احفاد السيد : الثار ( بأجزائها الإثنين ) الفصل الثامن وخمسون 58 - بقلم ​رُقَيَّةُ الْأَكْبَرُ

بسم الله الرحمٰن الرحيم
اللهم صّلِ على محمد وعلى ال بيت محمد

﴿الباقيات الصالحيات ﴾
الحمدالله
سُبحان الله
الله اكبر
لا اله الا الله
لا حول ولا قوة الا بالله
حسبي الله ونعم الوكيل

الکَـــاتـبة ﴿ رُقــَـيّــة الأكـــبـَــر ﴾

➖ بقلمي روايــة ﴿ ضـحـايـا الـثـأر ﴾

➖ المعروفة والمنشورة باأسم ﴿ أحـفـاد السـيد : الـثـأر ﴾

✨ التَـــعـِب عَليــنـا والتـَـفاعـِـل عَليـــكـُم ✨

✨ قبل القراءة اتركوا تصويت تقدير للتعب ✨

______________________★______________________

- لمُتابعة حساب الكاتبة -

انستكرام || o.oll13

تيك توك || oo_ll13

قناتُنا تلكرام || oo_ii13

واتباد || oo_ll13

______________________★______________________

- غَريب انتچي اعلىٰ امي
محد يدري برسومي
انا المنسيّ
انا التعبان
انا الملتَم سواد الدنيا بهدومي .

______________________★______________________

""""" مَشهد من بقاع الارض ( قريـــة رماد ) """""

الدنيا بليل و بيت غيرة جان مشتعل بعد ما واجهها داسِم
بسالفة أريج الله
صوت داسِم جان هادئ بسس يخفي غضب مكبوت

:- اايييي غيرة ممكن تشرحيلي الموضوع؟

ترتبك شوية بس تحاول تسوي روحها طبيعية

- خير يا موضوع تريد أشرحة الك ؟

داسِم :- الموضوع يتعلق بالبنت اللي استضفناها أقمار اللي صارت دخيلة عندي وصلني خبر وأنا متأكد منه... إنه أنتِ اللي سويتي الها سحر لخاطر تطيح وتتمرض صح الكلام سألتج جاوبيني على كد السؤال ؟

غيرة :- اها هذا اللي همّك؟ دخيلة! كاعد تسألني عن وحدة ماعرف منين جاية ؟ اي أنا سويت الها وراح أسوي أكثر من هيج ! هذه أرضي وقريتي وانا الجبيرة هنا وحقي أسوي الي يعجبني محد يعارضني ومحد يحاسبني

داسِم :- شلون يعني أرضچ وقريتچ ؟! يا خالتي ! هذه بنت لجأت النا ودخلت بحمايتي ولان أنتِ خالتي هذا ما ينطيج الحق تضرين نفس بريئة ومستضعفة! شنو تردين منهاا شنو مسويتلج هي ؟

:ـ انا ماسويت هيج الى لما شفت هذيچ تسحب الأنظار مني وتاخذك هي جاية مدري منين وجي تحاول تاخذ مكان أهل القرية الأصليين؟ داسِم انا اعترف أنتَ صاحب القرية و لازم تحمي مصالحنا شنو اللي عجبك بيها وخلاّك تهتملها هالكثر؟

داسِم :- لا تربطين الموضوع بمصالح ولا تجيبين سيرة شيء ثاني وكوني صاحب القرية هي مستحيل اقبل أهلها يظلمون الدخيل اللي لجأ لهم أنا ما اهتميت بيها أكثر من اللازم أنا اهتميت بحقها اللي ضاع بسبب فقدان ذاكرتها وطلبت مساعدتي وكتلج لمن تعود ذاكرتها بذاك الوقت راح ترجع

غيرة : - يعني شنو؟ يعني نترك وحدة غريبة ما نعرف أصلها وفصلها تظل تتمشى بيناتنا وتشوف شنو نسوي وتحفظ كل شبر بكاعنا ترى من البداية انا كلتلك شكلها ما يريح يمكن تكون جاية من طرف جميل حتى تسوي مشاكل بالقرية! داسِم أنتَ كل يوم عندك شغل ومسؤولية ومالك فراغ تظل وراها... تحسسني أنتَ بعدك صغير و غشيم وما تعرف نوايا البشر

داسِم :- كلامچ هذا ما يودّي ولا يجيب النوايا أنا أقررها مو أنتِ مو شغلچ تحكمين على اللي يدخل قريتي واللي يطلب حمايتي هي إنسانة ضايعةو فاقدة ذاكرتها والمفروض نتعامل وياها بالرحمة.

غيرة:- رحمةةة ؟ يا داسِم شنو أنتَ عايش بأحلام إذا جنت ما ناوي تشوف الحقيقة فأنا راح أشوفها الك ترى نحن بقرية رمااد
أنا كلتلك من البداية البنت هذه وراها مصيبة وإذا السحر يخلصنا من شرها
فأهلاً بيه

داسِم: - اسمعي ياغيرة اسمعي زين أنا داسِم صاحب القرية وانا اللي أكوله يتنفذ وهذا القرية قريتي والضيف ضيفي اللي صار هسة ما راح يتكرر بعد و إذا وصلني خبر واحد بعد هذا اليوم ولو خبر صغير إنه أنتِ مديتي إيدچ بأي طريقة لتضرين بيها أقمار وقتها أنسى إنه أنتِ خالتي من اجيت الج ذاك اليوم وطلبت منج بهدوء ما تتكربين الها وما تطخينها من باب الاحترام الج لان ماريد اسوي شيء ما يعجبج بس الظاهر الاحترام ما ينفع وياچ

غيرة :- تهددني؟ تهدد خالتك لأجل عيون بنت غريبة؟ صدك اللي ما عنده أصل يضيع! أنتَ ناسي منو رباك؟

داسِم:- ما نسيت تربيتچ وبنفس الوقت ما نسيت أصولي اللي اتعلمتها من ابوي وهي الضيف او الدخيل لازم يُحترم ويُصان!
بس الظاهر أنتِ اللي نسيتي انا مو كلي داسِم جزء جبير مني حَيرام يا غيرة أنا ما أهدد أنا أحذّر والتحذير هذا هو آخر فرصة إلج أقمار راح تبقى هنا بأمان وإذا تمرضت مرة ثانية... أنا راح أعرف منو المسؤول وراح احاسبة

صمت ثكــيل يخيم على المكان غيرة تباوع لــ داسِم بعيون يشعلهن غضب وبغض بس هي تحس بخطر حقيقي من نبرة صوتة داسِم يرجع خطوة لورة وهو يباوع لخالتة بعيون جادة تكسر حاجز العناد عدها ويلفظ وياها

داسِم : - أقمار بنت بريئة وراح أتصرف وياها على هالأساس بس قبل لا اروح كليلي شنو نوع السحر السويتي الها ؟؟

:- لا تخاف الشيء السويتة الها مجرد وجع تحس بي ماراح يموتها وهم بس 24 س باجر بهيچ وقت تلكاها مابية شيء ولا تحس بشيء

- يعني سالفة الكزاز والكاع واذية اقمار أنتِ وراها ؟

:- كتلك راح ترجع لوضعها الطبيعي ماكو داعي لخوفك الزايد ولا اكو داعي لكلامك هذاا هسة .

صار يباوعلها بنظرة جامدة خلتها تحس صدك هو حَيرام مو بس داسِم وهتف وياها بنبرة صوت بيها برود يخوف .

داسِم :- يعني السالفة كلها لعبتچ الوجع اللي حسّت بي و الخوف وكل شي صار كله من تحت راسچ مجاي تدخل براسي ماجي اتقبل هي الفكرة شفت كل الحقارات منج بس شغلة ان اوصيج على شيء وتكسرين كلامي اول مرة ليش ؟

:- داسِم لا تحجي وياي بهذا الموضوع بعد كتلك الشيء السويتة مجرد 24س وباجر راح ترجع لوضعهااا حاولت وياها هواي ابني حجيت وياها بالهدوء وبكلشي وكتلها لا تنتقل بالقرية من مكان لمكان وهي ما سمعتني تحب تكسر كلمتي كلت أدبها شوي وتبقى غريبة واجت لهنا وحتى لو سكنت كل عمرها ويانة تبقى غريبة لو تموت هنا ما نهتز عليها طبها مرض .

داسِم :- لا يا خالة الغريب من يجي ضيف والضيف لازم ينحط بالعين اللي سويتيه مو بس سحر هذا ظلم وهذا الشي ما أقبله راح انتضر واسكت عنچ دام هي ترجع لطبيعية باچر راح اسكت بس هالمرة اذا تِنعاد مرة ثانية أقسم يا غيرة ما راح يخلص الموضوع بــ تحذير وبس

:- داسِم أنتَ ناسي منو أنتَ؟ ناسي منو أهل القرية؟ ليش متريد تصدكني هاي البنية راح تجيب المصايب

داسِم :- المصيبة الوحيدة اللي شفتها لحد هسه هي فعلتچ أنتِ خالتي سامعة صوت اصياح اقمار هذا انا راح ابلعة هسة واقدرچ لان ماجنت محذرچ بس هسة مابيها مجال اذا الوجع هذا ما راح من اقمار وما رجعت لطبيعتها باجر راح تصير المصايب صدكك واتذكريي حمايتي للدخيل خط أحمر انسى كلشي يمهن

أتقدم خطوة باتجاه الباب بس رجع و باوع الها نظرة أخيرة ولفظ

- هسه كافي أريد أطلع من هالبيت وأنا متأكد إنچ فهمتي كلامي زين. أقمار ما راح تنجرّحلها شعرة وحدة لو غير شي يصير ما ألوم غيرچ تحذيري الأخير هذا وتذكري زين منو الي حجّى وياچ

غيرة :: رايح تركض الهاا ؟ و ما مهتم الي انا الربيتك ؟

:- أنا رايح أشوف دخيلتي اللي تمرضت بسببچ واللي رباني علمني الضيف والدخيل خط أحمر مو يسوي الهم اعمال و يجيب الهم أمراض .

يفتح الباب ويطلع بهدوء يعوف غيرة وحدها بالغرفة بعدها واكفة بمكانها

الإهانة والخوف والغضب يتعاركون بداخلها تحس كرامتها انكسرت كدام تهديد ابن أختها اللي صارت كلمته هي الكلمة الأخيرة بالقرية وراحت هيبتها بكلمة دخيلتي

طلع من البيت و كَمّل طريقه بخطوات ثكيلة مثل واحد ديمشي بدرب بي شوك

من وصل قريب كلش للبيت صوت أريج الله صار أوضح مو بس صياح جان صرخة تقطع الكَلب بيها كل أنواع الوجع اللي ممكن يحس بي بشر تصيح باسم الله وتتوسل
يا ربي ما أتحمل بعد!

ما كَدر يتحمّل!
حس النار شبت بدمه ركض للباب دفعه بقوة ما انتظر حتى يدك الباب واختة تفتحة

انفتحت الباب بـ طررررّكَعة قوية

شاف أريج الله ممددة بالكاع وتتلوى وجهها أصفر والعرك يصب منها واختة واكفة وراها وتحاول تساعدها علمود تتحمل شوي

ماكو شي يوجع أكثر من إنك تشوف اللي تحبه يحس بالموت كدام عينك والأصعب إنك تعرف إنك أنتَ السبب بكل قطرة وجع تنزل منها

الصوت اللي سمعته وهي تصيح

:: يا ربي ما أتحمل بعد

ما جان صرخة وحدة جانت مليون تهمة ضربتني على وجهي هي تتوسل برب العالمين حتى يرفع عنها اللي سويته بيها خالتي

منظرها تعبني أريج اللي دايماً أشوفها مثل شمس الصبح صارت قطعة ثلج مكسورة على الأرض ملامحها تشوهت بالوجع اللي بسببي انا واهلي انزرع بداخلها

تريد تتزوجها حتى تحميها ؟ وين حمايتك الها ؟
هذا مو حّب داسِم هذا إجرام بحق هاي الروح البريئة

أختي مماس التفتت عليّ وجهها لونة مخطوف وما تعرف شنو تتصرف صاحت علية صوتها جان مهزوز وانا مجمد بمكاني

:- داسِم! وين جنت؟ ولك شوف شديصير بأقمار تعال خوية شوف البنت شبيها حكيمة تكلي ماكدر اسويلها شيء تعال فدووة البنت راح تروح من أيدينا

ما سمعت شي، غير صوتها هي أريج الله غمضت عيونها وفتحتها بسرعة و لمحتني وطلعت كلمة من حنجرتها المنهكة كلمة مليانة كره يمكن ؟

ما كالتها بصوت عالي بس أنا سمعتها بعقلي حسيت وسمعتها وهي تكلي
وخر أنتَ سبب وجعي

نزلت على ركبي يمها النار شبت بصدري ندم ما ينوصف اردفت بصوت اهتزازي

:- أقمار يا روحي لا تخافين أنا وياج

همست يمها وإيدي ما كدرت تلمسها خفت الوجع يزيد
هي ما كدرت تجاوبني بالحجي بس إيدها ارتفعت بتعب ولزمت بطنها وصرخت صرخة مكتومة خلت روحي تتشظى

- داسِم أحترك بطنيي ناارر داسِم ناار ناارر

نطقت وهي تلوح بإيدها بالفراغ الخلفي
شفت نظرة بوجه وهي تنضر الي نظرة غريبة بيها خوف وبيها شك وكأنها بدت تفهم إن هذا الوجع مو وجع طبيعي •

داسِم ما كَدر يتحمل صرختها هذا الألم اللي شافه بعيونها ما مرّ عليه بحياته كلمات نار... نار... بطني... حفرت بذاكرته مثل كاوية حارة الكره والشك اللي لمحهن بعيونها وهنّ يلمحنه جانت طعنة أقوى من السيف

نزلت دموعه بدون إرادة سحب إيده اللي جانت مرفوعة تريد يحطها على راس اريج الله

:- (بصوت مبحوح يتخلله أنين موجع) - أقمار أنا آسف أنا... كل هذا بسببي بس اگلچ كلهذا الوجع راح يروح صدكيني باچر ترجعين طبيعية

أريج الله هزّت راسها برفض مؤلم ما كدرت تحجي بس حركة رأسها جانت كافية تحاول توصل فكرة إن " باچر " بعيد كل البعد عن وجع " هسه "

وجهها اللي صار مثل قطعة قماش بيضة مصفرة وعيونها اللي بدت تغرق بدموع الوجع خلت داسِم يفقد السيطرة على نفسه

مماس اللي جانت تحاول تسند أريج الله بهدوء وتسمع كلام داسِم صرخت بي :

:- داسِم! اسكت مو وقت كلام هذا شفت الحكيمة شگالت؟ گالت هذا مو وجع طبيعي شنو اللي سويتوه؟ شصار؟ أحچي ولك، البنية راح تموت!

كلمة "مو وجع طبيعي" رجّعت داسِم للواقع المر نسي خوفه وندمه للحظة تحول غضبه المكبوت من غيرة إلى قرار سريع ولفظ وي اختة

:- غيرة! خالتي! هي السوتلها هذا الشيء! سوتلها عمل بس گالت يوم واحد! بس الوجع قوي بس باچر هي راح ترجع لطبيعتها

مماس شهگت و عيونها وسعت بصدمة وهلع ولفظت بخوف وصوت عالي

: - عمل؟! غيرة؟! شلون تجرأت؟ ولك هذا مو لعبة! شنو سحرتوها؟

داسِم يتجاهل أسئلة أخته و ينظر لأريج الله اللي بدت تتشنج سحب نفسه ببطء باتجاها نزل يمها وهمس

: - أقمار، تسمعيني؟ أنا راح أساعدچ. أنتِ لازم تثقين بيّ

أريج الله فتحت عيونها بصعوبة نظرتله بنظرة مزيج من العجز واللوم أشرت بيدها اللي ترجف نحو صدره إشارة واضحة وجانت تقصد كلمات :- أنتَ الوجع

نضر داسِم للوضع و شاف ما طالع بيدة شيء يسوي بس جان يحاول

عافهن و طلع راح لبيتة لخاطر يسوي أي شيء ليخفف
الوجع ولو لمقدار ثانية وحدة .

______________________★_____________________

"""""" أم البـــنيــن """"""

بعد ما خلصنة العشاء وشربنة الچاي الي ورة العشة فتت انا و رحمة الزهراء
للمطبخ غسلنا المواعين لان علي الهادي مابي حيل يغسل

لمن خلصت منهن طلعت لكيت الساعة 10وربع صعدت لغرفتي بعد ما شفت علي السجاد حاضن نور الزهراء ويحاول يسكتها بالمّمر

رحت يمة وأردفت وياه

:- هاا ابو التقي خيرك شبيها نور البيت ليش هيج تصرخ ؟

- اسنونها بدت تطلع وتعرفين الوجع مالهن .

:- يااا سودة عليةة چا ماراح تكدر تهديها هيچ

- شنو اسويلها مااعرف ماضل شيء ما جربتة وياها بالعادة بس تحس بية تسكت هسة ماكو وترتني مااحب اشوفها تبجي .

:- شوف اني شوي عندي معلومات تخص هذا الوجع

- شور الله وشورج شأسوي بنانة ؟

:- شوف خوية قطعة اقماش تكون قطنية وبللها وهيج امسح لثتها على كيفك وضغط قليل بحركة دائرية لمدة دقيقة او دقيقتين
لأن الضغط الخفيف ممكن يقلل الوجع

- هسة اسويها

:- واذا شفت ماكو نتيجة هي شفت انا العضاضة بالمطبخ راح انزل اخليها الك بالثلاجة انزل أنتَ وأخذها وهي باردة وهي نوارة تعض بيها لان البارد و تضغط على لثتها راح يساعدها حيل

- تمام خووية راح اسوي هسة القماش واشوف اذا احتاجيت العضاضة انزل الها

:- مابيه شيء ان شاءالله وجع ايام كلنا مرينة بي لا تخاف ولاتكبر الموضوع

- مادري احس روحي تشيط اذا سمعت صرختها مااتحمل ابد

:- ههههه هنيالها عندها هيچ أبو انتبه عليها رايحة انا

- مشكورة حيل تصبحين على خير

تركت علي السجاد وتوجهت لغرفتـي دخلت لكيت علي الهادي متمدد على الجرباية وهو ماصار له ساعة من مخلص العشاء سديت الباب وانا الفظ وياه

:- ليش نايم هسة الاكل بعدة ما نهضم بجسمك .

- ما نايم بس جي احاول اسوي غفوة الحّبان

وكفت بالمستقيم من الصدمة وضحكت بكل مابية حيل باقي وصفكت ايد بأيد وخليتها على حلكي وهتف وياي

- شبيچ انگرصتي ؟

:- هههه ههههه هههااييي هسة أنتَ جي تسوي غفوة الحّبان ؟

- اايييي

:- وبلة شلون تسويها بدوني ؟ ليش ماص صحتلي ؟

- البطانية ثچيلة ما تخليني لا اتحرك ولا يطلع صوتي

:- هسة البطانية صار اقوى من حبنا ؟

- اكيد لا تعي يمي تعي

:- انزاح لهناا نايم بالنص

- شنو راح تنامين هسة

:- اذا حضرتك نايم اكيد انا انام هم وياك

- اذا ما بخاطرج تنامين عادي اكوم لخاطرج

:- و غفوة الحّبان مالتك ههههههه

- تروحلچ فدوة بنانينيي

:- صدك هدهديي الصبح شفتك تباوع بالمراية بكل دقة ومركز وطولت شنو شبيك جنت تحسب شييباتك ؟

- ترى هي الشعر الابيض براسي مو شيب كُبر

:- چاا شنوو

- شييب حگمةة شيب بخت هذا

:- ههههههه الله الله زوجي طلع زهير بن أبي سُلمى اوو لا شنو هذاا أنتَ أصلاً اعلى من الحسن البصري بالحكمة و البخت

- جي تصنفين علية مو ؟

:- ابد والله ليش هدهديي ؟ اصنف شنو ما مقتنع بروحك أنتَ

- لا تخليني ابسطچ

:- عابت ما تتحمل شقة

- ههههههه اشاقة وياج سولفي الي تردينة يروحي طايح كلشي يمچ

:- هدهدييي

- عيونة لهدهدچ

:- نروح لكربلاء ؟

- شعدنا بالاربعينية نحن هناك !

:- واذا حرام نروح نزور مرة ثانية وأنتَ يمي بس هذني الاسبوعين ولازم تسافر علمود جامعتك

- لاا ما نسافر

:- شلون متسافرون ؟

- علي الرضا مايريد يكمل السنة هي وانا هم مابينة نترك العراق ونروح والأوضاع هي ببيتنا

:- بس هدهد هيچ سنة كاملة راح تروح منكم .

- وخلها تروح عادي ما يهمني كد ما تهموني أنتم

:- حجيت وي اخوانك بهذا الموضوع

- اييي حجينة وياهم

:- معقولة تريد تقنعني محد عارضكم ؟

- لاا اتفهموا الوضع لان حتى علي السجاد يكول مابية حيل اداوم راح يأجل دوامة بالمدرسة السنة هي و غدير الله هم اتصلت عليها حتى اسالها شوكت اقدم الها من قدمت الج الصبح

:- اييي ؟

- كلتلي ما تداوم السنة هي تعبانة حيل

:- ياااا هي شبيكمم رحمة الزهراء تركت المستشفى و علي السجاد ترك المدرسة والتدريس وأنتَم واختكم ما تردون تكملون الجامعة شنو صاير ترى كلش الضروف مالها علاقة بمستقبلكم هذا

- ماراح نطير بس هي السنة نرتاح بيها وبعدين ما ترديني يمچ ؟ تردين اسافر واروح بعيد

:- علي الهادي الموضوع اذا بي مستقبلي ومستقبلك ومستقبل اولادنا مااحجي وياك ابد ولا اكلك لا تبتعد وخليك قريب اخليك تسافر وتكمل وتجيني فرحان بالنتيجة واكيد ماراح اقبل تضيع سنة من عمرك

- بنينـي

:- علي الهادي ماكو داعِ بعد تحجي وياي بهذا الموضوع لأن خلص مكمل أنتَ وي أخوك كلامي وعدمة واحد عندك

- عود صدك ضجتي ؟

:- وليش حتى ما اضوج عليي سنة كاملة راح تضيع من عمرك وعلمود شنو ترتااح ؟ حبيبي ماكو راحة بهي الدنيا

- يمكن نكول ألكتروني هي السنة

:- علييي لا تضحك على عقلي أنتَ من النوع الي ماتركز بالالكتروني

- چا مابينة سفر ابد والله اذا ما قبل العميد يستقبلنا إلكتروني فا راح نأجل السنة

:- مو كتلك ماخذ قرارك ومنتهي كلامي لا يزيد ولا شيء

- بنيني

:- كاافي كاافي شنو فايدة بنينك .

- والله ماراح تفرق شيء اذا داومت السنة التجي لو هي السنة وبعدين هم زين أنتِ هي السنة جامعة لازم اطمئن عليج اول سنة اشوف شلون دوامج شلون ترحين ترجعين ياالله وهم مابية اروح وبالي يمكم وتالي لا يصير وياي المثل " لا حضيت برجليها ولا خذت سيد علي "
لا انا الناجح ومفرحكم ولا انا الضال وياكم ومرتاح راسي

:- سويي اليريحك

- هسة أنتِ ضايچة صدك ؟

:- ضايجة عليك مو منك

- حبيبة روح هدهد والله ما تسوة الضوجة يروحي

:- شلون ما تسوة وانا بعيني اشوفك شلون جي تاخر مستقبلك

- حبيبي جي أخرة ما جي امحي لاتخافين مستقبلي موجود كدامي مو بمصر

:- بذااات والله عليك سوالف تجبرني اضحك وياك وانسى عصبيتي

- يمة كلبي ينطيچ كلبچ تعصبين مني ههههههه

:- ما ينطيني

- چا بعد شبيچ ؟

:- هدهد

- عيوني

:- الك بسس هي السنة بس هي السنة وبعدهاا تداوم وتخلص كلشي

- من عيوني الإثنين بس هي السنة وراح تشوفين زوجج احلا وامهر دكتور بالعراق كلة واخليج واخلي اهلي وحتى النونو ابني الي اهنااا تفتخرون بية

:- ونحن من غير شيء مفتخرين بيك ووخر ايدك عن بطني ترى بعدة
ماكو نونو هنا .

- بس راح يصير !

:- بيد الله هلشيء المهم هسة

- اييي يروحي تحبين ننزل للحديقة نشم هوى ؟

:- لا اريد انام صدك تعبت من الصبح على وكفة رچلية .

- يمااااه تعي باباتي تعي يروحي أنتِ بية التعب ولا بيچ اشيل من حيلي وانطيچ يا نور عيني وبنيني

:- بس خلي ايدك جوة راسي وأنتَ راح تشيل من حيلك وتنطيني

- بس هيچ تعي يروحي

اخذت ايد علي الهادي ونمت عليها وبقيت اباوع لوجه وهو يلعب بشعري وأردف وياي بصوت خافت

- بنيـــنـي

:- عيونها لبنينك هدهدي

- اذا رحت عنچ شنو راح تسوين ؟

:- وين تروح يعني ؟

- يعني هيج وشاء الله ان ياخذ امانتة من عندي ويخلص وقتي بالحياة شنو راح تسوين ؟

:- اسم الله عليك لا تكول هيج فدوة لعينك. هاي سوالف لا تجيبها على لسانك

- شكو بيها يروحي الموت حق عالكل بس جاوبينــي شتسوين؟

آخذت وجهَ أبين اديه وباوعت بعيونه بكل حب وخوف

:- أنتَ تدري بيه ما أعيش بدونك تدري أنتَ الهوى اللي أتنفسه. شلون تريدني أعيش؟

- ( بصـوت حنـون ويمسـح على خـديي ) :- لا تحجين هيج بنينـي، العمر ما يوكف على أحد ترى الدنيا تمشي ويانة أو بدونة

:- الدنيا تمشي وياك هدهدي أنتَ أساسها إذا رحت أنتَ شلي بالدنيا؟ والله أظل لا ليل أنامه ولا نهار أشوفه أظل بس على ذكرياتك عايشة هنانة

- صح كل ذكرياتي وياج حلوة بس ما أريدها توجعج أريدج تذكريني وتبتسمين أريدج تعيشين وتشوفين الدنيا وكلما اخطر على بالچ لو تشوفين صورنا تــكولين
" هذا السيد الغالي اللي حبنـي من كلبة وصرت كل دنيتة وما فكر يخوني ولا فكر يشوف غيري وفه بوعدي وياي بحياتة خلاني كل حياتة لحد مماتة "

:- يا علي الهادي هدهديي بس اسمك أمان بكلبي لا تسولف بالفركة تكسر كلبي

- بس ما بيدنا شيء بنيني انا وياج وما اتركج بس اذا سامح الله واخذ روحي شلون ؟

:- أذا لا سامح الله و صار هذا الشي أقسم بروحك ما أنساك راح أعيش على حسك وعلى طاريك وأظل كل يوم أجي لمكانك هنا وأسولفلك كلشي يصير وياي وانا عندي امل و أدري بيك تسمعني

- ( يضمنيي بقوة لصدره ) :- أحبج يا بنت گلبي لا تبجين أنا يمج وماراح أروح لمكان وداعت عيونج الحلوة بس حبيت أشوف غلاتي يمج

:- ( أبجي بصوت خافت وأشد عليه بالضمة ) :- غلاتك روحي هي هية غلاتك
أنتَ الروح والرية لا تعيدها بعد هدهديي كلبي ما يتحمل والله العظيم وين تريد تعوفني وترووححح ؟

- بنيني تذكرين من جنتي تسميني اللزكة ؟

:- هههه جنت

- اييي ودام انا لزكة شلون تردين اعوفج ؟

:- أحلا لزگة بحياتي اني اتمنى ما تروح

- وهاا نسيتي انا اريد 6 جهااال يمتا اخلفهم اذا اريد اروح ؟

:- هههههه لا ما نسيت وماااا نسييت همم ان أنتَ تريد 3 مني و 3 مدري منين

- هي ما تنسيهاا ؟

:- اببددد لو انا اجيب الستة كلهم الك هم ما انساها وابقى اسالك من منوو جنت تريد تجيب الثلاثة الثانيين ؟؟

- عمي والحمزة ردتهم بس منچ منين يعني اريد اخلف مثلاً ؟

:- ماادرري عنك والله .

- غير أنتِ الكل بالكل بكلبي و بدنيتـي

:- يلا كافي ازعجني صوتك خليني اعرف انام

- عمت عينج اي والله توج تكليلي لا تحجي بالفرگة و الدنيا كلها أنتَ وهسة صوتي أزعجچ راح اريحج من صوتي كلة ؟؟

:- وين راايح ؟

- اروح لعضيدي روضيي احسن الي على الأقل يقدر شما احجي وياه يكلي احجي بعد ما يكلي صوتك أزعجني

:- اتشاقة وياك يولي تعاال هدهدديي

- ولييي رايح لاخوي الصوچ بية عفتة لجلج

:- ههههههههه ولك تعال والله اتشاقة

عافني وطلع بقيت اضحك واني مخلية راسي على المخدة ( نايمة على وجهي )
نمت عدل وماهتميت لطلعة علي الهادي

لان ادري بي وحافضتة ما يكدر بدوني ابد انداريت ونمت على صفحتي وبديت احسب بايدي وصلت للعشرة وعبرتها وصلت للــ 15 سمعت الباب انفتح

ضحكتتت وما انداريت بقيت على وضعيتي علساس ما مهتمة وحسيت احد نام وراي وايدة اتمشت على خصري قربت روحي منة وخلة راسة قريب من أذاني

وهتفت وياه

:- چا ما رحت لعضيدك الأحسن مني ؟

- انجبي لا ابسطچ هسة

:- ههههههههه ترى جنت اتشاقة صدكت ان صوتك ازعجني ؟

- انجبي وناامي يلا

:- هدهدييي

- انجبيي

:- ترى صرفت هوواي انجبي شمالك ؟ صاير تغلط علية

- انجبي موش غلطة !

:- تقبل اكلك انجب ؟

- لا هية هي كوليهاا يلااا وخليني اشدهن

:- جاا شنو تكولها الي

- لان حجيتي وياي وزعلتيني وغصب عنچ تتحمليني

:- خاب تمووونن

- انجبي يلا

:- وعلي راح اني اكتلك

- انجبي وانخمديييي يلااا

:- هدهد

- وحگ علي الليلة هي مااحجي وياج لا تتعبين روحچ وناميي يلا اريد انام

:- خوشش هدهد خوشش

- خوششاات موش بس وحدة

سكتت عنة وما جاوبت وهو شدني لصدرة وما حجة وبعد لحضات حسيت بأنفاسة الدافية عرفتة نام لهذا ثبتت روحي وما اتحركت ابد خاطر لا ينزعج هادي روحي

لزمت ايدة وغمضت عيوني لأمل افتحهن على يوم جديد وحلو مثل حلاوة أكلوبنا

______________________★______________________

"""""" رحمة الزهراء """"""

طلعت من غرفتي ورحت لغرفة أريج الله فتت عليها وقفلت الباب ونزعت الحجاب وشمرت روحي على افراشها

وصرت اتذكر ايامي وياها هي صح بنت عمي بس هي توأم روحي نفس العمر نفس الذكريات بس مو نفس الوجع ياريت الصاير بيج صاير بية ولا ممسوسة شعرة منج ياروحي أنتِ

وهي مثل كل ليلة صار طبع بية ما تغمض عيوني بيا عين انام ؟

عيني النايم بيها تحرير ؟ لو عيني النايم بيها مؤمل الصدر ؟
لو انام وي روحي الرايحة بتابوت ابوي ؟
لو اغمض على كليبي الي أنتِ ساكنة بي وشارد وياج !

ياريت بطلعتج هي اندعيتي الله ينطينا الصبر ويلهمنا خاطر شوي نتحمل الي نتحملة
اتمنى جدي ويانة ! الي جان خيمة علينة وجنا نحن مثل السبحة بيدة

وشلون جان يتمرجح كلبة بس يشوف وحدة بينا تضحك وشلون ينقهر ويموت الف موتة اذا شاف علوية من علوياتة ماكو أبتسامة على وجهة

بس رحت يا جدي راحت علوياتك اولادك الاحنان راحوا وراك وبقى بس ابنك عبد الحسن ياجدي شنو احجيلك عنة ؟

أنتَ جي تشوفة تعال اعصر جسم كل حفيد من احفادك اذا لكيت بية گطرة دم اعتب علية جدي ماضل دم بجسم احفادك بسبب فعايل ابنك وقسوتهَ

چا هيج وصيتك عندة انداست برجليه ؟ جدي اخوك وارث الحقد علينة على شنو ماندري هو الجاي يلعب براس ابنك وغيرة على احفادك

ما صانوا وصيتك يا جدي ما صانوها ابد !

علوياتك الي أول شيء كتبت عنهن بذيچ الوصية أول شيء انسلب حقهن
احفادك كفوا ووفوا بعهد الإخوة الي أنتَ خليتة بركبتهم ذمة

واحدهم يكول للثاني أنتَ روحك عزيزة علية خليني انا اغدي لأختي بروحي

تربيتك طلعت بس بأحفادك

بس الزلم الوكفت وي أريج الله يحق ينگال عنهم أحفاد السيد احمد الصادق

بينما انا اباوع للشباك وافكر واسولف بعقلي ضرب مسامعي صوت قصيدة ! اوو هي القصيدة من تلفوني منو چي يتصل علية !؟

سديت الشباك و نزلت البردة ورحت للفراش اخذت تلفوني ولكيت المتصل صديقتي الدكتورة جمال عمر الدين

غلقت الإتصال قبل لا ارد عليها انا فهمت هي عن شنو راح تسألني اذا ردت واتصلت وانا ماكدر اجذب عليها وراح تكشفني اول وتالي لان مااعرف اجذب .

لعنت الشيطان واتصلت على زُبير وسدة بوجهي.
يلا عادي سدة بوجهي ولا يهمك عزيزي هن أسمة زاچل وهم يتمزعل والله ياالله اني اعلمك .

دخلت لمعرض الصور وطلعت صورة الي بالمستشفى مصورتها من زمان بس حلوة حيل كمت و شاركتها على الواتساب سويتها استوري عام وكتبت جواها

( تبدأ الرحلة الداخلية عندما تفهم بشكل واضح أن لا شيء في الخارج سوف يمنحك الطمأنينة )

وضغطت نشر
جانت هي الطريقة الوحيدة الاخلي يجي بيها

صح نشرت صورتي بس بالحقيقة انا سويت حضر لمشاهدين الاستوري كلهم باستثناء زُبير جنت اريدة يشوف ناشرة صورتي بالعام والحقيقة بس هو يشوفها

خطة جهنمية لاستدراچ الضحية ههاهاههههه

بقيت اباوع للغرفة واني منتضرة هسة هسة هسة يلا ولك وين غيرتك راحتت معقولة ما شااف الاستوريي ؟

رن تلفوني شلتة بلهفة لكيت حامِد المتقين هو المتصل راحت ضحكتي عبالي زُبير

بس جاوبتة وهتفت وياه

:- هلأ ابو كرم

- شلونچ شيخة ؟

:- بخير الحمدالله أنتَ شلونك صحتك شلونها جي تهتم بنفسك لو هيج على القدرة عايش

- هههه لا والله على القدرة عايش

:- ليش شبيك ؟

- ما اعرف شيخة والله هيج انا بخير الحمدالله

:- يعني السكر مالتك متوازن

- ااايي الحمدالله

:- الحمدالله وينك أنتَ مختفي ما نشوفك

- والله اجيت لصيوان لشغلة وهي سطردني خلاني يمة وهسة خطية صاحبة عندة إخوة بالسجن وخلاني اني أصير المحامي مالتة لهذا مجبور ابقى هنا بالعمارة بعد وقت زيادة على ما اشوف نهاية القضية هي شنو

:- گواك الله

- گوة الله حيلچ

:- انا واثقة بيك أنتَ أحسن محامي بالعراق كلة تكدر تطلع الولد مثل الشعرة من العجين ثقتي بيك عالية

- أنتِ هيچ تشوفين ؟

:- ايي

- چا خلص كولي حامِد المتقين كسب القضية

:- ادريگ كدهاا وشني القضية جدام الميرزا

- بالهوى تطير كلشي ماكو

:- چا بعد شنو تكملها وتربح بيها وترجع النا

- ان شاءالله خرب يومچ ولج حمستيني راح اكوم هسة ادرس عليها

:- ههههههه لا هذا الحماس يخوف خليك للصبح اشرب كهوتك هيچي على رووگان والأجواء الترد الروح اليمك و أدرس على كيفك

- والله جان مالي خلك الها بس هسة لخاطر هذا الكلام السمعتة منچ من الغبشة باجر اختم القضية من الجلدة للجلدة

:- والله عليك سوالف

- اييي شعجب تحجين وياي اني ترى اتصلت واني مأيس كلت ماراح تجاوبني بس صدمتيني من رديتي

:- مو انا موجودة ببيت اهلي مو يم زُبير

- اهاا صدكك ؟ وانا ما سألتجوعن الأهل ماادريچ يمهم

:- من امس انا هنا

- اهاا حلووو شلونهم الولد العلوية ؟

:- كلهم بخير الحمدالله اليوم عمي سوالة فعالية وراح

- خير ان شاءالله شنو سوة ؟

:- ماكو بس السادة لاعبين وياه شوي وهو ما متحمل اللعب واجاهم سوة فعالية بالصالة وطلع

- شووف هسة الولد ما يعوفوه ما مصدگين على الله مكفي خيرة شرة خلواا لا تتداحجون وياه وخلونا نلتهي بسالفة أريج الله احسن النا واوفر للوقت

:- بس اخبال السادة ما تعرفة علي الباقر و المعتز باالله وعندك الحساب

- همة هذول واحدهم مانكدر نتحمل عصبيتة واخبالة وادور يجتمعون سوة ويتفقون لا وعز الله اندهرنا

:- ههههههه اي والله صدك .

- يلا شيختي خاف تعبانة ؟ تردين تنامين ؟

:- هوو اايي أتأخر الوقت انام أحسن

- تمام عيوني تصبحين على خير ونوم العوافي واذا صار أي شيء اتصلي علية .

:- ان شاءالله الله وياك

سديت الإتصال من حامِد المتقين ولكيت زُبير امفجر الواتساب مالتي بالرسائل على الاستوري واخر شيء لكيتة كاتبلي رسالة .

( وحگ الخليفة علي الا اسبيچ سبي اني اعلمچ هسة جايج )

هذا شبي ما يتحمل شقة ؟ بقيت اباوع بالشباج لمن شفت صدك سيارة زُبــيــر صفط كدام الباب بسرعة فتحت الميز سحبت الصاية وخليت حجابي على راسي

وهو سطر المنطقة بصوت الهورن نزلت اركض وطلع ابوجهي علي الباقر يريد يطلع يشوف منو برة وشنو جي يصير اردف وياي

:- تعاي وين طالعة ؟

- عليي هذا الي بالباب زُبير انا طالعة الة

:- وشني تخبل هيج فزز العالم بصوتة لو على بالة الساعة 7 الصبح ؟

- مدري شبي هي وصيتة على شغلة واجاني علمود اسمعة هيج صار يضرب الهورن

:- خووش اطلعيلة لا يفضحنا المنطقة كلها كعدددت

- اي طالعة

عفت علي الباقر وطلعت للحوش وصحت " جاية جاية " راح صوت الهورن
و اول ما فتحت الباب لكيت زُبير بوجهي دفع الباب وفات وكف كدامي وصاح بية

- انطيني تلفونچ

:- عفتة فوك زُبير

- أنتِ حالفة تختبرين صبري وياج لو ترديني هسة اتخبل عليج ؟ شنو تردين بالضبط رحمة كليلي حتى اسوي التردينة

:- ماريد منك شيء بس عصبيتك هي جي تتعبني زُبير ماكدر أتنفس بسببك

- هسة أنتِ ما تكدرين تتنفسين بسببي ؟؟

:- أييي انظر لتصرفاتك قبل لا تحجي أي شيء زُبير حرام علية اطلع حرام علية امشي واذا سويت أي شيء لو هلكد بسيط تكلب الدنيا علية وتشعل القيامة

- ويعني لان اخاف عليچ من الناس ومن الدنيا كلها صرت ما اخليج تتنفسين ؟

:- زبير يااا خوف التحجي علية ؟؟ ترى عمري 26 سنة أنتَ ماراح تحبني اكثر من اهلي ولا تخاف علية اكثر من اهلي يوم جانوا يخلوني حتى بالمستشفى ابقى بالشفت الليلي لان يعرفوني شنو وعدهم ثقة بية أنتَ لا تكول اخاف عليچ كول ماعندي ثقة بيچ

- رجعتي ودخلتي الصخااامة بالموضوع رجعتي ودخلتيهاا رحمة مو بكلشي وجبتي هي ولطشتيها شنو يعني اذا اثق بيج لازم اهيتج هيجي للرايح والجاي ؟؟

:- تهيتني للرايح والجاي ؟؟ ماا تنتبه لالفاضك هيييي تعرف مشكلتك ووين ؟ المشكلة أنتَ اتربيت ببيئة خاايسة خلتك تشوف الناس كلهم نفسها ترى الكدامك
رحمة الزهراء بنت السيد الحسن المجتبى موشش امكك و موش نفس البنات الجانن يجون لبيتكم

- مو نفس اميي ههههه حلوو هي الكلمة والله
أنتِ اخر وحدة ضنيت بيها تعيرني بأهلي! صرتي ما تفرقين شيء عن الناس الي لحد الان فوك كلهذا التغير الصار بية بعدهم يشووفوني زُبير ابن الدعارة
ما فرقتي عنهم بشيء

:- ما عيرتك بأهلك اريد اوصلك فكرة زُبير مستحيل اصير وي الناس ضدك لو انا هيج جان ما تزوجتك زُبير أنتَ لأن عشت وشفت امك وشفت النسوان الي هي تجيبهم فكرت كل البنات هيج لهذا مجاي تثق بية ولا جي تخليني

- لا رحمة لاا غلطانة ولج انا شفتج مختلفة عنهم كلهم شفت بيج العفة الي ما شفتها عند ولا وحدة لمحتها بمنطقتي رحمة لمن شفتج اول مرة شلون تعبرين الشارع ومدنكة راسچ ولازمة عباتج من كل كتر وعادي عندج تجيج سيارة وتضربج بس المهم ما تطير العباية منها من ذاك المشهد وزُبير صدك خلاچ باستثناء

:- وينة هذا الاستثناء انا مجي اشوفة ؟؟

- رحمة الزهراء لا تتعبينـي صورتچ امسحيها من الواتساب واذا تردين تبقين عند اهلج ابقي اعتذر على كل كلشي ماجان بقصدي ااذيچ لو هيج اخنگج مثل متكولين بكد ما جان قصدي احميج واخليج يمي وما انطيج عذر تهجريني بس طلع تصرفي غلط وهجرتيني واذا مرتاحة هنا ما احجي وياج شيء وارجع واكلچ اسف حيل
رايح انا وما تشوفين وجهي بعد لحد ما أنتِ ترجعين الي برجليج

التفتت يريد يطلع طاحت دمعتي لان للحضة حسيت زواجي انهار وبيتي ادمر لاا انا مااريد هلشيء زُبير صح اسلوبة صعب بس حيل يحبني ماريد اخسرة ..

قبل لا يطلع لفظت وياه بكلمة .

:- لااا انتضر زُبير .

التفتت الي وهزلي براسة لفوك بمعنى " شتردين ؟ "
خليت ايدي على بطني ودنكت اباوع الها وغمضت عيوني واني بين نارين اكولة لو لا ؟
بس استجمعت قوتي ورفعت راسي وهتفت وياه

- شنو رحمة الزهراء شتردين ؟ محتاجة شيء قبل لا اروح ؟

:- زُبيـــر انا حامل

صار يباوعلي بدون تعبير بدون رد فعل مجرد واكف كدامي جامد وعيونة تتحرك يباوعلي وينزل يباوع لبطني ويرجع يباوع لوجهي

:- ماكو رد فعل ؟

- شلون يعني حامل ؟

:- هههههه اتخيلت كلشي يطلع منك الا هذا السؤال شنو شلون حامل ؟ يعني حاامل

- شوكت ؟ ليش مكايلتلي ؟

:- مو اليوم انا طلعت وي علي السجاد و العلوية لان اتخربطت ورحت المستشفى وهناك عرفت انا حامل

- اليوم عرفتي ؟

:- ايي اليوم وحتى اهلي ماعرفوا بعدهم

- هي شلون ضبطتيها يعني راحوا وياچ وما يعرفون ؟

:- زُبير هسة هي فرحتك لخبر مثل هيج ؟ شنو ماتريد الطفل

- لااا شنييي ماريد الطفلل ؟؟؟ لااا

:- مادري عنك زُبير اشوفك بلا رد فعل

- مصدووم مصدومم صدمتيني ماخطر على بالي أبد تحبلين بهيج وقت واصير أب ؟؟

:- رب العالمين جان الة رئي ثاني

- يعني هسة أنتِ حامل بطفلي اناا أنتِ هسة شايلة أبن زُبير العاصي ! أنتِ هههههههه أنتِ هسةةة حااملل وراح تكبر عائلتنا، راح تجيبين الي بعد فترة طفل صغير او طفلة تناغيني واناغيلها وبعد كم سنة انا راح اسمع كلمة بابة من طفلي وهو يركض الي اول ما انا ارجع من الدوام ويتلكاني من الباب

:- ان شاءالله كلهذا يصير

- حاامل رحمتي علويتي ولج أنتِ حامل حامللل هههههههه

:- زُبير زُبيرر مو هيجج يااااا

ركضلي زُبير وشالني وافتر بية ولمن صحت بية نزلني وضمني بكل قوة لصدرة
رفعت راسي وخلا ايديه على اخدودي وباسني بجبهتي ورجع خلة وجه بوجهي ولان حجابي وكع على اكتافي رفعة هو وخلا على شعري وهتف وياي

- بأي شهر حامل ؟

:- الثالث لا تتحمس بعدة الطريچ طويل جدامنا

- جنوبيتي اموتن عليج وعلى لهجتج هههه الطريچ

:- ولأن ادري بيك تحبها اتقصد احجي بيك وياها ولا انا الساني اخذ على كلامك دادة

- ههههاييي يابعد روحييي لج الدادة وام الدادة تروحح لأم الطريچ سبع فدوات

:- افف بس سبع فدووات الله شكثر چريم

- يابة شنو السبعة أقصد بنات العراق كلة تروح فدوة لجنوبيتي

:- مرتاح هسة ؟

- فول راحة هههههه

:- الحمدالله

- يلا جنوبيتي فوتي للبيت مدديلي طولچ الحلو ونامي ارتاحيلي لصلاة الفجر كومي وصلي واذا مو زين عليچ تركعين وهيج صلي وأنتِ كاعدة

:- هههه شسالفة زُبير ترى بعدني عود للشهر الثامن لو السابع ياالله ابلش اصلي هيج

- خاف هسة تتأثر بطنج يروحي اذا ركعتي ؟

:- حبيبي انا متوجه ابين ايدين رحمٰن رحيم تتخيل راح يخليني اخسر طفلي وانا قاصدة لعبادتة ؟

- جنوبيتي الله ينطيني شوي من هذا أيمانچ

:- ههههه عندك إيمان أقوى مني لا تطرد العين حتى لا تنحسد

- ههههه لا ويني والله عبد حقير ماعندة اي حسنات باجر يدخل بيهن للجنة

:- علساس نحن العندنا ؟ يمعود خلي الله ساترنا وساتر عيوبنا

- يلا هسة ادخلي لجوة ونامي يروحي

:- شعجب ما كتلي تعي وياي ؟

- حلفت ما اخذج! مادام مخنوكة عندي هي هية ابقي هنا لحد ما أنتِ ترجعيلي برجلج

:- زُبير

- أتأخر الوقت جنوبيتي ارتاحيلي

:- انتبه لنفسك .

- وأنتِ هم انتبهي لنفسي العندج امانة .

:- بعيوني

- ابوس هلعيون جنوبيتي

:- تصبح عَلى خير

- غير أنتِ الخير وأم الخير

طلع زُبير قفلت الباب وراه وفتت لجوة لكيت علي الرضا كاعد بالصالة ويلعب بوبجي ضربتة على شعرة بالخفة وهتفت وياه .

:- ولك فصعوون ما تكوم تنااام ؟

- نامي أنتِ بالأول وبعدين احجي

:- مو زين عليك تضل هيج سهران ترى وفوك هي سهرتك على النقال راح تعمي عويناتك امي أنتَ !

- لا تشوفين روحچ علية حضرة الدكتورة ترى الجدامچ هم دكتور للمستقبل

:- والله زين كلتلي ماادري يا دكتورنا اول مرة اشوف دكتور هيچ يسهر وما مهتم ؟

- اشوف بنت عمي الدكتورة غير واتعلم منها

:- ولككك اشو أنتَ السانك طالع وياي ترى اكبر منك .

- يمة بجيت ورجفت من الخوف واذا اكبر مني ترى زلمة انا

:- وشني يعني زلمة ؟ ما ينحجي وياك لازم يابة ؟

- ايي هيچي المفروض الزلمة ينطاع

:- هههههه وعلي الغلطة وصلت لطرف الساني ولك روضي اصعد نام لا ...

- لاا شنووو بلة شسوين راويني قوتج ؟؟

:- امممم راح اراويك كل قوتي اذا ما صعدت ونمت هسة راح انده لعلي الباقر هي فوك كاعد بغرفتة ترى يقرأ قرآن يعني بصوت واحد مني يصير هنا ويشوفك وهو يتصرف وياك هااا شتكول ؟

- اكلج يمكن انا نعست حيل اي والله يمكن هيج عيوني كامت توجعني صاعد انام خوة واروحلج فدوة شيختنا وجبيرتنا وتاج على رؤوسنا غير آمنا الثانية اروحلج فدوة على فدوة يمة صاعد انام تضل يمج العافية حبيبتي امي

هزيت راسي واني اضحك وهو عافني وصعد نام صعدت لغرفة أريج الله دخلت وسديت الباب ونمت على افراشها وجانت اطلق نومة انامها الله شاهد .

كعدت الصبح دخلت سبحت واخذت ملابسي لبست عريض بعريض ولبست حجابي ونزلت الهم لكيتهم على السفرة كلهم ومنورينا على الريوك وزايد عددنا أثنين
علي الصادق و علي الكاظم .

ونحن على الريوك بشرتهم بخبر الحمل مالتـي وعلى فرحتهم وطفرتهم وشلون صاروا يكلولي لا تتحركين لا تسوين شيء حسيت انا ليش جنت خايفة من الحمل ؟

وانا عندي هيجي أهل تحطهم على الجرح يبرى ويطيب معقولة اخاف من المسؤولية وعلى كولة جمال عندي زلمة مثل زُبير واخوان مثل اخواني وامهات مثل امهاتي و اخوات مثل اخواتي ؟

لا يَبة الخوف ما نعرفة ولا مر على عيونة الحلوة .

______________________★______________________

"""" أصـــفـــاد الـــحــق """"

وانا كاعد بالمطعم منتضر جية ام وهج الطف الي لان طلبت تشوفني
اتصل علية رغم غريب رديت علية وهتفت ..

:- الو ؟

- السيد اصفاد الحق وياي ؟

:- اي نعم اصفاد الحغ وياك اتفضل منهو وياي ؟

- أشنو ماعرفت صوتي ؟

:- بااع لك خلگي لراس خشمي مو حبيبتك علمود ادرخ صوتك كول منهوو لوو اسدة ابوچهك هسة ؟؟

- سائد جبران انا

:- شعچب ذكرتني لو عندك شيء وتريد اكضي الك ؟

- لااا مامحتاج شيء بعد الصار كافي و وافي اتصلت أهنئك

:- عَلـــى ؟

- على انتصارك على عبد الحسن

:- شني تشوفني انتصرت ؟

- بوية اصفاد عبد الحسن هسة اتجرد من احفاد ابوة كلهم حتى اولادة واكيد هذا اكبر انتصار الك

:- اكول سائد أنتَ اتصلت اتصلت جاوبني على سؤالي

- شنو ؟

:- اخواتي غدير الله و أريج الله أنتَ وراه مصايبهن ؟

- أصفاد ألحق انا كلهمي اشوف بنتي وهج الطف بخير وسلامة وحاس بإحساس الأبوية للبنت وعندي ثلاث بنات يستحيل ابتز عبد الحسن ببناتة مو من شيمي هي السوالف

:- اهاا ابو الشيم تعرف الشيم ؟

- احجي عدل

:- شنهي ما عجبك كلامي اسمع سائد أنسى انا حجيت وياك أو ساعدتك واذا هسة تشوف روحك اكتفيت بالي سويتة بعبد الحسن وأنتَ اخذت ثأرك فا انا لاا لا تباركلي لان لحد هي اللحضة ما دركت ثأري منة

- اها وبعد شنو باقي تريد تسوي بية ؟

:- الشيء هذا يخصني مالك غرض بي واذا عرفت لو حسيت الصار بأخواتي لو اخواني أنتَ وأولادك سببه والله العظيم امحيكم كتلك اوصلك للتريدة و أخذ كلشي من عبد الحسن بس لا تمس اخواني

- لا تخاف ماراح تصير ضدي لأن مالي دخل باخواتك وكلشي الله سواه بسبب فعايل عبد الحسن السودة انا مالحگت اسوي شيء أصلا

:- خوش روح عني هسة يلا ..

سديت التلفون وشمرتة على الطبلة واجت بسمة كعدت كدامي ضحكت بوجهي وأردفت وياي .

:- شعجب لهسة ما طالب شيء تشربه ؟

- جنت منتضرج !

:- واجيت انا يلا اطلب النا شيء نتونس علية

- صار عصير لو كهوة ؟

:- يمعود هو كلوبنة خلصانة تطلب كهوة الدور عصير بارررد

- صار يمة

بعد ما طلبنة حطيت ايدي على خدي وصرت اباوع عليها شلون طالعة تشبه وهج الطف أوو لااا شنهيي

أغصد وهج الطف شلون طالعة نسخة من امها سُبحان الي خالغ

وهتفت وياي بسمة بأبتسامة بريئة ممزوجة بفهاوة .

:- شلونها امك ؟

- والله تسسلم عليچ لا تشوفيها شلون طارت من عرفت بيچ اجيتي ورجعتي

:- جا مضيعة الطريق ؟ لو ازدحام وما وصلت لهسة ما اجتني دامها فرحت ؟

- انا ما خليتها والله

:- اهاا وليش يا بعد امك ؟

- مادري كلتلها انا اوديج ما ترحين لوحدج وهي شوفة عينج من شغلة لشغلة ما فرغت ابد

:- يلا ابني معذوور معذورر ما اعاتبك

- ايي يمة ليش طلبتيني ؟

:- ماكو بس اريد اعرف الأخبار منك

- أخبار منو ؟

:- خالي سائد

- مادري عنة سمعت مسافر ومادري بعد

:- اهااا زين شنو سالفة ثأر ابوك ؟

- هههه هذا السؤال المفروض انا اسسألة موش أنتِ!

:- أصفاد انا مو مدمغة ترى فهمت كلشي من السلام .احجيلي شنو قصة ثأرك الي بسببة شاركت خالي ؟ وأنتَ تعرفة هو أكبر عدو للسادة

- لا ثأر ولا شيء جنت اريد أوصل الچ ولجأت الة لا اكثر ولا أغل

:- وشنو اليخليك تهتم لأمري هلكد وأنتَ بعيد عني ؟

- عندچ حَمامة بيضة بريئة كاصين اجناحاتها ومانعينها تطير وتستكشف شنو موجود بسماها هي الخلتي أهم لامرج بعد ما عرفت بيج عايشة وبخير وصحة

:- علمود بنتـي وَهج الطف

- وعلمودج أنتِ لأن عشتي بما فيه كفايا بعيدة عن اهلچ وناسچ وقتج هسة تعيشين وسطنا

:- زين ليش ماتريد السادة يعرفون أنتَ الي لكيتني وشجعتني ارجع وخليتني ادز رسالة لفاطمة الزهراء من بعد كل الخوف الجنت بي

- ماكو داعي يعرفون أصلا مو مهم منو لكاچ لو منو شجعج المهم أنتِ هسة موجودة ابيناتنا وحسچ تتغنى بي وهجهج وهذا النريدة نحن

:- يا محلا كصدتك الي بذاك اليوم بثيت الأمل بروحي بعد ماجنت فاقدة كلشي كليوم جنت احس روحي تطلع من جسّدي بس انا باقية عدلة !

- الوغت جدامج هساع استغلي وسوي ذكرياتچ الخاصة وي ابنيتچ ولا تخلي احد يترك علامة عليچ لو هلگد صغيرة

:- هَو هيچ من اليوم وغادي مااخلي احد يدخل لو يهز شعرة مني .

- اشربي عصيرج وبردي على كلبچ لا يحر

:- هي الدنيا ثلاجة وين يحر

- ههه هم صح

:- أصفاد ابني

- عيوني يمة

:- لينا زوجة علي السجاد بنت منو ؟

- ءءءء هي بنت الشيخ محمد صديق عبد الحسن

:- الشيخ محمد ؟

- ايي ليش تسالين عنها شنهي ما تعرفتي عليها يوم جنتِ عدهم ؟

:- لا ما لحكت لان هي عافت الجلسة وصعدت قبل لا نوصل لمرحلة اتعرف عليهم بس انا شفتها والعلوية كالت جنتي لينا صعدت

- كدامج وغت هواي تتعرفين وتملين منها هم .

:- هههههه ان شاءالله اتعرف عليهم بس ما امل منهم

- أكول يمة

:- كول يا بعد امك ؟

- أنتِ اختفيتي غبل موت ابوي لو بعدة ؟

:- لاا يمة ابوك عايش الله يرحمة وانا رحت بوقتها جان عندنا بالبيت اتغدة واني صعدت اجهز جنطتي .

- زين علاغتة شلون جانت وي عمامي ؟

:- تجنن مثل علاقتكم انتم هسة ترى سعيد ما جان بس ابن عم اولاد احمد جان اخوهم وعضيدهم وساعدهم

- يعني ما جانوا يختلفون ابد ؟

:- لااا ابني الاختلافات والاراء موجودة أبين كل الناس جانوا يختلفون برئي وهذا يريد هيج وهذا يريد هيچ بس عود توصل مرحلة واحد يعصب على الثاني او هيج شيء لاا أبد .

- زين علاغة ابوي بعمي عبد الحسن ؟ امي كالتلي جان حيل صاحبة وضل هيج لحد ما مات ؟

:- باع ابني كتلك انا رحت قبل وفاة ابوك مادري شنو صار بعد روحتي انا بس اسولفلك الاشياء الجانت تصير لمن انا جنت بأرض الحدث

- زين سولفي كلشي تعرفي

:- عبد الحسن جان عندة هواي اصدقاء وجانوا أصدقاءه من المدرسة منهم زوج عمتك فاطمة الزهراء زوجها حسين كاظم جان صديق عبد الحسن المقرب و عمر شاهين هم صديقة الروح بالروح و خالي سائد جبران جان مايفاركة بشبابهم رجلة على رجل عبد الحسن ويفديه بروحة وابوك سعيد كذالك جان وياهم اذا ضاع سعيد تلكوه يم الجماعة جانوا مسوين خماسي محد يكدر عليهم والمنطقة كلها متعجبة على صداقتهم وشلون هيج قوية وهم عبارة عن أثنين شيعة سادة وثلاثة سُنة !

- چا شنو الصار وجعلهم يختلفون ؟

:- أسمع أمي سُمية التقتت بالسيد أحمد بالصدفة لمن خالي اندعم واجوي السادة يطمئنون علية لهذا السيد أحمد اتقدم لأمي واتزوجها وجان عمري بذاك الوقت 17سنة بس ولأن امي ماتكدر تعوفني لازم تاخذني وياها وماكدر ابقى ابيناتهم لأن كلهم جانوا ساكنين ببيت واحد وهواي ولد عندهم واكبر أحفاد السيد احمد الي هو البشير قيصر جان عمرة 18سنة ولمن أجيت وي امي هو جان خاطب جميلة
لهذا السيد أحمد خطبني من أمي لصفاء الحسن رغم فارق العمر الي ابيناتنا وهو حتى ابنة اكبر مني بس أمي مارفضت لأن عرفتهم هم شنو لهذا وافقت واجت حجت وياي وانا قبلت لان شفت علاقتهم سوية شلونها وشلون يتعاملون وي البنات حبيت البيت حيل واتعلقت بي وللعلم هذا كلة جان ضد رغبة خالي سائد ماجان راضي لا عن زواج أمي ولا عن زواجي وهو خالي جان عنيد حيل وجان دائماً من يصير شيء بالشغل يختلف وي عبد الحسن وعبد الحسن نوعية ما تحب اليجادلها او اليكسر الها كلمة اختلفوا حيل على الشغل خالي سائد سحب أيدة من الشغل كلة
وهلشيء دمر عبد الحسن لان بذاك الوقت 65٪ من نسبة الشغل راجعة لخالي وبقت لعبد الحسن بسس 35٪

- ثواني اغاطعج يمة اعذريني بس سؤال ليش سائد جان محتل هي النسبة العالية من الشغل ؟

:- لان عبد الحسن جان مامحتاج الفلوس لهذا شغلة الأول انطى النسبة الأكبر للخالي وبالمشروع الثاني جان لعمر خليفة

- زين كملي شنو صار بعدها

:- لمن انسحب سائد من كلشي بدت العلاقات تتغير حيل لأن ابوك سعيد جان متعلق ب خالي ومن انسحب سعيد انسحب وياه بعد فترة رجع خالي وخطب فاطمة الزهراء لأن جان حيل يحبها وكال لعبد الحسن التطلبة انا حاضر المال والبنون تحت أمرك بس تنطيني معشوگة كلبي

- زين وليش ما اتزوجهاا شنو الاعترض زواجهم

:- الاعترض الزاج يا ابني هو فجأة سمعنا حسين كاظم خطب فاطمة الزهراء و عبد الحسن قبل وخلى ابوة السيد أحمد يقبل وتزوجوه وخلى اختة تروح للبصرة وتستقر هناك بعيدة عن العيون وانطى لزوجها الشغل الوافي بالبصرة ومشت أمورهم طبيعية

- عبد الحسن ورة هلشيء علمود سائد ما يتزوج عمتي موو ؟

:- ما يحتاج الها سؤال اكيد مستحيل بعد عبد الحسن يوكف وي ناس كسروا كلمتة ولو لمرة وحدة بس وحتى لو بدون قصد هي ورقتهم لحتركت بالنسبة الة مثلكم انتم هسة هم اعتبروا ورقتكم احتركت عند عبد الحسن لو يشوفكم متغطين بدمكم كدامة ماراح يرفلة جفن عليكم لان طبعة هذا

- وراها شنو صار بعد زواج فاطمة الزهراء

:- خالي صار يضغط على أمي تطلگ وترجع للأنبار وتجيبني وياها لان كلش اضايق منهم وكره شيء أسمة سادة المهم أمي گطعت علاقتها بي لان جانت ماتريد تخرب بيتها علمود اخوها المهم مر الوقت وعبد الحسن رجع ودك الناقصة بخالي لمن اخذ كل الشغل من أيدة وماعرف شلون قنع المستثمرين ان يشتغلون وياه بدل سائد جبران واحسبها من ذاك اليوم وبلشت واحد يريد يطيح الثاني و السيد أحمد جان ما يدخل لأن الموضوع بين عبد الحسن وسائد بس جان دائماً ينصح ابنة ويكلة بطل عصبية بطل هذا الطبع ماراح يفيدك ومرة من المرات من طغيان عبد الحسن اتخيل السيد أحمد عصب منة ودعى علية وغضب منة هم بس من كلام صفاء الحسن و الحسن المجتبى رجع السيد أحمد وحجة وي عبد الحسن بس مارجعت علاقتهم القديمة

- زين أبوي شنو من هذا كلة

:- بهذا الأحداث كلهن ابوك على الرغم من علاقتة القوية ب عبد الحسن بس ما قبل بالضلم وهو جان شايف عبد الحسن ضلم خالي هواي لهذا ابوك سعيد جان بظهر خالي بكلشي وماتركة أبد

- وشيء اكيد هذا التصرف خلى عبد الحسن يحغد على ابوي لان تركة وراح لسائد مو ؟

:- ماعرف نوع العلاقة بس جنت اشوف لمن يزورنا سعيد بالبيت عبد الحسن ما يرد علية السلام و حتى مت يباوع وبوجهة ويعوف الجلسة ويكوم

- واكول علي الباقر عليمن طالع بهذا التصرفات

:- ترى علي الباقر نسخة من ابوة لو ماجان تاثير السيد أحمد بداخلة لو تشوفة واهو صغير تكول ما بيها مجال هذا الشبل من ذاك الأسد

- زين يمة وراها ضلت علاغة ابوي وعبد الحسن هيج ؟

:- جواب هذا سؤالك تلكاه عند البشير قيصر ومنا وانا بعد ما اعرف شنو صار

- اهااا تمام

:- أصفاد ألحق

- عيوني يمة أمريني

:- تعرف شيء عن أريج الله ؟

- لا والله

:- شلون اتحملتوا ذاك اليوم انا من سوالف فاطمة الزهراء رجلية انشلن والله العظيم شلون أنتم شلون هي ؟

- هي بعد الله كتب علينة نعيش بذاك اليوم

:- زين بعدة عبد الحسن يدور عليها لو برد ؟

- وين برد هذا ما يبرد مغتنع ومكثر ان هي غلطت و نزلت راسة ولازم يغتلها

:- جا ما يشوف روحه ؟ صالة اسنينن ينزل راس السيد أحمد بفعايلة وي الناس هسة وي هي الربيثــة صار نزل راسة ولازم يغسل عارها اريد احلف علية هوو العااار

- اعصابج يمة العالم منا موش بالبيت نحَن

:- خرطت اعصابي والله العظيم ياربي وين هي هسة شنو تحس فيه ؟

- ما نخليها جي ندور ورة أثر صاحبتها اذا لكينة هذيج الكــ.... راح ينحل كلشي

:- الله لا يوفقها ولا يصلح حالها الله ياخذ حق أريج الله من نص عيونها

- أمين

بغينة انا و عمتي بسمة نسولف وأخذتنا السوالف لحد ما تركتني وراحت بغيت افكر بكلامها شلون أسال البشير غيصر عن أبوي ؟

ومن أي باب افوت علية ؟

ياالله شنو الاسوي اذا طلع البراسي صح باي عين لازم أواجه إخواني زين إذا طلعوا هم يعرفون شلون لازم أتصرف وياهم

شنو هذا الإختبار الخليتني بي ياالله تختبرني بأخواتي ؟ أخواتي الي مالي غيرهم بهي الدنيا كلها

لاعندي اصدغـــاء ولا عندي اهل بس أمي وهذول الصاروا الي كلشي تاليتي أفكر اصير ضدهم لو اتسامح وتسامحهم اذا طلعوا ضامين علية

لازم اشوف حّل أكيد ما ابغــى هيچي لازم اشوفلي چارة لازممم !!!

______________________★______________________

""" بَـــعـــد مُرور يومين """
يــــوم الخمــــيس ..

______________________★______________________

""""" عَلـــي الباقــِر """"

من غبشة يوم الخميس أخذت علي السجاد و علي الهادي و علي الرضا
وطلعت بيهم للموقع الذكرتة ألي أريج الله

وانا ما كايل الهم أي شيء لا وين رايحين ولا المن رايحين ولا منو راح نشوف هيج مشوا وياي على الثقة

بس ماكدرت اخلص من اسئلتهم وفضولهم الي ما يخليهم ينتضرون لحد ما نوصل ويعرفون وين نريد .

علي الرضا :- باقي شكد ونوصل سيدنا ؟

- بيها ساعتين او اكثر بس بالهواي على الساعة 9 الصبح نحن هناك متواجدين

علي السجاد :- شنهي هذا الطريق الطالع بي ؟

- هذا أقصر طريق للمكان القاصدينة ترى !

علي الهادي :- زين شعجب ما چبت ويانة المعتز باالله ؟

- ليش لازم اجيبة ؟

علي الهادي :- مو اكول هو مضل ضلك ما يفاركك ابد هل استغربت لمن شفتك هسة رايح لهيج مكان وما ساحبة وياك

علي الرضا :- ضيف فوكاه أصفاد الحق هم شعجب ما جريتة ليجي وياك دامك رايحين لمكان امبين يخوف .

- لو الموضوع يخصهم جنت سحبتهم وياي لان أصفاد ألحق ضلعي و ألمعتز باالله روحي بس الموضوع يخص فقط أولاد عبد الحسن

علي الهادي :- دام بس أولاد عبد الحسن علي الصادق و علي الكاظم شنو موضوعهم ما شايفهم ويانة لو بالنسبة الك ممسوحين من النفوس ؟

نضرت لعلي الهادي بالمراية وما جاوبتة بقيت مركز بالطريق لحد ما علي السجاد لفى الموضوع وحجة وياي .

علي السجاد :- زين سيدنا سولف النا وين رايحين ؟

- نوصل وتعرفون وهسة أشغلوا نفسكم بأي شيء المهم تلتهون ولا تسألوني عن شيء بعد

علي الهادي التفتت يحجي وي علي الرضا و علي السجاد طلع تلفونة وصار يكلب بي وانا رن تلفوني طيبة الزهراء صغيرتي اتصلت علية ماصار إلي مجال احجي وياها قبل لا اطلع

فتحت الإتصال وسمعت صوتها الي يرد الروح لو راحت وسمعت لهفتها علية .

:- هي وينك عَليي وين رايح توني ياالله عرفت من العلوية ان أنتَ مأخذ إخوانك وطالع بشغل !

- صحيح ينحري طلعنة من الصبح وحالياً نحن بالطريق بعدنا .

:- شوكت راح ترجعون ؟

- اذا الله سلمنا شر الطريق احسبي ب 7 بليل نحن بالبيت

:- توصلون بالسلامة ان شاءالله

- بيچ شيء ؟

:- ايييي بية وهواي اشياء مو شيء واحد

- وشنو هنة شيلهن كلهن وذبيهن على كلبي وفرغي روحج

:- عَليي مشتاقتلك هي واحد اثنين ألمعتز باالله مساع على الريوك گال لأمي و للعلوية يجهزن نفسهن لليلة

- ليش شكو الليلة ؟

:- علمي علمك كلشي ما وضح بس كال راح يجون النا جماعة واريدكم جاهزين

- يريد بس العلوية وخالتي ؟

:- مادري عَليي ما فهمت من ألمعتز باالله شيء تدري بي شلون يحجي اسحب الكلمات منة سحب .

- دخيل بختچ فاهمة السالفة من النص وجايتني بيها ؟ غير تفهميها كلها علمود تعرفين شلون تحجين بيها

:- اهااا شنو أمبين دوختك وسببت الك إزعاج ؟

- لااا بس بالعقل عزيزي غير تسولفين سالفة واضحة وحلوة مثلج علمود أفهم عليج انا هسة بهي سالفتچ شنو الستفاديت منها وشنو الفهمتة ؟

:- كلشي ماكو

- عليچ نور چا بعد شنوو تضوجين ؟ زين بوية شوكت يريدهم على يا ساعة ؟

:- ما ضجت وهم يريدهم على الساعة ما بين الـ 8 إلى 9

- اهاا نحن بهذا الوقت بأذن الله موجودين وراح نصير بوسط عين الحدث ونفهم السالفة بوقتها

:- تمام حبيبي راح انتضر رجعتك .

- علمود تعرفين السالفة لو ؟

:- هههههه عَليي

- خووش خووش روحي يلا

:- استودعتك الله يا عَليي بعيني وكلبي

- يرعاچ الله يا أبهري الرئوي

سديت الإتصال وخليت التلفون أبين رجلية ووجهت عيني للطريق وحاولت اركز بي لا نسويلنة حادث معدل .

هتف وياي علي السجاد

علي السجاد :- طيبة الزهراء جانت تحجي وياك على التليفون ؟

علي الهادي :- ءءحم اكوو غيرها ياخوية غير هي الماخذة العقل و الكلب مال السيد الجنائي

- شنو هذا الحجي صايرين كلش انتم ؟

علي الرضا :- جي نسوالف اليصير كدام عيوننا .

- وشنهي الصاير كدام عيونكم بوية ؟

علي الهادي :- ترى مكشوفين يا بعدنا ههههه كول هي المتصلة ونحن نفهم .

- و شنو شفتوا مننا حتى تكولون مكشوفين ؟

علي السجاد :- شنووو الما شفنااا علي الباقر مو علينة ههههه

علي الرضا :- اعددللك ؟

- عدد بلة ؟

علي الهادي :- سجل يمك أول شيء الغيرة الماتكدر تصيطر عليها
ثاني شيء تصرفاتك وياها وشلون بس تشوفها تعدل كعدتك ونبرة صوتك تتغير وهيج فجاة من الخشنة تتحول الى الحنينة الناعمة شلون ماادري

علي السجاد :- على الغدة لو العشة تبقى تباوع الها وتشوفها أكلت هواي لو لا ولمن هي تشرب ماي أنتَ تفهم ان هي خلصت أكل وراح تكوم لان طبعها لمن تخلص أكل كلش تشرب ماي فا أنتَ تضل خازرها لحد ما هي تنتبه عليك وتأشر الها بعيونك الطحالب هذني وتخليها غصب عليها تبقى كاعدة وتاكل

علي الرضا :- لوو لمن تشوف امي او البنات مخليات بالماعون مالتها الصدر مال الدجاج أنتَ تخلي فوكاه الفخذ لان تعرفها هي ما تحب الصدر لو من تشوفها تاكل بسرعة تزيد الاكل بالماعون مالتها حتى تاكل أكثر وما تكوم بنص الاكل لان هي مجرد تكمل الماعون مالتها تعوف السفرة وتكوم

علي الهادي :- لو بنص الكعدة هي تسولف وياي او تسولف وي أي واحد من الولد وتاخذها الميانة حيل وياه أنتَ تگلب خلقتك وتكوم تصعد لفوك لغرفتك واحسب منا للعشرة هي تتغير ملامحها وتكوم تصعد وراك

علي السجاد :- لوو اذا سخرناها بشيء تعصب وتضل ترزل وتكول كوم أنتَ وسوي شغلك البنت مو خادمة الك . أو من تدخل وتشوفها كاعدة وطالع شوي من شعرها وهي ما منتبه تسوي حركتك الشهيرة وهي وأنتَ ماشي بطريقك تخلي ايدك على راسها وتسحب حجابها لكصتها

علي الرضا :- لووو لمن تشوفها مندمجة بالتلفون وتحس بيها جي تراسل أنتَ تكوم وتطفي النت مال البيت كلة وتطنكر محد يفتحة علمود حضرة جنابها تضل مركزة وياك وتعوف التليفون ونحن الناكلها نضل بدون نت

علي الهادي :- كعدااتكممم على المرجوحة الي شاهدة على حبكم العظيم و كاتمة أسراركم كلهاا ترى انعرف مكانكم السري .

- الله هذني كلهن أمبينات ؟

علي السجاد :- بعد هواي بس نسيتهن .

علي الهادي :- اي والله حتى انا هي الي جابتهن ذاكرتي سولفتهن

- ههههههه وانا اكول محد يدري

علي الرضا :- حتى الموتى عرفوا صدك تحجي خوية .

- هم زين خففتوا عني جنت شايل هم شلون افاتحكم بالموضوع وان شاءالله حتى الباقيين ملاحظين هلشيء وما يتعبوني

علي الهادي :- جنت شايل هم شلون تكول النا انا احب وحدة من عمر بنتي ؟

- هواي اشياء تفصلني عن طيبة الزهراء خايف منهن .

علي الرضا :- اذا تحبها وتحبك لا تفكرون بشيء خوية الزم ايدها وامشي بيها كملوا دربكم سوة وحياتكم سوة لا توكف على كلمة من واحد لان كلنا راح نعيش ونكمل حياتنا وبس أنتَ الماكلها

- أييي الله كريم هسة ..

علي السجاد :- يعني هي ما تحملت بُعدك عنها واتصلت عليك تطمئن چا انا ليش لينا ما تتصل علية ؟

علي الرضا :- المفروض على فعلتها هي تسويلها جلسة عشائرية شني خوية ماعندك سنددد لو مستضعفتك لا تتصل ولا تسأل

- عاملها بالمثل لا تتصل عليها ولا تحجي وياها

علي السجاد :- ااييي بس ارجع أصلا اتعارك وياها شننيي ما تحبني ما تخاف علية من مخاطر الطريق اني اعلمها .

- وأنتَ هدهد اذا مرتك ما سألت عنك هم بس ترجع اتعارك وياها

علي الهادي :- ههههه لا وين هي تكدر تكعد بدون علي الهادي شوفوا الواتساب ما وكفت الرسائل من طلععت من البيت لهسة .

علي الرضا :- انطيني بلة اشوف شنو كاتبتلك .

علي الهادي :- ولككك هههههههه لا تقرأ

- ولكك روضي لا تقرأ رسائلهمم عييب

علي الرضا :- ترى هم حبابين مايحجون شيء لا أخلاقي لهذا لا تخافون ماراح اخدش نضري بس صابني فضول اشوف من طلعنة لهسة شنو تكتبلة وهي جانت مكابلتة .

علي السجاد :- اقرأ بصوت عالي هههههه

- هي عود أنتَ الجبير يحضي لازم تكلة لا يدخل بهيج أمور

علي السجاد :- الطريق طويل والأغاني حررام والقصايد تخلينة نهوجس خلينة نغير جو اقرالنة روضيي

علي الرضا :- قبل ساعة كايلة الة وينك يروحي ؟ ما كلتلها بباب البيت ترى قبل قبل ساعة جنا يمهم !

علي السجاد :- ههههههههههه تلكاها اول ما التفت كتبت الة وينك ؟

علي الرضا :- وهي رجعت قبل نص ساعة كتبت للافندي
، هسة اني بالمطبخ هدهديي شفت حليب بالموز بالثلاجة واتذكرتج شووكت ترجع يروح بنانة .

- هدهد لو انا منك ومخلي هيج يقرا رسايلي وي مرتي ادفنة غير

علي الهادي :- اريد اشوفة لوين يريد يوصل

علي الرضا :- قبل ربع ساعة كاتبت لهَ " هاا هدهديي شوكتت ترجع موو كافي طولت غيبتك "

- هههههههههه الله يحفضلك المحروسة لو هيج تتزوج لو لا تتزوج أحسن

علي السجاد :- لا رسمي راح اطلگ لينا يعني طيبات تتصل عليك لأن ما شافتك الصبحح وأنتَ امس بليل مكابلها وكاعد وهذا الثاني مرتة توها ودعتة وهسة تكلة طولت غيبتك جااا انا شنهييي ؟؟

علي الرضا :- هاك تليفون أفندي وأنتَ خوية سجاد طلگ وونحن نشهد وياك هاملتك الا الاهمالل ما نقبل بيييي

علي الهادي :- شسالفة سجاد أنتَ الجبير هي رسالة وين المرة الها خلك تلزم التليفون وأنتَ مخلي بحضنها ثلاث زعاطيط من نفس العمر تلكاها هسة محتارة بالــ قاااع و قييعع راسها مسطور

- هوو كلام هدهد صحيح لا تصدك كلامنة هم خطية المرة

علي السجاد :- انتم صدكتوا راح اتعارك وياها و اطلكها غير روحي من الدنيا هي

علي الرضا :- الللههه لك الله الله وينج مرة اخوويي تعيي واسمعيي الكلام الزين تعييي

علي الهادي :- هذا كلامك اذا بيك خير طلعة وأنتَ وياها بالغرفة موش يمنا ما نفيدك بشي نحن اذا سمعناه

علي السجاد :- زين من اكللها شلونج من أشوفنها

- بعدك لهسة ؟؟

علي السجاد :- مو بيدي والله شعور غريب يسطرني احضر الها كلام وانا واكف على الباب بس افوت عليها يطير مدري وين .

- الله لا يخليني مثلك هههههه

علي الرضا :- لا عزيزي أنتَ موش بريئ مثل اخييي سجاد شفناك فوك وشفاك تحت سيدناا

علي الهادي :- هسةة يا جماعة الخير وين صرنا ؟

علي السجاد :- مدري والله هاا علي الباقر وينن ؟؟

- دقائق بسسس ونفوت لمحافظــة *** ونصير بوسط كاعها

علي الرضا :- هااااعع وشني عندنا بمحافظة *** عرف ولف رايحين الهااا ؟

- روحنا بيهَ

علي السجاد :- روحنة بس بالنجف وكلهم تحت التراب شتسوي روحنا لوحدها بمحافظة ***** ماعدنا روح هناك

علي الهادي :- يمكن علي الباقر تيه الطريج مو هيچي ؟ تريد تروح للنجف بس خذلك عقلك ترى درب النچف موش منااا

- ترى درب النچف حافظة نفس اسمي من كثر ما مشيتة چناز موش انا الاتيه درب النچف ولااا سيد هدهد ماا متيه گاصدين روح النا تسكن محافظة ***

علي الرضا :- اذا هيچي نوصل ونشوف شني من روح النا مخليها هناك !

- خوووش يلا كلواحد يلتهي بسالفة هسة ولا تسطرون رااسي أنتَ علي الهادي كملل كلامك وي مرتك و أنتَ الثاني علي السجاد همم لا تضلون تسولفون وياي ما أفيدكم انااا

علي الرضا :- كل وأحد راح يتصل على مرتة وانا اتصل على منوو واحجي وي منوو ؟

- روح سولف وي روحك بالرسائل المحفوظة

علي السجاد :- شنو رئيك نخطبلك طيبات بنت عمنا وتضيع وقتك وياها هاا شتكول بنت عمنا وتربيتنا

علي الرضا :- اي والله زين ما اختاريت انا موافق

- موافق بعينك وأنتَ لا تخليني أنسى أنتَ الجبير وتطفر عليك شخصيتي العطوانية اسكتت واستقر

علي الهادي :- ويليي من ناار الغيرة

- اكلوا حلاوة يلاا واكرموني بأسكوتكم ..

علي الرضا :- هههههههه لا تخاف مااخذ وحدة روح اخوي بيها شني ماعندي كرامة ؟

- التهي بتلفونك وسد الموضوع ..

كل واحد بيهم التهى بالشغلة مالتة واني التهيت بالطريق وسرعت السيارة حتى نوصل أسرع لان خفت لا تطلع أريج الله هسة كاعدة منتضرتنة

ماريد أتأخر عليها . راح اشوفها من بعد ثلاث اشهر، مامصدك ابد

شلون راح يصير اللقاء ؟ شلون راح اشوفها شلون راح يصير إحساسي ؟
شنو اكول الها شنو اسوي ياااا بنتي اروحلج فدوة شكثر كلبي حن الج

ما اعرف شلون متصبر على افراكج يا ريحانتي

رحتــي منا وخليتينة غربة بوسط بيتنا واهلنة غربتنا فركتج يا نحر السيد و دم شريانة

مشتاك ابوسج بنحرج . مشتاك ابوسج بنص عيونج مشتاك احط راسي على رجليج
مشتاك اسمع صوتج وأنتِ تمشين ايدج على شعري

مشتاك لسوالفج هوواي مشتاك اطب لغرفتج متروس تعب واطلع منج متروس راحة وفرح مشتاكلج يا راحة وريحانة بيت عبد الحسن ..

أذاني الهجر هواي أذاني

بس ماكو بعد افراك ولا نخلي يدخل ابيناتنا ابد والله خلي نشوفج هسة وتطفين كل شمعة اشتعلت بروحتج وكعدت تحرك بروحنا على گيف .

ما بقى شيء بس ساعات تفصلني وراح ارد واشوفج واحضنج واطلع ايام الفركة كلها ..

______________________★______________________

""""" طَــيبـة الزهراء """""

نشرت الملابس على المشر واجاني ألمعتز باالله هتف وياي :-

- هاا خوية عندك ملابس تريدني اغسلهم الك

:- أسمهن أهدوم موش ملابس عود مثقفة ؟

- تمامم ولا يهمك عندك اهدوم تريد اغسلهن الك

:- لاااا ماعنديي

- چا شنو تسوي چاي لهنا ؟

:- سألت عنج وأمي كالتلي تلكاها بالمنور تشر الهدوم

- هياني موچودة شنو تريدني ؟

:- فديت ذكائج و فطنتج العالية ايي ادري بيج موچودة منهو كالچ أنتِ عدم ؟

- هههههه اييي سولفلي شنو تريد

:- تعي وياي

- اخخ عزوز ايديي

سحبني المعتز باالله حيل من أيدي و دخلنا للبيت صعد بيه الدرج سحل
على شوي راح تنگص ايدي جانت من كد ما سحل بيها

طبينة لغرفتي دفعني لجوة و سد الباب بقيت واكفة اباوعلة افترگ علية ورد سحلني من ايدي كعدني وكعد كدامي

خلة عيونة وسط عيوني وهتف وياي :-

:- طيبات .

- المعتز باالله

:- أنا شنو بالنسبة الچ ؟

- هههه أنتَ المعتز باالله لو متبدل

:- بلا حجي زايد جااوبي

- عزوز شنو هذا سؤالك ؟

:- لا تسودنيني ما چايب من خارج الكتتااب ولا سألتج على علم الذرة هي بس انا شنهي بالنسبة الج ؟ استرسلي بالچواب لووو اناا ولا شيء عندج وما تعزيني ؟

- لااااا شلون ولا شيء عزوز أنتَ اخوي الوحيد يعني أنتَ أهلي شايفلك بنت ما تعز اهلها ؟

:- يعني اذا طلبت منج شيء تنفذي ؟

- عيوني اشلعهن وانطيهن الك .

:- ما ترفضيلي شيء بس خاطر اخوج ؟ يعني راح تسوين الشيء الاريدة حتى لو أنتِ ماجنتي تردي

- دام أنتَ تريدة اكيد بي خير الي وراح اسويلك التريدة شعندي غيرك أنتَ اخوي ووحيديي

:- دام هيجي چاا اسمعي مني هلحجايتين واذكريني بيهن

- كوول شنو يروح طيبات

:- من بعد عين ابوي انا الزلمة الوحيد عليجن يا نسوان بيت الحسن المجتبى وانتم أمانة بركبتي وتدرين شنهي الأمانة وشكد صعبة ولازم تُصان

- اييي صحيح وأنتَ هسة متحمل كل مسوؤليتنة

:- اييي خلي براسج شيء واحد مادري شوكت الله ياخذ امانتة مني اريدج تتذكريني بالخير .

- خووويةة !! الله ينطيك العمر يومي قبل يومك صدك تحجي لا تجيب طااري المووت .

:- هذا حق كل نفس ضائقة الموت الحااصل هسةة اريدج تخلين براسج ان اخوج كل قرار آخذة يخص حياتكم ما آخذة عن الهوى ترى انا دارسة وأخذتة عن دراية ومستقبلكم أهم شيء عندي .

- وانا اعرف هذا الكلامم كلة ماداعي تكولة ياخوية

:- همم زين دامچ تعرفي خففتي علية كلام هواي بعد

- ليش صاير شيء شنو مناسبة هذا الكلام ؟

:- مناسبتة يا محفوظة العمر والسلامة هوو اليوم بليل راح يجون جماعة يخطبون

- يخطبوون ؟؟؟

:- اييي جماعة تخطب خطبة وراه زوااج صرتي ما تعرفين شنهي تخطب ؟

- لااا اعرف بس تخطب منوو محد عندنا ما متزوجة بسسس ..

:- عفية عليج كملييي ليش سكتي كملي وكولي بس أنتِ بقيتي

- يخطبوني ؟؟

:- بالضبط لهذا كلت لامي و للعلوية يجهزون نفسهم

- بس معتز اناا وين ترى هذا زواج مو تجارة علمود كلشي تخلصة من يمك غير تجي تكعد وياي وتحجي وتأخذ رئيي ؟؟

:- وهي انا اجيت هسة اكلج

- وانا ما موافقة

:- مو بكيفج

- شني المو بكيفي معتز ليش بس تريد تخلص مني هيجي تريد تشمرني توك تكول أمانة و مستقبلكم

:- لأن علمودج أخذت هذا القرار وحجيت وي أمي وحتى هي كالتلي زين ما اختاريت اله طيبة انا مشتري رچال ماراح اشمرچ على أي وأحد

- كلتلي مشتري رچال ؟ هههه بلة يا خوية وعزوتي بشكد بعتني ،هاااا شكد حطيت علية سعر، ان شاءالله غليتني لأن زحمه تشمرني هيج وفوك هذا كلة رخيصة، على الأقل شمرة بغلاوة جاوبني شكد السعر الخليتة علية ؟

خزرني عيونة جانن حمر رفع أيدة وضربني وكعت بالكاع حطيت أيدي على خدي
يلي جف ألمعتز باالله انطبع علية صاح بية :-

:- حتـى مرة التجي تتذكرين هذا الراجدي وتعرفين شلون تحجين وي أخوج

كمت دفعتة ثم صيحت علية
و ادموعي جانت ما توكف مثل الشلال وانهدر على خدي

- انا الاعرف شلون احجي ويمتا احجي اناا معتز زواج هيچي ماراح اتزوج لو اذبح روحي هنا اهون علية أموت وما أتزوج التريدة

:- تذبحين روحچ ؟

- ايي أذبح روحي أشتري الموت بس ما أشتري رضاك على احساب حياتي و مستقبلي

:- حتى الموت ما يخلصج مني اسمعيني وخليني على بالچ زين باچر هو عقد قرآنــچ رضيتي خيرٍ على خير ما رضيتي وحگ سبي زينب موتچ على أيدي فهمتييي الأحسن الج ما تكسرين كلامي .

- معتز ابوس ايدك أنزل لرجلك ابوسها

:- وخري عني شمالج راح تموتين ؟ اليشوفج يكول راح ازوجج ابو بكر البغدادي

- ماريد اتزوج مااريد الله يخليك لا تكسرني هيجي !

:- لج بابة افهميني انا لأن مااريد اكسرج اختاريت هذا القرار طيبة لا تصيرين مثل أخوج بنقطة ضعفة القاصي و الداني أستضعفة وحگ حرك خيم زينب لو انا ما شايف مصلحتج بهذا الزواج ماجنت وافقت ولا خليتة براسي لچ أنتِ مو اختـي أنتِ بنتــي

- بس خوية ماريد اتزوج والله ماريد

:- أنتِ اعرفي منو مختار الچ وبعدين اكعدي هيچي ونوحي وكطعي روحچ

- منوو يعني ؟

:- الخطبج مني واني وافقت علية لان مالكي احسن منة هو علي الصادق هااا تلگين احسن منة أبن عمج وحنية الدنيا كلها شايلها على الأقل راح يخلصج من طكاات عقلي

- لاااا اتحمل طكات عقلك عادييي تريدني اللبس عباية هم عادي ماراوح بعد للمدرسة ماكو تليفون والعباس كلهن عادي مااكسر كلامك بعد ولا اضوجك واتحملك وشتريد اسوي بس لا تزوجني علي الصادق مستحيل اتخيل روحي مرتة مستحيل اشوف نفسي وياه اذبحني شسوي بية سوي بس علي الصادق لااا لااا الله يخليك خوية انا اريد اكحلها لا تعميها الي مااريد علي الصادق فدوة عزيز اختارلي اي واحد اذا كلش تريد تجبرني بس مو علي الصادق .

:- ماعندي طلبات المشاهدين انطيتت احجاية وما اثنيها ولو علي الصادق موش زين لا تحلمين انطيچ الة ولا اخلي يمس أضفرج

- عزوز لاااا جي اكلك ماريدة ليش تسوي هجي بية ؟؟

:- وليش هم سوو هيج بية ليش وهج الطف ماكالت لااا لكلام عبد الحسن مثل ما أنتِ هسة جي تكليلي لاا ؟ ليش لازم نفكر بيهم وما نفكر بأنفسنا ؟
اسمعيني ولج زواجج من علي الصادق راح يصير ورجلج فوك ركبتج اول مرة اطلب منج واذا ما فاد الطلب وياج اجبرج ماعندي مانع المهم عبد الحسن ما يتهنى بيج ولا يفرض شيء علية

- أنتَ تعرف عبد الحسن ما يواطن علي الصادق ؟

:- اييي اعرف لهذا انا راح اخلي چعدة العلويات تتزوج أكثر شخص يبغض عبد الحسن

- تريد ترد كسرتك لعبد الحسن بية ؟

:- لو جانت الدنيا كلها المهم حقي من عبد الحسن أخذة أضعاف

- تضحي بية عزوز انا اختك لك اختك

:- اضحي بيج شني ترى راح تتزوجين علي الصادق

- ما احبة ولا اريدة

:- حبتج حية طيبةةة لا تخليني والكافل ادفنج هنااااا شنهي حضرتج تردين تعشكين هااا هي عشكتيلي ادم ؟ وين وصلنةةة ؟ طيبة اسمعيينيي وخلي النفس راضية عليج بذاك اليوم انا مشيت على قرارج وهسة دورج تمشين على احجايتي
وبعقلج تختارين تتزوجين وأنتِ صاحية لو تتزوجين وأنتِ مكسرة بالمستشفى ؟

- لااا لاا معتز لااا

:- اييي هيج راح يصير ابقي بالغرفة وفكري وبليل ارجعلج

- لاااا معتز لااا اوكف اوكفف شدداا تسوي افتح الباب معتز رجعلي تليفوني ولك معتززز افتح الباب يمةةةةة .

أخذ المعتز باالله تليفوني و مفاتيح الغرفة وقفل الباب علية وطلع

تنهدت بانهيار وضغطت على حلكي بجف ايدي وانا احاول اكتم شهكة ألم موجعة رجعت و ركضت الباب المسدود بوجهي وبديت اضرب عليه بكل قوتيي واصيح

- معتززززز! افتح الباب! الله يخليك افتح الباب!

صوتي جان يرتجف والصدمة من تهديده الأخير جانت أكبر من أن اتحملها
اتكأت بظهري على الباب ونزلت للأرض و ضميت رجلية إلى صدري

و دفنت وجهي بين رجلية وبديت ابجي بسكوت بالبداية بس بسرعة ما تحول إلى نحيب مرير

- يضحي بية؟ لاجل حقدة يضحي بية؟ همست بصوت مخنوك انا أخته قطعة منه. شجاه هيج وياي شجاه؟

مدت ايدي بخمول وضربت الأرض بقهر.

- كل هذا حتى ينتقم من عبد الحسن لازم أصير أنا الكبش فداء؟ يزوجني علي الصادق بس لأن عبد الحسن ما يحبة وما يريدة ؟ بس لأن اخذوا وهج الطف منة انا لازم ادفع الثمن لازم توكع براسي شنو هي ما فكر بية اني وين بهالقصة؟ أنا لعبة بيده يلعب بيها مثل ما يريد؟

تذكرت نظرة المعتز باالله الجامدة ونبرة صوته الي لم ماتركت مجال للشك.
ما جان يتشاقة جان جاد ب تهديده

- يزوجني وأنا مكسرة بالمستشفى .

تذكرت العبارة هي منة نفض جسمي برعب
رفعت راسي وباوعت حواليني باالغرفة وجنت ادور عن مخرج أو نجاة

مسحت ادموعي بعنف وكمت ببطء وكفت كدام المرآة عيوني المنتفختان وحمرتهما جانت خير شاهد على حزني

- اذا حتى امي وافقت على علي الصادق فا ما عندي أحد محد يكدر يوكف بوجه المعتز باالله بديت امشي با الغرفة بخطوات مضطربة افكر واحسب

التفكير جان ما ياخذني بس لنفس النتيجة: ماكو خيار الي

- يا طيبة ما دام ماكو مهرب لازم تمشين على خطته بس مو بكيفه لازم أسويها لعبتي لازم أطلع من الموضوع بأقل الخسائر وبعدين من شنو انا خايفة وضلي ساعة ابجي واتوسل بالمعتز باالله اكيد علي الباقر ماراح يخليني اتزوج اخوة اكيد ماراح ينطي بية اييي شيء اكيد بدون شك

كعدت على حافة الجرباية شوي شوي بدت تختفي ادموعي وصار بمكانها نوع من البرود القاسي أستسلمت

بس هذا الاستسلام ما جان ضعف ابد نكدر نكول خطوة تكتيكية
رفعت راسي واخذت نفس عمييق

سديت عيوني وايدي ضمت الكلادة الصغيرة الي بركبتي الجانت من علي الصادق .

واتقبلت فكرة ان الزواج ماراح يصير لأن مستحيل علي الباقر يخليني اتزوج إخوة هو يحبني فوك طاقتة واكثر من نفسة ابد ماراح يخسرني واني واثقة بية ححيل

بس لازم اوصل خبر الة مااكدر ابقى هنا هيج ولمن يجي بالليل يتفاجى لازم يكلي حل حتى قبل لا يصير شيء كدام أهلنا

رجعت اضرب على الباب بس لا رحمة الزهراء التجييني ولا امي الترد علية شأسوي بيهم كلشي ولا يكسرون كلام عزوز اووووففف حبقى هيجي يعنييي

صرت اباوع حوليني ماعندي طريقة توصلني بيها لعلي ! واكيد هذا ألمعتز باالله هسة محذر الجوة اذا احد يتقربلي لان امبين من قفلتة للباب علية

شلون هسة شنو اسوي ياالله شلون اشوفلي چارة ؟

______________________★______________________

""""" أريـــج الله """""

جانت اصعب 24س تمر علية بكل حياتي شفت الموت بيهن بكل المعاني
جنت أحس روحي جي تطلع بس شلون ماعرف

بس مصباح يوم الأربعاء شوي شوي صرت أحس ببرود بجسمي وأحس صحتي دا ترجعلي وصرت أحسن من الثلاثاء

و الخميس كعدت الصبح صليت جنت بخير وسلامة وكأن ما صابني أي شيء ولا توجعت ولا عيني طلعتت ابد

بس آثار ذاك اليوم طلعت على جسمي بشكل ندبات باللون الازرك مدري ليش مثل الورم جسمي .

غيرت ملابسي ولبست حجابي و صايتي وطلعت من البيت رحت للبحيرة لكيت حَيرام موجود هناك ومنطي وجه للبحيرة وكفت بظهرة ما حس بوجودي

رحت يم قاتــم خليت ايدي على السرچ وسويت روحي احجي وي الفرس وهتفت :-

- ها قاتـــم اشوفنك ضايج ؟

التفتت الي بضحكة واتقرب مني ولفظ

:- لا قاتم ما ضايج بس يمكن بالة يمج وخايف عليج هل تشوفينة عبالج ضايج

- اهاا وعلى شنو خايف علية قاتم ؟

:- خايف عليچ من نفسة وأهلة والدنيا كلها

- لا تخاف قاتــم انا مو لوحدي الله واهل البيت وياي ودام انا تحت رعايتهم لا نفسك ولا اهلك ولا الدنيا كلها تكدر تأذينـي لو تمسني بوردة

:- كاافي يلا عوفي قاتـم وتعي خلينا ننزل للولاية هم ياالله نلحگ نوصل على تمام الوقت

- أطلع كداميي

تركت قاتم ومشيت بظهر حَيرام رحنا لمكان سيارتة ومشينة
اثناء ما نحن بالطريق أردفت وياه بسؤال خطر على راسي .

- صدك حَيرام أسألك سؤال

:- اسألي و أمريني بعدها .

- هسة نحن راح نتزوج ونخلص كلشي مو

:- موو

- زينن بإسم منو راح نعقد ؟

:- ههههه يعني بإسم منوو بأسمج أريج الله وباسمي حَيرام جميل

- يعني حَيرام أنتَ مَ شاء الله عليك عندك شخصيتين شأسوي اذا طلعت علية شخصية داسِم دام انا راح اتزوج حَيرام ؟؟ يعني لازم ألبس حجاب كدامك

:- أريج داسِم شخصية مَرضية أنتِ عليج بية انا الإنسان الكدامج بيا أسم ابن منو

- حَيرام جميل

:- هي هية شمالج بعد راح تتزوجين حَيرام وكل شخصياتة سوة

- بعد اكو سؤال ثاني .

:- انطيج جواب ثاني

- الصار بية أول أمس خالتك وراه موو

:- شدخلها ؟

- جا ليش اذيت نفسك مقابل أصير بخير ؟

:- ما اذيت روحي

- حَيرام شووكت تبطل هي سوالف الشيطانية وياي

:- هي شبيج مالج دخل أنتِ بهي عورتي عادي

- ترى مو طفلة انااا داسِم اعرف وافهم كلشي أنتَ ما سويت بأيدك هيج بس علمود ششيطانك ينفذ كلامك واصير زينة يعني الوجعع والموت الي شفتة من الأساس جان فعل شيطان مو شيء الله صابني بي

:- أريج انطيتج وعد ماراح يصير عليج شيء شبيج تكبرين السالفة

- حَيرام حياااتي هي اكبر السالفة شنو ولك أنتَ ما شفتني شلون ردت اموت ما شفت الدم الجنت اتقيئة من ورة ما حسيت روحي جي تطللع ؟؟

:- أريج اسمعينيي ولج ادهورت حالتچ كلش عادية يمكن لان اكلتي شيء مو زين لو اخذتي برد والدليل صرتي زينة هسة وهم تعوير ايدي هيج ترى ما متقصد بيها انكسر شيء ببيتي واتعورت ايدي

- والايد التتعور هيچي تنگــص ؟

:- اي ما انتبهتت عليها

- بعدك مُصر على الچذب .

:- جذبيش ؟ أريج مامجبور اجذب عليج

- لا مجبور أنتَ خايف لاتكلي ايي انا ورة طيحتج وانا ارجع عن سالفة العرس

:- خليج هسة ساعات وتصيرين بأسمي واعتبي علية اذا

- اذا شنو ليش سكتت ؟

:- ههههههههه اذا خليت واحد يمسج خلينا نكمل الطريق بهدوء لا نندعم اسكتي

درت بوجهي عنة وبقيت اردد دعاء يستشير بكلبي
ولمن وصلنة للمكان هو بيت الشيخ الي يعقد النا بي ونطلع

دك الباب حَيرام وفتحة الشيخ دخلنا لجوة البنات الشيخ الله يخليهن اخذوني ودخلنا لجوة و حَيرام و الشيخ دخلوا للبراني

كعدت وي البنات الي كانوا زوجة الشيخ وبناتة الاثنين وحاولوا يفتحون وياي موضوع بس انا جنت متكترة ورجلي جانت ترجف جنت منتضرة اخواني

عيني على الباب الي جان شوي مفتوح والي يصير كدامة طارمة وباب الشارع منتضرة ينفتح الباب واخواني الأربعة يفوتون علية

ما متخيلة راح اشوفهم بعد الصار !

قدمتلي البنت الصغيرة چاي اخذتة منها واردفت وياها .

- اتفضلي حبيبتي

أريج الله :- شكراً بس الگي عندكم حب بنادول

:- ايي بنتي عندنا مامة شهد كوومي جيبي شريط الحب من الثلاجة

أريج الله :- ما تقصرين

:- راسچ يوجعج يمة ؟

- ايي والله حسيت بألم هناا شوي

:- يمكن من ورة ما تفكرين بالعرس مو هيج

- يمكن .

:- أنتِ من وين حبيبتي

- مِن البَصرة

:- يا فدووة ربي يحفضج ان شاءالله زين ليش لوحدج جاية اهلج وين ؟

- ءءء بالطريق جايين انا لان ساكنة بعيد عنهم لهذا اجيت قبلهم

:- الله يحرسكم ان شاءالله ويوصلون بالسلامة وتكمل فرحتج

- أمين

جابتلي البنت شريط الحب اخذتة من ايدها وبلعت حباية وبقيت احاول اتجاهل شعور التوتر هذا الصابني

وبقت المرة تلهيني بالسوالف لمن سمعنا الباب انفتح مال الشارع اندارت عيني للباب وجان اشوف علي السجاد و علي الرضا و علي الباقر و علي الهادي يدخلون للبيت ويوكفون بالطارمة ويتقدمهم الشيخ الي استقبلهم

جسمي كلة صار يرجف اتنفس بصوت عالي بقوا واكفين بالحوش ووكف الشيخ ورا الباب مالتنة وصاح لمرتة وكللها يدخلن جوة ويخلني بس انا بالغرفة لان إخواني يردون يشوفوني حتى قبل لا يشوفون حَيرام

دخلن النسوان لجوة وبعدها بدقائق اندفع الباب ودخلوا هم الأربعة وصاروا كدامي
رجعت خطوة لورة لمن فات علي الباقر آخر واحد ورد الباب بايدة وهو فايت

أجة علية علي السجاد وسحبني من ايدي لصدرة وضمني حيل وهو يبجي جان وعلي الرضا حضني وعلي السجاد حاضني صار حاضنة نحن الإثنين سوة

علي السجاد :- ما مصدك هي أنتِ الجداميي ثلاث اشهور أريج ثلاث اشهور ولج مرن علية جنهن دهر ولج الشوگ اكل كلبي اكل ليش هيج تعوفينا ليش تكطعين كل الإتصال بيچ ليش ولج

:- مشتاقتلك خووية

- وحگ علي البيت اضلم بدونج لا طعم ولا لون جنت احس روحي مو كفو اصير أخ حتى الاشتياق مل من اشتياقي الج

علي الهادي :- ياهلا بالغايبة الما سندها أحد ياهلا بنور بيتنا وريحانتة ياهلا بلي بعد جدها تدوهنت ونذلت ياهلا بروحتي العزيزة الماياخذ مكانها احد

ابتعدت عن حضن علي السجاد و الرضا ورحت شبگت علي الهادي خليت ايديني خلف ظهرة وعصرتة حيل وهو أيد جانت حاضنتني من ظهري
وايد مخليها على راسي

لمن شلت راسسي من صدرة ورجعت خطوة لورة صرت اباوعلة وعيني بعينة
خلى ايديه على اخدودي ومسح ادموعي وأردف وياي

علي الهادي :- شلونچ يا بعد الدنيا والنفس

:- شلوني يا خوية هي انا بغيابكم هذا حالي وهذا لوني

- عيوني ما مصدكة جي تشوفج كدامها

:- ولا انا المصدگة رديت وشفتكم

علي الرضا :- وين رحتي وينج هذا الوقت كلة ؟

:- من يوم الطلعت منكم دخلت لديرة وماطلعت منها لأن كلش أمان بيها

علي السجاد :- بس حيل ذبلانة ريحانتي وين الأمان البيها وهي سالبة عافيتج كلها

:- أكيد اذبل يخوي چا تريدني ابقى موردة بعد ما نشفت عروگي وكطعوا الماي عني

علي الهادي :- راح ترجعين وتوردين من جد وجديد وهذا وعد من أصغر اخوانچ

رجع علي الهادي وضمني لصدرة لمن ابتعدت باسني علي السجاد براسي

نضرت لعلي الباقر الي ما سمعت صوتة أبد جان منتجي على الباب ومكتفي بالنضر النا بهدوء وكفت كدامة ولزمت جف أيدة طبكت إصبع إصبع

واخذت ابوس جف ايدة هو سحبها مني وخلى ايدة على راسي وباسني بسرعة ونزل باسني بكتفي

شبگتة شبگة طلعت بيها كل الإحساس الغربة و كل الخوف و كل التعب و كل الضلم كلشي طلع بحضن علي الباقر

وانا مغمضة بحضن أخوي سمعت صوت علي الرضا

- زين اريجة هسة فهمينة جمعتنا هنا شنو وهذا الشيخ منوو وليش أنتِ ببيتة ووين الديرة الجنتِ بيها

نضرت لعلي الباقر واردفت وياه بهمس

:- شنو ما كلت الهم ؟

هز راسة بكلمة " لاا " وأردف

- اختاريت يسمعون منج أفضل بس أريد اسالج أنتِ مقتنعة بالسويتي

:- مليار بالمية جبت هويتي ؟

- اي جبتها بمحفضتي

تركت أيدين علي الباقر وانطيتة ظهري التفتت لإخواني وأردفت وياهم .

:- طلبت من علي الباقر يحضركم الي حتى تشوفوني وتسمعون مني ماكدر أخطئ خطوة وحدة بدونكم

علي الهادي :- هي الخطوة شنهي ؟

:- اليوم عرسي وهذا الشيخ راح يعقد الي وجابكم علي الباقر لهنا حتى تشهدون على زواج اختكم .

علي السجاد :- عررررس ؟؟ عرسييش هذاا منوو وين يمتااا ليش نحن اخر من يعلم شني جايين على ملئ وجهنة هسة بعرسج

علي الرضا :- علي الباقر جنت تدري و ما تكوللل ؟

- اختاريت تسمعون منها انا نفسكم قبل يومين ياالله اتصلت علية وكلتلي تجي راح اتزوج

علي الهادي :- أريج الله شنو الموضوع نحن نركض بايدينة ورجلينة خاطر نثبت للناس أنتِ ماعليج غبار وخاطر ترجعين ويانة معززة مكرمة تجين هسة تردين تتزوجين هيجي سهلل ؟

:- مو سهل ابد علية بسسس اخواني اسمعونــــ.....

انقطع كلامي وي دفعة للباب وفات داسِم وكف كدام اخواتي واردف وياهم .

علي الهادي :- أنتَ ياهوو وشلون هيج تدرعمم ؟

داسِم :- اجيت اكللكم تكملون كلامكم بعدين الشيخ يريد يطلع عندة شغل خلينة نخلص هسة وتفهمون التردونة من الكريمة اختكم

علي السجاد :- هذااا العريس ؟؟؟؟

:- خوية ..

راح علي الباقر ووكف كدام داسِم وجه بوجه واردف وهو يرفع اصبعة بوجهة

علي الباقر :- أنا شايفك !؟

داسِم :- هههههههه شايفني الكل شايفني انا

:- أنتَ مو نفسك الي التقيت بيك ذاك اليوم يم البحيرة ؟؟؟

- ايي انا عندك شيء ؟

______________________★______________________

- مَا يحتاج اعَاتب گلبي خلصان
اني مِن البدايه توقعتها .

______________________★______________________

" للحكــــاية بقيـــة "

وَزاتي خلوا تصويت ومتابعة لحسابي oo_ll13

وتعالوا خلونا نتوقع للمستقبل ..

شنو مصير اريج الله ؟

شنو راح يصير بطيبة الزهراء وشنو راح يسوي علي الباقر ؟

ألمعتز باالله راح يتراجع عن قرارة ؟

انتضروني للبارت الجاي واتمنى بدون تعليقات سلبية نحن بشر مثلكم

تعالوا شرفوني بحساباتي حتى تكبر عائلتنة

تلكرام الي ما تطلعلة القناة خلي يكتب اليوزر هذا oo_ii13

وهي الانستكرام مالتي اغلبكم كال ماي طلع الحساب حبايبي مو تكتبون أسمي اكتبوا اليوزر هذا o.oll13

وهذا حسابي التيك توك كذالك بس تكتبون يوزري راح يطلع
oo_ll13