رواية احفاد السيد : الثار ( بأجزائها الإثنين ) الفصل الرابع عشر 14 - بقلم ​رُقَـيَّـةُ الْأَكْـبَـرُ

. . أحفاد السيد
بقلم الكاتبة ﴿ رقَـيـَة الأكــبر ﴾
لاتنسون التصويت ومتابعة للحساب

.
البارت 29

--- يؤلمني أنَّ تُطال يَدي كُل الأشياء
بينما أنت وحدك
--- الشيء الوحيد ، الذي لا تستطيع لمسه
∆∆∆∆∆∆∆∆∆∆∆∆∆∆∆∆∆∆∆∆∆∆

"" الــَعِـــمَـارة ""

"" صَـيوآن ""

بعد اتصال علي الباقر حتى اجي لبغداد ....
اعتذرت منه لان طلعلي شغل وي ابن عمي دغار ...
هاي عمي ابو همام رجععع لساحة
ويريد يشلع كلبنا ويااهه ووي ابنه
هاي عمي ابو دغار قبل لا يمووت خلا همام ابن عمي الثاني ينهي على رويدة اخت دغار ويعني هيه متزوجه وخالص كلشي باقي بس الزفة والدخلة
مات عمي ابو دغار
ومن مات دغار ومكرم طنكرو مايردون ينطون اختهم رويده لابن عمهم همام وخربو الزفة وكلشي ..
وطلبو مني اجي الهم لان عمي جايب زلمه ويريد ياخذ رويدة غصب على الكل ..
وصلت لبيتهم ودخلت ولكيت زلم عمي بالحوش دخلت للهول لكيت مكرم عارض على الدرج ميخلي احد يصعد لفوك للنسوان
ودغار جان واكف كد كد وي عمي عينه بعينهم
والناس كلها مسلحة ومكرم رافع سلاحة
ودغار كذالك .....
ردت اكطع الشر بيناتهم يبقى عمنا ويبقى الضفر ميطلع من اللحم ...
حاولت اكسر حاجز الشيطان بارضاء الطرفين ....

صيوان :: خيير خييرر ان شاء الله !!؟

إبو همام :: صييوان انت اطلع منها ولا تدخل بموواضيع اكبر منك ...

ـ موواضيع اكبر منيي حلو والله ماعرفتك يااعمي بهاذا كلامك ...

دغار :: هنااا بهااي الكااع صيوان هوة جبيرنا وكلمته هي الماشيه لو على كطع اركابنا ...
و رويدة تحلم تاخذها لابنك يااعمييي ..

ابو همام :: دغااار لاتكبرها واهيه كصيرة روحح خلي اخوك ينززل رويده لاتروح وي زوجهاا ..

مكرم :: تدوس على جثثنا اول يالله تاخذها لاختي ..

همام :: تررى اختك مررتي اكدر هسه اخذها منا بالقوه واروح ولا واحد يحجي وياي ويكلي على عينك حاجب ..

صيوان :: واني اكلك يابو القوة لا تنفخ روحك هوواي لا تتفشل ...
اسمعوني كلش ززين المرة مرراح تطلع منا دام اخووتها ولي امرها مايردوكم ويلا يلاا شييلوو هااي بخاخات المااي عود اسلحه وكذا واطللعوو منا لا والعززة ارفع بيهم محضر تهجم على حرمة البيت وشروع بالقتل على هااي اسلحتكم ..

ابو همام:: صييوان لا تلعب برااس ولد عمك مو انت زوجت اختك حَبيبة وسترت عليه وهسه انداريت على رويدة وصرت تتحكم بيه شني ولك تريد تخليها تصير مثل اختك عَزيزة ؟؟؟؟

مكرم :: اخته عَزيزة تااج رااسك من تكول اسمها تحط ايدك على راااسك لانها على الاقل اششرف واطهر منك لا تنكس اسمها الشريف بتجيبه على السانك الزفر ...

صيوان :: مكككررم ...

والله ياعمييي اني ما اتحكم باحد اخوانها ولي امرها و ميردون ينطوها واذا على اختي عَزيزة ف كللش لا تخااف عليها رووح خااف علية بنتك تكتم اني راح ازوجها مو ماريد ازوجها بس اععررف كلش زين المن انطيها اختي الجبت طاريها هسه جوووهرة واني محافظ على هاااي الجووهرة اريدها تنحط بيد زلمة كلف موووو ارخمة مثل اوليداتك ...

همام :: بووية خليينييي اعلمه شلون يحجي هذاا

دغار :: يلا اتقدم وعلم صيوان الحجي محد لازمك تررى تعاال يلا ...

ابو همام :: طولنا السالفه صيوان اكسر شرك وكول لولد عمك يطلعون اختهم تروح وي زوجها

صيوان :: كتلك اني معليه باحد هااي اخوتها كدامك احجي وياها ولد اخووك مثل ماهم ولد عمي
وهاي اخوتها رافضضين الزواج هذا
يعني بدال ما جايب هاي التفك وشاد روحك وهاد علينا حت تاخذها بالقوة
شووف اكعدد وياهم جررب تسمعهم وتفهم ليش هم رافضيك ليش ما يردون ينطوك احسن من هذاا كلة ...

مكرم :: لايكعد ويانه ولانكععد وياه وخلي يتووكل

دغار :: مككررم ...

همام :: احنا منشرف نكعد وي هيج زعاطييط وهسسه غصبا علييكم تصعدوون وتنزلوونها اليي يلاا
ررووويييدةةة وووييينج ؟؟؟؟

اتقدم دغار وراد يضرب همام على قذارة اسلوبة ....
رحت اني ولزمت دغار ولان اتنرفزت حييل من همام
سحلته حيل من ياخته وطيحته بلكاع عند رجلين دغار
وهم لعبت روحي هوواي منهم لان من مات عمي ابو دغار لحد الان وهمة هذولي بس يتطافرون على مكرم ودغار ومستقوين عليهم ..!!
طلعت اسلاحي وكطعت كل صله الرحم الي بيناتنا الجنت احاول احافظ عليها ...
سحبت عمي طبكته على جسمي وحطيت السلاح براسة
وحجيت وياه بنتر عالي ...
والحلو بيهم هم يعرفوني كلش ززين ويعرفون
شنو بيدي اسوي وشنو لاا ...

صيوان :: ماا تحسسس لغييت هوواي ياااخوو ابوي اسمعني كلش زين ...
والخلق علي ابن ابي طالب وصورة لزهراء
اذا سمعتت حسسك لو حس هل ارخمة ابنك بعد
يطوطي يم دغاار لو مكررم والخلق الولي علي ..
ادفننكم يم الامام علي ....
وانت تعرف كلش زين شنو يعني صييوان يحلف هيج اندمكم وعلي ابن ابي طالب ...
ولوووو منااا .....

ابو همام :: يصير خيرر يا صيووان يصير خير انت جنيت على نفسك ...

دغاار :: كوووم انتت كووم الحكك ابووك يلاا برةةة اطلعوو بررةةةة ...

دفعت عمي ودغار كوم همام ودفعه للحوش نزل مكرم من الدرج وصرنا نطلعهم لحد ما صفى البيت قفلت الباب و دخلنا جوة لكيت حَبيبة و رويدة ومرة عمي نازلات من فوك ...
اول ما شافتني رويدة
ركضت حضنتني وهيه تبجي لان هي هم مجانت تريد همام ...
بستها من شعرها ووخرتها عن حضني مسحت ادموعها
باثنين ادية وحجيت وياها ....

رويدة :: شكرررا شكررااا هوواي شكراا خووية مرااح انسى وكفتك وياي يابعد نور عيوني اشكرك هوواي خلصتني منه حيل جنت مخترعة لا ياخذذني وياه ...

صيوان :: ولا رااح يكدر يمس اشعره منج ياخذج شني هذااا هوواي عليه اذا زوجوو وحده من العصفورية صدك تحجين مو ادور ننطي رويدة الرروح

ـ بعد رووحي خووية

ـ لا تخاافين صيري قوويةةة ...

حَبيبة :: م راح يرجعون بعد مو هيج ؟؟

دغار :: ما ضنيييت ..

صيوان :: لاا ثق بالله ماراح يعتبون هذا البيت مرة ثانيه الحجيته وياهم كاافي مرااح تلمحوهن بس هم لازم ارجع اني اشوفهم ..

مكرم :: شكوو تريد تشوفهم ؟

صيوان :: لاتنسى همام متزووج روويدة يعني مرته هيه اريد افصخ هذا العقد

ام دغار :: ياخوفي هذا المخبل ميقبل يطلك ؟؟

صيوان :: مووو بكيفه ان رضا او اترضا رراح يطلك ورجلة فووك راسه ...

دغار :: الله يسامحك يابوية على هااي المصيبة ...

حَبيبة :: هسه انتم بالكم على نفسكم ..

صيوان :: لا تشيلن هم لذولاكي ارتاحن ولاتفكرن عيوني انتن فوتن جوة يلا واني طالع اشوف شغلي ..

مكرم :: بالك على روحك خوياي ...

صيوان :: لا توصي ياخويي ...

دغار :: اول متوصل اتصل عليه ...

- يصير خير ...

< بغداد >

"" رحمة الزهراء ""

بعد الغروب والاذان اجو الشباب ووياهم زُبير
دخلن البنات والنسوان للغرفه واني بقيت كاعدة
بالهول على الكوشة وامي واكفه وراي
اجة زُبير كعد يمي وصار الشيخ كدامنا
وتم عقد قرانه صرت مرة زُبير وحلالة وعلى مهر
دعاء الفرج ثلاث مرات و زياره عاشوراء
و زياره الامام الكاظم ....
بنيه التوفيق النا هذا المهر مالتي
آما الغائب ف جان مثل غايب غدير زسارة الامام الرضا وزيارة الامامين العسكريين
بعد ما تم العقد راح ابوي اقصد عمي عبد الحسن
واخذ بأيد زُبير وطلعو هو والشباب حتى يكملون
فرحة زُبير بغير مكان ويفرغون البيت النا ..
بعد ما طلعو الشباب أجاني زُبير باس كصتي
ونزل باس ايدي واردف وياي وهوة يضحك وبعدها طلع ...

زٌبير :: والله ونكضضت كضااهاا الف الف الف مبرروك يابعد كل حيل بيه ياعلويتي ومرتي ...

ماحجيت شي وياه بس جنت اضحك تركني وطلع
وبعدها طلعت النسوان وصارت العلوية تركص وياي وكامت امي وعمتي والعلوية يهوسن هوسات عمارجية ويكمزن ولا جنهن عجايز ههههه
بعد الركص كعدت بمكاني وراحت الضحكه من وجهي تقربت مني أريج الله و غدير الله و وَهج الطف وكعدن يمي ...

غدير :: شنوو هذاا الجمال الطالعه بي ؟؟

رحمة :: عيونج الجميلة بس صدك اني طالعه حلوة !؟

وهج :: تشقيين شق وعليي

غدير :: لييش تكولين هيج ؟؟

- مااعرف بناات جاي احس اني مبالغه بالمكيااج

اريج :: ممبالغه يانور عيني بس انتِ لان ممتعوده على هيج تحسين روحج مبالغه بي ..

- يمكن هيج

وهج :: وبعد على شنو الحلو ضايج ؟؟

- تدرن قبل شوي واني اباوع لعمي عبد الحسن واخواني اتمنيت اشوف ابوي وياهم عيوني ضلت تدور على ابوي ...

غدير :: اندعيلى بالرحمة والمغفره يروحي انت

- الله يرحمة برحمته الواسعه ان شاء الله

اريج :: يوووو رحمااتي فرحتج الييوم لا تزعلين يلا يعمري

- لا مو زعلانه الحمدالله على كل حال

وهج :: يلا جا خلينا نصوور ..

غدير :: الكاميرة وين ؟؟

اريج :: ذيج هيه عند طيبات روحي جيبيها منها وخلي نصور ...

وهج :: تمام رايحة اجيبها ..

غدير :: وهج الطف راح تجيب الكامره نصور امسحي ادموعج لا يخترب مكياجج يروحي

اريج :: اضحككي عااد يلةة

- اء هههههههه مابية شي حتى مكياجي ما عليه شي يلة خلينا نصوور لذكرى ..

اريج :: ختجي وهج الطف .....

جابت الكامرة وهج الطف وبعد ما ضلينا نصور وغيرن جوي من ما جنت خايفه ومتوترة
الى اسعد وحده واكثر وحده مرتاحه ..
عائلتي سحبت كل هاي المشاعر السلبية
من الييوم ومن هاي الساعه اتسجلت
وصرت رحمة الزهراء زوجة زُبير العاصي
جنت اضن الحب هو اساس كلشي
مو مهم منو الاشخاص ولا مهم شنو حياتهم ولا شلون عايشين اهم شي يكون اكو حب بين الطرفين جان ببالي هيج ..
اتغاضيت عن أهل زُبير وشنو هم او شنو سمعتهم بس لان حبيتة نسيت روحي
نسيت اني رحمة الزهراء بنت الحسن المجتبى
نسيت روحي انا شيخة العلويات
نسيت كُلشي وخليت الشيخ يكعد ابين
العلويه بنت الساده وابين النقيب ابن ......
قصتي ابتدت من يوم العقد واني الخليته تبدي
واذا رادت تنتهي ف اني الي راح اخليها تنتهي
محد غيري راح يبدي بهااي القصة وراح ينهيهى
كتبت تاريخ بدايه القصه
وماعرف شوكت وبيا تاريخ راح اكتب النهايه ...

"" غدير الله ""

وي هوسة حفل رحمة الزهراء تعبت حيل
تركت الكل يركص وفرحان وصعدت فوك لغرفتي ارتاح
دخلت للغرفه لكيت تلفوني على الطبلة
رحت واخذته وجان ابالي اتصل واتطمن على انمار ..
اول ما فتحت الجهاز لكيت جواد متصل عليه ثلاث مرات وراجع دازلي بصمة يكول بيها ...

جواد :: غدير اتصصلييي عليه اول ما تشوفين الرساله ضرورري محتتاجج حييل اتصلييي بداعتي اتصلي ...

شلت عيني من شاشه التلفون واني افكر اتصل لو لا
اتصل لو لا اخذت ايدي واتصلت عليه
وجسمي صار يرجف صعبه عليه ارجع اسمع صووت الي كلبي بيوم عشكة
واجذب اذا كلت نسيته ما نسيته ابد
اتصلت عليه ورد عليه سمعت صوته بكل لهفة يكول ..

جواد :: هلا يرروحييي واخيررا اتصللتي وين جنتي اتصل ومااكو ؟؟

مسحت ادموعي الي نزلن واخذت نفس واردفت ...

غدير :: عقد بنت عمي وهووسة توني يالله شفت التلفون

جواد :: انت هسه ببيت اهلج مو !؟؟

- ايي بالبيت

- خوش 5 دقايق وتعاليلي على مكانه

- اووكف شنوو وين اجي ؟؟

- لازم اشوفج ضروري غدير مابيهة مجااال 5 دقايق وتعالي لا والله اجي لهلج
- جوواد لا تتخبل

- تعالي الي واني م راح اتخبل

- خللص بااي

- غدير 5 دقايق الج

- باااي باااي ...

سديت التلفون وكعدت على الجربايه عضامي وحده تطك بالثانيه بقيت ثواني صافنه كمت ولبست ربطتي
واخذت عبايتي وجنطتي ونزلت واتلكني ...

العلوية :: هاا خيير غييمة ووين رايحه ؟؟

- يمة انمار اجة وطالعتله اني ..

اريج :: الساعه 11 بعد وقت شبي هذا عليج ؟؟؟

- ماعرف توة راسلني وكالي اطلعيلي واني تعبت اجيكم باجر اذا الله راد

رحمة :: لا تفكرين بناتي اهم شي صحتج بالج على نفسج وعلى اوليدج ..

انداريت لرحمة حضنتها وبستها بخدودها
واردفت وياها ...

- بعد روحي شيخة شايفه كل الخير ان شاء الله منة المال ومنج الاطفال الصالحين
والله يتمم هاي الفرحة عليج يابعد روح روحي

رحمة :: ياروحي انتي غيماتي انتبهي لنفسج هسه وللبطنج ..

- يلا اني اترخص تضل يمكم العافيه ..

العلوية :: كلبي وربي راضين عليج ..

اريج :: الله وياج ..

طلعت اركض من البيت وبقيت اباوع لشارع وملكيت احد استغليت الفرصه وكملت طريقي
لشارع العام ودخلت بدربونه
وبعدها بالفرع الثاني ورحت للخرابة دخلت ولكيت جواد منتضرني ....

"" لينا ""

سمعت كلام غدير الله وي اهلها صعدت لغرفتي
ودخلت الها وضليت افكر برد فعل غدير هاي اول مره هيج اشوفها متوترة وجانت تعرك هم
هاي اول مره هيج يصير ب غدير اذا انمار اجاهة لهذا السبب اني شكيت بكلامه وحسيت هيه مطالعه لاخوي رايحه لغير مكان
اخذت تلفوني واتصلت على اخوي ما رد عليه
رجعت اتصلت عليه مرة ثانيه جاوبني
وجان صوته مثل التوه كاعد من النوم ....

آنمار :: اءءءءء هاا ليانه ؟؟؟

لينا :: وين انت ؟؟

- ناييم وكعدتيني توج وين يعني ؟

- اذا انت مجطول ومتدري بالدنيا وين عجل امراتك المن طلعت مزرعدة ؟؟؟

- منو الطلعت منين طلعت ؟

- مرتك غدير الله لية في غيرها

- ووين طلعت وشوكت ؟

- قبل شوي نزلت لابسه ومكملة وكالت لهلها انت منتضرها وراحت ...

- وين انا منتضرها واني نايم منتصر تتصل عليه حت اجي اخذها ..

- حسسيت والله لان شفت التوتر والخوف على وجها ف اتصلت اسالك ..

- ليينا لا تهيفيني غددير ووين رااحتت ؟؟؟

- وداعت جهالي هذا الي صاار طلعت وكالت رايحه وياك ..

- يعني لهسه مراجعه الكم ؟

- جاي اكلك طللعت وكالت لهلها راايحة وياك لبيتكم وين ترجع !؟؟؟

- خررةة بالقسسمة ممع السلامه ...

سد الخط بوجهي حطيت ايدي على بطني وصار ببالي نايم يم غدير وين طلعت هسه والمن راحت وانمار شنو راح يسوي لها ؟؟
واني شدخلني ينضربو باللعنه عليهم
نارهم تاكل حطبهم اهم شي عندي انا هم
علي السجاد وانا واولادي
والباقين لو بالنار يحتركون كدامي ما اطفيهم ..

"" غدير الله ""

دخلت الخرابة ووكفت كدام جواد اول ما شافاني نزل للكاع اخذ طرف عباتي وباسها وبقى يشم بيها
واني بديت ابلع ريجي وازفر بالنفس
رجع كام على حيلة
وحط عينه بعيوني ابتسم واردف ...

جواد :: افيييشش يا مااي مثلج وتبدة على نار كلبي الشاعله مارتاحيت الا بشوفتج يابعد اليوجعني والما يوجعني ...

- جواد احجي من الاخير شنو تريد وخليني اوودع ...

- لييش هيج مستعجلة ؟؟!

- جواد لا تتغابى وتنسى روحك وياي اني هسه مره متزوجه وحامل ...
ومجنت راح اجي ولا اتصل لو ما انت ضليت تون شي ضروري شي ضروري

- وصدك هوة لو مجان ضروري ما اتصلت عليج

- شنو هذا الشي ؟

- كلبي ياعلوييه كلبي ...

سكتت وضليت اباوع عليه ..
رجع واردف واياي بصوت نتر ورفع اصبعه بوجهي ...

- مو من حقج علوية ما الج حق ابد تعلقيني بيج وتخليني احبج وتعوفيني وترحين تزوجين غيري مو حقج لا انا ولا مشاعري ولا حتى كلبي لعبه بيدج

رفعت ايدي نزلت أيدة ونترت بوجهة ...

- لااا جووواد لاااا بالك ثم بالك تلومني بششي لو تعااتب انت اخر واحد يسولف ب معاتب الحب شنو نسيت انت الي عفتني ورحت وب الجذب ما كلت شلون تاي البنيه وشلون ب مشاعرها و لا اهتميت اصصلن درت وجهك ورحت متكدر تلومني بس لان اني تخطيت حبك وتزوجت هسه اجيتني تريد ترجع ايام حبك ولعبك وياي ...
دير بالك ترجع تلومني لو تعاتبني بششيء ...

ما لزمت روحي وطلعت كلشي مجمر بكلبي وذبيته بوجهة بدون ماافكر حتى وبكل صوت عالي صرت احجي وادموعي تنزل جمر على اخدودي
سكتت وهوة هم بقى بس يباوعلي ماعنده شي يكولة ..
انداريت ردت اروح وكفني واردف ..
بقيت منطيته ظهري واسمع صوته ...

- اووكفي دقيقه اسمعيني .... اسمعيني دقيقه بس شوفيي اني اعترف ان انا حبيتج فوك طاقتي وما اضن واحد حبج بكديي ابد وانت ما تنكري هلشي ..
وما جنت اضن بيوم راح ابتعد عنج بلعكس جنت راسم نهاية لعلاقتنا براسي كلش حلوة بس ماعرف شلون انكلب المقاييس وشلون الدنيا بعدتنا عن بعض بس لازم نثق ان هس هاي حال الدنيا وبالاخير ميصير النا بس الي الله كاتبه النا ...
<< انا اريد وانتِ تريد والله يفعل مايريد >>
مو ذنبي شي نجبرت اوخر عنج ولا ذنبي بالي صار مثل ما انت تاذيتي اناا اتاذييت اضعااف اذيتج ...
وجنت اصبر روحي ومتامل من ارجع الكاج نفسج غدير الله الي عفتها اني مجنت اريد اشوف هذا التغير بيج ولا جنت اتخيل بييوم من الايام رااح اشوف غدير الي جانت وياي وي غيري وشايله طفل غيري بداخلها ...
اني اعرف كلامي هذا هسه م راح يغير شي بس اني متووجع لهذا طلبت اشوفج اريد تشوفيلي حل مثل ماخليتي هذا الكلب يحبج خلي يكرهج خلي ينساج خلي لمن اكعد اصبح مايدك حتى يشوفج ولا يدك حتى يسمع صوتج خليني اتخطاج مثل ما انت تخطيتيني وكملتي حياتج علميني شلوون شلوون هيجي انسى واعتبر كلشي صاار نزوة مراهقة وكضت خلص لازم انساها واشيلها من بالي ..
غدير اذا كل شعور انت عشتي وياي ببالج نزوة وكدرتي تنسيها لفكرج اني عايش على هاي المشاعر اني هسه مصبر كلبي على ذكرى هاي المشاعر ...

بقييتت ابجي بجي < النحييط > بدون ما احسسه من شفته سكت مسحت ادموعي واردفت بصووت نااصي ....

- هاي هيه خلصت كلامك ارووح هسه ؟

سمعت صوت صيحاات كلبة هوة يحجي بحركه واني جبرت نفسي احجي بهدوء وبرود
رجع اردف وياي وصوته جان مثل الشخص الكاعد يبجي ايي جوواد كاام يبجي وهو واكف وياي ...

- يااحركة كلبيي على وحدة هيج باردة متهتم روحييي خلصت بس عسسى حوبة كلبي هذاا واني يتيم عسى كلبي الكسرتيي حوبته ما تتخطاج يا غدير وجاي ادعي من كلبي لان اذيتيني حييللل عسااا اشوف بيج يووم احس الله اخذ حقي منج وزوود ...
رووحي كملي حياتج وخليني اعااني رووحي الله وياج بس خلي ببالج
الحوبة يمكن تبطي بس عمرها ما تخطي ..

من سممعت هذا كلامة نشف الدم بعروكي دعى علييه عينك عينننك جاااي يدعي عليية ؟؟؟؟
شلوون هيجج ليش يدعي علييه ليش ههيج سوه مثا ماهوة نجبر يعوفني اني نجبرت اتزوج نحن الاثنين مالنا ذنب ليشش يدعيي عليه ؟؟
تركته وررحت واني ما حجيت وياه شي بخصوص دعواته صرت امشيي بالشواارع ..
ورحت لبيتنا < بيت انمار > مشيي
وصلت للباب طلعت المفاتيح من جنطتي وفتحت الباب لكيته مفتوح
دفعت الباب ودخلت ...
طلعت من اهلي الساعه 11 وهسه وصلت بيتي الساعه 1 ص
فتحت باب الصالة دخلت واني مدنكه انداريت اقفل الباب وارجعت نداريت للبيت لكيت انمار بوجهي كدامي كاعد بصالة ....
بلعت ريج وحاولت ما احسسه بشي ابتسمت بوجه واردفت ....

- هلا يروحييي بعدك كااعد ليش مصعدت ترتاح فوك ؟

- منو جابج لهنا ؟

- اني اجييت يروحي اكو شي ؟

- مو اني وصيتج تتصلين عليه اجي اخذج ؟

- ياا يروحي حفلة وهوسة والله نسيت وبعدين مو مشكله اني جان بخاطري اتمشى شوي زينه لبيبي ف استغليت الفرصه ...

- شبيهة عيونج ؟

- هههه شبيهن عيوني ؟؟

- اني جاي اسالج ليش هيج حمر ومورمات شنو جنتي تبجين ؟

- لااا بس الشوارع جانت كلها اضوية وانت تعرف عيوني تتحسس من الضوه العالي ف يمكن صارن حمر واني جاي امشي

- اهااا ...

- ايي يروحي شبيك احس صايرلك شي ؟

- لاا وشنو يعني صاير الي قابل طالع ورايح لمكان من غير ما مررتي تعرف ؟؟؟

- مافهمتت !؟

- وحتى نحافظ على علاقتنا لا تفهمين وابقي هيج مسوية روحج غبيه وياي تممام لاتركزين بكلامي ...

- انمار صاير شي

- تعبان واريد انام هذا الصاير ..

- اايي كووم خلينا ننام ..

- اييي كوومي ...

- صاعده كدامك اني لان تعبانه اكثر منك ...

تركت انمار وصعدت واني احس هوة يعرف شي معقولة يدري اني وي جواد جنت ليش جان يحجي وياي بالاغاز هيج ليش جانت نضراته حاادة هلكد وياي شنو صاير ياربي ...
او لا يمكن مصاير شي بس اني صرت اهوجس بهاي السوالف بس لان طالعه بدون علمه واني اعرف لو عرف يكلب البيت على راسي ..
دخلت لغرفتي ورحت للحمام حت اغير ملابسي واغسل شعري الجان كله مثبت ...

"" آنمار ""

حاولت ما احسس غدير ان اني اعرف ان هيه طالعه ورايحه لمكان بس لان ماريد اسمع منها جانت يم جواد وتكسر كلبي وانيي ادري بيها جانت وياه بس اجذب روحي واصدكها ان هيه توها طلعت من البيت وحبت تجي مشي
غدير مجذب عليه والمطلوب مني اجذب روحي واصدكها لو شنو متكوول ...
وهذا الصار جذبت لينا وصدكت غدير بس لان احبه وماريد انجرح منها ...
صعدت لغرفه وسمعت صوت الشور بالحمام عرفت غدير جاي تسبح رحت لجنطتها فتحتها وطلعت تلفونها فتحته لكيتها مخليه باسورد ..
دكيت 1990 مواليدي الجانت مخليتهن طلعلي الرقم التم ادخاله غير صحيح ...
يعني مغيرة باسورد تلفونها ...طفيته ورجعته لمكانه ودكعت على الجربايه العب بتلفوني لمن طلعت جففت شعرها واجت نامت يمي بعد ماطلعت تلفونها وحطته على الشحن ...
ولمن سحبت تلفوني وشمرته على الطبلة واخذت ايدي ونامت عليها وخلت روحه بحضني وايدها الثانيه حطتها على صدري وخلت مستوى وجهة جوة ركبتي ...
واني اخذت حضنتها بكل قوة وصرت العب بشعرها بايدي الثانيه ...
واردفت وياي ...

- ليش كلبك ديدك هيج سريع ضايج من شي دتفكر بشي محلو ؟؟!

- لا يروحي

- جا شبيك

- بس تعبان وهاي هسه بحضنك صدكي راح يهدة ويصير يدك بدفو وحنيه وعلى كيفه ..

- مممم تدرري ..

- مادري

- اليوم من سمعت صووت الشيخ يعقد لرحمة و زُبير اتذكرت يوم عقدنا ...

- احلا يوم بكل عمري ..

- اييي

- شلون جانت الحفلة ؟

- حلووة تجنن

- زعلانه ؟

- على شنو ازعل

- ان انتي مصارلج عرس ؟

- لا بلعكس ماتهمني هاي السوالف

- ليش مو يكولون يوم العرس احلا يوم بحياه البنت ؟؟

- صح اني مسويت عرس ولا طكطكه بس يكفي ان انت دا تهتم بيه كل يوم ودا تنطيني الحب كل يوم وجاي تعيشني احلا ايامي كل يوم ...

- الحمدالله اذا انت هيج جاي تحسين واني ممقصر وياج بشي ..

- لا والله حاشاك من التقصير ...

جريت نفسس طوويل وطلعته واني ضامها لصدري ..رفعت راسها الي واردفت ...

- شبيك ليش هيج جريت حسرة ؟

- ولا شي ردت اريح صدري اخذت نفس طويل

- انمار معاجبني وضعك حبيبي شبيك ؟

- وعيونج مابيه شي مجررد نفس جريته ...

- ممم تمام يروحي

- غدير

- عيوني

- اذا صحت الج فرصة تعوفيني راح تعوفيني وترحين ؟
- شلون يعني ؟

- يعنيي لو هسه ابوج مثلا يكلج اطلكي من انمار او اجتج فرصه ترحين لهلج وتكليلهم اريد اتطلك ويوكفون وياج ويدعموج بهاذا القرار راح تسوي هيج وتعوفيني ؟؟

- لو قبل اي بس هسه لا

- شنو التغيير هسه ؟؟

- المتغير هسه ابنك اليكبر بداخلي مستحيل اخلي يتربى بحضن واحد ويخسر الثاني اسمع انمار مدام اني سويت منك طفل هاي هيه
لو تسوي بيه الفعايل راح اتحملك لخاطر ابنا ..

- اروحلج فدوة يعني مرااح تتخلين عني ؟

- ولا افكر بهاذا الموضوع اصلن

- زززين واذا عرفتي يعني مثلا خليني اروح بعيد اذا عرفتي اني وره موت اخوانج او هيج شي مثلا مثلاا هم راح تبقين وياي

- اسسم الله على اخوواني شبيك انماار ..؟؟؟
اكييد لاا اهلي خط احمر ينتهي يم هاذا الخط الف علاقه والف حب الا اهليي ذول كلشي بدنياي اكيددد لااا ما افكر اصلن اعوفك او لا صدكني رااح احضر وجودك من حياتي لاتوصل الموضوع يم اهلي ...

- شبيج عصبتي جاي نسولف وكتلج خلينا نروح بعيد ونكول مثلاا شجاج .

- لاتروح بعيد عن اهلي اسمع انمار مستعده وياك نحارب هاي الدنيا كلها وابقى بظهرك وساندتك بس لمن يوصل الاذئ لهلي مااكدر وتعذرني راح اوكف بوجهك وياهم ..

- لا اسم الله ميصير هيج هوة ..

- اكيد م راح يصير هيج هذا مثال انت ضربته الي قابل صدك راح تكتل اخوواني

- ايي صح هههه قابل اني كاتل ...

- يلا يروحي ناام وارتااح ..

- شو الطفل ما اكو الى حس ؟؟

- ترى شهري الثاني منين الحس بعده ايده مصايرة

- هاا صدك ؟

- والله العضيم ..

- شوكت نعرف ولد لو بنت ؟؟!!

- اقل شي بشهر الرابع لو الخامس ..

- مابقى شي يروحي متحمس اريد اجيبي واشيلة ..

- هههههه الله كريم تشبع منه وتمل منه وتشمره عليه اني الي اربي ..

- لا يروحي ماخليج تمسي اشعره منه لاتخافي من هاي الناحيه اطمني .

- اممممم نششوف . .

- صدك غديراتي انت مو كلتي من ارجع نحجي

- بشنو ؟

- نسسيتي بموضوع السفر ..

- اوو انمار خلينا هسه ننام ونرتاح وحت لو وافقت انيعلى السفر اكيد م راح نسافر هسه يا دوب ورة عرس اخوي ورحمة
ومحرم الحرام على الابواب ماريد اعيش اجواء عاشوراء بعيد عن اهلي اخلص محرم وياهم ونسافر ...

- شبيج غدير صرتي تاجليين ؟

- ليش تريد نركض بالموضوع خلينا ممستعجلين بعد محرم نسافر من عيني هاي قبل هااي ..

- خلص نامي يابعد روحي ..

- زعلت مني ؟

- لا يروحي دامج كلتي لبعد محرم هاي هيه بعد محرم غصب عنج اخذج ونسافر واذا حاولتي تاجلين لو تتهربين ما انطيج مجال اشيلج شيل ونروح للمطار

- ههههههه لا لتخااف مراح ااجل وعد وعدد بعد محرم اني وياك نركب الطياره ولاي دولة انت تريدها ...

- خووش حجي هذا وعد الدين حر غدير ..

- ايي اكييد واني كد وعدي

- خوش نامي عَجل يابعدي ..

- وانت هم نام تريد تبقى كاعد ؟

- لا شعدي باقي كاعد راح انام وياج هاي غمضت عيوني ..

- ههههه تمام ...

غمضت عيوني وايدي تمشي على شعر غدير وتنزل لظهرها واني اكول يارب يخلص محرم على خير ونسافر ونعوف كلشي ..
بس ماضنيت ابوي راح ياذي اريج بهاي الايام معقولة ما الحك اخذ غدير ونروح ؟
الله يعلم بعد والمشكلة اني ماعرف شنو براس ابوي وشنو راح يسوي لاريج ماعرف شي اكتشفت ان ابوي ابد ما يحبنا ولا خايف علينه ومخلينه اني ولينا وهسه بندر مجرد اسلاح بايده ودرع يحمي روحه ويضرب خصمة ...
وبس نحن المتاذين الضرب كله علينا نحن ...
بققت يم الله هوة يدري بكلشي
خلص قلت حيلتي وخلصت وسيلتي مابيدي شي بعد ..

"" طيبة الزهراء ""

بعد ماخلصت حفلة اختي صعدت لفووك حتى اغير ملابسي وامسح مكياجي وقبل كلشي كعدت اعدل بصوري جان على بالي انزلهم بالانستا ..
ف كعدت ارتب بالصور حتى يصير ستوري حلو سمعت باب غرفتي ندك وانفتح رفعت عيني وبقيت اباوع الة ولكيته علي الباقر دخل وافتح الباب وانتجة على الرزه ..
واردف ....

علي الباقر :: هل تسمحين لي بالدخول ياا جلالة الامييررة ؟؟

ضحكتت وهزيت راسي ب نعم واشرت بيدي باشاره ايي تعال اكعد ..
اجة وكعد يمي واخذ شعري وحطة ورة اذاني واردف وياي ..؛

- شنو هذا الجمال خاف انت العروس اليوم ؟

- مو لهدرجة عاد

- والله لهدرجة واكثر لو ادري هذا جمالج جان خليت الشيخ يعقدلي اني وياج بدال زُبير و رحمة

- هههههههه واني خبلة اقبل ؟؟

- وليش عيني متقبلين ؟؟

- بعمر بنتك خبلة مخبلة اتزوج واحد بعمر ابوي

- واصلن منوو كالج انيي الي رااح اتزوجج عشتي اللحضة عليه !!

- تمامم هددي اعصابك لا اني اريدك ولا انت ترديني انهي الموضوع ...

- ترى العمر مجرد رقم ..

- صح مجرد رقم لمن يكون سنه سنتين مو عمر كامل .

- الله كرريم هسه لهاذا الموضوع انت شجااي تسوين ؟

- جاي ارتب بصووري ..

- شسوين بيهن ؟؟!

- بخاطري انشرهن على الانستكرام ..

- خيررر بوية ؟؟

- شبيك

- وانت مو حاذفة الانستا

- اليوم غدير الله سوتها الي

- انطيني حسابج .

- اكتب بالبحث ,, ti3tii5 ,, وراح يطلعلك حسابي ..

- دقيقه ابحث ..

طلع تلفونة وكتب بالبحث وطلعله حسابي دزلي متابعه ورفع عينه الي ...

- دزييت متابعه وافقي عليها ..

- وافقت وهااي راح اردها الك عيني

- غصبا عنج

- لا تخليني احضرك

- اكتلج وعلي وبعدين شكوو مسميته طيبات السيد ؟

- غير باسمي !!

- لا والله ويعني عاادي عندج هيجي العالم تعرف اسمج طيبة وتعرف بيج علوية من لقب السيد الي مخليته ؟؟

- واذااا ترى اسمميي لا هو عورة ولا حرام شبيك ؟

- وشنيي جاي ترتبين الصور تردين تنشريهن ؟؟

- حسابي خاص اكيد انشر براحتي

- طيبات لحد الان اني عاقل وعقلي هادي لا تخليني اكفر بروحي شنييي تنشررين ؟؟

- وااذااا

- وجعااااا

- هااي شبييك سسيد ؟؟

- شنو الي مابية باوعي لصوور التردين تنزليهن وباعي لحسابج واذا خاص بس مشاء الله ضايفه الدنيا كلها بيه طيباات انتي عررضي وغيرتي

- لاا اني عرض اخووي وغيره اخوي انت مالك غرض بيه

- هيه شنية عرض اخووج ووينه اخووج ميجي يشووف عررضة وغييرته مييجي

- ارتقييي بكلمااتك عليي الباقررر ولا تضل تشمررر كلاام انت متعرفه شنوو ترى اني طيبة الزهررااء لك اني بنت الحسن المجتبى وتربيته لا تحسسني ان اني متزوجه متعه ولا جاي ازني وي واحد

- اني مرتقي كلماتي وادري بيج انتي شنو وتربيتج شنو بس باوعي لتردين تسسوي انكس من الزنه تردين تنزلين صورج بهاذا اللبس العارري والميسسوه والميسوه يشوفج محد يسوه

اسمعيني طيبات وخليني على بالج شي انتي بنت عمي شعر شواربي يعني غيررتي وشرفي وسمعتي ...

يعني طيبات ماكو الها معنى من تنشرين صورج وتخلين العالم كلها تشوف راح تخلين الكل يتمعن بجمالج ويحفظ ملامحج
ويمكن حت الولد الي هسه بحسابج تصعد عدهم الشهوة لان مشاء الله راح تنزلين هيج صور عارية بهاذا اللبس مالتج يعني السالفه كلها حررام ب حراام افهميني الله يخليج وعلي اني خاايف عليج ماعندي شي ولا مستفاد شي ولا ماخذ شي
بس ارجع واكلج انتي عرررضي وغيرتي وسمعتي بيج لان انتييي بت عمي ..
وبكيفج سوي التردي بس قبلهاا قبل لا تسوين اييي شي اتذكري انت ما تمثلي بس نفسج لااا انت تمثلي اهلج والساده كلهم مدام اسمج علويه
ف انتبهي لنفسج زززين انتبهييي ..

- انا منتبه لروحي وحسابي خااص

- تضحكين على روحج لو على ربج حسابج خاص بس ضايفه الامة كلها ماكو واحد بنفسج مخليته

- علي الباقر رجاااءا لا تتدخل صيحتت عليه هوواي ..

- الي ترديي بكيفج بعد حجيت هواي بس طيبات انت هسه فتره مراهقة وعليي راح تتندمين على كلشي جاي تسوينه بس تكبرين شوي حااولي تكعدين وي نفسج ولا تاخذج ملذات الدنيا وتغرج هوواي خووش
حاولي بس هسه قبل لا تحطين راسج على المخده راجعي كلامي بعقلج
والعباس ابو فاضل يا ان يا طيبات ولا واحد بهالكون يستاهل يشوفج هيج ولج انت جووهرة جوووهرة ولازم متطلعين بس لليستاهلج يعني هسه انت من تطلعين لشارع تلبسين حجاب وملابس محتشمة وكاتلة روحج بالعفه والعفاف
وتجين هنا بالانستا تنشرين صورج عاادي بلا شي شنوو الفرق ؟
بالشارع حرام على النت حلال ؟؟!

الشرق حيل داياثر عليكم بحجة ياابة ترى حررية شخصيية ياابة ترى اني مسوؤل عن قراراتي يااابة لا تحجي وياي انت م راح تتحاسب ابدالي بس الله يكوول واجب على كل مسلم ومسلمة
الامر بالمعروف والنهي عن المنكر والي جاي تسوينه منككر
واني حااولت هسه وياج وحااولت آمر بالمعروف وبعد بقت يمج
حجيت بما فيه كفااية اللهم اني بلغتتت اللهم فأشهد بريت ذمتي ونصحتج الله ميز الانسان عن الحيوان بالعقل عندج عقل وتفكرين بي ...

تركني علي الباقر وطلع وربد الباب وراه ربد حتى ما انتضرني ارد عليه لو يسمع رئيي ...
شمرت تلفوني على افراشي ورحت للمراية زلت كل المكياج ودخلت للحمام غسلت وسبحت وغيرت ملابسي وطلعت ...
حطيت راسي على المخده نمت على صفحتي وحطيت ايدي جوة راسي وبديت افكر بكلام علي الباقر
رجعت فتحت تلفوني مسحت الصور ولغييت متابعه شكو ولد متابعني ...
وخليت متابعيني بس 12 وحده بنيه وهوة ...
ورجعت طفيت نت وشمرت التلفون وغمضت عيووني حاولت انام حااولت بس مكدرت ضليت اصاارع افكاري
شددعي علليك علي الباقر صصوتك مجاي يفارك رااسي
عبالك لهسه واكف وديحجي وياي صووته لهسه يرن رن بذاني
اختترق حاجز الطبلة مال اذاني عابتله ...
صدك لو كالو شايب واذا حجة شنو يسكته ماخلصت من قيد المعتز الله اجاني علي الباقر الثااني ..
حااولت اننام مكدرت رجعت كمت وطلعت من الغرفه نزلت جوة افتر بالبيت وكان اني جني لوحددي
رجعت صعدت وباوعت لساعه البيت لكيت الساعه ب 3 ..
ماعرف ليش مجنت اعرف المن اروح لو المن اتجه النوم ما طر عيني مشيت وخليت رجلية هيه التاخذني ..

ولكيت روحي واكفه كدام باب غرفه علي الباقر حطيت ايدي على السركي و فتحت الباب بلا ما ادك وبلا ما استأذن
دخلت ولكيت الجرباية فارغه علي الباقر منايم بيها ..
باوعت باركان الغرفه لكيته بزاوية كاعد يصلي ... ضليت صافنه الساعه راح تصير فجر يا صلاه هااي لا هيه فجر ولا ههيه عشة .

جان ساجد واني دخلت كعدت وراة واردفت سمعته صوتي ...

- اني اجيت راح ابقى هنا لمن تكمل صلانك لان اريد احجي وياك بشي ...

ما التفت اصلن رفع راسه من السجود وتشاهد وسلم وكعد يسبح ويدعي طاارت يمكن نص ساعه بس هاي سوالفه
بعد ماخلص دعاء وتسبيح عدلت كعدتي عبالي حيكووم
التفت اخذ القران من الطبلة وكعد يقرا يمكن قرا بال 10 وراقاات استتغرب من تصرفاته حيل شلون هوة ررايح بالصلاه ولا كان احد فات عليه لا اهتم ولا باله حتى
ورغم اني سمعته صوتي وحجيت وياه الا وكان مسمع شي لا اختصر صلاته ولا شي بقى مكمل بيها عللى رااحتة ..
واني جنت صاابرة اول ما شفته سد القران رحت وكعدت يمه ..
واردفت وياه ...

- تعرف تاخذ استخاره قران ؟

- اي ليش ؟

- اخذلي خلشووف شنو راح يطلع ؟!

- تمام كومي توضي وتعااي الاستخارة لازم تكونين على طهاره

- متوضيه توني سبحت يعني طااهرة

- لطمئنينه اكثر كومي اتوضي مراح تخسري شي

- تممام انتضرني

- عمري كلة كضيته منتضرج ..

عفت علي الباقر ورحت توضيت ورجعت اسرع من الضوء فتت للغرفه ورجعت كعدت يمه خلاني اكعد مقابيل القبلة واردف وياي

- هسه انووي شنو تردين على شنو الاستخاره واقري سورة القدر ثلاث مرات ..

اخذت بكلبي نوويت اسوي استخاره عن ادم هل هوة زين الي لو مو زين
بعدها قريت سورة القدر ثلاث مرات وكلتله ...

- خلصت

- اقري هذا الدعاء وراي كل وحده كوليها ثلاث مراات ...

- تمام شنو هوة ؟

- يا ارحم الراحمين x3

يا اسمع السامعين x3

يا احكم الحاكمين x3

استخير الله برحمته خيرة في عافية x3

حجيت الدعاء كل واحد وره السيد ثلاث مراات ..
وانطاني القران كالي افتحي اني ما تعبت فتحته من البدايه اخذ يحسب بالاوراق ووكف عند ورقة وحسب الايات ووكف عند الايه السادسه واردف وياي ...

- سورة البقرة اية 216

- شنو هيه الاية اقراها الي

- 【 بسم الله الرحمن الرحيم 】

『 وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ 』

- يعني اني مخيرة ؟

- يمكن حسب النيه مالتج سلميه بيد الله دوم كولي ربي اختر لي ولا تخيرني وشوفي شلون ما يحتاج تفكرين باي قرار لان الله يختار الج ...

- تماام

سد القران باسة ورجعه على الطبلة وكام لف السجادة مالته والسبحة مدري شنو من سبحه استغفر الله بس ذكرتني بالبقرة لان سبحته الخرز مالتها جانت ابيض واسود ..
رفع القران حط السجادة ورجع حط القران فوك السجادة باوعت اله واني واكفه كدامه ومشبكة اديية من المستحى والخجل واردفت ....

- تقبل الله سيد ..

- منا ومنكم صالح الاعمال يا رب ..

- اجييت اعتذر منك ..

- علشنو ؟؟

- مساع حجيت وياك باسلوب ماحلو بس اني هيج طبعي اخووط واخربط اذا نهد اللساني صدكني اني اللكلمة من اخووي ما اقبلها مو ادور مننك هوواي اسفه

- طيبات لا تعتذرين ..

- لا لازم اعتذر لان اني غلطت وزعلتك مو ؟؟

- لا عادي طفلة ماعليج عتب ..

- ودام شايفني طفله لاتعتب عليه ولا تزعل مني

- بس طيبات الطريق التمشين بي غلط باغلط و انت تعرفي هذا تفكيرج راح يودييج بدااهيه لان تفكير مراهقين اغبياااء

- اعرف

- طيبات م اريد شي منج غير تنتبهي لنفسج اريد تنكال عنج هاي البنيه الي عقلها اكبر من عمرها هاي البنيه الي هيه مراهقة بس واعيه ..
خليج طفلة واتصرفي ك طفلة بس بوعي وذكاء خلي بس تصرفاتج طفولية اما عقلج ف انطي مساحة جبيرة

- ان شاء الله

- مو بس ان شاء الله وتغلسين ادري صعب وراح توجهين صعوبة بموضوع تسكتي صوت المراهقة مالتج بس اني وياج خطوة ب خطوة واي شي تردي انا موجود وحتى لو عندي شغل راح افرغ روحي لخاطر عيونج

- شكرا هواي م راح انسى كلامك وراح افكر بي وان شاء الله ويااك اكدر اصير .

- ان شاء الله بس هسه لازم ترحين وتنامين مو زين السهر شوفي عيونج راحن

- تمام رايحة انام اجيت اعتذر منك اصلن

- لا تعتذررين بووية انتي بنتي مازعل منج

- رايحة انام

- روحي نامي يلا نوم العووافي واحلام سعيده
يا نحر السيد وصمام كلبة ...

- تصبح على خير

- انت الخير كلة بوية ...

عفت علي الباقر وطلعت من الغرفه والجانت الراحه مالية صدري مدري ليش اتراحييت واطمنت هيج
رجعت لغرفتي شمرت روحي على الفراش بسرعه غفييت
وغركت باحلامي العميقة

__

"" علي الباقر ""

بعد ما طلعت طيبة الزهراء فتحت الدولاب وطلعت كتابي فتحتة وكعدت اكتب كلشي سويته باليوم كلة ..
هذا كتاب مسوي باخر يومي من اريد انام افتحه واكتب كلشي سويته من اعمال واكد ان اكتب بس المو زينات حت اغير منهن
بس لاحضت ....
ان كل يوم بكل ورقة اسم طيبة ينذكر ..

ادري نضرتي الها وتفكيري بيها حرام ب حرام بس ماكدر امنع روحي اصلن هيه الشي الوحيد الي اني مستعد اتحمل عذابه

عادي عندي اتحاسب على كل نضرة بدرت مني الها وعلى كل مره لزمت ايدها وعلى كل تفكير بيها ..

اتحممل عذاب طيبة عسل على كلبي ..

انتضرتهاا هوواي هوواي كضى من عمري وبعده الوقت يركض ورايي مو صغير اني وهيه مو جبيرة ؟

معقولة وتصير الي شنوو الخلاني احب هاي الطفلة ليشش حبيتها ليش تعلق كلبي وروحي بيها
اكو واحد عاقل عمره 20 سنه يعشك وحده عمرها 5 سنوات ويحلف ما يتزوج غيرها ؟؟

شنو صار وياي ليش طيبة ليش هيه من دون كل الطلعن بطريقي تعبتني هاي الطفلة ...

باقي شكد وتصير يمي اذا الله نطاني العمر ..يمكن اموت قبل لا احصل عليها او الله مكاتبها الي بقت يم الله هو يشوف ويعلم الغيب .
سديت الكتاب وحطيت راسي وردت انام اجتني العلوية وككالتلي ابوي يريد من الصبح اروح لاصفاد الحق اجيبة واروح لابوي للكراج لان يريدة بشغل ...
اني فاارغ حت ابوي يوصيني ههيج بس مابية اكول لا ..

نمتت وجنت منتضر يوم جديد يطلع علينا ويوم جديد يتسجل لعمر طيبات وتكبر يووم ..

___

「 مشههد 」

العلوية :: اتفضل هاك سيد هذا الماي وهذني العلاجات مالاتك

عبد الحسن :: رحم الله والديج علوية ..

- و والديك سيد ..

- تعبانه مو ؟

- مهدود حيلي هاي صار النا اسبوع نحضر وشادين حيلنا وارواحنا على مود هاي الكم سااعه فرحة ..

- والله ياعلوية تصدكين اذا كتلج جنتت مختترع وخايف حييل من هاي الخطوة لان رجال ماعرفه واول مره اشوفه وحت اهل ماعندة . شلون انطيته هيج شيخة العلويات جان هذا تفكيري

- وهسه ؟

- هسه من شفت نضرات شيخة الة وضحكتنا من كمل الشيخ العقد وشلون الفرحة نرسمت على وجها من صار زُبير زوجها اررتااح كلبي حيل واطمنت عليها هيه فرحانه وياه و راح تصير مرتاحه وياه ..

- ياا سيد اسكت وخلها شيخة الكااع ما شايلتها من الفرحه ..

- الحمدالله

- بس اكلك سيد

- كولي

- حامد المتقين وينه ما شفته ابد اليوم ؟

- صحح والله هوة اصلن ما حضر العقد ولا جان وي الشباب هاي وعود زُبير اجة على معرفته وصديقه حيل ..

- خاف صاير له شي

- صايرلة شي وماتسمعين لفاطمة حس صدك تحجين انت ماكو شي ..

- لا سيد حت لو اتصل واطمن شوفه وين بالي ضل يمة

- انطيني تلفوني

- ثوواني ........ اتفضل ..

- اششوف وينه ..

【 اخذ عبد الحسن التلفون واتصل على حامد المتقين
وبعد ما رد عليه وفتح الخط 】

حامِد المتقين :: هلا خاالي ..

عبد الحسن :: وينك انتة ؟

- خير خالي صاير شي

- لاترد سؤالي بسؤؤال جااوب وين انته ؟

- اني بالبصرة طلعلي شغل ف رحت الصبح ولحد الان اني بيها جاي اشتغل ..

- وليش حضؤة جنابك مكطووع من شجرة ماتكوول لاحد انت رايح لشغل ؟؟

- لا ليش خالي مكطوع من شجرة تراني كايل لامي واذا تريد اسئلها واتاكد

- واني شني هناا رجل كرسييي كايل لامك شني امك تحل تربط لو صاير لك شي على الطريق لو مثلا انخطفت لو متت لو صااار اي شيي وارد بهاي الدنيا امك شنو بيدها تسسوي غير تكول الي لاخوانك تكول مكان شغلك الناس الرايح الهم لو انت عبالك الدنيا هيييته وما ورااك احد من بعد ابوك يحاسبك

- لا خاليي والله حشاك وكل كلامك هذا على راسي والحق وياك بس وعلي جنت مستعجل فجاة طلعلي شغل ورحت كلت لامي وطلعت ..

- تجي واشوف شغلي وياك بس هسه دزلي عنوان شغلك هذا خايف يصير شي وشكد راح تبقى ؟

- تمام خالي بس اسد الخط ادزلك ++ راح ابقى يومين بالاهوواي يعني ...

- خووش الله كريم

- ايي خالي ..

- بالك لنفسك مع السلامة

- الله وياك خال ...

_
_

العلوية :: هاا ؟؟

- هاج التلفون رجعي على الشحن ..

- شنوو حامد وينه ؟

- طلع الافندي بالبصرة هَو حالياً

- يا وشعنده بالبصرة ؟

- شغلل ابو العقارات ..

- اتاكدتت منه هوة بخير ؟

- والله تخافين هوواي شمالج

- ياا سيد ولدي هذوول مو ولد اختك لو اخوك ولدي اتربو بحضني اكييد اشيل همهم واخاف عليهم ..

- يابوية اطمنييي بخير هممة

- الحمدالله هسه ارتاح كلبي

- اييي

- صدك اتذكرت قبل لا اكوم

- شنو

- اليوم اجتي للحفلة رندة ..

- منو رندة هاي ؟

- يا سيد هرمت وصار بيك زهايمر ههههه؟

- لا مصاير بيه شيي وبعدني بعقلي بس منو هاي ؟

- رندة زوجة السيد سامي ابن عمك

- اهاا كوولي ام اصفاد الحق اني اعرفها ام اصفاد تكليلي رنددة ويني وين اعرف اسمها واحفضه ...

- اييي هسه عرفتها انت

- ايي شبيها ؟

- اولاً سالتني عن وهج الطف تعرف لان اول مره تشوفها واعذرني اني سولفت الها وكتلها هاي وهج الطف بنت صفاء الحسن جانت من زوجته الثانيه وجانت عند خوالها وهسه رجعت لديارها ...

- زززينن

- اييي و همم حجت وياي علمود احجيلك عن ابنها اصفاد الحق

- وشنوو مرضة هذا ؟

- شوف كالتلي اكلك تجيب اصفاد لعندك وتحجي وياه
سيد اصفاد حيل دا يشلع كلب امه اتخيل تحلف وتكول من مات ابوة سامي لههسه اصفاد لا رايح لمحلات ابوة ولا مستلم شغله وتكول الفلوس الجاي تطلع مدري وين جاي تروح لان صفد لا يروح ولا يسسال عن شي وهاي كمللت السسنه واتخيل سنه تحلف وتكول الدخل مال المحلات مااهوة يعني مرت ابن عمك وابنه صاللهم سنه وهم ما لاززمين بديهم ولا فلس من حلال ابن عمك ..

- هلااا هلااا وعينيي ليشش هيه بالعه السسانها وساكته عن حقها وعن ابنها اصفاد ؟ ليش ما من اول شههر اجت وكالتلي حتت اتصرف وياه واجر اذنه واادبه
ليش كل هذا الوقت هيه ملصممة ؟؟؟

- المررة هم مغلووب على امرها لصرراحة انت تخووف ولو انييي وواحد من ولدي مسوي هيج والله لا اتدنى ولا احجي وياك غير ابني يموت جوة ايدك ..

- هيه شنييي مغلوب على امرها ساامي رااح وهوة مرتاح لان مفككررر مخلي وراه ززلمة يشد ظهر امةة خيجي ساامي ويشووف شمخللف طلع ممخلف اصفااد طلع مخلف صفية ...

- اهدى سسيد انت جيبة يمك باجر اكعد وياه وفهمة بس ها هيه حلفتني احلفك بداعت ابووك سيد متسويلة شي ياذي بس احجي وياه بكل تفاهم وهدوء ...

- اصفااد الحقق اصصفااد الححق خووش اني اله
ابنج السيد علي الباقر عنده تواصل وياه مو ؟

- ايي يمكن ماعرف

- كوومي طفي الضوة هسه الصباح رباح اني اجيبة واحجي وياه بس اطلعي لسيد علي الباقر وكليلة الصبح يجيبه الي ..

- صاار سيد تدلل

- طفي الضووة بطريقج ..

- ان شاء الله ...

___

"" المعتز بالله ""

رجعت للبيت بتالي الليل واول ما دخلت لكيت محد هنا الكل ناايم ..
رجعت طللعت من البيت صعدت سيارتي ورحت لبيت عمي صفاء الحسن وكفت بالباب واتصلت على وهج الطف ..

اتصلت اول مره ما فتحت الخط
رجعت اتصلت مره ثانيه هم ما شالته
الساعه 2 بليل شنوو دجااج يناموون ب 2 بليل
رجعت اتصلت ثالث مره وكلت اذا ما فتحت الخط وكعدت اكوم وادك الباب بعدين هو بيت عمي وعمتي كاعده بي مخايف من شي اني

اتصلت مرة ثالثه وفتحت الخط وجان ردها عليه وهيه نايمه جانت نايمه وفزت وجاوبتني وهيه بعدهي نايمه هههه

وهج الطف :: اهليين

المعتز بالله :: صللااوات جان خيلتي وي الاذان ورديي

- ترى نايمةة ناايمةةة

- شعدج نايمه من هسه ول . ؟

- ترى تعبانه من الصبح الله واني وي اختك واكفه بالحفلة والتجهيزاتت عوفني انطمر شجاك ؟

- اني بالباب اطلعيلي

- عزة العززاك يا بابب هذاا ؟؟

- باب بيتكم يا باب ..

- شسووي

- اريد اشوفج مشفتج اليوم مملاحضه من اجيتي لهلج بردتي وياي

- اعززيز رووحي واستر علينا لا يطلع الفاروق

- واذا خلي يطلع ابن عمي واخوي شبييج مخايف من شي اطلعييي خليني اشوفج واحجي وياج دقيقتين وروحي طبي انطمري

- اعززيزز

- اطلعي لا انزل اطفر الباب وافوت عليج

- ناازلة امرري لله

- بسسرعه انتضر ..

سديت التلفون وكعدت انتضر وهج الطف تنزل ..
بعد خمس دقايق انفتح باب الشارع وطلعتلي ب البجامه مال النوم بس مخلية حجاب على راسه
اجت تركض صعدت بسياره يمي بالصدر ضلييت صافن عليه ومصددوم الشااارع كلة كاامراات وهااي نززلت بالبجامةة ...

وهج الطف :: هاا شتريد سبييت راسي وطيرت النوومة ؟؟

- هااي شلوون اجيتي ههييج ؟

- جا شلوون تريدني اجي ؟

- ول مااعندج صااية تلبسيها بششت تذبي على جسمج هااا

- تررى الشارع يصفر محد بي شبيك ؟

- هي شنيي محد بي بنت الاوادم شووفي الكاامراات كلها صورتج ..

- يووو معتز انت المسوؤؤل انت خليتني انززل

- استتغفر الله ..

- راايحه رااح ارجع ..

- تتعااي وين ترجعين

- مو انت تريد بس تشوفني يلة خليني افوت انام هاي شفتني

- شبيج صايرة مالج خلكي ابد ؟؟

- اني مالي خلكك اعزيز انت تجي بوقت خطا يعني اني حيلي مهدود وعلي بااع وجهي شلوون ذبلان لان اريد انام حيل تعبانه ..

- هاي وجهج ذبلان ؟

- اي متشوفني اخرع ؟

- هاي انتي وجهج ذبلان وهذا الجمااال لو مرتاحة وشابعه نووم شنو يصير بيج بببوووياااي بوووية ..

- ههههههههههه هذا غزل يعني ؟

- لا ابن عمه

- عابتلك

- عابت الج يعني اتغززل بيج تكليلي هذا غزل تف عليج ومو صوجج ..

- العتب مو عليك على الضحة بنومته ونزل الك راايحه

- تتعااي اووكفي

- هاا شتريد ؟

- نامي على متني يلا مو تردين تنامين ؟

- وعلي انت ناووي على فضيحتنا اليوم ..

- يلاااا وهجهج نامي على متني

- معتز روح منا ..

- م اروح ..

- الا اله الا الله

- محمد رسوول الله

- اوووووو شكد انت منرفز واني مالي خلك تعبانه افهم الله يخليك افههمم

- جا اني مشتاقلج شلون ؟

- باجر عندك باجر والايام تعال اخذني واطلع وياي واشبع مني بنت عمك واختك اني محد يكلك على عينك حاجب

- باجر نطلع ..

- تدلل بس اتصل عليه تلكاني جاهزة المكان والساعه الانت تريدها بس خليني ههس افوت انام ..

- تمام فووتي .. بس انزلي وطببي رككض اسرع من البرق لا تخلين الكامرات تاخذج ..

- تمام تصبح على خير

- انتي الخير كلة

نززلت وهج الطف وركضت طبت للبيت وسدت الباب ةاني فريت سيارتي ورحتت بيها رجعت لهلي صعدت نمت بالغرفه
وكعدت الصبح من الغبشة طلعت للكراج مال ابوي فتحته وصرت امشي بين السيارات صارت الساعه ب 8 ولحد الان محد جاي من العمال صايرين مهملين بقييت اتمشى واتفقد شغلهم لئن جنت اريد اعاقبهم على التاخير
وجنت اريد وي التاخير اشوف زلة ثانيه عليهم ..
لمن حسيت بواحد وراي فات للكراج اندارت ولكيتها

البنيه جرح .... مراضيه تفك عني وعبالك امها ذبت سرها بالكراج مالتي ..

وكفت كدامي واني حطيت ايدي بجيبي وضيكت عيوني وصرت اباوع الها ..
واردفت وياي .......

جرح :: شلونك سيد المعتز بالله ؟

- من الله بخير من جابتني امي واني بخير

- الحمدالله عساك دوم

- خير تفضلي محتاجة شي عندج شي هنا ؟

- محتاجتك ..

- استغفر الله واتوب اليه

- ليش هيج مطايق تشوفني شنو سويت الك اني ؟

- مملاحضة روحج يابنت الناس لزكتي الي فرد لززكة خليتيني اكرره الساعه الي ساعدتج بيها كتلج شففت خوواتي بيج وساعدتج الله يخليج روحي منا ..

- سيد واني كلبي طاح عليك من ذاك اليوم اول مره بحياتي كلها اشوف رجال بهاي النشامة والرجولة اول مره رجال ماعرفه يحسسني اني بامان الشعور الحسيته يمك ذاك اليوم بعد ما بعدت الزلم عني ونقذتني منهم والله كل عمري ما عايشته ابد ..
من ذاك اليوم لهسه وانت مرايح من راسي ولا دقيقه

- شتردين هسه ؟؟

- اريدك انطيني فرصة فرصة وحده بس جررب تطيني

- فرصة شنو يبنت النااس لا تكفريينييي كتلج رووحي مناا الله يخلييج ادري انتي شنوو ماعندج اهلل تخافين على سمعتهم ماعندج اخووان كل يوم والثاني طافره عليه شتردين . ؟؟

- سيد اني اذا هيج م راح اكدر اطلعك من راسي جرب اليوم خلينا نلتقي ها خليني اطلع وياك الييوم واحجي وياكك واذا ماحبيت كلامي لو ما تقبلت هاي هيه وعد ما اطلع بطريقك ولا اخليك تلمح خلقتي ...

- خووش شوكت تردين ؟

- بليل انت فارغ ؟

- اييي

- خوش اني عساعه 9 بليل تلكيني منتضرتك

- وين ؟؟

انطتني العنوان التريد تشوفني بيه سجلته يمي
ورجعت اردفت ...

- راح يكون احلا يوم بعمري ..

- روحي هسه الزلم العمال راح يجوون زحمة يشوفوج

- تمام انتضرك باليل

- يصير خير روحي ..

- بااي ..

- الله وياج ...

طلعت جرح من الكراج واني بقييت افكر بيها شنوو سوويت بروحي ليش هيج الله ذبها عليه حسسيت بعيونها اكوو شي ماعرف شنو البنت مضطهدة ..
اتصلت على وهج الطف واعتذرت منها جان المفروض بليل اطلع وياها بس كتلها طلعلي شغل ..

شعور غريب يراود صدري اتجاه وهج الطف لكن كلما احاول اتقدم خطوي وي وهج لازم تطلع جرح بوجهي ماعرف مصيري ويامن والمت راح اصير معقولة يصير الانسان يحب اثنين بنفس الوقت مشاعري مخربطة
عفت التفكير صعدت فوك لمكتب ابوي ودخلت اول مره ادخل
اله من بعد موت ابوي جنت منتضرة يكوم بسلامة حتى يرجع على حيلة بس مجنت اضن الموت منتضره ....
كلشي بي ريحة ابوي الغراض والكرسي كلشي على حطت ايد ابوي محد داخل ولا واحد مغير ...
باوعت لصورة ابوي المعلكة على الحايط ..
رحت اخذت الصورة من الحايط وكعدت على الكرسي وصرت احجي وياها ..

- هاا بوية ؟؟ شلونك يارووحي انته شلومك يابعد حيلي وعافيتي شلونك شخبارك مشتاقلك حييل ببوويةة ..
وينك عني شلون هيجي ترووح جا انت مو كلت ما راح تروح الا من تزوجني اني وتزوج اختي رحمة ..
جاا ويننك بووية البارحه رحممة عييونك تدوور عليها
رادتك انت التوكف وتزفهااا ..
بوية انت راضي علييه ؟؟ رحت وانت راضي عليه مرتاح مني بووية ؟؟
بوية ليش هيج كسرتني ورحتتت ليششش تدرري اني ما بجيت ولا دمعه عليك لان جنت ما مصددك انت رحتت
بوية بعدني ممصدك اني مالي ابو بعد
بووية تعال ارجع وعلي نهد حيلي عليك تعال ارجع كسسرت ظهر المعتز بالله انته اني القووي بس بغيابك صرت ضععييف ..
كل الكلام وياك اختفى اتمنى هسه انت كدامي حتى احجيلك البيه هااي الاربعين كضضة واني ما متعود على فراكك

بوية من كعدت ابين الكبوور ويم كبرك بووية كبري اشتعل مثل شعلة البخوور ..

بوية مرن عليه الاكباار وكلهن اتحملتهن بسسس مكدرت اتحمل وقف موتك كددامي حييل كسرتني حيل ...

انهد حيلي كمت على حيلي مسحت صورة ابوي وعلكته على الحايط ..
ومسحت ادموعي وكعدت على الكرسيي اني السيد المعتز بالله ابن السيد الحسن المجتبى

يكولون "" الخلف ما مات ""

واليوم اني راح اثبت هاي المقولة راح اخلي شكو واحد يشوفني يكلي رحم الله ابوك
الا اخلي ما واحد يشوفني الا ويترحم على ابوووي ..

راح اكوون رفعه رااس لابوي

__

"" رحمة الزهراء ""

طلعت الصبح ورحت للمستشفى بس قبلها رحت للمطعم وكعدنا انا وزُبير نتريك اول ريوك النا ونحن مزوجين وصرنا نسولف
على شلون راح تكون حياتنا
ووين راح نعيش .. ؟؟

زُبير :: انا اشوف نكعد ببيت جديد

رحمة الزهراء :: ليش حبيبي وبيتك هذا ؟؟

- لا علويتي ماريدج تكعدين بي ولا تدخلينه ...

- ليش اسم الله

- مو مستاج تدخلين هيج بيت ...

- لاا زُبير اني م راح اقبل اكعد ببيت جديد بيتك الي كبرت بي راح نستقر بي واذا على شكلة ف اني وياك راح نغير صبغ الحيطان ونجيب اثاث اجديد نرممة سوة

- مااكو داعي نسوي كل هذا ليش التعب نكعد بايجار على ما ابني قطعتي ونبني بيتنا على التصميم الي انتي تردي وننتقل اله ..

- لااا اني ارريد والها دااعي اني اريد اعيش كل هاي الاجواء والمشاعر وياك واريد نعيش ببيت طفولتك

- ششوف هيه شلونها من طفولة ..

- اووو زُبير لا تشلع كلبي نكعد بالبيت يعني نكعد بي ترى منزوج ..

- عميي هاي هيه التردينه يصير مدام مصرة على هلشي اكدر اكلج لاا اني

- ههههه اكيييد متكدرر

- احبج حييل تدريين

- ادرري وهم اددري راح اتاخر على المستشفى والدووام كوملي يلا وصلني ..

- كوومي يلا متخليني اخذ راحتي وياج ولاا دقيقه

- ياراحه هااي والعالم كلها منا

- اني اعلمج من نزوج الا شهر متشوفين باب الشارع واني هم بس بالبيت اني وياج

- لعد خليني اشببع من طلعاتي من هسه

- ههههههه اشبعييي

صعدنا اني وياه بالسيارة ووصلني للمستشفى وراح لدوامه ..

__

"" جميلة ""

طلعت وي شبر وشبير اولادي وصلتهم للكراج يم عمهم الفاروق الاعظم لان يريد يدربهم على الشغل ورجعت للييت اني من بعد ما تطمنت من الفاروق على البشير وعرفت ان هو وصل بخير وسلامه ..
واول ما وكفت كدام بيتي طلعت المفاتيح من جنطتي حتى افتح الباب لكيته مفتوح اخترعت حيل اني بيدي قفلته الباب قبل لا نطلع شلون هسه مفتوح ؟؟؟

دخلت ركض لجوة لكيت باب الصالة مفتوح دفعته ودخلت لكيت رجال جبير بس شكلة حلو ومرتب وحتى جسمه وطولة هيج كارزما ..
كاعد بنص الصاله مالتي وكفت كددامه شمرت مفاتيحي وجنطتني على الطبلة
واردفت بنتر .....

جميلة :: منوو انته وشلوون دخلت على بيتيي وشنوو جاي تسووي هنا ؟؟!

قصطير :: اهددي اهددييي اني سائد جبران المعروف عني باسم قصطير .

- ماعرفك اني ..

- هاي اني عرفتج عن نفسي اذا انتي ما تعرفيني اني اعرفج وكلش ززين هم يا جميلة يا ام شبر وام شبير يا طليقه السيد بشير قيصر حفيد السيد احمد
وهم اعرفج يا بنت الي خذل العراق ووكف مع الاميركان وقت السقوط ..
اعرفج يالي نضلمتي من عبد الحسن وكل ساده احمد ضلمتج وعذبتج ..

- منين تعرفني وشنو انت حتى تعرف كل هذا عني ؟؟

- اعرف هذا عنج لان اني حالي حالج انضلمت وي هاي العائلة ونسلب حقي تخيلي اول ماعرفت الي مسوي بيج كلت بيني وبين نفسي ياا قصطير مالك غير جميلة الجميلات

جنت انا لوحدي اسد مجروح من السادة وهسه انتي لبؤة مجروحه من الساده نفسهم ..

- والمطلوب شنوو ؟؟

- مو يكولون عدو عدوي صديقي ؟؟

- ايي وشنو يعني ؟

- انا عدو عبد الحسن وعبد الحسن عدوج ف يعني اني صديقج .

- ..........................

- ايدج بايدي جميلة وخلينا نرجع كل حق اتاخذ مننا وراح لهذول العلويين ..

- انت من الطائفه السُنيه صح ؟

- شدخل ؟؟

- حسسيت هيج لان اطلقت على ذولة السادة لقب < العلويين >
وهذا الالقاب ما يستعملهن بس السُني ..

- مو مهم اني من يا طائفة بس المهم احنا نوصل للي نريده جميلة ...

تركت سائد ورحت كعدت كدامه وحطيت رجل على رجل
وابتسمت بوجه واردفت وياه ..

- تريد متي اصدك واثق بيك واساعدك مو ؟؟؟!

- بالضبط وراح اخذ حقج منهم ..

هزيت راسي ب لااا آنسى
ودكيت ادية على رجلية وكمت ونترت بوجهة ..

- تحلم احط ايدي بايدك اذا على حقي والضلم ف الله موجود ولا تنسى قول الامام علي 〔 علية افضل الصلاه والسلام 〕
【 اذا دعتك قدرتك لضلم الناس تذكر قدرة الله عليك 】

ف اني مأمنه وواثقه من قدرة الله لون جان عندي حق يمهم هو راح ياخذه الي ما بحاجة الك تفضل بدون مطررود ...

- اعرف بعدج تحبي السيد بشير بس اني لمصلحتج باعي راح احسب روحي ما سمعت شي منج وانتي ارتااحي واتنفسي ورجعيلي خبر

- لا تنتضر مَ راح تسمع مني شي ..

- لا راح انتضر هاي بطاقتي عليها رقمي وللمعلومة رقمي هذا باجر ينحذف استعجلي باتصالج عليه حت نتقف ونصير سوة

للمعلومة بدونك او ووياج اني ماخذ حقي من احفاد السيد احمد

- اطلع برة اططلععع

طلعته برة واول ما وصل للباب الشارع التفت الي وضحك بوجهي ضحكه شرشبيل ما ضاحك مثلها ..
واردف وياي ...

- اها صدك نسيت اكلج عود وصلي سلامي ل شبر وشبير م شاء الله عليهم ساحبين جمال ابوهم كلة وبوسيهم الي وكليلهم عمكم سائد جاي على بالة يضيفكم يمة فد يووم هيج ..
رقمي يمج واتصلي بوقت ما تردين تفكرين
مع السلامه يا جميلة الجميلات .....

تركني وطلع ........ بقيت صاافنه على الباب لككم اعدداء الساده وصل بيهم الوقت بنص بيتي ويهددوني باولادي !!!!!!

ياااعلي دخييلك هذا الجنت خايفه منه
اووف منك يا بشير شنو حصلت منك انيي من ذاك الوقت
من 17 سنه واني مماخذه منك ومن وراك
غير الخذلان والضيم والقهر والكسر والندامه وكلشي

شنو الي استفاديت منه من اهلك غير ضلمووني وقهروني ودمرو حياتي وهسه رجعو يزيدوها عليه اعدائهم تطافر بوجهي

على وجعه كلبي هااي تستاهلون الانتقام والثار

ايي وليش يعني اني مماخذه شي بعد من السادة لازم احمي اولادي ولازم ارجع حقي وادفعهم الثمن على كل دمعه وكعت مني وكل كسرة كسرونياها

وشنو بيها اذا حطيت ايدي بأيد قصطير اصلن
حلووو اللعب وي السادة ......

*****

- مَا عَادَ فِي القَلبِ إلَّا الحُزْنُ يَحْمِلُهُ
وَلَمْ يَعُدْ لِي سِوىٰ ذِكْرَىٰ مِنَ النَّدَمِ .

يَتبع .... .... ....

8138 كلمة

لتواصل o.oll13