رواية احفاد السيد : الثار ( بأجزائها الإثنين ) الفصل الثاني 2 - بقلم ​رُقَـيَّـةُ الْأَكْـبَـرُ

أحفاد السيد
للكاتبة ( رقية الاكبر )

لاتنسون التصويت والتعليق ومتابعه للحساب

لبارت 5

ً خلـصت النـهار بخـير بـس الـيل شنو
يخلصـة؟؟؟
مـن يـبدي هـدوء النـاس....
وتـبدي بـداخلـك الخـبصـة !!!!!

✪✪✪✪✪✪✪✪✪✪✪✪✪✪✪✪✪

* بشير:: طلعت مستعجل انا وفاروق ورحنا للمستشفى.... وبعد ما وصلت...
وسالت.. انطوني الغرفة الموجود بيهة تحرير... صعدت الها ولكيت مؤمل واكع على الارض كدام الباب...
وملابسة عبارة عن لون احمر وجان خانك روحي ويبجي بحرك.....
رحت وكعت كدامه وكومته من الكاع وسالتة.......

بشير:: شهل دمم؟؟؟! تحريرر ويننةةة؟؟؟ لييش كاعدد تبجي؟؟؟! ....

مؤمل :::؛ تحرير.....

ـ احجيييي ويننةة؟؟

ـ جوووة جووةةة...

فاروق:: شنو يعني جوة!؟؟

ـ طلع تضاهرات وياي والشغب هجم علينا برصاص الحي واتصوب تحرير وهم جماعة حامد نصهم ماتو من مسيل الدموع اجة براسهم وانا جبته لهنا جوة بلعمليات هسه دخلووو......

فاروق:: تحرير متصووب وينة وين يتحمل وجع طلقة الطفل هذاا؟؟؟؟؟....

ـ مادرري ماادرييي شلون صار هيج انا حيلل خايف علييي...

* تصرف سريع مني ضربت مؤمل راجدي وضليت اصيح عليية بكل حركة وعصبيه....

ـ تريد ترووحح تتظاهر رووحح الله ياخذذك بسس تحريررر شكوو تاخذذه ويااك شكوووو ليروحح ويصخمم وياكك.... شجااابب تحرير عليكك؟؟؟؟

ـ هوة اتصل علية واجى والله ماعلية انااا...

ـ مؤمل علم يوصلك ويتعداك خليتك تتظاهر وتخاطر بروحك بهااي الهوسة ومحجيت شي بسسس مال توصل لتحرير لااااااا تتحريرر خط احمررر فهمتتتتت....

ولكك هذاا امانةة عنديي هاذذذ ابنييي انا مربيييي.... سووووي. كلشي بس لاتحرك كلبي على تحرير فهمتتتت......

وخليها ببالك لو صاار على تحرير شي هاي المره وحق جلالة الله ماتخلص منيي ولا من عمامي......

فاروق؛: خللص بشير اهدة هم اكو مرضى هنا مو لوحدناا يمعوود....

ـ شكال الدكتور هسة؟؟؟

ـ مادري دخلو للعمليات واجابو دم وبعدهم لهسة مطالعين....

ـ ياربي سترك..... ياعلي احضرنا يااعليي ادركنا الغووث الغووث يااعليي......

༺༺༺༺༺༻༻༻༻༻༻

* بنين ::: بعد ما هد حيلنا حامد بدموعة لفظ وطلع الجوهرة.....

مرتضى:: ولك احجيي عااد... ششصار؟؟

ـ جماعتي ماااتووو...!!

فاطمة:: ياهم جماعتك يابعد حيلي؟؟

ـ جنة انا والمعتز بالله نمشيي بعدين هوة رجع لان عمي المجتبى طلب يجي على العشا فا تركنا وراحح...

ـ اييييي....

ـ وانا كملت بطريقي لتحرير وهناك شفت جماعتي عامر وياسر وبعد وياهم ووصرت امشي وياهم والتقيت بمؤمل وتحرير واولاد خالي....

فاطمة:: ايي كمل وتالي شنو الي صار؟؟

ـ مادري شجاهم الشغب اول ما صار لون السواد يبتدي بالسماء تخبلو علينه صارو يرمون قنانيي مسيل دموع ورصاص حي والدنيا نكلبت....

ـ لا اله الا الله......

ـ جماعتي واحد ماات لان مسيل الدموع اجت براسة والثاني طلقة طيحته بكاعة ميت..... وتحرير تصوب بصدرة.....

فاطمة:: عزززة العزززانيييي......

بنين:: انا لله وانا اليه لراجعون

* امي بهاي الاثناء ضلت حاضنة حامد ومرتضى طلع يطمن على تحرير ويتصل على الشباب..... ورحت انا جبت مااي لانطي لامي وشلت تلفوني واتصلت على علي الهادي وانا حيللل مخنوكة وصوتي مسدود.....

بنين:: تفضلي يمة اشربب حامد وافتح صدرك كاافي...

فاطمة:: الماتو الله يرحمهم وتحرير بجاه النبي يكوم بخير وسلامة لتخااف ييمة اشرب ماي وكوم اسبح ورتااح غير هاي ملابسك....

~

بنين..:: الو؟؟

علي الهادي:: هلا بروحي...

ـ شلونك؟؟

ـ بخير دام سمعت صوتج شلون تريديني اكون؟؟؟

ـ دومك يروحي...

ـ خيرج شبي صوتج بيج شيي؟؟ عمتي بيها شي..؟

ـ لالا كلنا بخير بس ختنكت شويي جماعة حامد استشهدو بلتظاهرات واجانا يبجي فاا ختنكت علي...

ـ لا اله الا الله انا لله وانا اليه لراجعون الله يرحمهم ويغفر لهم ان شاءلله .....

ـ وتحرير هم تصوب لكن هسة هوة بلمستشفى....

ـ ياا تحرير؟؟

ـ ابن خالي...

ـ تحرير ابن عمي صفاء الحسن قصدج لو غيررة؟؟

ـ ليش اكوو غيرة؟؟

- وهذاا شمنزلة لتحرير شعده يتظاهر بشير شلوون عافة هيجج؟؟؟

ـ مااعرف الي فهمتة من حامد ان هوة التقا بيهم هناك هوة ومؤمل...

ـ هيية الطفراات التكسر الضهر هيجج تجييي.... يلا باي

ـ ويين رايح؟؟

ـ راح اشوف الولد....

ـ لالاااا بداعتي هاديي اترك الموضوع لصبح مو هسةة....

ـ شلوون ترديني احط راسي على المخدةة واخووي نايم بل مستشفى...

ـ اتصل على بشير واطمن بس لاتخلي خالي يعرف هسه...

ـ لاا رايح الهم ومراح اكول لاحد....

ـ تمام عينااي....

ـ لاضوجين انتي وناميي يلا لتسهرين بالج لنفسج حبيبي.....

ـ وانت هم يروحي.....

༺༺༺༺༺༻༻༻༻༻༻

«في الماضي في 2002 النجف الاشرف»

جميلة:: عادي اللعب وياكم؟؟

فاروق:: لاا لعبة ولد هااي...

ـ بس انا اريد اللعب وياكم؟؟

ـ الطوبة مو مال بنات روحيي منااا...

ـ بشيررر خليينيي اللعب وياكم!!!!!؟

بشير:: جمالي ميصير هاي اللعبة للولد

ـ وين اروح هسه جااا ؟؟؟

- تعااي ويايي....

ـ عووود ليشش متخلوني العب وياكم؟؟

ـ جميلةةة... انت بنية وهاي لعبة ولد ميصير وبعدين حتى لو هم خلوج تلعبين انا ما اخليج مااقبل تلعبين وي ولدد....

ـ وين رايحين هسةة احنا؟؟

ـ دامج ضايجة نروح لحديقة حلووة ونكعد بيهة وتتونسين....

ـ وجماعتك ديصيحوكك غير تلعب وياهم...

ـ خيولوون وياي جميلتي شنو اسوي بجماعتي....

ـ يييي بششيرر...

ـ ههههههه واللهه...

♖♖♖♖♖♖♖♖♖♖♖♖♖♖♖♖♖♖♖

« في الحاضر 2019 »

* بشير؛: انكطع تفكيري وانا جنت كاعد برة وادخن باتصال علي الهادي علية رديت علي وعرفت بي عرف انطيته اسم المستشفى واجة لعندنا ولمن دخلت لجوة جان الدكتور طالع وطمنا ان حالت تحرير استقرت....

بس لمكان الطلقة جان لازم يتعرض للراحة ويكون تحت العناية اقل شي ثلاث ايام خوفن علي لايصير عندة مضاعفات او هيج شي......

رجعت فاروق ومؤمل للبيت وضليت انا ومرتضى وعلي الهادي بعد ما هم ماقبل يتركوني لوحدي.....
وهم طلبت منهم محد يعرف لان الساعة جانت راح تتجاوز ال1 بليل..... وخليتهم ميحجون لصبح اقل شي. وهم رتاحينا من بعد ما عرفنا الخطر انزاح من حياه تحريري......

༺༺༺༺༺༻༻༻༻༻

العلوية:: بعد ماشفت البنية المزيونه وحجيت وي السيد وطلب مني احجي وي علي السجاد وافتح وياه الموضوع لان خلص اتفق وخلص كلشي وي الشيخ...

رحت لغرفة السجاد واستاذنت بدخول....

العلوية:: اكدر ادخل؟؟

علي السجاد:: آفا عليج اكسرين الباب واطبين تتعااي..

ـ تريد تنام؟؟

ـ ايي لان اريد اكعد لصلاه الفجر شبعان نوم.... بس سولفيلي شنو تردين آمريني...

ـ يمة ميآمر عليك عدوو يابعد عيوني....

ـ حبيبة روحي وعلويتي....

ـ يمة سجاد اريد احجي وياك بموضوع وبدون مقدمات جايتك من الاخير.....

ـ ززين كولي يالله.....

ـ ابوك خلاني حلقة وصل بينك وبينه وطلب مني اكلك ان الخميس مو هذا الوراه يعني السبوع الجايي حدده تاريخ لعقدك وخطبتك......

ـ ٠٠٠٠٠٠٠٠٠ ٠٠٠٠٠٠٠ ٠٠٠٠٠٠٠

ـ ليش هيجي سكتتت ادري بيك نصدممت وادري ميصير ابوك يسوي هيج بس حتى انا نصدمت مثلك هيج فجااة راح وخطب بنت الشيخ محمد لينا وحدد وياه كلشي واجاني كالي روحي شوفيهة واليوم العصر انا رحت الهم الله شاهد يمة حتى انا مراضية على السواة وجان لازم من قبل لا يحجي وي ابوها يحجي وياكك......

ـ جا شنيي هية هيجيي؟؟ الشغلة لعبةة لو شنييي.؟

ـ انت ابخص بابوك منكدر نحجي وياه !!!

ـ وليش احنا من شوكت حاجين وي ابوي هااا يا وقت احنا حجينه وياهه يسمع احد لاااا...

ـ علييي السجاد يمة.... فدوة اقبل لاتسوي مشكلة وياابوك.....

ـ هاي هيةةة يمة اريد انام هسه تاخر الوقت....

ـ لا وكلام الله متنام وانت هيجي زعلان...

ـ مزعلان عاادي...

ـ سولفلي افتحلي كلبك اكووو وحدةة ابالك تريد وحدةة؟؟

ـ تدرين بية مو يم هاي المواضيع بس حت لو ماكو وحده براسي هذا الشي ما يخلي ابوي يروح ويخطبلي ويحدد وكلشي. يسويي ويجي ينطيني بس موعد العرس يمة انا مو رجل كرسي ....

ـ حقك شدكوول حقك بس هم احناا النا الله منكدر نحجي وبعدين يمة انا اكيد ما اريدلك المو زينه هم جنت خايفة والله بس من رحت وشفت البنيه ياربي تنحط على الجرح والله انها مزيونه وحليوةة وخير مختتار ابوك وانت تاليتك تتزوج هيجي.....

ـ اييي خوووش....

ـ علي السجاد....

ـ يمة دام شفتيهة وزينه وعجبتج هاي هيه جا انا شريد على كولتج تالي راح اتزوج هيجي بس اهم شي انت مرتاحة وياها كولي لابوي وحطيهة ترجيه باذنج والله بس تغلط وياج لو وي. وحده من خواتي اسمها والطالك هااااا...

ـ لا يمةة اطمن والله البنيه دررة معليك...

ـ هاي هية يانور عينييي الي تريد يصير...

ـ مزعلان..؟؟

ـ ليش اكو واحد يزعل واهو جاي يشوف هاي العويناات الحلووة ♡♡

ـ ههههه اركز ولك..

ـ اروحح فدووة لضحكة علويتي هااي شنوو عبالك انت العرووس....

ـ يااا يااا علييي السجاد ههههههههه....

ـ يممةةةة ارووح فدووة للخدود الخجلن...

ـ حكوم اروح اناا نام يلا وراك تكعد لصلاة....

ـ تمامم يلا تصبحين على خير..

ـ صدك قبل لا اروح اذكرت...

ـ شنو يروحي؟؟

ـ شوو مسالتني على البنيه حلووة محلووة تراك مراح تشوفهة لحد متعقدون وتصير مرتك؟؟

ـ وليش حتى اسالج عليهة حلوة ولا ؟؟

ـ يعني غير تعرف حتصير مرتك؟؟

ـ وانا سالتج على كلبها ميهمني شكلها كلبها وروحها راح تعيش وياي العمر كلة شكلها وجمالها يمكن 10 سنين يتغيرن ميهمني اعرف...!!!!

ـ امممم تمام حبيبي براحتك...

ـ تصبحين على خير ..

ـ وانت من اهلة ❥

‡‡‡‡‡‡‡‡‡‡‡‡‡‡‡‡‡‡‡‡‡‡‡‡

بعد مصار الصبح والكل عرف وكذالك صحى تحرير..... وصل للمستشفى عبد الحسن والحسن المجتبى..... وفاطمة...
والشباب.....

وصارت هوسة كدام باب غرفة تحرير لمن جان بشير كاعد جوة يمة..

وعبد الحسن لازم الولد يرزل بيهم برة لان هملو برعاية تحرير....

* بشير::: بعد مجنت نايم يم تحرير وفزيت على حركتة لان صحى.....

بشير:: تحريري!؟؟

تحرير:: بوية!!!!

ـ يارووح ابوك شنوو بوية؟؟

ـ مااي...

ـ صااار...

ـ مااي....

ـ كووم اشرب ياروحي كووم...

ـ كاافي كاافي...

ـ هااا اترويت؟؟

ـ اي اي الحمدلله....

ـ شنو تهيس. بي؟؟

ـ ولا شي مرتاح....

ـ الحمدلله خرعتني عليك ليش هيج مو تركتك بلغرفةة شلون طلعيت شلون وصلت لمؤمل؟؟

ـ هوة ماله علاقة انا رحت وي اصدقائي ومن شافني تركني منهم واخذني وياه وجان يريد يرجعلي بس صار الي صاار.....

ـ بعدد متنعاد تحرير هسه عدت على خير بسسس...

ـ بس شنو؟؟

ـ شنو يعديها عند عمك عبد الحسن...؟؟

ـ فدووة لاحد يكله...

* هنا صرنا نسمع صوت صياحة برة الغرفةة على فارووق ومؤمل وحتى على علي الهادي ومرتضى لان ماكالو اله....

ـ شووف اجةة!!!

ـ بشير لاتخليني وحدي وياه....

ـ اششش اهدىى وناام يلا...

ـ بشيرر وين رايح...

ـ طالع اشوفهم!!!

____

عبد الحسن::: شني ولكمممم احنااا رجل كرسي محد يوصل النا خبررر؟؟

هادي؛:: بوية الوقت جاان متاخر وعدت على خير كلنا الصبح نكللكم....

الحسن المجتبى::: لا بلة عفية عليكمم عفييةةة لو صاير على الولد شي لاسامح الله تضلون لمن تكملون كلشي وتتصلون؟؟؟!

فاروق:: مافكرنا بهاذا الشي...

عبد:: ليش انتم يا وقت عدكم عقل وتفكرونن بي هاااااا...
فهموني يالله فهم عرب ارريدد تحرير شنو عندة ناززل لتحرير هااا شكووو شعنددةةة على شنو هذا الطفل يتظاهر؟؟

فاروق:: هذا السؤال لمؤمل مو النا عمي لان بشير جان مطمن على تحرير بغرفته مدري شلون وفجاة طلع هوة يم مؤمل بتحرير ومتصوب بعد.....

الحسن المجتبى:: هاا مؤمل متسمعنا حسك.....؟؟

مؤمل:: اقسم الكم مالي علاقةةةة انا لكيت تحرير هنااك وهم صادفت حامد.. بس على ما جبته حتى نرجع صار الهجوم وتورطنا بالجرحى....

عبد الحسن :: بشييررر ويننةةة ؟؟؟

بشير:: هاا عمي؟؟

ـ ڪُرة عينك يابعد عمك تعال تعال ابوسك على هذا الاهتمااامم واهنييك يابعد عمك كفووووو منكككك يااا سسيد بششير جنت كد الامانة وعرفت شلون تربي تحرير وعرفت شلووون تهتم وادير بالك على اخوانك عفييةةة اصفكلك انيييي........

ـ بشير::: عمي....

ـ اششششش لاتكووول عميييي مارريد اسمع لامنك ولامن اخوانك شيييي.... ولكم ابوكم قبل ميروح تركك تحرير امانة عدكم لانة الصغيررر وهيجي تستهينو بطفلللل وتنزلو لتحرير يتظاهر؟؟؟ لو صاير علي شي لا سامح الله هااااا لوووو ماااتتت....

بشير؛؛: عممييي اسم الله علي هذا هوة مابي غير العافيه....

ـ كلشي وارد لو ما ستررر اللههه جاان ميييتت..... شتكولووو لابوكمم هاااااا شنو تكلولة ولكم انتم امانه صفااء الحسن عدنا وترك عدكم تحرير امانةةة مو كدهاااااا كوولووو احجووو ياابة احناا مو كد هيجي امانةةة بسمو تعوفووو هيج تهملوووو.....

ـ بشير:: الحق علية انا قصرت وياهم وهم حتى تحرير انا نطيتة حرية جبيرة علية.......

ـ ياهنيالك ياهنيالك ياا صفاء رحت وانت مخلف هيجي ززلم.....

فاطمة:: كافي عبد الحسن ليروح يصير بيك شي انت الثاني.....

عبد الحسن :: صحى تحرير؟؟

ـ ايي جووة....

ـ داخل اشوفة..

* بعد ما طب عمي عبد الحسن وعمتي فاطمة وعلي الهادي ومرتضى وحامد ليطمنو على تحرير...

بقيت انا وفاروق ومؤمل وعمي الحسن المجتبى كدام الباب.....

بعد ما عمي صارر يحجي وياي...

الحسن المجتبى:: بشير...

ـ عيوني عمي....

ـ لتزعل من كلام عمك بس هوة محترك كلبة انا هم محترك كلبي بوية تحرير صغير مو مال تتركو وحده..مراهق يسوي كلشي يشوفة...

ـ اعرف والله اعرف مادري شلون غفلت عنه بشنو اقسم بايدي غطيته وطلعت كعدت بصالة شلون نزل وطلع بدةن منتبة مااعرف وبعدين مو عاددتت تحرير يطلعع لشي مكان بدون ميكلي.... بس مااعرف شنو غير حال هذا الطفل....

ـ تعرف جماعة اليمشي وياهم بلمدرسة؟؟

ـ لااا !!!

ـ لعد اعرف ويامن يمشي اخوك ترى الاصدقاء الهم التاثير الاكثر على حياة الانسان....

ـ ان شاءلله بس يطلع بخير وسلامة وكلشي راح يتغير والله....

ـ الحمدلله على سلامتة هسه...
وانتة مؤمل... سالفة التحرير تنشال من راسك فهمتتت....

بعد ما ضل مؤمل بس يباوع....

بشير:: غصب عنك تنشال الفكره لا ضل تباوووعع هيجي لا والله حركه كلبي تطلع بيك!!!!!!

مؤمل:: ان شاءلله....

الحسن المجتبى:: يلا كاافي انريدكم كلب على كلب لاتتعاركون ابيناتكم تبقون اخوان من صلب واحد.....

بشير:: يدرون بية ماعندي غيرهم.....

ـ ايي. عفية عليكم

؁؁؁؁؁؁؁؁

«بعـد مـرور يومين»

طلع تحرير من المستشفى وراح عبد الحسن يحجي وي فاطمة بموضوع بنين..

ورحمة رجعت تواصلت مع زبير وحامد....

؀؀؀؀؀؀؀؀؀؀؀

* رحمة:: بعد ما اطمنا على تحرير.... وكملت دوامي ورجعت صرت بالبيت اجتني طيبة تطلب تلفونها بلوقت نفسة اتصل علية حامد....

طيبة..:: رحمة كاافي انطييني التلفون..

ـ كتلج لمن تكملين مدرسة...

ـ والله بعد متنعااد وانا اسفةةة...

ـ روحي طيبة...

ـ والله اذا حسيتي اكو شي تعايي وحتى المدرسة لاتخليني اروح الها وحتى نرجس بعد ماحجي وياها من ذاك اليوم....

ـ طيبة...

ـ بداعت ابوييي انطينييي والله متنعاد بعد....

ـ استغفر الله..... جيبي تلفوني شوفي منو يتصل على ما اطلع تلفونج...

ـ هذا حامد؟؟ منو ابن عمه فاطمة؟؟

ـ هاج تلفونج وانطيني ويلا اطلعي...

ـ شكررا..

℡℡℡℡℡℡℡℡℡

ـ الو؟؟

حامد:: شلونكم؟؟

ـ بخير انت شلونك الاهل شلونهم؟؟

ـ كلحنا بخير الحمدلله...

ـ عساكم دووم...

ـ اسف على اتصالي بس مارجعتيلي خبر كلت اتصل اشوفها عدلة ميته؟؟

ـ لا عدلة بس جنت افكر...

ـ سبوعع تفكير شنو السالفة على هذا الحجي انا مفاركت بالج ابد....

ـ حاامد...

ـ ايي وبلة شنو القرار؟؟

ـ انا مو الك....

ـ شلون يعني؟؟

ـ يعني انا مااشوفك غير اخ الي صدكني
واتمنى اخذ رجال مثلك بس ما اتمناك انتة....

ـ اهااا حلووو...

ـ ايييي اتمنى تسامحني وتبريلي الذمة وتكمل حياتك الدنيا متوكف على احد..

ـ حكمل حياتي بس حياتي وكفت عليج ترى....

ـ حامدد!!!

ـ ٠٠٠٠٠٠٠ ٠٠٠٠٠٠ ٠٠٠٠٠٠

ـ الووو؟؟

ـ ٠٠٠٠٠٠٠ ٠٠٠٠٠٠ ٠٠٠٠

ـ جااي تسمعنييييي.... حامد؟؟؟؟

ـ بااييي بااييي....

ـ دقيق......

* سد التلفون بوجهي...
وضليت افكر بيني وبين روحيي معقولة قسيت وياه؟؟ مجان لازم احجي هيجي وياه اييي جان لازم اجية بغير طريقةةة...

اووفف جاا شبيدييي انا مكلتلة تعااال وحبني وهوة يعرف يمكن مااحبة ومصير الة معليه اناا وماعلية ذنب..

الذنب علي لان شافني بنضرة محلوة واتخيل اصير حبيبته ومرته بلوقت الجانت علاقتنا علاقة اخووة....

بعد ما ضليت افكر بحامد وهل معقولة انكسر كلبة....

فتحت تلفوني ومن بعد مشفت رسالة زُبير الي دازها الي الصبح

« اذا اطلعين لدوامج لاتمرين على طريق العاده البي انا لان اليوم اكوو منتسبين هوواي ماريدهم يشوفوج لان دايوكفو السيارات شوفي غير طريق »

رجعت ورديت علية

« ليش عيني تغاار علية لو هاي جذبة لان حضرة جنابك متريد تشوفني؟؟؟ »

وبعد دقايق رجع ورد علية

« بعد وكت جان خليتهة لباجر الصبح وردي وعلى عموم معليه احسسبيهة الي تحسبيهة وعفية عليج سمعتي الكلام لو مارة علية جان حجزتج »

ضليت اباوع الها واضحك...... ومن الفرحة الصارت بصدري نسيت ارد على الرجال ههههههههه سديت تلفوني وصرت اباوع لشارع من الشباك.....

وانا مجاي افهم ليش هذا الشعور داخلي شعلييةةة بييي..... رحممةةة اتأدبييي معليج بيي خيوليي....

ورة ربع ساعة دك تلفوني لمن رحت اشوف لكيته ديتصل...
بدون تفاهم حتى ولا تفكير.....
رديت علي واردفت كبل....

رحمة:: هلاااا والله....

زُبير:: شنو هاي الفرحة البصوتج فرحيني وياج؟؟

ـ اءءءءءء يافرحة؟؟

ـ صوتج مبين علي فرحانة تلهفين شبيج؟؟

ـ اهااا اييي صحح مو توني سمعت ابن عمي طلع من المستشفى فا فرحتت....

ـ اهااا شكد عمرة؟؟

ـ 16 سنة..

ـ بعمر ابنج همزين ...

ـ هههههه اي صغيروني لهذا المدلل هوة اصغر الشباب...

ـ كم ابن عم عدج؟؟

ـ ممم عمتي عدها ثلاثة... وعمي عبد الحسن عنده اربعة وعمي صفاء الحسن عنده اربعة.... يعني عندي 11 واحد ...

ـ شنييي عمامج واكعين بخلفة الزلم؟؟

ـ ارادة الله بعد....

ـ وشنيي بس هذا عمره 16 البقية شكد عمرهم؟؟

ـ الباقي من 20 وفوك....

ـ لااااااا كللشش حلووو...

ـ شنو شبيك؟؟

ـ ودام هسه ابن عمج طلعع من المستشفى اكيد راح تجتموعون؟؟؟

ـ ايي اكيد غير نروح نشوفة ونطمن علي...

ـ خووشش والله اطشر عرضك يا زُبير !!!!

ـ شنوووة!؟؟

ـ ولاشيي اذ صارت ولازم ترحين كليلي...

ـ ليش؟؟

ـ كليلي ومعليجج...

ـ اشو انت مرتاح بلحجي وياي خير خير شنو عندك؟؟

ـ معندي شي اذا مضايقج احضري رقمي...

ـ وهوة حسوي هيج....

ـ هاااا...

ـ باااي يلا.....

ـ ٠٠٠٠٠٠٠ ٠٠٠٠٠٠٠ ٠٠٠٠٠٠٠

* سديت التلفون بوجهة واناا اضحك بكل حيلي يااربي شنوو تخبلت اناا رسمي...
يلا شوكت اداوم باجر وامر علي واشوف عيونه؟؟

شنو هذا الرجال مينشبع من شوفته مو ليييه...

عيونة اللون وسمارة القاتل وضحكتة وسنونة....

صدك لو كالو الله تعبان بخلقه ههههههه..

معقولة يحبني؟؟ ياريت ويطلع يحبني ياايمةةة كلبي كلبي يطير من مكاننة...

هوة اكيد يحبني لعد شنو يخلي يتواصل وياي ومتحمل نكدر وطفراتي علييي وهووة نقيبب....

عزززة توني شنو سويت ليش سديته بوجه ليش كلتلة راح احضر رقمك؟؟ اووف مني اسوي وانا مو باالي....

اكيد ايس مني اكيد وكعت من عينه اي على الاكيد منو يبقى وي ابنيه هيجي تحجي وياه...

خرب حضي اذا صدك خرب بية
مابية حظ والله !!

༺༺༺༻༻༻

راح عبد الحسن وكعد بصالة يم فاطمة وبعد ما بنين قدمت الضيافة....

༺༺༺༻༻༻

بنين.:: تفضل خالي....

عبد الحسن:: سالمة ايدج خالو اشربة بعرسج ان شاءلله....

فاطمة:: ههههههه ان شاءلله....

بنين...: اصعد للغرفة محتاجي شي.؟؟

ـ لااا مانريد شي روحي واذا حتاجيت اصيحج لاتحطي السماعات....

ـ ان شاءلله عن اذنكم...

_ وبعد السلام والكلام دخل عبد الحسن بموضوعة _

فاطمة:: اي خوية شنو موضوعك الكلتي تريدني بي....

عبد الحسن:: تردين الصراحة ياختي لو بت عمها!!؟

ـ ياا اكيد الصراحة...

ـ انا جايي واريد القرب منج فوك مابيناتنا صلة رحم....

ـ شلون يعني مفهمت؟؟

ـ انا جاي اخطب بنين لابني علي الهادي بس هااا هسه بس اريد احجزها لان علي الهادي يريد يطمن لمن يرجع لمصر ويكمل دراستة يجي ونكمل كلشي رسمي بس اريد اضمن البنيه النااا....

ـ ٠٠٠٠٠٠٠٠٠٠٠٠٠٠٠٠٠٠

ـ هااا يابعد اخوج؟؟

ـ الي تريدده ياخوية وبنين بتكم مثل ماهي بنتي...

ـ يعني اخذ الموافقة واطمن؟؟

ـ اخذها وحط ايديك ورجليك بماي بارد...

ـ ورئي بنونة متاخذي؟؟

ـ ياا بنين هسه تنزل تهلهل تلكة احسن من هادي...

ـ وهوة هم ترى مو من يمي اجيت علي الهادي طلبها بلسانة....

ـ هاي هية لعد الله يقدم البي خير....

༺༺༺༺༺༻༻༻༻༻

من بعد ماراح عبد الحسن صعدت فاطمة لغرفة بنين ودخلت الها....

༺༺༺༺༺༻༻༻༻༻

بنين:: شننو مامة راحح خالي؟؟

ـ ايي راح خالج...

ـ اي زين...

ـ تعرفين خالج شنو جان يريد..؟

ـ لا شنوو يريد؟؟

ـ اجة وخطبج لعلي الهادي....

ـ شنوو منوو علي الهادي؟؟؟

ـ عززة العززااج هسه صرتي حتى علي الهادي ماتعرفي يابذاااتتتةة!!!!!

ـ اءء قصدج ابن خالي...

ـ اي ابن خالج الواكعة وياه حب وغرام ويوم على الغدة كلت خالج خطب لابنة علي بعدني ممكملة غصيتي بلاكل عبالج خطب لعلي الهادي ومارتااح كلبج لمن كلت علي السجاد....

ـ لا يمةة متوهمةة ماعلي بيه....

ـ هاا يعنيي رافضة متريدي تتزوجي بعد احسن اكووم اكوول لخالج...

ـ لاااااااااااا دقيقة...

. ـ وجعااااااا لو طايحة انا مصحتي لا هيجي عليةة... استحي على وجهج شوييةة على الاقل يوم كتلج اجة يخطبج بجذب دنكي وسوي روحي مستحية وخجلانة شبيج مفلفلةةة؟؟؟

ـ مقصدي يمه بس اريد اعرف شنو رديتي على خالي؟؟

ـ كلتلة البنت بتكم واخذوهاا... وهو ترى بس اجه يحجي بيج كلشي يصير. رسمي وقت تخرج هادي...

ـ ايي هوة كالي..

ـ منو كالج؟؟؟

ـ منو كالي؟؟؟

ـ بنيينن لاتخليني افصل عليج!!!

يمةة روحي روحيي خلص اريد اناام حيل تعبانةة وراي مدرسة روحيي...

* بعد مطلعت امي حسيت طلعلي جناحات وطايرة بيهن ماعندي رجلين
سواها علي الهادي وصارح اهلة بيه
من اروح فدوة لسيد كلبي الطاهر ♡♡♡

༺༺༺༺༺༻༻༻༻༻

* انمار::: من بعد ما كلشي ابوي خططةة مشة تمام اتواصلت وياه وانطيتة كل الاخبار....

قصطير: حلووو حلووو حلووو...

ـ بس بوية لينا راح تتزوج علي السجاد مو علي الباقر...

ـ احسنن خليها علمود تسوي كلشي براحة...

ـ اييي

ـ والشيخ هم جاي يضايقكم...

ـ لا خطي من الخوف حتى هوة صدك احنا اولاده..

ـ الخووف يعمي الشوف مو كتلك يلا خلي عيونك عشرة عشرة واول متشوف اي واحد بيهم طالع ردلي خبر وضل ورا لازمم اخلص منهم باسرع وقت...

ـ ان شاءلله....

ـ شوكت عرس اختك؟؟

ـ حددو الخميس العقد والخطبة...

ـ احجي وي الشيخ ليستعجل لازم متكمل سنة على وجودكم هنااا لازم نكمل كلشيي على السريع...

ـ تمام

ـ عفية بحزام ظهري ♕♕

« يـتـبـ؏ »

3234 كلمة

لتواصل o.oll13