احفاد السيد : الثار ( بأجزائها الإثنين ) الفصل الخامس وأربعون 45 - بقلم ​رُقَيَّةُ الْأَكْبَرُ

السلام عليكم ورحمة الله وبركاتـــة

وياكــم ببارت جديد

قبل لا تقرئون وحتى لا تنسون اضغطو على التصويت ومتابعــة للحساب oo_ll13
وتعليق ابين الفقرات لطفاً 💗✨

#الســـادة_الثـــآر_الشيــطــان

__ ثقل ميزانــك بذكــر الله

_ سبحان الله
_ الحــمد لله
_ لا اله الا الله
_ الله وأكـــبر
_ لا حول ولا قوة الا باالله
_ سُبحان الله العضيم
_ سُبحان الله وبحمدة
_ أستغفر الله واتوب اليه
_ اللهم صل على محمد وال محمد

━━━━━━━━━━━━━━━━━━━━

__ ‏قد تَحبِسُ العِينُ دَمعًا لا مِدادَ لَهُ
أَوَّاهُ مِن دَمعَةٍ فِي القلب مَجرَاهَا .

━━━━━━━━━━━━━━━━━━━━

【 مَــشهـِد مَـن بقـــاع الـأرض 】

""مَنـــسِــة ""

جنت كاعـدة بغرفـتــي وارتب بنفسي كدام المرايــة
دفــر الباب اخوي داسِـم ودخل عليـة !! سحبنـي من ايدي بدون ميردف بكلمــة .

واخذ يمشي بيـة يقطع بالثانيـة اربع خطوات حسيت رجليـة صارو خيوط صرت اشــوفــة متجــه بيــة لصوب التل .

وبعد ما طلعــنة من القريــة وصرنا بالتل شمرني وهدني من ايدة وكعت بالكاع وطلع من جيـبـة قرأنــي الصغير الجنت دوم اشيلـة بس صالي ايام مضيعتـة تفاجئت لمن شفــتـة بيدة

وبنفس الوقت هتفت وي نفسي بكلمات " رحتت بيها "

بقيــت اباوع عليــة وانا ساكتــة وبالكاع ما كمت ..
اردف وياي :

داسِـــم :: شبيــج صافـنة ومصدمـة ؟ مسويــة روحج ممصدكـة الجاي تشوفي ؟ جاي تسألين نفسج يا بنت أمي هذا شلون اجـة لأيدي صح ؟؟

جنت اعرف اخــوي داسم كلش زين راح يكتلنــي واصير انا قربـــانــة الجاي لهاذا حاولــت انكر معرفتــي بكــتاب القرآن ..

منـسة :: شنــو هاذا البيدك يا اخي ؟

داسِم _ بضحكـــة _ :: ترديــن تضحكــين عليـة وتقنعيني ان ماتعرفين هاذا شنوو ؟؟؟ خووووشش شوفييي ..
وهسسـة هم ماعرفتي هذا شنو ؟؟

شمر داسم القرآن من ايدة وطاح بالكاع على التراب وكام وسحگــة برجليـة ورفس القران وشمرة الـي برجلـة

شلتـة انا من الكاع وانا بداخلي ابچي وبودي الزم داسم واكطعـة على حرگـتـة هاي ..

بس مكدرت اسوي شـي رجعت ورجعت القرأن للگاع
ورفعــت راسـي الــة واردفت :

مَنسـة :: وهــم ماعرف هذا شنو بس امبين من خَطـِه والطريقـة مالتـة بالرسم امبين شي مقدس ماعرف ..

داسِم :: شي مقددسس كتيلي مقدسس

رجع داسم وداس القران برجلــة واني احس داس على كلبي .. غمضت عيونــي ومتحملت بعد لمن شفت داسم طلع جداحــة وراد يحرگ القران كلت لااا اله هااي
صحت بي بصوت وكتلــة

مَــنسة :: لاااا خللص ابوس ايدك لا تسوووي شي كافي سحگتــة برجلك هذا القران اليي انا مسلــمة ..

داسِم :: جنت شاك بيج وخليتــي مماس تصير مثلج منسة نسيتـي انا داسم النفس الي تتنفسوه يجينـي العلم بي وهسـة حضرتج جاي تتعبدين وتاخذين لروحج دين من راسج عبالج تكدرين لهاي الحرگــة ؟

_ هذا الدين مو من راسي هاذا دين الله سبحانة وتعالى مالك السموات والأرض وانت الي دينك من راسك ..

_ واناااا هذاا دينج ادوس عليـة برجلي انا الله ما معترف بي منو هذا وينــة ؟ هاااا كدرتي تشوفي ؟ كدرتي تحسين بي سمعتي صوتة لاااا ..

_ لان هو اكبر من هاي الامور عندة ملك السماوات والارض وبكيفة يحرك الافلاك واذا جان الله عز وجل يريد يمحي الارض يمحيها وذكر بالقران 【 واذا دكت الأرض دكا دكا 】حيرام الطريق الانت اختاريتــة خطأ وماكو منـة رجعـة الله يغفر كلشي الا ان تشرك بي ..

_ لا تصيحيني حيرام انااا داسسم .. وبعدين يا الله هذا الما يغفر وانا ضال على غفران الله مالتج
وهسة انا راح اوديج لهاذا الله الكسرتي كلمتي من وراه

_ حييرام والله حرام عليك الجاي تسوي بروحك وبهاي الناس كلها بذمتك لانها خايفـة منك انت جبير والله ميز الانسان عن الحيوان بالعقل استعمل عقلك وشوف الطريق الصح والله ان انا بكل صلاة جاي ادعي الله يهديك ..

_ لا تخافين انا مشغل عقلي زين ولهاذا مشيت وراه رب شفتـة وسمعتة وطلع كدامي وحجة وياي وانطاني أسم الله شنو مسوي الج ؟ ..

_ لأن هاذا ابليسس حيرام الطلع الك ابليس شيطان مو رب .. ماكو رب غير رب العالمين وانا هسة اثبتلك ان ابليس كاافر ونزل للأرض ليغوي عباد الله ويخليهم يشركون بالله ..

_ وشلون بلــة تثبتيلي ؟

كمت من الكاع ووكفت كدامة بكل ثقــة وبديت ارتل عليـة اية من القران وجنت ملاحضة شلون ملامح وجهة جانت تتغير وحيل حسيت الشيطان الي ابدالها جان يريد يطلع بدة يعرك و واتوتر وهو يسمعني ..

منــسة :: القران الكريم سورة البقرة ( 31 - 36 )
【 قالوا سبحانك لا علم لنا إلا ما علمتنا إنك أنت العليم الحكيم ✺ قال ياأدم أنبئهم بأسمائهم فلما أنبأهم بأسمائهم قال ألم أقل لكم إني أعلم غيب السماوات والأرض وأعلم ما تبدون وما كنتم تكتمون ✺ وإذا قلنا للملائكــة أسجدوا لأدم فسجدوا إلا ابليــس أبى وأستكبر وكان من الكافرين ✺ وقلنا ياأدم اسكن انت وزوجتك الجنة وكلا منها رغداً حيث شئتما ولا تقربا هذهِ الشجرة فتكونا من الضالمين ✺ فأزلهما الشيطان عنها فأخرجهما مما كانا فيهَ وقلنا اهبطوا بعضكم لبعض عدو و لكم في الأرض مستقر و متاع إلى حين 】

لمن خلصت من هاي الايات اردفت وياه
وكتــلة لمن هو جان يفتر بمكانــة ومنطيني السمع كلـة يسمعني بكل المعاني جان ويفكر بالي اكولـة واردفت

منــسة :: وهم اثبتلك ايــة الشرك الي انت تسوي من نفس السورة سورة البقرة ايـة ( 38 )
【 والذين كفروا وكذبوا بئاياتنا أولئك أصحاب النار هم فيها خلدون 】
. صدق الله العلي العظيم

رد علية لكن صوتة حييل اتغير وجنت واثقة الي رد علية مو اخوي حيـرام الي رد علية هو صدك الشيطان داسم

لان حرفياً الصوت الحجة بية وياي جان مزدوج ومخييف مرعب لابعد الحدود !!
واردف ويــاي ::

داسِم :: كااااافــي اسككتي كاافي تحجيــن كافي تمسلتين من كلام هذا الكتاب كلة جذب بجذب واحد سواه الكم وانتم صدكتوو وينة الله وين وجودة سمعيني صوتة

منسة :: ما اكدر ارد عليك اكثر من هيج بقت بكيفك

داسِم :: وشوفي انا سراح يسوي كيفي

اتقدم هنا داسِم وضربني راجدي رجعني للارض وكعت وسحبني من شعري وصار يمشـي بية نزل بية التل و راح صوب القرية بقى يسحل بية وملابسي اتشككت من احتكاك الارض .

محد ادخل ولا واحد حچة وياه لان كلها تخاف منة وصل بية وشمرني بالغرفـة ودخل بعد ما دكنـي كتل ورض اعضامي رض طلع وقفل الباب ومنع عني الاكل و الماي حتى اموت لوحدي ..

بعد ما راح و الناس التهت بروحها اجاني أخيل من الشباك يناديني بس انا جنت واكعة بالكاع الجانت متروسة من دمي حاولت ارفع راسي الة واشوفة بس ماكدرت حاولت ومكدرت ارفع راسي ..

التعب والوجــع اخذو حيلـي ااخخ ما رحمني وانا اختة وشنو ذنبـي لان عندي قرآن ؟؟

ياربي خلصني من هاي القريــة والبيها بأسرع وقت يا الله

استمر أخيل وهو ينادي بأسمي ويحاول يطمن علية بس مكدرت حتى ارد عليــة

واغمى علية من كد الضرب والوجع

【 بَـــــ غ ـــــِداد 】

"" علــي السجاد ""

ماعرفــنة شنو صار لو شلون صار كلشـي جان بلمح البصر واسرع من البرق والله العظيم

علي الهادي جان بالنص بينهم وطيبة جانت بضهر علي الباقر ..

ورفع اسلاحة علي الصادق ورمى لكن لمن راد يرمي سحب علي الهادي وشمرة على صفحة للكاع

وطيبات من شافت علي الصادق رفع اسلاحة سحبت ايد علي الباقر وخلتـة ينحنـي وطلعت الطلقــة .

وصارت بالضبط بالباب مال الشارع يعني لو طيبات ما ساحلـة علي الباقر جان الطلقة بالضبط بنص راسـة

جان كل واحد بينا مصدوم لشحن القوي الصار ..
وصلنا مرحلة نرفع اسلاح بوجه بعض ولاا نريد نقتل !!

هاي وصية جدي و تربيتــه هاذا كضى عمرة يعلمنة ويربينا ويفهمنا إلا المودة بالقربى هيج تاليها ؟؟

طلعت العلويـة وهي حاطة عبايتها و وكفت ورة الباب تصيح علينا و طلعت مخترعــة راح الها علي الهادي بعد ما كام من الارض وجان يعرج لقوة الدفعة وفوت العلوية جوة لداخل البيت وسد الباب حتـى قبل ما تشوف وجة علي الصادق ..

العلويــة :: شنو هاذا صوت الرمي يمةة علي السجاد علي الهادي علي الباقر وينكم ليش صار هدوء احد يرد علية ..

أشرت لعلي الهادي براسي وراح الها واردف ..

علـي الهادي :: هاي انا يميمتــي اجيتج

_ شنو صوت الرمي هاذ وينهم اخوانك البقية ؟

_ خلينا نفوت هياهم هسة يجون وراي

_ علي الهادي لا تجذب عليـة

_ شجذب عليج يمة وراسج اهااا وراسج هذول همة واكفين يم الزلمة زحمة صوتج طلع ليهم تعااي وياي

_ شنو صوت الرمي هاذا ؟؟

حسيت علي الهادي مراح يضبطها لان بعمرة ما جذب على امي ولا يعرف يجذب اتوجهت للباب ودخلت بس نصـي واردفت وياها :

علي السجاد :: يـمة فوتي جوة ماكو شي طلقة عالگة بأسلاح علي الباقر وراحت لسماء زلم منا فوتيي لجوة ..

هنا امي حطت ايدها على صدري وكــالت :

_ فدوة اروحلك مابية اخسر بعد واحد منكم جيب اخوك وفوت وراي ..

اخذت ايدها بستها واردفت وياها بعدها اخذها علي الهادي ودخلو جوة ..

علي السجاد :: ورب امير المؤمنين محد راح يگــدر يفرك بينج وبين السادة من ذريتج .. خلص فوتي جوة يقزح عيني دقائــق ونحن كاعدين يمج روحي ..

_ انتضركم يرويحتــي ..

راحت امي ودخلت وانا رجعت ووكفت يم علي الصادق الجان حاط راسة على ابدي السيارة وكأن جان يستوعب الي سواه

وعلي الباقر جان ينفظ التراب ويتأكد من طيبات ما صاير لها شيء ..

بعدها طيبات تركت علي الباقر وراحت لعلي الصادق حطت ايدها على متنة واردفت وياه :

طيبـة الزهراء :: انتَ بخــير طمنــي عنك !؟

رفع راسـة علي الصادق وهزة بمعنى كلمة ( لــأ )
ماعرف طيبات منين تعرفـة بس جان باين تعرفة لان اول ما بچى و كال الها لا بدون ما يردف حطت ايدها على خدة وحضنتة وهو كعد يكمل بچيتة على متنها ..

قريت معاني الغيرة على وجة علي الباقر رغــم حاول يخفيهن بس عليمن على اخوة .

ابتعدت طيبات عن علي الصادق واردفت وياه :

طيبـة الزهراء :: ليش هيج تسويي ليش تريد تضيع روحك لا تخلي الشيطان يتحكم بيك قوي صبرك وقوي روحك ..

علـي الصادق :: روحي فوتي جوة طيبة ..

_ صادق من اتصلت علية وانا ممرتاحتلك وكلبي جان قابضنـي الله يخليك لا تسوي هيج أهلك نحنا

_ طيبـــة اخر مرة اكلج روحيي فوتي جوة مراح يصير شي لاتخافين رووحيي

_ احلفلي ..

_ خللص طيبة

_ احلفلي وخليني افووت وانا مرتاحــة

_ وداعتج وداعت راس علي الكاظم مراح اسوي شي روححي فوتيي الجيران بدت تطلع امششي

_ تمام داخلة وراح اشوفكم من فوك الزم اعصابك

_ خلص فوتــي

تركتنا طيبـة الزهراء وفاتت جوة وحتـى ما باوعت لــ علي الباقر ولا شافـتة اتأذة لو لا

رحت يمة واخذت ايدة الجانت تنزف دم لان وكع على الكاع و علي الباقر ثكيل وكعتة صارت ثكيلة والكاع بيها تراب ناعم والتراب بي حصو متكسر ناعم صاير نفس الكزاز فَـ ايدة صارت تنزف دم ..

اخذت اردف وياه رد علية وحجـة وي علي الصادق بعد ما هدء الوضع وانا رحت اطمن على علي الصادق الجان واكف ويباوع النا بسكوت ..

علي السجاد :: ايدك بيها شي جاي تأذيك ؟

علي الباقر :: لا ماكو شي جروح ناعمة صارت يمكن من التراب خفيفاات.

_ متأكد خويــة ؟؟

_ ايي متأكد

اتوجهت لــ علي الصادق وحطيت ايدي على كتــفة واردفت :

علي السجاد :: وانتَ بيك شيء اتأذيت ؟

شال ايدة ووخر ايدي من كتفــة بطريقـة نتر و سولف ورد علية بزمجرة :

علي الصادق :: ابتعد علية ما محتاج خوفــك عليــة وهم مابية شي اذا انتم بعيدين عننا نحن عايشين بخير ومرتاحين

هنا رد علي الباقر بعصبية وصوت عالي

علي الباقر ;; خاب انجب ياهو متگــرب صوبكم إشو صااللكم اسنين لا سائلين ولا جايين هسة لمن ضاك بيكم الوقت اتذكرتو عدكم اهل ؟؟ ولمن ما استقبلوك الاهل صرت تصير بخير لمن نروح عنك موو ..

علي السجاد :: صووتتكك علي الباقر راح ننفضح الجيران منااا

علي الصادق ;: انا ما اجيت لان ضاگـت بية الدنيا
واصلاً مو الدنيا الي تفتر وتضيگ على السيد علي الصادق وأخوة بس اجيت لان اشتاقيت لأمي وشتاقيت لطفولتـي واعتقد ان نحن ما أذيـنـة احد هنا والي سويناه هو حقنا جان نريد نسافر وندرس بالخارج وكلكم هيج هاي انت اتخرجت بأمريكا و علي الهادي و علي الرضا راح يتخرجون من القاهرة و البشير قيصر اتخرج بِ بيروت والفاروق الاعظم اختار لندن وخليتو يسافر هناك ويكمل جامعتة جا ضلت علينة لمن ردنا نسافر صرنا مو زينين ونكسر كلمتكم ولازم تتبرون مننا !!
لهاذا مو من حقكم تتعاملون ويانــة بهاذا الاسلوب هذا حقنا ونحن سوينة الحق

علي السجاد :: علي الصادق لو جنتم تردون نبس تدرسون وترجعون جان ما اعترضنا بس لا تنسون انتم اولاً شلون طلبتم تسافرون ثانياً جانت غايتكم مو سفر داسة جان غرض سفركم الاستقرار هناك وانتم تعرفون هلشي مو بقاموس ابوي يقبل يكللكم سافرو ونسة وابقو اشهر بس ترجعون سافرو لإي مكان والمصروف علية اذا غرض دراسة وانا بظهركم بس تستقرون هنا لا يصير غير حجي

علي الصادق :: المهم هسـة صار الي صار واتبرو منّا ولا تحجون ويانة بس لا تأذونــة خليــنا نعيش حياتنا كافي

علي الباقر :: واهو منو يمكم منو مأذيكم ؟؟

_ ابوكــم عبد الحسن تسوّن نفسكم ما تعرفون تردون تقنعوني ماتعرفون وما حاطيّن ايدكم بيدة :

علي السجاد :: ليش ابوي شايفكم شنو مسوي وياكم ؟؟

علي الباقر :: دام ابوي يعرف انتم هنا ليش ما نطانى خبر بهل شي ؟؟

_ ما تعرفون ؟

علي السجاد :: وراس امي ما نعرف شي

_ علي الكاظم طلع لــ عبد الحسن بالموكب وحچة وياة وعصب علية والكاظم كام يجر طول و عبد الحسن يجر عرض وصار خلاف ابيناتهم بس الكاظم غلط هواي وي عبد الحسن لهاذا لمن رجع للبيت اليوم الصبح عصبت علية وصرت اصيح و ارزلة وسمعنا الباب اندك رحت فتحتة ولنها لشرطة كدامي طلبت علي الكاظم واخذتة ولمن رحت وراه يكلولي عليـة قضية شروع بالقتل لان اتعرض بالضرب على واحد واني احلفلكم وحگ اتراب كربلاء ما لازمين احد ولا متعرضين لاحد السالفة كلها فبركــة افتركوها علينة وانا واثق ومتأكد عبد الحسن وراها

علي الباقر :: وشنو اليخليك تحس هيج !؟

_ لان اعرف عبد الحسن شكد حاقد ومستحيل ينسى شي وهوة ورة الصار ب علي الكاظم

علي السجاد :: انا وياك ابوي ينتقم ما يسكت بس مستحيل يسوي هيج مهما يكون تبقون انتم اولادة والاضفر ما يتبرى من اللحم ..

_ بِ شنوو تردون احلفلكم هو وراها وهاي اسألوا وشوف شنو جوابة .

علي الباقر :: خلـص روح هسـة منا من يجي ابوي نتفاهم وياه ما موجود بالبيت طلع هَــو ..

_ اخوي بس هاي الليلة راح ينام بالتوقف والخلقني اذا باجر بقى لأدمي بغداد كلها

اردف ويانـة هاي الكلماات وركب سيارتة وراح اخذت اصرف نضر لــ علي الباقر واردفت وياه

علي السجاد :: تتخيل ابوي ممكن يسويها ؟

علي الباقر :: عبد الحسن هذا ما استبعد منة مثل هيج شيي

_ وصلت بي مرحلة يأذي ابنة !!!!!

_ واذا انت هسة تحجي وياه بخصوص علي الكاظم و علي الصادق راح يأذيك حتـى انت ..

_ چا شلون نضل هيج ؟؟

_ انا راح احل موضوع علي الكاظم والعليك انت تخلي ابوي مايعرف ان نحن عرفنا بأن هو شاف علي الكاظم ولا يعرف ان علي الصادق أجة لهنا ..

_ تمام ان شاءالله

_ تعال نفوت هسة

دخلنا لــجوة واتلكتنا امي حضنت علي الباقر وليــنا حضنتنـي لان جانو حيل خايفين عليـنة ولمن كعدنا ورتاحيـنة وطيبات جانت فوك صاعدة اريج جابت الماي الي وجابت ضماد لأيد علي الباقر ..
واردفت امي ويانــة ..

العلويـة :: منو هاذا ابن الحررام الميخااف من الله اليسوي هيج بيكم ادري شني ماخذين منطين نحن

علي الباقر :: عابرة ..

العلوية :: شني العابرة ابا الحسن شني العابرة لو بلة الله ما مسلمكم ورايح واحد منكم لو سامح الله

علي السجاد :: ماكو داعي للخوف هسـة هاي نحن يمــج وهاي ههية

العلويـة :: شنو الهاي هي سيد شني انا لگيتكم مطشرين بالكاع واخذتكم لو لگيتكم مزروعين عَ شجرة وما تعبت بيكم حتى ماكو داعي لخوفي عليكم

أم البنين :: قصدهم الله سلمهم هاي المرة وهاذا اشتكو علية هاذا تهجم ترى واقسم علية ان حتى هذا اسلاحة ممرخص ..

علي الباقر ;; يااابــة الطلقـة من اسلاحي جانت عالكة واني طلعتة حتى اخوفـة وطلعت الطلقـة زين ما انا ابتليت وكتلتة مالة غررض الرجال ..

العلوية ;; يعنـي مو هو الي رمى عليكم ؟

علي الهادي :: يمة شني الدنيا هيتة يرمي علينا اباب بيتنا

علي السجاد :: ههههه انا ادري هاذا الا بايع روحة

العلويـة :: اششووة عبالي هو رمى عليكم اخترعت والله ماحسيت على روحي شلون طلعت إم البنين الركضت وراي وحطت عباتي على راسي ..

اريج الله ;; والله لو السيد هناا وعرف بيج هيج سويتي جان علمج شنو اخترعتي ..

_ هي هاي الناقصني يعصب عليـة بموضوع يخص اولادي ..

علي الباقر :: خلص سدو الموضوع ولا تجيبون طاارري مالنا خلك السيد ما لازم يعرف .

العلوية ;; ان شاءالله.

علي الهادي :: اكيد تكولين ان شاءالله. هو لو درة بيج طالعة مفرعـة جان طلكج ههههههه

العلويــة :: دمك خفيف ترى انا ما اخاف من ابوكم انا احترمة واحترم كلمتـة لا عبالكم من تكولون هيج يعني انا خايفة لو شي

إم البنين :: يعنـي انت ما تخافين من خالي ؟

العلويـة :: هووة يخاف مني اصلاً

علي الرضا :: صدك يمــة ؟

_ ايي جا شعبالكم بس النسوايين تخوف ارجولتها انا هم السيد يخاف مني ويخاف من خزرتي بس اني اخاف علية لا يصير بية شي من الخوف علمود هيج احترمة شيكلي اكلة تمام وصار ..

علي الرضا :: اهاا حللوو لازم نتأكد

_ تتاكد من شنو ولك ؟

علي الباقر :: نتأكد من قصـة ابوي يخاف منج ..

_ و شلون تردون تتاكدون ؟

علي السجاد :; سهلــة هسة علي الرضا يتصل عليــة ونسألـة وانت هم عيدي الكلام هذا حتَ يسمعـة ونشوف شيكول ..

هنا العلوية اتلفلفت بعباتها وحطت جزء منها على حلكها واردفت ويانة ..

العلويــة :: يمــة اسم الله تردون تهججوني من البيت بنص هاذا لليل ؟

ليــنا :: ليش نهجج مو عمي يخاف منج يعني مراح يحجي وياج ..

_ يااا اسكتوو استرو عليينا وعلي يهججنا من البيت احنا واجوألاتـنـة بهاي الساعة وقبلها يفتتني تفتت بعصبيتة
خلوو الله هادي عليــة هلأياام

علي الباقر _ بضحكة _ :: شو بسرعـة اتغير الحوار مساع تكولين يخاف وهيج ههاهااي ..

_ محد يتشاقة وياكم انتم ؟

علي السجاد :: يعنـي جنتِ تشاقيين ؟

_ جا شني صدكتو انا وينـي وين اكدر لأ عبد الحسن

علي الباقر ;; هههههه انت حدج تكدرين على نملة

_ يا يمـة انا حتى هاي ينكسر كلبي عليها شذنبها ادوس عليها ..

علي السجاد :; يلا انا اترخصكم وتضل يمكم العافيـة والكعدة وياكـم حلوة بس انا ححيل تعبت و صاعد انام ..

ليــنا :: صاعدة اجهز الغرفــة

لمن انداريت ليــنا تريد تصعد للفوك صاح بيها علي الباقر واردف ..

علي الباقر :: اكول ليــنا

لينا ;; هلا گــول سيد ..

_ الصار هســة ابوي مالازم يعــرف بي خووش !!

_ تمام سيد اكيد مراح احجي شي اذا انتم ما ردتو تحجون ..

_ حبيت اذكرج انبهج يعني

_ صاعد انا ..

صعدت ليــنـا واني استغربت لتصرف علي الباقر اعرف ان هو ميحبها بس ميصير هيج يتصرف وياها خلص خلي يتقبل فكرة ان هيـة خلص مرتي وام اولادي ..

ما حجيـت شي وياهم صعدت لفوك ولكيت ليـنا غيرت الفرش تبــع الجربايـة
ومبيــنة زعلانـة او ماخذة بخاطرها من طريقـة كلام علي الباقر اخذت بأيدها واردفت وياها ..

علـي السجاد :: جا وين الاطفال ليش ما جبتيـهم ؟

ليـنا :: العلويـة طلبت ينامون عدها ..

_ اهاا تمام

_ سجاد

_ قزح عيــونـة

_ لشوكــت اخيك راح يبقى يعاملني هيج مو كاافي .

_ علي الباقر هيج جاف بطبعـة لا تلـومي وانسي شيحجي وياج انسي هسة انا اخــوة الچبير وهم يطفر ابوجهي بالحجي واني محتوي لان اعرف طبعـة واعرف اسلوبة مو بيدة هلشي ..

_ الله يصبــرنـي عليـه بس

_ باجر يتزوج ويهيد ..

_ ان شاءالله.

_ بعدج زعلانـة يقزح عيــني ؟

_ بصوتــك ارضى

_ هههههه فدوة الج صوتي وابو صوتي

_ غدير شلون صارت ؟

_ بعدهي على الله

_ عرفت شلون هيج صار وياها ؟

_ لاا بس جاي نراجع صناعــة الخنجر الي لكيناه

_ اهاا و وين وصلــتو ؟

_ طلــع الصناعة سوريــا وجاي نتواصل وي جماعـة هناك نعرفهم بس بعدنا ما واصليين

_ اها واذا وصلتـو تعرفون المن هاذا الخنجر ؟

_ الخنجر امبين تصميم خاص ف نعرفـة المن هذا المصنع جاي يسوي هذا التصميم لان نفسة لكيناه على چثــة رجال بأرضنا

_ اهاا

_ شبيج وجهج صار اصفر ؟

_ تعبانــة حيل واريد احضن المخدة وانام وان شاءالله توصلون لهذا الرجال و غدير الله تصير بخير

_ الله يسمع منج . تعاي نامي وارتاحي

_ اغير ملابسي ..

راحت ليــنا تغير ملابسـها واني اتمددت على الفراش وحطيت ايدي على وجهي وجنت حيل دايخ وافكر بأخواني علي الصادق و علي الكاظم شنو جاي يصير بيهم ؟ شلون عايشين ليش ابوي هيج قسى عليهم وجار عليهم بس الله يهدي سرهم

""" علــي البــاقــر """

عفــت الجلسـة وصعدت لفوك ردت اروح لغرفتـي

بس مريت على غرفـة طيبــة الزهراء لان اكو مليون سؤال براسي ومحد يجاوبني غيرها

دخلـت بدون ما اسأذن اصلاً لكيتها كاعدة تقرأ احياء الثالث متوسط من هسة جاي تدرس الـة

ضلت تباوع الي وانا رحت سديت الكتاب الكدامها و كعدت على الجربـايـة وبقيت اباوع عليها وانا ساكت

سبقتنـي واردفت وياي وهي تلعب بالقلــم وكالــت :

طيبــة الزهراء :: ليـش تعاملـت وي اخوك بهاي القسوة ؟

ما اكترثت لسؤالها واردفت بطريــقة حادة شوي

_ انتِ من وين تعرفين علي الصادق ؟؟ وشنو تذكرين منـة اذا هو من تركنا جان عمرج اربـع سنوات

بعد ما سمعت سؤالي دنگــت تلعـب بالكتـاب واخذت الحيز الكـــامل لجـواب وهي ثواني رجعت نضرت الـي واردفــت وياي :

طيبــة الزهراء :: سبــق واتعرفـت على علي الصادق او ما أجى للعراق وقبل لا أي احد يعرف بي هنا انا التقيت وياه وصرنــا نلتقي كل يوم بليل بالخرابـة الخلف البيت

_ يعنـي ذاك اليوم لمن لزمج المعتز باالله انتِ جنتِ طالعـة تشوفينـة بهاذا الــوقــت ؟؟؟

_ اييي جنت وياه ومتاخرت انا رحت له بوقت متأخـر لان طلبنـي ف انغدرت لــمـن شفت المعتز باالله كدامي

بقيـت صافن شرد عليها شأكول الها كلـبـي حسيت نار الغــيررة اشتعلــت بي

جانت تلتقي بي لذالـك هي خافت عليـه مساع وما اهتمت حتى لجرح ايدي وركضت الة تشوف شبـي ما بي

هيج تاليـــتـنا يا طيباات ؟؟؟

اخذت نفـس وهدئت من نفـسي واردفت وياها بسؤال استفزازي يمكن ههيج ..

_ طيبـة صايرة بيناتــكم علاقـة ؟

ضحكــت وحطت ايدها على الكتاب بعد ما جانت تلعب بي ورفعت الي حاجبـها واردفت ويــاي بطريقــة حيل مستفزة لانها ضاجــت من سؤالــي لذالك ردتـة الي بالجواب مالتها

طيبــة الزهراء :: وشنو يخـصـك اذا جنت على علاقـة وياه او لا ابن عمي وأولى بيـة ولا تحطــنـا ببالك هواي لاتنسَى وراك زوجتــك و ابنــك فكـر بيهم وطلع طيبات من مخك خلص

_ بنتــر _ يااا زوجتــي هاي شمالج انتِ اخذتي اطراف السالفـة وفهمتيها على مزاجج لو جنت مزوجها لان اريدها تصير مرتي او اريدها واحبها جان اخذتها بالعلن وعلى اخشوم الگــل

_ جا ليش متزوجــها بالسسر وعندك طفل منهاا ؟؟ اشجااي تلعب انت اشجااي اتسوي بحياتك ؟

_ الطفل مو ابنـــي شمالج يمصگوعــة ابنها من زوجهاا الاول وانا متزوجها بالسر ترى بس علمود احلل دخلتي عليهم للبيت لان لازم امر اشوف شيحتاجون ما يحتاجون ومرات علمود مجد ابقى ساعات طويلـة هناك علمود هيج وابتعد عـن الحرام اتزوجتها وهاي راح ننفصل لان اخوها راح يطلع باجر محاكــمتـة وهاي ههي سوينـة كل الدلائل لبرائتــة والمحكمـة مضمونـة ان شاءالله

بقــت صافـنة علية وعيونها مليـانـة ادموع غمضت وطاحت الدمعـة من ارموشها

متحملت اشوفها تبجـي رحت لي يمها وقبلتها براسها ومسحت ادموعها

وهــي دفعتنـي واردفت وياي بصوت يتباگى

طيبــة الزهراء :: راح اعيد سؤالك عليـك واريدك تجاوبنـي صارت علاقــة بينك وبينها ؟

_ حُب ؟

_ حب علاقـة كَـ زواجين أي شيي صاااررر ؟؟

_ حب مصارت بيناتــنا لان نحن الاثنين نعرف مصيرنا شنو فَ كلـبـي ما انفتح الها ابداً

_ وعلاقـة كَـ زوجيــن ؟ علـى مبدأ انت زوجها وحليلها .

_ صاللــنا ثـلاث اسنين متزوجين انا وهي وصارت ابيناتنا علاقـة مــرة وحدة بسس ليلـة وحدة

بقــت تباوع عليه وادموعها صارت تنزل بحرارة واسرع من قبــل واردفت وياي بقــوة

طيبـة الزهراء :: شلــون سويت وياها علاقـة وانت متزوجها علمود غاية وتعرف نفسك راح تطلكها ؟

_ .......................................

_ جاوبنــي علي البــاقر طفــي النار البكـلبي وجاوبنـي گــلي ما سويت وياها شيي گلـي انا نفسيي علي الباقر التفكرين بي هاااا الله يخليــك سوهاا علي الباقر احجي وياي اضحك على عقلـي لا تضل هيج ساكــت علي الباقــر تري انا طيبــات انا طيباتــك متريد تجاوب على طيباتك ؟

حطيت ايدي علـى كتفها واردفت ويــاها

_ ماريد اجذب عليـج بدايـة زواجنا تذكرين لمن ماتـو جماعتي كلهـم بحادث وانا اختفيــت لان جنت حيل مكسور عليـهم ؟

_ اييي اتذكر قبل سنتين وصارت بيك حالـة من گــأبة هم من بعد موتهــم

_ اي عفيـة بذاك انـا جنت يمها وجنت حيل مكسور وابجي وهي هدئت بيـة على أبو هي مرتي و صصارت ذيج الليلة بس وعيونج ما اتقربت منها ولا طخيتها بعد الصار لان اصلاً انا مجنت متقبل الصار بس مادري شلون هيج بحالـة غفلـة منـي لان مجنت صاحي لوقتـي جان بالـي وين رايح ..

_ يعـنـي هي استغلت هاي حالتك لو ؟

_ لاااا البنت وينها وين هلسوالف بس جانت تريد تهدينـي وخلص انسي هـسة سالفـة صاللها ثلاث سنوات وجاوبيــنـي على سؤالي صار دورج لا تتهربين ..

_ يا سؤال ؟

_ شنو بينج وبين علي الصادق ؟

_ ترى ما ابيناتنا شي لا تفكر بس اتواصل وياه لان يطلب مني اخباركم وهم لمن رحت له البارحـة انطاني هذا الــحرز وطلب مني انطي الكم خاطر تربطو على عضد غدير االله الايمن ..

_ اهاااا ..

_ روح يلا اريد انام

_ زعلانــة ؟

_ شدكول انت يحقلي ازعل لو لا

_ لا ميحق الج واصلاً من الأساس على شنو حضرة جنابـج تزعليـن ؟

_ تمام هيج فَ انا مو زعلانـة لايضل براسك ..

_ خوشش

_ يلا روح وخلينــي انــام باجر ورانـة هواي شغل ..

_ تمام تصبحين علـى خير

_ تصبح على ولايـة المهدي ツ

انداريت اريد اطلع اتذكرت شي يخصنـي عدها انداريت الها واردفت وياها ومديت ايدي

_ صدك طيبات

_ هلا

_ الصورة مال غرفـتي وينها ؟؟

_ حطيتها بالدولاب تريدها ؟

_ اي انطينياهاا مالتـي اككيد اريدها

_ ثــوانـي اجيبها ..

راحت واني بقيت منتضر طلعتها واجت لكدامي وانطتنــي ياها واردفت ويـاي :

_ شكرراً

_ علـي الباقر

_ نحــرة ..

_ ليش حاط صورتـي بغرفتـك

صفنت على الصورة ورجعت اردفت وياها

_ تري صورتييي وانت لازككــة بروحج. وياي

_ يحح تحط الصوج بيــة ؟؟؟ منو الجان لازك بيية واني طفلــة و اربعـة وعشرين ساعة يطكطك صور وياي وشامرني بحضنة هاااا

_ ههههه تعرفين ليش ؟

_ ليش بلـة ؟؟

_ لان جنتِ انت وما زلتــي احلا طفلــة شافتها عيني

_ يعـني انا هسة طفلــة بنضــرك ؟

_ بنتر _ طيبااااتت اكييد بعدج طفلـة ترى كلج على بعضج هسة عمرج اربع عشر لو خمس عشر لا تكبرين بروحج

_ دا احجي ويـاك طبيعي شبيك نترت بوجهــي ؟

_ لان ماحب هلسوالف عيشي عمرج بكل تفاصليــة لا تكعدين تكبرين روحج لاحگــة على كلشي

_ زييــن انا سألتك عاددي انت تشوفني طفلــة ؟

_ اييي وراح ابقى اشوفج طفلــة حتى لو صرتي مرة عمرج مليون سنـة وصار عندك مليون طفل والف حفيد
راح ابقـى نفس تصرفاتي وياك وما اتغير ابد

_ هههههههه

_ شبيج تضحكين ؟؟

_ اضحك على تخيلك الله اعيش مليون سنـة واجيب مليون طفل ! حتـى لو جنت مكينـة هم ما الحگ

_ اذا تزوجــتي رجال يحـب الأطــفال اكيد راح تصيرين مگيــنة ..

_ ويا ترى منـو راح يكون ابــو الاطفــال هذول كلهم ؟

باوعــت بعيونها وحطيت أيـدي علي خدها واردفت وياها

_ راح يكـون ابوهم السيد علي الباقر شي اكيد اكو غيري يعنـي

_ ههههه ابد والله

_ عبالــي اكــو غيري ..

نزلت ايدها ولزمــت ايدي واردفت وياي بصوت هادئ

_ شوكت ؟ شوكت اصير مرتك و يمك دوم

_ جا انت هسة مو يمي ؟

_ صح يمــك بس بعيدة عليك علي الباقر فرق بين ما نكون هيج وبين ما اكون زوجتك ورچلي على رچلك

_ ان شاءالله ما ضل شي انت هم شدي حيلج واكبري كاافي صالـي اسنين منتضرج وانت مراضية تكبرين

_ هههه شبيدي انا

_ كليلي وين لاگيــة واحد يعشكــج وانتِ عمرج 5 سنوات ولااا من عقلي حلفت واقسمت ما اخذ غيرج
ولا اخلي وحدة تصير ام السادة من ولدي غيرج .

_ والله لو افر الدنيا ثلاث مرات هم مراح الكـي واحد يوصل أضفرك ..

_ تحبــينــي ؟

_ والله يا سيد العلوية طيبات كلها الك

_ يابـعــد نحـري و صمـامي الرئوي حيـــل احبـــچ طيبة الزهراء والله حيل احبــچ اموت بيـچ

_ اعرف تحبني صح يمكن السانك توه لفضها بس كلبــك و عيونــك و خوفـك و غيرتك و كلشي بيك كايلها الي من زمان

_ جنـتِ تعرفـين يعني ..؟

_ نوعاً ماا جنت منتضرتك تكولها خاطر اتاكد

_ ليش حضنتـي علي الصادق كدامي ؟

_ لأن جنت حيل مقهورة منك من موضوع زواجك وطلعت السالفـة احل شي الي اشعل غيرتـك

_ طيباااات خليـــنـي اكلج شي دام هسة كلشي اتوضح كدامج وعرفتي انا شنو اريدج وشنو افكر بيج انا باني مستقبلي كلة وياج وانت اختبريني بكلشي بس لا توصلين لغيرتي .. لان والله ثم والله ما اضمن الج ولا راح تتخيلين شنو راح اسوي لمن اغااار خوووش

_ هاي ههي ميصير خاطرك الا طيب صدك شلونها ايدك ؟

_ لا والله توج اتذكرتي مشكورة والله

_ لا صدك علي الباقر شلونها ترى بالي يمك

_ لا يضل بالج مابيها شي خدوش مو جروح بسيطــة

_ متــأكد يروحــي ؟

_ بلـة لو مجنت متأكد شراح تسوين الي هاا شنو راح تساعديني لا تسوين روحج دكتورة براسي

_ تدري هو مو صوچـك صوچ التسوي روحها خايفـة عليك

_ تسوين روحچ هااا يعني انت ما خايفـة صدك

_ ترى خايفــة عليـك شبيك

_ عود خوش يلا نامــي هسة اتأخر الوقت تصبحين على خير ينـــحري

_ تمام وانتَ من اهلـة يبعد طولي الشبر

عفــت طيبات ورحت لغرفــتي وانا احس فراشااات فراشاات بداخلي اططير شنووو صاار قبل شووي ؟؟

صدك انا سويتها وحجيت لطيباتيي واعترفت الها اووف واخييرراا ياالله يسر النا بجاه حبيبك المصطفى

ممصدك لحگـت عليها وطلعـت هي هم تحبني ايي واكيد تحبـنـي حاصل الها واحد مثلـي ؟؟ هههه

اروح الها فدوة فتحت كلبي وسكـنت بي عايش انا هسة ومتاني الوعد يتنفذ وطيبات تنزف الي بالابيض

حطيت راسي على المخدة واتناسيت طيبات شوي

باجر عندي هواي شغل لازم اشوف وَهج الطف وانقذها من الي اهي بي

ولازم احضر المحكمة حـك امرين واشوف الحكم

ولازم اروح واشوف شنو موضوع علي الكاظم واذا كدرت اطلعـة من مصيبتــة لازم انام يعـنـي

〔 يارب يا مسهل الصعاب سهل عليـنا انت تجعل الحزن اذا شئت سهلاً اجعل التوفـيـق رفيـق دربي ووفقنـي لما تحب وترضـى يا ارحم الراحمين 〕

غمضــت عيونــي ويمكن بذاك اليــوم اتاخرت بالنومـة بسبب هرمون السعــادة الجان صاعد عندي والسبب طبطباااتي

━━━━━━━━━━━━━━━━━━━

خــلـص يــوم ثانـي من حياة احفاد السيــد
وصارت الســاعـة 9 الصبح بعد ما خلص الليل الهادئ بدة يوم جديد وهو يوم التاسـع من محرم

يــوم واحد يفصلــنـا عن العاشــر وشــنو يحمل النا بعد هاذا اليوم من مصايب

━━━━━━━━━━━━━━━━━━━

"" حامِد المتقين ""

لبست القميص مالتـي واخذت كل التسجلات و الاعترافاات وانطلقت متوجـه للمحكمة لكيت كدامي انمار و علي الباقر و صيوان و اصفاد الحق بأنتضاري

وكفت يمهم متوتر بعض الشيء بس جان شعور عادي هواي قضايـة صعبة اترافعت عنها وجنت احس بهاذا الشعور

ربت صيوان على كتفـي واردف وياي بكلـمة
( خليك هادئ )
ابتسمت بوجـهة ودخلـنا للمحكمة لكينـا القاضي موجود والنائب وامرين مخرجيـنة وجان هناك

كعد علي الباقر و صيوان وراي بس جنت بين لحضة و لحضة التفت الهم التقط شوي من قوتي منهم وارجع اكمل كلامي لان جنت اكون بالجلسة هاي باحسن ما يكون واني كل العندي

وبدت الجلســة بضربــة القاضـــي ..

زفرت نفســي وصلـيـت على النبــي وكلـبت بالاوراق الكدامـي

وبديت احجي وي القاضي و النائب يسالني واجاوب وقدمت الادلــة للقضاة

و قدمت الهم انمار ك شاهد و اصفاد الحق كذالك ك شاهد وكدرنا نحصل على زوجـة سراج كذالك حضرت وشهدت جزاها الله خير الجزاء

وما اريد ادخلكم بهوسة الجلسة والصار وهاذا يوكف مع وهاذا يعارض وهاذا يكذبنــي وذاك يصيــح انتم قتلتو سراج وووووو... الى ما لا نهاية من كلام الناس

انتهـــت المحكمــة مثل ما ابتدت وجان قرار القاضـي ..

〖 تتـأجل جلسـة النطــق بالحــكم الـى ما بعد العاشر من محرم المصادف يوم 31 من هاذا الشهر الى ذاك الوقت سوف يبقى لهيب عباس بالسجن في انتضار الحكم _ رُفعـت الجلسة _ 〗

طلعـنا مم المحكمة وهم اخذو لهيب كدامنا لسيارة الشرطة وطلعو بي و صيوان راح قبلنا لان يريد يطلع للعــمارة وراح وياة اصفاد الحق يذبـة بطريقـة

بقيـت واكف يم علي الباقر و انمار واردفت وياهم

_ منا لبعد باجـر ان شاءالله خير

أنمـار :: اتوقـع الحكم برائـة تحسون هيج

علي الباقر :: انــا هم حيل متفائــل احسة برائـة الحكم

_ ماعندة غير قرار انطيتـة كلشي
صار كلشي واضح ومكشوف كدامـة الا اذا اللهم القاضي فاسد بعد شنو بيدنا نحن واذا طلع خير لا والله بدون تفكيرر يصيح افراج ويبرئ أسم لهيب بسجلات الشرطة .

علي الباقر :: ان شاءالله شيجيب بعد باجر يا الله

انمار :: راح يجي الوقت يركض ركض وداعتك

_ يلا انا رايـح للبيت اريح شوي رچليـة صارن خيوط من الوكفة

علي الباقر :; الله يساعدك روح وارتــاح

تركتهم ورحت صعدت السيارة وتوجهت للبيت اخذت علاجـي و رجعت طلعت دشداشتي السودة ومشيت لأمي جانت كاعدة بالهول كدام التلفزيون و المصطفى القاسم جان حاط راسة على رچلها

اردفت وياها واني رافع الدشداشة بيدي

حامِد المتقين :: يمااااهه يماااهه

فاطمة الزهراء :: وصمةةة ترى انا مو بعطارط هياتني يمك صوتك زرف طبل أذني ..

_ علمود تسمعيني عدل

_ خخيرر شكوو جايني انت ودشداشتك جنك واحد مگدي شتريد ؟؟

_ انا اوليدج بكرچ صرت هسة مگـــدي !!! رحم الله والديج يمة

المطفى القاسم ;: هههه لا تزعل انا هم قبل شوي سوتني متشرد وهسة انت مگـدي شوف المرتضى شراح تسمي

_ نعتذررر يمة جرحنا مشاعركم الحساسة احح يلا يوليدي احجييي شنوو بيك شتريد يبعد اميمتك
هااا هيج تردون اعاملكم يولد حُسين كاظم ؟؟

_ ترى ولدچ احنااا

_ ابني حبلت بيك تسع شهور وجبتك وما قصرت وياك رضعتك لمن زوعتـة
وكبرت ودخلتك مدرسة وانطيتك احسن تعليم وسويت منك زلمة براسة خير شترريد مننيي بعدد ؟؟؟ خيييررر هاي هي خلصناا عزلنا لا تلزكون بية روحو شوفو حياتكم انسوني شووي خلوني ارتاح

_ صدك هسة انت هيج تحجيو شخليتي للغريبــة

_ خلي تجي الغريبه وينهااا خليها تبقى يمكم بس يومين شعرها الاسود يصير ابيض على طولة ولكم شيبتوني شليتو حالي مابية اكعد دقيقة مرتاحة الا وطفر واحد منكم اللييي كافي شنهي ولية صرت امكم

_ انااا ادريي بيجج فطيمةة حافضج بصم انت من شفتي الدشداشة بيدي سويتي هاي المسرحية وعود تعبتي من عدنا و انت هسة معصبة علمود ما اكلج كومي اكويها الي

_ وشنهي ولك خدامة الك ولأبوك اناا ؟؟ لو خايفة منك سويت هاي المسرحية اكوم احطها بحلگـك هاي دشداشتك

_ كومـي أگويها يلا اريد اطلع للموكب ليلة العاشر اليوم يلا يمة

_ مابية حيل اكويها انت شناقصك ايد رجل

_ يمةةة ترديني أگوي دشداشة منين اعررف !!

_ جا شعلية انا يا دوب شايلة روحي تريد جيبلك مرة هي تنضفلك و تكنس الك و تكوويي

_ ها ترديني هسة اطلع بالشارع واجيب مرة يمة احجي بعقلانيـة كتلج اريد اطلع للموكب

_ واني كتلك تعبانة ما تفهم يا بشر ؟؟

المصطفى القاسم :: انطيني الدشداشة انا اكويها الك بس فض هاذا النزاع ..

_ تعرف تكويها ؟؟

المصطفى القاسم :: هههه جا شسالفة هي مكوة وامشي على القماش ترى هناك بالجبهة كلها نحن نسوي نغسل ملابسنة و ماكو كوي لازم وهن متبللات ننفضهن عدل ونحطهن على الحبل الشمس تكويهن ..

_ خوش هاك سويها بس لا تحرك القماش لان حيل خفيفة

المصطفى القاسم :: صار يخويـة

_ راح انام ساعتين وكعدني علمود اروح واذا خلصت من البيدك علكها الي على الشماعة

_ تمام روح نام وارتاح يبعد اخوك

_ خوشش

تركتهم وصعدت لغرفتي لفيت راسي ونمت لان العلاج الأستخدمة قوي حيل ومرات يأذي راسي ف دخت ونمت .

"" علــي الباقــر ""

طلعنا من المحكمة وتركنا حامد المتقين وراح وبقيت انا و انمار اجة وصعد وياي بنفس السيارة

لان هو اجة وي اصفاد مو بسيارتة ف رجع وياي لان نحن نفس الوجهة نريد نروح للمستشفى

ونحن بالسيـارة ::

علـي الباقر :: أكـول انمار

_ كول عينـي

_ شنو علاقـتك بهاي القصة شلون هيج طلعت فجأة وحجيت لحامِد وغيرت مجرى القضية 180 درجة لولاك جا نحن ويين هسة ..

_ انا اعتذر لان سكتت هاذا الوقت المضى لو مستعد روحي وجاي وحاجي وي الأخ حامد جان اختصرت هواي من المحاكم الي راحت والجلسات الي اتأجلت ..

_ الك أيد بالقضية ؟

_ لو أالي ايد جان انذكر اسمي او على الاقل حسيتو بشي علية

_ لا غلطــان هـواي وي سراج وهاي مكدرنـا لا نـوصل الهم ولا نعرف اسماءهم

_ هسة انتم همكم لهيب يطلع وهاي سراج كتل روحة حتى يسد هاي القضية وراح يطلع لهيب ان شاءالله

_ ههههه والله انت غشيم حيل ترى سراج لمن انتحر مو لان هو خايف على سمعتة حبيبي سراج انتحر لان ميريد يحجي شي ولان يدري بسوالف التحقيق يشگون حلكة علمود هيج كتل نفسـة لمن شاف خلص انكشف وراح ينحال لتحقيق خلص روحة بموتــة .

_ مادري بعد هو بشنو يفكر ..

_ أنمــار انت مو شخص عادي انت زوج اختـي صارحنـي احجيلي متورط بشي وياهم ؟

_ شسالفـه علي الباقر ويني وينهم كلت لحامد انا صح جنت ببعض الايام وسخ بس متوصل وياي لهيج موقـف

_ تمام

_ علي انت واثـق بيـة صح ؟!

_ واثق بيك وعديتك اخو الي اتمنى تطلع كد الاخوة وما تتخاذل

_ صدكني كدها

انتهى الحوار ابيناتـنـا لمن انا ما رديت علية

و وصلنا للمستشفى نزلنا ودخلنا الهم للغرفـة الخاصة لكيت غديرة على حطة ايدي

ابوي كاعد يمها ولازم ايدها و علي السجاد جان برتل قرآن على راسها

راح انمار وكعد بزاويـة كدامها واني اتقدمت الهم ورحت لأتجاة ابوي وسبحت ايد غيــمة

وطلعت عضدها وربطت الحرز الاخذتـة من طيبات الي ماخذتة من علي الصادق

واردف وياي ابوي :

عَبد الحَــسن :: شنو هذا ؟

_ حرز لاختـي بلكـي يفيدها

_ منين جبتة ؟

_ واحد من الربع انطانياه مزورة وهيج اخذتة واذكرت غديرة هي بحاجة الـة اكثر منــي

_ الله يكومها بالسلامة وتقر عيوننا بشوفتها تضحك

_ ان شاءالله اني هسة رايح واذا صار وياكم شي اتصلو علية

_ الله وياك ..

طلعــت من المستشفى ورحت للمركز والحمدالله طلع هذا الضابط صديقي كعدت وصرت احجي واضحك وياه :

_ عاش من شافك سيد علي الباقر

علي الباقـر :: ينحــري انتَ شلونكم شلونهم الولد ؟

_ والله بخير الحمدالله بس انت ضاعت اخبارك شنو وينك ؟

_ مشاغل الدنيا والله

_ ومن يمتا السيد علي البافر يفكر بمشاغل الدنيا شو كضيت عمرك تشتغل للأخرة متهتم لضروف الدنيا ..

_ هههههه عجيب عليكم ميكدر الواحد يسوي شي يمكم واذا اشتغل لأخرتي شنو هاي هي لازم اكعد واسكت هم عندي مصايب هنا وامور ابتلي بيهن خاطر اختبر صبري ومدى أيماني

_ الله يكون بعونك اييي بعد شنو ما شنو ؟

_ والله اجيت لهنا بخصوص موضوع واتفاجئت لمن شفتك عرف ف اجيتك بطلبة منك لو من الذيب ؟

_ يخســي الذذيب كول وانا اخوك

_ البارحة جبتو اخوي هنا علية دعوة شروع بالقتل

_ علي الكاظم اخوك اخوك ؟؟

_ ايي اخوي ابن امي وابوي ف اريد اعرف المشتكي علية علمود اروح واتفاهم وياه

_ هو مو من الحق انطيك بس انت لان صاحبـي وعندك فضل بركبتـي راح اساعدك

_ الفضل الله و فضلي على نفسي

_ المشتكي على اخوك أسمة اسماعيل.. ويسكن بِ ... وهذا رقـمة... وكذالك البارحة راح لمستشفى ..

_ تمام خوية اني رايح الهم هسة وان شاءالله نحلها بالود

_ بقت يمكم اذا يريد يتنازل يجي ويسحب الشكوة بس لذاك الوقت راح يبقى علي الكاظم بضيافتنا ..

_ ان شاءالله اكدر احلها بدون متكبر هيج يلا اترخص هسة

_ مرخوص ツ

طلعــت من المركز ورحت لعنوان المستشفى النطاه الي الضابط ولمن دخلت وسالت عن المريض هذا

عرفت من الممرضـة ان هو خرجوه امس ..
واجة للمستشفى بسبب حادث دراجة يعني مو مثل ما جذب و كال اخوي اتعرض الـة ..

اتوجهت لبيتهــم و وكفت كدام الباب واخذت ادك
دكة بعد دكة لمن انفتح الباب وطلعلي طفل صغير يجي عمرة بالــ ¹¹ سنة هيج هيئـتة

اول ما شافني ابتسم ومد ايدة صافحني ورحب بية بحرارة واردف وياي

_ أهلاً و سهلاً

علي الباقر :: السلام عليكم ؟

_ وعليكم السلام والرحمــة اتفضل عمي محتاج شي

_ اسماعيل موجود ؟

_ اي بس هو نايم لان تعبان .

_ ليش تعبان شصاير وياه ؟

_ سوة حادث بدراجته شوفيها شلون متفلشة الامامية مالتها هاي امي تصيح وتكلة لا تمشي مثل الطيارة وهو ميسمعها لمن صار واندعم

_ اهاا الله يحمي ان شاءالله. زين بابة اهنا ؟

_ ابوي ايي هنانة

_ فوت لجوة وكول لبابة اكو رجال يريدك بسالفة مهمة

_ تعال انت ادخل للبراني واني راح اصيحة واجيك

_ زاد فضلك

دخل الطفل واني دخلت للبراني ورديت الباب وراي
وبقيت انتضر ..
لمن فات الرجال عليـة رحب بية و دخل الطفل وانطاني اكلاص ماي واردفت وياه

_ اهلا وسهلا

_ تفضل عمي

علي الباقر :: مشكور ححبيبي واهلا بيك عمي ..

_ حمزاوي روح كول لامك تسوي جاي

علي الباقر :: لا عمي ما تقصرون مشروب جايكم اجيت اخلص سالفـة واروح

_ اتفضل بشنو نكدر نساعدك ؟؟

_ اخوي الي انسجن علمود شكوتكم ضدة .

_ شنوو ؟؟

_ علي الكاظم الي اتبليتو علية

_ ابني ما اتبلينا على احد ابنكم معتدي على ابني

_ ههههه وبشنو معتدي علية هاا ؟؟ هذا تقرير الطبي يكول حادث و ابنك توة كال مسوي حادث اسماعيل

_ ايي هوة دعم ابنا ..

_ شدعم واخوي ماعندة سيارة وازيدك من الشعر بيت هو جان وياي لمن ابنك سوة الحادث وحتى كامرات الشارع تثبت ان الضرب ابنك مو اخوي وانت جاي تتبلى علية وعلى فكرة انت كدام محقق ترى واخوي الثاني ضابط ف لا تلف وتدور لا اخر شي انت توكع بيها و عيونك .

بقى مدنك الرجال ويسبح بالسبحة مالتـة وحسيتة دا يفكر بكلامي واني شربت الماي وانتضرت جواب
وهي دقايق رفع راسة الرجال وحجة وياي ::

_ أسمــع بويـة نحن لا نعرفكم ولا تعرفونا بس اجاني رجال جبير وقت ما جنت بالمستشفى انطاني افلوس وطلب مني اروح واشكتي على واحد اسمة علي الكاظم وانطاني مواصفاتة وكلي قدم شكوة شروع بالقتل ومثل متشوف حالنا هذا كدامك محتاجين الفلس علمود هيج اخذت الفلوس و رحت سويت اليريدة ..

_ تعرف شسوييت ردت تودي رجال بعدة ببداية حياتة للهاوية انت تعرف لو مكمل بهاي جذبتـك جان صعدت اخوي للمؤبد او العشرين سنة

_ ماجانت عندي اي ادنى فكرة جنت بس اريد الفلوس حتى اكمل علاج ابني

_ ثواني ..

طلعـت صورة ابوي عبد الحسن واني ادعي يطلع مو هو وجهتة للرجال ابو اسماعيل واردفت وياه

_ عمي هذا الرجال الطلب منك تشتكــي ؟

_ اييي عميي هو هاذا

_ متأكد عمي ؟

_ والله يا عمـي ملامحـة مجاي تروح من راسي وهم انطاني مليون ونص دفع هيج

_ اهاا خوش اذا هو انطاك مليون ونص انا انطيك مليونين ونص بشرط

_ الي هو ؟

_ تروح وتتنازل وتكول ان علي الكاظم مالـة غرض وان انت متوهم بي جنت خوووش

_ صار بس ليش تريد تنطيني فلوس ؟

_ تكدر تعتبر هاي الفلوس دفع الك بثواب أم البنين
يلا اترخص راح اطلع انا وانت تطلع وراي تسحب الشكوة اذا بقى اخوي ساعـة زيادة بالسجن ميصيرلكم خير

تركــت الرجال وطلعــت ورحت متوجه لبيــت عمتي دكيت الباب وفتحلي المصطفى القاسم الي حضني اول ما شافاني...

المصطفى القاسم :: هلا بالسيد هلا باخوووي

_ هههههه هلا بيك ميرزا ينـــحـــري

_ مشتاقلك ححيل حيل

_ وانا هم مشتاق الك

_ تعال فوت لجوة ليش واكف

_ لا مستعجل واريد اروح

_ وين تريد شني ؟ توك واصل

_ اريد اخذ وهج الطف بطلعـة صغيرة صيحـها الي

_ وهجهج تمــام اصيحها الك

_ خلها تلبس وتجيــنـي لان اريدها تطلــع وياي ..

_ تمام فوت انتَ سيد وانا رايح اصيح الها

دخلت للبيت وسديت الباب وفتت لجوة للأستقبال لكيت عمتـي كاعدة اجت عليـة وحضنـتنـي حيل وباستني بنحري واردفت وياي

فاطمـة الزهراء :: ياهلا ومرحبا أسفرت وانورت
شلونـك أوليــدي شخبارك ؟

_ اني بخير يمة انت شلونج شخبارج اليوم مفتگـديج بالبيت ..

_ ههههه باجر من الغبشة انا مجودرة يمكم

_ ياكل الهلا بيج غير البيت بيتج يبعد صمامي الرئوي

_ شنو يمـة محتاج شي تريد الولد بشي حامِد المتقين فوك نايم اصعد اكعدة الك ؟

_ لاا يمــمة ماريد الولد جاي علمود وَهج الطف اريد اخذها ونطلع

_ اهاا ايي زين تسسوي والله يبنـي هالبنت مدري شمالها جاي تشغل بالي يوم عـن يوم

_ ليش شبيـها ؟

_ وضعهاا صاير كلش مو تمام من مهد العرس وهية حالها كل يوم يصير أسوء من القبـلـة .. وحتـى شكلها بدة يتغير عيونها ذبلن و لونها شحب والنبي ضال بالي يمها ماريد اخسرها يمة كل ما اشوفها اتذكر بنيتي مسرة بأخر ايامها هيج صارت حالتها ومجنت ادري هاي اخر ايامها وياي

_ الله يرحمها برحمتة الواسعـة ويرحم موتانى جميعاً
ولا تخافين عليها يمـة انا هسـة راح اطلــع وياها وراح افهـم الجاي يصيـر ويـاها

_ ياريت واذا مقبلت تحجي اضغط عليها يمـة لازم نعرف شنو علتها خاطر نتلاحكها وكللها لا تخاف كلنا اهلها وكلنا بظهرها والله محد يمسها بشي ونحن موجوديين ..

_ ان شاءالله وين هَي ؟

_ فوك بغرفــتهة شفت المصطفى القاسم صعد لفوك

_ اي صعد يصيحها الي ..

وبقيت كاعد ومنتضر وَهج الطف لين ما شرفـتـي ونزلــت وجانت لابسـة صــايتها و حجابها

كمت على حيلي وبدون ما تلفظ بحرف وياي طلعت انا وطلعت هي وراي

فتحت باب السيارة الها وصعدت سديتة ورحت صعدت بمكاني

وطلعت وطول الطريق ما لفضت وياي لا كالت ليش طلبتني و لا كالت شتريد مني اي سؤال ما طلع وأي رد فعل ما سوت خلتني بحيرة من أمري ..

بديت انا بالحــوار وحتى ننهي هذا النزاع الصاير ابيناتنا الي هي مفكرتـة ان امها انقتلت صرت اسولفها على امها

وشلون جانت عايشة ويـــانـة وشلون جان عمي صفاء الحسن يقصر على نفسة بس ميقصر عليها لان جان يشهك بأسمها

وبقيــت اسولف وهي جانت بس تسمع وتمسح بدموعها ولمن وصلت للحادث و كلتلها بي نشفت دموعها وصارت تسمعني بكل حرارة

وكأنها جانت تبحث عن الحقيقــة بكل مكان

لمن خلصـت كلشي سوالف وياها وفهمتها ان امها انفقدت بالانبار ومنعرف هل هي ميتـة او عايشة بس نحن سوينه لها تشيع جذابي

هنا طلع صوتها من بعد ساعـتيـن كاملة انا احجي بيها اردفت وياي ::

وهَج الطف :: يعـنـي امي مو انتم قتلوتها ؟

علي الباقر :: قتلناها شنــي ؟ شايفتنا كدامچ سفاحيين ؟ ترى جانت اكثر مرة محبوبـة بالبيت مالتـنة من روحها التخبل وطيبـة كلبها واتخيلي اصلاً عمي الحسن المجتبى خلاها هي تسمي طيبـة الزهراء وهي الي سمت المعتز باالله وكذالك هي الي سمـت غدير الله واهي الي سمت تحرير
يعـني جنا منطيها هاذا الحيز الكامل من حياتنا وتجين تكولين والله قتلوتها !!!

_ جا شنو معنــى الرسالــة الي وصلتنـي

_ أي رســالة ؟

_ اجتـنـي ورقـة كُلها دم ومكتوب عليها رصاصة فارغـة وجثـة هامدة وكذالك رسائـل بخط امي جانت كاتبتهم الي ..

ضليـت صافن هاي شتحجي ؟
شني رسائـل بخط امها منين اجوها رجعـت واردفت وياها ::

علي الباقر :: منيــن جبتـي هاي الرســائـل ؟

_ اتواصل وياي رقم غريب وكالي ااذا تردين تعرفين امج وين راحت تعاي للمكان الأكلج بي بس جان حيل خايف و هددني ان اذا جبت احد وياي راح احلم اخذ الاشياء اليخصون امي
لهذا انا رحت ليـه لوحدي وجان كل وجهـة متلثم وكذالك جان رافع السلاح بوجهي انطاني الضرف وراح شرد ..

ضليت مصدووم هاي شمسويية ؟؟ شلون هيج
تتصرف من راسها وتروح لهذا لوحدها !؟

والحُسيــن يا هذن البنات عليهن سوالف و يشمرن روحهن بمصايب هن بغـنـى عنها

عصبت حيل وردت اعيط بيها بس ادركت الكاعدة يمي تبقى طفلـة شورها مو من راسها

لهاذا عصرت بأيدي واخذت زفرت النفس واردفت حاولت اسوي نبرة صوتي هادئـة بس طلعـت خشنـة
و صار منطوق كلامي زمجرة !!

علي الباقـر :: وانتِ شلون هيج تتصرفين من راسچ وترحين شلون اصلاً وثقتـي ورحت الـة وهج الطف شنو هاي المصيبة الي انت مسويتها لولا ستر الله جان يمكن انت رايـحة بيها شنو انت عايزة لو مثلاً خاطفـج ؟
لو مثلاً معتدي عليج هااا شنسوي نحن وين ننطي وچهنا ؟
هيج بس سمعتي اسم امج ركضتي بلا تفكير مخليـة كلبچ يفكر ويگودچ بدال عقلچ

وهج الطف :: الخاسر شخص ويريد بس لمحة امل يسوي الانا سويتـة

_ وهج لا تبررين غلطتج انت غلطتي بهاذا تصرفج

_ وهاي انا يمك مصارلي شي

_ لولا ستر الله عليج جا الله هم موجود ما تغفى عينة وهو شگفها عنج

_ هسـة صار الي صاار

_ هاذا موضوع ثانيي اني مجنت حاسب احسابة وهس طلعلي اني اجيت اخذج وياي لموضوع مهم ولا تعتبريني ابن عم شوفيني ابو الج او اخو او صديقـة المهم ترتاحين وياي وتسولفيلي بصراحة بدون لف ودوران و جذب متفقين

_ شنو هو الموضوع ؟

_ متفقين وهجهج ..

_ تمام متفقين شنو احجي براحتـك وانا اجاوب التريدة ما خايفــة من شي

_ زين .. وهج الطف انت مدمنـة ؟

_ شنـــو ؟؟؟

_ صارت شنو وين جوابج ؟

_ شلون عرفـت ؟؟

_ سالتج جاوبـي

_ باع علي الباقر والله مجنت ادري بي هيج يسوي وهيج اسوالفه ولو ادري من البداية ما اخذتـة انا جنت اريد منوم لان جنت مكدر انام

_ وهج الطف هذا صح منوم بس بي مادة مخدرة يخليج تدمنين عليـة يعني مو منوم عاادي
هاذا ما يتاخذ الا بوصفـة دكتور انت شلون اخذتـي ؟

_ اني ما اخذتـة اني سولفـت لــِ ليــنا ان انا ماكدر انام وهي انطتني هاذا الدواء كالت استمري علية كل ليلة اخذي حباية وانت راح تنامين ومتحسين على روحج وصدك بالبداية حيل ارتاحيت عليه بس بتقدم الايام صارت روحي تريدة حتى بالنهار وصرت من اخذة رغبـة لروحي فقط ما انام عليـة

_ كتيلــي ليــنا انطتــة الج ؟؟

_ اييي وداعت امي هي انطتنياه وهي حطت فكرة المنوم براسـي

ضربت على الستيرن وصحت بصوت عالي

_ لييــنا لييــنااا كل مصيبـة لازم وراااهااا ليــنا ووكت اخلص من هلأسسم يا صاحب الجلالة شووكت ؟؟؟؟

لاحضــت على وهج الطف حيل خافت واختلست بمكانها هدئت وصليت على النبـي و صرت امشـي
على سرعـة 80 ..

ونضرت لــِ وهج الطف واردفت وياها ::

_ وهجهج

وهـج الـطف _ بصوت يرتعش _ :: نعــم

_ مستعدة ترحين وياي للتأهيل خاطر تتخلصين من السم البداخلج وما تحتاجين تاخذينة بعد ولا نفسچ تلوب علية ؟؟

_ لااااا اذا رحتت راحح يعرفون وعبد الحسن راح يذبحنـي

_ لا تخاافين وداعتج وداعت عزيزة كــلبـي السالفـة راح تبقـى محصورة بالبيت مالتكم يعني محد راح يعرف بيها بس عمتي واولادها وانا وانت والمعتز باالله لأن هو متعلق بيج وهواي يسولف وياج علمود لا يفقدج نخلي على علم

_ خايفــة ..

_ تخافين والسيد علي الباقر ويــاج ؟ يابـة وداعتج يبعد اخوج لازرعج بداخلي واخليج بنص القفص الصدري واغلق اضلوعي عليج
والي بية خير ويكول انا زلمة خله يوصل ويمس شعرة منج ..

_ انت صدك هيـج تحبنـي وتخاف عليـة ؟

_ بس احبج غير انتم وي الروح عمي السيد علي الباقر ما عايش على الاوكسجين عايش عليكم انت اهلي
وبعدين اكيد اخاف عليــج انت اختي الصغيرة وعرضي وغيرتي اذا ما خفت عليج انت اختي من لحمي ودمي اروح و اخاف على بنات الشارع مثلاً ؟!

_ اذا هيج وانت واكف وياي انا مستعدة اروح

_ زين ما تسوين راح اشوف مستشفى زينة واحاول اخليج اقل مدة ممكنـة وتطلعين العلويـة وهج الطف احسن من قبل واخذيها احجايــة من اخوج الچبيــر

_ تمام راح ابقى على تواصل وياك انتَ راح اصارح البيت بهل موضوع واحجي وي عمة واولادها وانت احجي وي المعتز باالله لان ما اضمن شلون حيكون رد فعلة اخاف انا ماحجي وياه هاذا المسودن

_ لا تفكرين اعزيز يمي

_ تمام خويــة

_ هسسة وين تردينة نروح ؟؟

_ بكيفك ..

_ خلينا نمشي لأحسن مطعم ونتغدى على احسابج

_ هههه خووش امشي بينا يلا

_ موو نطلب ونخلص وتكليلي ادفع اخليهم يخلوج تغسلين المواعين كلها مال المطعم والله

_ اهه تقبلهاا اخيتك يخلونها تغسل وسخهم ؟

_ عمت عيـني اشمر الفلوس كلها جوة رجلج

_ هاي هي لعد الحساب الغدة عليك

_ خوش فريتها فرة علية

_ هههههه استضعفتك

مشيت بالسيارة ودخلنا للمطعــم وكعدنا نطلب حـتـى ناكل ..

واتفقت وياها بعدها نروح للمول وتشتري كل البخاطرها و بعدها نطلع للمتنزه ونشتم شوي هوى نقي ولان هي تحب الكتب
خليت مسك ختام طلعتنا شارع المتنبـي
علمود تشتري كل الكتب التريدهن

ابســط شي اسوي الها

من بعد العاشت بي وحست حاولت انسيها حتى روحها بهاذا اليوم ..

"" جميـــلــة ""

من رجعت للبيت مالتـي والبشير قيصر مو طبيعي وياي ..

مو هو البشير الي اعرفـة تماماً

سويت لهم الغدة وكعدو شبـر و شبيـر على السفـرة وصعدت انادي البشير

اول ما فتحت باب الغرفـة لكيتـة كاعد على الجرباية يلعب بتلفــونـة وكفت كدامـة واردفت وياه ::

جميلــة :: حطيـت الاكل جهزت السفرة تعا اتغدة

ضليت اباوع عليـة واشوفـة حتـى ما كلف على نفسة يرفــع عيـنة ويباوع علية ولا حسسني ان اكو بشر واكف يحجي وياه
وحتـى ما فتح حلـكة وجاوب عليـة

ضغطت على نفسـي ورجعـت اردفت وياه

جمـيلـة :: الاولاد كاعدييـن على السفرة منتـضرينك تعرفهم مياكلون اذا انت مكعدت انزل يلا

بقى لازم التلفون ويكلب بي وجاوبني وهو يباوع لتلفون

البشير قيصر :: مو جوعان انزلي وكليلهم ياكلون مابية انزل انا

حيل استغربت وانغرز كلبي هذا كلامـة واردفت وياه بنتر

جميــلـة :: تكدر تكللي شبيكك شجاك من اجيت انا من بيت عمك وانت لهسة ما حاط عينك بعيني ولا ضحكت بوجهي وعبالك شايف جتال اهلك كدامك ترى مرتك اني اذكرك اذا نسيت ام اولادك الجوة منتضرك شبيك شغيرك ؟

هنا رفع عيـنـة الي غلق تلفونـة وبكل هدوء وهذا الهدوء مستعدة اتحمل مليون حالـة عصبية بكل انواعها بس ما اتحمل هذا هدوء البشير من المراهقـة وهدوئـة ونضراتـة هاي الباردة يخلي كلبي يرجف

شفتهم من راد ننفصل قبل سبعة عشر سنة

وهسـة رجعت وشفتهن هن الاثنين هدوئـة و برود نضراتـة اتجاهي

كام على حيلـة وكف كدامي واردف وياي :

البشير قيصر :: انطينـي تلفونـچ

جمـيلـة :: ولشنو تريد تلفوني ؟

_ كتلچ انطينـي تلفونـچ

_ غير اعرف شسوي بي

_ رچلـچ ويريد تلفونـچ ماكووو داعي لهل سؤال

_ بس لازم رچلي يفهمنـي شنو براسـة وشنو الغيرة عليـة

_ تردين تعرفين شنو براسي ؟

_ اكيد

_ تمام غالية يا جميلة انت غالية وطلبج ارخيص ..

عافني البشير وراح لجرار فتحة وطلع الملف مال الاوراق وشمرهن كدامي واردف وياي

البشير قيصر :: هااا يست جميلـة هاذا البراسي بعدج تساليني ليش اريد تلفونج ؟؟!

جميلــة :: انت فاهم الموضوع خطأ

_ تمامم فهميني شنهو الصح يلا احجي وداعت عيونج راح اجذب عيوني الي شافن وقرأ كلشي وراح اصدك بيج

_ بشير صدكني انا تعبت يالله وصلت لهاي التقارير علمود امي واخوي لان اريد اشوفهم ماتو بالحرب النجف لو ما ماتو

_ وانااا اكلج مااتوو جميلة اهلج كلهم مااتو بعد ما انت رحتـي الامريكان فجرو بيتكم وجان بالبيت ابوج وامج واخوج وانا شااهدد

_ ...............

_ منو انطاج هاي التقارير ومُقابلهن انتِ شنو انطيتـي ؟؟

_ كعدت هيج تفكــر بيـة ؟؟

_ جمليـة انا زلمة جربي تصيرين مرة وحدة بمكاني وحسي انا شنو احس وشنو افكر لمن اشوف هيج تقارير من يحصلهن بس شخص قويي بيد مرتي يعني شرااح افكرر مثلاً لمن شفتهم عندج اول شي اجة على بالي ان انت جاي تلعبين من ظهري ومستغفلتنـي
ومدري منو جايبلج هلصخااام مقابل مدري شنووو

_ بشيـر والله وداعت اطفالنا وراس اطفالنا ما خنتك ولا لعبت من ظهرك

_ جااا شنيي هذن ؟ اضحكي علية بأي شي واحجي خليني اناام وانا مرتااح جميلة من امس وانا ممغمض ولاا دقيقـة وشياطين الارض تطفر كدامي واني اكول لاااا جميلة هاايي واستغفر الله واكطع تفكيري

_ والله مااعرف شحجـي وياك

_ متعرفيـــن ؟؟

مسحت ادموعي واردفت وياة

_ لاا ما اعرف

_ اههه وضلي لا تعرفين رايح انا ويوم تعرفين شتحجين وياي تعالي الي

_ بشير لحضة لا تررروح بشـــ ......

تركنــي وراح نزلـت وراه بس مكترث الي اصلاً
كامو شبر وشبير

وكذالك صاحو لابوهم بس مرد عليهم وكبل طلع من البيت بعد ما اخذ تلفونـة ومحفضـتـة

وكفت على الدرج واجوي ليمي شبر و شبير واردفو وياي

شبر :: يمــة شنو صاير ليش طلع ابوي هيج ؟

شبير :: متعاركيـن ابوي طلع وعيونـة حمر جان يبجـي وانت هسة تبجين شنو صااير ؟

مسحت ادموعي وحضنت اولادي واردفت وياهم

_ ماكـو شي ماماتي بس سوء فهم بيناتنا عادي كل بيت يصير بية هيج هسة يهدء ابوكم ويرجع لهنا وانا راح احجي وياه واراضي لا تفكرون روحو اتغدو

شبر :: ماريد رايح ورة ابوي

_ لااا تعاال واسمع كلامي ابوك معصب وطلع حتى ما يزعل احد بكلامـة لان حيل معصب لا تروح وراه هو يهدء ويجي مو طفل ابوكم خاطر تلحكو

شبير :: اكيد انت مزعلتي لو مو انت السبب جان ابوي مو هيج عصب

_ انت شلون تحجي وياي هيج ؟؟ لا تنسى روحك وياي وبعدين موضوع يخص امكم وابوكم الاولاد ميدخلون

شبر :: لا ندخلل لمن الموضوع يوصل لابوي و انت الغطانـة بحقـة وهيج يترك البيت ويطلع لااا ندخل مصدكـنة على الله رجع النا وصرنا عائلـة حالناً حال الناس بس انتِ الظاهر اتعودتي على العيشة وحيدة لهذا صرتي تنزعجين من وجود ابوي وصرتي تتعاركين وياه بس خلي ببالج اذا انت متردينـة نحن نريدة

عصبت من كلام شبر ححيل اتمادة وياي صيحت بية وبدون شعور ضربتـة راجدي

_ شبــــرررر انــچــععم

حط ايدة على خدة مصدوم وانا متفاجئة اول مرة بكل عمري امد ايدي على ابني !!

بقـى صافن شبر بوجهي و شبير اردف وهو يدفعني شوي عن شبر

شبيـر :: وصل بيج الحال ترفعين ايدج علينا ؟؟؟؟ وخري ليغاد عن اخوويي حقــة ابوي لمن تركج من قبل و رجع وتركج هسة لان انت ما تستاهلين احد يبقى وياج امشي شبر ..

_ لااا لااا يمة تعالو اوكفووو شبر شبير يمــة....

تركوني وطلعو من البيت كعدت على الدرج واني لازمة المحجر ابجي من كل حيلي

اتهشم حيلي من كلام اولادي شلون امد ايدي عليهم ما عساني بالكسر ما عساااني بالكسر يالله اولادد ياالله تعب اسنينـي

اخخخخ شسوييت برروحــي استاهل الصار الي مجنت لازم اتفق وي ذاك سائد مجنت لاززم اووف يا ربيي

"" أنـمـــار ""

واني كاعد يم غديرتي واقرأ قران ولازم ايدها فجأة حسيتها تشد على ايدي سديت القران

وبقيت ادحك الها ومشيت ايدي على راسها واردفت وياها

أنمــار :: هاا يروحيي ها غديرتي كعدتي يروحي انمار انا غديرتي افتحي عيونج ؟

واني حاط ايدي على راسها لاحضت حرارتها جاي ترتفع بشكل مو معقول خفت عليها ححيل

ابتعدت عنها وطلعت اركض صحت لــدكتورة مريم واجت وياي تركض دخلت الها واني فتت وراها ودخلن الممرضات

وبقيت اباوع عليهن شلون يفحصنها وشلون الدكتورة تفتح عين غدير الله وتحط الضوة بية وتشوفه اخذت زاوية وكعدت اندعي

بعد ما خلصت فحص كلشي طلبت من الممرضة تغير الها السيروم

وطلعت وانا طلعت وراها وكفنا كدام الباب واردفت وياي و وجهنا جان مبتسم و مرتاح

مــريــم :: لا تخاف ولا ينشغل بالك غدير الله قويـة واتخطت كلشي و ان شاءالله. اذا انا مغلطانة بأذن الله باجر تصحى وتكدر تسولف حالياً عقلها بس انطى اعياز بالحركة ليتأكد ان هي عايشة لهذا شدت على ايدك

_ بس دكتور حيل ارتفعت حرارتها

_ هلشي طبيعي لا تنسى صاللها يومين نايمة وغايبة عن الوعي ف ارتفعت حرارتها طبيعي جدا لان استعادت وعيها وصحتها ان شاءالله

_ زين هسة هي كعدت ؟

_ غيرت السيروم الها وانت روح اكعد وياها هي بهاي الساعات الجاية راح تكعد لذالك ما لازم تنترك لوحدها

_ تمام دكتورة مراح تغفل عينـي عنها ابدد

_ متشوف شر اكثر من هاذا بأذن الله

_ الله يسمع منج

تركت الدكتورة ورجعت فتت الها لجوة كعدت على الكرسي واخذت بيدها وبستها وصرت احجي وياها ..:

_ يبعد روحي ذبحنتـي هاي نومتج عمري وياج عشتة امدلل وتالي هاذا الجمال من الشعور العشتـة وياج هيج نهايتة هاي النومة
غديرتي من افديج بروحي كومي يلا يبعد حيلي كومي يابعد اهلي وناسي
اشتاقيت لصوتج و للسانج والله قابل بكل سوالفج ويتي تغثيني تغلطين علية كلهن قابلهن منج بس كومي وكحلي عيوني
والتردينة اسوي والله شتردين انا حاضر كولي وادللي كومي يابعد اهلي

غمضت ادموعي وضليت ابجي بكل حيلي ادري اذا كعدت قصتي وياها راح تنتهي

بس جنت اريدها تكعد عادي قابل اهم شي اشوفها بخير وترجع تضحك هي كلها من وراي لو انا مطالع بحياتها جان مصار حالها هيج

ياربي اذا مو لخاطري لان اليسوي سوايتي اضن انت اصلاً ما تباوع علية مو ادور الة خاطر عندك

بس لخاطرهاا ياربي هذ مالها ذنب والله مالها ذنب ذنبهاا الوحيد الي سوتة ازوجتني و حبتني بس تاذا ذنبها الوحيد

يابويي شسويت بينا دمرتنا واحد واحد
أيست من العمر كلـة اذا كعدت غدير الله وطلبت الانفصال

راح تموت احلامي على ارموشي
ابتعدت عني حيل بسبب اخوي واختي مو بس خسرت ابنــي راح اخسر حتى مرتي !!

تذبح شوفتها وهي تروح وتعوفني
شعجبب يا غدير الله من بعد ما جنتي فرحتي هسة صرتي جرحي ..

اخذتـي روحي اوكفي تعاي اوكفي على اجروحي وداويهن اليي

امل كلبـي وي روحتها يذبل شسوي بدنيتي بعد اذا الردتها غابت عني !!؟

انا لا شـيء بدون غدير الله

"" طيبـــة الزهراء ""

بعد ما انتهت القراية عدنا وراحن النسوان صارت الساعة بِ 12بليل تقريباً اخذت ارتب بملابس التشابية

لان هاي هي باجر الصبح العاشر من محرم ويوم التشابيه والسادة كلهم راح يشاركون بالتمثيل

اتوزعت الادور عليهم حسب الطول وشكل جسمهم الضخم انطوه دور الاساسي
وهيج جانت التشكيلة مالتهم

علي السجاد : الامام السجاد ( عليه السلام )

علي الباقر : الامام العباس ( عليه السلام )

البشير قيصر : الامام الحسين( عليــه السلام )

المعتز باالله : علـي الاكبر

شبر : القاســم

شبير : عون

أصفاد الحق : عثمان

علي الرضا : جعفر

علي الهادي : عبدالله ابن ام البنين

علي التقي : عبدالله الرضيع

والباقيين اختاروهم من الموكب ولمن خلصــت ترتيب ملابسهم اجاني علي الباقر وكعد يمي

علي الباقر :: حلوتي شلونها

_ تعبانة حلوتك

_ ليش شبيج ؟

_ جاي ادور المخدة من الصبح كاعدة وقراية وسويت ملابسكم

_ يابعد صمام كلبي و صمامي الرئوي من حيلي لحيلج

_ وين اكو صمام رئوي ؟

_ هههه بعدج صغيرة عليه

_ لا صدك وين اكو صمام رئوي هسة صمام الكلب فهمتة بس لرئة ؟؟؟

_ شوفي اذا رحتـي للخامس علمي راح تدرسينة هذا الصمام الرئوي

_ يعني صددك اكو هيج شي بجسم الانسان ؟

_ جا شنو قابل ضاحك عليج

_ مدري عبالي هيج اسماء تكولهن

_ مو صوجج صوج اليحجي الج

_ هههههه يلا اتعلم منك انا

_ فددديتها التتعلم مني اني هسة اجيتج لشي وجمالج وعيونج نستني حتى اسمي

_ شنو تريد يروححي ؟؟

_ تلفونج عندج موو

_ ايي هذيا شنو وريد

_ اتصلي على علي الصادق اطمني علية وسوي روحج ان اتصلتي لتسألي علية و اسالي عن علي الكاظم طلع لو لا واذا كالج منين عرفتي كليلة سمعتك امس من تحجي وي اخوتك واتصلت حتى اطمن عليكم

_ اهااا تمام

_ افتحي مكبر

_ ثواني جاي يرن

اخذت طيبات واتصلت عليـة وانا جنت منتضر لمن فتح الخط حطت طيبات التلفون على رجلها وفتحت مكبر الصوت واردفت ::

_ شلونك علي الصادق

علي الصادق :: هلا طبطب بخير انا اذا انت بخير

_ عساك دوم اتصلت بوقت خطأ ؟

_ لا كاعد اغير ملابسي اطلع اتمشى

_ اهاا تمام

_ اتصلتي محتاجة شي مني يعيوني ؟؟

_ لا سلامتك بس سمعتك البارحة من تحجي وي اخوتك علمود علي الكاظم وضل بالي ححيل يمك شنو صار وياه ؟

_ لاا الحمدالله العصر طلع الناس سحبت الدعوة عنه وطلع

_ اهاا الحمدالله

_ اي والله الله اتلطف ويانة لان حرفياً جنت محتار وين اروح وين انطي وجهي واذا اهلي هم سبب بدخولة لسجن ..

_ اهم شي هسة هو يمك ومابي شي

_ اي والله هاذا اهم شي يلا طيبات انا طالع واذا صار اتصلي وكليلي وطمنيني على غديرات

_ ان شاءالله بالك لنفسك

_ وانت هم يعيوني

_ الله وياك

_ في امان الله ツ

سديت التلفون وبقيت اباوع لعلي الباقر صار مثل المرتاح نسبياً بعد ما سمع من اخوة ان علي الكاظم طلع

اردفت وياه

_ علي الباقـر

_ نحــرة ..

_ انت طلعـت علي الكاظم صح ؟

_ وضحت سوء الفهم الصار لان اخوي بريئ

_ ليش مكلت لعلي الصادق ليش مكتلهم انت ساعدتهم ؟

_ ماريد وديري بالج تكليلهم طيبببات احذرج والله يصير الما يعجب ترى

_ لا شعليـة انا هاي الموضوع كدامك انسد بعد لا اسألة عن اخوة ولا اكلـة شلون صار هيج وياه

_ حتى لو هو سألج كليلة مادري لا سمعت ولا شفت شي خوش طيباتي

_ تمام يبعد عيوني

_ يلا هسة انطيني الهدوم هذني وانتِ روحي نامي

_ انتَ هم نام وراك كعدة من الصبح

_ ان شاءالله راح انام

_ تصبح عَـلى خير

_ انتِ وجـه الخير كلـة

تركـت علي الباقر وصعدت لغرفتـي ما حسيت على روحي من التعب اول ما حطيت راسي على المخدة غفييــت ..

"" علــي الباقر ""

اخذت الملابس من طيبات ونزلت لصالـة حطيتهن على الطبلـة ولكيت ليــنا كاعدة لوحدة جاي تمسح بالقامات مالاتنا الي راح نمثل بيهن وجانت سرحاانـة مو يم واقعها ابد

رحت وكعدت يمها وادفت ..

علي الباقر ::اكول ليــنا

فزت من مكانها واتنفست عالي واردفت

_ شبيج فزيتي جنج مسوية جريمـة ؟

بلعت ريجها واردفت وياي

ليــنا ;; جنت صافنــة وين جان بالي حتى منتبهت الك وانت كعدت لذالك فزيت من صوتك

_ اهاا ادور خليج بالواقع احسن اذا تضلين هيج راح تتفززين هواي

_ احاول ما اصفن .. شنو ردت منــي ؟

_ ردت أســالج ؟

_ اي اسال

_ انت منطيـة لوهج الطف علاج منــوم ؟

_ ايي ليش ؟

_ اهاا وليش انطيتـي الها ؟

_ هي كالتلي انها متكدر تنام وانا جان عندي هذا العلاج الدكتورة واصفتـة الي ف انطيته منـة وكتلها استعملي ونامي

_ يعني الدكتورة واصفتـة الج وانت رحتـي وانطيتـي لــِ وهج الطف

_ ايي لانها هم مثلي متكدر تنام اكيد نحن الاثنين نحتاج نفس العلاج

_ مجان لازم هيج تسوين

_ ليش ؟

_ بدون ليشش بس غلط شي الدكتورة واصفتـة الج تكومين وتوزعين بي براحتج

_ مجنت اعرف ان ميصير والله جانت نيتي المساعدة نقهرت عليها

_ لا تنقهرين بعد رجاءاً وللمرة الألف اكلج وانبهج بيها خليج بعيددة عن اخوواتي الج بنفسج وبيتج هاي ههي هاذا حدج ليــنا والله اذا سمعت بعد عنج شي واحد مسويتـة وي اخواتي الله وحدة بس يدري شنو مصيرج على ايدي

بدت تبجي ادموع التماسييــح و اردفت وياي

_ اعتذر والله كل الاشياء اني جاي اسويهن بحسن نيـة بس مادري ليش دا ينقلب كلشي ضدي بهاي الطريقـة والله اعتذر اذا انا اذيتها بهاذا العلاج

لعبت نفسي من الوكفة وياها رديت عليها

علي الباقر :: كاافي كاافيي صاارت بعد بس للمرة الاخيرة احذرج ليــنا اذا تردين بيتج يضل اطلعي من راسسي مرة وحدة

_ واني ارجع واعتذر الك مو قصدي جان

تركتها وصعدت لفــوك دخلت لغرفتي شمرت روحي على الفراش ونمت على وجهي و غمضت عيوني و نمت و فزيت الساعة 5 الفجر على صوت المنبه

كمت سبحت و صليــت ونزلت الهم
لكيت الوالد كلها عدنا ولابسين ملابس التشابية اخذت ملابسي ورحت لبستهم

ودك هورن الكيـة مالتنا بالباب الي راح تاخذنا كلنا سوة العلويـة لبست علي التقي ملابس الرضيع وشالـه ابوة علي السجاد و طلعو كدامي بعد ما اخذو كل واحد سيفـة واني طلعت وراهـم

صعدنا بالكية وطلعنا لساحـة الموكب دخلت الحرم الخيمة ونحن صرنا نحوم داير مدايرها

وبدت التشابيـه من السـاعـة 8 الصبح
وصرنــا بالتمثيل والخيول مالتنـة

وصلــنا الى مقتــل الرضيــع أجــى البشير قيصر ورفــع علي التقي بايد وحدة وصار علاوي يلوح بيدة وصوت مناغــاتة والبجي مالتـة

خلت كل الي بالساحـة يهيج بالبجي والصياح

ولمن خلــصــنا رحــنا للموكب ونحن دخلــنا صرنــا نهوس ..

علي الباقر :: هاا وخااف الگااع تميــل بَ زينـب ذب جفوفـة تكض الكاع

ودخــل عليــنة المعتز باالله بهوسـة وهو رافع ايدة يهـوس

المعتز باالله :: احسين بيوم الطاح الكــافل اهاا احسين بيوم الطاح الكــافل رد مشيب ماعرفــوه احسين بيوم الطاح الكافل

البشيــر قيصـر :: رد يالكاســر خاطر زينــب خاطر زينب يسوة الماايي

علــي السجــاد :: الخـلا الطف يتربط الخلا الطف يتربط يا رباط يلــوگ عليـه ؟؟

علي الباقـر :: والســادة بيـوم العاشـر اهاا الســادة بيــوم العــاشـر رفعه لواء عمهم العبــاس السادة بيـوم العاشــر

بعد ما تعبــنا من الهوسـات كعدنا نريـح وأذن الظهـر صليـنة بالمـوكب و طلعـنة للبيـت
أول ما دخلـنا شمرنــا نفسـنا شمر على القنف بالصالــة !!!..

"" طيبــة الزهراء ""

جانــو الكل متأثــر من الصار بهاذا اليوم اليلة ليلة الوحشـة ..
والشباب جانـو توهم جايين من التشابيه حيلهم محدود
شامرين روحهم على الكنب بالهول .
والملايـة جانت عايــفة السماعـة مالتها عدنا لان حترجع وتجينا بليل تحيي ليلـة الوحشة عدنا .
اجيــت انا اخذت السماعــة شغلتها وصرت اقرة فزاعية اسمعها من جنت صغيرة وكلنا قاريها والمشكلـة الكل اتفاعل وياي وقريت اول مقطع وصرت اروح الهم الي احط السماعة كدامـة يقرأ المقطــع الي ضال اباله لان جنت واثقــة الكل حافضها لان كل سنـة 24س بمحرم نسمعها ونرددها ف الكل شارك وياي بالمقطع الي يحبة وقراه الي بصوتــة وبأطوار مختلفـة ..

طيبــة الزهراء ::
شبيــها اليـوم زينب طلعت تصيح ؟؟
وتعثر بالجدم ابين المذابيح
طلعت للمغارة وصارخــة بصوت
بس انتضر خل اودع حسين يا موت
صاحت يا هلي والكلب مفتوت
من الهم العليها تكوم وتطيح .

اتوجهـت لأم البنين وانطيتها السماعـة ضحكت وقرت هذا البيـت

أم البنين ::
طاحــت والجدم عاثــر بالاجساد
تون وتصيــح اكعدو الي يالامجاد
اريد الحك واشد اصواب الأخوان
خافت يلجــم من نسسـمة الريح .

ما لحــگت اخذ السماعـة من أم البنين اجـة علي الرضا واخذها منها وقرأ

علي الرضا ::
اريد اوصل لخال ابني يا هاي الناس
بتراب المغارة لطمت الراس
صاحت وين فزعاتك يا عباس ؟؟
بالميدان اخوك ودمــة يسيح .

وراح وانطـى السماعة للــمعتز باالله وصار يقرأ المقطع الحافضة

المعتز باالله ::
الله يعينها من شافت الخيل
تصيح يا ابن امي ونازل الحيل
صدت على الثرة نومة الرياچيل
طفاها الدهر ذيج المصابيح .

اخذت السماعة من المعتز باالله ورحت كعدت يم العلوية وهي تسفط بالملابس حتى تغسلهم وصارت تقرأ مقطع طفولتها

العلويــة ::
عزيز الروح دلوني وكـع وين ؟
وتشوف الشمر حز الوريدين
بويــة يا عليي داسسو على حسسين
زيح خيولهم يالمرتضى زيح .

ولان الـمرتـضى الاميـر جان كاعد يمها انطتة السماعة وبدة يقرأ بلهجة بصراوية

المرتضى الامير ::
لكيتــة على التراب مكطوع نحرا
وخيــل اعداه داست فوك صدرا
يمة اخذت تجر حسرا على حسرا
وتكلــة شلون بية يالــ مهششم ..

وكمت وتوجهت لــجميــلة وانطيتها السماعة

جــمــيلــة ::
ما ضلت خييـم تستجن بيها
خواتك يا ابو الأئمـة مسلبيها
انهض الها يا عزها و وليها
عليها الجيش يا ابن الزهراء ملتــم

ورحت لحامد المتقين وانطيتة السماعة

حامِد المتقين ::
وين انطي الوجه بعدك يا غالي ؟
حگي ابجي على عزي ودلالي
دمعاتي بوسط عيني تلالي
وعلى الخوان ينزل مو دمع دم

وعمتي اخذت السماعة من عندة وبدت تقرأ

فاطمـة الزهراء ::
وسفـة حسينـي مكطوع النحــر
جسمــة مكطع ومتوذر وذر
وين عباسي طايـح على النهر
منهو للعيلـة من طاح الولي ؟

وجان كاعد علي السجاد رغم رفض لان صوته محلو بس انطيتة وجبرتة يقرأ

علي السجاد ::
حركــو الخيــمة من بعـد الحرب
وبعد ابو سكيــنة نايــم على الترب
راســة اليــة وعيونــة تصــب
چن يكللـها الخيــمة لا تنطيــها

وأريــجة جانت كاعدة يمــة انطاها الها وقرت الـي تذكرة

أريج الله ::
روحي مشتاكــة ياخوية لمنحرك
شلون حاجيني وانسى خوتك ؟
بجفي متعلمة امسح دمعتك
وهسة محتارة شنو امسح يا حسين .

لكيت علي الباقر كاعد لوحدة مشيت الة وانطيتة السماعـة

علي الباقر ::
ترضى يا حسين يصعدن على الهزل ؟
فوك دمعاتهن يشدوهن بالحبل
وينضرن لراسك ماهوة منعزل
من يا وكت يا حسين ياخذهن الحزن ؟

سويت ختامها مسك بصوت علي الباقر ابتسمت بوجة ابتسامة وعلى طول ماهو يقرأ ما شلت عيني عنة لمن اجت امي واخذت السماعة مني ورجعتها لمكانها وغطتها وكلتلي مال الملا لا تنكسر ونتفشل وياها ..

تركــونا الولد وصعدو نامو فوك كلهم صارت كل غرفـة نايم بيها شخصين والبراني كذالك نامو بي لان متكسرين من التشابية

وانا رحت للمطبخ و كعدت وي جميـلة و أم البنين احضر صينيــة الوحشـة وهي عبارة عن صينية خشب كل سنة نلسق بيهن الشموع
100 شمعـة وننتضر لمن يصير الليل نطلعهم للباب ونشغل الشموع استذكار مع ليلــة الوحشــة ..

وجانــت السـاعة بهاذا الوقت ما تقارب
21 : 3 م بقيت كاعدة وياهن ..

""" أريــج الله """

اجاني اتصال من العاملة بالمعمل وكالتلي ان الرايات صارن جاهزات اتفاجئت مو من عادتهن هيج يشتغلن بهاي السرعـة
بس ما اكترثت وكلت وي نفسـي دامهن جهزن لازم اروح واستلمن لان البضاعة بس انا استلمها واغلفها حتى يجي المندوب ياخذها
للموقع الخاص بيها ..

لبست عباتـي والنقاب و نزلت الدرج لكيت امي بالطارمة تكص بالشجر اول ما شافتني اجت يمي واردفت ::

العلويـة :: هاا اريجتــي وين ؟؟

أريـج الله :: يمة رايحة للمعمل استلم طلبية

_ جا وين رايحة لوحدج كومي كعدي واحد من اخوتج

_ يمة اخوتي كلهم نايمين خطية اتركيهم وانا مراح اتاخر بس استلم الطلبيـة وارجع

_ وين منو راح ترحيـن ؟؟

_ اخذلي تكسي منا

_ والله من الصار ب اخيتج صرت اخاف عليجن من الهوى بداعتـي يمة طريقج للمعمل وارجعي واذا حسيتي السائق عيونه زايغة لو مو مريح افتحي السيارة وانزلي حتى لو وهو يمشي خوش يمة

_ خوش يبعد ارويحتـي اكدر اروح هسـة

_ وشوكت راح ترجعين ؟

_ كلش ما اتاخر سالفة ساعة بس

_ خوشش يمة الج بس ساعة اشوفج كدامي

_ تدللين علية يست الكُــل اكدر اروح ؟

_ روحي يبعد الروح بس بالج ثم بالج على نفسج يبعدهم فدوة بالج على نفسـج

_ ان شاءالله يمة في امان الله

_ مستودعتج الله يعيوني

تركـت امي وطلعـت غلقت الباب وراي
ومشيت بضع خطوات ورف كلبي بشكل مو طبيعي التفتت والقيت نضرة على بيتنا وحسيت هاي اخر مرة اطلع من هلبيت

وطلعتـي هسة هاي نهايـة للدلال الجنت عايشة بي
ونهاية لعلاقتـي بأخواني الي متعوضها كنوز الدنيا
ونهايـة لأســم العلويــة !!

اتجاهلت هاذا الاحساس وكملت ما عن هوواي ضميري جان يكلي ارجعي و طنشي اتصال صديقج خلي تولي ارجعي للبيت

لو مرة ثانية يكلي ارجعي واخذي واحد من اخوانج راح تحتاجينة

بس ما اكلت اهمية هواي وكملت طريقي لشارع العام و ركبت التكسي و رحت للمعمل :: باوعت لتلفوني لكيت الساعة
55 : 3 م .. اخذت نفس وصليت على النبي

━━━━━━━━━━━━━━━━━━━━━

__ ضَهَر اٍݪـبَنِتِ سند اهلها
وآنِي ضَهَري مَگسور

يـَٰٰـٖـتــِبـــع ☜↺

10،827

لتــواصل انستكرام ￤ o.oll13

لتواصل مع ابطال القصة من خلال قناتهم على التلكرام ￤ali_dakiir

━━━━━━━━━━━━━━━━

لهنـــا يكون انتهـى البارت
لا تنسون تنطونا ارائكـــم بالتعليقات
وتصويت قبل لا تطلعون
ومتـــابعــة للحســاب

وانتــضرونــا بالبــارت الجاي

احبـــكم والســــلام 👋🏻💗✨