أهُنتُ عليك؟ الفصل الرابع والعشرون 24 - بقلم نهى

أ هُنتُ عليك؟

للكاتبة
Nuha -d-h
سولاف -الو رفل
رفل-هلة بيج سولاف هَـا بشري
سولاف -طحتلج على عنوان ورقم نقال زوج اختج
الثاني
ولج طلعت اختج متزوجة واحد ثاني غير رجلهة ورجلهة الاول اتوفى واتزوجت ابن عمة وصاير عندهة توأم اولاد من زوجهة الاول
رفل وهي تبجي على حال اختهة والصار بيهة والجاي يصير حاليا بيهة كلة من وراهة-
-يمة سودة علية يعني من اجتني جانت تاركة اولادهة اثنينهم الله يساعد گلبج يارسل زين ومنج تباوعين بوجهي
خية سولاف رحمة الله والديج تعبتج وياي وجميلج ما انساه
سولاف-اهووو راح تگلبهة على راسي دراما هندية ولج عوبة انتي اختي الماجابتهة امي كم رفل عندي قابل العشرة
رفل -حبيبتي الله يوفقج
رفل
حياتي من بعد وفاة امي واختفاء اختي جدا اتغيرت وتغيرت وياهة رفل ومن صار عندي محمد وهسة دينا عمرهة شهر
هواي اشياء تغيرت من رفل المغرورة النحيسة الانانية الي مامنتبهة على نفسه هسة يالله حسيت على روحي شكد جنت انانية وبأنانيتي ضيعت اختي وامي وبيتنا
اباوع على اطفالي واحجي وية نفسي شلون اذا واحد بيهم اذا قرر بيوم ان يبيع ويضحي بنفسة وبمستقبلة علمودي احتمال اتخبل او اموت ما اكدر اتخيل واحد من اطفال يصير بي هيج
وصحيت على روحي اني شكد عذبت امي واختي بعنادي وتمردي وحاولت ارجع علاقتي وية بيت خالي وبدت اقويهة شوية شوية لان رفل الام المسؤلة
هي الي خلتني اقدم على هيج خطوة
وقوت علاقتي وية خالي وسولفت الة كلشي بالبداية زعل مني وكلش انقهر على حال رسل واتندم على طردة الهة ونوب قوت علاقتي وية ابن خالي امجد هسة هو بكلية الصيدلة
انطتني سولاف رقم نقال زوج رسل اسمة جراح
كلش فرحت وجنت طايرة من الفرحوحسيت بالامل حتى لو اضطر اتوسل لزوجهة حتى يخليني اشوفهة
فمرة اتصلت على جراح
وعرفتة علية وهو بالاول كان متردد مني ما مرتاحلي
وبعدين گدرت اخلي يسمعني وحجيت لجراح عن كلشي صار برسل ان انة وراه وهي ماعندهة اي علم بالعقد والاتفاق
جراح بالبداية كلش ضاج وعصب علية وسمعني انواع الاهانات بس بقيت اترجاه وابجي عسى ولعل اكسر خاطره ويحن علية ويتوسطلي عند اختي حتى تخليني اشوفهة وتسامحني
جراح-اسف رفل السويتيه بأختج لايغتفر لكن لخاطر رسل لان اعرفهةواعرف گلبهة الطيب واشوف بعيونهة مرات تحن الج ودائما اسمعه تحجي للبنات عنج لذلك اختج بعدهة تحن عليج لكن انطيني وقت حتى انة يخف غضبي عنج وبعدين احاول اشرح لرسل على تغيرج وندمج ومن اشوفهة تتقبل الامر بعدهة انة اتصل عليج
يالله مع السلامة

جراح-انتهى الاتصال من رفل اخت رسل وانة بغير عالم مصدوم شنو معقولة اكو هيج ناس يعني ماصدك اخت تسوي بأخته هيج شي شلون انطاهة گلبهة تأذيهة
يالله هي وينزجانتلي
على الاساس گلبي ماغرگان بحب رسل وهسة هذا الموقف جمل الغرگان غطة
عرفت واكتشفت ان حٍٍِْبي لرسل يختلف عن حٍٍِْــًبٌٍـــِٓېٍٓ لسلوى حبي لسلوى حب الطفولة والرحمة والمودة لكن حب رسل كان حب بشغف وجنون وولع ما اتخيل احد ياخذهة مني او ينظر عليهة مثل ما اباوع عليهة بعيوني من تاكلهة اكل وكان اخر موقف بيني وبينهة علقني بحبال حبهة وقيدتني ووشمت على الگلب بختم حبهة بدون ما تبذل اي جهد من ناحيتهة احتلت روحي بدون علمي مثل الغزو بدون استأذان

رسل
حبي سلوى على كيفج امشي لاتعبين حالج
انيطيني اني اكمل عنج شغلج
صعدت فوك لغرفة سلوى لان ما گامت تصعد مع تقدم الحمل مالتهة يصير جهد على گلبهة صعدت اجيبلهة ملابس حتى اسبحهة وتفاجئت من شفت جراح بالغرفة جاي يبدل ملابسه ردت اطلع بسرعة بس صاحني
رسل اوكفي لحظة
توقفت واني دايرة ظهري عليه
فوتي شنو ردتي
رسل بتردد-ردت اخذ ملابس لسلوى حتى اسبحهة
جراح يوم عن يوم يكبر حب رسل بگبلة ويتوغل تحت جلده وتكبر بعينه يالله شكد طيبة وحنونة هاي الابنية
فوتي اخذي راحتج الملابس بالكنتور
دخلت واني مترددة ورحت مباشرتاً للكنتور حتى اطلع ملابس لسلوى
بس كمزت من سمعت مفتاح الباب انغلق بسرعة التفتت وعيوني مفتوحة على وسعهن وگلبي يدك حيل مثل الي جان بمطاردة مع الثيران صارت دگات گلبي بأذني
-اة اة هاي شنو جراح ليش قفلت الباب فتحة عفية (حجتهة بتوسل شلون الطفلة الخايفة)
اخ الله عبالهة منن تتوسل بهاي الطريقة تكسر خاطري ماتدري تزيد النار الي بگلبي بهاي حركاتهة

جراح -ماحزرتي دخول الحمام مو مثل خروجه
رسل بعد ما اتحملت لان تعرف بروحهة بس يلزمهة گبل تسلم نفسه الة وبلهفة بدون تردد وهي ماخايفة من جراح
لا هي خايفة من نفسهة لان خاف تفضح مشاعرهةونفسهة گدام جراح
بجت -لاعفية جراح لاتقترب مني
جراح وهو يقترب
-ولج مو شعلتيه لگلب جراح شلع مو نعلتي ابو ابوي
بهذا صدج ولج انتي حلالي انتي الي وما اكدر اوصلج ولج حبج جرة بدمي مو نزوة وتعدي ولاشهوة وتنطفي ولج هذا بركان بگلبي خامد بس من يشوفج يثور صدگني وسدج امين كمت اهذي باسمج حتى بالشغل
كمت حتى ن انام ليلي افز من النوم وعلى الساني اسمج ولج حتى سلوى درت بحبي الج وما كدرت اداري عليه واضمة بگلبي عنهة هي بنت عمي وربت وياي وتعرفني من الصغر تدرين شنو جان جواب سلوى من عرف بحبي الج الوقت
-حقك تحبهة ياجراح لان رسل انسانة طيبة وتنحب اني بنفسي حبيتهة لكن اني اعرف مكاني بگلبك واني اول حب الك فمسيطرة ان ما راح تتغير علية لو مهما كان لان ما الحب الا للحبيب الاولي
وما اكدر امنعك عنهة لان اكو رب يراقب ويكره الظلم وهي هواي انظلمت بحياته فتستحق ان تنال ولو جزء بسيط من حياة الزوجية المحبة
بس هَـا دير بالك تحبهة اكثر مني والله اموتك
جراح وبضحكة -اشتغلت الغيرة
سلوى-اي اغار واحبك واموت عليك لكن القدر فرض علينا شي غصب عنا ان يدخل وحدة عندهة اطفال بنص حياتنة هولابيدهة ولابيدنا كلة بمشيئة الله
واليحب ما يترك حبيبة لوحدة يعاني واني ما اكدر اتركك تظلم بنية بعدهة بعز شبابهة وهي بأعز حاجتهة النة
وكلما اشوف عيونهة اشوف بيهن دائما الامتنان بأتجاهنة خطية احلامهة بسطة تريد تعيش مع اولادهة بامان
فاحكم بينا بالعدل لان ما اريد الله يعابيك ويعاقبك عليهة
لان هي هواي انظلمت بحياتهة

اقترب جراح من رسل وباسهة من راسهة ولج اموت عليج يا لهفة بحلم وردي اشمج واحضنج واطير من الفرح لان محد يفرح بگدي
رسل ودمعتهة على خدهة حضنت جراح وشمت صدره وخلت راسهة على صدره وسمعت دگات گلبه
الله يا جراح حضنك امان ودفة للعايش بغربة
الله حضنك الي وطن يحيي بيهة دكات كلبي ونبضة
رسل
جراح خليني اتعود واتقبل فكرة انت تصير حلالي بس انطيني وقت حتى اتعود عليك
ابتسم جراح انطيج عمري كلة وقت فكري بية وانة ابقى انتظر لحد ما موت
اسم الله عليك حبيبي
اخ الله وتگول انطيني فرصة ووقت وهذا كلامه يطير العقل
دفعتة واخذت ملابس سلوى ونزلت
وراحت عند سلوى تسبحهة
ويوم عن يوم بدت سلوى حيل تتعب من قلبهة لكن رسل ابد ما تركتهة وبقت وياهة حتى گامت تجيب اولادهة ببيت عيالهة

ودخلت سلوى بشهر التاسع من الحمل وكلش تعبانة وصارت صفرة وكلة نايمة بالسرير
رسل حبيبتي
اوصيج بزينة ديري بالج عليهة وديري بالج على جراح ترة هو يحبج ويريدج حلالة انطيه فرصة وخلي يتقربلج لان انتي تستحقين تعيشين مثل اي متزوجة وتتمتعين بحياتج
بس هَـا مو كلة الج صحيح انتي مثل اختي واموت عليج بس ترة اغار يوم الج ويوم الي
ظلت رسل تضحك وتبجي على كلام سلوى
ولج لانحجين هيج طولت العمر الج ان شاء الله تجيبين وتگومين على حليج وتفرحين بابنج وتصيرين قوية علمود نظل اني وياج نتعارك ونصير من الروس على جراح مثل الشرايج
سلوى ببتسامة-ولج حتى لو الله كتبلي عمر ما اتوقع راح احب ازاعلج اتعارك وياج اي بس نرجع نتصاحب مثل الخوات انة ما انطاني الله اخت وموقفج وياي عرفت معنى الاخت شكد حلو شعور البنية من يكون عندهة خوات
وبقينة نضحك ونبجي واحنا ايد بايد

وبعدهة بيومين واني كاعدة بالملحق وقت الظهر وكنت شايلة حسين لان وگع من القنفة على راسة وظل يبجي
وحسن كاعد يشخبط بدفتر التلوين بالالوان
سمعت صوت صريخ وعياط من بيت عيالي
ففزعت من الصوت واخذت شالي وجان بعدة حسين بيدي شايلته وركضت لبيت عيالي وشفت وجه سلوى اصفر وجراح لازم ايديهة بخوف وهي تتطلك وتصيح بوجع
اني گبل نزلت حسين من ايدي وركضت على سلوى
ونزعتهة شالهة وفتحت دكم الثوب وجبت جهاز الاوكسجين لان عرفت قل الاوكسجين بدمهة لان قبلهة كلش ضعف
وما گام يوصل اوكسجين للدم والطفل
وبصوت عالي
جراح شمنتظر بسرعة اركض شغل السيارة ترة يلوى عندهة حالة ولادة
جراح ونواف ظل واحد يدعم باللاخ من الخوف على سلوى وركض نواف شغل السيارة واني وجراح سندنة سلوى حتى نوصل سلوى للسيارة ركبتهة ورة بالسيارة بمساعدة جراح وبستهة من راسهة يارب ترجعين لاختج ولبيتج. بالسلامة وبجيت
وام سلوى گعدت بصفهة وجاي تحرك السيارة وتطلع من الكراج وجان اسمع صوت عاااالي
انخمط بيهة گلبي ويوگعة بالگاع التتفت واني ووجهي انبهت لونه من الخوف لان كان الصوت صوت صرخة حسن
ركضت مثل المفجوعة للملحق و
وجان انصدم ماكو اي اثر لحسن ابني بس تك نعاله قرب الباب الخارجي
والوانه المبعثرة على الگاع
واني اتخبلت وصحت بصوت عالي
وجانت سيارة نواف طلعت بالباب الشارع
جرررررااااااح
الحك حسن انخطف

اتمنى لكم قراءة ممتعة
مع تخيات كاتبتكم المخلصة
Nuha-d-h

لاتنسون شاركوني ارائكم