احفاد السيد : الثار ( بأجزائها الإثنين ) الفصل التاسع وأربعون 49 - بقلم ​رُقَيَّةُ الْأَكْبَرُ

السلام عليكم ورحمة الله وبركاته

✨ الكاتبة رُقـيّــة الـأكــبـِـر ✨

بقلمي رواية ✨ أحفاد السيد : الثأر ✨

حسابي انستكرام

لا تنسون التصويت للبارت والتعليق ومتابعة لحسابي oo_ll13
تقديراً لتعبي لطفاً ✨✨✨

__ الصبـر هو ان تهمس في أذن الدنيا وتقول لها < لن ايأس دام الله واهل البيت معي >

_____________________________

°°°°° غــديـر الله °°°°°

كعدت الصبح ولكيت محد يمي بالغرفة حاولت اكوم واكعد وشفت الماي يمي على الطبلة بس لمن حاولت اخظة ومديت ايدي مدري شبية اتفهيت ووكع الكلاص بالكاع وانكسر
بثواني دخلت علية الممرضة تركض اجت يمي وأردفت

_ صارلج شيء ؟؟؟!

غدير الله :: لا مابية شي بس الكلاص فلت من ايدي و انكسر

_ انكسر الشر ان شاءالله اهم شي انت ما تعورتي تردين ماي تشربين ؟

_ اييي اريد عطشانة

_ ثوانـي اجيب الج كاسة ماي باردة

راحت للفريزر وطلعت منة كاسة ماي واجت كعدتني عدل وحطت المخدة ورا ظهري وفتحت الي الكاسة وقدمتها الي اخذت اشرب ولمن انتهيت انطيتة الها وذبتة بالسلة
وصارت تباوع لجهاز نبضات القلب واردفت وياي

_ لا الحمدالله اليوم سرعة نبضات كلبج احسن

غدير الله :: يعني شوكت أصير اطلع ؟

_ هذا الشي تحددة الدكتورة المختصة بيج الدكتورة مريم مو انا

_ احجي وياها شوفيها كليلها ترى اني اصير زينة من اطلع منا والله العظيم

_ غدير انتِ خسرتي دم هواي وفوك هذا عضلة كلبج حيل ضعيفة والصار وياج مو بالشيء السهل لهذا احمدي الله ان خلصج من هاي السالفة وسلمج منها ومعلش اتحملي كم يوم هنا

_ اووف انتي ما تفهميني انا راح استمرض اذا ضليت هنا وضليت اشم ريحة المستشفى

_ مابيج شي لا تضلين تتحججين هيج مشروط تبقين تحت العنايا

_ هسة اني هاي كدامج مابية شي جني حصان شووفييي اههه

_ اكعددييي هاي شبيج كلتلي بعدج تحتاجين راحة .

ضليت اتجادل وي الممرضة ووقت ما رفعت الغطى عني وردت اكوم امشي على رجلية حتى اثبت للممرضة انا ما بية شي لچمتنـي بطني وأذاني جرحي حيل لهذا هي رجعتني لوضعيتي وعصبت علية هي
وهنا فات انمار وبيدة الريوك طلعت الممرضة أول ما شافتة واني ضليت كاعدة

إجى هو وسحل الطبلة ليمي وكعد على الكرسي وحط الريوك وضحك بوجهي وأردفت وياه

غدير الله :: جاي تضحك على شكلي موو ؟!

أنمار :: يول يمصكوعة على شنو اريد اضحك ؟

_ لان شكلي هيج تعبانة وصايرة مو حلوة انت جاي تضحك ..

_ لا والله اصلاً جنت اريد اسالج منين جايبة هاض الحلا ؟ هاي انتِ مريضة وهيج !!!

_ ههه اي صحيح صحيح صدكتك لا تحلف

_ هههه يبوي الله اموت على دين جمالج

_ طاربها اليوم على الانباري خيرك ؟

_ الساس هو غير وبعدين شوي حنيت

_ اهااا زين دامك حنيت هاي هي حط وروح زور اولايتك ..

_ وانتِ ؟؟!

_ عوفني عند اهلي انا شنو أشبية ؟

_ غدير الله

_ عيوني

_ ترى اني الانبار وانتِ الرمادي شلون بالأنبار بدون رماديها ؟؟!

ابتسمت من كل كلبي لهذا كلامة ما جان عندي رد كل يوم عن اليوم السابق انا جاي اشوف حب انمار الجبير الي

ولمن ردت احجي وياه واكلة ( ماريدك تعوفني بِ فد يوم )

وصلت له رسالة ترك كلشي من ايدة وفتح تلفونة يقرأها ولمن لفضت بأسمة أشر الي بأيدة بمعنى ( اصبري شوي )

سكتت انا بس شفت شلون ملامح وجهة اتغيرت لمن قرأة الرسالة ماعرفت شنو هية بس خربطت وضعة كلة

رجع سد التلفون وانطاني اللفة الي سواها الي وانطاني العصير بعد ما خلا القصبة بي
وكاع على حيلة وأردف وياي

أنمار :: بعد تربيتي أتريكي وأشربي العصير واذا احتاجيتي شيء صيحي للمرضة راح تجيج اني اروح هسة

_ جا انت وين رايح ؟ اهلي بيهم شي ؟

_ لا يروحي مابيهم غير العافية

_ انمار العباس عليك اهلي شنو بيهم شنو الجان برسالة وخرب وضعك هيج ؟

_ غديرتي الموضوع مو يمهم حيل السالفة تخص شغلي صاير ايام ما طالع وهسة دزولي رسالة يكلولي صايرة مشكلة بالمخازن وكل المواد تالفة لازم اروح الهم يعني خربو ابو الشغل علية

_ متأكد بس هيج انمار ؟

_ وعيونج متاكد يبعد تربيتي اني رايح وماراح اتاخر لا تخافين

_ تمام يروحي انتَ

_ احبج ححيل ..

_ وانا بعد احبك ...

ضحك الي واخذ ايدي باسها وطلع من الغرفة رغم ما ارتاحيت ابد

وحسيت هاي هي غديرالله رجلج انمار طلع هسة من عندج بس لمن يرجع ماراح يرجعلج مثل رجلج الانت تعرفي ..

اذا رجع هسة الي راح يكون غير واحد ما راح يكون انماري الانا اعرفة واتعودت علية

اخذت اتريك لان خفت لايجي ويلكي كلشي على حطة ايدة و يعصب علية

صرت اتريك واني عيوني على الباب منتضرة ينفتح الباب ويفوت واحد من اهلي ..

ماادري شلون هيجي منطيهم كلبهم ومجافيني هيج بس اني اطلع هسة واعلمهم ..

•••• انمار ••••

بالوقت الجنت كاعد وي غدير الله استلمت رسالة من ابوي ( قصطير )
وجان كاتب بيها

قصطير :: أنتهى كلشي لهنا صار الوقت تاخذون كلشي وتسافرون بسرعة .

بقيت افكر شلون يعني انتهى كلشي مو على اساس اريج الله الضربة الاخيرة ؟

معقولة ابوي اتراجع عنها وما راح يأذيها واكتفى بألي سواه ؟

كل وقتي اني بالمستشفى وماادري عن الدنيا طشت لو رشت !!!!

ودعت غديرة وطلعت من المستشفى وكفت كدام الباب واخذت اتصلت على اختي لينا طلعلي مغلق ..

رجعت واتصلت على اخوي بندر وطلعلي خارج التغطية ..
اتصلت على ابوي ( قصطير ) ولمن فتح الخط أردفت وياه ..

انمار :: هاا بوية ؟

قصطير :: وينك انت سويت الكتلك علية بالرسالة لو لا ؟

_ بوية انتَ وينك اريد اجيك للبيت

_ لا تجي تركت البيت من امس انا هسة خارج بغداد

_ شلون يعني خارج بغداد ؟

_ اسمع هذا رقمي راح اغيرة اخذفة من يمك

_ دقيقة بوية ليش كل هذا شنو صاير ؟

_ انمااار انا خلصت ثاري وكسرت شوكة السادة وانشفى غليلي منهم واحد واحد

_ بس شلووون ؟؟؟

_ انتَ مووو عايش وياهم ؟

_ لااا ماادري عنهم كاعد بالمستشفى وي مرتي واخر علمي الدنيا احترك اشتعلت شنو الصار و الما صار ..

_ عجل انا ماعندي وقت اضيعة بالحجي وياك اخوك بندر طلع من بغداد كذالك بقيت بس انت ولينا اطلعو بسرعة وأمنو على نفسكم بأي مكان خارج بغداد لمن انا اتواصل وياكم واكلك تجي للمكان الانطي الكم ..

_ زين واذا ما طلعت شنو راح يصير مثلاً ؟

_ انمااار لا تكسر كلامي ..

_ ما اكسر كلامك بس خلص انتَ سويت الي تريدة واخذت حيفك من السادة اتركنا بحالنا لان انت كلش ما ميت علينة جنت مخلينة اداة لضرب السادة لا اكثر و لا اقل .. وهسة مادام خلصت فَ الك بنفسك ونحن النا بنفسنا ..

_ هيج صار الحجي ؟

_ مع السلامة بوية ..

سديت التلفون بوجه ابوي وصرت اباوع لنفسي دام ابوي خلص انتقامة

معناها هسة بيت السادة مشتعل !!!!
وانا اكول ليش عايفين غدير الله وما يسألون عليها ..

شنو إكدر اسوي هسة ؟ مستحيل ابلغ عن ابوي وحتى اذا بلغت ماكو دليل

وبنفس الوقت ماكدر ابقى هنا مادام صوت ابوي هلكد خايف معناها اكو شي راح يصير واكو خطر علينة

شلون الحل هسةة ؟؟؟؟

بقيت افكر واني كدام المستشفى ما لكيت حل غير ان اسوي نفسي ما اعرف بشيء
واروح اشوف اي واحد من السادة بحجة غدير الله تسال عليهم واعرف شنو سواه ابوي بيهم ..

اي ماكو غير هذا الحل ...

•••• حامِـد المتقين ••••

صارت الساعة تقريب الـ 11 الصبح هيج فزيت من النوم وطلعت من بيت خالي عبد الحسن بعد ليلة صعبة و طويلة

رحت بسيارتي واخذت أمرين ( لهيب )
وطلعت بي للعمارة لان يريد يلتقي ويشوف اختة

ولان علي الباقر مو فارغ وحالتة حالة رحت اني وي أمرين

ولمن وصلنا العمارة ودخلنا مزرعة صيوان كعد أمرين وي اخته وابنها بالديوان

واني دخلت لجوة كعدت بالاستقبال وضيفتني عـزيرة صينية بيها ماي و كهوة

اخذتهن من ايديها واردفت ويايي ...

عَـزيزة :: محتاج شـيء ثاني ؟

حامِـد المتقين :: لاا بس صيوان وينـة مو اتأخر ؟

_ الكل نايم هسة بس اني لكلت لدرية تكعدة شوف هسة على ما يصحصح ويسبح ينزلك.

_ اهاا تمام على راحتة

_ اسويلك غدة ؟

_ لا تسلم ايدج ..

_ العباس عليك جاي طريق طويل اكيد جوعان ما اتاخر بس كول اي ثواني الاكل يمك وحاار يخبل

_ والعباس ما مشتهي شيي اكلنا على الطريق

_ الف عافية اذا حسيت روحك تريد لا تستحي تكول ..

_ ما تقصرين ربي يخليج
بس اريد اكلج شي .؟

_ كول ..

_ الساعة حالياً 3 الضهر شعجب البيت كلة هندس ؟

_ اهههه نحن هيج وين نروح يعني نتغدة وننام الضهرية كلها

_ زين انت شعجب ما نايمة ؟

_ لااا اني جنت نايمة هنا بس على دكة الباب كعدت متشوف اتاخرت بفتحة الباب على ما رتبت الاستقباال وشلت الغطى على السريع ولبست صايتي وحجابي

_ خليتينا ننسلك بالشمس برة

_ اعتذر والله خو ما افتح الباب و اني مفرعة والبيت هوسة ..

_ لااا يختي معذورة اصلا العتب علينا اجينة بلا موعد ولا اتصال

_ لا والله بالعكس كل الهلا بيكم بكل وقت تسمع الـ يا هلا و مرحبا نورت الديرة بيكم ..

_ من كلبج هذا الكـلام ؟

_ ياا اكيد من كلبج شسالفة

_ الحمدالله

_ اشرب كهوتك لا تبرد واني صاعدة اشوفلك صيوان صدك اتاخر عليك ..

_ على راحتج .

تركتني عزيزة وصعدت فوك واني بقيت اتنوع لتفاصيل البيت وتصميمة الجميل

احسن شي سواه صيوان هو لمن اخذ هاي الكاع و عزل اهلة عن البشرية

وعلي العيشة وي البشر ما تنراد

طلعت تلفوني و اتصلت على رحمة الزهراء وهنا نزلت عزيزة وردت كعدت كدامي ولان شافت التلفون على أذاني ما حجت شيء وياي

وجاوبتني رحمة الزهراء :

_ ها شيخة شلونج ؟

_ هلا ابو كرم بخير اني انت شلونك ؟

_ شني فززتج من النوم ؟

_ لا يا نوم هذا كاعدة خيرك صاير شي

_ لا بس اتصلت اسألج شيختي شلونة الوضع يمكم ؟

_ لا الحمدالله هدوء على حطة ايدكم بس اريد اسالك عرفت شيء عن اريج الله ؟

_ لا والله ماعرفت علمي علمج ..

_ اووف وين وصلت هسة ياربي

_ الله وياها وهو حافضها

_ ونعم برب العباد الرحمٰن

_ يلا انا اترخص جان بالي يمكم وهسة ارتاحيت من عرفت ماصايرة فعالية بغيابي

_ ليش وين انتَ ؟؟

_ بالعمارة حالياً يم ابن خالج صيوان

_ اهااا وصل سلامي الهم كلهم وياك

_ ان شاءالله واصل

_ مع السلامة وترجع بالسلامة

_ الله وياج شيختي .

سديت التلفون و خليتة كدامي على الطبلة وهنا أردفت وياي عزيزة.

_ جنت تحجي وي رحمة الزهراء بنت عمتي مو ؟

_ اييي وتسلم عليكم كلكم

_ الله يسلمها ان شاءالله .. انطيني رقمها اسجلة يمي لان ماعندي ياه

_ تمام سجلي يمج

_ ثواني ..

فتحت تلفونها واني رديت الها الرقم وهي سجلتة يمهت ولمن خلصت أردفت وياها

_ عزيزة انطيني رقمج هم احفضة يمي خاف كلشي يصير عادي . ؟

_ ايي هوة عادي

_ ترى اذا ما تردين عادي كولي لا تستحين ؟

_ لا شسالفة هو رقم وبعدين انت مو غريب

_ تمام

ردت رقمها الي سجلتة يمي واتصلت علية حتى تسجل رقمي يمها ( تحفـضـة )

وأردفت وياي بأبتسامة بريئة ..

عزيزة :: سجلت رقمك باأسم ( حُسِن الهواشِم )

_ ههههه حلوو حيل بس انا مو من الهاشميّن للمعلومة يعني ..

_ جا من شنو انتَ ؟؟!

_ ميرزا انا

_ اهااا صحيح والله انت ابوك سُني هههه نسيت والله

_ ليش تضحكين ترى الميرزا فخر النسب

_ لااا والنعم منك وين اكو احسن من الميرزا

_ اييي

_ وبعدين لا تاخذ بضحكتي و تضوج شعرفك يمكن اولادي يطلعون ميرزا ..

_ ليش ما مفكرة تاخذين سيد ؟ يعني ليش حاطة براسج تاخذين واحد عادي ؟

_ شلون يعني ؟

_ يعني دام انتِ علوية ما مخلية براسج تاخذين سيد ؟

_ لااا مو شرط هاي امك مو علوية واخذت سُني وهاي بنت عمتي رحمة الزهراء مو علوية وهم اخذت سُني يعني اذا شفتة ابن حلال يحبني و راح ينتبه الي و لبيتة البس عباتي و اروح وياه

_ تفكيرج حليو الله ينطيج على كد نيتج

_ الله يسمع منك ..

_ هو انت شكد عمرج ؟

_ حالياً راح اصير ²⁶

_ العمر كلة شنو مخلصة مدرسة ؟

_ امم لحد الثالث متوسط وتركت

_ اوف جا ليش بطلتي ولج ؟

_ ما بطلت بس نجحت من الثالث وهاي هي

_ شنو الهاي هي غير لازم تكملين ثانوي و جامعة ؟

_ هههه ويننن وي صيووان اسكت يمعوود هو متوسطة و بتواسيل قبل اكمل راد من السادس ابتدائي ابطل

_ ليش ؟

_ هاي قناعاتة يكول صرتي تقرين و تكتبين هاي هي ماكو داعي تكملين

_ معقولة هذا تفكير صيوان ؟ ما امبين علية هلكثر رجعي بالتفكير

_ يااا ما شايف شي على القوانين المخليهن هنااا زين ما منتحرين من التعقيد جا ما تشوف حاصرنا بهذا البيت وعازلنا بهاي الكاع مخلينة بس وي الشجر و الحيوانات بسس علمود ماكو عين بشرية تصد النا ..

_ بس تعرفين يعني بيها باب وجواب يعني يخاف عليكم وهاي شوفي توني اكول وي نفسي احسن شي سواه صيوان هو عزل روحة واهلة عن العالم
وهم هو ما مقصر وياكم بشيء كلشي موفر الكم

_ لاا الحمدالله ما مقصر ولا محتاجين احد

_ اذا بس على الدراسة تهوون .. زين هي اختج حَبيبة هم نفس حالج ؟

_ حَبيبة اي نفسي هم ثالث وراد يبطلها بس حَبيبة نقذت روحها بموضوع زواجها يعني حاليا دغار ساعدها وكملت دراسة مسائي

_ اهاا حلووو الله يوفقها

_ ايي ..

ضحكت اني هنا ودنكت هي انتبهت علية واردفت وياي

عزيزة ؛؛ شنو اليضحك ضحكني وياك ؟

لمن رفعت عيني وردت احجي وياها واسولف شنو الي ضحكني

شفت صيوان نازل من الدرج كمت و وصلت يمة وحضنتة وهو يردف وياي

صيوان :: واناا اكول البيت امنور أهلاِ وسهلاً اسفرت وانورت ميرزا ..

_ حبيب الروحح مؤتمن الغالي

_ اتاخرت عليك مو يا ابن امي ؟

_ هوة صحيح اتاخرت علية بس عادي ماحسيت بالوقت وي عزيزات سالفة ورة سالفة انجرت ..

_ هههه هم زين

عزيزة :: اني اترخص صيوان محتاج شي ؟

_ لاا يانور عيني ما محتاج بس خليج قريبة علينا خاف احتاج اصيح الج

عزيزة :: راح اكعد هنا بالصالة الثانية

_ خووش

عافتنة عزيزة وراحت بقيت انا اتنوع بِ صيوان هو فهم نضراتي

راحت الضحكة من وجهة و اردف وياي بتوتر ..

صيوان :: صايرة مصيبة عدكم ؟

حامِد المتقين :: صايرة صايرة ياابن امي و هدت حيلي و حيلنا كلنا ..

عدل كعدتة وأردف بلهفة خووف

صيوان :: شكووو شنو الي صاير ؟؟؟ احجي حامد

اخذت صفنت بوجهة استجمعت قوتي و زفرت النفس وسولفت اله كلشي

شلون اختفت اريج الله وشلون لكينها وبأي حال لكينها

وشلون الناس صارت ضدنا وصارت تريد تذبح اخُتنا وشلون هي انهزمت من البيت

واريج الله مو غريبة على صيوان مثل ما تصير الي بنت خالي تصير الة بنت عمتة

بعد ما اني سكتت هو صفك ايد بأيد واردف ...

صيوان :: كلهذا صاير وانا مالي علم بي ؟

_ ما لحكنة والله كلشي صار بسرعة ما لحكنة ننطي خبر

_ حااامدد شني الما لحكتوو ناس بساعات قليلة وكفت على بابكم وهي من الجنوب يعني هاي العالم لحكت تجي بس ما لحكتو تنطوني خبر ؟

_ والله ما اعرف صيوان جان كل همنا أريج الله وشلون نخلصها ابد ما اجى على راسنا احد ..

_ وشنهي هسة شلون كضت السالفة ؟

_ لا وين كضت بس لان شردت اريج الله وعلى كولت زُبير صاحبة العار راحت شلون يردون يغسلونة ؟ بس هدرو دمها وطلعوها من العشيرة واتبرى خالي منها

_ وين هية هسة ؟

_ والله ما اعرف

_ لازم تعرف أريج الله ما يصير تضل برة اكثر لازم تجي لهنا وتبقى يمي بالمزرعة ومحد يدري بيها إو اوديها لعمي جابر للكوت هم هناك امان ومحد يجي براسة جابر عمي ..

_ المشكلة ماندري بيها غافلتنا وطلعت علمود تحمينا لان شافت شلون هذول مصرين على ذبحها وإذيتنا ..

إبتسم صيوان هنا واردف وياي وهو مضيك اعيونة ..

صيوان :: تريد تقنعني علي الباقر لو علي السجاد مايعرفون مكانها ؟؟ اطلع مو ابن ابوي اذا ما طلعت سالفة طلعتها من راسهم همة لان هيج سالفة عود اريج الله تفكر بيها وتطلع من كيفها هاي سولفها لدبة هم ما تصدكك ولك اريج الله يا دوبك تنطيها ابرة وقماش وتكعد تخيط الك هاي الفالحة بي هية
مو ادور تروح تسوي علاقة محرمة وترجع تعوف البيت و تشرد منة مسحيل يابة
لو مثلاً تكلي غدير الله اكلك ممكن لان غدير صدك صلفة و قوية و جريئة بسس اررييجج ؟؟؟؟ اررييجج لو اشوف بعيني عليها الزلة ما اصدك

_ ياريت خالي عبد الحسن فكر بهذا التفكير وكال بنتي مستحيل تسوي هيج مثل ما انت كلت هسة

_ عبد الحسن حتى اذا فكر هيج هذول الجهلة الحولة راح يفرون تفكيرة

_ اييي وعلييي صيووان وحك هو علي شايف لون شفت خالي متكول هذا عبد الحسن نفسة الي نعرفة وعايشين وياه

_ انا الي اعرف حامد هواي جاي تصير دكات هنا على مود شرف و على مود اتفه الاسباب اسلاح وصار بيد جاهلية

_ هسة خلصت من صوب خوالي راحت اريج الله وعود لمن يكلوها يحلها الف حلال بسس

_ بس شنو كمل ؟ لا تكطر بالحجي اكو شي ثاني ؟

_ صيوان الناس بدت تحجي علينا اتخيل اليوم لمن طلعت الجيران يباوعون علية وكأن واحد ناهب انا

_ ينسوون

_ شني الينسيهم متكلي ؟

_ ههه لا تخاف هسة تطلع سالفة اقوة من هاي السالفة وينسونكم و يتلهون بالخبر الجديد هم الناس هيج يردون كل يوم خبر يلتهون بي ويخلصون يومهم بي

_ شنوو هذا البرود الي لازمك ؟؟

_ مو برود بس جاي افكر بالسادة. .

_ تجي ويانة لبغداد ؟

_ اكيد راح اصعد اكمل غراضي واجيك

_ تمام يا ابن امي ..

كام صيوان على حيلة وصعد واني كذالك كمت وردت اطلع صارت عيني علة عزيزة كاعدة بالصالة الثانية رفعت ايدي الها للسلام واردفت ..

_ يلا نترخص احنا ..

رفعت راسها الي وكامت اتوجهت الي وكفت بعتبة الباب وحطت ايدها على الحايط واردفت وياي

عزيزة :: شنو راح ترجع لبغداد ؟

_ ايي راح اخذ لهيب و صيوان و نتوكل

_ شنو السالفة توك وصلت ريض بعد شوي

_ لا مااكدر اصلاً جيتي علمود لهيب لان يريد يشوف اخيتة

_ اها تمام على راحتك ..

كالت هاي الكلمات ودنكت ولمن التفتت حتى تروح ترجع لمكانها اتذكر كلمتها الي اوى اول ما شفتها

لهذا قررت ارجع وارجعها الها وادرفت وياها ..

_ راح اكدر اشوفج مرة ثانية ؟؟

التفتت الي صاحبة العيون العسلية وابتسمت واردفت وياي وهي تلف طرف شالها على اصبعها ( جانت متوترة )

عزيزة :: هذا الشيء بيدك .. توصل بالسلامة والله يحميك ان شاءالله

عافتني ورجعت كعدت بمكانها وصارت تقرأ بكتاب جان اسمة ( عَــلـي )

اني تركت البيت و طلعت بدون ما ارد عليها وكفت برة وصرت اباوت للبستان ورحت امشي شوي عن الساجية

واشوف شلون صيوان تعبان على كاعة ومرتبها رجعت وبقيت يم السيارة واجاني لهيب بعد ما شبع من الكريمة اخيتة وابنها

صعد بالسيارة وتركني واكف ومنتضر حضور صيوان ..

هنا لمحت طلعة عزيزة من البيت تريد تجي بأاتجاهي باوعت لهيب كاعد بالسيارة

وين جاية هاي المخبلة وياي غرييب وياي وعلي اذا شافها صيوان يكسر رجليها

عفت مكاني ورحت الها اتلاحكتها واردفت وياها

_ شعدج طالعة غريب وياي بالسيارة ؟

رفعت ايدها وانطتني تلفوني واردفت

عزيزة :: رحت اشيل الصينية ولكيت تلفونك وطلعت انطي الك

اخذتة من ايدها واردفت ::

_ مشكورة خلص روحي فوتي جوة

_ حفوت لا تصيح شبيك

_ ايي روحييي يلاا ..

عافتني و طبت جوة اخذت تلفوني و شمرتـة بجيبي
ولمن طلع صيوان صعدنا سوة وطلعنا لبغداد ..

•••• دَريـــة ••••

صعد الي صيوان وغير الي لابسة وانطاني جنطة اصغيرة وطلع ملابس سود و واوراق وشاحن و علبة السيم كارت ومعجون اسنان و الفرشة والهتفونات حطهن على الجرباية واردف وياي ..

صيوان :: دُريتي فدوتج بس هلغراض رتبيهم الي بالجنطة هاي بس بسرعة وهاج هذا تلفوني حطي بالجيب الصغير و سدي علية زين مو يروح يوكع ..

اخذت نفس واخذت الجنطة من ايدة لا بأس درية اتحملي ..

واني انضم الغراض بالجنطة هو كمل تبديل و ترتيب نفسة مشط شعرة وخلص

واني ماكدرت اسكت اردفت وياه ..

درية ؛: وين راح تروح ؟

_ طالع لبغداد

_ راح تضل هيج يعني ما تلكى حل لهذا الوضع ؟

_ شنو شبيج ؟

_ صيوان ما جاي نشوفك يعني اذا كلش شغلك مهم هناك خلينا ننتقل لهناك ليش انت هيج متبهذل تروح وترجع وهذا غير الدرب و خطر السيارات ..

_ ما يحتاج ننتقل لمكان هو من اخلص شغل ارجع قابل رايح اللعب لو اتونس ؟

_ صيوان ما جاي تفهمني انتَ هواي جاي تفاركني ماريد اتعود على اغيابك ولا اريد انت يصير عندك عادي تعوفني ايام وشهور

_ دُريــتي !!

_ هاااا ؟؟

_ هاي المرة ماراح اتاخر عليج شغلة يومين بس وهم مستحيل اخليج تتعودين على اغيابي بالعكس اريدج تشتاقين الي علمود من اجيج تتلكيني بلهفة

ابتسمت ونزلت ايدة من خدي وارفت وياه واني اباوع علية ..

درية :: تروح وترجعلي بألف خير و سلامة

_ ما اوصيج نور حياتي بالج لنفسج و لصمود ..

_ لا توصي يروحي بعيوني بس خايفة شوية ..

_ من شنو خايفة حبيبي ؟

_ ماادري صيوان انت تعرف محد واكف وياي بهذا البيت بس انت وحبيبة وهسة انتم الاثنين ماموجودين

_ والله اعرف مشكلة هاي بس اتحملي اتكتري عن امي و عزيزات والتهي هنا واذا نزلتي و حجن وياج سوي نفسج ما تسمعين وهاي هم رهف عندج حطيها واسطري راسها بالكلام على ما اجي

_ رغم ادري موضوع التكتر ابد ما يمشي وي امك واختك بس راح احاول

_ بعد اكو شي ثاني مخوفج ؟

_ لا بس هذا

_ مكضياات اذا بس هذن انتبهي لروحج واتصلي علية شوكت ما تضوجين تمام يروحي

_ زين وانت هم لا تغلق تلفونك ماتدري با لحضة اتصل عليك وخاف الكيك مغلق ويضل بالي

_ تدللين يلا مع السلامة

_ دربك اخضر

راح صيوان اخذ الجنطة وباس صمود و ودعة واني كملت ترتيب الغرفة ورحت شلت صمودي وكعدت يمة على الجرباية و صرت الاعبة
وبعد ساعتين او اكثر تعب صمد و نام حطيت مخدة على يمينة ويسارة خاطر لا يكلب هو ونايم و يوكع من الجرباية

فتحت الباب وطلعت ..

جانت الساعة تناهز الـ 5 العصر ..

طلعت لبرة البيت وصرت امشي واني ضايجة من عقلي على بالي رهف راحت وي اخووهاا .

بس لمن وصلت لديوان سمعت صوت رهف جاي من جوة وهي تنهد لـ مجد الحُسين

فتت عليها لكيتها كاعدة وحاطها ابنها على رجليها وتنوم بي دخلت الها

وأردفت وياها ....

درية :: شلونج خية ؟

رههف :: بخير الحمدالله

_ اخيج اشلونة شلون صحتة وضعة ؟

_ تعبان من السجن بس بخير شوي شوي راح يصير احسن

_ تدرين رهفة جنت فوك ضايجة حيل الله لا يراويج شلون فرفحت روحي من سمعت صوتج تنهدين

_ ليش ؟

_ ولججج كل ضني مشيتي وي اخيج كلت هاي هي يدرية رجعت ريمة لحالتها القديمة رجعت لوحدي وي النسر والشاهين الجوة

_ هههه لا مو هسة تبقين لوحدج ردت اروح وي اخوي بس هو ما قبل ميريد هسة

_ اييي عوفي عساة ما يريد دوم

_ مو دوم بس على ما يعدل وضعة

_ الله كريم

_ تعرفين درية ..

_ شنو خية

_ حسيت روحي ما فرحت لطلعة اخوي بهذا الوقت

_ ياا رهف هاي ابدال ما تحمدين الله وتشكري ان ثبتت برائته ورجع ماي وجهة كدام الناس هيج تحجين .؟

_ درية مو انت ما تعرفين طلعت لهيب معناها نهاية علاقتي ب علي الباقر

_ وطززز شنووو يعنييي منو الاهم اخووج لو هذا ؟

_ درييةةة لا تحجين هيج

_ باعي رهف راح احجي وياج ولا تزعلين اسمعي هذا الكلام مني احسن من ما تسمعي من غيري ..

_ شنو حبيبي احجي وعادي اتقبل اي شي منج يمكن بي منفعة الي احجي كلشي براحتج ..

_ مستحيل احجي شي يضرج واني لان عشت وياج وشفتج اريد اكلج هذا شي خاف انت ما منتبة عليه

_ شنو هوة ؟

_ باعيلي رهف انتِ تخبلين و ماكو بحلاتج بس خليج وي فكرة علي الباقر اتزوج بس علمود يحافظ على اهل بيت صاحبة واخوة يعني علي الباقر يكدر هسة يعرض بوجهة عنكم وما سأل ولا يجيكم وما يسوي الكم كل السواه بِ الثلاث اسنين الراحن ما مجبور على شي بس من باب الحب و الوفاة لصاحبة سوة كل هذا اتزوجج علمود يحافظ عليج ويكدر يفوت عليكم براحتة بدون ما يرتكب حرام يعني ما تزوج لان يحبج لو يريدج والدليل على طول زواجكم ما اتقرب منج ولا طخج هذا اكبر دليل لكلامي ماكو زوج يتحمل يضل بعيد عن مرة كدامة وهي زوجتة وحلالة مستحيل يتحمل
وهاي اني كدامج عود زوجة اخوة جنت ودنيا وحدنا بقينا ابعاد عن بعض بس سنة وحدة وهسة ماخذين موضوع زواجنا بكل تفاصيلة ورجعت اعيش الحب وي صيوان من جديد ..
وهاي انت مو بحاجة علي الباقر بجمالج توكعين اكبر واحد وهم يجيج يحبج ويحترمج ويقدرج
كليلي وينة هذا علي الباقر ؟ الي هسة انت جاي تنزلين هاي الدرر علية وينة واتمنيتي اخوج ما يطلع علمودة وينةة اسالج علية ؟؟ من اجيتي لهنا حتى ما كلف على نفسة يرفع سماعة التلفون ويطمئن عليج باتصال !! منو الاحسن هذا المايدري حالج وين لو اخيج الي اول ما طلع فكر بيج واجاج يركض علمود يفرح كلبج ويكلج اتحملي بس هاي اليومين وراح ارجع اعيشج احسن عيشة تلكينة هسة يشتغل مليار شغلة حتى يعدل الوضع ويجي ياخذج لا تعلكين روحج روحج بهذا السيد انتِ تستاهلين الاحسن الاحسن وترى هو الخسران لان خسر جوهرة مثلج قسما بربي ما جاي اجامل رهف انت تستاهلين الاحسن من علي الباقر والله جاي يشوفج وماراح ينساج يعوضج بس ثقي بي وصفي نتيج

فكري بكلامي هواي لان هذا الصحيح انت هسة جاي تفكرين بكلبج بس كلامي اريدج ترددينة بعقلج ويمكن راح تضوجين لان انت من البداية خليتي عندج امل يمكن علي الباقر يصير الج ويتعود عليج ..

امسحي ادموعج كاافي ...
رهف ويامن احجي امسحي ادموعج يروحي والله مو مستاهل دمعة وحدة اششش كافي كطعتي كلبي والله كافي خية

اخذت رهف و حضنتها وصرت امسح ادموعها حيل انهارت على كلامي ولمن هدت ومسحت ادموعها وابتسمت بوجهي

لزمت ايدها ورجعت اردفت وياها

درية :: فدوة لهاي الابتسامة ايي هيج خية اضحكي وسمعيني صوت ضحكاتج خلينييي اشوف اسنانج ..

_ زين عادي اسئلج سؤال بعيد عن موضوعنا ؟

_ ادري بيج ما عجبج كلامي وتردين تغيرين الموضوع بس يلا معلشش اسالي

_ لاا بس هيج اجة على راسي وحبيت اسال

_ تمام اسالي ..

_ شوكت المشايا ؟

_ هههههه ولج وينج وين المشايا بعدنا اليوم 14محرم الحرام

_ يعني بعد هواي ؟

_ هوواي كلش المشايا بشهر صَفِر الخير
وهم نحن العمارة نطلع بعد ايام من شهر صَفِر الخير

_ يعني كل سنة انت تمشين ؟

_ مو كل سنة يعني اول سنة امشي بيها هي العام اخذاني صيوان ورحنا وي علي السجاد و علي الباقر والعلوية امهم وطلعنا من البصرة ومناك طلعو ويانة عمتهم فاطمة الزهراء و اولادها وكملنا مسيرنا كَ مجموعة .. جانت هاي اول مرة الي امشي

_ حلو حيل

_ ليش تسألين كان مستعجلة على المشايا؟.

_ اي والله بواهسي هاي السنة امشي

_ المشايا بألف حجة و ألف عمرة اذا صار ومشيتي اعتبري الله رزقج لان المشي للحُسين رزق والله العظيم

_ ان شاء الله اكون هاي السنة من المرزوقين ..

_ امين يارب ..

سكتنا وشفت ملامح الزعل بعدة على وجها رجعت واردفت وياها

درية :: خو ما زعلانة مني ؟

_ لاا يختي والله كلامج مثل العسل على كلبي ..

_ يابعد كلبي رهفة يلا اذا هيج كومي نروح للمطبخ ونسوي كيكة او طبخة نتونس بيها

_ ومجد ؟؟

_ صعدي خلي ينام بغرفتي يم صمود ..

_ تمام انتِ اسبقيني للمطبخ واني اصعدة وانزل الج

_ تمام راح انتضرج

_ اوكِ

تركت رهف ورحت للمطبخ لكيت عزيزة جاي تسوي لروحة مسكافيه وكفت بمكاني

وهي اردفت يعني اكيدد كالعادة مُستحيل تسكت اذا ما تذب سمها ولا ترتاح

عزيزة :: شنو مسوية بأخوي المكرود صاير مايكدر يتحمل يضل بالبيت جاي يشرد من وراج ما تحسين ؟؟

ضحكت من كلبي لمن سمعتها ولأن هي ما تسكت وتستغل اصغر فرصة علمود تغثني

حبيت اباغتها انا هاي المرة وما اسكت مثل عادتي كصرت صوتي واردفت وياها

درية :: تدرين عزيزة شنو المشكلة التخليج لهذا الساعة كاعدة على كلب امج ؟ يعني اختج الاصغر منج بسنواتت اجت قسمتها وانتِ بعدج معلكة تعرفين ليش ؟؟

ضحكت وضحكتها جانت بقهر لان دست على الجرح بهذا كلامي ادري بيها كلشي ولا تنجاب طاري العنوسة كدامها تتخبل
رفعت عينها واردفت وياي وهي تطك ايدها على الكاونتر ..

عزيزة :: اييي اعررف لان لحد الان ما انخلق الي يستاهل اضفري لا تنسين اني العلوية عزيزة وابقى عزيزة مو ياهو الجان اخذة .. ولا تفكرين بية قسمتي موجودة اوعدج راح اخذ اطولها و اسمنها واحلاها

_ هههههي لاااا غلطط هيج صدكيني الله راح يشمرج على احلاها واطولها واسمنها بس لو شوي تتخلصين من هذا الحقد والسم المقبوت بداخلج وتصفين نيتج مثل حَبيبة وشوفي شلون الله يرزقج ببشخص مثل دغار يحبج و يصونج ..

_ امم صحيح يمكن اني بعدني ممزوجة بس على الاقل اني لهسة عزيزة بعين نفسي وهم بعدني لهسة حاشمة نفسي وكاعدة ابيت ابوي معززة و مكرمة ما رحت وتزوجت اخو زوجي
بيا نفسية انتِ جاي تنامين بصف صيوان ما تلعب روحج من نفسج امس امس جنتي نايمة بحضن دهام وهسة لفيتي لحضن اخوة التوأم شهللل قررف هذاا ؟؟؟؟

_ اوووو اووو والله حفضتة اذا امتحنت بي اخذ معدل كامل الكلام هذا سمعتة شيء سبع الاف مرة اريدد غيرة صار ملل سولفولي شي جديد يعني

_ اكيد تسمعي هواايي منتضرين تحسين على دمج وترحين منااا تخلصينا منج جابج دهام وابتلشنا بيج ..

_ هههه اعتذر طلبج ما متوفر عندنا لا ماعندي دم حتى احس واروح ..

_ صدك الا هيج لان وضعج مو طبيعي ابد والله انت كل البلبيت مو طايقج ورغم هيج باقية

_ انزيين انطيج البشارة الي راح تسر كلبج و خاطرج ؟؟

بقت تباوع علية وحطت ايدها على خصرها وأردفت وياي ..

_ شكووو شنو هاي البشارة ؟

حطيت ايدي على بطني وابتسمت هي صفنت بوجهي ونزلت ايدها من الدمة واردفت وياي

عزيزة :: حااامللل ؟؟؟

ضحكت و رفعت ايدي الثانية أشر الها واردفت الها ..

درية ؛؛ وبشهر الخامس همم

_ شنووو من انتقاام انتِ منين نزلتي علينا هو انت ونحن ما متحملينج ادور راح تجيبين النا اجريذي يشبهج ؟؟؟

_ ابن صيوان وحالة من حالكم ؟

_ ههه مستحيل مستحيل اصدك هذا ابن اخوي صيوان ولج صيوان ما تزوجج بس علمود صمود مستحيل يتقرب لمرة اخوة منين حبلتي بهذا واجيتي تمشي براس اخوي ؟

_ شنوو هذا الكلام صددك ما تستحين وعبرتي كل الحدود تشككين بطهارة ابن اخوج ؟

_ وعلي ابن ابي طالب يا انتِ علاجج بس يم ابوج هو الوحيد اليكدر يكسر ركبتج ما ضلت علينة بس تحبل مدري منين وتجي تحطها براس صيوان لان تعرفين اخوي فقير وراح يستر عليج مايكدر يحجي شي ويفضحج ..

هنا دخلت رهف المطبخ ولهذا عزيزة تركتنا و راحت والحقد و الحسد والغيرة تطاير من عيونها مااعرف شلون هي وحبيبة اجن من نفس البطن ؟؟

شلون انطاها كلبها هيج تحجي عن ابن صيوان هذا بعدة ما اجى لدنيا وهيج اذا صار و نولد شنو راح يسوون ؟؟
ربي احرس ابني من شر هلثنين

اجت رهف وكفت كدامي وأردفت وياي وهية تباوع لطلعة عزيزة بهذا الطريقة ..

رهف :: شنو عزيزة شبيها ؟ هم اتعاركتي وياها ؟

_ لا خية عليمن نتعارك مجرد انطيتها ابشارة اتوقعت راح تفرح مدري شبيها طنكرت ..

_ شنو من ابشارة هاي الخلت وجها هيج ينعقج ؟

_ بس كلتلها اني حامل بالشهر الخامس بس

صفنت رهف بوجهي وحطت ايدها على خصري وأردفت وياي بضحكة حيل

رهف :: ثواني وانتِ صدك حامل ؟؟ لو جنتِ بس تردين تغثين عزيزة ؟

_ لا والله صدك حامل واصلا اني عرفت من مهد ما رحنا للعرس لبغداد بس لان جان الحمل مو ثابت علمود هيج ما كلتلهم علمود لا يتحمسوون واخر شي يوكع بس هسة طمئنتني الدكتورة الحمدالله ثابت وكلشي عال العال ..

_ يالله الزهراء تحفضج بعينها ولج ماباقي الج بس أربع اشهور وتجيبين النا بيبي عنون

_ هههه اي ما صدكت صمود صار ثلاث سنوات وكبر شوي هسة راح ارجع

_ ياروحي عسا الله يكملها عليج وعساج تنحرسين بعين الزهراء ..

حيل اتفاجات من رد فعل رهف وشلون طفرت من الفرح وصارت تحضني واخذتني من ايدي و كعدتني وتكلي لا تتعبين ..

باع الفرق هاي الغريبة هيج سوت و عمة الطفل كعدت تشكك بي وشنو سوت والله يا الله

ربي اهدي نفسها واغسل عقلها من سوالف امها

لان عزيزة حيل فطيرة وادري الجاي يصير وياها و التصرفات مالتهة والحقد نتيجة للسم التبخة امها عليها !!!

بس مانكول غير الله ينقذها وينقذ شكو وحدة امها هيج حية

بقيت اضيع وقتي وي رهف واني اتامل اكيد فرحة صيوان بهذا الخبر راح تكون اضعاف فرحة ورد فعل رهف

راح انتضر يجي واشوف شلون راح يتحمس ههه

وهم متحمسة اشوف رد فعل تكتم و وجهة شلون يصير لمن تعرف ابن حبيب كلبها صار يكبر ابداخلي والله اشتري بفلوس الوقت الي تعرف هي بي

وكذالك اريد اشوف وجة ام دهام .. ههههه خووش راجدي انضربت بهذا الخبر اليخبل

انتضرن ابن درية و صيوان يا ام دهام ونشوف منو الباقي هنا ومنو الرايح !!!

٨٨٨٨ مَــشهِــد مِن بقــاع الأرض ٨٨٨٨

•••• آريــج الله ••••

كدرت انام كم ساعة وابد ما جنت مرتاحة لان المكان مو مكاني غريب علية كلشوي افز

وحتى من الخوف نمت بحجابي ولفيت روحي لف بالغطى

وكذالك الفراش مامتعودة علية احس جسمي اتكسر فزيت من النوم كمت وبقيت اباوع للغرفة

اريد مكان احط بي الاغراض الاخذتهم من اهلي لمن كمت ادور لكيت اكو ثقب ورة المراية الحايط مكسور حيل

اجيت و حطيت القران مالتي و الحصن الحصين و الفلوس و الهوية مالتي واحد فوك الثاني وحطيتهم بالثقب ..

وكذالك جبت اقماش و لفيت التلفون بي وشمرتة جوة ميز المراية

والورقة الجان كاتبة الي علي الباقر اخذتهم وطبكتها طبكة صغيرة و حطيتها بأقماش وشديتها على العضد الأيمن لأيدي سويتة كـَ حرز الي

عدلت صايتي ولبست حجابي عدل وفتحت باب الغرفة وطلعت لشارع
البيوت عبارة عن غرفة وحدة شلون مدبريها ماادري لازم كل واحد يعيش ابيت او بغرفة ..

طلعت وما جنت اعرف أي احد ولا وين لازم اروح اتذكرت هذا يريدني اروح للتل

استوقفت الشخص الطلع كدامي وأردفت وياه ...

آريج الله :: بس لحظة خوية ممكن طلب ؟!

_ اتفضلي ؟

_ بس أريد بيت مماس جميل تكدر تاخذني الة ؟

_ قصدج بيت ساتر ؟

_ ايي

_ اي عادي تعاي وياي

مشيت وياه وماجان يبعد هواي عن مكاني فرق شارع وبيوت قليلة وكفنا كدام البيت والرجال اشر علية واردف وياي ( هذا بيتهم ) وعافني و راح ..

وكفت انا ودكيت الباب وفتحتة الي مماس دخلت وياها لجوة وكعدت وأردفت وياي ..

مماس :: بخاطرج تاكلين شيء ؟؟

_ اي والله حيل جوعانة بس قبل الأكل مماس

_ ها عيوني ؟

_ اخوج قبل لا انام اجاني و طلب مني اول ما اكعد اروح وانتضرة على التل وكلتلة مااندلة كالي كولي لمماس توصلج وتروح

_ صدك تحجين ؟؟

_ مماس حيل خايفة يمعودة اخوج يخرع خليني اطلع منا اشوف غير ديرة والفي بيها

_ لااا اقماار لااتخافين ترى اخوي ما ياكل بشر شوفي يمكن يريد يتأكد منج انتِ بس ديري بالج وشنو يسألج جاوبي لان هاي اول مرة بتاريخ قريتنا تصير ويجي علينة شخص غريب لهذا هو حازم اشوي وياج اعذري الحذر واجب ..

_ وعليمن هذا كلة قابل اني رااحح ابلع القرية ؟

_ هذا داسِم منكدر نسوي له شي

_ وشلوون هسسة ؟؟؟

_ اخذج تشوفي بس أقمار انتبهي على حركات جسمج و ردود فعلج لان داسِم ينتبه ححيل لهاي الاشياء

_ حسيت علية لان من يحجي وياي ويباوع لعيوني لو ينزل يباوع لأدية

_ اايي شووفي يريد يشوفج توترتي لو بعدج طبيبعة ترى اخويي كلشش يفهم بلغة الجسد لهذا يوتر الشخص قبل لا يخلي يجاوب حتى يتأكد منة صدك يحجي لو لا

_ اذاا هيجج راح يكشفنيي ماكدر ادبرها ماكدر خليني ارووح مناا

_ وينن ترحين اقماارر اذا على حسب كلامج عن اهلج فَـ اني اضمن الج راح يلكونج حالياً بس هذا المكان امان الج راح تدبريها علمود حياتج دبريها

_ زينن مماس هو ماراح يتدنى يمي صح ؟

_ لاا اقمااار ترى داسِم صحيح كلشي مو زين بالدنيا مسوي بس ما اضن يطلع بأيدة يسوي هيج يعني بعمرة ما سواها وهاي بنات القرية كدامج وحدة تكول لثانية اني احلا وما فكر حتى يرفع عينة ويصد الهن

_ خااييفةة

_ لاا تخاافين وثقي بية انا جبتج لهنا وانت بحمايتي و حماية ساتر اذا صار عليج شي معناها صاير الي شي قبلج ..

_ تمامم

_ امشي وياي يلا ..

طلعنا اني و مماس نمشي والكل جان ينضر الي نضرة استغراب

لان الكل جان ماشي على نظام معين من اللبس الا انا حجابي و صايتي

وبقينا نمشي وطلعنا من القرية و وصلنا التل عند الحافة وفلتت إيدي مماس
واردفت وياي ..

مماس :: هذا التل اصعدي لفوك وانتضري داسِم هناك هسة اني راح اروح

آريج الله :: خووش

_ إقمار لا تخافين

_ جااي احااول

_ خلصي وياه وارجعي الي انا انتضرج بالبيت

_ ان شاءالله

_ بالج لنفسج

_ تماام ..

عافتني مماس وراحت وانا صعدت لراس التل لكيت محد موجود صرت اشوف حولي الدنيا ضلام بقيت لازمة كلبي

سباني بسالفة الجية لهنا وتالي من اجيت حضرتة ماهوة !!

الله يصبرني على هذا الرجال بس لا يطككني ويخليني ارجع لعبد الحسن ركض بليلة ضلمة

ياربي هدي نفسة وياي حيل مامستعدة اجامل لو اتحمل نفسيات

واني افكر وافكر ايد ندست متني من الخلف انفزعت والتفتت مرعوبة

حطيت ايدي على صدري واردفت بشهكة وصوت عالي ..

آريج الله :: بسم الله الرحمٰن الرحيم أسم الله هاي شبيك الناس تتحمحم تسوي شي اكو عاقل يجي هيج على خلسة

داسِم :: اعتذر ست خرعتج ؟

_ اكدر اعرف ليش طلبتني بهذا المكان

_ وشبيج ايديج ترجف ؟

_ متت خووف باع المكاان وانت زودتها لمن اجيت هسة رادت تصير بية نوبة قلبية

_ وليش خايفة ؟

_ عندي فوبيا من الضلام حيل اخاف منة

_ انتِ مو فاقدة الذاكرة ..!!!

_ اييي

_ شلون تتذكرين عندج فوبيا من الضلام !؟

_ ترى هاي الاشياء شعورية شعور بداخل ماعليه بالذاكرة كلش

_ اهااا

_ شنو تريد مني وبهيج مكان . ؟

_ منو انتِ ومنو الجابج على ديرتي ؟

بقيت صافنة ابوجهة هذاا شبي هذا ؟؟
للمرة شككم لازم احجي نفس الرطينة خاطر يفهم علية ؟؟

غمضت عيوني وجاوبتة بنتر و استفزاز

آريج الله :: امبين انتَ الفاقد الذاكرة يااخوويةة للمرة الملياار اكلك مااعرف وبشرفك انا لو اتذكر انا منو جان شفتني بهذي الحالة ؟؟؟
الله وحدة يعلم اهلي شنو حالهم هسة !!

ضيك اعيونة بالنضر الي
وابتسم واردف وياي ..

داسِم :: دامج فاقدة الذاكرة شلون تتذكرين روحج تعبدين الله ؟؟! وهم تتذكرين لازم تلبسين حجاب ؟

_ شنوو هذا سؤالك ؟؟ اني من كعدت لكيت نفسي على هاي الهيئة عرفت نفسي انا محجبة واذا على عبادة الله ترى هاي فطرة شنو لازم من افقد الذاكرة اكول اني اعبد منو. ؟؟؟

_ اقماارر تعرفين نفسج انتِ هسة وين ؟

_ بقرية رمااد اعررف

_ زين مماس من جابتج لهذا القرية كالت الج قرية رماد تعبد شنو ؟؟؟

_ وليش انتم عندكم اله غير الله يعني ؟

_ نحن هنااا نعبد الشيطان ... يعني بأاختصار هذا الي انتِ هسة تعبدينة نحن ما نعترف بي ولا معترفين بوجود الله لان ماكو له لا صورة ولا صوت شلون تعبدينة ؟

فتحت عيوني مصدومة شنهييي هذا الكالة ؟؟؟

هنا الحجي واني اكول مماس ليش ماقبلت اكول انا علوية !!!!

حضراتهم يعبدوون الشيطاانن اصحاب القُربان هذول لا ياا الله

وينك يا عبد الحسن تعاال رجعني وشتريد تسوي بية سوي

يعع شنو هاي الوكعة الي وكعتها ياربي شنو هذا المصاب الوكع على راسي؟؟

التفتت وردت أرجع من المكان الأجيت منة وي مماس ولمن ردت انزل أردف داسِم وياي ..

داسِم :: راح تبفين ساكنة باالقرية ما تطلعين منها بعد وراح اتغاضة عن فكرة تعبدين الله ألي مالة وجود
بس مو لوقت طويل ديري بالج على نفسج لا تصيرين قُرباني الجاي بعد أربع اشهور

عفتة ونزلت ركض رجعت للقرية ودخلن للغرفة قفلت على روحي الباب

دخلت واحس الدنيا حالفة تضيعني ليشش بعمري ما أذيت نملة !! ابد ما نافقت وي صديقاتي هذا جزائي ؟

صديقة عمري تغدر بية وكل هذا حالي من تحت راسها شنو سويت الها خاطر تضرني هلكد ؟؟

ماعرف هذا الشيء الوحيد الماجاي افهمة صرت اباوع للغرفة ورفعت عيني وصد نضري على البنكة
واتخيليت معلكة روحي بالبنكة

اردفت وي نفسي واني اباوع عليها ..

اريج الله :: ههه النهاية الوحيدة الراح ترضيني بس ما راح ترضي ربي !!!

وكعت بالكاع ابجي رفعت ايدي اناجي ربي ما عندي غيرة ابد هو الوحيد الهسة يسمعني ويكدر ينقذني ..

على كعدتي وحرارة ادموعي الفطرن خدي
قريت ( مناجاة بشكر الله و مناجاة طلب الحاجة و دعاء التوسل و دعاء الرهبة و دعاء الحزين )

وهذني كلهن حفضتهن على كلبي من ورة علي السجاد لمن قريتهم كلهن عدلت كعدتي ومسحت ادموعي وصرت أقرأ الاشياء الحفضتهم من علي الباقر
وهي ( زيارة عاشوراء و دعاء يستشير و دعاء علقمة و دعاء الجوشن الكبير )

كذالك جان يريد يحفضني دعاء كُميل
بس عمت عيني على اخيي ما لحك

ارييدد ارجع للبييتتت !!! ارييد اخوواني هذا مو بييتيي ولا مكاانيي والنااس مو نااسي

يا الله وين جنت و وين صررت !!!

منو يصدك انا العلوية اريج الله المُدللة عند كل اخوتي ! هيج تاليتي بهاذ البيت ...

يارحمٰن صبرك بس هيج اكدر اكول ولا بأي ذنب اتعرض لكل هذا الشيء وبأي صبر لازم اتحمل

شنو الصار ليش اتغربت هيج ليش ينسلب مني كلشي ؟ حسبي الله ونعم الوكيل بالي جان السبب ولا حول لي ولا قوة الا بالله العلي العظيم

مسحت ادموعي ورجعت نمت من الصدمة ولان جفت روحي من البجي

اتحلفت لمن يطلع الصبح يصير كلامي وي مماس هسة مو وقتة

حطيت راسي وجبرت نفسي ارجع انام لنشوف شنو المنتضرني بعد !!

واضن المنتضرني هسة اشد من الصار وياي بعدهي قصتي ما انتــهت ......

٨٨٨٨ عَــلي البــاقــِر ٨٨٨٨

كعدت من النوم وجانت الساعة تناهز الـ7 بليل كمت سبحت و صليت اتاخرت حيل عن الصلاة اخذاني النوم من التعب
بعدها طلعت ورحت للمسجد

ونضرات اهل المنطقة جانت عبارة عن رصاصات تصوبني

وسالفة لمن امر من يمهم يتهامسون علينة ححيل كتلتني

تالي عمري هاي الناس الماعدهم أصل ولا فصل يحجون علينا ؟ نحن السادة تربية الأكرام ههه

وصلت مرحلة اشمر السلام على جيرانة ما يكلفون روحهم ويردون سلام الله !!! والله وكت ودنيا ميشومة ..

لمن دخلت المسجد لكيت الأطفال منتضريني طبعاً جاي انطي درس ابدال صديقي الشيخ جان ينطيهم دروس كل اسبوع يوم ولان عندة ضرف خلاني اني اخذهم وهاي الاطفال اعماهم ما بين الـ 8 الى الـ 13 سنة

وجنت اني منطيهم تحضير بالدرس السابق فَـ اول ما دخلت الهم القيت تحية السلام ..

علي الباقر :: سلام الله عليكم ..

_ وعليكم السلام ورحمة الله وبركاتة مولانا

علي الباقر :: هاا محضرين لو مغلسين على الوضعية ؟؟

_ لا مولانا محضرين واصلاً جنا ننتضر درسك على نار ..

علي الباقر :: يعني اليوم اني راح اكوم على كيفي هااا ؟

_ ااي اي

علي الباقر :: خووش زين الي ما محضر شنو نسويلة ؟ شلون نعاقبة ؟

_ مولاي الدرس الجاي يجي حافظ سورة الواقعة كلها على كلبة ..

علي الباقر :: حلوو بس لاا سورة الواقعة ناخذها كلنا بدرس ثاني كلنا نحفضها شوفو خلونا نتفق الي هسة اكومة ويطلع ممحضر الدرس الجاي لازم يجي حافظ دعاء الكساء كلة على كلبة وما يغلط بحرف

_ ايييي مولانااا حلووو

علي الباقر :: يلا نبلش بسم الله الفاتح عنوان درسنا اليوم يا اولادي هو
[ ما يلزم المؤمن معرفتة ]
اعوذ باالله من الشيطان الرجيم
بسم الله الرحمٰن الرحيم
〔 آنما يريد الله ليذهب عنكم الرجس أهل البيت ويطهركم تطهيرا 〕
.「 سورة الاحزاب أية ³³ 」

أول سؤال من هو خاتم الانبياء والرُسل ؟
يلا حسين جاوبني ..

حُسين :: هو محمد أبن عبدالله أبن عبد المطلب وامة هي امنة بنت وهب لقبة المصطفى وكُنيتة أبا القاسم تاريخ الولادة هو ١٧ربيع الاول من عام الفيل
مدة نبوتة هي ٢٣عاماً
عمرة الشريف ٦٣عاماً
تاريخ استشهادة ٢٨صفر من سنة ١١ للهجرة
قاتلة هي احدى زوجاتة دست له السم في الطعام مرقدة الشريف المدينة المنورة ..

علي الباقر :: احسنت بارك الله بك .. زين من هو أول الائمة المعصومين الاطهار من بعد خاتم الانبياء ؟؟
يلا ياااا منوو يجاوبناا منوو نختاار ؟؟
يلا يا عامر مو اسمك عامر يلا جاوبني ..

عامر :: أول أمام من بعد الرسول بلا فصل هو الامام علي ابن ابي طالب ابن عبد المطلب وامة هي فاطمة بنت اسد لقبة امير المؤمنين وكُنيتة ابا الحسن تاريخ الولادة ١٣رجب مدة الامامة ٣٠عاماً
عمرة ٦٣عاماً تاريخ الاستشهاد ٢١رمضان سنة ٤٠للهجرة قاتلة اللعين عبد الرحمٰن ابن ملجم مرقدة الشريف النجف الاشرف
عدد اولادة لدى الامام ١٢ بنت و ٢٧ ولداً

علي الباقر :: جزاك الله خير الجزاء ..
زين من هو المعصوم الثالث من بعد الرسول والامام علي ؟
محمد انت جاوبني على هذا السؤال !

محمد :: هي السيدة فاطمة بنت محمد ابن عبدالله امها خديجة بنت خويلد لقبها الزهراء / ام ابيها وكُنيتهَ أم الأئمة
الولادة ٢٠جماد الثاني السنة الخامسة من البعثة تاريخ الهجرة هاجرت بعد ابيها مباشراً العمر الشريف ١٨ عاماً تاريخ الاستشهاد ١٥جماد الاولى عام ١١ للهجرة
وهذا مو ثابت لان اتعددت الروايات
قاتلها اصحاب السقيفة مرقدها الشريف غير معروف وسوف يضهر بضهور الامام عجل الله فرجة الشريف .
اولادها ٣ اولاد و ٢ بنات

علي الباقر :: احسنت بارك الله في جهودك .. من هو الامام الثاني ورابع المعصومين ؟
جعفر جاوبني ؟

جعفر :: هو الامام الحسن ابن علي ابن ابي طالب امة هي فاطمة بنت محمد لقبة هو المُجتبى وكُنيتة ابا محمد تاريخ الولادة ١٥ رمضان سنة ٣للهجرة مدة الامامة عشر سنوات عمرة الشريف ٤٧عاماً تاريخ استشهادة هو ٧صفر سنة ٥٠للهجرة قاتلة هي زوجتة جعدة بنت الأشعث بأمر من معاوية ابن ابي سفيان
مرقدة الشريف في المدينة المنورة وتحديداً في البقيع

علي الباقر :: احسنت .. من هو الامام الخامس ؟ انت الي بلأخير جاوبني !!

_ هو الأمام الحُسين ابن علي ابن ابي طالب امة السيدة فاطمة بنت محمد لقبة سيد الشهداء وكُنيتة ابا عبدالله
تاريخ الولادة ٣شعبان سنة ٤للهجرة
مدة الامامة ١٠سنوات عمرة الشريف ٥٧سنة تاريخ استشهادة ١٠محرم الحرام سنة ٦١للهجرة قاتلة هو شمر ابن ذي الجوشن بأمر من يزيد ابن معاوية
مرقدة الشريف كربلاء المُقدسة ..

علي الباقر :: احسنتت بارك الله بكَ ...

لمن خلصت الدرس صرت اباوع عليهم واردفت وياهم ...

علي الباقر :: هذا اخر درس الاسبوع الجاي يرجع الاسُتاذ الشيخ الكم اتمنى اكون فدتكم ولو بشيء صغير بهذني الدروس الثلاثة واتمنى ما زعلت احد مني ولا عصبت على واحد وضوجتة واذا سويت شيء مثل هذا اتمنى تعذروني والسماح منكم ..
ويمكن بعد ما تشوفوني او نلتقي مرة ثانية اتمنى اتركت اثر ولو صغير بداخلكم ما يخليكم تنسون اسم السيد علي الباقر
ونصيحتي الكم بالاخير : :
كلشي بهذا الدنيا رايح للزوال اذا سويت شي للدنيا ماراح تكسب شي لهذا دوم خلو شغلكم للاخرى وخلو غايتكم تكسبون الاخرة لان هي الدار الدائم العامر ..

صلاتكم ثم صلاتكم ثم صلاتكم
اضبطو صلاتكم واضبطو موعدها راح ينضبط كلشي بحياتكم الله راح يرتب كل الهوسة الصايرة بداخلكم من انتم ترتبون وقت صلاتكم .

اذا ضجتو او مليتو او صارت وياكم اااي شيي ابدال ما تعصبون وتكعدون تكفروون بنعم الكريم افتحو اي كتاب دعاء واقرأ زيارة عاشوراء هاي كنز منزل من السماء
لان بأختصار هاي الزيارة روايها الامام الصادق ماخذها من ابيه الامام الباقر والامام الباقر ماخذها من ابيه الامام السجاد والامام السجاد سامعها من ابيه الامام الحسين و الامام الحسين وراثها من جدة الرسول والرسول ماخذها من جبرائيل وجبرائيل اخذها من رب العالمين يعنييي من الشجرة للخلاط زيارة بالارض ابين ايديكم رب السماوات والارض راويها
يعني هاي زيارة الاهية عن الله عز وجل
التزمو بقرائتها واكتشفو المعجزات والتيسير بكل خطوة من حياتكم .. واخيراً .. شكراً لوقتكم شكراً لجهودكم واتمنى حتى بعد ما اني اروح انتم استمروا في البحث و الاكتشاف واعرفوا اكثر عن دينكم لان هو الباقي يوم لا ينفع مالٍ ولا بنون ....
وسلام الله عليكم ورحمتة و بركاتة ...

كمت و ودعتهم كلهم حضنوني و ودعوني وطلعت من المسجد .. رغم المحنة الجنت امر بيها انا ماكدرت امنع نفسي ان اجي لهنا وامشي الدرس مهما يكون هذول مالهم ذنب من حقهم درسهم يمشي استاذهم مريض يجي غيرة وهم لازم يكمل الدرس على اكمل وجه

اتوجهت لسيارتي ورجعت لبيتنا دخلت جنت اسمع صوت الشباب جاي من البراني
بس كلش مابية حيل افوت واكعد وياهم

لان صيوان وصل وكعد وي الولد يفهم منهم الصار لهذا مابية اسمع نفس الكلام الي ما صار له ساعات من عشنا شعورة

كملت طريقي ودخلت لجوة للأستقباال عرفت عمتي اخذت وهج الطف ورجعت لبيتهم و جميلة كذالك رجعت لبيتها

ولكيت امي كاعدة تفتر بالبيت تنضف بقيت صافن عليها شلون كاعدة تشيل وتحط بلأغراض وهي شادة راسها
( متعصبة ) وعيونها الخضراوتين يضون
والأبتسامة على شفايفها

استغربت حيل لوضعها اليشوفها
اليوم بهذا حالها
ماراح يكول هي نفسها امس

رحت يمها وأردفت وياها

علي الباقر :: يمــةة ؟؟؟

أندارت الي وأردفت وياي بضحكة ..

العلوية :: هم زين اجيت يبعد امك جاي اغسل الهدوم اصعد غير هذن ملابسك وجيبهن الي وجيب وياك كل ملابسك الوسخة خليني انضفهم الك يثمرة عمري

لزمت ايدها اخذت الهدوم وحطيتهن على القنفة وحطيت ايدي على رأسها
وأردفت وياها ..

علي الباقر :: يمة اسم الله عليج يانحري
بيج شي علويتي ؟

ضحكت و طاحن ادموعها رجعت و مسحتهن وحجت وياي ..

العلوية :: لايبعد امك شنو صاير الي مثلاً ؟! بس اريد ارجع ادير بالي على بيتي وعليكم وماريد تحسون احب اريج الله اكثر منكم وهيج هملتكم وزعلت روحي لمن راحت هية ..

علي الباقر :: يمة ابوس رجلج الله يخليج سند وخيمة الي لا تخوفيني عليج ياصمام كلبي انتِ ..

العلوية :: لا يمة لا تخااف علية والله ما بية شيء فتت لغرفتك علمود اكعدك لكيتك ماهو ولمحت الكتاب على الطبلة رحت فتحتة وقريت الرسالة التاركتها اريج الله وحيل ارتاحيت لهذا تشوف هذا حالي
واريد اكلك بداعتي عندك اذا عرفت أي خبر عنها مهماا جاان اصغير تعال واحجيلي بي تمام يمة ؟

_ اكيد يمة انت اول المبشرين اذا عرفت بس لازم ابوي ما يعرف ..

_ حط ايديك و رجليك بماي بارد مو طاير عقلي حتى اخلي السيد يعرف بمثل هيج اشياء ..

_ ان شاءالله خير

تركت امي وردت اصعد رجعت انداريت الها وأردفت وياها واني على الدرج ..

علي الباقر :: يعني ما بيج شيء ثاني يا صمامي الرئوي ؟

العلوية :: بوجودكم العلوية بخير دومها

ابتسمت الها و صعدت لفوك صادفت طيبة الزهراء واني بطريقي متوجه للغرفة

ما حجيت وياها عفتها و كملت طريقي كأن ما شفتها وأردفت بظهري ..

طيبة الزهراء :: انا مالي ذنب بالصار حتى تجفيني بهذا الطريقة وتعرض بوجهك عني .

وكفت والتفتت الها واردفت بصوت خافت ..

علي الباقر :: واني هم الجاي امر بي مالي ذنب بي لا تزعلين مني لان جاي اتصرف وياج بهذا الاسلوب بس الشغلة مو بيدي اني حاليا أسد مجروح خطفو منة شبلة
اختي راحت ومكدرت اسوي لها شيء
الشعور هذا راح يكتلني وما اكدر ارجع مثل قبل ..

بعد كلماتي هاي عفتها ورحت وما انتضرت جوابها اصلا

دخلت للغرفة و قفلت على نفسي الباب وكعدت ابجي هسة وبس ادركت الصار أختي راحت متعود انا اول ما اكعد اشوفها ابوسها ابراسها اتسامر وياها واضحك

اليوم كعدت كلشي ماكو من عمت عين الهوة اليدخل ريتي واني ما ادري بأاختي وتاج راسي وين !!؟

مسحت وجهي بأثنين ادية و رفعت ايدي ادعي من كلب محروك وملجوم

وقريت مناجاة الراجين بصوتتت مبحوح

لمن انتهيت من الدعاء سمعت الباب يندك رحت مسحت وجهي وعدلت هيئتي وفتحت الباب ولكيت كدامي رحمة الزهراء

عفت الباب مفتوح واتوجهت لمكاني كعدت هي دخلت واجت يمي وبيدها علبة الاسعافات الاولية رفعت الفانيلة مالتي وطلعت بطني نمت على ضهري

وهي بدت تعقم جرحي وغيرت الضماد مالتة

وبعد ما خلصت نزلت الفانيلة وأردفت وياي

رحمة الزهراء :: جان على بالي اريد اسألك عن اريج الله بس من اعيونك اتاكدت انت ما تعرف عنها شي.

بقيت ساكت ورجعت حجت وياي ..

رحمة الزهراء :: علي الباقر اختك اني لا تضم عني شيء سولفلي !!

_ شسولف !! ههه ضلت سوالف يعني من بعد عبد الحسن والسواه لكك لو بس هووة واكف ويانة لو بس واثق ابنتة ١٪ جان هساع اريجة بالبيت ..
بش شلووون هوو عبد الحسن انكسر كبريائة من صار وي بنتة هيج لازم يذبحها علمود يرفع رااسة ابين الناسس وهم حتى يرتاح ويطمن محد يطلع عن شورة

_ الشيء مو بيد عمي ولا بيدك كافي هيج تسوي وهيج تحجي علي الباقر كلنا حاولنا نحميها وماكدرنا خلينا نفكر ان الصار هسة الله يريدة يصير .. خلي يصير عدنا ايمان قوي ان رب العالمين ما راح ينسانا
الله ما يبتلي عبد الا ليشوف شكد يحبة وشكد مأمن بي لا تفكر ولا تخاف اني هسة حيل مرتاحة ومطمئنة لان امنت ان اريج الله تحت عين الرحمٰن وحاشى لرب العالمين يضر عبد هو لخلقة

_ اسغفرالله رب العالمين

_ عفية استغفر ربك ولا تقنط من رحمتة ..

عافتني وكامت طلعت وانا رجعت صليت ركُعتين لوجه الله وكعدت أقرأ سورة يٰس لان اريجاتي حيل متعلقة بهاي السورة

ولمن خلصت طويت السجادة مالتي ووكعت السبحة دنكت اشيلها ولمن شفتها ضليت اضحك لان اتذكرت طيبة الزهراء

حيل تضوج من هاي سبحتي بس لان لون الخرز ابيض و اسود تكلي وين اكو سبحة هيج لونها بلون البقرة هههههه ..

بست السبحة وحطيتها على السجادة ونزلت للبراني طبيت وكعدت وي الولد ..

صيوان :: شنو راح تسوون هسة ؟

المعتزباالله :: لازم نعرف مكانها علمود على هذا الاساس نتحرك

علي السجاد :: اني اترخص كملو كلامكم قزح عيوني ..

جنت اسمعهم واني موسد راسي على الحايط باوع الي صيوان وأردف ...

صيوان :: هااا عضيدي احس ببالك سالفة سوالفها وارتاح !؟

علي الباقر :: صحيح هو اكو سالفة بس اريد اليعاوني عليها ..

المعتز بالله :: ابششر مو عيب تطلب العون واخوتك مجابلينك !!!

اصفاد الحق :: بس أشر علينا ونفزع شنو يبعد اخوك ؟

صيوان :: سولف شنوو هي ؟؟

_ محتاج اثنين بس يرافجوني بهاي المشية .

اصفاد الحق :: اني جاهز و عد عيناك

المعتز باالله :: وانا همم رجلي على رجلك

علي الهادي :: وين متروح اني وياك وبظهرك

صيوان :: التأمرني بي اسوي وين متروح اني وياك بس خلي نفهم شني هاي المشية ووين تريد علي الباقر ؟

_ لا شباب مو هيج معتز واصفاد كلش كافيين علية صيوان انتَ ارجع لهلك لا تنسى هم ماعدهم غيرك ميصير تتأخر عليهم
وانتَ علي الهادي تبقى هنا وي علي الرضا والسجاد خاف يجي ابوي او يصير شيء

صيوان :: انتَ كاصد شنو ؟

_ اريد اصفاد الحق يدبر الي ستوتة او سيارة مفتوحة من ورة ونلبس ملابس عادية كلش اريد ناخذ دور الرحالة ..

علي الهادي :: مافهمت ؟ شنو المُستفاد من هذا ليش تريد تسوي هيج ؟

_ المُستفاد هو راح نفتر على القرى والأرياف القريبة من الموقع الواكفة بي سيارتي وننزل نسال عن اريج الله انا متاكد ما ابتعدت ..

المعتز باالله :: انزين اذا لكينها راح نجيبها ويانة ؟

_ لاا ما نجيبهاويانة بس بنفس الوقت نأمن عليها ناخذها لبيت خالي جابر بالكوت محد يتذكرة ..

علي الهادي :: خطأ هذا تفكيركم علي الباقر بوقت مثل هيج يصيرون الناس الابعاد والعازلين نفسهم أول الناس التجي على البال لا تخاطرون بأخُتنا وتاخذوها لهناك اذا حصلتوها وهم تفوتون خالي جابر بسالفة مالة بيها ..

اصفاد الحق :: كلام علي الهادي منطقي اكيد عمي عبد الحسن راح يفكر بالكل وراح يروح للكل ويتاكد لان يجي ببالة يمكن اريج الله تلجى الهم ..

_ خوووش خلونا نمشي وندور واذا حصلناها يحلها الف حلال ..

اصفاد الحق :: شوكت تريد احضر الستوتة ؟

_ باجر الصبح ..

اصفاد الحق :: صاار باجر الصبح اني يمك رايح هسة اكمل الشغل ..

_ الله ويااك .. معتز بيك الهمة تروح وياي ايدك بيها شي ؟

المعتز باالله :: مثل الحصان اني الله وكيلك لا تفكر بية ولا تخاف علية يبعد اخيك ..

صيوان :: ما تريد اروح وياك ؟

_ لا يبعد اخوك وعلي ماكو داعي اذا احتاجيتك اتصل بيك

صيوان :: راح ابقى هناا لحد ما ترجعون ياالله ارجع للعمارة ..

_ البيت بيتكك والديرة ديرتك ابقى وانا اخوك ...

بقينا اني والشباب نسولف ونغير من جونا لان واحدنا جان مختنك اكثر من الثاني ..

نمت على الكاع وحطيت راسي على رجلين صيوان وصرت اسولف وياه
واني مدري شسولف هيج بس جنت اريد افرغ السوالف الي ابكلبي

وهووة اتحملني صار يسمعني وهو ساكت ههه
جنت اريد الليلة هاي تكضي حتى يطلع الصبح واطلع ادور على اختي ...
يلا يا ساعات اتحركي همي روحج وامشي شووي سريييع....

٨٨٨٨ عَـــلـي الســجاد ٨٨٨٨

عفت اخواني وفتت للبيت صعدت لغرفتي فتحت الباب ودخلت لكيت لينا نايمة و مخلية نور الزهراء بحضنها خفت على بنتي لا تكلب لينا وتخنك الطفلة رحت واخذت نور من حضنها وحطيتها بفراشها هي هنا فزت ..

سويت روحي ممهتم الها رحت كعدت بفراشي وهي التفتت الي واخذت ايدي سحبتها ونامت عليها وحطت ايدها على صدري ..

وأردفت وياي ..

لينا :؛ تريد تزعل مني ازعل بس مو من حقك تمنعني منكك تبقى زوجي وألي حق عليك لو نسيت ؟؟

_ لينا تعبان واريد انام وخري عني

_ شنوو اوخر عنك ليش اني اكدر انام بدون حضنك ؟ سجاد تدري بية شكد احبك وشكد متعودة عليك خلينا نفظ هذا الخلاف هسة

_ شنفظ ليينااا شنفظ انت المسويتة هين كاتلة اخوي وعمي وتكولين نفظ الخلاف ليش هذا مسميتة خلاااف ؟؟؟؟

_ علي السجاد ليش مقتنع اني مسوية هيج ابوي افهم الصار وياهم مالي علاقة بييي يااا تريد تدحجها براسي غصب ؟؟

_ وليشش عدوتي انتِ حتى ادحجها براسج لينا انتِ متعرفين شكد اني اموت عليج واحبج واتمنى من كل كلبي تطلع كل الشكوك البراسي جذب مجرد وهم اني اتمنى هذة الشي يطلع مو حقيقي وتبقين انتَ ليانتي حبيبتي و ام اولادي چا على بالج ما اتمنى هذا الشيء

_ تمام علـي خلينا نعوف هذا الوهم البراسك ونكمل حياتنا طبيعي هاا واذا ثبت علية شي لو انت اتاكدت من الشيء التفكر بي بذاك الوقت يحق الك تسوي التريدة ولان اني متأكدة من نفسي ممسوية شي اكلك هيج ..

_ هسة اني تعبان واريد انام بعدين نحجي

_ شوكت بعدين ما اتحمل اشوفك هيج ضايج ومخنوك !

_ لينا ما ضايج منج ضايج على اريج الله اسكتي عني ونامي ..

_ زين لا تدير بوجهك ابقى نايم على ظهرك اريد انام بحضنك !

_ حالفة تطلعيني من طوري مو ؟

_ ياا ليشش غيــر زوجيي واريد انام بحضنك بيها مشكلة يعني هاااا؟؟

علي السجاد :: لينا كتلج تعبان واريد انام

_ نتصافى يلا

_ باعي ما راح احجي شيء لاهلي عن الحاس بي وراح تكملين هنا طبيعي بس لمن اتاكد انتِ ورة كلشي قسم ما اخليج عايشة ذبحج على ايدي

_ واني موفقة اذا اتاكدت اذبحني كدداام الكل وما اعاتبك لو اكول شيء بس اذا طلعت ضالمني ؟

_ اذا ضالمج انتِ شتردين تسوين بية سوي

_ تمام يروحي عَجل حاول تتأكد بسرعة لان ماريد هاي الحزازية تضل ابيناتنا اكثر ..

_ نامي هسة ..

_ بحضنك ؟

_ نامي لينا

_ اذا مو بحضنك ما انام

_ امري لله تعاي ..

اخذت لينا ونامت على ايدي وبقيت اباوع لفوك واني افكر مقولة ضالمها ياااريت وعلي اسجد لله سجدة شكر ماريد انكسر بيها ابد واللهِ

وطرت على راسي اريج الله اني راح انام بفراشي وارتاح واكو سكف فوك راسي واولادي يمي واهلي يمي ومرتاح

بس اختي وينها هسة لفاها الليل ؟ بيا ديرة اكو سكف تكعد جواه ؟
اكلت شربت صلت ؟ شني خوية وينج يقزح عيوني انتِ كسرتي عليج مابعدها كسرة

سامحينا وين ما جنتي لا تاخذين بخاطرج على اخوتج لان ماكدرو يسوون شيء وهسة انتِ محتارة بزمانج ..

ماراح اسامح ابوي ولا اسامح نفسي اذا ماكدرنا نحصلج واذا صار عليج شي وعلي ما اسامح الجان السببب ....

هواي كلام جان بخاطري اعبر بي الج بس مالحكت مالحكت اهتم بيج اكثر ولا اداريج اكثر بس راح اكلج هلشيء حتى واذا انتِ بعيدة عني بس مشاعري راح توصل الج وراح تحسين بية واني اخوج

اختي يا تاج راسي يا عزوتي وسندي
انتِ الهوى اللي اتنفسه، انتِ قزح عيني.
فدوة لضحكتج الحلوة فدوة لعيونج الرمادية
يا أغلى من روحي يا اخيتي

لو دارت الدنيا لو الزمن مالي.
تبقين انتِ الأخت والصاحبة يا دوا جروحي جنتي .
يا عزوتي وقت الضيق يا شمعة الي بكل صباح. يا نعمة من ربي

اتمنى تسامحيني وين ما جنتي

٨٨٨٨ عَـــلي البــاقر ٨٨٨٨

طلع الصبح طلعت للشارع لكيت اصفاد الحق واكف بالستوتة بالباب طلع وراي المعتز باالله اخذنا الغتر اني لفيت الغترة على راسي ورجعتها غطيت حلكي و خشمي ( اتنكبت )

المعتز باالله هم سوة مثلي وصعدة بالخلف
ومشى بينا اصفاد الحق ونحن بالطريق الطويل والسموم الجان يهب علينة هوة حاار لان نحن بِ شهر آب !!!

عبرنا الموقع الجانت أريج الله مخلية السيارة عندة واول قرية طلعت ابوجهنا نزلنا الها اني وعزوز

واول ما صرنا على اعتابها اتلكانى رجال جبير بالسن وأردف ويانة

علي الباقر :: سلام الله عليك عمي

_ وعليكم السلام ابني

المعتز باالله :: يا عم انت من اهل هاي الديرة ؟

_ اي عمي اني اترعرت هنانة كول أمر خدمة ؟

علي الباقر :: عمي بس اجينا نسأل هم اجتكم امس وحدة غريبة او اليوم ؟

_ وحدة غريبة ؟

المعتز باالله :: اييي عمي اجتكم كـَ دخيلة!

_ لا عمي محد اجانة

علي الباقر :: باع عمي يمكن انتَ خايف عليها او شيء وحك الكافل نحن اخوتها واجينا بس نطمئن عليها واذا طلعت داخلة عند هيج ناس مثلكم والله نحمد الله ونشكرة

_ ابني والله العضيم ولا واحد كصد ديرتنا اني كل الوقت احوم هنا لا لمحت وجه غريب ولا اجت وحدة النا ..

المعتز باالله :: اهااا تمام عمي مشكورر ..

_ اهلاً وسهلاً وان شاءالله تلكوها بأسرع وقت

علي الباقر :: ربي يحفضك ويخليك يا عم

تركنا الرجال ورجعنا صعدنا وي اصفاد وطلع بينا .. وصرنا نمشي ديرة ديرة

عبرنا اربع قرى ولا وحدة منهن اريج الله لاجئة الهم وهنا ونحن بالطريق لنكمل مسيرنا المتندري وين تاليتة

وأردف وياي المعتز باالله

المعتز باالله :: يا مكثر الكضيناهن اذا اريج مو عندهم جا وين هي هسة ؟

علي الباقر :: مادري يخوي عقلي راح يوكف وحك هو علي ..

اصفاد الحق :: اكول خلونا نوكف هناك شوفو هذيج الشجرة نكعد يمها شوي وبعدين نكمل الطريق

المعتز باالله :: تمام اوكف حتى انا ظهري كام يوجعني من هذا الحديد ..

علي الباقر :: تمام اطبك خلينا ننزل هنانة ..

صارت الدنيا شوي مغرب والشمس بدت تغيب لهذا اصفاد الحق وكف الستوتة ونزلنا منها
واتوجهنا يم الشجرة لكيناها جبيرة حيل

وكدامها بحيرة والغريب بالقصة ان شجرة بنص صحراء ؟! مربوط بجذعها فرس !!!!

شني السالفة صرت اتلفت يمين ويسار على امل نشوف احد وصدك صدينة واحد جاي من بعيد لابس كلة اسود ..

اصفاد الحق :: شيسوي هذا الفرس هنا ؟

المعتز باالله :: خاف واحد كردي رابطنة هنا هههههه

علي الباقر :: لا اكيد عندة صاحب ممعقول مربوط هنا من زمان بهذا الصحراء والحر بدون مياكل يموت غير ..

اصفاد الحق :: شني هذا ماي البحيرة ينشرب منة لااا ؟

المعتز باالله :: اشرب وعلى الله واذا متتت ميخالف كلها على بعضها صحراء وترابة ندفنك وين ما تريد ههه

اصفاد الحق :: شككدد غثييث لخاطر ربك

علي الباقر :: هذاك الرجال متوجه النا تشوفوه ؟

المعتز باالله :: عندك نضر ثاقب يبعد اخوك تشوف عن بعد امتتاار . .

اصفاد الحق :: عااابت صلييي على النبييي علي الباقر ارفع كوعك الايسر بوجه لا يحسدك ..

المعتز باالله :: هههههههه على كيفك عمييي .

بقيت مركز بالرجال ولمن وصل وكف كدامنا اجى المعتز باالله يمي وسحبت اصفاد لورة
وأردف الرجال ويانة وهو يحط ايدة على الفرس ...

داسِم :: محتاجين شي ؟

"""""""""""""""""""""""""""""""""""""

_ أمَـِشي والـمَِــكتوُب الك يـَركض وَراك

يَـــتــبِــع 🔙

حسابي انستكرام | o. oll13

قناة ابطال الرواية تلكرام | ali_bakiir

9،220 كلمـة

لتذكير تصويت للبارت ومتابعة للحساب وتعليق ابين الفقرات

احبكم والسلام ✨✨🌼