أهُنتُ عليك؟ الفصل الثالث والعشرون 23 - بقلم نهى

أُهنتُ عليك؟

للكاتبة nuha-d-h

مرت الايام وبدت حالة سلوى تسوء بس رغم هذا ما تركتهة لحظة وحدة وكعدة دائما اقيس الضغط والسكر بالاجهزة الي جابهن جراح حتى استخدمهم
وانطيهة دواهة باوقاتهة
مرات اسويله شوربة خضروات تفيد الگلب وتنشطة
واكعد اوصيلهة على عسل صرنا وحدة تسولف للثانية عن مواقفنا بالمدارس وهي تسولف عن اخوانهة واني اسولف عن رفل اختي وخبالاته وهي تضحك صرت علاقتنة علاقة خوات لان احنا الاثنين نحتاج لشي واحد وهو الاطمئنان ان باجر نكون بخير
تحجيلي عن جراح وشيحب وشنو يكره احس بيهة صديقتة اكثر من زوجته

وصارت ترسلي زينة بنته حتى تلعب وية جهالي

وشوية كعدت حالته تتحسن والدكتور من شافهة اثنى على عنايتي بيه حسبالة مأجرين ممرضة علمودهة
وطلب مني اذا اگدر ان اشتغل وياه والله بساعته طرت من الفرح لكن جراح عاط بالدكتور وبالسيارة ظل بس يحجي
جراح -هذا الدكتور اكبر مطي كلشي ما يفتهم بعد ما نراجع عندة
دائما احس على نظرات جراح بتجاهي
مرات احس بي يتمنى اسوي شي غلط حتى يتعارك وياي ويستغلهة فرصة ان يقترب مني كرجل وامراءة لكن هذا الشي مستحيل اقبلة على نفسي
لان هو يحب سلوى واني احترمه مستحيل اقبل بهذا يصير من وراهة

وفي يوم مهر صابرين كعدوا بيت عيالي الكل يشتغل على قدم وساق والعمال طابة طالعة واسمعهم هوسة وبنات عمامهم التمن
واني ما طلعت باقية بعالمي الخاص حديقتي واطفالي كعدنا بالحديقة والعب بحسوني وحسون طوبة
اتعودت ارد باب الملحق رد ما اخاف امان لان عمتي تجي وتدخل وزينةً وجهال قصي وجاسم مرات صارو هم يجون يلعبون وية جهالي واني اكعد اسويلهم حلويات وموطات منزلية صحية اريد احيطهم بالعناية حتى يگومون يحبون ويستمرون يجون لبيتنا اريد احسس اطفالي ان همة عندهم عزوة واهل واخوات واولاد عم عندهم عائلة تحبوهم وهمة ينتمون الهة مو دخلاء لا هم اساس العائلة ومرات يجون اولاد عماتهم افرح بيهم ان ما اخاف على اولاد لوحدهم بالدنيا كان هذا هدفي
حسيت على زينة وبنت قصي واولاد جاسم دخلو علينا وكعدو يلعبون طوبة بالحديقة فرحت اسويلهم عصاير وكيك خطية زينة -عمة عاشت ايدج اكلج عمة انتي تجين لحفلة مهر عمة صابرين
اني سكتت -ما ادري حبيبتي اشوف ابوج يقبل لو لا
اي عمة تعالي لان سمعت خالو نواف يگول لامي اريد اشوفهة واني احجي وياهة بنفسي لان بابا ما راح يوصلج الحجي
ظليت صافنة بحجي زينة
اهووو هسة انة بكل عقلي دخت بحجي طفلة
عمة تعاي حتى تتونسين وتركصين
هههههههههه اي عمة عمتج خوش تركص
وديتلهم العصاير وكعدو ياكلون ويشربون
بنت قصي-ترة همة صرفونة يمج حتى تبقين يمنا تديرين بالج علينا وما نسوي هوسة يذاك البيت
-اي هو اني راح ادير بالي عليكم
ابن جاسم بالخامس ابتدائي جنت لابسة ثوب قصير زنادي وظافرة شعري كصيبة صفح
ابن جاسم-اكلج عمة الله عليج روحي للحفلة بالقران تكسرين عليهن كلهن حتى على عمتي صابرين
لان انتي حلوة
-احم هاي شنو مگلوبة روضة
دخلت للملحق قبل عشر دقايق وكعدت اباوع للجهال بالحديقة وكاعدين بالگاع على الثيل داير ما داير رسل وهي بنصهم توزعلهم كيك وعصير واحد من اولادهة واكف بظهرهة وشابگ رگبتهة من ورة وهي گاعدة بالگاع والثاني گاعد بحضنه متجي على صدرهة الواضح من دلعة الثوب اخ الله والجح اوشوف بعيوني الشامه طالعة مبينة من صدرهة الايسر واتمنيت اروح على شامتهة كبل بدون كاف لام وابوسه وبعدين اعضه على كيف وارجع ابوسهة اووووف انة شجابني هذا هم حظي الي يجر رجلي جر لعندهة
سمعت حجي الجهال وياهة واتخبلت من
حجي زينة الظاهر نواف ماناوي يعوف الموضوع الا اكسر راسة وامسح بي الگاع بسيطة ينواف
جراح
ولك رائد شتسوي گاعد هنا جنك مرة وية البنات
رائد بفزة -هَـا عمي انة حنت العب طوبة وية الجهال
جراح التفت على رسل يباوع عليهة وهي تباوع عليه رافعة تك حاجب
بمعنى شعندك جاي يمنا
رسل -جراح اكدر اروح لمهر صابرين
جراح وبغيض-لا ماتروحين شعدعج رايحة كعدي يم جهالج وسكتي
رسل -ليش هو هنا نهر رسل بنفس البيت عفية خل اروح اريد اشوف حفلة المهر شلون تصير والله عمري ماشايفة مهر
جراح -انتبه على الجهال شلون يباوعون عليهم
انة كلت ماترحين خلايعني ما ترحين وسدي الموضوع
رسل بغيض ماحجت لان تعرف منا الجهال وخاف ينقلون الكلام
هسة انة شبية كاتلة روحي على الحفلة اشو حتى محد گلبني واصلا ما عندي ملابس حتى اروح خو ما اطلعلهم بجبة حتى يبدي التصنيف والضحك علية
يالله اباوعلهم من الشباك عادي وابتسمت بينه وبين نفسهة بفرحة لان الحفلة بالحديقة مالت البنات والعمال سوهة تجنن بالاضاءة والكوشات وسوو ممشة كلة اعمدة مضيئة مبين عليهة حفلة كلش ضخمة وانة البطرانة اريد اروح للحفلة عمي گعدي وسكتي لاتفشلين نفسج كدام الناس
جراح اباوع عليهة ماحجت شي
اريدهة تعارضني ماكو ونوب بعدهة ابتسمت خرب بالحظ شلون فز گلبي على ضحكتهة هاي مجرد شفت ابتسامتهة لعد من انام بحضنهة واسوف سعادته بعيون شي يصير بية
بس والله مو بيدي ما اكدر اخليهة تروح للحفلة وادري سلوى راح تخلي نواف يحجي وية رسل علمود موضوع الخطبة
اني بوكتهة كمت اعيط وعصبت على يلوى شلون تتجرأ تفتح هيج موضوع وياي شنو قابل انة گرن
ورفضت رفض منعا باتاً
وگمت نواف ابن عمي ما اشتيهي بعيشت الله
ممت بس اتعارك وياه على اتفه الاسباب
وهو هم لاحظ هذا الشي لان انة وياه علاقتنة قوية
دخيلك يا رب هذا ياحب هيج يسوي بصاحبة ويغربلة ويبهذل احوالة ويخليه لا ليلة ليل ولا نهارة نهار
شسويتي بية يرسل المشكلة هي تنظر لي على اني
ورقة امان الهة ولاولادهة لا اكثر
يعني والله لو ما موقفنا بذاك اليوم
بيوم السنوية بغرفتهة واستجابته وياي واستسلامهة جان كلت ان انة مو بالهة
وانتبهت عليه شلون عيونه تحجي من تشوفني

انة طالع مامحتاجة شي
رسل -لا سلامتك
طلعو الجهال كلمن راح لاهل حتى يبدلون مابقى شي على الحفلة
واخذت حسن وحسين سبحتهم وبدلتلهم قوطهم للن خاف تجي عمتي وتاخذهم هي والبنات
ورة ساعة اجت عمي ام زامل والبنات وياهة وشافني ما محضرة نفسي للحفلة ومخلصة الجهال
رواء-ليش مامبدلة بعدج لحد هسة
رسل -جراح ماقبل اروح
رشار-اهووو هذا شكد حقنة هسة هَـا مو سلوى راح تحضر
رسل-حٍٍِْــًبٌٍـي مو الا ماتسوة اسوي مشكلة على شي تافه
انة اهم شي اولادي عندي
ام زامل ببتسامة-الله يكملج بعقلج والله خالة انتي ذهب مصفة
وسل -اشكرج
روان شالت حسين
يالله امشونا هم يالله
وخذو حسن وراحو
اني عفت الباب ماقفلتة خاف الجهال يتعبون يرجعوهم الي
رحت ركضت اباوع من الشباك
وشفت مسوين ستيج ثاني وثبتو مايكرفون عليه وعدة موسيقى الظاهر مو ديجي يمكن راح تجي وحدة تغنيلهم
ورة فترة قليلة شفت المعازيم بدت تتوافد على البيت همزين بالحديقة الحفلة والله ربي حابني لان يمكن اموت من الفظول اذا ما اشوف
وكعدت مكرفصة روحي مثل الطفلة مقابل الشباك الحلو بيهم جامة الشباك تشوفين الناس البرة بس همة مايكدرون يشوفونج جام عاكس
الله شفت جابو بعربانة كيكة ثمن طوابق
ونقلوهة على ميز يجنن بالترتيب والديكور وشفت رشا نازعة عبايته تجنن بالفستان ورواء وعمتي ورنا وروان مانازعات الاسود هدومهم حلوةمال مناسبة بس سود
وسلوى لابسة فستان مال حمل وطالعة كيكة لايك عليه الحمل
والبقية شنو من لبس الله يستر عليهن خلاعي بالايام العادية شكد محتشمات ولا يبين عليهن بالحفلات بلبسهن هذا لوفة بالتسعين عن الايام العدية بس الحلو بيهم ملتزمين لا اكو نقالات تصور وبس المصورة تصور
انتبهت على عزام يحوم يم باب البيت وشفتة شلون اشر لرشا وهي راحت عليه وباوع عليهة خجلانة وهو فرحان بشوفته وبعدين شفتة سحبهة ودخلة على الصالة
ونا اعرف شراح يسويلهة
مرات اتمنى روحي ذبانة حتى اكعد اباوع براحي وحد يشوفني وبراحتي اتنقل ههههههههههههههه هاي احد امنياتي اني ورفل وينج يرفل تعالي شوفي البنات شنو يلبسون والله لو هي هنا تتخبل احتمال تحط جراج وتكتلة ويطلع من الملحق هدومة مشككة ههههههه
الله وينج يرفل وين ايامنة
جريت حسرة
خرب خظي هاي شنو دخلن نسوان سمرات طوخ يني عبيد (كلنا عبيد الله)
وگعدن على الستيج وقربن السماعة وصارن يرتبن ادوات الطبل سمعت وحدة البنات تصيح اجن الداگوگات
(معناهة فرقة نساء متكاملة من مغنية وياهة بنات يطبلن على الدفوف ويرددن وراهة الاغاني قريبة على الطور الخليجي)
يمة عزة هاي شنو بدت تغني شلون صوت حلو وبددن يطلبن ايقاعات تجنن تركص الما يركص ونزلن البنات دگ ركص وانة من يمي كزكزت على الركص
كمت رحت طلعت من كنتوري تنورة حيل قصيرة وضيكة وبدي صلاخي طالعة حتى بطني وفتحت شعري يرح ورحت مقابل المراية ماعندي ميك اب بس قلم حمرة وردي حطيت منة على شفايفي وعلى خدود شوية حتى يصيرىن ورديات اباوع على شفايفي برزن
وفتحت گصيبتي ونزلتة صار على خصري وكسر عبالك ويڤي صار مكسر حلو
وصرت اشاركهم الفرحة واركص واضحك على نفسي لان ما اعرف مثل البنات الي جاي يركص برة بالحديقة ركصهن اكحترافي يجنن وكعدت اقلدهم بلكي اجيد الحركة وهزيت بخري عبالك وحدة كسيحة هههههههه يعني صدك ونست روحي بوكتهة ورحت لبست كعب عالي انطتة الي رشا الله يذكرهة بالخير هو وكم شغلة من ملابسهة الي هسة اللابستهم انة بس شوية ضيگات علية بس عودك شنو الا بشدة بس لو اعرف اركص اخ
خلصت الاغنية يمي ماي بصفي على الميز صكيت عليه من العطش ههههه والله لو واحد يسوفني يگول هاي مخبلة اوف الحمدلله محد يشوف
سمعت صوت تحف طاحت
انة نزيت بشهگة وايدي على صدري من الخوفة التفتت
عزة هذا جراح وجهي گام ينطي الوان اجيت ابجي
اةةةة اةةة جراح انت من شوكت هنا
جراح وهو بغير عالم عقلة مويمة عقلة فاصل من الي شافة من هاي الحلوة الي جانت گدام تركص وتضحك وتسوي حركات تثير حتى العاكف
يالله دخليك الله سترني وما خليته تروح للحفلة جان اتخبلت عليهم شفته
انزت من شافتني وارتبكت صارت حمرة
شفت رجلية تاخذني عليهة
اباوع عليه جامدة بمكانه
اخ الله هاي شوكت راحت لاحلاقة
جراح -شنو راح تطلعين للحفلة
رسل وهي تهز راسهة بلا
-لعد كملي حفلتج خاف قاطعتج
رسل شلون الفارة الحشورة بزاوية
والله فشلة دنگت عزة انتبهت على ملاسي
هاي شمصخمة بروحي اجيت ابجي من الفشلة
جراح-يارب احمد واشكرك ماخليتهة تطلع ويشوفون جسمهة الي كلشي بي جاي يصيحني يكلي تعال
المسني احس بروحي رحت يمهة شلون المنوم مغناطيسي رجعت على ورة وتوقفت جامدة قرب السرير

اخ بوية هاي ملكي وحلالي كله الي
شلون اكدر امنع نفسي عنه
قربت عليه وصغرت المسافة بينا ولزمت شعرهة وشميته
-شوكت رحتي للحلاقة
رسل برجفة -اة ما رحت والله بس انة ستوني عدلت نفسي --

جراح دايخ بشفايفه هي تحجي وانة ما اتحملت قطعت كلامه بوشفة على شايفهة الغايضتني وشاعلة ابو ابوي
حسيت بأمتلاء الشفايف داخل شفايفي رجف جسمي بحساسي بيهن ماجني رجال ابد صرت بلحظتهة ارهف مني ماكو
وهي ماقصرت غمضت عيونه وهي ترجف على لمستي الهة واحس بنفاسهة تتسارع زادة من شغفي عليهة وثارتني
اخ الله گلبت كياني ولعبت بحالي لعب بدون ماتشيل اصبع وتعب نفسهة
زين هاي لو تحاول تغريني شراح يصير بحالي احتمال اصير ماي بيدهة
ما اتحملت شفت السرير خلفهة ودفعتهة على كيف على السرير وهي كعدت عليه ورافعة راسهة وعينهة بعيني ابد ما انقطع اتصال عيونا وخليت ركبتي بصفهة على السرير ودفعته استلقت على ظهرهة اباوع على صدرهة يريد يطك من البدي وبتنفسه السريع لفت انتباهي على شامتهة الي صارت امنية احتلت احلامي حتى اشوفهة والمسهة
دنگت على صدرهة بكل هدوء حتى ما اقطع اللحظة واخوفهة ولمست الشامة بشفايفي واتبعهة لساني
حسيت على رجفت جسمه وهي تحتي لزمت وعضيته برقة وسمعت شهكتهة الي جننتني
اخ الله هاي رحمة الله
جراح-رسل اريدج الي ملكي حلالي ومرتي لاترديني
رسل بفزة شلون العبالك جانت نايمة بحلم وواحد صحاهة من الحلم
دفعت جراح من صدره العاري
وايدهة ترجف وكعدت تعدل بملابسهة وتنزل بتنورتهة برتباك
وبصوت هامس يرجف -لا لا جراح ليش تسوي هيج وياي
جراح-لاتنكرين انجذابنا لبعض وتجذبين اللحظة ترة احنا واحد يريد الثاني وبلهفة لا تنكرين هذا الشي
رسل -جراح ما انكر انجذابي الك بس اسفة انت تشتهيني بغريزة يعني مو بحب ومودة فهذا الشي راح مايكفيني
لان اعرف كلش زين من راح تاخذ حاجتك مني بعدهة راح تتندم على اقترابك مني وحتى وان كلت مراح تتندم لكن راح يجي اليوم الي تشبع نزواتك مني وتتركني لان عمر الشهوة ما كانت اساس الارتباط

بعدهة تركت جراح على السرير لوحدة وراحت للحمام
وحبست نفسهة بي لحد ما سمعت صوت باب الملحق انغلق وگعدت على ارض الحمام تبجي حبهة تبجي لهفتهة وصدمتهة من معرفتهة انها حبت جراح من كل گلبه وتهدمت جميع الحواجز الي بنتهة حول گلبهة حتى تحمي نفسه من هذا الالم الي هسة جاي تعيشه

اتمنى لكم قراءة ممتعة
اشرحوا لي القلب
بتعليقاتكم لمشاركتي بأرائكم