احفاد السيد : الثار ( بأجزائها الإثنين ) الفصل الثامن وسبعون 78 - بقلم ​رُقَيَّةُ الْأَكْبَرُ

المُنْعَطف الحادي عشر ⚔️

﴿ الْبَاقِيَاتُ الصَّالِحَاتُ ﴾
— سُبحــانَ الله
— الحمــــدُ لله
— لا إلهَ إلا الله
— اللهُ أكبـــر
— لا حَول ولا قوة إلا بالله
— سُبحــان الله العَظيــم
— سُبحــان الله وبِحَمـده
— أستَغفِــر الله وأتوبُ إليه
— اللهُمَّ صلِ علّى مُحمد وآل مُحمد

مُتابعة لحســابي حتــى ندخل رقم جديد @oo_ll13

التعب علينا والتفاعل عليكم التصويت والتعليق أبين الفقرات كلش مهمة هو الدعم للقصة وهو الينسي الكاتب التعب…

🌱🌱 والمصممات لا تقصرن هم الرواية تستاهل يعني لو تصممون بس فيديو لكل بارت على مُقتطف مُعين والله تنعرف الرواية خلونا ندخل نص مليون 🪐🦢

🚨🚨 وقــــفـــة إعلانية 🚨🚨

شاايفين ابداع الغلاف الجديد؟؟؟ طبعاً هذا كلة من ابداع المُبدعة افاطم الروح وطبعاً هية كاتبة كذالك جاي تنزل رواية مكتملة بالواتباد بس التريد تصمم يمها ما تخسر او اذا تعرفين احد تريد مصممة لا تترددين تدزيلها هاي البنوتة
هذا يوزر حسابها تلكرام @fa_81v

وهذا يوزر قناتها

— طشيتهن وتلملمن
ولميتهِن و أطشّرَن
يوم الردتهِن ما لفَن
يوم العفتهن چودرن
يمي و عليه تراشدن
شنهو السَبب بس ما حچن
جروحِي حيل أستهترن
رگصن رگص مثل الغَجر
هَزّن خصر ما يستحَن.

اللهم صلّ علىٰ محمد وآل محمد
بِسْمِ اللَّهِ الرَّحْمَٰنِ الرَّحِيمِ

✮ ⋆˙ . ˚ . ✦ ˚ . ⋆ . ˚ ✶ . ˚ . 𖤐⭒

( مشهد قبل عرس حوراء بــ أربع أيام )

ذو الفقار :- سيد شبر الصادق بس أنتظر ثواني

وكفت والتفتت اله ورفعت حاجبي وهتفت وياه بتعالي وجر نفس

شبر :- خيررر يا طير شني تريد؟؟

ذو الفقار :- باقي أيام لعرسي ما تحس روحك ناسي شيء؟

— شنهي الناسي؟؟ مُباركة وباركت الكم لو تريدني انطيك هدية زواجك؟ اذا منتضر هاي جان كتلي من زمان علمود اجيبلك الهدية التناسبك

:- ماريد منك هدية لان أخذت منك الكافي وزيادة

— وشخذت مني؟؟

:- هههههههه حورائك سمرتك شچنك

— بلة أنتَ هم محسوب على الزلم؟

:- هههه وليش مامحسوب؟

— لان مامش زلمة يوكف هاي الوكفة ويحجي هذا الحجي على احرمة بذمتة وام بيتة وسترة

:- لا تسوي هاي المثاليات وياي انا وأنتَ نعرف شنو حوراء بالنسبة النا نحن الاثنين

— صدك لو كالوا الواحد يشوف كل الناس بعينة طبعة

عفتة وردت أروح أجاني وسحبني من ايدي ووكف كدامي ونتر بوجهي بصوت ناصي

ذو الفقار :- بعمري ماردت حوراء ولا فكرت بيها بس من شفتك وشفت نضراتك وتعاليك كسرتك بيها كل تصرفاتي وي حوراء جانت اعناد بيك لا أكثر ولا أقل وشوف وين وصلت هسة حلقة باسميي بيدها وهية بدتني عليك واختارتني وفضلتني وما التفتت الك وأنتَ الي عندك كلشي هااا كدرت تجيبها بفلوسك مثل ما جبت كلشي؟؟؟

— فقار اتعوذ مني وروح منا

:- اذا مارحت شراح تسوي تضربني؟؟ لو راح تبجي وتركض لحضن البابا وتخلي يجي وراك لهنا ويحجي ويانه يكول منو وي ابني السيد شبر المُدلل؟؟

لزمتة من ياختة حيل وجنت أريد الطش وجه لطش لأن جاب ذكر ابوي على لسانه الزفر بس لزمت روحي انا بحرم جامعي ومالي خلك هواي صارتلي إنذارات يم العميد دفعت ذو الفقار وهتفت وياه

شبر :- ارجع واكلك لونك زلمة وحليبك طاهر ما تلفظت هيج الفاظ على احرمة تصير أم بيتك يا ابو الأصول واعترف مُبارك عليك فزت عليه بهاي واخذت كلشي بس حياتي ما واكفة على عيون حوراء الأحسن الأحسن من حوراء تريد بس نضرة مني وأنتَ خليك وي هذا تفكيرك الخايسس صدكني ماراح تبقى وياها اشهر تعرف ليش؟ هههههه اكيد ماتعرف لان الشگ راح ياكل راسك وماراح تتحمل فكرة هاي البنت غيرك جان يريدها وأنتَ اخذتها بس بعناده وخر عني

دفعته ورحت للكفتريا اخذت كهوة واتصلت على صفوان أريد اشوفه وين صار ماحضر المحاضرة الأولى وانا كاعد اشرب، دخلت حوراء كمت وطلعت من الكفتريا وصرت أفتر لمن دخلت للمحاضرة الثانية والأستاذ صفوان ما اجه

ولأن غيرت رقمي وكلشي اخذت بالمحاضرة كتبت رقمي على ورقة مادري شبيه كلما اكول كاافي شبر أبتعد الكي روحي اتقدم اتجاهه ألف خطوة بعد ما خلصت المحاضرة جان عدها تحضير شوية صعب لهذا كالعادة بقت حوراء كاعدة بالشعبة تقرأ وغادي طلعت وي اخواتها ذو الفقار و صُهيب

رحت وكفت يم الستول وهي مدنكة تقرا هتفت وياها

شبر :- شايفة كل الخير

فزت مني حطت ايدها على صدرها وهتفت وياي

حوراء :- بسم الله هاي شبيك؟؟

:- أعتذر منچ فززتج بس اجيت يمج ما معقولة ما لمحتيني

— مادري ملتهيه اقرأ

:- اييي مامني غلط انا

— شنو تريدد؟؟

:- عرفت بعد أربع ايام بسس عرسچ

— تمام دامك تعرف هيج ليش واكف هاي الوكفة يمي والجامعة كلها عرفت انا زوجة ذو الفقار!!

:- اجيت اكلچ كلمة وأروح

— كول بسرعة شنو عندك؟

:- شوفي اعرف أنتِ على ذمة رجال ومايصح اكلج هذا الكلام بس اريد اكولة اريد تسمعينة حتى كلبي يرتاحح اريدج تعرفين انا اكثر واحد ما اتسغلج وأنتِ تعرفين ماداعي اكول وهذا التسمينه زوجج تراه مو كفوووو مو كفوووو لا ياخذج ولا هو كفوو يتحمل مسؤولية

— وليش أنتَ الكفوو حتى تاخذني لو تغير نضرتي بـ ذو الفقار شبر انا لهاي اللحظة احترمك واتعارك وي ذو الفقار بكل مرة يحجي عليك لو يتعارك بيها وياك بس اذا تبقى بهي التصرفات احب اكلك ماراح تستفاد شيء لان انا احبه وهو يحبني

:- لچ لا تخبليني مااايحبچ چباااان ولچ چبان وحق هو الحق مثل ماشايفچ كدامي راح يكسر بيج ويتخلى عنج لأن مووو كفووو

— تعرف الصوچ مو بيك الصوچ بيه لأن لهسة كاعدة اسمع كلام مثل السم … وعلى فكرة كلامك هذا طلع من غيرتك وكرهك لــ ذو الفقار

:- اوكفيي قبل لا ترحين … هاچ

— شنو هذا؟؟؟

:- هاي الورقة عليها رقمي الجديد خلي يمج وخلي ببالج رغم كلشي مو حلو سويتي وياي والله يوم التباوعين ومتلكين أحد يمچ راح اكون انا منتضر إتصالچ

— هههههه العدها مثل ذو الفقار ما تحتاج وجودك … ورقتك هاي بللها واشرب مايها

:- مو مشكلة خليها وياج ماتعرفين الزمن شنو ضام!

— شبر اطلع من حياتييي

:- وانا راح اطلع من حياتج الي وحق هو الحق جاي تدمريها

— جاي ادمر حياتي وبرضاااتييي وعود يوم اجي واطلب مساعدة منك لا تدير الي بال هاي اذا فكرت اباوعلك اصلا بوقت حاجتي مع السلامة

:- الله يحميج ويستر عليج

طلعت من الشعبة وانا حسيت الوسيعة ضاكت بيه كلش فتحت الدكمتين مال قميصي وطلعت من الشعبة صعدت لسيارتي وصرت امشي وانا ما شايف كدامييي واخر شيء اتذكرة ان انا راسلت شبير وطلبت منه يجيينيي

﹉﹉﹉﹉﹉﹉﹉﹉﹉﹉﹉﹉﹉﹉
٭٭ حَـــوراء ٭٭

هاي انا مات الي احبه كُل اهلي .. وراح يموتون هواي وحتى نحن راح نموت عن قريب لو بعيد .. وراح ننزل منازل مثل ما نزلو اهلي وراح نوكف بين ايدين الملك يوم الوعيد

وهذه سنة الله تعالى على خلقه أن لا باقي سواه والكل سيرحل الى الفناء

سألت الدار تخبرني مافعلوا الأحباب؟
فقالت لي اناخ القدر أياماً وقد رحلوا
فقلت فأين أطلبهم وأي منازل نزلوا؟
فقالت بالقبور وقد لقوا والله مافعلوا

وهي انا هسة ودعت بالقبر أمي وأبوي ووكعت بعم يكل باللحم وميكول كافي ولمن فرحت واستبشرت خير وكلت ياالله اجاني العوض كسرني كسرة ما تنجبر وحتى الزوج اتخلى عني وراح وكان مكتوب عليه العذاب؟؟ شنو الي كلب حياتي هيچ؟؟ معقولة الله كاتبلي كلهذا هيج بلحظة سفر ينقلب كل شي وتتغير موازين حياتي ؟؟؟

٭٭ يوم العرس ٭٭

وبعد الوقت الي مر أصر عمي سيف علي ان يسوي عرس كدام الناس واليوم هو يوم عرسي وانا بيا حال!! خلوني انزع الأسود ورحنا للصالون وانا ما شفت ذو الفقار حتى من طلعت من البيت ما شفتة كدامي

وصلنا للصالون وتذكرت انا نسيت هواي غراض بالبيت لهذا اسماء زوجة عمي سيف علي اتصلت على عمي وكالتلة يدز البدلة و الاغراض الي نسيتهم للصالون

وما خلصت من اللسان غادي الي فرحانة أكثر مني وضلت تهوس فوك راسي

غادي :- هاي فرحتنا الچبيرة

حوراء :- متوترة

:- حقچ حبيبي غير اول مرة تتزوجين

اسماء :- يوم الالج غادي

:- لااا انا مطولة

اسماء :- بس حجي أنتِ يلا حوري كملي مكياجج وفوتي غيري ملابسج وهاي الأغراض دزهم سيف علي

حوراء :- اييي هم زين وصلن على وقت يلا حفوت اغير ملابسي واطلع اسوي مكياجي انتم سون قبلي

أسماء :- تمام اذا احتجتي مساعدة باللبس كولي

غادي :- لا تتاخرين واااااي متحمسة

حوراء :- أن شاءالله

طبيت انا للغرفة وفتحت الصندوق وطلعت الاغراض الي نسيتهم بعد ما طلعت البدلة وكعت ورقة بيضة بالكاع من الصندوق شلتها وحطيت البدلة على صفحة وفتحت الورقة لكيت مكتوب بيها

( الذكريات سوف تبقى بيننا حية لا تموت حتى ولو لم نلتقي مرة أخرى … نجحت الايام في ان تفرقنا لكن أرواحنا سوف تبقى معاً صورتك ستبقى أمام عيني طوال الوقت حتى لو لم أراك مرة أخرى … خياري في المغادرة ليس له تأثير على مدى كونكِ محبوبة او مرغوب بكِ فــ قلبي لم يعد يشعر في حماسة الارتباط بعد الآن أريد أن أبدأ فصلي التالي من دونكِ وبعيداً عنكِ أنتِ الآن حُرة … أنتِ طالك )

بعد هاي الرسالة وكعت بالكاع بحالة صدمة ووكعت سراحية الماي ونكسرت وعلى صوتها دخلن غادي و أسماء الي ولکني بالكاع ابجي والورقة بين ايدية وانا اشهك

غادي :- شكووو حواريي شبيچ؟؟؟

أسماء :- يمه اسم الله بنيتي شبيچ؟

حوراء :- رااح رااح ….

اسماء :- منووو الراح؟؟

غادي :- شنو موجود بهاي الورقة

اخذت غادي الورقة وبلشت تقراها وعيونها توسعت من الصدمة وي كل حرف تقرأه وآخر شيء نزلت الورقة وهتفت

غادي :- ذو الفقار طلگ حَوراء بالورقة وراح

أسماء :- لا! مايسويهاااا

:- عززة العزااني على هاي العملة

أسماء :- مُستحيل أخوچ يسويها هو جان طاير بيها حَوراء ذو الفقار جان طاير بيچ مُستحيل يسوي هيج لا تخلين هاي الأفكار براسج كاافييي تبجين هسة يجي صدكينييي، على منو راح تتصلين؟؟

غادي :- راح اتصل على أمي اشوفهاا وأنتِ اتصلي على بابة وصُهيب شوفيهم

حَوراء :- خذلني ، أتخلى عني ، طلع مو كفوو صدكك ياالله طلع صدك موو كفو ياخذني كسرني فوك كسري

أسماء :- أهدي يكلبي ان شاءالله ماكوو شيء

راحت غادي واتصلت على أمها وأول مافتحت الخط اردفت وياها

غادي :- الوو؟

أم ذو الفقار :- ها غادي حبيبتي!

:- يمة وين أنتِ

— دا أجهز نفسي بالبيت أنا

:- حجيتي وي ذو الفقار؟

— لا ما سامعة صوته من ذاك اليوم شنو صاير؟؟

:- يمة

— مشمش احجي لا تشلعين كلبي أخوچ شبي؟؟؟

:- ذو الفقار مانعرف وين راح واتخيلي داز ورقة لــ حَوراء يلطگها بيهَ

— شنوو؟

:- مثل ماكتلچ وشوفي وضع حَورائيي هسة

— أبوچ عرف؟؟

:- كلت لــ عمة أسماء تتصل عليه وتشوفه

— أنتم بالصالون موو

:- اي يمة

— مسافة الطريق انا يمكم

:- ماااشي

و أسماء كذالك راحت على صفحة وابتعدت عن حَوراء وراحت اتصلت على سيف علي

اسماء :- حبيبي!

سيف علي :- جنت مشتاق لصوتج ومتحمس اشوفج يا أم العريس الصاگةة هههه

اسماء :- سيف علي

— عيون سيف علي

:- ذو الفقار يمك؟؟

— لا طلع من الصبح ومنتضرينة

:- سيف علي

— روح سيف علي

:- ذو الفقار راح

— شني وين راح؟

:- مااعرف اني اتصلت أسألك هو داز رسالة لــ حَوراء ويكللها اريد ابدي حياتي الجديدة من دونچ وطلگها بالرسالة وكتبلها أنتِ حُرة وهسة هَيَّ تبجي وحالتها حالة

— أنتِ شكاعد تحجين؟؟؟

:- والله العظيم سيف الي سمعتة حباب تعال لهنا لأن ماعرف شنو اتصرف وشنو اسوي

— هسة جاااي انا

:- لا تتأخر حباب

— ان شاءالله

رجعت اسماء و غادي يم حَوراء وكعدت اسماء يمها و غادي حضنتها من ورة وحاولن يهدنها و حوراء جانت كاعدة بالگاع فستان العرس الأبيض من جهة والورقة اللي هدمت كل أحلامها من جهة ثانية صوت شهگتها جان يكسر الكلب ويهد الحيل حيل

حوراء :- ليش هيچ ليش ياربيي ليش شسويت بحياتي حتى هيج يصير بية يعني لا أمي ضلت لا أبوي ضل وهسة حتى اللي كلت هذا حزامي وراح يشيلني من همي طلع هو الهم الأكبر عمةة أسماء ولج غادي العباس عليجن كولن الي هذا حلم كولن الي ذو الفقار يشاقة وهسة راح يجي وي عمي سيف علي

غادي :- والله حوراء ما أدري شنو أكلج ذو الفقار أخوي وأعرفه مو طبع الغدر بي بس هاي الرسالة هاي الورقة المكتوبة بخطه شلت حالنا شل اهدي فدوة لعينج لا يصير بيج شي

حَوراء:- يا هدوء غادي يا هدوء عمي سيف علي شراح يكول لـ عمي محمد؟؟ راح يكول اله العريس بطل وطلّك بليلة العرس وانهزم اااخخ كسرني غادي كسرني كدام الغريب والقريب عافني وحيدة بنص الصالون وبدال ما ألبس الحلقة خلاني اللبس القهر والحزن وعيوني رايحة والله حجي راح يطلع شنو الخلاه يطلكني بهيج ويروح الا اذا انا عااار هيج راح يحجون عليه

أسماء :- ااششش لا تكولين هيج يمة أنتِ ما بيج عار العار على اللي ما صان الأمانة حوري حبيبتي باوعي بوجهي أنتِ قوية أنتِ مريتي بأصعب من هيج ووكفتي ذو الفقار هسة يجي ونفهم منه يجوز أحد غاصبه يسوي هيچ يجوز أكو شي إحنا ما نعرفه

حوراء :- لا تجامليني خالة الورقة واضحة يكول أريد أبدأ فصلي التالي من دونج يعني صرت ثكل عليه صرت ذكرى يريد يخلص منها هو عباله بكلمة أنتِ حُرة جازاني هو قيدني بوجع ما يخلص راح يرجعنييي لعمي المايخاف الله بيه عمي سيف تعال وشوف إبنك شسوى بينا

غادي :- حوراء كومي غسلي وجهج المهم أنتِ هسة أمي وابوي بالطريق ما نعوفج والله ما نعوفج واليوم ذو الفقار لو يطلع من جوة الگاع لازم يبرر فعلته هذي

حوراء :- ما أريد تبرير اللي رخصني بهيج ليلة ما يسوى حتى العتب بس كولي الي أنا وين أروح وره هذا اليوم وين أنطي وجهي مابيه ارجع لعمي محمد أبد مابيه ارجع لحكم

غادي :- كافي تعذبين روحچ يروحي كومي اغسلي وجهج كوومي

بعد ما اخذت غادي حَوراء حتى تغسل الها وشوية تخليها تهدأ وصلت أم ذو الفقار و سيف علي وهم وصل الهم صُهيب بعد ما جان يحاول يتصل على ذو الفقار وسمع عنه أخبار وحضر محمد و إبنه حكم وهناك كلهم واكفين صُهيب كال الهم الخبر الي سمعة من أتصل على ذو الفقار وسمعه منه

صُهيب :- ذو الفقار حالياً صعد طيارته وسافر على فرنسا وي دفعة شباب مسوين مجموعة وطالعين هناك يسكنون بنفس السكن ويشتغلون

سيف علي :- شنو هاي السالفة وليش إحنا ما نعرف بيها شنو ماعندة أهل؟؟

صُهيب :- بوية عوفك أنتَ يمكن بعيد عليه بس انا أنا أخوه ووياه اربع وعشرين ساعة وماكال إلي ولا جابلي طاري

محمد :- شنوو يعني ساافر؟؟ ليكون إبنك مفكر بنات الناس لعبة عنده؟

سيف علي :- ترى انا حالي من حالك مصدوم ومادري شنو اسوي يكلك الولد هسة بالطيارة يعني اروح اطير وراه واسحبه من ياختة؟؟

غادي :- يعني هسة أنتم عذرتوه لان رجال زين و حَوراء ولا واحد بيكم جاب طاريها وكال خطية بيا ذنب هيچي كسرها ذو الفقار هيج بكلب بارد دار وجه وراح ونسى عنده أخت مااخاف الله تطلع حوبة هاي المكرودة بيه؟؟؟

حَوراء :- خلللص

محمد :- شني الخلص؟ أبنية يعوفها زوجها بيوم عرسها شنو تردين العالم يبوسون راسها ويضربون الها تحية؟

:- وانااااا كتلكم كااافي وخلص ذو الفقار راحح هاي هية الله وياه عمي سيف علي لا تحمل نفسك مسؤولية الصار بسبب ذو الفقار وأنتِ غادي لا تخافين والله ما زعلانة والي صار انا المسؤولة عنه لأن فرضت نفسي عليه وانا أعرفه مايحبني ولا يريدني خلص لا تفكرون بشيء انتهت حفوت اغير ملابسي وأروح للبيت

اسماء :- سودة عليه مبينه البنية مكسورة

محمد :- بفضل تربيتكم المشرفة يا مدام

صُهيب :- كااافي محمد أنتَ آخر واحد يحجي عن التربية والأخلاق

محمد :- أحترم نفسك انا موش اصغر خوانك ، والله ابوس راسك سيف علي على هاي الخلفة الجبير يعوف بنت الناس بيوم عرسها والصغير ماعندة ذرة احترام للجبير عاشت ايدك على هاي التربية

صُهيب :- ولك إحنا أحسن تربية فهممتت لو لا؟؟

سيف علي :- صُهيب اششش كاافي ، صار الصار لا تحجون بعد وسوو الي طلبتة حَوراء

محمد :- يومين ويوصلني فلوس الغايب

ام ذو الفقار :- بحلال منو تريد فلوس الغايب؟؟

:- ابنكم طلك ابنيتنا بدون اي غلط من عدنا يعني الغايب لازم يندفع

سيف علي :- بس ذو الفقار ما دخل على حَوراء يعني الغايب مايحق يندفع!

:- اكوول لا تمسلتون على راسي غايب البنت يوصل النا

ام ذو الفقار :- أنتَ لا تمسلت على راسنااا

سيف علي :- اششش ، خلص يابة الفلوس توصل الك بس اجفينا شرك

:- هيج إحنا حلوين راح اخذ بنت اخوي واروح

غادي :- نحن بيا حال وهذا اخر همة الفلوووس

سيف علي :- تعاي حبيبتي امسحي عيونج

غادي :- بابا صديقتي حوريي صديقتي حيل انجرحت ليش هيجي كسرها ذو الفقاررر ليشش

— كافي بوية اهدي الله وحده راح يعوضها ويسامح اخوچ على هاي العملة

صُهيب :- نرجع للبيت؟؟

ام ذو الفقار :- انا رايحة اشوف حوراء ٥دقائق واطلع ما أتأخر

:- تمام ننتضرج برة

— اوك

غادي :- انا هم اريد اشوف حورائي قبل لا أروح

صُهيب :- لاا اتركيها عوفي بس امي تدخل عليها

بعد ما طلعوا طبت ام ذو الفقار ولكت حَوراء مكملة وجاي ترجع تلف شالها وكفت يمها وهتفت وياها

ام ذو الفقار :- شلونچ؟؟

:- زينة

— متأكدة بخير؟؟

:- اي الحمدالله

— حَوراء لمن جنت بعمرج اطلگت انا من سيف علي ويمكن جنت اصغر منج أنتِ عمرج ٢٢ انا من تطلگت جان عمري ١٩ وعندي ثلاث أطفال اطلگت لأن ما تحملت المسؤولية لا أهل ولا شيء وفوك هذا كلة اجاني رجال ضحك عليه خلاني اعوف اولادي و زوجي واطلك واروح واتزوجه المهم لا تتوقعين محد مجروح مثلج ولا تحسين الي مريتي بي محد مر من قبلج اكول أحمدي الله خلصت وياج هيج وي ذو الفقار وما تورطتي بطفل وراح عنچ

:- ترى انا ما زعلانة والله لأن هلشي شخص واحد جان متوقعة وحذرني أكثر من مرة بس أنا غبية ماسمعت له

— أنتِ حلوة وصغيرة بعدج كملي حياتج وي درستج ولا ذو الفقار ولا عشرة غيرة يوكفونج .. اتونسي بحياتج ولا تخلين أحد يتحكم بيج بس هذااا … عقلجج .. صيري حرة نفسج

:- شكراً لكلامج

— الله يحفظچ ويخليج لشبابج

راحت أم ذو الفقار وبقيت انا رجعت اباوع للمراية واجتني ام الصالون بعيونها لمعة حزن على حالي ابتسمت الها واعتذرت منها اجت حضنتني وهتفت وياي

:- راح يعوضج بالاحسن صدكيني

حَوراء :- شكرًا الچ تعبتي وياي!

:- جنت اتمنى احضرج على ايدي بس على التخرج مالتج هههه

رجعت وحضنتني وباستني عفتها وطلعت لبره لكيت عمي محمد منتضرني بالسيارة ..

رجعت لبيتنا صعدت لغرفتي و سمعت الباب ينقفل عرفت هذا عمييي قفل الباب عليه

وكعت بالكاع وسندت ظهري على الباب رجعت لنفس السجن رجعت لليتم ولرحمة عمي اللي ما تعرف الله ولأبن عمي حكم اللي ما راح يرحمني

ذو الفقار كسرني كدام الغريب والقريب وراح وعمي كل همه جان شلون ياخذ فلوس براسي الكل رخصني والكل باع واشترى بيه على مزاجه

سحبت نفسي وكعدت على طرف الجرباية ضحكت حيل وانا الدموع تارسة عيوني ههههه ذو الفقار يكلي أنتِ حُرة شلون حُرة وأنا محبوسة بغرفة ومكطوعة من شجرة والباب مقفول عليه ومادري شراح يصير بيه!!

مسحت دموعي حيل وهتفت

:- قسمًا برب الكعبة هالقفل اللي انسد عليه اليوم راح يجي يوم وينكسر خليهم يفرحون بكسرتي هسة بس نشوف منو اليفرح بالاخير

﹉﹉﹉﹉﹉﹉﹉﹉﹉﹉﹉﹉﹉﹉﹉﹉
٭٭ غَـــدير الله ٭٭

طلعت من بيتنا علمود أروح للبيت عمتي والدنيا بليل واني أمشي والشارع جان يصفر بيه الطير ولا واحد بيه عدلت عباتي وصرت أمشي بتراهي

حسيت بأيد رجال لزمت زند ايدي من خلفي وكلبني خلاني وجه بوجهي وجان متلثم اخترعت ردت أصيح حط ايدة على حلكي ونزع اللثام وكال

:- اششششش هذا انا لا طلعين صوووت

— شرجعك؟؟؟؟

لزمني من ايدي وجرني لحضنة حيلل بنص الشارع بجيت وابتعدت عنه وهتفت وانا امسح دموعي وهو مخلي ايديه على خدي

:- لا تدنالي لا تدناااالي ريحتكك بعدهييي ريحة ثار اهلي لا تحضني ولا تدنالي روح

— ما تحملت واجيتج

:- ليششش هسة جاي

— لان أنتِ

قاطعت صوته وهتفت وياه انا

:- أني جرح ما يطيب وأنتَ السجين اللي ما إله طلعة من ذكرياتي چفّني شرّك لأن انا عايشة ماريد ارجع وموت بيك الله يخليك اطلع من حياتي

— غديرتي

:- بلا يااااء التملك أنمار بلا ياااااء التملك مو غديرتك انا مو غديرتك انا غديرتهم غديرة اهلي مو غديرتك

— لا توجعين كلبي فوك وجع بعدج

:- عساك بوجع أكبر عساااك بنار تحرك كلبك وروحك بعد اكثر من هيج عساك ما ترتاح بعد

— ليش ما تنسين!

:- أنتَ شعبالك؟؟ السويتة وياي ينسي بالايام؟ أنمار حتى اذا نسيتك وهسة تطلكني ورحت وتزوجت غيرك الأثر الي ببطني مايخليني انسى امن احاول أحبل وماكدر لمن اريد اصير ام ومابية لمن اشوف وحده شايلة طفلها واحط ايدي على بطني واتحسر ما تخليني أنسى ، لمن اباوع لاختي بكل ذكرى وفاه لأبوي وهي تموت بحسرتها لچن ابوي راح وما سمعت منه كلمة ابوي راح وهو بطريقة حتى يقتلها بسببكم ما تخليني انسى ، لمن اشوف حيدر الكرار كليوم عن يوم يكبر ومامش ابو يلزم ايده ما يخليني انسى ، لمن اشوف اخوي البشير قيصر يباوع بوجه ولدة ويذكر اوليدة تحرير ويكول هسة لون موجود جان بعمرهم واجهز غراض جامعتة ما يخليني انسى ، لمن علي التقي و علي النقي يسألوني عن امهم واختهم الي بالصور وياهم ما يخلوننيي انسى ، النسيان موش سهل وولونه سهل جان كدرت أنتَ تنساني

:- لأن انا حبيتج من كلبي

— جااا وانيييي اناااا شنووو لك انا هم حبيتك من كلبي ضحيتلك بكلشييي ولك لمن حبلت اناا جان اكو ٨٠٪ خطر على حياتي وتحملت وجنت مستعدة أضحي بنفسي علمود اجيبلك الطفل الي يفرح كلبك جا انا شنو ما احبك؟؟

:- غدير اعترف الي صار ما ينسي ومستحيل ينسي بس لا تضلميني انا مالي دخل بكل الصار

— أبوك واختك ليما سوو وأنتَ سكتت والساكت على الضلم شيطان وأنتَ جنت شيطان أبوك و أختك جنت شيطانهم

:- وهسة راحوااا هم

— وانا اهلي راحوا هم

:- غديرتي والله ماجاي اعيش انا ميت ميت من يوم فاركت عيونج متندم على كل لحظة سكتت بيها

— هههههه، متخيل شيء انمار … لوو أنتَ ما مشيت بشور ابوك لوو اجيت لأبوي وحجيت له وخليت ابوي يحل الموضوع وي سائد بدون دم ولا ثار ولا اي مسمى أنتم سميتوه تعرف شنو جان راح يصير هسة؟

:- شنو؟؟

— جنت انا وياك ماخذين بيت من هاي البيوت وموجودة ويانه طفلتنا وكاعدين نفكر بالعام الدراسي الجديد يا روضة نخليها؟ يمكن يكون صاير عدنا طفل ثاني ، شايف هذا البيت اتخيله راح يكون بيه المعتز باالله و وَهج الطف وأولادها سراج الدين و أمين الدين جانوا هسة همّ سادة موش ميرزا، وهذا بيتنا وشايف هاي الغرفة الي هاي شباچها راح يكون بيها علي الباقر وطيباته و منه المنان نايمة بوسطها ، والغرفة الي يمها حتكون لعلي السجاد وقزح عينه لينا ولجانت نور الزهراء نايمة بوسط إخوتها ، واتخيل ام البنين وهي لازمة ايد علي الهادي ونايمة ومخلية بنصهم حيدر الكرار وشهادة الطب مال اخوي متعلكة على الحايط ويمها صورته وهو بزي التخرج وواكف يمه توأمه ، و هذا بيت عمتي جان غرفة من غرفة راح نسمع ضحكات المصطفى القاسم وي تاجه وصوت ضحكات ابنهم او بنتهم ، ويجينا زيارة تحرير ويكعد بالبراني واروح انطي الجاي واشوفة يشاهد باب الحارة واضحك عليه واكلة راح تتخرج وتتزوج وبعدك تشوفه! ، ويمكن تكون اختي أريج الله متزوجة شخص تقليدي مو حب بسس ما تكون ذاكرتها متلوثة من الجحيم الي عاشت بيه لمن تحط راسها على المخدة بسرعة تنام لان ماكو شيء يوجع تتذكره ، ويمكن جان هسة بهاي اللحظة يطلع ابوي يصيح عليه وهو يكلي ولج غيمة تعاااي ادخلي ليش طالعة بلا عباية ولا نقاب ،هههههه شفت شلون جانت راح تصير حياتنا …

جنت احجي وانا ابجي وهو اثناء كلامي وياه نزلت دمعة عيونه مسحت الدمعة من خدي وهتفت وياه

— الله يمهل ولا يهمل والحوبة تبطي بس ما تخطي

دفيته من صدره واجيت أروح بس لزم ايدي ورجعني لمكاني وهمس بأذني

:- طلعت حوبتج وحوبة أهلچ هسة انا عايش بس ميت وعيونج كليوم اموت الف موته تخليني أكره الساعة الي أجيت بيها شنو ترديني اسوي؟؟ كليلي شنو تردين ليش كلما نلتقي لازم نفس الحوار هسة أنتَ كليلي شتردين

— اريدك تعيش بس مو أي عيشة أريدك تعيش وأنتَ تتخيلنا بكل مكان كلما تلمح طفل يركض تتخيل طفلتنا الي ما صارت كلما تسمع ضحكة عائلة تتذكر العيد الي انذبح ببيتنا أريدك تشبع ندم لحد ما تموت بيه ولحد ما تحس روحك غريب حتى ويه نفسك ذنب سكوتك أنمار أصعب من ذنب أختك الي ذبحت لأن الذابح عدو ومعروف بس الساكت جان حبيب ومامن إنتَ كسرت الأمان قبل لا تكسر الكلبي وهسة جايني تكول غديرتي؟ يا غدير هاي؟غدير ماتت ذيج الليلة ويه أول صيحة ويه أول ركضة ويه دموع اختي الي طاحت وما لكت منكم رحم

سحبت ايدي من ايده بقوة وخطيت خطوة للورة وعدلت عباتي

— لا تحاول ترجع الطريق الي بيني وبينك اتهدم وما أظن اكو جسر يعبر فوك الركام روح أنمار روح لدنياك الميتة وعوفني لدنياي الي جاي أحاول اعيش بيها من جديد بدونك حوبتي وحوبة أهلي مو بس دموع حوبتنا عمر ضاع وهذا العمر ما يرجعه لا ندمك ولا دمعك

التفتت عنه ومشيت بسرعة والشارع جان يصفر ما بيه الطير عفته وحيد بنص الظلمة مثل ما عافني وحيدة بنص وجعي ورحت كبل لبيت عمتي دفيت الباب ودخلت باجر عرس علي الكاظم وماريد شيء يخرب مزاجيي لا أنمار ولا الجاب انمار

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
٭٭ مَـــــلاك ٭٭

الدنيا كلها جانت خبصة على راس السنة و علي الكاظم خابص روحه خبص لان يريد العرس الدنيا كلها تحجي بيه رحت انا و أمي و أخواتي للصالون من الساعة 11 الصبح على الموعد مالتنا

وانا كلبي جان يركص من صارت السالفة صدك حيل خفت حسيت فكرة الزواج مخيفة وحسيت بنفسي خلص ماريد شيء خلوني ببيت ابوي ماريد اتزوج ولا شيء شنو اروح لبيت جديد وعالم جديد لا ما متفقين هيچ!

وصلنا للصالون، خليت إخواتي يشتغلن على نفسهن ويجهزن روحهن وانا كعدت على الكرسي والماكيرة عكست الكرسي مالتي عن المراية حتى ما اشوف روحي وانصدم بالنتيجة بعد ما انطيت الها نوع المكياج الي اريدة وكلت الها

مــلاك :- فدوة بس المهم ركزيلي على أحمر الشفة اريدة احمر لان اضافيري حسويهم لون أحمر غامق لهذا اريدهن وي شفايفي

— صاار تدللين عروستنا

هنا الماكيرة صارت تشتغل عليه وتحط ولمن جانت تشتغل على عيوني هتفت وياي

— شكد عمرها عروستنا الحلوة؟

مــلاك :- عمري ١٥سنة

— مواليد ٢٠١٠ ؟؟ زوجج يا مواليد؟

مـــلاك :- اي مواليدي ٢٠١٠
وزوجي السيد علي الكاظم مواليد ١٩٨٩

— مجبورة عليه حيل جبير عليج يعني عمرة ٣٧!

:- لا ما مجبورة أصلاً هو اتوسل باابوي خاطر بس يحصلني

— متزوج هَوّ؟

:- لأ انا زوجتة الأولى و الأخيرة

— الله يخليكم بس ماشاء الله عليج ولا مبين عليج

:- شلون يعني ممبين؟؟

— طولج و جسمج وحتى شكلج يوحي اكبر من ١٥سنة بهواي

:- هههه أكثر شيء ما أحبه

— شنوه؟

:- سالفة شكلي مو لعمري يعني هذا انا شسوي؟

— لج أحسن شبيج على الاقل شوية راح تطلعين كدامه جبيرة دام هو باقيلة سنتين ويصير اربعين يمعودة شسوين بالنعومة ولنچ تطلعين حفيدته وأنتِ يمة

ضحكت على كلامها وما جاوبت والماكيرة استمرت تشتغل وأنا صافنة على السكف مرت الدقايق وكل فرشة تجيس وجهي جانت تذكرني ان انا بعد كم ساعة راح اطلع من عالم ملاك البنية المراهقة اللي تحب الضحك وتلعب بالطوبة بالحوش إلى ملاك زوجة السيد علي الكاظم واسكن بالبيت الي موجودين بيه السادة

فتحت عيوني واني أسمع صوت خواتي يضحكن عفت غرفتي وألعابي وعفت طفولتي اللي بعدها ما شبعانة منها وراح اربط نفسي بزواج و مسوؤلية شنو الجابرني على هذا كلة؟ الخوف اكل كلبي وصرت ارجف لحد ما نزلت دمعة من عيوني بلا ما أحس وهتفت وياي الماكيرة

— شبيج عروستنا دموعج راح تخرب المكياج ديري بالج

مسحت الدمعة بطرف اصبعي وهي عدلت الكحل الي وخفت الي سال شوية واردفت وياها

مــلاك :- لا ماكو شي بس شوية عيني دتوجعني من الضوة لفي الكرسي مالتي الضوة هذا صاير بعيني

— اسفة هسة اوخرة عنج بس علمود انا اشوف عيونج عدل

انا جذبت عليها وجذبت على نفسي شنو أكللها؟ أكللها أني خايفة من أول ليلة؟ خايفة من نظراته؟ خايفة من البيت اللي راح أروحله؟ رغم انا اطب واطلع عليهم ومتعودة وحتى علي الكاظم خلصتها وياه عركات ولساني ما يكصر يمة شنو التغير هسة؟ من تالي صرت أخاف لو هذا ارتباك اول يوم! ماجنت اعرف ولا أفهم شعوري

الماكيرة كملت شغلها وبديت أحس بضغط الفستان على خصري لبست الفستان الأبيض اللي سُكر وأمي اختارنه الي جان فخم ومطرز بطريقة تخليني أبين مثل الأميرات بالقصص

وكملت تسريحة شعري الي رفعن نص منه و كذلتي بقت نازلة وي خصل زلوفي وحطت الطرحة على راسي وانطوني المسكة مال الورد مالي الي انا ختاريتها ورد ابيض و وردي حبيت تكون مختلفة
وهنا من كملت ونضرت لروحي بالمراية

نوف دخلت للغرفة وبيدها الموبايل وهتفت بصوت عالي

نوف :- ملاكييي علي الكاظم وصل دز رسالة توه

كلبي وكف باوعت شفت أمي تبجي وتضحك بنفس الوقت أخذتني بحضنها شمتني وكأنها دتودعني وهتفت وياي

:- ملاكي صيري عاقلة علي الكاظم رجال خاف الله بيه لا تخلين عنادج يطلعلة لا تخبلين الرجال واهل البيت مالته خففي بخبالج يعني خلي كل اسبوع يوم واحد بس طلعي خبالج بيه

مــلاك :- يمه ادعيلي أحس روحي جاي أمشي لطريق مأعرف نهايته

:- ليش يمة ما تعرفين نهايتة؟ شنو رايحة لماليزا هياچ بابج على بابنة صار شيء حطي عبايتج وتعالي لينة شبيج يكلبي؟

— مادري خفت

سكر :- طبيعي تخافين لا تفكرين لا يتعبن عيونج

:- شوفي يمة هسة أصعب شيء اول ليلة وانا سولفت الج لهذا يمكن خايفة بس صدكيني ماكو شيء يخوف بالخصووص أنتِ ممزوجة زواج عادي أنتِ ماخذة رجال يشوفج بالدنيا والبيها

— مادري بعد والله

نوف :- يلا البسي حتى يدخل علي الكاظم يطلعج

سكر :- هاي الهوسة منهم

:- اييي مفجرين الدنيا يكلك تحرير الموصل

سكر :- اللله بعرسي هم راح يصير هيج ؟؟

مــلاك :- اشوفج تشردين بليلة العرس من الخوف والارتباك

سكر :- مو مثلج اناا بس خلي يجي اضمة بروحي اصلا أخذه واشرد بيه

:- ولج شهل سوالف استحييي .

نوف :- يلا نتوكل باالله

لبسوني و علي الكاظم دخل سيارته لبطن الصالون ونزل بيها اجاني ابوي باسني على راسي ووكف كدامي وبظهرة صار علي الكاظم طلعني ابوي وسلم ايدي لايد علي الكاظم الي بدورة لزم ايدي ححييلل و طلعني صعدني بالسيارة .

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
جانوا السادة عند الحلاق والمكان متروس من عطرهم و هوستهم جانوا الاخوان كلهم لابسين الدشاديش البيض والغترة وصوت الدي جي يعلى بــ اناشيد الفرحة وهنا طفة علي الباقر الدي جي وصاح بيهم

علي الباقر :- يالله اليوم يوم السعد اليوم علي الكاظم يطب القفص الذهبي أريد الحلاق يطلعه گمر مو بس عريس

أصفاد الحق :- هو گمر من يومه بس اليوم الضوة ماله يعمي العيون يا حلاق اشتغل بضمير هذا ابن السادة الغالي ابن الغالي

المعتز بالله :- صلوا على محمد اللهم صل على محمد وآل محمد ليش هدوووء وين الهوسات؟

راح شبير ووكف يم الكرسي مال الحلاق وبلش يصفك ويصيح

شبير :- يا هيبة ومضيف وبخت ما ينداس
يا بن عبد الحسن المرفوع بيك الرأس
اليوم الفرحة تعم والناس تهني الناس
وهاي الفرحة اليوم نريد هاها نشيل عريسنا بوسط الروح

بلشوا كلهم يصيحون بصوت واحد ورة شبير

:- عريسنا وابن عبد الحسن كلة جمال طالع والسبع أنعام من أهله

علي السجاد :- مُبارك يا خوي والله جنت أنتظر هاليوم هاي هي صرت عريس وراح تودع العزوبية بس مو تتزوج ولنك ناسينا تدخل للغرفة و تروح وتغط هههههه

علي الصادق :- غير اهلة بعد ما يعرفهم

علي الكاظم :- هههههه هاي شنو ترى أنتم الظهر والسند هو الواحد شيسوى بلياكم بيت السادة عامر بيكم وبوجودكم

علي الباقر :- لا يمعود خل يغط شوي صارله سنين شاغلنا بطلباته اليوم نسلمه للأمانة ونرتاح منه بعد بس والله يا علي غيررر كلام الحق طالع No mistake چنك هيبة امير والحسن

حامد المتقين :- اللهم صل على محمد عين الحسود بيها عود الله يتمملك بالخير ويهنيك

شبر :- عمامي الدفوف برة تنتظر والسيارات جاهزة بس الحلاق خلي يستعجل ما نرجع إلا والكل متگرم من الرگص

المرتضى الأمير :- يلا شبير خل نهوس

شبير :- سادة ومنبع الطيبين والغيرة بعرگهم
نجوم وتضوي بالليل وما تخفى شمسهم
علي الكاظم عريس اليوم والكل يحلف باسمهم
ويكولون هااا و هااا
ابن السادة عرريس اليوم والملعب كله يحيه

:- ابن السادة عرريس اليوم والملعب كله يحيه

الحلاق خلص من علي الكاظم ورش عطر وباسة بخدة مبارك اله هنا كام علي الكاظم وصاح المعتز باالله بس وكف العريس

المعتز بالله :- ما شاء الله ما شاء الله الله يوفقك بكل خطوة يا خوي

بعد ما كمل علي الكاظم لبس وكلشي وصار جاهز يطلع صاروا إخوته يتقدمون عليه واحد واحد ويبوسون العريس براسة و بجتفة

أصفاد الحق :- هاا علوللي شو عيونك صارت تلمع لا تبجي المفروض الطرف الثاني يبجي موش أنتَ

علي الكاظم :- هههههه لا ولكم هاي دموع الفرح الله لا يحرمني منكم

اجتمعوا السادة كلهم علي الباقر و علي السجاد و أصفاد الحق وعلي الصادق و المعتز بالله و المرتضى الأمير و حامد المتقين و علي الرضا و شبر وشبير ولزموا واحد جتف الثاني وصارو مثل الدائرة حوالين علي الكاظم ويهوسون له

حامد المتقين :- بيت السادة عالي وما يلوحه الغيم
اليوم علي الكاظم عريسنا الفهيم
وهاي الساحة تمنت تفرش ورد لدربك

:: كلنا وياك يا بن السادة والميدان شهود علينا
كلنا وياك يا بن السادة والميدان شهود علينا

هنا ابو الصالون شغل الهم غنية حسام الرسام وبلشو يركصون عليها ويصفكون وصوت ضحكاتهم ملت المكان لحد ما دخل عليهم البشير قيصر وهتف

البشير قيصر :- يلا للسيارات ماريد الهورنات تسكت نريد المحافظة كلها تعرف ابن السادة تزوج اليوم

طلعوا السادة من صالون الحلاقة وبلشو اهل الدمام يضربون راح العريس وصعد بسيارته الي متزينة بالورد الابيض و الوردي الي مختارتة ملاك وطلبت يكون حتى على سيارة زفتها وجان بس هو بالسيارة لوحده وإخوته صارو داير ما دايرة بــ سياراتهم

طلعو موكب كامل من السيارات الي ترست الشارع وتتقدمهم سيارة العريس جانو متوجهين للصالون حتى علي الكاظم يجيب مــلاكة

ولمن وصلو لـــ تقاطع رئيسي وكف أصفاد الحق والمعتز بالله السيارات لــ دقائق معدودة نزلو الإخوة كلهم من السيارات وتوسطهم العريس علي الكاظم و اصفاد الحق جان ماخذ الدمام من واحد من الولد وبده يضرب بيه ويصيح

أصفاد الحق :- ها أخوتي ها اليوم ابن السادة مو بس عريس اليوم هو الأمير

علي السجاد وعلي الصادق وحامد المتقين بلشوا يصفكون ويدبجون والناس في الشارع وكفت تشوف هذا المحفل المهيب

شبير :- يا عمود البيت يا فخر العشيرة
يا بن عبد الحسن يا سبع الجزيرة
اليوم الفرحة صارت بالديرة الچبيرة
وهاي الفرحة اليوم نريد نكلل هامتنا بطيبك

:- ابن السادة اليوم معرس والملعب كله يحيه
ابن السادة اليوم معرس والملعب كله يحيه

فجأة وعلى التقاليد عدهم وعلى كد فرحتهم طلع المرتضى الأمير و المعتز باالله أسلحتهم الشخصية ووجهوها لفوك لــ السماء

المرتضى الأمير :- لعيونك يا علي الكاظم و لعيون فرح السادة

صوت الطلق اختلط بصوت ضرب الدمام ضل علي الكاظم يضحك وهو يشوف إخوته شنو تسوي علمود فرحته وهمس وي البشير قيصر

علي الكاظم :- بس كول للولد على كيفهم العالم تريد تعبر و الطلق يطيح على راس العالم ما يصح نحن نفرح وغيرنا يبتلي

البشير قيصر :- هسة الطفكة ماخذتهم ما يسمعوني

علي الصادق :- لا تشيل هم يا خوي اليوم الجو جونا والناس كلها فرحانة لفرحنا شوف حتى الغريب جاي يبارك مايصير شيء يروحي

رجعوا السادة صعدو السيارات وصارو يمشون على كيف
وبـ سيارة جان حامد المتقين يسوق وألمعتز باالله جان كاعد يمة بالصدر

حامد المتقين :- شوفوا الزحمة عزوز انطيهم وحدة وطلع الهم من الشباج وارمي هم

المعتز بالله :- تأمر ميرزا

طلع المعتز بالله من الشباج وكعد على الباب وصاح بصوت عالي وطلع سلاحة بيدة الثاني

ألمعتز باالله :- يا شجرة بخت وفيّ لليقصدون
يا بيت السادة يا قرّة العيون
اليوم ابنكم عريس والكل يتمنون
وهاي الفرحة اليوم تلوگ لليحمل شارة من جده

وصار يرميي ووراه طلعوا من الشباج اصفاد الحق و المرتضى الأمير و علي الرضا وهم بلشوا يصيحون و يرمون

لمن وصلوا لمكان الصالون وكفوا كلهم وصارو منتضرين السيد علي الكاظم ينزل ويجيب عروسة هنا نزل شبر وشبير وبلشوا يوزعون الحلويات و الملبس على اليمشون و السايقين الي على الشارع

شبر :- اخذ يا طيب و صلوا على محمد

شبير :- تفضل حجي وبارك عرسنا اليوم

وهنا نزلو الاخوه كلهم واصطفو كدام باب الصالون وبلشوا يصفكون ولمن طلع علي الكاظم وصعد العروس بالسيارة طلع ابوها ورها راح علي الباقر وباس ايد عمران ابو ملاك لأن شاف الحزن بعيونة وهتف وياه

علي الباقر :- أمانتكم بصدرنا وعلي الكاظم يخليها بعيونه اليوم شرفتمونا ونورتوا بيتنا وزدتونا شرف

قبل ما يصعد العريس وعروسه بــ السيارة طلب شبير من الكل ان يسكت و بذيج اللحظة اتقدم صار كدام علي الكاظم و عمران وهتف وياهم

شبير :- يا بيت الشرف يا معدن الغيرة
زفينا الگمر للي يشع نورة
علي الكاظم خذاها وبختنا يديره
وهاي الكلمة اليوم نگول تربيه عمران تفوز وتشرف السادة

ركبت العروس بالصدر يم علي الكاظم وبلش يمشون رايحين للمصورة و والسادة و الموكب مال السيارة الزفة لحكوهم للقاعة الجبيرة

جان يوم وذكرى محد راح ينساها يوم عرس سيد علي الكاظم وسط إخوته الي جانوا اله سو و حصن وفرحه وسند وسجل التاريخ
١/١/٢٠٢٥ عرس القمر و الشمس

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
٭٭ مــــلاك ٭٭

طول الطريق بالسيارة جانت الهوسات مال السادة تملي الشارع بس أنا جنت أسمع دكّات كلبي أعلى من هوساتهم اخذ علي الكاظم ايدي باسها وضحك الي وهتف وياي

علي الكاظم :- گضت

نضرت له وعيوني مدمعة ما هتفت وياه شيء السيارة جانت مضللة كلها لهذا شلت الغطة عني وهتف وياي

علي الكاظم :- القاعة بيها اخوتي بس لهذا لازم تبقين لابسة هذا الغطى

مــلاك :- بس نحن رايحين هسة للمصورة اكيد متريد اصور صور عرسنا وانا لابستة؟؟

:- انا كلت القاعة جبت طاري المصورة؟؟

— عبالي

:- تردين تتعاركين

— لااا

:- ملاك

— هااا

:- أحبج خبلتي

— ههههههه عينك لطريق لا تضيعنا

:- شهداء العرس

— مو اذا ندعمنا نوكع من السيارة هيج

:- لاا عمييي هاي عيني لطريق لا تخافين ما يصير شيء

وصلنا للقاعة مال التصوير ونزلت انا و علي الكاظم وكعدنا على الكوشة وصارت المصورة تكللنا بحركات ونحن نسويهن ولمن وكفنا طلبت منه يلزم خصري وايدي وبعدها خلتة يوكف كدامي وانا وجهي طلع من كتفة وحطيت ايدي على رقبتة وهم اخذت صورة
واغلب صورنا اخذناها ونحن كاعدين لان جنا نباوع للكاميرا طلبت من علي الكاظم يلزم ايدي ويباوعلي وبعدها طلبت مني انا هم اباوع اله وضحكت وصرت عين بعينه وهية تصور وما تعرف بنتضراتة حتى اطفال صار عندنا

بعد ما خلصنا تصوير رجعنا طلعنا ورحنا بالسيارة متوجهين للقاعة الي اهلي واهلة كلهم هناك موجودين ومنتضرينه

واول ما وصلنا ام القاعة وكفتنا كدام الباب مال القاعة وطفت الاضواء مال القاعة وشغلت المؤثرات وفتحت الباب دخل علي الكاظم وهو لازم ايدي و شغلوا الاغنية على دخوليتنا

وبلشو السادة يهوسون له وبعد مدة طلعوا كلهم وطلع العريس وياهم لأن هم مسوين جادر لعرسهم وطبخ عدهم بقو بالقاعة بس نص ساعة وبعدين طلعو كلهم

بقينا بس نحن النسوان نزعنا وصارن يركصن الي ويهزن والاغاني ما وكفت وانصدمت حتى من العلوية و فاطمة الزهراء بقن يهوسن بنص غدير الله و طيبة الزهراء

وجانت أريج الله كاعدة ويحضنها طفلتة أم الحسن

و رحمة الزهراء كاعدة يمها رحت لـ أريج الله واخذت بايدها واخذت بايد رحمة الزهراء وخليتهن يركصن وياي

تعبت غدير الله من الركص أخذت الطفلة أم الحسن من أريج الله وخلتها تركص براحتها لان ام الحسن صغيرة اشهر عمرها

ضليت أركص وياهن والضحكة ما فاركت وجهي جنت اريد اتخلص من التوتر والخوف باحساس ان الدنيا كلها صارت بين ايدي باوعت على أريج الله شلون تتمايل ويا الأغاني يا ربي شكد هالبنية حنينة رحت يمها وسحبتها وياي هي ورحمة الزهراء و سكر ويانه صرنا حلقة وحدة وصرنا كلنا نركص وحدة تضحك على الثانية

صحيح تعبنا من الركص بس جان تعب الفرحة التفتت لكيت غدير الله تهز بــ أم الحسن وتخض البنت وتلاعبها وهي تركص منظرهم يذوب الكلب و أم البنين جانت مابين منة المنان و حيدرة تلاعبهم وتركص وياهم

وبعد شوية خفت الهوسات كعدت بمكاني على الكوشة وأخذت نفس كلبي جان يركض ركض من التعب والوناسة دخل علي الكاظم للقاعة جان شكله يجنن وهو يباوعلي وعيونه تلمع تقدم باتجاهي وكل خطوة يتكربها مني جانت دكات كلبي تعلى أكثر

وصل يمي وكف كدامي مد ايده ومسح على راسي همس بأذني

علي الكاظم :- هسة كدرت أخطفج من عيون الناس تعبتي يا بعد كلبي؟

ملاك :- لا بس الفرحة خلتني أنسى التعب

:- يلا خلي نطلع من هالهوسة أريد نخلص هاي الليلة ونبدي حياتنا صدك كافي صار اليوم كله عيون العالم علينا

اجتني العلوية و امي ولبسوني كمت وياه واحنا طالعين جانت النسوان يهلهلن حيل والتفتت لــ سكر و نوف وغمزتلهن هنَ ضحكن وأشرلي بــ باي باي طلعنا من القاعة ومن صعدنا بالسيارة تنفست أخيراً صرنا وحدنا وعرفت هسة إنَّ علي الكاظم صار الي وبلشت قصتنا الحقيقية بعيداً عن صياح هاي الناس وهوساتهم.

بعد ما وصلنا نزلت من السيارة ودخلت للبيت صعدتني العلوية وامي للغرفة بعد ما كعدت امي توصيني وتهديني دخل علي الكاظم وراهن وهن طلعن وهو قفل الباب و اجه ناحيتي مد إيده ورفع الغطة عن وجهي حسيت بيده الدافية تجيس وجهي وهمس

علي الكاظم :- نورتي البيت يا ملاكي

حاولت أبتسم كعد و كعدت يمه حسيت بظلي يختفي بظله هو جان واثق بس ما مسيطر لان جنت أحسه ضعيف كدامي بس انا جنت مخلية ايديه على رجليه وجنت ارجف خايفة حيل شنو الراح يصير هسة؟ انا مو كدهاا والله

علي الكاظم حط أيده على أيدي ورفعها باسها وضمها لجفوفة وهتف وياي بصوت دافي

علي الكاظم :- ليش ترجفين؟

مَـــلاك :- شوية متوترة

— على شنو التوتر شنو راح اذبحچ؟

:- عليي أول ليلة النا وكلشي صار بسرعة وركض اكيد اتوتر

— وعساس ما متعودة عليه ياهي الجانت تلزمنيي بالحوش كلما تشوفني وتسحلني بلسانها؟

:- لون أدري هيچ ما حجيت وياك ولا طخيت الك

— هفف لهدرجة خايفة مني

:- علييي حط ايدك على كلبي والله راح يوكفف

شال أيده علي الكاظم وحطها على صدري الأيسر باتجاه كلبي وصار يحس بيه شلون يدك كأن يريد يطلع من مكانه وهتف وياي

علي الكاظم :- عليمن هذا كلة ابويييي

مَـــلاك :- كتلك متوترة وخايفة

— ماكو شيء يستاهل هذا التوتر صدكيني

:- شلون؟

— موش أنتِ لو هديتي نفسچ وسمعتيني ثقي باالله راح يصير اليوم احلا يوم بحياتچ

:- أسمع شنووو؟

— اسمعي يبعد ريتي

عدل كعدته وصار كدامي ورجع ضم جفوفه على جفي وهتف وياي وهو يحط أيده على خدي وهتف وياي

علي الكاظم :- أعرف خوفج هذا ورجفتج بسبب شنو لهذا أكلج لا تخافين ما راح يصير شيء

مَـــلاك :- شلون يعني ماراح يصير شيء؟

— أنتِ بعدچ صغيرة وانا ما تزوجت علمود سوالف ليل أتزوچت لان أحبچ وجنت خايف تضيعين كدامي لهذا أخذتچ علمود تكبرين كدامي وعلى ايدي بس بدون ما يصير ييناتنا أي شيء لمن يصير الوقت مُناسب

:- وبنظرك شوكت الوقت مُناسب؟

— يعني من تكملين ٢٠ أو لحد ما أنتِ تجين وتكليلي انا جاهزة لذاك الوقت شعر راسج ما اطخة بس هذا ما يقلل حُبي الج ولا يقلل اهتمامي أنتِ مرتي وتاج راسي وسياح كلبي و سلسبيلي

:- تمام ههههه

— ضحكتي يعني هسة رتاحيتي؟؟

:- كلششش

— يبعد كلبيي عساه الراحة دوم ياروحي

بعد ما هدت أعصابي من كلام علي الكاظم حسيت جسمي صار بارد بقيت أباوعله وانا مبتسمة هو ما تغير نفسه علي الكاظم الحنين اللي جنت اتعارك وياه واغلط عليه وما يسوي شيء وهسة هم ما سوة شيء بس باس راسي وكام من مكانه وهو يبتسم وهتف وياي

علي الكاظم :- أخذي راحتج يا بعد روحي الغرفة غرفتج صارت بعد

:- جا أنتَ وين رايح؟

— انا راح أنزل أشرب مي وأصلي ركعتين شكر لله على هالنعم وأجيج تمام؟

هزيت راسي بـ تمام وضحكت اله طلع علي الكاظم وسمعت صوت قفل الباب وراه كمت نزعت البدلة ومسحت مكياجي و سويت شعري وشمرت روحي على الفراش و ذبيت الغطة على راسي وتمددت على الجرباية وبديت أفكر بكل اللي صار الفرحة ورقة علي الكاظم وياي وغمضت عيوني وانا أضحك

بالمُقابل نزل علي الكاظم للصالة البيت جان صنطة الكل تعبان ونايم ماراح يشؤب ماي ولا وصل للمطبخ بوجه دخل لغرفة المصلى وفرش سجادته وبلش يصلي جانت صلاته شكر لله ولنعمة عليه وجان يدعي الله يحفظ ملاك ويخليها إله ويصبره على حبه إلها لحد ما تكبر

بهذا الوقت جانت العلوية نايمة جانت ترتب الاغراض بالمطبخ ومن سمعت صوت حركة وطكطكة خفيفة جاية من جهة المصلى استغربت هَيّ مرت على كل اولادها والكل نام حتى ام ملاك جانت نايمة وياها بالغرفة فــ منو هذا اللي يتحرك بهالوقت؟

طلعت من المطبخ ومشت ناحية المصلى فتحت باب الغرفة على كيف وانصدمت من اللي شافته علي الكاظم العريس كاعد على سجادته مغمض عيونه ويدعي وعايف عروسته بغرفتها لوحدها ما تحملت المنظر ودخلت تحجي وياها بعصبية بس صوت خفيف لحد يسمع

العلوية :- علي يمة أنتَ شتسوي هنا وين عروستك ليلة دخلتك ليشش عايفها؟

علي الكاظم :- يمة هاي شبيج اكو احد يدخل هيج على الهسي فززتيني ، مااكو شيء صليت ركعتين وهسة أصعد

العلوية :- ولك يمة أنتَ مو صاحي عايف عروستك بالغرفة وكاعدلي هنا هذا وكت صلاة الناس عود أنتم عرسان وهذا حالك لا يمة ما أقبل صعد لمرتك بسرعه وعيب هاي الحركات

:- اي أكمل واصعد

— لا تخوفني يمة محد يعوف مرته هيجي صاير شي اكوو شيء

:- يمة والله مااكو شيء بسس البنية تعبانة ومحتاجة ترتاح انا نزلت لهنا أصلي وطلبت منها تاخذ راحتها

— لا تحاول تبرر لي أعرفكم ولدي واعرف تصرفاتكم روح أصعد لمرتك لا أروح أصيح لعمتك فاطمة الزهراء واخليها هية تتصرف وياك ولك هسة البنية عبالها إنتَ ما تريدها لا تروح تورطنا وي امها نايمة فوك صعد بسرعة لغرفتك وادخل على مرتك

:- يمة اكمل واصعد ما اروح هسة

— ليش كاعد تتهرب احجي انا هسة اريد اعرف شكو ليش عايف مرتك ونازل ولا تكلي تصلي لو تعبانة إنتَ تعرف شنو معنى ليلة الدخلة هاي ليلة عمر مو ليلة تعوفون بيها الغرفة وتجون هنا! إذا اكو شي خايف منه دحجي دكوول أنا أمك وأعرف مصلحتك

علي الكاظم تنهد وعرف أمه ما راح تسكت إلا إذا عرفت كل شي بس جان خايف من ردة فعلها نزل راسه وگال بصوت خافت

علي الكاظم :- يمة ملاك بعدهي صغيرة وأنا ما ريد أضغط عليها ولا أريدها تخاف مني ردت كلشي يصير بوكته ورضيت بلي سويته لأن انا احبها و أريدها تكون مرتاحة وياي قبل أي شي ثاني

— شلون يعني؟

:- يعنييي يمة ملاك صغيرة وأنا وعدتها أنطيها وقتها أريدها تكبر كدامي بأمان مو مال هالسوالف هسه وهي بهذا العمر لمن تكبر ياالله ادخل عليها

— عزة العززاني ولك هاي مو أعذار أنتَ رجال وانا وأمها ننتضر وهاي تقاليدنا وعرفنا ما يرحمون ترى شراح تگول الصبح والله صغيرة ما دخلت عليها؟ شراح تسوي ويه البياض أنتَ جاي تدمر سمعة نفسك وسمعة العروس بهذا تصرفك صعدوا فوك هسه ولا تخليني اسمعك حجي ما يعجبك

:- يمة فدوة لعينج الوادم شعليها بمرتيي شكوو خير يا طير ترديني اروايهم شيء يخصنا لا اكو بياض ولا هم يحزنون خوووششش العاجبة عاجبة ما يعجبهم طبهم سبع تالاف مررض

— ليش تحسسني البنت بيها شيء!

:- يمة اسمحيلي أنتِ امي وانا احترمج وعلى راسي أنتِ بس انا من ذاتي أنا ما يهمني البياض ولا سوالف العادات اللي ما ترحم الي يهمني ملاك أمانة عندي وأنا وعدتها ما اجيسها إلا وهي جاهزة ومقتنعة والناس ماراح تحجي وحتى أمها ما تحجي لان محد راح يعرف هلشي فخليهم أنا اللي عايش ويه مرتي مو هم

— أنتَ تخبلت مو صاحيي ولك تدري شنو يعني لا إله إلا الله شووف ولك لازم تصعد وتدخل عليها وهذا أمر حتى لو بس الليله هاي عديها على خير وبعدها عوفها شكد ما تريد انا اعرف بمصلحة البنت ولك

:- يمة فدوة لعينج أنا ما أريد أكسرها ولا أريدها تخاف مني وموضوع البياض هذا بيني وبين مرتي لا يهمج احد ولا كلامهم أنا رجلها وأنا أدري بمصلحتنا

— ولك تريد تخبلنييي جاي اكلك هلشيء أمر تصعد وتدخل عليها والصبح أشوف البياض فهمتتت!!

:- اعتذر منج يمة بس هذا قراري وملاك أمانة بركبتي وأنا أعرف شلون أحافظ على أمانتي ماراح أصعد بضغط منج ولا راح ألتزم بأي شي يضوجها لو يخوفها هي صغيرة وأنا راح أنتظرها حتى لو سنين المهم تكون مرتاحة

— علي أنتَ كبرت وتعرف مصلحتك أدري بيك بس لا تظلم البنية وتظلم نفسك وياها اصعد يمها كافي عوف هالسوالف رحمة لابوك لا تشلع كلبي

:- وعيونج ما اشلع شيء خلي المووضوع بيني وبينج وبينها ومايصير الا الخير صدكيني يبعد روحي

— الحجي وياك ضايع على راحتك بس تذكر كلاامي

:- ماراح أنسى ولا حرف وعيونچ

العلوية باوعت لابنها شافت بعيونه سكتت فترة هي تحب ولدها وتعرفه حنين بس الخوف من كلام الناس وخاف يعرفون وما يحجون على ابنها يركضون يحجون على البنت هلشيء جان مخوفها وجان مسيطر عليها علي الكاظم باس راس امه حتى يريح كلبها وهتف وياها

:- يمة راح أصعد بس اطمئني ملاك بعيوني وما راح يصير إلا اللي يرضي الله ويرضينا

العلوية هزت راسها وعلي الكاظم بقى لحظة يجمع أنفاسه يعرف راحته وين ويعرف أن اللي يسويه هو الصح مهما جان كلام الناس أو ضغط الأهل صعد الدرج ودخل لغرفته وكل أمله أن هالليلة تكون بداية حياة مبني اساسها على الحب والاحترام بعيداً عن كل تعقيدات الدنيا

دخل علي الكاظم للغرفة لكاني كاعدة على طرف الجرباية لأن حاولتتت انام حاولت ماكدرت ابد لمن دخل نضر الي وانا باوعتله بابتسامة مستحية تقدم ناحيتي وكعد يمي ومسح على شعري وحسيت براحة تملي المكان وهمس وياي

علي الكاظم :- اعتذر تأخرت عليج ليش ما نامية

مَـــلاك :- ما اجاني نووم ليش اتاخر كلهاي صلاه ركعتين؟

:- لااا مكمل من زمان بس شافتني الوالدة و جان لازم أحجي وياها شوية

مَـــلاك :- ليش صار شي؟

:- لا يروحي ما صار شي بس تعرفين أمي الحنينة تخاف علينة المهم أنا يمّج هسه وهذا كل اللي يهمني

— يعني هية عرفت حجيت وياك بشي لا تخوفني حباب احجي شنو صار شنو كلت الها

:- بويةة لا تهتمين كلشي راح يترتب المهم إنتِ مرتاحة يمي وهاي الدنيا وما بيها عنديي تعاي ننام يلا أدريچ تعبانة

— عليييي

:- ها يا سلسبيله

— تحبني؟

:- يمممة هلسؤال ما تسألي الي انا ما أحبچ لان اضلم الحب اذا هيج انا عايش عليج هيجي يعني علي الكاظم عايش على ملاك اذا راحت ملاك من ايده هو يروح للنجف

— هاي مشاعرك صدك الي

:- تجين تنامين لو تنكتلين؟

— أريد جاي و حليبب

:- شنوة؟؟

— انا متعودة اشرب جاي و حليب حباب انزل سويلي

:- لا مو من عقلج

— اهوو والله العظيم كللششش اشتهيته يلااا حباب علييي

:- بووية شسوي؟؟

— سوي جاي وحط فوكة حليب ماتعرف؟

:- لج اعرف بس يمكن ماكو جاي لازم اسوي جديد

— اشتهيت جاي وحليب ..

:- خلص طفلتي تعاي وياي ننزل سوة ونسوي جاي وحليب

— صددك؟

:- والله تعاي وياي يلا اللبسي صاية شيء على هذني ملابسج

— تماامم

لزم ايدي وطلعنا من باب الغرفة سوية ولمن وصلنا الدرج هو نزل وانا حبيت اتخبل عليه شوية فلتت ايدي من أيده وكعدت على المحجر مال الدرج وهو صاح بيه

:- ملاااك لا تتخبلين توكعين ووتأذين انزلي

— مااعلية أنتَ انزل الدرج برجليك وانا راح اتزحلك وتشوف منو يوصل اول

:- ملللاكك أنتِ كاعدة على حديد كلشي يصير اجفي الشر وانزلي

— ترى مو اول مرة ابيت اهلي ولا مرة نزلت الدرج مثل العالم كلة اتزحلك على المحجر

:- تخبليني وياج يعني؟

— عليييييي

:- ولج لا تصحي اسمي هيج تخلين كلبي يركص كولي ياروحة لعلييي

— انزل على الدرج وانا حنزل على المحجر

:- امري لله بس اذا وكعتي وانكسر الحوض مالي غرض انا

— ماعليك بيه عود

نزل علي الدرج وانا نزلت على المجر ولمن وصلت للنهاية ماكدرت انزل شالني هو ونزلني للكاع ورحنا للمطبخ هم شالني كعدني على الكاونتر و طلع القوري وحطاه على النار وبده يفور الماي وطلعلي كوب وصب بيه جاي وحط حليب وهتف وياي

علي الكاظم :- هذا كوب الحليب لحلا بنت شافتها عيني

مَـــلاك :- مااريدة

:- جا المن سويته

— أنتَ اشربه زين الحليب مفيد

:- شبيج طنگرتي طلبتي حليب سويته الج شنوو غلطت بشيء؟؟

— لااااع ما غلطت بسسس ضجت لان اشتهيت شيء ثاني انا

:- أمريني

— اريد هاي العصارة مال الككو

:- شنهي هاي؟

— لك هاي بالمحل تجي هيج عصارة تفتحها تعصرها يطلعلك ككو

:- سلسبيلي الساعة تعبر الــ2 بليل يا محل مفتح

— لا هذا أبو سماعيل ما يعزل

:- ومنو هذا ابو سماعيل؟

— شسالفة ما شايفة بس تطلع من المجمع السوبرماركت مالته عبر الشارع شكبرهاا كلشي يبيع بيها

:- كتيلي شتردين؟

— عصارة ككو

:- تمام اخذي الحليب هسة واصعدي للغرفة اطلع اجيبلج عصارة ككو واجي

— وجيبلي وياها بعد شيء

:- شنو يابعد بيتي ؟؟

— جيبلي وياهااا جيلاتين

:- صار بعد شي ثاني؟

— امممم واريييدد مصااص وحامض حلوو و جبسس حار ووو وبسسس

:- وانا اذا شفت بامبرز هم اجيبلج لا تخافين

— وليي ماريد شيء منك

:- مههههههههه والعباس اشاقةة أموت عليج وعلى دلالج حاصلي صرتي تدلعين عليه روحي اصعدي ويوصل كلشي يمج

— أوكِ لا تتاخر

:- عمري يكصر اذا تأخر عليچ بعد روحييي

اخذت الكوب مال الحليب وصعدت لغرفتي وصرت انتضر علي الكاظم يرجع وصدك بعد نص ساعة طب عليه للغرفة وبيده علاكة جبيرة تارسها الي حلويات ما جاب بس الي انا طلبتة وباس راسي وهتف

علي الكاظم :- هاج يبعد ريتي اذا اشتهيتي بعد شيء كليلي

ملاك :- امممم لحد الآن مابخاطري شيء غير ذني

— ههههه الحمدالله انا تعبت حيل راح امدد طولي

:- تعوفني

— تعبان

:- زين شغلت الايباد وكملت كلشي تعال وياي شوية وننام سوة حباب

— المن؟

:- مطلعة توم جيري خلينا نشوف حلقات لمن اتعب وننام

— توم جيري!

:- ايييي شبيهم يخبلون لو تريد اطلعلك غامبول؟ لو تحب سبونج بوب انا اصلا شاكة ان أنتَ تحب ماشا والدب

— اييي أنتِ ماشا وانا الدب

:- يلااا علييييي اكعد وياي

— امري لله تالي عمري ٣٧سنة اكعد اباوع توم جيري وي مرتي

:- ماخذ وحدة بعمر حفيدتك اكيد هيج تعيش وياها

— واحلا حفيدة

خلصنا أول ليله النا هيج ولمن كلش تعبنا وصلا عليي الكاظم صار يغفي طفيت الايباد ولميت كل الاغراض وتمدد على الجرباية غطيته ومديت ايده نمت عليها وتغطيت وحطيت ايدي على صدرة ونمتت
نمت وانا اتامل حياتي الجديدة الي بلشت من اول يوم بالسنة

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
٭٭ شُــبَــيِـرْ ٭٭

بعد ما كملت وي عمي ألمعتز باالله و اصفاد الحق و علي الباقر غسل الجدورة مال العرس رحنا للبيت دخلت وصعدت لغرفة شبر لكيته كاعد يقرأ كعدت يمه وهتفت

شبير :- شتقرا مو عطلة راس السنة؟؟

شبر :- طن متحانات خلونا ورة العطلة

— مادري ليش متعب روحك

:- شبير شتريد احط ايدي على خدي واكعد لا شهادة ولا تعليم؟

— ما محتاجها أنتَ

:- مو كلشي فلوس الثقافة حلوة والإمام علي يكول بخصوص العلم ثلاث اقوال
١ كُلُّ وِعَاءٍ يَضِيقُ بِمَا جُعِلَ فِيهِ إِلا وِعَاءَ الْعِلْمِ فَإِنَّهُ يَتَّسِعُ بِهِ
٢ ما هَلَكَ امْرُؤٌ عَرَفَ قَدْرَهُ ولا يَصْغُرُ عَالِمٌ عَنْ طَلَبِ العِلْمِ
٣ العلمُ خَيْرٌ مِنَ المالِ العِلْمُ يَحْرُسُكَ وأنْتَ تَحْرُسُ المالَ
وركز بالنقطة الثالثة واعيدها الك اذا تريد

— ما احجي وياك عمي أنتَ التدرس وأنتَ التتعب روحك براحتك

:- محتاج شيء ما تعبان من العرس ما تريد تنام

— اريد أعرف شلونك حتى بالعرس ما عجبتني

:- ههههه ما بيه شيء الحمدالله

— تعلمني بيك؟

:- شبير والله بالكوة فاتح عيني اريد اخلص هاي الصفحة وأحط راسي وانام تريد تساعدني

— اكيد

:- انزل جيبلي ماي حلكي يابس

— زين اجيب ماي بس أنتَ متاكد مابيك شيء

:- كلشي بخير

— ان شاءالله هيج صدك

عفت شبر ونزلت للمطبخ جبت له سراحية ماي واخذت كلاص وصعدت اله دخلت للغرفة خليت السراحية و الكلاص على الميز وهتفت وياه

— انا متت من التعب رايح انام محتاج شيء بعد؟

:- لا نذري سلامتك

— نام شبربر لا تسهر هواي

:- ان شاءالله

— تصبح على خير

:- تصبح على نضرة حنونة من صاحب الزمان

طلعت من غرفة شبر ورحت لغرفتي تمدتت على ظهري وفتحت تليفوني صرت احمل ستوريات عرس عمي على
( الواتساب ، الإنستا ، السناب )

وبعد دقائق صرت اكلب بالستوريات الجماعة الي ناشريهن للعرس لكيت عمي ألمعتز باالله مفجر السناب بالستوريات صاير قطار بحسابة كل حركة وكل لفتة مصورها وناشرها

اتفاعلت وي كلشي ناشرهن واجاني شعار رد على الستوري مالتي مال الواتساب الي نشرت صورتي انا وعمي واكفين واحد يم الثاني
وجان الرد من زَمُرد وكتبت الي

زَمُرد :- ألف مُبارك ان شاءالله

اتردد ارد لو لا بس كلت خلص خليني ارد رحت وكتبت الها

شُبَيِرْ :- الله يبارك بيج ويوم الالج

بسرعة دزيت الرسالة منا صارت صحين زرك منا ضحكت وانتضرتها بعد ما شفتها تكتب بس بثواني ما ندزت رسالة لا اتصلت عليه على الواتساب غمضت عيوني وفتحت الخط صرت احجي وياها وانا نايم

زَمُرد :- شلونك؟

شبير :- هسة صرت بخير

— دومك ان شاءالله ، شايف كل الخير عمك ، شوكت دورك؟

:- مطول انا

— ليش؟

:- شلونه العيد وياج؟

— باجر راجعين المحافظة

:- توصلون بالسلامة

— الله يسلمك بس شبي صوتك كأنه تعبان

:- تعب جسدي لا أكثر

— يلة ما أطول عليك أدري بيك هسة حتى عيونك ما جاي تشوف بيهن من النعاس نتشاوف من نرجع

:- إن شاء الله توصلون بالسلامة وطمنيني من توصلون

كملت كلامي وياها حسيت بنبرة صوتها بيها بحة غريبة يمكن اشتياق ما كدرت أفسر شي رجعت كالت وياي

— ان شاءالله دير بالك على نفسك.

:- وإنتِ هم تصبحين على خير زَمُردة

سديت الخط وشمرت التليفون بصف المخدة غطيت عيوني بجف ايدي وأنا أتذكر ملامحها بالصور اللي جانت تنشرها ضحكتها اللي ما تفارك بالي أحس گلبي يدك حيل كلما اتذكرها لو يمر طاريهاا هاي لحظات كلبيي چنت أحاول أضمها عن الكل حتى عن نفسي

باوعت لسكف الغرفة ههههه سوكت دوري واتزوج؟ ااححح يا دور يا زَمُردتي يا دور وانا لهسة ضايع بين تعب الشغل وبين ذيج العيون اللي خلتني ما أعرف ليلي من نهاري؟

جريت حسرة طويلة وغمضت عيوني يا الله برد گلب شبير الحاير تعرفني شكد مسالم وما مأذي أحد لا تخلي احد يئذيني

هاي البنية مدري شسوت بحالي بكلمة وحدة منها خلت التعب كله يروح ضحكت بيني وبين نفسي سحبت البطانية وتغطيت زين سحبت التليفون مرة أخيرة وبدت عيوني تثگل والافكار بدت تتداخل حسيت براحة وكأنما هذا اليوم المتعب جان محتاج بس هاي المكالمة حتى ينتهي بسلام لفيت راسي ،،، وغفيت

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
٭٭ ألمعتز باالله ٭٭
بعد العرس قررت انام وي المرتضى الأمير ببيت عمتي ماانام بيت السادة ورة ماخلصت شغلي كلة من بيت السادة طلعت حتى أروح وكفتني غدير الله وبيدها سراج الدين وهتفت وياي

غدير الله :- عزوزز عزوزز

ألمعتز بالله :- عيوني

:- وين رايح؟

— لبيت عمتي

:- اي زين هاك سراج الدين ودي لأمه ببيتكم

— جا بسمة مو جوة ما تاخذ حفيدها؟

:- عمتي بسمة تنام هنا اليوم لهذا اريدك تودي سراج لامه لو تريدني انا اطلع هسة

— وعساس أنتِ باب الحوش ما شايفته مايكلك اربع وعشرين ساعة الحجاب على راسج وتطفرين من بيت لبيت تردين هسة تشغلين الغيرة عندي يعني

:- كلكم اهلي واطفر براحتي يلا اخذ سراج

— انطيني

شلت سراج الدين بين ايديه وطلعت وصار يلاعب وجهي بايديه ويضرب على خدي لزم اديه نزلتهن عن وجهي وهتفت بنتر بوجه

ألمعتز باالله :- اااششش

وكفت كدام الباب ودكيته جنت اظن راح يطلعلي خليفة بسس صار الي ماريدة طلعت الي وهج الطف …
سراج الدين بس شاف أمه مد روحه من حضني لحضنها وهي فتحت ايديها واخذته لحضنها وهتفت وياي

ألمعتز باالله :- أبنچ

وهج الطف :- چا امي وين ما تجي؟

— لا راح تنام ببيت السيد عبد الحسن

:- اهاا تمام

— خليفة وين ؟

:- بالانبار يم اهلة

— خير ان شاء الله؟

:- كلة خير بس امة تعبانة شوية راح يمها من اليوم الصبح

— مابيها غير العافية ان شاءالله كلشي ولا فراك آلام يأذي

:- اخخخخ اسألني انا عليه

— يلا طبي أتأخر الوقت هسة اقفلي الباب زين ولو أمان بس كلشي يصير لوحدج بالبيت

التفتت اريد اروح للبيت صاحت بصوت عليه

:- ألمعتز باالله

بلا أي شعور ولا ادري بروحييي التفتت الها وبابتسامة هتفت وياها

— حشاشة كلبي؟

صفنت بوجهي وادركت الوضع ضحكت وكالتلي

:- سبحتك وكعت بالكاع هياتها ما لاحظت عليها

— اووو ولا ادري

رحت اخذت السبحة من الكاع ورفعت روحي وهتفت وياي

:- تصبح على خير

— راح اصبح

عفتها ورحت دخلت لبيت عمتي وصعدت دخلت لغرفة المرتضى الأمير لكيتة كاعد وصافن كعدت يمه وصفنت بيه وهتفت وياه

ألمعتز باالله :- الصفنة موش الك ياخوي

المرتضى الامير :- حرام الواحد يكعد وي نفسة ويصفن؟

— شمالك؟

:- اكعد لوحدي واصفن هيج هذا الي اريدة حط راسك ونام أنتَ

— شنهي مسودن لو راكبك چني؟ حتى تريد تصفن

:- مزاجيي يريد هيج علمود افرغ من الطاقة السلبية

— مورّي

:- كول اعزيز

— اسالك سؤال مورّي

:- اسال

— شكد عمرك

:- سؤال مهم جدا جدا طبعاً اليوم هو ١_١ يعني بعد أربع اشهر وأيام يعني شهر ٤ يوم ٦ عيد ميلادي اصير ٢٨سنة

— دكول راح اصير ٢٨ وفضها شلعبان النفس سويتها شطولها

:- بكيفي

— ماريد تفاهة

:- اي عزوز شسوي بعمري

— عباالي راح تصير شايب طلعت بعدك

:- تريد تزوجني

— ليش ولك تريد تتزوج؟

:- اييي اكيد منو ما يريد يتزوج ويجيب اطفال ويفتح بيت ويدلل مرته

— اها زين كلتلي جا راح ابلش ادور الك على مرة

:- احاا صدك خويةة؟

— والله بس شنو شرط لازم يكون عمرها ٣٩ الى ٤٩ هذا اقل شيء ياالله تناسبك

:- ياعلي شعديي هاي تكعد عليه تخنكني وتكتلني

— ولك مو هذا شرط الزواج

:- اخذ وحدة اكبر حتى من امي؟؟؟

— لااا لازم واحد طرف بالعلاقة جبير حتى يعرف يتصرف يعني اذا أنتَ ٢٨سنة شكد تريد وحدة عمرها ٢٠سنة لو ١٠سنوات

:- لاااا ماارييد على الاقل ٢٠ بيها باب وجواب

— ولكك والله شووف لازم واحد فاهم يعني هسة اذا صار اي خدش بالعلاقة الجبير هو يدرك الموقف مثلا انا اذا اريد اتزوج أخذ وحدة اصغر مني علمود انا الجبير وانا ادرك الموقف واصلحة

:- هههههههههههه

— تضحك ولك؟؟

:- عزوز أنتَ تدرك الموقف؟ سولف غيرها ولك أنتَ تفسد على الموقف

— شني شايفني ولك

:- ما شايفك بس هذا الشبل من ذاك الاسد عبد الحسن الله يرحمة ههههه والله ياالله ألمعتز باالله يدارك الموقف انا اصلا ثلاثة ما اصدك بيكم تعرف منو؟

— انا و اصفاد الحق و علي الباقر

:- زين عرفت نفسكم

— مادري ليش حاطين عينكم علينا ترى مو مخابيل إحنا

:- لا عزيزي وهسة خليتوا شبير يصف وياكم زر عقلة مثلكم

— شوف يمكن انا اعصب مرات بس التفاهم لازم يكون من الاثنين ولازم نتحمل كلشي يصير بيناتنا

:- شفتك بالفوك ونشوفك بالجوة

— انام احسلي

:- روح نام واذا لكيت وحدة عمرها ٩٠ سنة لا تقصر وياي أخيك انا أحجزها إليه

— اذا لكيت تدلل عليه احجزها لـ المرتضى الأمير

:- تصبح على خير

— وأنتَ من اهله

تمددت بمكاني وحطيت ايدي جوة راسي وصفنتت يمكن انعديت من المرتضى الأمير بس بالي مو يم المرتضى ولا يم سوالفه الماصخة جان بالي يم ذيج الالتفاتة السريعة الي طلعت مني بلا دستور وبلا استئذا لجمت كلبي لجمة وخلتني أحس بروحي طفل انصاد وهو يسوي مكسورة ههههه والله ياالله

المرتضى الأمير تمدد يمي بس غطى وجهه ودار على الصفحة الثانية وأنا بقيت أصارع أفكاري شجاني هو أنا ناقص وجع راس لو هي الروح حنت للماضي الي ما يرضى يموت السبحة الي جانت بإيدي

نرسم بعيوني وجهها من شافتني عيونها الي بيهن حزن ديرة كاملة وشلون جانت شايلة سراج الدين اااخخخ سراج طالع نسخة من أبوه، بس بنظراته براءة تشبه براءة أمه قبل لا الدنيا تجور عليها
غمضت عيوني وحاولت أنام فكرت بــ خليفة شلون عايفها وحدها بالبيت صح الدنيا أمان وصح إحنا ولد عم وعشيرة واحد يحمي واحد بس الفكرة خلت دمي يفوورر شلون يطاوعه كلبه يخليها تنام وحدها حتى لو بيوت السادة قريبة عليها بس المرة تظل مرة والليل غدار

فزيت من صفنتي هاااا معتز اركد أنتَ وين وهي وين البنية بذمة رجال ورجال غالي عليك اششش وكااافييي اليوم اشتغلت المحنااات حاولت انام حتى اشغل نفسي بس النوم جافاني سحبت الموبايل شفت الساعة بالثنتين الفجر كلت خاف محتاجة شي خاف سراج الدني بجة وما عرفت تسكته؟ خاف وخاف وخاف جنت اريد اصيح على عقلي حتى يسكت

تذكرت أيام زمان من جانت الدنيا حلوة ومن جانت وهج الطف هي الشمس الي تطلع ببيتنا هسة صارت مثل النجمة البعيدة تعاين عليها بس ما تكدر تلوحها

مرت ساعة وساعتين وأنا على حطة إيدي المرتضى الامير فز وسولف وياي وهو مغمض عيونه

المرتضى الامير :- عزوز بعدك كاعد ولك نام باجر ورانا شغل وعالم

— نام أنتَ ومالك غرض بية عيوني ما تريد تغفى

:- نام خوية نام باجر من تريد دقيقة تنام بيها والسادة يسحلونك ما تفيدك هاي السوالف

سكتت وما جاوبته من بدأ الضوة يكشف كمت توضيت وصليت دعيت ربي يبرد ناري ويحفظ وهج الطف واولادها ويستر علينا من زلات اللسان والكلب

طلعت من الغرفة على كيفي حتى ما أكعد المرتضى الامير نزلت للحوش وكفت يم الباب الخارجي فتحته شوية وعاينت لبيتهم و رجعت سديت الباب وكعدت بــ الطارمة أنتظر الشمس تطلع حتى أروح لشغلي وأحاول أنسى حشاشة كلبي

هههههه اييييي معتز أنتَ المعتز بالله الي يهابونه الزلم تاليها كلمة وحدة من مرة تخليك تصفن بس هي مو أي مرة هي وهج الطف المرة الي تحلي جروحنا

صعدت طلعت هدوم من هدوم المرتضى الامير ولبستهن وطلعت وانا بالطريق عيني راحت لبيتهم مشيت وانا اهز راسي وادعي الله كون اتعلم الزم اللساني قبل لا افضح روحي وافضح المكرودة وياي

وهيج هيج بلش يومي بوجع قديم وحب مدفون وسالفة براسي تذكرني إن الدنيا دوارة وما يبقى غير وجه الله والعمل الصالح

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
٭٭ سُـــكر ٭٭

بعد ما صعدت ملاك لغرفتها امي قررت تبقى وي ملاكي بالبيت مال السادة خافت عليها لا تخاف لو تحتاج شيء ورجعت نوف بوقت الزفة للبيت لان ابوي لوحدة وانا رجعت بعد ما الهوسة هدأت لمن طلعت لابسة الصاية حتى اغطي نفسي لان الفستان مالتي شلاحي شفت السيد علي الباقر بالباب لابس الدشداشة ورافعها مطلع رجلي ولازم أطرافها بيدة ويدخن من شافني هتف وياي

علي الباقر :- هاا وين؟؟

سُكر :- اريد اروح لهلي

— لا بوية ابقي هنا

:- لويشش؟؟

— لان الزلم برة جاي يغسلون زحمة تمرين من يمهم

:- وشعلية بالزلم انا اريد امر اروح لبيت اهلي وبعدين ياهم الزلم؟

— اصفاد الحق و المعتز باالله و حامد المتقين و شبير و المَواس

:- ويعني هاي الزلم غريبة وهل خايف عليه منهم؟

— ما خايف عليج بس زحمة كتلج

:- لا عادي مو غربة همة

— هسة ما تنضرين شيء اذا دخلتي لجوة وركدتي لين ما يخلصون

:- هلكت اريد انام

— اصبري اطلعي وراي

طلع كدامي واني لزمت صايتي وطلعت وراه وكف كدام بابنا واني فتحت الباب ودخلت بلا مااحجي وياه شيء طبيت لجوة لكيت نوف تنضف بالصالة هتفت وياها

سُكر :- انا اريد احضن المخدة وهاي تنضفليي

نوف :- مستوحشة لصوت ملاك

— كووليي ياالله توها دخلت غرفتها البنية

:- هههههه والله متعودة ما انام اذا ما تبزعني

— هذا بيتها صار كدامج تردين روحي الها

:- ترى أنتِ هم ضايجة

— عاادييي هاي تاليتنا كلنا وراها

:- بس السؤال راح يكون العريس نضيف وزين مثل السيد؟

— الكاتبة الج ربج وربنا الرحيم ما يكتب المو زين

:- وين رايحة؟

— اناااااام

صعدت لغرفتي نزعت الصاية ودخلت سبحتت وطلعت انشف بشعري واحط مرطب لوجهي رحت لتليفوني واتصلت على رقم السيد علي الباقر .. وبعد ما رد

علي الباقر :- الو؟

سُكر :- اعتذر للازعاج بس حبيت اشكرك

:- على؟؟

— على خوفك!

:- شني طالعة بين وحوش وأخاف ترى بس جانت شغلة زحمة

— المهم شكراً

سديت الخط واني أبتسم لا إراديًا التليفون شلون يطلع من راسي هسة بلة؟؟؟ صوته المبحوح يسحل كلبي بكل مرة علي الباقر أنت تدري لو ما تدري دگات گلبي اللي تريد تطلع من صدري كلما لمحت طولك سُكر اثگلي بس ياهو اليثگل گبال السيد؟

لمن خلصت كلشي ولفيت شعري باوعت للساعة لكيتها بـ 2 شلت التليفون ردت أكتب رسالة ردت أدز نمت لو بعدك؟ بس خفت يكول هاي شبيها لزگت رجعت تمددت الغرفة هدوء لان راحت المزعجة صرت اسمع بسس صوت الساعة براسي

هسة حسيت بشعور نوفف صدك استوحشت لـ ملاك!! عفت غرفتي ونزلت لجوة لكيت ابوي بسابع نومة بغرفتة و نوف نايمة بالصالة من التعب سودة عليه جبت غطة وحطيته فوكاها وشغلت التدفئة ولفيت الشال عدل على جسمي لان جنت اريد اطلع للحوش والدنيا برد طلعت تمشيت شوية ورحت للباب الشارع ادور على بزونتي سوسي مختفية

فتحت باب الشارع فتحة صغيرة شفته هذا بعدة بالشارع!!! السيد علي الباقر جان كاعد على الدكة القريبة من بيتهم ومنزل راسه والجكارة بيده متوكع مادري هاي الجكارة رقم شكد يدخنها!!

ترددت أطلع لو أدخل بس رجلي هي اللي قررت طلعت وسديت الباب وراي على كيف وصىت اباوع منا ومنا ادور على سوسي

هو انتبه رفع راسه وباوعلي ذب الجكارة من حلگه وگام وكف بطوله وهتف وهو يتقدم اتجاهي

علي الباقر :- سُكر شطلعج بهالليل؟

مشيت خطوتين صرت قريبة منه بس بيننا مسافة واردفت وياه

سُكر :- ما كدرت أنام الضوجة أكلتني البيت وحشة بدون ملاك هل طلعت اشوف سوسي علمود اللعب وياها عسة شويةة تسرني

:- البيت وحشة لو بالج المشغول؟

كلبي راد يوكف صفنت بيه عزة بعيني شقصده اكيد حاس عليه امدااانييي مااعرف اثكل شويةة ابتسمت وسويت روحي ريلاكس ورديت عليه

سُكر :- الاثنين سيد بالي مشغول و البيت صار فارغ من حسها الجان ٢٤ساعة

سكت شوية تقرب خطوة وحدة شميت ريحة الجكايرر من كثر ما يدخن وهتف وياي

علي الباقر :- فوتي جوة سُكر الجو برد عليج لا تتمرضين وتعلين گلوبنا

— منو همة اللي اعل گلوبهم سيد أنتَ منهم؟

هنا، شفت ابتسامة خفيفة انترسمت على طرف شفته اللي تخلي الواحد يبيع الدنيا وما بيها علمووود بس يحظى يشوفها واردف وياي

علي الباقر :- أنا أولهم فوتي يا بوية فوتي يرحم أهلج لا تخليني أحجي حجي مو وقته هسة

ما حجيت وياه شيء بس أحس روحي طرت معقولة يعني معقولة علي الباقر هذا الرجل الصعب يهتم؟

رجعت للبيت و دخلت لغرفتي شمرت روحي على الفراش وغمضت عيوني هو اولهم هههههه نمت واني أحلم باليوم اللي أصير بيه أنا ملاكه اللي يخاف عليها من الهوى الطاير واليوم اللي بدل ما أكله شكراً على خوفك بالتليفون أكولها اله وهو يمي وسند لظهري

بس راح ابقى اسال نفسي هلسؤال تحبينا وتردينه لو بس معجبة بيه؟؟ أحس هذا الرجال متعوب من صغرة ماريد اصير انا تعب عليه مضاعف …

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉
٭٭ حَــوراء ٭٭

خلصت و انتهت أصعب لليلة عليه بقيت بغرفتي والصبح فتح الباب حكم جابلي اكل وطلع بلا ما يقفل الباب دفعت الصينية بيدي مالي نفس بأي شيء وفتحت تليفوني اتصلت على ذو الفقار لكيته خارج منطقة التغطية شمرت التلفون بعيد عني وبقيت ابجي لمن صار وقت الضحى

سمعت صوت عمي سيف علي جوة بالصالة وطلع جايب الغايب حتى ينطي لعمي محمد بس ماقبل ينطي الا أنزل انا ويشوفني ياالله يسلم عمي لهذا عمي صعد إليه ونزلني

لمن نزلت وشفت عمي سيف علي ووكفت يمه هو نزل راسه رفعت راسه بيدي وهتفت وياه

حَوراء :- مو سيف علي الي يدنك راسه المرفوع كدام وحده مثلي

سيف علي :- مااكلج شلون خجلان منج بنيتي

— الشخص الوحيد المفروض يخجل سافر وعاش حياته ليش أنتَ تخجل من شيء مالك ذنب بيه احنا الإثنين انكسر بينا راح ننسى ونتخطى الصار

قاطع صوتي صوت عمي محمد وهو يهتف وي سيف علي

محمد :- هاااي شفت حَوراء يلا انطيني الفلوس

شمر سيف علي الفلوس كدام عمي الي خلاني انا الاخجل وصاح بيه

سيف علي :- هذا وسخ دنياك اتونس بيه بالعافية

حَوراء :- دقيقة عميي شنو هااي؟؟

محمد :- الغايب مالتج مو إبنه طلگج

— بس على اساس غايب والزلمة اصلا ما دخل عليه؟؟

محمد :- حتى لو هذا حق تركج بليلة عرسج

— ياحق هذااا المهر واخذته كلها وهسة طلبت الغايب ادري ما تشبع أنتَ؟؟؟ تاكل الفلوس اكل

محمد :- كصري السانج لا اكصة الج

سيف علي :- لا حَوراء هذا حقج ..

— لاا عميي مالي اي حقووق عليكم أصلا المهر والمفروض يرجع لان جان مجرد عقد بيني وبين ابنك وانفصخ

سيف علي :- حتى لووو حقج تاخذينة

— دام هيج يلا انا متنازلة عن هاي الفلوس لغادي ماريد شيء منكم

محمد :- شنوو؟

— مالك حق تطلب شيء هو حقي وانا متنازلة عليه

سيف علي :- حَوراء

رحت وشلت الفلوس ورجعتهن لايد سيف علي وهتفت وياه

— هااك عمي وشكراً على كلشي سويته وياي ماريد شيء ومتنازلة عن كلشي ولا تسمع اذا طلب منكم عمي محمد

سيف علي :- هذا ابسط شيء اسوي

— كسرتي ما يجبرها فلوس يا عمي روح اشوفك بخير ان شاءالله

بعد ما راح عمي سيف علي سديت الباب وراه انداريت ولكيت عمي محمد عيونه يذبن حقد و بغض ما احس الا جاي وضاربني راجدي وكع الشال من راسي وهو سحلني من شعري وضل يضرب بيه ويصيح

محمد :- تبقين رخيصة شنهي تتنازلين عن الفلوس ولج هاي مالتي لان حاطج ابيتي ومنتبه عليج بس طلعتي مو مال احترام مو بعينج شيء والله لاخليج خدامة جوة رجلين حكم

دفعني بكل قوته راسي انضرب بحافة الميز الدنيا دارت بيه شمرني بالكاع وصاح

محمد :- أنتِ هنا لا كلمة ولا راي خدامة وتخدمين الجبير والصغير وحكم هو اللي يكص لسانج الطويل

طلع وركع الباب وراه وسمعت صوت القفل من برة انحبست بالغرفة مرة ثانية بقيت بمكاني و مددت على الكاشي

حَوراء :- يا ربي مالي غيرك يابة يمة ليش عفتوني ليش خليتوني طير صغير بين ادين ذيابة ما ترحم؟

حسيت بروحي ذليلة بس مو كدام عمي لا ذليلة لان الدنيا استقوت عليه الدنيا كلها بعيني ما تسوى ضحكة وحدة من وجه ابوي ولا تسوى لمسة حنان من ايد امي عمي محمد عباله الفلوس تسد جوعه ما يدري الحرام ما يشبع وما يدري انو هو كاعد ياكل بلحمي وانا عايشة مر الوقت والشمس بدت تغيب الغرفة صارت كبر الي كمت بالكوة جسمي كله يوجعني وشعري يأذيني

شفت روحي بالمراية لكيت وجهي صاير ازرك على أحمر من ورة الضرب بأيدة النگسة الدنيا جانت تدور بيه لزمت ميز المراية وهمست

حَوراء :- حَوراء لا تطيحين اذا طحتي راح يدوسون عليج أكثر انتِ بنت ستار مهدي والسبع ما يخلف إلا سبع

ذو الفقار ليش تليفونه خارج التغطية هو الوحيد اللي جان ممكن يخلصني من هذا الجحيم هل هو عافني هل الكل اتفقوا عليّ لو الصدفة هي اللي ذبتني بهيج موقف

سمعت صوت حركة ورا الباب عبالي عمي رجع يكمل ضربه فزيت ووكفت بزاوية الغرفة لزمت الدولكة بيدي مثل السلاح كلبي جان يدك بكل قوته انفتح الباب على كيف وجان حكم وكف بالباب باوع لشكلي لزراكه خدي ولعيني المورمة جان بيده صينية أكل ملامحه جانت ثابتة ما تكدر تعرف هو وياي لو ضدي

حكم :- ليش هيج سويتي بروحچ جان انطيتيه الفلوس وخلصتي من شره ابوي ما يرحم اذا السالفة بيها مادة

حَوراء :- انطيه الفلوس انطيه حقي اللي هو ما تعب بيه حكم انتو شنو من بشر انتم مو اهلي مو دمي ولحمي شلون تخلي يضربني هيج وانتَ واكف وتسمع؟

حكم تقدم خطوة خلى الصينية على الميز وتقرب مني انا رجعت ليورة خايفة منه هو مو ارحم من ابوه هو انكس منه ما نسيت الي سواه ولا نسيت لمن حاول يعتدي عليه

حكم :- أبوي عصبي وأنتِ لسانج طويل اكلي واسكتي ولا تطلعين من الغرفة لا يرجع يشوفج ويصبه عصبيته عليج مرة ثانية حوراء الدنيا تغيرت والناس هاي مو امج وابوج لهذا الاحسن صيري قوية بس بالسكوت مو بالعناد

حَوراء :- السكوت ذل حكم وانا ما انذل والفلوس اللي سيف علي راد ينطياها رجعتها اله لان كرامتي أغلى من وسخ الدنيا ابوك يريد يبيع ويشتري بية عباله انا سلعة

نزلت دموعي بدون ما احس هتف وياي حكم

حكم :- مايسوة دموعج تنزل علمودة

حَوراء :- حكم مابيه بعد اثق باحد حباب لا تستغل ضعفي هذا والله مااتحمل كلكم عليه هواي

— وعد ما راح اكسرج ..

:- تعبانة انا

— اكلي بسرعة وانا رايح لايجي ابوي

حكم باوعلي وعافني وطلع وقفل الباب مرة ثانية رجعت لوحدتي لزمت التليفون حاولت اتصل بذو الفقار مرة مرتين عشرة المشترك الذي تتصل به خارج منطقة التغطية ذبيت التليفون بالكاع

حَوراء :- ياااااا بوية تعااال شوف شصار بحالييي تعااال شوف بنتك الوحيدة شلون تنهان اااخ

الليل جان طويل أطول ليلة بحياتي نمت و فزيت على صوت أذان الفجر كمت فرشت السجادة وانا وجهي كلة دم وصليت جانت الصلاة هي الملجأ الوحيد دعيت ربي يفتحها بوجهي يخلصني من هذا السجن خلصت صلاة وكعدت بجهة القبلة عمي محمد ما راح يسكت راح يحاول يزوجني لأي واحد يدفع أكثر حتى يخلص مني وياخذ المهر و حكم لغز وياي ما اعرف هو فعلاً يريد يحميني لو هو أداة بيد ابوه

بقيت خمس ايام على هاي الحال خلصت العطلة وانا ممداومه بالجامعة و حكم بين يوم و يوم يبوك المفاتيح ويدخلي ماي و اكل

وبعد الخمس ايام وانا بالغرفة طب الشفية عمي وطب وراه حكم ولان جان ولاشيء على راسي عمي يسولف و حكم راح لميزي طلع حجاب حطاه على راسي

محمد :- والله زين بعدچ عايشة

حَوراء :- شكوو داخل لهنا شتريد مني؟

:- أكو رجال انا أعرفه رتح تزوجينه واذا ماصارت المرة هاي موتج على ايدي

— هههه ياريت على الأقل اخلص منك طلبتك عون صرتلي فرعون

:- اششش كومي ياالله غسلي وانزلي اكلي اسمني شوية

— الله ياخذككك

طلع عمي و حكم ضل واكف يباوعلي ماكدرت ألزم نفسي ضليت ابجي كعد كدامي حكم ووخر ايدي عن وجهي ومسح دموعي

حكم :- انطيتج وعد ماراح اكسر

حَوراء :- بس ابوك حالف يكسرني

— سمعت عندج خوال!

:- تحجي عشرة بالشهر

— ليش

:- خوالي متبرين من امي وكاطعين صلتهم بيها من زواجها يعني قبل 23سنة

— بس يبقى الظفر مايطلع من اللحم راح اسال عليهم وبلكي احصل واحد بيهم ان شاءالله يطلع أرحم من ابوي

:- واذا طلع ارعن

— بعد حظج من الدنيا انطيني هوية امج

:- مادري تلكاها بغرفة امي وابوي دور بيها وتلكة

— تمام هسة طبي اسبحي حتى ترتاحين وانا راح اجهز الج الأكل حتى تاكلين عدل

:- مشكور

— بدون شكر أنتِ بنت عمي وصرتي تاج راسي واعتذر على الصار بيني وبينج مستحيل اوسخج وياي بعد اعتذر حيل

:- لا عادي

عافني حكم وطلع وبعد يوم جنت بالغرفة انضفها سمعت عمي محمد يصيح على حكم

محمد :- ولك حكمم روح شوف هاي المصكوعة وين كللها تجهزز نفسهاا راح يوصلون الخطار وجايين يشوفونها ولك حكم وين نايم أنتَ

يعني صدك يريد يبيعني يريد يخلص مني بزواج تايه ثاني وانا لهسة جروحي ما طابت كلبي جان يرجف

حَوراء :- لا عمي والله لو على كطع ركبتي ما اخليهم ياخذوني انا مو خدامة عندك

رحت للشباج شفت سيارات غريبة بدت توكف بالباب خفت و ارتبكت ردت اشرد بس وين اروح ومنين اطلع عمي قافل البيت كلة بس باب الشارع الي هو كدامة مفتوح …

انفتح الباب مال الغرفة ودخل عمي محمد وهتف وياي

محمد :- يالله يا عروس كومي غسلي وجهج ولبسي شي مرتب الجماعة برة منتظرين وناويين يشترون الغالي

حَوراء :- ما اكوم وما البس وما اشوف احد بس اريد اعرف لك أنتَ شنو من ملة ما تخاف من الله؟

تقرب مني لزم فچي بقوة وعصر وجهي وصاح بيه

محمد :- تكومين ورجلج فوك راسج والابتسامة ما تفارك وجهج لو والله يا حوراء اسوي بيج شي ما سامعة بيه لا بالاولين ولا بالاخرين افتهمتي

شمرني وطلع بقيت ابجي واطك الكاع بيدي سمعت صوت ضحكهم بالصالة الدنيا جانت تمشي عكسي بس بداخلي جان حساس لازم انتظر لان يمكن الفرج قريب ما سويت شيء بقيت بمكاني ورجع عمي دخل عليه وصاح بيه بهمس حتى الجوة ما يسمعون

محمد :- كوومييي يلا الرجال جوة منتضر يريد ياخذج

حَوراء :- شنو هسة ياخذني

— هذا الصار يلاا ساعة ميكدر يتاخر جهزي روحج بسرعة

طلع من الغرفة وانا كمت قفلت الباب وضليت ارجف شنو اسوي مااعرف! رحت شلت تليفوني وماجان عندي بس هذا القرار على طول هاي الخمس ايام جان بين فترة وفترة شبر يتصل عليه وانا ما ارد بس هسة مابيها مجال قوة شبر الوحيدة الي توكف عمي عند حدة اتصلت عليه ولمن رد عليه

شُبر :- الوو؟؟

حَوراء :- شبر وين أنتَ ؟

— خير شبيج

:- تعال الي بسررعة الله يخليك

— بس فهميني ذو الفقار شبي صاير شيء وياج؟

:- ولك ياا ذو الفقار انا بيت عمي وراح يجيب رجال مدري منين ويريدة ياخذني

— شنهي رجال ياخذج غير أنتِ مرة ذو الفقار؟

:- مااكدر اطول بالحجي الله يخليك هذا عمي راح يبيعني تعالل والله راح اروح بيها مالي غيرك ابد والله

— خلص دقائق وانا يمچ بس دزيلي العنوان

:- صاار

— لا تخافين وهدي نفسچ

سديت التليفون وصرت انتضر واباوع بالشباج واريد اشوف سيارة شبر توكف ببابنا حتى كلبي يرتاح واكول صرت بأمان بس مر وقت هواي و شبر تاخر وكلت ماراح يجي وصلا ليش يجيني وانا سويت بيه كلهذا

بعد ما تاخر شبر عميي صار يدك بالباب مثل المخبل وانا واكفة كدام الباب و الجرباية وراي و اصيح عليه واكله ماراح اطلع وبعد ربع ساعة قرر يكسر الباب

ما وخرت وغيرت مكاني لا بقيت واكفة مثل وكفتي كدام الباب ووراي الجرباية وعمي يدفر بالباب ما احس الا الباب نخلع من مكانة واندفر باتجاهي وكعت على الجرباية ووكع الباب على رجلي اليسرى ضليت اصرخ من الوجع

وهو معصب مني اجه لزمني من شعري وضربني راجدي لان كسرت كلمتة والزلم راحو لان تاخرت عليهم ووكع ضرب بيه وهو يصيح ويكلي

محمد :- تردين تخسريني الفلوس ولج فوك الفلوس مال سيف علي الرجعتيهن وهسة اجيتي لهذا! ولج راح اخذ الفلوس وتخلصيني من شرج

هو يحجي وياي ولازمني من شعري انا ابجي ومغمضة عيوني للحظات صوت محمد اختفى وأيده انشالت عن شعري والباب انشال عن رجلي وشيء من القماش صار على وجهي عطره غريب

فتحت عيوني لكيت كدامي شُبر وشماغة غطة شعري وجان عمي محمد واكع بالكاع ودمه نازل من راسه مادري بيه مات لو لا جان شُــبر ضاربة على راسة بطرف سلاحة

باوعت عليه وهو يبتسم الي وهتف وياي

شُــبر :- أنتِ بـ أمان شُــبر الصادق و ….

صوته بدأ يتلاشى لان خلصت طاقتي من وجع رجلي و راسي مال شعري وكعت لورة على الجرباية واغمى عليه ….

يــــتــــبـــع

— ‏كل شيء في حياتك درس، من لجئت له خوفًا ولم تجد طمأنينة، من أحببته بدفء وأحال دفئك إلى صقيع، من لم تستطع النوم يومًا من أجل خيبته التي تحولت إلى أرق، من كان البريق في عينيك واليوم هو سبب إمتلائها المفاجئ بالدموع. دروس، وإن سحقتك، تأخذ روحك، لتضع بك روحًا أشد قوّة للمواجهه، والنسيان.

لـــ هنا وانتهى المُنْعَطف الحادي عَشر ⚔️ 🌊 متابعة لحسابي بالنهاية @oo_ll13

رأيكم وَزاتيّ وتعليقاتكم الحلوة وتفاعلكم الي أحبه وتصاميمكم ونشركم عن الرواية أهم شيء التصاميم والنشر حسب التفاعل اني حيل جاي اتعب بالكتابة وابسط شيء التصويت ماجاي تصوتون التفاعل ما عاجبني حيل 👎🏻👎🏻👎🏻

وإن شاءالله اشوفكم بــ مُنْعطف جديد

تعالوا لقناتي بالتلكرام نسولف كلشي هناك مانكدر نحجي شيء هنا
( الأبطال موجودين بيها )

12,402 كلمة

اللهم صلّ علىٰ محمد وآل محمد

— اسْتَكْثِرُوا مِنَ الْبَاقِيَاتِ الصَّالِحَاتِ : التَّسْبِيحُ وَالتَّحْمِيدُ وَالتَّهْلِيلُ وَالتَّكْبِيرُ وَلَا حَوْلَ وَلَا قُوَّةَ إِلَّا بِاللهِ

— ﴿ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا ﴾
— سُبحــانَ الله
— الحمــــدُ لله
— لا إلهَ إلا الله
— اللهُ أكبـــر
— لا حَول ولا قوة إلا بالله
— سُبحــان الله العَظيــم
— سُبحــان الله وبِحَمـده
— أستَغفِــر الله وأتوبُ إليه
— اللهُمَّ صلِ علّى مُحمد وآل مُحمد