رواية احفاد السيد : الثار ( بأجزائها الإثنين ) الفصل الاول 1 - بقلم ​رُقَـيَّـةُ الْأَكْـبَـرُ

رواية احفاد السيد : الثار
الجزء الأول ضحايا الثار

بقلمي 🍀 رقية الأكبر 🍀

تصوويت ومتابعة لحسابي تقدير صغير للتعب oo_ll13

ومتابعه لحسابي الانستا اذا حبيتوا

البارت 2

_ يُصعَب تجاوزنا، نحنُ الذين نترك اثراً...

༺༻༺༻༺༻༺༻

نجلاء.: نزلت اركض وكفت ورة قيصر وصيحتتتت

ـ قيييصر!!!! جنازة منوووو؟؟؟؟

تحرير:؛ جنازة ابو عادل جيرانة.... ماتت بلمستشفى ومحد يدري بي وهسه جابو جنازتةة ونزلو التابوت ...!!

قيصر.: صاعد البس دشداشتي واجيكك

ـ لاتتاخر....

ضليت صافنة عليهم ووكعت بلكاع ابجي على الرهبة المرت على كلبي ركضلي تحرير جابلي ماي وكومني كعدني على الكنباية بلهول

ـ اكعدي يمة اكعدي اسم الله عليج شبيج؟؟؟

ـ كلبي وكعع من سمعت صوتك عبالي ابني عقيل الي نايم بلمستشفى صار بي شي وضنيت جنازتة الي اجت...

ـ لالا اسم الله علليية لاتفالوين ان شاءلله مابي شييي واسسف وحقج علية خوفتج..

ـ لا يمة مو ذنبك انت حبيبي

ـ ارتاحي يلا صاعد البس انا حت اروح وياهم بلجنازة او اوكف بلفاتحة...

ـ تمام يمةة اذا تحتاج شي صيحني..

ـ لاتتعبين روحج ويانه عيوني ♡

༺ الانبار بيت قصطير ༻

قصطير.: شلونهم احزام ضهري!؟

أنمار.: هلا بيك بوية

ـ شلونكم؟؟

بندر.: بخير دامك بخير

ـ اذا انتم هنااا منو راح للمطار يوصل اخواتكم؟

أنمار.: راشد راح علمود يرجع جوان ولينا

ـ يوصلون بسلامة ♡♡ عَجل سوزان وينهة؟؟

سوزان.: السال عني انا هنا موجودةة

ـ هلا بوية ضيعت حسج بلبيت

ـ جنت فوك ارتب غرفة البنات لان مضل وقت راح يوصلن...

ـ ربي يرضى عنج..

أنمار.: انا طالع هسه...

ـ انمار من يوصل اخوك راشد جيبة وتعالو الي لفوك اريدكم بسويلفة

ـ مدام سويلفة يعني كارثة

ـ بس يجي اخوك جيبة وتعالو لفوك ﺣـ انتضركم

ـ ان شاءلله...

༺ المـطـار ༻

جوان.: Hallooo❀

راشد.: وعليكم السلام

لينا.: شلونك .؟!

ـ اني بخير والحمدالله على سلامتكم ساعة انتضر هنا تعالن يلا لسيارة..

جوان.: بابة موجود بلبيت؟؟

ـ اي وصل قبلكم

جوان.: مشتاقتلكم نفر نفر

ـ واحنا هم مشتاقين لدمج الثقيل...

لينا.: بعد غياب 10سنوات والله شتاقينة ياهوى بغداد..

جوان.: اميركا احلا.. لو بابة ما اصر على رجعته باقية هناك ولا ارجع..

ـ مبين جو امريكا لايك عليج لينا صايرة كومة من الجمال

لينا.: عيونك هااي

جوان.: انا بنت العبدة السودة

ـ زين عرفتي نفسج...

༺ وبعد ما وصلو للبيت
اعلنت الحكومة حضر تجوال بكل انحاء العراق بسبب التظاهرات وبتدأ من الساعة 7م الى الفجر لغرض السيطرة على الوضع ༻

انمار.: بعد ماا رجع راشد وارتاح صعدنا انا وياه لابوي ودخلنة الة ولكينه بندر سابقنا وكاعد وبيده سجل كعدنا يمه مثل اطرش بزفة...

قصطير.: زين اجيتو هسه كملنا يلا بوية بندر احجي

بندر.: اول شي هوة بلغ عن 10 من زلمنة لي ببغداد وسجنهم اسمة علي الباقر عبد الحسن

ـ يعني شيعي!!؟

ـ سيد هم سادة

ـ كلتلي شنووو اسمة؟؟؟

ـ علي الباقر عبد الحسن احمد

ـ امة اسمه العلوية سبحات ؟؟؟

ـ اي بوية بس شلون عرفت؟؟؟!

ـ ڪمل المعلومات......

ـ هم آصل البصرة من عشيرة الموسوي لكن انتقلو وعاشو بلنجف وبعد احداث 2004 انتقلو لبغداد واستقرو هنا

ـ جدهم السيد لهسة عايش؟؟

ـ لا ماات من زمان وترك وراه ثلاث زلم وبنت وحدة هما « الحسن المجتبى و صفاء الحسن و عبد الحسن و فاطمـة »
والي عرفتة ان الاخوان المجتبى وصفاء سوو حادث سياره على اثرها صفاء الحسن ودع والحسن المجتبى اتعوق..
واختهم فاطمة متزوجة ومستقرة بلبصرة ما اجت لهنا لان زوجهة بصراوي...

ـ شكم ولد عدهم؟؟؟

ـ الحسن المجتبى عندة بنات اثنين
« رحمة وطيبة » وعندة ولد واحد اسمة « المعتز بالله »..

ـ والباقين !؟؟

ـ صفاء الحسن عندة بس اربع اولاد هم
« قيصر و مؤمل و فاروق و تحرير »

و عبد الحسن عندة اربع ولد هم
« علي السجاد و علي الباقر و علي الهادي و علي الرضا »
وعندة بس بنات ثنين « اريج وغدير »....

ـ وفاطمة شنو عدها؟؟؟

ـ عندها ثلاث ولد « مصطفى و مرتضى و حامد » وكذالك عدها بنات اثنين « بنين و مسرة » والي عرفته ان مسرة ماتت بعد حرب وي مرض السرطان وكذالك ابوهم مستشهد من احداث 2014 وبقت ساكنة بلبصرة وي اولادها ما اجت لبغداد وبقت يم اخوانها.....

ـ ..........................

اخوي بندر يسولف وابوي مركز بكلامة ونضرات شر اشوف بعيونة بعد ما سكت بندر ابوي ضل صافن وانا ما فاهم شي منو هاي العائلة شنو يريد منهم ابوي شنو مسوين الة حتى وصلو لمرحلة ابوي يجيب معلومات عنهم!؟؟..... بعد ما حجة ابوي وي بندر كام اخوي وطلع..... بعدها ابوي نضر لراشد واردف....

ـ سألت عليهم !؟؟؟

راشد.: اي بوية وانا هناك اجيب البنات مريت على الجماعة وانطوني كم معلومة..

انا هنا ادركت ان الكل يعرف بالموضوع الا انا اطرش بزفة
رجع ابوي وسال راشد..

ـ بس اريد اعرف شلوون علاقتة وي سوالف البنات والحب !!!؟؟؟

جاوبة راشد...

ـ لا بوية هذول حيل منحدرين بدين فا ماعدهم سوالف الحب...

ـ اواشك علينة اواشك...

ـ شنو بوية؟؟؟!

هنا ابوي صفن وانا مستمر بغبائي حرفياً مجنت فاهم ولا كلمة من اليكولوها اخواني
بعد الصفنة رفع راسة قصطير(ابوي) بعد ما جان مخرم ولفظ بكل حقد وبغض...

ـ هم عدهم شخص ما يفارڪو ؟؟؟!

راشد.: لا بوية بس واني هناك لاحظت ابوهم عبد الحسن مــ يفارك رجال بالمسجد اسمه الشيخ محمد....

ـ وهذا سالت عنه مووو....

ـ اي جنت اريد اعرف شنو يصير اله وتالي طلعت ماكو صلة قرابة ابيناتهم مجررد صداقة جامع....

ـ وهذا الشيخ عندة اولاد؟؟؟

ـ سمعت من الجيران وقت سالت علية كالو الي صالة اكثر من 30 سنة متزوج لكن ما نرزق اطفال...

بهاي الاثناء ابوي صار يباوع علية وبعد ما طلب من راشد كم سالفة طلع راشد ضليت بس انا وابوي بلغرفة....
ضل صافن علية وي ابتسامة خبيثة!!!
اردفت اله بسؤال...

ـ شنو بوية شبيك؟؟؟

ـ انت تكدر الها....

ـ شنو بوية مافاهم شي ترى....

ـ سمعت الكلام الي كالو اخوانك!؟؟

ـ اي سمعت وهم ما فاهم شي...

ـ هذولة السادة حافرين كلبي وشاعلين نار بلحفرة من سنين وهاي العائلة مو راضية تعوفني بحالي ودوم تضرني لحد هسه بالماضي جدهم احمد واولاده هسه اجاني حفيدهم وصار منهم وهم اندك بيه بلغ عن 10 من زلمنا الي بالعاصمة وخلى الشرطة تلقي القبض عليهم.....

ـ شنو بوية هسه تريد تتورط وي السادة؟؟!

ـ هم الي تورطو وياي سكتت عنهم هواي خاطر يملون ويعوفني بس ما تركوني شنو بيدي بعد مابية اضل ساكت اكثر من هيج الا اخليهم يتندمون على الساعة الي شافو عيون قصطير بيهن....

ـ شنو راح تسوي!؟؟

ـ راح اشعل النار ابنص بيتهم واخليهم يطيحون واحد ورة الثاني

ـ شلون حـ تسوي هيج؟؟

ـ مكدر اسوي شي بدونك انت محتاج مساعدتك ومساعدة لينا...

ـ شنوووة؟؟؟

ـ راح تصيرون ولد الشيخ محمد وراح ادخلون بيت عبد الحسن من اوسع ابوابة...

ـ شلون؟؟

ـ لاتسال شلون انا دزيت راشد حيدبر كلشي الكم...

انا هنا ضليت صافن على الدا يصير شنو يسوي كلشي شنو اصير شيعي شنو اصير ابن شيخ؟؟؟ شنو اروح لبغداد؟؟.
أسالة هوواي دارت براسي بدون جواب الهن.....؟؟
باوع الي ولصفنتي قصطير ونتر بوجهي..

ـ شبيك صافن ڪأنك مهبول؟؟؟

ـ ليش تريدنا نروح لغادي؟؟ هلڪد يهموك هذولي الشيعة ؟؟؟

ـ انمااار. .!!!!

ـ ها بوية هااا....

ـ انا عندي ثأر قديم وي عائلة احمد وأولاده وهسه صارت حتى وي أحفاد احمد ومراح أكن ولا اهدة للوقت اليرجع حقي وارجع ڪلشي....

ـ يعني عندك ثأر وي جدهم؟؟؟

ـ اي وزاد الطين حفيدهم علي الباقر لمن اندك بزلمي...

ـ خليني بس انا اروح واخلصهم الك طلع لينا من الموضوع كلة ولا توصخها بسوالف الثارات والانتقام هاي ....

ـ انا اريدكم اصيرون عيني وسمعي هناك ببغداد...

ـ ايي خليني بس انا لينا شكوو مدخلهة؟؟

ـ انت الك شغلك ولينا الها شغلها......

ـ شنو شغلها؟؟؟

ـ راح تصير الكل بالكل ابيت عبد الحسن..

ـ بوية لا اطير عقلي هذولة سادة شنو لينا تصير الكل بالكل ابيت السيد؟؟؟

ـ سهلة انتم حصيرو ولد الشيخ فا لينا راح تتزوج واحد من ولد عبد الحسن..

ـ وااوو السالفة كلش سهلةة هاااا بوية ترى سهلة بس بلكلامم..
وشلون راح يقبل الشيخ نصير اولادة والناااس شنو راح يقنعهم بعد هلعمر يطلع لشيخ ولد وبنت اطول منة....

ـ الفلوس والتهديد والخوف الهن دور ترى
انا هسه كلفت راشد بهل موضوع ومعليك حتروحو معززين مكرمين للبيت وهوة راح يرحب بيكم ويحطكم بصدره...
واذا على الناس...
يكللهم جان متزوج انبارية بسر وانتم اولادها ومن ماتت جابكم لان يريدكم يمة كلشي سهلل لان اناا قصطير اريده يكون سهل لاتفكر بعد....

ـ وانا شنو شغلي هنااك؟؟

ـ انت شغلك تحمي لينا ماريد ادزها لوحدها لان الشغل كلة لختك هي الراح تطب ابيناتهم وراح تسوي كلشي انت العليك بس تحط عينك عليهة خااف كلشي يصير...

ضليت صافن على كلام ابوي بعدها اردفت..

ـ مااعرف شكلك والله ...

ـ ماريدك تكلي شي كووم صيح اختك..

ـ تمام....

ـ انتضرك....

طلعت من الغرفة ابوي ورحت لغرفة لينا وجوان بعد مدخلت صحت الها اخذتها ورحنا سوة طبينا للغرفة وكعدت لينا كدام ابوي وانا ضليت واكف كدام الباب واسمع الكلام....
وابوي اول مدخلت لينا وكعدت كدامة باوع لعيونها ابتسم واردف وياها...

ـ شنو هاذا الجمال ڪلة وفوك هذا ڪلة عيون الريم الشايلتهم؟؟؟!

ضحكت لينا وجاوبتة

ـ لو مو انت وحمايتك الي جان هذا الجمال صار متعوب وجان هاي عيون الريم مايمرهن الضوة....

ـ والله بساعة شوفتي الج صرتي وحسبتج بنت من بناتي وصرتي اعز من بناتي سوزان وجوان الله وحده يشهد...

ـ افديك بعمري هم ما اوفيك ولا اوفي فضلك....

ـ فضلي على نفسي بويةة .... اكول لينا...

ـ ڪول ياعيوني الاشووف بيهن ♡

ـ اريد منج خدمة صغيرونة...

ـ انت متطلب انت تآمر آمر ♡♡

ـ اكو مهمة انا اعرف محد غيرج كدها فا اريد تصير صدك كدهااا

ـ نورنا شنو هاي المهمة؟؟

بدة ابوي يسولف عن المهمة وتفاصيلهة والي يريده من لينا...
وانتبهت على علي ملامح لينا شلون تغيرت بلوقت الابوي يتقدم بالكلام ولوقت ما وصل لنهاية كلامة صرخت بوجه بكل عصبية وهستيرية....

ـ هاااا شنووو تريدنييي اناااا اتزوجج شيعي ولااا سيدددد !!!!! رب اربااب الشيععةةة اناااا.....

ـ اعرف النار الشاعلة بداخلج اكبر من النار البية ولهذا السبب اختاريتج لان انتِ الوحيده التستاهلين تشوفين شلون هذولة يتبهذلون على ايدج انتِ...

ـ بس بابة.....

ـ انا اعرف ان دم سنونج الشيعة هسه انا حطيت فرصة من ذهب ابين ايديج روحي ادخلي ابينهم واخذي ثار امج وابوج منهم وخليني انا اخذ ثاري واحنا الاثنين ننتقم.؟؟

ـ .......................

ـ باوعيلي لينانة حقج تسكتين وادري شنو صار بكلبج هسه بس بويية اريدج اطفي حرتج روحييي وسوي بيهم الي انت تريدي لاترحمي احد بيهم وانمار وياج بضهرج يحميج وانا همم على تواصل وياج...
هاااا شكلتي؟؟؟

ـ عادي اخذ وقتي افكر؟؟؟؟

ـ عاديي عاديي بس باجر رجعيلي خبر هاا..

ـ ان شاءلله... رايحة لغرفتي..

ـ لينا بابة...

ـ ها بابة؟؟؟

ـ لاتنسين دم ابوج وامج حطيهم بعيونج وفكري شلون الشيعة حرموج منهم!!!!

ـ هوة هيج حروح هسة....

ـ تصبحين على خير ♡♡♡ وانت انمار هم روح ارتااح

انمار.: تمام تصبح على خير

طلعت من غرفة ابوي ورحت لغرفتي وضليت افكر شلون ابوي فر السالفة وجاب لينا من نقطة ضعفها حتى توافق
وهي موضوع امها وابوها الي ماتو بايام حرب الطائفة وعساسس عساسس الي كتلهم واحد شيعي...
لذالك لينا تكره وتبغض شخص اسمه شيعي... فا ابوي لعبهة صح وانا جنت متاكد لينا حتوافق.....

༺ بــَـغــداد ༻

رحـَمــة:: من بعد مانفرض حضر تجوال الشامل على بغداد من ساعة 7 م وانا تاخرت بدوام بلمستشفى طلعت الساعة 9م وانا امشي بسيارتي والشوارع فارغة
استوقفتني سيطرة وبعد مجنت رافعة جام السيارة اجة الرجال ومتنة ماعلي شي يمكن منتسب عادي طلب مني انزل الجامه بعد منزلتها
اردف الي باستغراب.....

ـ نزلي الجامة...

ـ نعم اخي....

ـ متعرفين اكو حضر تجوال ؟؟؟

ـ قبل شوي عرفت....

ـ ليش مرجعتي للبيت شكو طالعة؟؟

ـ اخوية انا دكتورة جنت لازم اروح والله من الــ5 العصر لحد هسة ياﷲ كملت اخر عملية وطلعت لان مكدر انام بلمستشفى....

ـ هويتج واوراق السيارة بسرعةة...

ـ تمامم

وتاخرت شوي وانا اطلع لان ملكيت جنسيتي صرت ادور عليهة.. نتر علية

ـ هاااا شصار وياج؟؟؟؟

ـ خوية هاي الاوراق بس هويتي مااعرف اظن ما شيلتها

ـ اكول اختي انزلي بعد عيني عينج... انزلي....

ـ وين؟؟

ـ انزلي من السيارة دقايق بس...

ـ شنو خوية؟؟

ـ مجبور اوقف السيارة واوقفج هم...

ـ عزة العزاني خوية يا توقيف ﷲ يخليك...

ـ اوكفي هنا هسة...

ـ تمام....

☜ مشهد ثاني ☞
راح المنتسب ووكف على راس الضابط مالتة خاطر يكلة على الحالة البرة...

ـ سيدي!!

زُبير.:: خير قاسم خير وكفت على راسي؟؟!

ـ اكو بنت توها اجت بسيارتهة وكاسرة الحضر....

ـ شلون طالعة بالحضر احجز السيارة ووقفها لصبح....

ـ سيدي اهي دكتورة وتكول توها طلعت انجبرت تتاخر بلعمليات ومتكدر تنام هناك بلمستشفى...

ـ قاسم شغلنا مابي عاططفةة واذاا دكتوورة نفس الشي

ـ سيدي طلبت الاوراق والهوية مالتهة...

ـ قاااسم...

ـ اي سيدي بس هية نطتني بس الاوراق كالتلي مشايلة هويتها.....

ـ وين هية هسه؟؟

ـ برة واكفة يم السيارة....

ـ استغفر ﷲ...... خلص ابقى انت هنا انطيني الاوراق مالتهة انا طالع الها....

ـ تمام سيدي تفضل....

~طلع زُبير يتمشى بعد ما وصل لسيارة لكة البنية داير وجهة ومنطيتة ظهرها لفظ وياها ~

ـ ديري وجهج؟؟

ـ نعم؟

ـ هااااي انت هممم؟؟؟

ـ سيادة النقيب!

ـ حالفة تورطيني وياج يعني!؟

ـ والله مو بيدي انت مجاي تصادفني بس بلمصايب....

ـ ليش طالعة بالحضر وليش مشايلة هويتج؟؟

ـ اقسم الك وروحة للحُسين جانت عندي عمليه وهسه ياللة كملت وهم مجنت منتبه لهويتي بالعادة اتركهة بالكفر وهاي شوف البارحة بليل شلت الكفر....

بعد مضل صافن بوجهي كال

ـ شنو لازم أكولج هسه؟؟.

ـ تكدر تكلي روحي عاادي هاا..؟؟

ـ استغفرﷲ تمام روحيي...

ـ شكرا هواي....

ـ سجلي رقمي يمج حتصادفج هوواي سيطرات خاف فا اتصلي علية وخليني احجي وياهم خاطر تعبرين...

ـ تمام انطييني رقمك....

ـ سجلي....

بعد منطاني رقمة وسجلتة رحت حتى اصعد بسيارة واروح رجع صاحني انداريت الة ولكيتة ماد ايدة الي ولازم اوراق سيارتي...

ـ تتعاااي وين رايححة؟؟

ـ نعم!؟

ـ اتفضلي ياست اوراق سيارتج شكو مبقيتهن عندي اتبارك بيهن ؟؟

ـ يوو منتبهت عليهن جان نسيتهن وﷲ

ـ ادور ڪثري بأڪل اللوز احسن مفيد عود انت الدكتورة المفروض انت التنصحين مو احد ينصحج...

ـ شنسوي بعد.. شكرا هوواي خووية..

ـ خوية.؟؟ كاعده بعلووة.؟؟؟! على العموم الله وياج..

مــَع السلامة ✿

﹉﹉﹉﹉﹉﹉﹉﹉﹉﹉﹉﹉﹉﹉﹉

سيد علي السجاد :

بعد ما تعشينة وتفاجات باختي أريج ما اكلت ويانة صعدت الها ودخلت للغرفة وسديت الباب وكعدت كدامهة.....

أريج.:: علي السجاد؟؟

ـ اي. يروحة انت...

ـ شلونك؟

ـ عوفج مني انت كليلي وسولفيلي يابعد ڪل حيلي ليش ما اكلتي.!!؟

ـ نفسي مسدودة....

ـ افى علييج من شنوو نفسج تنسد وعلي السجاد موجود؟؟؟؟

ـ فدوة اروحلك بس صددك مابية اكل مالي خلك...

ـ صاير شي؟؟

ـ مثل شنو؟

ـ يعني احد مزعلج السيد الوالد حاجي شي وياج متعاركين؟؟

ـ روح اسألة.....

ـ حجيتي وياه بخصوص الدوام.؟؟

ـ رفض كلعادةة...

ـ اووف انت تعرفين رئي ابوي بهاذا الموضوع وحجينة وياه هوواي ورفض رفض قطعي ليش تحجي وياه وتكدرين على خاطرج ؟؟؟؟

ـ علي السجاد مو حالة هااي والله اريد احس بقيمة شهادتي اريد اشتغل واعتمد على نفسي لعد المن درست وكسرت ضهري علمود هااي الكعده بلبيت؟؟؟

ـ ليش كعده بلبيت انت مو كلتي تحبين الخياطة وهاي ابوي ركض وفتحلج محل خياطة وخلاج مسؤلة علية والبنات يتعلمن ويشتغلن جوة ايدج...

ـ هاي هواية اريد مهنة...

ـ اريج شلموضوع؟؟؟..

ـ وﷲ داحجي صدكك مو حالة هاي علي السجاد يعني كال النا حجاب وعباية وكلنا ميخالف علوييات رجع النا بالنقاب والجفوف والله اليشوفنا بشارع يكول شاردات من عوائل داعش وهم ما كلنا شي وهسه ميريدني اشتغل بشهادتي....

ـ چـا شنو تردين تطلعين متبرجة وسافره مراضية على العباية...؟؟

ـ لاا بس هي العباية مو واجبة ونحن نلبسهة اقتداء بالسيدة الزهراء (؏)
لكن يخنكنا هيج نقاب وجفوف ممنوع الاختلاط ممنوع الشغل
هاي مو عقلية نحن هسه بسنة 2019 الناس وصلت للقمر..

ـ وتوصل للقمر شنو يعني فازو بالاخرى؟؟؟ اريج اريج اريج لاتخلين طموحج شغل دنيوي اببد لاتشتغلين على دنياج ابد خلي طموحج وشغلج للاخرى
وخلي براسج دوم ولاية علي لوحدها مو ڪافية...

ـ شلون ولاية علي لوحدها مو كافي اصلا هي تدخلني الجنة...

ـ غلط هيج غليط الامام ميريد بس اليكول أشهد علي ولي ﷲ..

ـ چـا شنو يريد؟؟!

ـ يريد الي يكول انا موالي لعلي واولادة ويمشي عدل يعني يصلي ويصوم ويزكي ويآمر بالمعروف وينهي عن المنكر يتجنب الحرام ويذكر اولادة ويعزيهم بمصابهم

ـ چا شلون يكولون شلع قلع ڪل الشيعة بجنة.؟!

ـ صح يكولون كل شيعة علي.... اما نحن هسة موالين مو شيعة
لمن نموت بيوم الحساب الامام علي هوة اليختار منو مننا احنا المواليين جنا كدها بالدنيا واستحقينا نكون شيعته ويختارنا بل الاخرى...
ابسط مثال عبد الرحمن ابن ملجم هذا جان طفل والامام علي اخذاه ورباه وسواه زلمة شكبره وجان هوة يعشق شي اسمه الامام علي..
وللعلم الامام علي جان يكول للناس موتي سوف يصبح على يد ابن ملجم
ومحد جان يصدك الامام لان جانو يشوفون حب ابن ملجم للامام...

ـ ززين؟؟؟

ـ مرة من المرات جانو كاعدين بلمسجد وجان ابن ملجم كاعد جوة المنبر فا رفع راسة للامام علي وكالة بصيغة( والله احبك) فا الامام جاوبة بصيغة (والله انك لا تحبني) تفاجاء الكل من رد الامام فا رد علية ابن ملجم بصيغة(ليش) تعرفين شنو رد علية الامام؟؟

ـ شنو؟؟؟

ـ كالة لان قريت اسماء شيعتي كلهم ولم اجد اسمك يعني الامام قاري اسماء كل الناس الي صددكك هم شيعتتة مو موالين...
كلتلج اكو فرق بين الشيعي والموالي يمكن هسه انت تكولين انا شيعيه واحب علي بس بالاخرى تكتشفين الامام اصلن مباوع الج....

ـ صدك وشلون ابن ملجم قتل الامام؟؟

ـ جانو يردون يخلصون من حكم الامام علي مالكو غير ابن ملجم حطو بطريقة بنت جانت كلش حلوة حباها ابن ملجم واهي جانت يهودية طلبت منة مهرها يكتل الامام علي وراح تخلي يزوجهة
نعمت عيونه راح بشهر رمضان الفجر طبر الامام علي بسيفة وبعد ثلاث ايام استشهد( ابيت الله نولد واستشهد بجامع)

ـ يحح شلون هييجج عاش وي الامام وسمع صووتة وشافة باعة هيج باع اخرتة علمود ابنية !!!!

ـ شفتي الدنيا شكد وصخة.... لاتصيرين منهن خليج هيج وبكل خطووة احمدي ﷲ..

ـ الحمدلله اكول علي.....

ـ كولي ياروحة لعلي....

ـ صالحت علي الباقر؟؟

ـ اييي صالحتة...

ـ زيين...

ـ واجة دورج نصالحج اذا السيد الوالد زعلج...

ـ مزعلانة من ابوي عاادي...

ـ متااكددة؟؟

ـ اي والله..

ـ حنزل اسويلج اكلة من ايدي وغصب عنج تاكلين...

ـ دام من ايدك اكيدد راح اكل

ـ يلا حنزل اطبخلج...

طلعت من غرفة اريج وانا اريد انزل مريت على غرفة اختي غدير وكذالك طبيت ولكتها مكابلة الملازم وتبجي
خطية طالبة سادس... رحت وكعدت يمهة
واخذت ايدها وبستها...

ـ ليشش كااعدة تبجيين؟؟؟

ـ عندي امتحان الاحد....

ـ والمن هاي الدمووع؟؟

ـ الاحياء صعبةةة علي السجاد والله صعبة مجاي تدخل هناا قريتها مليون مرةة مااكو...

ـ واذاا

ـ شنو واذا ارسب عااديي؟؟

ـ وااذاا؟؟

ـ سيد علييي!!!!

ـ ايي والله هسة هذا عذر يخلي هاي الجواهر تنززل؟؟؟

- تعبت ضلي ساعة اقرة غير التحاضير البقيية!!!!

ـ عادي اذا متنجحين بهذا تنجحين بغيرة لاتتعبين نفسج...

ـ يعني ارسسب

ـ وارسبي تعيدي سنة شنو مخلين سجينة على ركبتج بس ترسبين ننحرج او محضريلج عريس بس ترسبين نزوج عاادي تعيدي.....

ـ تمام حترك الاحياء هسة..

ـ حتركين الدراسة كلهة هسه...

ـ ليش؟؟؟

ـ لان راح تنزلين وياي ونسوي طبخة حلوووة لاروجه

ـ تمام تدلل علينة الست اريج

ـ هههه كوميلي يلا ........

وبعد ما رحنا للمطبخ وبدينا نطبخ ونتونس سوة
سمعنا صوت امي ترحب بناس

العلوية.:: لك يااهلااا ياميية هلااا يابعد رويحتتييي نوور البيت والله.....

يـــَــتـــبـــِـ؏ ❥ ☜

2980 كلمة

لاتنسون التصويت والتعليق ابين الفقرات
ومتابعه للحساب لنوصل لرقم جديد oo_ll13

تواصل انستكرام o.oll13

قناتي التلكرام موجودين بيها الأبطال oo_ii13