أهُنتُ عليك؟ الفصل السادس والعشرون 26 - بقلم نهى

أهنتُ عليك؟
للكاتبة nuha-d-h

جراح
ستونة واصلين لبغداد
واجاني اتصال من رقم رفل
جراح-الو هلة رفل شلونج
رفل وبخوف-الو جراح الحگني داخلة على الله وعليك
جراح بخوف
ورسل قريبة عليه تسمع الكلام وصوت اخته الي حنت عليه وكأن تعرف اخته التوأم طايحة بشدة
رسل لزمت ذراع جراح بترجي تريد تسمع صوت اخته
لان جانت كلش محتاجتة مثل الطفل من يشوف اهلة يظل يبجي عليهم
جراح يأشر الهة تصبر شوية يريد يسمع رفل شتكول

رفل-جراح ابن رسل المخطوف جان عندي بالبيت لان وصلني عن طريق صديقتي سولاف حسبالهة ابن صديقهة امانة لان هو على اساس راح يسافر وماعندة احد يبقيه عندة
واني ما اعرف بي مخطوف بس قبل شوية عرفت خاطفينة وعرفت بالصدفة هذا يكون ابن اختي رسل
والعصابة تعرف مكاني ويعرفون صديقتي مبقيتة عندي
فاني اتصلت على ابن خالي امجد وسلمتة الطفل من صفحة السياج الخلفي لان هسة بيتي مراقب جراح اني خايفة لان قتلو صديقتي عفية الحك علية لان خاف يجون و ما يلگون الطفل عندي ويسون بية شي
جراح -لاتخافين رفل جايج بمسافة الطريق ابقي ببيتج لاتطلعين
رسل وبخوف تسإل جراح-شكو شبيهة اختي
جراح بعدين افهمج بس خلي اجري كم اتصال للجماعة حتى يطوقونبيت رفل بس اطمني حسن بامان هسة

وهمة بالطريق لبيت رفل
حجة لرسل كل الكلام الي گالتة رفل
رسل -يمة سودة علية اختي جانت خايفة على وليدي
وبعدتة عن بيتهة حتى مايصير عليه شي وهددت حياتهة للخطر يمة عزة بس لايوصلون الهة قبل لانوصل

من وصل الخبر لابو سهير
امر العصابة يخلصون على رسل لان مابقى عندة حل ثاني
لان ما جان حاط بحسابة يفقدون الطفل ويرجع لرسل فالاحسن يقتل رسل

اتصل جراح على رفل من وصلوا لباب بيتهة وكللهة طلعي احنا بالباب

رسل وبكل لهفة من شافت اختهة طلعتلهم بالباب نزلت ركض على اختهة وحضنته وشمتهة بحنية واشتياق
لحضن الاخت العزيزة الي قاسمتهة جميع لحظات حياتهة بحلوهة وبمرهة بنت امهة وابوهة
رفل -افييييييييشششششش ياريحة امي ارويحة الجنة افيششششش يااختي العزيزة الغالية ااشتاقيت لحضنج ولسوالفنة وايامنا وليالينا وية امي حتى اشتاقيت لرزالتج الي
وباست ايد اختهة ورجعت ضمتهة لصدرهة

لكن شاء القدر ان يقطع عليهم لحظة الوصال الجميل

رفل وگعت عيني على واحد ملثم لابس اسود يصير بعد شارع عنهم وعرفتة هذا حامد صديق سولاف
لازم بيدة سلاح وموجهة على رسل وجراح ما منتبه للولد كانت عينة علينة
وكانت اختي رسل حاضنتني حيل وظهرهة صاير بتجاه الشارع وانة كان ظهري بتجاه البيت من هول اللحظة
كنت خايفة على اختي تروح مني مثل ما راحت امي اعرف نفسي ما راح اتحمل اعيش بعدهة
فتخذت القرار
ودرت اختي بكل قوتي وسرعتي وبدلت الاماكن وسمعت صوت رمي الرصاص وحسيت بشي ساخن اخترق ظهري ووگعت بعدهة بحضن اختي

رسل نزلت وحضنت حبيبت الطفولة وصباي وشبابي والعمر كلة بحضني جنت اتمنى اخليهة بظلوعي وكعدت اشم بيهة ريحة امي شفتهة نزلت على ايدي وباستهة واني رفعتهة ورجعت احضن بيهة لكن حسيت على اختي جرتني حيل بكل قوة ودارتني وهي صارت بمكاني وبلحظة سمعت صوت الطلقة واتبعهة ثلاث طلقات اتلقتهن رفل اختي بدل مني
ووگعت بحضني ووراهة ماحسيت الاوصار رمي عشوائي بالجو وقتلو المجرم
رفل وهي گوة تاخذ النفس وبصوت هامس-ساامحيني يابنت امي سامحيني يا اختي ونظر عيني اندعليلي الله يغفرلي سامحيني لان اذيتج

رسل بصوت مفجوع على اختهة الي وگعت بحضنهة وانترس حضنهة كلة بدم اختهة -لا على بختج رفل لاتگوليهة لاتسويهة وتعوفيني لوحدي ولج گومي مويومج هذا ولج رفل بعدني ماشبعت من يخيتي

رفل وباخرانفاس-رسل اقتربي مني خل اشمج حضنج اشتاقيت لحضن امي وبعده
رفل فارقت الحياة بين احضان اختهة العزيزة وكانت هذه اعز امنية علية ان تشوف اختهة وتحضنه لكن مع الاسف تحققت الامنية وكانت لها اخر الامنيات
رسل -لالا لا ااااااااا رفل لا ليش ولج ليش ولج شلون اهون عليج وتعوفيني لوحدي ولج جا ماگلتي هاي اختي خطية ابقيهة لوحدهة
ولج خية انا بعازتج لاتگولين ما ادري

(أهنتُ عليكِ
لتتركيني وحدي تائهة من في دروب اشتياقي لك معانقتا اثار الوئام الاخير
أهانت عليك الايام والليالي التي قضيناها في احضان امي
أهُنتُ عليكِ يا اُخيتي لتركِ وحيدتاً من بعدكِ)
بقلم (nuha-d-h)

بعدها مرور اسبوع من وفاة رفل
كانت حالت رسل تحزن الكبير والصغير
وفي مأتم عزاء رفل
تفاجئت من مجيء سلوى وام زامل وام جراح وخوات زامل لفاتحة اختي رفل وحسيت من شفتهم انة مو لوحدي بهاي الدنيا وان اكون ناس تشاركني احزاني وفرحي وعانقت سلوى بكل قوتي وكأن الله اخذ مني رفل ووهبني وعوضني بسلوى كانت نعم الاخت الوفية بوقفتهة وياي
ولايخلو موقف الحزن من
مروان كان رغم ان هو انسان مخربط بس كان يحب رفل وكان جداً حزين
وشفت اطفال رفل وحضنت محمد ابنهة وكانت هاي اول حضن مني لمحمد ودينا وطلبت من ابوهم يبقيهم عندي بايام الفاتحة وقبل لكن كان هو هواي متعلق باطفالة ويحبهم
من استلمت حسن من بيت خالي حضنتة ووگعت عيني على صدره وشفت كلادة رفل على عنقه حسيت بغصة بصدري لان ما لحكت اتهنا باختي وكانت خايفة على ابني اكثر من نفسهة

وبعد الاحداث توصل جراح وعرف منو ورة هذا المخطط كلة بعد ما لحگوا على سولاف وحجتلهم القضية كلهة وبما فيها مساعدة رفل لاختهة وابو سهير وسهير تم القاء القبض بعد اعتراف المجني عليهم ان همة مبعوثين من قبل سهير وابوهة علمود التنازل عن املاك زامل
وسحبو بنات زامل من سهير بعد ما القوا عليهة القبض
وصارن ببيت ابوهم عند جدتهم

اتمنى لكم قراءة ممتعة
مع تحيات كاتبكم المخلصة nuha-d-h