رواية احفاد السيد : الثار ( بأجزائها الإثنين ) الفصل الخامس عشر 15 - بقلم ​رُقَـيَّـةُ الْأَكْـبَـرُ

أحفاد السيد

بقلمي ﴿ رُقـــَيـة الـأكــبر ﴾

لاتنسون التصويت ومتابعة للحساب

.
البارت 30

__ وخل عقلك چبير وبالك تگصره
واصبر على اليغثك ربك يعثره...

___☆____

"" مشهد ""

- احترامي سيدي ..

- شصار وياكم ؟؟!

- سيدي نقلنا السجين للمستشفى

- شددو الحراسة علية ولا تخلون ولا شخص يدخل عليه ويوصله

- أمرك سيدي .

- سمعتنيي مااريد الجن الازرق يفووت عليه

- التريدة راح يصير سيدي

- روح يلة ..

- احتررامي ..

"" علي الباقر ""

كعدت من الصبح من بعد ما غسلت ونزلت لكيت طيبة الزهراء كاعده بالهول وتشرب كهوة اجيت من وراها ضربتها على راسها
وتقدمت كعدت يمها ...

- اخخ هااي شبيك من صبح الله

- شعدج كاعده بهذا الوقت ؟!

- شنو ميصير يعني ؟؟

- لا اكيد يصير وكلش زين

- جا بعد شنو ؟

- متفاجاة

- وين المفاجئة بالموضوع

- مو اني متعود عليج متكومين من الفراش الا بعد الساعه ١١ ..

- عجبني اليوم اكعد من الصبح ..

- جا كوميي سويلي كهووة يلة خليني اصحصح

- هذا آمر ؟

- اييي آمررر كوومي يلة

- كوول ممكن لا تحجي وياي بهاي الطريقه

- يلا عيوني روحي سويلي كهوة يلة ولج اريد اطلع

- تمام ...

عافتني وراحت صوب المطبخ وعافت ال لاب توب مالتها على الطبلة سحبته وفتحته ولكيتها كاعده تهكر حسابات !!!!!..

سبحان الله من عائلتنه كلها الله ما رزق هيج عقل وذكاء الا لطيبات واصفاد الحق
ماعرف هيج فجاة صارو يعرفون بالتهكير والابتزاز والاختراق انظمة الاجهزة وكلشي ..
رجعت الجهاز لمكانه وعدلت روحي وبقيت انتضر لمن اجت حطت كوب كهوة كدامي ورجعت فتحت التلفون وصارت تلعب
بي واني افكر اطلب منها لو ما ادخلها بهيج مواضيع !؟؟..
وبعدها كطعت افكاري واردفت وياها ...

- اكول طيبات !!

- كول عيني

- شجااي تسووين ؟

- ............. .............

- مو جاي احجي وياج ؟

- شنوو

- شجايي تسووين

- اكلك بس ما تكوول ..

- ايي احجي

- اقسم .

- على شنو ؟

- اقسم ان مَ راح تكول لاحد بلي راح اكولة الك ..

- هاي شبيج طيبات ما تثقين بيه لو شنو ؟

- مو هيج بس اذا فلت السانك لو احد عرف الي انا اسوي و بلخصوص المعتز بالله وعلي يعلك مشنقتي هنانه ..

- يخسسي محد يمس شعره منج لا تخافيين
وبعدين مَ راح اكول لاحد يلة احجي شعندج ؟؟

- جاي اهكر حسابات واسحب هيج مقابل افلوس رصيد ..

- وليش تسوين هيج انت محتاجه فلوس يعني ؟؟!

- لا مو قضية محتاجه فلوس واصلن اني ارخص وحده يعني اني هيج حاطة رصيد شكليات حت ما ينكال عني مجاني ..

- وشنو تسووين ؟؟ ومن يمتا انت بهاذا الطريق ؟؟

- صالي سنه بس هوواي ساعدت بنات ثلاثه من مختلف المحافضات نقذتهن من الابتزاز ..

- وشلون سويتي هيج ؟

- اتوصلن وياي وحجن وعرفت منهن ان الصور والفيدوهات مالاتهن بس عند الشباب الهنا دازاتهن الهن يعني ماكو نسخه خارج التلفون ..

- ايي

- ايي تساهل شغلي ودزيت الهم رابط حامل فايروس
اول ما دخلو علية هكرت تلفوناتهم والانظمة ..

وهم هاي التجي تكلي هكري حساب حبيبي لو هكري حسابي
لو اريد اسحب حساب زوجي وههيج يعني ما شيين ..

بقيت صافن ابوجهة ما حجيت شي وياها عفتها وكمت مشيت
لمن وصلت للحوش فتحت الباب على كبرة حتى اطلع سيارتي .
طلعتها وكفتها بالشارع ونزلت دخلت البيت حتى ارجع
اسد الباب وراي ...
طلعت طيبات وودكفت ورايي التفت الها وبقيت اباوع لعيونها واني منتضرها تكول شي ليش طلعت وراي ؟؟! ..
ضلت بس تباوع الي ومبتسمه ..
ولصراحة اني مكدرت اقاوومها ابد
حطيت ايدي على خدها واردفت وياها ....

- وَكأن هُناك نورٍ سماويً فيْ عيناكِ ...

ضحكت ومن ضحكتها طلعت انيابها الي احبهن ..
رفعت ايدها وحطتها على ايدي ونزلتها من خدها وباست ايدي
بقيت مصدوم ومن الصدمة من هاي حركتها ماعرفت اتصرف اصلن !!!!
وبقت حاطة ايدي بين ايديها
واردفت وياي ....

- سيد اني بعمري كلة ما حسيت بحساس الامان الا يم ابوي
ومتعدة ابوس ايده ...
بس هسه اجاني نفس هذا الاحساس لمن حطيت ايدك على خدي لهاذا بست ايدك لان احساس الامان والحنيه التوه حسيت بي افتقدتة من شفت ابوي بالتابوت .
فَ لا تضل تبحلق بيه هيج ..

ابتسمت وخرت ايدي الجانت مخليتها بوسط ايديها ..
حطيت ايدية الاثنين على متنها
ولفظت وياها ...

- شوفي اني وي هاي الناس كلها السيد علي الباقر ابن السيد عبد الحَسن احمد الأ وياج اني ....
< ابوج وامج واخوج واختج وابن عمج >
وكلشي الج التردينه قبل لا تكولي لاي احد الجي الي واحجي بي وراح تلاكي جوة شسع رجلج ..
وراح تلكين السيد تحت امرررج بكل وقت خادم الج هوة ..

- هههههههه أغدي لعيونك

- كلي الج طيبات الغاليه ...

- زين وين رايح انت هسه ؟

- اءءءء عندي شغله اخلصه واروح لاصفاد الحق اخذة لابوي وارجع لهنانه محتاجة شي ؟

- لاا ممحتاجة بس ريض بالسياقه وانتبه لطريق

- لا توصين يا نحري

- استودعتك الله ..

- استودعتج الله ..

عفتها وطلعت صعدت سيارتي ورحت واني بطريق دك تلفوني باوعت لشحن لكيته 30 نسسيت اشحن التلفون
جاوبت على الاتصال ....

- الوو ؟؟

رهف :: هاا هاي وينك يا زلمة ؟؟

- هسه اني بَ الطريق ...

رهف :: انتضرك

- واصل ما بقى شي ..

رهف :: بااي

سديت التلفون من رهف وكملت طريقي ولان ازحام بغداد ولا يطااق وصلت الهم بعد نص ساعه
وكفت كدام الباب حطيت ايدي علية اريد ادكه انفتح الباب طبيت للحوش وانداريت للباب ردت اقفله لكيت السركي طايح
رديت الباب رد ودخلت جوة لكيت باب الاستقبال مقفول وكفت عنده ودكيت الباب انفتح وطلعت رهف كدامي
اول ما فتت للأسقبال اتلكانيي اولييدي يركض < مجد >

رهف :: اهلا وسهلا نورت بيتك ..

علي الباقر :: هلا بيج منوور بوجودج اكيد ..

مجد :: اجةةة بااااببة ....

رهف :: ماامة على كيفك وي ابووك خلة يرتاح اول

- يا هلا يا هلا ياصمامي الرئوي انته يابعد نحررة لابوك ..

شلت مجد وبقيت شايلة واني اشم وابوس بركبته
وهوة وليدي مو جبير عمره 3سنوات بس ..
رحت كعدت وحطيته على رجلية وصار يلعب بالكلاده الي اني لابسها ..
واجت رهف وكعدت كدامي ..

- مجدييي يروحي انته

مجد :: بابة

- عيوني الاثنين الك ..

مجد :: مشتاقلك ..

- ابوسك انا ابوسكك

رهف :: اسويلك ريووك ؟؟

- لا شربت كهوة وانسدت نفسي عن الاكل

رهف :: براحتك .. زين باقي هنا لو ؟؟

- لالا هسه ساعه واطلع ماكدر عندي شغل

رهف :: على راحتك لعد

- شبيج ضايجة ؟؟

رهف :: ولا شي توني كعدت من النوم دايخه

- اخذج لدكتوور بيج شي يوجعج شي ؟؟

رهف :: لااا ميحتتاج هسه اتريك ويصير زينه يمكن لان بعدني على ريكي لا يضل بالك حبيبي ..

- رههف ؟؟!!

رهف :: وعييونك مابية شيي بس هاي الدوخة لان نايمه هوااي وهم جسمي كلة متكسر ماكو شي يخووف ..

- متأكدة ؟

رهف :: اييي متأكدة ..

- خووش اذا هيج

رهف :: ايي عيني

- صددك رههف ..

رهف :: شنو ؟؟

- باب الشارع ليش مفتوح ؟؟!

رهف :: اول البارحه السركي انخلع وبقى الباب ما ينقفل ..

- وليش ما كتيلي ؟

- وهو اني وين محصلتك حتى اكلك متكلي ..؟

- وشلون تنامين رههف هذا باب الشاارع مكسور مو باب الغرفة حتى تعوفي وتغلسين عليه ..

- هياتني جاي اقفل باب الاستقبال وندخل اني ومجد ننام نقفل باب الغرفه علينه ماكو شيي

- اتصل على الحداد اشوف شوكت يجي ويلحمه اوو اجيب باب جديد ..

- براحتك .. حَ اكوم اسوي ريوك انا ..

- خووش ..

كامت رههف تسوي ريوك واني بقيت يم مجد اللعب وياه ولمن حطت السفره تبع الريوك ..
نزلت وكعدت بالكاع وحطيت مجد بين رجلية وصرت اوكل بيه .

رهف :: لعد انت متاكل ؟؟ عوف مجد شوي !!!

- كتلج شارب كهوة هاي هيه غنتني عن الريوك كله ..

- تمام عيوني على راحتك ...

- اكعد هنا بابة واكل على كيفك لا تغص ..

رهف :: هااا وين كايم ؟.

- صار وقت لازم اروح اتاخرت لان عندي شغل هواي ..

رهف :: بعدنا ما شفناك وابنك ما شبع منك شسالفه بالسنه حسنه تجي وتضل بس ثوانيي هم !؟

- عندي شغل اعذريني لازم اروح هسه واعوض مجد ان شاء الله

رهف :: مااكدر بعد احجي وياك شي تعال اوصلك للباب

كعدت مجد بالكاع وبسته بخدوده وطلعت
وطلعت وراي رههف وكفت كدامها بالحوش
وانطيتها فلوس ..

- هاج هاي 500 ألف

- ما محتاجة عندييي لهسه من المصروف الاخير

- حتى لو ماريدنج تقصرين بَ ولا شي لا علييج ولا على أبني

- ان شاء الله انت ممقصر ويانه حبيبي الله لا يحرمنا منك

- واجبي هذا يا صمام كلبي ..

- انتبه لنفسك

- ان شاء الله انتي هم بالج لنفسج ول مجد

انداريت حتى اروح بس طرت على راسي سالفه رجعت اباوع لرههف واردفت ..

- اكول رههف

رهف :: كوول عيووني

- تذكرين وعد ؟؟

- ايي اتذكرة اشبية ؟؟

- شخباره وين صفة بية الدهر ؟؟!

- هووة غير اهلة كلهم ماتو بالموصل من داعش
وهوة استقر هنا وجان يتردد علينه بس من انجسن لهيب
اختفى وما لمحته بعد ...

- يعني وعد اختفى بعد ما لهيب انسجن صح

- ايي والله

- خووش روحي فوتي جوة

- ليش صاير شي تسال عنه ؟؟

- لا يا نحرري ماكو شي مجرد سالفه اجت براسي روحي ارتاحي جوة وي مجد واقفلي الباب عليكم على ما اصلح هاي الباب

- ان شاء الله يعمري ..

- مع السلامة

- الله وياك ....

عفت رهف وطلعت صعدت سيارتي و مشيت بيها فتحت تلفوني واتصلت واول ما انفتح الخط ..

- الو ...

- اهلا وسهلا سيدي علي الباقر

- هاا ما رديت الي خبر نسيتني .؟

- لا حاشاه انا انسااك مولاي

- يلة استرسل شنو حصل ؟

- سيدي حاليا المسجون نقلو للمستشفى وعلية حراسة مشددة

- دزلي عنوان المستشفى ورقم الغرفه

- سيدي ما انصحك تروح لهناك

- م راح اروح بصفتي السيد علي الباقر ابن السادة
اناا رااح ارروح بصفتي المحقق علي الباقر ..

- سييدي

- خيرر شكوو شبيك ؟؟

- سيدي فردوس هوة مستلم الحراسة ..

- اني مجااي اطلبب منك هذاا امر ومجبوور تنفذة دزز الكلت عليه

- اوامرك سيدي

- التلفون راح يطفي من الشحن دز بسرعه ..

- ان شاء الله

- مع السلامة ..

سديت التلفون وتوجهت للبيت عمي سامي أخذت
اصفاد الحق ورحنا
ونحن بالسيارة متوجهين لابوي الي جان منتضرنا ب محل عمي سامي ابو صفد هناك ..

آصفاد الحق :: ويين رايحين؟؟

علي الباقر :: ابوي طلب مني اجيبك واجي

ـ والسيد شنو ذكرة بية ؟؟

ـ ماعرف بعد نوصل ونشوف

ـ ابا الحسن ترى انا اخاف من السيد الوالد ..

ـ ههههه والله اني مثلك اخاف منة بس ان شاءالله ماكو شي.

ـ الفار كام يلعب بعبي..

- اكرمني بسكوتك ترى
الحرامييي ميخاف من الشرطي .

ـ وترراب ابويي ما مسووي شي وانت دوم وياي متعرفني
علي الباقر ..

ـ دامك ممسوي شي هاي هيه لويش خايف بعد ومغندب؟

ـ ماكو شي بس اني يا سيد وعلي ابوك بس يخزرني الدم ينشف بشرياني مو ادوور لازم احجي وياه

ـ تتوقع السيد يعرف بيك تروح للاراضي

ـ لا ياززهرررة اذا صددك علي الباقر انت كايل اله؟

ـ وعلي محاجي وياه

ـ جا ليش اجيت تاخذني اله؟

- هي العلوية اجتني امس وكالتلي جيب اصفاد الحق ابوك يريده ..

ـ ياعلي انهبناااا ..

ـ هههههههههههه

ـ ايي عيني اضضحك احر ماعندي ابرد ماعندك ..

- ترى اني وياك بالضرب سووة اذا ابوي يعرف عنك شي يعني يعرف عني نسسيت اني وياك نفس السوالف

- بس انييي وفيي راح اكول اله السوالف كلها بس اني بيها واطلعك منهاا ..

ـ اكوول كاافي اسكتت خليني اعرف اسووق ..

ـ راح اسكتتت ...

كملت طريقي ووكفت كدام محلات عمي ابو اصفاد الحق
نزلنا ودخلنا للمحل صعدنا فووك للغرفة دخلت اني ودخل وراي لازك بظهري اصفاد الحق
لكيت ابوي كاعد على الكرسي بمكان عمي سامي
وكفنا كدامة ونسد الباب رفع ايدة ابوي حط سبحة ومحبس على المكتب كدامنا وكالل ....

عبد الحسن :: اكعدو هنااا

علي الباقر :: تدلل تعال صفد اكعد هنا

ـ وشنو صفد ماعنده لسان ؟؟

علي الباقر :: لا ليش بوية عندة الطريق كله نسولف ..

ـ جا شنووو مسمعت حسسة كول شي سلم على الاقل

اصفاد الحق :: اني بخير الحمدالله

علي الباقر :: هههههههههههههه

ـ هوة منو كالك شلونك؟

صفد :: هااا ماعرف انت كلتلي سولف اي شي

ـ يلا هسه اكلك شلونك شخبارك ؟

صفد :: اني بخير الحمدلله بشوفتك .

ـ ايي يا ابن ساامي

صفد :: اي عمي السيد علي الباقر كال انت طلبتني..

ـ ولك اصفاد الحق

صفد :: عيوونيي سيد

- هسه احنا وين شنو المكان هذا حلال منو !؟؟

صفد :: محل وحلال ابوي ..

ـ وهذني السبحه والمحبس حلال منو؟

صفد:: حلال ابوي

_ ومنو وريث ابوك !؟

صفد :: انيي

_ زين الوريث مال هذا الحلال كلة وينه عنهم؟!

_ عميي انا

_ اشششش امك حجت كلشيي لاتكعد تبلعم يمي..

_ اني كايل لامي

_ والله لو مو سيد انت جان عرفت شحجي ويااكك وشتصرف

_ عمييي

_ انجججعم ولك متستحي على وجهك العمال هنا كاعدين يبوكوون فلووسك صاللهم سنه وكسوور ما تستحي على وجهك محسوب على امك عدها زلمة كلف بظهرها ولك ..

_ ما يطيني كلبي والله ياعمي

_ لااا لا تتحجج بكلبك تعرف شنو مشكلتك

_ •••••••••••••••••••

_ ان رندة عبالها مخلفه زلمةة هاي مشكلتك..

- ترى الكلام هذاا يجرحني ..

- صددك والله يجرحك ايي هوة الحق يجرح عايف حلالك ورايح مدري ورة منو طااير يااا اكدييش ..
والله بهاذا موقفك بس هاي الكلمات تلوك عليك لك انت تربية السيد احمد صادق معقووول ؟؟؟

علي الباقر :: بوية كاافي شنو السالفه انهديت على الولد اذا هاي مشكلتك اني اكعد وي اصفاد وافهما كلشي واخلي من هاي الساعه يلزم الحلال كله ..

- اسمعنييي ولك اصفادد ...

صفد :: ٠٠٠٠٠٠٠٠٠٠٠ ٠٠٠٠٠٠٠٠٠٠

- جااي احجي وياااك اررفع عييينك وباوع علييه ..

صفد :: آمرني عمي

- هذة محبس ابوك البسة وهاي سبحته متطيح من ايدك ..
وهذا الكرسي متكووم عنه والحلال هذا كله من هاااي الدقيقه عينك ما تغفل عنه واني مشييت العمال كلهم تجيب عمال جديده وتبدي من جديد وكل شهر دخل المحل وكلشي يصير بايدي وانااا بذات نفسي اسلمه لرندة فهممممتتت لو افهمك بغير شيييي ؟؟؟

علي الباقر :: لا بوية فهمم

- انت لا تحجي ارييد اسممع منه هاا ولك صفد ؟

صفد :: اي عمي فهمت ..

- راح اتوكل اني يلا تعاال اكعد هناا مكانك و ورثك ...

كام ابوي وكمنا احنا راح اصفاد الحق وكعد ابمكان ابوة
وابوي حط ايده على متنه وطبطب علية
واردف وياه ...

- بوية اصفاد هيه هاي الدنيا حياة وممات منكدر نوكف حياتنا على شي الله اخذاه

هاي اني كدامك قبل 8 شهور خسررت ولدي مؤمل الصدر وتحرير وهم وراهم بشهرين خسررت اخوووي احززام ظهري
الي كسرني ونزل دمعتي ..
وهاي جبرت الكل ينزع الاسود وينسى الزعل ورة الاربعين مباشرتاً لان الرسول بعضمته كال الحزن ثلاث ايام فقط
اسمع بوية اقدر زعلك على ابوك وهاي المعتز بالله مثلك مجان يدخل لغرفه ابوه بالمحل بس هسه دخل وكعد بيها وكال راح اثبت لناس كلها ان الخلف ما مات واي واحد يشوفني يكول الله يرحم ابوك الحسن المجتبى
صير مثل المعتز بالله بوية وخلها تكول الناس من تشوفك تترحم لسامي ..

ترى سامي ما خلف زلمة غيرك والحسن المجتبى ماعنده زلمه بس المعتز بالله يعني انتم الاثنين حملكم ثكيل لازم تشيلون اسم ابهاتكم وتخلون الناسس كلها ما تنساهم

وانت زلمه كلف سبببع ما ينخااف عليك واني واثق انت كد هالشغل انتبه لروحك ول ميمتك لا تنسى هيه هم كل عشيرتها باليمن ومالها احد غيرك نولدت هنا واتربت ابيناتنا واتزوجت مننا بس تكوم ولا تكعد تبقى تحس البلد غريب عليها خفف عن امك شوي ولا تزيدها عليه ..

صفد :: ان شاء الله عمي ...

- الله يرضى عليك اني رايح هسه صفي المحل وشوف شغلك بعد انت صاحب الحلال والوريث ..

صفد :: الله يخليك النا الله وياك

- ثيمالله ...

طلع ابوي من المحل واني بقيت واكف واباوع لاصفاد الحق شلون الحزن انرسم بوجه اول مره اشوفه هيج
صدك الاب افراكة يكسر هذا الي شنسوي وياه لا يزعل ولا يضوج والضحكه متروح من شفايفه بااع منضره هسه
رحت وكفت يمه وحضنته حييلل
وهوة طلع الحركة بحضني كاام يبجي واني اطبطب على ظهرة على امل يهدء ويرتاح ..
وخرته عن حضني شربته مااي وكعدته بمكانه وكعدت كدامه ..

- لا تزعل كاافي هاي الدنياا ما بيدنا شييي وعلي اخووي حبيبي ميلوك على البجي اسكتت زلمة انتتت

- ما زعلت

- لا تجذب اعيونك صارن دم وتكلي ما زعلت تضحك علييه ولك

- يااا سسيد كتلك مابية شيي صدك

- راح اتنازل عن نص عقلي واصدك ان مابيك شي ..

- خووش

- عوفك هسه من زعلك وتعال سولفلي

- شنو

- شصار بموضوعنا ؟

- والله يا سيد كل الطلبته مني بعدني جاي اجهز بي

- هاا يعني اكو مجال

- مجالااتت لكيت مو مجال واحد

- الله يبشرك بالخير ..

- بس انتضرني كم يووم اخلصه

- الك كلشي كل الوقت و الايام الك تدلل عليه انت الغالي ابن الغالي

- دام اتدلل عليك كوم يلة وخلينا ننزل لجوة ونشوف شنو المحل هذا

- تمام تعالل بس لازم تمر على حامِد المتقين حتى يجي يعلمك اني ماعرف طريقه الشغل هنا

- سهلة هاي بس خلينا ننضف المكان كلة وسخ شني هاي العمال جانت تلعب متنضف !!

- متشوف ابوي طردهم ..

- مادري بيهم هيجي والله الشغل هوواي ..

- تعال نشغل قصايد وننضف ومنحسس بالوقت ولا بالشغل نخلص بسرعه ..

- خووش فكره امشي يله ..

"" جميلة ""

بعد ما صبيت الغدة لولدي وكعدنا اكلنا وكملنا
رجعت سويت جاي وكعدت احاور وياهم ونشرب جاي ..

- اكول ثمرة عمري ..

شبر :: كولي يمة !!

شبير :: شنو حبيبتي ؟

- شلونه الشغل وي عمكم ؟؟!

شبير :: اكول شبر سولف لامك شلون الشغل وي عمنا الاعظم

- خير اكو شي ؟؟

شبر :: يمة الشغل وي عمي الفاروق الاعظم يجنن بس بي شغله مو حلوة ...

- شنو هيه ماماتي ؟؟!

شبير :: مووت تعب متشوفي ايدي مابيه بعد اشيلها ..

- هوة هذا الشغل ماماتي

شبر :: وصدك عمي مخلي صورة عمي مؤمل الصدر و عمي تحرير بالمحل معلكهن .

_ الله يرحمهم ان شاء الله ايي اكيد يحطون صورهم غير اخوتهم ..

شبير :: من باوعت لصورهم اتمنييت لو رب العالمين ماد بعمرهم حتى نعيش وياهم ونخلي بذاكرتنا شووي منهم حتى لو يوم واحد بسس
ليش اجينا لهنا بيوم الفاتحة مالتهم ؟ ليش ما اجينا قبلها بايام ليش ما عشنا وياهم ؟؟

_ يمة انتم هسه جايين تلوموني وتعتبون عليه بهاذا كلامكم ؟

شبر :: لا حشى يما لا نعتب و لا نلوم بس افهمينا شووية يعني كبرنا واتربينا ونحن لا نعرف ولا ندري عدنا هيج عائلة حنينه وتاخذ الروح وتداوي الكلب ...

شبير :: كل ما اشوف حُب جدي عبد الحسن النا واشوف اهتمام عمامي ولهفة ابوي النا احس صدرري يختنك صح جاي نعوض كلشي سوة بس يمة انااا متحسر على ال16 سنة الضاعت مني
بس يلة الحمدالله الله من يحرمنا من شي هوة ينطينا الف شي .....

كلامهم جان مثل الخناجر التغرس بكلبي غمضضت عيونيي حييل بكل قووة وعصرت بايدي حت اهدي من نفسي ..
فتحت عيوني نضرت الهم واردفت بصوت يرجف من الخوف
خووف من سماع جوابهم الي ...

_ عادي اسالكم سؤال ؟؟

شبر :: ايي كولي

شبير :: جوواب

_ لو مثلاً اجيت و كلت الكم خلينا نرجع لحياتنا القديمة ونترك كلشي هناا انتم تنسون ابوكم وتنسون كل عمامكم السادة الي تعرفتو عليهم وتجون وياي ؟؟؟؟!

شبر :: اكيييد لااااا

شبير :: ههه مستتحييللل ولا بالاحلام ...

اتفاجات من جواب الولد جاوبوني بسرعه وحتى ما اخذو وقت يفكرون او صفنو اببد بسرعه قررو لاا مستحيل يتركون ابوهم وعمامهم وهنا ادركت مدى تأثير السادة الصار على شبر وشبير
سويت روحي اضحك وعلساس سؤالي جان عابر
ضحكت ورجعت اردفت وياهم ....

_ وانتم صدكتوو اكيد هَم مَ راح يقبلون امشي بيكم سانتي واحد حبيت اشوف رد فعلكم ثمر عمري

شبر :: ابدال هذا سؤالج جان سألتينا وكلتي بخاطركم ارجع وي ابوكم ..

_ بعدكم اصغار على هذا الكلام امي انتم ..

شبير :: لا مو اصغاار ابد يمة بعد ثلاث سنوات تره ونكمل 20 س
ابد مو صغاار ومن حقنا نحجي بكلشي ونستفسر على كلشي ..

_ اشو انتم السانكم طالع وياي

شبر :: مجاي نغلط حتى تكولين السانا طالع يمةة نحن جاي نسال نريد نعرف شنو السبب اليخليكم هسه انتي وابوي م راجعين لبعض
سولفينا و خلينا نوكع على العلة و نشوفها وين !؟؟

_ تعبتو هوواي بالشغل كافي كومو اصعدو نامو فوك وراح اكعدكم ب4 العصر حتى تروحون للنادي هاي الايام انتم هواي هاملين جسمكم اصعدوو ..

شبير :: هههه رجعتي تتهربين ..

_ شبرر شبيرر اصعددو وانتم ساكتين يلا يا امي يلا حبايب كلبي كومو ارتاحو فوك بغرفتكم ..

شبر :: صاعدين بس يا أمي يا وصيه رسول الله جدي
اذا انتِ متردين ابونا هوة هم مايريدج
ديري بالج يا امي يجي عليج يوم
وتخيرينا بينج وبين السيد لان بذاك الوقت صدكييني رااح تزعليين هوواي .... عن اذنج ...

عافوني وصعدو اني احس كلامهم جاي يخنكووني بي ويكطعون النفس مني

بقيت كاعدة واني احاول اطبطب على جرح كلبي هية هاي حال الدنيا هيج صفت بية لا من اهل ولا من اولاد هسة
ياعلي تعبت حييل مالي غيرك هسة الكل اتخلى عني
الكل عافني واولادي الكضيت عمري الهم طلعو مو الي .....

كطعت تفكيري ومسحت ادموعي .....
وسحبت تلفوني واخذت الكارت وسجلت رقم ....
قصطير「 سائد جبران 」
واتصلت عليه . وبعد ما رد علية
سمعت صوته يكول ::

قصطير :: كلبي جاان واثق راح تتصلين ...

- اريد اشوفك

- غاليية انتي وطلبج غالي هم

- شووكت و وين ؟؟

- لا تخاافين بليل روحي على اي مكان بخاطرج وانا راح اطلع بوجهج ..

- تمام اشوفك بليل ..

- حلوو اشوفج بخير يا جميلة الجميلات ...

سديت التلفون واني ما اعرف شنو جاي يصير وياي
ليش لجات انتقم ؟ اني ماريد انتقم ولا اريد ااذي واحد
اني احب البشير قيصر وبعمري ما حبيت غيره ولا اريد ائذي احد ابد بس حيل اتاذذيت منهممم يعني اني افكر بيهم وهم ولا شايلين الي اعتباار
يجرحوني وياذوني وهسه وصل بيهم ياخذون اولادي مني بعمرهم شبر وشبير ما رفعو عينهم بعيني بس هسه حت نتر جاي ينترون بوجهي يالله
اني اروح اشوف هذا قصطير واشوف شنو عنده
والله كريم واذا وصل بيه اخذ حقي منهم عاادي وهاي الطيبة الي بكلبي اشلعها شلع .....

"" علي السجاد ""

صعدت السيارة وبقيت منتضر لينا تنزل وتطلعلي حتى نروح لدكتورة موعدها اليوم ..

من افكر شلون صار زواجي اضحك واكول الحمدالله ربي هوة اختار الي ورزقني ليانتي
اكو بيها سحر هاي البنيه على كد ما جنت اخجل يمها وجنت ما متقبلها على هسه كل يوم حبها يكبر و يكبر داخل صدري ....

فتحت باب الصدر وصعدت باوعت على وجهة لكيتها حاطة حمرة هواي .
سحبت اكلينكس وانطيته الها وبقت تباوع عليه ...

لينا :: المن ذول ؟؟

- امسحي حمرتج ..

- وليش بلة ؟!

- صاارخة حيل وملفته ونحن رايحين مستشفى ما رايحين ل ديسكو ...

- اهاا تدلل عليه يول حمسحها ...

اخذت الكلينكس من ايدي وكعدت تطبكهن هنا الاثنين وكسرتهن سوتهن مربعه وصارت تبوس بيها
انطبع حلكها بالكلينكس وبنفس الوقت راحت الحمرة من شفايفها
شالت الكلينكس وحطته بالكتاب الجنت اني مخلي بالسيارة
جنت مستغرب شنو يعني السويته ؟؟

- هاي المن ضميتيها بالكتاب ؟

- خليها ذكرى ..

- اكلينكس بي حمرة تبقى ذكرى ؟

- ايي حلوة الذكريات ..

بقيت امشي بالسيارة اخذت لينا ايدي وحطتها على بطنها .
رمقتها بطرف عيني ورجعت انظر لطريقي وهية بقت تمشي ايدي على بطنها ...
واردفت واني بقيت اسمعها مدام طلع العرك الانباري عدها يعني راح تكول كلام رومانسي اني ماعرف ارد عليه ....

- منو جان متخيل بطني توصل لحلكي هيج واشيل اولادك بداخلي ؟
يول انا نطجيت من شفت عيوناتك جدامي ...
هيفتني من دحجت بهاض شكلك ...
انا الاصيلة والثكيلة يلي اهجدت جدام الكل بس مكدرت اهجد جدامك ..
تصركعت من شخصيتك وحلاتك ..
هجست بمعنى العمر وبمعنى الحُب يمك ..
ومن غااد الوكت يلي دحجت بيك هجست كلبي صار ابين أدياتك ..

صرت أسمع وانا ساكت ومبتسم ما حجيت شي وصلنا للمستشفى وبعد ما دخلنا ورحمة الزهراء دكتورتنا فحصت لينا
رحنا وكعدنا واجت رحمة وكعدت كدامنا واوراق الفحص جانت ابين ايديها .... ولفظت واني اباوع الها ومضيك عيوني و لينا
صابتها نوبة توتر من نضرات رحمة ...

- هاا دكتورة ؟؟؟

بقت رحمة الزهراء ساكته وتعاين لاوراق الفحص وترجع تعاين النا .. ورجعت لينا واردفت وياها ...

لينا :: توترت دكتوورة كولي شنو صاير ؟؟!

رحمة الزهراء :: هههه الصاير ان ماكو شي صاير

- شنو يعني دكتورة ؟

رحمة الزهراء :: يعني يا سيد يا علي السجاد كلشي مااكو والفحوصات تخبل والحمل ماشي عين الله عليه

- اوووف الحمدالله خرعتيني الله يسامحج ..

رحمة الزهراء :: هههههههه لينا انتِ على ابواب الشهر التاسع مو

لينا :: ايي صح ما بقالي شي واجيب الشمس والقمر ..

رحمة الزهراء :: تكومين بالسلامة ان شاء الله

- ليش دكتورة اكو شي يخووف يعني اكو شي على لينا ؟!

رحمة الزهراء :: لا ماكو شي مخييف بس ليانه انت جسمج ضعيف حيل واني اقترح عليج بعد شهرج التاسع اخذي منه بس اسبوع وادخلج عمليات اسويلج قيصرية

- يعني لينا مَ راح تجيب طبيعي ؟؟

رحمة الزهراء :: للأسف لا مَ راح تتحمل وهيه ؤاح تطلع ولدين مو ولد واحد اخاف عليها لا هيه يصير عليها شي او يصير عسر بالولاده ونخسر واحد من الطفلين ..

لينا :: لااا اسسم الله دكتوورة الله لا يكولها التردينه سويي واني جاهزه حددي موعد لعمليتي واني احضر واسوي جاهزة ..

رحمة الزهراء :: تمام راح اسويلج موعد وتكومين بسلتمة يابعد روحي ..

كامت لينا واني وكفت وراها واردفت وي رحمة ..

- تأمرينا بشي بعد يا دكتورتنا الجميلة ؟

رحمة الزهراء :: ههههه ميامر عليك عدو دربكم اخضر يا بعد عمري ..

لينا :: نشوفج بالبيت ..

رحمة الزهراء :: الله وياكم ..

اخذت بايد لينا وطلعنا من المستشفى ولمن صعدنا السياره لينا حل كبرانه بطنها واصله لحلكها واني جاي انتبه شكد تعبانه

شايلة طفلين حقها متكدر تكوم الا تلزم بطنها واذا ههي نايمه وتريد تلتفت لازم تكلب بطنها اول يالله هيه تكلب

بس اني اهون عليها بكلمات ميخالف حبيبتي ما بقى شي وتخلصين ويجون
السيد مشبر والعلوية لينا الصغيرة .

نزلت الها الكرسي واتجت عليه وغمضت عيونها ولمن وصلنا البيت نزلت ورحت فتحت الباب الها ولزمت ايدها ونزلت دخلنا جوة

ولكيت كاعدين بالهول العلوية و علي الهادي و علي الباقر و علي الرضا كعدت يمهمم ولينا صعدت ترتاح بالغرفه ...

العلوية :: هسه كلمت السبحه مالتي ..

علي السجاد :: هههههه قزح عيني انتي ..

علي الرضا :: هايي شنييي علوية شنيي كملت السبحة جا احنه مو بعينج ؟؟!

علي السجاد :: اووف بسرعه صعد هرموون الغيره كايل الكم اني واميمتي ننجاز لا تتداحجون بينا ...

- كلكم حشاشة يوفي بس أبو مشبر يختلف ولكم هذا بجري ..

علي الباقر :: يلا شباب احناا نتوكلل هااا المن كاعدين بعد خلو العلوية وي بجرها السيد ..

- هاي شنو ولكم ؟

علي الهادي :: هسه نحن منين نتلكاها من الاب الي قافل بس على بناته او من الام القافله على علي السجاد خااف احنا لقيطين لو اولاد البطه السودة ؟؟

- اتلايمووو كلكم لاتغارون من اخيكم يلة .. وانت آمي سولفلي شنو صار وياك ؟؟

علي السجاد :: شنو صاير وياي

- شكالت الكم رحمة فحصت لينا لا ؟؟

علي السجاد :: هااا اي مكالت شي بس اتطت موعد وراح تسوي عملية قيصرية ..

- الله يسهل عليها ان شاء الله ..

علي الباقر :: بعدني لهسه ما مستوعب يعني خلص راح اصير عم وانت يمه راح تصيرين حبوبة ..

علي الرضا :: هههههااييي

- لا ما خليهم يصيحوني حبوبة ينادوني مامة الجبيرة ..

علي السجاد :: امي متريد تكبر بروحه

علي الهادي :: لان صدك احنا بعدنا اصغار مو مال نصير عمام وامي حبوبة ..

- اسكت انت بلة هياك هم راح تاخذلك كم شهر وتصير اب وتجيب النا الحفيد ..

علي الباقر :: هاهااي كلكم طلعتو هنا شيياب بس اني وعلي الرضا بعدنا صغيرونين ..

- شووف منو يحجي

علي السجاد :: خلي يصغر بروحه وعايش اللحظة الاربعيني ..

علي الباقر :: اني اعرف شلون ارد عليكم بس شووفو دك المنبه رايح ..

- منبه شنو هذا ؟

علي الباقر :: مسوي منبه لوقت طلعه اريج الله من المعمل حتى لا انساها فَ هسه رايح اجيبها ..

- زين تسوي روح لاخيتك ..

علي الهادي :: اوكف علي الباقر ابقى انتَ انا وعلي الرضا نروح الها ..

علي الباقر :: لا ماكو داعي اني طالع ورايح الها ارتاحو انت واشبعو من العلوية ..

علي الرضا :: شعدنا غيرها نحبل نجيب ...

علي الباقر :: ههههه مع السلامة ودير بالك لا يسمعك السيد الوالد هيج تكول ..

- هههههههه يربي من جديد ...

علي الرضا :: وشكلت اني ..

علي السجاد :: كلشي ما كلت ابد ...

"" علي الباقر ""

عفت اخواني والعلوية وطلعت لشارع صعدت سيارتي وحركت بيها واني بطريقي لاحظت سيارة مضللة تمشي وراي من طلعت من بيت اهلي وهية جانت واكفه من مشيت
هية حركت وبقت وراي واعرفت انها تراقبني الي
بقيت امشي بهدوء ودقايق واني عيوني بالمراية اشوف السيارة بقيت مسترخي دقيقه وحده وطبكت صفحة ونزلت من سيارتي والتفت وملكيت شي

بقيت اباوع بشارع السياره اختفت بقيت التفت مااكو اي سيارة بالشارع مضللة
ضليت صافن ومستغرب واني امسح بلحيتي وشعري
اجاني رجال جبير نزل من سيارته ووكف يمي حسبالة اني عطلان سيارتي او محتاج احرر بطارية
وكف سيارتة يمي ونزل يحجي وياي ولان جنت مخلي غترتي الخضرة على متني
اردف وياي بكلمات .....

- ها مولاي محتاج شي ؟؟

علي الباقر :: لا خوية ماكو شي

- أشوة شفتك طابك هيج وتتلفت كلت خلي اشوفنك محتاج شي

- الله يكثر من امثالك بس هيج وكفت الله ينطيك العافيه

- اذا ماعندك شي اني اتوكل مولاي ..

- الله ومحمد وعلي وياك ربي يخليك ويحرسك بجاه محمد وال محمد ..

صعد سيارته الرجال وراح واني رجعت اباوع لطريقي ماكو شي الشارع كلة سيارات عادية يمكن جنت متوهم ...
اتاخرت على اختي ..

رجعت صعدت ومشيت وكفت كدام باب المعمل واتصلت على اريج الله رمشت عليها وطلعت هيه جانت منتضرني
صعدت وياي وطلعت ...

أريج الله :: ما متأخر علية اليوم شعجب ؟

- والله يا نحري اليوم حتى منبه وقتت التلفون ..

- ههههههه ياروحي والله

- شلونه الشغل

- والله جاي اشتغل ببدلات رحمة الزهراء وام البنين

- حلو اريجي المبدعه مالتنا الج تصميم بدلتج بيدي

- هههه لا اني ماريد ..

- ليش يا صمام كلبي !؟

- بعدلي الوقت .

- هاي رحمة الزهراء كضت عمرها تكول ماريد ماريد وعلى غفله اجتنا عاشكة وهسه راح تتوكل واشوفج انت وراها ..

- هااي شنوو سيد مليت منيي تريدني اتزوج وتخلص مني ؟؟

- عمت عيني اذا مليت منج يا صمامي الرئوي انتي

- جا بعد شبيك وياي ؟!

- مابية شي بس جاي اضحك على روحي ومن هسه اريد اقنع روحي ان انتي وراج زواج يعني علمود لا انصدم مثل منصدمت ب غيمة فجاة وراحت عني واني الجنت متعود الا اضمها لحضني واناغيها ..

- يوو سيدد نحن اذا تزوجنا م راح نطير هاي غيمه باي وقت تريد تروح الها وهي ممقصرة 24س عدنا

- ههههههه اي والله بس اني هم راح احس بفراغ ماريد اليشاركني بخواتي ونحري وكلشي الي ..

بقت ساكته اريج واني انتبهت لطريقي و رفعت عيني على المراية لكيت نفس السيارة تمشي وراي نسسيت الطريق
ونسيت اني جاي اسوق
والتفت الها وصرت اباوع الها
ولو مو ستر الله جان دخلنا بال سيارة الكدامنا تيهت طريقي لمن صاحت بيه اريجة رجعتتت ...

- علييي الباقر انتبببه السسياارة !!!!!

رجعت باوعت لكدامي وصرت افر بالستيرن بهستيرية صرت اروح عن السيارات يمين يساار
فقدت سيطرتي على السيارة والتحكم بيها ..

- علي الباقر دير بالك ..

- ياامحمدد ياا الله

- اووكف السيارة صفح علي الباقر اطببك هناا راح تروحناا ..
بروحح جددك اووكف غادي

فريت السياره ووكفتها صفح رجعت اريج لوره واتنفست خطية صارت بيها رهبة
نزلت من سيارتي وضربت على البدي حمت حيل
وصارت تدخن رحت طفيتها ونزلت اريج الله وكفت يمي ...

- شنو صار هاي شدهاك ؟

- ماعرف عقلي تااهه شوية

- اكو واحد يتيه عقلة وهوه يمشي على السريع ؟

- ماعرف اريجه ماعرف

- زين اخذ نفس هسه انت وارتاح

- راح اتصل على واحد من الولد يجي النا السياره دخنت ومتمشي بعد

- تمام اتصل

- رووحي انت يانحري اصعدي بالسيارة على ما يجي واحد لا تضلين هيج فرجة للرايح والجاي

- زين صااعده

- عفية برويحتي ..

صعدت اريج وكعدت بالسياره واني اتصلت على الميرزا ابن عمتي المرتضى الامير
وبعد نص ساعه لكيته يمي
صعدت اريج واني طفيت سيارتي وقفلتها وصعدت وياه
ووصلنا للباب بيتنا ....
لمن نزلت اريج الله ودخلت جوة نزلت اني والمرتضى الامير ...

- مشكوور ياخوي ...

- شسالفه سسيد خادم الك اني

- خادم ربك ميرزا ..

- اي شي تحتاجة تلفونك ارفعه واتصل تلكاني مزرروع يمك بداعت اخيتك اي شي لو بنهايه الكون اطلبه مني واني اجيبه

- ما منك تقصير يخوية

واني احجي وي الميرزا المرتضى الامير انتبهت السيارة المضللة واكفه بنهاية شارعنا كسرت كلام المرتضى ومشيت خطوات لكدام وكفت كدام السياره وبقيت احاول اباوع من خلف التضليل ولاحضت السياره مقفولة ومطفية محد صاعد بيها !!
عفتها ورجعت للميرزا ..

المرتضى الامير :: بيك شي سيد ؟؟

- لا خوية ماكو شي توهمت بالسيارات

- اني اتوكل اذا هيج بالك لنفسك ووصل سلامي للأهل ..

- تعال وين طب اتغده ويانه وصلت للباب ..

- سفرتكم دايمة بس والله عندي شغل عفته واجيتك لازم ارجع

- الله يساعدك

- تضل يمكم العافيه ..

- الله وياك ...

أتوكل المرتضى الامير وراح واني جنت اصرف نضرات لذيج السياره رجعت دخلت جوة وصعدت فوك صليت صلاه الضهر والعصر كعدت اسبح واقره قرآن وبعد ما كملت كلشي أجت طيبة الزهراء على راسي واني كاعد على السجادة طلعت حجاب الحفظ من القران الكريم وبديت اقراهن على اسم طيبة الزهراء الحسن المجتبى ....

بعدها كمت ولفيت السجادة واتصلت على المعتز بالله وانطيته عنوان سيارتي حتى يدز الها عمال ياخذوها ويجيبوها اله للكراج يسويها الي ...
اتوجهت لمكتبي سحبت جرارة وطلعت ورقة ..
بقيت اباوع الها اني كاتبه التاريخ والخط ...
جانت عبارة عن ورقه صغيرة مكتوب عليها ..

__【 السلام عليك يا ابا عبد الله الحُسين 】
〔 ها انا قد نذرت عمري وكُل نفس في جسدي لكَ يا مولاي ..
واذا رئيت نيتي خالصة لكَ وعمري منذور لكَ
فأخذني شهيداً لكَ يا مولاي
وهاذهي امنيتي ..
يامولاي اريد ان اكون شهيداً على نهجك
واريد موتي على يد شخص حاقد لكم
وهذا شرف لي ان اذهب شهيداً على يد انكر خلق الله 〕

「 ²⁰⁰³ ميلادي 」
「 ¹⁴²⁴ للهجرى 」
「 ¹⁰ من شهر محرم الحرام 」

قريت الرسالة ورجعت وحطيت الورقة بالكتاب وبقيت افكر وي روحي ما صاار الوقت استشهد ؟؟
خلص حتى اذا الحُسين『 عليه افضل الصلاه والسلام 』
ما طلبني شهيد على كُل الاحوال ..
اكتمل عامي ال ³⁰ وانا بكل سنه احتفل بعيد ميلادي اتمنى امنيتي الشهادة !!!!
بس مدام اني هسه طريقي مهمة الاسقط يعني راح انرزق الشهادة لا محال
مَ راح اطلع من هاي المهمة الا بحالتين

1 - منتصر ...
2 - شهيد ...

و الباقي عند الله عَلمة ......

"" اصفاد الحق ""

طلعت من المحل ورحت غاصد بيت عمي صفاء الحسن
جنت اريد اشوف حامِد المتغين حتى يعلمني طريغه الشغل
دكيت الباب سمعت صوت من جوة يصيح ...

وَهج الطف :: منووو ؟؟؟!

- انا صَفِد افتحي الباب ...

- منهوو صَفِد ؟؟؟

- هاي شمالج اصفاد الحق سامي

فتحت الباب طبيت لجوة وكفت بالحوش غفلت الباب ورجعت وكفت كدامي بعد ما طكت ايدها على ايد ...

- خيرر اصفاد تفضل اخووي السيد البشير قيصر مموجود هاا ؟؟

- ما اجيت علمود السيد البشير غيصر ..

- جا شتريد شنوو ؟

- اريد الميرزا حامِد المتغين ..

- الميرزا مموجود

- شنيي مموجود وينه ؟؟

- اششم ايدي اناا

- جا مو عايشة وياهم بالبيت ؟

- لا يخووي اني بديرة واهم بديرة هاي شمالك واذا عايشه وياهم ادخل خشمي بيهم واكلهم وين طالعين و وين رايحين ؟؟؟

- من يمتا طالع ؟

- اضنه نازل البصرة لان من البارحه اهوو مموجود ..

- أوووو مو وغته ابد ..

- تريد شي بعد ؟

- لا ماريد شي بعد بت عمي ..

- تمامم خووية تفضل ..

اشرت بيدها للباب يعني غصدها اتفضل اطلع بغيت صافن عليها جان بودي احطها واكتلها منرفزة بشكل مو طبيعي ..
بغيت خازرها وانا ساكت ...
واردفت وياي ...

- شمالك تخزرني هيجي المفروض اخاف ؟؟

- أشو انت ماعندج اسلوب !!

- عفواً ؟؟

- اي والله هاي انتِ العلوية بنت السادة الكرم تربيتهم المفروض تجبريني افوت وتضيفيني مو هيجي تعاملين الضيف يا ست وَهج الطف ..

- اوكِ اني ماعندي اسلوب ولا اني كريمة واذا اخووي ماعندك شي اتفضل روح اذا انت فاارغ اني مشغولة والشغل لراسي اريد افوت لجوة واخلصه واذا متريد تروح فوت واكعد جوة واذا متريد تكعد يلا الله ومحمد وعلي الباب وراك واضنك تندلة توكل على حب الله والنبي ..

من بعد ما سمعت هاذا كلامها حبيت اباغتها شوي واطلع السانها الي شطولة وياي
وطلعت الها العرك الامريكي الي بية ..
واردفت وياها ...

_ Excuse me ??

بغت صافنه بوجهي ضحكت اني
وهيه رفعت اصبعها بوجهي وكالت ...

- احترم نفسسسك انتةة الي Excuse me

حبيت اشلع كلبها وما جاوبتها بالعربي ...

_ Do you understand me ?

- شكااعد تلهث انته ؟؟
اني راحح اولييي لجووة اشرفف الي من الوكفه وياك ..

_ Don't go away

رجعت التفت الي واجت وكفت كدامي واردفت ...

- هااي عوود انت مكيف حافضلك كم كلمة وتعرف تحجي لغة الكفار اليهود وجاي تمشيهن براسي ؟؟!

_ I am sorry nad l Look at me ...

- خللص طلع العرك العراقي واحجي وياي وياااعميي رااح احجي وياك باسلوب حلووو بس كاافي كاعد تسبني بالنكليزي عبالك ما افهم وتره اني علوية عندي بخت هسه اشور بيك ...

- How old are you ?

- الا اله الا الله ... باااييي

ضحكتت ولزمت ايدها منعتها من الروحة رجعت تباوع الي ورادفت وياها . .

- هههههههههه لالا اووكفي دقيقه بس ثواني

- رجعتلك ذاكرررتك واخيررا واتذكرت شلون تحجي عربي !!

- جاي احجي وياج بالامريكي الحلو ليش متحبي ؟؟

- ترى اني بتدائية ما مخلصه يادوبك جاي اعرف اقره واكتب وانت صالك ساعه ترطن يمي وعلي حرف ما فهمتت ...

- اهااا طيب انا اسف عبالي غوية باللغه الامريكيه ..

- شنو تخصصك الدراسي انت ؟

- حاسبات ..

- عندكم انكليزي ..

- مبدأ عملنا هو الانكليزي بس مو هواي بس لان اني حبيته اتعلمته وصرت احجي بيه وافهم ..

- حلوو يعني انت اختصاصك محتاج بس بعض الكلمات وانت تعلمت اللغه كلها الك خللك مال مطاي........

- هاااا الززمي السانج هيووو ..

- هههههههههههه والله العضيم جا شكد فااارغ

- ترى حلو تعلم اللغه مختلفه حاليا جاي اتعلم فارسي تردين اعلمج ؟؟ ..

- لا شكرا ماعندي خلك مثل خلكك حتى اتعلم

- ياعمي اعلمج وابلاش لانخافين ما اخذ افلوس

- جا هيه مو قضية افلوس

- اذا مو غضية افلوس جا شني ؟

- قضية خلك كتلك خلك مااكو !!!

- على راحتج بعد نبغى وره خلكج

- اكلك

- كوولي

- انت ما تلفظ حرف القاف ؟؟

- ايي ليش ؟

- يااعلي اكوول الكلمة تطلع منك شثكلهااا مثل نبغى غيصر متغين ..

- ههههههه هاي بعد من الله شنسوي !!

- يعني انتت من الله ما تلفظ ؟

- لا انا الفضه عاادي بس اني من انا وصغير معود نفسي جنت اشوف حلو حرف الغين بدال القاف ومشت وياي وهسه متعود

- خررب يومك على هيج تعوييد ..

- هههههههه

- تعالل تفوت جوة ترتاح ؟

- انعم الله عليج توج اذكرتي ؟

- يوو اصفاد تفوت لووو ؟

- لاا ماريد اريد اروح ..

- براحتك

- كمشييي بيه ولججج كولي ماتروح الا تكعد هاي شكد فاهيية انتي ؟؟

- جا شسويلك انتت تريد تروح اكمش شنوو !!؟

- مو صوجج الله يصبر كلب الياخذج لازم يكون كلبة جلد يالله يكدر يتحملج ...

- لا صددك

- اي والله يلا اني طالع محتاجة شي

- سلامتك ...

- انتبهي لنفسج واقفلي الباب ..

- شكرا على التوصية ..

- صدك وهج غبل لا اروح

- هلا

- اريد رغمج ..

- شتسوي بي ؟

- بنت عمي واريد رغمها أكو بيها شي ؟؟!

- لا مبيها شي دقيقه اجيب تلفوني ..

- الج بس A minute

راحت دخلت جوة واني بغيت اتلفت باركان الحوش وارجع اعاين لسماء لين ما طلعت شايلة تلفونها ونطته الي ..

- هااك

- شنو اسوي بي

- محافضة رقمي انت اكتب رقمك !!

- ايي اكتبه ليش لا

اخذت التلفون وكتبت رغمي ورجعته الها بعد ما سجلت رغمي باأسم < السيد صافي >
واتصلت على نفسي حتى احضظ رغمها ...
ورجعته الها ..

- هاج عيني ..

- السيد صافي !؟

- اي

- انت مو اسمك اصفاد الحق ؟

- اي

- جا شني صافي

- صافي ، صَفِد ، صفاد ، صفصف
كلشي يمشي وياي متعود علية صيحي الي باليعجبج ..

- اها حلوو

- انا اتاخرت هسه رايح

- الله وياك ..

طلعت واني اريد اتوجه لسيارتي التغيت ب اخوي المعتز بالله
بالباب فتحلي ايدية واجة حضني ..
واردف وياي ...

المعتز بالله :: ياهلا ومسهلا انورت واشرقت واستهلت وامطرت ياهلا باخووي صفد اهنانه ...

- هلا بيك يابعد ضلوع اخيك ..

- جا شني ولك شعندك هنانه ؟

- ماكو والله اجيت أشوف الميرزا حامِد المتغين ..

- اها ابو كرم مموجود هنا

- ايي وَهج الطف كالتلي توني جنت احجي وياها

- اها يعني التقيت ب وَهج الطف ..

- ايي فتحت الباب الي حجيت وياها وهيه رايح

- وين تريد ؟

- فتحت محلات ابوي واريد واحد يعلمني الشغل
واستحي اطلب من العمال يعني تعرف هم زحمة عامل عندي يعلمني

- ايي صح عادي انتضر باجر لو عكبة يجي ابو كرم ويعلمك كلشي ..

- هوة هيج راح اتصل عليه اني اصلن .. يلة خووية اترخص اني

- سالم دربك أصفادييي

- حبيب روحييي ابو العز ..

تركت المعتز بالله واكف بالباب وصعدت سيارتي ورحت لبيتنا ...
اول ما فتت رحت للمطبخ لكيت امي جاي تسوي الغدة انتجيت على الباب وبغيت اباوع الها التفت الي وضحكت

- هلا بروحي هلا بوليدي شوكت اجيت ؟

- توني طبيت

- روح يمة غسل وصلي وتكلة الغده مصبوب اكيد تعبان من الشغل ..

- ليش رحتي لعمي عبد الحسن وحجيتي وياه ؟؟

- ............. ............

- اني مو حاجي وياج بخصووص المحلاات ؟؟

- لااا ما حجيناا بشي اصفاد انت متعرف مصلحتك وينن ابوك كضة عمره يشتغل ويتتعب علموودك انتته علموود مستقبلك علمود حضرة جنابك من تكبر تكلي كل الحلال جااهز بيت شغل افلووس حتى بدوون متشيل هم ان لازم تكمل مدرسة علمود تاخذ الشهادة وتتوضف وتصرف على روحك وفر الك كلشي وانت مثل الكدييشش هسه جاي اتضيع تعب ابوك شوي شوي
اصفااد اني اوكف وياك بكلشي الاا موضووع مستقبلك وحياتك مثل ما ابوك مات اني راح امووت اليوم لو باجر تجي ساعتي وانت راح تبقى لوحدك مالك غير بيتك وورث ابوك تعيش بي
يمة اني ادعمك بكلشي بس بهيج قرار سالفه تضيع افلوس ابوك وشكة عمره لااا وباجر راح تتذكرني على هاذا التصرف وتترحم الي ..

- اني فتحت المحلات وراح اشغلهن وراح انطي الدخل كل شهر لعمي عبد الحسن وهوة راح ينطي الج ..

- حبيبي آمي انت زلمتي وظهري وكلشي عندي بهاي الدنيا ولك يدادة اني اطالع الله ثم اطالعك لا تكلب خلقتك هيجي عليه ..

- ما كالب خلقتي تعباان من الصبح واني انضف بالمحل حيلي انهد

- يابعد حيلي رووح اسبح واني راح اصب الغدة ..

- يمة

- عيونهااا لامك وكلبها وروحها كول واتدلل ..

- انطيني مفاتيح مكتب ابوي ..

- صدك !!

- حضريهن الي بعد الغده اريدهن

- يابعد روحيي ولك هذاا زلمتيي اصفااد الحق والله ههس اشهد ابوك مرتاح بكبرة من جاي يشوفك وان هوة مخللف سببع من صلبة رااح يرتاح ما خيبت ضن ابوك يابعد امك ..

- صاعد اسبح وارجع انزل

- تمام يروحي تمام يا كُل حيلي ..

عفت امي وصعدت لفوك لغرفتي طبيت الها بيتنا يغمت الضوية باهتة اليدخل اله عبالك داخل مكبرة ..
لازم اغير ديكور البيت كلة اغير الوانه واسوي بي حياه خلص نبدي بداية جديده
حياتنا متوكف على موت شخص ..
وهم لازم اغير غرفتي واصعد انضف الغرفه الجبيرة فوك اكيد اني م راح اتزوج واجيب المره تعيش وياي بهاي غرفتي ...

خلي يخلص موضوع عرس اخوي علي الهادي واختي رحمة
وافتح الموضوع اعرف مستعجل ومنطيت وغت لروحي
بس الستعجال احسن ... ...

جنت هيج مفكر ..... جنت اضن الزواج حل الي
جان على بالي الي معتبره اخوي راح يدعم هذا غراري ....

"" وَهج الطف ""

بعد ما طلع اصفاد الحق دخلت جوة دخلت المطبخ اكمل التمن كلشي كملت من الغدة باقي بس التمن جاي اهدر بي
رجعت سمعت صوت الباب يندك طفيت النار وطلعت حطيت الشال على راسي
وفكرت اصفاد رجع ف ف ماصحت منو ؟
رأساً فتحت الباب ..
وطلع بوجهي المعتز بالله .......

- يا طركااعة الباب الما تنحل كل شوي مدكوك .. اجيييت اجييتت الباب نريده راح تكسررووه ....
اااءءءء اهلا وسهلا أعزيز ....

- هلا بيج ... شنو ليش انتِ تفتحين الباب ؟!

- منو المفرووض يفتح الباب يعني ؟

- الزلم وين اولاد عمتي اخوانج ؟

- كلهم بالشغل

- اولاد اخووج ؟

- شنو شبيك عقلك مطبك

- شني ؟

- شبر وشبير عند امهم البشير دزهم الها بيوم الالتحاق ..

- اهااا

- شبيك جاي ودمك فاير صاير شي ؟؟

- لاااا ماكو شي

- تعال ادخل جوة

- عمة السادة وين ؟

- اخذت أم البنين ونزلت لسوك حتى تكمل اجهازها حك العرس

- افهم من كلامج انت وحدج بالبيت من الصبح ...

- اييي جبرتني عمتي انزل وياهن بس اني مقبلت

- وليش عيني ما قبلتي ؟!

- لان البيت راح يفرغ اني واعرف راح يتاخرن بالسوك وهسه الشباب على جية ميلكون غدة ؟؟ بقيت اجهز الهم

- بنتر - ناادررة وهجهج مااكو انددر منجج والله

- جا شعبالك اعجببك هااا ههههه

- روووحي جيبيلي مااي

- تدللل صاار ..

رحت للمطبخ جبت اكلاص ماي ورجعت للهول الجان كاعد المعتز بالله حطيت الكلاص كدامه على الطبلة اخذة وشرب ومن خلص
هتف بصوت ناصي حيل ...

- السلام عليك يا ابا عبد الله ...

- اللف عافييية صحةة صحةة ..

حط الكلاص وصار يباوع الي بخزرة ومكال شي بقى ساكت لحد ما اني شفت تلفوني وتذكرت شي
واردفت وياه ...

- هااا تذكررت عوود انته ليش أجلت موعدنا مو علساس اليوم بليل نطلع ؟؟!

- صح بس طلعلي شغل

- وشغليش هذاا اليشغلك عني ؟؟

- أجوي جماعه اصدقائي من زمان مو شايفهم فَ رادوني اطلع وياهم وبعدين ماكو مشكلة بأي وقت تردين اني حاضر ونطلع بس اليوم لا تعذريني حدي مشغول ..

- اهااااا

- شني زعلتي !؟

- عاادي من تخللص شغلك المهمم الكلششش مهم شوفلك يوم ونطلع بي ..

- ترى صدكي بالله جنت ملهوف اطلع وياج بس الجماعه طلعلولي صفح ..

- لا عادي اطلع وي جماعتك اصلن هَم أهم بهوواي من وَهج الطف ومن طاري وَهج الطف ..

- نجبي لا تحجين هيج

- هوة راح انجب ...

- وهجهج ...

- نعممم خيررر ؟؟!

-ماكو شي أهم منج عندي

- اي صح

- ياااربي شلوون ويا هاي المطنكره هسه ؟!

- شنوو شبيك ؟

- اني شبيه خاييبة انت شمالج شنيي تردين هسه اتصل والغي كلشي واطلع وياج .؟

- يلة سويهاا

- شني ؟

- ايي مو ماكو شي أهم مني مثل ما دزيتلي رسالة ولغيت موعدنا هسه تتصل لو تراسل وتعتذر منهم
طلعتهم تتأجل بس طلعتي انا متتأجل ..

- ادرري شني هسه اني اكص روحي بالنصصص نص وياهم ونص وياج ؟؟

- هاا يعني اني عاادي كلش عادي عندك تأجل طلعتي بس همة لاا عيب وحراام تتأجل ..

- بنت الاوادددم كتلج نااس جايينييي من مكاان بعييد وما مطولين هناا تردين اأخرهم ؟؟

- لااا تغلطط عليه ..

- يمتااا غلطتت اني ؟؟

- وبنت الاوواادم هاا شنييي ؟

- وهسه بنت الاوادم غلطة كلنا اولاد ادم والحمدالله ..

- .............. .........

- لا انتي مبين حييللل طابكه عندج ..

- اليوم نطلع اني قفلت الا هيج

- وَهج جاي احجي وياج عربييي افهمي علييه ماكدر يابووية ماكدر

- ايي صح هم متكدددر تاجلهم بس انيي لا كلش عادي عندك تاجلني واصلن عادي عندك اصير رقم 2 ابحياتك ...

- وَهج الطف ...

انا هنا حيل عصبت عليه وصرخت بوجه ..

- ايييي ايييي وهج الطف وهج الطف ماعندك سالفه غير تكوول اسميي حتى مجاي ترد عليه بس وهج الطف لو وهجهج
خللص كلشييي ميهمنييي بيكك رووح وين متريد ترووح اطلع واسرح وامرح موو شغلي بيك ولا تجي وتكلي مشتاقلج وتعالي نطلع لان بذذاكك الووقتتت م راااح تلكاانييي خووش خليك هسه وي جماعتك الي اهم مني ..

- هااي شنييي صووتج نصيي لا وكفيلج العباس اسطرج ..

- لا والله ؟؟

- انلصصميييي كافي

- راح انلصم حتى ترتاح حضرة جنابك فرد مره ..

- كوومي

- ويين ؟

- روحي للمطبخ طكيلي بيضة وسويها الي بيض عيون ..

- الساعه 12 م وقت غدة تريد بيض ؟؟

- ايي واني طاري على راسي هسه اخلص صلاه أكل بيض عيون

- عوود رووح لهلك واكل بيض عيوون ماعدنا بيض احنا

- وهذا بيت اهلي واهلي كدامي كاعدة ..

- كووم رووح اني صاعده لغرفتي ..

- وهج وحرك اخيام زيينب رووحي صاارت برراس خشمي ترى

باوعت للمعتز بالله وشفت نضراته الي والله خفت وهم اني لوحدي وهذا مخبل اذا زودتها وياه وطكت براسه يحطني ويكتلني وعلي ماعنده ماانع ابد ولا يخاف من احد ..
ف بقيت ساكته وهوة رجع واردف وياي ...

- رايح اصلي اجي الكي البيض جاهز وماريدة رخي اطبخي حيل خلي يحترك ازيادة وحطي بصل هواي
اذا اجاني البيض زفر بدون بصل اخليج تسوي مره ثانيه وثالثه فهمتييي ؟

هزيت راسي بمعنى ايي فهمت ولمن نداريت راد يروح رفعت ايدي وصحت .. ورد عليه باستهزاء

- تريد تصلي هاي المصلى منا

- ترى اندلل بيتي هذا !!

- اهاا خوش عبالي متندل

- اقدم منج اني هنا

- تمامم عميي روح صلي تقبل الله مقدماً

- يلا انت طيري سووي الي كلتلج عليه ..

- صاار من عيوني

- غصباً عليج من عيونج ....

بقيت صاافنه عليية اووف يااربي شنوو هاذاا الرجالل
راح دخل لغرفه المصلى واني وليت للمطبخ اول ما دخلت طلعت الطاوة وجبت البيض من الثلاجة حطيتهن على الكاونتر ..
وفتحت تلفوني دخلت على الكوكل وكتبت بالبحث
【 هل يجوز قتل ابن العم المستفز ؟؟ 】
مسحته ورجعت بحثت
【 ما حكم القضاء عند محاولة قتل ابن العم بتعمد ؟ 】

وعيت على نفسي اني شنو جاي اكتب هذا المعتز بالله يكتلني ويكتل عشره مني يا اني اكتلة !!!
طفيت التلفون وكعدت اطكلة بيضة مثل الشاطرة والحبابة
ورفعت عيني وشفت المعجنه كدامي

طكيت كصتي بيدي واتذكرت ورااييي عجيين جان لازم اعجن من زمان ولازم بهاذا الوقت العجين مختمر !!!!!! رااح الوقت شسووي ما الحك اعجن هسه ويختمر بعد عمتي كالتلي من زمان اعجن حتى بس تجي هيه تخبز كملت البيض ورحت للغرفه أتأكدت من ملابسي نضيفة ورجليه ما بيهن شي .

دخلت لغرفه المصلى ولكيت المعتز بالله كاعد يسبح توة كمل صلاه الظهر ولمن وكف راد يصلي العصر اني قاطعته ...

- دقيقه أعزيز ..

- خيرج ؟

- عاادي تروح تجيب خبز من المخبز ؟
عمتي كالت الي اعجن حتى من تجي تخبز لان ماكو ولا كرصة بس اني نسسيت اذا اجت هسه تفضحني والله

- لا تتعبين روحج ولا تفكرين هسه اروح واجيب ..

- شكرراً هوواية وأسفة لان كطعت بالك من الصلاة

- لا يروحي عاادي كملت الظهر اني باقيلي بس العصر ..

- من ترجع تكملهن ان شاء الله

- كم خبزة اجيب الكم !؟

- اممم جيب 60 وحده

- خووش

- خلي يخلي كُل 30 خبزة بعلاكة يعني يسويهن علاكتين حتى ما يتدمر الخبز ..

- ززين

- يمةة اندارلك فدووة شحلاتك وانت هيج حباب واهادئ

- اكول سدي الباب ورااي ولا تفتحي لاي مخلووق

- هههه ان شاء الله بيباي ..

طلع المعتز بالله حتى يجيب الخبز وبعد طلعته بهيج نص ساعه او ربع ساعه ما اذكر يالضبط الوقت بس سمعت الباب اندك رحت يمة وصحت منو وطلعت أم البنين وعمتي فتحت الباب ...

دخلن جوة وحطن العلاليك بالكااع جبت الهن ماب وكعدت كدامهن ...

فاطمة :: يايمةة انهد حيلي وانكسر ظهرري يمة وهج رحمة الله والديج بنيني هاج اشربي وارتاحي ..

- و والديج يمة .. شنو هسه كملتو كلشي ؟!

فاطمة :: اييي اني هسه كملت كللشي لجهاز أم البنين الحمدالله ممحتاجة شي بعد هيه بس باقيلييي انتي ..

- اني شنو ؟

فاطمة :: شنو انتي شنووو هم لازم اخذج وننزل وتشتري كل البخاطرج عرس اخواتج واخوج هذاا واصلن لازم تطلعين احلا من الكل ..

- لا يمة مو لهدرجة ..

فاطمة :: اكول انجعمييي خليج وراي واسكتي ..

بنين :: نصيحة وهج من هسه مدامج بعدج منازلة اذا نزلتي وي امي امشي وراها وانت مريحة بالج وثقي بذوقها

- متأكده هههههه ؟

بنين :: والله ذوقها يششك ششك شوفي هسه نصعد فوك وتساعديني بالترتيب اغراضي وشوفيهن كلهن ذوق امي اخذن عقلي ..

- تتهنين بيهن ان شاء الله يروحي وبعدين مامه شنو هاي طلعتي ام الذوق هاا هههههه

فاطمة :: جا شعبالجن اني فاطمة الزهراء بنت احمد اصلن الذوق بحد ذاته يتعلم مني جان ياخذ درووس يمي ..

- يااعيينييي ياعيينن

بنين :: امي ما تفوت ولا فرصة حتى تتباهى بروحه ..

- تستاهل عيني خليها ..

فاطمة :: ههههههه شيلن العلاليك يلا صعدنهن فوك

بنين :: خلينا ششووي ناخذ نفس ..

فاطمة :: النفس مالتجن هسه ساعتين . يمة وهج كملتي كلشي الولد اجووي .؟

- كملت الغدة والزلم بعدهم ما راجعين ..

فاطمة :: ززين يعني الحك اخبز جيبيلي الصينيه والعجين ..

- ما عجنت ..

- ليش ما عجنتي جا اني مو وصيتج ؟؟!

- ماعرف نسيت والله

- جا يمة ماكو خبز شلون هسه ؟!

- لا يمة ودييت المعتز بالله يجيب خبز من المخبز هسه يجي ارتاحي انت مو الة تخبزين توج جاية من فرة السوك ...

- شنو من يمتا المعتز بالله هنانه ؟

- مصار الة ساعه من اجة صلى وطلب مني اسويلة بيض ..واني طلعته يجيب خبز ..

بنين :: بييض الساعه 12 الظهر مكبسل هذا هههههههه ؟؟

- انا هم استغربت والله ههههه

فاطمة :: عوفن اوليدي شيريد يصيرالة لو يريد لبن العصفور اجيب الة مو بيض ..

بنين :: اويلي يا الله ليش ما خلقتني المعتز بالله بس يوم واحد خليني هيجي اتدلل ..

- هههههههههههه ايي بعلييي ...

فاطمة :: هجم بيتكم عسااس اني ممدللجن ولجن ؟ تحسدن الاكرع على حواجبه !!!

بنين :: ما نحسد احد على شي

فاطمة :: كملتي البيض لو اني اسوي ؟

- يووو يمةة كتلج اكعددي متعرفين تكعددين سويته كلشي انت بس خليج كااعدة ..

بنين :: صاعدة اني لغرفتي نهد حيلي ..

فاطمة :: اخذي اغراضج وياج
انا صاعدة اسبح حتى انزل اصلي على ما يجون الولد ...

بنين :: وهجهج ساعديني .

- صار يروحييي انتي ...

شلت الغراض وي أم البنين وصعدنا للغرفه وعلما ما نفضناهن على الجربايه حتى نشوف شلون نرتبهن نزلت لجوة ورحت لطارمة فتحت الباب للمعتز بالله اخذت الخبز من ايده ....

- بعد روحي تعبتك وياي

- تعبج راحه منو الاجة ؟

- عمة وبنين ..

- اهاا خوش

- اصبلك البيض مالتك لو تصلي ؟

- لاا فايت اصلييي ولج طار الوقت ..

- ههههههه تمام حبيبي ...

- جا عمتي وين ؟

- فوك شوي وينزلن

- خوش علما اصلي جااشوفهم ..

- اييي ...

راح المعتز بالله لغرفه المصلى واني دخلت للمطبخ حطيت الخبز
واتصلت على اخوي الفاروق الاعظم ...

- الو ؟

- ها وهوجة ؟

- شنو وينك تتاخر بعد ؟

- لا يروحي ممتاخر سالفه نص ساعه اني يمكم ..

- تمام حبيبي الغدة راح يبرد

- كلهم اجو ؟

- لا وين بعد لا المرتضى الامير ولا المصطفى القاسم بعدكم ..

- خوش جا اني راح امر على المرتضى الامير اجيبه وياي واشوف المصطفى القاسم وين

- خووش يروحي

- يلا مع السلامه عمري

- الله وياك ..

سديت التلفون من اتصال الفاروق وكعدت احضر المواعين حتى كبل اصب بعد ما جهزت الزلاطة والخضرة .. وقلمت الفواكة وحطيتهن بمواعين رن تلفوني صوت اشعار رسالة ...
رحت وشلته وفتحت ولكيت رقم غريب ..
دزلي رسالة محتواها ...

-【 حييل مشتاق لشوفه اعيونج ومشتاق اشوفج واحجي وياج اعرف مصارت فرصة اتعرف عليج وتتعرفين عليه بس خلص اني تجرئت وحابب اشوفج باجر علمود تعرفين اني منو
ويرتاح بالج وصدكيني راح تعرفين كلشي عن امج وجدتج
وحتى صور الهن انطيج دام السادة حاركين كلشي يخصهن اني انطيج صورهن تحتفضين بيهن بس بشرط لوحددج تعاالي للعنوان الي ادزة الج لوحدج ماريد احد وياج واذا شفت لو حسيت انت كايلة لشخص لو جاي احد وياج
صدكيني تحلمين تعرفين وجه امج ولا تعرفين امور تخصها ..
اشوفج على خير يا كُمرة السادة 】

حفضت العنوان وحذفت الرساله خوف لا واحد يشوفها ..
هاي مو اول مره الرقم هذا يتواصل وياي نهايته 49 بين اسبوع واسبوع جان يراسلني يدزلي رساله وينغلق الخط ..
وماعندي شييي ما كدامي شيي غير ارووح للموعد لازم اخذ صور امي ..
زين اذا طلعن جذب واكو احد جاي يلعب عليه شلون ؟!
لازم انطي خبر لاحد
بس اذا هذا عرف اني حجيت لواحد مراح يسوي الكال عليه
ياربييي
دقيقه هووة شلون رااح يعرف ما يعلم الغيب هو بس لازم الكي واحد كفوو وما يكشفني ويفضحني حتى اسولف الة بس منوو منوو ياربي ؟؟؟
بقيت افكر وما انتبهت الا ايد نحطت على متني فزييت وباوعت بخرعه لكيتها أم بنين ..

- يمةة !!!

بنين :: أسم الله الزهرة القرآن شبيج وين سرحانه ؟

- ولا شيي هييج رااح بالي ..

- متأكدة ؟

- ايي يروحي جاي اجهز الغدة ..

- اجة المصطفى القاسم

- ها صددك

- والله

- والباقيين ؟؟

- بعد بس الفاروق الاعظم والمرتضى الامير ..

- خووش لعد اني اتصلت على اخوي ما بقى شي ويجي يعني علما نصب وتحمي المركه

- تمام ..

حاولت ما احسس احد بششي وكدرت ...
بس الموضوع كلش خطر اذا ماعرف بي واحد واطلع غبيه اذا رحت بطرك روحي لشخص لا اعرف اصلة ولا فصله ابد ...

"" رحمة الزهراء ""

كملت مواعيدي الصبح وطلعت وقت الضهر وي زُبير ورحنا لبيته
حتى اشوفه شنو نحتاج شنو نغير لان ما باقي شي بس 5 ايام للعرس .. لازم نطير بكلشي ونستعجل بكلشي ..
اول ما فتت صرت اشوفة شلون مكلوب صدك البيت الما بي مرة كأنه خرابة ...
اول ما دخلنا للصالة وكف زُبير وراي وحط ايدة على خصري ابتعدت عنه والتفت اله
هو ابتسم واردف ..

- شبيج ترى زوجج اني !!؟

- اعرف بس ما متعوده عادي تحملني ..

- لا يعمري لازم تتعودين على كلشي تعااي خليج قريبة مني انت مرتي وهذا بيتنا شبيج بعد ...؟؟

سحبني من ايدي ورجع طبكني اله صار ظهري لازك بصدرة وحط راسة حنجة على متني صرت اسمع واحس بالنفس اليجرة
اتوترت حيل اول مره اصير قريبة من احد بهاي الطريقه شال الدبوس من حجابي ونزعني اياها ...

- لاا ليش ؟؟

- اشششش اخذي راحتج كافي مقيدة روحج بالحجاب ..

- بس

- رحمةة حبيبة روحي انتي مداعي تلبسين حجاب ببيتج وكدام رجلج تمام انزعي يلا

- مابية حيل ارجع البسة !!

- اني البسة الج تدللين عليه انتي ..

بعد ما نزعت الحجاب طلع شعري الي واصل لركبتي بس وكف كدامي وصار يمشي شعري بأثنين ايديه ..
ونزل ايده ومشاها على ركبتي ورجع نزلها لصدري اني هنا حسيت جسمي كلة قشعريرة ..غمضت عيوني وجنت منتضرته يخلص ويخلصننييي ..
اخذ ايده وحطها على خدي ورجع وداها لراسي من وره وجابني لحضضنه حط راسي على صدرة وحضني حيل وباسني بشعري
وايده الثانيه حطها ورة ظهري على خصري وحسيته كأن دخلني جوة ضلوعه من بعد ما شدني حيل لصدرة .....
وهمس باذني بكل حراره ...

- صررتي الي ههههههه هاي هيه رحمة صارت الييي يحقلي هسه اسويي كلشي وياج ومحد الا عليه شي موو ..؟

رفعت راسي باوعت لعيونه واردفت ...

- مو شنو ؟

ابتسم وصار يمشي عيونه لفووك ويرجع يباوعلي وكال

- رحمة انت طبعج هيج باردة لو اسلوبج هذا لو جاي تتعمدين تسوين هيج وياي ؟؟

- ما فهمت ؟!

- ترى عمرج ²⁷سنه شنوو الما فهمتييي هسه اجيب وحده عمرها ¹⁵سنه تفهمج شسالفه رحمتي ؟؟

- زُبير كتلك ممتعوودة اتحملني شبيك بعدلة العرس ترى ..

- باقي ⁵ ايام بسس ترى

- ايي هوواي

- هااي اذا صرتي وياي بليلة العرس هيج بهاذا البرود اكتلج والله

- ههههههههه يمعود باع شلون جاي ترجف ايدي الله يستر يوم عرسنا لا ايصير بيه شي

- وليش هلكد متوترة يروحي جا مو تحبيني المفروض هسه انت التحضنيني وممصدكه اني صرت الج ؟؟

- ماعرف جنت محضرة روحي لهوواي امور بس اشوفنها من صارت صدك نسسيت كلشي هههههه

- حطي ايدج على صدري شوفي جنت لثانيه راح اصخن واصير حار ومن شفت برودج بردت وياج

- احسن ههههههه

- هم حضي هذاا يلا نتحمل ما باقي شي بس ⁵ أيام

- زُبير

- عيونه

- متحمس للعرس

- وشلون ما اتحمس رحمة انت ماتعرفيني بعددج والله لو تعرفين شنو سويت حت اوصل الج ما تصدكين ..

- مافهمت ؟

- اءءء ولا شي يروحي تعاي اشوفج الغرفه مالتنا ححت تنطيني رئيج شنو نسوي بيها ..

- تمام حبيبي

اخذ بيدي وصعدنا للغرفه وصرنا نتفق على الالون وعلى الشكل شلون راح نخليها والخشب الراح نشتري ..
ولمن طلعت استكشف البيت اكثر وهوة يمشي وراي وكفت كدام غرفه الباب جان مقفول اول ما حطيت ايدي على الرزة اجة زُبير وشال ايدي وبعدني عن الباب ووكف كدامة ..
واردف ...

- عوفي هاي الغرفه ..

- ليش اعوفه شنو بيها ؟

- ما بيه شي ختولي عوفيها

- اذا ما بيه شي ليشش قافلها ومتريد افوت الها ؟

- رحمة غرفتي هااي

- واذا غرفتك مو اني مرتك والبيت هذا بيتي لازم اشووف كل شبر بية !!!

- يمعووده هاي الغرفه اني حاط بيه اغراض جماعتي لهذا قافلها ..

- اغرض شنو المتقبل اشوفهن ؟

- حبيبي اغراض خاصة ..

- شنوو يعني حت انتم الشباب عدكم اغراض خاصة بلة اغراض تخص الطمث حتى خاصة؟؟؟

- هااي شنوو تووج رااح تموتين من التوتر اشوف السان والجرئة طلعت ؟

- لا والله اريد اعرف اغراض شنو خاصة بيكم انتم الشباب اعرف بس البنات عدهن خصوصية وماشاء الله حت الخصوصية راحت وياكم انتم صرتو تعرفون بسوالف النسوان اكثر من النسوان بذات نفسهن ...

- حبيبي اصدقائي جانو يجون لهنانه ويسهرون وياي ونلعب وحتى يباتون ف ملابسهم واغراضهم وكلشي الاراكل وهيج حاطهن هنا وقافل عليهن وادري بيج متحبي هاي السوالف ماريد تشوفيهن وتلعب روحج ..

- اهاا وهاي تسميهن خاصة ؟؟

- يا كلمة ارجعي لمكانج تعاي نشوف الباقي وعوفي هاي مال الولد تولي ...

- انزل كدامي ..

- امششي يلا

نزلت اني و زٌبير وبالي صار يم الغرفه ليش منعني افوت عليها بهاي الطريق وصار يطلع ميت عذر اوف منك يا زُبير حيياتك عباارة عن اسررار بأسرار ..
وضنيت حتى موضوع اهلك مجنت راح تصارحني بي اببد لو حامِد المتقين ما مكتشفه ...
واني امشي بالبيت صار ينتابني شعور مقلق حيل ..

هل يا ترى راح استقر هنا ؟؟
راح ابدي بدايتي الجديده هنا واولادي راح يتربون بهاي البيئة ؟
شلون راح تمشي حياتي وي رجال مايعرف شنو المصارحه وعنده كلشي بالكتمان يمشي !!!

حسيت طبع زُبير هيج من العاش والمر بي صار ابد ما يحجي هوة حت وياي كلامة قليل ومحدود رغم اشوف الحب بعيونه واحس بي بس ما يعبر بشكل جبير ابد ..

عشت كل عمري اخاف من الحب والارتباط وهسه اني وصلت مرحلة وكسرت قيد الخوف هذا وحبيت وارتبطت اتمنى ما يكسرني هذا الكسر للقيد اتمنى
واطلع حَسنت الاختيار ل زُبير ....

- وهسه هاي شفتي البيت كلة واتفقنا على كلشي وبطني طكت من الجوع خلينا نطلع نتغدة ...

- لا حبيبي خليني اني ارجع للبيت وانت اتغده ..

- شنيي تخليني اتغدة لوحدي ؟؟

- يلا ما بقى شي مو بس ⁵ ايام وادوور اكابلك واكعد

- ياا الله راح يصيرن ⁵سنوات مو ايام ما يمشن بعد

- ههههههه انت بس لا تفكر بيهن وهن يكضن ماعليهن شي

- شلون ما افكر بيهن وانتي منتضرج على نار صارلي سنين ..

- ماتكعد راحه ابو السنين ما صار النا مده نعرف بعض وهاي راح نتزوج لا تعيش اللحظة ..

- هااي بالنسبه الج ..

- مافهمت ؟

- ولا شي يروحي تعااي يلا اوصلج لهلج واطلع اني للمطعم ..

- البس حجابي اول انتضر ..

- عبايتج وين ؟

- مادري حطيتها على الشماعه ..

- اهاا دقيقه اجيبها الج يروحي ..

- حبيبي انته

لبست حجابي و زُبير راح جاب عبايتي ونفضها الي ووكف كدامي وحطها على راسي لبسني ياها وباسني على راسي .. واني اريد اخذ الحذاء البسها اخذها من ايدي وكعدني على الكرسي واجة لبسني حذائي وشد القيطان ..

بتصرفاته وياي حسسيت روحي بنت ال⁷سنوات وابوها جاي يدللها بقيت مبتسمه وعاجبني الوضضع هههههههه
بعد ما كمل لزم ايدي هم باسها وكومني طلعنا لبرة لنصعد السيارة ...

- سدي عبايتج عدل ..

- تمام ...

- اصعدي يلة ...

بعد ما صعدنا السيارة وبدة يمشي وكفنا بالازدحام ووكفت يمنا سياره صارت جامتي كدام السايق وبدة يباوع ويتغمز الي ويبتسم اني دنكت راسي وسويت روحي العب بطرف عبايتي وعساس ممنتبه للرجال و زُبير انتبه الة ...
اردف وياي بزمجرة ....

_ عيينج ..

_ شبيك ؟؟

-- لا تباووعيين لهناك لجامه خلي نضرج الي

-- ممباوعه لمكان دا اسوي بعباتي ..

-- اني اعلمج بهاذا الساقط ناقصني هتليين بحياتي ..

-- اووكف زُبير استرر علينه ووين نازل يمعوود ..

-- والخلقج اذا تحركتي من كرسيج لووو نزلتي الا اكسرج بمكااانج لا تتحركين ..

-- بس دقيقه زُبير !!!!

طلع زُبير اسلاحة ونزل دخل بين السيارات وصرت اشوفه من الجامة نزلتها وبنهاية اسلاحة ضرب الجامة مال سيارة الرجال ..
وهذا نزل الجامة يصيح علية واني جنت متفاجاه من المنضر الدايصير كداميييي لك هذا زُبير بس لمح واحد يباوعلي هيج سوة !!!!

-- هاااي شبييك تخبلللتتتت ؟؟؟؟

-- اييي اتخبلت حتى مرت الثانيه متباوع على اعراض الناس ..

-- والله لاهيتك بالمحاكم اني اعلمك تعتدي عليه وكدام الكل شووف شسوي بيك

-- وشسوي يعني ؟؟

-- اذا انت زلمة انتضرنيييي هسه اتصل بشرطة

-- تريد تتصل عليه ؟! ولك اني لون اريد احطك هنا واسحل بيك الشارع بس احتراماً لزوجتي الكاعدة الضلك سااعه تتغمز الها تعرف اني منو لك ؟!

-- ومنووو انت يعنييي بشنوو شاد ظهرك وهييج مشتدد؟؟

-- اناااا النقيب زُبير العاصي ما اشد ظهري باحد ولك انا الدولة انا العراق احطك وادوووس عليك اذا مسيتني بطررف احمد ربك خلصت بس بجامه سياره و الله وبالله وتالله اذاا فكرت مرة ثانيه تعتدي بالنضر على عرض ماهو عرضك متكلفني طلقه وحدة ....

تركة زُبير واجة صعد وصعد الجامات وصرت اشوف الرجال شلون جان واكف وبس يباوع خطية من الصدمة ماعرف شنو يحجي لو شيكول !!!
واني هم خفت من زٌبير ما لفضت وياه بشي انتضرتة لما يهدء يالله
واول ما مرت 10 حطيت ايدي على رجلة خزرني بطرف عينه
وجر نفسس طوويل وكانه جر حسرة
وحط ايدة على ايدي ورجع حط ايده الثانيه جوة ايدي صارت ايدي ابين ايديه ..
وانتجة على الكشن ووالتفت صار يباوعلي واردف وياي ..

-- تعرفين علويتي ..

-- ماعرف ياروحي

-- انت نقطت ضعفي بهااي الدنيا رحمة لا تزعلين مني بيوم لان اغار منج ولا تتفاجئين بهاذا التصرف اعذريني اني احبج بتعصب ومو بيدي والله مو بيدي اني جنت اموووت واششهك اذا شفت الهوة يطير عباتج ودي الزم الهوة واخنكة
مو ادوره عليه اشوفن بني ادم يباوع عليج والله مستعد احطة واقلع عيونه بيدي وهوة عدل ..

-- بس زُبير هلشي وارد يعني اني امراة عاملة لاننسى اني دكتورة شلون بيك بلة من يجيني مراجع رجال لازم اوكف وياه واحجي وياه واكو زلللم شكبرهم يجوني يموتون خووف من الابرة انجبر اضحك وياهم والهيهم واضربها الهم وغير زملائي الدكاترة دكتور خلدون ودكتور رأفت يجون يحجون وياي
يعني شلون بيك بلة من تجي لعندي وتشوفهم ؟؟
ولمن اطلع كذالك لو مو عباية لو شلبس هم يباوعون متكدر تحط هذا عذر وتغاار جا كضيت عمرك على هذا الحجي دمك فاير وتغار عليه ...

-- رحمة أمامج
الامام علي يكول ...
【 لو عرفت المراة كيف ينضر لها الرجل لغلفت نفسها بالحديد وخرجت 】

واناااا زلمة ساقط كل حظ مابية شكووو سالفه طايح حضها واخلاقها تلكيها عندي واعرف كل السوالف
واعرف كلش ززين من تمر بنيه شلون نضرتنا الها ومن يا باب نباوع الها ونذب عليها كلام ...
فَ مسستتحيل ولا شكل من الاشكااال اقبل هلشي يصييير وي مرتييي لا تطلبين مني الزم روحي وعاادي مستعد اتعارك وياهم كلهم لا امل ولا اتعب ...

-- زُبير زُبيررر

-- اششش كاافي ..

-- صارت الاشارة حرك السياره هسه ..

-- واخيراً ....

حركت السيارة ومشينا ونحن بطريق انتبهت الطريق شوي مابية ناس اتقربت وبست زُبير بخدة وهوة يسوق وسويتها هيه بوسة وهيه عضة ورجعت لمكاني
رجع يباوعلي وابستم وطلب مني !!!!!!...

-- يااوييليييي

-- جان بودي اكلك بس اكتفيت بالعضه ههههههه

-- كدامج كلي فدوة الج ..

-- ههههههه بعدك ضايج

-- اذا كلما اضوج تطيني هيج بوسة راح اضل كل عمري مطنكر

-- يوووو زُبير

-- ههههههه لا يروحي اخذتي الضوجة بعضتج

-- همم زيين

-- اطلب منج طلب

-- عيوني الك

-- علمود نحن الاثنين نرتاح واني ارتاح وما اضوج تسوي

-- اكييد اسوي الأنت تريدة شعندي غيرك اني ؟؟

-- البسي نقاب !!

-- ليش ؟

-- رحمة اني امووت والله ما اتحمل اشوف العالم تشوف ملامج وتتمعن بتفاصيلج اروحلج فدوة انتي هسه ملتزمة بعباتج وتخبلين كملها والبسي نقاب بدااعتييي رايحيني
اني هيج ارتااح

-- ٠٠٠٠٠٠٠٠٠ ٠٠٠٠٠٠٠٠٠٠٠

اكتفيت بالسكوت ما جاوبته ابد بقيت اباوع بالجامه وصلنا البيت وكف السياره نزلت وطبيت للبيت واني لا مباوعه الا ولا حتى حجيت شي ولا ودعته ..

اول ما دخلت لكيت عمي عبد الحَسن واكف يسقي بالورد ..
ويكص بيهن يرتبهن اول ما شافني عاف المكص من ايده واجة حضني ..

صدك العدها عم مثل عمي متحس بغياب الابو اببد عوضني ١٠٠٪ عن ابوي وجان بكد ما يكدر ميحسسني بغيابه ...

عبد الحَسن :: ياهلا ياهلا بشيخه العلوياات ياهلا برويحتي

-- ههههه ياهلا بيك ياروحي

-- شلونها عكال راسي ؟!

-- اني بخير انت شلونك ؟

-- عبد الحسن هسه ردت عافيته من شاف شيختة وعكالة

-- يابعد روووحييي

-- زين اجيتي متغدية بوية ؟؟

-- لا والله ميته جووع

-- اوفف يخسي الجووع تعالي نتغدة سوة اني جنت منتضرج والهي روحي بالشجرات ذني

-- هههههه ياروحي انته تعال يلا ناكل

-- فوتي يلة ...

دخلنا اني وعمي وكعدنا على الغدة وبعد ما كملت صعدت لغرفتي واجتني أريج الله ودخلت للغرفة وكعدت يمي ..

أريج الله :: عادي افووت ؟؟!

-- رب العادي تتعاي يروحي

-- شلونج

-- توني يمج تساليني شلوني ؟

-- اريد اطمن عليج حسيتج مو على بعضج ..

-- هههه فديت اليحس ماكو شي كلي بخير

-- هاي السوالف على الجوة مو على اريجة هااا

-- اريج عادي اسألج سؤال

-- اكيد يروحي اسألي

-- صالج شكد تلبسين نقاب ؟

-- ابوي لبسني ياه من دخلت متوسطة يعني صالي 16 سنة لابسته ..

-- اقتنعتي بيه ؟!

-- لصراحة لاا جنت ما مقتنعه لان تعرفي بعد دخول داعش والتحرير صارن اليشوفني قبل يكللي ها من عوائل داعش دأذييت حيل من الكلام الاسمعه بسس الحمدالله حبيته وهسه احس روحي عريانه اذا طلعت بدونه ..

-- اهاا

-- ليش تسالين ؟

-- اريج اني العباية من وحدي لبستها لان حيل حبيتها بس النقاب ماريد البسه .

-- ولا تلبسي منو يجبرج تلبسي

-- زُبير طلب مني البسه !!!

-- هوة زبير مو سني ؟

-- ايي سني

-- ههههههه اول مره اشوف سني عندة سوالف الشيعي القافل

-- هم حضي هذا ههههههه

-- ترديها مني ؟

-- ايي يروحي اكيد جا المن كتلج

-- دام خلصت بس طلب لبس النقاب امشي وياه والبسي حتى تخلصين تطلعين براحتج وتشتغلين بالمستشفى براحتج بدون ميكلج اغاار وهيج

-- هيج تشوفين

-- اييي حتى بعد متطينه كجال يحجي بس يكول كلمة وحده الطشي وكليله انت كلتلي البسي نقاب واني لبست مو من حقك تسوي شي بعد

-- ماعرف والله افكر بهلشي

-- فكري على راحتج

-- شصار بموضوع البدلات ؟؟!

-- كملتهن وصلت لموضوع الطرحة

-- يابعد رووحييي تعبنااج ويانه

-- بس كوومي ولج

-- المن ؟؟

-- تعااي اقيس خصررج خااف سمنانه بااعي انتي وبنين تلزمنن روحجن هاي الايام وعلي التسمن بيج او التضعف الا اكتلهاا

-- هههههههههههه نفس وزنييي لا تخاافين ..

-- متاكدة

-- ايي والله هااي شوفي

-- اييي صحح

-- هههههه لا تخافين منضييع تعبج

-- واخيرا ثلاث فرحااات انت وأم البنين واخووي ياربي ممصدكة

-- وان شاء الله ايامناا الجاية كلها فرح بِ فرح

-- الله يسمع منج يارب .....

بقيت اسولف وي اريج بموضوع شغلها ونحشش على ارواحنا كعدنا نذكر ايامنا ههههههه
والله طفولتنا تجننن كل ماذكر اكول ليش كبرنا ؟؟

لمن جنا عايشين ببيت واحد جدي وعمامي وكلنا احنا الاحفاد اتربينا تحت سقف واحد بس فرت الدنيا وخلت كل واحد بيت
وهسهه رجعت الدنيا نفسها وجمعتنا وخلت عمتي فاطمة الزهراء تكعد ببيت عمي صفاء الحَسن
ونحن نكعد ببيت عمي عَبد الحَسن ..
بس عددنا ناقص ..
وحتى عرسنا حيكون حضورة ناقص
لا عمي صفاء الحسن ولا مرته ولا اولادة تحرير مؤمل الصدر محمد الصدر كلهم راحو سوة
ولا جدي ولا ابنه الحسن المجتبى !!!!!!

نحاول نتناسى لكن اثرهم بالكلب يجددح !!

****

""" غدير الله """

طلبت من أنمار يوديني لبيت اهلي لان مارحت الهم اليوم
واتفقنا انا وياه ان اجي لهلي الساعة ⁵ العصر
ويجي ياخذني الساعة ¹² بليل
وبعد ما كعدت وياهم وتونست بكلامهم المعسل الما ينشبع منة
رحت وصعدت غرفة السيد علي الباقر ....
من بعد مجان كاعد جووة بالكعدة حاصر روحة بالغرفه يتشغل دخلت عليه بلا مدك الباب
لكيته يسوي بالسجلات أول ما شافني ترك كلشي من ايدة واجة وحضني ولمن كعدنا على الجرباية حطيت راسي على صدرة
وصار يلعب بشعري بيدة .....
واردف وياي بعد ما السكوت عم المكان

-- أكول غيمة

-- كول ياروح غيمة ونفسها كول يا سيد قلبي المُبجل ..

-- رههف ....

رفعت راسي عن صدرة وبقيت اباوع لعيونه وارجعت اردفت وياه ...

-- شبيها رهف ؟؟

-- جاي إفكر اجيبها لهنا ..

رفعت حاجبي واردفت باستغراب ..

-- وين تجيبها لهنا ؟

-- لبيتنا لهنا يعني وينن ؟

-- شنوو بااقر تخبللت

-- لا ليش ؟

-- لا والله انت رسميي تخبلت سيد منوو تريد تجيبها لهنا ؟؟

-- مرتي رههف

-- مرتتك ومنوو هااي باع اني ساعدتك بموضوعك وشلته عنك وضميت عن الكل زواجك بس قضية تجيبها لهنا مستحيلل علي الباقر لا تتخبل علينه ..

-- ليشش حتى ما اجيبة مرتيي هاي

-- مرتك على نفسك مو علينه بلة اذا جبتها شلون رد فعل الاهل هاا راح يستقبلوها بالاحضان امك الي منتضرة تفرح بيك شنو رد فعلها لمن تشوف ابنها متزوج بقالة ثلاث سنين
ولا ابوووك ولا اخووانك عليي الباقر البنت هاي بس انت متقبلها لا تجبيها وتفرضها علينه ..

-- غييمة افهمييني الخطر عليية وهسه صاار عليها انا خاايف اول مره احس بالخووووف ...

-- لا علي الباقر لااا ماكو شي عليها هي بامان دامها محد يععرف بيها بس اذا العالم عرفت بيها زوجتك الخطر راح يبدي عليه
علي الباقر يا خوية يا تاج راسي حط مجد ابين اعيونك لا تخلي يتبهذل ..
فكر بطيبة الزهراء ..

-- وشبيها طيبة الزهراء ؟؟

-- شنو ردها لمن تعرف بيك متزوج علي الباقر اني ممضروبة على راسي اعرف كلش زين ان طيبات روحك من الدنيا وشكثر انت تحبها ومتعلق بيها ومنتضرها تكبر يوم يوم حتى تصير مرتك
فكر بيهاا راح تقبل تصير الك اذا درت انك متزوج ؟؟!

-- ٠٠٠٠٠٠٠٠٠٠٠٠٠ ٠٠٠٠٠٠٠٠٠٠٠٠٠٠

-- لخاطر طيبة عووف موضوع رههف مضمووم عووفه مثل ماهوة هسه الله يخليك خلي الفرح شوي يدخل بيتنا خلينه فرحانين بالعرس لا تدخل مصيبة جديده على بيتنا ..

-- هسه زواجي مصيبة ؟؟!

-- ايييي هذاا زواجك مصيبة خلييي مثل ماهوة عليه لا تحرك شي بي هيه مرتاحه ونحن مرتاحين ..

-- يصير خير .. بس ها رههف راح تحضر العرس

-- اووف مننككك خووش تحضر وانييي اكوللهم صديقتي

-- خوشش

-- خطر شنو الصار على رههف ؟!

-- ولا شي انسي

-- اذا صدك اكو شي عليها اخذها لبيت خالي

-- للعمارة ؟؟؟

-- اييي خلها هناك هذا اامن مكان بيت صيوان ابن خالي
حتى بي امان اكثر من بيتنا هذا والعمارة محدودة مو اي واحد يروح لهناك ومحد راح يعرف بيها او يفكر هيه هناك اخذ مجد وروحو لهناك وسولف وي مره خالي وفهمها
وصيوان ماكو داعي تحجي وياه لان هوة اساس يعرف ب زواجك ....

-- ايي صح

-- خلها لورة العرس واخذها

-- ان شاء الله فكره حلوة لصراحه فدددييت نحرري اليفكر اني

-- عووف اخدوودييي ههههه

-- مشتتاقلج هوواية

-- كوووم انزل اكعد وياهم خلينا ننزل

-- عندي شغل

-- العمر يخلص والشغل ما يخلص كووم يلا يروحي

-- تمام روحي دقيقه وراج

-- الك دقيقه سيد

-- صاار

عفت علي الباقر ونزلت للمطبخ اشرب ماي وانتبهت على علي الباقر نزل وراي وكعد وياهم بالصاله ..
وابوي جان مموجود رايح طالع وي الشيخ محمد ..
وامي جانت فوك كاعدة وي مرت عمي
واريج ساحبه رحمة وكاعدات يشوفن تصاميم للبس
وعلي الرضا ماخذ علي الهادي وطالعين يشترون غراض للعرس

وكاعدين بصالة بس المعتز بالله وعلي السجاد وطيبات وعلي الباقر ..
واني اول ما دخلت المطبخ حتى اشرب ماي لكيت لينا واكفه تسوي كهوة وكفت يمها وسحبت اكلاص واردفت وياي

-- شلونه أنمار ؟؟

-- اشم ايدي

-- ترى رجلج متعرفي ؟

-- وترى اخووج اذا يهمج امرة اتصلي عليةة وشوفي وينه !!

-- ليش ما تغيرين اسلوبج وياي

-- هههههههه والله اعذريني بس الكره مينضم

-- اهاا يعني تعترفي تكرهيني ؟

-- ما طيقج وما بالعتج مو بس اكرهج واتنمى تطلعين من حياتنا هيجي من اشوفج كان شايفه شيطان كداامي ما اتحمل اباوعلج اصلن ..

-- بس مجبورة تتحمليني مرة اخووج وام اولادة

-- ههههههه والله وكككتتت
ولج هوة انتي لو ابوج ما ذبج علينه ذذبب ولاا بعيينه علي السجاد ياخذج ولا تحلمين ياخذج يا ياخذج اصللن لا تحلمين ينضرلج اصلن صدكك تحجين انتي والله يالله طالت وتشمخت ..

-- وانت هم لو اني ممزوجة مجان أنمار اخذج

-- وعلى حورة اخوج هووة وكحلته اذاا متزوجتي جان انمار ما تزوجني يااا دادةة يا يمة راح اضل بايرة اذا أنمار ابو كحلة ما اخذاني جا وصلي شكررري لاخووج لان اخذنني ونقذني من حالة العنوسة جان كعدت على جبد اهلي والله ...

-- ماادري شلون متحملج يالله ما تنطاقين ..

-- اذا اني ما انطاق ف اخووج يكول ماا اكدر بدونج طايقني حيل خطية يحبني يمووت عليةة اتعلمي الحب منه حتى تعرفين شلون تحبين اخووي

-- غدير

-- هااي شنوو غدير حااف هي ما اسمحلج كوولي العلويةة غدير تاج رااسج غدير حاف

-- حتى من تزوجتتي ماخلصتت منج شعددج جاية لهنا ما ترحين تهتمين ببيتج وبرجلج رووحييي ديري بالج لا يروح يطيح ابنج لا تنسين روحج كلج مرض بكل كتر من جسمج مريضة مصدكتني على الله حبلتي خلي بالج وياه واهتمي بي بدال ما تفكرين بيه تمام يا حلوةةة

-- محد غيرج مريض هسه انت جاي تعيريني بشي الله اختبرني بي ؟؟

-- لا بس مقهورة عليج يعني اكول خطية اخوي ابتلى بيج يعني شوفي الفررق اخوووج اخذاني اني الصااح سلمية احبلة وايبلة توم توم وكلشي مابيه ....
وشوفي شنو نطيتو لخووي وحدة بس كفر كلج على بعضج باقل عصبيه يطك كلبج وتموتين براغي كلبج مزنجرات
بطفل واحد بالف يالله يالله شلتي واحتمااال يطيح ما اعير اني بس مقهورة على اخوي والله جان مستاهل الاحسن ...

اترفزت حيل من كلامها وجنت اريد اعلمهاا دررس متنساه لو تجيب مليون طفل متكدر تخلي اهلي يوكفون وياها ضددي ..
اخذت السجينه وهي واكفه كدامي ورفعت ثووبي وبسجينه جرحت شوي من زري صار الوضع كاني جاي انزف كفشت شعري وضربت روحي راجدي سويت خدي احممر وطيحت روحي بالكاع وصرت اصيح ...

-- اني تحجين وياي هيج والله لاندمج ..

-- هاي شجااي تسوين غديررر !!!!

-- لاعلمج ان الله ميطك بعصه واطلعي منها اذا تكدرين

-- يالخبلة رجلج السجينه ...

-- بصيياح -- هااايييي ليششش اااااههه ليييناااا شنوو سويتلج انيييي وللججج يمةةة !!!!!! ..

بسرعة الضوء لكيت اخواني مزروعين بالمطبخ
علي السجاد وكف كدام لينا وعلي الباقر والمعتز بالله اجو لزموني ووكفوني على رجلية وصارو واحد على يميني وواحد على يساري ...

علي السجاد :: شصااااير ؟؟؟

علي الباقر :: غييييمةةة .... اعززييززز عاونييي

-- ااخخخ على كيفك علي الباقر

علي السجاد :: هااي جااي تنزفييين غيمةة تعااي ناخذج للمستشفى ..

-- لااا مو نزيفف انجرحت برجلييي

المعتز بالله :: شنووو صااار ؟؟

لينا :: غدير ..

-- هااي المتخاف من الله ترريد تكتلني مااعرف هيج وصل بيها الحقد علي السجاد الزم مرتك اني جاي احجي وياها بهدوء يعني اني اسلوبي هيج الساني اطويل وانرفز اعرف بروحي بس هيه متحملت وضربتني وللحضه جانت السجينه راح تدخل برجلي ...

علي السجاد :: شنوو لينا انت سويتي هيجي بَ غيمة ؟؟؟

علي الباقر :: شمفكررررة روحججج انتي هاااا ؟؟

المعتز بالله :: مرة اخوك لا تصيح عليهاا ..

علي الباقر :: لا ارريد اصصيح علي السجاد شنننيييي متحط حد لمرتك لووين تريد توصل جانت تريد تخرب بيني وبينك وهسه وصلت هيج تسوي بَ غيمة وهيه اكثر وحده تعرف بحالتها وتدري بالكوة لازمين حملها شنننييي ترييد ترووح اختي ؟؟؟؟

لينا :: بشنووو احلفلكمم مسويتتتت شي ...

هنا المعتز بالله سحلني من ايدي وصاح لطيبات وحطني بيد طيبات وكاللها تصعدني لرحمة تضمد الجرح مالتي وارتاح فووك ..
صعدت ونمت بغرفتي ودخلت عليه رحمة الزهراء ورفعت ثوبي وضمت الجرح ولفته بالشاش ..

-- ما يخوف جرحي موو ؟؟

-- لا يروحي سطحيي حيل

-- الحمدالله

-- صدك لينا هيج سوت وياج ؟

-- ويعني اجذذب اني ؟؟

-- لاا ماقصدي هيج بس البنيه بطنها لحلكها وينها وين هيج تسوي ؟

-- حية ركطة هاي لا تثقين بيها ختولي تستاهل اليجرالها لو مو ستر الله اني رايحه بيها

-- غدير اخوانج جوة يتعاركون جاي

-- هسه هيه رااح ترتاححح حيلل من تشوفنا هيج

-- لا اله الا الله اني رايحه انتي ابقي نايمة لا ضغطين على روحج

-- ان شاء الله شكرا دكتورتنا

-- ولو تدللين

بقيت نايمة بس بعدها كعدت وانتجيت بقيت كاعده وماده رجلية واندفع الباب ودخلت عليه لينا
بقت تنضرني بعصبيه واردفت وياي وطلعت ...

-- هييي الباببب نريدده

-- خو سويتي هيج يا غدير وانت بديتي عَجل اخذيها مني يا بنت عَبد الحَسن والله الا انطيج الصاع صاعين ما اطلع لينا اذا ماسويت هيج اندددمج على الساعه الشفتي وجهي بيها
واخلي التمثيلية الجوة تصير صدك اني اعلمج ..

بقيت اباوع الهاا واكتفيت بس ابتسم بوجها ....
عافتني وراحد وربدت الباب حيل
وحجيت وي روحي ...

-- روحة بلا رجعه كوون .....

وبقيت كاعده لوحدي والعب بتلفوني واني مرتاحه نفسيا لان شفت الدموع بعيون هاي التمسااح ..

____

""" علي الباقر ""

بعد ما شفت المعتز بالله صعد غيمة بقيت احجي وي علي السجاد واني فاقد اعصابي عافتنا لينا وصعدت وبقيت بس اني وعلي السجاد بالمطبخ بقيت اباوعلة

-- رااح تبقى هيييج سااكت علي السجااد احجيلك شيي كلمة يعنيي شفت اختك واكعه كددامك ولككك ؟؟

-- علي الباقر مرتي واني اعرف احجي وياها

-- لا والله انعم الله راح تحجي وياها

-- جا شتريدني شسويلهاا متشوف بطنها لحلكها !!

-- لا تسويلها رووح الها واصلن لا تحجي وياها خايف على حمل مرتك بس اختك وحملها مو ببالك

-- لا تحكم عليه وانت متعرف شي ...

-- لا يا نحري انت التعرف هسه تضحك على عقلك بكم كلمة وتنسى حت روحك ولك هااي العندك مو مرة معمل مال سمووم هيه واخوها وحتى ابوها وياها

-- بنتر -- علي الباقر .....

-- صيح عليه هذا الكادر عليه اصعد اشوف اختي احسن الي ..

تركت علي السجاد وصعدت لفوك دخلت على غيمة لكيتها كاعده على الجرباية ومادة رجليها رحت وكعدت يمها وحطيت ايدي على خدها ...

-- شلون صرتي ؟؟

-- لا بخير

-- الحمدالله يا نحري متت خووف عليج ..

-- ترى سباعيه اني مينخاف عليه

-- ايي صح صلفة انت

-- هههههههههههه

-- غيمة

-- عيوني

-- صدك لينا هيجي سوت بيج ؟

-- هااي شبيكم وويااييي اذااا هلكد تهمكم اككثر مني رووحو الهاا

-- هددي هددي شبيج ؟؟

-- هاي انت ورحمة ممصدكين بية

-- مو قصة ممصدكين بس رحمة القصة متدخل العقل انت عشرة ميكدرون عليج تقنعيني هذيج بطنها لحنجها تسوي هيج بيج ؟

-- ايييي سوت هيج بيه ترى اني هم حامل وحيلي رايح

-- انطيج من حيلي اني اهم شي هسه انسسي خلص وارتاحيي يروحي

-- واني نسسيت مو باليي اصلن

-- اي صمام كلبي انتي بعد نحري ..

****

""" لينا """

بعد السوته وياي غدير خلتني احطها براسي كلما احاول اتغير يجبرونييي اتصرف وياهم كَ لينا سائد ويخلون رس قصطير يطلع بيه ..
كعدت بغرفتي ودخل عليه علي السجاد معصب عليه وبدة يصيح عليه ويرزل بيه ...

-- انتي شلون تسوين هيجي وي اختي ؟؟؟

-- اني مسويت شييييي

-- هاا يعني هيه سووت هيج بروحه ولج لينا مو طفل كددامج لا تخليني افصل عليج هسه واعلمج النبي عررربيييي ..

-- علي السجاد بدال ما واكف تصيح عليه روح شوف اختك واسالها شنو سوووت

-- وشنووو سووت اختي حتى توصلين مرحلة هيج تسوين بيها ولج مو تعرفين غدير عدها قلللب وجاي نداريها مثل الماي الي بصينيه وانتي تجييين تسوين وياها هيججج
عووفييي موضوع هيه اختي على صفحةة ما وكف بعينج شايلة ابن اخووج ابطنها ؟؟؟؟! ماااخفتي علية

اكتشفت شما احجي مراح يصدكون بيه ان اني مسويت هيج فَ اخذت طريق ان اييي اني سويت هيج وكعدت ابرر ان هيه نرفزتني مجان قصدي ااذيها مجان بيدي متركتلي غير هلشي لبستني السالفه بالكوة ...

-- علي السجاد اختك السانها اطول منها

-- اعررف وهيه حتى وي ابوي ملسنه واحنا نحب السانها ومتعودين عليها ..

-- اذا انتم تحبو ومتعودين عليه اني ممتعوده ومجنت اقصد ااذيها ترى ماعرف شلون هيج صاار والله ..

-- لا والله ممتعووده ومجنتييي تقصدييننن هااا والج اليمنعنييي عنج هسه بس البطنج والا اني اعرف شصرف وياج دقيقه وحده مضلين كاعده هنااا لمي اهدوومجج ...

-- اااااا علييي السجاااد شدا تحجي لينااا انييي

-- والضربيتهاااا غدييررر اختتيييي ولج هاييي روحيي ودنيتييي من اول متزوجتج كتلللج غدير واريج تاج على راسجج ما تمسهم بكلمة مو هسه كاعده تضاربين وياها
بسررعة ليناا لمي هدووومج لا مضلين على ذمتي اصلن ولا دقيقه .

-- تمام راح اروح لهلي بس خللي ببالك انت جاي تغلط ...

-- انتضرج جووةة كملييي وانزلي اوصلج بسررعة ...

تركني علي السجاد ونزل واني فتحت ميزي طلعت ملابسي وحطيتهم بالجنطة .... وادموعي جانت تنزل عشرة عشرة اول مره هيج انضلم وحقدي على غدير ززززاد والله ماخليها تتهنى بالي ابطنها لو على كص ركبتي اني تسوي هيج بيه وتخلي علي السجاد يطردني الا اخليها تحلم بالفرج ومتلكاه اني الهاا ..

كملت ترتيب كلشي نزلت للصالة لكيت علي السجاد واكف متخصر ..
والعلوية يمه اول ما شافتني اني وجنطتي حطت ايدها على ضهر علي السيد واردفت وياه ....

العلوية :: يااا يمةة صلو على النبي يمة علي السجاد هاذ وانت الهادي العاقل كل بيت يصير بية مشاكل شنو ولك مودي مرتك بهليل هااا

-- يمةةةة انتي اطلعي منها لا اغلط وياج بكلمة لينا لازم تتربى واني اخذها لليربيها دقيقه متضل هنا ...

العلوية :: ولك سيد اذكر الله يااا يمةةة لا تفضحنا منا العالم
هسه غلطت وجل من لا يخطأ والحمدالله هي اخيتك فووك مابية الا كل الخير الله شكفها عنهاا ميصير هيج تفلش بيتك بيدك ومريتك مالها بس ايام ياايمة يابعد حيلي والمسامح كريم ....

رحمة الزهراء :: علي السجاد كلام عمتي صحيح

-- الله يخليكم بعممررييي ما مدخل بواحد بيكم لا تتدخلون بيه وهااي البنت اذا بقت هنانه قسماً بالله تحررم عليييه وعليها يمين الطلاككك ..

لينا :: لاااا هياتني جاهزةة ارووح بس الله يخليك لا تعصب بعد كاافي مابية اروح اطلك خالتي خلص اسكتي عنه هسه هوا معصب يهدء وينحل كلشي ...

-- روحي اطلعي كددامي للسياره

-- صاار ...

عفتهم وطلعت صعدت السياره والمفاجئ والي مو على بالي
طلع المعتز بالله وصعد السياره ..!!!!!

لك علي السجاد حتى ما وصلني دز وياي ابن عمة هوة الي وصلني وكف كدام بيت اهلي نزلت منها ودخلت للبيت ...
واني عيوني متروساتت حقد ودمع وكلشي اتلكتني زوجة الشيخ
تركتتها وصعدت لغرفتي ..
طلعت تلفوني واتصلت على اخوي بَندِر ....

غدير هية البدت العين بالعين والدم بالدم والبادي اضلم ...
رجعت لشخصيتي لينا سائد جبران وراح ارتكب جريمة جديدة والله شاهد عليه الا اندمهم واحد واحد الطيب وياهم ميمشي .
وابوي قطصير وياه حق بكل السواه وياهم ...
ما الومة بعد ابد والله همة الي زرعو الثارات هاي بأرضهم وخليهم يحصدون الزرع هذا بدم اولادهم ...

****

"" علي السجاد ""
عفت الكل بصالة وصعدت لفوك دخلت للغرفه لكيت غدير الله نايمة بحضن علي الباقر كعدت كدامهم وصارت تباوعلي ..
حطيت ايدي على ايدها واردفت

-- شلون صرتي يا قزح عيني ؟؟!

غدير الله :: بخير الحمدالله

-- الف الحمدالله والشكر ..

علي الباقر :: شنو هاي الهوسة الجوة سمعناها ؟!

-- ماكو شي مهم بس طردت لينا لهلهة ...

كامت غدير الله عن حضن علي الباقر وصارت تنضرلي باستغراب
واردفت هيه وعلي الباقر بنفس الدقيقه نفس الكلام بقت اباوع الهم شلون تفاجئو ..
ورديت عليهم ...

غدير الله & علي الباقر ::: شنووو طرردتت لييناا لهلهة ؟؟

-- اهاا شبيكم متفاجئين هيج اصلن المفروض مني اطلكها جا تطاول على رووحي واضلل ساكت ؟؟؟!
والله ولا صاارت ...

غدير الله :: بس لينا حامل خوية ..

علي الباقر :: وانتي هم حاامل منفكر بيج نفكر بيها ؟؟

-- واني شسويت الها ما طلكتها ولا مديت ايدي عليها دزيتها لهلها تبقى كم يوم تفكر وتحس على روحها

علي الباقر :: ززين ما سويت خووية ..

-- هسة اني بالي يمج انتي بخير نطلع نفتر نتونس تغيري عن روحج ؟

غدير الله :: لا اني هيج مرتاحه بحضن ابا الحسن بس ناثصني شغل التلفزيون على فيلم وتعال نام هنا خليني بنصكم وخلينا نشوف فيلم ...

-- غالييية والطلب رخيص نازل اجيب حبشكلات وعلي الباقر طلع فيلم ..

علي الباقر :: صاار مو تدلل سُت غدير الله ..

غدير الله :: بعد روحي عززوتي ...

"" المعتز بالله """

بعد ما وصلت لينا لهلهة طلعت حتى اشوف جرح واني منتضرها تجيي ..
كعدت اتمشى بالطرق ولمحت وحدة تنطي ملامح لطليقه اخوي البشير حاولت اركز بالبنت اكثر طلعت هيةة جميلة ..
شفتها واكفة وي رجال غريب ما عرفته واول مره بحياتي اشوفه .. !!!!!
اتقدمت خطوات الها وصحت بصوتي ...

-- جميلة ؟؟؟

••••••••••••••••••••••••••••••••••••••••

__ باچر
مِن تِرد ماتلگه
شي موجود
تلگه الوَرد ذابل
والأرض صَحره
تِلگاني مَدينة
مسدده البَيبان
بَيه الگُمر مَيت
والشّمس حَمره !

للقصة بقية .......

12،561 كلمة

لتواصل o.oll13