تحميل رواية اهواك بقلم رحاب القاضي pdf

أصعب أنواع الخذلان.... أن تفتح بابك لمن قرر أخيراً إغلاق أبوابه في وجهك

ـ كانت جنه قااعده بتتعشي مع عايده وفؤاد وموبيلها رن برقم غريب، وقبل ما ترد فؤااد سألها بفضول وقال..

فؤاد

مين بيكلمك؟

جنه

رقم غريب ده بيرن عليا اليوم كله النهارده

فؤاد

ردي وافتحي المايك

سمعت جنه كلامه وردت وقالت

الو..

هاني

وحشتيني يا جنه هاني معاكي..

_اتنفضت جنه بخووف وعيونها اتملو دموع وبصت لفؤاد اللي اخد الفون من ايدها وقال بحده..

فؤاد

وحش اما يلهفك يا بعيد، انت ليه راجل انت مصمم تتهزأ.

هاني

انت فااكر اني هسيبهالك دي مراتي وليا انا لوحدي، حتي لو هقتلك يا فؤاد هعمل كده بس مش هخليك تاخدها مني.

_اتصدمت جنه من تهديد هاني لفؤاد وعايده قالت بحده وعصبيه..

عايده

ان شاءالله انت وناسك كلهم بعد الشر علي ابني..

قفل فؤاد الصوت وقال بنبره بارده

تمام يا هاني اللي عندك اعمله، بس بسرعه عشان ما بحبش استني كتير ومكالمتك دي لجنه وحيااة امك لاحاسبك عليها.

ـ قال فؤاد كلامه وقفل في وشه، وبص لجنه وقالها بجمود..

فؤاد.

هو جااب رقمك منين؟

جنه

ما هو ده رقمي القديم..

فؤاد.

اقفليه وهجيبلك رقم جديد النهارده قبل بكره.

اخدت الموبيل من ايده وقالت

حاضر..

عايده

انتي رايحه فين؟

جنه بدموع

شبعت يا خالتي رايحه انام

فؤاد

اقعدي يا جنه كملي اكلك

جنه

شبعت والله خلاص..

فؤاد

لو ما اكلتيش انا كمان مش هاكل ومش هخلي امي تاكل كمان

ابتسمت جنه وعايده قالتله بغيظ

بتراضيها علي حساابي انا، اقعدي ده هيجوع امه عشاانك اهو..

قعدت جنه وقالت

خلاص هكمل اكل اهو..

ابتسم فؤااد وبصلها بهدوء وقال

ما تخافيش يا جنه هو اخره يعمل الحركات دي وقريب اوووي مش هتسمعي عنه حاجه تاني..

ـ اتنهدت بضيق وما ردتش عليه وفضلت تاكل بهدوووء..

ـــــــــــــــــ ــــــــــــــــــ

_وفي الوقت ده في بيت جيدا كانت بتكلم باباها وقالتله بنبره غاضبه..

جيدا

بقولك يا بابي مش راضي يرجعلي ومصمم يتجوز قريبته دي

رشاد

وانا اعملك ايه خلاص سبيه براحته.

جيدا بدموع

انت ممكن تخليه يرجعلي لو بطلت تسااعده وهو دلوقتي محتاجلك

رشااد

انا اكيد مش هعمل كده يا جيدا، انا عمري ما هدخل شغلي في تفاصيل شخصيه تافهه زي بتاعتك دي.

جيدا بحده

انا اللي عرفته عليك انا اللي خليتك تسااعده من البدايه

رشاااد

بس انا ما شغلتهوش معايا عشان اتجوزك وبس الولد ده ساعدني اطور شغلي ومساعدتي ليه دي هتخليني انا كمان استفاد منه

جيدا بحزن

طيب عشاان خاطري كلمه قوله يديني فرصه ونرجع انا وهو لبعض، انا مش عارفه انسااه مش قادره ابعد عنه، انت فااهم يا بابي انا متحمله ايه هنا عشانه عشان بس اصعب عليه ويرجعلي.

رشااد

انا ماليش دعوه بالكلام ده، حلي مشاكلك بعيد عني يا جيدا وركزي في شغلنا وبس عايزك تبقي جنبه وعيني اللي براقب بيها فؤاد في مصر اتفقنا..

_ما ردتش عليه جيدا وقفلت الفون، وقاامت وقفت في البلكونه وفضلت تعيط بحزن وقلة حيله ورجعت مسكت موبيلها وكلمت جنه بس لقيت موبيلها مقفول، فأتنهدت بضيق وقالت..

جيدا

مااشي يا فؤااد اكيد خلاها تقفل موبيلها عشان ما تتكلمش معايا، بس والله لاخليها هي اللي تبعد عنك وتعرف وتتااكد ان مالكش غيري انا يا فؤاد..

ـــــــــــــــــ ــــــــــــــــــ

_وتاني يووم الصبح كانت عايده قااعده بتفطر، وقرب منها فؤاااد بااس راسها وقعد جنبيها وقال..

فؤاد

صبااح الفل يا ست الكل.

عايده

صبااح النور يا حبيبي

فؤاد

اومال البت جنه فين؟

عايده

من صباحية ربنا صاحيه وبتجهز عشان هتاخدها الكليه، فكرتني بيها وهي صغيره لما كنا هنقدملها علي المدرسه من فرحتها اليوم ده ما نامتش الليل ولا خلتني انام..

ابتسم فؤاد وقال

اكتر حد شوفته في حياتي بيحب التعليم.

_وفي الوقت ده نزلت جنه من فوووق وهي لابسه بنطلون جينز وشميز اوفر سايز وشكلهم حلو اووي وشعرها مفروود بشكل جذااب، واول ما شاافها فؤاد ابتسم بهدوء وقال..

فؤاد

ايه الشيااكه دي كلها..

ابتسمت جنه وعايده قالت

انا ما يعجبنيش اللبس ده البسي فستاان هيبقي احلي عليكي..

جنه قعدت معاهم وقالت

ما هو يا خالتي ده لبس الطلاب في الجامعه.

فؤاد

حصل وهتبقي احلي طالبه كمان..

جنه بهدوء

شكرا... هات رقم جيدا يا فؤاد عشان اكلمها من رقمي الجديد...

اتنهد. فؤاد. بضيق وقال

تكلميها ليه؟

جنه

عادي يعني عايزه اكلمها.

فؤاد بجمود

بعدين.. افطري عشان انا مش فاضي وعايز اشووف حوار الجامعه ده معاكي الاول..

جنه

حاضر..

_وبعد شويه كانت قاااعده جنبيه في العربيه وهي بتبص للطريق بابتساامه بسيطه علي وشها وقالها فؤاد بهدوء..

فؤاد

هنرووح الحاره الاول.

جنه بقلق

ليه.

فؤاد

في حاااجه كده عايزك تشوفيها

جنه

انا مش عايزه ارووح هناك واشوووف هاني لو سمحت

فؤاد.

معلش مش هنتأخر هناااااك، وبعدين انا معاكي يعني لا هاني ولا الجن الازرق هيقدر يعملك حاجه.

جنه

طيب ونرووح ليه انت خلاص غيرتلي الخط،بلاش تعمل مشااكل معاه..

مسك ايدها بهدوء وقال

قولتلك ما تخافيش يا جنه..

جنه بخوف حقيقي

قال انه ممكن يأذيك يا فؤاد؟

فؤاد

قال بس ما يقدرش يعمل كده، انتي عارفه كان يقدر يعمل كده لو كنت راجع ايد ورا وايد. قدااام وما كنتش هقدر احميكي منه وكنت هخسر نفسي كمان، فالحمد لله بقي اني رجعت حد. مهم وعرفت اخد حقنا منه.

سخبت ايدها من ايده وقالت

لو ما كنتش سافرت ما كانش كل ده حصل اصلا.

فؤاد

وكان زماني طلعان عيني عشان اقدر اعيش واعيشكم معايا، كنا هنتجوز ايوه بس ما كنتش هبقي مبسووط ولا هقدر اخليكي تبقي سعيده، كان زمان معانا عيلين تلاته شاليين هم اكلهم وشربهم ومش لاقيين صح، ولما كنتي هتنجحي ما كنتش عقدر اخاخليكي تدخلي الكليه اللي نفسك فيها عشان ظروفي

جنه بحده

تمام مش انت دلوقتي مبسووط وسعيد خلاص.

فؤاد

وانتي كمان بعيد عن اللي حصل. انا ومساافر، احنا ما كناااش نحلم بالعيشه دي، كان اقصي طموحي وانا وانتي نجيب شقه بعيد عن الحاره والاقيي وظيفه كويسه فاااكره.

جنه بسخريه

فعلا ده المعقول بالنسبالي واللي كنت بتمنااه، بس لما الحاجه بتزيد عن حدها بتبقي بايخه زيك كده دلوقتي.

فؤاد بغيظ

انا بايخ يا جنه

ما ردتش عليه وهو اتنهد بنفاذ صبر وقال

كتر خيرك.

جنه

انت مش قولت مش هتتكلم معايا في الموضوع ده تاني، ما تتقبل فكرة اننا اخوات وبس.

فؤاد بغضب

مش هقدر... واقسم بالله يا جنه هتقولي اخوات تاني ما تعرفي هعمل فيكي ايه.

بصت للناحيه التانيه وسكتت وهو قال

ده انتي بقيتي بوومه قنبلة نكد.

_ما ردتش عليه وبعد. شويه وصلو الحاره وفضلو قااعدين في العربيه وقالها هو بحده..

فؤاد

ما نطلع نقعد فووق

جنه

اقعد معاك ليه لوحدي انا..

فؤاد.

هاخد منك حته يعني ولا لو كنت عايز اعمل حاجه مثلا خالتك هتمنعني وهي قاااعده معانا

جنه

احترم نفسك، وبعدين احنا جايين هنا ليه؟

فؤاد

هتعرفي دلوقتي بس تعالي نقعد فوووق ونسيب باب الشقه مفتوح او ابعتي لـ لبني تيجي تقعد معانا مدام خايفه مني.

جنه

لبني راحت لبيت جدها ومش في بيتهم و احنا جايين هنا نعمل ايه برضو فهمني؟

فؤاد بص في موبيله وقال

دقيقتين بالظبط وهتعرفي.

_سكتت جنه وفضلت مستنيه وهي مش عارفه فؤاد بيخطط لايه وبعد شويه، لقيت عربيات الشرطه داخله الحاره ووقفو قدام المصنع بتاع هاني..

جنه بقلق

هو في ايه بيحصل؟

فؤاد بجمود

انزلي وانتي هتعرفي..

_سمعت كلامه ونزلت من العربيه وهو كمان، وشافو هاني وهي والشرطه واخدااه وبيقول بعصبيه..

هاني

يا باشا والله العظيم ما اعرف حاجه عن الحاجات دي.

الظابط

الكلام ده تقولو في النياابه طلعوه البوكس..

_وفعلا ركب هاني عربية الشرطه وشااف جنه وفؤاد وهما واقفين قداامه، واول ما جات عينه في عين جنه اتنفضت بخووف ومسكت بايديها الاتنين في درااااع فؤاااد واتخبت فيه وهو حاوطها بدرااعه وابتسم بخبث وقال بصوت عالي..

فؤاد.

يا جماعه ركزو معايا، كلكم ان شاء الله معزومين في اقرب وقت علي فرحي انا وبنت خالتي، ان شاء الله اول ما نحدد المعاد هنبلغكم..

_اتجاهلت الناااس هاني اللي بصلهم بحقد وعيونه اتملت دموع، وبدأت الناس تبارك لفؤاد وجنه اللي ساابته وركبت العربيه، وبعد شويه قعد جنبيها وقال للسواق يمشي..

جنه

هو ده اللي انت جايبني عشاانه.

فؤاد

ودي حاجه وحشه يعني.

جنه

هاني كان بيتكلم معايا عن كل حاجه في شغله، وعمره ما يعمل حاجه حرام

فؤاد بصلها بغيظ وغيره واضحه وقال

لا والله ومدام حبااه اووي كده اطلقتي منه ليه؟

جنه

انا ما بكرهش في حياتي قده يا فؤاد، بس ما بكرهش برضو قد الظلم وانت اكيد عملتله كده ولبسته المصيبه دي

فؤاد

ما كنتش هقدر ابعده عننا غير بالطريقه دي، صعبان عليكي يا جنه بعد. كل اللي عملو فيكي.

جنه

اطلقت منه وخلاص كنت خليني ابلغ عنه انه بيدايقني بس مش تلبسه مصيبه بسببي.

فؤاد

انتي مالكيش دعوه انا اللي عملت فيه كده، وانا اللي هشيل ذنبه انا افتكرتك هتفرحي لما تشوفيه في المنظر ده.

جنه

كرهي ليه مش هيخليني ابقي ظالمه زيه.

فؤاد

اهو اللي حصل افرحي انك خلصتي منه وبلاش تأنيب ضمير من غير سبب، انتي ارتاحي وبس ولو في ذنب قولتلك انا اللي هشيله..

ما ردتش عليه جنه وهو قال

هنروح الجامعه هنسأل بقي ونشووف الدنيا هنااك

ابتسمت بهدوء وقالت

تمام..

فؤاد

فرحتي دلوقتي.

جنه

علي رأي اللي قال مش مهم اللي فات المهم اللي جاي.

ضحك فؤاد بهدوء وقال

ياريت تنسي اللي فاات كله ونفكر بقي في مستقبلنا سوا، انا حتي لو غلطت زمان انا اهو بحاول اصلح كل حاجه واعوضك.

جنه بهروب من كلامه

هو انا هبدأ درااسه من اول السنه دي.

فؤاد بضيق

اكيد لا الترم الاول اهو بيخلص هتبدأي ازاي، بس دي جامعه خاصه هيكون ليها نظام واهتمام وتفاصيل مختلفه، احنا هنشووف بقي ايه المطلوب مننا عشان اول السنه الجديده تقدمي وانتي مرتاحه.

جنه

تمام بس اوعي تعشمني وترجع في كلامك.

فؤاد

لا ما تخافيش ده بالعكس هتلاقيني اكتر حد بيدعمك

جنه

طبعا مش احنا اخوات.

فؤاد بغيظ

اخوات تاني... ارجع يا ابني خلينا نوصلها البيت ونروح نشووف اللي ورانا.

جنه بخووف

لا لا خلاص والله بهزر معاك مش هقول كده تاني.

فؤاد قرب منها وقال

لاخر مره بحذرك يا جنه انك تنطقي الكلمه دي علي لساانك تاني، او توصفيني بأي وصف يعمل حدود بينا مفهوم.

جنه بضيق

مفهوم اوعي بقي.

بعد عنها وقال للسواق

كمل في طريق الجامعه

جنه

هي الجامعه هتبقي فين بالظبط؟

فؤاد

6 اكتوبر بعيد شويه عننا بس دي احسن جامعه خاصه في مصر.

جنه

تمام مش مشكله عادي.

_وبعد شويه وصلو الجامعه ودخل فؤااد عشان يتكلم مع العميد بتاع الجامعه، وساابها تكتشف الجامعه لوحدها زي ما طلبت منه، وكانت بتتفرج علي الجامعة بنظره كلها سعاده وهي متاابعه الطلاب وكل تفصيله في الجامعه بنظره كلها سعاده، وفجأه خبط فيها ولد كان مااشي بسرعه، فقالتله بسرعه واحرااج...

جنه

انا اسفه والله انا اسفه..

_ولا يهمك ما حصلش حاجه، انتي دفعة سنه اولي مش كده؟

جنه

لا اا انا لسه جايه اسأل عشان هقدم السنه الجايه..

_شال الولد النضاره الشمسيه من علي عينيه وقال وهو بيبصلها من فوق لتحت....

_مش خساره اعيد سنه كمان عشان اشووفك السنه الجايه يا.... انتي اسمك ايه؟

جنه بتوتر

اسمي جنه... بعد اذنك..

وقف الولد قدامها قبل ما تمشي وقال بهدوء

فارس.. اسمي فاارس مندور خليكي فااكره اسمي كويس هنتقابل كتير يا جنه لما تيجي هنا..

_بعدت عنه ومشيت بسرعه وراحت قعدت بره مكتب العميد اللي فيه فؤاااد، وفضلت مستنيااه لحد ما خرج وقالها..

فؤاد

مالك قاعده كده ليه هي الجامعه ما عجبتكيش؟

جنه وقفت وقالت

لا حلوه وكلية الصيدله حلوه اووي هنا، هو قالك ايه جوه؟

مسك فؤاد ايدها وقال وهما خارجين من الجامعه

قالي بسيطه اووي وسااهل انك تقدمي هنا، بس لازم تاخدي كام كورس زي ما قولتلك وهيكونو مهمين لدراستك في الكليه هنا، وكمان هتتعلمي لغه عشان تعرفي تتعاملي مع الدكاتره والطلاب هنا

جنه

فؤاد هتبقي مصاريف كتير عليك

فؤاد

لا ده مش مهم، هو المشكله ان هيبقي مجهود كبير عليكي

ابتسمت جنه وقالت

لا لا ما فيش مشكله انا بحب الدراااسه وانت عارف كده كويس.

فؤاد.

يا بختها الدراااسه

جنه

يا ظريف.. طيب هتروحني ولا اروح لوحدي

فؤاد

لا طبعا هوصلك وبعدين هرجع شغلي

جنه

ما تخليني ارجع لوحدي خلاص هاني ما بقاش موجود.

فؤاد.

بعدين يا جنه وابقي اخرجي لوحدك بس معاكي السواق لحد ما اعلمك السواقه

جنه

ليه؟

فؤاد

عشان اكيد هجيبلك عربيه واحلي عربيه واحدث عربيه نزلت مصر كمان.

جنه

انت بتتكلم بجد، انا هتبقي معايا عربيه.

فؤاد فتحلها باب العربية وقال

نفسي تقتنعي اني بقيت حد مهم ومليونير يا جنه، وخلاص حياتنا اتغيرت ولسه هتتغير هنعيش احلي عيشه، ولما يبقي عندنا عيال ان شاء الله هنخليهم مرتاحين وما حدش منهم هيتعب زي ما احنا تعبنا.

جنه قربت منه وقالت

نفسي انت اللي تفهم ان سبب تعبي هو غيابك وانك سيبتني مش الفلوس اللي بتتكلم عنها، وتفهم برضو ان انا وانت مش هتبقي عندنا عيال والكلام ده، جيدا ممكن تقوم معاك بالواجب ده وتملالك حياتك كلها عيال.

فؤاد بجديه

مش هيبقالي عيال غير منك وقريب اووي وخليكي فاكره كلامي ده كويس..

بصتله بغيظ وقبل ما ترد قالها بحدي

اركبي يلا خليني اوصلك عشان ورايا شغل ومش فاضيلك..

_سمعت كلامه وركبت العربيه وهو قعد جنبيها وبصلها بهدوء وقال..

فؤاد

بعد كده لو عايزه تخرجي براحتك مش هحبسك يعني، وكمان ابقي خدي امي معاكي واكتشفو المكان اللي احنا قاعدين فيه وانا هشتركلكم في نااادي حلو هتتبسطو فيه.

جنه

تمام..

فؤاد

وهشوف حوار الكورسات بتاعتك ده عشان تبدأي تهتمي بدراستك..

جنه

ما هو لسه بدري فاضل تمن شهور تقريبا واكتر مش كده؟

فؤاد

لازم اما تروحي تقدمي تبقي توب يا جنه، وعايزك تتعلمي تتكلمي انجليزي كويس في الفتره دي.

جنه

حاضر.

فؤاد

سجلتي رقمي عندك؟

جنه

لا لسه هسجله.

فؤاد

هاتي هسجله انا زي زمان.

بصتله بعدم فهم وهو قال

زمان اول ما جبتلك موبيل جديد كان اول موبيل تمسكيه وانتي داخله اولي ثانوي، سجلتي اسمي عندك "فؤادي"..

جنه بتوتر

زمان بقي...

فؤاد

اممم يعني مش هتسجليه نفس الاسم.

جنه

يااء الملكيه اللي كنت بضيفها لاسمك زمان ما بقتش من حقي.

فؤاد

مش اسمي بس اللي من حقك يا جنه، فؤاد كله ملكك وليكي لوحدك.

جنه اخدت منه الفون وقالت

فؤاد اسمك فؤاد وبس.

اتتهد فؤاد بضيق وقال

تعبتينيييي اوووي والله ولصبري حدود يا جنه

_ما. ردتش عليه وفضلو ساكتين وبعد شويه وصلها البيت واتفاجئو هما الاتنين بكريم مندور واقف قدام عربيته اللي لسه نازل منها..

جنه

هو الرااجل ده جااي عندنا ليه؟

فؤاد بقلق

بقولك ايه انزلي وادخلي جوه علي طول ما تسلميش حتي عليه مفهوم.

جنه

حاضر بس هو في حاجه؟

فؤاد.

هشووف اهو ايه اللي جايبه عندنا..

_نزلت جنه من العربيه ومعاها فؤاد وكانت داخله البيت علي طول بس وقفها كريم اللي قال..

كريم

مدام جنه استني لو سمحتي..

_وقفت حنه وبصت لفؤاد بقلق وفؤاد مسك ايدها بتملك وقال..

فؤاد

خير يا كريم بيه، غريبه يعني منورنا هنا في البيت؟

كريم

لا انا كنت هاخد منك معاد بس كلمتك وانت مش بترد.

فؤاد

معلش ما كنتش فااضي اتفضل نورتنا وشرفتنا

كريم

لا لا انا مش فاضي وكويس وشوفتك يا جنه.

جنه بهدوء

خير في اي؟

فؤاد

خير يا كريم بيه ان شاء الله؟

كريم.

انا جااي اعزمك انت وجنه علي عيد ميلاد بنتي بعد بكره ان شاء الله

ابتسمت جنه بهدوء وقالت

كل سنه وهي طيبه ربنا يخليها ليك

كريم

وانتي طيبه عقبال ما نفرح بيكم ان شاء الله

بصت جنه لفؤاد بعدم فهم وفؤاد قال

في حياتك ان شاء الله يا كريم بيه، واكيد هنيجي عيد الحفله وكل سنه وبنت حضرتك بخير

كريم

وانت طيب يا فؤاد، في انتظاركم وانا عزمت جيدا وهي كمان جاايه.

فؤاد

تمام يا كريم اتفضل بس معايا مش هينفع تيجي كده ونقف نتكلم من بره

كريم بص لجنه وقال

وقت تاني ان شاء الله، مبسووط اني شووفتك يا جنه اتمني تبقي ديما بخير.

جنه بتوتر من نظراته وكلامه

شكرا جدا لحضرتك.

_ابتسم كريم بهدوء ومشي وفؤاااد كان واقف متعصب بسبب كلامه مع جنه ونظراته ليها اللي كانت كلها اعجاااب، وقالتله جنه بألم اول ما كريم مشي من عندهم..

جنه

فؤاد ايدي وجعتني

بصلها فؤاد بضيق وقال

مش انا قولتلك ما تقفيش وتدخلي علي طول.

جنه

اعمل ايه يعني ما هو اللي نده عليا، هو عنده كام سنه؟

فؤاد بحده

وانتي مال اهلك؟

جنه

في ايه يا فؤاد بسأل عادي، وبعدين هتاخدني معاك عيد الميلاد مش كده؟

قالت كلامها بحماس لكن هو رد عليها بجمود وقال

لا هروووح انا وجيدا، انتي ما تعرفيش حد هناك ومش هتحضري اي حفله من الحفالات دي تاني، الحاجات دي مش شبهك اصلا..

جنه بضيق

امممم مش شبهي انا لكن شبه جيدا، معاك حق هي مناسبه ليك في الحفالات دي

فؤاد

هو اي نكد وخلاص يا جنه انا مش عايزك تروحي عند الرااجل ده

جنه

ليه يعني مش عايزني ارووح عنده، علي العموم اصلا عادي انا مش عايزه ارووح معاك اي مكان رووح شووف شغلك اللي عطلتك عنه..

_قالت كلامها وساابته ودخلت البيت وهو بصلها بضيق وراااح ركب عربيته ورجع شغله، واول ما وصل هنااك كان سعيد قااعد علي مكتبه ولما شافه قاام بسرعه وقاله..

سعيد

كريم مندور اتكلم وسأل عليك وانا قولتله انك في البيت؟

فؤاد وهو بيقعد علي مكتبه

ايوه ما هو جالي البيت.

سعيد

وكان عايز ايه؟

فؤاد

بيعزمني انا وجنه علي عيد ميلاد بنته.

سعيد

هو عنده اولاد؟

فؤاد

اللي اعرفه عنه ان مراته ماتت وعنده بنت واحده، جيدا قالتلي الحوار ده

سعيد.

ايوه صح جيدا ما جاتش النهارده

فؤاد.

يومين كده وهتلاقيها رجعت، هي زعلانه مني.

سعيد

طيب ما هي جنه رفضااك وشكلها كده مش هترضي بيك، فأرجع لجيدا انا ما شوفتش حد بيحب حد زي ما هي بتحبك كده

فؤاد

انا ما بحبهاش هي غاليه عليا مااااشي لكن مش لدرجة اني افضلها علي جنه

سعيد

ما هي جنه مش عايزااك

فؤاد

انا معاها للاخر يا سعيد وان ما جاتش برضاها تيجي غصب عنها انما اسيبها واقول مش نصيبي والكلام ده ما ينفعش يبقي بيني وبين جنه.

سعيد

وجيدا؟!

فؤاد

انا مش هخسرها برضو بس هتصرف، المهم عملت الشغل اللي قولتلك عليه..

سعيد.

واحده واحده عليا..

فؤاد

انا قولتلك ايه، بسألك خلصت الشغل اللي قولتلك عليه

سعيد

بخلص فيه.

فؤاد

بسرعه يا سعيد

سعيد

لا ما هو انا يا اتعلم يا اخلص بسرعه

فؤاد.

يا سعيد. مش عايزك تتلكع انا قولتلك قبل كده وهقولهالك تاني انا ما بثقش في حد قدك انت هنا..

سعيد

حاضر هحاول تاني بس واحده واحده عليا وحيااة امك، بالمنااسبه امك عزمااني عندكم النهارده ابقي خدني معاك وانت مرووح

فؤاد

انت مش كنت عندنا من يومين يااه..

سعيد

متخانق مع مرات ابويا ومش يتأكلني في البيت، وامك قايمه معايا بالواجب

فؤاد

اتجوز بسرعه بقي واخلص من مرات ابوك واهلك دول وهتبقالك حياتك ويبتك بعيد عنهم

سعيد

قريب ان شاء الله حددت مع الشيخ ابراهيم ان الفرح علي بعد عيد رمضان.

فؤاد

الف مبرووك مقدما شد. حيلك بقي في الشغل عشان تتجوز وانت مرتاح اكتر.

سعيد.

ان شاء الله يا فؤش هرووح انا اشووف شعلي وما اعطلكش.

_ومشي سعيد من عنده وفؤااد مسك موبيله وكلم جيدا بس ما ردتش عليه فأتنهد بضيق وقال لنفسه..

فؤاد

قال يعني كنت ناقص نكدك انتي كمان يا جيدا...

ـــــــــــــــــ ــــــــــــــــــ

_وعدي اكتر من شهر علي ابطالنا وكانت جنه بتتعامل مع فؤاد بحدود وهو كمان اتلهي في شغله عنها وسابلها مساحه انها تعتمد علي نفسها في دراستها وتخطط لمستقبلها لوحدها..

_وفي يووم رجع من شغله ودخل بيته وهو ماااسك شنطه كبيره في ايده وكانت عايده قااعده في الصاله قداام التلفزيون فقعد جنبيها وقال..

فؤاد

عامله ايه يا ست الكل؟

عايده

الحمد. لله يا حبيبي، ايه الشنطه اللي معاك دي؟

فؤاد

جايب فانوس رمضان لجنه وشوية حاجات كده هي فين؟

عايده

فوووق حضرت معايا الرؤيه وراااحت تكمل مذاااكره، نفسيتها بقيت حلوه اووي اليومين دول ربنا يخليك ليها ما حدش بيعرف يفرحها غيرك.

فؤاد

علي الله بس تقدر، المهم بكره صيااام ولا بعد بكره؟

عايده

لا بعد بكره اطلع وريها الحاجات اللي جايبها ليها واتكلم معاها تاني يمكن ترضي المره دي..

فؤاااد

طيب ما تكلميها انتي ما هو انا تعبت والله ومش هقبل الوضع ده كتير انتي اصلا شايفه هي بتعاملني ازاي.

عايده

انا ما اقدرش اكلمها ولا اقولها حاجه عشان هتفتكر اني بضغط عليها وانا مش عايزه اغصبها علي حاجه.

فؤاد اتنهد بضيق وقال

ماااشي يا امي انا هروووح اكلمها وربنا يستر.

_قال كلامه وساااابها ورااح لجنه فووق وكان لسه هيدخل عندها، بس وقف وخبط علي الباب وهي قالت من جوه..

جنه

ايوه.. مين؟

فؤاد

انا..

قامت وفتحت الباب وقالتله

نعمم يا فؤاد؟

فؤاد

دخليني عايز اتكلم معاكي

خرجت بره الاوضه وقالت

تعالي نقعد هنا واتكلم براحتك

بصلها بغيظ وقال

هو انتي بجد خايفه اننا نبقي في مكان واحد مع بعض؟

جنه

لا مش مسألة خووف، بس انت ليه تدخل اوضتي عيب وغلط.

فؤاد

مااشي يا جنه تعالي نقعد هنا..

وراحو قعدو في الصاله وقالتله

نعم..

حط فؤاد الشنطه قدامها وقال

كل سنه وانتي طيبه؟

جنه

ايه ده؟

فؤاد

شوفي بنفسك.

ـ فتحت جنه الشنطه وطلعت منها بوكس كبير وابتسمت تلقائياً اول ما فتحته ولقيت جواه فانوس كبير وشكله حلو جدا وعليه اسمها وصورتها وعروسه شكله كيوت اووي..

فؤاد ابتسم لابتسااامتها وقال

كل سنه وانتي طيبه بقالي 8 سنين ما جبتلكيش فانوس رمضان فقولت اعوضك بقي واجيبلك احلي واغلي حاجه.

جنه

وانت طيب عقبال ما تجيب لولادك ان شاء الله..

قااام وقعد جنبيها وقال

قصدك ولادنا انا قولتلك مش هيبقي عندي عيال غير منك انتي

بعدت عنه جنه وقالت

تاني يا فؤاد طيب خد هديتك مش عايزاها

فؤاد بضيق

واخرتها هنفضل كده علي طول.

ما ردتش عليه جنه وهو قال بجديه

انا بحبك يا جنه انسي كل اللي حصل وخلينا نبدأ سوا من الاول، ما ترديش عليا دلوقتي بس فكري بجد المااضي كان وحش وصعب عليكي عارف بس ما تخليهوش يدمر مستقبلنا كمان.

جنه بدموع

ما تسيبني براحتي وشووف حياتك بعيد عني وو..

قاطع فؤد كلامها وقال

ما اقدرش اعمل كده انتي عمري كله ومش عايز غيرك، فكري يا جنه.

جنه

طيب لو فكرت ولقيتني برضو مش قادره ابقي معاك هتسيبني في حالي

اتنهد فؤاد بضيق وقال

فكري كويس وانا متأكد انك مش هتقدري تبعدي عني، قلبك ما فيهوش غيري ومش هيطاوعك تختاري بعدي

جنه

طيب وجيدا؟

فؤاد

اللي بيني وبينها شغل وبس والله ما في حاجه جوايا من ناحيتها خالص.

جنه

حتي لما كنت مساافر؟

فؤاد

ما قولنا ننسي الماضي كله خلينا دلوقتي نبص لحياتنا الجايه.

جنه بهدوء

هفكر يا فؤااد بس سيبني براحتي ما تضغطنيش

ابتسم فؤاد وقال

براحتك خااص المهم في الاخر تعقلي وتختاريني يا جنه.

اخدت جنه البوكس اللي جابه ليها وقالت

هرووح اكمل مذااكره وشكرا علي الفانوس والعروسه عجبوني اووي.

فؤاد

طبعا مش انا اللي جايبهم.

جنه

ما تتغرش اووي كده، هاني كان كل رمضان بيجيبلي فانوس علي فكره كل سنه

فؤاد بغيظ

غوري يا جنه من وشي وسيرة الراااجل ده ما تجيش علي لساانك تاني انتي فااهمه ولا لا.

_ضحكت بهدوء علي غيرته عليها وراااحت قعدت في اوضتها، وهو كمان راح اوضته وهو مبسووط وحاسس انها خلاص بدأت تتقبل قربه منها وتوافق بيه...

ـــــــــــــــــ ــــــــــــــــــ

_وتاني يوم كان قااعد في فؤااد في مكتبه في الشركة بتاعته ومعاه سعيد وهبه السكرتيره اللي قالتله..

هبه

ما حدش كان بيخلص الشغل ده غير مدام جيدا..

سعيد

ما تكلمها يا فؤاد عشان نبدأ بقي المشروووع، هو كريم مندور ما حدش يعني هيعرف يتعامل معاه غير جيدا...

فؤاد بضيق

كريم مندور كان ليه شغل زمان مع رشااد العربي ابو جيدا، وعشان كده هيدعمنا بثقته في الناااس دي، وجيدا سابتنا هو بقي قلقان ومش عايز يدخل في حاجه مش مضمونه

هبه

معني كده ان المشرووع اللي كنا هنخلصه علي بداية السنه الجديده هياخد سنتين وتلاته واربعه احنا لسه مش عارفين نبدأ

فؤاد

مش عايز حد من الموظفين والعمال ياخدو بالهم من حاجه، كل حاجه تمشي بشكل طبيعي وانا هتصرف

سعيد

تمام بس قولنا هتعمل ايه؟

فؤاد

بعدين يا سعيد كل واحد فيكم يلا علي شغله.

_وسابوه فعلا وكل واحد فيهم راااح شغله، وهو مسك موبيله وكلم جيدا اللي كالعاده ما ردتش عليه، فبعتلها رساله علي الواتس وقالها فيها..

فؤاد

"جيدا.. لو سمحتي ردي عليا انا محتاجلك جدا ولازم ترجعي الشغل".

ـــــــــــــــــ ــــــــــــــــــ

ـ وفي الوقت ده في بيت فؤااد كانت قااعده جنه مع عايده اللي قالتلها بصدمه..

عايده

نعممم انتي بتقولي انه كان متجوزها يا جنه؟

جنه

ايوه يا خالتي جيدا قالتلي بنفسها، وكمان اتأكدت من سعيد عرفت اوقعه في الكلام وعرفت ان فؤاد كان متجوزها ، بس هو ضحك عليا وبيكدب علينا

عايده

بصي اانا مش قصدي ادافع عنه بس معني انه يخفي حاجه زي دي يبقي هو خاايف علي زعلك وانك ترفضيه اكتر ما انتي رفضااه

جنه بحزن

ما انا زعلت وموضوع زي ده مأثر فيا اووي، فؤااد انا عمري ما حبيت حد غيره وكنت فاكره اني الوحيده اللي في قلبه وعمره ما هيشووف ولا هيحب واحده غيري

عايده

سامحيه وهو اهو سايبها هي وبيجري ورااكي انتي، عشاان خاطري انا مش هعيشلكم العمر كله يا جنه وانتي وهو ما لكمش غير بعض، وانا عايزه افرح بيكم واشووف عيالكم قبل ما اموت.

جنه

بعد الشر عليكي يا خالتي ربن يديكي طولة العمر.

عايده

طيب ريحيني وقوليلي موافقه بيه؟

جنه بهدوء

موافقه يا خالتي.

عايده ابتسمت بسعاده وقالت

عين العقل يا قلب خالتك، هكلمه اقوله وافرحه انك اخيرا رضيتي بيه..

جنه

لا لا استني يا خالتي انا هكلمه الاول، لازم انا وهو نتفق علي حاجات كتير قبل ما نتجوز او تبقي بينا حاحه.

عايده

اللي انتي عايزاااه اتشرطي عليه براحتك يا عروسة ابني.

_ابتسمت جنه بهدووء علي كلام خالتها، وبرغم حبها لفؤااد وموافقتها بيه، الا انها مش مرتاحه وقلبها مقبوض من موافقتها بيه.

ـــــــــــــــــ ــــــــــــــــــ

_وفي الوقت ده في بيت جيدا، كانت قااعده في بيتها ومشغله التلفزيون علي اغاني رمضان وعيونها كلها دموع وحزن ووحدتها مأثره عليها جدا وعلي نفسيتها وشكلها وملامحها اللي بقيت باهته وكلها حزن، والباب خبط فمسحت دموعها وقااامت فتحت الباب وكان فؤااد واقف قدامها..

_قلبها بقي يدق بسرعه وعيونها اتملت دموع بسبب حزنها منه واشتياقها الكبير ليه في نفس الوقت بنبره حزينه وصوت مبحوح..

جيدا

جااي ليه؟

دخل فؤاد وقفل الباب وقال

شوفتي رسالتي وما ردتيش عليا، من امتي يا جيدا بقولك اني محتاجلك وتطنشيني.

جيدا بسخريه

اللي خلاك تفتكرني وتكلمني شغلك، فااكر يا فؤاد اول ما اتعرفنا علي بعض وبدأت احبك واتعلق بيك لما انت كنت بتعمل كل حاجه بحبها عشان تلفت نظري وتخليني احبك، وقتها انا قولتلك انا بدأت احبك عشان انت بتهتم بيا ومحسسني اني مهمه عشاني انا مش عشان حاجه تانيه، واني مش كويسه من جوايا لان بابي مش بيهتم بيا وما بيفكرش يكلمني غير لو عايز مني مصلحه تبع الشغل وكل كلامه معايا عن الشغل، فتلف السنين والراجل الوحيد اللي حبيته اللي كنت فاكراه هو السوبر هيرو بتاعي اللي هيعوضني عن كل حاجه وحشه وصعبه شوفتها في حياتي، يطلع كداب وطماع واناني ونسخه من بابي كمان، صح مش هو انت كده.

قرب فؤاد منها وقال بهدوء

انا ما كانش قصدي اذيكي، انا قربت منك عشان كنتي عجباني اتجوزتك عشان حبيتك يا جيدا بس ما اتفقناااش سوا

جيدا ببكاء

بس انا محتجالك زي ما انت محتاجلي دلوقتي واكتر، مستعده اعملك كل اللي انت عايزه وزيااده بس ترجع تحبني وتهتم بيا وتبقي معايا زي زمان

_واول ما خلصت كلامها رن موبيله برقم جنه اللي كانت بتكلمه عشان تبلغه بموافقتها بيه، بس جيدا قالتله بجديه وخبث..

جيدا

يا تبقي معايا دلوقتي وعلاقتنا ترجع زي الاول يا ترد عليها وتمشي وتنسااني خالص يا فؤااد انا وبابي وكل حاجه كانت بينا

_اتنهد فؤااد بضيق وقفل الفون بتاعه من غير ما يرد علي جنه وقرب من جيدا وقالها بهدوء..

فؤاد

عملتلك اللي انتي عايزاااه اهو ومستعد ابقي معاكي دلوقتي وعلي طول ومش عشاان الشغل وبس، عشان انا ما كنتش بستغلك يا جيدا

ابتسمت بسعاده ودموع وحضنته بكل قوتها وقالت

وانا مستعده دلوقتي اعملك كل اللي انت عايزه يا فؤاد.

_تفتكرو بقي ايه اللي هيحصل لما فؤاد يعرف ان جنه موافقه بيه ومستعده تتجوزه بعد ما اختيار انه يرحع لجيدا؟

الفصل الثاني عشر من هنا

"ويبقي الماضي كابوسٌ يطاردُ أحلامَ الغدِ الوردية".

_تحت بيت جيدا وقف فؤاد بعربيته وكانت ملامحه باين عليها الضيق، وقالتله جيدا قبل ما تنزل..

جيدا

هو انت مش هتنزل معايا ولا ايه؟

فؤاد

لا انا لازم ارجع البيت اطلعي انتي

جيدا

طيب ما تيجي معايا ويبقي اول سحور بينا هنا في مصر وانت معايا، فااكر لما كنا في امريكا انت علمتني اصوم واتسحر واحس بأجواء رمضان..

فؤاد

انا لازم ارجع البيت يا جيدا هبقي افطر معاكي يوووم في رمضان..

جيدا

ولحد امتي بقي هيفضل الوضع كده ما بينا؟

فؤاد بحده

جيدا... احنا مالحقناااش ده احنا لسه راجعين من عند المأذون وانا قولتلك وشرط عليكي جوازنا هيفضل في السر لحد ما اتجوز جنه ووقتها هصارحها بعلاقتي بيكي بس اتجوزها الاول وانتي وافقتي في ايه بقي؟

جيدا

تمام يا فؤاد اللي تشوووفه المهم انك رجعتلي وبقينا متجوزين تاني وعشاان ابقي جنبك انا مستعده اتحمل ايه حاجه

مسك فؤاد ايدها وباسها وقال

انتي طيبه اووي يا جيدا، ويا بختي انك في حياتي.

جيدا ابتسمت بأتسااع وقالت

يا بختي انا بيك، انت لو تعرف انا بحبك ازاي والله ما هتبعد عني لحظه بس انا برضو عشان بحبك عايزااااك تبقي مبسووط..

_قالت كلامها وقربت منه وبااااسته من خده، وبعدين نزلت من العربيه ودخلت بيتها وفؤاااد بصلها بحزن وضيق ورجع البيت وكانت جنه واقفه وبتجهز في السفره واول ما شاافته قالت..

جنه

لا والله ما لسه بدري.

فؤاد.

هتحاسبيني ؟

جنه

لا بس مستنيااك وبكلمك من بدري، وقفلت في وشي كمان.

فؤاد

كان عندي شغل مهم، في حاجه معاكي ولا ايه؟

جنه

مش هتاسحر معانا؟

فؤاد

انا مخنوووق شويه وهطلع انام

جنه

النهارده اول سحور يا فؤاد، وبعدين انت زمان كنت بتقولي لازم اصحي اتسحر حتي لو مش هاااكل حاجه..

فؤاد

انتي اللي مجهزه السحور بنفسك؟

جنه

ايوه دي حاجات بسيطه وانا بالنسبالي متعه وببقي مبسووطه وانا بجهزه.

فؤاد قعد علي السفره وقال

عشاان خاطرك يا ست جنه، صحي امي وانا مستنيكم اهو..

جنه بتوتر

حاضر بس الاول انا كنت عايزه اقولك حاجه برضو.

فؤاد

حاجة ايه؟!

جنه

اا انا فكرت في موضوعنا..

بصلها فؤاد بقلق وقال

امم وقررتي ايه، بصي عمتاً في كلا الحالتين انا مش هسيبك يا جنه وهفضل وراكي لحد ما توافقي ونتجوز

ابتسمت بهدوء وقالت

انا موافقه يا فؤاد

فؤاد بعدم تصديق

انتي بتتكلمي بجد والنبي؟!

جنه بتوتر

اكيد مش ههزر معاك في موضوع زي ده؟

قاام فؤااد ووقف قدامها وقال

يعني انتي موافقه اننا نتجوز نتجوز وكده؟..

جنه بخجل وتوتر

ايوه يا فؤااد خلاص ووو... انا هروح اصحي خالتي عشان تتسحر...

_وقبل ما تمشي مسك ايدها وقربها ليه جداً وحضن وشها بين ايديه الاتنين وقال بنبره صادقه...

فؤاد

ده احلي خبر سمعته من لما رجعت مصر ده في حيااتي كلها..

جنه بعدت عنه شويه وقالت

بس قبل اي حاجه احنا لازم نتكلم في حاجات كتير غامضه فيك جدا مخوفااني منك وعايزه افهمها

فؤاد

بخصوص ايه؟

جنه

جيدا وعلاقتك بيها..

فؤاد بضيق

يا جنه ما قولنا ما نفتحش في القديم.

جنه

لا يا فؤااد انا عايزه افهم كل حاجه ومنك انت، وعايزاااك تبقي صريح معايا وما يبقاااش في بينا لف ودوران عشان ابقي معاك وانا مطمنه ووثقه فيك انك عمرك ما هتسيبني وتتخلي عني تاني.

فؤاد

اللي انتي عايزاااه يا جنه هعمله ليكي المهم انك وافقتي ده انتي طلعتي عيني يا شيخه..

ابتسمت بهدوء وقالت

اعمل اللي انا عايزاااه علي فكره وانت غصب عنك تتحملني، هرووح اصحي خالتي بقي..

_وطلعت فعلا فوووق وهو بصلها وابتسم بسعااده، لكن اول ما افتكر جيدا اتنهد بضيق وقال لنفسه بصوت واطي..

فؤاد

اخر غلطه يا جنه، هتبقي اخر غلطه والله..

ـــــــــــــــــ ــــــــــــــــــ

ــ وتاني يوووم في الشركة بتاعت فؤاااد كان قااعد سعيد علي مكتب فؤااد ودخلت جيدا عنده وقالت..

جيدا

انت بتعمل ايه يا سعيد؟

سعيد.

بخلص شوية حاجات كان فؤاد قالي عليهم، حمد لله علي سلامتك الاول..

جيدا

الله يسلمك، بس برضو ايه اللي مقعدك علي مكتب فؤاد ايه قلة الذووق دي؟

_رجع سعيد بضهره علي الكرسي وقعد. بارتيااح وقال...

سعيد

فؤش قالي طول ما هو مش موجود انا هنا هبقي مكااانه اقعد براحتي واعمل اللي انا عايزه.

جيدا

طيب يا ظريف روح اقعد علي مكتبك وانا هخلص شوية شغل هنا؟

سعيد

خلصي شغلك في مكتبك انا مش هخرج من المكتب ده غير لما فؤاد يجي، في حاجات خااصه هنا ما ينفعش حد يشووفها

قربت منه جيدا وقالت بخبث

انا عارفه انه بيحكيلك كل حاجه، فاحسنلك عشان تكمل هنا وتبقي في مكانه كويسه في الشغل وبالنسبه لفؤااد تتقي شري عشان انا ايوه طيبه بس لما بحط حد في دماغي بيخسر.

سعيد

ياما خووفت انا منك كده، انتي عايزه ايه بالظبط ابقي في صفك انتي والله واعلم نيتك ايه حاشره نفسك في كل حاجه فؤاااد بيعملها مش فاهم بصرااحه تمسكك بيه ده يخووف..

جيدا ضحكت بسخريه وقالت

طبيعي اعمل كده مش جوزي.

سعيد.

قصدك طليقك.

جيدا ببرود.

تؤتؤ بقولك جوزي ردني امباارح طبعا الموضوع ده سر بيني وبينك انا وانت وفؤش لحد ما يتجوز جنه وبعدها كل حاجه هتبقي علي المكشوووف

سعيد بصدمه

فؤاد ردك بجد؟..

دخل عندهم في الوقت ده فؤاد وقال

صبااح الخير

قربت منه جيدا وقالت

صبااح النور يا حبيبي ورمضان كريم..

فؤاد.

الله اكرم في حاجه ولا ايه؟

جيدا

ما فيش بس سعيد. مستغرب انك رديتني.

فؤاد اتنهد. بضيق وقال

خلاص يا جيدا روووحي لو سمحتي شوفي شغلك وشوفيلي حوار كريم مندور انا عايز ابدأ بسرعه

جيدا

من عينيا يا حبيبي، وقول لسعيد ان ما فيش حاجه اسمها خصوصيه بيني وبينك ولما اقوله حاجه ينفذها وبس من غير ما يتكلم معايا كتير..

فؤاد.

سمعت يا سعيد اسمع كلامها

سعيد

تمام بس انت اللي قولتلي ما اسيبش مكتبك طول ما انت مش موجود.

فؤاد

وجيدا مش غريبه دي مراتي.

سعيد بغيظ

تمام تحت امرك يا مرات اخويا..

_ابتسمت جيدا بأنتصار وساابتهم وخرجت واول ما مشيت فؤاد بص لسعيد وقاله بجديه..

فؤاد.

اياااك تسيبها لوحدها في مكتبي وانا مش موجود.

سعيد

والله انا ما بقتش فااهمك انت ايه اللي بتعمله ده؟

فؤاد

بحاافظ علي شغلي وفي نفس الوقت مش عايز اخسر جنه

سعيد

انت خسرتها خلاص هي جنه هتواافق تتجوزك لما تعرف انك رديت جيدا

فؤاد

هي ما تعرفش اصلا ان في بيني وبين جيدا حاجه

سعيد

لا تعرف..

فؤاد

ما تعرفش هتكون عرفت منين الا لو انت يا ابو لسااان طويل تكون قولتلها..

سعيد

والله ظالمني انا ما قولتلهاش حاجه هي يووم الحفله اللي كانت في الاوتيل سألتني وكانت تعرف جيدا قالتلها..

اتنفض قلب فؤاد بخوف وقال

انت بتهزر صح.. وما جيتش ليه قولتلي؟

سعيد.

افتكرها قالتلك او واجهتك.

فؤاد

بس هي امبارح قالتلي انها موافقه تتجوزني

سعيد

يبقي ما تعرفش انك رديتها.

فؤاد

تمام خلينا في الشغل دلوقتي، وما تقولش لحد يا سعيد علي الموضوع ده

سعيد بحزن

طيب وهتفضل مخبي علي جنه لحد. امتي؟

فؤاد

اتجوزها الاول وبعد كده هفهما الوضع.

سعيد

هتبدا حيااتك معاها بكدب

فؤاد

سعيد انا مش ناااقص بالله عليك، رووح شووف شغلك انت كمان وخليني انا كمان اشووف اللي ورايا، واعمل حساابك هتفطر معانا النهارده.

سعيد

لا امك قالتلي وقولتلها مش هينفع

فؤاد.

ليه ان شاء الله مرات ابوك راضيه عنك؟

سعيد

اللهم إني صايم مش عايز اجيب سيرتها، بس الشيخ ابراهيم عازمني عنده هفطر عند خطيبتي وكده بقي..

ابتسم فؤاد وقال

ربنا يتمملكم بخير،رووح يلا شووف شغلك واللي يقف معاك تعالي وانا هفهمك...

ـــــــــــــــــ ــــــــــــــــــ

_وبعد شوويه كانت فؤاد قااعد مندمج في شغله ودخلت عنده جيدا وقعدت قدااامه وقالتله..

جيدا

تحب تبدأ امتي في المشاريع بتاعتك كريم مندور جااهز في اي وقت..

فؤاد

من اول الاسبوع ده طبعا وعايز شغل سريع، ممكن نزود. عدد العمال..

جيدا

تمام بس هيكلفك كتير

فؤاد.

مكسبي اكتر بعد ما اخلص المشاريع دي كلها، مش عايز اي حاجه تعطلنا الفتره الجايه

جيدا

بابي احتمال ينزل مصر الايام الجايه دي؟

فؤاد

ليه؟

جيدا

جااي يشووفني ويهنئنا عشاان رجعنا لبعض ويقضي اجازته هنا

فؤاد بضيق

احلوت مصر لما انا رجعت..

جيدا

احنا كمان مصريين يا فؤاد ومن حقنا نيجي بلدنا في اي وقت، المهم هتفطر معايا النهارده مش كده؟

فؤاد

امي وجنه مستنيني

جيدا

جنه مامتك هتفطر معاها انما انا هفطر لوحدي، وبعدين انت اغلب الاوقات هتبقي معاها هي مش معايا انا

فؤاد

قوليلي يا جيدا... هي جنه عرفت منين اننا كنا متجوزين؟

جيدا بتوتر

هي قالتلك.؟

فؤاد

يعني انتي قولتيلها بجد؟

جيدا

من غير ما اقصد انت لما قولتلي انها رفضتك ومش هتتجوزك اتكلمنا شويه انا وهي بصرااحه وعرفت منها انها مش بتحبك وانك زي اخوها وبس وده شجعني احكيلها اللي بينا وكمان هي عرضت عليا تساعدني عشان نرجع لبعض انا وانت

فؤاد

ما تلعبيش تاني بالشكل ده علي جنه هي طييه ومش خبيثه واللف والدوران اللي بتعمليه ده لو اتكرر تاني يا جيدا..

جيدا

هتعمل ايه؟

فؤاد بنبره غاضبه

انا مستعد احط كل اللي وصلتله تحت جزمتي ولا اني اخسر جنه، وانا ما رجعتكيش عشان الشغل احنا اللي بينا كبير وانا قولتلك هعلن جوازي منك يبقي تسمعي كلامي يا جيدا

جيدا بدموع

هي مش بتحبك ومش هتوافق بيك، يبقي ليه تتعبني وتتعب نفسك يا فؤاد.؟

ابتسم فؤاااد بهدوء وقال

جنه وافقت اني اتجوزها وفي اقرب وقت كمان

اتصدمت جيدا وقالت

ايييه... وافقت؟!

فؤاد

ايوه وافقت بس والله لو عرفت اني رجعتلك دلوقتي قبل ما اتجوزها هتبقي خسرتيني للابد يا جيدا

جيدا قاامت وقفت وقالت

اكيد مش هتعرف ومبرووك مقدما يا جوزي..

_قالت كلامها وساابته وخرجت من المكتب وهو اتنهد بضيق، وبعدين مسك موبيله وكلم جنه اللي ردت علي بصوت نايم وقالت..

جنه

الو..

ابتسم اول ما سمع صوتها وقال

نايمه ولا ايه؟

جنه

ايوه عايز ايه؟

فؤاد

ايه اللي عايز ايه ما احنا بقينا في حكم مخطوبين بكلمك اطمن عليكي

جنه

بص انا الصياام مصدعني فأقفل احسنلك

فؤد ضحك بهدوء وقال

فاااكره وانتي صغيره اول سنه خليتك تصومي فيها؟

جنه

امم كنت بعيط واقولك جعاانه وانت مش بتخليني افطر برضو..

فؤاد

وانتي دلوقتي جعاانه برضو؟

جنه ابتسمت وقالت

اووووي كنت قااعده مع خالتي في المطبخ ما اتحملتش بصرااحه شكل الاكل وطلعت نمت..

فؤاد

لا اصحي كده وفووقي انا جاااي كمان شويه، ولو فطرتي هكسر دماغك

ضحكت جنه وقالت

ههههه افطر ايه خلاص كبرت يا فؤاد مش هفطر اكيد..

فؤاد.

مهما كبرتي هتفضلي في نظري زي ما انتي جنه الطفله اللي براءتها لسه بتسحرني زي ما هي..

جنه

احمم احمم احنا في رمضان، كمل شغلك بقي وسيبني انام...

فؤاد

لا قولت قوومي نووم ايه دلوقتي احنا بعد العصر قومي ذاكري ولا اعمليلك اي حاجه

قبل ما ترد عليه دخلت عندها عايده وقالت

جنه تعالي كلمي الشيخ ابراهيم تحت وعايزك.

جنه

الشيخ ابراهيم عايز ايه؟

عايده

مش عارفه قال عايزك في موضوع مهم، مين معاكي علي التليفون؟

جنه

ده فؤااد.. دقيقه يا فؤاد الشيخ ابراهيم عندنا هنزل اشووفه عايز ايه؟

فؤاد

وايه اللي جايبه ده وانا مش موجود.

جنه

مش عارفه هنزل اشوفه عايز ايه وابقي اقولك سلام...

فؤاد

ماااشي سلام...

_وغيرت جنه هدومها ونزلت قعدت مع الشيخ ابراهيم هي وعايده اللي بعد ما سلم عليهم قال.

ابراهيم

انا جااي فخير يا جنه وجااي اوصلك رساله من هاني..

اتنهدت جنه بضيق وعايده قالت

قطع وقطعت سيرته، طلع كمان مااشي بطال واهو اخرته طلعت سودا.

إبراهيم

انتي ايه رأيك في الكلام ده يا جنه؟

_سكتت جنه وما عرفتش ترد تقول ايه لانها عارفه ومتأكده ان هاني برئ وان فؤااد هو اللي لبسه القضيه دي وكان سبب في القبض عليه..

عايده

في ايه بالظبط، وبعدين هو عايز ايه منها تاني مش كفايه اللي عملو فيها يا شيخ إبراهيم ما يعتقها بقي لوجه الله..

ابراهيم

بصي يا ام فؤاد انا روحتله النهارده زياره هو لسه ما اتحكمش عليه والقضيه قيد التحقيق، بس هو مظلوم وشهادة حق مني ان هاني عمره ما كسب قرش من شغال حرام وانتي يا جنه اكيد. عارفه كده كويس.

جنه بتوتر

اا ايوه عارفه... بس هو عايز ايه مني انا مش فاهمه برضو؟

ابراهيم

انا ما اعرفش يا بنتي هو عايز ايه منك، هو طلب يشووفك، وصدقيني هو حالته تصعب علي الكافر

عايده

شافه عزرائل يارب، هي لا هاروحله ولا هتشوووفه، الله الغني عن اي حاجه تيجي منه

ابراهيم

يا ام فؤاد هليكي محضر خير الرااجل دلوقتي في ايد الحكومه زما يقدرش يأذيها في حاجه وجنه كانت مراااته وكان بينهم عشره وعيش وملح، تروح تشووفه عايز ايه الله واعلم عيتقابلو تاني بعدها ولا لا.

عايده

اهي عندك هي حره.

ابراهيم

افتكري المعروف والخير اللي كان بينكم يا جنه، انتي فضلتي علي زمته 6 سنين ما شوفتيش منه اي حاجه كويسه تخليكي تروحيله وتشوفيه عايز ايه وهو في المحنه دي اللي انتي عارفه سببها كويس

جنه بضيق

مش عارفه... هو انا شوفت منه خير بس شوفت منه شر اكتر يا شيخ ابراهيم انا لحد الان ما تعافيتش من اللي عملو فيا واللي شوفته معاه، وفي نفس الوقت والله ضميري مانبني لاني عارفه انه اتحبس ظلم بسببي.

عايده

كلام ايه ده يا جنه وانتي دخلك ايه في اللي حصل لهاني؟

ابراهيم

ما علينا تبقي جنه تفهمك اللي فؤاد عمله في هاني بعد ما انا امشي، انامجرد. مرسال جيت اوصلك اللي هاني قاله يا جنه وانتي وضميرك يا بنتي، فوتكم بعافيه انا بقي..

عايده

ما لسه بدري يا شيخ ابراهيم، فؤاد زمانه علي وصول خليك ونفطر سوا..

ابراهيم

مره تانيه يا ام فؤاد فالفرح يارب، السلام عليكم..

عايده

وعليكم السلام..

_ومشي ابراهبم وعايده قعدت حنب جنه وقالتلها بقلق...

عايده

كلام ايه اللي قاله الشيخ ابراهيم مال فؤاد باللي حصل لهاني؟

جنه بضيق

الشيخ ابراهيم معاه حق هاني عمره ما مد. ايده في اي شغل شمال او حاجه حراام، فؤاد ما اعرفش ازاي هو اللي لبسه المصيبه دي عشاان يخلص منه بعد اللي عملو فيا

عايده بصدمه

ازاي يعمل كده وما قولتليش ليه اوقفه، كله الا الظلم والافتري ازاي ابني يعمل عمله زي دي؟

جنه

من رئيك يا خالتي اروح لهاني وبا لا؟..

عايده

مش عارفه يجي فؤاااد ونشووف الموضوع ده،انا ما عنديش مشكله تروحيله هو في ايد الحكومه دلوقتي زي ما الشيخ ابراهيم قال وما يقدرش يأذيكي في حاجه..

ـــــــــــــــــ ــــــــــــــــــ

_وبعد شويه جه فؤااد وكان قااعد هو وجنه لوحدهم قبل الفطار بدقايق وقالها بهدوء.

فؤاد

امم وكان عايز ايه تاني غير انه بيعزمكم تفطرو عنده يوم في رمضان.

جنه

بعد الفطار اقولك.

فؤاد

ايه الفرق بين دلوقتي وبعد الفطار؟

جنه

عشااان تبقي راايق ونعرف نتكلم، انت بتبقي متعصب قبل الفطار..

فؤاد.

لا ده كان زمان انما انا دلوقتي اتغيرت

جنه

اكيد يعني مهما اقولك انت مش هتتعصب

فؤاد

يا بت بقولك اتغيرت وبقيت اعرف اتحكم في اعصاابي والا ما كانش زماني بقيت مليونير..

جنه

مااشي يا سي المليونير علي ما تفرج انت، الشيخ ابراهيم كان جاي عشان اا..

فؤاد

ما تنطقي يا جنه؟

جنه

بص هو كان عند هاني وهاني عايز يشووفني

فؤاد

يشووفك فين؟!

جنه

اروحله ازوره في السجن هو لسه ما اتحكنش عليه.

فؤاد.

هعتبر اني ما سمعتش حاجه والشيخ ابراهيم هيجي هنا ويعزمنا والموضوع يبقي محبه بينا تمام، لكن هيجي يفتح في القديم ما اشوفش وشه في بيتي..

جنه

هو ده اللي مش هتتعصب يا فؤااد.

فؤاد

لا ما اتعصبتش خلاص ما حصلش حاجه.

جنه بتوتر

طيب انا عايزه اروح لهاني

فؤاد.

اخرسي يا جنه وانسي الراجل ده خالص

جنه

عمري ما هقدر انسااه يا فؤاد ده كان جوزي

_غمض فؤاد عيونه وهو بيحاول يتحكم بغضبه ورد عليها وقال بنفاذ صبر..

فؤاد

لا يا جنه وما تتكلميش معايا في الموضوع ده تاني، وتنسيه بمزاجك غصب عنك تنسيه.

جنه

بس انا عايزه اروحله، كفايه انه اتحبس بسببي يا فؤاد.

فؤاد بحده

انتي اتجننتي يا بت انتي، صعباان عليكي هاني بعد كل اللي عملو فيكي ده كان كل اللي بيخطط ليه انه يااخدك مني كنتي عايزااني اقف اتفرج.

جنه

بعيد عن الموضوع ده هو مش وحش لدرجة انك تعمل فيه كده

فؤاد.

انتي عايزه ايه دلوقتي يا جنه؟

جنه

تخليني اروووح اشووفه يا فؤاااد ولو تقدر تطلعه من الورطه اللي هو فيها دي.

فؤاد

انتي عايزه تتهزقي يا بت انتي، جنه اقفلي الموضوع ده والا والله هيبقي يووم اسوود. عليكي

قعدت عايده معاهم وقالت

طلع الرااجل زي ما ورطته يا فؤاااد؟

فؤااد بحده

اطلع مين يا امي، هاني لو طلع منها مش هيسكت واحنا ما صدقنا خلصنا منه

عايده

بس مش بالظلم والافتري علي الناس، والحق يتقال هو كان عصبي ومطلع عين جنه، يس كان بيعمل معانا خير برضو انا لما تعبت ودخلت المستشفي الرااجل فضل واقف معانا وبيهتم بينا وما طلبتش منه حاجه وقصر فيها، ولولا انه كان قاسي وشديد مع جنه هي ما كنتش هتطلق منه لا عشاانك ولا عشان غيرك.

جنه

خالتي معاها حق انا اطلقت منه من قبل انت ما ترجع

فؤاد بعصبيه

خلصتو انتو هي، الموضوع ده ما يتفتحش تاني وسيرة هانيي ما تتفتحش في البيت بالخير ولا بالشر صفحه واتقفلت

بصت عايده هي وجنه لبعض وفؤاد قال بحده

ويلا نفطر المغرب اذن اهو، ولا لسه هتنكدو عليا بحاجه تاني..

_اتنهدت جنه بضيق وقاامت قعدت علي السفره وهي مدايقه وفؤااد زعق فيها وقال بغيظ..

فؤااد

افردي خلقة اهلك دي.

عايده

لم نفسك ومالكش دعوه بيها، وقووم نفطر خلاص ما حدش هيفتح السيره دي معاك تاني.

_قام فؤااد وقعدو هما التلاته يفطرو سوا، وبعد الفطار كانت جنه قااعده في اوضتها بتذااكر وهي لابسه بجااامه طويله وعامله شعرها كحكه ودخل عندها فؤااد، واول ما فتح الباب بصتله بحده فخرج وقفل الباب بسرعه وخبط بهدوء وقال..

فؤاد.

ممكن ادخل؟

جنه بغيظ.

ما. انت دخلت لسه هتستأذن حضرتك؟

دخل فؤاااد وقال

نسيت ودخلت علي طول...

جنه

سيب الباب مفتوح، وجاي عايز ايه؟

فؤاد

زعلانه مني؟

جنه

بصرااحه ايوه الكلام خد وهات بس انت بتقفل دماغك في امور خاصه بيا وو..

قرب منها فؤاد وقعد جنبيها وقال

ما فيش حاجه اسمها خاصه بيكي وخاص بيا، احنا خلاص هنتجوز وهتبقي كل حاجه بينا مشاركه زي ما كانت زمان واكتر..

جنه

مش عايز تقولي حاجه الاول طيب قبل ما نتفق علي موضوع الجواز؟

فؤاد بهدوء

لا في بس مش عارف ابدأ منين، الموضوع بخصوص جيدا

جنه

سمعاك..

فؤاد

انا اتجوزت جيدا وانا في امريكا وطلقتها من سنتين.

جنه غمضت عيونها بحزن وقالت

هي قالتلي... تصدق اني لحد دلوقتي كنت بكدب كلامها واقول ممكن قالت كده عشان توقع بينا طلع بجد..

فؤاد مسك ايدها وقال

انا اسف كانت غلطه انا كنت محتاج اوصل لابوها عشان كده اتجوزتها..

جنه سحبت ايدها من ايده وقالت

انت اتغيرت اووي يا فؤااد. بقيت استغلالي وبتأذي بضمير بارد، انا بقيت خايفه منك والله..

فؤاد

كل ده عشان اذيت هاني يا جنه؟!

جنه

ما تلفش الكلام انا قولتلك مش بكره في حيااتي قد هاني

فؤاد بحده

اومال في ايه يا جنه انا جاي اقولك في حياتي كلها ما حبتش غيرك، انا راجع وكنت فاااكر انك قااعده مستنياني وانك بتدرسي في الجامعه في الفلوس اللي ببعتها، بس اتصدمت بهاني اخدك مني واتجوزك وفوق كل ده كان بيدووس علي كرامتك كل يووم وقبلها علي كراامتي انا عشاان قداام الدنيا كلها حتي لما كنتي مرااته كنتي تخصيني، مستنيه مني ايه غير اني اخد حقي منه بس بطريقتي بقي.

جنه

طيب بعيد عن هاني، موضوع جيدا ليه تستغلها وتضحك عليها عشان مصلحتك

فؤاد

انا ما كانش في نيتي اتجوزها كل الحكايه في الاول كنت انا وهي اصدقااء من لما اتعرفنا كنت بهتم بيها كصديق وبس، ووالله انا من اول ما عرفتها كنت بقولها اني بحبك حتي انها كانت نستغربه ازاي متعلق ببنت لسه يعتبر مراهقه بالنسبالي بس انا كنت بقولها انك مختلفه عن بنات الدنيا كلها، وهي بقي حبتني واتعلقت بيا ولقيت نفسي محاصر بينها وبين ابوها ومحتااج ثقة ابوها في شغلي اووي وعشان اقدر اشاركه وافقت اتجوز جيدا، بس والله ولا يووم كنت مبسوط معاها، عشان مش هي البنت اللي انا حبيتها انا ما حبتش غيرك يا جنه ومهما حصل انا عمري ما هسيبك..

جنه مسحت دموعها اللي نزلت وقالت

انا وافقت بيك عشان انا ما ليش غيرك وعايزه بقي اعيش مبسووطه، فلو ناوي تمشي تاني او تعمل حاجه من ورايا يبقي بلاش من الاول يا فؤااد انا بقولك اهو، عشاان والله العظيم قلبي مش ناااقص..

مسك ايدها تاني وبااسها بهدوء وقال

وعد مني اني عمري ما هخليكي تزعلي ولا تحسي بأي حزن، وكل اللي عايزااه واللي نفسك فيه هعمله ليكي، انتي اغلي حلم حلمت بيه يا جنه وخسارتك مستحيله بالنسبالي..

ابتسمت بهدووء وقالت

طيب اخرج بقي عشان اكمل مذااكره..

فؤاد

طيب نتفق الاول هنتجوز امتي؟

جنه ابتسمت بحمااس وقالت

انا عايزه نعمل فترة خطوبه الاول..

فؤاد

نعم يا اختي خطوبة ايه، هو احنا هنعيده من الأول يا جنه

جنه

هو احنا كنا اتخطبنا قبل كده، انا عايزه اعيش معاك كل مرحله بتفااااصيلها ممكن.

فؤااد

قدامك لحد بعد العيد اتفقنا

جنه

هو ايه ده وبعدين بعد العيد فرح لبني وسعيد..

فؤاد

هخلي سعيد يأجل فرحه لحد ما نتجوز احنا الاول

جنه

لا لا مش هينفع يا فؤاد بص خليها لحد. قبل ما ادخل الجامعه بشويه

فؤاد

لا طبعا هو بعد العيد يا جنه، وهعملك بقي احلي فرح في مصر كلها

جنه.

لو مش مهم يعني نعمل حفله صغيره

فؤاد

هنعمل فرح كبير وهتلبسي احلي فستان فرح ليا انا وهخليكي تحسي انها اول جوازه ليكي وهتشوفي..

ابتسمت جنه بسعاده وقربت منه وحضنته وقالت

ربنا يخليك ليا يا حبيبي..

فؤاد. ابتسم باتسااع وقال

اخيرا يا جزمه طلعتي عيني عشاان اسمعها..

_ضحكت بهدوء وهو ضمها ليه اووي، وفي الوقت ده دخلت عندهم عايده وقالت..

عايده

ايه ده يا قليل التربيه منك ليها

_بعدو بسرعه عن بعض وجنه وشها احمر بخجل وفؤاد رد علي امه وهو كاتم ضحكته بصعوبه وقال..

فؤاد

في ايه يا ست الكل ده حضن برئ

عايده

قووم اطلعلي بره كده وتحترم نفسك يا ولد انت لحد ما تتجوزها ويتقفل عليكم باب واحد، وانتي لو لمس منك شعره واحده تاني اديه علي وشه

جنه بأحرااج

حاااضر يا خالتي

فؤاد

بقي كده... طيب هي اللي حضنتني علي فكره وبتعاكسني من لما جيت عندها وعماله تسبلي وتقولي في كلام حلو وانا عشان متربي كنت قااعد سااكت ومؤدب

جنه

والله كدااب يا خالتي..

ضحكت عايده وقالت

عارفه انه كدااب ابن كداابه اطلع بره ولحد ما تكتب عليها ما تدخلش الاوضه دي.

فؤاد

حاضر يا امي وهانت كلها شهر واحد بس..

_قال كلامه وخرج من عندهم وعايده قعدت جنبيها وقالت..

عايده

هااا اتفقتو خلاص

جنه ابتسمت بهدوء وقالت

ايوه اتفقنا وهنتجوز علي العيد..

حضنتها عايده وقالت

ربنا يتمملكم بخير، ايوه كده خلو الفرح يدخل حياتنا تاني..

بعدت جنه عنها وقالت

انا هروح لهاني بكره يا خالتي؟

عايده

فؤااد لو عرف مش هيعديها

جنه

ما انا مش هخلي فؤاااد يعرف.

عايده

ما هو ده انيل، يلاش يا جنه انسيه خلاص المنيل علي عينه ده

جنه بحزن

مش هقدر ضميري هيفضل يأنبني عشااان ما روحتلوش والله واعلم هو عايزني في ايه؟

عايده

طيب هاروحي لوحدك لا انا مش هقدر اسيبك تروحي لوحدك

جنه بصت ناحية الباب وبعدين قالت بصوت واطي

انا كلمت سعيد وهو هيجي يوصلني..

عايده

ماااشي يا جنه وربنا يسترها..

ـــــــــــــــــ ــــــــــــــــــ

_وتاني يووم كانت قاااعده في النادي اللي اشترك ليها فؤااد فيه هي وعايده ومعاهم اتنين ستات كبار في السن وميلت عايده علي جنه وقالت..

عايده

شوفتي الوليه الكركوبه قال هتعمل نفخ لشفايفها حسره عليا دوبت نفسي بدري بدري

كتمت جنه ضحكتها وقالت

يا خالتي قولتلك دول مش شبهنا ايه بس اللي خلاكي تندهيلهم يقعدو معانا

عايده

مش جيرانا يا بت واهو نعرف الناس والناس تعرفنا

جنه بصت في موبيلها وقالت

سعيد جه بره انا هطلعله وانتي خليكي قااعده معاهم وهجيلك علي طول ونرووح سوا

عايده

مااشي وخلي بالك من نفسك وتخلي موبيلك في ايدك ولما اكلمك تردي عليا

جنه

من عينيا حااضر يا خالتي..

_وقاامت جنه عشاان تروح لسعيد بس خبطت فجأه في نفس الولد اللي خبطت فيه لما كانت في الجامعه، وهو اول ما شافها ابتسم وقال..

فارس

انتي تاني دي مش صدفه بقي

جنه بصتله بضيق وقالت

معلش مش قصدي..

فارس

استني بس خلينا نتعرف..

جنه

يا عم اوعي من سكتي قال نتعرف قال..

فارس

انتي متعصبه ليه كده هو انا اللي خبطت فيكي ولا انتي..

جنه

انا اللي هبطت وانا اسفه ابعد بقي عن وشي بصدفتك المهببه دي..

_قالت كلامها بنبره غاضبه ومشيت، وهو فضل باصص ليها بأبتساامه هاديه وموبيله رن فرد عليه وقال..

فارس

ايوه يا كريم..

كريم.

انت فين؟

فارس

لسه واصل النادي هجيبلك بنتك اهو وهرووح

كريم

تمام ولو مش هتروح الجامعه تاني تعلالي الشركه

فارس بضيق

مش فااضي

كريم

مش فاضي ليه ما تكبر بقي وتيجي تحط ايدك في ايدي وتشيل المسؤليه معايا

فارس

واشيل المسؤليه ليه اخويا كريم مندور المليادير بجلالة قدره واشيل المسؤليه اومال انت لازمتك ايه..

قفل كريم في وشه وفارس قال بسخريه

الله يسلمك يا غالي باي باي..

_وبعد. شويه في العربيه بتاعت سعيد كانت قااعده جنه جنبيها وعيووونها علي الطريق وبدأت تحس بخووف لانها هتشووف هاني الكابوس اللي دمر حيااتها، وافتكرت اول ليله بينهم بعد فرحها هي وهاني واول ما دخلت معاه بيته..

_فلاااااااااش باااك.

_كانت واقفه في بيت هانبي وهي لابسه فستان فرحها وكانت زي الحوريه فيه من شدة جمالها، وقفل هاني باب الشقه وقرب منها وقال..

هاني

مبرووك عليا احلي بنت في الحاره كلها، لا حاره ايه ده انتي احلي بنت في الدنيا كلها..

_بصتله جنه بخووف وبعدت عنه شوويه فمسكها من درااعها جامد وقالها بحده..

هاني

لو عملتيها تاني وبعدتي عني هكسر عضمك

جنه دموعها نزلت وقالت

سيب ايدي وجعتني.

هاني بغضب

بتعيطي ليه زعلانه عشاان انا العريس مش ابن خالتك اللي كنتي بتتصرمحي معاه..

جنه ببكاء

لا والله بس انا خايفه..

هاني

خايفه من جوزك.. انتي زعلانه عشان انا اللي اتجوزتك، بس هو فين كنتي مستنيااه يجي وينجدك مني، مش هيحصل خلاص انتي بقيتي مراتي انا، مرات الحج هاني بعني حتي لو حبيب القلب رجع مس هيقدر يااخدك مني انتي فااهمه

جنه بصتله بخووف من طريقه كلامه وقالت

ابعد عنيي...

هاني

لا ما فيش منه ده النهارده، ده احنا ليلتنا صبااحي النهارده.

ذقته جنه جامد. وقالت

ابعد. عنيي انا مش عايزاااك..

مسكها من شعرها جامد. وقال

وقدرتي تنطقيها يا جنه، بس انا من اول الليله دي هعلمك ازاي بعد كده تلتزمي حدودك معايا، وكل ما هحس انك رفضااني عشان فؤااد هخليكي تندمي انك بس فكرتي فيه، هخليكي تنسيه خالص ونحبيني انا وبس.

جنه ببكاء والم

عمري ما هحبك انت اتجوزتني غصب عني وانا مش عايزااك سيب شعري.

_اتعصب هاني من كلامها ونزل بايده علي وشها بكل قوووته وساابها تقع علي الارض وقال..

هاني

انا هربيكي من اول وجديد، معلش، هتعب معاكي شويه بس نصيبي كده اتجوز واحده يتيمه ما لقيتش لا اب ولا ام يربوها..

_قال كلامه وقلع الحزام بتااعه وفضل يضرب فيها بكل قةه وعنف وهي صوت بكاءها وصرااخها بيعلي اكتر واكتر من شدة الالم اللي حست بيه، ومن انكسارها قدااامه وذله ليها..

_فااقت من ذكرياتها علي صووت سعيد اللي قالها بهدوء وهو سايق العربيه..

سعيد

انتي كويسه يا جنه؟

مسحت دموعها وقالت

كويسه يا سعيد...

سعيد.

لو مش مرتاحه خلينا نرجع انا مش فااهم اصلا انتي رايحه للراجل ده ليه؟

جنه

كمل في طريقك يا سعيد انا كويسه ما تقلقش..

_سكت سعيد وهي كل ما يقربو من السجن اللي قيه هاني قلبها بيتنفض بخووف اكتر، لحد ما وصلة ودخلو هناااك وطلبو زيارة هاني اللي رااح جابه العسكري وكان لابس البدله البيضه الخاصه بالمساجين واول ما شااف جنه ابتسم بدموع وقال..

هاني

كنت عارف انك هتيجي ومش هيكون عليكي تسبيني هنا من غير ما تيجي تشوفيني..

بصتله بأشمئزاو وضيق والظابط قال

هسيبكم انا براحتك شويه يا حج هاني..

هاني

تسلم يا باشا ربنا يكرم اصلك..

خرج الظااابط وبص شوقي لسعيد وقال

عايزها فكلمتين لوحدنا

سعيد

جنه اخرج ولا اقعد معاكي

جنه بتوتر

اخرج يا سعيد

سعيد.

طيب انا هقعد هنا جنب الباب مش همشي..

_خرج سعيد وهاني قرب منها وقعد. قداامها وقال بنبره حزينه..

هاني

حتي وانا في الوضع ده وانتي عارفه اني مظلووم مش قادر اشووف في عينيكي نظره حنينه ليا

جنه بدموع

وانا كنت شووفت منك ايه حنين اردهولك دلوقتي؟

هاني

لا شووفتييا جنه شووفتي كتير ده انا حالي ومالي وكل حاجه كانت في ايديكي، كنت مستعد اتنازل عن كل حاجه ليكي بس انتي اللي عمرك ما حبتيني وطول عمرك كنتي حاطه الواد فؤاد بينا..

جنه بحده

انت اللي كنت حااطه بينا يا هاني من اول يوم ليا معاك وانت رابط اي تصرف بعمله بفؤاد. انت اللي ما ادتنيش فرصه انسااه واتقبلك ، انت اللي كنت ديما تفكرني بيه وتخليني اتعشم انه هيرجع ويخلصني منك، علي العموم انا مش جايه افتح في القديم عشان انا بحاول انسااه واعيش الحيااه اللي استاهلها بعيد عنك وعم القرف اللي شووفته معاك

هاني

ومدام انا وحش اوووي كده يا جنه، هزيتي طولك ليه وجيتي تشووفيني؟

جنه بضيق

عايز مني ايه يا هاني خلصني؟

بصلها هاني بجمود وقال؟؟

الفصل الثالث عشر من هنا

​أغارُ عليكِ من ماضٍ يطاردنا، ومن حاضرٍ يشاركني فيكِ، ومن غضبٍ يجعلني أحرق الأخضر واليابسَ كي تبقي لي وحدي.. ولو رغماً عنك."

_كانت قاااعده جنه قداام هاني في القسم بعد ما راحت تزوره من غير فؤاد ما يعرف وقالتله بضيق..

جنه

اديني جيتلك اهو يا هاني عايز مني ايه؟

هاني

عايز اخرج من هنا

جنه

وانا اعملها ازاي دي؟

هاني

ما اعرفش بس لو خااايفه علي حبيب القلب خليه يطلعني زي ما ورطني هنا بدل ما كلنا نخسر

جنه بصتله بخووف وقالت

اوعي تعمل حاجه في فؤااد انت فااهم

هاني بغيظ

يبقي خليه يطلعني احسنلك..

وقفت جنه وقالت

جيبتني علي الفاضي مش هقدر افيدك في الموضوع ده..

هاني

هتقدري والا هتخسري فؤاد

جنه ابتسمت بسخريه وقالت

وانت تيجي ايه دلوقتي جنب فؤاد، ده باشاره واحده منه يمحيك من علي وش الدنيا وانت عارف كده كويس، انا كان ضميري واجعني عليك شويه بس كويس وخلتني اجي واقابلك عشان اقول الحمد لله ان فؤاد عمل اللي عملو فيك ده...

_جات تمشي بس قاام هاني ومسك ايدها بكل قوته وقال..

هاني

تمام وانا والله ما هخليكم تتهنو ببعض يا جنه وافتكري كلامي ده كويس..

سحبت ايدها من ايده وقالت

انا ما بقتش اخااف منك زي زمان، وبقولك اهو اللي عندك اعمله يا هاني..

_قالت كلامها وساابته وخرجت من عنده، وكان سعيد قاااعد مستنيها بره واول ما شاافها قال بقلق..

سعيد

كان عايز منك ايه؟

جنه بضيق

بيهددني لو فؤاااد ما خرجهوش من هنا هيأذيه

سعيد

اوعي تخاافي منه ده ما يقدرش يعمل حاجه اصلا؟

جنه

انا مش خايفه منه دلوقتي، مدام فؤاد موجود انا عمري ما هخااف من حد.

ابتسم سعيد وقال

يا سيدي يا سيدي ربنا يتمملكم بخير، تعالي بقي اروحك..

جنه

سعيد بالله عليك فؤاد ما يعرفش اني جيت عند هاني، هو اصلا اليومين دول عصبي لوحده وانا مش نااقصه ما صدقت الامور اتصلحت ما بينا

سعيد

ما تخااافيش مش هقوله حاجه وربنا يستر وهو ما يعرفش لوحده..

_قال كلامه واخدها وخرجو من القسم وفي الوقت ده كان جيدا لسه واقفه بعربيتها قداام القسم بس الناحيه التانيه وقبل ما تنزل شاافت سعيد وهو خاارج مع جنه وابتسمت بخبث وقالت..

جيدا

يا سلام يا سعيد وقعت تحت ايدي..

_واستنتهم لحد ما مشيو نزلت هي من عربيتها، وبعد. شويه كانت قاااعده هي وهاني لوحدهم وقالها هاني بهدوء..

هاني

انتي مين وطلبتي تشوفيني ليه؟

جيدا

جيدا العربي مرات فؤاد اللي خطف منك مراتك

هاني بصلها بعدم فهم وقال

هوو... الواد فؤاد متجوز؟!

جيدا بهدوء

ومن ورا جنه كمان ايه رئيك في الخبر ده..

هاني

وانا هستفاااد ايه بالخبر ده وانا هنا بين اربع حيطان

جيدا

واللي يخليك تستفااد من الخبر ده وانت بره؟

هاني قرب منها وقال بصوت واطي

مصلحتك ايه؟

جيدا

بقولك انا مرااته... اكيد مصلحتي ان جنه تختفي من حياتي خالص وانت تاخد حقك منها..

هاني

بمعني؟

جيدا

هقولك اللي عايزاااه بطريقتي مش هينفع هنا، المهم اتفقنا؟

هاني

وانا ايه يثبتلي ان كلامك صح، وانك مش طعم جديد بيرميه ليا الواد فؤاد.

جيدا

مش هنتفق علي حاجه غير وانت بره السجن، لما تخرج هقولك تعمل ايه وتعمله وصدقني معايا مش هتخسر، انا اللي ساعدت فؤاد يدخلك هنا وفي ايدي اخرجك من هنا وارجع لشغلك زي ما كنت بالظبط

هاني بجمود

ما يهمنيش شغلي ولا تهمني اي حاجه غير اني اخد. حقي من جنه وانتقم منها

ابتسمت جيدا بحماس وقالت

كده اتفقنا قريب اووي هنتقابل بره القسم ونتكلم براحتنا يا حج هاني، بعد اذنك..

ـــــــــــــــــ ــــــــــــــــــ

_وفي بيت فؤاااد بعد شويه كانت قاااعده جنه هي وعايده اللي قالتلها بقلق..

عايده

وانتي خوفتي منه ولا ايه؟

جنه

مش خوفت منه... انا قلقت علي فؤاد هاني برضو شرااني.

عايده

مدام مقبوض عليه يبقي مش هيقدر يعمل حاجه، ما تخااافيش انتي بس ورتبي بقي لفرحك

جنه

يا خالتي لسه بدري فاضل شهر

عايده

يومين وهتلاقي رمضان خلص، المهم اعملي اللي نفسك فيه المره دي وكانك اول مره هتتجوزي..

جنه ابتسمت بهدوء وقالت

انتي بتقولي فيها يعني، انا حاسه فعلا اني اول مره اتجوز..

عايده

ربنا يسعدك ويتمملكم بخير، هرووح اشووف الشغالين دول عملو الفطار ولا لا..

جنه

هو فؤااد مش هيفطر معانا النهارده؟

عايده

قال عنده شغل وهيفطر في الشغل..

جنه

مااشي ربنا معاه.

_وفي الشركه بتاعت فؤاد كان قااعد علي مكتبه ودخلت عنده جيدا وقالت..

جيدا

يلا بينا بقي؟

فؤاد.

لا لا انا مش فاضي عندي شغل كتير وبعدين لسه شويه علي المغرب..

جيدا

طيب انا هسبقك علي بيتنا هعملك الفطار وهستناااك..

فؤاد

تمام يا جيدا..

جيدا بخبث

قبل ما امشي صح كنت عايزه اسألك هي جنه كويسه؟

فؤاد بصلها بهدوء وقال

ايوه.. بتسألي عليها ليه؟

جيدا

مش عارفه النهارده المحامي بتاعنا راح للقسم يتابع القضيه بتاعت اللي اسمه هاني ده عشان نعرف التفاصيل وبيقولي انه شااف سعيد هناك ومعاه جنه والمحامي يعرف جنه لانه شاافها في الحفله بتاعت الاوتيل..

اتحولت ملامح فؤاد للغضب وقال

انتي متأكده من كلامك ده؟

جيدا

مش عارفه انا بسألك اهو، بس هو المحامي اكيد. مش هيكدب عليا..

_ما ردش عليها فؤااد وقااام وهو متعصب ورااااح لمكتب سعيد واول ما دخل عنده قاله بحده ونبره غاضبه..

فؤاد

انت اخدت جنه تشوووف هاني النهارده؟

سعيد بقلق

انت مين قالك؟!

فؤاد بعصبيه

يعني بجد هي راحتله؟..

سعيد رااح قفل الباب وقال

اهدي طيب بالله عليك وانا هفهمك، هي طلبت مني وانا اا..

فؤاد

وانت المفروض كنت تيجي تقولي ده لو بتحترم الصدااقه اللي بينا مش تاخد خطيبتي والبنت اللي هتبقي مراتي وتوديها لطليقها انت اتجننت يالا نسيت نفسك...

سعيد

لا ما نستش نفسي يا صااحبي انا كنت ممكن اطلع نفسي من الموضوع بس خوفت تروحله لوحده وانا كنت معاها خطوه بخطوه..

فؤاد

بطل تحوير وانا هحااسبك كويس يا سعيد علي الغلطه دي

سعيد.

في ايه يا عمم انت هتعمل عليا مدير ولا ايه، يا عم الله الغني عنك وعن شغلك ولو شووفت وشي تاني هنا ابقي وقتها زعق وانفخ نفسك براحتك..

_قال سعيد كلامه ومشي وهو مدااايق جدا وكانت جيدا واقفه بره المكتب واول ما شاافته خارج من عند فؤاد ابتسمت بشماته وقالتله..

جيدا

فرصه سعيده يا سعيد اتمني تبقي قد كلامك..

_ما ردش عليها سعيد وسااب الشركه كلها ومشي، وخرج بعده فؤاااد وهو متعصب جدا وجيدا قالتله..

جيدا

يا حبيبي اهدي وفهمني بس ايه الحكايه..

فؤاد.

انا ماشي ولو اتأخرت ما تستننيش علي الفطار..

_ورااح اخد حاجته من مكتبه وراح لبيته وهو في قمة غضبه وكل ما يفتكر ان جنه شاافت هاني من ورااه بيتعصب اكتر، واول ما وصل البيت رااح بسرعه لاوضة جنه، واول ما دخل لقاها بتصلي فبصلها بغيظ وقال..

فؤاد

ماااشي صلي براحتك انا قااعدلك اهو.

_وقعد فعلا علي الكنبه جنبيها وهو بيبصلها بنظرات كلها عصبيه، وبعد ما خلصت صلاه بصتله بحده وقالت..

جنه

هو انا مش مليون مىه اقولك تخبط قبل ما تدخل وقااعد تتفرج عليا انا وبصلي ليه؟

فؤاد بجمود

خلصتي؟!.. روحتي لهاني ليه؟

اتوترت جدا وقاامت وقفت قدامه وقالت

انا كنت هقولك بس..

فؤاد بحده

بس ايه انا مش قولت ما تروحيش، بقيتي شااطره دلوقتي وبتكلمي سعيد وبتعملي حوارات من ورا ضهري

جنه بقلق

ما انا لو كنت قولتلك ما كنتش هتوافق..

فؤاد

وانتي تروحيله ليه للدرجه دي قلبك واجعك عليه، صعبان عليكي؟..

جنه بضيق

تمام مدام بتزعق ومش راضي تسمعني يبقي افهم اللي تفهمه مش هبررلك حاجه..

مسكها من دراعها جامد وقال

ما تستفزنيش يا جنه اللي عملتيه ده مش هعديه ليكي..

جنه

سيب ايدي وانا اعمل اللي عايزاااه، موضوع زي ده ما يخصكش اصلا انك تقرر فيه حاجه..

فؤاد

لا يخصني مدام يخصك يبقي يخصني احنا مخطوبين وقريب اووي هتبقي مراتي وما ينفعش اصلا تفكري في اي حد غيري..

جنه

انت شايف اني لسه بفكر فيه، ماااشي انا بقي مش هتجوزك ما انا لسه متعلقه بـ اللي كان جوزي..

ضغط بايده علي درااعها اكتر وقال بغيظ

اتكلمي كويس يا جنه، وهنتجوز بمزاجك غصب عنك هنتجوز ومدام بتعملي حوارات من ورايا من النهارده ما فيش خروووج تاني مش هتشوووفي الشارع ولا كليه بقي ولا غيره..

اتملت عيونها دموع وقالت

انا حره انت مش هتمشي كلامك عليا وسيب ايدي..

قرب منها اكتر وقال

ده انا الوحيد دلوقتي اللي من حقي امشي كلامي عليكي يا جنه..

دخلت في الوقت ده عايده وقالت

في ايه سيبها يا فؤاد..

_ساابها فؤاد بس نظراته لسه غاضبه وعايده قالتله بحده..

عايده

جاااي تزعق ومتعصب ليه، في ايه اللي حصل؟

فؤاد

الهانم راحت لهاني وانا قولتلها لا، والمفروض تقدرني وتسمع كلامي ولما اجي اتكلم معاها والومها زعلانه وبتقاوح..

عايده بصت لجنه بقلق وقالت

خلاص يا فؤاد ما حصلش حاجه اهي راااحت وجات وسعيد كان معاها والله..

فؤاد

يعني انتي كمان كنتي عارفه يا امي، هو انا كلامي ما بيتسمعش ليه؟

جنه

قولتلك الموضوع ده يخصني انا وبس، انت مالكش دعوه باللي كان بيني وبين هاني..

_‌اتعصب اكتر وفي لحظة غضب ضربها بالقلم بكل قوته وقال بصوت عالي وحده.

فؤاد

انتي تخرسي خالص وسيرته ما تتجاابش تاني علي لساانك قداامي..

_بصتله جنه بصدمه ودموع وهي حاطه ايكها علي خدها بألم، وعايده زعقت فيه وقالت بعصبيه..

عايده

انت اتجننت بتمد ايدك عليها ليه يا جاتك كسر ايدك، امشي غور اطلع بره مالكش دعوه بيها تاني..

فؤاد

مالهاش خرووج من البيت تاني والا المره الجايه هكسرلك رجلك..

عايده

طيب اتكل علي الله ومالكش دعوه بيها تاني، امشي يلا من وشي قال تمد ايدك عليها قداامي ماشي يا فؤاد..

_ساابهم فؤاااد ومشي من البيت كله، وعايده اخدت جنه في حضنها وفضلت تطبطب عليها وقالتلها..

عايده

حقك عليا يا قلب خالتك، والله لاربيه علي اللي عملو ده..

_ما ردتش عليها جنه ودموعها كانت بتنزل بحزن وهي مصدوومه لانه لاول مره في حياته يمد ايده عليها..

ـــــــــــــــــ ــــــــــــــــــ

_وبالليل في شقة جيدا كان نااايم فؤااد علي السرير، وبص جنبيه لجيدا اللي كانت في ساابع نومه واتنهد بضيق وقااام وقف في البلكونه وهو مدايق من نفسه لانه مد ايده علي جنه، وفي نفس الوقت بيخدعها وبيكدب عليها بسبب جوازه من جيدا..

_رجع دخل الاوضه تاني وبدأ يغير هدووومه، وفي الوقت ده قااامت جيدا وقالت..

جيدا

انت ماااشي ولا ايه؟

فؤاد

ايوه..

جيدا.

انت مش قولت هتبااات هنا النهارده، انا شويه وكنت هقوم اجهزلنا السحور

فؤاد

ابقي هاتي حد يطبخلك يا جيدا انا ما بحبش الاكل الجاهز

جيدا قربت منه وقالت

من عينيا حاضر ده انا كمان هتعلم اطبخلك بنفسي بعد كده، بس خليك هنا ما تمشيش..

بعد عنها فؤاد وقال

معلش عندي شغل ولازم اخلصه في المكتب في البيت.

حست جيدا بأحرااج اول ما بعد. عنها وقالتله

تمام يا فؤااد اللي يربحك اعمله...

_كمل لبسه وسااابها ومشي، واول ما وصل البيت رااح علي طول لاوضة جنه وخبط علي الباب اكتر من مره وما ردتش عليه..

فؤااد

جنه... افتحي يا جنه خلينا نتكلم..

_قامت جنه من علي السرير وكانت لسه هتفتح الباب، بس رجعت في كلامها وقفلت الباب بالمفتاح وراااحت نامت..

فؤاد

برضو... طيب انا كنت جااي اقولك حقك عليا ما تزعليش..

_ما ردتش عليه ودموعها نزلت بحزن، وهو رااح لاوضة امه اللي كانت قااعده علي سريرها وحاطه ايدها علي خدها واول ما شافته قالت بنبره كلها لوووم..

عايده

زمان لما كنت اجي اضربها كنت بتزعق فيا وتقولي ما حدش يمد ايده عليها مهما عملت، فتقوم انت دلوقتي تمد ايدك عليها وتكسرها انت كمان، مش كفايه اللي شافته من الدنيا بدل ما تعوضها جاي تعمل نفس اللي كان بيعملو هاني..

فؤاد قعد جنبيها وقال بحزن

يعني هي عادي تقولي اللي بينها وبينه انا ما اتدخلش فيه، انا لو عليا امسح هاني من دمااغها خالص، جنه ليا لوحدي يا امي ما ينفعش حتي تفكيرها حد. يشاركني فيه.

عايده

انت مش عارف تتقبل حقيقة انها كانت مرااته وانها اتجوزت غيرك يا فؤاااد، لازم تبقي عارف انها عمرها ما هتنسي هاني ومش معني كده انها بتحبه لا هي ما بتحبش غيرك بس البني ادم ما بينسااش وجعه يا فؤاد واللي بينها هي وهاني مش قليل دي سنين كتير..

اتنهد فؤاد. بضيق وقال

طيب كلميها وقوليلها اني اتعصبت من غيرتي عليها مش اكتر، وعمري ما همد. ايدي عليها تاني

عايده

لا مش هقول حاجه يا ضنايا اهي عندك لما تبقي ترضي عليك قولها اللي تقوله..

فؤاد

انا ابنك علي فكره هيرضيكي يعني يتنكد عليا..

عايده

لكل فعل رد فعل مش بيقولو كده برضو..

فؤاد. بغيظ

جايه تتثقف عليا دي كمان...

عايده

دي كمان في عينك قووم من عندي خليني انام..

فؤاد

طيب مش هتتسحرو..

عايده

اكلنا انا وجنه من شويه، بالعافيه اكلتها لقمتين تلاته انت عارفها بتتلكك اصلا عشاان ما تاكلش..

قاام فؤاد وقال

تصبحي علي خير يا امي..

_واح اوضته وعدي الليل حزين علي ابطالنا، وتاني يووم الصبح خرج فؤاااد من اوضته وراااح لاوضة جنه وخبط علي الباب وقال..

فؤاد

يا جنه... عندك كورس لغه كمان شويه السواااق هيستنااكي يوصلك ويرجعك..

ما ردتش عليه برضو وهو قال

برضو مش هتردي تمام مش هتفضلي حابسه نفسك جوه كتير مسيرك تطلعي..

_قال كلامه ومشي راااح شغله وكان قااعد علي مكتبه ودخلت عنده جيدا وقالت..

جيدا

هو سعيد ما جاش ليه النهارده، واتخانقت ليه معاه امبارح..

فؤاد.

ما فيش حاجه انا هروحله النهارده بعد الفطار وهشووفه وبكره هيرجع شغله..

جيدا بضيق

امم طيب كنت عايزه اقولك ان بابي وصل وو.

_وقبل ما تكمل كلامها اتجاهلها، ورد علي موبيله اللي كان بيرن وقال..

فؤاد

ايوه يا بهجت ما خرجتش يعني، خلاص تمام بس خليك موجود اول ما تخرج تبقي معاها خطوه بخطوه..

قفل مع السواق وجيدا قعدت قدااامه وقالت

بتتكلم عن جنه؟

فؤاد

اممم ثواني يا جيدا.. ايوه يا امي هي جنه ما راحتش الكورس بتاعها ليه؟

بصتله جيدا بغيظ وعايده ردت علي فؤاد وقالت

اسكت ده انت داخل علي اياام بيضه، هي حالفه لا ترووح الدروس دي ولا حتي هتروح الكليه والتقيله بقي انها كمان مش هتتجوزك..

فؤاد

انتي فرحانه ليه يا امي؟

عايده

تربيتي بنتي حبيبتي لازم تربيك علي القلم اللي ضربته ليها..

فؤاد

مااشي يا امي اقفلي..

عايده

هتفطر معانا ولا لا؟

فؤاد

ايوه جااي علي الفطار بس ما تقوليش لجنه انا عابز اتكلم معاها وهي طول ما انا في البيت بتهرب متي وحابسه نفسها في اوضتها، فقوليلها اني مش جااي والنبي..

عايده

حاااضر... اعملك ايه علي الفطار؟

فؤاد

اي حاجه... ولا اقولك انا هبعت الفطار جنه بتحب الكفته هبعتلكم اكلة كفته حلوه النهارده

عايده

لا لا هعملها انا ما تجيبش اكل من بره، كمل شغلك بقي مش هعطلك...

فؤاد

ماشي يا ست الكل مع السلامه..

وقفل مع امه وقال لجيدا

نعم يا جيدا في ايه؟

جيدا بسخريه

نفسي افهم بتعمل ايه جنه يخليك تهتم بيها كده.

فؤاد

هنبدأ بقي جو الغيره من دلوقتي انتي دماغك اكبر من كده يا جيدا..

جيدا

معاك حق، المهم بابي وصل مصر وعايز يتعرف علي اهلك

فؤاد

ليه؟

جيدا

ما تقلقش انا هفهمه الوضع كويس عشان ما يقولش قدااام جنه اننا رجعنا لبعض..

فؤاد

تمام هبقي اعزمه عندنا واعرفه علي امي وجنه وسعيد..

جيدا

وسعيد؟!

فؤاد

جيدا... سعيد ده مش صااحبي وبس لا ده اخويا كمان فأتعودي عليه في حياتنا..

جيدا

تمام هرووح انا اكمل شغلي، وايوه صح كريم. مندور عامل افطار خاص برجال اللعمال وعائلاتهم وكلمني وبعتلك دعوه انت وجنه

اتنهد فؤاد بضيق وقال

هنروح انا وانتي، جنه مش هتروووح عند الراجل ده خالص..

جيدا

تمام نروح مع بعض انا وانت..

وسااابته جيدا وخرجت وفؤاد قال لنفسه بقلق

اصالحك ازاي بس يا جنه؟؟....

ـــــــــــــــــ ــــــــــــــــــ

_وبعد شويه وصل فؤاااد البيت واول ما دخل وقت آذان المغرب شاااف مامته قااعده لوحدها بتفطر..

فؤاد.

هي ما نزلتش تفطر برضو؟!

عايده

لا نزلت بس لما سمعت صوت عربيتك بره طلعت تاني اوضتها من غير حتى ما تكسر صياامها....

اتنهد فؤاد بضيق وقال

ماااشي انا طالعلها..

عايده

رايح فين سيبها براحتها خلاص

فؤاد

ما هو انا مش مرتاح وهي زعلانه مني لا عارف اركز في شغل ولا ليا نفس لاي حاجه..

عايده

وكان عليك ايه من الاول، بس تستاهل عشان بعد كده ما تبقاش تمد. ايدك عليها تاني..

ما ردش عليها فؤاد وجه بمشي بس هي قالتله

عشان خاطري ما تزعلهاش هي طيبه وغلباانه وعلي قد عشمها فيك زعلانه منك..

فؤاد

ما تقلقيش يا امي مش هزعلها تاني والله..

_قال كلامه وطلع فوووق ووقف قداام اوضة جنه وخبط علي الباب وبرضو ما ردتش عليه، فقال بنبره غاضبه..

فؤاد

افتحي يا جنه مش هنفضل يعني علي الحال ده كتير..

_ما ردتش عليه فجه يدخل لقاها قاافله علي نفسها بالمفتاح فزعق فيها وقال..

فؤاد

علي اساس اني كده مش هعرف ادخل، في نسخه تانيه معايا لمفاتيح الاوض كلها بتاعت البيت فافتحي احسنلك...

_في الوقت ده كانت جنه واقفه ورا الباب واول ما زعق وصووته بقي عالي، خااافت منه وفتحت الباب وملامحها كلها حزن، وقبل ما يتكلم ولا تسمع منه حاجه ساابته وراحت قعدت علي طرف السرير، اتنهد بضيق وراااح قعد جنبيها وبصلها بهدوء وقال..

فؤاد

انا ما عصبنيش غير انك تقوليلي اللي بينك وبينه انا ماليش دعوه بيه، هو ايه اللي بينك وبينه اصلا، مش بسببه انتي كنتي رافصه تتجوزيني، وبسببه فضلتي سنين بتتعذبي واتحرمتي من تعليمك وانك تعيشي كويس اصلا..

_اتملت عيونها دموع وبصت للناحيه التانبه من غير ما ترد عليه، وهو كمل كلامه وقال بجديه ونبره هاديه..

فؤاد

وبعدين انا اصلا ما كنتش عايزك تشوفيه عشان بغير عليكي يا جنه، مش عايزه يشووفك تاني اصلا ولو عليا ما يبقااااش ليكي تعامل مع اي راااجل تاني غيري، بس ازاي انتي روحتي كلمتي سعيد من ورايا وروحتي لشووقي ليه كل ده، شوقي يستاااهل انك تكدبي عليا عشااانه..

_نزلت دموعها ومسحتها بسرعه وهي برضو مش راضيه تبص عليه ولا ترد علي كلامه، فأتدايق من تاهلها ليه وقال..

فؤاد

انا مش بكلم نفسي يا جنه ردي عليا..

ما ردتش برضو عليه، فمسك ايدها غصب عنها وقال

اهدي... وانا اسف والله مش هتتكرر تاني مهما حصل..

_سحبت ايدها من ايده بقوه اتتهدت بضيق وما ردتش عليه، فبصلها بغيظ وقال..

فؤاد

طيب اعمل ايه هفضل متعاقب لحد امتي منك؟

_ما ردتش عليه، فبحركه سريعه قرب منها جدا، خلاها ترجع بضهرها لورا وجسمها اتنفض بخوووف وهو زاد من قربه منها وقال بحده..

فؤاد

من زمان لما بتتعاملي معايا كده وتتجاهليني، مش بس بتخليني اندم اني زعلتك، انتي بتخليني اندم اني جيت علي وش الدنيا اصلا..

_كانت خلاص هتضحك من كلامه وعصبيته لكنها بثعزبه مثلت اللامبالاه وهو قال بغيظ..

فؤاد

برضو مش هتردي عليا، تمام خليكي ساكته براحتك بس تاني يوم العيد فرحنا ساكته بقي اتكلمتي جوازي منك مش هيتلغي ولا حتي هيتأجل، تمام يا قلب فؤاااد..

_عرف هو كمان يستفزها ونظراتها اتحولت للعصبيه وزقته بعيد عنها جاامد وجات تقووم من جنبيه، بس هو مسك ايدها وقربها منه جداً، لدرجة انها كانت شبه في حضنه، فشهقت بخجل وجسمها كله اتنفض ووشها قلب احمر، فضحك هو بتسليه وقال بهدووء..

فؤاد

لو عايزك تتكلمي هخليكي تتكلمي علي فكره، بس اتقلي واتدلعي عليا براحتك، انا بحبك اكتر وانتي عنيده وشرسه كده..

حاولت تبعد عن حضنه بس هو كان مقيد حركتها بايديه الاتنين وقرب بوشه منها وباااسها من خدها اللي ضربها عليه وبصلها بهدوء ونظره عاشقه وقال.

فؤاد

حقك عليا عديها المره دي وانا والله ما هكررها تاني..

غمضت عيونها من شدة خجلها وقالت بنبره هامسه

سيبني يا فؤاد...

ابتسم بأنتصار وقال

طيب قولي انك مش زعلانه مني..

فتحت عينيها وضربته بايدها جامد علي كتفه وقالت

بقولك سيبني.. عيب كده اصلا..

فؤاد قربها ليه اكتر وقال

مش هبعد غير لما تقوليلي انك مش زعلانه؟!..

جنه بتوتر وخجل

صالح سعيد الاول وخليه يرجع الشغل..

اتحولت ملامحه تاني للغضب وقال

وحيااة امك، وانتي مالك ومال سعيد؟..

ردت عليه وهي بتحاول تبعد عنه

هو قالي انك اتخانقت معاه وساب الشغل ، انا السبب في الموضوع ده، لما تصالح سعيد وتخليه يرجع الشغل انا مش هبقي زعلانه..

فؤاد بغيظ.

دوري علي ادخن حيطه في البيت ده واخبطي دماغك فيها.

_وبعد عنها ووقف قدامها وقال بعصبيه وغيره واضحه..

فؤاد

بقي انا جااي اصالح واراضي فيكي وانتي في الاخر تقوليلي سعيد ياللي ما عندك. دم...

جنه بحزن

اصلا والله العظيم ما كنت ناويه اتكلم معاك تاني ابدا، خليت ايه انت لهاني وانت عملت زيه ومديت ايدك عليا..

فؤاد

خلصنا يا جنه خلاص موضوع وانتهي انسي..

جنه بسخريه

كل حاجه بتقولي انسي انسي كأنه زرار مجرد ما هضغط عليه هنسي كل حاجه، وبعدين سعيد ذنبه ليه تخليه يخسر شغله وتكركبله حيااته وانت عارف انه بيجهز لفرحه هو ولبني، انا مش عايزه ابقي سبب في زعله ولا تحصل مشكله بينه وبين الشيخ ابراهيم بسببي..

فؤاد

اصلا من غير ما تقولي كنت هروح واصالحه، وبعد كده ما تعمليش حاجه تاني من ورايا

جنه بضيق

طيب..

فؤاد

وتنزلي تفطري وترووحي الكورساات بتاعتك فاضل اربع خمس شهور وتبدأي الدرااااسه في الجامعه..

جنه بسخريه

اممم دلوقتي بتحمسني وتقولي رووحي ولما تدايق تزلني وتحرمني من تعليمي، انا مس عايزه اروووح تاني.

فؤاد

انتي ليه بوومه كده يا جنه، ما قولنا خلاص مش هتتكرر تاني..

جنه

طيب امشي دلوقتي انا ماليش نفس اصلا اكل حاجه، كمان شويه هبقي اكل..

فؤاد

لو ما اكلتيش مش هاكل انا كمان؟!..

جنه بجمود

براحتك..

فؤاد بضيق

لا براحتك انتي يا ست جنه..

_قال كلامه وسااابها وخرج من الاوضه ورزع الباب وراااه، وهي بصتله بحزن ورجعت قعدت علي السرير وافتكرت قربه منها من شويه وابتسمت بخجل وقالت لنفسها..

جنه

والله مش متربي وقليل الادب..

ـــــــــــــــــ ــــــــــــــــــ

_وفي الوقت ده في بيت كبير وراااقي جدا كانت قاااعده جيدا مع باباها بيفكرو وقالها..

رشااد

فؤاد عرف اني جيت مصر؟

جيدا

ايوه عرف.. حتي اني قولتله ان حضرتك هترتب عشان تعزمه هو وبنت خالته ومامته وتتعرف عليهم

رشااد

بنت خالته اللي هيتجوزها عليكي، انتي ازاي موافقه علي العبث اللي بيعمله معاكي ده، انا لو اتدخلت هوقفه عند حده كويس..

جيدا

مش هيسيبها مهما عملت، وفؤااد ما بيجيش بالعند وانت عارف كده كويس..

رشااد بغيظ

الله يرحم ده كان شغال تحت امري انا وانا اللي عملته وكبرته هو ايوه سااعدني لانه ذكي بس هو بدأ يخرج بره الدايره اللي انا رسمتهاله وبدل ما هو دلوقتي شريكي بطريقته دي فيما بعد هيبقي مناافس ليا..

جيدا

فؤاد جدع واصيل مش هينسي وقفتك جنبيه ما تقلقش، المهم لما تبقي مامته وجنه يجو بلاش تقول قدااامهم اني رجعت لفؤاد.

رشاد بعصبيه

انتي بتعملي في نفسك ليه كده ما تسبيه يتجوزها وارجعي لحيااتك القديمه

جيدا بحزن

مش عايزه ارجع لحياااتي القديمه، سبب تمسكي بفؤااد هو اني اتعودت علي وجوده في حيااتي ما اقدرش اعيش من غيره، وابقي عبيطه لو سيبتها تاخده مني انا لازم احاافظ علي جوزي يا بابي.

رشااد

فعشااان تحاافظي عليه هتخليه يتجوز عليكي، انتي كده ما عندكيش كراامه يا جيدا.

جيدا

انا مش هخليه يتجوزها، انا بخطط لكل حاجه كويس بس ارجوك اسمع كلامي.

رشااد

فؤااد ناويه علي ايه في مصر، ايه المشاريع اللي ناوي يعملها

جيدا

عادي يعني ما فيش حاجه هتضرك في شغلك ولا حتي ناويه يلغي شراكته معاك، كل الحكايه انه حابب اسمه يكبر في مصر هنا زي ما كبر في امريكا..

رشااد

ما قبلش ليه نبقي شركاااء هنا كمان؟!

جيدا بتوتر

مش عارفه سيبه براحته يا بابي ارجوووك

رشااد

تمام انا عايز كل تفاااصيل شغله تكون عندي يا جيدا من غير ما هو يعرف، لازم ابقي عارف عنه كل حاجه عشان افهم دماغه، وابقي انا المسيطر عليه وعلي سغله ديما

اتنهدت جيدا بضيق وقالت

اوكي يا بابي حااضر..

ـــــــــــــــــ ــــــــــــــــــ

_وعدي يوووم في التاني والتعامل بين جنه وفؤاااد بحدود جدا، وكانت رافضه تسمع منه اي حاااجه وديما بتتهرب منه، وفي يوووم كانت قاااعده جنه في اوضتها بتذاااكر وموبيلها رن برقم فؤاااد ، فاتجاهلت مكالماته اكتر من مره وبعدين ردت وقالت..

جنه

نعمم..

فؤاد

تلاتين الف مره عشاااان تردي؟!

جنه

مش فاضيه بذااكر..

فؤاد

انزلي طيب عايزك.

جنه

عايز ايه؟

فؤاد

يا ستي انزلي وهتشووفي عايزك في ايه؟

جنه

طيب هو عادي انزل بالبجاامه، مكسله اغير هدومي..

ابتسم فؤاد وقال

معلش مش هينفع تنزلي بالبجاامه

جنه

انا مش واخده منك غير التعب اصلا اقفل..

فؤاد

يلا يا كسوله مستنيكي اهو..

_قفل معاها وهي قاامت غيرت هدومها ولبست بنطلون وبلوزه شكلهم لطيف عليها، ونزلت تحت لقيته قااعد في الجنينه وهو مااسك التابلت بتاعه وجنبيه الحااارس بتاعه..

جنه

نعمم؟

فؤاد

امي فين؟

جنه

نايمه شويه في حاجه ولا ايه.

_حط التابلت علي الترابيزه واخدها ورااح وقف ناحية الجرااش بتاع عربيااته وكانت في عربيه جديده وشكلها حلو جدا لونها احمر..

جنه

احنا رايحين فين؟

فؤاد

قوليلي الاول ايه رئيك في العربيه دي؟

جنه

حلوه.. بس مش اللون ده حريمي شوويه عليك..

فؤاد ابتسم وقال

ما هو ده مش ليا انا، مش انا قولتلك قبل كده هجيبلك عربيه، اهي دي عربيتك لو مش عجبااكي هغيرهالك..

جنه ابتسمت بعدم تصديق وقالت

انت بتهزر صح.. يعني انا دلوقتي معايا عربيه؟!

فؤاد

ايوه وهتبقي بأسمك كمان واول ما تتعلمي السوااقه هطلعلك رخصه علي طول..

جنه

يا فؤاد كده كتير والله ما كانتش لازمه المصاريف اللي علي الفاضي دي، في عربيات كتير هنا..

فؤاد

لا دول بتوعي ما تطمعيش فيهم، لكن دي بتاعتك لوحدك وبعدين مصاريف ايه انا معايا فلوس كتير اووي وكلها ملكك انتي تؤمري واللي تؤمري بيه يبقي تحت رجليكي يا جنه هانم..

جنه

لو كنت سالتني نفسي في ايه كان هيبقي احسن من العربيه الغاليه دي..

فؤاد اتنهد بضيق وقال

حتي رد فعلك عكس اللي توقعته تماما، ماشي نفسك في ايه يا جنه؟

جنه

دبله يبقي مكتوب عليها اسمك، اصلا ده اللي كان نفسي فيه من زمان اننا لما نتخطب البس دبله عليها اسمك، انت كل اللي همك نتجوز وخلاص ونسيت اللي كنا بنحلم بيه زمان..

فؤاد ابتسم بهدوء وقال

تمام هبقي اجيبلك دبله، المهم تعالي عشان اعرفك علي البنت اللي هتعلمك السواااقه وبعدين ارووح شغلي..

جنه

مين دي اللي هتعلمني؟

فؤاد.

بنت كويسه جدا هتديكي درووس سوااقه هتخليكي شاطره جدا وتعتمدي علي نفسك.

جنه

درووس تاني مش كفايه الهم اللي انا فيه انا كده مش هبقي فاضيه لاي حاجه خالص

فؤاد

ما ده المطلوب اني اشغلك علي قد ما اقدر، واخصص وقت في انشغالك ليا لما نبقي انا وانتي فاضيين، عشاان ما تفكريش في حد غيري ولا تفضي لاي حاجه غيري..

جنه

قول كده بقي، طيب انا مش عايزه اتعلم السواقه ولا اي حاجه وبعد كده اللي انا عايزاااه هعمله واللي مش عايزاااه مش هعمله..

جات تمشي بس هو مسك ايدها وقال

كنتي زمان بتقوليلي لما هتتجوزيني هتبقي معايا زي امي ما كانت بتعامل ابويا، امي بقي عمرها ما عصت لابويا كلمه..

جنه

بس ابوك الله يرحمه كان طيب وعمرها ما زعلها ولا مد ايده عليها ولا اتخلي عنها، كان يستاهل انها تسمع كلامه وتنفذه..

فؤاد.

وانا بحبك وبعشقك وبموت فيكي وو..

جنه بخجل

وانت صايم اتلم بقي..

ضحك فؤاد بهدوء وقال

مااشي هسكت بس اسمعي الكلام ويلا بينا نرووح نقاابل البنت، في واحدة تكره انها تتعلم السواقه وتبقي معاها عربيه..

اتنهدت بضيق وقالت

مااشي يا فؤاااد اللي انت عايزه..

ـــــــــــــــــ ــــــــــــــــــ

_وبعد شويه في النادي كان قااعد فؤااد هو وجنه لوحدهم وقالتله بضيق..

جنه

فين البنت اللي قولت عليها دي هو انا فضيالك..

فؤاد وهو ماااسك موبيله

زمانها جااايه اصبري..

جنه

هي النااس اللي بتاكل وبتشرب دول كلهم مش مسلمين؟

فؤاد.

الله واعلم بس الناس هنا بتهتم برمضان زينا

جنه

عشان مش مسلمين يعني؟

فؤاد

لا هما مسلمين بس عادي يعني

جنه بسخريه

هو ايه اللي عادي، صياام رمضان فرض علي كل مسلم والصيام ليه اجر كبير..

فؤاد

واحنا مالنا خليكي في حالك زي ما كل واحد في حاله..

جنه بضيق

عشان كده مش حابه الجو هنا، الناس هنا اغلبهم مش شبهي انا وخالتي، واللي شبهنا شويه بيبقو زيك كده باردين..

فؤاد

انا بارد يا...

_قبل ما يكمل كلامه رن موبيله برقم جيدا، فبص لجنه بغيظ ورد علي جيدا وقال..

فؤاد

نعم يا جيدا؟

جيدا

انت فين ما جيتش ليه لحد دلوقتي؟

فؤاد.

سااعه وجااي في حاجه ولا ايه؟

جيدا

لا بس قلقت عليك، انت كويس؟

فؤاد

ايوه كويس سلام دلوقتي وشويه وجااي..

اتنهدت جنه بضيق وجيدا قالت بسرعه

استني طيب هو سعيد خلاص مش هيجي الشركه تاني؟

فؤاد

لا جاااي هو بس بيجهز لفرحه ومش فااضي..

جيدا

اوكي ما تتأخرش بقي وتعالي انا مستنيااك..

فؤاد

تمام..

قفل معاها وجنه قالت بغيظ.

تكلم طليقتك وتبقي في وشك اليوم كله عادي، وانا اروووح اقابل هاني كعمل انساني تقلب عليا الدنيا..

فؤاد

اللي بيني وبين جيدا شغل، وبعدين جيدا بنت مثقفه وعاقله وانا حاطط بيني وبينها حدود، ما تقارنيش علاقتي بيها بعلاقتك بزفت الطين..

جنه

مش معاك غير تبرر لنفسك وبس، اكتر انساان في الدنيا يطلع نفسه برئ..

_قبل ما يرد عليها جات بنت شكلها جميل ووقفت جنبيهم وقالت..

_مساء الخير يا فؤااد. بيه، انا ماري نعيم اللي اتواصلت مع حضرتك عشاان درووس السوااقه

فؤاد

اهلا وسهلا اتفضلي.

قعدت ماري معاهم وقال فؤاد. بجديه.

اعرفك جنه تبقي خطيبتي وهي اللي هتتعلم السواقه

ابتسمت ماري لجنه وقالت

طيب كويس انا كنت فااكره حضرتك اللي هتتعلم السوااقه، بس كويس وطلعت الانسه..

فؤاد

اشمعنا؟!

ماري بتوتر

اصل بصرااحه اتعرضت لحاجات مش لطيفه خالص مع الرجاله اللي كنت بعلمهم السواقه، بس قبلت بحضرتك لان طريقة كلامك معايا كانت محترمه وكمان طلعت رلجل مشهور وليك سمعتك...

فؤاد.

تمام هسيبكم تتعرفو علي بعض وتتفقو علي المواعيد وانا هرد علي الفون وجااي، ولو جنه ارتاحت معاكي واتفقتو مش هنختلف في الباقي اللي هتطلبيه هتاخديه وزيااده..

_قال كلامه وساابهم ومشي من غير ما حتي يسمع ردها عليه، فابتسمت ماري لجنه بأحراااج وقالت..

ماري

احممم واضح ان. خطيبك مستعجل شويه ومشغول..

جنه

معلش هو فعلا مشاغله كتير..

ماري

مش مشكله، قوليلي يا انسه جنه هو انتي جربتي تتعلمي السواقه قبل كده ولا دي اول مره..

جنه

لا دي اول مره وياريت تقوليلي جنه علي طول..

ماري

احسن برضو وانا ماري بس من غير اي القااب برضو..

ابتسمت جنه وماري قالت

شكلك لطيفه اووي وهنتفق مع بعض..

جنه

ان شاء الله، لو حاابه تشربي حااجه اتفضلي مش مشكله..

ماري

لا لا انتي صايمه اكيد ومش هينفع اشرب حاجه قدامك.

جنه

ما فيش مشكله والله..

ماري

انا مش هقدر اعمل كده خلاص، المهم قوليلي بقي علي مواعيدك وامتي هتكوني فاضيه عشان نتفق علي يومين او تلاته في الاسبوع نتقابل فيهم..

_قبل ما ترد عليها جنه وقف جنبيهم فارس مندور وقال بنبره خبيثه..

فارس

مش معقول كل ما اقرر اجي الناادي اشوووفك..

وقعد معاهم مكان فؤاد. وقال

اكيد دي مش صدفه وبعدين هنبقي زملا في كليه واحده ومش عيب اننا نتعرف ولا ايه؟

جنه بضيق

لو سمحت قووم من هنا..

فارس

لا مش هقوم، فكريني بس انتي قولتيلي قبل كده اسمك. ايه؟

وقف فؤااد وراااه في الوقت ده وقال

قالتلك امتي بقي اسمها يا رووح امك.؟..

_بصتله جنه بخووف و؟؟.

الفصل الرابع عشر من هنا

أهواكَ.. رغم عواصفِ الانتقام

_كانت قاااعده جنه في النادي مع ماري البنت اللي هتعملها السوااقه وفؤاااد رااح بتكلم في الفون وفجأه قعد فارس مندور معاهم وقال..

فارس

اكيد دي مش صدفه وبعدين هنبقي زملاء في كليه واحده ومش عيب اننا نتعرف ولا ايه؟

جنه بضيق

لو سمحت قوووم من هنا...

فارس

لا مش هقوم، فكريني بس انتي قولتيلي قبل كده اسمك ايه؟

وقف فؤاد ورااه في الوقت ده وقال

قالتلك امتي بقي اسمها يا روووح امك؟..

بصتبه جنه بخووف وفارس قاام وقف وقال

انت مين وبتتكلم معايا كده ازاي؟

مسكه فؤاد من هدومه وقال

هو انا لسه اتكلمت ولا قولت حاجه، انت مين ياااه ومالك ومالها اصلا.

جنه بخوف

يا فؤاد ما فيش حاجه سيبه..

فارس بحده

يا عم اوعي والله لاوديك في ستين داهيه..

فؤاد بغضب

من غير ما احلف والله لو شووفتك تاني في اي مكان هي فيه لادفنك صااااحي، اياااك تقربلها تاني انت فااهم..

فارس بحده

انت مين عشان تهددني انا كده...

جنه قربت من فؤااد وقالتله بقلق

خلاص يا فؤاد ما حصلش حاجه يلا بينا عشاان خاطري..

فارس بغيظ

شيل ايدك من عليا احسنلك..

_بعد عنه فؤااد شويه لكن بكل قوته لكمه في وشه خلاه وقع علي الارض وشهقت جنه بخووووف وفؤااد قرب منه وهو علي الارض وقاله بنبره تحذيريه كلها غضب..

فؤاد

اللي انت بتحاول تلطف معاها دي خطيبتي، واللي يقربلها بس همحيه من علي وش الدنيا..

جه في الوقت ده كريم وقال بحده

فؤااد انت اتجننت ازاي تمد ايدك علي اخويا..

_بعد فؤاد عن فااارس واتفاجئ انه يبقي اخو كريم، ووقف فاااارس جنب كريم وهو ماااسك مناخيره اللي بتنزف بألم وقال..

فارس

خطيبته زميلتي في الجامعه وبتعرف عليها عادي، فالبيه جه واتخانق معايا..

فؤاد بجمود

انا خطيبتي مش بتدرس اصلا، واخوووك بيدايقها، وبعدين انتو عايزين مني ايه مره انت ومره اخوووك..

كريم

اتكلم كويس يا فؤااد انا لما جيت اتقدمتلها كان في سووء تفااهم وما اعرفش انها خطيبتك، واخويا اكيد ما كانش يعرف انها خطيبتك..

اتوترت جنه وبصت لفؤاد بقلق وقالت

يلا بينا يا فؤاااد ارجوك...

فؤاد بجديه

وعرفتو اهو ياريت ما اشوفش وش اخوك جنبها تاني..

كريم

اكيد ده اللي هيحصل، وانا بعتذرلك جدا يا جنه لو كان اخويا دايقك في حاجه..

جنه مسكت ايد فؤاد وقالت

حصل خير..

كريم

هستنااكي مع فؤاااد بكره علي الفطار، بلاش تعملي زي عيد ميلاد بنتي وما تجيش..

اتنهد فؤاد بضيق وقال

ان شاء الله يا كريم بيه بعد اذنك...

_قال كلامه واخد جنه ومشي وهو متعصب جدا، وكريم بص لفارس بغيظ وقال..

كريم

وبعدين انت مش ناوي تكبر خالص..

فارس

اقسم بالله ما كنت اعرف انها مخطوبه، وبعدين الهمجي ده مد ايده عليا وانت بتعتذرلهم..

كريم

عشاان انت غلطان اصلا..

فارس

هو الغلط ده بيبقي عندي انا وبس، طيب ما انت مقضيها وو... استني صح هو انت اتقدمتلها بجد.، هي البنت دي اللي خلتك تقفل من صنف الستات اليومين دول..

اتوتر كريم وقال

بطل شغل العيال بتاعك ده واحمد ربنا اني كنت هنا ولميت الموضوع، بدل ما كان فؤاد دشملك اكتر..

فارس

انا لولا عملتلك حساااب كنت هقوم اكسره..

كريم

طيب يلا يا اخويا..

_بص فارس لماري اللي كانت قاااعده ومتاابعه الحوار بتاعهم وقالها بهدوء...

فارس

بقولك انتي صاحبتها صح؟..

ما ردتش عليه ماري وفارس قال

طيب معاكي رقمها

زعق فيه كريم وقال

اتنيل امشي يلا يا تافهه..

_ومشي كريم هو وفؤاد وماري فضلت قاااعده مدااايقه، فقرب منها رااجل كبير وقال..

ـ في حاجه يا بنتي بتعيطي ليه؟

ماري

عشاان خيبتي مش عارفه الاقي شغل، واهو لما لقيت شغل منااسب الناااس مسكت في بعضها..

ـ وانتي بتشتغلي ايه؟

ماري

موكوسه يا حج..

ـ موكوسه؟! انتي شكلك مجنونه اصلا..

ـــــــــــــــــ ــــــــــــــــــ

_وبعد شويه في عربية فؤااااد كان سايق وهو متعصب جدا، وجنه بصتله بقلق وقالت...

جنه

هو انت ما قولتليش ليه ان كريم ده اتقدملي؟...

فؤاد

وكان هيفرق معاكي في ايه؟

جنه

ولا حاجه بس كنت قولتلي، اصلا واحد زي كريم ده اتقدملي انا ليه؟

فؤاد بغيظ

راجل نسوانجي وعينيه زايغه، وما كانش يعرف انك تخصيني كان فاكرك بنت خالتي وبس، وانتي تعرفي اخوه منين بقي؟

جنه

لما اخدتني الجامعه عشان نشووف هتفدملي ازاي، وانا مستنيااك شوفته صدفه وحاول يستظرف وانا سيبته ومشيت وشوفته تاني في النادي بس والله ما اتكلمت معاه..

فؤاد بضيق

اممم مدام الدراااسه هتبدأ بكده يبقي بلاش منها..

جنه

يعني ايه؟

فؤاد

يعني خلاص انا غيرت رأيي ما فيش كلياات..

جنه بدموع

اومال عشمتني ليه بيها من الاول؟

فؤاد

كنت بشغلك عن اي حاجه ممكن تبعدك عني، بس انا مش ناااقص يطلعلك معجبين هناااك كمان..

جنه بحده

بس المفروض انك واثق فيا اني لو مين قدااامي مش هشووف غيرك ولا هحب غيرك..

ابتسم بهدوء وقال

قوليها تاني كده..

جنه

هي ايه؟

وقف العربيه وبصلها بهدوء وقال

مش هحب غيرك دي..

بصت للناحيه التانيه بضيق وقالت

مش هقول حاجه، انت اصلا بتلعب بيا ومش قد كلامك وهبطل احبك اصلا

فؤاد

ما كنتي ماشيه كويس رجعتي تحدفي دبش تاني ليه؟

ما ردتش عليه وهو قال

طيب هخليكي تكملي درااستك بس لو حصلت حاجه تاني زي دي والله يا جنه ما هخليكي تشووف الشارع تاني اصلا.

جنه

هو انا عملت ايه ولا ذنبي ايه اصلا؟

فؤاد

لما حد يدايفك تقوليلي يا جنه.

جنه

حاضر..

ورجع سااق العربيه وقالها

وما تشوفيش غيري وما تحبيش غيري مفهوم..

ابتسمت غصب عنها وقالت

هو انا في حااجه جيبالي الكافيه غير كده اصلا..

_ابتسم هو كمان بهدوووء وكملو طريقهم لحد البيت، وبعد ما وصلها رااح لبيت سعيد وكان قااعد علي القهوه اللي تحت بيتهم ونزل سعيد وقعد جنبيه وقاله..

سعيد

في حد يقعد علي القهوه في رمضان؟

فؤاد

البركه في مرات ابوك قالتلي انزل استناااه تحت وقفلت الباب في وشي..

سعيد

هي اول مره.

فؤاد

لا انا متعود علي كده منها من لما ابوك اتجوزها، لولا اني صاايم كنت وصفتها بالوصف اللي يليق عليها..

سعيد

انت جاي ليه؟

فؤاد

جااي اصالحك مش انت لسه مقموص وعملتلي بلوك كمان ومش عارف اكلمك

سعيد

حصل خير يا فؤاد ما تاخدش في بالك والبلوك اهو يا سيدي هفكه..

فؤاد

وترجع تشتغل معايا..

سعيد

لا الله الغني عنك وعن شغلك انا تمام كده، والفلوس اللي اخدتها منك كلها هرجعهالك وكتر الف خيرك لحد كده..

فؤاد

يا سعيد ما تبقاش غلطان وتقاوح معايا كمان، لو انا اخدت لبني ووديتها لواحد كانت بينها وبينه علاقه مثلا هتبقي مبسووط؟..

سعيد

لو كنت قولت لجنه مش هرووح معاها كانت هتروووح لوحدها وانا خوفت عليها فروحت معاها عشاانها هي مش عشاانك انت..

فؤاد

كان المفروض تيجي وتقولي يا سعيد، مش تخليها تكدب عليا وانت كمان تكدب عليا.

سعيد

والله موضوع ولا مستاهل بس انت حقك بقي تعمل اللي انت عايزه، علي العموم انا غلطان يا سيدي حقك عليا ممكن بقي تسيبني براحتي..

فؤاد

يا سعيد انا محتاجلك معايا في الشغل، هو انا ليا غيرك هنا ولا بثق في حد قدك

سعيد

وانا مش قد الشغل بتاعك ده يا فؤاد ولا قد الحوارت اللي بتحصل فيه، وبعدين انت مش محتاج حد انت بقيت مليونير اهو وعملت الشغل ده كله لوحدك وجودي معاك مش هيزيدك حاجه..

فؤاد

يعني ده اخر كلام عندك

سعيد

ايوه والشقه انا هرجعهالك هي وكل الفلوس اللي اخدتها منك واجلت جوازي من لبني لحد ما اظبط حالي..

فؤاد

اقسم بالله لو عملت كده لتبقي خلصت للابد، ده حقك يا سعيد وانت اشتغلت معايا الكام شهر دول، وبعدين انت اخويا والمفروض مهما حصل بينا ما نزعلش من بعض..

سعيد

يا عم واحنا زي ما احنا بس بلاش يبقي شغل بينا ولا فلوس..

فؤاد.

خلاص من دلوقتي اللي عايزه اعمله، بس شقتك وفلوسك انا مش هاخدهم وهجيبلك شغل في مكان تاني بعيد عني المهم تتجوز بقي وتخلصنا..

سعيد

بقولك ايه انا ممكن اللي اقوله ده يزعلك بس جيدا مش ناويه علي الخير..

فؤاد.

ايه اللي خلاك تقول كده؟

سعيد.

مش عارف بس هي بتخطط لحاجه، ونيتها من ناحيتك انت وجنه مش كويسه.

فؤاد.

ما تقلقش انا فااهم جيدا كويس وبعرف اوقفها عند حدها..

سعيد

ياريت تكون كده فعلا وربنا يستر، المهم ما تيجي تفطر معانا النهارده..

فؤاد

في وش مرات ابوووك انت عايزها ترميني وترميك من فووق..

سعيد

علي اساس انها بتفطرني انا في البيت، انا هفطر مع صحابنا بتوع زمان في الشارع.

فؤاد.

خليها مره تانيه، وانا هجمعلك شغل وهكلمك وترد عليا مش بشحت منك انا..

سعيد ابتسم وقال

عينيا حااضر يا صااحبي..

ـــــــــــــــــ ــــــــــــــــــ

_وعدت الاياام وقبل فرح فؤاد وجنه بأيااام، كان قاااعد فؤااد في الجنينه بتاعت بيته وقداامه اللابتوب بتاعه وجات جنه وقعدت جنبيه وقالتله..

جنه

فاضي ولا اسيبك تشتغل..

فؤاد بهدوء

افضالك مخصوص يا جنه..

جنه

هو انت كنت بايت فين امبارح وبقالك فتره بتباات كتير بره البيت؟

فؤاد

شغل يا جنه انا بظبط شغلي هنا فهبقي مضغوط شويه..

جنه

حتي بعد ما نتجوز هتفضل علي الحال ده؟

فؤاد

نتجوز بس وربنا يحلها يا جنه..

جنه

لو انت مشغول احنا نأجل الجواز شويه..

فؤاد

مستحيل بعد بكره العيد تاني يوم العيد فرحنا، وبظبط برضو هعملك اكبر فرح في مصر..

جنه

لا بلاش هو حلو نكتب الكتااب ونعزم لبني وسعيد وحبايبنا من الحاره وخلاص..

فؤاد

لا انا عايز اعملنا فرح نفضل طول عمرنا فاكرينه، وبكره هيكون فستان الفرح بتاعك خلص..

جنه

تمام بس بعد ما نتجوز ما فيش حاجه اسمها تباات بره البيت..

فؤاد

والله انتي وشطارتك بقي، لو جدعه تخليني ما اخرجش من البيت خالص..

ابتسمت بخجل وقالت

انا مش متخيله اننا خلاص هنتجوز وحلم حياتي هيتحقق..

فؤاد ابتسم بهدوء وقال

نفس احساسي والله، كل ما افتكر ان خلاص هتبقي مراتي ببقي في قمة سعادتي..

جنه

بس انا خايفه حاسه ان في حاجه هتحصل.

مسك فؤااد ايدها وقال

مهما كان اللي هيحصل انا مش هسيبك، وفرحنا هيتم وانسي الخوف ده خالص ايامك اللي جايه معايا كلها هتبقي سعاده وبس..

جنه

ان شاء الله.. هسيبك بقي تكمل شغلك وهدخل اقعد مع خالتي..

قربها ليه واخدها في حضنه وقال

امي زمانها نامت وانا شغلي اخلصه بكره، خليكي قاااعده معايا.

جنه بخجل

طيب اوعي كده عيب يا فؤاد..

فؤاد

لا مش هسيبك احنا حلوين كده، انتي فاضيه بكره مش كده؟

جنه

لا عندي درس السوااقه مع ماري وكمان هاخدها معايا هي ولبني عشان اشووف فستلن الفرح، بس انت ليه بتسأل؟

فؤاد

كنا هنرووح نشتري هدوم العيد زي زمان ونجيب شوية حاجات كده عشان الفرح...

جنه

حاجات ايه؟

فؤاد

حاجات بتاعت العرايس دي لزوم الدلع..

ضربته علي كتفه بخفه وقالت

لمم نفسك واكيد مش هجيب الحاجات دي قدامك..

فؤاد ضحك بهدوء وقال

بس هتلبسيهم قداامي يا عبيطه، كنسلي لماري بكره ولـ لبني وهرووح انا وانتي نشووف فستان الفرح ونشووف هنجيب ايه كمان..

جنه

لا فال مش حلو انك تشوف معايا فستان الفرح

فؤاد

سيبك من الكلام الفارغ ده، هنروح سوا بكره يعني هنرووح

جنه

طيب اوعي كده خليني اقوم عشاان اجهز السحور

فؤاد

تعالي هنجهزه سوا..

جنه

فؤاد بيه بنفسه هيجهز معايا السحور؟!

فؤاد

فؤاد بيه دي هناك مع النااس اللي بشتغل معاهم اللي وجودي معاهك مصلحه وبس، انما هنا انا فؤش حبيب جنه وبتاع جنه وبس..

ضحكت بهدوء وقالت

تمام يلا بينا يا حبيب قلب جنه..

ـــــــــــــــــ ــــــــــــــــــ

_وفي الوقت ده في مكان تاني في شقه راقيه جدا في مكان هادي اووي، كان قااعد هاني وهو ماسك سجارته في ايده ومعاه جيدا اللي قالتله بقلق..

جيدا

انت متاكد من الناااس اللي هتسااعدك دي؟

هاني

ايوه هعمل اللي عايزه واخد بعضي بعدها واهرب بره البلد خالص..

جيدا

المهم عندي تخلصني من جنه

هاني

ده نفس هدفي انا كمان اني اخلص منها واخد منها حقي، والا كان زماني سافرت يس لازم ابرد ناري الاول وانتقم منها علي كل اللي حصلي بسببها..

جيدا

وهتعمل كده امتي؟

هاني

زي ما قولتلك يووم فرحها عليه.

جيدا

انا ما كنتش عايزاااهم يتجوزو اصلا حاولي تخلي الموضوع يبقي اسرع من كده

هاني

لا هو كده حلو، انا كده هبقي مرتاح اكتر، في واد قناااص كده ايده حلوه هيخلص الموضوع ده

جيدا

المهم فؤاد ما تحصلوش حاجه..

هاني

اطمني مشكلتي مع جنه مش مع فؤاااد..

ـــــــــــــــــ ــــــــــــــــــ

_وتاني يووم الصبح كان فؤااد. واقف قداام المرايا بيظبط في هدوومه وموبيله رن برقم سعيد فرد عليه وقال..

فؤاد

ايه يا سعيد.

سعيد

في خبر مش كويس..

فؤاد

في ايه؟

سعيد

بيقولو في الحته ان هاني هرب من السجن

فؤاد

ممكن تكون اشاعات؟

سعيد.

لا هو مخطط لكده، من كام يوووم حد من قرايبه جه باع البيت والورشه وقال ايه بتوعه وكان شوقي بايعهم ليه زمان، الراجل ده مش هيسكت ومش هيسيبلك جنه كده بالسااهل..

فؤاد

وبعدين بقي...

سعيد

خلي بالك من جنه بلاش تخليها تخرج كتير لوحدها..

فؤاد

من غير ما تقول وربنا يستر،اقفل دلوقتي وانا هتصرف...

_وقفل فؤاد. معاه وكلم جيدا اللي ردت عليه وقالت بهدوء..

جيدا

صبااح الخير يا بيبي

فؤاد.

انتي عرفتي ان هاني هرب؟

جيدا

هاني مين؟

فؤاد.

طليق جنه يا جيدا ركزي معايا

جيدا

اااه لا ما اعرفش هو هرب امتي؟

فؤاد.

كلمي المحامي خليه يعرفلنا اللي حصل، وانا هكلم النااس اللي حبسووه في الاول الرااجل ده لازم يتقبض عليه تاني وجوده بره السجن خطر علي جنه..

جيدا بخبث

طبعا خر عليها واحنا لازم نتصرف، اقفل انا هكلم المحامي ونتقابل في الشركه ونشوووف حل للموضوع ده..

فؤاد

تمام انا جاي حالا اهو..

_وقفل مع جيدا وكمل لبسه وخرج راااح لاوضة جنه اللي كانت لسه نايمه، ودخل من غير ما يخبط علي الباب وقرب منها وباااس راسها بهدوء وقال..

فؤاد

جنه... جنه...

فتحت عينبها وقاامت مفزوعه وقالت

انت بتعمل ايه؟

فؤاد

في ايه يا بنتي بصحيكي..

حدفته بالمخده وقالت بحده

مليووون مره اقولك تخبط الاول قبل ما تدخل..

فؤاد بغيظ

بعد بكره هتبقي مراتي متأفوريش..

جنه

بعد بكره مش دلوقتي. وجاااي تصحيني كده عايز ايه؟

فؤاد

ما تخرجيش من البيت غير لما اجيلك..

جنه

ما اما قولتلك هرووح درس السوااقه مع ماري وانت تعالي خدني من هناك عشان نقضي اليوم سوا زي ما متفقين..

فؤاد

لا اجلي درس السوااقه دلوقتي

جنه

ليه يعني؟

فؤاد.

كده وخلاص يا جنه. ما فيش خرووج من البيت غير وانتي معايا مفهوم

جنه

هتحبسني هنا يعني، وبعدين كنت هكلمك واقولك اني عندي كورس مهم وو..

فؤاد بحده

يا جنه اسمعي الكلام، ما تخرجيش من البيت في، معايا وهنبه علي الحراااس تحت انتي وامي مش هتخرجو من البيت طول ما انا مش موجود..

جنه بضيق

براحتك يا فؤااد..

فؤاد

من غير ما تقلبي وشك عليا كده انا خايف عليكي وبعدين هفهمك كل حاجه..

جنه

امشي يا فؤاد عايزه انام؟..

فؤاد

نامي وشويه وهاجي اخدك واجيبلك كل اللي انتي عايزاااه..

_قال كلامه وخرج وهي رجعت نامت، وبعد شويه دخلت عندها عايده وقالت..

عايده

ماله فؤااد يا جنه كان بيزعق ليه؟

جنه بضيق

بيقولي ما اخرجش منالبيت لوحدي، كنا حلوين امبارح مش فاهمه في ايه علي الصبح..

عايده

الله اعلم معاه ايه معلش اتحمليه شويه..

جنه

مااشي يا خالتي، هكلم ماري بقي اقولها مش هروح الدرس بتاع السواقه النهارده..

عايده

مااشي وكملي نووم لسه الوقت بدري يا حبيبتي..

جنه

حااضر..

ـــــــــــــــــ ــــــــــــــــــ

_وبعد شويه في الشركه بتاعت فؤااد، كان قااعد في مكتبه وموبيله رن برقم. كريم مندور، فرد عليه فؤاد وقال..

فؤاد

الو....

كريم

ازيك يا فؤاد عامل ايه؟

فؤاد

تمام يا كريم بيه بخير، حضرتك اخبارك ايه؟

كريم

بخير... المهم انا عايز اقابلك ضروري..

فؤاد

تمام تحب اجيلك الشركه..

كريم

مااشي مستنيك.

فؤاد

هو في حاجه طيب؟

كريم

لما تيجي هتعرف انا عابزك في ايه، وبلاش جيدا تعرف اننا هنتقابل..

فؤاد

تمام... مساافة الطريق وهكون عندك...

‌_قفل معاه وفي الوقت ده دخلت عنده جيدا اللي قالتله..

جيدا

مين ده اللي انت رايحله؟

فؤاد

سعيد.

جيدا

المهم كلمت شركة الامن وهيزودو الحرااسه علي البيت وعلي الاوتيل اللي هتعمل فيه فرحك.

فؤاد

تمام وكبري دماغك انا ههتم بالباقي..

جيدا

انا هحضر فرحك علي فكره

فؤاد

ليه؟

جيدا عيونها اتملت دموع وقالت

عايزه اشووفك مبسوط حتي لو مع واحده غيري، فرحتك بتسعدني اصلا، هرووح اكمل شغلي ولو اختات حاجه هجيلك..

_قالت كلامها وسااابته ومشيت، وهو قااام وراااح لكريم مندور وقعد معاه في مكتبه وقاله..

فؤاد

خير يا كريم بيه؟

كريم

حماااك كلمني من كام يووم واتقابلت انا وهو ومراتك

فؤاد بقلق

قصدك مين؟

كريم ابتسم بسخريه وقال

رشاااد العربي ما هو قالي انك اتجوزت جيدا او رجعتلها بس في السر لحد ما تتمم جوازك من جنه

اتنهد فؤاد بضيق وقال

دي امور شخصيه اظن مالهاش علاقه بالشغل اللي بينا

كريم

بالظبط وانا الموضوع ده ما يهمنيش في حاجه، المهم حماااك طلب مني اوقف كل شغلنا سوا واخليك تفشل هنا وتقع

فؤاد

الكلام ده بجد.؟

كريم.

اللي فهمته منه ومن بنته انهم عايزينك ترجع معاهم اوربا وتنهي كل حاجه هنا، انا بقولك الكلام ده لاني شايفك. طمووح وذكي وشغلنا سوا فيه برضو استفااده ليا، انا مش هسمع كلامهم وهكمل معاك بس انت خلي بالك عشان انت لو وقعت انا مش هقدر اعملك حاجه مصلحتي عندي اهم من اي حد..

فؤاد

تمام يا كريم بيه انا هتصرف معاهم ومن النهارده الشغل هيبقي بيني وبينك وبس..

كريم

وده افضل برضو وانا هفضل ادعمك طول ما انت ناااجح وبس..

فؤاد

تمام... بالمناسبه انا جايبلك معايا دعوة فرحي تاني يووم العيد...

اخد منه كريم الدعوه وقال

الف مبروووك.. عندي سؤال هي جنه تعرف انك متجوز جيدا؟

فؤاد بجمود

ايوه..

كريم

غريبه اومال ليه جوازك من جيدا في السر؟

فؤاد

بعد ما اتجوز جنه هعلن جوازي من جيدا عشان الناااس وكده..

كريم

ربنا يكرمنا زيك كده باتنين متفاهين ده انا اعرف ناااس ما بتقدرش علي واحده بس..

فؤاد

ربنا بس يتمم علي خير، هستأذن انا وبشكرك علي دعمك ليا..

كريم

العفو يا حبيبي اتفضل..

_ومشي فؤااااد من عنده وكريم فتح الدعوه وبص لاسم جنه واتنهد بضيق وقال...

كريم

نفسي اعرف اشمعنا انتي اللي انشغل بيكي بالشكل ده...

_وبالليل في اتيليه كبير كانت واقفه جنه جنب فؤااااد اللي قالها بضيق..

فؤاد

بطلي هبل وادخلي قيسي الفستان ووريهولي..

جنه

لا لا ما ينفعش فال وحش بقولك، انا هدخل اقيسه واجيلك خليك هنا..

فؤاد

يعني مش هشووف

ابتسمت بهدوء وقالت

يوووم الفرح يا حبيبي هانت اهي كلها بعد بكره...

_ودخلت فعلا تقيس الفستان وبعد شويه كانت واقفه قداام المرايا بتبص لنفسها بانبهاااار وشكل الفستان كان حلو جدا عليها بتصميمه الرااقي ورفعت الطرحه اللي كانت في ايدها وحطتها علي شعرها، واتملت عيونها دموع، وقبل ما تفتكر اي حاجه من جوازها الاول، دخل عنها فؤاااد وقرب منها وقال بنبره هامسه..

فؤاد

احلي عروسه في الدنيا زي ما توقعت بالظبط

جنه بتوتر

انت جيت ليه يا فؤاد عايزين فرحنا يتم بخير..

فؤاد

ان شاء البه هيتم بخير..

ومسك ايدها وباسها وقال

من اول يوم شووفتك فيه وانتي طفله عندها شهور وانا بحلم باللحظه دي..

ابتسمت جنه بهدوء وقالت

ده اللي هو ازاي..

فؤااد

اول ما شوفتك كنت فرحان بيكي اوووي، وجات امي وقالتلي دي لما هتكبر هتبقي عروستك، ومن يومها بقي وانا بخلم باليوم اللي هتبقي فيه فعلا عروستي.

جنه رجعت بصت في المرايا وقالت

طيب بجد شكلي حلو في الفستان

قرب منها فؤاد وحضنها وهو واقف وراها وقال

زي القمر والله..

بعدت عنه بسرعه وقالت

طيب اتفضل بقي عشان اغير هدومي

فؤاد

طيب استني هسااعدك

جنه بخجل

لم نفسك بقي يا فؤااد واستناني بره يلا..

قرب منها باااس راسها وقال

ماشي يا حبيبتي ما تتأخريش بقي..

_قال كلامه وساابها وخرج وخي رجعت بصت لنفسها في المرايا وحطت ايدها علي قلبها واتنهدت بضيق وقالت..

جنه

خير ان شاء الله اكيد خير، يااارب كمل فرحتي علي خير وما توجعش قلبي تاني..

_فـ هل فعلاً سعادتها هتكمل ولا للقدر رأي تاني؟

الفصل الخامس عشر من هنا

سدّد السهمَ وسمّى ورمى

ففؤادي نهبةُ المفترسِ

​والذي أجرى دموعي عندما

أعرضتَ من غيرِ سببِ

​ضَعْ على صدري يُمناك فما

أجدرَ الماءَ بإطفاءِ اللهبِ

​وَطَرٌ ما فيهِ من عيبٍ سوى

أنهُ مرَّ كلمحِ البصرِ

_بيبدأ البارت و جنة غرقانة في نومها والهدوء محاوط الأوضة من كل جانب، وفجأة انفتح الباب بهدوء ودخل فؤاد وهو بيمشي على طرطيف صوابعه لحد ما وصل لسريرها، وقعد جنبها وبدأ يحرك إيده بحنية على وشها وهو بيبتسم ابتسامة صافية، أول ما جنة حست بحركة ايدة فتحت عينها واتخضت وقعدت بسرعة وهي بتعدل غطاها وقالتله بتوتر وخجل..

جنه

انت دخلت هنا ازاي يا فؤاد انا قافلة الباب بالمفتاح قبل ما أنام؟!

​ضحك فؤاد بهدوء وهو بيبصلها بوقاحة وقال

نسيتي إن ده بيتي يا جنة وكل مفاتيح البيت ده في جيبي يعني ما فيش باب يتقفل في وشي أبداً

جنة بضيق

بس ده عيب وحرام، ما يصحش تدخل عليا الأوضة وأنا نايمة كده

ـ قرب منها أكتر وهمس قدام وشها وهو بيعدل خصلة شعر نزلت على عينها وقال

فؤاد

كلها كام ساعة و بكرة يجي وتبقي مراتي يا جنة وساعتها لا هيبقى عيب ولا هيبقى حرام ده هيبقى كله حلالي

​جنة وشها قلب احمر من الخجل وقالت

طيب لم نفسك يا فؤاد وقولي جاي هنا دلوقتي ليه وعايز مني إيه في الوقت ده؟

فؤاد

اسمعي كده..

_ في اللحظة دي كان صوت ميكروفونات الجوامع بدأ يملى الدنياا كلها بتكبيرات العيد ،و فؤاد كمل كلامه وقالها بهدوء..

فؤاد

الفجر لسه مأذن والتكبيرات بدأت، جيت أصحيكي زي ما كنت بعمل زمان وإحنا صغيرين عشان نسمع صوت التكبيرات سوا ونبدأ العيد مع بعض.

​جنة ابتسمت باتساع وقالت

إنت لسه فاكر؟!

مد إيديه ليها ورد عليها وقال

وما اقدرش أنسى يا جنة، قومي معايا كده..

_مسكت إيده وخدها ووقفوا في البلكونة والهوا البارد بتاع الفجر كان مخلي الجو احلي مع تكبيرات العيد، وجنة غمضت عينها وهي بتسمع التكبيرات وقالت بهدوء..

جنه

بجد صوت التكبيرات ده أكتر حاجة في الدنيا بتحسسني بالعيد.

​فؤاد ابتسم وقال

فاكرة لما كنت بشيلك على إيدي زمان وباخدك معايا الجامع عشان تصلي العيد وتتفرجي على الناس والبلالين واجيبلك العروسه بتاعت العيد، اهي لفت الايام وجه العيد تاني وانتي اللي بقيتي احلي عروسه، فاكره الحاجات دي بقي ولا نسيتي.

‌ جنة ضحكت بهدوء وقالت

فاكرة طبعاً كنت بتصمم إنك تشيلني طول الطريق..

فؤاد غمز لها وقرب من ودنها وقال

وبكرة إن شاء الله هشيلك برضه على إيدي بس المرة دي هتبقى شيلة الفرح يا عروسة

ـ جنة بعدت عنه بخجل وضربته بخفة على كتفه وقالت بتوتر...

جنه

اتلم بقى يا فؤاد ويلا اخرج بره عشان أغير هدومي وأروح أصلي العيد في الجامع.

​ملامح فؤاد اتغيرت للجدية وقال

لا صلاة في الجامع ما فيش، هتصلي هنا في البيت وبعد الصلاة أنا هخرجك وأفسحك في كل مكان تحبيه بس ما فيش خروج لوحدك من البيت خالص النهاردة

جنة بضيق

يوه يا فؤاد ليه كل التحكمات دي، أنا عايزة أنزل وأفرح مع الناس

_فؤاد مسك إيدها بقوة وحنان في نفس الوقت وقالها....

فؤاد بجمود

دي مش تحكمات يا جنة دي غيرة وخوف عليكي، أنا بغير من الهوا اللي بيلمسك فما بالك بالناس في الزحمة.

​جنة ضحكت بسخرية وقالت

والله يا فؤاد إنت غريب، ده هاني اللي كانوا بيقولوا عليه مجنون بيا ما كنش بيغير عليا زيك كده ولا كان بيمنعني من الصلاة واني اخرج براحتي

_فجأة ملامح فؤاد اتحولت لغضب جحيمي وعيونه برقت وقال بنبرة مرعبة..

فؤاد

ما اسمعش الاسم ده على لسانك تاني يا جنة، ما فيش حد في الدنيا دي كلها حبك ولا هيحبك قدي أنا، وسيرة هاني دي لو اتقالت تاني في بيتي والله هرميكي من فوق ، إنتي لازم تنسيه خالص وتنسي كل لحظة عيشتيها معاه كأنها ما كانتش، إنت دلوقتي بتاعة فؤاد وبس.

_​جنة حست إنها غلطت وحاولت تهدي الموقف وقالت بتوتر...

جنه

خلاص يا فؤاد أنا أسفة والله ما قصدت أضايقك.

فؤاد اتنهد بضيق وقال

أنا مش عايزك تفكري في اي حد غيري يا جنة مهما كان مين، أنا وبس اللي في حياتك

جنة ابتسمت بهدوء وقالت

حاضر يا حبيبي خلاص مش هروح الجامع وهكلم لبنى تيجي تقعد معايا هنا في البيت ومش هخرج من باب البيت غير وانا معاك

فؤاد ابتسم وباس راسها وقال

كده إنتي جنة حبيبتي اللي بتسمع الكلام، يلا غيري وصلي وأنا هصلي واجي عشان نفطر سوا

_قال فؤاد كلامه وسااابها ونزل فؤاد و لقى عايده قاعدة في الصالة وباين عليها الضيق والحزن، قرب منها وباس إيدها وراسها وقالها...

فؤاد

كل سنة وإنتي طيبة يا ست الكل وعيد سعيد عليكي يا رب

عايدة بصتله ودموعها نزلت وقالت

وإنت طيب يا فؤاد ، بس العيد هنا ما لوش طعم يا ضنايا أنا مش حاسة بيه هنا

​فؤاد استغرب وقعد جنبها وقال

ليه بس يا أمي ده إحنا في خير ونعمة وفرحي أنا وجنة بكرة يعني المفروض تكوني أسعد واحدة في الدنيا..

مسحت عايدة دموعها بطرف طرحتها وقالتله

العيد هناك يا فؤاد في الحاره في الحته اللي عشت فيها عمري كله، كان العيد هناك ديما ليه حس وصوت، إنما هنا الجيران دمهم يلطش وكل واحد قافل على نفسه ولا حد عبرنا ولا قالنا كل سنة وأنتم طيبين، أنا عايزة أرجع الحارة يا فؤاد نعيد وسط أهلنا وحبايبنا ونحس بفرحة العيد بجد.

​اتنهد فؤاد بضيق وقال

والله انتو كلكم وش فقر..

عايده

بتقول ايه يا زفت انت؟!

فؤاد

بقول ما ينفعش يا أمي نرجع الحارة دلوقتي خالص

عايدة

ليه يا ابني، إيه اللي يمنعنا نروح نقضي يومين وسط الناس اللي عشرة عمرنا معاهم...

_ فؤاد قرب منها أوي ووطى صوته وقال بنبرة كلها قلق وخوف...

فؤاد

عشان يا أمي هاني زفت الطين هرب من السجن، وأنا مش هطمن على جنة ولا عليكي لو رجعنا هناك، هاني ما لوش أمان وممكن يعمل أي حاجة عشان يوصل لجنه أو يأذينا، والحارة هناك مكشوفة وأنا هنا قادر أتحكم في الحراسة وأحميكم.

_​شهقت عايدة بخوف وحطت إيدها على قلبها وقالتله...

عايده

يالهوي يا فؤاد هرب إزاي ده، طيب يا ابني روح بلغ الشرطة فوراً خليهم يتصرفوا

فؤاد رد عليها بهدوء وهو بيطمنها وقال

الشرطة فعلاً بتدور عليه في كل مكان بس لسه مش عارفين هو مستخبي فين، أنا مأمن نفسي وكلمت ظابط معرفه هنا وهيساعدني ويأمنلي الفرح بكرة بحراسة مشددة عشان ما فيش صرصار يقدر يقرب من الفندق اللي هيبقي فيه الفرح، اطمني خالص يا ست الكل.

​عايدة بقلق

ربنا يحميك يا ابني ويوقفلك ولاد الحلال ويبعد عنكم ولاد الحرام يا رب، طيب هي جنة عرفت يا فؤاد إن هاني هرب ولا لا؟...

فؤاد ملامحه اتغيرت للضيق وقال

لا يا أمي وما عرفتش ومستحيل تعرف دلوقتي، إياكي يا أمي تجيبي سيرة قدامها، أنا عايزها في فرحنا بكرة تبقى مبسوطة وطايرة من الفرحة ومش عايز أي خوف أو قلق يدخل قلبها، كفاية اللي شافته زمان.

​عايدة

حاضر يا ابني سرك في بير، ربنا يتمملكم على خير ويسعدكم..

فؤاد قام وقف وباس راسها تاني وقال

طيب يا أمي هسيبك أنا دلوقتي وألحق أروح الجامع عشان الصلاة بدأت، خلي بالك من نفسك ومن جنة لحد ما أرجع وعشان خاطري ما تخليهاش تخرج من البيت خالص لاي سبب..

عايده

حاضر يا فؤاد وربنا يتمملكم بخير وينتقم من هاني ده مطىح ما هو قااعد..

_ وخرج فؤاد وهو شايل هم هاني وهرووبه وانه لحد الان مش عارف يوصل لمكاانه..

ـــــــــــــــــ ــــــــــــــــــ

_وباليل في بيت جيدا دخل فؤاد عندها بالنفتاح بتاعه وهو ملامحه باين عليها الضيق، أول ما شافته جيدا قامت بابتسامة هادية وقالتله بنبرة رقيقة..

​جيدا

على فكرة أنا اتعلمت أطبخ النهاردة وعملتلك أكلة بإيدي مخصوص، كنت مستنياك عشان ناكل سوا..

_​فؤاد ولا كأنه سمعها، مشي من قدامها ببرود وراح قعد على الكنبة وهو ساند راسه لورا ومغمض عينيه، جيدا بصتله بغيظ وراحت قعدت جنبه وقالتله بفضول..

​جيدا

وبعدين يا فؤاد إنت بكرة هتتجوز جنة، ناوي تعرفها إمتى إننا متجوزين ولا هتفضل مخبي كده كتير؟

_​فتح فؤاد عينيه وبصلها بجمود ونظرات غاضبه ورد عليها وقالها..

​فؤاد

أنا مش عايز أشوف وشك في الشركة تاني يا جيدا، من بكرة رجلك ما تخطيش هناك..

​جيدا اتصدمت وقالت بقلق

إنت بتقول إيه يا فؤاد يعني إيه مش عايز تشوف وشي وإيه الكلام الغريب اللي بتقوله ده؟

​فؤاد رد عليها ببرود وقال

يعني شغلي بعد كده مش محتاجك فيه، ولا محتاج أبوكي ولا وسايطه في أي حاجة، أنا خلاص وقفت على رجلي..

_​جيدا بدأت تخاف وقالتله وهي بتحاول تسيطر على أعصابها..

جيدا

إزاي يعني مش محتاجنا، أنا موجودة معاك عشان أساعدك وأدعمك، وإنت عارف إن بابا لو سحب دعمه ليك مش هتعرف تكمل في السوق ده لوحدك..

بصلها فؤاد بخبث وابتسم بسخرية وقال

طيب لو بطلت شغل خالص، أو خسرت كل حاجة ورجعت لحياتي القديمة وبقيت فقير، هل جيدا هانم هتسيب مستواها الاجتماعي والطبقة اللي عايشة فيها وهتيجي تعيش معايا في الحارة مع أمي وجنة؟

​ضحكت جيدا بسخرية وقالتله

أنا مش هسمحلك تفلس أصلاً ولا ترجع تعيش في الحارة دي تاني، أنا دايماً هكون جنبك وبدعمك عشان تفضل في المكانة دي، بس إيه سبب الكلام اللي ما لوش لازمة ده؟

​قام فؤاد وقف وبصلها بحدة وقال

السبب إني عرفت باتفاقك إنتي وأبوكي مع كريم مندور عشان تكسروني وتوقعوني، وأنا خلاص مش محتاج وسايط من حد، اللعبه بتاعتكم اتكشفت ، ورجووع امريكا تاني مش هرجع ومش هبعد عن اهلي هنا مهما عملتو...

​جيدا اتسمرت مكانها من الصدمة وقالت بتوتر

فؤاد.. اقعد بس وفهمني إنت سمعت إيه، خلينا نتكلم انت اكيد فاااهم غلط..

​فؤاد

ما فيش كلام بينا، وحاجة تانية كمان، إياكي أشوف وشك بكره في الفرح، جنة هتضايق لو شافتك وأنا مش عايز أي حاجة في الدنيا تعكنن عليها فرحتها..

_​جيدا زعقت فيه بعصبية وهي مش قادرة تمسك نفسها وقالتله بحده..

جيدا

إنت للدرجة دي خايف على مشاعر جنة، وانا إيه مش خايف على مشاعري ليه، ما أنا مراتك برضه، وكنت مراتك من قبلها بكتير؟!..

​ فؤاد انفجر فيها وقال بحده

جنة دي عندي حاجة تانية خالص، جنه ما بتتقارنش بحد في الكون ده بالنسبالي، وإنتي عارفة كده من الأول وقبلتي بالوضع ده.. أنا أصلاً ندمان إني رجعتلك وبقيت بكدب على جنة بسببك، وأحب أعرفك إني رجعتلك عشان مصلحتي وبس، إنما أنا لا بحبك ولا عمري ارتحت معاكي..

_قال فؤاد كلامه و​سابها وخرج ورزع الباب وراه، وجيدا وقفت مكانها وهي بتنهار ودموعها نازلة بغزارة، رمت نفسها على الأرض وهي بتعيط بحرقة وبتقول لنفسها بحقد..

​جيدا

ماشي يا فؤاد.. إنت تستاهل إن قلبك يتحرق بكره على جنة، بكرة لما جنة تختفي من حياتك للأبد، هترجعلي تاني مكسور وساعتها هتعرف قيمتي..

ـــــــــــــــــ ــــــــــــــــــ

_وتاني يوم وقفت جنة قدام المرايا وهي لابسة فستانها الأبيض اللي كان حلم بعيد وبقى حقيقة، كانت زي الملاك، ملامحها هادية وابتسامتها منورة وشها، ودخلت عليها عايدة وأول ما شافتها وقفت مكانها وبصتلها بنظره كلها سعاده ودموع وقالت..

عايده

ما شاء الله... تبارك الله

_​جنة لفت ليها وفتحت دراعاتها وحضنتها بقوة، وعايدة فضلت تمسح على ضهرها وبتقول بدموع..

عايده

يا حبيبة قلبي يا جنة، النهاردة احلي يووم بجد، النهاردة شفتك العروسة اللي كنت بحلم أشوفها من يوم ما شيلتك وإنتي حتة لحمة حمراء بعد ما أمك الله يرحمها فارقتنا.

​جنة بدموع

إنتي اللي أمي وأبويا يا خالتي، لولاكي ولولا حنيتك عليا في السنين السودة اللي عشتها أنا ما كنتش هقدر أقف الوقفة دي النهاردة، إنتي شفتي عذابي وكسرتي يا خالتي، كنتي بتعيطي معايا لما كنت بتضرب وبتهان من هاني ي انتي اللي هونتي عليا وخلتيني ابقي قويه واتحمل..

​عايدة

انسي يا جنة هاني خالص، اقفلي باب الماضي ده وارمي مفتاحه ورا ضهرك، امسحي السنين اللي فاتت دي بأستيكة يا بنتي، النهاردة بداية جديدة مع الراجل اللي حبك وصانك من وهو طفل، إنتي تستاهلي تفرحي يا جنة، تستاهلي تعيشي مرتاحه مع الرااجل اللي قلبك اختاره...

_​فجأة الباب خبط ودخل فؤاد، أول ما عينه جات على جنة انبهر من جمالها اللي كان فاتن وجذاب بشكل مش طبيعي، الفستان كان مرسوم عليه، وقرب منها ببطء ومسك إيدها وباسها برقة وهمس قدام شفايفها وقال..

فؤاد

أنا أكيد بحلم، ما فيش بشر بجمالك ده يا جنة، إنتي النهاردة مش بس عروسة، إنتي ملكة قلبي وحياتي كلها.

​جنة بصتله بحب وخجل وقالت

أنا اللي بحلم يا فؤاد، كنت ديما بحلم باليوم ده بيك ومعاك...

_ فؤاد حضنها بتملك وكأنه بيطمن قلبه إنها خلاص بقت ليه وأخدها ونزلوا القاعة والأنوار والزغاريد كانت مالية المكان والسعادة واضحة على وشوشهم

__في الوقت ده كان كريم مندور قااعد هو وفارس اخوه لوحدهم ومعاهم بنته لين اللي عندها 16 سنه واول ما شافو فؤاد وجنه لين قالت بانبهار..

لين

وااااو العروسه حلوه اووي يا بابي

بص كريم لجنه بهدووء ونظره غامضه وفارس قال

وتكه عمري ما شوفت جمال وبراءه بالشكل ده

ابتسمت جنه وكريم بص لفارس بضيق وقال

لم نفسك وبطل كلامك ده قدام لين

فارس

قلبك ابيض دي هي اللي معلمااني، شايفه يا لين ابوكي بيتحسر علي العروسه كان زمانه هو مكان البأف اللي بيتحوزها، الواد متبت فيها وكأنها هتهرب منه بس حقه، هي يتخااف عليها فعلا

كريم بحده

ما تخرس يا فارس انت اصلا ايه اللي جابك معانا

فارس

جاي اتفرج عليك.. قصدي علي الفرح..

كريم

طيب اخرس خالص وما اسمعش صوتك تاني.

_وقعدوا فؤاد وجنه جنب الماذون عشان كتب الكتاب، وكان سعيد قاعد جنب فؤاد بصفته وكيل جنة، سعيد بص لفؤاد بهزار وقال..

سعيد

بقولك إيه يا عريس، أنا دلوقتي في مقام حماك، يعني كلمة مني توديك وكلمة تجيبك، عاملني باحترام بقى.

​ضحك فؤاد وقال

إنت هتزيط يا سعيد ده إحنا مخليينك وكيلها عشان هي اللي طلبت وعايزة تعملك قيمة يا عم، خليك في حالك واكتب وإنت ساكت.

_​الكل كان بيضحك ومبسوط، وفي ركن بعيد ومضلم كانت جيدا واقفة ودموعها يتنزل وهي بتبصلهم بنظره كلها غيرة وحقد ووجع، طلعت موبايلها وكلمت شوقي وقالتله بغل..

جيدا

إنت فين يا هاني ما فيش حاجة حصلت ليه كتب الكتاب شغال والكل فرحان، خلصني منها بقى.

​هاني رد عليها بصوت هادي ومخيف

مستني كتب الكتاب يخلص عشان الضربة توجع بجد، القناص مكانه وجاهز والتنفيذ في ثانية، انا بشكرك يا جيدا هانم إنك ساعدتيني أوصل للمكان ده وأعرف المداخل واخد حقي منهم

​جيدا ردت بجمود

أنا اللي بشكرك يا حج هاني عشان هتخلصني من جنة للأبد

هاني ضحك بسخريه وقال

أخلصك من جنة، إنتي فاهمة غلط، أنا ما قدرش أعيش من غير جنة، أنا بخطط عشان جنة ترجعلي وتهرب معايا، بس مش وهي مراته، وهي أرملته، أنا هقتل فؤاد يا جيدا.

​جيدا اتصدمت من كلامه وقالت

أوعى تعمل كده انت مجنون... الووو الووو...

_لكنه قفل السكة في وشها، بصت جيدا بصت لفؤااد بخووف حقيقي وجات تدخل بس الحارس قالها بحده..

_ممنوع يا مدام جيدا

جيدا

هو ايه اللي ممنوع انا لازم ادخل..

_فؤاد بيه منبه هلينا انك ما تدخليش النهارده الفرح مهما حصل....

_وفي الوقت ده تابعت جنه كتب كتاابها هي وفؤااد بعيون كلها دموع وسعاااده، وما جاش في بالها ابدا انها سعاده مؤقته انتهت اول ما فؤاااد قاام وحضنها وهمس في ودنها بصوت واطي وقال..

فؤاد

الف مليون مبروك عليا يا رووح قلبي، واخيرا بقيتي مرااتي يا جنه..

_وقبل ما ترد عليه سحبه سعيد من حضنها وحضنه بسعااده وهو بيباركله، وبعد عنه سعيد وسلم علي جنه وبيباركلها هو وعايده وكل المعازيم، ولكن فجأه صوت الزغاريت والتهنيآت اتحول لصريخ ورعب اول ما سمعتو صوت ضرب نااار واكتر من رصاصه استقرت في صدر فؤااد اللي كانت ايده ماسكه في ايد جنه، ووقع علي الارض في لحظه وعيونه متعلقع بجنه اللي وقعت معاه علي الارص وهي بتبصله بصدمه وخوووف فااق الحدود وقالت ببكاء..

جنه

فؤاد.. فؤاد ما تسبنيش..

_وعايده وسعيد وابكل اتلم عليهم، وعايده كانت بتصوت بهستيريا وهي شايفه ابنها جثه هامده قدامها، وفجأه قبل ما اي حد ياااخد رد فعل القااعه كلها ضلمت، وجنه حست بايد حد بتحاوطها من الخلف وبتقيد حركتها، واتنفض جسمها بخووف وقبل ما تصوت ايد نفس الشخص اللي مقيدها اتحطت علي بوقها ومناخيرها بمنديل فيه مهدر وغابت عن الوعي وما حستش بأي حااااجه تانيه، واول ما رجع النور الكل اتفاجئ ان جنه مش موجوده ومكانها جنب فؤااد قااعده جيدا وبتقول بحده..

جيدا

حد يكلم الاسعاااف بسرعه، سعيد قووم اتصرف..

_قرب منهم كريم مندور وفارس اخوه اللي كانو بيتابعو المشهد من بعيد، وفارس قال بقلق.

فارس

هو النور اتقطع وجنه رااحت فين ما حدش اخد باله ان البنت اختفت..

رد عليه كريم وهو واخد بنته في حضنه وقال

بقولك ايه خد لين وارجعو البيت..

لين بخوف

بابي تعالي معانا ما تقعدش هنا

كريم بهدوء

ما تخافيش يا روح قلبي بس هقوم بالواجب مع الناااس وبعدين هجيلك، يلا يا فارس بسرعه وخليك مع لين لحد ما تهدي..

فارس

اوكي.. يلا يا لين..

_ومشي فاارس هو ولين وكريم بص لجيدا بشك، وبعدين شاور لواحد من رجالته وقاله بجمود..

كريم

عايز اعرف العروسه اللي كانت من هنا اختفت ازاي، وقبل الشرطه ما توصل وتحقق في الموضوع

_تمام يا كريم بيه اتفضل في اوصة المراقبه وهنعرف نلاقي حل..

ـــــــــــــــــ ــــــــــــــــــ

_وبعد شويه بدأت جنه تفوووق، واول حاجه قالتها قبل ما تستعيد وعيها بالكاامل..

جنه

فؤاااد

قرب منها هاني اللي كان قاااعد علي كرسي جنب سريرها وقال..

هاني

حمدلله علي السلامه يا عروسه..

_اول ما سمعت صوت هاني جنبيها قاامت بسرعه وهي مفزوووعه، وبصتله بخووف ورعب وقالت.

جنه

انت جيبتني هنا ازاي، وفؤااد.. فؤاد انت..

هاني

اهدي اهدي بس ما تخافيش انا مس هأذيكي يا جنه ده انتي مراتي وحبيبتي، وبعدين انسي فؤااد ده خالص المره دي هو انتهي ما بقاااش موجود معانا في الدنيا..

_قامت جنه من علي السرير وعي جسمها كله بيتنفض، وفي اللحظه دي شافت صورتها معكوسه في المرايا قدامها وطرحتها اللي كنت في نص شعرها وقعت وفستانها الابيض ملياان بقع دم آثر اصابة فؤاد، فانهارت علي الارض وهي بتعيط وقالت بعدم تصديق..

جنه

لا لا فؤاد اكيد عايش مش هيسيبني..

هاني قرب منها وقعد قدامها علي الارض وقال

لا فؤاد الله يرحمه ادعيله، ولا اقولك انتي ما تفكريش فيه خالص يا جنه، انا عايزك تبقي ليا لوحدي، اخنا كانت مسكلتنا فؤااد وانا شيلته من علي وش الدنيا خالص اهو..

حطت ايديها الاتنين علي ودنها وقالت ببكاء

لا لا هو عايش انت كداااب اخرس..

مسكها من شعرها جامد وقال

بتزعليني منك ليه، بتخليني اذيكي ليه يا جنه، انسيه بقولك هو مات انتهي خلاص ما فيش حاجه اسمها فؤاااد تاني..

ذقته جنه وقالت بحده وبكاء

انت كداااب... فؤاد مش هيسيبني ليك، وانا دلوقتي مش بنت خالته وبس لا انا مراته وهو حبيبي وجوزي وهفضل طول عمري احبه هو. عارف يا هاني حتي لو كان بعد الشر سابني انا هفضل طول عمري احبه وعمر ما في راجل غيره هيدخل قلبي..

_اول ما خلصت كلامها نزل هاني بايده علي وشها بكل قووته خلاها مالت بجزعها العلوي علي الارض وهي ماسكه وشها بألم، وقبل ما يرد عليها الباب خبط وواحد من رجالته بره قال..

ـ حج هاني تعالي بسرعه

بصلها هاني بحقد وقال

راجعلك تاني يا جنه، وانا هعرف كويس اخليكي تخاافي بس تفكري في فؤاد بتاعك ده..

_قال كلامه وساابها وخرج، وهي قعدت علي الارض وفضلت تعيط، وبعدين قاامت وقفت عند الشبااااك المفتووووح وبصت منه للارض وكان في الطاابق الاولي من المبني اللي هما فيه، بصت للمسافه بخووف وبعدين رجعت قعدت علي السرير وبصت لبقع الدم اللي في الفستان بتاعها وقالت..

جنه ببكاء

ياااارب فؤاد يبقي كويس وما تحصلوش حاجه يااارب..

ـــــــــــــــــ ــــــــــــــــــ

_وفي الوقت ده في المستشفي كانت واقفه جيدا بره اوضة العملياات وهي بتعيط، وجنبيها سعيد وعايده قااعده قصاادهم علي الكرسي وجنبيها لبني بتحاول تخليها تهدي.. وقالت عايده لسعيد ببكاء..

عايده

سعيد ما فيش اخبار عن جنه؟

سعيد

لا يا خالتي بس اطمن علي فؤااد وهرووح الفندق اشوووف وصلو لايه.

عايده ببكاء

هو هاني ما حدش غيره ليه مصلحه يعمل كده، استرها ياارب وقوملي ابني بالسلامه ورجعلي بنتي بالسلامه يارب..

جيدا بحده

انتي لسه بتقولي عليها بنتك، هي مش جنه دي السبب في اللي حصل لفؤااد ان شاء الله تموت ونخلص منها

لبني بعصبيه

ان شاء الله انتي واللي جاااابك، مالك ومال جنه انتي اصلا

سعيد

بس يا لبني..

عايده بغيظ.

وبس ليه اقسم بالله يا بت يا صفرا انتي لولا ابني اللي راقد جوه لكنت فرجت عليكي المستشفي كلها..

_بصتلهم جيدا بقرف ورااحت وقفت بعيد عنهم.، وفي الوقت ده قرب منها كريم مندور وقال..

كريم

مدام جيدا

بصتله جيدا بهدوء وقالت

حضرتك جيت بنفسك يا كريم بيه.

كريم بجمود

فؤاد اخباره ايه؟

جيدا بدموع

حالته خطر جدا وفي العمليات بقاله اكتر من ساعتين..

كريم بجمود

هاني فين جيدا؟

جيدا بصتله بصدمه وقالت بتوتر

هه هاني مين؟

كريم

طيب الحج هاني طليق جنه اللي انتي متفقه معاه تدخلو القنااص وسط رجالة الامن اللي كانو في الاوتيل، الواد معايا واعترفلي بكل حاجه، فيتقوليلي هاني فين وارووح اجيب جنه، يا هوصل الواد. للشرطه وهما بقي يعرفو يحققو معاكي كويس

جيدا بدموع

انا كنت بحاافظ علي جوزي

كريم

لا ما هو واضح، انا يهمني اعرف مكان جنه فين والحق البنت دي قبل ما تحصلها حاجه

جيدا

ليه انت مالك ومالها؟

كريم بحده

ما يخصكيش... وانا مش هتحايل عليكي مش عايزه تقولي براحتك..

وجه يمشي بس جيدا قالت بقلق

استني يا كريم بيه، انا هقولك مكاانها فين بس انا مش عايزه الشرطه توصل لهاني ارجووك..

كريم بجمود

جنه فين؟

ـــــــــــــــــ ــــــــــــــــــ

_وعند جنه سمعت صووت دووشه جااي من بره، فقااامت بسرعه وحاولت تفتح الباب بس كان مقفول بالمفتاح وسمعت هاني بيكلم. حد وبيقوله...

هاني

انا لازم اخدها معايا، انا بعمل كل ده عشاانها

ـ هيبقي فيها خطر يا حج هاني البت اتعمل عليها محضر انها اتخطفت.

هاني

انا مش هستني لبكره، قبل الفجر هاخدها وامشي انت مجهز الاوراق اللي باسمااء مختلفه ليا وليها.

ـ ايوه بس البت هتسكت هترضي تمشي معاك من غير فضاايح

هاني

انا هتصرف..

_اتنفضت جنه بخوووف، وبسرعه جاابت الكرسي اللي كان جنب السرير وقفلت بيه الباب عند الاوكرا، وراااحت بسرعه ناحية الشباااك، وبرغم ان المساافه لاارض كبيره ولو نطت ممكن تتاذي، لكن الاذي ده مان اهون كتير عليها من انها تبقي تحت رحمة هاني تاني، ووقفت فعلا عند حافة الشبااك، ومن خووفها كانت هتتراجع لكن لما سمعت صوت هاني بيقرب وهو بيحاول يفتح الباب نطت من فووق بدون تفكير، ووقعت علي ايدها اللي اتجرحت، وفستانها كله اتملي طين وقاامت بسرعه وهي بتبص حواليها والمكان مجهول ومش عاارفه اي حااجه، وفجأه فضلت تجري وهي مرعووبه في طريق مش عارفه ايه اخره ولا هيوصلها فين، وشااافت عربياات كتير بتقرب منها، خاافت ليكون هاني ورجالته وفضلت تجري بكل قووتها لكن سمعت صوت غريب مش صوت هاني وقالها..

كريم

يا جنه.. جنه استني ما تخافيش..

_وقفت وبصت وراها واول ما شاافت كريم بصتله بقلق وهو نزل من عربيته وقرب منها بهدوء وقالها..

كريم

ما تخااافيش اهدي خالص..

اتنهدت بأرتيااح وسألته بخوف

فف.. فؤاد فين، هو كويس؟!..

كريم بهدوء

ايوه ما تخافيش فؤاد كويس وهيبقي كويس اكتر كمان ما تخافيش..

_وقبل ما ترد عليه ظهر قداامها هاني ورجالته اللي بصلها بعصبيه وغضب وقالها..

شوقي

جنه تعالي هنا..

_اتنفضت بخوووف وبكل تلقائيه وقفت ورا كريم وهي ماسكه في دراااعه ومتخبيه فيه، وهو بصلها بجمود وقال..

كريم

هو ده طليقك؟

_هزت راسها بمعني ايوه وجسمها كله بيتنفض بخوووف، فطبطب كريم علي كتفها بهدوء وقالها..

كريم

ما تخافيش منه انا معاكي..

هاني بحده

شيل ايدك من عليها يا جدع انت، ودي مرااتي سيبها بدل ما اخلي رجالتي تقطعك هنا..

كريم شاور علي نفسه بسخريه وقال

تقطعني انا؟!..

_وشاور لرجالته اللي حاوطو هاني واللي معاه وكان عددهم اكتر بكتير من رجالة هاني.

هاني بخووف

انت مين وتعرفها منين دي مراتي

كريم

طليقتك وانت هربان من جريمه اصلا

شوقي

متلبسالي ظلم الجريمه دي.

كريم

بس عملت الابشع منها لما حاولت تقتل فؤاد العمري،تقدر تقول فؤاد صااحبي وحد غالي اووي عليا وحقه عندي لحد ما يقوم بالسلامه، وانت متهم دلوقتي في جريمة قتل فؤااد ولا انا غلطان..

هاني

طلع انت نفسك من الموضوع ده، جنه طليقتي طلقتها غصب عني بسبب فؤاد وانا هاخدها وهمشي غصب عنك

كريم

اتكلم علي قدك، بقولكم ايه يا رجاله عايز الحج والكتاكيت اللي معاه دول يتاخدو علي المكان بتاعنا ويتعمل معاهم الواجب بزيااده لحد. ما اشووف انا هعمل معاهم ايه..

_سمعو رجالته كلامه واخدو هاني للعربياات بتاعتهم ومشيو وكانت نظرااته كلها حقد لجنه اللي بعدت عنه وكانت مااسكه ايدها بألم، وكريم بصلها بهدوء وقال..

كريم

ما تخافيش مش هيقدر يعملك حاجه..

جنه بدموع

فؤاد كويس بجد؟

كريم

والله يا ستي كويس، بس انتي اللي مش كويسه خالص، تعالي نرووح المستشفي وو..

جنه مسكت راسها بألم وقالت

لا اا انا عايزه ارووح عند فؤااد واطمن عل..

_قبل ما تكمل كلامها الدنيا لفت بيها وفقدت الوعي وقبل ما تقع علي الارض، قرب منها كريم واخدها في حضنه وهو بيبصلها بتوتر، وشالها بسرعه بين ايديه وقال للسواق يفتحله باب العربيه وكلها قعدت في الكنبه اللي ورا، وركب جنبيها بسرعه، ورفع راسها خلاها تبقي علي كتفه وبصلها بهدووء وهو بيحضن وشها بأيده وسرحان في ملامحها اللي فتانته من اول مره شاافها، وقطع شرووده فيها السواق لما قاله..

السواق

هنروح المستشفي يا كريم بيه.

كريم بخبث

لا اطلع علي البيت..

_سمع السواااق كلامه واخد طريق البيت، وهو طلع موبيله وكلم حد وقاله..

كريم بجمود

عايز طاقم طبي كاامل يبقي عندي في البيت بسرعه ومن غير شوشره..

_قفل الفون وبص لجنه بابتساامه هاديه وقربها لحضنه اكتر وعيوونه مش مفارقه ملامحها خااالص..

ـــــــــــــــــ ــــــــــــــــــ

_وفي الوقت ده في المستشفي خرج الدكتور من اوضة العملياات وقاامت عايده بسرعه وقربت منه هي وسعيد ولبني والشيخ ابراهيم..

عايده

ابني عامل ايه يا دكتور هو كويس؟

الدكتور

الحاله مش سااهله خالص، هو دخل غيبوبه وهيبقي في العنايه المركزه

عايده

ايوه يعني ابني هيفوق امتي وهيبقي كويس

سعيد

معلش يا دكتور بس الغيبوبه دي هيفوق منها امتي

الدكتور

دي حاجه بتاعت ربنا بس حالته خطيره جدا ادعولو

_كانت جيدا واقفه في الوقت ده بعيد عنهم بشويه واول ما سمعت كلام الدكتور دموعها نزلت بحزن وراحت ورااه لمكتبه، وبعد شويه جاتلهم لوحدها وقالت.

جيدا

سعيد خدهم وامشي من هنا وجودكم مالوش اي لازمه جنب فؤاد

عايده

انتي مالك انتي، انا مش همشي من هنا غير لما اطمن علي ابني ويكلمني زي ما بكلمكم كده، رووح انت يا سعيد دور علي جنه قبل اللي ما يتسمي ده ما يعمل فيها حاجه

جيدا

جنه كويسه كريم مندور شريك فؤاد انقذها وهي معاه دلوقتي ممكن تتفضلو بقي

لبني

انتي ما عندكيش دم دي امه وهتقعد معاه انتي بصفتك ايه بتقوليلها تمشي

جيدا ببرود.

بصفتي مراته ما تقولهم يا سعيد، وبعدين عايزين تقعدو هنا تعملو ايه وانتو حتي مش معاكم تمن الاجره اللي هتمشو بيها من هنا، انا دفعت مصاريف المستشفي وانا المسرله الاولي عن فؤااد في حالته دي، لاني طبعا المتحكمه الرسميه في كل حاجه تخص فؤاد

عايده بصدمه

اييييه... مراته ازاي يعني، الكلام ده بجد. يا سعيد؟

سعيد بص لجيدا بغيظ وقال

هنمشي بس انا جااي ومش هسيب فؤااد دقيقه واحده، لحد ما يفوووق ويعرف مين ورا اللي حصله ده كله..

جيدا

قصدك ايه؟

سعيد

قصدي انتي فاهماااه كويس، يلا بينا يا خالتي..

عايده بدموع

انا مش همشي مش هسيب ابني..

اتنهدت جيدا بضيق وقالت

ممكن تقعدي معايا نستني نطمن عليه سوا، انما الباقي ده يمشي مفهوم يا سعيد..

_واخدت جيدا موبيلها اللي كان بيرن ومشيت من قدامهم، وسعيد قال لعايده بهدوء..

سعيد

خليكي انتي يا خالتي هنا وانا هجيلك مش هسيبك لوحدك بس هوصل الشيخ إبراهيم ولبني

ابراهيم

لا لا يا ابني خليك مع الست عايده، وانا هاخد لبني وامشي وابقي طمنا

سعيد.

ما ينفعش يا عمي انا هوصلكم

ايراهيم

ما ينفعش تسيب الست عايده لوحدها مع الست اللي كانت هنا ظي من شويه

عايده

لا هو يرووح للراجل اللي قالت عليه البت دي، يشووف جنه يجيبلي بنتي هنا، انا مش هرتاح برضو غير لما اطمن عليها

ابراهيم.

اعمل زي ما الست عايده بتقولك يلا..

ـــــــــــــــــ ــــــــــــــــــ

_وفي بيت كريم مندور كانت جنه نايمه علي سريره في اوضته والدكتور والممرضات جنبيها وكان متعلق محلول في ايدها وايدها التانيه ملفوفه بشااش طبي، وكريم كان قااعد بره مستني الدكتور يطمنه عليها، وقعد جنبيه فارس اللي قاله..

فارس

ما وديتهاش ليه المستشفي، وجايبها هنا ليه ومدخلها اوضتك اللي انت بالنسبالك اوضه مقدسه ما حدش يدخلها غيرك..

كريم بجمود.

عادي يعني قولت اجيبها البيت احسن.

فارس

تمام.. احنا مالنا بقي بالحوار ده كله، تدخل نفسك ليه في مشاااكل ما تخصنااش؟

سكت كريم وما ردش عليه وفارس قاله بشك

انت بتحب البنت دي يا كريم؟

اتنهد كريم بضيق وقال

مش عارف... المهم انها دلوقتي تبقي كويسه..

فارس

هي واحده متجوزه دلوقتي، انا مش عارف انت دماغك فيها ايه، بس مدام جيبتها البيت يبقي ناوي علي حاجه ومش هتسيب البنت دي خالص

كريم

اسمها جنه قول جنه ايه البنت دي اتكلم عليها كويس، هرووح اشووف الدكتور اتأخر عندها ليه.

ضحك فارس بخبث وقال

احنا غرقنا بجد يا عمووو ساامي..

كريم

علي اوضتك يا زفت مش ناااقصك خالص.

_ورااح كريم لاوضة جنه وكان الدكتور والممرضات لسه حواليها وبيهتمو بيها جدا، ولما خلص الدكتور قرب من فؤاد وقاله..

الدكتور

هي جسمها ضعيف جدا، واتعرضت لغضط عصبي عملها فقدان وعي مؤقت، هنعوض ده بالمحلول وفي كسر بسيط في ايدها مع الوقت هيتعالج، انا كده عملت كل المطلوب يا كريم بيه وواحده من الممرضات هتفضل معاها لحد ما حالتها تتحسن..

كريم

تمام يا دكتور شكرا..

_ومشي الدكتور والممرضات كلهم ما فضلتش غير واحده وكانت قااعده جنب جنه بتتابع حالتها، ودخل كريم عندها وقال للمرضه..

كريم

الشغاله هتجيبلك هدوم دلوقتي ساعديها تغير هدومها وارمي الفستان ده خالص.

الممرضه

تحت امر حضرتك انا هرووح اجيب منها الهدوم وجاايه..

ـ وخرجت الممرضه وكريم قرب من جنه اللي كانت لسه نايمه ووشها شااحب جدا، وقرب منها وباااس راسها بهدووء وفي الوقت ده كانت لين بنته واقفه عند الباب وقالتله..

لين

بابي..

بصلها كريم بتوتى وراحلها بسرعه وقال

انتي ايه اللي مصحيكي لحد دلوقتي؟

لين

انا كنت خايفه عليك، هي مش دي العروسه

بص كريم لجنه وقال

امم هي، هتقعد معانا شويه لحد ما جوزها يخف و يجي ياخدها..

سكتت لين شويه وقالت

بس عمو فارس قالي ان اا..

كريم

مالكيش دعوه بأي حاجه بيقولها عمك مفهوم، ويلا ادخلي ناامي..

_سمعت بنته كلامه ورااحت اوضتها، وهو رجع وقعد جنب جنه ومش قاادر يبعد عيوونه عنها، وموبيله رن في الوقت ده وكان حد. من الحرااس بتوع بيته، فرد عليه وقال..

كريم.

امم في ايه؟

ـ في واحد واقف هنا ومصمم يقابل حضرتك يا كريم بيه

كريم.

مين ده؟

ـ بيقول ان اسمه سعيد ومن طرف فؤاد العمري..

اتنهد كريم بضيق وقال

طيب خليه يدخل وانا نازله حالا..

_وقفل مع الحارس وقااام نزل تحت وكان سعيد فعلا واقف مستنيه واول ما شااافه قاله..

سعيد.

جنه فين؟

كريم قعد قداامه وحط رجل علي رجل وقال

صاحبك عامل ايه دلوقتي؟

سعيد

يعني عدي مرحلة الخطر بس دخل غيبوبه والدكتور بيقول مش عارفين هيطلع منها امتي، المهم جنه فين انا جاي اخدها ووو..

قاطع كريم كلامه وقال بجمود

جنه مش هتمشي من هنا..

_بصله سعيد بعدم فهم وو؟؟

تفتكرو بقي ايه اللي بيخطط ليه كريم وهل هيخلي جنه تمشي ولا لا، وايه هيكون رد فعل جنه لما تعرف ان فؤاد متجوز جيدا في السر؟

الفصل السادس عشر من هنا

وفي ختام الحكاية، لم يربح إلا القلب الأكثر وفاءً، فسلاماً على أرواحٍ تعاهدت ألا يفرقها إلا الموت."

_كان قااعد كريم قداام سعيد وحاطط رجل علي رجل، وسعيد قاله بقلق..

سعيد

ازاي يعني جنه مش هتمشي من هنا، انا في مقاام اخوها وجااي اخدها..

كريم

انت تعرف ان هاني طليقها ده هرب مني؟.

سعيد بقلق

هرب ازاي يعني؟!

كريم

اهو اللي حصل والبنت وجودها بره خطر عليها هي هنا في امان عندي، وبعدين صاحبك كان حاسس باللي هيحصله وموصيني عليها.

سعيد

انا عايز اشووفها واطمن عليها

كريم

ما ينفعش هي نايمه، الدكتور لسه مااشي من عندها وحالتها النفسيه وحشه وواخده مُهدأ وكمان في كسر في ايدها، الصبح اول ما تصحي انا هجيبهالكم تطمن علي جوزها وتشووف خالتها، انما طول ما فؤااد في حالته دي جنه هتفضل عندي.

سعيد بضيق

تمام انا بكره الصبح هاجي اخدها، وشكرا يا كريم بيه علي اهتمامك..

_مشي سعيد وكريم بصله بجمود، ومسك موبيله وكلم الحارس بتاعه وقاله..

كريم

عملتو ايه؟

ـ اطمن يا كريم بيه الراجل ده واللي معاه اتروقو علي الاخر

كريم

طيب ما حدش يقربله تاني، ومش عايز حتي الجن الازرق يعرف مكااانه فين..

ـ تحت امرك يا كريم بيه..

_ قفل معاه كريم وطلع فوووق وراااح لاوضته اللي فيها جنه، وكان الباب مقفول، فخبط علي الباب وفتحتله الممرضه وقالت..

ـ نعم..

كريم

هي عامله ايه دلوقتي؟

ـ تمام لسه نايمه..

كريم

طيب اوعي انا هدخل اطمن عليها..

_خرجت الممرضه وكريم دخل وكانت الممرضه غيرتلها هدومها ببجامه بسيطه لونها بيج وبرغم ان وشها بقي شااحب جدا، الا ان ملامحها لسه جميله ومثيره جدا بالنسباله، وكانت نظرته ليها كلها غموووض، وقرب منها هو وقال..

كريم

قووومي بس يا جنه بالسلامه وفي حاجات كتير هتتغير، انا مش هخليكي تمملي مع حد. ما يستهلكيش.

_وابتسم بهدووء وهو شايفها نايمه علي سريره وفي اوضته اللي ما كانش بيحب اي حد يدخلها حتي بنته، وسااابها وخرج وراااح قعد في اوضه تانيه وتفكيره كله في جنه..

ـــــــــــــــــ ــــــــــــــــــ

_وتاني يوووم الصببح في المستشفي كانت عايده نايمه علي السرير في الاوضه اللي حجزتها ليهم جيدا عشاان يفضلو جنب فؤاااد، وساابتها جيدا ورااحت لاوضة فؤاااد بعد ما اخدت اذن الممرضه، وقعدت جنبيه وبصتله بدموع وقالت..

جيدا

انا ما كنتش اقصد ان يحصلك اللي حصل ده، لو جرالك حاجه انا مش هقدر اعيش، انا كنت بحاافظ عليك وعلي جوازنا بس شكلي غلطت وانا والله العظيم ما اقصدش...

_وفضلت تعيط بحزن وندم، وبعدين خرجت من عنده ورااحت لاوضة عايده اللي كانت صحيت وقالتلها..

عايده

ابني عامل ايه انا عايزه اشووفه؟

جيدا بحزن

حالته زي ما هي، هخليكي تشووفيه..

عايده

هو متجوزك من امتي في السر؟

جيدا بدموع

من شهر علي فكره فؤاااد بيحبني زي ما بيحب جنه ويمكن اكتر، هو ما يقدرش يعيش من غيري ولا انا كمان، هو ديما محتاجلي جنبيه...

عايده بحزن

ربنا يقوومه بالسلامه ده المهم دلوقتي..

قعدت جيدا جنبيها ومسكت ايدها وقالت بحزن

انا كلمت بابي عشاان يجي هنا ويبقي جنبي، لاني كنت خاايفه ومرعووبه امبارح بس هو اتخلي عني، انا ما ليش غير فؤااد انا حيااتي بقيت كويسه بيه هو، انا عارفه انك عايزااه يبقي لجنه وبس، بس انا كمان مرات ابنك والمفروض تحبيني ونقف جنب بعض لحد ما فؤاااد يقووم ويبقي كويس..

سحبت عايده ايدها من ايد جيدا وقالت

المحبه دي بتبقي لوحدها، وانا من لما شوفتك وانا مش مرتحالك قلب الام بقي يا اسمك ايه انتي، ابني بقي بيحبك بيكرهك دي حااجه ترجعله، انما انا بالنسبالي ما فيش واحده هعتبرها مرات ابني غير جنه وبس، عايزه اشووف ابني واطمن عليه بدل ما اعملك فضيحه هنا..

جيدا بقلق

حاضر هخلي الممرضه تخليكي تدخلي عنده..

ـــــــــــــــــ ــــــــــــــــــ

_وفي بيت كريم مندور كانت قاااعده جنه وهي مداايقه في الاوضه بتاعت كريم، وقالت للمرضه بغيظ..

جنه

ممكن تكلميه تخليه يجي...

الممرضه

قولت للشغاله قالت انه جااي في الطريق..

جنه

طيب هاتي اي موبيل، انا عايزه اعمل مكالمه ضروري.

الممرضه

ممنوع كريم بيه مانع اننا نديكي الموبيل، وبعدين اهدي وارتاحي علي السرير انتي لسه تعباانه

جنه بحده

هو ماله اصلا وحابسني هنا ليه؟

_دخل في الوقت ده كريم من غير حتي ما يخبط علي الباب وبصلها بجمود وقال للمرضه...

كريم

اطلعي بره..

_سمعت الممرصه كلامه وخرحت بسرعه لكن سابت الباب مفتوح وراها ، وهو قرب من جنه اللي قالتله بعصبيه.

جنه

انت حابسني هنا ليه انا عايزه امشي..

كريم

طيب اهدي وهخليكي تمشي، بس الاول لازم تبقي عارفه ان هاني هرب مني وما حدش لاقيه

جنه اتنفضت بخووف وقالت

انا عايزه اروووح لفؤااد، مش عايزه اقعد هنا..

كريم

هو من الذووق تقوليلي كده ولا تتكلمي معايا كده، وبعدين فؤااد هو اللي قالي اخد بالي منك لو جراله حاجه، فانتي امااانه عندي..

جنه

هو فؤااد كان يعرف ان ده ممكن يحصل؟!

كريم

اكيد كان عارف ان هاني ده هرب من السجن، وعشااان كده وصاااني عليكي..

جنه بدموع

انا عايزه ارووحله..

كريم

هتروحيله بس الاول انتي لازم ترووحي القسم لانهم محتاجين يحققو معاكي في اللي حصل.

جنه

تمام هقول كل حاجه

كريم بجمود

غلط... اوعي تقولي اني انقذتك او شووفت هاني ده خالص..

جنه بقلق

ده ليه انت مخبي ايه؟

كريم

هخبي ايه يعني، كل الحكايه ان الزفت طليقك ده هرب مني، ولو قولتي كده ممكن يفتكرو ان انا اللي هربته وهيبقي في مشكله بالنسبالي

جنه

طيب اقول ايه؟

كربم

هتقولي انك هربتي منه وجيتي عندي بس، وانا هظبط الباقي اووكي..

جنه

طيب هو فستاني فين اكيد مش هخرج ببجاتمه

كريم ابتسم وقال

فهتروحي القسم بفستان فرح كله دم؟!

جنه

لا ما انت هترجعني البيت وانا هغير هدومي هناك الاول..

كريم

وليه التعب ده كله، لو ما عندكيش مانع بعني ممكن تلبسي حاجه من عند لين بنتي؟

جنه

بنتك!... بس بنتك صغيره اكيد..

كريم.

لا هي مش بيبي هي عندها 16 سنه وفي حجمها الطبيعي، انتي لابسه بجامتها اهو انتي اللي ضعيفه شويه

جنه بجمود

طيب شكرا لو بنتك ما عندهاااش مشكله يعني..

كريم

لا ما عندهااش مشكله، بعد اذنك..

_قال كريم كلامه وساابها وخرج وجنه بصتله بضيق وقالت لنفسها..

جنه

ايه الراجل ده، طيب هو مشي هيجيبلي الهدوم ولا مشي يعمل ايه ده.

_وبعد لحظااات دخلت عندها لين بعد ما خبطت علي الباب وكانت في ايدها هدوم كتير وقالت..

لين

ازيك يا جنه عامله ايه؟

جنه

تمام..

لين

انا لين بابي قالي اجيبلك هدوم عشاان تخرجي بيها، بصي انا مش عارفه ذووقك ايه بس جيبتلك شوية حاجات ممكن تختاري منهم ولو مش عاجبينك دولابي كله تحت امرك..

ابتسمت جنه وقالت

اي حاجه والله عادي، كفايه اني هتقل عليكي واخد. من هدومك

لين

لا عادي برااحتك خالص، انتي تقريبا كده غاليه اووي عند بابي ده امبارح كان هيتجنن عشاان يلاقيكي

جنه ما اهتمتش بكلامها وقالت

انا هاخد الجيبه دي والبلوزه دي..

لين

اوكي وهترجعيهم امتي بقي؟

جنه

اول ما ارجع البيت والله هرجعهم ليكي

لين ضحكت وقالت

انا بهزر معاكي بصي دول خلاص بقيو بتوعك اكيد مش هاخدهم منك، المهم بس ادخلي البسيهم شوفيهم مناسبين عليكي ولا لا..

_سمعت جنه كلامها ورااحت لبست الهدووم بتاعت لين، وكانو منااسبين جدا عليها، واخدتها لين ونزلو تحت وكان كريم قااعد مستنيها واول ما شاافها حاول يتحكم في نظرااته ليها علي قد ما يقدر وقال..

كريم

يلا بينا هنرووح القسم الاول.

جنه

تمام يلا، بس انت ما بتضحكش عليا فؤااد كويس مش كده

كريم

مش هكدب عليكي اكيد وكلها شووويه وهترووحي تتأكدي بنفسك..

_دخل في الوقت ده فارس من بره واول ما شاف جنه ابتسم بأتسااع وقال..

فارس

وانا اقول البيت منور ليه، عامله ايه يا عروسه

جنه بضيق

كويسه..

كريم

انت كنت فين مش عندك جامعه؟

فارس

لا كنت في التمرين وبعدين خلاص هروح الجامعه تاني غير علي الامتحانات...

كريم

طيب اقعد ذاااكر

فارس ابتسم باستفزاز وقال

ما هو علي الامتحانات برضو..

كريم بضيق

براحتك خالص افضالك بس ياا فاارس ولينا كلام تاني مع بع، يلا بينا يا جنه عشان ما نتأخرش

فارس

طيب وهي جنه هتيجي معاك تاني ولا ايه؟

_ما ردش عليه كريم ومشي وجنه مشيت معاه وكل اللي شاغل بالها فؤااد وانها تطمن عليه، وفاارس قرب من لين وقالها..

فارس

ابوكي بيعك البت متجوزه وهو مش سايبها في حالها..

لين

بس بابي قالي انه بيسااعدها بس عشاان جوزها صااحبه.

فارس

ورحمة امك ابووكي ما بيطيق جوزها ده اصلا، ربنا يستر الايام الجااايه من دماااغ ابوووكي..

ـــــــــــــــــ ــــــــــــــــــ

_وبعد شوويه قدااام المستشفي اللي فيها فؤااد وقفت عربية كريم اللي بص لجنه وقالها قبل ما تنزل..

كريم

استني انا جااي معاكي، هطمن علي فؤااد وهاخدك معايا انتي وخالتك تقريبا ام فؤااد..

جنه

احنا عادي ممكن نقعد في بيتنا وو..

كريم

وجودكم عندي امان اكتر ليكم من الرااجل المجنون اللي اسمه هاني ده..

جنه

اطمن علي فؤاد الاول واشووف خالتي وهي اللي تقرر..

كريم

تمام يا جنه يلا بينا..

_ونزلو فعلا وطلعو فوق، واول ما عايده شااافت جنه اخدتها في حضنها وقالتلها ببكاء.

عايده

الحمد لله انك بخير يا حبيبتي

جنه

فؤاد فينه يا خالتي انا عايزه اشووفه

عايده

كويس الدكتور بيقول في تحسن واحتمال يفووق في اي وقت

كريم بهدوء

الف سلامه عليه وان شاء الله يقووم في اقرب وقت

عايده

ان شاء الله، انت بقي الرااجل اللي سااعد جنه مش كده؟

جنه

ايوه يا خالتي، كريم بيه فؤااد موصيه علينا..

عايده بدموع

كان قلبه حاسس يا عين امه عليه، متشكرين يا ابني ربنا يسترها معاك وما نجيلكش في حاجه وحشه..

كريم بهدوء

ده الواجب يا حجه.

جنه.

انا عايزه اشووف فؤااد هو في انهي اوضه..

ردت عليها جيدا اللي وقفت وراها وقالت

انتي بتعملي ايه هنا، مش كفايه اللي حصله بسببك..

بصتلها جنه بضيق وقالت

وانتي مالك، يا خالتي انا عايزه اشوووف فؤاد وابقي جنبيه

قربت منها جيدا وقالت

مستحيل انتي مش هتشووفي جوزي ولا هتقربي منه تاني ابدا

جنه بحده

انتي بتقولي ايه جوز مين، فؤاااد ده جوزي انا ما تتكلمي يا خالتي

اتنهدت عايده بحزن وقالت

مش وقته يا ست جيدا، خليها تدخل تطمن علي جوزها..

جيدا بحده

قولت لا واسمعي يا ست انتي لو سمحتي للبنت دي تقعد هنا او تقرب من فؤاااد انا هخليكي انتي كمان تمشي وما تشوفيهوش تاني..

عايده بحده

انتي بتتكلمي كده ليه يا بت انتي اللي جوه ده ابني

جيدا

وجوزي وانا اللي مسؤله عن حالته

وبصت لجنه اللي كانت واقفه مصدومه وقالت

لو مش مصدقه عندك سعيد مش ده اللي بتثقي فيه وبتصدقي واخدتيه وروووحتي زورتي طليقك ده في السجن من ورا فؤاد والله واعلم اتفقتي معاه علي ايه، رووحي اسأليه وهو هيقولك ان فؤااد ردني من زمان وكان مخبي عليكي لحد ما يتجوزك، معلش كان عايز يكفر عن ذنبه ويريح ضميره من جوازه منك، بس طلعتي ما تستاهليش وكان هيخسر حيااته بسببك، وانا مش هسمحلك تقربي منه تاني..

عايده

جرا ايه يا اختي دي مراته زيها زيك، وبعدين مش وقته الكلام ده سبيها تطمن علي جوزها

جنه بدموع

انا مش عايزه اطمن علي حد يا خالتي انا مااشيه انتي هتيجي معايا ولا هتقعدي هنا..

عايده بدموع

يا بنتي استني يقوم فؤاد واعرفي منه كل حاجه

مسحت جنه دموعها وقالت

ربنا يقوومه بالسلامه، بس هي مراته الاولي ووجودها معاه من زمان اهم من وجودي معاه، خليكي جنبيه وانا هرووح اقعد في البيت ما تقلقيش عليا...

_قالت جنه كلامها ومشيت وهي بتعيط، وقرب كريم من جيدا اللي قالتله بقلق..

جيدا

اللي عملته ده عشان مش عايزاها تدخل عنده..

قطع كريم كلامها وقال

هعديهالك عشان اللي عملتيه جاااي علي هوايا فهعديهالك..

جيدا بصتله بعدم فهم وقالت

مش فااهمه، هو حضرتك لسه عينك منها؟

كريم بجمود

موضوع ما يخصكيش وخلي بالك من جوزك...

جيدا

طيب هو هاني فين؟

كريم

هتعرفي لما فؤاد يقوووم بالسلامه، سلام يا جيدا..

_قال كلامه ومشي ورا جنه اللي لقااها واقفه مع سعيد وهي بتعيط، فقرب منها كريم وقال..

كريم

يلا يا جنه عان الحق اوصلك البيت قبل ما ارووح شغلي

بصتله جنه بضيق وقالت

لا شكرا خلاص سعيد هيوصلني..

كريم بجديه

انتي هترجعي معايا علي بيتي يا جنه، عندي امان ليكي انتي لو قعدتي لوحدك ساااهل اووي علي طليقك انه يوصلك ويا عالم المره دي هيعمل ايه..

سعيد

كريم بيه معاه حق يا جنه، رووحي معاه وطلع فؤااد هو اللي قايله...

جنه ببكاء

انا مش عايزه ارووح عند حد..

بصلها كريم بضيق وسعيد قال بحزن

انا لو عليا اقولك تعالي عندنا او عند لبني، بس هاني مش هيغلب طول ما انتي في الحته، انا هجيلك كل يووم واطمن عليكي..

كريم

انتي هتقعدي مع بنتي يا جنه وهعاملك زي ما بعاملها بالظبط لحد ما فؤااد يقووم من اللي هو فيه ويجي ياخدك اتفقنا....

_مسحت جنه معاه ومشيت قدااامه ناحية عربيته، وهو ابتسم بهدووء وراااح وراها وسعيد بصلهم بقلق وقال لنفسه..

سعيد

قووم بقي يا فؤااد بدل ما تضيع منك تاني، والمره دي مش هاني ده الانيل منه.....

_واول ما وصلت جنه بيت كريم ودخلت البيت قالها كريم بهدووء وابتساامه بسيطه....

كريم

ممكن ما تخافيش ولا تعملي اي تكليف، وكمان لو خالتك هتسيب المستشفي تيجي هنا عشان تبقو في امان....

جنه

بجد شكرا انك واقف جنبنا وبتسااعدنا، انا من لما شووفتك وشيفاااك حد كويس....

كريم ابتسم وقال

شيفاااني حد كويس ازاي يعني؟

جنه بتوتر من نظراته ليها

ااا هو انا هقعد فين، لين قالتلي اني كنت قااعده في اوضتك، فاكيد يعني مش هبقي ضيفه تقيله وهقعد في اوضتك علي طول..

كريم

البيت كله بيتك ولو مرتاحه في اوضتي من اللحظه دي اعتبريها بتاعتك..

جنه

لا يعني لو في اوضة ضيووف هنا هقعد فيها عادي، وكمان انا كل يووم لازم ارووح لخالتي ما يهمنيش حد هناااك غيرها..

كريم

انا بنفسي هوديكي وارجعك، هخلي الشغاله تجهزلك اوصه كويسه جنب اوضة لين تقعدي فيها، ولو عايزه تجيبي حاجتك من بيتكم انا اخلص بس شغلي واخدك ونرووح، ولو عايزه ترووحي لوحدك هبعت معاكي السواااق والحرااس عشان بس ابقي مطمن عليكي..

جنه

تمام..

_وجه كريم يمشي بس رجع ووقف قدامها وقال بجديه..

كريم

هو انا عندي فضول اعرف، انتي بعد اللي عرفتيه عن فؤاد وجيدا، انتي ناويه تكملي معاه ولا هتطلقي؟

_قعدت جنه علي الكنبه اللي جنبيها واتملت عيونخا دموع واتنهدت بحزن وقالت..

جنه

مش عارفه... بجد مش عارفه بس المره دي هو وجعني بزيااده، ما كنتش متوقعه منه كده خالص..

اخفي كريم ابتساامته بصعوبه وقال

تمام... اللي انتي عايزاااه يا جنه، انا همشي ارووح شغلي وهبلغ الشغاله الاول انها تبقي تحت امرك في كل حاجه..

_ وفعلا بلغ كريم الشغاله تجهزلها اوضه خااصه ليها، ومشي راااح شغله، وبعد شويه نزلت لين من فووق واول ما شاافت جنه ابتسمت بهدوء ونزلت بسرعه وقعدت جنبيها وقالت..

لين

انا كان قلبي حاسس انك هترجعي تاني..

جنه بهدوء

وهتقل عليكم كمان وهقعد عندكم شويه

لين ابتسمت بسعاده وقالت

بجد... ده خبر حلو اووي، هنتسلي سوا وما تعمليش نفسك ضيفه احنا هنبقي صحاااب من النهارده، قوليلي هو انتي عندك كام سنه؟

ردت عليها جنه وقالت

انا عندي 25 سنه، وانتي؟

لين

شكلك يبان اصغر علي فكره يمكن عشان قصيره وسوفيفسه حبتين.

ضحكت جنه بهدوء وقالت

بكلمك بجد، طيب انا 70 كيلو اهو ومكلبظه وعندي 16 سنه..

جنه

بس زي القمر وملامحك حلوه وبريئه اووي..

لين

انتي اول حد يقولي اني حلوه بعد بابي وعمو، الباقي بيقولي اني لازم اعمل عملية تجميل وارووح الجيم كتير عشاان ابقي حلوه..

جنه

لو انتي شووفتي نفسك حلوه، الناااس كلها بعد كده هتشووفك حلوه، الموضوع كله عندك

مسكت لين في درااعها وقالت

لا شكلنا هنبقي صحااب بجد، انا بجد مبسووطه انك هتقعدي معانا، ويارب اللي في بالي يحصل وتقعدي معانا علي طول..

جنه

هو ايه اللي في بالك؟

لين بخبث

واحد كده دماغه طايره بيكي..

_توقعت جنه انها بتتكلم علي فارس لانه كان بيدايقها ديما، وردت عليها وقالت بضيق وهي بتشاور للدبله اللي في ايدها الشمال وقالت..

جنه

انتي لسه صغيره ومش فااهمه حاجه، بس انا متجوزه ولولا ان جوزي تعبااان ما كنتش هقعد هنا، وعارفه انا بحب جوزي ده من وانا اصغر منك، من لما فتحت عينيا علي الدنيا وانا مش شايفه غير فؤااد، وحتي لو حصل ايه او ما بقتش ليه انا مش هقدر احب ولا اشووف غيره..

لين

وااااو شكلها حكايه طويله، هتحكيهالي كلها بقي واحنا قاعدين مع بعض..

ـــــــــــــــــ ــــــــــــــــــ

_وعدي اكتر من شهر علي ابطالنا وفؤاااد لسه في الغيبوبه وجنه طول الاياام دي قااعده عند كريم مندور ومعظم الوقت ملتزمه باوضتها، وفي يوووم الصبح كانت قااعده علي السرير ماسكه موبيلها وبتقلب فيه وسعيد كلمها فردت عليه وقالت..

جنه

ايوه يا سعيد..

سعيد

صباااح الخير يا جنه عامله ايه؟

جنه

صبااح النور تمام كويسه زي كل يووم عادي، نفسي تكون بتكلمني عشااان تقولي ان هاني اتقبض عليه..

سعيد

للاسف ما حدش لسه يعرف عنه حاااااجه، المهم خالتي قااعده في بيت الست اللي اسمها جيدا وبتقولك يعني لو عايزه ترووحي تقعدي معاها وان هناك امان....

جنه بسخريه

اقعد في بيت ضرتي وبعدين دي بتكرهني وشيفاااني السبب في اللي حصل لفؤااد، انا شكلي كده هرجع الحاره واللي يحصل يحصل..

سعيد

ليه هو انتي حد عملك حاجه عندك ولا ايه؟

جنه

لا بالعكس بيعاملوني كويس جدا، حتي بنت كريم بتحبني جدا وبنت لطيفه مش بتسيبني اقعد لوحدي، المهم في اخبار جديده عن فؤاد ولا لا؟

سعيد

يا جنة فؤاد محتاجلك جنبيه وجودك وصوتك هما اللي ممكن يرجعوه للحياة ويقوموه من الغيبوبة دي

​جنة بدموع

أنت عارف إن جيدا مش هتسيبني أدخل وهتعملي فضيحة هناك وأنا بجد مش عايزه اشوفها ولا اسمع حتي كلامها انه جوزها وانه كدب عليا وخدعني..

​سعيد

انسي موضوع انه متجوزها دلوقتي، والله هو كان مجبور يرجعلها، ولو علي انك تشووفيه أنا مرتب كل حاجة وعارف إمتى بتكون موجودة وإمتى بتمشي المهم إنتي استعدي وأنا مستنيكي

جنه

مااشي هكلمك تاني علي طول لما اجهز...

_و​قفلت جنة مع سعيد وقامت بسرعة وطلعت فستان أزرق هادي واصل لتحت الركبة بأكمام طويلة ولمت شعرها ونزلت وكان كريم ولين وفارس قاعدين بيفطروا وأول ما شافها فارس ابتسم وبص لكريم بخبث وقال..

​فارس

صباح الجمال يا جنه تعالي افطري معانا اهو تفتحي نفسنا علي الاكل..

بصله كريم بجمود و​جنة ردت عليه وقالت

شكراً يا ما ليش نفس خالص

_و​بصت لكريم اللي كان عينه عليها بنظراته الغامضه وقالت بتوتر..

​جنة

كريم بيه أنا عايزة أروح المستشفى لفؤاد النهاردة

_​كريم ملامحه اتغيرت وساب الشوكة من إيده وقام وقف ببرود وقال..

​كريم

تعالي ورايا على المكتب يا جنة عايزك في موضوع مهم

_​مشيت وراه وهي حاسة بقلبها بيدق بسرعة وأول ما دخلوا وقفل الباب قال بحده..

​كريم

ممكن أفهم إنتي عايزة تروحيله ليه تاني بعد كل اللي عرفتيه، انا افتكرتك عاقله ومش هتهتمي بيه تاني وهتحاولي تنسيه.

​جنة بضيق

ده جوزي يا كريم بيه وقبل ما يبقي جوزي ده ابن خالتي والرااجل الوحيد اللي حبيته وشيفااه سندي في الدنيا، وأظن ده شيء طبيعي إني أكون جنبيه وهو في الحالة دي بعيد عن اي حاجه حصلت بيني وبينه

كريم قرب منها وقال بنبره غاضبه

جوزك اللي اتجوز عليكي في السر وكسر قلبك ووجعك قدام الكل ليه عايزة تروحي لواحد ما اهتمش بيكي ولا بمشاعرك

​جنة بضيق

ده موضوع يخصني أنا وهو لوحدنا وأرجوك ما تتدخلش في خصوصياتي معاه

_​كريم اتعصب جداً وقرب منها لدرجة إنها رجعت لورا وخبطت في المكتب وقال بجمود..

​كريم

لا يخصني يا جنة إنتي من اللحظة اللي دخلتي فيها بيتي بقيتي تخصيني أنا وبس، وفؤاد ده ما يستاهلش ضفرك وأول ما يقوم إنتي هتطلقي منه ورجلك مش هتعتب المستشفى دي تاني ولا هتعملي حاجه غير لما اكون انا عايزك تعمليها.

​جنة بصدمة

أنت بتقول إيه أنت مالك أصلاً أنا همشي من هنا دلوقتي ومش عايزة مساعدة من حد

​كريم ببرود مخيف

مش هتخرجي من البيت ده يا جنة.

_و​مد إيده بسرعة وأخد الموبايل من إيدها وخرج وسابها وهي في قمة عصبيتها وراحت اوضتها و فضلت قاعدة بتعيط وتفكر هتمشي ازاي من عند كريم اللي فجأه بدل ما كان امانها اتحول لمصدر قلق وخووف ليها، ولما عرفت إن كريم مشي من البيت راحت لاوضة لين وخبطت براحة ولين فتحت لها وقالت بقلق..

​لين

جنة في إيه بابي ماله متعصب كده ليه وهو خارج، وانتي كنتي بتعيطي انا كنت لسه هجيلك اطمن عليكي.

​جنة بدموع

لين أرجوكي ساعديني أخرج من هنا لازم أروح المستشفى ضروري وابوكي رفض وعايز يحبسني هنا غصب عني وأخد موبايلي

​لين صعبت عليها جنة وقالت

طيب اهدي وتعالي معايا انا هعرف اخرجك، وخدي موبيلي اهو لو عايزااه

جنه

لا انا بس هكلم سعيد يستناني عند المستشفي وهروووحله..

_وفعلا خرجتها لين من الباب الخلفي بتاع الجنينة اللي الحراس مش واخدين بالهم منه، و​جنة جريت وركبت تاكسي وهي مرعوبة ليكون هاني مراقبها أو كريم يرجع ويلاقيها مشيت لكن وصلت المستشفى أخيراً ولقت سعيد مستنيها واو ما شافها قال..

​سعيد بقلق

جنة إيه اللي حصل وفين موبايلك بكلمك مش بتردي خالص.

​جنة بدموع

كريم زفت ده أخده مني يا سعيد، فجأه بقى بيتعامل معايا بطريقة غريبة كأنه ولي أمري وحابسني في البيت لولا بنته ساعدتني أخرج مكنتش عرفت أجيبك وكلمتك من موبايلها أصلاً

​سعيد استغرب جداً بس حب يطمنها وقال

اهدي بس جيدا مش موجودة دلوقتي وأنا اتفقت مع الممرضة تدخلك خمس دقايق تطمني عليه من غير ما حد يحس بحاجه

_وراحت فعلا جنه للاوضه اللي فيها فؤاد و​دخلت بخطوات مهزوزة وأول ما شافت فؤاد نايم والأجهزة حواليه ووشه شاحب ما قدرتش تمسك نفسها وانفجرت في البكاء وهي بتمسك إيده اللي ما فيهاش محلول وهمست باسمه وقالت..

جنه

ياريت تقوم بسرعه، عشان برغم كل اللي بتعمله فيا انا ما بعرقش اطمن غير وانا معاك، انا خايفه ومرعوبه من هاني وما فيش حد الجأ ليه غير كريم مندور وطلع هو كمان شكله مش ناوبلي علي خير، انت لو موجود انا مش هبقي محتاجه لحد هبقي في امان في وجودك..

دخلت عندها الممرضه وقالت

او سمحتي ممكن تخرجي بقي، انا مش عايزه مشااكل..

بصتله جنه بدموع وقالت

طيب معلش سبيني شوويه كمان وو..

الممرضه قاطعت كلامها وقالت

مرااته ممكن تيجي في اي لحظه، ولو شااافتك هنا هتعمل مشكله..

_جنه قلعت الدبله وحطتها علي الترابيزه اللي جنبيه وساابته وخرجت، واتفاجئت اول ما خرجت ان كريم مندور واقف مع سعيد مستنيها، فبصتله بضيق وقالت لسعيد..

جنه.

سعيد تعالي معلش وصلني لبيتنا في الحاره..

قبل ما يرد سعيد قرب منها كريم وقال

انا هعرفك ازاي ما تسمعيش كلامي تاني....

سعيد

جرا ايه انت بتكلمها كده ليه، علي فكره بقي هي مش هترجع معاك تاني وو..

_طلع كريم سلاحه وقرب من سعيد وحطه عليه عن بطنه وقال تحت صدمة جنه...

كريم

فكر تتملم تاني بنص كلمه بس وانا هخليك تنااام جنب صااحبك، انتو تنسو جنه خالص وايااك بس تقرب منها...

جنه بحده

انت اتجننت سيبه وانا مش عايزه اروووح معاك..

كربم قرب منها وقال

قولتلك اللي انا عايزه هعمله، وبلاش تخليني اتصرف معاكي بطريقه وحشه، المستشفي دي باشاره مني ترمي سي فؤاد بتاعك بره وارتاح، فخليكي عاقله احسنلك..

_قال كلامه ومسك ايدها بتملك واخدها ومشي، وهي بصت لسعيد بنظراات كلها خووف ودموع لكنه كان واقف قليل الحيله ومش عارف يتصرف ولا ينقذها منه، ومشي سعيد ورااح لعايده اللي كانت في بيت جيدا وقالها اللي حصل.

عايده

يا نهار اسووود، هي ليه البت دي حظها كده، استغفر الله العظيم يااارب..

سعيد

انا هرووح ابلغ انه خاطها، بس خايف يأذيها او يجبرها تقول انها قااعده هنااك برضاها..

عايده

خدني هنااك انا غلطااانه اني سيبتها هناك من الاول كان عقلي فين بس وانا بخليها تقعد عند راااجل غريب، خدني يا سعيد هناك اجيب بنتي..

سعيد

يا خالتي ده راااجل مش ساااهل وممكن يأذيكي برضو، انا هرووح ابلغ واللي يحصل يحصل، وهبقي اكلمك اقولك حصل ايه..

_وقبل ما ينشي سعيد خرجت جيدا من اوضتها وقالت بنبره كلها سعااده..

جيدا

فؤاد فاااق يا طنط..

عايده بعدم تصديق

انتي بتتكلمي بجد فاااق امتي!

جيدا

لسه مكلمني من المستشفي دلوقتي، ادخلي غيري هدومك بسرعه وهنرووحله.

سعيد بخبث

انا كنت عارف ان جنه هي الوحيده اللي هتخليه يفوووق..

جيدا بصتله بضيق وقالت

نعممم؟! جنه راحتله امتي؟

سعيد

من شويه اصل قلب فؤاااد ما فيهوش غير مراااته جنه هي الوحيده اللي هتقدر تأثر عليه..

جيدا بغيظ

تمام يا سعيد انت اللي جيبته لنفسك

عايده

مش وقته كلامك ده انت وهي، ادخلي يلا اجهزي استناني هنا يا سعيد..

_رااحت جيدا اوضتها وهي نظرااتها لسعيد كلها حقد وغضب...

ـــــــــــــــــ ــــــــــــــــــ

_وفي الوقت ده في بيت كريم مندور، دخل البيت وهو ماااسك ايد جنه وقالتله بحده..

جنه

انت ايه اللي بتعمله ده سيبني..

كريم بحده

انا مش عايز اسمع صوووتك خالص، صوتك ما يعلاش هنا..

جنه بدموع

انا عايزه امشي من هنا..

_اخدها كريم غصب عنها لاوضتها وقفل الباب عليهم وبصلها بنظره غاضبه وقال..

كريم

هي وكاله من غير بواب، فااكره ان وجودك هنا او عدمه ده بمزاجك..

جنه بخووف

اا انت جيبتني هنا عشاان فؤاد موصيك عليا، انا بقولك مالكش دعوه بيا تاني يحصلي اللي يحصل طلع نفسك من حياتي، ما هي اصلا ما توصلش لكده انك تحبسني في بيتك وتهدد سعيد بسلاحك وكمان تقولي اطلق من فؤاد

كريم قرب منها وقال

وتفتكري انا بعمل كده ليه اكيد مش عشان خاطر فؤاد، انا من اول ما شوفتك وانا معجب بيكي..

جنه بعدت عنه بسرعه وقالت

انت بتقول ايه، انا مراته هو وبحبه هو..

غمض عيونه وهو بيحاول يتمالك اعصاابه وقال

فاهم.. انا قصدي اقولك ان وجودك هنا عشاانك انتي، انا بحميكي عشاانك ولو جينا للحق انا مش بطيق جوزك واكتر من الشغل ما فيش بيني وبينه، وعشااان خاطرك انتي وافقت ان يكون بينا شغل، مش عارف ايه اللي بعمله ولا اخرة قربي منك ايه، بس وجودك في بيتي وقدام عيني مريحني، ومش هقدر اسيبك ليه ولا اخليكي تبعدي عني..

جنه اتفاجئت بكلامه وقالت

مستحيل انا مش هسمحلك تبعدني عنه

كريم

حتي بعد ما طلع بيخدعك ومتجوز..

جنه بدموع

قولتلك دي حاجه بيني وبينه انت واي حد ما لوش دعوه بيها..

كريم

طيب لحد ما البيه بتاعك يجي ياخدك ما فيش خرووج من البيت ولا حد ليه كلمه عليكي غيري..

جنه بحده

انت مالك بيا اصلا ما تسيبني في حالي..

كريم

يا ريت اقدر اسيبك، كنت اكتر واحد هرتاح هو انا..

_قال كلامه وسااابها وخرج من اوضتها وهي فضلت قاااعده مدااايقه ودخلت عندها لين وقالت..

لين

جنه اوعي تكوني قولتي لبابا اني سااعدتك تخرجي من وراااه

جنه بضيق

ما قولتش حاجه، بس ابوكي ما بتخفااااش عليه واكيد عرف..

لين

بس بابا بيحبك اووي باين عليه..

جنه بحده

انتي بتقولي ايه، انتي لسه صغيره يا لين وعيب تقولي كده

لين

بس انتي وبابا كبار والحب ليكم مش عيب، الفرق بينك وبين بابا تقريبا اكتر من 15 سنه بس بابا يبان صغير وانا هبقي مبسووطه لو اتجوزتيه وبقيتي عايشه معايا علي طول

جنه بعصبيه

انتي بتقولي ايه انا متجوزه، وعمري ما هتجوز ابوكي المجنون ده..

اتملت عيون لين دموع فاتنهدت جنه بضيق وقالت

انا اسفه يا لين مش قصدي بس انا بجد اعصااابي والله تعبااانه جدا

لين

ولا يهمك انا هرووح اذااكر واسيبك تهدي... باي باي..

_خرجت لين من عندها وجنه رااحت وقفت قداام الشباااك وفضلت تعيط وقالت وعي بتبص للسما ببكاء..

جنه

يارب انت عارف اني ماليش غيره، يارب يقووم ويبقي كويس ويجي ياخدني من هنا...

ـــــــــــــــــ ــــــــــــــــــ

_وبعد شويه في المستشفي كانت قاااعده عايده جنب فؤااد وجنبيها جيدا وسعيد واقف جنبيه الناحيه التانيه وقال..

سعيد

كده تخوفنا عليك يا صااحبي

عايده

الف مليوون سلامه عليك يا نور عيني..

بصلها فؤاد وقال بهدوء

الله يسلمك يا امي..

_وجات عيونه علي جيدا اللي ابتسمت ومسكت ايده وقالت..

جيدا

كنت عارفه انك مش هتسيبني..

فؤاد

فين جنه يا جمااعه؟

_بصت عايده هي وسعيد لبعض بتوتر وجيدا قالت بغيظ..

جيدا

قولتلها تيجي تقعد معايا انا ومامتك في البيت وهتبقي في امان لحد ما يلاقو هاني ويتقبض عليه، بس هي رفضت وعجبااها العيشه عند كريم مندور....

فؤاد بصدمه

نعممم انتي بتقولي ايه، عيشة مين اللي عجباها، جنه فين يا امي انتي وسعيد؟

جيدا

ما تردو عليه قولولو ان الهانم بقالها شهر واكتر قااعده مع كريم في بيته..

قاام فؤاد بصعوبه وقال بغضب

ازاي يعني تقعد عند الرااجل ده، اتجننت دي في دماغها ولا ايه؟

عايده

يا ابني اهدي انت مش فااهم حاجه..

فؤاد بحده

افهم ايه انا هرووح اجيبها وهربيها كويس علي اللي بتعمله في غيابي ده

سعيد بص لجيدا وقال

البركه في مرااتك اللي طردتها لما جات تشووفك ومنعتها حتي تطمن عليك وقالتلها انك متجوز في السر..

بص فؤاااد بحده لجيدا اللي قالت بتوتر

انا كنت خاايفه عليك والله وطليقها هرب وكان ممكن يجي هنا تاني ويأذيك..

فؤاد بجمود

امشي يا جيدا من هنا.....

جيدا

يعني ايه امشي من هنا؟

فؤاد

مش عايزك هنا، لما هبقي كويس هجيلك..

جيدا بدموع

انا مش هقدر اسيبك لوحدك يا فؤاد، لازم ابقي جنبك واطمن عليك..

عايده بحده

ما قالك امشي هتتعبيه ليه ما تسمعي الكلام وخلاص..

سعيد

تحبي اوصلك لبيتك يا مدام؟

_بصتلهم جيدا بحزن ومشيت، وفؤاد حاول يقووم فعايده قالتله بقلق..

عايده

رايح فين بس يا ابني انت لسه تعباان والدكتور قال لازم ترتاح..

فؤاد

انا مش هرتاح غير لما جنه تبقي جنبي، وانتو ازاي تخلوها تقعد عند رااجل غريب؟!

سعيد

يووم الفرح اصلا هاني خطفها واللي انقذها منه هو كريم، وقالنا انك موصيه عليها وانه يااخد باله منها في غيااابك..

فؤاد بغيظ

كداااب واستغل اللي حصل ده عشاان يقرب منها..

سعيد

طيب بص مدام انت فووقت انا هروح اجيبهالك من عنده....

فؤاد

انا هرووح اجيب مرااتي بنفسي من عنده، تعالي بس سااعدني..

ـــــــــــــــــ ــــــــــــــــــ

_وبعد شووويه كان فااارس قاااعد في الجنينه بيذاااكر وجنبيه لين اللي قالتله...

لين

انا ما بعرفش اذاااكر هنا، خليني اطلع اذااكر في اوضتي...

فارس

لا خليكي هنا عشاان تفتحي نفسي علي المذااااكره وانتي دحيحه كده

لين

بس بقي يا عمو هتحسدني..

_في الوقت ده شاافو فؤااد داخل البيت بعربيته اللي بيسوووقها سعيد وقال فارس بضيق..

فارس

يا نهار ابيض جوز جنه جه..

لين

هو عايش بعد اللي حصله..

فارس

واهو زي القرد كمان، تعالي نشووف ايه اللي هيحصل ابووكي جوه ولا فين؟

لين

ايوه جه من شوويه ودخل مكتبه وكان متدايق جدا..

_واول ما دخل فؤااد البيت دخل ورااه فارس اللي قاله بخبث..

فارس

اهلا اهلا يا... ااا ما علينا حمدلله علي سلامتك

بصله فؤاد بضيق وقال

جنه فين؟

فارس

فووق في اوضتها..

سعيد

معلش اندها لينا بقي عشاان هنااخدها ونمشي وشكرا اووي لحد كده؟

فارس

والله احنا ما عملناااش كده عشاانكم فما فيش دااعي للشكر، كريم هو اللي حابب يسااعد جنه، واظن انت عارف كويس ليه..

مسكه فؤااد من هدوومه وقال بحده

انت بتستهبل يالا عايزني اقل منك تاني..

فارس ابتسم بأستفزاز وقال

انا مش هاخد عليك عشاان انت تعبااان وعيب اتخاانق مع واحد في ربع صحتي..

سعيد

خلاص يا فؤاد احنا جايين ناخد جنه ونمشي ومالنااااش دعوه باي حد هنا تاني

سابه فؤااد وفارس قال بخبث

كريم اللي يقول هتمشي ولا لا...

_اتعصب فؤاد جدا بس قبل ما يرد عليه خرج كريم من مكتبه واول ما شااف فؤاد، اتنهد بضيق وقال..

كريم

في ايه يا فااارس؟

فارس بخبث

البيه قال ايه جااي يااخد جنه..

فؤاد بحده

وانت مال اهلك يالا..

كريم بجمود وهو بيقرب منهم

فااارس خد لين وروحو كملو مذااكرتكم يلا..

_سمع فارس كلامه واخد لين وخرج من عندهم، وبص كريم بجمود لفؤاد وسعيد وقال..

كريم.

حمدلله علي سلامتك يا فؤاد؟

فؤاد

مراتي فين؟

كريم بهدوء

اهدي يا حبيبي انت هنا في بيت كريم مندور، ومراتك في امان عندي وهجيبهالك..

سعيد

تمام ياريت تجيبها بسرعه ومتشكرين لمساعدتك اللي كانت غصب عننا دي..

كريم بص لسعيد بضيق وقال

تعالو استنو في المكتب لحد ما تجيب حاجتها وتجي..

_سمع فؤااد وسعيد كلامه ورااحو قعدو في مكتب كريم اللي خلي الشغاله تجيبلهم حاجه يشربوها وسااب فؤااد قااعد علي اعصااابه وفي قمة غضبه، وطلع فوووق لاوضة جنه، وخبط علي الباب بهدوووء وقال..

كريم

جنه..ممكن تفتحي..

_بعد لحظاات فتحت الباب وكان باين علي ملامحها الحزن وانها كانت بتعيط وقالتله..

جنه

نعممم عايز ايه؟....

كريم

جوزك تحت..

جنه بعدم استيعاب

ازاي يعني، جوزي مين؟

ابتسم كريم بهدوء وقال

جوزك اللي انتي مصدعاااني بيه، اللي فاااكره انه بيحبك وانك هتبقي مبسووطه معاه..

اتجاهلت جنه كلامه وقالت بعدم تصديق

انت بتهزر فؤاااد هنا، هو بقي كويس وفاااق... قول والله..

_ذقها كريم بخفه من كتفها ودخل معاها الاوضه وقفل الباب وهي بصتله بخوووف وقالت..

جنه

في ايه؟

كريم

هتمشي معاه بعد ما خدعك وطلع متجوز وكان بيكدب عليكي..

جنه

ايوه ودي حاجه بيني وبينه، وما تقلقش هقوله انك ساعدتني ووقفت جنبي، ومش هجيبله سيرة تصرفاااتك دي ومش خوووف عليك، لا انا خااايفه عليه هو من واحد زيك..

كريم

واحد زيي؟! طيب خلينا واضحين اكتر يا جنه انا بحبك، ومستعد اعملك كل اللي انتي عايزاااه بس تنزلي دلوقتي وتقوليلو انك مش هتمشي معاه وانا هخليه يطلقك قبل ما يمشي وهنتجوز وهخليكي اسعد واحده في الدنيا، كل اللي تتمنيه هيبقي تحت امرك بس وافقي واديني فرصه، فؤااد مش بيحبك ما اعرفش ايه اللي من ناحيته ليكي، بس مستحيل يكون حب زي اللي جوايا ناحيتك..

_بصتله جنه بتوتر، وكانت مصدومه من كلامه ليها، وفي الوقت ده قاام فؤااد وقف وهو مااسك قلبه بألم وسعيد قاله بقلق..

سعيد

في ايه انت تعبت ولا ايه، يا ابني ما انا قولتلك كنت خليك في المستشفي وانا هاي اجيبها..

فؤاد بقلق

كريم كانت عينه منها يا سعيد، ازاي تخلي مراتي تقعد عنده وفي بيته؟

سعيد

غصب عني انا مش قد الرااجل ده..

فؤاد

ليه ما انا سايبلك كل حاجه، كنت قعدها مع امي في البيت وكلم شركة الامن وهات الرجاله اللي عايزها تحميكم..

سعيد

والله هو ده كان سااهل يعني، حضرتك مرااتك جيدا هانم كانت هي اللي بتتصرف في كل حاجه تخصك، البنت دي اقسم بالله ليه ايد في اللي حصلك ده، هي مش طبيعيه عايزه تتملكك وتبقي بتاعها لوحدها..

_قبل ما يرد عليه فؤااد دخل عندهم كريم وقال بجمود وهو بيقعد علي مكتبه..

كريم

مالكم واقفين ليه، اتفضلو اقعدو..

فؤاد

فين جنه؟

كريم

بتجيب حاجتها ونازله حالا، اقعد بس خلينا نتكلم في موضوع مهم لازم تبقي عارفه.

قعد فؤااد قدااامه وقال

موضوع ايه ده؟

كريم بجمود

هاني عندي..

فؤاد

لا والله ومدام هو عندك ما سلمتوش ليه للشرطه وسيبت مرااتي تمشي من هنا، ولا انت كنت بتستغل الظرووف وتخليها عندك..

وقاام وقف وقال بعصبيه

اسمع يا كريم مندور، انا الدنيا دي عندي كووم وجنه كوووم تاني واللي هيفكر يقربلها او يبعدها عني اا....

قاطع كريم كلامه وقال

من غير ما تكمل هي اختارتك انت، وقالت نفس الكلمتين بتوعك دول

فؤاد

يعني ايه، قصدك ايه بكلامك ده؟

كريم بضيق

المهم انا خبيت هاني، عشاان لو كنت سلمته للشرطه كانت مراتك هترووح فيها، واقصد مراتك الاولي اللي خرجته من السجن واتفقت معاه علي كل حاجه..

سعيد

مش انا قولتلك يا فؤااد، بس هي ليه كانت عايزه هاني يقتلك؟

كريم

لا هي اتفقت مع هاني ان جنه هي اللي تموت مش فؤاااد، بس هاني كان ليه رأي تاني في الموضوع، هاني هدفه الوحيد جنخ، الرااجل ده مريض نفسي مستحيل يكون طبيعي، وبرضو مراتك الاولي اللي هدفها الوحيد انها تخلص من جنه، حتي انها ساعدتني اخليها تفضل معايا هنا....

فؤاد بجمود

هاني فين؟

كريم

موجود وانت حر بقي عايز تسلمه للشرطه هو ومراتك براحتك، عايز تاخد حقك منه بينك وبينه لوحدك بعيد عني، انا اللي كان يخصني اني احمي جنه منه وبس..

فؤاد حط ايده علي صدره وقال بألم

المهم عندي دلوقتي جنه، وهاني هاخدك منك ما تقلقش انت هتبقي بعيد تماما عن الموضوع..

_في الوقت ده خبطت جنه علي الباب ودخلت، واول ما شاافت فؤاد ابتسمت تلقائياً بسعاده وعيونها اتملت دموع، وفؤااد لما شاافها اتنهد بأرتياااح وقرب منها وبكل اشتيااق وتملك اخدها في حضنه وقال بتنهيده طويله.

فؤااد

وحشتيييينيييي..

_في اللحظه دي نسيت كل حاجه مزعلاها منه، وما اهتمتش لوجود كريم وسعيد وحضنته هي كمان بكل قوتها وقالت ببكاء..

جنه

اوعي تسيبني تاني، انا ما بعرفش اعيش من غيرك..

_ابتسم فؤاد بهدوء وسعيد كمان اللي بص لكريم بشمااته، وكريم كانت نظرااته كلها حزن ليهم وافتكر ردها عليه من شويه لما اعترفلها بحبه وهي قالتله..

فلاااااااااش بااااك..

جنه

انا مش عارفه انت ليه بتقول كده، لحقت تعرفني امتي عشاااان تحبني بالشكل ده..

كريم

مالهاش علاقه، المهم اني حبيتك، انا فرصه كويسه ليكي يا جنه؟

جنه

فرصتك دي مش اكبر من حبي لفؤااد، لو مين قداامي انا عمري ما هشووف حد انه احسن منه، او ممكن اسيب فؤااد عشاانه، اللي بيني وبينه اكبر بكتير من الفرصه اللي بتتكلم عليها والعرووض اللي بتقدمهالي، انا وعيت علي الدنيا شووفت فؤاد كبرت بين ايديه وبتربيته ليا، وحبي ليه كان بيكبر معايا، انت محتاج سنين عشان تعرف توصل لربع مكانته عندي..

كريم بجمود

تمام وانا هحترم رغبتك، اكيد يعني مش خجبرك عليا، انا مش مجنون زي طليقك، اجهزي ورتبي حاجتك وتعالي عشاان تمشي مع حبيبك يا جنه..

_باااااااااااك..

_حاول كريم علي قد ما يقدر يتمالك اعصاابه ويداري حبه وغيرته عليها قداامهم، وبد فؤاد شويه عن جنه وبص لكريم وقال..

فؤاد

شكؤا يا كريم بيه، مش هنسالك ابدا مساعدتك دي، تتردلك في الافراااح..

كريم

ده الواجب، بس خلي بالك من جنه، عشاان مش هتلاقي واحده في الدنيا بتحبك قدها..

_بصتله جنه بهدوووء وابتسمت بتوتر وفؤاااد اخدها ومشي من غير ما يرد عليه وقبل ما سعيد يرووح ورااهم، كريم قاله بجديه..

كريم

سعيد..

بصله سعيد بقلق وقال

نعم؟

كريم

ما تزعلش عشان هددتك بطريقه مش كويسه؟

سعيد

حصل خير يا كريم بيه، بعد اذنك..

_قال سعيد كلامه وساابه ومشي، وفضل كريم قااعد مداااايق، ودخلت عنده بعد شويه لين بنته ومعاها فارس اللي قال بغيظ..

فارس

انت ازاي تسيبهاله؟

كريم

انت غبي يالا دي مرااته.

فارس

بس انت بتحبها، وما تنكرش ده حتي بنتك العيله دي واخده بالها..

بصله كريم بغيظ ولين قالت

انا مش عيله، بص يا بابي هي مش نصيبك انت هتتجوز الاحلي والاحسن منك

فارس

ويسيبها ليه اصلا، المفروض كنت تجبرها تقعد هنا لحد ما تتعود عليك وهي مع الوقت هتتأكد انك لحسن ليها مليون مره من جوزها الغتت ده

كريم

مهما عملت جنه عمرها ما هتشوف غير فؤاااد، ربنا يسعدها، وعلي فكره عشاان تبقو انتو الاتنين عارفين انا مش بفكر في موضوع الجواز ده خالص، ولا ناوي افكر في الموضوع ومش عايزكم تفتحوه معايا تاني..

فارس

هترجع تاني معقد..

كريم

اتلممم يا فااشل، ورووح كمل مذاااكره عشان السنه دي غصب عن اهلك هتتخرج من الجامعه..

فارس

ربنا يدينا ويديك طولة العمر، يلا بينا يا لين نكمل مذااكره ونسيبه مع احزااانه..

_ضحكت لين وخرجت مع فارس، وكريم ابتسم بسخريه علي حالته ومن مشااعره اللي فضحته قداام اخوه وبنته..

_وبالليل في بيت فؤااد كان نايم في اوضته علي سريره، وجنبيه الممرضه يتغيره علي الجرووح اللي في صدره، وجنه وعايده قااعدين قدااامه..

عايده

انتي قاعده جنبي وسايبه البت تتسهوك عليه، شاايفه بتقرب منه ازاي؟

جنه

مش ابنك ساااكت وعاجبه الوضع هو حر..

ابتسمت الممرضه وقالت

كده احنا خلصنا يا فؤاااد بيه، تقدر ترتاح وانا هفضل جنبك..

فؤاد بص لجنه وقال

لا ما فيش داعي، ابقي خلي الشغالين يرتبولها اوضه تقعد فيها وانا لما هحتاجلك هبعتلك.

الممرضه

بس عشاان صحة حضرتك انا هفضل هنا معاك

فؤاد بجمود

مراتي موجوده اهي وهتهتم بيا وبزيااده

الممرضه بصدمه

هي دي مراااتك مش اختك، اومال الشقرا اللي كانت معاك في المستشفي وانت في الغيبوبه دي مين، ولا انت متجوز اتنين..

بصتله جنه بعيظ وفؤاااد قال

انتي مالك ما تخليكي في شغلك، خديها يا امي لو سمحتي انا مش نااااقص..

قاامت عايده وقالت

يلا بينا يا بنتي وسبيه يرتاااح...

_وخرجت عايده هي والممرضه وفضلت جنه قاااعده معاااه وهي مدااايقه، وهو ابتسم بهدوء وقالها..

فؤاد

بقي من حقنا خلاص اننا نقعد في اوضه واحده مع بعض؟..

جنه

الاول من حقي اعرف انت ليه كدبت عليا، ومدام بتحب جيدا ورديتها ليك اتجوزتني انا ليه؟..

فؤاد بضيق

يعني هو ده وقته وانا تعباان....

بصتله بحزن وقالت

معلش انا كمان عايزه افهم

فؤاد

عشااان شغلي يا جنه، والله العظيم لولا شغلي انا ما هردها ولا هدخلها حيااتي اصلا؟

جنه بدموع

يبقي ما تكدبش عليا تاني وتقولي اني اهم حاااجه في حيااتك، عشان انت زمان سيبتني ومشيت عشان تحقق احلامك، ودلوقتي عشااان نفس السبب استسهلت وجعي..

فؤاد

اخر غلطه والله، اصلا هطلقها وهي وماضيها معايا هينتهو من حيااتي..

جنه بهدوء

تمام لحد ما تطلقها احنا ما فيش بينا حاجه، ومش هنبقي اتنين متجوزين عادي.

فؤاد

انتي اتهبلتي يا جنه ده انا ما صدقت والله، وبعدين دلوقتي انا تعباان ومحتاجلك..

جنه ببرود

هبعتلك خالتي تاخد بالها منك، وهقولها ان انا كمان تعباانه

فؤاد

انا مش عايز خالتك يا رووح خالتك، انا عايزك انتي..

جنه

وانا مش عايزاااك دلوقتي وانا في واحده مشركاااني فيك، والف سلامه عليك يا ابن خالتي..

_قالت كلامها وسااابته وخرجت، وكانت عايده واقفه في وشها وقالتلها..

عايده

رايحه فين؟

جنه

رايحه اوضتي يا خالتي عديني..

عايده

نقلنا حاجتك من يووم الفرح لاوضة فؤااد، خلاص بقيت اوضتك هنا..

جنه بحزن

مش هقعد معاه غير لما يطلقها يا خالتي..

عايده

طول عمرك عبيطه، ما شوفتيش هي بتتسهوك عليه ازاي وانتي كل شويه نكد..

جنه

اهو انا كده ولو مش عاجبه يكمل معاها ويطلقني، ادخلي انتي يا خالتي خليكي جنبيه وانا هرووح انام في اوضتي

عايده بخبث

ما اقدرش انا اقعد هنا وانا ست تعبااانه، ده انا عايزه اللي ياااخد باله مني، ادخلي بس عشان هو تعبااان ولما يخف خليه يبقي متعود انك انتي ما تسبيش اوضتك ابدا ولما يزعلك هو اللي يمشي..

جنه

يا خالتي مش هدخل انا تاني عنده وو..

عايده

وبعدين معاكي اسمعي الكلام، ولا اروووح اكلم جيدا تيجي تاخد هي بالها منه

جنه

هو انتي ممكن تعملي كده يا خالتي؟

عايده

ايوه اومال اسيب الواد تعبان، ولا ادخل عنده الممرضه الهبله اللي جات دي عشاان تنقطه

ابتسمت جنه غصب عنها وقالت

طيب عشااان خاطرك انتي بس يا خالتي...

طبطبت عايده علي كتفها وقالت

ربنا يكملك بعقلك يا رووووح خالتك..

_ورااحت عايده اوضتها، وجنه اتنهدت بضيق ورجعت دخلت اوضتها هي وفؤاااد اللي كان مااسك موبيله واول ما شاافها ابتسم بهدوء وقال..

فؤاد

ما هونتش عليكي تسبيني مش كده؟

جنه بتوتر

لا خالتي هي اللي صممت اني اعمل بأصلي وافضل جنبك، ناام يلا وانا هنااام علي الكنبه هنا..

قفل الموبيل وحطه جنبيه وقال بضيق

في حاجه تحت المخده مش عاااارف انام..

_قاامت جنه وقربت منه عشااان تعدله المخده، لكن هو فجأها اول ما مسك ايدها وسحبها لحضنه وخلاها تتنفض بتفاجئ وقلق وقالت..

جنه وهي بتحاول تبعد عنه

انت بتعمل ايه يا فؤاااد سيبني

فؤاد

بطلي حركه كده انا تعباان لوحدي، وكنبة ايه اللي تناامي عليها، من النهارده لحد اخر يوووم في عمري مش هنااام غير في حضنك..

جنه وشها قلب احمر بخجل وقالت

مش وقته يا فؤاااد، احترم رغبتي ولما تبقي تطلق الهانم اللي بتقول انك متجوزها مصلحة هبقي اعملك اللي عايزه..

فؤاد بهدوء

والله العظيم هطلقها، بس خليكي جنبي انا محتاجلك يا جنه...

جنه

طيب ابعد شوويه كده ومش هقووم، هتخمد جنبك وامري لله....

ابتسم بهدوء وقال

لا احنا كده حلوين..

_ونامت فعلا لاول مره في حضنه ، وابتسمت بهدوء وقالتله..

جنه

فاااكر وانا صغيره لما بقي عندي 6 سنين وخالتي خلتني ابطل انام جنبك وخلتني انام علي طول معاها هي؟

فؤاد

امم فااكر وقتها فضحتينا في الحاره كلها عشان تنامي حنبي، ولولا ما امي ضربتك لولا ما سكتي، كنتي طفله عنيده بشكل....

واتعدل شويه في نومته وبصلها بهدوء وقال

لو تفتكري وقتها عشاان ما اخلكيش تزعلي، قولتلك لما تكبري شوويه هخليكي تنامي جنبي علي طول..

ابتسمت بهدوء وقالت

ايوه فاااكره..

فؤااد

وطلعت قد كلامي اهو يا حبيبتي.

_برغم كل زعلها منه، الا ان ذكريات طفولتها معاه ديما بتخليها سعيده، وقربت منه المره دي هي بأرادتها وناامت في حضنه، وبرغم المه من اقترابها من جرووحه الا انه اتحمل وكمان قربها هو اجمل حاجه بالنسباله..

ـــــــــــــــــ ــــــــــــــــــ

_وتاني يوووم الصبح كانت لسه جنه نايمه جنب فؤاد اللي موبيله رن وخلااه صحي من النوم قبل جنه، ومسك الفون ورد علي كريم مندور وقاله..

فؤاد

ايوه يا كريم بيه معاك..

كريم

هبعتلك لوكيشن لازم تيجي عليه بسرعه، ولو مش هتقدر حاول لازم تكون موجود عندي في اسرع وقت..

فؤاد

حاااضر جاااي حالا..

_قال كلامه وقفل معاه وقرب بهدووء من جنه وهي نايمه وباااس راااسها وقااام من جنبيها من غير ما تحس، ورااااح غير هدووومه واخد علاجه ومشي من غير ما حد يعرف انه مشي، وراااح للمكان اللي كريم قاله عليه واوا ما وصل هناااك لقي كريم قاااعد وحواليه رجالته..

فؤاد

خير يا كريم بيه في ايه؟

كريم

شكلك بقيت احسن النهارده؟

فؤاد

ان شاء الله... في ايه بقي؟..

كريم قااام وقال

تعالي معايا..

_واخده كريم ودخلو البيت اللي شبه مهجور، وشاور كريم لواحد من رجالته اللي قرب من شيء متكور علي الارض وعليه غطي عربيه قديم وردئ، وشااله وظهر وش هاني اللي كان ميت، اتفاجئ فؤااد وبص لكريم بعدم تصديق وشك وقال كريم ببرود..

كريم

هو اللي عمل كده في نفسه، لما الرجاله بلغوه انك عايش ورجعت لجنه..

فؤاد

والحل دلوقتي هنعمل في الجثه دي ايه؟

كريم

عادي انا ممكن ارميه في اي حته ومش هخلي اي شك ناحيتي وانت مريض وتعباان ما تعرفش تعمل فيه حاجه..

فؤاد

وبالنسبه لاتفااااقه مع جيدا..

كريم

ما فاتتش عليا، الموبيل بتاعه فيه تسجيل مكالمات باتفاقها معاه، يعني المكالمات دي لو راااحت للشرطه هيبقي المتهم الاول في قتله هي جيدا..

فؤاد بجمود

هي مش خرجته عشااان يأذي جنه، تمام يبقي تسيب الموبيل بتاعه مع الجثه بتاعته..

كريم

كده جيدا االي هتشيل الليله كلها..

فؤاد

عارف ولازم ده يحصل عشاان ابعدها عن جنه وعن حيااتي من غير ما تعملي اي مشاااكل، اصل اللي خلاها تفكر انها ممكن تقتل هيخليها تعمل اكتر من كده كمان، وانا عشاان احمي جنه من شرها لازم ده يحصل..

كريم

اممم ماااشي يا فؤااد اقنعتني..

ـــــــــــــــــ ــــــــــــــــــ

ـ وسااابه فؤاااد ورجع بيته وقال لجنه ومامته اللي حصل، وجنه مسحت دموعها وقالت..

جنه

الله يرحمه..

فؤاد

نعمم يا اختي بتترحمي عليه بعد اللي عمله فينا ده؟

جنه

قولت الله يرحمه مش الله يساامحه، وبعدين ما هي مراتك برضو السبب في كل ده..

فؤاد

هو انا ما قولتلكيش، مش وانا جااي رووحت طلقتها..

جنه ابتسمت وقالت

قول والله واللهي يارب تتشل لو كنت بتكدب..

ضحك فؤاد وعايده قالت

بس يا بت بعد الشر عليه..

فؤاد

والله طلقتها ومن النهارده لاخر عمري ما فيش في حياتي غيرك..

ابتسمت جنه بخجل وعايده قالت

هروح اشووف هيعملو ايه علي الغدا ومش هبقي عزول اكتر من كده بينكم..

_ضحك فؤااد وجنه بخجل، وبعد ما مشيت عايده قرب منها فؤاد وقعد جنبيها وقال.

فؤاد

مبسووطه كده ومش زعلانه مني؟

جنه

وحتي لو كنت زعلانه انا ما بعرفش اسيبك زي ما انت بتعمل..

فؤاد

برضو انا كمان ما بعرفش ابعد عنك ولا ما احبكيش برغم انك بوومه ونكديه..

جنه

انا بووومه ونكديه..

فؤاد

وزي القمر وبمووووت فيكي..

ابتسمت بهدووء وقالت

اممم ما انا عارفه، بس هو كده خلاص ما فيش مشااكل تاني، يعني هاني وجيدا كل دول اختفو من حياتنا..

فؤاد

كل حاجه خصلت ما بقاااش في غيرنا، وغير الحيااه اللي طول عمرنا بنحلم نعيشها سوا..

ومسك ايدها وبااااسها وقال

وحقك عليا في كل حاجه زعلتك وخزلتك فيها، والمره دي هعوضك بجد عن كل حاجه وحشه حصلت..

جنه

كفايه انك تبقي جنبي وما تبعدش هو ده بس اللي انا عايزاااه منك..

ـــــــــــــــــ ــــــــــــــــــ

_وكملو حيااتهم سوا بكل سعااده وكان ديما بيحاول يسعدها علي قد ما يقدر، وبعد اكتر من سنه عدت عليهم وهما مع بعض..

_كان فؤاااد قاااعد في مركز الشررطه وملامحه كلها ضيق ودخلت عنده جيدا وهي لابسه عبااية حمرا وملامحها كلها حزن واول ما شاافته أبتسمت بدموع ولسه هتقرب منه، فشاورلها بايده تبعد وقال..

فؤاد

عايزه ايه؟

جيدا بدموع

في اقرب وقت هينفذو الحكم فيا..

فؤاد

والمطلوب؟..

جيدا دموعها نزلت وقالت

انا عمري ما كنت بالشر ده، كل اللي كنت عايزااااه انك تبقي بتحبني

فؤاد

شووفتي انا بحب جنه قد ايه، كنت اقدر اقتل هاني اول ما وصلت مصر واخلص منه، وكانت قداامي فرصه ابقي مجرم اكتر من مره وكان زماني بقيت في مكانه تاحسن من اللي انا فيها، بس انا ديما بقول ان اللي بيعمل كده بيبقي شيطان، بني ادم مريض اللي يقتل وينهي روووح بني ادم، وانتي حبك ليا ده مرض وما اسموش حب اصلا، انتي اتعلقتي بيا عشاان انا الوحيد اللي حسستك انك ممكن تتحبي، بس انا عمري ما حبيتك، كنتي ممكن تنسحبي من حياتي بكرامتك وتعيشي مرتاحه بعيد عني، بس انتي اللي اختارتي توصلي للوضع ده، انا كنت هداافع عنك واخليكي تطلعي براءه وتسافري وتبعدي، لكن لقيتك اعترفتي انك انتي اللي خليتي رجالة هاني يعملو فيه اللي عملوه ده، ومش هو اللي انتحر، وكنتي خااايفه يعترف عليكي واسيبك، والنتيجه اهو خسرتيني وخسرتي حيااتك كلها..

جيدا ببكاء

طيب ساامحني ما تبقاااش زعلان مني...

اتنهد بضيق وبصلها بنظره كلها شفقه وقال

والله انا مش عارف اقولك مسامحك ولا اقولك انتي سامحيني، ولا مين فينا اللي غلطان، بس لو انا كنت غلطان وسبب في اللي وصلتيله انا اللي بتمني تسامحيني ومن ناحيتي خلاص مسامحك..

جيدا ابتسمت بدموع وقالت

انا عمري ما ازعل منك، ومسمحاك والله..

_اتنهد فؤاد بضيق وسااابها ومشي واول ما رجع البيت كانت مامته قااعده في الجنينه وهي شايله ابنه علي ايدها..

فؤاد

ازيك يا ست الكل..

عايده

تمام يا حبيبي..

فؤاد

اومال جنه فين وسيبالك الواد كده يتعبك..

عايده ضحكت وقالت

هي فيها اللي مكفيها من لما عرفت انها حامل تاني، انت اللي قااصد تتعبها والله..

فؤاد بصوت واطي

يعني كان عاجبك انها تتنطط في الجامعه وتقولي زمايلي ومش عارف ايه..

عايده

ما كنتش تعلقها بالتعليم وفي الاخر تدبسها في عيل تاني وابنك لسه ما كملش اربع شهور..

فؤاد

اهو اللي حصل بقي، وبعدين ما هي هتروح علي الامتحانات ما فيش داعي بقي للصرمحه..

عايده

مش انت وهي مرتاحين خلاص اعمل اللي انت عايزه..

فؤاااد

طيب هاتي أنس عنك شويه..

عايده

خليه معايا

فؤاد

عايز اقعد بابني شويه ما هو معاكي النهار كله..

_واخد فؤااد ابني ودخل جوه البيت وكانت جنه قااعده بتذاااكر وشكلها مداايقه جدا ولما شاافته بصت الناحيه التانيه بضيق وهو ضحك وقال لابنه..

فؤاد

بص يا انس امك العبيطه اهي..

جنه بحده

ما هو انا عبيطه فعلا عشااان اتجوزت واحد زيك..

قعد فؤااد جنبيها وقال

خلاص طيب ما تبقيش اوفر، لا انتي اول ولا اخر واحده تجيب ولادها ورا بعض، اعتبري انك جيبتي توأم..

جنه بحده

انت ليك عين تتكلم بتبدلي حبوب منع الحمل بتاعتي بفتامينات وفي الاخر مش عايزني ازعل..

فؤاد

الغلط منك عايزه تبقي دكتوره صيداليه وانتس مش عارفه الفرق بين العلاج وبعضه

جنه

معلش ما جاااش في بالي انك بالخبث ده..

فؤاد

خلاص طيب اللي حصل يا جنه، وبعدين قولتلك هجيبلك دكاتره لحد هنا تسااعدك في المذااكره بس ستات وترووحي الجامعه تمتحني وبس..

جنه

كل حاجه لازم تمشي علي مزاجك..

فؤاد

مدام ما كنتيش بتسمعي كلامي وتقوليلي زميلي وصديقي يبقي كان لازم نحط حدود للموضوع ده..

جنه

طيب يا فؤااد..

فؤاد

امسكي ابنك بقي ايدي وجعتني وخليهم يجهزو الغدا، ايوه صح سعيد جااايب لبني وجايين..

جنه

عارفه لبني قالتلي...

_وجه يمشي بعد ما اخدت ابنها بس رجع تاني وباس راسها وقال بهدوء..

فؤاد

بحبك والله العظيم بحبك..

جنه ابتسمت غصب عنها وقالت

هو انا في حاجه تعبااني في حياتي غير اني بحبك..

فؤاد ابتسم وقال

طيب يااارب تفضلي تعباانه علي طول، قصدي بتحبيني علي طول..

_مسكت المخده وحدفتها عليه وهو مشي بسرعه من قدااامها وهو بيضحك..

وعلى ابواب النهاية، أدركتُ أن الحب ليس مجرد كلمات تُقال، بل هو وطنٌ نعود إليه مهما طال الغياب، وأمانٌ نتمسك به وسط العواصف....

​لقد انتهت الحكاية بانتصار القلب النقي، لتبدأ حياة جديدة تملؤها السعاده فسلاماً على قلوبٍ تعاهدت على الوفاء، فأزهرت في صحراء الأيام ربيعاً لا ينتهي

🌹🌹🌹🌹🌹🌹🌹🌹🌹🌹🌹🌹🌹🌹