أهُنتُ عليك؟ الفصل الخامس والعشرون 25 - بقلم نهى

اهُنتُ عليك ؟

جراح

كان لحظات هي مجرد لحظات
كانت سلوى تتطلك وتبجي بألم وضعف وتطلب مني اساعده

واتبعهة عياط رسل وهي مفجوعة وتبجي
جرااااااح الحك علية
خطفوا حسن
انا احس الگاع تزلزلت من جواي
شلون شوكت وانتبهت بيد رسل نعال صغير مالت حسن وهي تبجي بخوفً وحرگة
رسل-سمعت صرخة حسن بخوف وبعدهة شفت نعالهة واگع بباب الشارع و
ما لحگت عليهم جراح الحك علية خطفوه
رسل وهي تمشي بضعف باتجاه جراح الي فاتح باب السيارة الخلفي مالت نواف جان يريد يركب بيهة
واقتربت منة ولزمت قمصة بثنين ايديهة من صدرة ورفعت راسهة علية بترجي وتتوسل بدموع
جراح داخلة على الله وعليك اترجاك ترجعلي ابني
جراح ابني اذا صار عليه شي اموت اموت والله ما اتحمل اعيش بعدة
جراح صار بموقف لايحسد عليه
بين مرتة التطلك وبين مرتة اللاخ ابنهة قطعة من گلبهة خطفوه
سلوى وبصوت هامس وهي تبجي على حال رسل
-جراح عوفني وروح اني وياي امي واخوية وعمتي
همة ياخذوني وما راح استفاد منك شي من تجي وياي بس تكعد تنتظر مراح تگدر تسولي شي
وخطية رسل لوحدهة ما عندهة احد وابنهة انخطف بسببي لان هي ترتكتة لوحدة بالملحق واجت علية حتى تشوفني وتساعدني يالله روح بسرعة

فعلا كان كلام سلوى صحيح
راح جراح وحرگ الامة حرگ بالاتصالات
وطلب الدعم من الروس الكبار حتى تهيئلة مجموعة جو ايدة لان هو شاك بناس الهم يد باختطاف حسن
ومنتظر بس يتأكد

سولاف -حبيبتي رفل اريد اطلب منج خدمة
رفل -كولي حبيبتي عيوني الج
سولاف -تسلم عيونج بس واحد جابلي ابنة لان هو راح يسافر كم يوم وماعندة احد يبقي عندة فطلب مني بحكم اني صديقتة گلي بقي عندج كم يوم لحد ما ارجع من السفر حبيبي وتعرفين اني كلش ملتهية بالصالون والشغل بالشركة والله ما فارغة فبقي يم اطفالج حالة من حالهم
رفل-خو مو وكح
سولاف بضحكة-لاحبيبي حيل هادي وما يطلع صوت
رفل-حبيبتي لخاطر عيونج راح ابقيه عندي
وجابت سولاف الطفل كان عمرة سنتين عند رفل
رفل من شافت الولد خايف ومتردد كسر خاطرهة عليه وماتعرف ليش گلبهة حن عليه عبالك شايفتة قبل

رسل
وعدة على اختطاف حسن ست ساعات
واجت خالتي ام زامل تركض مثل المخبلة على حفيدهة
وصادف بنات سهير كانو عند بيبيتهم واجو وياهة وبقو يبجون على حالي وعلى اخوهم واجن خوات زامل
نصبن مناحة وبواجي على ابن اخوهن لكن محد يوصل لحرگة گلبي وخوفي على بني صرت مثل اللبوة الي ياخذون منه جهالة تتوحش بخوف

واتصلت بجراح حتى اطمن على سلوى والف الحمدلله جابت بالسلامة هي والطفل مابيهم شي سالمين ويگول هذا كلة بفضل الله وفضلج لان انتي الي انتبهتي عليهة انطيتيهة اوكسجين حتى تساعدين الگلب ومسويتلهة الاسعافات الاولية والحمدلله خطية هي اول ما فكهة البنج سئلت عليج وعلى حسن حتى ما سئلت على ابنهة لو صحتهة كانت حيل قلقانة على حسن
رسل -يابعد عمري سلوى ربي يرجعهة بالسلامة الي ولبيتهة
جراح ما وصلك خبر عن حسن
جراح وبحزن لاوالله

وفي مكان اخر
سهير
اني هاي الماتتسمة رسل بنت الشوارع تتحكم بحياتي وببناتي وتحرمني من املاك زوجي وبنتي من تالي عمري وحدة زعطوطة تهددني بقطع المصرف والوارد عني وعن بناتي
ابوسهير-انتي صوجج ما تحركتي من الاول موكتلج لاتخليهة تحمل وتخلف ومن حبلت نصحتج تسقطينهَ
بس انتي عاندتي وكلتي لاتخاف بابا ما راح تأثر علينا هي مكانه هنا مؤقت
هاج استلمي هذا الجنت خايف منة صار شفتي هاي الاستهانيتي بيهة صرتي تحت رحمته وهي تتحكم بحياتج وبحياة بناتج
وتلعب بفلوس زامل لعب والله العالم راح تحن عليج بكم فلس لو ما تحن وانتي ظلي مكابلتني وگاعدة تنوحين
على حظج
سهير -گلي بابا شيطلع بيدي واسويه والله حتى ما اتردد عن قتلهة

بعد مدة
اجة ابو سهير فرحان
ابو سهير وبكل خباثة -شوفي بوية عندي الج خطة تخلي هاي المگموعة رسل واولادهة ينسحبون من حياتة ولا وبعد فوگاهة تتنازل عن كلشي الج
سهير بفرح-اي بابا گول عفية نورني
ابو سهير -شوفي بوية انة اندليت وعرفت مكان الناس الي اتعاملوا وية جراح لان هو ورة ترتيب سالفة البنية وصلهة لزامل
وعرف الروس الكبار الي جابولة البنية ومنين جابوهة
هذولي ناس واصلين وشغلتهم من تحت الميز يعني يرتبون ويكملون ويقضون على الاشياء اللي ما تكدر الروس الكبار توصخ ايديهة بي همة يكملوه الهم
فلا تخافين وداعتج بوية راح الدغ جراح من نفس مكان وكر الثعابين الي لدغني منة
واروح على نفس الناس الي لجألهم بسالفة زامل
لان ابد ما راح يشك لو واحد بالمية بيهم لان باعتبار همة من معاميلة وما راح يتوقع يطعنوه بظهرة
وشي اكيد الفلوس بذاك الوكت هي التحجي
سهير وبفرحة-بابا لو اعرف ابيع ذهبي كلة وحتى عيادتي ابيعهة بس كون تخلصني من هاي المگموعة رسل

اوگفي بوية جايج بالحجي
اتفقت وياهم ان يختطفون اولادهة من بيت جراح
اي وهمة جانوا منتظرين بس شوية تسنح الهم الفرصة واليوم سنحت الهم الفرصة بس مع الاسف گدرو يخطفون بس ولد واحد لان الثاني كان عند امه
وبهذا الولد راح اخلي رسل تبوس الايادي علمود نرجعلهة ابنهة وبعدهة راح توافق على كل طلباتنة وهي الممنونة وراح اطلب منة ماتجيب سيرتنا لجراح واذا فتحت حلگهة بحرف واحد لجراح واجابت سيرتنة بالموضوع يكون اخر يوم بحياة ابنهة

سهير وبضحكة فرح -عاشت ايدك بابا

وفعلا دك نقال رسل بعد خروج جراح
وكأن كانو منتظرين خروج جراح من البيت

وكان صوت المتصل خشن -شوفي ياحلو تنفذين طلباتنة بهدوء وتصيرين حبابة يرجعلج ابنج بحضنج سالم
تلعبين بذيلج وتخبرين جراح عن الاتفاق صدگيني راح يكون اخريوم بعمر ابنج حسوني هاج سمعي صوتة
سمعت صوت ابنهة يبجي بخوف ويصيح اريد ماما
رسل وبخوف وبصوت ناصي وكأن تخاف تاخذ نفس عالي ويروح ابنهة من ايدهة-والمطلوب مني شنو
-شوفي تتنازلين عن كل املاك زامل لسهير وترحين تسافرين لبغداد واحنا ننطيج خبر تتلقين بمحامي يخليج توقعين على كل الاوراق العندة وبساعتة تستلمين ابنج صاغ سليم لكن هااا احذرج ان تفتحين حلكج بحرف واحد وتجيبين سيرة الموضوع ترة حياة ابنج تعتمد على سكوتج

وكانت رسل مثل الواحد من كثرة وقوة الضرب صارت من الالم مثل المخدرة ماتشعر باللي حواليهة وكعدت بزاوية لوحدهة
دخل عليهة جراح وشاف وضعهة كسرت گلبه وراح عليهة وگعد بصفهة بالگاع وجرهة لحضنة وخلة راسة على گلبة
كانت هاي حركة امهة دائما تسويهة مع رسل من تتمرض او تخاف وهي رسل تعصر امه بالحضن حيل وكأن تستمد منهة القوة
فحضنت جراح قوي حتى تستمد منة قوتهة لازم تصير قوية لان هي هسة لوحدهة لازم تواجه الموقف
محد يكدر يساعدهة هي لوحدة واكفة بنص العاصفة

جراح -رسل حضري نفسج احنا لازم نسافر لبغداد
رسل وبأمل لان كانت تريد سبب حتى تقنع بي جراح يخليهة تسافر لبغداد حتى تلتقي بالمحامي بدون علمه وتتنازل عن كلشي
بس الله جابة الحل لحد عندهة
رسل بلهفة شوكت نسافر انة جاهزة ماعندي شي

جراح -اليوم جهزي حالج وتركي حسين عند خالتي ام زامل اامن
جراح
اجاني اتصال من الجهات المختصة ان حسن ببغداد
وشميت بس استغربت شوصلة لبغداد
انة جنت شاك بسهير وعمي همة ورة السالفة

بس دخت من سمعت حسن مسفرينة لببغداد هناك
زين شوصلة وشلون هاي الدخت بيهة
فطلبو مني ان اجيب رسل
واجي هناك لبغداد

وسافرنا بنفس اليوم لبغداد

رفل نزعت حسن وكعدت تسبحة واجت عينهة على الشامة بصدرة بجت وتذكرت شامة اخته الي بصدرهة والله تشبه هاي الشامة اقتربت من صدره وباست مكان الشامة
اخذتة وبدلته
وسمعت صوت نقالهة يدك
سولاف بخوف وهي فحطانة عبالك كانت تركض -
الو رفل
رفل -الو هلة سولاف شبي صوتج وگعتي گلبي

سولاف -سكتي رفل ماعندي وقت بس كل الي اكدر اكلج عليه اكتشف بالصدفة ان الطفل الي عندج طلع مخطوف
رفل -عزة بعينج ولج منين جبتيلي هاي المصيبة هذا تالية
طريقج الغلط
سولاف- لعد سمعي الاكبر منهة هذا الطفل البحضنج هذا يصير ابن رسل اختج مخطوف
وهسة الدنيا مگلوبة عليه
رفل وبشهكة وخوف على اخته -يمة سودة علية اختي هسة شنو حالهة
سولاف -ما اكدر احجي بعد شي بس صيري سباعية وطلعي الطفل من بيتج لان همة يندلونة
وفجاءة سمعت رفل صرخة الصوت بخوف من سولاف لان كان الاتصال بعدة مامقطوع
سولاف -لا لا لا عفية حامد لالا لاتسويهة
رفل بخوف -وسمعت صوت
رمية رصاص صوت طلقةوانقطع بعدهة صوت صديقة عمرهة سولاف
رفل -يارب دخيلك
كبل اتصلت على ابن خالهة امجد وشرحتلة كلشي
وطلبت منة يتلثم ويجي على بيتهة حتى تسلمة ابن رسل
وفعلا ما اتأخر امجد عليهة
وسلمتة بسرعة ابن رسل ولبستة برگبتة كلادة سلسلة صغيرة ناعمة بيهة سيف الامام علي كانت هي تملك وحدة ورسل تملك وحدة تشبهة هاك يمة حسوني عساهة تحظك من كل شر امانة سلملي على الغالية امك
اجة امجد اخذ حسن وراح وترك رفل
لوحدهة تجري اتصال اخر سريع

يتبع
قراءة ممتعة اتمناها لكم
مع تحيات كاتبتكم المخلصة
nuha-d-h

انتظر تعليقاتكم لان نهاية الرواية تعتمد عليكم