رواية أكابر و اقول فراقه عادي و انا في داخلي اصرخ تكفون جيبوه الفصل الثاني 2 - بقلم HaboOoshy

**الــبــقــالــه ..

ابوفهد وهو ياقف وقفل مكتبه:الساعه 12 بنسكر
وقفت قمر بصدمه وخوف وكانها تذكرت شي""ياربي وشلون نسيت و وين انام الحين يا ويلي من فرحتي بالشغل نسيت ماعندي مكان انام فيه ااه وين اروح بنص الليل ؟""
ابوفهد باستغراب:فيك شي فارس؟
قمر:هاه لالا(وطلعوا وقفت قمر)
اما ابوفهد مشى كم خطوه لان بيته وراء البقاله بس لف وجهه وشاف فارس واقف:وش فيك ياوليدي ليش ماتروح لبيتكم؟
قمر:هاه ايه ايه بروح الحين (بلعت ريقها ولفت ومشت كم خطوه بس وقفت بخوف وهي تشوف السياره اللي فيها شباب ومطلعين روسهم من الشبابيك ويصارخون ويرمون كلام عليها)
وقف ابوفهد هو يناظر له:فارس
لفت قمر:هلا؟
ابوفهد بابتسامه واشر بيده:تعال
قربت قمر بخجل من ابوفهد وسكتت
ابوفهد:وين بيتكم؟
سكتت قمر وماردت
تنهد ابوفهد وحط يده ع كتف قمر:وين تسكن انت واختك؟
قمر"" اف وش اقول لازم اكذب سامحني يارب ع الكذب"": اا اختي تعيش عند خالي
ابوفهد باستغراب: وانت؟
قمر:ااا اا انا(وهي تنزل راسها وتفكر) ايه انا كنت اعيش بشقه مع شباب بس طردوني منها
ابوفهد:ليش؟
قمر:اا اا لان لاني مادفعت الايجار
ابوفهد:طيب ليش ماتعيش عند خالك؟
قمر:اا ايه ايه لان خالي ع قد حاله وعايش ببيت شعبي دور واحد وعنده 7 بنات غير زوجته واختي وماقدر اسكن عندهم
هز راسه ابوفهد:امش معي للبيت
قمر بسرعه وخجل ولعنت بداخلها الحاجه ولعنت خالها وعبدالعزيز وحتى ابوها حست عزه نفسها اللي ياما منعتها عن اشياء صغيره قاعده تذل نفسها:لالا ياعمي يكفي انك شغلتني عندك لا ماعليك مني ادبر لي مكان انام فيه
ابوفهد:حلفت عليك الليله تنام عندي الوقت متاخر وين بتلاقي مكان تسكن فيه من بكره دور يلا امش
سكتت قمر شوي بعدين قالت:لا ياعمي لا هذا كثير
تنهد ابوفهد: انا حلفت خلاص عندي فكره
قمر:ايش؟
ابوفهد:الليله تنام عندي وبكره تنام بالبقاله
قمر باستغراب:البقاله ؟
ابوفهد:ايه البقاله فيها مخزن فاضي فيه مكيف اجيب لك فراش وتقدر تنام فيه بلا ايجار
قمر بخجل:لا ياعمي ماقدر
ابوفهد بمزح وهو يمسك يد قمر ويسحبها:ماكني عطيتك وجهه بتنفذ كلامي فاهم؟؟
ضحكت قمر بخجل:مدري وشلون بطلع من جزاءك
ابوفهد:لاتقول كذا الله يشهد علي يافارس انك دخلت قلبي ع طول وحبيتك زي ولدي فهد
ابتسمت قمر:وانا ياعمي حبيتك زي اا(حست كلمه الاب صعبه ع لسانها)اا زي ابوي بس
قاطعها ابوفهد ومسك معصمها بقوه وسحبها:امش
سكتت قمر وهي تحس بخجل وهو ماسك معصمها لفوا من وراء البقاله وقفوا عند بيت عادي يدل ع توسط حال اهل هذا البيت ابتسمت تذكرت بيتها
ابوفهد ترك معصمها:تفضل
قمر بصوت اقرب للهمس:يزيد فضلك
ابوفهد بصوت عالي شوي:يا ولد
جت بنت صغيره قصيره بيضاء ودبدوبه شوي وشعرها لونه بني قاصته كانت تجنن
قعدت قمر ع ركبها دون شعور تموت بالاطفال تعشقهم وبحنان:يا قلبي تعالي
ابتسم ابوفهد:ريماز تعالي سلمي
ريماز بدلع وهي تحط يدها بفمها:بابا هذا ولد
ضحكوا ابوفهد وقمر
وقفت قمر وشالتها ورفعتها فوق:هههه
:لاتعودها عليك ترا ماراح تفتك منها
رفعت راسها قمر و وقفت على طول وهي تشوف فهد وهو متراكي ع الباب ولابس بجامه كان شكله يخق
ابوفهد: اقول اسكت لاتتكلم عن دلوعتي (وشال بنته وصار يبوسها)
فهد:هههه ياليل بدوا قيس وليلى
قمر لا شعوريا:ههههههه
ابتسم فهد وهو يناظر لها ورجع ناظر ابوه وريماز
ابوفهد:فهد قل لهم يجهزون القهوه والشاهي
فهد:ابشر (وراح)
ابوفهد وهو ياشر ع المحلق باخر الحوش :  تفضل ياوليدي
ودخلوا الملحق وقعدوا صارت تناظر الملحق كان حلو ومرتب عباره عن جلسه تراثيه بديكور تراثي وتلفزيون بلازما معلق على الجدار وبوسط المجلس مشب والنوافذ قزاز عاكس كبير بس اللي جذب انتباها حوسه بزاويه المجلس ملابس ولابتوب واوراق
ابوفهد:هذي اغراض فهد الله يصلحه هو ومشاري 24 ساعه قاعدين هنا عاد تعال شوف الحوسه اللي يسوونها
دخل فهد وهو شايل صينيه: افا يا بوفهد مايمديني رحت وصرت تحش فيني؟
ابوفهد بمرحه المعتاد:عاد انا حر احش بالوقت اللي ابي
ابتسمت قمر وهي تشوف فهد هز راسه وكانه يأس تحس علاقتهم تعدت الاب وابنه كانهم اصدقاء ..

فهد وهو يمد الفنجان لقمر : تفضل
اخذت قمر الفنجان :تسلم
فهد وهو يخز ريماز:ريمازوه روحي داخل
ريماز بعياره وهي تاقف وتحط يدينها ع خصرها:مابي (ولفت لقمر) انت وش اسمك؟
قمر بابتسامه: فارس
ريماز:الله حلو اسمك مرا
ضحكت قمر:شكرا"
ريماز وهي تقرب و وقفت قدام قمر بالضبط:ليش وجهك ابيض مرا كانك بنت ؟
توسعت عيون قمر بصدمه وفتحت فمها...
ابوفهد بسرعه:رييييماااز
فهد وهو يسحبها:عيب يلا انقعلي داخل
ريماز وهي شوي وتصيح:ماابي ماابي (وصارت تصيح وتضرب بالارض)
فهد عصب:ريمازوه بلا حركات دلع قلت طسي داخل ..
قمر بحنيه وهي تناظر فهد المعصب:خلها (ولفت لريماز) تعالي حبيتي ..
ركضت ريماز بدلع ورمت نفسها بحضن قمر ومدت لسانها لفهد اللي رفع يده بتهديد لها بس ريماز صرخت بخوف ودخلت راسها بحضن قمر
ضحكت قمر وهي تضم ريماز:ههههههه
فهد:فارس ماشربت فنجانك
هزت راسها وسحبت الفنجان وشربت شوي ورجعته
دق الجرس صرخت ريماز وهي تركض:مشاري
فهد:شوف العوبه تو تصيح والحين تصارخ وتضحك ..

ابوفهد:هههه مو لله عشان مشاري يجيب لها حلويات
فهد:ايه والل ه(ولف لقمر) ايوه فارس اخبارك ؟
قمر وهي تناظر : بخير الله يسلمك
ابوفهد: فهد قم جيب العشاء وفراش لفارس
فهد وهو ياقف بسرعه:ابشر
قمر بسرعه:لالا والله مو مشتهيــ ــ ــ( سحبت بريك قوي كانت بتقول مو مشتهيه)  مو مشتهي شي والله
فهد:وش هذا الكلام تجي عندنا وماتاكل شي؟
قمر:والله مو مشتهي شي
فهد:مو لازم غصب تاكل (وطلع)
ابوفهد:هههه ولدي فهد لاتناقشه باامور الضيافه ترا ياكلك من عصبيته
ضحكت قمر وسكتت دخل مشاري هو شايل ريماز فوق كتوفه وهي بيدها كيس حلويات
مشاري:السلام عليكم
ابوفهد وقمر: وعليكم السلام
مشاري بابتسامه:فارس عندنا وشلونك؟
قمر بابتسامه:بخير انت وشلونك ؟
مشاري:الحمدلله (ونزل ريماز بالارض)
ريماز وهي تنقز: مشاري مشاري انت امس قلت لي بكره العب معك يلا العب معي
مشاري:طيب وش تبين نلعب ؟
ريماز وهي تفكر: امم مدري (وصرخت بعياره) ابي العب
على دخلة فهد: و وجعه ان شاء الله خير تصارخين يلا ادخلي داخل جيبي الصحون
قمر بحنيه:حرام صغيره وشلون تشيل الصحون؟
فهد وهو يحط السفره على الارض والملاعق:ماعليك منها كانها بتجيب شي
ركضت ريماز داخل وهي تاكل حلويات
جلسوا واكلوا بعد ساعه وقف ابوفهد:يلا انا بروح انام تصبحون على خير
من قال ابوفهد بروح انام نقزت قمر بخوف "يعني وشلون ببقى لحالي مع الشباب "
كلهم ناظروا لها باستغراب
ابوفهد:فيك شي ياوليدي؟
قمر:ااا ااا لا لا بس انت بتروح تنام؟
ابتسم ابوفهد:ايه بروح انام تبي شي؟
قمر حست انها لازم ترقع الموقف اتجهت لابوفهد وباست راسه بسرعه:لا بس حبيت اشكرك ع اللي سويته لي
ابتسم ابوفهد وطبطب ع كتفه:لاتقول كذا ياوليدي انت من اليوم ورايح مثل فهد ومشاري
ابتسمت قمر بخجل:تسلم (ورجعت قعدت بخوف)
مشاري:ايه فهد بكره بنروح للمخيم مع الشباب
فهد:ايه (ولف لقمر) فارس تراك بتجي معنا
مشاري:طبعا
قمر بسرعه وهي تحرك يدينها:لالالالا
فهد:ليش ؟
قمر وهي تنزل عيونها بالارض وتفكر:اا ايه اا عشان عشان البقاله وعمي ماقدر اتركه
فهد:مو بكيفك انا قلت تروح يعني تروح غصبا عنك
مشاري:هههه عاد فهد قال غصب يعني عادي عنده استعداد يشيلك ويحطك بالسياره
قمر من سمعت يشيلك ماتت خوف وقالت بسرعه: لاخلاص بروح
ضحكوا فهد ومشاري على عفويه فارس
مشاري وهو ينقز ويشبك البلاستيشن: فارس تلعب؟
قمر وهي تتذكر لما كانوا هي وعبدالعزيز كيف كانوا مدمنين بلاستيشن خاصه كراش سيارات وبحماس:يلا
تقدمت واخذت يد البلاستيشن وبعدت كثير عن مشاري وصاروا يلعبون ومشاري يطلع اصوات بحماس ولا يعلق اما فهد يتتطنز عليهم اما قمر تضحك تحس انها ارتاحت لهم كثير واندمجت معهم بصراحه ماتوقعت ان هذا اللي بيصير ..

شـــخــصـــيــــاتــــ 🌷 الروايــــــــة...

اعـرفـكـم ع عــيـلـه ابــوفـهــد ..

ابوفهد:رجال طيب وحكيم يحب عياله ويحب يسوي الخير من تشوفه تحس بالراحه تحس ملامح وجهه تمثل الطيبه وعلاقته مع عياله كانه اخوهم مو ابوهم
ام فهد:مراه فله مع كبر سنها الا انها تحب تمزح وتضحك وتحب عيالها موت وعلى نياتها ..

فهد:سبق الوصف
مها:19 سنه بنت ناعمه رومانسيه تحب الرجل الهادي وتحب ملامح الرجل الناعمه ودايم تضحك على بنات عمانها وخوالها لما يقعدون ويتغزلون بفهد ويقولون يا حظك مايعجبها جمال فهد وتكره مشاري موت لانه بس يتلصق فيها
ريماز : 5 سنوات دلوعه الكل جت بعد فتره طويله لان ام فهد قعدت تتعالج بعد مها ..
ريماز بنت كيوت وعوبه مرا بس حبوبه وتدخل القلب على طول
وعايش معهم بالبيت ام ابوفهد مره كبيره بالعمر بس حبابه بس يعني فيها حركات العجز اللي كلنا نعرفها اسمها مزنه ..

** ابــومـشـاري (اخو ابوفهد) ..

ابومشاري : رجال طيب بس ينضحك عليه بسرعه ومرته متسلطه عليه
ام مشاري:ميته من اكثر من 13 سنه
تهاني: زوجة ابومشاري الثانية نذله وخبيثه وتكره مشاري وبس تحرض عليه ابوه اللي مايقصر فيه سواء بضرب او غيره بس من كبر مشاري ماصار يقدر يضربه ..
مشاري:سبق التعريف بس مشاري مع كل اللي يصير له يحب ابوه مرا ومايبين عليه اللي يصير له
نواره:بنت عسل عمرها 17 سنه فله اخت مشاري من امه وابوه وبس هواش مع تهاني لما كانت صغيره كانت تضربها بس لما كبرت صارت تخاف من مشاري ومن نواره بعد لان عليها لسان وش طوله وابوها يموت فيها تدرس بثاني ثانوي ادبي ..
حمودي:6 سنوات ولد تهاني يجنن ويموتون فيه اخوانه بس ريماز تغار منه ..

بــيــت نــور ..

فواز: يمه ماتعرفين وين ممكن تروح؟
ام فواز بحزن: لا والله
نور بقهر ممزوج بعصبيه خفيفه:خلاص فواز لاتتدور على قمر
ناظروا لها بصدمه وشلون نور تقول كذا؟
فواز بنظره شك لنور:نور انتي تعرفين وين قمر؟
نور بسرعه: لابس انا اعرف قمر ماسوت كذا الا ماتبينا نعرف هي وين (ولفت وصارت تناظر الفراغ""ااه الله يهديك ياقمر ليش سويتي فينا كذا ليش ؟"")
سكت فواز وهو بينه وبين نفسه متاكد ان نور تعرف مكان قمر بس ماحب يضغط عليها
ماجد:وشلون ما ندورها قمر اختنا يعني نقعد ماندورها ؟
نور وهي تاقف وببرود:انا متاكده انها بخير
سكتوا كلهم وهم يناظرون نور اللي صعدت فوق باستغراب وشك ..

بــيــت ابــوفــهــد ..

قمر وهي تحس بتموت نوم بس ماهي قادره تنام والشباب موجودين
فهد وهو ماسك يد البلاستيشن:ههههههه مشاري ياسخيف بعد عن وجهي
مشاري اللي دق جواله وقف:دقايق واجي (وطلع يكلم)
لف يبي يشوف فارس بس انصدم وهو يشوف شكله وهو نايم
كانت قمر حاطه يدها فوق المركى وراسها فوق يدها وخصلات شعرها متبعثر ع وجهها
قرب فهد وحط يده فوق كتفها:فارس فارس
نقزت مثل المقروصه من لمسه فهد و وقفت:نعم؟
فهد لاشعوريا:هههه
دخل مشاري وهو مستغرب:وش فيك؟
فهد:ههههه
مشاري:وش صاير؟ فهد يضحك كل هذا الضحك؟
فهد:شكلك رهيب وشفيك خفت؟
قمر اللي تحاول تسلك:ههه لا بس مدري ..
وقف فهد:يلا بروح انام (ولف لمشاري) يلا على بيتكم
مشاري:لا مالي خلق اسوق شكلي بنام هنا ..
سكت فهد شوي بعدين قال:خلاص نام عند فارس
طارت عيون قمر "ياربي وشلون ينام عندي لا والله ماانام اف وش اسوي؟"
مشاري:امم ولا اقولك خلاص بروح البيت تذكرت ابوي بكره عنده موعد(وقف) يلا مع السلامه
تنفست قمر براحه وطلع مشاري
فهد:مع السلامه(ولف لها وابتسم) : تصبح ع خير
قمر:وانت من اهله
سكر اللمبات وطلع
طاحت قمر على الفراش بتعب وشدت الوساده لها "اااه ياربي وقفني وساعدني" غمضت عيونها باارهاق وتعب ونامت .

بـــيــت ابــومـشـاري
غــرفــه نــواره ..

نواره وهي تكلم بالجوال:هلا مهاوي (اخت فهد بنت عمها) كيفك؟
مها:تمامو انتي كيفك؟
نواره:بخير
مها:اسمعي انا سمعت امي تقول ان فهد ومشاري بيطلعون للبر
نواره باستغراب:طيب ؟
مها:يابقره قصدي تجين عندنا عاد انتي تعرفينهم اذا طلعوا مايجون الا وجه الفجر بعدين وش تبين بوجه النحس ؟((تقصد تهاني مها مسميتها كذا))
نواره:صادقه خلاص بروح اقول لمشاري يلا باي
مها:باي

ركضت نواره لغرفه مشاري وطقت الباب فتحته لما سمعت صوت مشاري يقول ادخلي:مرحبا لاحلى اخ بالدنيا
ابتسم مشاري وهو يسكر اخر زرار من ثوبه:هلا وغلا
نواره:بتروح للبر؟
مشاري:ايه تبين شي؟
نواره:ايه ابي اروح لبيت عمي
مشاري:طيب خلاص انزلك واودي ابوي لموعده بعدين الحق الشباب
ابتسمت نواره وباست خده بقوه:الله يخليك لي بروح البس (وراحت تركض) ..

بــيــت ابـوفـهــد ..
دخل فهد وابتسم وهو يناظر قمر وهي جالسه على الفراش:صباح الخير
قمر بخوف ولفت له بسرعه: اه خوفتني
فهد:هههه يا انك خواف (ونزل الصينيه بالارض) يلا بسرعه خلنا نفطر عشان نمشي
قمر بصدمه:نمشي وين؟
فهد:وشي وين نسيت امس قلت لك بنروح المخيم
بلعت ريقها قمر بخوف:لالا انا اعذرني
دخل ابوفهد: ليش يعذرك روح تونس مع الشباب
قمر "اتونس مع الشباب الا بموت من الخوف" : لا ياعمي مايصير اتركك بالبقاله لحالك بعدين فشله مالي يوم مداوم وو
قاطعه ابوفهد:انا قلت روح خلاص روح والا بترد كلمتي؟
قمر باحراج من ابو فهد اللي حبته على طول:لا ياعمي ماعاش من يرد كلمتك (وبخوف) خلاص بروح
ابوفهد:اجل يله خلنا نفطر
صاروا يفطرون بس قطع عليهم دق تلفون قمر ..

اخذت جوالها وردت:هلا
منيره: يا دبا اشتقت لك
ابتسمت قمر: وانا بعد
منيره باستغراب:عندك احد؟
قمر كان ودها تسولف كل اللي صار لها لمنيره بس فشله تقوم من الاكل:شوف بعدين اكلمك خلاص؟
منيره اللي زاد استغرابها بس استوعبت ان قمر تكلمها بصوت رجولي وبصفه ولد: اوك انتظرك
قمر:اوك مع السلامه
منيره:مع السلامه

ابوفهد:اختك؟
رفعت راسها قمر وابتسمت : ايه
ابتسم ابوفهد: الله يخليكم لبعض
قمر بهمس:امين
وقف فهد:يلا قوم
قمر "ياارب يصير شي ومارووح" : طيب بس بروح للبقاله اول بجيب لي اغراض
طلع ابوفهد مفتاح:خله معك هذا مفتاح البقاله انا عندي مفتاح ثاني
هزت راسها وطلعت على دخله نواره ومشاري
طلعت مها تركض ما انتبهت لمشاري ولا لقمر:نواره
مشاري نزل راسه بسرعه بعكس قمر اللي نست بس مع طلعت فهد من الملحق نزلت راسها
فهد وهو مصدوم صرخ :مها
لفت مها وبلمت بقمر لين استوعبت و ركضت داخل وراءها نواره
بلعت ريقها قمر بخوف من صرخه فهد وطلعت برا البيت دخلت البقاله وسكرتها ودخلت المخزن اللي قال عنه ابوفهد نزلت شنطتها بالارض:اف يبي لها تنظيف يلا خليني اصلي اول بعدين اغير ( توضت وصلت بعدين اتجهت لشنطتها تاخذ منها ملابس)
لما نزلت بلوزتها سحبت المشد وحطت يدها ع صدرها: ااه صدري ابي ارتاح شوي (قعدت ع الارض متربعه تذكرت منيره): الو
منيره:هلا وغلا
قمر بحب:وشلونك وشلون نور امك وخالتي وعمي وفواز وماجد؟
منيره:هههههه شوي شوي ع عمرك انقطع صوتك
قمر:هههههه اشتقت لكم والله
منيره:وحنا اكثر قمور اهلنا مو راضين يقفون يدورن عنك
تنهدت قمر:خلاص عندي فكره
منيره:وش بتسوين ؟
قمر:بتشوفين اسمعي بقولك وش صار لي
منيره بحماس:يلا قولي
وبدت قمر تقول كل اللي صار لمنيره
منيره: ياحركات اه احس فهد مزيون ؟
قمر بخقه: يهبل
منيره باستهبال: لالا ماقدر ع كذا بكرا بجيك
قمر:هههههههه
منيره:يلا اجل اخليك تلبسين وبقول لنور اللي صار معك ايه صح لاتنسين تسوين الفكره لان اهلنا بجد خايفين عليك
قمر:ان شاء الله يلا مع السلامه وسلمي ع نور
منيره:يوصل يلا باي
قمر: باي
وقفت ورجعت لبست المشد ولبست بنطلون اسود وسيع وبلوزه صفراء وسيعه وسحبت كاب لونه اسود ولبست جزمه سبورت وسيعه شوي عليها واخذت جوالها وبوكها بجيب بنطلونها من وراء وطلعت)

** بــيــت ابـوفــهــد..

نواره بعصبيه:مها وجعه ان شاء الله وش فيك من جئت وانتي ساكته ومبتسمه كانك غبيه ؟
مها وهي تتنهد بحب:يجنن
نواره باستغراب:من ؟
مها:اللي قبل شوي (ولفت لنواره)هذا يشتغل عند ابوي بالبقاله اه عذاب يا زينة
طارت عيون نواره:من جدك انتي يعجبك زي هذا كانه بزر
مها وهي ترجع وتحط يدها تحت خدها وفاتحه الشباك عشان تشوف اللي يدخل من الباب:ايه مو بس من جدي الا من عمي بعد
نواره وهي تناظر الباب اللي انفتح:شوفيه قسم بزر ..

كان الباب مطرف دخلت قمر وهي تحرك الكاب اللي عليها

تنهدت مها بحب: اه
ناظرتها نواره بقهر:انتي خبله هذا بزر تحبين بزر ؟
مها:وش دارك انه بزر ؟
نواره بعصبيه: وشي وش دراني شوفيه
مها:عادي يعني اصغر مني بكم سنه سنتين ثلاث عادي الرسول تزوج خديجه وهي اكبر منه بـ20 سنه
طارت عيون نواره بصدمه:ايه هذا الرسول صلى الله عليه وسلم مو انتي يابقره
سحبت مها عليها وهي تتامل قمر بحب هذي هي مواصفات الرجل اللي طول عمرها تتمناه

فهد:هاه تجهزت؟
قمر:ايه
فهد:يلا مشينا
قمر : فهد؟
لف لها فهد:هلا
قمر:وين مشاري؟
فهد:يبي يودي ابوه موعده بعدين يلحقنا
قمر:اها  
فهد وهو يركب الاغراض:اقول فارسوه ماانت ناوي تساعدني ؟
قمر اللي تفشلت: هاه ايه ايه (وقفت قريب منه وشالت سله بس ع طول نزلتها) اي اصبعي ااه
ناظره فهد ببرود وتتطنز:اقول يابزر خذ(ورمى عليها الفرشه) حطها قدام
تفشلت قمر ومسكت الفرشه اللي رماها عليها وحطتها قدام
تقدم فهد وركب وركبت قمر جنبه وهي تحس بتموت من الاحراج
شغل فهد السياره وطلعوا واخذوا معهم قلب حب وعشق من نظرره وحده ..

بـــيــت ابو امــيــرة ..

اميره بزهق :اف ياربي بطق من الزهق
ام ناصر:قولي لبنات عمك يجونك
اميره وهي تناظر امها طلقت اف بعدين سحبت جوالها ودقت ع ساره:مرحبا
ساره:مراحب
اميره:سارونه قسم طفشانه تعالوا عندي
ساره:يوه حنا 5 ياكثرنا ههه وانتي وحده يعني انتي تعالي
ابتسمت اميره:طيب شو رايك امركم ونروح أي كافي؟
ساره:امم والله فكره خلاص طيب يلا
اميره:اوك ربع ساعه واجيك باي
ساره:باي
ركضت اميره تغير ملابسها ..

بــيــت ابــوسـدديــم ..

ساره وهي تضرب بيبان اجنحه خواتها وبصراخ:اطلعوااااااااا
طلعت ريناد ببجامتها :اف انتي وش فيك تصارخين من صباح الله خير تدرين كم الساعه؟
ساره وهي تناظر الساعه:يوه الساعه 8 ونص تصدقون ع بالي 9
سديم وهي تفرك شعرها : اف يعني مسويه انجاز بفرق نص ساعه ؟
ريوف بهدوء وهي تحرك نظاراتها:الحين ممكن اعرف وش تبين سارونه؟
رغد بعربجه: ووشي ممكن وا سارونه اقول اخلصي تكلمي
ساره وهي تكش عليهم:بسم الله اكلتوني بقولكم كلمتني اميره وتقول خلونا نفطر برا (لما شافت خواتها بيسكرون بيبان اجنحتهم)يا حرام يااميره رحمتها شوي وتبكي طفشانه لحالها وضغط التتطبيق وو
قاطعتها سديم:خلاص خلاص بنلبس ونجي اف
ضحكت ساره وركضت لجناحها تغير هي تعرف كيف خواتها يحبون اميره كانها اختهم واكثر ومايحبونها تتضايق او تزعل

بــعــد 20 ددقـيـقــه
ســيــاره فــهـــد ..

فهد وهو يكلم بالجوال:جد؟ اممم خلاص طيب يلا مع السلامه
قمر:فيه شي؟
فهد:لا بس يقول سلمان صديقنا وهو راعي المخيم ان اهله بيطلعون للمخيم وبيدور لنا مكان ثاني هو وسامر بيدقون علينا عاد دامه كذا خلنا نروح للكافي ومره وحده ننتظر مشاري
قمر بصوت اقرب للهمس:طيب
فهد:بكلم مشاري اقول له (وطلع جواله يكلم مشاري)

ســيـاره ســواق آمـيره

اميره:تو مانورت السياره
كل البنات:منوره بوجودك
اميره:هههه يمه خوفتوني لاتتكلمون بوقت واحد
ريناد بدلع وهي تعدل لثمتها:اف اقول اخلصي وين عازمتنا؟
اميره بابتسامه:براحتكم وين تبون نروح؟
سديم بحماس:خلونا نروح أي كافي ع الكورنيش تكفون
ساره: ايه صح
اميره:اوك(ولفت لراج) راج روح للكورنييش

**ســيـاره فـــهـــد

فهد:أي كافي تبينا نروح؟
قمر:عادي أي مكان
فهد:فيه قهوه اعرفها مكشوفه ع الكورنيش
قمر:طيب
فهد بعصبيه خفيفه:انت دايم كذا؟
ناظرته قمر ببرود بعدين لفت وجهها لشباك:وشلون؟
فهد:يعني ماتتكلم الا اذا اسالك احد حتى ردك كلمه والا كلمتين؟؟
ابتسمت قمر ع خفيف""ليتك عرفتني قبل يافهد ماكنت بتصدق اني نفسي اللي اتكلم معك الحين كنت مااسكت لين (تذكرت كيف كانت تتكلم وتتكلم لين يهاوشها عبدالعزيز وهو يرفع عليها الوسايد ويرميها عليها والا امها اللي تضربها باقرب شي عندها ويصارخون بانها مزعجه وماتسكت ابدا)
فهد:وين وصلت؟
قمر:ولا مكان
فهد:شفت بس كلمه
قمر:هههههه احمم(ابتسمت لمنظر البحر) حلو البحر
فهد مايدري ليش ضحكته حركت شي داخله بس تجاهله ولف للبحر وابتسم:صادق ..

** ســيــاره امــيــره ..

وقفوا ونزلوا البنات
رغد:بنات خلونا نجلس فوق
البنات:يلا(وجلسوا وهم يطلون ع قسم الرجال اللي تحتهم مكشوفين للبحر)

كـانـوا كـلـهــم بـنـفـس المـكـان

طــاوله فــهــد و قــمــر
فهد وهو يناظر المنيو:مو مشتهي اكل ابي كافي بلاك وانت؟
قمر وهي تناظر المنيو بتمعن بس ماكانت معه ابدا وخصلات شعرها مغطيه وجهها وماهو طالع الا خشمها وطرف شفايفها
فهد:يا هوو
قمر اللي صحت وبدون تركيز: زيك
فهد:طيب (ورفع يده ينادي النادل)لو سمحت

طــاولــه الــبــنــات
ساره:بنات بنات شوفوا هذولاء الشباب الاثنين
البنات وهم يناظرون:وين؟
ساره وهي تاشر بيدها:هذولاء هههه ينشك بوضعهم صح هذاك نعوم شوفوا شوفوا شعره وشلون طاايح ع وجهه
ريناد بخقه:اه يازين اللي معه
سديم وهي تسوي نفسها اغمى عليها وطاحت ع كتف ريناد: يخق
ريناد وهي تدف راس سديم عن كتفها: بعدي أي
اميره:يهبل بس بنات شكلهم مو مضبوطين
ريوف بهدوءها المعتاد:بنات عيب
رغد بحماس:اميره يعني هذا حبيبه ؟
ناظروا كلهم رغد وضحكوا
سديم:يمكن ليش لا؟
ساره:اقول ع هواء انتي وهي خلونا نتابع
اميره:هههه حلوه نتابع تلفزيون هم؟
ساره:هههه ايه

طــاولــه فــهــد و قــمــر
فهد وهو يناظر النادل اللي يحط الاكواب قدامهم:شكرا هز راسه النادل ومشى
فهد:اشرب قهوتك
هزت راسها قمر وسحبت الكوب بس اول ماشربته تفلته وهي تحرك يدها ع لسانها: يع وش هذا ؟
فهد:هههههه وش فيك انت قلت ابي زيك ماتحب كافي بلاك؟
قمر وهي منقرفه: يع (صارت تمسح بقايا القهوه عن شفايفها بيدها)
فهد بابتسامه وهو يمد المنديل رفع نفسه شوي عن الكرسي وساعدها في المسح

طــاولــه الــبــنــات

صرخت ساره صرخه خلت كل اللي حولهم يناظرون لها
ريناد باحراج:الله يأخذك خربتي برستيجي
اميره: وش فيك؟
سااره:شوفوا وش سوا
كل البنات نطوا واقفين من الحاجز اللي يطل ع القسم التحتي المكشوف يشوفون فهد وقمر

طـاولـه قــمــر و فــهــد
توسعت عيون قمر بصدمه ماقدرت تتحرك من هول الصدمه عليها اول مره يكون شخص قريب لها كذا ريحه عطره اللي حست انها صارت تتنفسها من قوتها
رجع فهد مكانه ونزل المنديل:صدق انك بزر حتى القهوه تكبها ع نفسك؟ (دق جواله ورد)هلا مشاري ايه ايه القهوه اللي دايم نروح لها طيب

طــاولــه الــبــنــات ..

ريناد:يمه رمنسي بس خساره (وبدلع) مايستاهل
سديم:يمه يخقق لالا ماقدر استحمل ..
اميره بخقه:حركته تجنن
ساره:شوفوا شوفوا وجه الولد الناعم صار احمر
ريوف بقهر:يعني مستحي هو ووجهه صدق شباب قله ادب ماعاد فيه دين
رعد:شوفوا جاء واحد ثاني

طــاولــه فــهــد و قــمــر
جاء مشاري وقعد:وشلونكم؟
فهد يبي يقهر مشاري:تونا تاركينك الفجر
مشاري:طس مناك اصلا انا قصدي حبيبي فارس
طارت عيون قمر بصدمه اللي اصلا لسى ماستوعبت اللي صار مع فهد وتصلب كل شي فيها ..

طــاولــه الــبـنـات ..

ساره وهي تشهق: اه لالا هذا الولد مو هين ؟
ريناد بقهر: وكلهم مزين
اميره بضحكه وراءها شي:هههه شكله خطير
ضربتها ريوف من كتفها:عيب اميره وش هذا الكلام؟
اميره وهي تحرك يدها مكان الضربه: اي عورتيني ...

طــاولــه الـشـبـاب ..

ترك مشاري قمر وهو يضحك:ايه صح يلا بسرعه اطلب لي موكا بارده
فهد:لاوالله ماتبي فطور مرا وحده ؟
مشاري وهو يتعدل بالكرسي:اامم يكون احسن
ضحك فهد:هههههههه(دق جواله)هذا سلمان(ورد بصوت عالي لانه مايسمع صوت سلمان البعيد) هلا والله االوو ماااسمعك لقيتوا مخيم؟؟ايش؟؟اايه زين زين خلاص اذا وصلت دقيت عليك يلا باي باي(ووقف فهد) يلا امشوا لقوا مخيم زين
مشاري:يلا مشينا (ولف لقمر اللي لسى جالسه) فارس يلا قوم
هزت راسها و وقفت وهي تمشي وراءهم بس لسى تحت تاثير الصدمه

طــاولــه الـبـنــات ..

سديم بحماس:سمعتوا بيروحون مخيم
ريوف:استغفرالله يلا بنات خلونا ناكل ونمشي
لفوا البنات وشافوا الاكل وهم واقفين يناظرون ماعدا ريوف اللي جالسه ع الطاوله ضحكوا ع انفسهم واقعدوا
ساره:الله ودي اروح معهم اشوفهم ايش يسون
ريوف:وش هذا الكلام؟
ساره:هههه والله العظيم صادقه
اميره:يلا بس خلونا ناكل عشان نطلع للسوق ودي اشتري لي ملابس
ريناد بحماس:ياي شوبنق
سديم:يوه ريناد وسوق لاوالله مانطلع الا بالليل
الكل ماعدا ريناد اللي مدت بوزها بدلع :ههههههههه

** ســيــاره فــهــد ..

((طبعا مشاري ترك سيارته عند الكافي))
مشاري وفهد قدام وقمر وراء
فهد:وشلون عمي وش قالوا ؟
مشاري:ابد يقولون عشان الضغط وكذا
فهد:ايه الله يشفيه
مشاري:امين (وهو يناظر قدام) نقطه تفتيش قدامنا هد
هدا فهد لين وقفوا عند الشرطي
بلعت ريقها قمر بخوف ان الشرطي يكتشف انها بنت
فتح فهد الشباك:السلام عليكم
الشرطي وهو يناظر لهم:وعليكم السلام رخصكم
طلع فهد رخصته ومدها له ومشاري زيه
مسكها الشرطي وهو يناظر لها ولف لقمر:وانت ماعندك رخصه؟
فهد:لا توه صغير
الشرطي وهو يناظر فهد ومشاري وقمر بتعمن: وين رايحين؟
فهد وهو يناظر مشاري باستغراب من سؤال الشرطي ولف له:مخيم
الشرطي:هيه انت (يقصد قمر) ارفع راسك ليش منزله كذا؟
رفعت راسها قمر وناظرته بس بسرعه لفت وجهها
الشرطي وهو يناظر لهم
فهد بعصبيه خفيفه:فيه شي؟
الشرطي:ايه فيه اوقفوا ع جنب
فهد بعصبيه:ليش وش سوينا؟
الشرطي بحده:قلت وقفوا على جنب لاتخليني استعمل معك العنف
قبل مايتكلم فهد مسك مشاري يده:فهد خلاص وقف وبنفهم كل شي
تنهد فهد بقهر و وقف على جنب وهو معصب
اما قمر تمنت الارض تبلعها توقعت ان الشرطي عرف انها بنت صارت تحرك اصابعها بتوتر وكل شوي تلتفت وهي تشوف الشرطي يكلم اثنين شرطين وياشر بيده على سيارتهم لفت لمشاري وفهد وهي تناظر لهم حست خلاص بتموت وهي تشوف الشرطيين قربوا لهم نزلت راسها وغمضت عيونها بقوه وصارت تتدعي بنفسها
""اجعل من بينهم سدا ومن خلفهم سدا يارب استر علي يارب استر علي""
الشرطي الثاني:السلام عليكم
فهد بزهق:وعليكم
مشاري:وعليكم السلام
الشرطي الثاني:امم الولد اللي وراء وش يقرب لكم؟
مشاري وفهد باستغراب وهم يلفون لقمر اللي منزله راسها
فهد:ليش؟
الشرطي:جاوب
فهد ببرود وزهق بس قاطعه مشاري اللي حس انه فهم شوي وقال: ولد خالتنا
الشرطي وهو يناظر قمر باستحقار:اكيد؟
فهد بعصبيه تفجرت:انتوا وش فيكم ع بالكم فاضين لاالغازكم عندكم شي قولوه والا خلونا نتوكل ...
الشرطي الاول:لا تعلي صوتك
فهد وهو ينزل:لا بعليه وش بتسوي ؟
مشاري اللي نزل بسرعه ومسك فهد:فهد اهدا
قمر اللي حست ان الموضوع كبر خافت على فهد ونزلت وهي واقفه عند باب السياره
الشرطي الثاني:لا تعال عطني كف احسن
الشرطي الثالث اللي جاء لما شافهم نزلوا وشكلهم يتهاوشون: وشفيكم؟
فهد:فهمونا ليش موقفينا؟
الشرطي الثالث وهو يناظر الشرطيين:امم تبون الصراحه يعني حنا شاكين فيكم
فهد ومشاري بصدمه:ايش ؟
فهد بقهر:با ايش شاكين؟
الشرطي وهو يناظر قمر بتمعن وكانه جاوب على سؤالهم
لفوا مشاري وفهد وناظروا قمر اللي ارتعبت بقوه وصار قلبها يضرب بعنف قالت وهي تستجمع قوتها وبصوت حاد:وشفيكم تناظرون لي كذا ؟
فهد اللي فهم وعصب بقوه: ايش على بالكم حنا ما تربيينا والا مانخاف من ربنا هاه ؟
الشرطي الاول وكانه يبي الفكه من فهد:خلاص هد حنا واجبنا نتاكد بس تقدرون تروحون ..

مشاري وهو يسحب فهد:خلاص امش امش..
(وركبه وركب هو مكان السواق عشان يسوق بدال فهد المعصب) ولف لقمر:اركب بسرعه
ركبت قمر وهي متفشله من المشكله اللي سوتها لفهد ومشاري وانقهرت بنفس الوقت ناظرت فهد المعصب وهو عاض ع شفته السفليه ويناظر الشباك بنظرات حاده وبهمس:فهد
مارد عليها فهد وهو لسى ع وضعه
مشاري بابتسامه:ماعليك فارس عادي هذي الامور تصير
قمر بهمس: اسف اني حطيتكم بهذا الوقت
مشاري بمرحه المعتاد:ياابن الحلال هونها عادي تصير با ارقى العايلات
ابتسمت قمر على روقان مشاري:هههه تصدق مشاري انت رهيب وشلون تضبط اعصابك كذا ؟
ابتسم مشاري بغباء بعدين ضحك:هههههه مدري
ضحكت قمر بعدين كلمت فهد : فهد
فهد لاتعليق:- - - - - -
قمر:فهد فهد فهد فهد
وشاركها مشاري:فهد فهد فهد
صرخ فهد بقهر:خير نعم ؟
ناظرته قمر بخوف ورجعت مكانها اما مشاري وهو يسوي عمره خاف:هاه خلاص خلاص مانبي شي
قمر بهمس:يخوف
ضحك فهد غصبا"عنه على كلمه قمر اللي حسها عفويه وطالعه من قلبها:هههههههه
ابتسمت قمر براحه انه ضحك
لف فهد لها وهو مبتسم وبصوت هادي :جد اخوف ؟
استغربت قمر من كلمته وردت :هاه؟
فهد وهو يرجع لمكانه:هههههههههه
ابتسم مشاري:تصدق يافارس اول مره اشوف فهد يعصب وبنفس الساعه يضحك ويروق بالعاده يقعد يوم كامل ..
سكتت قمر وماردت لان صوت وعيون فهد لسى مااثرين عليها هزت راسها وكانها تبيه يطلع من راسها:ايش؟
مشاري وهو يضحك:سلامتك وصلنا
ناظرت قمر للمكان اللي عباره عن خيمتين قبال بعضهم وبينهم فرشه كبيره ومراكي موزعه باتقان وفيه 3 شباب جالسين حست بخوف مو طبيعي بس تحس بشوي امان دام فهد ومشاري معها
فهد ومشاري بصوت عالي:السلام عليكم
وقفوا الشباب:وعليكم السلام
وصاروا يسلمون اما قمر بلمت بصدمه وخوف "اسلم؟ يمه""
لف فهد ومشى باتجاها ومسكها من معصمها وسحبها ووقف فيها قدام 3 شباب:اعرفكم على فارس ولد صديق ابوي (مااحب يقول يشتغل ببقاله ابوي لانه يعرف مروان ماراح يسكت)
الشاب الاول وهو يمد يده بابتسامه:تشرفنا
ناظرته قمر بخوف بس استوعبت وعملت حركة ان يدها فجأة عورتها فهد ومشاري خافوا ..
فهد : وش حصل ؟
قمر : ولا شيء بس كذا احيانا" يمسكني شد بيدي ..
مشاري والكل : سلامتك
قمر : الله يسلمكم ..
وضيعت سالفة السلام
فهد:اعرفك هذا سلمان وهذا سامر (وبدون نفس) هذا مروان ولد خال سامر
هزت راسها قمر وماحست براحه للي اسمه مروان وقعدوا
مروان باستهزاء خفيف:فارس انت كم عمرك؟
قمر بهدوء:17
مروان:هههه عشان كذا شكلك بزر
قمر ما اهتمت ابدا لانه اصلا شي سخيف بالنسبه لها
عطى فهد مروان نظره خلته يسكت ..

بـــعــد ســاعـتــيــن
تذكرت انها لازم تكلم وقفت قمر
فهد:وين؟
قمر:بروح اكلم واجي
هز راسه فهد وسكت
بعدت قمر عنهم وقعدت فوق صخره ودقت رقم حافظته عن غيب : الو
ام فواز بلهفه وحب وهي تاقف : ققققققمر
..

ابتسمت قمر باألم وبهمس:خالتي
ام فواز: وينك فيه يمه خوفتينا عليك فيك شي صاير لك شي؟
قمر وبصوت اقرب للهمس وهي تحس انها مخنوقه:انا بخير بخير
ام فواز:طيب وينك ياقلبي؟
قمر: اه انا بخير تكفون لاتخافون علي قسم بالله اني بخير تكفين لاتتعبين نفسك ولا تخافين وبا اقرب فرصه بشوفكم بس (اخذت نفس عميق وطويل) بس انا محتاجه ابقى لحالي شوي لاتخافين صدقيني انا بخير
تنهدت ام فواز بخوف وهي شوي وتصيح:بس يمه انتي بنت وين رحتي لحالك؟
قمر:قلت لك لاتخافين والا ماتعرفين قمر؟
ام فواز:وعشاني اعرف قمر وتفكيرها خايفه
ضحكت قمر على خفيف وبحب: يمه صديقني انا بخير ((كانت تقول لام فواز يمه لانها بجد تحسها امها الثانيه هي وام منيره))
ابتسمت ام فواز:طيب ماكفاك يومين؟
قمر:لا يااغلى ام تكفين عشاني لما احس نفسي جاهزه ارجع لبيت خالي صديقني راح ارجع لاتخافين علي (وناظرت فهد ومشاري) انا بخير
تنهدت ام فواز:براحتك ولو اني اعرفك و واثقه فيك كان رفضت بس اهم شي يابنيتي تدرين اننا نحبك ومستحيل نتخلى عنك
ابتسمت قمر وبهمس كانه يعلن عن بكى جاي:ادري والله ادري
ام فواز:انتبهي ع نفسك وانا امك ترانا برد الحين والبسي زين واذا صار لك أي شي دقي علي خلاص؟
ابتسمت قمر:اكيد يمه سلمي لي على خالتي ام منيره وعمي والكل
ام فواز:يبلغ بس كلميني كل يوم واذا دقيت عليك ردي خلاص؟
قمر:خلاص
ام فواز وكانها تذكرت شي:يمه قمر من وين تصرفين ع نفسك تعالي خليني اعطيك فلوس
قمر:لاتخافين معي
ام فواز:اكيد؟
قمر:ايه اكيد يلا يمه انا لازم اسكر مع السلامه
ام فواز:مع السلامه ..

تنهدت قمر ورجعت للواقع ابتسمت لان من ذاك اليوم وام فواز وام منيره بس يدقون عليها ويقولون لها تعالي بس ماهي مصدقه انها لها اسبوع هنا مرت الايام بسرعه دون ماتحس ابوفهد صار لها مثل الاب ومشاري وفهد اصدقاءها تروح وتتطلع معهم
حست بخوف ع صرخه فهد برا المخزن اللي مقفلته عليها وقفت بسرعه و لبست و طلعت ..

من هنا بنبدا قصه قمر وكل الابطال وبنشوف مع بعض قمر وش راح يصير بحياتها؟
واميره والبنات؟
فهد ومشاري؟
ناصر؟؟مها .
وباقي ابطال لسى ماجاوا و مابدا دورهم ..

#يتبع...