احفاد السيد : الثار ( بأجزائها الإثنين ) الفصل الثامن وأربعون 48 - بقلم ​رُقَيَّةُ الْأَكْبَرُ

السلام عليكم ورحمة الله وبركاته
لا تسوون التصويت والتعليق
ومتابعة لحسابي اذا ممتابع oo_ll13

حسابي الانستكرام

__ أحكم سفينتك فأن البحر عميق

الكاتبة 【 رُقـيّـــة آلـأكِــبـر 】
بقلمها رواية ↲ أحفاد السيد : الثأر ↳

__ عيش ضعفك مع خالقك و لا تضعف لأي مخلوق

━━━━━━━━━━━━━━━━━━━

""" علـي السجـاد """"

قرأت معاني الخوف الصارن بوجه لينا يوم ذكرت أسم سائد جبران وذكرت موت عمي و تحرير ضلت ساكتة و مصدومة شتريد تكول يعني ؟ اخذت اسحب بخطواتي و كعدت على الجرباية و أردفت وياها من بعد ما شبگت ايدي بأيدي الثانية حتى الزم نفسي من الانفعال .. لان ما جنت اريد اعصب ابد ..

علي السجاد :: حقج تسكتين والله ما ألومج
تعرفين شنو الغريب بهاي القصة .. الغريب يا لينا ان انا جنت محصن نفسي من كُل الجوانب جنت كاره الحُب و مبتعد عنة لان جنت افكر واكول الله هو الراح يختار الي ماريد انا اختار وحتى لمن ابوي قرر يزوجني ما رديتة ولا اعترضت مااا اعرف ليش اعتبرت هاذا الاختيار هو الله اختارة لي رغم كللشش غلط زواجي منج ما جان اختيار رب العالمين جان اختيار أبوي وقرار من الشيخ محمد الي على أساس هو أبوج وأعترف بالبداية ما جنت أحبج ولا جنت أطيقج اصلاً بس وياها وياها حاولت أتعود عليج واتعودت والمشكلة أتعلقت بيج و حبيتج حيل بس هسة تطلعين جايـة لهنا علمود علمود تسوين البراسج لا اجيتي كَ چنة لبيت السادة ولا أجيتي كَ زوجة الي جنتِ مجرد وحدة حاقدة تريد تنتقم لشيء مااعرفة ..

بهاي الأثناء لينا حيل انقهرت وصارت ادموعها تنزل عشرة عشرة اتقربت مني وحطت ايدها على حلگي وأردفت وياي بصوت عالي وحزين
وجان جوابها الي بطريقة نتر وكأن ماجانت راضية عن الكلام الي گلتة بحقها

لينا :: لااا علي السجاد لااا انتَ ما تعرفني انا منو ؟ لك انا لينا انا الي أصير زوجة السيد وأم السادة والعلوية انااا فَ مو من حقك لا انتَ ولا عشرة من أمثالك تحجي وياي بهَذي الطريقة أبد ما أسمحلك تتهمني وانتَ ما سامع مني شي بس سمعت كم كلمة مااعرف منين وأجيت علية فسرتها على مزاجك لااا علي السجاد لااا أحجي ويااي وحط عينك بعيني واسمعني ..

لزمت ايدها ووخرتها عن حلگي وأردفت وياها بقوة و حدة .. جان كلبي ملچوم و محترك
ملچوم على أختـي والحيوانات الواكفة برة عليها
ومحترك على مرتي الواكفة كدامي وطلعت هي ورة دمار عائلتي

علي السجاد :: اههه تمامم يلا فهميني ياسُت لينا شنو يلي لازم أسئلج علية وشنو لازم تضحكين علية بي أوو اقصـد تفهميني علية ؟؟ هاا شنو

لينا :: علي السجاد اني مالي علاقة بِ موت تحرير و عمك شلي دخل ذبيتها براسي ؟

_ التقرير الطبي لتحرير يكول هو اتعرض لنوبة قلبية بعد تعرضة لأختناق واذا تذكرين لمن اتصلت عليج انت كلتيلي انا يم واحد ماعرفة صغير يعني انت اخر وحدة بقت يمة ..
وكذالك التقرير الطبي لعمي يكول سبب الوفاة جرعة زايدة بالعلاج وانت بذاك الوقت جنتِ تزنين براسي تردين ترحين لبيت عمي شنو اليخلي بعد ما انت تفوتي علية تصير سالفة جرعة زايدة ؟

_ وعلى هاذا استنتجت انا وراه موتهم ؟؟ علي السجاد تحرير انا ما جنت اعرفة اصلا و اييي اتذكر لمن كتلك انا يم ولد صغير بس هاذا مو يعني انا ذابحتة وحتى عمك نحن رحنا واتعرفت على البنات بس لا وصلت لعمك ولا شفتة شوف منو من بنات عمك لو مرة عمك غلطانة بالعلاج ومنطيتة شيء زايد شكوو انا بيها حتى انشمرت براسي لوو بس لينا عدكم خليتوها شماعة لأخطائكم ؟؟

_ لينا لا غبي ولا مخبل الواكف كدامج حتى تحجين وياه هيج وعلى بالج تكدرين تضحكين علية

_ والله انتَ الهيفتني علي السجاد انفگيت علية

رفعت عيني الها ولاحضتها شلون صارت تحجي بهدوء وكأن ماكو شي أردفت وياها

علي السجاد :: طلعيني من عرگج الأنباري لا صدكك هسااع انفك عليج

بقت ساكتة وتتنوع علية منتضرة أرجع واحجي شي إو اسئلها ولان جنت أريد أمل 1% يثبت ألي كلشي بهاي الدنيا خطأ و بس لينا صح مثل ما جنت مفكرها رجعت وكعدت على الكرسي وأردفت

_ تعي لينا اكُعدي كدامي ..

أجت وكعدت على الجرباية كدامي وردت تباوع الي وهزت راسها بمعنى < هاا ؟ >
بقت عيني بعينها ما شلتها واردفت وياها ..

_ اسألج وتجاوبيني على گد السؤال ماعندي وقت اضيعة أريد انزل لهذول البهايم ..

كذالك ما فتحت حلگها وحجت رجعت وهزت راسها الي بمعنى < أيي ! >
وسالتها أهم سؤال وجان يتطاير براسي من مكان لمكان ..

علي السجاد :: شنو علاقتج بِ سائد جبران ؟؟ ليش حضرتج متسجلة بأسمة ؟؟! وشنو يلي جابج على الشيخ محمد وخلاج تدخلين بنصنا ؟؟

لاحضت عليها عصرت بأصابعها وبلعت ريچها ودنگت لثواني وكأن جانت تدور على جواب لسؤالي رفعت راسها وما خلت عينها بعيني واردفت وياي

لينا :: انت تعرف الشيخ محمد جان متزوج أمي بالسر محد جان يعرف امي متزوجة هناك وكذالك ما أعترف بهذا الشيء لان أمي جانت سُنية وثاني شي لان خاف على مشاعر مرتة الأولى المهمم بعد ما صار أنمار وهو رفض يسجلة بأسمة وبعد أنمار بِ سنين إمي حبلت بية وهو طلك إمي ورجع لبغداد وعافها وترك امي وهي حامل بية واخوي انمار بيدها صغير
انجبرت امي تشوف حل ما تكدر ترجع لهلها وتطلع لناس وأهي بيدها طفل وحامل بطنها لحلگها وحتى اذا صدكوها ان هي جانت متزوجة محمد ما راح يعترف بينا المهم صدفة جمعت أمي و سائد جبران ولمن عرف قصتها اتزوجها واول ما نولدت سجلني بأسمة وهاي هويتي وسوة هوية لأنمار كذالك سجلة بأسمة خاطر نكدر ندخل مدرسة ونكمل تعليم ومشت حياتنا عادي لحد اول العام اتوفت امي ونحن اخذنا قرار نرجع لابونا لان خلص نكوم لو نكعد يبقى سائد زوج ام بالنسبة النا
وسويناها واجينة لهنا لان اتيتمنا من الام مانريد نتيتم من الأب فَ الشيخ محمد سقط هاي هوياتنا ورجع طلع النا هويات جديدة بأسمة بعد ما ثبت نحن اولادة بالتحليل
وهاي كُل القصة ..

بقيت صافن على الراوية يلي سردتها السُت لينا اعترف ما دخلت مزاجي بس جاريتها شنو أسوي رفعت حاجبي وحجيت وياها بأستهزاء ..

_ شنو هاي من صدفة گشـرة الخلت امج تلتقي بأكثر شخص حاقد على أهلي وانتِ اتربيتي بحجرة وصدفة هممم طلعتي انت بنت الشيخ محمد يلي هو اقرب لأبوي يلي لو يكول لابوي اللبن احمر ابوي يكلة لبيه صحيح احمر
وتعوفين الانبار وتجين لهنا والشيخ محمد فجأة تجية صحوة الموت ويخاف لايموت وهو ما شايفج عرووس فجأة نزلت الحنية على كلبة وطلب من ابوي يزوجج الي حتى يأمن عليج
وانتِ مَ شاء الله عليج من حطيتي رجلج بعتبة الباب قارورة الدم عدنا ما فرغت فاضت بسبب كل شوي دم واحد بينا مصبوب بيها .

مسحت وجها بأثنين ايديها واردفت وياي

لينا :: لو احجي منا لصبح انت لا راح تسمع مني ولا راح تصدك بية لان خلص حضرتك اقتنعت بشيء واحد الا وهو انا صاحبة هاي المصائب ..

_ وهاذا الصدك ..

_ عليي السجااد !!!!

تركتها وكمت على حيلي رحت صوب الباب سحبت المفاتيح الغرفة من ميز المكياج واردفت وياها ..

علي السجاد :: انطيني تلفونج وينة ؟؟

_ لويش تطلب تلفوني ؟

_ لينا خليني مطول خلگي وياج الصخام مالتج وينة انطيني ياه وفضيني .

_ علي السجاد مو بكيفج جاي تحاسبني على شيء انا مالي علاقة بي لا تضلم بختك وياي

_ اللهم طولج يا روحح

_ هاذا تلفوني بس صدكني ماكو شي من البالك صحيح وانت ما جاي تسوي شيء غير انك جاي تضلمني وهلشيء بيه ذنب عظيم ..

ابتسمت بوجها وسحبت تلفونها من ايديها واردفت وياها ..

علي السجاد :: خووش خلي هسة تفض سالفة أريج الله على خير وراح اتفرغ الج واذا صدك مثل متكولين طلعتي مضلومة حقج راح تاخذينة مني من هاي الرقبة
واذا طلعتي ضالمة بس الله وحدة راح يخلصج لان راح اسلمج بأيد البشير قيصر و المعتز باالله واخر شي انا هم يشوفون شغلهم وياج أول لان واحد خسرتي اخوة وهو جان بمثابة ابنة والثاني خسرتية ابوه وأانا اجيتي علية و خسرتيني روحيي وثقتي بالناس

لمن ردت اطلع لزمت أيدي وجانت تريد تحجي بس انا سحبت ايدي بسرعة واردفت وياها

علي السجاد :: اسمعي لينا علمي يوصلج ويتعداج قسم بالخلقني من العدم ارجع واعدمج حياتج و عمرج اذا سمعت بيج طالعة برة هاي الغرفة لو البيت يحترك تبقين هنااا و ترى اسلوبي هاذا وياج على خاطر الاطفال هاي بسس

تركت لينا وطلعت قفلت الباب الغرفة ونزلت لطابق الأرضي لكيت أمي ومرة عمي كاعدات رحت ليهن كامت امي الي ..

العلوية :: هاا يمة سجادي أشو صارت سنطة برة خير ؟

_ ماكو شي يمة بس دزينة الولد يجيبون البنت الاخذت اريج وهي ساعة بس وكلشي راح ينحل

أم رحمة ;: يعني هاي هية خلصنة ؟

_ أن شاء الله گضت راح نعرف منو الگال الها تسوي هيج ومنو يلي اعتداء على اريج الله و تنحل

العلوية ;; عسااه ما يربح لا دنيا ولا اخرئ عساه يحترك گلبة على ضناه عساه يحترك بنار جهنم مثل ما احترك كلبي على ضناييي ..

أم رحمة :; يمة سجادي اصعد لأخيتك وطمئن كلبها بهذا الكلام اكيد هسة ارويحتها رايحـة ..

_ وينها هي بيا غرفة و ويامن ؟

العلوية ;; وي شيخـة هية بس ماعرف بيا غرفة

_ هاي ههي صاعد اشوفها ..

تركت امي و عمتي وصعدت فوك صرت افوت للغرف لمن ما دخلت للغرفة لكيت رحمة الزهراء كاعدة و حاطة ايدها على راسها رحت الها و حطيت ايدي على كتفها واردفت

علي السجاد :: خيرج شيختنا شمالج ؟

وخرت ايدها من راسها ورفعت بنضرها الي واردفت وياي بعيون ذبلانة وحيل تعبانة

رحمة الزهراء :: هلا أبو التقـي

_ هلا بيج خيرج شيخة شبيج تعبانة ؟

_ لاا ماكو شي بس الدوخة ما جاي تفاركني ابد ما ادري شجاها وياي

_ اجيب الج حب راس لوو ؟

_ لا لا ماكو داعي واصلا أريجة نزلت تجيب الي ماي بس ماادري ليش هلگثر بطت علية

صفت شوي استوعبت اهي شكاعد تحجي ورجعت اردفت وي رحمة الزهراء

_ ليش أريجـة وينهااا ؟؟

_ صار الها تقريب الـ 10 دقائق هيج من نازلة لجوة كالت تجيب الي ماي ومنها تصيح للعلوية ..

_ ياا علوييةة التريد تصيح الها اريج ؟؟

_ امك يعني يا علوية ؟؟

_ شيـخةةة أريج ما موجودة جوة !!!

فتحت اعيونها متفاجئة واردفت وياي بصوت يرجف

_ شنو مو جوة واتراب ابوي كالتلي نازلة تحجي وي العلوية واني منتضرتها تجي

_ رحمةة ارحميني وافهمي جاي اكلج هي مو جوة توني جنت انا جوة وكالت امي اريج فوك وي شيخة ..

_ جااا اذا ما نزلت لجوة وين راحتت ؟؟

_ هي هاي السوالف يلي ما تريدها تصير بهاي الاوقات لا يا الله

عفت رحمة الزهراء. وطلعت وهي هم طلعت ونزلن البنات كلهن يدورن بانحاء البيت على أريج الله
بوقت ما جان علي الباقر قافل باب الاستقبال علينة علمود لا يستغفلهم احد الحيوانات او ابوي ويفوت بلا ما ينتبهون ويأذي اريج الله ..

"""" علـــي البــاقر """"

صرنا ننتضر على نار رجوع البشير و الشباب جنت حاط ايدي على جرحي يلي صاير مكانة ابطني و المعتز باالله حيل كام يتلوى من الطلقة الي بأيدة
رحت يمة واردفت وياه ..

علي الباقر :: جرحك راح يلتهب تعال نطلعك و ناخذك للمستشفى

المعتز باالله :: لاا لاا ما بية شي خلونا نخلص سالفة اختي اول وبعدين نلتفت لهاي السوالف الصغار

شبر :: عمي وعيونك اجيبلك هذول كلهم. واحطهم جوة مداسك ومداس عمتي بس انت روح للمستشفى ابوس ايدك شوف حيل جاي تنزف

_ كتلكمم لاا ماريد مابية شي لا تضغطون علية اكثر كافي ..

هنا أجى علينة النقيب زُبير واستفسر مننا

زُبير :: خيركم ؟؟! شنوو صاير وياكم هنا ؟

كمت انا على حيلي واردفت وياه ..

علي الباقر :: مااكوو والله بس الله جابك تعال احجي وي نسبيك وقنعة خلي يرضى واحد من الولد يطلعة للمستشفى ..

زُبير :: المعتز باالله متصووب ؟؟

المعتز باالله :: ما بية شي بس طلقة بأيدي ماكو شي لا تكبرون الموضوع

زُبير :: شني ما بية شي شني بس طلقة شني لا تكبر الموضوع ؟؟؟ هسسة تكووم كاعد شنوو ولك عبالك لعب السالفة ؟؟

_ مستحيل اطلع منا لحد ما تخلص هاي السالفة

زُبير :: لا تتخبل معتز هسة انا اتصلت بالدعم بس لان عدهم واجب يخلصو ويجون علينة واخلصكم من هذول بس هسة كووم روح للمستشفى

_ ماا اريد ما اطلع ..

شبر :: عمي زُبير انت روح هسة احجي وي هذول خلهم يبتعدون ويسوون مجال النا نطلع علما نطلع عمي المعتز باالله غصب عنة

زُبير :: راح اشوف صرفة وياهم اصبرولي هنانة ..

راح زُبير حتـى يحجي وياهم بالبداية كُل ضنة هو يحجي وي بشر طبيعيين مثلنا بس لمن سمع ردهم كل تصرفاتة اتغيرت طبعاً أول مرة حجة وياهم بهدوء و أدب وطلب منهم يفسحون المجال خاطر المعتز باالله يطلع بس صاح واحد جبير منهم وهو جان أبن عم أبوي
رد على زُبير بكل جسارة و كال له :

مؤيـد :: ما راح نسوي مجال لأي أحد وهم ولا واحد راح يعبر منا ونحن موچودين اذا يردون يطلعون خلهم هسة يطلعون علينا وراس اختهم مكطوع بأيدهم نريد نشوفهم وهمة ناحرين اختهم من الوريد للوريد ..

لمن المعتز باالله سمع هذا الكلام راد يكوم اخذت و حطيت ايدي على كتفة وكعدتة واردفت وياه ..

علي الباقر :: أضجع بِ مكانك ..

المعتز باالله :: ابا الحسن ما تسمع كلامهم انطيناهم عيين هوواي ولان سكتنا عليهم اتمادو بالحجي خلينا نطلع عليهم ونلصم احلوگهم ..

_ أششش عزوز ريــض بأعصابك ما يحتاج كل هاذا

شبر :: شلون عمي ما يحتاج كل هذا ما تسمع كلامهم عن عمتي ؟ خليني انا اطلع ليهم اترك عمي المعتز باالله متصوب بس ترى انا صنديد اعجبك. والله جربني و شوف ..

أبتسمت و ضربت على ظهر شبر وأردفت وياه ..

علي الباقر :: صنديد من ظهر صنديد وانا اشهد الك

شبر :: أرخصني وخليني اهد عليهم عمي ؟

_ لاا بويـة اكعد هسة زُبير وياهم ..

المعتز باالله :: ما جاي تسمع زُبير شنو جاي يحجي وياهم وهو منطيهم اكبر من حجمهم ولا يكلك هو ضابط ويكدر يسحلهم ..

_ عزوزز كتلك خلي زُبير يشوف شغلة وياهم وحتى اذا اريد احد يطلع مستحيل اخليك انت تطلع وي هاذا اصوابك يعني بالحالتين انت كاعد هناا خلص اسكت ولا واحد بيكم يحجي شي ..

تركتهم و رحت شوي قريب على زُبير وسمعت الرد مالتة على مؤيد ابن عم ابوي ..

زُبير :: اكوولل ما تاكل تبن ينحروهااا شني جا انا شني كدامك رجل كرسي ؟ لو گشر بصل ؟ ترى اكدر هسة اسحلك سحل للمركز وشيخ عشيرتك ما يخلصك من ايدي ..

وهنا أجة الرد من أبوي !!!... الي كسرنا كلنا عادي نشوف هاي الناس ضدنا وتريد تكتل اختي وتذبحهت ذبح بس ابوي جان الطامى الكبرى كسرتنا بي اكبر من كسرتنا على اختي حتى شعر راسي من كلامة راد يوكع ..

عبد الحسن :: عموم عشيرة وتريد تغسل عارها وترفع راسها ابين الناس لا دولة ولا قانون ولا ضابط ولا ملازم يوكف بوجهنا مالكم حق عدنا اخذ مرتك وارتحل منا عاري وانا راح اغسلة بأيدي والي يفكر يمنعني لو يوكف بوجهي راح ينذبح قبلها وحتى دفن ما راح يندفن راح ينشمر للجلاب السودة لان مات على باطل مات وهو يدافع عن عايبة و زانية ..

زُبير :: ترى التحجي عليها مو بنت الجيران هاي بنتك من صلبك و تربية ايدك

_ ولان اهي من صلبي وتربيتي و سوت هيج تستاهل الموت زُبير الموضوع راح يخلص وينتهي بموت أريج الله ابتعد منا انت وخليني افوت واكتلها وتنتهي القصة ..

كلحنا جنا واكفين بالطارمة واحدنا يصد بعيونة للثاني بسبب الصدمة من الكلام الجاي يطرق مسامعنا من صوت السيد الوالد ..
صحيح كلحنا نعرف ان عبد الحسن قوي و قاسي وكلبة جلد بس ابد ما اتخيلنا لهاي الدرجة ..
سبق اله و اتبرى من اخوتي وضلمهم وسبق له و ضلم جميلة و اولادها وسبق له وضلم اقرب صديق الة وخلا يصير الذ اعدائة وسبق له وضلم وهج الطف وضلم امها هم ..
بس ابد ما اتخيلت ولا طرى على بالي فد يوم يوصل لهاي المرحلة

بهاذا الوقت سمعت باب الاستقبال ينضرب بطريقة هستيرية من جوة التفت وركضت فتحت الباب وأول ما فتحتة طلع علي السجاد وأردف ويانة :

علي الباقر :: خيرك شنو صاير ؟

علي السجاد :: الحك علينا أريج الله اختفت

الفاروق الاعظم ;; شلون يعني اختفتت ؟؟؟

_ ماا ادريي كلبنـة البيت كله عليها شبر شبر مااكو الها أي أثر ..

دفعوا اخوتي علي السجاد و فاتو لجوة يفهمون شنهي السالفة واني اتكترت على صفحة واردفت وي نفسي من بعد ما البيت كلة عچ بخبر شردة أريج الله اخذت انضر لسماء وأردفت بداخلي ..

علي الباقر :: اللهم بِ فاطمة وابيها وبعلها وبنيها عدد ما احاط بيهِ علمك .. يا كاشف الكرب عن وجه اخيك الحسين اكشف الكرب عن اختي أريج الله بحق اخيك الحسين ..
اماه يا زهراء أنشري كسائكِ على اريج الله وغطيها بي من عيون الناس لان اشوف بداخلها ضعف وضياع ما راح تكدر تواجه العالم الخارجي لوحدها بس راح تكدر اذا انت جنتِ وياها ..

بقيت اردد هلاقوال لمن دخلت للبيت الكل اخذ باب خارجي وطلع منة وصار يدور على أريج الله أما انا فَ صعدت لغرفتي ودخلت وصرت اروح واجي لحين ما سمعت الباب ينفتح انداريت الة واشوف طيبة الزهراء داخلة علية وجانت عين تضحك وعين تبجي بيها .. واردفت وياها ..

علي الباقر :: خلصتيهاا ؟؟؟

طيبة الزهراء :: اييي خلصتهااا بأكمل وجة

_ الورقة اهم شي الورقة انطيتيهاا الهاا ؟

_ ايي انطيتها الورقة والفلوس و التلفون وكلشي انت كلتة الي اني سولفتة الها بحذافيرة

_ الله ييسسر الها ..

عفت طيبات و التفتت صرت اباوع للشباك واشوف شلون هذول الناس بالشارع صارت تضرب اخماس بأسداس بموضوع شلون طلعت أريج الله بدون ما احد يحس بيها لو يلمحها وهم تارسين الشارع
وانا جان بالي كلة يم اخيتي واهم شي تصير ابعيدة مناا وهم تحتفظ بالورقة يلي كتبتها الها جانت عبارة عن تسبيحة الزهراء لان ( تسبيح الزهراء حرز بالف دعاء )
نوعا ما جانت روحي مطمئنة على اريج الله لان طلعت بس راح تتطمئن اكثر لمن تتصل علية وتحجي وياي ..

رجعت طيبة الزهراء وحجت وياي ..

طيبة الزهراء :: ليش خليت موضوع الشردة براس اختك ليش خليت أريج الله تشرد منا ؟ مو راح يجي البشير قيصر ويثبت برائتها ليش سويت هيج خليت تثبت لناس ان هية خطأ وتثبت كلشي انكال عنها صح...

علي الباقـر :: طيباات طيباات صدك تحجين انتِ !!! ولج هاااي الناس انا يلي اعرفها زين حتى لو أجت البنت وكالت هي غدرت بِ أريج هم راح يفرون السالفـة وراح يذبحوها لأن أريج الله خللص فقدت عذريتها وهاذا يحسبوه عاار يعني ذابحيها ذابحيها ان جانت برئية او لا

طيبـة الزهراء :: يعنـي معقولة هييج حياة أريج الله ادمرت بلحضضاتت ؟؟؟

_ وعيونج ما ادمر شي لأخلي اختي تعيش احلا حياة بس مو هنا راح تعيشها بعيد كلش عن هاي الحيوانات .. أريد طلبة اخيرة منج طيبة ..

_ روحــي الك لا تطلبني تأمرني ..

_ هاي السالفة تندفن هنا ماريد احد يعرف انا وياج نعرف بموضوع شردة أريج الله

_ يصير الي تريدة بسس ليش ؟؟

_ لان انتِ كَ بنت أبوي راح يسود عيشتج لان حطيتي إيدج بموضوعها واني راح يضغط علية ويجبرني استدرجها حتى ترجع لهنا لان تعرفين مهما قسى مهما سوة يبقى أبوي لهذا خلي السالفة سر ونحن لا ندري ولا شفنا احسن النا نحن الثلاثة ..

_ هاي هية أصلاً إريجة شوكت طلعت يمتا ووين جنت انا بالغرفة يم البنات مادري بالدنيا طشت رشت ..

_ فدووة لعيوونج ..

ضحكت ولزمت ايدي وأردفت وياي

_ بسسس هااا ابا الحسن توعدني اذا اتصلت عليك وطمئنتك عليها تجي وتطمئني ..

_ غاليـة وطلبـج رخيص ..

_ يلا اخليك ترتاح شوي لوحدك نازلة للبنات وانتَ اغسل وجهك وصلي وعوف هذول محتارين جوة بزمانهم

_ أن شاء الله گضت گضت

تركتني طيبة الزهراء وطلعت واني كعدت عَ الجرباية وصرت اباوع للغرفة جانت محد يفوت عليها وينضفها بس أريجاتي ريحانة العلويات .. فگدتها ححيل
والها وحشة وعلي ما متعود على جفاها هيچي ..
وهمست وي روحي اندعي ..

علي الباقر :: أماه يا زهراء إذا عافتني الدنيا إدري انتِ ما تعوفيني واذا مرة مريت بعوز فضل خيرج يغطيني يا اماه يا فاطمة من الليلة هاي طالبج وادري ماراح ترديني اختي تحت عبائتج احميها وأستري عليها يا سيدة نساء العالمين ..

وبقيت انادي { اللهم بفاطِم } وانه قسم لو تعلمون لعظيم

وبعدها صرت افكر بهذا المجتمع الي نحن عايشين بية
يا ترى كم بنت مثل أريج الله ؟؟؟

كم وحدة هيج صار وياها ومكدرت تنقذ روحها وراحت لدار حقها ؟
كم وحدة هيج مضلومة وراحتت بحجة غسل عار وما انوخذ حقها ؟

كم بنت اهلها مستحقرين وجودها بس لأن هي بنت وحضراتهم يقدسون فقط الذكور ؟؟؟؟

ورغم أن رب العالمين أكثر شيء يوصي بالنساء وكذالك نبُِنا نبي الرحمة محمد { صَ }

◁الله خلق البنات من طين عُجن بالورد فأزهرت اروحهن السماوية وضحكاتهن الملائكية▷

والنبي محمد قال ما قالة عن النساء
وأولهن قال وهو يوصفهن بقولة
( أنهن المؤنسات الغاليات )

ورجع ووصى بيهن في قولة
( ورفقاً في القوارير )

ورجع كذالك وقال
( ما اكرمهن ألا كريمً وما اهانهن الا لئيمٍ )

فا العجب كل العجب على امة تحب كسر وصايا نبيها !!!!

وكذالك رب العالمين وصى بأياتة الكريمة
⒈رب العالمين جان يحذرنا من حزن النساء
⒉ لم يرضى لحزن النساء

ذكر النا بسورة القصص
{ كي تقر عينها ولا تحزن }

ورجع سُبحانة وتعالى قال في سورة مريم
{ فناداها من تحتها إلا تحزني }

وكذالك ذكر النا في سورة الأحزان
{ إن تقر أعينهن ولا يحزنّ }

نشوف كل الايات الكريمة ركزت على حزن البنت وهذا لان حزنها عميق و مشاعرها رقيقة وكذالك الحزن مؤذي للنساء لأن يؤثر على الغدد المفرزة لهرمون الأنوثة

فَ كم من أمراة حزينة لم تنجب ؟
وكم امراة حزينة تساقط شعرها ؟
وكم امراة حزينة شحب لون وجهها وذهب جمالها ؟
وكم امراة حزينة تعرضت للامراض بسبب كتم حزنها ؟؟

ياخي لا تجرح امك بكلمة ولا تهمل زوجتك ولا تقسى على اخيتك واحضن بنتك ودللها وابتسم لكل نساء اهل بيتك وعاملهن بالحسنى
ودائماً اتذكر قول النبي محمد ( ص )

( لا يكرمهن الا كريم ولا يهينهن الا لئيم )

وبعد هاذا تفكيري بالمُجتمع المورع الي نحن بي رجع تفكيري وجابني لأخيتي وشنو حالها ؟!
ما انكر ان بالبداية الامر لمن صار هذة الموقف ويانة حيل انفعلت و وصلت مرحلة جنت راح اعاتب رب العالمين ان ليش هاذا البلاء ليش هيج جار يصير بينا ؟؟

بس رن بأذني صوت غدير الله لمن مرة من المرات كالت

غدير الله :: لا تعجز من رحمة الله ولا تكره شيء اختارة الله لك فَ على المرض تؤجر وعلى البلاء تؤجر وعلى الصبر تؤجر رب الخير لا يأتي الا بالخير ..

بعد ما تذكرت هاي كلماتها استغفرت ربي وحمدتة وشكرتة على كل النعم حتى لو جان اختبار رب العباد لصبرنا هاي المرة باختي لا بأس كلشي من رب العالمين مقبول ..

✰ شما تضن انك حُرمت وضنت أن الله سبحانة وتعالى ضلمك وحرمك
تلگى نفسك في الحقيقة انك رُحمت ف رب العالمين رحمك

گطعت سيل افكاري وجريت نفس طويل حيل وكمت على حيلي واني اريد اصلي ركُعتين لله
واقرا دعاء لحماية اخيتي ..

* غــدير الله *

من صحيت لهذا اللحضة وانا احس اكو شي غريب جاي يصير
يعني اهلي مو اهلي دوم ..
ولا شنو يعني اصحى من الحادث هذا الصار وياي ما اشوف ولا واحد من اخواني ؟؟؟؟ معقووول !!!

هاييي شنوو قبل لو ينغرز باصبعي دبوس يكلبون الدنيا والكون علية هسة انااا مطگوگة وابني مكتول وجسمي كلة مرضوض وما لمحت ولا واحد يمي ؟؟؟؟

لاااا لاا اكو شي مو طبيعي اخواني وانا الادري بيهم مستحيل يعوفوني هيج كلهم فرد مرة ..

انفتح باب الغرفة ودخل علية أنمار وهو شايل عصبر و كيك وإجة كعد كدامي وأردف وياي ..

أنمار :: عصير طبيعي 100% راح يرجعج مثل قبل واحسن بس انتِ عاونيني وأشربي كلة لخاطري و لا تتبطرين

بقيت ساكتة واباوع علية وهوة يفتح العصير ويحطة الي بلگلاص وانا يتردد براسي صدى صوت إبو التكسي وهو يكول الي ( سلميلي على أنمار )

يعني يعقل انمار هو سبب الشيء الصار وياي ؟
بس هو جان متحمس اكثر مني ؟
وجان طاير يريد نسافر منا خاطر نكمل حياتنا بالخارج !

جاا شنو صار شني التغير ؟ الجماعة الي ضربوني شنو علاقتهم بأنمار ليش ذكروه الي ؟
ليش ذبحو طفلي جانو متقصدينة اكثر مما متقصديني انا جان همهم الطفل يموت
معقول هذول اعداء لأنمار وجانو يردون يحرگون گلبـة على ابنة ؟؟؟

اوووففف التفكير شكد يتعبب ..

بقيت كاتمة على هذا الموضوع ومحد عرف بي ولمن قدم أنمار الي العصير والكيك حتى أكل اخذتهن من ايدة لان جنت بس اريد اصير زينة خاطر اطلع منا

طلعت روحيي...

بعد ما كملت ..

انمار :: الف عافية هني ومري يبعد إهلي وتربيتي ..

اخذت الكلنكس منة ومسحت ايديني وحلگي وما رديت علية بس ادموعي جانت ماخذين حيز من اعيوني
ولمن هو سكت وانا اصلاً من الاساس ما حجيت بشيء وياه
اخذ ايدي وحطها ابين ايدية ودنك صار يبوس بيها
وبعد كمية الصراعات يلي صار بداخلي واني اشوفة شلون حاضن ايدي
كدرت افتح حلگي وأردف بشيء وياه ..

غدير الله :: أنماار ..

فز من مكانة وأردف بلهفة وگال :

انمار :: عيونة و روحة لأنمار وعافيتة شنو يا نور عيوني و حياتي وسكينة كلبي ..

بلعت ريجي وصرت أرمش بسرعة لان جنت اريد اشد حيلي واحجي وياه معدل بدون أيد ترجف لو صوت خايف ومبحوح
رجع هو ولفظ وياي :

انمار :: كولي يا روحة لأنمار شنو تردين ؟

_ لو مثلاً طلبت منك تطلگني راح تطلگني ؟

صفن بوجهي و ترك ايدي و رجع شوي لورة أتجى على الكرسي وابتسم ابتسامة طفيفية واردف :

أنمار :: عيدي ما سمعت شنو گلتي توچ ؟

غدير الله :: لو هسة طلبت الطلاك راح تطلكني ؟

_ اهااا كلتيلي طلااكك هااا

_ انماار جاووبني

_ خلي اكلچ اشغيلة قبل لا اجاوب شوفي غدير اذا انت تشوفين نفسج مجرد زوجة الي انا ما اشوفج هيج ولج انا مسجل روحي بأسمج وهسة انطيج جوابي على سؤالج مو بكيفج هسة تجين وتطلبين الطلاك .. واذا كلش طالعة روحج مني وتردين الفگة تتخلصين مني بحالة وحدة

_ الي هي شنو هاي الحالة ؟

_ ترحين وترفعين علية قضية خلع غير هاي الحالة ما اطلكج انا لو تخضر شجرة براسچ ..

ابتسمت وشلت عيني عنة انا ما اريد الطلگ
حيل حبيت انمار بس ما اكدر اتخطى الطريقة يلي فارگني بيها طفلي
ما له ذنب ابدا !!!

بس اذا فكرت بيها من غير باب راح أكول الصار وياي نتيجـة لدعوات جَواد علية
بس انا هم ما ألي ذنب شعلية كعد يدعي ويعد علية ؟؟؟

كلشي صار ويانة الله كاتبة لا بيدي ولا بيدة ما يصير هيج دفعت ثمن كلشي ..

هنا رجع انمار واردف وياي بعيون غشيانة ..

انمار :: جنج ناويتها ؟ تردين تجفيني غدير ؟

صديت الة بطرف عيني وانا موسدة راسي ورديت علية بصوت خافت وضعيف حيل ..

غدير الله :: لو ناويتها أو اكدر على الجفاگ جان جفيتك من زمان وما جان ضعفت كدامك و قبلت اتزوجك ..

حط ايدة خلف راسي ورفع روحة عن الكرسي وباسني بجبهتي
ولمن رجع وكعد بمكانة أردف وياي :

انمار ':: عَجل عويناتج شمالهن مغورگات بالدموع ؟

اني هنا جنت لازمتهن بالگوة ولمن سألني انمار مدري شجاني ادموعي صارت تنزل عشرة عشرة وعبالك جنت إريد بس حچة حتى ابجي ..

انمار :: عمت عيني عليش هاي الدموع ؟ شنو بيج يابعد تربيتي ؟ شمالج لا تخطفين بالي و گلبي سولفي ! دحگي بعيوني وسولفي شمالج يولِ ؟؟

غدير الله :: مابية شي بس كلبي وكلشي بية يم اهلي وناسي احس بيهم شي لان مو طبيعي لا أجوي ولا سألو علية حتى ..

_ اذكري ربج ماكو شيء ترى وحتى لو سامح الله صاير وياهم شي الخبر اول شي يوصل النا

_ هم صح الله يطمئن بالي عليهم ..

_ يلا أهدي روحج وبالج ولا تفكرين بشيء لان التفكير يتعب وانا ادري بيج بس تردين تتعبين روحج

_ لا والله ..

_ ايي والله لا تعلميني بيج يلا يروح روحي وسكينة كلبي اتمددي وارجعي غمضي عيونج لترتاحين ..

كال هاي الكلمات وكام يريد يروح لزمت ايدة ورديت علية

غدير الله :: جا انت وين رايح ؟

_ رايح اصيح لدكتورة أو الممرضة تجي تشوفج قبل لا تنامين

_ تمام حبيبي لا تتاخر هو بس انت وياي هنا

_ ما راح اتاخر على سكينة كلبي دقائق واني گربج

_ انتضرك حبيبي ..

فلت ايدي انمار وطلع برة الغرفة ..
وانا تمددت عدل وعدلت المخدة
وصرت اباوع لفوك .. وااحجي بعقلي

شسالفة ما تكدرون تاخذون خمس دقائق من وقتكم يا اخواني وتكولون نروح نشوف اختنا عدلة ميتة ؟
حتى ما صار الكم فضول تطمئنون علية ههيج نسيتوني ؟؟

اووف شكد شايلة بكلبي عتب الكم خليني اشوفكم واني اعلمكم واحد واحد ادور موش واحد مشغول عني واكول خاف عندة شي وأعذرة كلكم سوووة اني اعلمكم ..
هسة الزلم الله غاضب عليهم ومحد يسأل عني لچن اخواتي !!! رحمة طيبة اريج وهج بنين جميلة شنهي ولاااا وحدة ؟؟؟ يمكن اعذرهن مايكدرن يطلعن ويجن بس مووو سالفة حتى اتصال بانمار ما اتصلن حتى يسالن علية ماوصل الهن اختراع اسمة تلفون ؟؟؟

اني اعلمكم ربكم راحمكم اني هنا تعبانة بس ترجع الي عافيتي واطلع لأرواي كل واحد بيكم شغل الله اني اعلمكم ..

والله لازاعلكم واحد واحد ادور حتى امي الحنينة عدوهااا لا سالت ولا اجت ولا تدري بروحها عدها بنت لو لا

خووش يصير خير .. خليني اطلع واني الكم ..

* أريــــج الله *

صرت امشي بالسيارة الى ..↲
الى مادري وين .. أيد جانت تتحكم بمسارات السيارة والأيد الثانية لازمة بيها الورقة الكتبها الي علي الباقر جنت كاعد ابوس بيها وادموعي شلال ععلى خدي ..

خلص طلعت من بيت اهلي بس ما طلعت لزيارة
ولا اني طلعت حتى اروح ابات ببيت عمي
ولا طلعت حتى اروح للشغل
ولا طلعت واني عروس ..
لااااااااا طلعتي هاااي جانت مختلفة عن كل الطلعات العادية يلي نعرفها نحن

وماكو شي جان يوصف حالي غيير هاي القصيدة لمن سمعتهااا هاجت اجروحي الغميچة كلهن وصدك هاذا المقطع اجة وي حالي واني بسيارة شاردة من ابوي ومادري وين اروح والمن انطي وجهي واني العلوية الي جدي جان يصيحني ريحانة العلوياتي تاليتي هيج اهيت باليالي ؟؟

_ خدري ما ضل خدري
لوني ما ضل لوني
يا اهلي من عفتوني
دار وكتي علية

طبعا عبالك هاي القصيدة انكتبت والشاعر حلف وكال الا ادمر أريج الله بيها !
كل حرف منها لجمني لجم ورجعني بالذكرياتت وبالخصوص المقطع هذا

_ بس افارك عينك تبدي غربة عيني
والهضـم يسبيني والبعد يكسرني
ارحــم اعيون اختك دمع ما ضل بيها
والحزن مالها لا تچمل حزني ..

عقلي وكُل حوااسي راحن صوب علي الباقر
وشنو سواة علمودي .. وعلي ماكو هيج اخو يهنيالي بخواني الجانو الي عضد وسند
محد بهاي الدنيا مرزوقـة بأخوان مثل اخواني ابد والله ..

لمن سمعت القصيدة هاي خلتني أعيد ذكرياتي كلهن شكو شيء يوجع كلبي مر علية اتذكرتة جانت لجم إلي مو قصيدة عادية بالنسبة الي لااا القصيدة صارت وي أجروحي .. يا أنا صرت حساسة وأي قصيدة بيها هيج كلمات صرت اموت عليها !!

ايييييي .... نرجععع ليوم الحادث

بقيت امشي بالشوارع واني اريد بس ابتعد عن بيتنا وابتعد عن الناس الي تعرفنا

مرت على طلعتي قرابة الــ ساعتين

باوعت للسيارة وانتبهت على نظام تتبع المواقع مشتغل و متفعل ..

وكف كلبي حسيتة صار يدك أبطني !!

ضغطت برجلي على البانزين وطلعت كبل بالسيارة

صرت امشي على سرعة 200 واني خايفة و مرعوبة وادعي لربي الرحيم بس كون أبوي ما محدد الموقع مالتي !!!

خلص النظام متفعل هاي هيي بس يتبعونة يعرفون انا بيا ديرة وكلشي ما استفاديت يا ربي ...

مشيت و اني امشي فتحت الجكمجة الكدام مقعد الصدر

لكيت بيها دفتر صغير كد جف الأيد وقلم جاف وياة
وباقي اغراض علي الباقر الي امبقيهن هناا

اخذت الي راح احتاجة ورديت سديتها

وقررت اسوي شيء وبعقلي أردفت ..

( هاي هي راح اسوي الأكدر علية هسة وتبقى لو بالهدف لو مترين بأسمي بمقبرة وادي السلام بالنجف )

رحمــة الزهــراء

طلع الكل من البيت يدور على أريج الله والناس صارت تعد و تصف بأخواني ويتهموهم هم الي مسؤليين عن شردتها ..

ووكف عمي بنص الأستقبال وصاح على العلوية ..

عبد الحسن :: اترحمي عليها من هسة اذا لكيتها انا كطاع راسها واذا ما لكيتها دمها مهدور وانا متبري منها دنيا واخرئ بس رتح اجيبها اجيبها وحتى فاتحة ما نسوي لهاي العايبة ..

أردف بهذي الكلمات و طلع وي باقي الزلم من عمامة يدور عليها ومحد بقى بالبيت فقط زُبير

علي الباقر جبرة يبقى والمعتز باالله كذالك بقى ماكدر يروح وي الشباب لان جان يتلوى من وجع أيدة

وشفت شلون علي الباقر يأمن علينة عند زُبير قبل لا يطلع :

علي الباقر :: انتَ خليك هنا زُبير نحن طالعين ندور عليها ويمكن نروح مسافات بعيدة البيت كلة بحمايتك النسوان كلهن هنا ذمة بركبتك لان خايف لا واحد يفوت عليهن من هذن الحيوانات ويستغل فرصة محد وياهن من الزلم ..
فَ خليك انتَ موجود ما اوصيك عليهن بعد مرتك واخواتك وهنا امهاتك ثلاثة...

زُبير :: شسالفة علي الباقر اطلع انت ومأمن ومرتاح وأصلاً لا تلفت وانت روح وان شاءالله ترجع المستورة وياكم بخير و سلامة ..

_ ان شاءالله مع السلامة

_ الله وياكم ..

لمن طلع علي الباقر .. صاح المعتزبالله من وجع ايدة ركضت الة
لكيت جرحة بدة شوي يلتهب صحت بالبنات

لان مانكدر نطلعة نص من الزلمة واكفين النا بالشارع و زبير ميكدر يعوفنا وياخذ اخوي للمستشفى

كعديت يمة ولزمت ايدة واتفقدت اصوابة مانكدر ننتضر اكثر من هيج اخوي وحيدي راح يمووت من الوجع ..
صحت على البنات وأردفت وياهن بصياح ::

رحمة الزهراء :: جميلة بسرعةة اركضي حطي السجينة على النار خليها تصير جمر وجيبيها الي ركض

جميلة :: صااار

_ طيبات اصعدي ركضض جيبي من غرفتي علبة الاسعافات الاولية بسرعةة
وهج الطف روحييي جيبي من الحمام ماي دافي من الكيزر بطاسة خلية بسرعةةة ..

راحن البنات واجت امي كعدت بالكاع وخلت راس المعتز باالله على رجليها وصارت أيد على صدرة وأيد خلتها على شعرة تهدي بي

هو صار يسبح من العرك بسبب الوجع وما الومة اصواب هذاا محد يتحملة وشلون بي واني راح اطلع الطلقة من ايدة بجمرة ؟؟؟؟؟

ياعلي كون وي اخوي وشيل الوجع عنة حسبي الله ونعم الوكيل بالجان السبب وصلنا لهاي الحالة ...

اجتني وهج الطف بالماي حطيت وغسلت أيد المعتز بالله من الدم

وزبير جان كاعد يمي ولازم ايد المعتز بالله حتى ما يتحرك من ورة الوجع وياثر علية

لان راح احط سجينة جمر على جرحة
ف خاف علية لا يطفر ويحرك ايدة واني اغلط وادخل السجينة حيل

ثبت الي ايد المعتز بالله بكل طاقتة ماانطاه فرصة يتحرك ..

واجتني جميلة بالسجينة الحارة جانت صايرة حمرة من الحرارة. .

امي هنا حطت شيلتها على حلك المعتز بالله وغمضت اعيونها خاطر ما تشوف

واني لزمت السجينة وهاي مو اول مرة الي بالعمليات عادي متعودة على هيج مناضر

بسس هاي المرة بالذاات لزمت السجينة و ايدي جانت ترجف حيل يمكن لان اخوي الكدامي ؟؟؟

حاولت اهدأ نفسي وسيطرت لزمت جرح المعتز بالله باليد الثانية

وأردفت وياه :

رحمة الزهراء :: كوول يا علي واتحمل راح اطلع الطلقة وراح تتعور شوية انت اصرخ بكل مابيك صوت حتى يخف الوجع شوي

زُبير :: طلعيها بسرعةة وخلي يتأذة مرة وحدة احسن ..

_ بسم الله الرحمٰن الرحيم ..

نزلت السجينة وحطيتها على جرح اخوي وضغطت عليه بكل مابية قوة

صرت اغرزها لداخل الصواب وهي جانت السجينة عباارة عن حديد مجمر صاير لونة احمر !!!

وصياح المعتز بالله بهذي الاثناء زرف طبلة أذني والله العضيم ..

المعتز باالله :: يااااعلييي يا الله ياعلييي يامظهر العجائب ياعلييي الغووووث ..

بعد الوجع طلعت الطلقة !!
اخذت امسح الدم من ايدة وطهرت الجرح وحطيت بي شوي كطن ولفيت ايدة بالضماد ضمدتها حيل

بعدها صار يتنفس بصوت عالي وكأن ارتاح شوي بس منتضر يخف الوجع

كمت انا ورحت للمطبخ شغلت الماي السنكِ وكعدت اغسل ايدي من الدم وانضف اضافري جوة الماي ..

ولمن خلصت والتفتت حتى اطلع دخل علية زُبير رحت وحضنتة وبجيت على صدرة

حط ايدة ورة شعري من ورة لحد ما بعدني عن حضنة ومسح ادموعي وباسني بعيوني

أردف ووياي :

زُبيـر :: اعرف كلش صعب هذا الشعور المر عليكم بس هذا بلاء الله صابكم بي ليختبر مدى صبركم ومدى ايمانكم بة أتحملي علويتي واحمدي الله دائماً و ابداً ..

_ ما معترضة على حكم الله بالعكس الحمدالله على كل حال بس زُبير طالبتك وماريدك تردني ..

_ هااي شنوو روحيي جوة رجلج كولي واطلبي ولج انتِ الله راضي علية ورازقني رزق عظيم لمن خلاني اسمع طلباتج وانفذهن ..

_ هي بس شغلة وحدة اريدها منك وانتَ تكدر عليها

_ أمريني علويتيي ..

_ انتَ ضابط والقانون بيدك أخذ طلقة الطلعتها من أيد اخوي واسحب هاي الحيوانات كلهم وافحص اسلحتهم والسلاح الي طالعة منة هاي الطلقة اريدك تعاقبة ..

_ وعيونج وعيونج الاغلى شيء على كلبي يا رحمتي و علويتي والله لأندمهم واحد واحد كافي إجرمو هنا وخلوا ادموعج تنزل انتِ بس انطيني وقت راح افر السالفة عليهم و اخذهم واحد واحد بس هسة خلينة نهدي النفس لخاطر حياة العلوية اريج الله

_ تمام انت ادرى بعد وانا كلي عشم بيك انك راح تاخذ حقنا منهم ..

عفت زُبير وردت اطلع من المطبخ لزمني من ايدي وكعد يباوع لعيوني
وأردف وياي ..

زُبيــر :: علويتي كاافي اصعدي وغمضي عيونج شوية شووفي شلون تعبانةة .

_ هو اني اريد اصعد لفوك

_ اي عفية يلا اصعدي وارتااحيي يبعد راحتي ..

_ ان شاءالله

_ اذا احتاجيتي شيء دزيلي رسالة وبداعتييي ارتاحي علويتي .. احبنــــج

ابتسمت بوجه وتركتة وطلعت من المطبخ ..

شفت امي مخلية المعتز بالله على رجلها على حطة ايدي

رحت لفوك طلعت المفاتيح مال غرفة لينا لأن علي السجاد قبل لا يروح عاف عندي المفاتيح

رحت الها فتحت الباب ولكيتها كاعدة ترضع بِ نور الزهراء ..

رحت ووكفت كدامها وأردفت وياها ..

رحمة الزهراء :: محتاجــة شيء ؟

لينـــا :: لاااا

_ رغم ما اعرف شنو صار بينج وبين علي السجاد علمود وصل مرحلة يسد عليج الباب بس لخاطر هاي الاطفال إجيت اسألج محتاجه شي ؟

_ لاا شيخة ما محتاجة شيء روحي وسدي الباب لا يجي علي السجاد ويعصب عليج لان فتحتي الباب ..

_ اكيد لااا المشكلة ابينج وابينة هاي الاطفال مالهم ذنب تدحجوهم بمشاكلكم

_ اذا احتاجيت شيء راح اضرب على الباب واناديج ..

_ تمامم ...

تركت لينا والتفتت للباب أول ما لزمت الباب حسيت الدنيا افترت بية
حطيت ايدي على ميز المكياج وسويتة تجاية الي

انتبهت علية لينا تركت نور الزهراء واجت اليمي اخذتني من أيدي وكعدتني على الجرباية وانطتني كلاص ماي ..

وأردفت وياي ..

لينــا :: شبيج شيخةة ؟؟

_ ما اعرف خية جاي تعبت من هاي الدوخة جاي تجيني هواي ..

_ اكيد تجيج هواي انت مَ شاءالله من اجيتي لهنا وانتِ عيونج ما ماخذة نوم ..

_ هوة انا كلت اشوفج واروح للغرفة ارتاح لان نفذت كُل طاقتي حالياً ..

_ ثواني شيخة .

_ نعـــم ؟؟؟!

عافتني لينا وراحت جابتلي فحص يدوي من الجرار وانطتة الي وأردفت وياي ..

رحمة الزهراء :: شنو أسوي بي هذا ؟؟

لينــا :: باعي لمن فحصت للحمل مالتي اشتريت اكثر من واحد علمود اتأكد وبقى هذا ما مستخدمتة شوفي افحصي خاف تطلعين حامل ..

_ اهه حاامللل ؟؟؟ ومنوو انااا !!!؟؟

_ ايييي وليشش متفاجأة اخذي من ايدي وافحصي وشوفي وبعدين تعاي اكلج شنو هاي العيارة ولج اشو انت دكتورة يعني انت الج خبرة بهاي الاعراض ..

_ والله جنت اضن ضغطي هابط لان ما ارتاحيت ولا دقيقة ابد ما أجى الحمل على راسي ..

_ ما راح تخسرين شي افحصي وريحي بالج ..

_ تمام شكرا اذا احتاجيتي شيء صيحيني.

_ ان شاءالله ..

أخذت التحليل من إيد لينا وطلعت قفلت الباب ورحت لغرفتي .

اول ما دخلت للغرفة رحت للحمام وسويت التحليل
وطلعت من بعد ما غسلت وكعدت على الجرباية انتضر خمس دقائق

وجنت اهز برجلي واحاول اتذكر الاعراض الصارت وياي واني احجي وي نفسي وإكول ..

رحمة الزهراء :: لااا مُستحيل اني حامل إصلاً عادي دوخةة عادية وهم لعبان النفس هممم عادية تصير لأي شخص اييي مو الا اني حامل مو شرط هذا اني متأكدة هسة يطلع خط واحد وينتهي الموضوع بس هيج خوف وتوتر صابني ويني و وين الحمل صالي شهرين متزوجِــة ..

وبعد ما باوعت للساعة خلصت الخمس دقائق كلبت التحليل على وجهة ونضرت له ولكيت ...

_ خطيـــن حمر ..

حامل !!!!! اني حاامل ... شلووون هييجج بعد وقتت كلش بعد وقت لااا لاا ابد مو وقتة حيل مو وقتة هسة ياربي .. شسووي هسةة ؟؟؟

ما راح أكدر اجيبة هسة واهتم بي واشيل مسؤلية كلش ماريد طفل بهذا الوقت .

انزلة ولا من شاف ولا من درى لان انا ماريد واذا عرف زُبير راح يجبرني ابقي مادام محد يعرف هسة انزلة بسكتة ..

لاااا لاااا استغفر الله استغفرر الللههه ربي لا تواخذني الله يلعنك يا شيطاان الله يلعنك يا ابليس ..

مستحيل اقتل نفس الله وهبهة الي امانة مستحيل افرط بشيء غيري جاي يموت وما محصلة ..

بس مااريد هسة مو وقتة ياربي انتَ اعلم بية هسة...

كعدت ابجي حيل من كل كلبي وبعدها أدركت الموقف هاي هية مابيدي شيء انا وهم يمكن الله مخلي سرة بهذا الطفل ما اكدر اعترض الحمدالله ربي والشكر

رحت وغسلت وجهي وكعدت

صليت ركُعتين صلاة الغفيلة ورغم اعرف مو وقتها المناسب بس جنت حيل مخنوكة لهذا صليتها

وبعدها صليت ركعات الشفع و الوتر من صلاة الليل

ورفعت ايدي ادعي لأريج الله
قرب أذان الفجر بعد ما خلصت فتحت القرآن واخذت استخارة وطلعلي

《 أية ⁷ مِن سورة الَـــرعِــد 》

بسم الله الرحمٰن الرحيم
< الله يعلم ما تحمل كل أنثى وما تغيض الأرحام وما تزداد وكل شيء عنده بمقدار >

ابتسمت وسديت القرآن وكمت عن السجادة
وصرت آباوع لصورتي اني وأريج الله

انا واريج الله نفس العمر بس انا اكبر منها هي اجت وراي بثلاث اشهر
لهذا جدي الله يرحمة انطاني لقب شيخة العلويات و انطاها هي لقب ريحانة العلويات
لان جانت صددك جنها ريحانة بجمالها .

اتذكر جدي السيد احمد جان مُقدسنا حيل انا واريج واحلا ذكريات وياه جانت لمن يجي الصيف جانت من طقوس جدي يصعد الجرباية لسطح وينام فوك السطح وجان ياخذنا
وياه ننام فوك انا واريجة ..

ويكعد الليل كلة يسولفلنة قصص ومواعظ و حكــم ..

يعني اتذكر جان يحجي لنا قصة واخر شيء ينطينا حكمة أو موعظة من القصة

ولمن اطور وصار يحجي بس القصة واخر شيء يسألنة شنو الحكمة الستفادينة منها أو شنو فهمنا من القصة ..

حتى يخلينا نركز وياه ..

جدي احمد جان عايش علينا ماكو احد مدللنا بكثرة وانا واثقة لو هو هنا هسة جان ضم أريج الله بنص صدرة

تعال يا جدي تعال وشوف شلون ريحانة علوياتك شوفها شلون تشاكف بهذا الليل لوحدها ..

يا ريت عمي عبد الحسن طالع على جدي او عمي عبد الحسن ماخذ بس ١٪ من صفات جدي جان هسة الدنيا بخير
وأريج الله مستورة وكاعدة بنصنا ..

بس هو عبد الحسن مو السيد احمد .. الله يصبرنا وينطينا الصبر والقوة خاطر نصبر على ردود فعل عبد الحسن

فتحت باب غرفتي ونزلت للأستقبال
لكيت المعتز باالله شوي شوي صاير زين كام وكعد على الكنب و موسد براسة على صدر عمتي فاطمة الزهراء
و وَهج الطف كاعدة يمة وتحاول تشربة السوب يلي مسويتة اله ..

وزٌبيــر كاعد كدامهم

وشفت بعيونة شلون خايف على اهل بيتي وكأن اهلة ..

رحت و كعدت يمة وحطيت راسي على كَتفــة .. وصرنا ننتضر شوكت يرجعون

وللعلم ما حجيت ولا جبت لهم طاري موضوع الحمل ابداً لان كُلش جان مو وقتة انتضرت لمن يصير الوقت حيل مناسب افتح وياهم هذا الشيء ...

عَــلــي السَــجـاد

بنضري احسن شيء أريج الله هي لمن طلعت منا ..
رغم جنت شايل الها هم وخايف عليها هواي بس جنت ادعي بكلبي تكدر تحمي روحهاا

لمن رجعنا و اجتمعنا كدام الباب بيتنا نص اخواني دخلوا لجوة ونصنا وكفنا
بالباب خاطر ما يفوتون هذول رغم جانو مشتعلين ناار لان أجى

البشير قيصر وكال النا أن البنت الي حجت عليها اريج وعلساس هي متصلة عليها وصعدت وياها بالسيارة وغدرت بيها .

لمن سألو عليها البشير قيصر والولد والياه طلع البنية مسافره وي اهلها صار الها أسبوعين ..
والجيران أكدو هذا الشيء ان البنية صار الها مسافرة اسبوعين ..

هذا الشيء الي شعل النار براس ابوي وعمامي وشردتها من البيت هي ثبتت كلشي لهذا صار مطلبهم الوحيد راسهة..

وكذالك اجاهم اللعلم ان اريج الله شردت بسيارة علي الباقر لهذا صارو ضدنا و صارو ويانة أشرس من قبل لأن ببساطة أتهمونا نحن مهربينها

_ الكم منا لحد الــ7 الصبح أذا اريج الله ما رجعت و طاحت هنا كدامنا وغسلنا عارها انتم تصيرون كبش فداء الها .

الفاروق الاعظم :: بيكم زلمة هسة خلي يوصل اخٌتنا وراحت يعني ماكو شي نخاف علية ونخاف نخسرة ..
يلا تعالوا الزلمة وأبن زلمة يجي

وطبعاً منا بلش السب والغلط علينة يجي من كل مكان ونسمعة من أي احد

والله الكريم انكالت النا كلمات وحطو علينة شتائم وسب قسم بالله استحي احجي بي بكلبي

مو ادور كدام العالم والمن اكولة على منو ؟؟
علينة ونحن احفاد رسول الله ص !!!!

يعني نسو نسبنا ونسو يمكن نحن على حق ضلو يغلطون ويشتمون بينا ..

ونحن جنا مبتسمين ونستمع الهم ماعدنا شيء فارغين ومتونسين بكلامهم و سبهم علينة ..

وما سكت صوتهم لحد ما طلع صوت اسلاح الــ M4 حلال المعتز باالله
طالع الصوت الرمي من فوك سطحنا
رفعت راسي وأشوف شبير شايل السلاح ويرمي فوك راسنا خاطر يسكتون شوي ويلصمون .

لاحظت البشير قيصر شلون دخل يركض ليلحك على ابنة لان اول مرة شبير يشيل هيج اسلاح ويرمي بي
وخاف علية لا يسوي فد كارثة ..

بس انتبهت على شبير جان يريد بس يسكتهم ويخوفهم لهذا اخذ اسلاح عمة المعتز باالله وكعد يرمي فوك راسهم ماجان بنيتة يكتل واحد لو يأذي و يصوب احد ..

وصرت اشوف لمن زُبير و البشير قيصر وصلو الة لفوك واخذو السلاح منة ونزلوه من السطح بس بعديششش

وعلي ابوس راسك يا ابن اخوي الصنديد طشرهمم تطشر خلا جبيرهم ميدري وين ينطي وجه ..

وهنا طلع الهم زُبــير وكف كدامهم و صرخ بيهم ..

زُبــير :: 《 اولاً 》تهجم واعتداء
《 ثانياً 》شروع بالقتل مع سابق الاصرار والترصد
《 ثالثاً 》ترويع المواطنين لأنواع السلحة الانتم حامليهن
《 رابعاً 》كل الاسلحة الهنا غير مرخصة دولياً ..
كل هذني الاعذار تخليني اخيسكم بالسجن والخليفة علي ..

_ الموضوع عشائري لا تحشر نفسك انت دامك غريب علينة ما نريد نسمع صوتك ..

زُبــير :: اذا تكولون موضوع عشائري وما احشر نفسي تمام راح اتعامل وياكم بالمثل انتم الاحترام حيل طايح وياكم اسمعوني ولكم لحد الان اني محترم نفسي حيل ومعاملكم بالحسنى بس لخاطر عيون السادة من الاحفاد
والله ولا انا اسحك والحك بدون تفاهم لاعندي مستحة ولا عندي عيب ولا عندي خوف ..
اسمعوني قبل اشوي الدعم اتصل بية خلص واجبة وسألني اذا محتاج شيء او اريدهم يجون .. وكلتلهم انتضرو مني اتصال ..
كدامكم طريقين ماكوو ثالث يا تحترمون نفسكم واعماركم وتحترمون هاي العكل الحاطيهن على رؤوسكم وتجون تفوتون لجوة نتفاهم بهدوء لو تكولون لا مانريد وتضلون هنا
واني هم ماعندي شي اتصل على الجماعة علمود يجون ويكشوكم انتم وهاي القامات والأسلحة ونشوف منو بيكم اقوة من القانون والدولة ؟ ..

عم السكوت بالمكان كلة و زُبــير صار يراقبهم بحذر لحد ما كال الشيخ الجبير اليصير اخو جدي يعني عم ابوي ..

اختار ان يدخلون جوة ونتفاهم بهدوء لنشوف لوين نكدر نوصل ونشوف شنهي الوضع ؟؟

دخلو الشيوخ الكبار البراني وفات ابوي و علي الباقر و علي الهادي و انا و البشير قيصر و الفاروق الاعظم و زُبــير

والباقيين ضلوا واكفين بالطارمة ونصهم صارو يفترون بالحديقة ..

لمن هدة الوضع بينا وكعدنا كلنا واستقرينا صاح بينا زُبــير ..

زُبــير :: يابة الله بالخير ؟؟؟

_ الله بالخير والعافية ..

زُبــير :: طبعاً ادري دمكم حيل فاير وحقكم والله سالفة العرض ابد مو هينة ينكص بيها ارقاب بس مو هيج عمي ابد مو هيج بهمجية وتهور ..

_ شنهي المو هيج جا تريدنا نشوف بتنا تسوي العايبة ونصفك الها ؟! الله وكيلك العباس كفيلك نحطها ونكطها ونخليها عشية للجلاب الشوارع ..

هنا زُبــير صار يتحاور وياهم وجان اكثر شخص يرد علية هو عيسى اخو جدي احمد عم ابوي لان جان هو اكبر واحد موجود ..

ونحن جنا كلما نريد نرد على واحد لو على سالفة جان ينضر النا زُبــير بمعنى ( لا تكول شيء هسة )

لان جان حيل يريد يهدء النفس خاطر يضمن حقن دم أريج الله منهم لان اذا ضلوا على هاي حرارتهم وهيجانهم

راح يكلبون العراق شبر شبر عليها ويطلعوها من تحت الأرض .. لهذا السبب بس زُبــير جان يلعب على الوتر الحساس وجان يريد يبرد نارهم

ولأن جدي عيسى صار يحجي ويخبط بالدين والمبدأ رد علية زُبــير ..

زُبــير :: عمي انا لا سيد ولا شيعي ولا أبن عشائر خاطر احجي واعلق على هذا كلامك وعلى هذا مبدئكم بس أمشو وياي للأخير واخذوني على كد عقلي واسمعوني وجاوبوني

عيسـى :: خوش بوية احجي العندك شنهي ؟!

زُبــير :: الله ينور وجهك بوية الله ما انشاف بالعين بالعقل انعرف صح لو مو صح ؟

_ لا صح ..

زُبــير :: الله ينور وجهك بوية ... زين أجي وياكم المستورة غلطت ويمكن هذا تصرفها كلش جبير بالنسبة الكم بس الغلط الأكبر منكم هو هذا رد فعلكم وحرارة تصرفاتكم ..

عبد الحسن :: من بعد رخصة عمي اني ارد عليك زُبــير .. شني الافهم من كلامك تريد اكبر كلبي واصبر واكول يلا ميخالف تعبر ؟؟؟ زُبــير انا ما خسرت محلي لو خسرت افلوس خاطر اصبر واكول الله يعوضني
انا خسرت شرف بتي خسرت سمعتي بهذا تصرفها اللا واعي ..

زُبــير :: الخليفة علي فاهمك والله يجفي كل بني ادم من هيج مصيبة بس عمي نرجع الها بالعقل نحن بشر
لا نحن انبياء معصومين ولا نحن ائمة سُراط مٌستقيم ..
كلنا على بعضنا ابناء ادم حقراء واحدنا يسوي الذنب الف مرة ويكول باجر اتوب
ماتكدر تحاسب عبد خطاء ..

بهاي الاثناء حاول ابوي يرد علية بس زٌبيــر رفع ايدة بوجه ابوي سكتة ورجع كمل كلامة ..

زُبــير :: بس اصبر علية عمي لا ترد هسة وتستعجل بالكلام اسمعني البنية المستورة تربيتكم وانتم ادرى بيها وانا والله ثم والله لا اعرفها ولا شايفها ولا عندي كلمة وياها و يمكن لمحتها مرة وحدة بعرسي لمن فتت انا اخذ مرتي هي نزلت النقاب على وجها على طول .
بس انا جاي احجي هسة وادافع عنها من بعد نضرتي لتربية حرم بيتي الي هي هم بنتكم وتربيتكم واكيد ما تفرق بشيء عن بنتك المستورة
وانا واثق و متأكد وابصم بالعشرة هي اطهر منها ماكو بس اذا انتم شايفيها خطئانة هاي هي ولا يهمكم أجي وياكم
وانطيكم الحل فرد مرة تخلصون من فضيحتها ومنها تسكتون العالم الكامت تحجي ..

عيسى :: وشنو بلة هذا الحل ؟

زُبــير :: اذا تذبحونها ماراح تستفادون شيء غير الدولة تصير ضدكم لان بختصار القانون ما يعترف بهذي سوالف غسل العار و الامور العشائرية
يعني راح تنسجون مؤبد وانا اقسم الكم والله و بالله و تالله لو مسيتو اشعرة وحدة من البنت لو من السادة راح اصعدكم اعداام
وبالحالتين هيي شردتت لا تنسون هذا الشيء ..

مؤيد :: اييي غييرر اخوتها البلا شرف شردوها هاي ابدال ما يغسلون عارهم كعدو يطمطمون للعايبة ..

زُبــير :: منهوو انت ولك ؟ شتصير منهم ؟

عبد الحسن :: هذا مؤيد ابن عمي ابن السيد عيسى ..

زُبــير :: اسمع مؤيد باع السادة والله ساكتين بس لان انا لازمهم ودامك ابن عم ابوهم احترم نفسك واسكت لا والله اهينك واسحلك كدام أمة محمد كلامي وي ابن عمك ابو البنت و وي ابوك انت الصم ولا تسمعني حسك ..

مؤيد :: البنت شايلة دمنا وما دامها هيج من لحمنا كل واحد هنا صغير و جبير الة الحق يحجي واله الحق هو اليكتلها اصلا ويغسل العار الجابتة النا وهي تشيل اسم عمي السيد احمد الصادق ..

علي الباقر :: خاابب انجببب لا اكوم اعلكك هسة هنا ابدال البنكة والحمزة ابو حزامين ..

علي السجاد :: ابا الحسن اهدة وخلي ينبح لوحدة بِ شنو ضارنا. .

زُبــير :: دقيقةة سادة اتحملو بس دقائق .. انت تعال اكلك سيد مؤيد عايش اللحضة وتسولف وهو انت لو مشغل من عقلك بسس ٤٪ وفكرت قبل لا تشمر هذا كلامك ..
لو صحيح على حسب ادعائك اخوتها امشرديها هاي كدامكم هم من البداية وقبل لا يعرفون وين هي وشنو صاير لها هم يعرفون غايتكم تكتلوها
لو صدك هم ورة سالفة شردتها والهم أيد جان اول ما راحو حتى يرجعوها و شافو حالتها مناك وشردوها ويجون لهنا ايد ورة وايد كدام ويكلولكم يابة مالكينة احد بذاك المكان ويفضون السالفة .
جان ما شفتهم حاضنيها وجايبيها لهنا وخلوكم تشوفوها وتعرفون شنو الصار وياها
فَ الاحسن الك فكر بالشيء قبل لا تنطق بي
لان خوفك على روحك لا ينكص السانك ..

عيســى :: حااصل هذا الكلام كلةة البنت لازم ترجع ونغسل عارها ونرفع راسنا يالله نهدء ..

زُبــير :: وينن ترجع ؟؟ عمي البنت مهزومة منكم خوفاً على حياتها و خوفاً على اخوتها وهسة غير الله محد يعرف مكانها و كاعها وين الحل عدكم انتم دام هسة البنت خلص خلصتكم من شرها وراحت اطلعو انتم واتبرو منها وإهدرو دمها
يابة هاي البنت لامننا ولا من عدنا ونحن هادرين دمها وطارديها من العشيرة و وين ما راح نشوفها راح نذبحها
وهاي هي و هم اذا حسيتو لو عرفتو واحد من السادة عندة تواصل وياها كذالك اهدرو دمة وبلعكس استغلو الوضع واعرفو مكانها من عندة ..
صدكوني غير هذا الحل ابداً ما عدكم وانا اكلكم ما تكدرون تسوون غيرة لا باختصار صاحبة العار ما موجودة شلون تردون تغسلونة ؟
سكتو الناس هسة بهاي الكم حجاية ولمن تلكوها يحلها الف حلال وكذالك هسة الناس راح تعرف انتم ما قبلتو بالزلة وما نمتو على باطلة ..

من سكت زُبــير حسيت احساس ان جدي اتوافق وي كلام النقيب لان لصراحة جان كلام منطقي ١٠٠٪

وبعد فترة من السكوت لفظ جدي وجان لفظة هو القبول على كلام زُبــير

بس حلف وقسم اذا عرف واحد بينا عندة تواصل وياها راح يذبحها ويذبحة قبلها ..

وأردف وابوي ...

عبد الحسن :: الكاها وين تروح يعني لو يطلع الها اجناحات وتطير بيهن راح اطير وراها لو تنشك الارض وتبلعها هم راح اطلعها انا وياها و الزمن طويل ..

زُبــير :: الله كريم اليوم نعيشة وهاي هية خلص وباجر ماندري وين نصير كلشي بيومة حلو عمي لا تستبق الاحداث وتستعجل بالتفكير للمستقبل ..

حجى زُبــير هاي الكلمات وكام على حيلة طلع من البراني لان فضت السالفة

ونحن هم طلعنا وراه و كدام باب البراني التفت زُبــير الى البشير قيصر
واردف وياه بأبتسامة ..

زُبــير :: هاا جبير السادة ؟ رايتي بيضة ؟؟

ابتسم البشير قيصر ورد علية بهدوء ..

البشير قيصر :: بيضة والله يخليها دوم هيج ..

زُبــير :: بس والله محتركة روحي حيل

علي الباقر :: ليش ؟

زُبــير :: شنييي اليش جان بواهسي اسحلهم واحد واحد على قضية شروع بالقتل بس انتم لزمتوني وطلبتو مني اصير محضر خير
والله لو مو انتم جان هسة هم بالمركز نستضيفهم هناك ..

البشير قيصر :: لااا زُبــير مهما تكبر المصيبة الدم يضل دم ما يصير ماي ابد وهذول الجوة كلهم عمامنا و اجدادنا منريد منهم شيء بس ندعي الله يهدي نفسهم و يبطلون هاي الهوبزة البيهم ..

علي الهادي :: صحيح والله انسب قرار هو هذا لصمتوهم شوي انفضحنا هنا الجيران كلها طلعت تشوف عبالك مشغلين الهم فيلم ..

زُبــير :: مشيت على كلامكم وسويت الي انتم طلبتموه بس اذا طلعوا مو كد كلامهم واتعرضو الكم هنا تعذروني يا سادة لان انتم الراح تمشون على كلامي ..

علي الباقر :: ما تقصر انت تعبت ويانة وان شاءالله مايصير بعد الا كل الخير ..

زُبــير :: ان شاءالله جا نحن هذا النريدة

هنا طلع ابوي و جدي عيسى وعرفنا منهم ان ابوي راح ياخذهم لبيت عمي الحسن المجتبى ينامون هناك

وجانت الساعة ما تقارب تصير الــ5الفجر .. طلعو الزلم من بيتنا كلهم وبقى بالطارمة بس انا واخوتي و زُبــير و ابوي و عيسى وابنة مؤيد

وهنا فجرها ابوي بينا لمن اجت لحظة ادراك واتذكر شيء ..

باوع لعلي الباقر وأردف وياه ..

عبد الحسن :: علي الباقر !!

علي الباقر :: نعمم ؟

_ اريج الله طلعت بسيارتك مو ؟

_ اييي

_ ليش هي وين لكتها حتى راحت بيها ؟

_ مو اني جنت مخليها بالباب الخلفي مال المطبخ وهي طلعت بيها ..

_ اهاااا

_ اييي اكو شي ثاني تريد تعرفة ؟

_ على ما اتذكر يا ابني يا سيد علي الباقر ان سيارتك بيها نظام تتبع المواقع يعني تكدر هسة تحدد موقع سيارتك وموقعها بالتحديد مو صح ؟

بقيت اباوع لعلي الباقر شلون ملامحة اتغيرت واتوتر حيل وما جاوب على ابوي بسرعة لا ضل صافن
جان يفكر بالجواب لحين ما ابوي رجع وكالة.

عبد الحسن ؛؛ هاااا ابا الحسن صفنت شجاك ؟

_ بوية ايي صحيح اكو هيج بسيارتي

_ جا شنو منتضر افتح تلفونك وحدد سيارتك وين موقعها بسرعة ليش امغلس على هاي السالفة ؟

_ ما مغلس اصلاً جنت ناسي توني اتذكرت لمن انت سولفت ..

عيسى :: وهاي هسة اتذكرت يلا سوي الكال علية ابوك ..

_ ثوانييي ..

طلع علي الباقر تلفونة وفتح الموقع ودخل على نظام سيارتة وحدد موقعها جانت تبعد عننا مسافة الــ ثلاث ساعات هيج تقريباً

والموقع جان ثابت يعني يبين النا السيارة واكفة ..

عيسى :: روح انت واخذ وياك مؤيد وروح جيبها بسرعة ..

_ تمام

عبد الحسن :: مؤيد اذا رجعت تلكانا ابيت الحسن المجتبى واذا لكيتها وشفتها لا ترجع الا وراسها بأيدك

_ خوش ..

طلع علي الباقر واخذ مفاتيح سيارتي
وراح وراه مؤيد الغثيث

ونحن ايدينا على اكلوبنا صارت بس لا يلكون اريج الله والتعب هذا كلة يروح .

راح ابوي وجدي وصفى البيت النا رحت وسديت الباب وانداريت اباوع للولد أوجوهم جانت تذب الوان واردفت وياهم ..

علي السجاد :: تتخيلون علي الباقر راح يلكي أريج الله واكفة بهذا الموقع؟

زُبــير :: تبقى بنت احسها هسة واكفة حتى تشوف نفسها وين لازم تروح و ممنتبها للنظام من الاساس ..

البشير قيصر :: اندعو لربكم علي الباقر يكدر يسوي لوفة على هذا مؤيد وما يحصلون أريج الله

علي الهادي :: الله يسمع منك .. اريد اكعد وعلي احس الدم نشف من رجلية من هاي السالفة ..

زُبــير :: كافي اخوام ادخلو جوة للبراني وارتاحو صارلكم ثلاث ايام على هاي وكفتكم لا نوم ولا اكل مو زين ..

المرتضى الامير :: وعلي النوم ما يطري على عيوننا الا لمن نعرف علي الباقر لكاها لو لا

زُبــير :: خوش ادخلوا جوة للبراني اكعدو وارتاحو لمن يرجع علي الباقر و تشوفونة

علي الرضا :: كلام زُبــير صحيح خلونا ننتضر جوة مالها فايدة هاي وكفتنا بس زيادة تعب علينة تعالو ندخل ..

دخلو كلهم للبراني وانا كذالك رحت ودخلت وياهم
وكعدنا سوة كل واحد ماخذ زاوية.

حامد المتقين مخلي راسة على كتف البشير قيصر
و المرتضى الامير حاضن شبر هو وكاعد
والفاروق الاعظم صافن بالحايط

وهيج هيج كل واحد صار ببالة مليون سالفة وموال يجي براسة ومشت ..

* زُبــير *

بالكوة قنعت السادة يدخلون و يكعدون حتى يرتاحون اشوي

وانا بقيت واكف بالحديقة انتضر رجعة علي الباقر وافهم منة وللصراحة جنت خايف اكثر منهم على العلوية وكأن مني و بية واختي ..

وما لمتهم ليش هيج خايفين عليها ويتصرفون هيج لان حقهم اني الغريب كلبي احترك شلون هم اخوانها ..

واني افتر راسلتني علويتي ورسالتها جانت ..

( ها زُبــيري رحت للبيت ؟ شنو صار طمئني أشو صايرة صنطة وهدوء برة ؟؟ )

اخذت ارد عليها وكتبت الها ..

( انا لوحدي برة بالحديقة البسي صايتج و حجابج واطلعيلي تعاي للحديقة الخلفية )

دزيت الرسالة وسديت التلفون شمرتة بجيبي ورحت اتمشى بالحديقة
وبعد دقائق طلعت علويتي

ووكفت وراي بيدها ماي و كوب كهوة انطتة الي .. اخذت منها بس الماي وشربت وأردفت وياي ..

رحمة الزهراء :: جا متريد كهوة ؟

زُبــير :: لاا ويني وين أشرب كهوة انا اريد بس انام .

_ اهاا تمام

_ ايي علويتي

_ شلون اقتنعوا وراحوا منا ؟

_ والله مادري رب العالمين هدة النفس

_ يعني أريج الله عادي ترجع هسة ؟

_ لااا مو بهذا المعنى هدة النفس مم موضوع قتلها بس عبد الحسن اتبرة منها وهدر دمها وجردها من العشيرة

_ لا اله الا الله عمت عيني عليج خوة !!

_ الله موجود علويتي لا تقنطون من رحمتة ثقي اذا هي على حق راح تشوفين التوفيق الها بكل خطوة والدليل هذا الله حماها من شر هاي الناس وأمن الها السُبل خاطر تطلع منا وتشرد من ايدهم

_ اي والله .. زين زُبــير ماكدرت تعرف وين هي هسة ؟ او اخواني ما يعرفون وين هي على الاقل بس يطمئن كلبنا !!

_ والله العظيم ما اعرف اذا اخوانج يعرفون او لا بس الي انا اعرفة ان هم ما يعرفون شيء .. وما ادري بعد ..

_ ما جاي تدخل عقلي ابد والله ما مصدكة ..

_ شنو ؟

_ زُبــير مُستحيل اخواني ما يعرفون مكانها على الاقل واحد بيهم مأمن علية لان سالفة أريج الله و هيج تطلع من وحدها وتكدر تشرد هاي من سابع المُستحيلات

_ ليش من سابع المُستحيلات اذا البنت تريد تحمي عمرها تكدر تسوي كلشي ..

_ زُبــير انتَ ما تعرف أريج الله لك هاي تخاف من ضلها اذا انطفت الكهرباء تنزل تركض لحضن امها مستحيل يطلع منها هيج تصرف لوحدها وتطلع وتمشي مستحيل متأكدة واحد من اخواني الزلم حاط ايدة وياها علمود ينقذها من شر هذول ..

_ ماعرف يمكن شافوا هذا الحل الانسب لهذا هربوها ..

_ اكيد هيج ماكو غيرها .. بس تعرف ارتاحيت اذا طلعت هيج على الاقل يطمئن كلبي على اريجاتي ..

_ الله يحميها هسة و يسترها وين ما جانت ..

_ امين

_ تبقين هنا ؟

_ تريدني ارجع وياك ؟

_ بهذا الموقف مابية اجبرج براحتج انت تحسين روحج تكدرين تجين وياي ؟ لو تبقين هنانة ؟

_ لا خليني هنا هاي اليومين تعرف اريج راحت والعلوية لهسة ما نشفت دمعتها ..

_ خوش تبقين بس بشرط

_ ههه الي هوة ؟

_ تصعدين هسة وتنامين يلا امبين من اعيونج مانايمة صار هواي ..

_ اي والله ما شايفة النوم من أول يوم الاختفت بي اخيتي واني ما مرتاحة ..

_ ومكيفة هااا عود هاي انت الدكتورة الجبيرة الي تعرفين هذا الشيء غلط و مضر ..

_ جا شسوي زُبــير شفت بعينك أجواء البيت ما تساعد على النوم ابد ..

_ هسة صارت تساعد يلا اصعدي ونامي

_ صدك ماكو شيء بعد ؟

_ وعيونج كضت هاي هي بعد لا يجون لهنا ولا يكربون صوب البيت غمضي عيونج وارتاحي ترى اخذج هسة للبيت وياي ..

_ لاااا هاي راح اصعد ارتاح دامك طمئنتني ..

_ الله يفرج هاي المصيبة ان شاءالله

_ امين ... حبيبي ؟؟

_ عيونة لحبيبج ..

_ انت شوكت راح تروح ؟

_ منتضر علي الباقر يجي واني راح اتوكل.

_ جا شني علي الباقر وينة ؟

صفنت بعيونها أبين اكللها راح لموقع أريج الله لوو اطلع أي عذر

لان ادري راح تخاف و ما راح تنام لهذا ابتسمت وسويت نفسي مرتاح ورديت عليها ..

زُبــير :: ماكوو طلع وي عبد الحسن يوصلهم لبيت ابوج لان هناك راح ينامون وراح يرجع اني منتضرة علمود اطمئن علية واروح

_ يعني الهدو علينة وخطفو النوم من عيوننا راح ينامون ابيت ابوي ؟؟؟

_ ايي عمج اخذاهم لهناك حتى يرتاحون اكثر ..

_ عساااهم نامت عليهم طابوكة بحق محمد وال محمد كوون اول ميحطون راسهم على المخدة يطلع الهم الجاثوم ويكعد على اصدورهم عسا ماكو راحة تمر عليهم دمرونا وراحو ينامون مرتاحين استغفر الله رب العالمين حسبي الله عليهم واحد واحد بحق أمي الزهراء وضلعها المكسور ..

_ خلص يروحي دمرتيهم بالدعوات روحي نامي فوك يروحي اصعدي ..

_ زُبــيري

_ عيونة و روحة و حياتة و عمرة

_ .........................

_ شنو علويتي عندج شي احجي بي ولا تخافين من شيء

_ هو لا لا هيج ماكو شيء ردت اكلك تصبح على خير ..

_ انت وجه الخير الي

_ رايحة اني ..

_ روحي راحت روحي وياج ..

ابتسمت الي ومشت دخلت جوة وانا بقيت انتضر السيد رغم ما ارتاحيت لوجه رحمتي ابد

حسيت عدها شي تريد تكولة الي واترددت أو جانت تحاول تضم عني شي موضوع

وضعها ماجان مريح وياي ما جانت وياي رحمة إلي زُبــير يعرفها و متعود عليها ..

رحت كعدت على المرجوحة وطلعت الجكاير وصرت ادخن ولان عقلي جان متشوش حيل وردت ارتاح

فتحت تلفوني ودخلت على اليوتيوب وشغلت قصيدة ( يا ليل طول ساعاتك )
بصوت النجفي .. وكعدت ادخن واسمع

هاي القصيدة عرفتها من رحمة الزهراء من بداية محرم جنت كل ما ادخل للبيت اسمع هاي القصيدة طالعة من بيتي ..

اذا تشتغل وتنضف تشغلها تغسل امواعين تشغلها تطبخ تخبز تشغلها

وصلت مرحلة حتى من توكف على المراية تعدل بروحها تشغل قصايد

وخبلتني وخلتني اصير مثلها كعدت ادخن واسمع وافكر ..

* علي الباقر *

مشيت بالسيارة وي عمي مؤيد وانا احس جوة صدري يضرب دمام مو قلب بشري

راحت بيها اختي اذا طلعت نايمة بالسيارة لو موكفتها لترتاح ..

استودعت اريج الله عندك يارب
وادري عندك ما تضيع الودائع ياربي
اختي تحت رحمتك تحت رحمتك ..

امشي بالسيارة وانا اندعي لربي ما تطلع موجودة ولأن الطريق طويل صرت اقرأ بداخلي ' زيارة عاشوراء '

لان ماأمن بمعجزاتها لمن تكون عندنا حاجة ونلجأ نقرأ الزيارة المفروض نعتبر حاجتنا انقضت هاي هي لان بأختصار ..

" زيارة عاشوراء علاج سُماوي فما ان تناجي الله عز وجل بالحُسين يصبح كل أمر سهل و يسير "

ولمن خلصت قرائة الزيارة بلشت اسبح تسبيحة الزهراء ..

ماعندي غيرهم إهل بيت النبوة

"" ذخيرتي بالدنيا زيارة عاشوراء و تبسيحة الزهراء "" كلما شعرت ان قلبي يضيق توجهت لأمي الزهراء وتتكفل به ""

وخلي ببالك لا زعلانة منك ولا شيء والله وبلعكس مبرية ذمتك يابعد روحي وربي يسامحك ان شاءالله بس اريدك تحقق بالموضوع علمود تتاكد انا تربية احمد الصادق الغلطة عندي مثل الكفرة مستحيل اتقرب منها وبس هيج ..

أمي :: اروح فدوة لعيونج الجاي تدمع علية لا تبجين كافي يبعد عيوني عيونج اميميتي وتاج كلبي انت صدكي انا بخير وراح اهتم بنفسي زين وحتى اذا الله كتب النا اللقاء راح تشوفيني ريحانة مثل ما عفتيني ما راح تشوفيني متغيرة ولا تخافين علية دعائج وياي وهم جدي وياي حاط ايدة على راسي يعني ماكو خوف على ريحانة العلويات وهي بحماية جبير السادة هاا
اموت عليج ارجعي لطبيعتج وانتبهي على غدير الله بعد روحي امي الغالية جنتي وناري انتِ اموت على عيونج الخضر يابعد بيتي احبج احبج والله لا تخافين علية .

اخواتي الغاليات :: جميلة . رحمة الزهراء . طيبة الزهراء . وهج الطف . ام البنين . غدير الله .

كفيتو و وفيتو بحق الاخوة وياي ما راح انساجن دوم . وبس وكفتكم كدام ابوي ومنعة من موضوع يقتلني بدون خوف هاي كلش جبيرة بعيني

لو ادفع عمري كلة لكل وحدة منكم ما راح اكدر اوفيكم .. احبكم حيل

رحمة الزهراء : ابريلي الذمة خوة لان اخذت الحصن الحصين يلي جدي انطاه الج بسنة 1998 بمناسبة عيد ميلادج الـ7 سنوات
حسيت روحي انا محتاجتة اكثر منج لهذا اخذتة من غرفتج اسفة والله ما لحكت اكلج بي لان طلعت مستعجلة حيل .. ابريلي الذمة خووة ..

وبسس ماعندي شي اكولة غير انا ريحانة العلويات تربية السيد احمد ابن السيد صادق مستحيل اسوي شي بسببة راح اخسر شرفي و اخسر أخرتي علمود زينة لدنيا فانية

خلو ثقتكم بية ترى ماكو اطهر مني

احبكم حيل لا تنسون اختكم اريج الله بنت السيد احمد ..

قريت الاوراق وادموعي جانت على خدي دمعة تزاحم الثانية !! خلصت قراءة سديت الدفتر وكعدت ابوس بي

واحطة على صدري مثل المخبل .. ادمرت هذا اخر شيء بقى من اخيتي
كم ورقة بخط ايدها من عمت عيني اذا صدك حطيت الدفتر بجيب البنطرون وشغلت السيارة وحركت .

وصلت للبيت الساعة 10الصبح دخلت و لكيت زُبير بالطارمة يمشي ويرجع
واول ما شافني إجة ليمي وأردف .

زبير :: شنو صار وياك بشرني؟

_ ماكو شي لكيناها مخلية السيارة ورايحة بس هيج.

_ الحمدلله زين سوت لان انت تعرف ابا الحسن اذا لكيتها شنو راح يصير..

_ اي اكيد

_ امبين حيل مهدود حيلك فوت وارتاح شوي كافي تقاوم التعب

_ چا اخواني وينهم؟

_ نص فاتو للبيت ينامون والباقين فوتتهم للبراني جان صوتهم طالع وهسة خنسة اضن استسلمو للنوم

_ حقهم حيل انهد حيلهم وتعبو خلهم يرتاحون

_ وهسة اجة دورك ادخل ونام واني رايح

_ چا انتَ وين رايح؟

_ راجع للبيت بلگي انام كم ساعة بِ 2 الظهر عندي واجب

_ الله يساعدك تعبت انت ويانة هواي

_ ويساعدك خوية اذا تحتاج اي شي لو صار اي شي ايدك على تلفونك واتصل علية بداعت اخيتك.

_ ما تقصر والله كفيت و وفيت

_ واجبي هذا اهلي انتم يلا مع السلامه

_ الله وياك..

راح زبير وانا دخلت للبراني بهدوء ولكيت كل واحد من الاخوان ماخذ حيز ونايم بي
ذاب روحة من التعب..

خو المرتضى الامير و علي السجاد نايمين بدون لا امخاد ولا غطى على الكاع وسرحانين بالنوم

اخذت خففت عداد المكيف وطلعت دخلت جوة لكيت جميلة و عمتي فاطمه الزهراء كاعدات يقرأن قرأن

اول ما شافوني داخل جميله عدلت حجابها وعمتي اجت يمي وأردفت وياي

فاطمة الزهراء :: هاا يمة ابا الحسن؟

_ امي وينها؟

_ لا يضل بالك عليها خليتها تصعد وي اخوانك وتنام واصلا الكل هسة نام غصب عنة بس سولفلي شنو صار وياكم؟

عفت عمتي ورحت كعدت على الكرسي وأشرت لاختي جميلة بمعنى « اريد ماي »
وخطية كامت ركض للمطبخ

واجت عمتي كعدت كدامي ولمن شربت ماي و اتنفست أردفت عمتي وياي

فاطمة الزهراء :: هاا ابا الحسن منتضرين جوابك شني يمة احجي شنو الوضع الصفيتو علية اخر شي؟

رفعت عيني وخليتهم بعيونها وأردفت وياها بكل سهولة وصدك الكال الحجي سهل

_ ما صار شي بس أريج الله راحت ويمكن يمكن حالياً هي طلعت من بغداد وابوي طلعها من العشيرة اتبرة منها وهدر دمها
اي واحد يشوفها الا الحق يكتلها
واي واحد مننا يتواصل وياها لو يطلع يعرف مكانها مصيرة راح يصير نفس مصيرها..
هذا كل ما بالموضوع لهذا هم كفو اسلحتهم ومشو منا

جميلة :: عبد الحسن من عقلة هيج يسوي ببنتة؟ صار هو والدنيا عليها
هاي المگرودة منين راح تتلكاها هسة اذا ابوها هيج سوة!!

علي الباقر :: عبد الحسن عبد الحسن هذا السيد بس الله يكدر علية والله يا خوفي شنو راح يصير مصيرة من بعد ما ضلم هواي ناس بحياتة من ورة صعوبة اسلوبة و جلد كلبة

فاطمة الزهراء :: ادعي لا حوبة اريج الله تطلع بي صدك لو گلت بس الله يعرف شنو يسوي بي .. الله يكون وياج يا امي يا اريجاتي كلبي وروحي داعيتلج يابعد عمتج

_ اني صاعد لغرفتي اترخص ..

جميلة :: مرخوص خوية بس اسالك ابا الحسن !!؟

_ كولي خوية

_ شبر وشبير وينهم ما دخلو لهنا من الليل

_ لا تخافين عليهم خيتي نايمين وي ابوهم وبنص عمامهم بالبراني

_ اها الحمدلله اني ضل بالي لان اعرف اولادي مندفعين وخفت لا مسوين شي

_ لا تخافين عليهم .. محتاجات شي؟

فاطمة الزهراء :: لا يمة اصعد ارتاح نام الك كم ساعة

_ تصبحون على خير

عفتهم و صعدت لفوك مريت على غرفة امي لكيتها نايمة و على يمينها علي الهادي و على يسارها علي الرضا

طلعت بهدوء ورحت لغرفة أريج الله لكيت البنات نايمات بيها رحمة الزهراء وحاطة بحضنها وهج الطف و يمهم ام البنين

ولمن رحت لغرفة طيبة الزهراء لكيتها فارغة !!!

رحت وصعدت لغرفة المعتز باالله ودخلت بهدوء لكيت مرة عمي نايمة ومخلية على ايدها اليمنى طيبات و على ايدها اليسرى المعتز باالله حاضنتهم و نايمة

سديت الباب بهدوء ونزلت لغرفتي دخلت و سديت الباب

رحت وشمرت نفسي على الفراش وفتحت تلفوني قبل لا انام ردت اتصل على علي الصادق بس اتراجعت وكلت لمن اكعد واحجي وياه

حطيت تلفوني و الدفتر الي كتبت بي أريج على الطبلة يمي

وغمضت عيوني وسافرت بنومي الطويل

*** أريج الله ***

وكفت السيارة ونزلت منها وصرت امشي بعيد عنها واني بصحراء ماكو لا بيت ولا بشر وماجنت ادري بروحي وين رايحة لو بأي مكان انا طلعت من بغداد لو بعدني بيها ؟؟؟

ضليت امشي لحد ما صار الضوة علية رفعت راسي ومن قوة الشمس حددت يمكن الضحى صار الوقت لان الشمس عمودية..

طبگت علية الساعات واني امشي رجلية صارن اخيوط وحلگي صار يابس

شعور ما صار مثلة شعور ابد اصعب شي يمكن يمر على بني ادم فما بالك اذا جانت بنية جسمها نحيل !؟

ضغطت على روحي هواي وكملت طريقي كوة علية وكل ما احس روحي تعبت لو راح اوكع وكفت ارتاح واستقويت بداحي الباب

وانادي بكلمة « يا قالع باب خيبر »

جان الطريق الامشي بي صدك صحراء وبعدها اجاني نمسة هوى بيها روح وكأن دخلت قرية ريفية؟ وانا ما منتبة على نفسي..

وكملت طريقي لمن لمحت شجرة جبيرة رحت يمها لكيت يمها بركة ماي بحيرة صغيرة كعدت اشرب من هاي الماي لحد ما ارتويت وعبرت لصوب الثاني

رحت جوة الشجرة لان الشجرة ما شاء الله بكد ما جبيرة جواها صاير ضل منها وكذالك جان مربوط عليها فرس اسود

شلون شجرة انزرعت بنص هاي الصحراء ولمنو هذا الفرس ليش تاركينة هنا شلون ياكل شلون يشرب؟؟

رحت يمة وصرت يم الفرس حطيت ايدي علية ولان حس اكو أي غريبة صارت علية

هاچ علية وصار يصهل و يشيل بروحة ويدبچ بالكاع

ولان جنت اريد اهدي خليت ايدي الاولى على السرچ مالتة وايدي الثانية خليتة ابين اعيونة وصرت انهد بأذانة

هاي الطريقة جنت استعملها وي مهرتي سالي وجانت حيل ترتاح وياي وهم ضبطت وي هذا الفرس بعد دقائق هدأ ورجع لوضعة الطبيعي لان أمن علية

هديتة والتفتت حولي لكيت محد هنا ولا جنس مخلوق هنا استغليت الفرصة نزعت صايتي و حجابي وكفيت أرداني ورحت يم البحيرة غسلت وجهي واتوضيت ورجعت لبست صايتي و حجابي ..

وكعدت جوة الشجرة واستندت على جذعها وطلعت الحصن الحصين من جيبي بستة ورجعت ضميتة

وبقيت اردد بسورة يٰس قلب القران الكريم اكثر سورة متعلقة بيها انا وحافضتها على قلبي كلها... بقيت اقراها... واني ابجي ولمن خلصت كمت وشلعت ثمرة من ثمار الشجرة وأكلت حتى اروي روحي شوي

بقيت اباوع للفرس وافكر منو ربط هذا الفرس هنا بنص هاي الصحراء؟ خطية شلون ياكل شلون يشرب.

رحت يمة وحطيت راسي قريب راسة وبقيت العب براسة واني اتذكر وعد علي الباقر الي هو انة راح ياخذني بعد العاشر من محرم بس يا حسرتي على نفسي ما لحگت كلشي انكلب ضدي

ضحكت وجانت ضحكتي بيها الف حسرة
ضحكت و وي ضحكتي نزل سيل ادموعي
واخذت احجي وي الفرس مثل ما جنت احجي وي سالي ..

اريج الله :: تعرف انا جان عندي مهرة اسمها سالي وحيل جنت احبها وهي هم جانت تحبني ومتعلقة بية واني جنت احب اصيح الها باسمها بس انت ما اعرف اسمك جان ناديتك بي بس راح اناديك ب اسم النوع مالتك ما دامك فرس اسود يعني اسمك الأكهب ..

وهنا أجى الصوت من وراي يكول

_ هذا الفرس اسمة قاتم..

انخطف كلبي التفتت بخوف و رعب ولكيت كدامي بنت

بس أي بنت سُبحان الله الخالقها بحيث ضليت مصدومة لجمالها اللهم صلِّ على محمد وآل محمد صدك ينطبق عليها مثال تكول للكمر كوم واني بمكانك واصلا جانت احلا من الكمر..

ابتسمت بوجها و أردفت بكلمة ..

اريج الله :: هاا؟

_ اكلج هذا الفرس اسمة قاتــم..

_ اها اسمة حلوو

اتقدمت و مدت ايدها الي للسلام صافحتها بأبتسامة و اردفت وياي

مماس :: اسمي مماس جميل شنو اسمج انت؟

_ اتشرفت مماس اني اريج الله عبد الحسن

ضحكت وتركت ايدي واردفت وياي من بعد ما اخذتني من عضدي و كعدتني جوة الشجرة وكعدت يمي

_ اسمج حيل حلو اريج

_ وانت هم اسمج حلو وغريب مماس

_ اييي صحيح كلشي بينا غريب نحن

_ مماس منين اجيتي انت؟

_ اجيت مناك ديرتنا هناك

_ نحن وين ابغداد؟

_ بغداد !؟؟؟ لاا يمعودة يا بغداد نحن بِ .......

طفرت بوجها ونترت بصدمة وانا اباوع حولي

_ شنووو اناا شنوو وصلني لهناا؟؟؟

_ بس اهدي انت شنو اهلج ببغداد؟

_ اييي

_ اوف جا شنو وصلج لهذا المكان؟

_ ما اعرف يا اختي ضليت امشي مثل المتية بارض الله ومالكيت نفسي الا هنا

_ زين ليش انت اصلا من البداية مشيتي اهلج وين عادي تفهميني موضوعج؟

_ موضوعي مووضووع يكسر الضهر..

_ تكدرين تحجيلي؟

_ اكدر اصلا اريد افرغ البداخلي احس روحي راح انفجر

_ تمام احجي اني اسمع ماعندي شي

كعدت اسولف لمماس كلشي
سولفت شلون جان عندي اهل
وشلون جنت امدللة ابين اخواني
وشلون دار بية الوقت
واقرب صديقة الي خذلتني وهيج سوت بية

ولمن خلصت وسكتت هي حطت ايدها على ايدي واردفت وياي..

مماس :: خلصص خلصص اريج انسي كلشي لان انت هسة دخلتي قرية رماد هاي القرية كل سكانها تمشي على مبدأ لا أرى لا اسمع لا اتكلم كومي وياي ادخلي و عيشي ويانة بسلام و امان..

_ ماريد شي انا والله بس مكان أمن انام بي محد يتعرض الي

_ باعي اختي قبل فترة طلعت من القرية وانا كل يوم اجي لهنا وابجي لوحدي هنا لان مشتاقه الها وهذا المكان مالتنة جان واليوم اجيت ولكيتج تصيرين مثل اختي منسة..

_ من طيبة كلبج ومن حسن حضي التقيت بيج لان صدك جنت محتارة وين انطي وجهي وين انام وين اكعد ماعرف

_ يااا لا تفكرين بشيء بس شوفي اكلج انت هنا اضمني الامان بس لمن ندخل القرية راح تتعرضين لاخوي هو المسؤول عن القرية مثل ميكولون الشيخ مالتنا اسمة « حيرام »
بس يصيحون الة بالقرية « داسم »
لهذا لا تتفاجئيين اذا سمعتي هذا الاسم

_ اها تمام

_ وشغلة ثانية اريج

_شنو ؟

_ باعي لمن يسألون عن اسمج لو منو انتِ بالج تكليلهم انت علوية وتسولفين الهم القصة الي سولفتيها الي

_ بس ليش؟؟

_ سوي الكتلج علية وخلي ثقتج بية

_ بس شتردين اكللهم؟

_ ما راح تحجين شي راح نفوت هسة انا وانت واكيد راح يطلع بوجهنا اخوي داسم واني راح اسولف وياه واكلة ان لكيتج ضايعة و فاقدة ذاكرتج ما تتذكرين لا منو انت ولا شنو اسمج..

_ ولو مادري ليش كل هذا بس تمام

_ اريج اسمعي لا تفكرين باهلج مستحيل يوصلون لهذا المكان بس اطلب منج شغلة وحدة..

_ شنو هية؟

_ اتغاضي عن اي شي غريب تشوفي بالقرية ادري انت علوية ومكانج عالي ومو مستواج تعيشين ابين هاي الناس ولا بهذا المكان بس علمود تحافضين على حياتج اتحملي لان ماراح تلكين غير هذا المكان اهلج ماراح يوصلون الة واذا وصلو ماراح يخليهم داسم يعتبون للقرية

_ لا حبيبتي راح اتقبل اي شي المهم الكي مكان أمن واستر نفسي وروحي بي

_ تمام تعاي وياي ولمن تستقرين هناك راح اعلمج على كلشي وهم راح اعرفج على زوجي..

_ هههه ان شاء الله يروحي..

اخذت بايدي ومشيت وياها دقائق ونحن نمشي لحين ما صرنا على مطارق القرية

وصرت اشوف الناس الكاعد تفتر جانت قرية غريب بكل معنى الكلمة معزولة عن البشرية والحياة الطبيعية

اصلا تفاجئت معقول موجود هيج مكان هنا بالعراق؟؟ اول مرة اشوفة اول مره اسمع بي

واول ما دخلت مماس القرية الكل صار يباوع علية بنضرات استغراب

وصدك مثل ما كالت مامر على دخولنا القرية دقائق معدودة طلع بوجهنا اخوها

جان رجال طويل وضخم حيل عاگد حواجبة يلي جان حاجب واحد من عندة يطبك أثنين من حواجبي

وجان مزين لحيتة مخلي بس الشوارب جنة ضابط عراقي بزعانة روحة

هيئتة جانت تخوف

وكفت مماس ولزمتني من ايدي رجعتني خطوة لورة واتقدمت علية كدام اخوها وكفت

واردف وياها بصوت صدك مرعب هز كلبي ورجفت ايدي منة

داسم :: منو الوياج هاي؟؟

مماس :: هاي الابنيه خطية لكيتها يم البحيرة مضيعة وعرفت انها فاقدة ذاكرتها وما تتذكر حتى اسمها
انكسر خاطري عليها لهذا جبتها وياي علمود لا تتيه بالصحراء لا بأس تبقى بغرفة منسة؟

_ فاقدة ذاكرتها كلتيلي؟

_ اييي خوية

رفع اعيونة اتجاهي وحط ايدة على متن اختة وبعدها عني وصرت انا وياه وجه لوجة صار يباوعلي من فوك لجوة

أبتسم بوجهي والابتسامة جانت صفراء
واردف وياي

داسم:: ما تتذكرين شي عن روحج؟

_ ايي ما جاي اكدر اتذكر لا منو انا ولا شنو صار وياي و وصلت لهاي الحالة

_ ههه بس هيئتج و نضافتج تكول غير شي

_ شلون يعني؟

_ يعني وين اكو وحدة صاير وياها حادث فاقدة ذاكرتها بي وجاية من مسافة بعيدة لان متيهة وهي بهاي الهيئة الجميلة ؟! قنعيني؟؟

_ مااعرف اني لو اتذكر شلون هيج جان رجعت لهلي ماقبلت مساعدة الاخت واجيت وياها

_ اها لو تتذكرين يعني هسة انت ما تتذكرين اي شي؟

_ اييي ما اتذكر

_ ههههه خووش راح اتنازل عن عقلي كلة واصدكج

مماس :: خوية البنية تعبانة خلها ترتاح وتفوت جوة

داسم:: الابنية !؟ ليش انت بعدج ممزوجة؟

اريج الله:: مااعرف ما مذكرة شي

داسم:: اهاا وهسة انت صدك تعبانة؟

اتقدم وراد يخلي ايدة على خدي بس انا اتراجعت لورة ومنعتة يطخني

وهلشي اضن زعجة هواي لان شفت شلون ملامح الغضب طلعت على وجهة وصار يزمجر بصوتة واردف وياي

داسم :: تمام دام البنية تعبانة اخذيها لغرفة منسة ترتاح بيها
وهم منا وطالع خلو نصيح الها باسم « اقمار» دام هي راح تعيش ويانه ولمن تتذكر منو هي وشنو اسمها هنا لكل حادث حديث

كال هذا الكلام بوجهي بعصبية وراح اخذت مماس بيدي ومشيت وياها ولمن وصلنا فتحت الي غرفة منسة

دخلت وكعدت بيها واردفت وياي

مماس :: اقمار حبيبتي هاي غرفتج وهاي مفاتيح الغرفة اقفلي على نفسج ونامي مرتاحة وهذا الماي يمج اذا احتاجيتي اي شي اطلعي واسالي اي واحد عني وراح يدليج ابيتي لاتنسين اسمي مماس جميل وزوجي اسمة ساتر گايد

هزيت راسي بمعنى ( اي) لان صدك جنت اريد انام ميتة من التعب

احداث صارت وياي لو تنحط على جبل جان انهطر وصار وي الارض مو ادور انا

طلعت مماس وكمت قفلت الباب ونزلت البردات على الشباك

وشمرت نفسي على الفراش حاولت انام من التعب حتى جنت ما مشتهية اكل جنت اريد بس انام بس احضن المخدة

واول ما ردت اغفى سمعت صوت اصياح عالي من برة كمت عدلت حجابي ورفعت البردة عن الشباج ولكيت كدامي داسم

جان يصيح على واحد من الولد ماعرف شمسوي هديت البردة نزلت على الشباج ورجعت لمكاني كعدت واني افكر واكول بيني وبين نفسي

راح اضل اهنا ؟؟ لشوكت يعني !؟
زين ليش مماس ماقبلت اكول الهم الحقيقة ليش جبرتني اجذب بسالفة ذاكرتي واتحول اسمي من اريج الله الى اقمار ؟؟

ومنو هذا داسم ليش هلكد جبورتة قوي ومتسلط على هاي الناس بهاي الطريقة

ليش الكل يخاف منة و ما يرفع راسة كدامة ليش كاعدين يحسبون لة الف احساب؟

هو ليش كاعد يعاملهم ك عبيد عندة شنو قصة هاي القرية الغريبة؟

ليش لبسهم هيج مو طبيعي مثلنا؟

اصلا انااا وينن شلوون راح اكمل هنا
شنو المشكلة اذا عرفو انا علوية
شنو المشكلة بالنسب مالتي؟

شكاعد يصير عقلي ماجاي يستوعب شييي

اندك الباب كمت فتحتة ولن بوجهي داسم فات للغرفة واردف وياي بكل تعالي وجبروت..

داسم:: تعبانة و راح تنامين هسة مو ؟

_ اييي

_ لمن تكعدين تعاي على التل اريدج موجودة هناك بليل

_ يا تل هذا؟

_ كولي للمماس تاخذج الة وتتركج هناك وتروح عنج

_ بس شنوو ليش بالتل ؟

_ داسم ما يحب الاسئلة داسم يحب يتنفذ كلامة وبس
سوي الكتلج علية بليل الكيچ على التل منتضرة..

_ ان شاء الله

راد يروح ولمن كلت ان شاء الله التفت الي خزرني بطرف عينة واردف وياي برفعة حاجب

داسم :: شكلتي هستوج عيدي؟؟

_ ماكوو كتلك ان شاء الله اول مااكعد راح اكول لمماس تاخذني لهناك..

_ اهااا تمام

لمن راد يطلع لزم الباب ورجع التفت واردف

_ داسم ما يحب التاخير لا تتاخرين وماريد ينكسر الموعد يصير شي مو حلو

_ يااخي والله تممم هسة منا لليل الله كريم مليون سالفة تصير وهم ولا يهمك اول ما اكعد راح اروح واكول لمماس تاخذني ابقى منتضرة هناك

_ خوش..

خلا وطلع من الغرفة رحت وقفلت الباب واني مفزوعة نضراتة اخترقتني اوف

شيريد مني هذا ؟؟! وشنو بالتل؟؟
واصلا وين صاير وشنو يسوون بي..

طلعت من مصيبة طببت روحي بمصيبة اكبر منها

لو باقية و ذابحني عبد الحسن اشرف الي من هاي الحالة

الدنيا ما جاي تصفى وياي جاي تلوچ لوچ علية

كطعت سيل افكاري هاي وحطيت راسي على المخدة وغمضت عيوني

واخيراً خلصت روحي من مصيبة ابوي وانتهت قصتي..

جنت هيج افكر وماجنت ادري ان انا بهاي الثانية بسس قصتي بلشت وبعده ما منتهي شي

وماراح ينتهي شي الا بأمر داسم

*************************

_ محلاة الاخت لو جانت تحت خيمة اخوتها..

يـَــتـــبِــع ☜ ☞

حسابي انستكرام || o. oll13

قناة ابطال الرواية في التلكرام || ali_bakiir

12،330 كلمــة ♡

وصلنا لنهاية البارت كرزات كلبي
لا تنسون التصويت والتعليق ابين الفقرات
ومتابعة لحسابي لطفاً

احبكم والسلام ✨✨✨💕