رواية أكابر و اقول فراقه عادي و انا في داخلي اصرخ تكفون جيبوه الفصل الأول 1 - بقلم HaboOoshy

حــي مـن ارقـى احـيـاء الـشـرقـيـه ..

قصر ضخم وفخم يدل ع رقي وفخامه صاحبه بالبوابات الكثيره والحراس المنتشرين حولها اوقفت سياره فراري اخر موديل فتح النافذه وصرخ:مطفى
جاء يركض مصطفى وفتح البوابه ودخلت الفراري وسكر الباب مصطفى ورجع لغرفته
وقف سيارته بالكراج الخاص بالسيارت ونزل
دخل القصر كان فخم بمعنى الكلمه عباره عن صالات مفتوحه ع بعض بعضها مرتفعه وبعضها لا بكنباتها الراقيه والكلاسيكيه والمغربيه والفخمه والتحف واللوحات المنتشره بكل مكان وبكل زاويه والستاير الفخمه اللي بعضها توصل للرخام الفخم ويتوسط الصالات درج وسيع مفروش عليه فرشه حمراء وينقسم من فوق لدرجين ومن تحت الدرج مصعد وعلى يسار الصالات غرفه من قزاز عباره عن مكتب فخم وكنب كلاسيكي اما المطابخ فاهي برا عند الطباخين
صار يتلفت بالبيت "زي العاده فاضي"
مرت من عنده اميره وهي طايره مسكها من ذراعها:لحظه لحظه ع وين؟
اميره وهي مستعجله:يوه ناصر بعدين
ناصر:وش بعدين وين بتروحين؟
اميره:وشفيك نسيت اليوم اول يوم تطبيق لي بالمستشفى
ناصر:اها ايه صح يلا بالتوفيق
اميره وهي تركض:امين
كمل ناصر طريقه لفوق بالدرج مايحب يركب المصعد يقول الدرج احسن رياضه وصل للدور العلوي اللي كان كانه نظام فندق 4 اجنحه مقابل بعضها جناح لاميره وجناح له وجناح للنادر والدور الثالث كله لامه وابوه اما السرداب عباره عن مسبح كبير وحوله الالات الرياضه والالعاب الكترونيه وشاشه بلازما ضخمه وبلاستيشن واكس بوكس و يو وكل الالعاب موجوده فيه ..
دخل غرفته وسكر الباب وراءه
((ناصر بثاني جامعه هادي لابعد حد وحنون ع اخوانه يدرس اداره اعمال واذا خلص بيشتغل بشركه العيله))

اركبت اميره السياره وهي تقول:راج روح مستشفى عمي ((هي بتطبق بمستشفى عمها))

((اميره بنت ررجه لابعد حد بس حاره وعلى طول تعصب برابع جامعه قسم طب جراحه والحين تتطبق اذا حبت حبت بجنون واذا كرهت كرهت بجنون))

اعـرفــكـم ع عـيــلـه ابـونـاصـر ..
ابوناصر:رجال طيب بس فلوسه ومنصبه يهمه كثير ويحب المظاهر قدام الناس
ام ناصر:حنونه ع عيالها بس غيوره وماتحب احد يكون افضل منها باي شي
ناصر:سبق التعريف
اميره:سبق التعريف بس اميره كانت دايم ودها يكون عندها خوات زي ساره وخواتها بنات عمها تحس حياتهم فله مع انها دوم معهم بس تحس لو عندها اخت كان غير
نادر:12 سنه هادي ومؤدب ومايحب الالعاب الحركه ويحب البلاستيشن والكس بوكس والكمبيوتر ذكي ويفهم بسررعه ..

بـسـوبـر ماركت مـصـغـر بحي متواضع
كانت قمر جالسه وراء طاوله الكاشير وخصلات شعرها القصير متبعثره ع وجهها ابتسمت "معقوله صار لي اسبوع هنا اه يارب لك الحمد"
فهد وهو يضرب كتفها:فارس وين رحت ؟
ناظرته قمر وابتسمت:معك
فهد:وشي معي امش يلا تاخرنا ع الشباب
قمر:طيب يلا روح البيت وانا الحقك بس اغير
فهد وهو يمد يده بتهديد:بس ياويلك لو تاخرت ترى اذا تاخرت بجيك
ابتسمت وهزت راسها اوقفت واتجهت للمخزن اللي صار غرفتها وقفت قدام المرايه وفصخت بلوزتها ورمت المشد الماسك صدرها تنهدت براحة وقعدت تتذكر اشلون صارت هنا ...

كانت تركض بخوف بطريق مظلم وصوت ضحكات عاليه مرعبه غمضت عيونها وصرخت بصوت عالي وطاحت ع الارض:ااااااااه

قامت من النوم وهي مفزوعه حطت يدينها الناعمه الصغيره ع قلبها اللي صار يدق بقوه وبعنف بلعت ريقها وغمضت عيونها ولمت رجولها لصدرها وبدت دموعها تنزل وهي تناظر الباب اللي صوت ضحكات جنون خالها واصحابه السكارى واصل عندها تنهدت وبعدت الغطاء عن جسمها النحيف بفراش مفروش بالارض سحبت البرواز من الارض جنبها وهي تناظر الصوره شهقت بعنف:اه يمه ليش تركتيني (ناظرت اخوها المبتسم بجنب امها تحولت نظاراتها الضعيفه والمشتاقه لحقد وغضب) اكرهك اكرهك واكره كل الرجال اه ااا(ضمت الصوره لصدرها بقوه وهي تغمض عيونها رجعت بالزمن لقبل سنتين بالضبط)

دخلت من المدرسه وهي ترمي شنطتها بالارض وهي تصارخ بمرح: يمه يييييييمه
امها من المطبخ:قمر يمه انا بالمطبخ
ابتسمت قمر و ركضت للمطبخ المتواضع بكل شي فيه ضمت امها من وراء غمضت عيونها وهي تشم ريحه الاكل:الله يا ام قمر تجنن ريحه الاكل
امها:هههه يلا روحي غيري ملابسك وغسلي وصلي وتعالي كولي وايه صح نادي عبدالعزيز
قمر باستغراب:عبدالعزيز ماراح الكليه؟
امها:لا ماراح يلا روحي بسرعه
ابتسمت قمر وهي تمشي:يمه تراني ثالث ثانوي مفروض تريحوني ع الاخر عشان اجيب نسبه
ضحكت امها:ههههه اقول روحي بس ذاكري وبتجبين نسبه
ابتسمت ابتسامه بعيده:ان شاء الله مابقى الا اسبوعين بشد حيلي فيهم عشان اصير الدكتوره قمر
دخل عبد العزيز:هههههه مايحتاج تذاكرين اصلا لانك دافور((يعني ممتازه بقوه))
ناظرته بطرف عينها وبغرور:اكيد اجل تبيني اصير مثلك فاشله (قالتها وهربت)
كان يبي يلحقها بس صوت امه وقفه:هههه بنتك هذي يبغى لها تربيه من جديد
ضحكت ام عبدالعزيز:ههههه الله يخليكم لي
عبدالعزيز وهو يرفع يدينه للسماء وكانه طفل وبمزح:امين ..

هذي كانت عايلتها كانت تحس بانها مالكه الدنيا بامها واخوها اما ابوها ماعرفته ابدا لانها من ولدتها امها تخلى عنهم واختفى تكرهه بس ليش اخفتى هذا الشي اللي رفضت امها تقول لها بس هي ماتهتم ابدا بهذا الموضوع بما انها عندها امها واخوها بس بيوم تغيرت حياتهم كان اخر يوم اختبارات النهائيه للقمر طاحت عليهم امهم هي كانت تشكي الم براسها بس كانت تتعذر بانه مجرد صداع ولما ودوها للمستشفى قالوا لهم انها مصابه بسرطان بالمخ وبمراحله الاخيره انصدمت وبكت وحالتهم الماديه ماتسمح لهم ابدا يسافرون فيها للخارج هم عايشين ع مكافاه عبدالعزيز وامها تبيع اكل صاروا يجمعون الفلوس قد مايقدرون ومادخلت الجامعه لانها يبغى لها مصاريف بس بعد مرور سنه ماتت امهم كانت زي الصدمه بالنسبه لها الانسانه الوحيده بحياتها تروح كذا قضت ايام العزاء بالمستشفى وجيرانهم ماقصروا وقاموا فيها واعز صديقتين والوحيدات اللي عرفتهم((نور ومنيره)) اول ماصحت بعد 4 ايام من موت امها دون ابر مهدئه سالت عن اخوها بس لاحظت عيون نور ومنيره وامهاتهم وجيرانها تتجنب تناطر لها خافت يكون فيه شي صرخت:وين عبدالعزيز نور وين اخوي ؟(وبكت)
نور وهي تبكي مع صديقه الطفوله والاخت والجاره ضمتها بقوه:ااا ااه عبدالعزيز من يوم طحتي اخفتى والدفن قام فيه ابوي ..
توسعت عيونها بصدمه" يعني وشلون؟اخوها تركها زي ما ابوها وامها سوى لالا مستحيل عبدالعزيز مايسويها لالا صرخت باعلى صوتها:لااااااا ..
قضت بالمستشفى اسبوعين بعدين طلعت بما انها مالها احد الا خالها السكير اجبرت تسكن عنده بغرفه مافيها الا فراش بالارض ومرايه معقله بالجدار وحمام داخلها قضى عليه الزمن حتى ملابسها بشنطتها اللي جئت فيها مستحيل تطلع من غرفتها الا لبيت نور او منيره ((ام منيره كانت صديقه امها الروح بالروح وقمر و نور ومنيره صديقات وخوات واكثر كان حلم قمر تصير دكتوره اما منيره ممرضه اما نور كان عادي عندها بس كانت تبي تدخل مع قمر بما ان قمر مادخلت دخلت تمريض مع منيره كملوا البنات الحلم دون قمر اللي هي اسسته و زرعته داخلها وداخلهن ابو نور عرض انه يدرسها ع حسابه بس هي رفضت لانها تعرف حاله نور يلا يقدرون يصرفون ع دراسه نور وعزه نفسها منعتها بقوه ترمي نفسها ع الناس))

اما عبدالعزيز مر سنتين وإلى الان ماجاء ولا عرفت أي شي عنه كرهت او حقدت عليه لانه تخلى عنها وهي باامس الحاجه له
كرهت كل الرجال اللي مثلتهم باابوها اللي تخلى عنهم بطفولتهم دون سند واخوها اللي تخلى عنها وهي بحاجه له وخالها اللي 24 ساعه سكران وصياعه وبنات حست ان كل الرجال كذا مثلت هالـثـلاثـه كرمز للرجال اجمع ..

مسحت دموعها ونزلت البرواز وتنهدت ودخلت الحمام وتوضت وصلت ورجعت قعدت ع فراشها انسدحت وهي تلم وساده ورديه مربعه ناعمه كانت امها خايطتها لها وانشغلت بافكارها..
"لين متى بظل كذا وشلون اغير حياتي اه ياعبدالعزيز وينك وشلون هنت عليك تتركني كذا بس لا ماراح اضعف ااه بس وش اسوي؟"
قطع افكارها صوت جوالها اللي قضى عليه الزمن سحبته من تحت وسادتها وردت بابتسامه:هلا نوري
نور:وشلونك؟
قمر بضيقه وهي تتنهد:ماشي الحال
ضاقت نور ع صديقتها بس وش بيدها تسوي:اكلتي؟
قمر:امم لا مو مشتهيه
تنهدت نور:طيب تعالي عندي منيره بتجي
قمر:لا ماقدر خالي مجمع اصدقاءه وشكلهم واصلين بالسكر لو طلعت ما اظمن ايش يسوون فيني
نور بقهر:كم مره قلت لك خلي فواز (اخو نور ضابط) يمسكه ويدخله السجن وانتي رافضه؟
قمر ببتسامه:مهما يكون يانور هذا خالي يلا خيرها بغيرها
نور باصرار:لا برسلك مجود(اخو نور بثاني ثانوي يعتبر قمر اخته لدرجه انها ماتتغطى عنه ) يجي ياخذك
سكتت قمر هي بصراحه محتاجه تتطلع وتغير جو قالت باستسلام:خلاص طيب
نور بفرحه:خلاص اذا دق عليك اطلعي
قمر:طيب مع السلامه
نور:مع السلامه

وقفت قمر ولبست  وربطت شعرها ذيل حصان ولبست عبايتها وحطت جوالها بشنطتها و وقفت تنتظر دقه ماجد
دق ماجد وطلعت

كان واقف ماجد بالصاله ((بيت خال قمر عباره عن دور واحد بس صاله شعبيه مرا و3 غرف ومطبخ غرفه لقمر وغرفه لخالها وغرفه_استغفرالله_لبلاويه مع البنات))
حمود(خال قمر) وهو سكران ع الاخر قال وهو يترنح:هيه انت اشلون تدخل بيتي كذا هاه (وطاح ع المراكى وهو يضحك دون سبب) ههههه
ناظره ماجد باستحقار وتمتم:استغفرالله استغفرالله
طلعت قمر وهي متغطيه:هلا ماجد اشلونك؟
ماجد ببتسامه:بخير انتي اشلونك؟
قمر:بخير
حمود: هو انا جدار قدامك هييه انتي وين هاه وين رايحه ؟
ناظره ماجد بقهر واستحقار ومسك يد قمر وسحبها برا البيت ومشوا لبيت نور اللي كان قدام بيت خالها بالتمام
ماجد:يا قمر تعالي اسكني عندنا تراك من اهل البيت
ابتسمت قمر:ادري والله بس مابي اضيق ع فواز
ماجد:وش تضايقين (وصلوا البيت ودخلوا)
ابتسمت قمر بقوه وهي تسلم ع ام فواز وابو فواز اللي فارشين بالحوش باست راسهم((هي تعتبر ابو فواز ابوها من هي صغيره وهو مربيها مع نور لدرجه انه مستحيل يجيب شي لنور الا يجيبه لها بس من سنه صار له حادث وصار مقعد ع كرسي متحرك))
اقعدت: اشلونكم؟
ابوفواز:بخير بشوفتك هاه يابنيتي عساك مرتاحه؟
هزت راسها:الحمدلله
جاءت ام فواز بتصب قهوه لقمر بس قمر سحبت منها الدله والفنجان وبابتسامه:هو انا غريبه؟
صرخت نور من شباك غرفتها:يادبا وش مقعدك هنا يلا تعالي
ضحكوا كلهم ع حماس نور بالكلام
قمر وهي تنزل الفنجان اللي ماشربت منه الا شوي واوقفت:عن اذنكم((وراحت لغرفه نور))

بــعــد 5 ســاعـات
دخلت قمر البيت وهي تتنهد ماسمعت أي صوت فتوقعت ان خالها واصدقاءه طلعوا يكملون صياعتهم برا البيت سكرت باب الشارع ودخلت الصاله شهقت بقوه وطاحت شنطتها وهي تحس بيدين التفت حول خصرها صرخت وهي تحاول تفلت عرفت انه صديق خالها ابوسالم اللي ياما حاول يعتدي عليها بس كانت تهرب صارت تصرخ وتضربه انصدمت لما شافت خالها يناظر من غرفته صرخت:خالي اي اه اتركني خالي ساعدني..
صار ابوسالم يبوس رقبتها بوحشيه وعنف
استجمعت قوتها وضربته بكوعها من بطنه وصاحت ع الارض بس وقفت بسرعه و ركضت برا البيت دخلت بيت نور وحمدت ربها انهم فاتحين الباب دخلت بكل قوتها وهي تبكي اتجههت لغرفه نور وفتحت الباب بقوه لدرجه انه صدم الجدار وارتد الباب من قوه فتحته لها
انصدمت نور من شكل قمر المبهذل وشعرها الطويل اللي لنص ظهرها طالع وماعليها الا عبايتها الكتف المفتوح كلها و وجهها احمر: وش فيك؟
ركضت قمر وهي تبكي بعنف وقهر وضعف وبصوت عالي للدرج اللي تعرف ان نور تحفظ فيه ادوات الخياطه فيه سحبت المقص
صرخت نور بخوف وصدمه ركضت لقمر:وش بتسوين؟
وقفت قمر قدام المرايه وجمعت شعرها كله ع جنب ومسكته بيد واليد الثانيه فيها المقص
صرخت نور وسحبت المقص بس قمر دفتها بقوه وقصت شعرها ورمت المقص وشعرها ع الارض وطاحت ع ركبها وهي تغطي وجهها بيدينها وتشاهق
ناظرت نور شعر قمر اللي بالارض بصدمه وقفت واتجهت لقمر اللي بالارض وصدرها يرتفع وينزل ماقدرت تتكلم او تقول أي شي لانها لسى تحت تاثير الصدمه ..

قمر وقفت ورمت العبايه بعنف و وطت ودموعها تمشي ع خدودها صارت تمسح الكحل والروج بقوه بيدينها:ماابي اصير بنت ما ابي اصير ضعيفه ماابي ااااه اااا(وطاحت ع الارض وهي تشاهق بعنف وصارت تهتز من كثر البكي)
نزلت نور لمستواها وضمتها وهي تحس انها مصدومه وماهي فاهمه شي
قمر اللي تمسكت بنور بقوه وضمتها لصدرها:اااه ااااا ااااا ااااااهه(مرت ساعه وقمر لسى بحضن نور)
بعدتها نور عن حضنها وانصدمت لما شافت قمر نايمه صارت تناظر وجهه قمر والكحل والروج محيوس ع وجهها وشعرها القصير الغير مرتب متبعثر ع وجهها
"وش فيك وليش سويتي كذا هذا شعرك اللي تحبينه واللي امك تحبه وش اللي خلاك ياقمر تسوين كذا؟"
تنهدت وهي تناظر لها

الــسـ7:30 ص ـاعــه
فتحت قمر عيونها ع خفيف وناظرت وجهه نور النايمه جنبها بلعت ريقها وهي تتذكر اللي صار امس""مستحيل ارجع لذاك البيت مستحيل انا لازم اصرف ع نفسي لازم ياقمر لازم"
وقفت وصارت تناظر نفسها بالمرايه مسكت منديل وصارت تمسح بقايا الكحل اللي واضح ان نور مسحته بس بقى بعضه مسكت اطراف شعرها اللي يوصل لين تحت اذونها بلعت ريقها وشفايفها اللي صارت ترجف بس بسرعه قست نظرتها ومسحت دموعها بقوه""انا لازم اتعلم القسوه من كل الرجال اللي عرفتهم بحياتي"
وقفت نور وبصوت كله نوم وحنون و وقفت وراء قمر بالضبط:هديتي؟
لفت لها قمر وبنظره بارده:ماراح اهدا يانور الا لما انتقم من كل اللي ضروني
ناظرتها نور باستغراب:قمر وش فيك امس رحتي مافيك شي رجعتي مثل المجنونه قولي لي وش صار ومن اللي ضروك؟
قمربغضب مكتوم سنين:من اللي ضروني ابوي وعبدالعزيز وخالي ليش انا اتعب وهم مبسوطين بحياتهم
نور بصدمه:قمر انتي مو طبيعيه قولي لي وشفيك؟
اقعدت قمر وبهدوء مخيف:مافيني شي بس من اليوم ورايح بكون شخص غير وبيت خالي ماراح ارجع له
نور بابتسامه:زين اجل بتسكنين عندنا
قمر وهي تناظر لمكان بعيد:لا
نور باستغراب:اجل وين بتسكنين؟
ناظرتها قمر وابتسمت و وقفت:ثواني وراجعه لك
استغربت نور: هيه قمر وين رايحه؟(سكتت شوي)لاوالله مو صاحيه هذي اليوم( قعدت تنتظر تشوف قمر ايش راح تسوي)
قمر من عند الباب:نور انزلي لامك تناديك واذا ناديتك تعالي خلاص؟
نور باستسلام لقمر اللي مو طبيعيه اليوم ابدا:طيب(وانزلت لامها)

بـــعــد 30 دقـيـقـه
قمر:نور تعالي
جاءت نور تركض ودخلت الغرفه بس وقفت بصدمه وعيونها توسعت بذهول من اللي تشووفه قدامها
ابتسمت قمر:وش رايك؟
نور بعصبيه غريبه عليها وهي تسحب البلوزه الرجاليه اللي لابستها قمر: وش تسوين انتي ؟
سحبت قمر نفسها من يدين نور وناظرت المرايه(كانت لابسه بنطلون رجالي جينز وسيع ولبست مشد عشان صدرها مايبين ولابسه بلوزه وسيعه لونها ابيض وفوقها جكيت كروهات اسود وابيض وشعرها مبعثر كانت ولد بمعنى الكلمه يعني ولد بس نعوم وجسمها النحيف ساعدها كثير والملابس ملابس ماجد)
نور بعصبيه:انتي شاربه شي؟
ابتسمت قمر لنور ببرود:لا
نور:اجل وش هذا اللي لابسته واللي قاعده تسوينه؟
قمر وهي تقعد ع السرير بضيق:انا خلاص مليت من حياتي يانور مليت من اني ارمي نفسي على الكل عليكم وعلى خالتي ام منيره حتى على خالي خلاص تعبت ادخل البيت بخوف واطلع بخوف عشان من عشان ابوي غلط وتركني والا عشان عبدالعزيز خاف من مسوؤليتي؟(وقفت) عشاني بنت يانور مااقدر احمي نفسي لو بروح البقاله مافكوني الشباب
نور وهي تاقف وراء قمر:يعني ع بالك لو لبستي وقصيتي شعرك زي الاولاد بتصيرين ولد؟
ابتسمت قمر: اللي مايعرفوني ايه بصير ولد وبشتغل وبصرف ع نفسي وبيت خالي مستحيل ارجع له (وبحنيه وهي تمسك يد نور) نور اذا تحبيني خليني اجرب وش راح اخسر يعني؟
نور بصدمه:قمر وشفيك؟والله خايفه عليك
ضمت قمر نور بقوه وبهمس:نور اذا تحبيني تكفين خليني اسوي اللي براسي تكفين خليني اجرب الحياه لو شوي تعبت من الخوف بحياتي ...

سكتت نور ماعرفت ايش تقول بس بعدين بعدت عن قمر وهزت راسها بلا وسحبت جوالها ودقت ع منيره:تعالي بسرعه لاتسالين تعالي
دقايق ودخلت منيره مستعجله بس بسرعه رجعت وبخجل:نور ليش ماقلتي لي عندك احد؟
ناظرت نور بصدمه لمنيره ولفت لقمر اللي ابتسمت وبصراخ عصبيه:منيره ادخلي
فتحت منيره الباب باستغراب وهي منزله راسها:وش فيك؟
نور بعصبيه:مالي خلق استهبالك لاتسوين نفسك مادريتي انها قمر
رفعت راسها منيره بسرعه وبصدمه وهي تناظر قمر:قمر؟
قمر بابتسامه:وش رايك؟
منيره: وش وش مسويه بعمرك انتي؟
نور:ايه تعالي شوفي الخبله وش تقول
تنهدت قمر وحركت يدينها:افهموني بنات انا لازم اسوي كذا عشان اقدر اعيش
منيره:تراني مو فاهمه شي
نور: ولا انا
قمر وهي تاخذ نفس طويل بعدين قالت:ااه ممكن تهدون اول شي اقعدوا
قعدن البنات وعيونهن ع قمر ويناظرونها بترقب
قمر وهي تلعب باصابعها بتوتر:اسمعوا انا لازم اسوي كذا تعبت من حياتي الميته تعبت من الخوف اللي يرعبني ويقومني من نومي تعبت وانا حبيسه غرفه عشان خايفه ع نفسي من خالي واصدقاءه بنات (وضحكت باستهزاء) انا مستحيل اتزوج فليش اخاف ع نفسي اه مابقى لي احد بهذي الدنيا(وقفت بحماس) وش دراكم يمكن القى ابوي والا عبدالعزيز (ولفت للبنات) بنات انا لازم اغير حياتي والا بموت او اضيع ..
نور ومنيره بسرعه:بسم الله عليك
ابتسمت قمر وقعدت مسكت يد نور ويد منيره وبحنيه:بس ماقدر اسوي كل هذا الا اذا كنتوا معي
منيره وهي تبتسم:انا معك
ناظروا نور اللي تنهدت وبصوت مبحوح وكانه معلن حاله بكي قادمه:بس انا خايفه عليك
ضمت قمر نور بقوه وبهمس ثابت و واثق:لاتخافين
منيره بمرحها المعتاد:طيب وش المطلوب منا؟
قمر وهي تبعد عن نور:امم اول شي مابي احد من اهلكم يدري
نور:يعني اشلون؟
قمر وهي تناظر السماء من النافذه:يعني انا بختفي وانتن بتسون عمركن ماتتدرن انا وين
منيره ونور بصدمه:ايش ليش؟
قمر وهي تلف لهم:لاني ماقدر اطلع قدامهم بهذا الشكل فاهمين؟
نور:مستحيل امي وابوي ويقدرون يخلونك
منيره:ولا امي
قمر وهي تقعد وبضيق:بيقدرون زي مااهلي قدروا المهم هذا اول شي ابغاكم تسوونه خلاص اتفقنا؟
ناظروا البنات بعض بتامل وهزوا روسهم برضى
ابتسمت قمر:وثانيا ابيك يانور ادري بكلف عليك بس ماعندي غيرك ابي ملابس رجاليه يعني من اخوانك وانتي يامنيره هههه اخبرك خبره بااصوات الرجال ابيك تعلميني كيف اغير صوتي واممم ايش بعد ..
ايه بروح لبيت خالي بجيب لي اغراض واجي خلاص؟
نور وهي تناظر قمر بتامل:والله اني خايفه عليك
ابتسمت قمر: ادري ااه تتدرون وش احسه اصعب شي بكل هذا؟
منيره ونور:ايش؟
قمر:اني بطلع دون عبايه
منيره ونور:هههه
قمر:والله جد واذا ناظر لي احد اكيد بخاف
نور:وين بتنامين؟وين بتسكنين؟
قمر:ارض الله وااسعه نور قومي شوفي وين اهلك ابي اطلع ياا ربي سامحني باللي باسويه بس مالي الا كذا هذا اول تحدي لي اني بطلع لبيت خالي
منيره بمزحها المعتاد وهي تلف يدينها حول ذراع قمر وهي تسبل بعيونها وبدلع ماصخ:ياقلبو يالبى هذي الخدود
قمر ونور:هههههههههه
منيره وهي تبعد عن قمر:تصدقين قمر طالعه ولد نعوم صح نور؟
نور:ايه والله
قمر وهي تاقف:بروح وارجع يلا نور
نور وهي تكتشف البيت:يلا الطريق امان
ركضت قمر بس لما وصلت باب الشارع وفتحته حست بشعور غريب وسكرته و رجعت فتحته""لازم ياقمر لازم تسوين كذاا""

((نور بثاني جامعه تمريض وتتطبق الحين بنت خوافه وعاقله لابعد حد منطقيه وغير متسرعه وحنونه وتحب قمر بجنون عندها اخوين بس اللي هم فواز وماجد))

((منيره بثاني جامعه تمريض وتتطبق الحين بنفس مستشفى نور بنت مرحه وجرئيه وتحب المغامرات بس عصبيه ووحيده امها
ابوها مات قبل 3 سنوات وعايشين ع راتب تقاعد ابوهم تحب عبدالعزيز اخو قمر بس مااحد يدري))

**بــيــت خــال قــمــر ..

ركضت قمر ودخلت البيت وهي حاطه يدينها ع قلبها"ااه ياربي وشلون بمشي بالشارع قدام الناس هذا بس من بيت نور لبيت خالي وقلبي يدق كذا ااه""
اخذت نفس عميق وركضت لغرفتها فتحت شنطة ملابسها وسحبت شنطه اللي تنحط ع الكتف طويله ودخلت فيها ملابس داخليه وكم بلوزه وبنطلون واحد وسيع يعني يصير تلبسه واخذت بجامه وقميص قصير ماسك من فوق بخيوط بس ابتسمت براحه لان هذا القميص اخر شي اشترته لها امها واخذت جوالها ودفتر تكتب فيه يومياتها والبرواز اللي فيه صوره امها واخوها وهي واكيد اخذت جلال صلاه حطت شنطتها ع كتفها بشكل مايل""ااه ثقيله""
طلعت وهي تركض لبيت نور
دخلت وبسرعه جنونيه لغرفه نور

منيره:ههههههه شكلك تحفه
نزلت قمر شنطتها عن كتفها: يمه وقسم قلبي يضرب اذا مريت بالشارع مدري وشلون بطلع؟
نور بحنيه:خلاص مو لازم اقعدي عندنا واذا ع قولتك دايم تتعذرين بفواز روحي عند منيره
منيره:ايه والله مافيه الا انا وامي بس
قمر بامل بعيد:لا ابي اعيش تجربتي الخاصه
منيره بابتسامه:اجل يلا لازم تتعلمين تخشنين صوتك
قمر وهي تتنحنح:طيب يلا
منيره وهي تغلط صوتها:احمم احمم قمر
ضحكوا قمر ونور:ههههههه
نور:ههه عاد قمور انتي صوتك فيه بحه راح يضبط صوت الرجال بس غلظيه شوي
قمر:طيب (تنحنحت وغلظت صوتها) ااحمم اا منيره جيبي لي كوب ماء؟
صفروا نور ومنيره باعجاب
منيره:اخص يا ولد والله صوتك ولد بس هاه لازم ماتنسين وتتكلمين بصوتك العادي
قمر:ااه ان شاء الله اتعود
نور:اقول بنات ماكاننا ع لحم بطوننا من قمنا؟
قمر وهي تحط يدينها ع بطنها:ايه والله جوعانه
منيره:حتى انا جيت من بيتنا ركض دون اكل ولا شي
نور بابتسامه وهي تاقف:بروح اجيب لكم فطور
وقفت قمر:خليني اساعدك
منيره وهي تسحب قمر وتجلسها:ع وين يا ابو الشباب بتروحين كذا؟
قمر وهي تناظر نفسها ضربت راسها بعفويه:اوه  نسيت
نور:مايحتاج يعني ع بالكن بسوي لكن اكل كله معلبات واحطهن بصحون وشاهي القى امي مسويته بعد
منيره وقمر:هههههه(وطلعت نور تجيب الاكل)
منيره وهي تتامل قمر
ابتسمت قمر بخجل:وشفيك منيره؟
منيره بابتسامه:لا بس طالعه ولد نعوم بس مزيون
قمر:ههههههه
منيره بمزح:واخيرا نحفك طلع له فايده
قمر:ههههه (ودفتها بنعومة )
ابتسمت منيره وضمت قمر بقوه وبصوت مبحوح لانها بدت تبكي:انتبهي لنفسك فاهمه وحاولي ماتكلمين احد ااه  قمر اقعدي عندي لاتروحين ..
بلعت غصتها قمر وشدت منيره لصدرها اكثر:اكيد دامكم معي راح اكون بخير ااه بس ماقدر اقعد انا احس اني لازم اسوي كذا لازم بعدت منيره عن قمر ومسحت دموعها:طيب بس هاه (ورفعت يدها بتهديد) كلميني كل يوم خلاص؟
هزت راسها قمر وبابتسامه:اكيد ......

دخلت نور وهي ماسكه صينيه كبيره شوي ونزلتها ع الارض وفيه 5 صحون صحن فيه جبن وصحن فيه تونه وصحن فيه مربى وصحن فيه عسل وصحن فيه خيار وطماطم وترمس شاهي و3 كاسات:يلا قربوا
اقعدوا ع الارض بس ماحد منهن مدت يدها ع الاكل كل وحده سرحت بتفكيرها قمر سرحت كيف بتكمل حياتها هي متاكده ان هذي التجربه بتغير حياتها بس للافضل او الاسواء؟
اما منيره سرحت كيف قمر بتعيش كذا وبتصبر ع فراقها وشلون بتعيش بالشارع واولاد الحرام كثير
اما نور مايختلف كثير عن تفكير منيره بس هي فكرت لمدى ابعد لو احد اكتشف انها بنت ايش راح يصير بقمر؟
تنهدت قمر وبصوت مسموع وناظرت ساعتها اللي بيدها وهي تاشر لـ10:30 وقفت : يلا بروح
وقفن البنات بسرعه وضموها وصاروا يبكون كلهم
نور:اااه يا قمر لاتروحين انا خايفه عليك
منيره:تكفين ابقي لاتروحين
قمر وهي تصيح بقوه:ااه بشتاق لكم بنات بس انا خلاص اتخذت قرار
بعدت نور وهي تناظر قمر تعرف قمر من هم اطفال اذا قررت شي مستحيل تتنازل عنه دخلت يدها بجيب بجامتها وطلعت فلوس وحطتها بجيب بنطلون قمر:سرقت لك بنطلونين من ماجد و3 بلايز وثوب من فواز هذا اللي قدرت اخذه حطيتهم بشنطتك
ناظرت قمر الفلوس وبصدمه:نور ايش هذا؟
نور:فلوس
قمر بنفعاليه:ادري انها فلوس
نور:قمر انتي محتاجتها بعدين مابيننا شي مو هذا اللي دايم تقولينه؟
تنهدت قمر وهزت راسها وحطت الفلوس بجيبها وضمت البنات بقوه بعدت عنهن قبل ماتبدى بنوبه بكاء جديده مشت بسرعه بس يد منيره مسكتها مالفت بس سحبت يدها بلطف من يد منيره سكرت الباب وطلعت
وقفن يناظرن الباب لدقايق وكانهن عندهن امل انها ترجع بس ناظرن بعض وبكن ..

اما قمر طلعت برا البيت وهي تمشي وعيونها بالارض خايفه ترفع راسها ويدري احد انها بنت مشت لين طلعت من حارتهم وقفت ولفت تناظر حارتهم المتواضعه ببيتها المتواضع ابتسمت بالالم وهي تشوف اولاد وبنات يلعبون وينقزون وينشدون بكل زاويه بهذي الحاره لها ذكرى وبالذات ذكريات الطفوله نزلت راسها ورجعت رفعته غمضت عيونها وهي تحس باانفاس الهواء اللي طيرت خصلات شعرها القصير تنهدت ولفت وصارت تناظر الشارع العام مشت باتجاه بعد ماخذت نفس عميق ونزلت راسها صارت تمشي بين المحلات اللي ع اطراف الشارع دون هدف او مكان معين تتجه له حست بشي صدمها ماقدرت ترفع عيونها من الخوف
الرجال بحده:ماتشوف؟
سكتت ماقدرت ترد بس كملت طريقها تمشي بخوف تنهدت وناظرت ساعتها انصدمت وهي تشوف الساعه 4 العصر""ياالله لي 5 ساعات ونص امشي ااه احس بتعب""ناظرت عتبه مكسوره عند محل مسكر قعدت عليها وهي منزله راسها حطت يدينها ع راسها وركت يدينها ع ركبها بس رفعت راسها بسرعه ع صوت الرجال اللي حط يده ع كتفها:فيك شي ياوليدي؟
بلمت قمر ماقدرت تتكلم وهي تناظر الرجال اللي طغى اللون الابيض ع شعره ووجهه اللي تحس يشع نور:هاه؟
(وغلظت صوتها بسرعه)ايش؟
ابتسم الرجال:فيك شي ياوليدي وجهك احمر وشكلك تعبان؟
اسكتت قمر ماعرفت ايش تقول:ااا اااا
الرجال ببتسامه:كم عمرك 15؟
ابتسمت على خفيف""15 عمري 20 ويقول 15:اا لا اا(ماحبت تقول 20 بعدين يستغرب ليش مالها شعر بوجهها وكذا)اا عمري 17 ..
الرجال:العمر كله  ياوليدي ممكن اسالك سوال؟؟
قمر اللي حست انها ارتاحت له:تفضل
الرجال:وشفيك تمشي لحالك بهذا الوقت وين اهلك؟
قمر""اهلي؟؟"":اا انا(ابتسمت للفكره اللي جئت ببالها) انا ادور شغل
الرجال باستغراب:شغل وانت عمرك 17؟
قمر وهي ترفع راسها وابتسمت با الم:ايه الدنيا لما تلعب فينا ماتعرف اعمار
ناظر قمر حس ان هذا الولد تعبان بحياته:عندك اهل؟
قمر:ااا(ماعرفت ايش تقول عندي او لا)
اايه عندي اا عندي اخت بس"" اف ليش قلت كذا صدق غبيه""
هز راسه الرجال ومد يده لقمر:انا ابوفهد
ناظرت قمر يده بخوف بس ماحبت انه يشك مدت يدها وعلى مالمست يده سحبتها

ابوفهد بابتسامه عذبه:ماانت قايل لي اسمك؟
قمر:هاه؟
""ياااربي وش اسمي نفسي ااف نسيت هذا الشي"" ااا
ابوفهد:هههه ايش نسيت اسمك؟
قمر:لالا اسمي ايه اسمي فارس
ابوفهد:عاشت الاسامي
قمر بصوت اقرب للهمس:عاشت اياامك
ابوفهد:امم تشوف هذي البقاله؟
رفعت راسها قمر للبقاله او بالاصح للسوبر ماركت مصغر باستغراب:ايه
ابوفهد:هذا حقي والعامل اللي عندي سافر وش رايك تشتغل بداله؟
ابتسمت قمر بفرحه حست براحه يعني مالها 5 ساعات طالعه من البيت ولقت مكان تشتغل فيه هزت راسها بسررعه:اكيد
ابتسم ابوفهد:اجل تعال معي(ومشوا) قوللي تعرف تحسب؟
قمر:ايه اكيد
ابوفهد:خلاص اجل(ودخلوا البقاله واشر ع كرسي عند الكاشير) بتصير محاسب تعال اعلمك كيف تشغل الماكينه
هزت راسها قمر ومشت وراءه تعلمت بسرعه كيف تشغلها
ابتسم ابوفهد:انا بقعد بمكتبي داخل اذا احتجت أي شي تعال لي
هزت راسها قمر وكانها تذكرت شي وباادب:عمي ؟
لف لها ابوفهد:هلا
قمر بخجل:مشكور
ابوفهد بعطف:العفو (وكمل مشيه لمكتبه اللي من قزاز ويكشف ع كل السوبر ماركت وقعد فيه وهو يناظر قمر ابتسم ونزل راسه يكمل شغله)
اما قمر طلعت جوالها ع طول وارسلت مسج لنور ومنيره اللي صار لها واخر شي ادعوا لي دخلت جوالها بجيبها الخلفي وقعدت بس من دخل البقاله ناس نزلت راسها بخوف حست ان ممكن احد ينتبه انها بنت صارت تحاسب وهي منزله راسها دون ماترفع عيونها للي يحطون الاغراض ع الطاوله ..

** مـسـتـشـفـى الإنـتـمـاء ..

دخلت اميره وهي ميته خوف هذا اول يوم لها تتطبيق اخذت نفس ودخلت سلمت ع البنات اللي معها
جاء ممرض:انتوا طلاب التطبيق؟
البنات والشباب:ايه
الممرض:طيب اقعدوا ثواني ويجيكم الدكاتره المسؤؤلين عنكم
اميره وهي تلعب باصابعها بارتباك:سوسو
سوسن(صديقه اميره):هلا
اميره:خايفه
سوسن:حتى انا والله..

كان يمشي بتافف:كم اقولهم اعذرروني من طلاب التطبيق ااف انا مو فاضي اقعد اعلم اطفال
الوليد: هههه رامي هد وش فيك انت كل سنه هذي سالفتك
رامي:يااخي مااحبهم بذات اذا صاروا بنات مسووين اعمارهن يخافن من الدم دامك تخافين من الدم ليش داخله طب؟
الوليد:هههههه عاد هن رغبتهن
رامي بزهق:شوف انا بروح عندي شغل مو فاضي لهم قولوهم بعد ساعه القاهم بمكتبي
الوليد بابتسامته المعتاده: ان شاء الله
لف رامي وراح يمشي اما الوليد راح لاولاد التطبيق وقف عندهم:السلام عليكم
الكل:وعليكم السلام
الولد بابتسامه:انا الدكتور الوليد اللي بقول اسمائهم الحين هم معي اما اللي مابقول اسمائهم فهم تبع الدكتور رامي بس هو مشغول شوي ماقدر يجي بعد ساعه تروحون لمكتبه (وصار يقول الاسماء واميره وسوسن مع رامي)
اميره:احمم طيب دكتور وين مكتب الدكتور رامي؟
الوليد:بااخر الممر اول غرفه ع اليمين (ومشى مع طلابه)
اميره:وهذا اللي اسمه الدكتور رامي ليش مايجي يشوفونا ولا ماحنا عاجبينه؟
سوسن:تتدرين اميره هذا الدكتور بنات بس يتكلمون عنه
اميره باستغراب:ليش؟
سوسن:يقولون مزيون ومغرور ولا بعد يقولون عنده عقده من الحريم
اميره بحماس: ليش؟
سوسن:مدري الله يستر يقولون يكره البنات ويسقطهن ويعطيهن اصعب شغل بعكس الاولاد
اميره وهي تناظر اللي معهم:سوسن ماتلاحظين اننا بس انا وانتي البنات والباقي اولاد
سوسن وهي تناظر القروب اللي معهم وبخوف: ااف الله يستر
اميره بشويه غرور:خليه يسوي شي مو بكفيه هذا مستشفى عمي
سوسن: الله يستر بس منه ..

بــيــت مــنــيــره
ام منيره بقلق:منيره ماكلمتك اليوم قمر ادق عليها ماترد؟
منيره اللي ارتبكت:هاه اا حتى انا دقيت وماردت
ام منيره بخوف:الله يستر دقي ثاني مره
منيره"ااف الحين اذا دقيت اكيد بترد": اا طيب طيب (ومسكت جوالها وسوت نفسها تكلم
امها مره كبيره ويلا تعرف تدق وغير كذا كانت بعيده عن منيره ابتسمت بارتباك):مـاترد
ام منيره:عطيني التلفون
منيره:ليش؟
ام منيره:بدق ع بيتها هاتيه
منيره:طيب (وقامت تجيب التلفون لامها وحطته بحضنها)
صارت ام منيره تدق رقم بيت خال قمر:الوو اشلونك ياحمود
وين قمر؟(وقفت وطاح التلفون بس السماعه لسى باذنها) ايش ياسكير حسبي الله عليك(ورمت السماعه)قومي جيبي عبايتي بسرعه بسرعه
منيره وهي تاقف:ليش؟
ام منيره:السكير حسبي الله عليه ماحفظ اليتيمه يقول انها من امس طلعت ومايدري عنها قومي
منيره وهي تركض:طيب طيب (جابت عباه امها ولبست هي عبايتها بعد) يمه وين بنروح؟
ام منيره:بنروح لبيت ام فواز نقولها عن المصيبه ااه يابنيتي ياقمر لو انتي راضيه تعيشين عندي امشي
منيره بصوت اقرب للهمس:طيب ""اه ياقمر ليتك رضيتي""

**الــبــقــالــه ..

رفعت قمر راسها بسبب صوت الشابين اللي ادخلوا وهم يضحكون ويصرخون بلعت ريقها بخوف ونزلت راسها بسرعه
الشاب الاول وهو يناظر قمر باستغراب ببلوزتها الوسيعه وفوقها جاكيت اوسع وخصلات شعرها المنتثره ع عيونها وماهو باين وجهها الا شفايفها:من انت؟
سكتت قمر ما قدرت ترد ماتدري هو خوف والا من صوت الشاب الرجولي اللي تخق معه بقوه
الشاب الثاني بمزح:ههه لاتكون اطرم؟
ابوفهد بابتسامه:مشاري فهد؟
لفوا مشاري وفهد:السلام عليكم
ابوفهد:وعليكم السلام(وناظر قمر) اعرفكم ع فارس بيشتغل عندي بدال كومار
فهد ومشاري:اها
مشاري بضحك:ههه بس عمي شكل فارس اطرم؟
ابتسم ابوفهد وناظر قمر:لاوالله فارس مؤدب مو زيكم ياالمهابيل فارس ياوليدي ماعليك من كلام مشاري ترى هذا طبعه
رفعت راسها وبتردد هزت راسها وبصوت اقرب للهمس ويترجف:عاا ااا عاادي
ناظرها فهد بتامل وابتسم:حبيبي انت أي صف ثالث متوسط؟
رفعت راسها بصدمه وفتحت فمها:هااه؟
كان فهد مركي يدينه ع الطاوله ووجهه قريب من وجهها وهو لسى مبتسم وباينه غمزاته اللي ع خده اليسار وبصوته الرجولي:وشي اللي هاه انت باي صف؟
بلعت ريقها وهي ترمش بخوف:اا اا انا مادرس
فهد وهو يعصد حواجبه:كم عمرك؟؟
قمر وهي ترجع الكرسي للوراء شوي لانها تحس ان وجه فهد قريب منها:17
مشاري بحماس:ياحليلك قسم كانك 15 والا 14
قمر ..""اجل لو اقولك 20 وش تسوي ؟"
ناظرها فهد وابتسم ومد يده:انا فهد
ناظرت يده قمر بخوف مدت يدها اللي ترجف وبهمس:انا ااا انا فارس
كان فهد مبتسم بس لما مسك يدها حس بكهرباء بكل جسمه ملمس يده غريب او بالاصح ناعم سحب يده وسكت
ابوفهد:وهذا ولد اخوي مشاري
ابتسم مشاري ومد يده:تشرفنا
مدت يدها قمر بس ع مالمست يده سحبتها:الشرف لي
قطع كلامهم صوت نغمه قمر اللي تفشلت لانها كانت اغنيه هيفاء وهبي ياما ليالي
مشاري بهمس لفهد:هذا اكيد ولد؟
سكت فهد وهو يناظر قمر ويدينه بجيوب بلوزته
ارتبكت قمر وسحبت جوالها ومن الربكه ردت دون ماتشوف الرقم بس قبل ماتقول الو سمعت صوت ام نور وهي تقول:قمر قمر (لفت قمر وبعدت عنهم وصارت تناظر الجوال مسحت دمعه نزلت ع خدها بسرعه وسكرت الجوال بعد ماحطته صامت ودخلته بجيب بنطلونها)
ابوفهد وهو يناظر الساعه:الساعه 10 يعني غريبه جاييني هالوقت الا اذا تبون شي
ابتسموا فهد ومشاري
مشاري:فاهمنا يا عمي تدري اني احبك
ابوفهد:هههههههه اخلص علي بلا هالمقدمات وش تبون؟
مشاري وهو يسوي نفسه بزر ويضم عمه:تكفى ياعمي نبي ناخذ شاليه
ابوفهد:هههه ابشر
فهد ومشاري ضربوا يدينهم ببعض بفرحه كانهم اطفال:هيييه
ابوفهد:بس ...

فهد ومشاري بسرعه:بس ايش؟
ابوفهد:مو الحين
فهد بخيبه امل:يعني متى؟
ابوفهد:الخميس الجاي
مشاري وهو يسوي نفسه مصدوم ويحسب بااصابعه:الله يعني بعد 6 ايام ؟
ابوفهد:ايه نبي لين تجي عمتك ام منى من الرياض
فهد ومشاري باستسلام:طيب
مشاري وهو يلف لفارس او قمر:اسمع عاد يافارس حنا اذا تعرفنا ع احد ما نتركه يعني من اليوم ورايح انت من الشله
ابتسمت بخجل وماعرفت ايش تقول هزت راسها وسكتت ..

((فهد 24 سنه يشتغل موظف ببنك شاب خقه بمعنى الكلمه طيب وحنون بس فيه غموض اكثر يجذبك فيه عيونه الناعسه وصوته الرجولي وغمازته واكثر شي يكره بالحياة الكذب))

((مشاري 24 سنه يشتغل مع فهد شاب رجه وفرفوش ومرح شعاره بالحياه طنش تعش تنتعش كل شي ياخذه بمزح حتى لو انجرح مملوح مرا ويحب مها اخت فهد بس هي ما تحبه))

بـنـفـس حــي أمـيـرة
بـس بـقـصـر اكــبــر ..

كانت تركض بااندفاع وهي تصرخ:يييييمه
بعصبيه وهي تركض وراءها:والله ما اخليك ياسوير
ساره وهي تضحك:ههههه رندو اذا فيك حيل اركضي رواءي
ريناد بعصبييه:يمه
صدموا سديم بقوه وطاحت ع الارض ومن قلب:عمى ان شاء الله يا سخيفات ماتشوفوني؟
وقفت ساره وراء امها وهي تضحك:يمه شوفي ريناد تلاحقني
امهم: ريناد يمه وش تبين باختك؟
ريناد بعصبيه:خليها تجيب الايبود حقي
سديم:الحين كل هالركض والصراخ عشان ايبود ؟
ريناد:ايه (ومدت يدها بتهديد) ساره جيبيه
امهم وهي تسحب ساره من بلوزتها وضربتها ع راسها:عطي اختك الايبود حقها بسرعه
ساره وهي تحط يدها مكان الضربه:أي طيب طيب خوذي (وطلعته من جيبها وعطته ريناد اللي اخذته بعد ماضربت ساره ع راسها وصعدت لجناحها)

اعــرفــكــم ع الــعــيــلــه

ابوسديم:اخو ابوناصر رجل اعمال مشهور طيب وحنون ع بناته
ام سديم:ماجابت الا 5 بنات بس حنونه مرا ع بناتها بس با اوقات تشد عليهن وماتحب الدلع كثيررر
سديم:24 سنه متخرجه من الجامعه قسم اداره اعمال بس ماتبي تتوظف بنت عاقله بس اذا تجمعت مع خواتها وبنت عمها اميره تنهبل حساسه بس تحاول ماتظهر وتموت بشي اسمه افلام هنديه
ساره:23 سنه متخرجه قسم اقتصاد وبعد قاعده بالبيت ماتبي تتوظف بنت رجه لاابعد حد تسوي أي شي دون خوف وتحب تستهزي بالناس وتموت بشي اسمه مقالب
ريوف:20 سنه ثاني جامعه قسم حاسب مرا شاطره وهاديه لابعد حد ماتهتم بشكلها ابدا وبس تقرا وتكتب بالكتب وتلبس نظارات اكبر من وجهها اللي يشوفها مايصدق انها بنت محمد الراسي دايم ملابسها وسيعه وتربط شعرها بعكس خواتها
ريناد:19 سنه اول جامعه قسم ديكور وتصميم تموت بشي اسمه كشخه وسوق بس تلقاها واقفه قدام المرايه وتزين شكلها اللي يشوفها مايصدق انها وريوف خوات دلوعه ومغروره حبتين ورمانسيه بس قويه راس ((زي مايقولون لها خواتها دايم))
رغد:12 سنه اول متوسط قدوتها بالحياه ساره اختها تحب تكبر عمرها وتقعد مع البنات تفكيرها اكبر من عمرها بكثير وتحب الرقص مرا ..

جــنــاح ريــوف ..

كانت منسدحه ع سريرها وحاطه الكتاب قدامها ولابسه بجامه جدا عاديه و وسيعه ورافعه شعرها وتقرا بصوت هادي قطع مذاكرتها صوت الباب:ادخل
دخلت رغد:اف مافيه خدم بالبيت (ولفت لريوف وبشويه عربجه) ريوفه امي تقول تعالي تعشي بسرعه
ريوف:طيب قولي لها بس اخلص هذا الصفحه واجي
رغد بعياره:دامك قلتي صفحه اجل كتاب كامل
طارت عيون ريوف بس ابتسمت بهدوء و رجعت تقرا بالكتاب
اما رغد طلعت وسكرت الباب وراءها ...

يتبع