حتى اسمة

_ اتمنــى .. اكول دردر خلينا نرجع لا يكعد مجدي

_ ما تردين نصعد بالبلم ؟؟

_ بغير مرة كلبي صار يم مجد

_ تمام يروحيي تعالي

كمنا انا ودريـة ورحنا صوب المزرعة ودخلت للبيت صعدت للغرفة طبيت لكيت مجدي كاعد رحت حضنتة وكعدتة بحضني اشم بي
لان اتذكر علي الباقر بي !! السهم الصار بكلبي من ورة علي الباقر ولو هو مو ذنبـة بس السهم الي بكلبي جاي يعذنبي كلما اتذكرة جاي يبز بكلبـي شنو الي بيها هاي التحبـها ليش عايفـني ورايح تركض وراها وهي متدري بوجودك اصلاً لان لو تدري جانت قبلت بيك وهسة هية زوجتك ..
ليش قاسـي كلبـك وياي هييـج ؟؟؟
بس معلش يجي يوم يا علي الباقر يجي يوم وتعرف النعمة الجانت عندك وانت ما حاس بيها

↲ بَــــ غ ـــــداد ↳

"" حامِد المتقيـن ""

طلعــت من الصبح ورحت وكفت بعيد عن بيت سراج بس شفت انمار و اصفاد الحق وهم واكفين يدكون الباب وانفتح ودخلو لجوة

وسمعت صوت رنين اتصال طلعت تلفوني لكيت
البشير قيصر يتصل !
جاوبتـة وجان صوتة بخوف

البشير قيصـر :: الووو حاامدد

_ ها خويــة خيرك ؟؟

_ اكلك الفاروق يمتا حجيت وياه ؟

_ مااعرف من اول امس بليل

_ امس رجع للبيت ؟

_ لاا مرجع واتصلت عليك حتى اشوفـة يمك وانت ما رديت

_ حامد فاروق مموجود اتصل علية صديقة يسالني عنة

_ وين يعني رايح ؟؟

_ مادري تلفونة مغلق ..

_ اهدئ لا تخاف هسة انا جايك وين انت ؟؟

_ انا طالع لعمي اشوفة يمهم انت روحح للمحل شوفة واسال علية هناك

_ تمام خويــة

سديت الخط وتركت انمار و اصفاد الحق لوحدهم ورحت توجهت لسيارتي وطلعت للمحلات اشوف

انا من امس عرفت بي ماهوة وتلفونــة مغلق شلون هيج تجاهلت هلشي وما انطيتـة اهميـة ؟؟

خرب ابليسـي ..

وصلـت للمحل ونزلت ولكيت العمال اثنين منهم بالباب .
اردفت بالســلام :

حامِد المتقين :: الســلام عليــكم

_ وعليـكم السلام

_ صاحب هلمحل السيد الفاروق الاعظم وين الكي ؟

_ هَو ما اجـى من أمس الصبح .

_ يعني ما اجاكم ؟

_ لا أجــة اخذ شي من فوك المكتب وراح

_ زين مكاللكم وين رايــح شيي ؟

_ ماعرف انا دخلت جـوة واصلاً ما شفتـة من طلع بس عقيل جان يمـة .

_ وينــة عقيل صيحة الي بســرعـة

_ دقيقـة ..

دخل العامل وبعد شوي طلعلي هو ووياه واحد ثاني واشر الاول على الثانـي واردف ..

_ هذا عقيـل ..

_ عقيـل انت جنت موجود امس لمن السيد الفاروق الاعظم طلع ؟

عقــيل :: اييي جنت وياه ووصلتة لسيارتـة لان جنت احجي وياه

_ ما كالك وين رايح ؟

عقــيل :: لا بس لمن شفتـة طالع اجيتـة احجي وياه علمود الحسابات وهيج كالي من ارجع من النجف انا بذات نفسي اراجعهم عوفهم على المكتب وصعد سيارتـة وراح .

_ رايــح للنجــف !!

عقــيل ;; هَو هيج كال

_ تمام اشكركم بالكم للمحل واذا انتهى الدوام قفلـو كلشي و المفاتيح سلموهن لــعون لمن يجي الفاروق الاعظم .

_ ان شاءالله

عفت الولد و رحت لسيارتي و رجعت رحت للبشير قيصر لكيتـة ابيت خالي الحسن المجتبـى يتلوة بأفكارة و خالي عبد الحسن يفتـر بمكانــة و هوة يكلب بتلفونـة محتار بِ منو يتصل و منو يسأل !!؟
اول ما دخلت الهم و شافنـي البشير قيصر طفر لي يمي واردف ..

حامِد المتقين :; الســلام عليــكم

علي السجاد :: هاا ابو كرم بشر ؟

البشير قيصر :: لكييت شي عن الفاروق وصلت الة ؟؟

_ رحت للمحل والعامل كالي ان الفاروق اجة. وراح امس الصبح وكاللهم من ارجع من النجــف اراجع الحسابات ..

عبد الحسن :: اتسودن هذا شيسوي بالنجــف ؟؟

البشير قيصر :: مؤمل و تحرير ..

عافنـة البشير قيصر وطلع يركض بعد ما اردف بهمس باسم أخوانـة الماتو وطلع وراه علي السجاد .

عبد الحسن ::علي السجاد لحك علية لا تخلي يروح لوحدة

_ صار بويــة

بقيـت واكف بمكاني واردف خالي وياي ..

عبد الحسن ;; عندك شي ؟

_ ما فهمــت ؟

_ تجي ويــاي للمستشفى لو تروح وراهم للنجـف ؟

_ لاا ماكدر لا هاي و لا هاي اصلاً جان عندي شغل و عفتـة علمود البشير قيصر لان اتصل عليـة .

_ اهاا زين وصلنـي للمستشفى واطلع لشغلـك

_ تمام خالـي اتفضل .

رحــنا انا وخــالي طلعنا من البيت و نحن بالطريق اتصـل على علي الهادي و علي الرضا و طمئنهم على الفاروق الاعظم و طلب يرجعون لبيتهم لان البنات لوحدهم هناك والنسوان راحــن .
وصلتـة ونزل من السيـارة وطلعت لمكاني اشوف شصار وي انمار و اصفاد الحق ..

"" علــي الصــادق ""

كعدت افلش بالبيت و اصيح بكل ما بية صوت واسفل بِ علي الكاظم لمن عرفت انه طلع كدام ابوي وخلا عبد الحسن يعرف نحن هنا ..

علي الكاظم :: كاافييي تصييح ماكدرت كلبي جمر لمن شفتـة بالموكب ومسيطرت على روحي ورحت اله

_ ولك تعرف شسووويت انت هسسة ؟؟

_ شسوويت يعني شنو كفرنا اذا قررنا نرجع لديارنا ليش خايف ومعظم الموضوع هلكثر ؟

_ لا مو كفر و ما معظم بس انا جنت منتضر الفرصة المناسبة حتى نطلع الهم مجنت اريد تطلع حضرة جنابك بهاذا المنضر وهاي شسويت هااا شنو الي استفدناه نحن من روحتــك الة هسسة ؟؟ غير انك حطيت فوك النار زيت ..

_ صادق شنو جنت متأمل اذا طلعنا كدامهم بالمنضر الي انت تريدة راح يستقبلنا بالاحضان ؟؟ هاذا عبد الحسن ..

_ ماريدة يستقبلنا وعساه مو شافنـة ولك انا جاي اسوي لشي اكبر من هيج وانت هسة ولك ... هففف استغفر الله

_ لشنو جاي تسوي ؟

_ الوقــتت مو مناسسب تطلع كدامة مو وقتها هسة تخلي ذاك المخلوق يشوفك غلط غلط والغلط مني مجنت لازم اثق بيك واخليك تطلع لوحدك ادري بيك جنت راح تصخمها

_ صار الي صاار و مو مهم هسة يومين وينساني ولا تفكر انا كلش حاطلـة اهمية واعتبار ويفكر بينا ..

_ مراح ينسى ولا عبالك سوالفك هاي وياه راح يفوتها هيج علي الكاظم ذاك خلص اتبرة مننا يعني جان غلط تطلع كدامة هيج وتتصرف وياه هيج لان ما يعتبرك ابنـة وراح يسوي بيك كلشي .

_ مثــل شنو يعـنـي ؟!

_ مااعرف بس يطلع بيدة كلشــي هذا ..

_ بس خويـــة

_ دقيقــة اشوف الباب واجيك

انقطــع كلامـي وي علي الكاظم وي صوت الباب يندك
لمن تركتــة ورحت اشوف منــو !!
فتحــت الباب لكيــت الشرطــة كدامـي ..
وكفت كدامهم واردفت ..

علــي الصادق :: أهــلاً و سهلاً ..

_ حضرتك علي الكاظم ؟

_ لا انا علي الصادق اخوة .

_ تفضل صيح النا علي الكاظم .

_ بس ليش ؟

بهل وقت اجة علي الكاظم و وكف وراي ..
ونضر الة واردف الشرطي ورد عليــة علي الكاظم .

_ حضرتـك علي الكاظم ؟

علـي الكاظم :: ايي انا هوة تفضل محتاجين شي ؟

_ تفضل ويانـة بكل هدوء لمركز الشرطـة متسجلـة دعـوة ضدك لا تخليـنا ناخذك بالقوة ..

بقيت اباوع لعلي الكاظم دعوة شنو التسجل ونحن مصار النا زمان هنا وما مداحجين بشخص .
دخلت الشرطة واخذت اخوي وهو يباوع الي ويكلي
( ما سويت شي لا تعوفنــي )
اردفت بهمس وي نفسـي ..
بِ ( عــبد الحسن )

━━━━━━━━━━━━━━━━━━━

__ تنسّانِي رُوحِي والگِه
بَاب المَحنِة گلبَک ..

يَــتـــبـِــع ☜✺☞

لتواصل حسابي انستكرام : o.oll13

لتواصل مع ابطال القصة
رابط قناتهم تلكرام : ali_bakiir

9،015 كلـــمة ✨✨

━━━━━━━━━━━━━━━━━━━

لهــنا يكون خلص البــارت
اتمنــى يكون نال اعجابــكم
لا تنسون اخر شي تتركون وراكم أثر حلو
بتعليــق و تصويت أهم شي
وتنطـونـي توقعاتــكم شنو الجاي ؟

احبـــكم والســــلام 💗✨

صـغيــرتــكم رُقــيــة الــأكبـــر