تحميل رواية اهواك بقلم رحاب القاضي pdf

ليس كلُّ من غابَ اختارَ الرحيل، فبعضُ الغيابِ فُرضَ علينا، وتركَ قلوبًا معلّقةً على عتباتِ الانتظار.»

ليست حكاية حب فقط، بل رحلة بين الفقد والخذلان، بين القسوة والغفران، وبين قلبٍ لم يعرف الأمان… ورجلٍ عاد متأخرًا، لكنه عاد بقلبٍ لم يتغير.

_بتبدأ الحكايه بسعيد اللي عنده ٣٠ سنه وهو واقف في المطاار وبيبص بصدمه للطياره الخاصه اللي واقفه وحواليها حرااس كتير وفجأه الباب اتفتح ونزل فؤاد العمري اللي عنده ٣٣ سنه وهو لابس نضارته الشمسيه واول ما شااف سعيد ابتسم وراحله وقال..

فؤاد

ايه يا واد يا سعيد هو انا كنت بايت في حضنك وحشتني ياااه..

سعيد بعدم استيعاب

وانت كمان بس ايه العز ده كله طيارة مين دي؟

فؤاد بنبره واثقه

اقري كده مكتوب اسم مين علي الطياره

سعيد

يا عم انا بقري عربي بالعافيه وده انجليزي اللي مكتوب

فؤاد

ايوه صح نسيت انك تعليم متوسط، علي العموم مكتوب فؤاد العمري جرووب

سعيد

ايون مين بقي اللي انت سارق منه الطياره ورجالته ده؟

فؤاد بصله بغيظ وقال

شكرا علي ثقتك الغاليه دي يا صاحبي، دي طيارتي ودول رجالتي الحرااس بتوعي يعني يا ابن الفقريه..

سعيد بصدمه

واااد يا فؤاد اوعي تكون بتشتغل في الممنوع

فؤاد

يالا ده انا بقالي ٨ سنين متغرب، بس مش اشتغلت في الحرام،لا ده ربنا اكرمني والحظ لعب معايا واشتغلت مع راجل كبير حطني علي اول الطريق ومن بعدها البليه لعبت معايا فووق ما تتخيل وبقيت مليونير دلوقتي واسمي بيتقال في التلفزيون بس في اوربا مش همنا هبقي اوريك..

سعيد بسخريه

بقيت مليونير ونسيت اهلك امك وبنت خالتك اللي ما كانش ليهم غيرك، ده انت حتي ما كنتش بتكلمهم بتبعت فلوس علي حسابي كل شهر ايوه وكنت بوصلها لهيم بس امك كانت بترميهم في وشي وتقولي لا عايزاااه ولا عايزه حاجه منه، وفلوسك اللي بعتها لسه زي ما هي ما فيش قرش واحد اتصرف منها

اتنهد فؤاد بضيق وقال

اتخليت عنهم وعن نقسي يا سعيد انا اخدت اول خمس سنين ما بنامش كل يومي شغل والا ما كنتش هوصل لـ اللي انا فيه دلوقتي،وما كنتش بكلمهم عشان ما كنتش عايز اضعف وارجع من غير ما اعمل حاجه ولا ارجع فااشل زي ما انا، بس اهو رجعت وهعوضهم عن كل اللي فات من غيري

سعيد بنبره حزينه

ياريت تقدر تعمل كده وتحميهم من هاني

فؤاد بعدم فهم

هااااني... ماله هاني بيهم يا سعيد

سعيد

ما هو الحج هاني اتجوز جنه يا فؤاد من لما تمت السن القانوني اتجوزها، بس قدرت تطلق منه من كام شهر بعد ما عذبها وزلها وبهدلها هي وامك استغل غيابك وانك مش راجع وبقي يقول انه هو كبيرهم وراجل الاتنين ولايه اللي مالهمش رااجل

فراد بنبره غاضبه

تعالي طيب نرجع ونشووف حوار انه كبيرهم ده، قولي كل اللي حصل وانا مش موجود يا سعيد ...

ـــــــــــــــــ ــــــــــــــــــ

_وفي الوقت ده في بيت بسيط في حاره شعبيه،واوضه ضلمه ما فيهاااش غير نور خفيف جااي من الشباااك كانت سااجده جنه اللي عندها 24 سنه علي سجادة الصلاه هي عندها 24 سنه،ورفعت راسها من علي سجادة الصلاة فظهرت عيونها البني اللي ملياانه دموع، وإيديها بتترعش وهي بتمسح دموعها بسرعة بعد ما انهت صلاتها، وقامت وقفت وبصت لنفسها في المرايا وهي بتمسح دموعها وبتخفي اي أثر لبكاؤها، لسه بنت صغيرة في بداية العمر، بس الحزن سبقها بسنين، مغطي ملامحها، سايب أثره في عيونها اللي باين فيها كسره عمرها وشبابها، وخرجت من اوضتها و كانت قاعده عايده خالتها بتشرب في الشاي بتاعها وقالتلها جنه بهدوء

جنه

صبااح الخير يا خالتي انتي فطرتي ولا ايه؟

عايده

لا ده انا بس دماغي بتلف بيا عملت كوباية شااي، الواد سعيد ما جابش الفطار لحد دلوقتي والتلاجه عندك فاضيه

جنه

انا هنزل اجيب طلبااات البيت يا خالتي واجيبلنا فطار

عايده بقلق

ما بلاش يا بنتي احنا مش ناقصين مشاااكل مع اللي ما بتسمي هاني، اصبري شويه والواد سعيد هيجي ويجيبلنا اللي عايزينه

جنه بغيظ

يا خالتي انا مش هقضي عمري كله محبوسه تحت رحمته انا هنزل يعني هنزل ولو فكر يتعرضلي والله لاطلع علي القسم واللي عنده يعمله خلاص ما بقاش في حاجه تربطني بيه يسيبني اعيش حياتي براحتي بقي..

_ورااحت لبست ديرس لونه اسود طويل لتحت الركبه وعملت شعرها كحكه واخدت شنطتها ونزلت وراحت اشترت الحاحات بتاعت بيتهم وهي ورااجعه لقيت هاني طليقها اللي عنده ٥٢ سنه واقف قداام البيت وبيبصلها بعصبيه وقال..

هاني

هو انا يا بت انتي مش قولتلك ما اشوفش وشك في الشارع تاني

اتنفضت بخووف وردت عليه وقالت

انت ما لكش كلام عليا وسيبني اطلع البيت بدل وقفتنا دي..

هاني

انتي صح احنا ما ينفعش نتكلم في الشارع، قدامي يا روووح امك عشان الكلام يبقي قدام خالتك اللي بتتحامي فيها..

_واخدها وطلعو فووق وهي حطت الحاجات علي الترابيزه ورااحت وقفت حنب خالتها اللي قالت..

عايده

خير يا حج هاني خطوه عزيزه

هاني وعيونه علي جنه

يا ست الكل انا مش منبه علي البت دي طول ما هي قاعده عندك ما تشوفش الشارع

عايده

يا حج ما انت طلقتها وفضيناها سيره

هاني

وانا طلقتها ساعة شيطان واهو بقول اردها واعملها اللي عايزاااه هي اللي منشفه دماغها معايا

جنه بدموع

مجنونه انا عشان ارجع اعيش معاك في جهنم اللي كنت معيشني فيها دي تاني

هاني

مش بمزاجك يا روووح امك انتي هترجعيلي غصب عنك وانا مش هسيبك، انا مديكي وقتك بس تهدي وهردك قبل العده ما تخلص، وعايز حد يقف قدااامي ويقولي ما اردكيش..

دخل في الوقت ده فؤااد ومعاه سعيد وقال

انا هقولك..

بصله هاني بصدمه وبرضو عايده وجنه اللي نظرتها ليه كانت غير الكل، اشتياااق ولوم وحزن وخزلان،لكن ملامحه اتغيرت فات 8 سنين علي غياابه واتغيرت بينهم حاجات كتير، واتملت عيون عايده دموع وقالت..

عايده

فؤاااد انت رجعت يا ابني..

ابتسملها فؤاتد بهدوء وقال

وحشتيني اووي يا ست الكل، وانتي يا بت يا جنه وحشتيني اووي ايه الحلاوه دي كبرتي يا بت

_ما ردتش عليه وبصت في ابارض بخجل وهاني اتعصب وقال...

هاني

جرا ايه يا جدع انت ما تحترم نفسك وتتكلم مع مراتي كويس

فؤااد

لا ما انا عرفت انك طلقتها

هاني

وهردها لسه عدتها ما خلصتش وهردها يا فؤااود ودلوقتي، يلا يا بت انتي قدااامي

فؤااد وقف قدام جنه وامه وقال

انسي يا هاني، اتجوزتها عافيه في غيابي وعملت فيها اللي عملته بس انا رجعت خلاص وبقولك انسي انك هتطول منها شعره واحده تاني

هاني بسخريه

اتكلم علي قدك يالا بدل ما ابعت لرجالتي يجو يفرموك دلوقتي واقل منك قدام الحته كلها، اوعي يااد تكون فاااكر اني هخااف من البدله ولا الساعه اللي لابسهم دول انا مش بتغر في المظاهر

ضحك سعيد وقال

ههههههه ما بلاش يا معلم هاني انت ما تعرفش هو بقي ايه؟

هاني بحده

بقي ايه يعني راح ولا جه هيفضل حتت عيل صاايع كان شغال عندي صبي في المصنع بتاعي بياكل من خيري هو واهله

_اول ما خلص كلامه مسكه فؤاد من هدومه وبحركه سريعه خبطه برااسه في منااخيره وذقه لورا ، ومسك هاني مناخيره اللي بقت تنزف بألم وقال..

هاني

يا نهارك اسوود ده انت النهارده اخر يوووم في عمرك.

رجع فؤاد مسكه فؤاااد من هدومه تاني وقاال

حج هاني عيب سب الدهر حراام اوعي تقول نهارد اسوود دي تاني، ويلا يا حج اتكل من هنا عشان ما اقلش منك تاني وبص اعلي في خيل اللي جابك اعمله ولو عينك اترفعت في جنه تاني هفقعهالك

_قال فؤاااد كلامه وزقه جااامد لدرجة ان هاني كان هيقع، وبصلهم بغضب وسااابهم ومشي، وفؤاد قرب من امه وحضنها وقال..

فؤاد

وحشتيني اووووي يا امي..

عايده ببكاء

اخص عليك يا فؤاد هان عليك كل ده تسيبنا

سعيد

خلاص بقي يا حجه عايده اهو رجع والمساامح كريم

بعدت عنه شويه وقالت

حمدلله علي سلامتك اوعي بقي تكررها وتسيبنا وتمشي تاني..

ابتسم بهدوء بص لجنه وقال

لا المره دي قااعد علي قلبكم ما تخافيش، ايه يا جنه من لما شوفتيني وانتي ساكته الا حتي ما قولتيلي حمدلله علي السلامه نورت مصر..

بصتله بنظره كلها لوم وحزن وقالت

اهلا وسهلا بيك، انا داخله اوضتي يا خالتي بعد اذنك..

ودخلت جنه اوضتها وفؤاد قال

هي البت دي كل ما تكبر تحلو، انا سايبها وهي حلوه عادي يعني بقيت زي القمر فجأه كده ازاي

عايده بحزن

يفيد بأيه الجمال وبختها مال بجوازتها من هاني، تعالي اقعد وانت كمان يا سعيد هجهزلكم الفطار واحي اقعد معاك مش هسيبك خالص النهارده انت وحشني اوووب يا نور عيني

فؤاد

وانتي كمان والله يا امي،بس تعالي اقعدي انا هطلبلنا فطار جاهز، ومن احسن مطعم في مصر

عايده

بس يا واد انت ولو عندك قرشين محوشهم في الغربه خليهم وهاتلك شقه واتجوز او افتحلك مشرووع، وبعدين ما وحشتكش الطعميه بتاعت مصر وطبق الفلول اللي بالطحينه والزيت..

ضحك فؤاد بهدوء وقال

طبعا وحشتني كل حاجه من ايدك، جهزي بقي الفطار لحد ما اروزح واصالح البت جنه

عايده

عندك يا واد تصالح مين انت فاااكره العيله الصغيره اللي سيبتها وسافرت، فهمه الدنيا يا سعيد لاحسن ده قعدت الخوجات خلته ينسي الاصول..

قالت كلامها ودخلت المطبخ وسعيد قاله بجديه

جرا ايه يا عم ما تهدي علي نفسك شويه، تدخل فين عندها بس؟

فؤاد بضيق

بقي من حق هاني يتكلم عليها ويدخل البيت ويقول انها تخصه وانا ممنوع حتي اتكلم معاها، والله لو افتكر كده كنت كتبت عليها قبل ما اسافر

سعيد بسخريه

ما كانش هينفع برضو جنه وقتها كانت 16 سنه كنت هتكتب عليها ازاي حضرتك

اتنهد فؤاد بضيق وقال

هحل كل حاجه انا رجعت خلاص ومش هسيبها المره دي

سعيد

ولا هاني هيسيبها ده اهل الحته مسمينه مجنون جنه

فؤاد بغيظ

والله... انا هخليه مجنون بحق وحقيقي، قولي اصلا هو ازاي اتجوزها

سعيد

استغل غياابك وبالعافيه اتجوزها هدد امك انه هياخدها في الحرام لو ما جوزتهاش ليه حاولت امك بصرااحه تبلغ وتحمي جنه منه بس هو ورجالته وقفو بالمرصااد واهل الحته الكبار عشان مصالحهم مع هاني ما حدش فيهم قدر يتكلم، واتجوزها اول ما تمت ال18 سنه فضلت معاه 6 سنين دي لسه مطلقه بقالها بتاع شهرين تلاته،بس جنه تعبت اووي معاه يا فؤاد، الحته كلها تشهد علي صوت صويتها من ضربه ليها علي الفاضيه والملياانه والذوول اللي شاافته معاه يهد جبل...

فؤاد بغضب

ماااشي يا هاني قال وانا اللي كنت مطمن واقول امي وجنه في امان في الحاره، والنااس هنا بتحب بعضها وجدعه طلعو كلهم نااس معدومة الضمير، بس والله لاوريهم كلهم

_وفكر فعلا فؤاد مع امه وسعيد وبعدبن دخل اوضته وناام وكأنه بقاله سنين ما نامش، وصحي بالليل ورااح وقف في البلكونه وبص للحاره بتاعتهم بأبتساامه واسعه وبعدين دخل الاوضه ولبس التيشرت بتاعه وخرج من اوضته كانت في الوقت ده امه نامت وسمع صوت كركبه في المطبخ فرااح هناك ووقف عند الباب وشااف جنه واقفه بتغسل في المواعين ولابسه عبايه بيتي بسيطه ولامه شعره كله،لكنها لسه بنفس ملامحها وتفاصيلها الطفوليه في نظره، وكانت مشغله اغنية مياده الحناوي وبتدندن معاها بصوت واطي وبتقول..

جنه

حبيبي يا انا يا اغلي من عينيا نسيت مين انا..

قرب منها وقال بصوت واطي حنب ودنها

انا الحب اللي كان..

شهقت بخضه وبعدت عنه بسرعه وقالت

عايز ايه؟

فؤاد

ايه الخضه دي كلها شوفتي عفريت، قوليلي بتسمعي الاغنيه عليا انا مش كده؟..

جنه بتوتر

مم ما بسمعهاااش علي حد، ده انا مشغله الراديو وهي اشتغلت لوحدها

فؤاد

راديو؟! مش قديم شويه الراديو ده.

جنه بسخريه

معلش يا خوااجه انا واحده قديمه ممكن بقي تتفضل بره عشان اشووف اللي ورايا

فؤاد

مش هخرج غير لما تقوليلي انتي زعلانه مني ليه،من لما حيت قاليه وشك ما توقعتش يكون رد فعلك كده لما تشوفيني..

بصتله بحزن وقالت

وانا ازعل منك ليه، كنت وعدتني بحااجه مثلا وما عملتهاااش عشان ازعل..

فؤاد بحزن

كان غصب عني يا جنه

جنه بدموع

غصب عنك لو سنه او اتنين مش تمن سنين وتقولي غصب عنك...

ونزلت دموعها وقالت بنبره مهزوزه كلها الم

انا من لما وعيت علي الدنيا وما كنتش بسمع منك غير انك معايا ومش هتخلي حاحه وحشه تحصلي وانا من غبائي كنت بصدقك، وفوقت فجأه ما لقيتكش جنبي ولقيت الدنيا كلها عليا واتأذيت منها اووي وانت ما كنتش موجود ولا عرفت تحميني

فؤاد بتوتر

ااا انا اسف بس والله هحاول اصلح كل العك اللي حصل ده من لما سافرت..

_مسكت كوبايه قزاز من علي الترابيزه ورمتها علي الارض وقالت بحده..

جنه

لو قدرت تصلح الكوبايه دي وترجعها زي ما كانت ممكن وقتها تقدر تصلح اللي اتكسر جوايا من ناحيتك

_قالت كلامها وسااابته ومشيت وهو بصلها بحزن وبص للكوبايه وقال بصوت عالي..

فؤاد

علي فكره انا ممكن اشتريلك كوبايه غيرها ما تبقيش اووفر يا جنه..

ما ردتش عليه ودخلت اوضتها ورزعت الباب وراها، وهو ضحك وقال بهدووء

فؤاد

لا بقيت زي القمر بجد. بنت الايه، قال وهاني فااكر اني هسيبهاله تاني ده حسااب امه اسوود. معايا اللي عمله فيكي يا جنه..

_ودخل اوضته وغير هدومه وساابهم ومشي، وتاني يووم بالليل كانت قااعده جنه قدام التلفزيون ودخلت عايده من البلكونه وقالت

عايده

تفتكري هيرجع يا جنه؟

حنه بحزن

الله واعلم ابنك ده مالوش امان يا خالتي

عايده

لا بس هو رد عليا الصبح قالي انه كان لازم بمشي بالليل عشان عنده شغل، وقالي انه هيجي النهارده بالليل

جنه

واحنا اهو داخلين علي الساعه تمنيه والبيت لسه ما جاش

دخل في الوقت ده فؤاد وقال

جرا ايه من اولها كده هتحاسبيني يا جنه..

اتوترت جنه وعايده قالت

كل ده يا حبيبي وبكلمك ما بتردش عليا ليه

فؤاد

اوباا شكلي كده نسيت اصلا الموبيل مع السكرتيره..

جنه بسخريه

سكرتيره... بقي انت عندك سكرتيره؟

فؤاد

مالكيش دعوه انا مش بكلمك عشان قالبه وشك عليا من لما رجعت

غايده

فؤااد ايه الحكايه انت عندك سكرتيره بجد ليه يا ابني انت شغال ايه؟

فؤاد بثقه

والله يا ست الكل ابنك بقي مليونير قد الدنيا عنده شركه من اكبر شركات الطيران في أمريكا وجاي اطور من شغلي هنا في مصر والوطن العربي

اتفاجئت جنه من اللي قاله وقالت عايده بقلق

انا ما افهمش الكلام ده، بص اقعد يا حبيبي وقولي انت سرقت مين ولا تكون اشتغلت في الحرام

فؤاد

هو في ايه هو انا كنت نشال في مصر قبل ما اسااافر، ما انا مساافر وانا واد طيب وغلباان ليه السمعه الوحشه اللي انتي والواد سعيد غاويين تطلعوها عليا..

عايده

يعني انت بقيت من رجال الاعمال الاغنيااء يا واد، بقيت زي سويرس

كتمت جنه ضحكتها وفؤااد قال وهو بيحط الاكياااس اللي في ايده علي الترتبيزه..

فؤاد

طبعا يا عايده عقلي بقي بنت اختك وخليها تفرد خلقتها عليا شويه انا فرصه ما تتعوضش

اتنهدت جنه بضيق وعايده قالت

فؤااد انت ما بتهزرش يعني انت عملت ده كله لوحدك

فؤاد قعد جنبيها وقال

لا مش لوحدي انا اشتغلت مع نااااس كبيره وبدماغي وصلت لنفس مستواهم واكتر كمان، هبقي احكيلك كل حاجه بعدين بس انا جعااان وجيبتلكم اكل معايا اهو ادخلي يا بت يا جنه جهزيلنا يلا

جنه بغيظ

هي جنه دي شغاله عندك، وحهز انت وخالتي براحتكم انا شبعاانه وداخله انااام تصبحو علي خير..

قالت كلامها ودخلت اوضتها وفؤاد قال بحزن

شايفه بتعاملني ازاي من لما رجعت

عايده

معلش ما هي اللي شاافته مش قليل يا فؤااد، وكانت متعشمه انك هتيجي وتنقذها من هاني واللي بيعمله فيها

فؤااد

ما انا جيت اهو ومش هخليه يعملها حاجه تاني، انا اصلا دمي محرووق لوحده انها بقيت لرااجل غيري بس والله هحااسبه علي كل اللي عملو ده..

عايده بحزن

بعد ايه بس يا ابني، انت ما تعرفش الشيطان ده عمل فيها ايه ده من كتر العذاب اللي شافته معاه حملت منه مرتين وسقطها..

فؤاد بصدمه

انتي بتقولي ايه يا امي؟!

عايده بدموع

واكتر من كده بكتير، انت اتأخرت اووي عليها فما تستناااش منها انك تلاقيها جنه البنت الصغيره اللي كانت متعلقه بيك وبتعشقك كل حاحه اتغيرت يا فؤاد

فؤاد بحزن

ما فيش حاجه اتغيرت البت دي لسه بتعشفني وانا كمان طول السنين دي بصبر نفسي علي اليوووم اللي هرجع واتجوزها فيه، وهاني ورحمة ابويا لاخليه يبكي بدل الدموع دم علي اللي عملو فيها ده..

عايده

يا ابني هو يخليه في حاله واحنا مش عايزين منه حاجه، استني هرووح اجهزاك الاكل انا اكلت مع جنه من شويه ماليش نفس

فؤاد بحزن

وانا كمان نفسي اتسدت وبعد كده استنوني اتعشي معاكم انا تعبت من الاكل لوحدي والقعده لوحدي يا امي

_قال كلامه وساابها ودخل اوضته وكلامها علي جنه واللي حصلها في غياابه لسه بيتردد في وداانه وهو مش قااادر يستوعب اللي عمله شووقي في صغيرته وهو غايب، وخبط ايده علي الحيطه وقال بندم ودموع..

فؤااد

ياريتني ما سيبتكم ومشيت ياااريت...

_وفضل صااحي وهو مش قاادر ينام من تأنيب ضميره وحزنه علي اللي حصل في جنه، لحد ما نام علي نفسه في وقت متأخر وتاني يووم الصبح صحي علي صوت عايده وهي بتقوله

عايده

فؤاااد قووم يا ابني بسرعه فؤااااد

فؤاد

في ايه يا امي..

عايده

هاني لامم كبار الحاره وقااعدين بره وشكله كده مش ناوي علي الخير ده جاايب معاه المأذون عشان يرد جنه ليه

اتحولت ملامح فؤاااد للغضب وقال

جه لقضاااه ادخلي عند جنه ومهما حصل بره اوعي تخرجي لا انتي ولا هي مااشي يا امي

عايده

حااضر بس بلاش مشااكل والكلام بالعقل يا ابني، وسعيد بره برضو قااعد معاهم غير هدومك كده واخرجلهم..

قالت كلامها وراااحت قعدت مع جنه في اوضتها اللي كانت خايفه ومرعوبه انها ترجع تاني لهاني، وبعد شوويه خرج فؤااد من اوضته وقعد قدامهم وحط رجل علي رجل وقال..

فؤااد

خير

هاني

انا جيت اهو وجيبت المأذون ومعايا كبار الحته الشيخ ابراهيم والحج عتمان اللي شهدو علي جوازي من بنت خالتك في الاول وهيشهدو عليا وانا براضيها وبصالحها وهتعهد قدامهم كلهم انها هترجع لبيتها معززه مكرمه..

فؤاد بجمود

اخرس يا راااجل يا خرفاااان انت

ابراهيم

ما يصحش يا فؤااد الكلام ده وو

فؤاد بحده

فؤاااد بيه لتكونو فاكريني العيل اللي كنت شغال عند هاني زمان لا ده انا دلوقتي بأشاره واحده مني واخلي الحته بتاعتكم دي كلها كوم ترااب

عتمان

جرا ايه يا ابني الكلام بالعقل، وفي نااس كبيره قااعده احترمنا مش كده

فؤااد

انا مش ابنك وانتو مش كباار غير علي نفسكم، ده انا لما سافرت وسيبت امي وبنت خالتي امانه عندكم رجعت لقيت الكلب ده دايس عليهم ومبهدلهم وانتو ولا حس ولا خبر ايه بقيتو كبار في الباااطل وبس

سكتو كلهم وهاني قال بغيظ

اسمع بقي جنه مراتي ولسه علي ذمتي عدتها ما خلصتش وانا هردها

سعيد

يا حج هاني انت مطلقها بالتلاته يعني مش هتقدر ترجعها غير برضاها وهي رفضاااك

فؤااد

هاا يا كبار الحته بنت خالتي رفضاااه ومش عايزه ترجعله هينفع يردها ما تقول حاجه يا شيخ ابراهيم ياللي بتقف وبتخطب في الناااس

بصله هاني بغيظ وقاام ابراهيم وقال

حقك علينا يا فؤاد بيه، الصوره كانت واصله لينا غلط يلا بينا يا رجاله

فؤاد

يا حضرة المأذون هبقي ابعتلك وقت تاني بعد 25 يوم تكون العده بتاعت بنت خالتي خلصت عشان تكتب كتب كتابي عليها

المأذون بص لهاني بتوتر وقال

ان شاء الله يا ابني ان شاء الله السلام عليكم ورحمة الله وبركاته

يتبع

"بين كبرِياء جُرحِ، وحب لا يمحوه الزمان، تقف الروحُ حائرةً؛ أنعودُ لِمن خذلنا، أم نهرب من حقيقة أننا لا نَهْوَى سواهُ؟"

_كان قاااعد فؤاااد مع سعيد وكبار حارتهم، ومعاهم هاني والمأذون وقاام الشيخ ابراهيم وقال بجديه..

ابراهيم

حقك علينا يا فؤاد ، الصوره كانت واصله لينا غلط يلا بينا يا رجاله وانت اكسر الشر يا هاني وزي ما دخلتو بالمعروف سيب الامور تخلص بالمعروف برضو

فؤاد

يا حضرة المأذون هبقي ابعتلك وقت تاني بعد 25 يوم تكون العده بتاعت بنت خالتي خلصت عشان تكتب كتب كتابي عليها

المأذون بص لهاني بتوتر وقال

ان شاء الله يا ابني ان شاء الله السلام عليكم ورحمة الله وبركاته

_قالو كلامهم ومشيو كلهم وهاني عيونه بتطق شرار من شدة غضبه، وسعيد قرب من فؤاااد وقاله

سعيد

الراااجل ده مش ناوي علي خير

فؤاد

وحياتك ولا انا كمان ناويله علي خير، وجنه مش هتبقي غير ليا انا، واللي عملو فيها هطلعو من حبابي عينيه، يا امي يا جنه تعالو خلاص ما فيش غيري انا وسعيد هنا..

_خرجت عايده من جوه ومعاها جنه اللي كانت عيونها عينيها وملامحها كلها خووف ونظراتها لفؤاد المره دي مختلفه شويه كأنها مزيج بين الخذلان والامتنان لدفااعه عنها ،وقرب منها فؤاد قليلاً وقال..

فؤاد

في ايه مالكم خلاص شوقي موضوع وانتهي، ما تخافيش يا جنه.

جنه بهدوء وهي بتبعد بنظراتها عنه

شكرا يا فؤاااد علي وقفتك دي لهاني وانك ما خلتهوش يردني غصب عني

فؤاد

العفو يا جنه بس انا عملت كده عشاني انا، اصل انا لو سيبته يردك انا هتجوز مين سعيد مثلا؟!

سعيد بخبث

مثلا يعني كلك مفهوميه يا جنه.

اتوترت جنه ولكنها اخفت توترها وقالت

وانت مين قالك اصلا اني موافقه بيك ولا هتجوزك اصلا؟..

فؤاد

ما علينا من الحوار ده ايه يا ست الكل ما فيش فطار النهارده ولا ايه؟

قربت منه عايده وقالت

في طبعا يا قلب امك يا راجلي وسندي في الدنيا بعد ربنا، ايوه كده املي عليا الدنيا وخليني ما اخاافش من حد..

فؤاد ابتسم بهدوء وقال

وعمري كمان ما هسيبك تاني ابدا بس انا عندي شرط صغير، تجوزيني البت دي بعد شهر من دلوقتي

بصتله جنه بغيظ وعايده قالت

يا حبيبي اعتبر نفسك اتجوزتها خلاص..

جنه بغيظ

ايه يا خالتي اللي بتقوليه ده هو انا تحت رحمة مزاجه بغيب يغيب ويرجع براحته عشان يتجوزني

فؤااد

ااه بمزاجي وادخلي يلا جهزيلي فطار..

سعيد

الطعميه والفول والبيض في المطبخ يا جنه، انا هرووح اجهز هيااخدني يشغلني معاه هبقي حد مهم يا جنه

_قال كلامه ومشي وجنه ابتسمت علي كلام سعيد دخلت المطبخ وهي مدايقه، وونظىات فؤاد ما فارقتهاش وقربت منه عايده وقالت..

عايده

لو اتجوزتها بجد هبقي اسعد واحده في الدنيا، دي بتحبك وعمرها ما حبت غيرك جوازها من هاني كان غصب عنها..

فؤاد بقلق

يعني هي ما حاولتش تنساني بعد ما اتجوزت؟

عايده

ما اكدبش عليك هي يوم دخلتها قالتلي انها عمرها ما هتفكر فيك تاني ولا حتي هتجيب سيرتك. علي لساانها عشان تحترم الراااجل اللي هتبقي علي ذمته..

فؤاد بغيظ

والله وعملت كده فعلا؟

عايده

هي حاولت وفعلا من يوم ما اتجوزت للنهارده ما نطقتش اسمك حتي علي لسانها، بس قسوة هاني خلتها تكره اي حاجه منه، بطلت تجيب سيرتك بس انا متأكده انك كنت عايش جواها دي من لما انت رجعت وعينيها بتلمع بتبصلك كده بنظره كلها امل كان رااح من زمان..المهم ادخل انت اجهز عشان لو هترووح شغلك وانا هدخل اخد العلاج بتاعي

فؤاد

علاج ايه يا امي؟

ابتسمت عايده وقالت

ما تشغلش بالك السن بقي واحكاامه، علاج الضغط علي السكر علي علاج بتاع الخشوونه لضهري ورجلي

فؤاد

الف سلامه عليكي يا ست الكل

عايده

الله يسلمك يا حبيبي...

وقالت بصوت عالي

يا جنه جهزي الفطار وتعالي اندهيلي انا في اوضتي.

_قالت عايده كلامها ودخلت اوضتها، وهو ابتسم بخبث ودخل المطبخ عند. جنه ولقاها واقفه قدام البوتجاز ومشمره اكمام عبايتها السودا البيتي ، وبتقلي في الطعميه ورافعه شعرها كله علي شكل كحكه وكان شكلها جذااب جدا ليه برغم بسااطتها، وقرب منها ولف ايديه الاتنين علي وسطها وقال بنبره هامسه وهو بيقرب بوشه منها..

فؤاد

ايه الحلاوه دي كلها يا بت،احلويتي كده امتي؟..

ـ اتنفض جسمها كله بين ايديه وبعدت عنه بسرعه وهي بتذقه بعيد عنها وقالت بنبره كلها توتر وغضب..

جنه

ينيلك بستين نيله ايه اللي انت بتعمله ده؟

فؤاد بخبث وهو بيقرب منها

وحشااني وعايز اقرب اكتر كمان بس كل حاجه بوقتها

مسكت ابسكينه من جنبيها وقالت بحده

اقسم بالله لو فكرت بس تلمسني تاني بالطريقة دي او بأي طريقه تاني انا هريحك من ايدك دي خالص انت فااهم

بصلها بأعجاااب وقال بنبره جديه

جدعه يا بت عارفه لو ما كنتيش عملتي كده انا كنت اديتك علي دماغك، بس طبعا تعملي كده براحتك دلوقتي انما بعد شهر بالظبط انا اقرب براحتي هتبعديني هكسر دماغك وهقرب برضو

اتنهدت بضيق وقالت

من كل عقلك يا سي المليوونير عايز تتجوز واحده زيي خرج بيت.

_فؤاد وهو بياخد طعميه من الطبق وبياكلها بهدوء مستفز قدامها..

فؤاد

مش حصل بسببي واني ما وافيتش بوعدي معاكي يبقي انتي مالكيش ذنب الغلط غلطي انا عشاان ما عرفتش احاافظ ولا احمي البنت اللي بحبها، وايه خرج بيت دي انتي في نظري لسه جنه البنت الصغيره اللي تصرفاتها وكل حاجه فيها بتسحرني وانا اول راجل في حياتها، هو هاني ده راجل انا متأكد ان قلبك ليا انا وعمره ما كان ولا هيبقي لرااجل تاني وده اللي يهمني..

اتملت عيونها دموع وقالت

قلبي لا ليك ولا لغيرك لا انت تستاهله ولا شوقي كان يستاهله، اطلع بره بقي خليني اخلص اللي في ايدي

قرب منها وقال بجمود

بصي يا جنه وخلاصة الكلام اللي حصل السنين اللي فاتت ده صفحه وتقفليها وهتبدأي معايا من جديد. برضاكي بقي او غصب عنك انتي ليا انا وملكي انا وما حدش هيقدر ياخدك مني عشان انتي اصلا من حقي انا من زمان، وانتي عارفه ومتأكده ان فؤاد. ما بيسبش حاجه من حقه، اتقلي يا ستي براحتك واتدلعي عليا براحتك بس اخرتها معايا وفي حضني خليكي حافظه الكلمتين دول كويس..

_قال كلامه بكل جديه وسااابها وخرح وهي اتنهدت بضيق، وعلي قد حبها ليه اللي عمره ما قل بس حزنها منه وانه سابها لوحدها كان اكبر، وبعد شويه كانو قااعدين بيفطرو وهو ماسك التابلت بتاعه وبيقلب فيه..

عايده

يا ابني الشغل مش هيطير افطر الاول وبعدين شووف اللي ورااك

قفل فؤاد التاب وقال

معلش يا ست الكل بس اليومين دول هبقي مضغوط جدا حتي اني ممكن اغيب شويه عنكم

بصوله هما الاتنين بخووف وهو قال بسرعه

يا جماعه في ايه انا بنقل شغل من دوله لدوله لتانيه وهكون مشغول، بس لو غيبت هيكون يوم ولا يومين وهكلمكم علي طول في الفون اخدت رقمك من سعيد يا حنه وهكلمك..

ما ردتش عليه وهي بتاكل بهدوء وهو قال

وبالنسبه لشوقي ما تخافوش رجالتي هيبقو تحت البيت عشان ما يقربش منكم، وكمان الواد سعيد هيجي كل يوم يطمن عليكم

عايده

ربنا معاك ويوفقك يا حبيبي.

ابتسم فؤااد لامه وبعدين قال لجنه

وانتي ايه ما فيش دعوه حلوه كده تفتح نفسي علي الاكل.

تجاهلته كأنه ما اتكلمش فبصلها بغيظ وقال

والله ناكرة الجميل الهانم وهي صغيره كنت اقعدها علي رجلي واكلها بايدي، فااكره يا جنه؟!..

جنه بتوتر

مش فااكره حاجه.

ابتسم بخبث وقال

امم بأمارة طيب لما كانت كل لقمه ببوسه.

_وشها قلب احمر بخجل وساابتهم وقاامت دخلت اوضتها وهو فضل يضحك وعايده قالتله بحده..

عايده

عيب كده لم نفسك.

فؤاد

يا امي دي كانت عيله صغيره وقتها.

عايده

بس العيله دي كبرت وبتتكسف وانت تخلي عندك دم وتلم نفسك فااهم ولا لا؟

رد عليها وقال

فاااهم جدا همشي انا بقي وهكلمك اول ما اكون فااضي.

عايده

ماشي يا حبيبي ربنا يوفقك اكل الخير.

فؤاد

يارب يا ست الكل.

وبص لاوضة جنه وقال بصوت عالي

انا ماااشي با جنه تعالي كملي فطارك..

عايده

مالكش دعوه بيها وامشي يا رخمم..

_ضحك فؤااد ومشي راااح شغله واول ما وصل هنااك كان معاه سعيد اللي بيبص لكل حاجه بانبهار وقال.

سعيد

ده انت طلعت مليونير بجد ياااه.

فؤاد بنبره تحذريه

ولا انا بقول قريبي احترمني عشان احترمك قدام الناس بدل ما اديك علي دماغك

سعيد

لا مؤخذه يا فؤااد بيه.

فؤاد

انت يااد غبي بقولك قريبي يعني تقولي فؤاد وبس، الموظفين والناس الغريبه تقولي فؤاد بيه انما انت اخويا

حضنه سعيد وقال

انا بحبك اووي يا فؤاد انت اجدع صااحب في الدنيا، حقك هليا عشان ما عرفتش اقف لهاني في اللي عملو في جنه بس والله غصب عني ده راجل مفتري.

فؤاد

بتهبب ايه يخربيتك ده مكان نتكلم فيه فالكلام ده.

بعد عنه سعيد وقال

لامؤخذه بس اتحمست شويه، المهم انا بقي هشتغل ايه هنا؟

فؤاد

انت عايز تشتغل ايه بص انا هعلمك الشغل معايا وتبقي دراعي اليمين هنا.

سعيد

لا وانا اعجبك، بس كنت جيبت خروفين فتحنا بيهم الشركه عشان ربنا يكرمك ونخمس كده علي باب الشركه

فؤاد

هي محل كشري سعيد دي شركه عالميه وانت هتبقي عالمي معايا

سعيد

وهتصور مع مو صلاح ومرموش

فؤاد بغيظ

اقولك هتتصور مع مين وما تزعل؟

سعيد

عارف كنت هتقول امك يا سعيد، بس امي الله يرحمها فاتلم بقي ولم نفسك

فؤاد

تعالي معايا نروح مكتبي وانا هروقك

_وطلعو فووق وكانت قااعده السكرتيره اللي وقفت وقالت بأحترام لفؤاد..

ـ حمدلله علي سلامة حضرتك يا فؤاد بيه، الانسه جيدا في انتظاارك جوه.

فؤاد

تمام الفون بتاعي معاكي من امبارح خليه معاكي ولو حد مهم اتكلم او الحجه ردي عليهم حتي لو كنت مش فاضي تعالي قوليلي يا هبه

هبه

تمام يا افندم...

‌‌_وجه يدخل بس كان سعيد واقف متنح للسكرتيره فرجع فؤاد وقاله بصوت بحده..

فؤااد

واقف عندك تهبب ايه ما تيجي ورايا

سعيد

لا خش انت انا هستنااك هنا

فؤاد

وربنا ارميك من فووق لو ما اتعدلتش، وانتي شوفي شغلك يا هبه ما تاخديش عليه..

_ابتسمت هبه بخجل وهي بتبص لسعيد، وفؤاد اخده ودخلو جوه واتصدم اول ما شااف جيدا اللي عندها 30 سنه وكانت لابسه جيبه قصيره وبلوزه دايقه جدا وقااعده علي المكتب بتاع فؤااد،واول ما شافها سعبد تنح وقال...

سعيد

فؤااد انت شغال مع هيفااء وهبي ولا ايه؟

بصله فؤااد بغيظ وقال لجيدا

خير يا جيدا ايه المفاجأه دي؟

قاامت وقربت منه وحضنته وقالت

كده تستقبلني بالطريقه دي،وحشتني اوووي وما كانش ينفع تساافر من غير ما تودعني..

سعيد بابتساامه واسعه

بأف بقي نقول ايه.

جيدا بعدت عنه وقالت

فؤش مين ده؟

فؤاد

ده سعيد قريبي وصاحبي وهيبقي دراعي اليمين هنا

سعيد وهو بيبص لجيدا

او الشمال اي حاجه المهم اني ابقي هنا.

قرب منه فؤاد وقال

وحياااة امك بس ارووقلك يا سعيد، المهم انتي جايه ليه يا جيدا ورايا برضو؟..

جيدا بصتله بحزن وابتسمت وقالت

جايه اشووف شغلي اقنعت بابي اني امسك معاك الفرع الجديد للشركه هنا

فؤاد

بس الشركه دي بتاعتي انتو شركااء معايا ااه بس بنسبه قليله

جيدا

عارفه وانا هبقي شريكه معاك بالنسبه القليله دي فيها مشكله؟

_ما ردش عليها فؤاااد واتجاهلها ورااح قعد علي مكتبه وقال لسعيد بهدوء..

فؤاد

طيب بقولك ايه يا سعيد تعالي اقولك بقي هتعمل ايه الفتره الجايه عشان تحل عن دماغي انا مش فاضي لاي حاجه، وانتي يا جيدا شوووفي حابه تقعدي في انهي مكتب وابدأي شغل علي طول عايز في اسرع وقت اعمل الافتتاح..

جيدا ابتسمت بهدوء وقالت

اوكي يا فؤااد وانا معاك ومش هسيبك خالص..

قالت كلامها وخرجت وسعيد قاله

مين دي يا فؤااد شكلها واقعه عليك اووي

فؤاد وهو بيقعد علي مكتبه

بنت شريكي في الشغل يعتبر ابوها صااحب الفضل عليا بعد ربنا في كل اللي وصلت ليه ده، ساعدني كتير اووي راجل طيب ومحترم، وبيني وبينك كانت بينا علاقه فتره وبعدين بعدت عنها لما لقيت الخوار هيدخل في جواز وكده..

قعد سعيد قداامه وقال

يعني انت كنت ناوي تتجوزها.

فؤاد

لا طبعا هي اللي عرضت عليا الجواز وانا رفضت.

سعيد

غبي حد يرفض النعمه برضو

فؤااد

ابقي غبي لو وافقت اتجوز واحده ما بحبهاااش، انت عارف انا قلبي مع مين كل الحكايه انها حلوه زي ما انت شوفت وانا عشان كنت اوصل لابوها كان لازم اقرب منها وهناك في امريكا بقي الدنيا سايحه علي بعضها.

سعيد

اممم هنيالك يا ست جنه، المهم انا هشتغل ايه هنا؟

فؤاد

هقولك بس فتح مخك معايا انا في كل الليله دي مش هثق في حد قدك انت فتبقي قد المسؤليه

سعيد

رقبتي يا ابو الصحااااب اؤمرني..

_وفضل فؤااد يتكلم معاه في الشغل وخلااه اندمج معاه بسرعه، وعدي يوم في التااني وفؤاد ما رجعش البيت،وكان بيقضي اليوم كله في الشغل وكان بيكلم امه يطمن عليها ويقفل معاها تاني، وفي يووم بالليل كانت صاحيه جنه وهي بتقلب في موبيلها وسمعت صوت حركه بره فقاامت وخرجت وهي بتقول..

جنه

انتي صاحيه يا خالت...

_وسكتت فجأه اول ما شاافت فؤاااد واقف قداامها وفي ايده قزازة مايه من التلاجه وقالها، بصلها هو بهدوء وهي بخجل وتوتر قفلت زراير عبايتها اللي كان مفتوح منها كام واحد أثر نومها وهو بص الناحيه التانيه وقال.

فؤاد

ايه اللي مصحيكي لحد دلوقتي؟

جنه بتوتر

عادي.. بس افتكرت خالتي صااحيه او عايزه حاجه تصبح علي خير..

وقبل ما تدخل اوضتها فؤاد قال

لو مش جايلك نووم تعالي نتكلم مع بعض شويه

جنه

ما فيش حاجه اتكلم معاك فيها..

_قالت كلامها ودخلت اوضتها بس قبل ما تقفل الباب هو حط ايده وقالها بنبره غاضبه..

فؤاد

وبعدين بقي ما تتعبنيش معاكي يا جنه..

جنه بتوتر من قربه

لا اتعبك ولا تتعبني خليك في حالك يا فؤاد وسيبني في حالي

فؤاد قرب منها اكتر وقال

انتي حالي وكل دنيتي ومش هقدر اسيبك افهمي بقي.

ردت عليه بحزن ودموع ملت عيونها وقالت

لا انت هتقدر عشان عملتها قبل كده، وقولتلك اني ما انفعكش انت ابن خالتي وبس، وشكرا اووي انك بتدافع عني وواقف لهاني مش عايزه منك حاجه تانيه

فؤاد

بس انا عايز يا جنه، وعايزك انتي وقولي اللي تقوليه وفي الاخر اللي عايزه هعمله، ومش هستسلم ولا همشي ورا كلامك الاهبل ده عارفه ليه؟

اتنهدت بضيق وقالت

ليه؟

فؤااد

عشان انا اللي مربيكي وعاارف انك ما بتبقيش عنيده اووي كده غير في الحاجه اللي بتحبيها، فااكره زمان لما كنتي بتعيطي علي الشنطه بتاعت المدرسه وما جيبتهاش ليكي ولما جبتها قولتي لا مش عايزااها

بصتله بغيظ وقالت

امشي يا فؤااد وانا بقولك اهو مهما عملت مش هتجوزك ولا عايزااك..

_قالت كلامها وزقت ايده وقفلت الباب وراحت قعدت علي السرير وافتكرت كلامه وابتسمت بهدوووء وبدأت تفتكر الذكري اللي كانت بينهم..

ـ فلااااااااش بااااااك..

_كانت قااعده جنه قداام بيتهم وهي زعلانه وكان سنها في الوقت ده 8 سنين، وفؤاد كان عنده 17 وكان راجع من الشغل واول ما شافها قرب منها وقال..

فؤاد بقلق

مالك يا جنه قاعده كده ليه؟

جنه بدموع

امك ضربتني.

فؤاد

امك؟!... ليه طيب عملتي ايه يا سوسه؟

بصتله بحزن فضحك وقال

هههههه خلاص انا اللي سوسه قولي بس زعلتك ليه امي

جنه

عشان قولتلها عايزه شنطه زي بتاعت لبني وهي ما رضيتش وقالتلي احنا مش معانا فلوس زي اهل لبني ما معاهم

فؤاد قعد جنبيها وقال بهدوء

طيب وانا مش معلمك يا جنه اننا ما نبصش علي حاجة حد ونقول عايزين زيها

جنه بدموع

بس انا ماليش دعوه انا عايزه شنطه زيها، انا لو كانت ماما معايا وما راحتش عند. ربنا كانت هتجيبلي

فؤاد

اممم انتي بقي قولتي كده قدام امي فضربتك صح؟

هزت راسها بمعني ايوه بحزن ففؤاد زعقلها وقال

ايه رئيك بقي مدام قولتي كده مش هنجيلك الشنطه يلا اطلعي فووق رووحي ذاكري ولا شوفي هتعملي ايه، يلا امشي قداامي

نزلت دموعها وقالت

انت كمان بتزعقلي طيب انا مش بحبك ومش هتكلم معاك تاني ومخصماااك يا فؤاد

قالت كلامها وساابته وطلعت فووق، وبعدها بكام يوووم كانت قااعده عايده علي الكنبه في الصاله وفي ايدها طبق كبير مليان خضار ، ودخل فؤاد وفي ايده كيس اسوود وقال..

فؤاد

ايه يا ست الكل عامله ايه؟

عايده

بخير يا فؤاد ايه اللي جابك بدري من الشغل، ليكون الحج هاني اتخانق معاك..

فؤاد

لا ما اتخانقش معايا ولا حاجه، هي البت جنه فين؟

عايده

قااعده جوه بتذاااكر ومخصماني لا راضيه تكلمني ولا تاكل معايا ولا تقولي اي حاجه زعلها وحش زي امها الله يرحمها

فؤاد

معلش يا امي بس ما تمديش ايدك عليها تاني

عايده بحزن

انا يدوب شديتها من ودنها عشان ما تقولش اللي قالته تاني وعشان تتعلم تحمد. ربنا علي اللي معاها وما تبصش علي حاجة حد، المهم انت ايه اللي جابك وايه اللي في ايدك ده؟

فؤاد

جيبتلها الشنطه اللي نفسها فيها اهي..

عايده

برضو عملتلها اللي في دماغها، وبعدين جيبت فلوس الشنطه منين واحنا المعاش بتاع ابوك علي اليوميه اللي بيدهالك هاني يدووب مكفينا بالعافيه..

فؤاد

ما انا كنت محوش الفلوس دول اجيب بيهم ملخص عشان اذاكر فيه قبل الامتحانات، بس هحوش غيرهم المهم هي ما تزعلش..

عايده

رووح يا ابني ربنا يراضيك وبفرح قلبك، وادخل اديهالها خليها ترضي علينا الست جنه هانم..

_ابتسم فؤااد بهدووء ورااح لاوضة جنه اللي كانت واقفه ورا الباب بتسمعهم، واول ما سمعت صوت خطواته بتقرب من اوضتها جريت بسرعه وقعدت علي المكتب وعملت نفسها بتذاااكر ، واول ما دخل بصلها بخبث وقال..

فؤاد

جيبتلك الشنطه اهي يا جوجو ما تزعليش بقي

جنه

مش عايزاها اصلا روح رجعها

فؤاد

طيب والله يا جنه لو ما ضحكتي وجيتي ادتيني بوسه في خدي مش هديكي الشنطه فعلا وهرووح ارجعخا انا جااي مصدع لوحدي ومش ناااقص عِند

_ضحكت جنه بطفوله وقاامت جريت عليه وهو اخدها في حضنه وقال...

فؤاد

مش بيهون عليا زعلك يا شبر ونص انتي، حلوه الشنطه

ابتسمت جنه بسعاده وقالت

حلوه اوووي يا فؤاااد انا بحبك اووي

فؤاد

وانا كمان بحبك يا قلب فؤاد انتي..

_باااااااااااااك..

_ابتسمت جنه وهي بتمسح دموعها وراحت فتحت الدولاب وطلعت الكيس الاسوود اللي شايله فيه الشنطه اللي هو حابها ليها زمان وقالت بنبره حزينه..

جنه

عمري ما نسيت ولا هنسي اي حاحه منك يا فؤااد، ولسه زي ما انا بحبك وبعشقك بس للاسف مش هينفع ابقي ليك ولا لغيرك انت لسه زي ما انت لكن جنه اتغيرت واتكسرت.

_وتاني يوووم الصبح كانت واقفه جنه في المطبخ بتجهز الفطار ومعاها عايده اللي قالتلها..

عايده

طيب اصحيه يفطر ولا اسيبه نايم؟

جنه

براحتك يا خالتي

عايده

لا هصحيه ياكل لقمه وبعدين ينااام براحته

وفي الوقت ده الباب خبط فعايده قالت

تلاقيه الواد سعيد رووحي افتحيله يا جنه..

جنه

حاااضر...

_ ورااحت جنه فعلا فتحت الباب واتفاجئت بجيدا واقفه قدامها وبتبصلها من فووق لتحت..

جنه

نعم حضرتك عايزه مين؟

دخلت جيدا وقالتلها

فين فؤش.. قصدي فؤااد؟

جنه بضيق

انتي مين الاول؟

جيدا بنظره كلها غرور

هو يبقي يقولك انا مين، انتي بقي بنت خالته؟

جنه

انتي تعرفيني؟

جيدا

قالي عليكي اصل فؤش كان بيحكيلي كل حاجه، هو فين بقي؟

جنه بغيظ

لسه نايم استني اصحيهولك

مسكت جيدا ايدها وقال

لا لا قوليلي بس هو ناايم فيم وانا هدخل اصحيه، هو متعود ان انا اللي اصحيه عشان كان عايش لوحده وكده، هو نايم فين بقي؟

بصتلها جنه بعصبيه وقالت؟؟..

أشد أنواع الوجع، أن تغار على من لا تملِكُ حق امتلاكه، وأن تصمت وفي صدرك ضجيج يهزم الجبال

"لا تسأل المرأة عن سبب ثورتها، فالغيرة جيش لا يعرف الاستسلام، وقلب الأنثى لا يقبل الشراكة ولو في نسمة هواء"

_فتحت جنه باب بيتهم اللي كان بيخبط واتفاجئت بجيدا واقفه قدامها وبتبصلها من فوووق لتحت..

جنه

نعم حضرتك عايزه مين؟

دخلت جيدا وقالتلها

فين فؤش... قصدي فؤاد؟

جنه بضيق

انتي مين الاول؟

جيدا بصتلها من فووق لتحت وقالت

هو يبقي يقولك انا مين، انتي بقي بنت خالته؟

جنه

ايه ده انتي تعرفيني؟

جيدا

قالي عليكي اصل فؤش كان بيحكيلي كل حاجه، هو فين بقي؟

جنه بغيظ

لسه ناااايم استني اصحيهولك

مسكت جيدا ايدها وقالت

لا لا قوليلي بس هو ناايم فين وانا هدخل اصحيه، هو متعود ان انا اللي اصحيه عشاان كان عايش لوحده وكده، هو نايم فين بقي؟

بصتلها جنه بعصبيه وقالت

الاوضه اللي هناااك دي اتفضلي مدام متعوده

_وراحت فعلا جيدا لاوضة فؤااد، وجنه دخلت المطبخ وعيونها اتملت دموع وكانت متعصبه جدا وعايده سألتها بقلق وقالت

عايده

مالك يا جنه في ايه، ومين اللي كان بيخبط وواقفه ترغي معاه؟

جنه

بنت صفرا كده شبه الخوجات بتسأل علي ابنك

عايده

طيب ما صحتيش فؤاد ليه؟

جنه بغيظ

لا وحيااتك يا خالتي هي قالت هتصحيه اصلها متعوده تصحيه من لما كان في الغربه وعايش لوحده، قال وانا اللي كنت فااكره السنين دي كلها مخلص ليا، انا اتدبس في هاني واعيش اسوود. اياام في حياتي وهو هنااك كان مقضيها، وراجع عامل نفسه بيحبني، كدااب والله كداااب واناني وعايز كل حاجه لنفسه،و من زمان ومش مهم عنده حد. قد نفسه

عايده بحزن

طيب اهدي طيب واصلا ما كانش يصح تسبيها تدخل عنده..

جنه بضيق

ما هي بتقولي انها متعوده تصحيه.

عايده

هناك حاجه وهنا عندنا حاجه تانيه خالص، نسي نفسه ابن عايده..

جنه

استني يا خالتي اما نشووف هو بقي هيعمل ايه ولا هيبرر اللي بيحصل ده بأيه.

_ وفي الاوضه عند فؤااد كان نااايم اول ما دخلت جيدا وقفلت الباب وقربت منه وبصتله بنظره عاشقه وقالت بصوت واطي

جيدا

فؤش... فؤش قوم عشان عايزاااك

فتح عيونه بسرعه وبصلها بخضه وقال

جيدا... انتي بتعملي ايه هنا؟!

جيدا

جيت اصحيك عشان عايزاك في حاجه مهمه اوووي، وبعدين مالك اتخضيت كده ليه هي اول مره اصحيك ولا اول مره تصحي وتلاقيني جنبك؟!

بعد عنها وقاام لبس التيشرت بتاعه وقال

لا مش اول مره بس ما بقاش في بينا حاجه تخليكي تدخلي عندي بالشكل ده ، وبعدين هنا انا مش عايش لوحدي وما حدش من امي ولا جنه يعرفو اللي كان بينا ولا هيعرفو..

جيدا

اهدي يا فؤااد ما حصلش حاجه، وبعدين هي بنت خالتك مش بتصحيك؟

فؤاد

لا بتصحيني بس بتخبط علي الباب ما بتدخلش، ولو ما صحتش امي هي اللي بتدخل تصحيني، وجودك معايا هنا في اوضتي عيب وغلط يلا اطلعي قداكي

جيدا

طيب برااحه طيب وعرفني علي مامتك عايزه اشوفها، مش لازم تقولها اني طليقتك، قولها اننا صحاب عادي

خرجو من الاوضه وقالها بحده

وكي صوتك طيب وما تجبيش سيرة الموضوع ده، هو انتي مين دخلك اصلا؟

جيدا بغيظ

واحده لابسه جلابيه لونها اسود ، اتوقع انها بنت خالتك اللي انت حكيتلي عليها.

خرجت عايده من المطبخ وقالت

يا اهلا وسهلا عندنا ضيووف ولا ايه يا فؤااد؟

فؤااد

لا دي صاحبة بيت يا امي، جيدا تبقي بنت رشاد بيه شريكي في الشغل واكتر واحد ساعدني وانا مساافر

سلمت عليها عايده وقالت

اهلا بيكي يا بنتي نورتينا

جيدا

بنورك يا طنط سوري جيت من غير معاد بس عايزه فؤش في حاجه مهمه

عايده

فؤش؟!... امممم طيب اهو عندك قوليلو بقي الحاجه المهمه اللي عايزاااه فيها لحد ما نجهز الفطار ونفطر كلنا سوا..

_قالت عايده كلامها ودخلت المطبخ وفؤاد قال لجيدا بضيق..

فؤاد

ايه يا جيدا هو ايه المهم اللي انتي عايزاني فيه؟

جيدا

كريم مندور..

فؤاد

ماله؟

جيدا

اتفقت معاه انه يبقي دااعم للمشرووع بتاعك اللي هتبدأ بيه شركتك الجديده هنا، ده صااحب اكبر شركة دعايه واعلان في مصر فبكده انت من ناحية الدعايه هتبقي مرتاح

قعد فؤاد جنبيها وقال بحماس

اقسم بالله انا من غيرك اضيع، بس وصلتيلو ازاي ده؟..

في الوقت ده كانت واقفه جنه قدام باب المطبخ وسمعته وهو بيكلم جيدا، وحاولت تداري دموعها وحزنها علي قد ما تقدر وراحت حطت الاطبااق علي السفره وجيدا قالت بخبث..

جيدا

انت عارف بقي يا حبيبي انا ما فيش حاجه بتبقي صعبه عليا..

بص فؤاد لجنه اللي متجهلاهم وقال

طيب قولي صباااح الخير وتعالي اعرفك علي جيدا

اتنهدت بضيق وقالت

ما فيش داعي اتعرفنا علي الباب لما فتحتلها

جات عايده وحطت باقي الاكل علي السفره وقالت

يلا طيب عشان تفطرو هات ضيفتك يا فؤااد يلا..

جيدا

لا لا احنا مش هنقدر نفطر بالهنا والشفا ليكم، انا وفؤااد هنفطر بره عشان هنقابل حد مهم

فؤاد

مين ده بقي الحد. المهم؟

جيدا غمزتله وقالت بصوت واطي

مفاجأه انا جايه هنا اسااعدك، يلا بس غير هدومك وانا مستنيااك

فؤاد

طيب خلاص يا امي افطرو انتو احنا عندنا شغل اصلا، جنه معلش اعمليلي قهوه بسرعه وهاتيها ليا جوه هشربها وانا بلبس..

جنه بحده

هو انا كنت الشغاله بتاعت اهل..

عايده بحده

جنه وطي صوتك واسمعي كلام ابن خالتك وادخلي يلا اعمليلو قهوه

بصتلها جنه بحزن وقالت

حاضر يا خالتي..

_ودخلت جنه المطبخ وفؤاد بصلها بخبث ودخل اوضته ، وقاامت عايده دخلت المطبخ عند جنه وساابت جيدا لوحدها وهي قااعده بتبص للبيت بأشمئزاز..

عايده

في ايه انتي بتعيطي؟

جنه بحزن

ما انتي زعقتيلي قدامهم يا خالتي، وتخلي ابنك يبطل يديني اوامر

عايده

عبيطه انا عارفه انك بتحبيه

مسحت دموعها وقالت

انا ما بحبش حد، ايه اللي بتقوليه ده بس يا خالتي

عايده

لا بتحبيه بس اتعاملي عادي اوعي تخلي البت الصفرا اللي بره دي تكيدك، بصي ابني جااي مهزوز ما بين عيشته هنااك واللي عايشه هنا، انتي اتعاملي معاه علي انه اخوكي الكبير وبس فاهمه، وان ما سفش ترااب الارض عشان يتجوزك انا مش هديكي ليه ما تخافيش هو ابني ااه بس انتي بنتي حبيبتي ونور عينيا

جنه بحزن

يا خالتي انا مش عايزه اتجوزه والله، واصلا ماليش حق اغير عليه من البت اللي بره دي،هي شبهه ولايقه عليه بنت نااس ومتعلمه وحلوه واكيد هتبقي اول بخته مش انا مطلقه ويدووب واخده الثانويه وفووق كل ده اللي عملو فيا هاني معقدني من الجواز كله حتي من فؤااد اللي عمري ما حبيت غيره،كل حاجه حوايا انطفت وحتي فؤاد مش هو نفسه فؤاد اللي انا حبيته زمان..

عايده

فهمااكي بس اعملي زي ما بقولك، واللي فيه الخير يقدمه ربنا، وعلي فكره انتي احسن مليوون مره من البت اللي بره دي كفايه انك متربيه ومؤدبه مش بجحه زيها بتاع ايه تدخل تصحيه، ده انا اللي امه بدخل اصحيه وببقي مكسووفه..

ضحكت جنه وقالت

الله يجبر بخاطرك يا خالتي، انا هعمل القهوه وهرووح اديها ليه

عايده

مااشي وانا هدخل اقعد في اوضتي ولما ياخدها ويمشو من هنا نبقي نطلع نفطر انا وانتي براحتنا..

_ورااحت فعلا عايده اوضتها وجنه عملت القهوه ورااحت لاوضته واتحاهلت جيدا تماماً، علي عكس جيدا اللي كانت بتبصلها من فووق لتحت بغيره واضحه، وخبطت علي الباب وقالت..

جنه

القهوه يا فؤااد.

فؤااد من جوه

هاتيها..

_فتحت الباب واول ما دخلت كان هو واقف جنب الباب وقفله واخد منها القهوه وقال..

فؤاد

تسلم ايدك يا حبيبتي..

جنه بتوتر

حبك برص اوعي كده وافتح الباب

_حط القهوه بسرعه علي الترابيزه وقرب منها قبل ما تخرج وحاوطها بينه وبين الباب وقال..

فؤاد

وبعدين معاكي ما تقولي انك غيراانه وتخلصي.

جنه زاد توترها اكتر من قربه المفاجئ منها وقالت

غيرانه من ايه واغير علي ايه اصلا، اوعي كده سيبني اخرج وقفتنا كده غلط انا مش بجحه زي اللي قاعده بره دي علي رأي خالتي

فؤااد قرب منها اكتر وقال

وانا مش هسيبك تخرجي غير لما تقولي الحقيقه وانك غيرااانه منها.

جنه وهي بتحاول تسحب ايدها من ايده

بقي انا اغير من المسرسعه اللي بره دي. واغير علي مين اصلا، فؤااد جنه اللي كانت بتقولك انها بتحبك زمان دي كانت عيله صغيره، انما اللي قدامك دلوقتي دي واحده كبيره خلاص داخله علي 25 سنه، وكل حاجه جواها اتغيرت..

بص في عيونها وهو بيقرب منها اكتر وقال

حتي حبك لفؤااد اتغير يا جنه

ردت عليه بسخريه وقالت

اذا كان فؤاااد نفسه اتغير ما بقااش هو فؤااد اللي حبيته زمان، حبي ليه بقي مش هيتغير، واوعي كده ولاخر مره احذرك انك تلمسني انت فااهم..

_قالت كلامها وسااابته وخرجت من عنده وهو فضل واقف مدايق ، وكمل لبسه وخرج رااح المطبخ وحط القهوه قداامها وهي واقفه وقال..

فؤاد بجمود

مالهاااش طعم ما عجبتنيش زي كلامك بالظبط

ما ردتش عليه وهو قال

جيدا يلا بينا يا قلبي..

قال كلامه واخد حيدا وخرج وهي قالت بغيظ

جاتك وحع قلبك

وقفت عايده وراها وقالت

اخص عليكي ما تدعيش عليه كده

جنه

مش عليه هو يا خالتي هو مش بيقول علي السلعوه اللي معاه دي قلبه يارب بقي تتوجع هي..

ضحكت عايده وقالت

طيب يلا بينا نفطر وكبري دماغك منه خالص بصي لنفسك وغيري من نفسك انتي تلاقيكي اصغر من البت دي بعشر سنين بس لبسك لهدومي وشعرك اللي لاماااه علي طول ده يقول ان عندك خمسين سنه.

جنه

مش مهم انا عاجبني حالي كده

ــــــــــــــــ ـــــــــــــــــ

_وبعد شويه في مطعم رااقي جدا كانت قااعده جيدا ومعاها فؤااد اللي شكله متدايق جدا وقالتله

جيدا

هو في ايه بقي، للدرجه دي زعلان اني جيبتك تفطر معايا

فؤاد

انتي قولتي ان في شغل وانا عشان كده جيت معاكي، ايه بقي شغل العيال ده؟

جيدا

انا معاك بنسي كل حاجه وحبيت افطر معاك، وما رضتش احرج مامتك لاني اكيد مش هاكل الاكل اللي هي كانت عملااه ده

فؤااد

بس انا مش عاجبني الاكل اللي انتي طلبااه ده وكان عاجبني اكل امي، بعد ما كده تسبيني اعمل اللي عايزه

جيدا

خلاص طيب اهدي وقولي انت بتحب الطعميه والفلوس والحاجات دي، انا هجرب اكلهم عشان خاطرك.

بصلها بضيق وقال

قوليلي يا جيدا ايه رئيك في جنه؟

جيدا اتنهدت بضيق وقالت

لطيفه اموره بس انت بتقولي انها صغيره مع ان مش باين عليها هي عندها كام سنه؟

_فؤاد ابتسم بهدوء وهو بيفتكر قربه من جنه لما كانت بتدخله القهوه وقال بهدوء.

فؤاد

لا لا هي صغيره وملامحها بيبي فيس كمان، بس ظروفها صعبه شويه وهي عشان انا موجود في البيت بتلبس عبياات من بتاعت امي، ده حتي وهي خارجه بتلبس هدوم امي القديمه بس زي القمر فيهم برضو، ما كنتش متخيل انها كبرت واحلوت كده، هي اصغر مني ب9 سنين ومنك ب6 ولو اتعاملتي معاها هتحسي ان ورا الوش اللي هي مصدرااه ده في طفله كلها باور وحماااس..

جيدا بحزن

باين عليك بتحبها اووي ما كنتش متخيله انك بتعشقها كده.

فؤاد

قولتلك قبل كده اني بحبها، مش عارف ليه ديما مصممه تنسي الموضوع ده.

جيدا

عشان انت ما قولتليش عليه من الاول انت بعد ما كلقتني قولتلي انك بتحب واحده تانيه، بس انا ممكن ابقي زوجه تانيه علي فكره، هي تبقي مراتك قااعده مع مامتك وانا ابقي معاك في الشغل وحياتنا اللي عملناها سوا..

ومسكت ايده وقالت بتوتر

ما تنكرش انك محتاجني جنبك الفتره دي وديما في الشغل ومش هتلاقي حد يحبك ويهتم بمصلحتك قدي..

سحب ايده من ايدها وقال

جيدا ارجوكي بلاش كده انتي عندي اغلي من انك تتصرفي بالطريقه دي، وبعدين يا ستي ساعديني واحنا صحااب واحنا اخوات مش نافع معاكي الموضوع ده ليه،وما تزعليش مني هي مش هتوافق اني اتجوزك مش هتوافق لو عرفت اني كنت متجوزك اصلا، وانا مش عايز ازعلها ولا اخسرها تاني.

جيدا

فكر في الموضوع ولو مش عايزها تعرف انا موافقه نرجع لبعض في السر المهم تبقي بينا حاجه كبيره وابقي معاك علي طول ويبقالي حق فيك زي زمان حتي لو صغير.

اتنهد بضيق وسكت وهي قالتله بهدوء

طيب كمل فطارك عشان خاطري احنا لسه عندنا يوووم طويل في الشغل..

_قعد معاها فؤااد وهو تفكيره مشتت بين حبه لجنه اللي من سنين وانه ما يقدرش يسيبها تاني او يتخلي عنها، وفرصة رجوعه لجيدا جيدا اللي هتخليه يعلي في شغله اكتر واكتر..

ــــــــــــــــ ـــــــــــــــــ

_وفي الوقت ده في المصنع بتاع هاني كان قااعد مع الشيخ ابراهيم صاااحبه اللي قاله..

ابراهيم

انا من رأيي والله انك تنسي البنت دي، فؤااد راجل كبير مش العيل اللي كان شغال عندك زمان تبيع وتشتري فيه.

هاني

كلام ايه ده يا شيخ ابراهديم، جنه مراتي وانا مش هسيبهاله، غلطة عمري اني طلقتها ما هي لو كانت مراتي دلوقتي هو ما كانش الواد ده قدر يتحكم فيا ويبعدها عني

ابراهيم

فؤاد قال قدامنا كانا انه ناوي يكتب عليها ويتجوزها، فحل عن البنت خلاص وسيبها تتجوز ابن خالتها..

هاني

مستحيل دي مراتي ليا انا وبس، تعرف يا شيخ ابراهيم البت دي من وهي صغيره وانا بقول ياااه لو عندي بنت زيها كانت حلوه ودمها خفيف وروحها حلوه، حبيتها واتعلقت بيها من بعيد، واما كبرت نظرتي ليها اتغيرت بقيت عشقانها وكنت اقول لنفسي يوم ما احب ما احبش مراتي الله يرحمها اللي هي بنت عمي وكانت عشرة عمري واحب البت دي اللي لو كانت مراتي بتخلف من لما اتجوزنا علي طول كنت خلفت عيال اكبر منها، بس ما قدرتش ابعد عنها وعملت المستحيل واتجوزتها..

ابراهيم

ومدام يا اخويا كنت بتحبها اووي كده، طلعت عين اللي جابوها معاك ليه ده البت اتطلقت منك وكانت خلصاانه خالص من ضربك ليها في الفاضيه والملياانه.

اتملت عيون هاني دموع وقال

عشان كانت رفضااني من لما اتجوزتها واتقفل عليا وعليها باب واحد والبت رفضااني كرهااني ما حبانيش

ابراهيم

فكان الحل انك تمد ايدك عليها وتاخدها غصب، هو ده حب يا راجل حرام عليك اللي بيحب ما بيأذيش وانت ما عملتش حاجه في البت غير انك كنت بتأذيها

هاني

انا حر انا اولي بيها من اي حد، وانا بقولك اهو والله ابن خالتها ده ما هيااخدها مني وقبل عدتها ما تخلص هردها ليا واخرتها هترجع تاني لبيتي ولحضني

ابراهيم

يبقي انت كده يا اخويا مش راضي تبعد عن الشر وتغنيله، فانت حر اعمل اللي انت عايزه المره دي مش هطاوعك في حاجه، وافتكر ان فؤاااد ايده بقيت طايله مش عليك انت بس لا ده علي الحته كلها..

_قال ابراهيم كلامه وسااب هاني ومشي، وهو قاام وخرج بره المصنع بتاعه وبص لبيت جنه واتنهد بغضب وقال.

هاني

بس ارجعك ليا تاني يا جنه وانا هعرف احاسبك كويس علي كل حاجه....

_وعدي يوم في التاني وجنه بتتجنب اي كلام مع فؤاااد، وفي يووم كانت راجعه البيت وفي ايدها شنط فيها خضار وطلباات لبيتهم، ووقف فؤااد بعربيته قداام البيت وبص لهاني اللي كان قااعد قدام المصنع بتاعه وقال لجنه بجمود

فؤاد

كنتي فين؟

جنه

البيت كان ناقصه شوية حاجات فخالتي قالتلي انزل اجيبهم.

فؤاد

ما الرجاله واقفين اهو كنتي خليتي حد منهم يجيبلكم الطلبات

جنه

رحالتك دول عاملين زي النسوان الخايبه البياعيين بيضحكو عليهم بيحيبولي الطماطم بايظه والخضار مركون، فانا انزل اجيب حاجتي بنفسي احسن

حاوطها بدراعه وهو بيبص لهاني بخبث وقال

طيب يلا بينا يا حبيبتي نكمل كلامنا فووق في بيتنا

بصله هاني بغصب وجنه قالتله بغيظ

نزل ايدك بدل ما اقلع اللي في رجلي وانزل بيها علي دماغك ولا هقول ابن خالتي ولا زفت

شال ايده بسرعه من عليها وقال

شيلتها اهو يخربيتك وبيت لساانك قداامي علي فوووق يلا

_طلعو فوووق وكانت عايده قااعده بتتفرج علي التلفزيون واول ما شافته قالتله..

عايده

انت جيت يا ابني وحشتني كده اسبوع بحاله ما تجيش ولا اشوووفك

قرب منها فؤاااد وبااس راسها وقال

مس هتتكرر تاني ويلا قوومي كده غيري هدومك انتي وجنه وتعالو معايا

جنه

نروزح معاك فين؟

فؤااد

الفيلا بتاعتي احلي فيلا في الشيخ زايد بتشوفو المكان ده في الاعلانات في التلفزيون اهو انا هسكنكم فيه يا عالم يا فقيره

عايده

ونسيب بيتنا

فؤاد

نبقي نيجي هنا من وقت للتاني وبعدين يا ست الكل البيت هناك بيتنا برضو وانا شغلي قريب من هناك ومش عايز افضل متشحطط من هنا لهناااك..

عايده

خلاص يا حبيبي نيجي معاك، مكان ما انت تكون قاعد ومبسووط انا كمان هبقي مرتاحه ومبسوطه، يلا يا جنه هاتي حاجتك ويلا بينا..

فؤاد

لا لا انا جايبلكم كل حاجه هنااك انتو بس تعالو كده وانسو الحياه دي خلاص اعتبرو نفسكم بتبدأو من جديد

جنه بهدوء

معلش يا خالتي انا هقعد هنا ومش همشي.

فؤاد بحده

تقعدي فين اخلصي يا جنه قال تقعدي هنا؟

جنه

بقولك ايه انت ما تمشيش كلامك عليا امك عايز تاخدها معاك وهي راضيه براحتها انما انا مرتاحه هنا في المكان اللي كبرت واتربيت فيه

فؤاد

وحيااة امك يا اختي من حلاوة المكان ولا من الذكريات السعيده اللي فيه..

بصتله بسخريه وقالت

لو علي الذكرياات اللي فيه من طفولتي فانا نسيتها كلها، بس انا مش عايزه اقعد معاك في بيتك

قالت كلامها ودخلت اوضتها وهو قال لعايده بغيظ

شااايفه بنت اختك هي مالها اتحولت ليه كده، ده انا كنت سايبها نسمه ما بتقولش غير حاضر ونعم واكتر حد بتثق فيه وبتسمع كلامه هو انا، من لما بقي رجعت والبت مش طيقاااني..

عايده

بقولك ايه انا رجلي علي رجلها يا فؤااد، هي وافقت تعيش في بيتك الجديد هرووح معاها لا مصممه تقعد هنا انا مش هسيب بنتي لوحدها وامشي اما ما اقدرش اعيش من غير جنه دي رووحي

فؤاد بخبث

ورووحي انا كمان، بس خليكي قااعده هنا ومهما حصل جوه ما تجيش

بصتله عايده بقلق وقالت

ولاااا انت ناوي علي ايه؟

ابتسم وبص لاوضة جنه بنظره خبيثه وقال

هقنعها تيجي معانا بس بطريقتي يا ست الكل

_قال كلامه وراااح لاوضة جنه و؟؟

الفصل الرابع من هنا

أتيت لتعالج قلباً ، كنت أنت من تركه ينكسر

_بعد ما رفضت جنه انها ترووح مع فؤاد بيته الجيديد، دخلت اوضتها وساابته هو وعايده وقال هو بعصبيه..

فؤاد

شايفه بنت اختك هي مالها اتحولت كده ليه، ده انا كنت سايبها نسمه ما بتقولش غير حاضر ونعم واكتر حد بتثق فيه وبتسمع كلامه هو انا، من لما رحعت بقي والبت مش طيقااني...

عايده

بقولك ايه انا رجلي علي رجلها يا فؤااد، هي وافقت تعيش في بيتك الجديد هروح معاها لا مصممه تقعد هما انا مش هسيب بنتي لوحدها وامشي، انا ما اقدرش اعيش من غير جنه دي رووحي

فؤاد بخبث

ورووحي انا كمان، بس خليكي قاااعده هنا ومهما حصل جوه ما تجيش

بصتله عايده بقلق وقالت

ولاااا انت ناوي علي ايه؟

ابتسم بخبث وقال

هقنعها تيجي معانا بس بطريقتي يا ست الكل..

قال كلامه ورااح لاوضة جنه وخبط علي الباب ففتحت الباب وقالتله بحده..

جنه

عايز ايه؟

فؤاد اتعصب من طريقتها وقال

من الاخر كده هي كلمه ومالهاش تاني جاايه معانا ولا لا؟

جنه

قولتلك لا

بصلها من فووق لتحت بخبث وقال

براحتك خليكي هنا..

_وبص لامه وغمزلها من غير ما جنه تاخد بالها وقالها بهدوووء..

فؤاد

يلا يا امي قوومي غيري هدومك ولو معاكي حاجه مهمه بس هاتيها انا جايبلك كل حاجه في بيتنا الجديد اللي في التجمع

عايده

يا ابني بس ااا..

قرب منها وقال بصوت واطي

اسمعي بس اللي بقولك عليه انا ما اقدرش اصلا اسيبها لوحدها هنا..

_قاامت عايده ورااحت تغير هدوومها، وهو رااح وقف في البلكونه وطلع سيجارته وبدأ يشرب فيها وفي الوقت ده كان هاني خارج من المصنع بتاعه وعينه تلقائياً جات علي شبااك اوضة جنه، فأتعصب فؤاااد ورما السيجاره بتاعته قداااامه وقال..

فؤاد بحده

هاااني نزل عينك وبص قدامك. وخليك في حالك بدل ما انزلك

هاني

وانا هخاااف منك ولا ايه، وريني نفسك يا حبيبي

رااح سعيد لهاني وقاله

اكسر الشر يا حج هاني، فؤااد بيغير علي اهل بيته وده حقه وبلاش تخليه يركبك الغلط قدااام الناااس..

هاني بسخريه غاضبه

والله وبقالك صوت وبتتكلم يا سعيد، امشي من وشي يا واد انت وقول لصااحبك ان اللي عايزه هااخده..

_قال كلامه وقعد قداام المصنع بتاعه وبتاع القهوه جاب ليه الشيشه لحد عنده وحط رجل علي رجل وبص لفؤاد وقال..

هاني

الحته دي مالهاش غير كبير واحد وهو الحج هاني، العيال مهما اتغنت هيفضلو عيال قداامي..

ابتسم فؤاااد بسخريه قال

ما هي لو بالصوت العالي كان زمان الحمار ملك الغابه...

_ضحكو النااس اللي في الشاارع كلهم وهاني بصله بغيظ، وجات عايده وقفت وراا فؤاد وقالتله

عايده

ما تعملش مشاااكل معاه ويلا بينا، بس هناخد جنه ازاي؟

فؤااد

تعالي بس هاتي الموبيل والحاجه المهمه بتاعتها برضو لو ورق او حاجه وانا هاخدها وانزل

عايده بقلق

هتاخدها ازاي؟

فؤاد

هتشوووفي يا ست الكل..

_في اوضة جنه فتح فؤاد باب الاوضه وكانت قااعده علي السرير بتعيط، ولما شاافته قاامت بسرعه وقالت..

جنه

يا نهارك مش فايت انت ازاي تدخل كده من غير ما تخبط؟

قرب منها وقال

هو انا مش عارفك ده انا اللي مربيكي ومش هقدر اسيبك وامشي وانا عارف برضو انك عايزه تيجي معانا بس دماغ امك جزمه قديمه ولازم تتعبيني

مسحت دموعها وقالت

مش عايزه اروووح مع حد وحل عن دمااااغي بقي وسيبني في حالي..

_ما ردش عليها وفي اقل من ثانيه كان شايلها علي كتفه وهي اتنفض جسمها كله بخوف وخجل وصدمه من عملته، وضربته علي كتفه وقالت بحده..

جنه

انت يا وااااااد انت نزلنييي، يا خالتي الحقينيي، انت اتجننت نزلنيييييي..

فؤاد بحده

لممم ايدك يا بت انتي..

‌_واول ما خرج بيها من الاوضه عايده كتمت ضحكتها وقالتله...

عايده

يا ابني نزلها عيب كده..

فؤاد

بلا عيب بلا مش عيب حتت عيله زي دي مش هعرف امشي كلامي عليها..

_قال كلامه واخدها ونزل وهي بتترجااه ينزلها بس مش راضي يرد عليها وخرج بيها في الشارع قدام اهل الحته كلهم وهاني اللي بصلهم بغضب واول ما شافهم سعيد قال..

سعيد

شيل يا طويل العمر شيل..

فؤاد

مش ناقص اسظرااف وافتح باب العربيه يلا..

قاام هاني وقرب منهم وقال بغضب

انت واخدها غصب عنها كده ورايح فين ايه المسخره دي؟!..

نزلها فؤاد وهي قالتله بغيظ

عجبك كده اتفضل بقي اتصرف

فؤاد

هتصرف هو عايز يتقل منه ويتهاان قدام النااس كلها

قرب منهم هاني ومسكه من هدومه وقال بحده

واخدها ورايح فين هي مش هتمشي من هنا

_‌فؤاد ذقه بكل قوته لدرجة ان هاني كان هيقع علي الارض ورد عليه بحده وقال..

فؤاد

انت مال اهلك بتدخل ليه يا راجل يا خرفاان انت..

هاني بغضب

احترم نفسك يالا انا كبير الحته دي، وهي طليقتي ااه بس تخصني وما اسمحلكش تاخدها من هنا غصب عنها وهي عايزه تقعد

بص فؤااد لجنه وقال

ردي عليه وقوليلو انتي عايزه ايه؟

جنه وقفت ورا فؤااد وقالت

انا ماشيه مع فؤااد..

فؤاد بجديه

سمعت يا هاني واعمل حساابك دي اخر مره هعديهالك واتكلم معاك راجل لرااجل مع اني شايفك غير كده، بس يمين بالله لو فكرت بس تدخل تاني في حاجه تخصني انا واهل بيتي همسح بكرامة اللي جابك الارض..

هاني بعصبيه

تمسح بكرامة مين يالا انت..

جه الشيخ ابراهيم وقال

خلاص يا هاني اومال مالكش دعوه بيهم، امسحها فيا فؤااد وانت رووح اقعد في مصنعك مالك ومالهم اللي هنعيده هنزيده

ما ردش عليهم فؤااد وبص لجنه بغيظ وقال

واقفه ليه ما تركبي العربيه..

_سمعت كلامه وركبت العربيه وجات عايده وركبت جنبيها وهو رااح سااق العربيه ومعاهم سعيد وعربية الحرااس بتاعته ورااهم..

عايده

مش كل شويه هتتخانق مع هاني يا فؤااد كبر دماغك منه..

فؤااد بغيظ

البركه في الهانم ما هي لو بتسمع الكلام الزفت ده ما كانش لقي حاجه يتكلم عليها

جنه بضيق

انا مش عايزه اقعد في بيتك انا حره بتجبرني اعيش في بيتك ليه ما تحترم رغبتي..

رد عليها بحده وقال

اخرسي با بت انتي بدل ما انزلك، وتعيشي لوحدك ليه واحنا اصلا كلها اسبوع او اتنين بالكتير وهنتجوز

جنه

هو بالعافيه قولتلك مش عايزه اتجوز

فؤاد

سعيد انت سمعت حاجه؟

سعيد

لا يا صااحبي سووق بس خلينا نشووف اللي ورانا

اتملت عيون جنه دموع وبصت لعايده اللي قالت

ما تخافيش يا جنه مش هيتجوزك غير لو قولتي انك موافقه

فؤاد

انتي اخدتي صفها يا امي

عايده

اومال اسيبك تجبرها عليك، بمزاجها وترضي بيك وتبقي مبسووطه يا ما فيش جواز..

_ابتسمت جنه بانتصار وهو اتنهد بضيق وفضل سااكت وبعد شويه وصلو قداام فيلا شكلها حلو جدا، ونزلت عايده من العربيه وسعيد وجنه جات تنزل بس الباب ما كانش راضي يفتح فقالتله بقلق..

جنه

افتح الباب ده

فؤاد

هنرووح مشوار سوا الاول

جنه

مشوار ايه يا خالتي خليه يسيبني في حالي بقي..

عايده

وبعدين معاك يااا فؤاد ما تسيبها تنزل..

فؤااد

هنرووح نشتري شوية حاجات يا امي وجايين، سعيد خليك مع امي لحد ما نرجع..

جنه بحده

نزلني يا فؤااد انا مش عايزه اشتري معاك حاجه..

_ما ردش عليها ومشي بالعربيه وهي فضلت قااعده مدايقه وبعد. شويه قالها بهدووء..

فؤااد

بتوحشيني علي فكره

اتجاهلته كأنه ما اتكلمش وهو قال

والله بتوحشيني لما بغيب عنك واتلهي في الشغل ومجرد ما بقعد مع نفسي بتبقي وحشااني اووي..

جنه

بطل كدب انت لو جاتلك مصلحه لشغلك انك تسافر هتسيبنا وتمشي تاني ومش هتفرق معاك حاجه، انا عمري ما هصدق اي حاجه انت هتقولها تاني..

فؤاد بجديه

انا بني ادم علي فكره وكل بني ادم بيغلط، وبعدين انا لو كنت رجعت بدري وما عملتش الفلوس اللي عملتها دي ما كنتش هقدر اقف لهاني ولا احميكي منه وعلي يدك احنا كنا اقل نااس قي الحته كنت بشتغل وبذااكر وبتطلع عيني كل يوم عشان بس نلاقي اكل وشرب..

اتملت عيونها دموع وقالت

ياريتك ما مشيت وكانت فضلت مشاكلنا الاكل والشرب وبس، انت مهما اتحكالك او تخيلت مش هتوصل ولا تعرف انا حصلي ايه لما انت مشيت، كنت كل ليله بقول هصحي الصبح الاقيه رجع كنت واثقه فيك ومصدقه وعدك انك هتحميني ومش هتتخلي عني، لحد. ما فقدت الامل فيك خالص وما بقاش عندي فيك ثقه ولا بصدقك وايوه بحملك انت سبب اللي حصلي كله يا فؤاد.

_قالت كلامها ومسحت دموعها وهي بتبص علي الطريق من الشباااك، وهو اتنهد بحزن وقال

فؤاد

بس انا هقدر يا جنه

رحعت بصتله وقالت

هتقدر علي ايه؟

فؤاد

هقدر ارجع ثقتك فيا تاني واخليكي تصدقيني، بس اهم حاجه اني رجعت لقيت جنه حبيبتي لسه بتحبني زعلانه مني ايوه بس لسه بتحبني

_اتوترت من كلامه وما ردتش عليه، وهو ابتسم بهدووء وكمل سواااقه وبعد شويه وقفو قداام محل ملابس كبير جدا، ونزل من العربيه وراااح فتحلها الباب وقال..

فؤااد

اتفضلي يا جنه هانم

هانم

انت جايبني هنا ليه؟

مسك ايدها وخلاها تنزل وقال

نفسي مره تسمعي الكلام وتبطلي عِند واسئله كتير، وهنكون جايين هنا ليه هجيبلك شوية حاجات انتي وامي عشان حياتكم الجديده

جنه

وانت بقي يا عينيا مش عاجبك منظرنا كده وو..

حط ايده علي بوقها وقال

اخرسي يخربيتك هو احنا هنا في الحاره هتردحيلي

ذقته بعيد عنها وقالت

قولتلك ما تلمسنيش وانا مش عايزه منك حاجه رجعني عند خالتي..

فؤاد

قدامي يا جنه يلا بدل ما اشيلك وادخلك ، ولا انتي عايزه تتشالي اصلا قولي ما تتكسفيش..

بعدت عنه وقالت بخوف

لا لا خلاص هدخل بس خليك بعيد وخلي في مساافه بينا..

_ابتسم بهدوء وبعد عنها ودخل المحل وهي وراااه وكانت واقفه واحده ست في الاربعين من عمرها ولما شاافته قالت..

_اهلا وسهلا بحضرتك يا فؤااد بيه نورتنا

فؤااد

بنورك يا مدام الهام، الهانم تبقي خطيبتي وحابه تشتري شوية حاجات

الهام

المكان كله تحت امرك يا افندم، اتفضلي يا هانم..

فؤاد بص لجنه وقال بهدوء

تعالي يا جنه تحبي بقي نبدأ بالهدووم البيتي ولا نجيب الخروووج الاول هنا هتلاقي كل حاحه ممكن تحتاجيها

جنه بتوتر

انا مش عايزه حاجه وبعدين الحاجات هنا شكلها غالي اووي..

فؤاد ابتسم وقال

ما فيش حاجه تغلي عليكي، ما تتعبنيش بقي واغلي حاجه عندك، اسمعي الكلام واختاري اللي نفسك فيه كله

جنه

قولتلك مش عايزه حاجه يا فؤاااد بجد

فؤااد

بصي هو انتي عجبااني حتي لو لابسه شوال عجبااني، بس دي مش جنه انتي ليه عامله في نفسك كده، ليه لبسك كله اسوود وشعرك ده مش كان احلي شعر في الدنيا وبتحبي تهتمي بيه، انتي لسه صغيره والدنيا قداامك طويله ما تعقديش نفسك بسبب ذكريات وحشه عدت وانتهت..

اتملت عيونها دموع وقالت

انا حالي عاجبني كده، وما فيش حاجه تستاهل اني اتزوق واتشيك عشاانها انا كده مرتاحه اكتر ولا عايزه اعجبك ولا اعجب غيرك

فؤااد قرب منها وقال

قولتلك انتي عجباااني يا جنه واوووي كمان، بس وضعك ده مش عاجبني وعادي زي ما كنت بختارلك لبسك زمان هختارلك دلوقتي

_وفعلا رااح جابلها فساتين طويله للارض وباكمام طويله وشكلهم حلو جدا والوانهم كمان حلوه وقالها..

فؤااد

ادخلي قيسي دول.

جنه

لا مش عايزه شكرا.

فؤااد بنفاذ صبر

يا جنه بطلي العند ده، وادخلي بدل ما والله اخليكي تقسيهم بنفسي هاا..

_قال كلامه وهو بيغمزلها بخبث فوشها احمر بخجل وقالتله بحده..

جنه

احترم نفسك بقي، وهات اما نشووف اخرتها معاك ايه..

واخدت الهدووم ودخلت اوضة اللبس وهو قالها

مستني اشووف توريني كل حاجه تقسيها..

_ابتسمت بخجل ولبست فعلا اول فستان وكان لونه ازرق وبسيط جدا ولايق اووي عليها، واول ما خرجت وشافها ابتسم بهدووء وقرب منها وقال..

فؤااد

ايوه كده، طيب والله لسه زي ما انتي جنه اللي كان عندها 15 سنه وكنت اخدها اجيبلها هدوم العيد فاكره؟...

_ابتسمت جنه بهدوء ونسيت كل حاجه وافتكرت اللي حصل من تسع سنين لما كانت ماااشيه مع فؤااد وهي عندها 15 سنه وماسكه في ايده وقالتله..

جنه

حلو الفستان اللي هناااك ده

فؤاد

لا مش حلو

جنه

والله حلو ولونه مووف اكتر لون بحبه في حياتي والنبي يااا فؤاااد نروووح نجيبه

فؤاد

بصي عشان نبقي متفقين حاحه مفتوحه او مكشوووفه من فوووق مش هنجيبها وقصير لا برضو

جنه بضيق

يا سلام يا اخويا اومال هجيب ايه

فؤاد

هجيبلك حاحه محترمه

جنه

هيبقي شكلي وحش كده في العيد

فؤااد

بالعكس هيبقي شكلك حلو وهتبقي متربيه ومحترمه

جنه

يا فؤااد انا لسه صغيره علي تحكماتك دي،ده لبني بنت الشيخ ابراهيم جايبه بنطلون جينز مقطع

فؤاد

مالناااش دعوه غير بنفسنا ولا انتي مش صغيره كلها تلات سنين وهتجوزك. ها بقي فين اللي صغيره

ابتسمت بخجل وقالت

خلاص اللي انت عايزه انا هعمله

فؤاد

بتفرحي انتي وتبقي كيووت لما اجيب سيرة الجواز

جنه قربت منه وقالت

وما افرحش ليه مش هتجوز اللي بحبه

فؤاد اتصدم من ردها عليه وقربها منه وقال

ايه ده ايه ده مين علمك الكلام ده؟

جنه بتوتر

لبني قالتلي اقولك كده وانت هتبقي مبسووط لما اقولك كده

فؤاد ابتسم وقال

هو انا فعلا مبسوووط بس لما تقولك. كده تاني قوليلها لما ابقي مراته يا لبني اقوله اللي انا عايزااه، ولو قولتي كده تاني هزعلك عيب..

جنه بخجل

خلاص انا ما كنتش اقصد

فؤاد

تعالي هجيبلك فستان حلو من محل بيبع لبس محجباات، وبعدين ما تجيبي حجااب وتداري شعرك ده

جنه

مش وقته لما اكبر

فؤاد

عارفه احلي حاجه فيكي شعرك يا بت انتي

جنه

وبعدين بقي لما ابقي مراتك قول اللي عايزه دلوقتي عيب

ضحك بهدوء وقال

ههههه شااطره يا حبيبة قلب فؤاد يلا بينا..

_فااقت من ذكرياتها اول ما قرب منها وحط ايده علي شعرها وقال..

فؤاد

سرحتي في ايه؟

ذقته بعيد عنها وقالت

لم نفسك بقي ايه قلة الادب دي قولتلك ما تلمسنيش والله بعد كده هكسرلك ايدك، وبعدين خلاص حلو الفستان ده شكرا مش عايزه حاجه تانيه

فؤاد اتنهد بغيظ وقال

لا ازاي استني انا عرفت مقاسك خلاص ادخلي قيسي باقي الفساتين وانا هجيبلك شوية حاجات تاني علي ذووقي واللي عايزااه خديه واللي مش عايزااه سبيه، عايزه تاخديهم. كلهم ما فيش مشكله

_وبقي فعلا بيحيبلها حاجات كتير وكلها شكلها حلو وجابلها هدوم بيتي وكل حاجه ممكن تحتاجها..

_وبعد ما خلصو كان واقف عشان يحااسب واول ما شاافت الرقم في الفاتوره اتصدمت وقالتله..

جنه

فؤاد قولي ده ان رقم تلفون المحل مش سعر الحاجات اللي جيبتها

فؤااد بنفس نبرتها

ده كده مش كتير اسكتي بس، ده انا وجااي جيبتلك معايا شوية حاجات من امريكا انما ايه تحفه ربع دول وسعرهم اغلي من الحاجات دي كلها

جنه

حاجات ايه دي؟

فؤااد غمزلها وقال

لما نبقي نتجوز هوريهوملك عيب دلوقتي.

جنه بسخريه

طموح اوووي وفاااكر اني هتجوزك

فؤاد

فعلا انا طموح وانتي عارفه اني بوصل لطموحي ديما وانتي اكتر حاجه انا طموح ليها يا جنه..

اتنهدت بضيق وما ردتش عليه وهو دفع الحسااب وبعدين اخدها وجااب حاجات لمامته كمان واختاروها مع بعض، وبعد شويه كانو قااعدين في مطعم راقي جدا وهو بياكل وقالها

فؤاد

ما تاكلي يا جنه الاكل مش عاجبك.

جنه باحرااج

قولتلك روحني انت اللي صممت نيجي هنا وانا ما بعرفش اكل بالشوكه والسكينه زيك كده ولا زي الناااس دي..

قبل ما يرد عليها قربت منهم جيدا وقالت

فؤش ايه الصدفه الحلوه دي

فؤاد بصلها بضيق وقال

ازيك يا جيدا بتعملي ايه هنا؟

جيدا

كنت بتعشي انا ولين المسااعده بتاعتي هي حات امبارح مصر، وهي مشيت وانا قولت اجي اقعد معاكم لو مش هدايقكم يعني

فؤاد

وايه اللي هيدايقنا اتفضلي اقعدي..

_قربت منه جيدا وقعدت جنبيه وكانت جنه قدامهم، بس هو قااام وقعد جنب جنه ومسك الشووكه والسكينه بتوعها وقالها..

فؤاد

بصي يا جنه ركزي معايا بنقطع الاكل كده وو..

قاطعته جيدا وقالت

فؤاد علمها في البيت يا حبيبي مش قدام النااس كده او ما فيش داعي اصلا كنت تجيبها مكان زي ده

_اتملت عيون جنه دموع وفؤاد بص لجيدا بغضب وقالها...

فؤاد

انتي مالك انا اجيبها المكان اللي انا عايزه

جيدا بتوتر

انا مش قصدي اقلل منها بس عشان. الناااس يعني ومنظرك

فؤااد

انتي ما تقدريش تقللي منها اصلا يا جيدا، وطظ في النااس كلها انا المهم عندي جنه وبس..

_بصتله جنه وابتسمت بهدووء وجيدا قامت وقالت بحزن واحرااج ودموع امعت في عينيها

جيدا

انا افتكرت ان في حاجه مهمه معايا ولازم امشي، بعد اذنكم..

قالت كلامها ومشيت وجنه قالتله بقلق

انت كسفتها وزعلتها..

فؤاد

عشان بعد كده تلتزم حدودها معاكي

جنه

بس ممكن ده يأذيك قي شغلك او تعملك مشكله مع ابوها، مش انت بتقول انك شريك ابوها؟!

فؤااد

كبري دماغك انا هتصرف، المهم ما حدش يزعلك واللي هيعمل كده انا اللي هزعله المهم ركزي معايا ولا اقولك انا هأكلك دلوقتي وابقي اعلمك فعلا في البيت

جنه بتوتر

تأكلني ايه هو انت جاايب بنت اختك معاك بس يا فؤااد

فؤاد قرب منها وقال

لا جاايب معايا بنتي اللي ربيتها وكبرت علي ايديا وحبيبتي اللي هتبقي مراتي وكل دنيتي قريب

جنه

يا فؤااد ااا

فؤاد.

مش وقته نتكلم دلوقتي اسمعي الكلام وكلي وما تعنديش معايا بدل ما اعمل حاجه نتمسك بيها كفعل فاضح في مكان عام

_بصتله بغيظ وفضلت تاكل من ايده والنااس فضلت تبصلهم وتتهامس عليهم وعلي نظراتهم اللي كلها عشق بينهم...

الفصل الخامس من هنا

قد يرحلُ الأشخاصُ عن حياتنا، لكنّ ندوبَ أفعالهم تظلُّ تطاردُنا في كلِّ طريق

_عدت الاياام ورا بعضها واتقبلت جنه انها تعيش في بيت فؤااد اللي كان مختلف تماما عن بيتهم اللي في المنطقة الشعبيه، وفي يووم كانت قااعده في الصاله مع عايده اللي قالتلها..

عايده

بقيتي منوره في الحاجات اللي جبهالك فؤاد..

_بصت جنه للفستان اللي لابسااه وكان طويل لتحت الركبه ولونه ازرق وقالت..

جنه

حسااه مش لايق عليا الالوان دي كلها مش لايقه عليا ولا شبهي.

عايده

وهو كان ايه اللي شبهك بقي الاسوود اللي كنتي دافنه نفسك بيه...

دخل في الوقت ده فؤاد وقال

وما ذنب الجميله الا ان الاسوود يليق بيها..

_اتوترت من وجوده كالعاده وهو قال كلامه وقعد جنب مامته وقال وعيونه عليها.

فؤاد

الغدا جااهز ولا لسه يا ست الكل..

عايده

ثانيه واحده هشووف الشغالين اللي انت جايبهم دول خلصو ولا لسه، ايدهم تقيله اووي في الشغل وما يستهلوش كل الفلوس اللي انت بتديها ليهم

فؤاد

من بكره بتغيرو واجيبلك غيرهم

عايده

لا لا كويسين ما تقطعش عيش حد. بس سيبهوملي انا هخليهم يشتغلو بضمير..

_قالت كلامها وقاامت دخلت المطبخ وفؤااد ضحك وقال لجنه...

فؤاد

ههههههه هبقي ازودهم، كفايه هيتحملو تحكمات امي..

_قااامت جنه وجات تمشي بس هو قاام بسرعه ووقف قدامها وقال..

فؤاد

علي فين هو انتي كل ما تشوفي وشي تهربي من قدااامي...

جنه بتوتر

انا مش بهرب من حد اوعي انا عايزه ارووج اوضتي

فؤاد قرب منها وقال

هتتغدي معانا النهارده وحشااني اووي وعايز اشبع منك وانتي قدامي..

_قلبها فضل يدق بسرعه وبعدت عنه كذا خطوه لورا وقالت..

جنه

ما ليش نفس.

فؤاد

ولو انا مشيت دلوقتي هتتغدي مع امي عادي، هو انا اللي بسد نفسك يعني.

جنه

سيبني في حالي يا فؤااد

فؤاد

فؤاااد اتجنن منك خلاص، يوم ما خرجنا مع بعض كنتي حلوه شويه وقولت خلاص البت بدأت تحن وترجع زي زمان معايا، بس اتحولتي تاني وبقيتي غلسه اووي..

جنه بحده

انا مجنونه بقي اوعي من طريقي بدل ما اطلعهم عليك

غمزلها وقال

هما ايه دول..

ضربته علي كتفه وقالت

احترم نفسك وبعدين انا كده وياريت انت تتعود علي طريقتي دي، انا بنت خالتك وزي اختك الصغيره وبس

فؤاد بغيظ

جاتك خوووت في دماغ اهلك، اصلا فااضل تلات ايااام وعدتك تخلص وهتجوزك، موافقه بقي مش موافقه هتجوزك يا جنه..

جنه بضيق

بطل بقي طريقتك دي انا مش لعبه في ايدك ومش هتجوزك يا فؤااد لو حكمت حتي اني ارجع لهاني ولا اني اتجوزك غصب عني..

جات تمشي بس مسكها من دراعها جامد وقال

للدرجه دي مش طيقاااني...

جنه بألم

سيب ايدي يا فؤااد

قرب منها وقال بنبره غاضبه

وجودك مع هاني هتقبليه ومعايا لا،عملت ايه انا يستاهل كل ده يا جنه؟..

جنه بدموع والم

هاني من لما اتجوزته وانا عمري ما اتعشمت فيه في حاجه، الصعب يا فؤااد، لكن الصعب اني اتعشم في حد ويخزلني سنين، انا مش قادره اثق فيك، انا كنت كل يوم من لما هاني دخل حياتي وانا بنام واصخي علي امل انك ترحع وتريحني منه لحد ما زهقت وتعبت منك ومنه ومن كل حاجه، وكمان انا كنت بحبك لما كنا شبه بعض انما انت دلوقتي انت واحد انا ما اعرفوش اسمك وشكلك ما اتغيروووش فعلا بس مش انت فؤااد اللي انا حبيته زمان..

خرجت عايده من المطبخ وقالت بقلق

في ايه مالك ماسكها كده ليه فؤاااد سيبها..

_ساابها فعلا فؤااود وعايده وقفت بينهم وقالت بحده لفؤاااد..

عايده

اسمع يا فؤاااد اياااك تفكر تمد ايدك عليها ولا تزعلها بنص كلمه، والا والله هاخدها وامشي من هنا كله الا جنه فااهم

فؤااد عيونه ما فارقتش جنه وقال بنبره حزينه

طيب عقليها يا امي بدل كلام الافلام اللي هي ماااسكه فيه ده، قوليلها اني بحبها وخليها توافق اني اتجوزها

عايده اتنهدت بحزن وقالت

الجواز مش بالعافيه انا كلمتها بس هي مش قبلاااك خلاص تبقي من النهارده هي بنت خالتك واختك الصغيره زي زمان.. الغدا هيبقي جاهز علي طول اهو، تقعدو تاكلو مع بعض وتنسو خالص موضوع الجواز ده وتبطلو تتخانقو سوا..

بصلهم فؤااد بحزن وقال

ماليش نفس اكليها هي..

_قال كلامه وسااابهم ومشي، وعدي اليوم وهو ما جااااش خالص وكانت هي طول الليل قااعده في البلكونه مستنياااه يجي، وبرغم حبها الكبير ليه الا انها خايفه منه وثقتها فيه مهزوزه، واللي حصل في حياتها بعد جوازها من هاني دمرها كـ بنت وبقيت خاايفه من اي علاقه ومش عارفه ازاي تفهم فؤااد خوفها ده من غير ما تكون سبب في حزنه، وفي نفس الوقت عايزااه يبعد عنها ويسيبها تاخد وقتها في أنها تتعافي.

_وتاني يوم كانت قااعده في الجنينه قدام حمام السبااحه ومعاها لبني صااحبتها وبنت الشيخ ابراهيم اللي قالتلها..

لبني

انتي غبيه يا بت انتي، بقي الراااجل راجع مليونير ولسه بيحبك وعايز يتجوزك وانتي برضو رفضاااه ده انتي ما عندكيش دم، ده انا سعيد عشان بس اشتغل معاه ما كملش شهر وجاب شقه وجه اتقدملي وقرينا الفاتحه وقبل رمضان هنتجوز ان شاء الله

ابتسمت جنه وقالت

سعيد قالنا وفرحتلكم اووي..

لبني

وانتي كمان من حقك تفرحي، يا جنه ده انتي من يوم يومك. اجمل واحلي بنت في الحته

جنه

علي رأي خالتي ديما تقول يفيد بأيه الجمال والبخت مااايل، وانا بختي مال ميله كبيره لما اتجوزت هاني

لبني

وجه اهو اللي يعدل بختك ويخليكي تعيشي شبابك وحياتك معاه وانتي سعيده

جنه

خايفه يا لبني، وانتي الوحيده اللي عارفه السبب انا بقيت اخااف من فكرة الجواز انتي ما شوفتيش هاني كان بيعمل فيا ايه

لبني بحزن

منه لله البعيد ربنا ينتقم منه، علي العموم حاولي تدي فؤااد فرصه ده كلمني بنفسه امبارح عشان اجي واقنعك ان بعد العده ما تخلص توافقي انه يتجوزك..

جنه

قوليلو اني برضو ما وافقتش، ويحل بعيد عني يرووح يتجوز بنت الرااجل اللي شغال معاه ده، شكلها بتحبه وعايزااه

لبني

المهم هو عايز مين برضو، وبعدين هو فين، سعيد قالي انه ما راحش الشغل النهارده وسعيد محتاس هناك من غيره

جنه بضيق

رجع وش الصبح وشكله كده كان سكران او شاارب، اهو اتفضلي بقي ده فؤااد اللي كان بيأم بالناااس في المسجد، رااجع مختلف علي قد ما يبان حنون بس الدنيا والغربه غيرووه، فؤااد اللي عمره ما مد ايده عليا لما بقيت اتنااقش معاه والكلام ما يجيش علي مزاااجه لولا خالتي هيمد ايده عليا

لبني

لا حول ولا قوة الا بالله، علي العموم برضو فكري وصلي استخاااره يمكن ترتاحي..

جنه

ان شاء الله يا لبني، المهم قوليلي ايه بقي اللي حصل لما سعيد جه يتقدملك..

_وفضلت تتكلم مع جنه وعدي الوقت ومشيت لبني وهي فضلت قااعده لوحدها بتفكر في كلامها وانها ممكن تدي لفؤااد فرصه انه يقرب منها وتقبله، وفي الوقت ده وقفت جيدا قدامها وقالت..

جيدا

سرحانه في ايه يا جنه؟

جنه بضيق

ابدا..

جات الشغاله وقالت

فؤااد بيه بيقول لحضرتك يا جيدا هانم استنيه هنا وهو نازل حالا تحبي تشربي حاجه؟..

جيدا

لا ميرسي انا هقعد مع المدام لحد ما فؤش ينزل

جنه بغيظ

اللهم طولك ياا روووح..

مشيت الشغاله وجيدا قالت

سمعت انكم هتتجوزو قريب؟!

جنه

ان شاء الله.

جيدا بخبث

فؤاد هوائي بيحب الحاجه طول ما هي بعيد عنه واما بيوصلها بيهملها زي ما بيعمل معايا كده، انتي ما شوفتيش فؤاااد واحنا في اوربا كان ديما معايا يووومي ما بيعديش غير وهو معايا اليووم كله، صدقيني عشت معاااه حاجات كتير لدرجة اني ما اقدرش حتي افكر في رااجل غيره، ولما كنت اقوله انت هترجع مصر وتنساني يقولي انا ما فيش حاجه في مصر تستاهل ارجعلها..

جنه

انتي بتقوليلي ليه الكلام ده؟

جيدا

عشان ما تبقيش عبيطه وتاخدي بالك، وعلي فكره انا مش هسيب فؤاااد، انا ما حبتش في الدنيا دي قده هو وحتي لو اتجوزك انا مش هسيبه واللي عايزااه هيحصل وهبقي مراته زوجه اولي زوجه تانيه بقي مش مهم بالنسبالي

جنه

طبيعي تقولي كده انا من لما شووفتك وانا قولت دي واحده ما عندهاش كرامه...

_قالت جنه كلامها وجات تمشي، بس جيدا شاافت فؤااد جاااي من بعيد فرااحت وقفت واديت ضهرها لحمام السبااحه وقالت..

جيدا

جنه لو سمحتي قربي مني انا عايزه اقولك حاجه ضروري قبل ما يجي فؤااد

جنه بحده

ما عايزه اعرف حاجه وما تتكلميش معايا تاني لو سمحتي..

_في الوقت ده مسكت جيدا ايد جنه وحطتها علي كتفها وصرخت فبصلهم فؤاااد ورمت جيدا نفسها في المااايه وعملت ان جنه هي اللي زقتها..ووقفت جنه مصدوومه من اللي حصل وفي نفس الوقت كانت خايفه علي جيدا اللي فضلت تصرخ وهي مش قاادره تقااوم المايه، فجري فؤااد بسرعه ونزل المااايه وطلع جيدا اللي مسكت فيه بكل قوتها وكان باين عليها الخوف، وكانت جنه واقفه خاايفه ومصدوومه من تصرفااات جيدا اللي اول ما خرجت رمت نفسها في حضن فؤااد وقالت ببكاء وجسكها كله بيتنفض..

جيدا

كانت هتموتني يا فؤااد....

فؤاد طبطب عليها وقال

اهدي ما فيش حاجه اهدي انا جنبك اهو.

جيدا ببكاء

موبيلي.. موبيلي عليه كل الشغل انا كنت بتكلم معاها عادي ما اعرفش ليه عملت كده.

جنه

انتي بتقولي ايه انتي اللي رميتي نفسك.

بصلها فؤاااد بحده وقال

اخرسي يا جنه واعتذريلها حالا.

جنه اتعصبت وقالت

لا مش هخرس ومش هتعذرلها انا ما عملتلهاش حاجه...

وقف فؤااد وقالها بنبره غاضبه

انتي كداابه انا شوفتك بعيني وانتي بتزقيها، وكمان هي عندها فوبيا من المايه ولو رمت نفسها هتوقع معاها موبيلها في المايه اللي عليه كل شغلها، فأعتذريلها احسنلك

جنه بدموع

مش هعتذر يا فؤااد انا بقولك انها هي اللي رمت نفسها في الماااايه، عايز تصدقني صدق مش عايز براحتك

زعق فيها فؤااد وقال

طيب غووري من وشي وطول ما جيدا هنا ما تخرجيش بره اوضتك وما تتعامليش معاها خالص وما لكيش دعوه بيها تاني..

_كتمت جيدا ضحكتها وهي بتبص لجنه بشماااته، وجنه ساابتهم ومشيت وهي بتعيط وقابلتها عايده اللي سألتها بقلق..

عايده

في ايه يا جنه بتعيطي كده ليه؟

جنه ببكاء

انا قولتلك مش عايزه اجي هنا يا خالتي مش عايزه اقعد في بيت حد، ولو سمحتي ما تربطيش نفسك بيا خليكي مع ابنك وما لكيش دعوه بيا خالص..

قالت كلامها وطلعت اوضتها وهي بتعيط، وعايده بصتلها بقلق وقالت...

عايده

يا بنتي طيب استني قوليلي حصل ايه؟

_وشاافت فؤااد وهو دااخل وشاايل جيدا بين ايديه فبصتله امه بحده وقالت..

عايده

ايه المنظر ده انتو وقعتو في المايه ولا ايه ونزلها يا اخويا شايلها علي قلبك ليه كده

فؤااد

اسألي بنت اختك اللي رمتها في المااايه..

جيدا نامت براسها علي كتفه وقالت

مش قادره اقف خالص يا فؤااد.

عايده بغيظ

عشان كده بقي انت مزعلها، وبعدين جنه بنتي ما تعملش كده ده انا اللي مربياها وانت مربيها معايا ويا حبة عيني لو كانت بتعرف تأذي حد ما كانش بقي ده حالها..

_اتنهد فؤااد بضيق واخد جيدا لاوضته وحطها علي السرير وقالها بهدووء..

فؤاد

استني هجيبلك هدوم عشاان تغيري الهدوم دي..

جيدا

ممكن ما تزعلهاش يا فؤااد عشان مامتك كمان ما تزعلش منك، وبعدين هي شكلها كانت غيرانه عليك

اتجااهل فؤااد كلامها وقال

مش هطول وجايلك..

_وسااابها وخرج وراااح لاوضة جنه وفتح الباب ودخل من غير ما يخبط وكانت هي قااعده علي السرير بتعيط، ولما شاافته بصتله بحده وقالت..

جنه

عايز ايه نسيت تقول حاجه وانت بتهزأني تحت جاااي تقولها دلوقتي....

فؤااد

ما تبقيش غلطااانه وتقلبي الترابيزه، انا جاااي اخد حاجه من عندك لجيدا عشاان تلبسها بدل هدومها اللي اتبلت دي..

_قامت جنه وفتحت الدولاب وطلعت كل هدوم الخروووج بتاعتها ورمتهم في وشه وقالت بحده.

جنه

خد هدومك كلها اهي انا مش عايزه منك حاجه ولو عندك دم سيبني امشي من هنا....

_اتعصب من تصرفااتها وقرب منها ومسكها من درااعها جاامد وقال بنبره غاضبه..

فؤااد

اقسم بالله لاربيكي علي اللي بتعمليه ده يا جنه، عشاان مش انا اللي تتصرفي معايا بالطريقه دي

ضربه علي كتفه جامد وقالت

ابعد عني سيبنيييييي..

دخلت عايده وقالت

انت عايز منها ايه ما تسيبها بقي..

_سابها فؤااد واخد فستان من اللي واقعين علي الارض وخرج راااح لجيدا وحطه قدامها علي السرير وقال..

فؤاد

ادخلي جوه غيري هدومك وانا هغير هنا...

جيدا

حاضر..

_وقاامت دخلت الحمام وهو رااح اوضة اللبس وغير هدومه وكان بيقفل في زيرار القميص بتااعه وخرجت جيدا من الحمام وقربت منه وقالت..

جيدا

استني يا فؤش هسااعدك

بعد عنها كام خطوه وقال

استنيني تحت يا جيدا..

جيدا

انت ليه بتبعد عني كده انا لسه بحبك يا فؤاااد ومش عايزه غير انك ترجعلي ، هتحمل بنت خالتك المجنونه دي ومامتك و...

قاطعها فؤاد بحده وقال

ما تتكلميش عليها كده يا جيدا، هي غلطت في حقك وانا قدااامك اهو زعلتها عشااانك، وانا دلوقتي مداايق ومش طااايق نفسي لو سمحتي انزلي وانا هجهز واجيلك عشان نشووف شغلنا

جيدا

زي ما تحب يا فؤاد..

_قالت كلامها وساابته ونزلت وهو فضل واقف مدااايق وقلبه بيوجعه اكتر كل ما يفتكر شكل جنه وهي بتعيط بسببه، ومشي رااح شغله مع جيدا وفي نص اليوووم كانت عايده واقفه في المطبخ مع الشغالين بتديهم اوامر ونزلت جنه من اوضتها وهي لابسه هدومها السودا القديمه وعامله شعرها كحكه وخرجت قبل ما عايده تشووفها وساابت كل حاجه جاابها ليها فؤااد حتي الموبيل، واول ما خرحت بره الفيلا كانت بتدور علي تاكسي عشان ترجع الحاااره بس فجأه وقفت قدااامها عربيه سودا كبيره ونزلو منها اتنين من رجالة هاني..

جنه بخووف

انتو عايزين مني ايه ابعدو عنييي؟..

_تعالي معانا بالذووق بدل ما ناخدك غصب عنك،الحج هاني موصينا ناخدك ليه،احتا بقالنا ايام واقفين مستنين بس نلمحك وفرصتنا حاجات اهي....

جات جنه تجري بس هما مسكوها ودخلوها العربيه غصب عنها.

_ وفي الوقت ده في الشركه عند فؤااد كان قااعد مدايق ومعاه سعيد اللي قاله بضيق..

سعيد

لا لا جنه ما تعملش كده، جنه غلباانه يا عمم

فؤاد

انا شوفتها يا سعيد غيرة البنات تعمل اكتر من كده

سعيد

بس جنه ما بتأذيش حد، هي لو بتأذي حد يعيني ولا فيها كهن البنات كان بقي ده حالها

ابتسم فؤااد بسخريه وقال

نفس كلام امي انتو كلمتها ولا ايه

سعيد

لا بس انا بقول اللي اعرفه عن جنه اللي متربي معاها في منطقه واحده وزي اختي، استني صح انت مش في في بيتك كاميرات ما تشووف اللي حصل

فؤاد

يا ابني بقولك شوووفت كل حاااجه بعيني، جنه زقتها ووقعتها، اصلا جيدا انا عارف ومتأكد ان عندها فوبيا من المايه

سعيد

يعم شووف بس يمكن في حاااجه انت ما شوفتهاش،اصل ورحمة امي جنه ما تطلع منها الحركات دي..

_سمع كلامه فؤااد وفتح الكاميرات بتاعت بيته علي اللابتوب، ووقف سعيد جنبيه وشاااف اللي حصل كله وان جيدا وقفت بنفسها علي طرف البسين وهي اللي مسكت ايدها وعملت ان جنه زقتها..

سعيد

شووووفت انا قولتلك، البنت اللي اسمها جيدا دي مش ساالكه عيني عليكي يا جنه في كل مكان لازم تلاقي حد يعكنن عليها عيشتها..

_قام فؤااد وهو متعصب ورااح لمكتب جيدا اللي كانت قاااعده مع المسااااعده بتاعتها وهي بتضحك ومبسووطه وقالت..

جيدا

ما شوفتيش شكلها وهو بيزعقلها، وبياخدني في حضنه قدامها..

لين

والله يا جيدا انا ابتديت اخااف من دماغك انتي بنتي طيبه وبتحبي الخير للنااااس كلها اشمعنا البنت دي اللي حطاها في دماغك اوي كده

جيدا

لانها ما ينفعش تاخد مني فؤاد، فؤااد ده كل حيااتي انا مستعده اعمل اي حاحه عشااانه..

دخل في الوقت ده فؤاد وقال

اطلعي بره يا لين

لين

تحت امرك يا فؤاد بيه..

خرحت لين وجيدا قالت

في ايه يا فؤاد شكلك مداايق في حاحه حصلت ولا ايه؟

فؤاد بحده

اللي بيني وبينك شغل هنا في الشركه ما تتكلميش معايا غير لو في حاجه تخص الشغل وبس ومش عايز اشووفك في بيتي تاني ولا حتي جنب جنه لاي سبب فاهمه

جيدا بتوتر

هي غيرتك عليا صدقت انها مظلومه انت شوفت بنفسك

فؤااد

انا شوووفت كل حاجه يا جيدا انتي اللي مسكتي ايدها وخلتيني اصدق انها زقتك، في كاميرات يا هانم..

اتوترت جيدا وفؤااد قالها

اللي قولته يتسمع والا انا هكلم ابوكي واقوله علي تدخلات بنته اللي طلقتها في حياااتي بالشكل الفظيع ده..

_قال فؤاااد كلامه وساااابها وخرج، وقبل ما يروووح مكتبه موبيله رن برقم مامته فرد عليها وقال..

فؤااد

ايوه يا ست الكل

عايده بحده

عاجبك اللي عملته اهي جنه سااابت البيت ومشيت وسااابتلك كل حاجه جيبتها ليها

فؤااد بضيق

انا هروووح اجيبها يا امي ما تقلقيش

عايده

لا ما تجيبهااااش انا هروووحلها وهقعد معاها، كنت فااكره انك فعلا بتحبها وهتعوضها عن كل حاجه وحشه شافتها بس انت زيك. زي هاني ليها الحق ترفضك وما ترضااش بيك...

_قالت كلامها وقفلت في وشه وهو نزل واخد عربيته ورااح للحاره واول ما طلع شقتهم لقاها مقفوله، ونزل سأل لو حد شااف جنه ورد عليع بتاع القهوه اللي جنب بيتهم وقال...

_لا يا فؤش ما جاتش جنه خالص النهارده هنا..

فؤاد بقلق

هتكون راااحت فين دي؟..

وجه يركب عربيته بس جات لبني بسرعه وقالتله

فؤااااد استني

فؤاد

ازيك يا لبني عامله ايه؟

لبني

انا كويسه المهم قولي فين جنه؟

فؤااد

انا كنت لسه هاجي اسأل عليها عندك حصل حوار مش حلو بيني وبينها وساابت البيت فكرتها جات هنا بس ما لقيتهاش فووق

لبني بخووف

يبقي اللي فهمته صح، الحج هاني اخدها عنده

فؤااد

نعمم اخدها ازاي هي راااحتله ده يومها اسوود

لبني بصوت واطي

لا هو تقريبا خطفها لاني سمعت بابا بيكلمه في الموبيل وبيقوله اعقل يا هاني مش هتردها غصب عنها ما ينفعش رجع البنت لاهلها وامشي بالاصول..

اتحولت ملامح وش فؤااد للغضب و...

الفصل السادس من هنا

​ليست كل الجروح تلتئم بالاعتذار، بعضها يحتاج إلى عمرٍ كامل من الأمان ليداوي ما أفسده الغياب."

_كانت قااعده جنه في اوضه في المزرعه بتاعت هاني وهي متكوره علي نفسها وبتعيط ومرعوبه، وفجأه فتح هاني الباب ودخل وقفل الباب ورااه وبصلها بنظره كلها غضب وقال..

هاني

شوفتي مهما حصل يا جنه انتي ليا انا وملكي انا وبس..

جنه ببكاء وحده

سيبني يا هاني بالله عليك انا مش هقدر اعيش معاك نفس الكابوس من تاني...

قرب منها هاني وقعد قدامها علي السرير وقال

ما فيش واحده ربنا خلقها بتعجبني زيك، وحشتيني اوووي يا جنه، المأذون جااي كمان شويه وهردك اهو بمزاجك قبل العده ما تخلص..

اتنفضت بخووف وقالت

لا لا مش هوافق مستحيل ارجعلك

اول ما خلصت كلامها ضربها بالقلم علي وشها وقال

في ايه يا بت انتي نسيتي نفسك ولا نسيتي الضرب بتاع زمان، ولا تكوني فااكره ان ابن خالتك هيقدر يمنعني منك، لا ده انا مخطط من زمان مستني بس انك كنتي تقعي في ايدي وارجعك تاني لحياتي ولحضني وتبقي تحت جزمتي.

حطت ايدها علي خدها اللي قلب احمر وقالت

انا لا عايزاااك ولا عايزااااه، مش هوافق مهما عملت انا مش هوافق

قرب منها ومسكها من شعرها وقال

يبقي انتي عايزه تعيشي معايا في الحرام، بس يا توافقي ترجعيلي واردك واخدك ونرجع لبيتنا وحياتنا، يا والله احبسك هنا لاخر عمرك، واللي كنت بعمله معاكي زمان هيتكرر والطاااااق عشره..

_اتنفضت بخوووف وهي بتحاول تفك ايده من شعرها اللي كان هيتقطع في ايده وقالت..

جنه

شعري سيب شعري

خف قبضته علي شعرها وقرب منها وقال

وحشاني يا جنه قلبك ازاي طاوعك تبعدي عن جوزك كل ده..

زقته جاامد وقالت بحده

ابعد عني انا بقرف منك عمري ما قبلتك ولا هقبلك انت مريض يا هاني انا عمري ما حسيت معاك غير بالخووف...

هاني بصلها بغضب وقال

انا هخليكي تخااافي كووويس

_قال كلامه وفضل يضرب فيها علي وشها اكتر من مره وهي فضلت تصوت بألم بسبب عنفه معاها...

ـــــــــــــــــ ــــــــــــــــــ

_وفي الوقت ده كان فؤااد ساايق العربيه بكل سرعه وهو في قمة غضبه وجنبيه سعيد اللي قاله..

سعيد

يا ابني مش كنا كلمنا الشرطه

فؤاد بجمود

مش هستني الشرطه انا تاخدلي حقي ولا ترجعهالي يا سعبد، انا هرجعها بنفسي وهعلم الكلب ده درس عمره ما ينساااه، يارب بس الشيخ ابراهيم ما يكونش كلمه وقاله اني عرفت هو فين بجنه.

سعيد

لا لا الشيخ ابراهبم ما يعملش كده، وبدليل انه قالك كان جااي يقولك تروووح تبلغ وتنقذ جنه

_ما ردش عليه فؤاااد وزاااد اكتر من سرعة العربيه، زكان قلبه مله خوووف عليها من هاني ولاول مره من لما رجع يحس بفقدانها وانها فعلا في خطر وكانت في خطر من لما كان مساافر...

_وفي الوقت ده كان هاني واقف قدام الشباااك وبص لجنه اللي وشها بقي كله كدماات وجسمها كله واجعها من اللي عمله فيها وقاعده في زاويه في الاوضه حاضنه نفسها وبتتنفض بخووف وهو قال بجمود..

هاني

المأذون اهو جه هاا قررتي ايه..

ما ردتش عليه فقرب منها وقال

ايه عايزه اللي حصل يتكرر تاني ده انتي ما بقتش فيكي حته سليمه، بس انا ما عنديش مشكله

ولسه هيرفع ايده بس هي قالت بخوف

ممم موافقه

_ابتسم بأنتصااار ومسك ايدها واخدها بره وكانو رجالته دخلو المأذون، وخلاها هاني قعدت علي الكرسي قال.

هاني

يلا يا شيخنا استعجل انا هعقد عليها من الاول وهي موافقه

بصت جنه للمأذون بأستعطاااف وهو قال

جرا ايه يا حج هاني هو انا ما بتشوفش ولا ايه، ده شكل واحده راضيه..

هاني طلع رزمة فلوس من حيبه وقال

ادي عشرين باااكو ايه بقي يا شيخنا هي راضيه ولا انت عندك كلام تاني؟

المأذون

اسمعها منها برضو الاول، انتي موافقه يا بنتي ان الحج هاني يردك ليه؟

ردت عليه جنه بدموع وهي خايفه من هاني وقالت

ااا ايوه موافقه..

المأذون

يبقي علي بركة الله..

_وبدأ يخلص في الورق، وفي الوقت ده وقف فؤاد بعربيته قدام المزرعه بتاعت هاني وكانو واقفين تلاته من رجالة هاني، ومن شدة غضبه نزل واتخااانق مع التلاته وفي اقل من دقيقتين كانو التلاته علي الارض مش قادرين يتحركو...

سعيد

يخربيتك انت بقيت جون سينا امتي، وبعدين اعرف الاول هاني جوه ولا لا.

فؤاد

عربيته اهي، خليك مثبت الكلاب دووول وانا هدخل

سعيد

في حبل اهو احنا نربطهم جااامد وبعدين ندخل سوا مش هسيبك لوحدك..

_وكتفو فعلا التلات رجاله ودخلو هما الاتنين وسمعو صوت ضحك هاني جااااي من مكان قريب منهم وراحو بسرعه واول ما شافها فؤاد وهي في الحالة دي زاد غضبه اكتر..

هاني بحده

هي حصلت بتتهجم علي بيتي..

فؤاد

هو انت لسه شوفت همجيه يا هاني، تعالي هنا يا جنه

جات تقوووم بس هاني مسك ايدها جامد وقال

مراتي مش هتسمع كلام حد غيري، يا رجاله عرفوهم مقامهم وخدوهم البدرووم تحت لحد ما افضالهم واربيهم العيال دول..

ضحك سعيد بسخريه وقال

طموووح اووي انت يا حج هاني فااكر الكتاكيت بتوعك دول هيقدرو علينا..

_وفعلا في لحظه حصل اشتبااك بين فؤااد وسعيد ورجالة هاني، بس كان فؤااد الاقوي كالعااااده وقرب من هاني وسحب ايد جنه منه وبصلها بحزن وقال..

فؤاد

حقك عليا بس مش هتحصل حاجه وحشه تاني..

_كانت ملامحها جاامده والخووف بس هو اللي مسيطر عليها وجسمها كله لسه بيتنفض، وقال هاني بحده..

هاني

انت عايز مننا ايه هي بنفسها موافقه ترجعلي حتي اسألها..

فؤاد

سعيد خد جنه والشيبخ واستناني بره، انا بقي هخلص خسااابي مع الحج هاني

هاني بخوووف

يمين بالله لوو فكرت بس تلمس شعره واحده مني ما تعرفش انا ممكن اعمل فيك ايه..

سعيد. قرب من جنه وقال

يلا بينا يا جنه

_مشيت جنه مع سعيد وهي جسمها كله بيتنفض بخوف، وقبل ما تخرج من الباب بصت لفؤاااد اللي مسك هانيي من هدوومه وفضل يلكمه في وشه جاامد وهاني بيصرخ من الالم، وفي لحظه وقعت جنه فاااقده الوعي..

سعيد

فؤاااد الحق جنه...

_سااب فؤااد هاني وجري بسرعه علي جنه وشالها بين ايديه، واخدها لعربيته ومعاه سعيد وسابو المأذون وهاني ورجالته، وبعد شويه في المستشفي كان قااعد مستني الدكتور يطمنه عليها.....

فؤاد

هو ديما كان بيعمل فيها كده؟

سعيد.

دي اقل حاجه يا فؤاد، جنه شااافت معاه اياام سودا قبل كده كنت بجيبها المستشفي هنا منهم تلات مىات اجهضت فيهم بسبب انه مان بيضربخا وهي حامل.

فؤاد

ما قولتليش ليه يا سعيد

سعيد

يا سلام يا اخويا ده انا كنت بقولك يا فؤاد عايز اتكلم معاك ما بتدنيش فرصه وبتقفل.

فؤاد بجمود

كنت خايف اضعف وارحع وانا في نص الطريق، ولما بدأت الدنيا تلعب معايا انا كنت مسغول وكان المساعد بتاعي هو اللي بيكلمك وبيبعتلك الفلوس.

_وبعد شويه خرج الدكتور من عند جنه، فقاام فؤاد بسرعه هو وسعيد والدكتور قالهم.

الدكتور

الف سلامه عليها هو مين اللي عمل فيها كده، دي متعرضه للعنف الجسدي والنفسي بشكل صعب جدا

فؤااد بجديه

ما نعرفش احنا لقيناها كده، المهم هي عامله ايه؟

الدكتور

حالتها الجسديه شبه مستقره كلها جرووح سطحيه، المشكله انها دخلت في انهيار عصبي جوه اول ما فاااقت وما كانتش قابله ان حد يلمسها فكان لازم تاخد حقنة مهدأ بسرعه ونامت هتفووق كمان 8 سعات وان شاء الله تكون حالتها احسن..

فؤااد

تمام يا دكتور انا خطيبها وابن خالتها وهقعد معاها لحد ما تفوووق

الدكتور

تمام والممرضه هتبقي واخده بالها منها واول ما تفوق انا هاجي اطمن عليها علي طول..بس الشرطه لازم يبقي عندها عِلم عشان تعرفو مين اللي عمل فيها كده دي مسؤليه برضو..

فؤاد

انا هتصرف يا دكتور وهكلم ادارة المستشفي بنفسي، انا بس مش عايز فضاااايح وشوشره

سعيد

اسمع كلامه يا دكتور ده بقي حد. مهم ده مليونير ده....

الدكتور

تمام ياريت حضرتك تتواصل مع ادارة المستشفي يا فؤااد بيه بعد اذنكم

قال كلامه الدكتور ومشي وفؤاد قال لسعيد

ده مليونير ده؟!

سعيد

مليونير انت ولا مش مليونير، المهم انت هتقعد هنا ولا هتمشي

فؤاد

امشي ازاي واسيبها، المهم رووووح انت لامي وطمنها علي جنه وابقي رووح الشركه بكره شووف الدنيا وكلمني وانت هناك

سعيد

تمام.. وهاني بقي هتعمل فيه ايه؟

فؤاد

بعدين هتعرف ما تقلقش انا هعرف اخلص معاه حق جنه كويس اووي..

_قال كلامه وساابه ودخل الاوضه عند جنه اللي كانت نايمه وهي لابسه الزي الطبي ووشها باين عليه الالم من الكدمات اللي مليااه، قرب منها وقعد علي الكرسي اللي جنب السرير ومسك ايدها التانيه اللي ما فيهاش المحلول وباسها وقال..

فؤاد

حتي لو جه اليوم وانتي سامحتيني اني سيبتك انا عمري ما هسااامح نفسي يا جنه، انا اختارت الفلوس والشغل علي حساب سعادتك انتي وكنت اناني اووي معاكي بس والله عمري ما هسيبك تاني مهما حصل حتي لو هخسر كل حاجه وصلتلها المهم ما اسبكيش تاني ولا اخسر ثقتك فيا يا حبيبتي..

_قال كلامه ودموعه كانت بتنزل لاول مره، فأبتسم بسخريه وقال..

فؤاد

تعرفي انا عمري ما عيطت ولا دموعي نزلت من لما ابويا الله يرحمه مات، بس دلوقتي دموعي نزلت عشااانك، انتي اغلي حاجه عندي في الدنيا..

_وفضل قااعد جنبيها وبيلوم نفسه انه سااابها لهاني وانها شاافت العذااب ده طول السنين اللي فاتت وما كانش قادر يحميها ولا كان مهتم يسأل عنها اصلا، وبعد شوويه دخلت عنده امه وقالت ببكاء.

عايده

يا قلبي يا بنتي ايه اللي حصل عمل فيها ايه اللي ما يتسمي ده

فؤاد

اهدي يا امي هي كويسه اهي وهاني انا هتصرف معاه

عايده قربت منها وباست راسها وقالت

عمل فيكي ايه تاني يا قلب امك، حسبي الله ونعم الوكيل فيك يا هاني

فؤاد

خلاص يا امي ارجوكي وبلاش لما تصحي تجبيلها سيرة اللي حصل..

عايده بصتله بلوم وقالت

برضو انت السبب في اللي حصلها النهارده ده، هي حلفتلي ان البت الحربايه اللي مش عارفه مدخله حياتنا دي هي اللي رمت نفسها في المايه وكانت قاصده تخليك تزعق لجنه وتكسفها، ولولا ما ده حصل ما كانتش هتسيب البيت وما كانش هاني قدر ياخدها ولا يعمل فيها اللي عمله

فؤاد بحزن

ابوس ايدك انا مش نااقص خليكي جنبيها وانا هستني بره هعمل كام مكالمه كده عشان الشغل واول ما تفوق قوليلي..

_ما ردتش عليه عايده وقعدت جنب جنه اللي كانت في عالم تاني مش حاااسه بأي حاجه حواليها، ونزل فؤااد قعد في الكافتريا بتاعت المستشفي عدت ساعه في التانيه واكتر كمان، وهو مستني يطمن عليها وحاسس بالذنب من ناحيتها، وبعد شويه قعدت جدا قدامه وقالت..

جيدا

الف سلامه عليها

فؤاد بصلها بحده وقال

امشي من هنا يا جيدا

جيدا

انا اسفه يا فؤااد بس اللي حصل بجد انها استفزتني بالكلام وانا حبيت اغيظها انا كمان، هي بتحبك وانا كمان بحبك

فؤاااد بحده

وانا بحبها هي ومش هحب واحده غيرها، بطلي بقي تعيشي في دور اني في يوووم هحبك ده،كل اللي مان حوايا من ناحيتك اعجااب شااب بقي ومتغرب،وحوازي منك كان غلطه ومستحيل ارجع اغلطها تاني..

جيدا بصتله بحزن وقالت

ماااشي يا فؤااد اوعدك مش هعيش في الدور تاني، بس انا جايه بجد اطمن عليها لاني حسيت بتأنيب ضمير بعد ما عرفت انها ساابت البيت ومشيت وطليقها ده خطفها

فؤاد

انتي عرفتي منين التفاصيل دي كلها؟

جيدا

من سعيد انا كلمته عشااان اطمن عليك وهو قالي اللي حصل، وهو كمان كان بيلومني ان انا السبب في اللي حصل ده

فؤاد

الله يسلمك يا جيدا، بس مش انتي السبب خالص انا السبب انا اللي ما عرفتش احافظ عليها واحميها زمان ولا عرفت احاافظ عليها واحميها دلوقتي...

جيدا

انت عايز توصل لحد يسااعدك توقع الراجل اللي اسمه هاني ده مش كده، انا هقدر اسااعدك

فؤاد.

بتتكلمي بجد؟

جيدا

ايوه واعتبرني بصلح غلطتي وبريح ضميري انا كمان، وبعدين انت مليونير وليك اسمك بره مصر وفي اكبر شركات في العالم والف مين يتمني يساعدك وانا جنبك وهعرفك علي الناااس اللي ممكن تسااعدك في الموضوع ده..

فؤاد بهدووء

تمام يا جيدا، بعيد عن اللي حصل ده انتي فعلا احسن صديقه في الدنيا..

_وفي الوقت ده موبيله رن برقم امه، ولما رد عليها قالتله وهي بتعيط..

عايده

ايوه يا فؤااد جنه قااامت اهي، تعالي بسرعه

فؤاد

في ايه طيب هي كويسه؟

عايده

تعالي بنفسك وشوووف..

_قاام فؤااد وسااب جيدا وكأنها مش موجوده ولا قااعده معاه، ورااح بسرعه لجنه وجيدا بصتله بغيظ وقالت..

جيدا

مش همنعك تتجوزها وتقرب منها بس مش هخليك تسيبني يا فؤااد..

_واول ما وصل فؤااد لاوضة جنه كان الدكتور واقف جنبيها وبيقولها..

_جنه انتي سمعاني طيب ، طمنينا عليكي.

اتملت عيونها دموع وما ردتش وعايده قالت

فيكي ايه يا حبيبتي ردي عليا انا يا حبيبتي، عملك ايه هاني قوليلي بس ردي عليا..

_حضنتها جنه وفضلت تعيط بانهيار زي الطفل اللي فااقد الامان وماسك في حضن مامته لانه هو ده الامان الوحيد بالنسباله..

فؤاد قرب منها وحط ايده علي كتفها وقال

اهدي يا جنه احنا هنا كلنا جنبك..

زقت ايده بكل قوتها وهي بتبعد عنه وعايده قالت

سيبوني مع بنتي لوحدنا..

الدكتور

يا حجه احنا بنسااعدها وعايزنين نطمن عليها

عايده بحده

هي مش هتتكلم قدامكم سيبوني انا وبنتي لوحدنا يلااا..

فؤاد بص لجنه بحزن وقال

حاضر يا امي لو سمحت يا دكتور هي لما بتبقي زعلانه ما بتتكلمش مع حد غير امي فعلا..

_بصلهم الدكتور بتعجب وساابهم وخرج ومعاه الممرضه، وفؤااد ما عرفش يقولها حاجه وخرج هو كمان ونظراته كلها خووف وحزن لجنه، وهي بصتله بطرف عينها وهو خااارج وافتكرت طفولتها لما كان عندها 6 سنين وفؤاد عنده 15 سنه وهو واقف ماسك الكتاااب بتاعه وبيقولها بحده..

فؤاد

عارفه يا جنه لو شوفتك عند الكتب بتاعتي تاني هضربك انتي فاهمه

خرجت عايده من المطبخ وقالت

تضرب مين يا ابن الجزمه انت ده انا اعلقك من ودانك دي في البلكونه واخلي العيال تضحك عليك

فؤاد

طيب اتفرجي اهو قطعتلي الكتاااب بتاعي اذااكر ازاي انا..

عايده غمزتله وقالت

ان شاء الله عنك ما ذاااكرت ايااك اشووفك بتزعقلها تاني، وانتي يا جنه يا حبيبتي ما تروحيش عند الكتب بتاعته ماشي...

_ساابتهم جنه ودخلت اوضتها وفضلت تعيط عشان فؤاد. زعقلها، وبالليل كان فؤااد قااعد جنبيها في اوضتها وبيقولها...

فؤاد

خلاص بقي يا جنه انا ما بحبش اقول لحد انا اسف بس اهو قولتهالك ميت مره وانتي لسه زعلانه ومش راضيه حتي تتكلمي..

ما ردتش عليه وبصت الناحيه التانبه وهو ضحك وقال

هههههه احلي طفله شووفتها في حياتي يخربيت تقلك يا شيخه..

_قال كلامه وباااسها من خدها فمسحت خدها مكان البوسه بتاعته وهو ضحك اكتر وقال..

فؤاد

ههههههه بقي كده طيب انا بقي اللي زعلان..

دخلت عايده وقالت

ما عرفتش تصالحها برضو

فؤاد

بنت اختك دي عنيده اووي، حلاوتها مقويه قلبها

ضحكت عايده وقالت

ههههههه طيب قووم كده انا هعرف اصالح بنتي حبيبتي..

قااام فؤاد وقعدت عايده جنبيها وقالت

حبيبة قلب خالتها..

ما ردتش جنه وعايده قالت

كده يا جنه ما ترديش برضو عليا انا...

بصتلها جنه بدموع

بكلمك انتي يا خالتو بس مش بكلم فؤاد

ابتسم فؤااد علي طريقتها الطفوليه وقالت

في واحده برضو تقول مش هتكلم اخوها

جنه

هو زعقلي وكان هيضربني..

فؤاد بغيظ

انا اسف والله مش هزعقلك تعالي بقي انا عايز اكل جعان والله...

جنه

بس ما تزعقليش تاني

فؤاد

ابقي حيوان لو زعقتلك تاني..

جنه

هتبقي حمار

ضحكت عايده واخدتها في حضنها وقالت

هو اصلا حمار عشان بيزعل بنتي حبيبتي امشي يا حمار يلا قدامي عشان تاكل..

ضحك فؤاد وخرج وعايده شالت جنه وقالت

رجعتك نونو تاني اهو وبشيلك يا ست جنه كله الا زعلك

ضحكت جنه بسعااده وهي حاضنه عايده، وطلعت قعدت معاهم علي السفرة البسيطه بتاعتهم..

_رجعت من ذكرياتها وعايده بتطبطب عليها بكل حنينه وقالت..

عايده

ايوه كده اهدي خلاص ما فيش حاجه وحشه هتحصل تاني بس عشان خاطري ردي عليا ما توجعيش قلبي عليكي..

بعدت عنها جنه شويه وقالت

كنت خااايفه يا خالتي اووي، كنت خااايفه ارجع تاني اعيش مع هاني..

عايده

مش هيقدر يااخدك تاني بس انتي ما تسبنيش وتمشي، وبعدين كنتي مااشيه رايحه فين وسيباااني لوحدي ده انا ماليش غيرك، مش عايزه تكلمي فؤاد ولا تقعدي معاه في بيت واحد قوليلي وانا اخدك ونرجع بيتنا بس لا تسبيني لوحدي ولا انا كمان اسيبك..

ابتسمت جنه وسط دموعها وحضنت عايده وقالت

ربنا يخليكي ليا يا خالتي وجودك هو الدنيا باللي فيها..

_في الوقت ده كان واقف فؤاد ورا الباب واول ما سمعها بتتكلم مع مامته ابتسم بهدوووء،وفضل قااعد بره الاوضه ما دخلش عندها خالص لحد ما اطمن عليها من الدكتور وان حالتها بقيت كويسه، وبعد شويه كان واقف هو ومامته بره الاوضه بتاعت جنه وقالتله.عايده بحده..

عايده

انا مش همشي يا فؤاااد انا قاااعده معاها لحد ما تخرج من المستشفي

فؤاد

معلش انا عايز اتكلم معاها شويه لوحدي

عايده

هي مش عايزه تتكلم معاك، ربنا يوفقك مع الاحسن منها يا فؤاد سيبها في حالها بقي

فؤااد

اسيب مين، انا مش هسيب جنه غلطت لما سيبتها الاول ولو كنت اقدر اتجوزها قبل ما اسافر كنت هعمل كده عشان كنت اضمن انها ما تبقاااش لغيري، فانتي دلوقتي عايزاني اكرر نفس الغلط تاني..

عايده

وهي مش موافقه هتغصبها عليك

فؤاد

طيب سبيني اتكلم معاها وهفضل قاعد معاها لحد بالليل وهجيبها واجي ما تخافيش عليها بس انا عمري ما هأذيها ابدا..

عايده

ماشي يا فؤاد بس هي لو ما وافقتش هتعمل ايه؟

فؤاد

بصي يا ست الكل انا هحاول اقنعها وافقت اهلا وسهلا بكره هتجوزها وكده كده النهارده اخر يوم في العده بتاعتها، ما وافقتش برضو بكره هتجوزها

قال كلامه وسااب امه وراااح لاوضة جنه وو؟..

الفصل السابع من هنا

"فإني لا أرى في عنادها إلا حُباً تخشى أن ينكشف"

_وقف فؤاد ورا الباب بتاع اوضة جنه وخبط علي الباب ودخل وهي اول ما شاافته وهي قااعده علي السرير الطبي بصت للناحيه التانيه بضيق وقالت..

جنه

هي خالتي فين؟

رد عليها وقال وهو بيقرب منها

خالتك مشيت..

رجعت بصتله وقالت بقلق

انت عايز ايه؟!

ضحك بهدوء وقال

مالك خوفتي كده ، ما تخااافيش مش هتغرغر بيكي يعني

جنه بضيق

احترم نفسك بقي وسيبني لوحدي..

قعد علي الكرسي جنبيها وقال

هو انتي ما تعرفيش؟

جنه

ما اعرفش ايه؟

فؤاد

انا مش همشي من هنا غير لما اقنعك اننا بكره هنتجوز، بما ان النهارده اخر يوم في العده بتاعتك وكده، والحمد لله اني لحقتك قبل ما هاني يردك والا وقتها كنت هبقي مجىم علي ايديكي وهتجوزك وانتي ارمله مش مطلقه

جنه بحده

مش هتجوزك يا فؤااد فوفر عليك وعليا المنااهده واقفل الموضوع ده

فؤاد بجديه

طيب اركني موضوع الجواز مؤقتاً علي جنب وقوليلي ايه اللي خلاكي تسيبي البيت وتمشي؟..

بصتله بنظره غاضبه وسكتت وهو قال بسخريه

ايه النظره دي، ما تنطقي يا وليه هتفضلي مبرقاالي كده كتير..

اتنهدت بضيق وقالت

ما هو انا مش هقعد في مكان اتهزأ فيه

فؤاد بهدوء

لا عاااش ولا كان اللي يهزأك

جنه

لا عاش وقااعد قداامي اهو زي القرد.

فؤاد

شكرا يا محترمه في واحده تقول علي جوزها المستقبلي قرد

جنه

والله ظلمت القرد، وبعدين انت مش هتبقي جوزي المستقبلي ولا زفت اصلا

فؤاد

طيب واحده واحده انتي متعصبه ليه دلوقتي؟

جنه بصتله بدموع وقالت

علي فكره انا ما زقيتهاااش في المايه والله هي كدااابه..

_قرب منها وقعد جنبيها علي السرير ومسحلها دموعها اللي نزلت وقال بنبره حنونه..

فؤاد

عارف... انا شووفت الكاميرات وعارف انها الفت الحوار ده عليكي عشان توقع بينا وانا اديتها اللي فيه النصيب وسعيد يقولك انا عملت فيها ايه..

جنه بعدت عنه وقالت

ماليش دعوه اصلا...

فؤاد بخبث

يا شيخه بأمارة ان كل اللي حصل ده مش فارق معاكي زي اللي عملته جيدا

جنه بتوتر

لا هو فارقلي عشان بس مش بحب حد يفتري عليا، وما تقلقش المره الجايه مش هزقها وبس لا ده انا هغرقها خالص..

فؤاد

فداكي يا اسطا انتي تعملي اللي عايزاااه..

ما ردتش عليه وهو قال

هتخرجي من هنا بالليل، وبكره بقي نبدأ نجهز لفرحنا

جنه بنفاااذ صبر

ياااا ربناااا يا بني ادم قولتلك مش عايزه اتجوز مش عايزه اتجوز اغنيهااااالك

فؤاد

لا صوتك وحش هتغني ايه بس مش ناقصين فضايح

جنه

انا ما بهزرش ما فيش جواز يا فؤااد، انا مش عايزاااك مش بالعافيه يعني

فؤاد

طيب عيني في عينك كده

بصت في عينيه وقالت

اهووو

فؤاد. قرب منها وقال

بحبك يا اعند واحده شووفتها في حياتي.

وشها احمر بخجل وبعدت عنه بسرعه وقالت

بطل طريقتك دي يا فؤاد وابعد عني انت ايه اللي مقعدك جنبي كده قووم

_قالت كلامها وذقته جاامد وفؤاد رااح قعد علي الكرسي مكانه وهو بيضحك بهدووء وقال..

فؤاد

علي فكره بقي انا متأكد انك انتي كمان بتحبيني زي ما انا بحبك يبقي ليه الرفض

جنه بضيق

حتي لو زي ما بتقول يعني بحبك مش هتجوزك

فؤاد بغيظ

هو اي مرمطه وخلاص ليا، اديني سبب مقنع وهسيبك براحتك

جنه

يااه سبب واحد قول اسباب اولهم واهمهم اني ما عنديش ثقه فيك وانك متغير واحد في ايده يعمل كل حاجه ليه هتتجوزني انا، لو ضميرك مأنبك انا مسمحااك مش زعلانه منك، والسبب التاني اني كرهت الجواز اصلا منك ومن غيرك، انا عايزه اعيش لوحدي ومش عايزه حاجه تانيه

فؤاد بحديه

يبقي انتي يا جنه بتحكمي علي نفسك وعليا اننا نفضل كده عشان انا كمان عمري ما هتجوز واحده غيرك

بصتله بدموع وقالت

كلامك مش هيغير قراري يا فؤاااد، البعد ليا وليك احسن..

فؤاد

بطلي تبقي بوومه ونكديه ممكن، هاني قريب اووي وهخلصك منه وانا اهو رجعتلك ومش هسيبك تبعدي عني لحظه واحده تاني، ليه معقداها يا جنه ليه بتتعبيني معاكي

ما ردتش عليه وهو قال بعصبيه

ما ترديش مااشي... ما هي دي عادتك لما ما تلاقيش كاام تقوليه تقلبي وشك وتسكتي بتهربي عشان جباانه

جنه بحده

انا مش جبااانه انت اللي جباان انت اللي هربت مش انا.

فؤاد

تمام. انا بقي قااعدلك. يا جنه ومش هنخرج لا انا ولا انتي من هنا غير لما تقوليلي انا موافقه اتجوزك يا فؤاااد

جنه

يبقي هنباات هنا وما تتوقعش برضو انك. هتغير قراري

فؤاد

نفترض اني سمعت كلامك يا حنه هيبقي يعني عادي عندك اتجوز واحده غيرك مش هتزعلي

جنه ببرود

ولا هيفرق معايا

فؤاد بغيظ

يالهوي علي الكدب..

جنه

مش بكدب..

فؤاد.

بس يا بت يا كدااابه انتي، قال انا ما بعرفكيش لما بتكدبي ده انا اللي مربيكي..

جنه

انا خالتي اللي ربتني ما حدش تاني..

فؤاد

اممم خالتك.. وحياات خالتك يا جنه لاتجوزك وابقي عيل لو ما نفذتش كلامي وعِند بعِند بقي

جنه بقلق

زعلان من هاني وانت بتعمل زيه اهو وبتجبرني عليك

فؤاد بحده

اولا اياكي تقارني بيني وبين الزفت ده، واسمه ما يتنطقش علي لساانك تاني هو او اي حد غيره، ثانيا بقي انا مش بجبرك هتتجوزيني بمزاجك يا جنه وهتشووفي.

_في الوقت ده باب الاوضه خبط ودخل سعيد ومعاه لبني اللي قالت وهي بتقرب من جنه وبتحضنها

لبني

الف سلامه عليكي يا قلبي..

جنه ابتسمت بهدوء وقالت

الله يسلمك يا لبني ما كنتيش تعبتي نفسك وجيتي.

سعيد

لا تعب ايه هو احنا عندنا اغلي منك، والف سلامه عليكي يا جنه ان شاء الله عدوينك يارب..

جنه بصت لفؤااد بخبث وقالت

الحق بيدعي عليك..

ضحك سعيد هو ولبني وفؤاد رد عليها بغيظ وقال

بقي دمك خفيف عليا انا دلوقتي، خليكي معاها يا لبني وعقليها بدل ما اخليها تقعد هنا في المستشفي لاخر عمرها..

لبني

بعد الشر عليها وبعدين اعقل مين دي جنه ست العاقلين كلهم

سعيد

مش هتخلص منهم دول بيطبلو لبعض اكتر ما احمد العوضي بيطبل لنفسه...

فؤاد

يلا بينا طيب لبني ما تمشيش من عندها لحد ما اجي..

لبني

من عينيا حاااضر...

وخرج فؤااد هو وسعيد من عندهم ولبني قالت

شوفتي خاايف عليكي ازاي

جنه

سيبك منه قوليلي هو الشيخ إبراهيم بقي بيسيبك تخرجي مع سعيد لوحدكم اهو..

لبني

ده عشان عرف بس انه هيجيبني ليكي، هو حاسس بتأنيب ضمير عشان كان عارف اللي هيعمله الحج هاني وسكت لحد. ما انا اللي اتكلمت

اتنهدت جنه بضيق وعيونها اتملت دموع وقالت

انا مش عارفه امتي هاني هيسيبني في حالي بقي..

ـــــــــــــــــ ــــــــــــــــــ

_وفي بيت هاني كان واقف قداام المرايا وبيبص لوشه اللي كان كله كدمات بعد اللي عمله فيه فؤااد، وبص لصورة جنه اللي متعلقه علي الحيطه وهي بفستان فرحها لما اتجوزها واتملت عيونه دموع وقال.

هاني

مش هسيبك يا جنه وهرحعك ليا مهما كان التمن..

_كانت نظراته كلها مرض وتملك بشكل جنوني، وفي الوقت ده الباب خبط ورااح فتح ودخل الشيخ ابراهيم وقاله

ابراهيم

لا كنت هجيلك ولا اساأل عليك بس قلبي ما طاوعنيش احنا مهما حصل برضو صحاااب...

هاني

صحاااب... بقي انا اقولك علي اللي ناوي اعمله عشان ارجع مراتي وانت ترووح تفضح سري.

ابراهيم

يووه خلاص ما بفتش مراتك، لو كنت راعيت ربنا فيها من لما اتجوزتها كان زمانها مراتك برضاها، انما اللي عملته فيها خلاك خسرتها

هاني

وانا عملت كده ليه يعني ما هي كانت رووحه في الزفت اللي اسمه فؤااد من قبل ما اتجوزها

ابراهيم

طيب ومدام انت بقي عاااارف كده وانها بتحب ابن خالتها انت اتجوزتها ليه؟

هاني

اللي هنعيده هنزيده ده انا ساعدت الواد فؤااد من تحت لتحت عشان يغوور من وشي ولما البت توصل للسن القانوني اتجوزها وما حدش بمنعني

ابراهيم

انت حرمانك من الابوه مع مراتك الاولي خلاك تتعلق بالبت دي من وهي عيله صغيره، وجوازك منها ده حرمان ومرض يا هاني ما تزعلش مني..

هاني بجمود

مالكش دعوه بيا وانا مش هسكت ولا يهدالي بال غير لما ارجعها ليا تاني..

ابراهيم

يبقي اعذرني من النهارده انت من طريق وانا من طريق انا نصحتك وحذرتك كتير وانت ياما جيت علي البنت دي وظلمتها، بس المره دي انا مش هطاوعك في اللي انت بتعمله ده ولا هقول بكره ربنا يهديه، يا اخي ده انت لو كنت خلفت من مراتك الاولي كان زمان جنه دي قد عيالك واصغر منهم كمان، فووق لنفسك بقي واعتق البت لوجه الله..

_ما ردش عليه هاني، وابراهيم ضرب كف بكف وساابه ومشي، وهاني فضل قااااعد بيفكر ازاي يرجع جنه ليه تاني ويخلص من فؤاد خالص.

ـــــــــــــــــ ــــــــــــــــــ

_ وبالليل في ااشركه بتاعت فؤااد كان قااعد في مكتبه وقداامه جيدا اللي قالت..

جيدا

كده تمام بعد الخطه دي الراجل اللي اسمه هاني حكايته هتخلص خالص وهيقضي باقي عمره في السجن

فؤاد

تمام اللي يطلبووه ياخدوه المهم هانيي يختفي من حياتي خالص..

سعيد

استني بس يا فؤاد الحج هاني ايوه ما بطبقهوش واي حد عادي مش بيطيقه بس هو عمره ما تاجر في الممنوع وللحق كان بيعمل خير كتير لاهل الحاره والناااس برضوو بتحبه..

فؤاد بجمود

ده حق جنه حق السنين اللي هي عاشتهم معاه في عذااب، حق انه اتعدي علي اهل بيتي في غيابي يا سعيد

سكت سعيد وجيدا قالت

اللي انت بتقوله ده صح يا فؤااد، انا هخلص كل حاحه ما تقلقش

فؤاد

تخلصي ايه كفايه انك عرفتي توصلي للناس دي وصليني بيهم وخليكي بره الموضوع ده، بلاش تتعاملي انتي مع الاشكال دي..

ابتسمت جيدا وقالت

تمام يا فؤش اللي تشووفه..

فؤاد

خليك انت هنا يا سعيد واتدرب علي الحاجات اللي وريتهالك النهارده وانا هروح لجنه عشان ارجعها البيت..

سعيد

يا فؤاد الحاجات دي صعبه لو ما عرفتش مش هتزعل

فؤاد

لا هزعل وهكسر دماغ اهلك

سعيد

افهمهالك ازاي انا ما كملتش تعليمي، وانت موظفينك كلهم اعلي مني دول تعليم خاص اصلا، وانا بالنسبه ليهم واحد يدوب بيعرف يقري ويكتب

فؤاد

وده المطلوب انك تعرف تقري وتكتب فااكر واحنا صغيرين ابويا وهو بيذااكرلنا كان بيقول ايه

ابتسم سعيد وقال

العلم في الراااس مش في الكراااس..

فؤاد

طيب ما انت حافظ اهو وبعدين الحاجات اللي بعلمهالك دي عايزه ممارسة ودماغ حلوه مش عايزه شهاده يعني

سعيد.

تمام يا صاحبي مش همشي غير لما افهم كل اللي قولتلي عليه النهارده..

فؤاد

تمام يلا سلام يا جيدا..

سعيد بخبث

طيب سلملي علي جنه..

_ما ردش عليه فؤااد، وجيدا كانت بتبص لاثر فؤااد بابتساامه هاديه، وسعيد ابتسم بمكر وقال..

سعيد

يتحب الواد فؤااد ده، بس هو بقي بيحب مين ده المهم.

بصتله جيدا بغيظ وقالت

ممكن تخليك في حالك..

سعيد

هو انا جيت جنبك يا سكر انتي..

_بصتله بغيظ وخرجت من عنده، ويعد قعد علي مكتب فؤاد وفضل يشتغل زي ما فؤاااد علمه..

ـــــــــــــــــ ــــــــــــــــــ

_وبعد شويه في المستشفي وصل فؤاد عند جنه اللي كانت نايمه واول ما دخل فتحت عينيها وبصت للباب بخضه...

فؤاد.

في ابه يا بنتي ده انا ما تخافيش..

اتنهدت بارتيااح وقالت

اصلا اكتر حد لازم اخااف منه هو انت..

فؤاد

يا خراشي علي اللساان اللي بينقط سكر، قوومي يلا جيبتلك هدوم غيري هدومك وهنمشي الدكتور كتبلك علي خرووج

جنه

انا مش عايزه منك حاجه كنت جيبتلي هدوم من بتوعي..

فؤاد

قومي يا جنه انا دماغي مصدعه لوحدها من الشغل

جنه

ما كنتش جيت برضو كنت هقدر اخرج لوحدي عادي

فؤاد

خلصتي... وبعدين فين لبني مش قولتلها تستني معاكي

جنه قامت وقالت

ما انا قولتلها تمشي عشان كنت تعبااانه وعايزه انام..

_قالت كلامها واول ما قاامت حست بدوخه وكانت لسه هتقع بس هو بسرعه قرب منها واخدها في حضنه وقال..

فؤاد

علي مهلك يا حبيبتي بالرااحه

حاولت تبعد عنه وقالت

ما فيش حاجه اوعي كده..

فؤاد بخبث

اهدي بس لو سيبتك هتقعي

جنه

مش هقع انا بس دايخه عشان ما اكلتش كويس..

_قالت كلامها وبعدت عنه وهو ساابها تبعد. بمزااجه، واخدت الهدوم اللي هو جايبها ودخلت الحمام اللي في الاوضه وهو قالها بصوت عالي وخبث..

فؤاد

جايبلك كل حاجه ممكن تحتاجيها هاا

جنه بحده

لمم نفسك

فؤاد ضحك وقال

طيب لو محتاجه مسااعده قولي احنا في مقاام المخطوبين..

جنه

جاتك خبطه في دماغك اخرس خالص، وسيبني اركز..

فؤاد

تركزي ايه انا مديلك الهدوم تلبسيها مش تفصليها يا بت العبيطه..

_ما ردتش عليه وخرحت بعد شويه وهي لابسه بنطلون جينز اوفر سايز وعليه سويت شيرت لونه ابيض وكان شكلها طفولي جدا فيهم وقالت بتوتر..

جنه

ايه اللي انت جايبه ده شكلي عبيط اووي فيهم..

قرب منها فؤااد وقال

هي دي جنه اللي انا سيبتها زمان، اللي عندها 16 سنه، عدو 8 سنين بس انتي لسه زي ما انتي العمر ده ما زادكيش غير حلاوه وبس..

بعدت عنه وقعدت علي السرير وطلعت الكوتشي اللي هو جايبه ولسه هتوطي عشان تلبسه بس هو حط ايده علي كتفها وقال..

فؤاد

انتي دايخه ولو وطيتي هتصدعي اكتر..

جنه بتوتر

مانا عايزه البس الكوتشي

فؤاد.

انا موجود اهو يا قلبي..

_وقعد علي ركبته قدامها علي الارض ولبسها فعلا الكوتشي وبصلها بأبتساامه عاشقه وقاال.

فؤاد

تمام كده يا قلب فؤااد

ما ردتش عليه وقاامت وقفت وقالت

يلا انا خلاص جااهزه اهو..

مسك ايدها وقال

يلا بينا

جنه وهي ماشيه ورااه

سيب ايدي يا فؤاااد

اتجااهل كلامها وقال

تعرفي اسمي ده انا ديما مش بحبه وانتي عارفه كده من زمان، تقيل ومش لايق علي سني، بس لما انتي بتنطقيه قلبي بيرفرف كده واحبه..

جنه بغيظ

بطل محن وسيب ايدي..

وقف فؤاد. وقالها

ابتديتي تستفزيني

جنه

وايه اللي يستفزك انت مش من حقك اصلا تمسك ايدي

فؤااد ساب ايدها وقاال

فعلا مش من حقي امسك ايدك بس من حقي اعمل كده..

_قال كلامه وشالها بين ايديه قدام الناااس كلها اللي بصتلهم وهي وشها قلب احمر وقالت بخجل وتوتر.

جنه

ما تهزرش يخربيت شكلك نزلني...

فؤاد

يخربيت لساان امك الطويل ده يا شيخه..

وبص للنااس اللي بتتفرج عليهم وقال

عقبال عندكم المدام حامل ودايخه..

_بصتله بصدمه وبدأت الناااس تباركلهم وهي خبت وشها في حضنه عشاان ما حدش يشووفها، وهو مشي بيها وكان مبتسم ومبسووط من حركتها العفويه وهو حاسس بنفسها قريب منه وهي ماسكه فيه بأيديها الاتنين ومحاوطه رقبته، واول ما وصل قدام عربيته شاور للسواق يفتحله الباب واول ما حطها في العربيه بعدت عنه وقالتله بخجل وضيق.

جنه

انت رخم علي فكره..

مسك خدودها بايديه الاتنين وقال

وانتي بتبقي قمر وانتي مكسووفه يخربيت حلاوتك تتاكلي اكل كده..

_قال كلامه وباااسها من خدها فبرقت بصدمه وبعد عنها وقفل الباب، وابتسمت بتلقائيه وافتكرت ان الحركه دي كان بيعملها معاها ديما لما كانت صغيره واول ما قعد جنبيها والسواااق اتحرك بالعربيه خبت ابتساامتها بسرعه فهو ضحك وقال..

فؤاد

شوفتك وانتي بتضحكي بتخبي ايه عليا؟

بصت ناحية الشبباااك وقالت

احترم نفسك بقي وما تكررهاش تاني انا كبرت مش عيله صغيره قدامك

فؤاد قرب منها وقال بصوت واطي

السواق الحارس بتاعي معانا في العربيه فلمي لساانك، وبعدين انا بوستك كده بتلقائيه، وعلي فكره برضو مهما كبرتي هتفضلي في نظري جنه الطفله اللي كنت بشيلها بين ايديا وادلع فيها وبيبقي احلي وقت بقضيه وانا معاها وغرقان في براءتها..

كلامه ليها خلاها تتوتر جدا وقالتله

ارجع اقعد مكانك ولم نفسك بقي احسنلك،ده لو عايزني افضل محترماك قدام الناس..

_ابتسم بهدوووء وبعد عنها شويه ، وفضلو طول الطريق ساكتين لحد ما حست اختلاف في الطريق وقالتله بقلق..

جنه

هو انا مش فاااكره الطريق كويس بتاع بيتك، بس دي مش طريق البيت احنا رايحين فين؟

فؤااااد

اسكتي هو انا ما قولتكيش؟

جنه

ما قولتليش ايه ربنا يستر؟

فؤاد

لا خير ما تقلقيش مش انا قبل ما انزل مصر مدير اعمالي كان اشترالي كام رأس مال هنا عشان انزل مسنود وليا قيمتي وهيبتي في البلد، فمن ضمن بقي الحاجات اللي اشتراها اوتيل فايف استار في التجمع..

قربت منه جنه وقالت بصوت واطي

هو انت كنت حرامي في اوربا سرقتهم وجيت يعني

ضربها علي كتفها بخفه وقال

ليه النيه الزباله دي، ومش انتي بس اللي قولتيلي كده ده الواد سعيد وامي، في ايه كنت شغال شيخ منصر قبل ما اساافر ولا ايه

جنه

ما هو غريب يعني انت في 8 سنين عملت الفلوس دي كلها ازاي؟

فؤاد

اولا ده توفيق من عند ربنا ومالهاش دعوه بالوقت في حد ممكن يشتغل فووق ال12 ساعه واخر الشهر ياخد تلات اربع الاف جنييه وفي ناااس تانيه بتشتغل سعات قليله في اليوم وبيقبضو بالدولار، دي تقسيمه من عند ربنا بيرزق فيها اللي هو عايزه، وانا ربنا رزقني بحاجات كتير تعبت واشتغلت وربنا كرمني بزيااده علي تعبي ده، والحظ لعب معايا وجاتلي فرصه عرفت استغلها صح ولسه انا دلوقتي مليونير وقريب اوووي هبقي مليادير..

جنه

ربنا يوفقك

مسك ايدها وقال

وبرضو مقابل كل ده خسرت كتير، كنت كل ليله وانا في الغربه قلبي بيوجعني عشان بعيد عنكم، واكبر خساره خسرتها هي انتي يا جنه بس خسارتك قابله للتعويض، اديني بس فرصه وانا هنسيكي كل اللي عدي.

سحبت ايدها من ايده وبصتله بدموع وقالت

انت قصااد خسارتك كسبت كتير، انما انا خسرت بس وما كسبتش حاجه وخسارتي مالهاش تعويض يا فؤاد..

​"سأرتب فوضى قلبي بعيداً عنك، وسأتعلم كيف أحب نفسي كما فعلت أنت.. فمن استغنى فنحن عنه أغنى، ومن جعلنا 'احتياطاً' في حياته، جعلناه 'منسياً' في ذاكرتنا."

_وبعد شويه وصلت عربية فؤاااد قداام الفندق بتااعه ونزلو هما الاتنين من العربيه بعد ما الحرااس فتحولهم ابواب العربيه، وكانت جنه مبهوره بشكل الاوتيل ومش مصدقه انه ملك فؤااد لحد ما طلع رااجل من الفندق لابس بدله رسميه جدا وقرب من فؤاااد وقال بنبره كلها احترم..

_نورت الاوتيل كله يا فؤاااد بيه.

فؤاد

ميرسي يا فايز.. الدنيا تمام زي ما طلبت؟

_كل حاجه اتفذت يا افندم زي ما حضرتك طلبت بالظبط..

وبص لجنه وقال

اهلا وسهلا يا هانم نورتي..

جنه بصت لفؤاد بتوتر وقالت

هو يعرفني..

قرب منها فؤاد وقال

تعالي بس ندخل جوه هنتعشي سوا وبعدين تطلعي تنامي عشان بكره في حفله كبيره هنا وانتي هتبقي معايا فيها.

جنه

حفلة ايه دي انا مش هحضر حفالات مع حد، وبعدين وديني عند خالتي مش عايزه اقعد هنا انا..

_مسك ايدها واخدها ودخلو الفندق وهي مدايقه من تصرفااااته معاها وتجاهله لرغبتها ديما، وراحو قعدو في مطعم كبير جوه الفندق، لكن قعدو علي ترابيزه خاااصه بعيد عن عيوون الناااس وكان طالب ليهم اكل كتير وقلع جاكيت بدلته وحطه ورااه علي الكرسي وشمر اكمام قميصه وقال..

فؤاد

الحمام هنا جاامد..

جنه

هتاكل بايدك؟!

فؤاد

هننسي اصلنا ولا ايه طول عمري بااكل بايدي هتقرفي مني دلوقتي؟

جنه

لا مش قصدي بس انت اتغيرت وبقيت حد مهم وشكلك قدام الموظفين بتوعك مش هيبقي الطف حاجه وانت بتاكل بايدك وبالطريقه دي..

فؤاد

انا فعلا اتغيرت وبقيت عارف الاتكيت والنظاام، بقيت حد مهم وبتصنع المثاليه قدام اي حد بيفكر يعلي نفسه عليا عشان ابقي انا التوب، لكن وانا معاكي انتي انا فؤااد وبس، فؤااد اللي انا وانتي اتربينا وكبرنا في بيت واحد بنفس الطريقه وبنفس التربيه..

جنه

بس انا عمري ما هتغير زيك

فؤاد

وانا اتغيرت بقي للاوحش ولا الاحسن يا جنه؟

جنه اتنهدت بضيق وقالت

فيك حاجات كتير لا عجباني ولا عاجبه خالتي، انت اول امبارح رجعت من بره سكران مش كده، وكمان بقيت تتعصب بسرعه، علاقتك مع جيدا، يعني في حاجات كتير اتغيرت فيك وفي طبعك

فؤاد

انا بقيت عصبي ده انا عاصر علي نفسي شوال لمون ومتحملك وباخدك علي قد عقلك فين العصبيه؟

جنه

انت سيبت كل العيوب دي ومسكت في اتفه سبب فيهم، كمل اكلك يا فؤااد عشان توصلني للاوضه اللي هتخمد فيها

فؤااد

طيب كلي انتي كمان لسه في علاج هتاخديه ولازم تاكلي..

_بدأت جنه تاكل بهدوء، وكان باين فعلا ان نفسها مسدوده بس وافقت تاكل بس عشان تتجنب النقاش والمجادله معاه، وبعد شويه اخدها وطلعو فوووق وكان المشرررف بتاع الفندق معاهم ووصلهم للجنااح الرئيسي واكبر جنااح في الاوتيل، وقبل ما تدخل جنه قالت لفؤاد بقلق..

جنه

هو انا هبات هنا؟

فؤاد

ايوه ده اكبر Suite في الاوتيل عشاان انا المدير وكده

جنه بحده

استني هو انت فااكر اننا هنقعد في اوضه واحده ولا ايه؟

_شااور فؤاد للمشررف اللي ساابهم ومشي وبصلها فؤاد بغيظ وقال.

فؤاد

هتقعدي لوحدك انا هقعد في اوضه تانيه، وليه الشك ده فيا وقلة الثقه ده انا اخااف عليكي من نفسي يا عبيطه..

جنه بسخريه

انا ما حدش بيخااااف عليا تصبح علي خير..

ـ وجات تقفل الباب بس هو حط ايده عليه وقال بنبره غاضبه.

فؤاد

استني.. في هدوم عندك جوه انا اللي جايبهالك وموبيلك جوه برضو انا جيبتلك كل حاجه ممكن تحتاجيها من البيت، والصبح هتكون في واحده تساعدك وتشووف طلبااتك لان احتمال ما ابقاش فاضي بكره خالص غير وقت الحفله بالليل

جنه

الصبح هرجع عند خالتي اصلا حفلة ايه اللي هحضرها معاك بوشي ده اللي كله كدمات..

ـ فؤاد قرب منها ودخل الاوضه معاها وقفل الباب عليهم وقال بنبره كلها جديه..

فؤاد

انا كنت ناوي احطك في الامر الواقع بكره قدام المأذون والناااس ونتجوز بس..

جنه قاطعت كلامه بحده وقالت

مش هيحصل انا مش عايزه اتجوز يا فؤاد و والله ما بقول كده عِند فيك وخلاص انا مش عايزه اتجوز

فؤاد بضيق

ليه مش عايزااااني ليه يا جنه، خلاص الزفت هاني صفحه واتقفلت ومش هسمحله يأذيكي تاني، ننسي اللي فاات بقي ونكمل حيااتنا سوا..

جنه

اللي فات ده مش هيتنسي بكلمه منك ولا باللي بتعمله ده، دول خمس سنين شووف بقي فيهم كام يووم وانا ولا يووم فيهم عدي عليا من غير ما اتوجع فيه، انت بتقول ان انا بتعبك وانا مش عايزه اتعبك والله انا عايزاااك تسيبني في حالي

فؤاد بجمود

يعني ده اخر كلام عندك؟

فتحت الباب وقالتله

ايوه ده اخر كلام عندي يا فؤاااد ولو مش هتخليني ارووح لخالتي دلوقتي الصبح توديني عندها انا ماليش غيرها ومش عايزه حاجه من الدنيا غير اني افضل جنب خالتي..

_اتنهد بضيق وبصلها بنظره حزينه وساابها ومشي، وهي قفلت الباب ودخلت الاوضه وبرغم انها ما كانتش تحلم ابدا انها تبقي موجوده في مكان زي ده، لكن الحزن اللي جواها خلاها تفقد الشغف ناحية كل حاجه، واخدت علاجها ونامت علي السرير ودموعها بتنزل بصمت، جواها مليون احساس لكن اللي مسيطر عليهم هو الخوووف وبس..

_وعدي الليل وكل واحد فيهم شاايل حزن كبير جواه من التاني، هي محملاه ذنب كل حاجه حصلت ليها وهو بيعاني من رفضها المستمر ليه وتأنيب ضميره بسبب اللي حصلها في غياابه.

_وتاني يوووم الصبح خرحت جنه من الحمام وهي لابسه فستان بتصميم بسيط طويل لتحت الركبه، ومازال وشها فيه كدمات من أثر اللي عملو فيها هاني، وراحت مسكت موبيلها اللي كان بيرن وردت عليه وقالت..

جنه

ايوه يا خالتي..

عايده

عامله ايه يا قلب خالتك كويسه؟

جنه

ايوه الحمد لله فؤااد هيخليني اجيلك دلوقتي..

عايده بهدوء

ما تسمعي كلامه يا جنه، هو بيقولي هيبقي مجرد كتب كتااب وبس والله يا بنتي بيحبك وعايزك ده بيقولي انه طول الليل ما نامش من زعله انك رفضيته تاني لا تاني ايه بزمتك دي المره الكام اللي ترفضيه فيها؟.

جنه بدموع

يرضيكي اوافق اتجوز غصب عني تاني؟!

عايده

وهو مين بس اللي هيغصبك يا حبيبتي، انتي بتحبيه وانا متأكده انك بتحبيه.

مسحت دموعها وقالت

مش كفايه حتي لو بحبه انا مش عايزااه ومش عايزه اتجوز تاني اصلا، سيبوني براحتي بقي والنبي كلميه قوليلو يخليني اجيلك انا مش عايزه اقعد هنا

عايده بحزن

حاضر يا حبيبتي هقولو ورينا يهديكي ويريح قلبك، تيجي بالسلامه يا حبيبتي انا مستنياكي اهو.

_قفلت معاها جنه وفضلت قااعده مدااايقه وعيوونها كلها دموع، وفجأه الباب اتفتح ودخل فؤاااد، فمسحت دموعها بسرعه وهو كانت نظرااته كلها ليها حزن وقال..

فؤاد

تعالي عشان تفطري

جنه

انا مش جعاانه وعايزه امشي، وتاني مره تبقي تخبط قبل ما تدخل..

اتجاهل كلامها وقال ببرود

عندك علاج لازم تاخديه بعد ما تفطري.

جنه

هبقي افطر مع خالتي واخد علاجي واصلا مش مهم العلاج انا بقيت كويسه..

قرب منها فؤاد وقال

اللي عايزااه هعمله ليكي ومش هفتح معاكي موضوع الجواز تاني بس تسمعي كلامي انتي كمان انا عايز مصلحتك

اتنهدت جنه بضيق وقالت

انا عايزه امشي.

فؤاد

مش فاضي عندي شغل مهم هنا عشان في حفله كبيره هتتعمل بالليل، ومعلش هتحضريها معايا

جنه

بصفتي ايه احضر حفله معاك انا؟

رد عليها بهدوء وقال

بأي صفه ما حدش هيسأل يا جنه بس عادي اهو غيري حو وشوفي نااس جديده وبعد ما الحفله تخلص هاخدك ونرجع البيت، انما دلوقتي مش فاضي ومش هقدر اسيبك تمشي لوحدك...

_كان قاصد يخليها تقعد عشان تحضر معاه الحفله وهي سكتت وما ردتش عليه فقال هو بهدوء..

فؤاد

يلا عشان نفطر..

جنه

انت مش بتقول انك مشغول.

فؤاد

جعان يا شيخه ايه ما اكولش يعني..

مسكت جنه موبيلها وقالت

طيب يلا..

فؤاد

مش هتسرحي شعرك، هيكمكم من اللي عملاه فيه ده..

جنه بحده

انت مالك ومش عاجبك شكلي هقعد هنا ومش هنزل عادي..

فؤاد

خلاص براحتك يلا..

_واخدها ونزلو ورااحو لنفس المطعم اللي اتعشو فيه بالليل وقعدو علي نفس الترابيزه وكانت مدايقه جدا وملامحها كلها حزن..

فؤاد

ممكن تنسي اللي حصل يا جنه او حاولي ما تنسيش مره واحده بس عشان ما تفضليش علي طول كده زعلانه.

جنه بهدوء

عادي انا متعوده اصلا علي اللي حصل ده

فؤاد

لا ما تتعوديش واتعودي انك تبقي مبسووطه لان دي ابسط حقوقك انك تبقي مبسووطه.

جنه

مش هبقي مبسووطه معاك يا فؤاد، فوفر الكلام والمقدمات اللي انت بتقولها دي

فؤاد

انا مش بقول مقدمات، انا بنصحك عشان ما تبقيش زعلانه وقولتلك مش هجيبلك سيرة الجواز تاني وهحترم رغبتك

_حست بنغزه فقلبها لانه خلاص مش هبتجوزها وبرغم ان هي اللي رفضته بس قلبها وجعها وزاد حزنها اول ما وصلت لنهاية الموضوع معاه، ووصله احساسها وابتسم بسخريه وقال.

فؤاد

مش هو ده اللي انتي عايزااه يا جنه انا بحترم رغبتك زي ما انتي طلبتي.

حاولت تداري دموعها وقالت

دي احسن حاجه عملتها من لما جيت فرحتني والله..

فؤاد

بتقولي عليا انا اللي اتغيرت وانتي كمان اتغيرتي اووي يا جنه، بقيتي تكدبي علي فؤاااد وانتي عمرك ما عملتيها..

خانتها دموعها اللي لمعت في عيونها وقبل ما ترد عليه، شاافت جيدا بتقرب منهم فاتنهدت بضيق وجيدا وقفت جنبيهم وقالت بهدوء..

جيدا

صباح الخير..

فؤاد

صباح النور جاايه بدري يعني يا جيدا؟

جيدا

لما عرفت ان جنه معاك هنا قولت لازم اجي عشان اعتذرلها

_بصتلها جنه بعدم تصديق وجيدا قعدت جنبيها وقالت بابتساامه هاديه..

جيدا

انا اسفه انا غلطت في حقك واديني اهو بعتذرلك واتمني تتقبلي اعتذاري

فؤاد

حصل خير خلاص مش كده يا جنه؟

جيدا

معلش يا فؤاد الموضوع يخصني انا وهي، والله انا ندمت علي اللي عملته بجد وهي اكيد فاهمه قصدي كويس وفاهمه انا ليه عملت كده

جنه بهدوء

حصل خير خلاص..

جيدا ابتسمت باتسااع وقالت

فرحتيني بجد ومن النهارده تقدري تعتبريني صاحبتك مش هدايقك في حاجه تاني

استغرب فؤاد وجنه طريقتها وجيدا قالت بهدوء

انتي قريبت فؤاد وانا ما اعرفش غيره هنا، واللي بيثق فيه فؤااد انا كمان بثق فيه وعايزه نبقي صحااب لو ما عندكيش مشكله يعني

جنه بهدوء

عادي يشرفني طبعا نبقي صحاااب

فؤاد

طيب كويس انكم اتفاهمتو مع بعض، هتطلعي اوضتك يا جنه ولا هتعملي ايه؟

جيدا

لا هتقعد في اوضتها من دلوقتي لحد. معاد الحفله، خليها معايا واهو نجهز سوا، فاادي علي وصول وهيبقي معانا برضو

فؤاد

فااادي؟!... هو فاادي جه امتي؟

جيدا

امبارح بس نزل في اوتيل تاني وجاي دلوقتي هنا، فاادي ده بقي يا جنه اشهر و hairdresser makeup artist ممكن تشوفيه في حياتك وهو صديقي المقرب هعرفك عليه اول ما يجي

فؤاد

هتقعدي معاها ولا هتطلعي اوضتك يا جنه اللي يريحك؟

جيدا

هتقعد معايا احنا مش بقينا صحااب يا جنه خليكي معايا بقي بليييز..

_برغم ان جنه متدايقه من جيدا ومش متقبله وجودها لكنها ما رضيتش تحرجها وقالت..

جنه

حاضر هقعد معاها.

فؤاد بص لجيدا وقال

ما تخرحوش بره الاوتيل يا جيدا وخلي بالك منها، وانتي يا جنه موبيلك يبقي مفتوح وفي ايدك عشان لو كلمتك في اي وقت تردي عليا..

جنه

حاااضر..

جيدا

لو احتاجت مني حاااجه يا فؤش كلمني.

فؤش

تمام.. وخلي بالك منها يا جيدا ارجوكي..

ابتسمت جيدا وقالت

يا ابني ما نخافش عليها خلاص هي هتفضل معايا لحد معاد الحفله.

فؤاد

ماشي عايزه حاجه يا جنه

_اتجاهلت كل اهتمامه وردت عليه وهي عيونها في الموبايل بتاعها وقالت..

جنه

لا شكرا..

_سابهم فؤااد ومشي وجيدا رااحت قعدت مكاانه قدام جنه وقالتلها بهدوووء.

جيدا

انا مش وحشه يا جنه، بس أنا بحب فؤاد وكنت مش حبااكي لاني كنت فاااكره انه هيتجوزك وانك بتحبيه..

جنه بعدم فهم

وايه اللي غير تفكيرك ده دلوقتي؟

جيدا

فؤاد قالي انك مش موافقه تتجوزيه وخلاص هو عمل اللي عليه معاكي عشان ضميره يرتاح وانكم بعد كده زي الاخوات وبس مش ده اللي انتو اتفقتو عليه ولا انا فااهمه غلط؟

_اتصدمت جنه من كلامها، وكلام جيدا خلاها تصدق انه ما بيحبهاااش وانه فعلا كان بيريح ضميره في قربه منها لكنه مش بيحبها زي ما هي بتحبه، جيدا قالتلها بقلق..

جيدا

جنه هو انا كلامي زعلك؟

جنه ابتسمت بصعوبه وقالت

لا ما فيش حاجه بس هو فعلا كلامه صح انا وهو زي الاخوات وبس ومن زمان مش من دلوقتي وبس.

جيدا

وهتساعديني انه يتجوزني ولا انتي مش عايزاني ابقي مرات اخوكي

ـ اتنهدت بنفااذ صبر وهي بتحاول تتحكم في دموعها بصعوووبه وقالت..

جنه

اكيد لو في ايدي حااجه اساعدك. بيها مش هتأخر..

جيدا

ميرسي يا قلبي، تعالي بقي افرجك علي الاوتيل لحد ما يجي فاادي هتحبيه اووي علي فكره..

_وفضلت جنه قااعده مع جيدا وحست جيدا فعلا بطيبتها وتعلقها الكبير بفؤااد، وبعد شوويه كانو قااعدين في الاوضه بتاعت جنه ومعاهم لين المسااعده بتاعت جيدا وجيدا ماسكه التاب بتاعها وقالت..

جيدا

جنه ساعديني انتي اكيد عارفه ذووق فؤاد اكتر مني.

جنه

مش فاهمه برضو ايه دخل ذووق فؤااد في الفساتين اللي انتي بتتفرجي عليها

جيدا

هفهمك انا عايزه البس حاجه تعجب فؤااد

جنه بجمود

هو انتي مش معاه بقالك سنين معقوله مش عارفه ذووقه؟

جيدا ابتسمت وقالت

معاكي حق بس انا وفؤااد ارتبطنا سنتين بس وبعدها هو انشغل عني في شغله بس انتي عشتي معاه اكتر مني واكيد فاهمه ذووقه اكتر مني

جنه بفضول

بتقولي ارتبطو سنتين، هو اتجوزك؟!

جيدا بصت لـ لين وقالت

لين ممكن تشووفي فادي جه ولا لسه

لين

اوكي هرووح اشووفه حالا..

مشيت لين وجيدا قالت بهدوء لجنه

بصي بما ان ما فيش حاجه بينك وبين فؤاد فانا هتكلم معاكي براحتي وبصراحه

جنه بقلق

ياريت.

جيدا

انا اتربيت في اوربا ايوه بتكلم عربي لان بابا وماما مصريين، لكن انا طبعي وكل حياتي شبه الاجانب زي ما بتقولو فما كانش عندي مشكله ان تحصل بيني انا وفؤاااد علاقه من غير جواز، احنا فضلنا سنتين مع بعض علي اساس انه اول ما يظبط شغله مع بابي هيتجوزني، وفعلا انا وفؤاد اتجوزنا واول ما شغله بقي تمام وكان عيرحع مصر حصلت بينا مشكله وانفصلنا هو مش حابب انتي ولا مامته تغرفو الموضوع ده، وانا مش هقول لحد لكن انا بحاول ارجع حوزي ليا ولحياتنا الزوجيه تاني فاهمه يا جنه

اتصدمت جنه من كلامها وجيدا قالت

هو قالي مؤخرا انك بتحبيه وانه كمان بيحبك ولما هيرجع مصر هيتجوزك وانا ما كانش عندي مشكله انه يتجوزك المهم انه ما يبعدش عني وقولتلك الكلام قبل كده.

جنه بدموع

اطمني انا مش هتجوزه وانا وفؤااد مش هيبقي في بينا حاجه ابدا..

_وقامت جنه وطلعت من الدولاب الفستان اللب فؤااد بعته ليها عشان تحضر بيه الحفله وحطته قدام جيدا وقالت..

جنه

ده ذووق فؤااد لو لبستيه هيحبه عليكي لان هو اللي اختاره بنفسه

بصتلها جيدت بتوتر وقالت

جنه انا ما كنتش اقصد ادايقك، بس دي الحقيقه وانا اا..

ابتسمت جنه بهدوء وقالت

بالعكس انا ما ادايقتش خالص يا جيدا وكويس انك اتكلمتي معايا بصرااحه، وبجد انا قصدي اسااعدك الفستان ده هيبقي حلو اووي عليكي وهيعجب فؤاد

جيدا

بس فؤااد ممكن يداايق لو انا اللي لبسته وهو جايبه ليكي انتي

جنه

هقوله انه مش عاجبني وانا هلبس اي حاجه..

مسكت جيدا ايدها وقالت بامتنان

انا بجد مش عارفه اقولك ايه، تعالي اقعدي جنبي انا هختارلك فستان وعلي حساابي انا مالكيش دعوه بفؤااد، وبصي هخليكي احلي واحده في الحفله وصدقيني هفضل جنبك لحد ما تعدي الفتره اللي انتي فيها دي خالص..

جنه

حاضر دقيقه بس وجاايه..

_وساابتها جنه ودخلت الحمام وقفلت علي نفسها كويس ووقفت قدام المرايا وفضلت تعيط وهي بتفتكر كلام جيدا، وافتكرت اليوم اللي كان مساافر فيه فؤاااد لما كانت واقفه معاه هي وعايده وسعيد قداام المطار وقرب منها فؤاد بعد ما سلم علي عايده وسعيد وقالها بهدوء..

فؤاد

خلاص يا جنه مش احنا اتفقنا علي كل حاجه.

جنه بدموع

انت مش هتنسااني صح؟..

قرب منها اكتر وقال بصوت واطي

في حد برضو ينسي رووحه، فؤااد. مساافر يحقق حلمه ادعيلي بس اوصل لـ اللي نفسي فيه ووقتها هرجع وهعوضك عن كل لحظه غيبت فيها عنك

حضنته وقالت ببكاء

انت هتوحشني مش عارفه ازاي هقدر اعيش من غيرك حتي يووم واحد.

ضمها ليه فؤاد وقال بدموع

هتقدري وهرجع الاقيكي ناجحه وشاااطره وانا علي طول هكلمكم..

بعدت عنه شويه وقالت

اكيد طبعا هتكلمنا علي طول لحد ما ترجع، واوعي بقي الخواجات ينسووك جنه وتحب واحده تانيه

ضحك بهدوء وقال

قلب فؤااد لجنه وبس مستحيل واحده غيرك تدخله اطمن يا اسطا، همشي بقي قبل الطيااره ما تفوتني..

_قال كلامه وساابهم ومشي وفضلت هي واقفه جنب عايده اللي بتعيط وبتودعه بنظره اخيره...

_رجعت من ذكرياتها وهي بتبص لنفسها في المرايا بسخريه، وقالت لنفسها بحزن..

جنه

بني ادم كدااب وعمره ما حبني وما حبش غير نفسه، بس انا هبقي زيك يا فؤااد ومش هحب غير نفسي وبس وعمري ما هتعشم فيك في اي حاجه تاني.

"لم أعد تلك الطفلة التي ترضيها بقطعة حلوى أو ابتسامة زائفة، لقد كبرتُ.. كبرتُ لدرجة أنني لم أعد أرى نفسي في أحلامك التي رسمتها لي."

_في اوضة جنه في الاوتيل كانت واقفه قدام المرايا وبتبص لنفسها بانبهار، لاول مره من يوم فرحها هي وهاني تهتم بنفسها وتلبس فستان حلو وتحط مكيااج وتحس بانوثتها اللي كانت مدفونه تحت حزنها والقسوه اللي شافتها، فستانها كان لونه موف لونها المفضل وطويل للارض بأكمام خفيفه وشعرها الطويل مفروود. بشكل جذااب وحلو علي ضهرها، والمكيااج مداري الكدمات اللي في وشها ومخليها فعلا جميله وفاتنه لاي حد بيشووفها، وفي البلكونه بتاعت الاوضه كانت واقفه جيدا ومعاها فاادي اللي عنده 35 سنه وملامحه اجنبيه بعض الشئ وقال لجيدا بهدوء..

فادي

رائعه... لو تقدري تقنعي فؤاد انها تبقي وجه اعلاني لشغلي مش هنسالك الخدمه دي ابدا

جيدا

اكيد فؤاد مش هيوافق ولا هي كمان، بس هي فعلا حلوه وصغيره وبريئه جدا، بس ما ينفعش تبقي لفؤااد

فادي

بس هي صعباانه عليكي انا فاهم نظرة عينيكي ليها، وانتي عايزه تعملي عليها شريره ومش عارفه لانك مش مؤذيه يا جيدا

جيدا بحزن

انت اكتر واحد عاااارف انا بحب فؤاد ازاي، بس مش هقدر ازي جنه انا هسااعدها انها تبدأ من جديد بس وهي بعيد عن فؤاد.

فادي

انتي ما عرفتيش تخلي فؤاد يبعد عنها، فانتي بتخليها هي اللي تبعد عنه

جيدا

فؤاد من حقي انا ده كان جوزي وانا بحاول ارجعه ليا، هي مش بتحبه زي ما انا بحبه هي بس محتاجه وجوده لكن انا بحب فؤااد وهو محتاج لوجودي انا جنبه مش لوجود جنه

قربت منهم جنه وقالت بهدوء

فؤاد بيقولي ننزل دلوقتي.

جيدا

اوكي يلا بينا شكلك زي القمر هتحنني الرجاله تحت..

_ابتسمت جنه بهدووء ونزلت معاهم، وفي الوقت ده في مكان الحفله كان فؤااد واقف هو وسعيد مع رجل اعمال مشهور وغني جدا وقاله فؤاد بجديه..

فؤاد

انا سعيد انك جيت يا كريم بيه، وجودك هنا وتعاملك معايا هيساعدني في اني اوصل لهدفي هنا بسرعه

كريم بأبتسامه بسيطه

انا ديما بسمع عنك انك قدرت تنجح بسرعه ودماغك حلوه وذكي وانا ديما برضو بحب اشجع الشباب اللي زيك كده، وو اوبااا مين الصاروخ اللي جايه مع جيدا دي..

_بص فؤااد وراه واتفاجئ بجنه وجمالها اللي لفت نظر الكل ليها وبرغم ان فستانها مقفول لكن كان دايق جدا ومبين تفاصيل جسمها وكانت فعلا فاتنه لكل رجالة الحفله بملامحها البريئه، وبرغم اعجااب فؤاد الكبير بيها الا انه اتعصب من نظرات النااس ليها وخصوصا كريم اللي معرووف عنه انه "نسوانجي"..

سعيد قرب من فؤاد قاله

هي دي جنه ولا واحده شبهها.

فؤاد بجمود

خليك واقف مع الراجل

سعيد

اقف مع مين مش هعرف اتعامل معاه انا ده

_ما ردش عليه فؤااد وقرب من جنه وجيدا وفاادي اللي كان واقف معاهم وبص لجنه بحده وقال..

فؤاد

ايه اللي انتي عملاه في نفسك ده؟

بصت جنه لنفسها بتوتر وقالت

عامله ايه عادي يعني اومال كنت انزل احضر الحفله بـ بجامه، وانت اللي طلبت مني ابقي حلوه وافرد شعري ليكمكم..

_اتعصب فؤاد من ردها وجيدا بسرعه مسكت ايده وقالت بخبث...

جيدا

ما تسيبها براحتها تكره انها تبقي حلوه وتعيش سنها يا حبيبي ده اللي في سنها دلوقتي لسه بيبدأو يعيشو حياتهم، تعالي بس نشووف كريم بيه ما ينفعش نسيب الرااجل لوحده

_قالت جيدا كلامها واخدته من ايده وراحوا وقفو مع كريم، وفاادي ساابها واقفه لوحدها ورااح وقف مع نااس تانيه يعرفهم وهي قرب منها سعيد وقال..

سعيد

ايه الحلاوة دي يا جنه، ده ياريته هاني طلقك من زمان بقيتي ورده مفتحه اهو..

جنه

ما تحبليش سيرته، وبعدين هو انا لوحدي اللي خلوه ما انت اهو بدله جديده وشعرك ده مش كان اكرت..

سعيد ابتسم وقال

لا ما انا فردته ومالكيش دعوه بشعري..

_ابتسمت بهدوء وبصت لفؤاد اللي واقف جنب جيدا وهي ماسكه في درااعه وقريبه منه جدا، وسعيد شااف نظراتها لفؤااد فقالها.

سعيد

فؤاد عرف ينجح ويوصل لاحلامه

جنه اتنهدت بضيق وقالت

وصل فعلا لاحلامه وبقي حد مهم ومشهور، بس انا عمري ما كنت اتخيل ان جنه مش من ضمن احلامه

سعيد

يا شيخه حراام عليكي ده هو اليووم كله مدااايق وحالته حاله بسبب رفضك ليه

جنه

سعيد واغلي حااجه عندك ورحمة امك يا شيخ، انا عارفه ان فؤااد بيحكيلك كل حاجه اكيد قالك علي اللي بينه وبين جيدا هو كان متجوزها وهو مساافر مش كده؟!

سعيد بتوتر

ااا بصي يا جنه هو برضو راجل وكان في غربه ومشااعره اكيد اتهزت هناك برضو، المهم هو دلوقتي عايز مين فيكم

جنه بغيظ

قصدك المهم انا عايزه مين وعايزه ايه.

_في الوقت ده كان فؤااد وحيدا بيتكلمو مع كريم مندور في الشغل، لكن كريم كان بيركز معاهم شووويه وبيرجع يركز مع جنه وهي بتتكلم مع سعيد، وفؤااد اخد باله وقاله بضيق..

فؤاد

هو حضرتك مركز معانا يا كريم بيه؟

كريم

هاا بصراحه لا سيبكم من الشغل دلوقتي وقوليلي يا جيدا مين الهانم اللي كانت داخله معاكي الحفله دي قريبتك؟

جيدا بصت لفؤاد بقلق وقالت

لا دي قريبة فؤاد بنت خالته وزي اخته بالظبط.

_بصلها فؤاد بضيق وسحب ايده من ايدها وكريم قال بخبث..

كريم

يا فؤاد مش تقول ينفع كده تسيب اختك قااعده لوحدها، واسمحلي انا عايز اتعرف عليها..

_قال كريم كلامه وسااابهم وقرب من جنه اللي كانت بتتكلم مع سعيد ووقف جنبيها ومد ايده عشان يسلم عليها وقال..

كريم

كريم مندور ممكن نتعرف..

اتوترت جنه وقالت وهي بتسلم عليه

اهلا وسهلا

وجات تسحب ايدها من ايده فمسكها هو وقال

مش بس كده قوليلي اسمك زي ما انا عرفتك علي اسمي.

حاولت تسحب ايدها منه وقالت بقلق

اا اسمي جنه ممكن تسيب ايدي..

_جه في الوقت ده فؤااد وسحب ايد جنه من ايد كريم وقال بنبره غاضبه..

فؤاد

معلش يا كريم بيه بس هي ما بتحبش تتعرف علي حد

كريم

ما ده حلو، واسمك كمان حلو يا جنه لايق عليكي وعلي براءتك

_بصت هي لفؤاد بقلق وفؤاد حاوطها بدرااعه بتملك وقال..

فؤاد

متشكرين لحضرتك جيدا هتكمل معاك الحفله بس انا حصل عندي ظرف مهم ولازم امشي

_اتفاجئت جيدا من كلامه وهو ما استناااش يسمع ردهم واخد جنه وخرجو بره الحفله وجنه بعدت عنه وقالت..

جنه

هو في ايه ومين الرااجل ده؟

فؤاد بضيق

ما فيش حاجه وانسي اللي حصل ده خالص، وبعد كده يا جنه اللبس ده والقرف اللي حطااه في وشك ده ما يتحطش، من امتي وانتي بتعملي في نفسك كده، وبعدين احنا اصلا مش كنا متفقين انك تكبري وتلبسي الحجااب.

جنه بجمود

ايوه فعلا كنا متفقين علي حاحات كتير بس لا انت نفذت اللي اتفقنا عليه ولا انا كمان هنفذه، تقدر تروح تكمل الحفله بتاعتك وانا هطلع فووق وبعد كده ما تخلنيش احضر حفالات مدام وحودي بيدايقك..

_جات تمشي بس هو مسك ايدها وقربها ليه جدا وقال بعصبيه وحده..

فؤااد

انا اختارتلك فستان ما اتلبسش ليه؟

جنه وهي بتحاول تبعد عنه

ما عجبنيش وسيبني..

فؤاد بحده

ان شاء الله عنه ما عجبك انتي تلبسي علي مزاااجي انا وبس

جنه

سيبني يا فؤااد انت مش من حقك تقربلي ولا تتحكم فيا.

قبل ما يرد عليها جات جيدا وقالت

فؤااد ازاي تسيب الرااحل كده وتمشي ده احنا عاملين الحفله دي كلها عشاانه

بعد فؤاد عن جنه وقال

معلش يا جيدا اتصرفي جنه تعبت وعايزه ترووح.

جيدا

مالك يا جنه في ايه؟

جنه بضيق

ما فيش حاجه انا بس عايزه ارحع البيت، ممكن سعيد يرجعني

فؤاد بحده

وسعيد لو هاني بعت رجالته عشان يخطفوكي تاني هيعرف يقف لوحده قداامهم

جنه بصتله بحزن وقالت

لا انت ولا سعيد انا همشي لوحدي

مسك فؤااد ايدها تاني وقال

اخرسي بقي عشان بدأتي تستفزيني، وانتي يا جيدا مش عايزه تكملي الحفله الغيها انا همشي وشوفي الصح واعمليه

_قال كلامه واخد جنه ومشي، واستغربت جيدا غيرته علي جنه اللي خلته حتي يسيب شغله ويمشي وهي من لما عرفته ما شافتش ان في حاجه في حياته تهمه قد شغله.

_وبعد شويه في العربيه بتاعت فؤااد كان بيسووقها وهو متعصب جدا، وهي قااعده جنبيه عينيها علي الطريق وسااكته ما قالتش ولا كلمه، وهو بصلها بضيق وقال..

فؤاد

انتي كمان اللي زعلانه

جنه

لا مش زعلانه عادي يعني، بعد كده مش هحضر معاك حفالات خااص عشان وجودي هيدايقك..

فؤاد

لو وجودك هيدايقني ما كنتش انا اللي طلبت منك تبقي موجوده معايا في الحفله، انا اللي دايقني منظرك ونظرة النااس ليكي هناك

جنه

والله مش عارفه اعمل ايه بصراحه انعزل وابقي في حالي ولا ابقي عايزه اشووف حد ولا اقابل حد. تزعل وتقولي ما تعمليش في نفسك كده، ولما قررت البس حاجه حلوه واتشيك واسمع بنصيحتك برضو زعلت انت عايز ايه بالظبط؟

فؤاد

تسمعي كلامي وانتي عارفه اني ما بحبش حد يشووفك حلوه غيري

جنه

لا مش عارفه حاحه ولا انت كمان تعرفني، احنا اتغيرنا يا فؤاد وانا كبرت وكبرت فووق عمري بعمر كمان.

_دخل فؤاد بعربيته الفيلا بتاعته وجات تنزل بس هو مسك ايدها وقالها بجمود..

فؤاد

استني اول واخر مره تلبسي حاجه بالشكل ده ولا تحطي مكيااج بالشكل ده، مش هحكم عليكي دلوقتي واقولك تلبسي الحجاااب بس كل حاجه بوقتها يا جنه، انا بقولك هنا دلوقتي عشان ما ندخلش جوه ونتخانق قدام امي..

جنه

حاضر انت برضو ابن خالتي وفي مقاتم اخويا الكبير وانا مسؤله منك

_ضغط علي ايدها بكل قوته وهو بيااخد نفسه بصعوبه من شدة غضبه منها وقالها بحده

فؤاد

انزلي يا جنه.

جنه مسكت ايدهت بألم وقالتله

انت مش هتيجي ولا ايه؟

فؤاد

هرحع الحفله اشووف شغلي اللي سيبته عشانك يا قلب اخوكي

جنه

ربنا معاك واشكرلي جيدا جدا علي وقفتها معايا النهارده اليوم كان حلو اووي معاها..

_قالت كلامها بكل هدووء وساابته ونزلت، وهو بصلها بغيظ ورحع تاني الحفله وهي اول ما دخلت البيت راحت لاوضة عايده اللي كانت قااعده علي الكرسي بتصلي واستنتها لحد ما خلصت وقالتلها عايده بهدوء..

عايده

ايه يا جنه كانت حلوه الحفله فؤاد جه معاكي؟

_قربت منها جنه ورمت نفسها في حضن عايده وفضلت تعيط. بأنهيار، وعايده اتخضت عليها وقالت..

عايده

في ايه يا بنتي هو زعلك في حاجه تاني البنت الملزقه اللي معاه دي دايقتك مش كده، والله لاوريك يا فؤااد هو جه معاكي ولا ساابك تيجي لوحدك كمان؟

بعدت عنها جنه شويه وقالت ببكاء

جابني ورجع تاني الحفله هو ما عملش النهارده، بس النهارده كل حاجه انتهت فعلا او هي اصلا انتهت من زمان من لما سافر فؤااد زمان بس انا اللي كنت بكدب نفسي.

عايده

وتقوليلي ما حصلتش حاجه لا ده حصل وحصلت حاجه كبيره كمان.

مسحت جنه دموعها وقالت

صدقيني يا خالتي ما حصلتش حاجه النهارده، بس اكتشفت ان فؤااد اللي رجع بعد 8 سنين ما بقااااش فؤاد اللي انا كنت بحبه

عايده

الايام بتصلح كل حاجه انتي تعبااانه دلوقتي، ونفسيتك وحشه بعد اللي عملو فيكي اللي ما يتسمي هاني، فاهدي وخدي وقتك لحد ما تبقي جاهزه انك تتجوزي وتكملي حياتك صح وانا متأكده ان فؤااد مش هيسيبك.

ابتسمت جنه بسخريه وقالت

اممم انتي هتقوليلي هو حتي عمره ما سابني،علي العموم انا بقيت كويسه انا بس كنت محتاجه حضنك ده

ضحكت عايده وباست علي راسها وقالت

يا حبيبة خالتك انتي، كل اللي عايزااه من الدنيا انك ترتاحي وتبقي كويسه وسعيده في حياتك، روحي غيري هدومك وخليهم يجهزولنا العشا تحت عشان نتعشي سوا.

_سمعت جنه كلامها واتعشو مع بعض، ورااحت بعدين جنه نامت وقلبها كله وجع من فؤاد وانه اتجوز برضاااه واحده تانيه في وقت ما كانت هي مجبوره علي هاني وجوازها منه...

_وعدي اليوم ورجع فؤاااد بالليل متأحر ومش قااادر ينسي نظرات كريم وكل اللي في الحفله لجنه وموبيله رن برقم جيدا فرد عليها وقال بضيق..

فؤاد

ايه يا جنه.

جيدا

انا جيدا يا فؤاد انت جنه حنبك؟

ابتسم فؤاد بقلة حيله وقال

لا بس انا كنت بفكر فيها، المهم قوليلي كريم ده كان بيتكلم معاكي في ايه لما انا مشيت

جيدا بخبث

تصدق كان بيعاكسني.

فؤاد

نعممم يا اختي بيعاكسك ازاي يعني؟

جيدا ابتسمت وقالت

غيرت عليا.

فؤاد

جيدا لو هو في نيته حاجه وحشه ليكي اقطعي معاه خالص وانا هتصرف وفي داهيه مسااعدته

جيدا

يعني بجد انت بتغير عليا يا فؤااد، انا لسه فااكره لما كنت بتغير عليا واحنا مع بعض كانت بتبقي احلي لحظه في حياتي لما اشوووفك غيران عليا، كنت بحس بحبك ليا وقتها.

فؤاد بضيق

وبعدين يا جيدا ليه مصممه تفتحي في القديم

جيدا

القديم ده انا عمري ما نسيته، وبعدين انت مش قولت ان جنه رافضه تتجوزك دي كانت بتسااعدني الفت نظرك النهارده هي مش بتحبك يا فؤااد والله هي بتعتبرك زي اخوها

فؤاد بحده

جيدا مالكيش دعوه بالموضوع ده، وحتي لو هي مش عايزاااني انا عايزها ومش هتجوز غيرها، اقفلي بقي واقطعي اي تواصل مع كريم ومش غيره عليكي يعني بس انا ما بخلصش شغلي بالطريقه دي

جيدا بدموع

دلوقتي ما بتخلصش شغلك بالطريقه دي، وزمان كنت بتقرب مني وبتستغلني عشان توصل

جه يرد عليها بس هي قابت بحده

خلاص يا فؤاد انا مكلمااك اقولك ما تقلقش كريم مندور هيبقي اول شركه تتعامل معانا يعني اضمن ان البدايه قويه.

اتنهد بضيق وقال

مش عايزه مدام بيدايقك مش عايزه

جيدا

لا دايقني ولا حاجه هو كل اللي اتكلم معايا فيه بعيد عن الشغل كان بيسألني علي جنه

اتعصب فؤاد وقال

وماله هو بجنه يسأل عليها ليه؟

جيدا

عجبته زي ما عجبت كل اللي في الحفله، وما تقلقش برضو انا ما ريحتوش..

فؤاد

تمام يا جيدا انا هقفل دلوقتي وهناام وبكره الصبح نتكلم.

_وقبل ما يسمع رد منها قفل الفون في وشها، ورااح وقف في البلكونه وهو متداايق ومتعصب جدا بسبب اهتمام كريم بجنه، وبص للبلكونه بتاعت اوضتها وقال بغيظ..

فؤاد

مش كفايه عليا هاني يا ست جنه طلعلي معجب جديد..

_قال كلامه ودخل ناام بعصووبه وهو جواه نار من غيرته عليها اللي مش قادر يتخطاها....

​"وأغارُ عليكِ من عينٍ تراكِ ولا تعلم أنكِ لي، ومن عابرٍ يظن أن براءتكِ مشاعاً للجميع"..

_وتاني يوووم الصبح كان قااعد بيفطر هو ومامته وكالعاده ماسك التااب بتاعه في ايده ونزلت جنه من فوووق واول ما سمع خطواتها بصلها بطرف عينه وابتسم بتلقائيه لانها كالعاده ابهرته بجمالها وهي لابسه فستان اوف وايت طويل لتحت الركبه من غير اكمام وشعرها مفروود علي ضهرها، واول ما بصتله عمل نفسه مركز في التاااب بتاعه ومش مهتم بوجودها، ورااحت وقفت قدامهم وقالت..

جنه

صباح الخير

_ما ردش فؤاد وكأنه مش مهتم بوجودها وردت عليها عايده وقالت..

عايده

صباح النور اقعدي افطري.

جنه

لا لا ما ليش نفس والله..

عايده

ما اتعشتيش كويس امبارح معايا ويعتبر نمتي من غير عشا وكمان مش هتفطري بصي لنفسك بقيتي شبه القلم الرصاص من قلة الاكل

جنه

معلش يا خالتي لما هجوع هاكل هرووح اعمل قهوه باللبن نفسي فيها

عايده

هو اللبن بعني لما تحطي عليه القهوه هيبقاله لازمه؟!

فؤاد

اقعدي خلي حد من الشغالين يعملك

جنه

وانا اتشليت يعني

_كتمت عايده ضحكتها وهو رفع عينيه وبص لجنه بغيظ وهي قالت بهدوء..

جنه

مش قصدي بس انا بحب اعمل حاجتي لوحدي..

_قالت كلامها ودخلت المطبخ وهو سااب التاب من ايده وبدأ يعملها سندوتشاات وافتكر ذكري كانت بينهم لما كان عندها 7 سنين، وهي قااعده جنبيه وقالت ببكاء لعايده..

فلااااااش بااااك

جنه

والله بطني وجعاني مش هاكل

عايده

اقسم بالله يا جنه لو ما فطرتي لكون جيباكي من شعرك هو احنا كل يوم في الموال ده، انا قاايمه اعمل شااي ارجع الاقيكي كلتي السندوتشات دي اللي عايزاااه بنجيبه ليكي وفي الاخر ما تاكليش ايه الدلع الفاضي ده..

_قالت عايده كلامها وساابتهم ودخلت المطبخ وفؤااد قرب من جنه وحط قدامها السندوتشات اللي عملهم هو ليها بشكل لطيف وقال.

فؤاد

بصي عملتلك السندوتشات ازاي المفروض دي قطه وده smail وده سبونج بوب

ضحكت جنه وقالت

بس لا دي قطه ولا ده smail ولا ده سبوج بوب

فؤاد

طيب لو اكلتيهم هتعلم اعملهم ليكي بالظبط كل يوم

جنه

لا مش عايزه

فؤاد

طيب هنلعب لعبه حلوه هتاكلي الاول القطه دي واول ما هتاكلي منها هتفضل تعيط

جنه

ولو ما عيطتش مش هاكل تاني

فؤاد

اتفقنا يلا كلي.

_واول ما قطمت جنه في الموبيل مثل فؤاد صوت القطه وفضل يعيط،وهي ضحكت بقوه علي طريقته، وهو كمان ضحك لضحكتها وقال.

فؤاد

بقيت اهبل عشان خاطرك اهو يلا كلي..

جنه بحماس

وهتعيط تاني

فؤاد

حاضر يا ستي بس المهم تفطري..

_رجع من ذكريااااته علي صوت عايده اللي قالتله وهي مستغربه الابتساامه اللي علي وشه..

عايده

خير بتضحك علي ايه؟

فؤاد

ولا حاااجه اديها السندوتشات دي لما تيجي وهي هتفطر

_اول مت شاافت عايده شكل السندوتشات ابتسمت هي كمان بهدوء وقالت..

عايده

ياااه هو انت لسه فاكر

فؤاد

المهم تبقي هي فاااكره وتوافق تفطر.

_قال كلامه وقاام لبس جاكيت بدلته واخد حاجته ومشي، وخرجت جنه بعد شويه من المطبخ واول ما قعدت جنب عايده قالتلها..

عايده

امسكي فؤاد عملك سندوتشات عشان تفطري

_اول ما جنه شاافت السندوتشات ابتسمت بهدوء وافتكرت ذكريات طفولتها معاه وقالت بتوتر لعايده..

جنه

بصي يا خالتي انا هاكلهم بس لو سألك قوليلو اني ما اكلتهمش اتفقنا!

ضحكت عايده وقالت

والله مهما كبرتو هيفضل فؤاد هو فؤاد وهتفضلي لمضه زي ما انتي يا جنه، اتفقنا يا اختي المهم تفطري..

_ضحكت جنه بهدووء وبدأت تاكل في السندوتشات، وفي الوقت ده كان واقف هو عند الشباااك اللي في الجنينه وبيبصلها من بعيد من غير ما تاخد بالها واول ما شافها بتاكل وهي مبتسمه وعرف انها انبسطت بالسندوتشات اتنهد بارتيااح وراااح ركب عربيته وفي الوقت ده رد علي موبيله اللي بيرن وقال..

فؤاد

في ايه يا سعيد؟

سعيد

الرااجل اللي كان امبارح في الحفله كريم مندور هنا في الشركه وعايزك ضروري قال ايه مسأله شخصيه

فؤاد بقلق

طيب انا جااي حالا.

وقفل مع سعيد وقال

علي الله يكون االي في بالي صح، هتبقي خربت علي الكل.

"فكيف أصدق وعودك بالحرية، وأنت تخفي خلف ظهرك قيوداً لتمتلكني بها"..

_في الشركه بتاعت فؤااد كان واقف سعيد مع هبه السكرتيره بتاعت فؤااد اللي قالتله بفضول...

هبه

قولي يا استاذ سعيد هو كريم مندور جاي ليه؟

سعيد

مش عارف بس ربنا يستر انا مش مطمن

هبه

انا اسمع عنه كتير واحده صاحبتي شغاله في الشركه بتاعته بتقولي راجل مغرور اووي وعمره ما يرووح لحد حتي لو ليه مصلحه بيخلي المصلحه ترووح لحد عنده، بس هو بقي جااي عندنا ليه؟

سعيد

الله يطمنك يا شيخه يبقي احساسي صح، فؤااد جه اهو خليكي بقي في شغلك بدل ما يقفش علينا

وساابها سعيد وقرب من فؤاد وقاله

انت ما تعرفش هو عايز ايه؟

فؤاد

لا بس ممكن يكون جاااي يتكلم في الشغل.

سعيد

او يتكلم علي جنه

بصله فؤاد بحده وسعيد قال

انا بقول يمكن بتبرقلي ليه

فؤاد بنبره غاضبه

طيب يعملها ويجيب سيرة جنه علي لساانه اقسم بالله اقطعه حتت

سعيد

لا والنبي اهدي هو انا اللي هعلمك ازاي تتعامل مع رجال الاعمال وكده.

فؤاد بنبره غاضبه

كله الا جنه كان يوم اسوود يوم ما خليتها تحضر الحفله

سعيد

يا عم خير يمكن مش جاي عشاانها واحنا اللي بيتهيألنا

فؤاد.

هو فين اصلا انت سايبه لوحده في المكتبه؟

سعيد

لا معاه جيدا

فؤاد بغيظ

وسايبه لواحده معاها ليه؟

سعيد

في ايه هو انت غيران علي دي كمان

فؤاد.

تعالي معايا يا سعيد وبعد كده انت اللي مكاني هنا وانا مش موجود مش جيدا

ايتسم سعيد وقال

عينيا حاضر بعد كده هتعامل علي الاساس ده

_ودخل فؤاد مكتبه وسلم علي كريم اللي كان قااعد علي الكنبه هو وحيدا بعيد عن المكتب، وقعد معاهم سعيد اللي قرب من جيدا وقالها..

سعيد

هو ما قالكيش جااي ليه عشان لو كان اللي في بالي صح فؤاد هيدشمله

جيدا بقلق

جاي يخطب جنه.

سعيد بصدمه

نهااااار اسوووح

جيدا

احترم نفسك.

سعيد

هو انا جيت جنبك.

كريم

المهم يا فؤاد بعيد عن الشغل انا اا..

فؤاد بجمود

معلش بس هو احنا بينا ايه غير شغل

ضحك كريم بسخريه وقال

هو انا لو عايز اتكلم في الشغل هجيلك لحد هنا، لا لا انت اللي تجيلي لكن انا حابب اتكلم معاك في موضوع شخصي ومهم اووي وانا عشاان راجل بفهم في الاصول قولت لازم اجي بنفسي

بص سعيد وجيدا لبعض بقلق وفؤاد قال

امم ايه بقي الموضوع الشخصي ده اتكلم يا كريم بيه ما فيش حد غريب جيدا دي اقرب واحده ليا وسعيد ده اخويا متربين سوا انا وهو.

فؤاد

ايوه ما انا عارف انكم متربيين سوا انت وهو وجنه قبل ما انت تساافر ويتجوزها الراجل العجوز ده اللي اسمه هاني الفاتح تقريباً

فؤاد بجمود

استني بس... مش هقولك انت عرفت المعلومات دي كلها منين، بس مالك انت ومال بنت خالتي يتسأل عليها ليه؟

كريم بجديه

ما هو ده الموضوع اللي انا جااايلك عشاانه، انا طالب منك ايد جنه بما انك ابن خالتها وفي مقاام اخوها الكبير

سعيد بقلق

ااا بس جنه رافضه الموضوع ده خالص وو..

فؤاد وقف وقال بنبره غاضبه

نورت يا كريم بيه بس ما كانش ليها لزووم الزيااره

بصله كريم بضيق وقال

ايه بقي الطريقه دي هو انا طلبت حاجه عيب ولا حراام انا طلبت حلال ربنا، وبعدين انت مش واخد بالك انا مين وانت هتبقي مناااسب مين ولا ايه ما تقوليلو حاجه يا جيدا.

وقبل ما جيدا تتكلم قال فؤاد بحده

لا واخد بالي كويس بس شكلك يا كريم بيه ما سألتش عن بنت خالتي كويس، اصلها مخطوبه او بالبلدي كده محجوزالي

كريم بص لجيدا وقال

ايه يا جيدا مش انتي قولتي انها زي اخته

فؤاد بحده

الكلام معايا انا وانا بقولك انها تخصني وعيب يعني واحد في قيمتك يبص لواحده تخص واحد تاني

وقف كريم قدامه وقال بجمود

اكيد لو كنت اعرف انها تخصك ما كنتش هاجي واتقدم علي العموم حصل خير وشغلنا زي ما هو، انا هدرس مشاريعك اللي ناوي تعملها وهرد عليك وان شاء الله خير، قولتلك امبارح وبقولك تاني اهو انا معجب بذكاءك وطموحك وحتي لو ما كانش هيبقي في بينا شغل انا هسااعدك

فؤاد

شكرا جدا لذوووق حضرتك، وسوري انفعلت عليك

كربم

حقك انا لو مكانك هتدايق واوووي كمان، بس ابقي وضح يا حبيبي انها تخصك لانك هتلاقي معجبين كتير بيها، وفرصه سعيد بعد اذنكم

_قال كلامه ومشي وجيدا راااحت توصله، وسعيد بصله بقلق وبعدين فضل يضحك وقال..

سعيد

ههههههههه الحق اتجوزها بقي قبل ما تتشقط منك

فؤاد

سعيد اطلع بره.

سعيد.

يا عم اهدي شويه ما خلاص انت قولتله انها خطيبتك، بس الغلط من جيدا ليه تقوله اصلا انها زي اختك واديته مساحه يحكي معاك في الموضوع ده.

دخلت جيدا في الوقت ده وقالت بحده لفؤاد

ايه الطريقه اللي انت كلمت بيها الرااجل دي، بقي انا اتعب واجيبلك حد مهم زي ده وانت في لحظه تخسره

فؤاد بجمود

سيبنا لوحدنا يا سعيد معلش.

سعيد

عيني يا اخويا حاضر.

_سابهم سعيد واول ما خرج قرب فؤاد من جيدا وقالها بعصبيه.

فؤاد

بأي حق تقولي لكريم ده ان جنه زي اختي وانتي عارفه كويس اني بحبها

جيدا

انت قولتلي انها مش موافقه تتجوزك، وهي بنفسها اكدتلي انك زي اخوها دي حتي كانت بتسااعدني الفت نظرك وابقي حلوه في عينيك امبارح، لو كانت بتحبك ما كانتش عملت كده

اتعصب فؤاد اكتر وقال

ما لكيش دعوه وما تقربيش من جنه تاني يا جيدا، ولا تدخلي في اي حاجه بيني وبينها، حتي لو هي رفضت الجواز مني دلوقتي انا مش هسمح لاي حد يقرب منها وهقنعها توافق بيا.

جيدا بحزن

وانا هتسيبني متعلقه بيك كده وخلاص

فؤاد

قولتلك اللي بينا انتهي من زمان يا جيدا، انسيه خلاص وخلي العلاقه بينا تبقي صدااقه وبس احسن ما تنتهي خالص

جيدا بدموع

هي عمرها ما هتحبك زي ما انا حبيتك وبحبك يا فؤاد، ولو حصل واتجوزتها لازم تبقي عارفه ان انا مراتك الاولي

فؤاد بغيظ

انا طلقتك.

جيدا

بس انت ما قولتلهاش انك كنت متجوز وانت مساافر، يعني هي رفضااك وهي فااكره انك كنت عايش هناك مخلص ليها وما فيش واحده تانيه دخلت حياتك ما بالك بقي لو عرفت انك كنت متجوزني سنتين، وكنت بتقولي انك بتحبني.

فؤاد بحده

لو ده حصل وجنه عرفت حاجه عن الموضوع ده هتبقي خسرتيني للابد يا جيدا

جيدا

انت اللي هتخسرني يا فؤاد لو ما حطتش نهايه لقصتنا دي.

فؤاد

قصدك ايه.

جيدا

انا هساافر لو ما رجعناااش لبعض، انسي اي دعم من بابي ليك.

فؤاد ابتسم بسخريه وقال

يبقي ساافري من دلوقتي يا جيدا وابوكي مش هيسمع كلامك شغله معايا ومصلحته اهم منك.

جيدا بتحدي

اووكي هنشوووف، انا في اجازه لحد ما بابي يفضي ويجي مصر ونشوووف بقي حل للموضوع ده.

_قالت كلامها وسااابته وخرحت وهو راااح قعد علي مكتبه وقال لنفسه بضيق..

فؤاد

والله عال يا ست جنه بتساعديها تلفت نظري وتعجبني ماااشي.

‌_ وبالليل في بيت فؤااد رجع البيت وكانت جنه واقفه في الجنينه وبتتكلم في الموبيل بتاعها فقرب منها وقالها..

فؤاد

بتكلمي مين؟

بصتله جنه بهدوء وقال

هكلمك بعدين يا لبني، سلام.

وقفلت مع لبني وقالتله

في حااجه؟

فؤاد

ما زهقتيش من قعدت البيت.

جنه

اعمل ايه يعني نصيبي

فؤاد

بكره هاخدك ونروووح نقدم علي كلية الصيدله في جامعه خاصه، طبعا انتي حاله استثنائيه فهنشووف ايه اللي المفروض نعمله ولحد ما الدرااسه تبدأ هتاخدي شوية كورسات كده عشان تطوري من نفسك وتبقي مؤهله للدراسه تاني

جنه بعدم تصديق

استني بس استني انت بتتكلم بجد انا هدخل كلية صيدله؟

فؤاد

مش مجموعك يأهلك تدخلي صيدله عادي، انتي كنتي الاولي علي الثانويه العامه علي مستوي الجمهوريه سعيد وامي قالولي.

جنه بتوتر

لا اا انا بقالي 6 سنين مخلصه المدرسه اكيد يعني مش هعرف اقدم.

فؤاد

لا ما انا قولتلك هقدملك علي جامعه خاصه، مش انتي كان حلم حياتك تدخلي كلية صيدله، انا اهو بحققلك حلمك واول ما تبدأ الدراااسه هتبقي طالبه جامعيه ووريني شطارتك بقي

ـ اتملت عيونها دموع وبكل تلقائيه وسعاده قربت منه وحضنته وهي بتقول ببكاء.

جنه

شكرا اووي يا فؤاد ده فعلا كان حلم حياتي.

ابتسم بهدوووء وضمها ليه اكتر وقال

لو تعقلي بس وتخلينا نتجوز اقسم بالله ما هبعد عن حضنك ده دقيقه واحده.

_استوعبت جنه انها حضنته وجات تبعد بس هو قربها ليه اكتر وقال بخبث.

فؤاد

علي فين بس هو دخول الحمام زي خرووجه ولا ايه.

_جنه اتنفصت بخحل ووشها قلب احمر وقالتله بتوتر

عيب كده يا فؤاد سيبني

فؤاد

لا خليكي شويه.

ضربته علي كتفه بكل قوتها وقالت بحده

ما تعصبنيش بقي وسيبنييي..

ضحك بهدوء وبعد عنها وقال

ما تمديش ايدك تاني بدل ما اكسرهالك.

جنه

وانت احترم نفسك

قرب منها وقال

انتي اللي حضنتيني الاول.

جنه بتوتر

انا بس اتحمست عشان هكمل دراستي وهدخل الكليه اللي بحبها

فؤاد

ده حقك اصلا انا كنت ببعت فلوس علي سعيد يوصلها ليكم وانا فااكر انكم عايشين احسن عيشه هنا

جنه

انا عندي سؤال بس هو انت ليه ما كنتش بتكلمنا وتسأل علينا؟

فؤاد

كنت بخااف اكلمكم حتي سعيد انا كنت بكلمه اقوله الفلوس وصلت يقولي ايوه ما كنتش برضي اسمع منه اي حاجه وبعد كده بقيت ابعت الفلوس من غير ما اكلمه اصلا، ما كنتش عايز اضعف وارجع انا كانت بتوصل بيا لحظاات ببقي مش طايق اي حاجه حتي نفسي وهاين عليا اخد أول طياره جايه مصر وارجعلكم بس كنت باااجي علي نفسي واتحمل عشان ارجع زي ما انتي شايفه كده وما ابقاش روحت وجيت علي الفاضي.

جنه بحزن

عرفت تشتري احلامك كويس، لو كنت مره واحده بس كلمتني ما كانش حصلي انا اللي حصل ده، او حتي لو كنت عرفت انت ما كنتش هترجع ياما انت بتقول جيت علي نفسك عشان تحقق احلامك كنت هتتخلي عن احلامك دي عشاني.

فؤاد بجديه

اكيد طبعا وو

جنه

كدااب.

بصلها بغيظ وهي قالت

ايوه والله زي ما بقولك كده، بس بجد شكرا انك هتخليني اكمل تعليمي وادخل الكليه اللي نفسي فيها.

قرب منها فؤاد وقال

انتي اول حلم حلمت بيه يا جنه، من لما خالتي الله يرحمها ماتت هي وابوكي في الحادثه وانتي اتولدتي وابويا وامي جابوكي البيت وانتي بالنسبالي حلم كبير بقيت متعلق بيكي اوووي، لا حبيت ولا هحب واحده زي ما حبيتك.

جنه بعدت عنه وقالت بجمود

انت قولتلي انك مش هتفتح معايا الموضوع ده تاني وطلبت منك تبقي ابن خالتي وبس، لكن لو انت فااكر بقي اني هضعف وارضي باللي انت عايزه مقابل اني اكمل تعليمي انسي يا فؤاااد مش هيحصل ابدا ومش عايزه ادخل جامعات اصلا..

_قالت كلامها وجات تمشي بس هو وقف قدامها وقال بهدوء.

فؤاد

مش قصدي احط دي قصااد دي، ومش هفتح معاكي الموضوع ده تاني بس الكلام جااب بعضه دلوقتي، بكره هنرووح نقدم علي الكليه ونحجز الكورسات اللي قولتلك عليها..

جنه

تمام..

فؤاد

جيدا بتكلمك مش كده؟

جنه

امم بتكلمني بنت كويسه كنت فهماها غلط، هي تصرفاتها كانت غريبه شويه لانها بتحبك بزيااده

فؤاد

وانتي بالنسبالك عادي يعني انها تحبني

حاولت تخفي حزنها وردت عليه ببرود وقالت

ايوه مدام هي بنت كويسه ليه اكره انها تحبك بالعكس ده انا اتمني انها تبقي من نصيبك

فؤااد قرب منها وقال بابتسامه خبيثه

ورحمة ابووويا كدااابه يا جنه

_قال كلامه وساابها ودخل البيت، وطلع اوضته وقبل ما يغير هدومه شم ريحة جنه اللي كانت لسه فيهم من لما حضنته وابتسم بهدوء اول ما افتكر حضنها ليه، وهو بيتمني انها تبقي معاه برضاها ديما مش مجرد لحظه وتعتذر عنها وتوصفها انها غلطه مش مقصووده منها، ودخلت عنده في الوقت ده عايده بعد ما خبطت علي الباب وقالتله..

عايده

فاااضي عايزاااك في حاجه مهمه

فؤاد

هاخد دش بس واجيلك ، في حاجه؟

عايده

لا لا علي مهلك بس تعالالي اوضتي عشان ده كلام بيني وبينك مش عايزه جنه تسمعه

_قالت عايده كلامها وساابته وخرحت وهو بعد شويه راحلها اوضتها واول ما دخل قالتله عايده بهدوء..

عايده

اقفل الباب وتعالي.

قفل فؤاد الباب وقعد جنبيها علي الكنبه وقال

في ايه يا امي قلقتيني.

عايده

ما فيش حاجه انا بس مش عايزه جنه تسمعنا واحنا بنتكلم

فؤاد

ليه هي ايه الحكايه؟

عايده

عارف انت الاستاذ فوزي درويش.

فؤاد

مش ده مدرس الكيميا اللي كان عندي في الثانويه

عايده

ايوه هو المهم مراته صاحبتي كنا بندخل جمعيات سوا انا وهي وكده

فؤاد

ايوه ايوه فاااكر مالهم بقي عايزين ايه؟

عايده

هما عندهم ولد واحد اكبر منك بسنتين تلاته، كان متجوز ومراته الله يرحمها ماتت من سنه كده وسيباله بنت عندها تلات سنين

فؤاد بنفاااذ صبر

اممم كملي يا عايده كملي.

عايده بقلق

ما فيش بس هي امه كلمتني وعايزين يخطبو جنه بعد ما عرفو انها اتطلقت من هاني وحلفتلي ان الواد هو اللي قال عليها مش هما اللي مرشحينها ليه يعني

فؤاد بغيظ

وهو حيلة امه شاافها فين؟

عايده

هو ايوه متجوز بعيد عن الحاره بس اهله ساكنين في نفس المنطقه بتاعتنا واكيد شافها، وبعدين الكل عرف ان عدتها خلصت خلاص

فؤاد بعصبيه

عدتها خلصت امبارح الهانم يجيلها عريسين النهارده.

عايده بفضول

اييه عريسين هو في حد اتقدملها تاني ولا ايه؟

فؤاد بضيق

ما فيش يا امي المهم انتي رديتي عليهم بأديه قولتيلهم لا مش كده؟

عايده

لا طبعا انا اهو بسألك اقول لجنه ولا انت تسأل علي الواد برضو الاول

فؤاد بنفاذ صبر

امي اقسم بالله انا علي اخري، اسأل علي مين علي اساس انك مش عارفه اني بحبها وعايز اتجوزها

عايده

وهي قالت مش عايزااك هتخللها جنبك

فؤاد

ايوه هخللها جنبي انا حر، وتكلميهم تقوليلهم انها مخطوبالي انا والا والله هروووح اهزأ الزفت ده وابوه وامه وعيلته كلها

عايده

طيب اهدي طيب هرفضهم خلاص المهم قولي مين بقي العريس التاني اللي اتقدملها

فؤاد بضيق

واحد اسمه كريم مندور يطلع عنده 40 سنه وشويه مليونير اغني مني بكتير شافها امبارح في الحفله وجه النهارده يخطبها مني قال ايه انا في مقام اخوها شوفتي الهم بقي اللي انا فيه

ضحكت عايده وفؤاد قال بغيظ

انتي بتضحكي وانا دمي محرووق

دخلت في الوقت ده جنه وقالت

خالتي تعالي العشا جاهز

عايده

تعالي يا عروسه من اولها كده عريسين مره واحده

بص فؤاد بحده لامه وجنه قالت بتوتر

عريسين ليا انا مين دول؟

فؤاد بحده

وانتي مالك هما مين، لتكوني ناويه توافقي يا هانم

جنه بأحرااج

لا مش هوافق مش انت قولتلي انك هتقدملي علي كلية الصيدله، اتجوز ازاي بقي وانا ناويه ابدا صح المره دي واهتم بمستقبلي وبس

قاام فؤاد ووقف قدامها وقال بجمود

جدعه يا جنه انسي بقي حوار الجواز ده خالص، عشان لو فكرتي فيه مش هيبقي قدامك غيري والكلام قدام امي اهو عشان نبقي واضحين.

جنه بهدوء

ما تقلقش يا فؤااد انا لا هتجوزك ولا هتجوز غيرك انا كرهت صنف الرجاله كله.

عايده

خلاص بقي انت وهي يلا ننزل نتعشي وبلاش مشاااكل، اسبقينا يا جنه واحنا جايين وراكي..

جنه

حاضر يا خالتي.

خرجت جنه من عندهم وفؤاد متابعها بنظرااته اللي كلها غيرخ وغضب وقالتله عايده بجديه..

عايده

كلية ايه اللي هتقدملها عليها؟

فؤاد

عاده يا امي هخليها تكمل دراستها.

عايده

هو بعد ما شااب ودوه الكتاااب، دي واحده مطلقه وانت عارف الناااس هتبصلها ازاي تقعد في البيت لحد. ما تتجوز انا اخااف اخليها تخرج وترووح وتيجي.

فؤاد.

ما تقلقيش ما حدش هنا هيعرف حوار انها مطلقه، وبعدين هي نفسها تكمل تعليمها.

عايده

عليا انا يا فؤااد، اقطع درااعي ان ما كنت هتخليها تكمل تعليمها بس عشاان تشغلها عن حوار العريس اللي اتقدملها النهارده عشان احسن منك.

فؤاد

بصراااحه ايوه انا لو عليا اتجوزها النهارده قبل بكره واقول للدنيا كلها انها تخصني، بس مش عايزها بالغصب وسايبها لحد ما ترضي بيا بمزاجها، بس مش هسمحلها تفكر في حد غيري ولا هخلي حد يبصلها اصلا.

عايده

بس انا خايفه عليها..

فؤاد

ما تخافيش انا موجود ومش هخلي اي حاحه وحشه تحصلها، دي جنه رووحي وهخااف عليها امتر من نفسي.

عايده

ربنا يسترها، تعالي ننزل نتعشي بس والنبي ما تزعلها ولا تدايقها سيبها في حالها وخليها تتعشي من غير ما تنكد عليها وتخليها تسيب الاكل وتقوم..

ايتسم فؤاد وقال

حاضر يا امي يلا بينا.

ـ ونزلو فعلا هما الاتنين عشان يتعشو سوا، وكان الكل قاااعد. ساكت وقطع صمتهم وموبيل جنه اللي رن وهي بتاكل ففؤاد سألها بفضول وقال

فؤاد

مين بيكلمك؟

جنه

رقم غريب ده بيرن عليا اليوم كله النهارده

فؤاد

ردي وافتحي المايك

سمعت جنه كلامه وردت وقالت

الو..

هاني

وحشتيني يا جنه هاني معاكي..

_اتنفضت جنه بخووف وعيونها اتملو دموع وبصت لفؤاد اللي قال؟؟..

الفصل الحادي عشر من هنا