رواية أكابر و اقول فراقه عادي و انا في داخلي اصرخ تكفون جيبوه الفصل الحادي والعشرون 21 - بقلم HaboOoshy

الــمــســتــشـــفـــى
بدت تفتح عيونها على خفيف وهي تبلع غصتها:يمه
تعدلت بسرعه ام ناصر وهي توقف وتمسح على شعر قمر:حبيبتي صحيتي الحمدلله على سلامتك
قمر وهي تحس بتعب:وشفيني؟
ام ناصر وهي تتاملها:انخفاض بالضغط بس انتي بخير
دخل خالد بسرعه وهو يضمها ويبوسها:الحمدلله على سلامتك حبيبتي
قمر بهمس:الله يسلمك
ام ناصر:متى نروح؟
خالد:الحين خليني بس اشوف الدكتور
بلعت غصتها قمر والصورة والكلام اللي جاء بالرساله بين عيونها
حطت يدها ام ناصر فوق يد قمر:وشفيك حبيبتي تبكين؟
لفت لها قمر بفهاوه:هاه؟ (حطت يدها على خدها وهي تلمس الدموع اللي تنزل من عيونها بدون ماتحس ""ليش يافهد ليش مو حراام عليك تعلقني فيك وتتركني كذا انت وعدتني ماتتخلى عني ابدا ليش تكذب ليش تخوني ليش تكذب علي "")

شـــركـــة فــارس الـــ
كان قاعد وراء مكتبه وهو يناظر الملف بين يدينه ويقرا كل شيء مكتوب عنها ""ساره الراسي ااه مخلصه جامعه وجالسه بالبيت وهذا عنوانهم (ابتسم على جنب) مو بعيد عن بيتنا"": اه ياساره وش سويتي فيني؟

بـــيـــت خــالــد الــراســي
ساره وهي توقف بغضب:ماسويت شي
اميره وهي تمسكها وتجلسها:وليش توك تقولين لي ليش ماقلتي لي يوم حنا بالمزرعه ومتاكده انه مالمسك؟
ساره بضجر:ااف ايه اميره متاكده خلاص لاتخليني اتحسف اني قلت لك ااف
اميره وهي تقعد بضيق:اهم شيء انك بخير الله يلعنه الحقير
هزت راسها ساره:ايه
جت تركض رغد ووراءها الجوري:جت قمر جت قمر
وقفوا كلهم عشان يسلمون عليها
اخذت نفس وهي داخله وهي تتاملهم بضيق

رجعت فكري تايه شبه مفقود........متخدر قلبي وجسمي وبالي...
ساعة دخلت البيت بالناس محشود....والكل منهم يزعج الصوت عالي...
من هرجهم حبل الحزن صار معقود...في خافقي والموت وقته طرا لي...
حاولت اجامل كل من كان موجود...لا شك حزني ترجم احوال حالي..
ياليتني في قبرها اليوم ممدود....وهي على الخد الوسيعة بدالي...
لاشك حكم الرب ماعنه مردود..آمنت به ربي...عليه اتكالي....

جلست وهي تبتسم وتسلم عليه بالقوه وتجامل بقوه""ياليتني ماطلعت من البيت ولا عرفت فهد ياليتك ياربي اخذت روحي بدال امي ااه"" وقفت وبهمس:انا بروح لغرفتي (صارت تمشي لجناحها بحزن كانت قربت بتنساه بس شكل هذا حكم القدر على قمر)

الــصـــالــــه
وسن بضيق:قمر ماهي طبيعيه ابدا
نور بضيقه:مرا اعرف قمر
جت الشغاله وهي تمد لاميره جوال:هذا جوال مس قمر
اخذت اميره الجوال واول مافتحته توسعت عيونها بصدمه وهي تشوف رساله من فهد وتقرا بذهول كانت صوره لفهد وهو يملك والشيخ جنبه ومكتوب تحت الصوره "" قمر حبيبتي سامحيني على اللي سويته فيك بس انا تزوجت بنت خالتي انا صدق حبيبتك بس مقدر اخذ وحده زيك اعذريني كان بودي اقوله لك وجها لوجهه او حتى بالتلفون بس من جد ماقدرت وقلت خليني ارسله لك سامحيني وامسحي رقمي من جوالك وتكفين انسيني انا اسف""
وسن وهي تسحب الجوال وتقرا بصوت عالي للبنات
الكل مصدوم اللي شهق وتوسعت عيونه اما ساره:وشلون كذا ليش قمر لعبه بيده؟
نور:مستحيل فهد كان يحب قمر ليش يسوي كذا؟

بـــيـــت نــجــــوى
كانت منسدحه على الكنب وهي تبتسم بخبث وتتذكر امس
نجوى وهي تنادي الشغاله:اسمعي جيبي جوال فهد واعطيك 50 ريال
استانست الشغاله وجابت الجوال من مجلس الرجال لان فهد طلع وخله
اخذت الجوال وهي تبتسم وارسلت الصوره اللي صورتها من جوالها لجوال فهد وكتبت الرساله وارسلتها لقمر ومسحتها ورجعت الجوال للشغاله:رجعيه وياويلك تقولين لااحد فاهمه؟
هزت راسها الشغاله وراحت
ضحكت بصوت عالي وبهمس:وصرت لي لحالي فهودي(وضحكت بقوه وهي تمسك جوال ثاني لها برقم جديد وارسلت لفهد مسج):هههههه وانتهيتوا

بـــيـــت ابـــوفــهـــد
غــرفـــه فــهـــد
تنهد وهو يفكر وشلون يقول لقمر وبترضى والا لا؟
قطع افكاره صوت مسج مد يده لجواله وهو يقرا بصدمه"""بعد عن قمر لانها صارت لي انا وهي ملكنا امس تراني مااحب المشاكل بس بعد عنها احسن لك"" تعدل بسرعه بصدمه
دخل مشاري واستغرب من شكله:وشفيك؟
فهد بصدمه وهو يمد له الجوال
سحبه مشاري وهو يقرا بصدمه:متى وشلون؟
عصب فهد وهو يسحب الجوال ويدق عليها بسرعه ..

بـــيــت خــالــد الــراســـي

جــنــاح قــــمــــر
دخلوا البنات ووجيههم متقلبه ومايدرون وش يقولون؟
تنهدت قمر وهي لامه رجولها لصدرها وقاعده فوق السرير:وشفيكم؟
ركضت لها نور وضمتها بقوه:يابعد ناسي قسم مايستاهل قلبك
عرفت قمر انها تقصد فهد بلعت غصتها:ايه مو قلبي قلب اميره محد يقدر يوصله
قعدت جنبها اميره وهي تشد على يدها بقهر:قمور يا روحي قسم مايستاهلك
ريناد بضيق:بنات يمكن عنده عذر قمر انتي كلميه
سديم وهي تمد لها الجوال وبهدوء:يدق
ناظرت قمر الجوال وتجمعت الدموع بعيونها وقفت وهي تسحبه بقوه اخذت نفس:الو
فهد وهو يحاول يهدي نفسه قد مايقدر:مرحبا
بلعت غصتها:ليش داق؟
انصدم فهد من اسلوبها: ايش؟
قمر بصراخ:ليش داق بعد ماتزوجت واخذت غيري اكرهك ليش توعدني؟ (شقهت من البكي بقوه) ليش فهد تسوي كذا وانت اكثر واحد تعرف وش احساسي ااه
قاطعها فهد بعصبيه:ايه انا تزوجت بس مو من وراءك وكنت بقولك مو مثللك تتزوجين وماتقولين لي
قمر بقهر وبدون شعور:ايه تزوجت وش ابي بواحد خاين مثلك ماقدرني(بضعف) ليش فهد ليش؟
كان مصدوم وبالالم:مدري
شهقت قمر وهي تحط يدها على فمها:مع السلامه فهد (اصعب جمله قالتها بحياتها سكرت الجوال وهي تتطيح على ركبها)
ركضوا لها البنات وضمتها وسن بخوف:بس ياروحي بس
قمر وهي تلف يدينها حول ذراع وسن:ااه ابيه وسن احبه مقدر اعيش دونه اموت
ريوف بخوف وهي تحط يدها على كتوف قمر:بسم الله عليك قمور
شهقت اميره وهي تبكي:قمر لاتقولين كذا
ساره بقهر: محد يموت ياقمر قبل يومه
شهقت بقوة وفجأة حست انها مخنوقه صارت ترمش بخنقه وصارت الدنيا سوداء بعيونها!
صرخت وسن وهي تحس بقمر طاحت عليها:قمر

بـــيـــت ابــوفـــهــــد
غــرفــه فــهـــد
مشاري بصدمه:وشفيه وش قالت؟
فهد بصدمه:مع السلامه يعني وشلون وش قصدها؟(وقف بعصبيه وهو يسحب مفاتيح سيارته وطلع)
لحقه مشاري وهو يناديه:فهد فهد ووقف فهد
بس فهد مارد عليه وركب سيارته ومشى بااسرع ماعنده

.. صعب هو الحب ولكن الاصعب من الحب هو سوء الفهم وياترى بينتهي سوء الفهم ام سيبقى للابد؟؟ ..

ســـويــٍســرا
كانت تمشي قدامه وهي ماسكه بيدها كيس:هههههههه
ضحك بقوة سلمان وهو يضمها بقوه:احبك
شهقت حلا بخجل:سلمان فكني عيب الناس يناظرون
شدها بقوة له وهو يصارخ: أحبك
شهقت حلا وضحكت:هههه مجنون
سلمان:تبين اوريك المجنون صدق؟
ناظرته حلا باستغراب:وش بتسوي (بس شهقت بصدمه)
رفعها بين يدينه وصار يركض فيها وهو يضحك
لفت يدينها حول رقبته وهي ميته ضحك:هههه سلمان نزلني
سلمان وهو يدور:ماراح انزلك لين تقولين احبك
حلا بسرعه:احبك احبك هههه بس نزلني
ضحك وهو ينزلها ومسك يدها بقوه وصار يركض فيها
ضحكت وهي تركض معه ""الله لا يحرمني منك""

بــعـــد مــرور شـــهــــر
بـــيــت ابــوســديـــم
نقزت سديم وهي تضم ريوف:الف مبروك ياالدبا
ضحكت ريوف بخجل:هههه الله يبارك فيك
ريناد:يوه شوفوا الدبا مسويه مستحيه
ساره بابتسامه:قسم انكم لايقين على بعض
يارا وهي تضحك:هههه قسم معاذ يوم درى انك انخطبتي نقز بحضن ابوي وقاله يبه اخطبها لي
ضحكوا كلهم ماعدا ريوف المستحيه
دخلوا اميره و وراءها قمر اللي تغيرت كثير نحفت وذبلت اكثر وصارت قليلة كلام
صارت تتلووش اميره:كلووووش
ضحكوا كل البنات و وقفوا يسلمون كان سلام قمر طافي وهادي
دخلت وسن وهي تسولف مع نور ومنيره اللي توهم جايين وسلموا وباركوا لريوف وجلسوا
اميره بضحك وتعليق:منيره قسم حرام عليك اخوي كل يوم وهو عند حارتكم وانتي شطفه
منيره:ههههه احسن خليه
نور:ههههه ولا ياحياتي هو كل يوم عند فواز يبيه يتوسط
منيره وهي تسوي روحها دلوعه:يوه نور لاتقولين له ياروحي تراني اغار ههههه
ضحكوا كل البنات اما قمر اكتفت بابتسامه وهي تتلفت لاميره اللي تبتسم لما دق جوالها
وقفت اميره:بروح اكلم زوجي
ضحكوا كل البنات على اميره وهي تمشي
ابتسمت قمر باستهزاء وهي تنزل راسها بضيق

مَن عقبّك كلْ مآ شَفت أثنيٍن رّدَدَت :

عَسىً الله لآ يفرقّهُمْ ،،

بـــيـــت ابــوفــهـــد
غـــرفـــه فــهــد
مها بضيق:تكفى فهد اذا لي خاطر عندك كل خلاص ترى بتموت يلا تاكل
تنهد فهد وبضيق: والله ياخوك احس اللقمه اصعب شيء ادخلها
مها بغصه:كل هذا تسويه عشان قمر؟
تنهد فهد:مدري وشلون مر شهر دون مانسمع اصوات بعض احس اني بموت
شهقت مها بخوف وهي تحط يدها فوق يده:بسم الله عليك تكفى لاتقول كذا
هز راسه بضيق وضم اخته وباس راسها:ااه لاتهتمين انا بخير
مها:اكيد فيه امل يمكن القدر يجمعكم مرا ثانيه
تنهد وهو يناظر للامل بعيد:يارب يارب

ولا تقول تفرقنا
قول ما جت الدنيا على ما نشتهى
وخل الامل بينا
لى آخر ايام العمر ما ينتهى
واذكرنى بخير

شـــركـــة الــراســـي
غـــرفــة الاجــتـمــاعـــات
ابتسم فارس لابوسديم:وهذا استثمارنا
ابتسم ابوسديم:ماشاءالله عليكم وابوك الله يخليه صديق قديم لي (سكت شوي ورفع راسه لفارس وابتسم) حنا معكم
وقف فارس ومد يده وصافح ابوسديم

بـــيــت ابــوســديــــم
ساره بضيق وهي تناظر جوال سديم:هذا الكلب اللي اسمه ثامر لين الحين يتصل؟
سديم:ااف ايه من جد وقح
ساره:عطيني ارد عليه
سديم:لالا فكينا خليه يدق ويمل ااف
سكتت ساره وهي تصد
سديم بضيق ""وينك ياحمد ليش فصلت ااه كل هذا بسببي وينك باي مكان موجود؟""

غبت أنت وأصبح كل هالكون منفى
مدري أكمّل وين باقي سنيني ؟
خذني قبل يقتلني الضيق تكفى
أنا تعبت وصرت ماعاد أبيني .. !

بــيـــت خـالــد الــراســي
جــنــاح قــمـــر
نور بضيق:قمر انا خايفه عليك
قمر وهي تبتسم بقوه:ليش؟
نور:انا اعرف وش اللي يدور بداخلك دون ماتتكلمين
قمر وهي فاهمه وش تقصد نور بس تستغبي:مافهمت وش قصدك؟
نور وهي تمسك يد قمر وتضغط عليها:اشتقتي له؟
ناظرت قمر عيون نور وبكذب ومكابر:لا

بدأ الشتاء دخوله ببرد قارس لكن قلوب ابطالي مازالت مشتعله بحرارتها فهل ستتنطفي اما لا ؟

الــبـــحــــر
كانوا متجمعين كل عيله الراسي واهل معاذ جايين ورامي والكل مبسوط

وقفت قمر وهي تتمشى على البحر وصارت تمشي وتمشي لين وقفت وهي تتامل المكان هذا هو نفس المكان اللي دوم يتجمعون فيه هي وفهد ابتسمت وهي تحس بالهواء قوي يطير عبايتها شدت عبايتها لها اكثر وهي تحس بالبرد ""ااه ياليتك ياالبرد تتدخل قلبي وتجمده وتخليني انساه""
مسحت دمعه نزلت وهي تصد وتمشي

وبنفس اللحظه نزل هو من سيارته ووقف بنفس المكان وهو يدخل يدينه بجيب جاكيته لو لف شافها
ولو هي بعد لفت شافته بس كل واحد سارح بفكره ولا فكر يلتفت ..

تنهد فهد وهو يسكر سحاب جاكيته"" كل يوم اجي هنا واقول ياليتني اشوفك واتذكر كل لحظه مضيتها معك ااه معقوله ياقمر هنت عليك وهانت عليك ايامنا""

عــنــدهــــم
يارا وهي تتطيح على ريوف:قومي بسرعه
ريوف باستغراب:وين وشفيك؟
يارا بهمس:معاذ يبي يتمشى معك
شهقت ريوف بخوف:لالا ماابي طسي
يارا:هههههه وشفيك خفتي عادي تراه زوجك
ريوف:قلت لك لا مابي
سما:ههههه بس شوفوا وجهها
ريناد:ههههه احرجتوها
سديم:قومي ريوف عادي
ريوف:لا اروح بس بشرط
يارا:وشو؟
ريوف:تجين معنا
يارا:هههه وش اجي معكم قطه هي السالفه؟
ريوف:اجل مو رايحه
سما:خلاص يارا روحي معهم(وبمزح) عشان بس نضمنهم مايسون شيء من هنا والا هناك
صرخت ريوف بخجل:سما
ضحكوا كلهم على وجهه ريوف
يارا وهي توقف وتمسك يد ريوف:امشي بس ماعليك من هالخبله
هزت راسها ريوف بارتباك ومشوا
يارا وهي توقف: فصخي نظاراتك
ريوف باستغراب:ليش؟
يارا:اممم احلى شكلك دونهم
ريوف:لالا مابي لاني ماجبت عدساتي مااشوف
يارا:براحتك

عـــنـــدهـــم
جاء تركي واخذ وسن وراحوا يتمشون ورامي واميره نفس الشيء
ريناد:لا مو عدل ماما
لفت لها امها باستغراب:وشو؟
ريناد وهي تمد بوزها:كل وحده تروح مع زوجها وحنا لا؟
ام سديم:هههه تزوجي وروحي مع زوجك
ريناد:ههه لا مفروض تخلينهم يجلسن اف
وصلوا نور ومنيره وصاروا يسلمون جلسوا
نور باستغراب:وين البنات؟
ريناد وهي لسى ماده بوزها:كل وحده راحت مع زوجها اف لو اروح مع حبيبي
غمزت لها منيره:من هو حبيبك؟
ابتسمت ريناد وهي تلف وتشوف فواز واقف ويسولف مع ناصر كان شكله رزه بالثوب الاسود والغتره
منيره وهي تعقد حواجبها لفت للمكان اللي تناظره ريناد وانصدمت وهي تشوف فواز بهمس:فواز؟
لفت لها ريناد لما استوعبت وبارتباك واضح:ههههه لالا وشو هههه
سكتت منيره وهي تتامل فواز بضيق ""مستحيل ياريناد انك تاخذين فواز انتي وين وهو وين؟""

أمــيــره و رامــــي
كان المكان فاضي وكانت اميره كاشفه بس لابسه عبايتها وحاطه طرحتها على كتوفها
مسك يدها بقوه رامي وهو يبتسم:حلو الجو صح؟
اميره وهي ترجف:لا برد
ابتسم بخبث وهو يرفع حاجبه ويوقف:تبين ادفيك؟
اميره :وشلون؟
ابتسم بقوه وضمها بقوة وهو يلفها بيدينه وانفاسه الحاره تضرب رقبتها
بلعت ريقها بصدمه وهي مصدومه ومستحيه: رامي بعد
رامي وهو يشدها اكثر:ماصدقت اصير جنبك تبين ابعد؟
اميره وهي تحاول تبعده:رامي
ضحك وهو يبعد عنها :اتركيني ..
صار لون وجهه اميره احمر وبعدت عنه
ضحك وهو يمسك معصمها وسحبها لين صارت جنبه ومسك يدها وكمل مشي وهو مبتسم ..

.
الــبــنـــات
سديم وهي توقف:بنات قوموا نتمشى ونشتري لنا أي شيء
نور وهي تاقف:ايه والله يلا
وقفوا كلهم ماعدا قمر:لا انا مالي خلق
نور:عاد اذا انتي مو رايحه كلنا ماراح نروح
ساره:اكيد بتقومين والا نجلس؟
ابتسمت قمر بتعب ووقفت:يلا امشوا
مشوا كلهم قدامها ماعدا نور ضغطت على يدها بقوة وكانها تقولها انا معك
ابتسمت بوجهها قمر بقوة وهن يمشن وراء البنات

ريـــوف و مــعـــاذ
كانوا يمشون وبوسطهم يارا
انقهر معاذ وبهمس ليارا:يلا طسي
ابتسمت يارا:طيب اطس عادي بس اخاف ريوف تزعل؟
معاذ:لالا ماهي زعلانه (ودف يارا لوراء ومشى)
وقفت ريوف وهي تناظر يارا اللي وقفت:امشي
معاذ وهو يناظرها:ليش خايفه مني؟
ريوف وعيونها بالارض: لا اا
انقهر معاذ بجد وزعل:هذي اميره راحت مع رامي يعني وشو؟
ريوف بهمس:اميره ورامي غير
معاذ:بالله وشلون؟
انقهرت ريوف من لهجته و رفعت عيونها وناظرته:لاتستخف بكلامي
يارا وهي تحرك يدينها:ياهو هدوا افا وشفيكم؟
معاذ بهمس:استغفر الله
يارا:انا بروح باي
سكتت ريوف ومشت جنب معاذ بس بينهم مسافه
معاذ وهو يبتسم:انا اسف بس انا بسرعه اعصب
سكتت ريوف شوي بعدين قالت وهي تناظر البحر:عادي
معاذ وهو يقرب وريوف تبعد انقهر منها: احمم
ناظرته ريوف بطرف عينها:وشفيك؟
معاذ وهو يوقف ويناظر البحر:حلو الجو
ريوف وهي توقف جنبه:ايه مرا حلو
ابتسم معاذ وسحبها من خصرها له
شهقت ريوف بصدمه ودفته بسرعه:وش تسوي؟
ضحك معاذ بخفه:وشفيك عادي تراك زوجتي (وبهمس يخق وهو يقرب وجهه لوجهها) لو ابي (ناظر جسمها كله وغمز لها) محد بيقول شيء(وبعد عنها) ههههه وشفيك امزح معك
بلعت ريقها بخوف وارتباك هزت راسها ..

الــبـــنــات
كانوا سديم وساره وريناد يمشون اول شيء ووراءهم سما ومنيره ووراءهم قمر ونور وكانوا يسالفون ويضحكون ويعلقون على الناس ماعدا قمر ونور اللي تشارك بضحكه والا تعليق خفيف
سما:بنات تعالوا ابي فشار (ولفت لسيارة الايس كريم):من يبي؟
سديم وساره ومنيره:انا انا انا
سما:امم طيب(لفت له)عطني 5
كل وحده اخذت فشار وصاروا يكملون مشيهم
مروا مجموعه شباب وصاروا يغازلونهم بس البنات ساحبين عليهم
وصاروا الشباب يمشون وراءهم ويقطون كلام كل شوي
ريناد:بنات شوفوا هذا كشك اكسسوارت من تجي معي؟
كل البنات ماعدا ساره وقمر:اناا انا(وراحوا معها)
وقفوا ساره وقمر ينتظرونهم
كانت ساره تاكل بهدوء فجاه حست ان فيه احد يراقبها تعرفون هذا الاحساس لما تحسين اني فيه عيون تراقبك ابلعت ريقها ورفعت راسها تتدور بعيونها اللي يناظرها بس فتحت عيونها بصدمه وطاح الفشار منها بفهاوه
كان جالس على دباب ابتسم لها وحرك كابه بمعنى زي السلام لها ومشى بسرعه
قمر بخوف:ساره وشفيك؟
صارت ساره تراقبه لين طلع لشارع العام ودخل بين السيارات هزت راسها بمعنى لا:هاه لالا مافيني شي""هذا وش يبي لايكون يلاحقني لالا مستحيل اجل صدفه يعني؟""(عقدت حواجبها باستغراب وتفكير)
قمر:ساره متاكده مافيك شيء؟
ساره وهي تشوف البنات قربوا لهم ابتسمت:ايه متاكده

بـــعـــد يـومــيـــن
بــيــت ابــوســديــم
ابوسديم:يابنتي الولد لحد الحين شاريك
سديم بضجر:بس انا مابيه يبه
ام سديم:بس يامحمد اللي سمعته ان ام ثامر ماتبي سديم
ابوسديم:الولد ماعليه من امه
سديم وهي تاقف:اف خلااص يبه قلت مابيه ماابيه
ابوسديم وهو ياقف بعصبيه:طيب طيب ياسديم بنشوف اخرتها معك

جــنــاح ريـــوف
دخلت ريناد وضمت ريوف من وراءها :وشفيها الحلوه زعلانه؟
ابتسمت ريوف وهي تنزل الكتاب من يدينها:مو زعلانه بس متضايقه شوي
جلست جنبها ريناد باهتمام:ليش؟
سكتت ريوف شوي بعدين قالت وهي تحرك كتفها:مدري اقصد معاذ
ريناد وهي تعقد حواجبها:وشفيه؟
ريوف:ااه مدري احس فيه شيء بيننا غلط بس مدري وشو؟
ريناد:لالا لاتفكرين كذا معاذ يحبك
ريوف:ااف ادري انه يحبني بس(حاولت تلقى كلمه مناسبه) مدري ريناد احس اني خايفه وو
ريناد باستغراب:ليش يعني طبيعي تخافين
ريوف بسرعه:لالا مو الخوف عشاني معه لا انا انا اخاف منه
ريناد بفهاوه:ليش يعني سوا شيء قالك شيء؟
ريوف بسرعه:لالا بالعكس(ابتسمت) هو مرا طيب معي بس انا مدري وشفيني
ابتسمت ريناد وضمتها من الجنب:يالبى اختي بس هو كذا احساس طبيعي لاتهتمين (ضحكت بمزح) وبعدين تعالي مو انتي اول تقولين انا مستحيل اتزوج ههه هاه شوفي انتي اول وحده تزوجتي يالشينه ههه
ضحكت ريوف:ههههه (ابتسمت بهدوء) بجد ماتوقعت اني اول وحده بتزوج فيكم يعني بصراحة توقعت انتي اول وحده
ريناد وهي تبعد بصدمه:انا ليه؟
ريوف:ههه مدري كذا يمكن عشانك احلنا وامم ومدري هيك
ريناد وهي تبتسم:الجمال مو كل شيء صح؟
ريوف وهي تمد اصبعها بعلامه صح ..
وضحكوا مع بعض وكملوا سوالفهم ..

بيـــت خــالــد الــراســي
جــنــاح امــيـــرة
كانت تكلم رامي جلست على السرير:امم رامي
رامي بابتسامه:عيونه
ابتسمت اميره:تسلم لي عيونك احمم
رامي باستغراب:وشفيك؟
اميره:رامي متى بتقول لاهلك يعني بصراحه مو معقوله بتظل مخبي عليهم وانا مافيني عيب عشان تخبي عنهم
رامي بسرعه:تخطاك العيب يادنيتي بس ااه انا خايف من ردة فعلهم وماابيهم يضرونك
اميره باستغراب:وشلون يضروني ماراح يضروني بشيء بس انا ودي انهم يعرفون ويحضرون زواجنا
تنهد رامي:خلاص ابشري بقولهم اليوم
ابتسمت اميره وبخجل شديد وبتردد وهي من زمان تتدرب تقولها:اا اا انا اا انا
رامي وهو يبتسم:انتي ايش؟
اميره بهمس:احبك
تنهد رامي بحب:ااه ياويل قلبي
ضحكت اميره بدلع وخجل:ههههه رامي
رامي:عيونه وروحه وقلبه وكله انتي بس امريني
اميره:ههه تراني استحي
رامي:وه بس يالبى اللي يستحون تراني مااقدر استحمل خلاص بعد احبك
اميره:ههههههههه

جـــنــاح قـــمــــر
كانت قاعده على السرير وتناظر صورته بجوالها انطق الباب سكرته:ادخل
دخل نادر وهو يبتسم:قمر امشي معي
قمر باستغراب:وين؟
نادر:امشي وبتعرفين قومي
قمر وهي تاقف:يلا
مسك يدها نادر وطلعوا

بـــيـــت ابــوفــهــد
ابوفهد:اسمع يافهد وش رايك زواجك يصير مع زواج مشاري ومها؟
فهد وهو يناظر كاسه الشاهي اللي ماسكه بيده ومارد
مشاري وهو يطقه:ابوك يكلمك
رفع راسه وناظر ابوه بهدوء
ابوفهد:هاه وش رايك زواجك يصير مع زواج مشاري ومها؟
وقف فهد:لا مو انت زوجتني اياها خلاص خلني انا اللي احدد يوم الزواج (وطلع من البيت)
ابوفهد وهو يتامل ولده وبضيق:متى ينساها؟
مشاري بدون شعور وهو يشوف فهد يسكر الباب:اللي يحب ماينسى
لف له ابوفهد:وش قصدك؟
ابتسم مشاري وهو يوقف:ولا شيء عن اذنك انا طالع مع السلامه
ابوفهد وهو يتنهد:مع السلامه

عـــبـــدالــعــزيـــز
نزل من سيارته وهو يناظر القصر دخل للحارس:ابي اشوف ابوضاري
وقف الحارس:ثواني بس من اقوله؟
عبدالعزيز:قوله واحد يبيك ضروري
كلم الحارس شوي بالتلفون بعدين لف لعبدالعزيز:تفضل (وصار يمشي معه لين دخله مجلس ضخم)
دخل ابوضاري وانصدم:عبدالعزيز وش جابك؟
وقف عبدالعزيز وسلم عليه:وشلونك عمي؟
ابوضاري بدون نفس:بخير وش تبي؟
تنهد عبدالعزيز: عمي انت صدقني قدرك كبير بقلبي بس تكفى بعد بنتك عن اختي انا اقدر اجيب الشرطه واسوي لها قضيه بس معزتك عندي اا
قاطعه ابوضاري بصدمه:بنتي نوف وش سوت؟
سكت عبدالعزيز شوي بعدين قال:ااه الله يسامحها ياعمي انا ادري اني جرحتها كثير بس تكفى انا مابقى لي بهدنيا الا اختي تكفى ياعمي بعدها عنا انا ماجيت هنا وطلبتك الا انك لك فضل كبير علي(وقف) اعذرني انا طالع مع السلامه
وقف ابوضاري وبهمس:مع السلامه

بـــيــــت خـــالــد الــراســي
الــحــديـــقـــه
نادر وهو ينقز:تر تتتا هههه وش رايك؟
ضحكت قمر وهي تشوفه حاط على الطاوله كل انواع الاكل والعصيرات:ههههه وش عندك؟
نادر وهو يمد بوزه:بما ان اليوم عيد ميلادي ومااحد درى عني قلت اسوي لعمري حفله
شهقت قمر:عيد ميلادك (ضمته بقوه) قسم مادريت يادنيتي انت
ضحك نادر:ادري اقعدي بس
قعدت قمر وصاروا يسالفون ويضحكون وهي ميته ضحك على حركاته وكلامه
دق جواله:هذا ابوي خليني ارد عليه (رد وقام يدور وهو يكلمه)
قرب ناصر:اوه وش المناسبه هالاكل والدنيا؟
قمر وهي تبتسم:نادر طلع يوم ميلاده وو
قاطعها ناصر باستغراب:يوم ميلاده من قالك؟
قمر باستغراب:هو
ناصر:لا اليوم مو ميلاده حنا اليوم 1_ 12 هو ميلاده 14_4
قمر باستغراب وهي تلف وتناظر نادر:اجل ليش يكــ ـذ (ابتسمت بحب""اكيد عشان يطلعني من جوي ااه يانادر"")
قعد ناصر:هههه وش عنده يكذب عليك؟
قمر بسرعه وهي تشوف نادر يقرب منهم:لاتقوله ان اليوم مو ميلاده خلاص
ناصر وهو ياكل:خلاص
نادر اللي وجهه تصفق يوم شاف ناصر:وش جابك؟
ناصر وهو يناظره بطرف عينه:يعني حرام اجلس مع اخواني؟
نادر وهو يجلس ويبتسم:لا مو حرام
دخل عبدالعزيز بسيارته ونزل:اهو اشوف كل الشعب متجمع وش هالخيانه؟
ناصر:انط فالك
عبدالعزيز:ابلع اللي بفمك يامقرف قبل ماتتكلم
ضحكوا كلهم ناصر:طس عني قسم ميت جوع من الصبح مااكلت شيء
جلس عبدالعزيز وهو يسحب المارتيز: الله
قربت اميره وهي تحط يدها على خصرها:لا من جد خيانه خير مسوين بارتي وماتقولون لي؟
عبدالعززيز:هههه بارتي مرا وحده
ناصر:بعدين وش عندكم ماسكه معكم الخيانه اقول اجلسوا بس
قعدت اميره وهي تسحب المارتيز من عبدالعزيز:هاته
عبدالعزيز وهو متمسك فيه: لا اتركيه
اميره وهي تسحبه:ياالدب هاته ناصر ساعدني
ناصر:هههه اللهم اجعل حيلهم بينهم
قمر:هههههه الله يقطعك عبدالعزيز عط اميره
نادر بطرف عينه:حمدلله والشكر من جد مشفح
عبدالعزيز وهو يبتسم لقمر اللي بدت تكلمه شوي:بس لعيون قمر بعطيك ..
سحبته اميره وهي تمد لسانها له وصارت تاكل ..

عبدالعزيز وهو يناظرها بطرف عينه:الله يبلانا
ابتسمت قمر وهي تتامل فيهم""بس لو ماطلعت من البيت كان الحين ماقعدنا زي هالقعده يمكن فراقك فيه خير يافهد!!!""
عبدالعزيز:نادر تجي نلعب فيفا جبت معي 2011
نادر بحماس: صدق قم يلا(وقفوا) ناصر تجي؟
ناصر:لالا تتدرون ماعندي بالخرابيط هذي
عبدالعزيز وهو يلف لنادر:امش
اميره وهي توقف لما دق جوالها:هذي يارا (وراحت تكلمها)
قمر وهي تبتسم:ناصر
ناصر:هلا
قمر وهي تراقبه:وش رايك بنور؟
شرق بالعصير وانكب كله:كح كككح ااحمم من؟
مسكت ضحكتها قمر على شكله:وشفيك نور
ناصر اللي تفشل وارتبك:اا من نور؟
قمر:نور نور اخت فواز؟
ناصر بخجل:ايه وشفيها؟
ضحكت قمر:هههههه يالبيه اللي يحبون
ناصر:هاه وشو؟
قمر:ههههههههه دامك تحبها اخطبها بسرعه (وبكذب وهي تقصر صوتها) ترا جاينها خطاب
شهق بصدمه:كذابه؟
قمر وهي تحرك كتفها بعدم اهتمام:كيفك وفواز شكلهم عاجبينه احسن لك تلحق على روحك
ناصر:صادقه (وهو يفكر وعيونه تتدور) بروح اقول لابوي
قمر:هههه اصبر طيب
ناصر وهو يةقف:لالا اخاف تتطير من يدي
قمر:هههه عصفور هي
ناصر بحب:واحلى عصفور (وراح يركض)
ابتسمت قمر وهي تركي ظهرها على الكرسي والهواء طير شعرها""وكل لهفه تضرب وجهي تتطري انت معها ااه بيجي اليوم اللي بنساك فيه؟""

الـــبـــحـــــــــر
جلس فهد على الرمل وهو يفتح سلسالها وهو يتامل""احبك واعشقك ااه متى بنساك؟"" وقف وقرب للبحر وهو يرفع السلسال يبي يرميه بس نزل يده:ااه ماقدر ماقدر (دخله بجيبه ومشى لسيارته)

شـــقـــه تــركــي و وســـن
دخلوا كان تركي توه جايبها من الدكتوره وجلسوا
تركي:هاه وشلونك معها ؟
ابتسمت وسن:زين
تركي وهو يوقف:انا معزوم عند واحد من الشباب بروح شوي وارجع
وسن:لا خذ راحتك وتعال باي وقت
ابتسم تركي وباس راسها:اوك تبين شيء؟
وسن:لا بس ابي سلامتك
ابتسم تركي:مع السلامه
وسن:مع السلامه (واول ماسكر الباب وقفت وهي تتطلع جوالها) الو ريناد تتقدرين تجين الحين ايه عشان اللي قلت لك عنه اووك انتظرك باي(ابتسمت وهي تعض على شفايفها)""اه يارب اقدر يارب""

بـــيــــت ابـــوســديــم
ساره وهي قاعده تتفرج على التلفزيون بزهق:اف ملل(سكرته وهي توقف صارت تمشي باتجأة الحديقه وهي تتدور فيها وحاطه السماعات باذنيها"" اليوم ماشفت ابوي خليني اروح اسلم عليه ""نزلت السماعات واتجهت لمكتب ابوها)
فتحت الباب دون ماتتطقه:يبه(بس توسعت عيونها بصدمه وهي تشوفه جالس قدامها على الكرسي) انت (للحظه توقعت نفسها تتخيله)
ابتسم وهو يوقف:حتى ببجامتك جذابه
ساره وهي تناظر بفهاوه:وش جابك هنا؟ (بس سمعت صوت ابوها طلعت بسرعه وهي تمشي واصدمت ابوها)
ابوسديم:بسم الله وشفيك من وين جايه؟؟
ساره بارتباك:هاه من الحديقه كنت بدخل بس  قالت لي الشغاله فيه احد عندك منهو؟
ابوسديم:ايه هذا ولد صاحب شركه بنسوي معهم استثمار
ساره بسرعه:يبه لاتسوي معه
ابوسديم:ايش؟
ساره اللي استوعبت اللي قالته:ههه لالا ولا شيء عن اذنك (ومشت بسرعه لجناحها وهي تفكر ياترى بجد مقصد فارس استثمار والا هي؟)

بــيـــت ابــوســلــمــان
جــنــاح ســـلـمـان وو حــلا
حلا وهي تبتسم بفرحه:سلمان عندي لك مفاجاه
سلمان اللي كان منسدح على السرير تعدل بجلسته وابتسم:وشو؟
حلا وهي تقرب له وحركت يدها على بطنها بشكل دائري وهي تبتسم بقوة
ناظرها سلمان باستغراب بعدين وقف بسرعه وهو يضحك بصدمه:ههه حامل حامل؟
ضحكت حلا وهي تهز راسها:ايه
سلمان وهو يضمها بقوه:الف الف مبرووك ياروحي
حلا:هههه ومبروك لك
سلمان:ااه تتدرين وش احسن شيء؟
حلا:وشو؟
سلمان:انك امه
حلا:هههههه فديتك ياقلبي

شـــقـــه تــركــي و وســـــن
ريناد وهي تتامل كل شي بابتسامه:حلو صح؟
طلعت وسن وهي تناظر ريناد وتاخذ نفس:حلو؟
ريناد وهي تصفر: يخق عليك
ابتسمت وسن بارتباك وهي تتلفت للمرايه:خايفه ريناد
ريناد:يادينتي لاتخافين ولا شيء المهم انا لازم اروح قبل مايجي تركي هاه تبين شيء؟
وسن تناظرها وتبتسم:لا ياروحي مشكوره تعبتك معي بس ههههه انتي مصممه الديكور اكيد مابلقى احسن منك بهذي الشغله
ريناد:ههههه ولا يهمك متى مابغتين بس دقي علي
وسن:هههه ان شاء الله
ريناد وهي تتغطى:يلا اجل اشوفك بعدين باي
وسن وهي توصلها للباب:باي (سكرته وهي تتنهد وتحاول تمسك اعصابها):يارب شجعني ااه

بـــيـــت ابــوفــهــد
كانوا البنات نازلين من الدرج واولهم مها لما مابقى الا درجه زلت رجل مها وبغت تتطيح بس
كان توه داخل مشاري وانتبه لها مسكها بسرعه قبل ماتطيح
بلعت ريقها مها وهي تشوف نفسها لاصقه بمشاري:اااا اا
ابتسم مشاري:انتي بخير؟
هزت راسها بتوتر وارتباك
صفرت خوله:اروح ملح ....

بعدها مشاري عنه وهو يتاملها بحب
اما مها ماتتدري وين تروح من الاحراج لفت وجهها ودخلت المطبخ
منى:هههههههه تعالي روحي من هناك
نواره:هههه خلوها مستحيه
مشاري:هيه انتي وهي ترا ما ارضى تغلطون عليها فاهمين؟
خوله بمزح واستهبال:مشاري تتزوجني؟
مشاري:ههههههه لا
خوله وهي تسوي نفسها تصيح:اه ااه ليش؟
مشاري:لاني ماابي الا هي
صاورا البنات يصارخون ويصفرون
خوله:ياحظظك يامها

شـــقــه تــركــي و وســــن
دخل تركي الشقه واستغرب من الظلام""شكلها نامت"" تقدم وفتح باب الغرفه بس انصدم وهو يشوف الغرفه كان كل الارض ورد طبيبعي احمر مرمي بشكل مبعثر وبينهن شموع موزعه بشكل فوضوي بس طالعه تخق وعلى الطاوله من الجنب ملبسه شرشف احمر وكل دنتيل ذهبي وشمعدان ذهبي وعليه شموع وكوبين كاديه عنب الاحمر وملفوفه الاكواب بشرايط ذهبيه والبلونات على شكل قلوب ابيض واحمر مرميه بشكل فوضوي بعد ومحطوط على الطاوله صحن على شكل معين فيه ام اند امز والسرير مفروش بشرشف اسود وعليه بالوسط قلب مسوي بالورد الابيض الطبيعي وداخله مكتوب بالورد الاحمر احبك بلع ريقه وهو يلف للباب اللي تسكر وانصدم وهو يشوف وسن كانت حيل مرتبكه وخايفه ويدينها ترجف
قرب لها تركي: وسن  انتي سويتي كل هذا لي؟
هزت راسها بارتباك وخوف وهمس:ايي ايه

بــيـــت ابــوســديـــم
جــنــآح ســديـــم
سديم وهي ترد بعصبيه:انت واحد متخلف ماتفهم قلت لك مااابيك ماابيك يااخي افهم
ابتسم ثامر بخبث:انا افهم بس انتي تفهمين؟
سديم بقهر:نعم وش تقصد؟
ثامر: حمد
سديم بصدمه:حمد وشفيه؟
ثامر:مو انتي ترفضيني عشانه؟
سديم:انت من جد واحد مريض ولازم تتعالج
ثامر:هههه شوي شوي ياحلوه شوفي اذا تبين حبيبك يظل عايش تعالي بكرا لمكتبي الساعه 8 الصبح فاهمه؟
سديم:خير انت متخلف
ثامر:كيفك انتي ماتعرفين انا وش اقدر اسوي
حست سديم بخوف والجديه بكلامه:ااا(سكرت السماعه بسرعه وهي متوتره وخايفه ومتردده تروح ولا لا)

شـــقـــه تـــركــي و وســـن
وسن وهي تصيح وتتدفه:اتركني (وقفت وهي تقوم  ودخلت الحمام بسرعه وقفلته اكثر من مره)
تنهد تركي بقهر وهو يتعدل بجلسته ورفع شعره : اااف مو حاله

شهقت وسن وهي بالحمام""وشفيني ليع صار فيني كذا ااه  حسيت اني بموت اه اه ااه""

يـــوم جــدديــد
الــســ ص7:00ــاعــــه
ســـيـــاره ســواق ســديــم
سديم وهي تتنهد بقهر:سومار روح شركه ثامر الـ ـ
السواق:طيب

شـــقـــه تـــركــي و وســـن
تركي وهو يسكر اخر زرار من ثوبه قدام المرايه
ناظرته وسن بضيق:تركي اا
بس هو مارد عليها وطلع وسكر الباب
شهقت وسن وهي تبكي"ااه اه مو بيدي تركي مو بيدي اه اه""
تنهد وهو يوقف قبل مايفتح باب الشقه ""وشفيني؟؟وش سويت هي محتاجتني"" لفت وهو يرجع للغرفه وفتحها وصار يناظرها وهي تصيح:وسن
رفعت راسها وهي تمسح دموعها:ااه صدقني مو بيدي تركي
ابتسم بضيق وقرب لها ومسك يدها وهو يقعد جنبها على السرير وباس يدها: ادري ياروحي انا اسف بس اه انا عصبت شوي انا اسف(ابتسم) تتدرين انا كلب وحيوان وحقير
شهقت وهي تضحك وبهمس:لاتقول كذا عن نفسك انا اللي اسفة (وقفت على ركبها وضمته بقوه وهي تلف يدينها حول رقبته) اه ااه
ابتسم وضمها بقوه:عادي حبيبتي انا قلت لك قبل مستعد انتظرك طول العمر طول العمر
هزت راسها وسن وهي تضمه بقوه:اه ااه

خذني بحضنك قرصة البرد شينه
...................شوف الضلوع شلون ترجف من البرد

الـــســـ10:00ص ـاعــــه
الــمـــول
دخلوا اميره وقمر وهم يتناقشون عن اللي بيشترونه عشان جهاز اميره
وصاروا يفرون بين المحلات ويشترون
قمر:اميره انا جعت من قمت على طول طلعنا شوفي انتي ادخلي وانا بروح اجيب لنا كافي
اميره:اووك يلا
مشت قمر و وقفت عند كافي:عطني اثنين كافي لاتيه حار (ابتسمت وهي تاخذهم لفت وصارت ترمش بصدمه وهي تشوفه يدخل ومعه بنتين)

دخل فهد ومعه مها ومنى وهن يسولفن بس هو ساكت تعدى من عندها ولا التفت حتى

اطلقت اه بدون شعور ورجعت تلف وهي تناظره"" نحف ووجهه ذبلان مر من عندي ولا حتى التفت لي معقوله مااثر فيه غيابي مااثر فيه مثل مااثر فيني ااه بس ابيه يعرف وشو سوا فيني بس يالتني ماشفتك وش اللي جابك بنفس المول ااه مابي التقي فيك باي مكان"" نزلت راسها ولفت وجهها ومشت

انفض غبار الجروُح
وجّدد أحزاني ..
واتركْ (عيوني) تسولفْ لك عَن غيابكْ
مابين نزف الشعور
وبين ../ حرماني ..
أبسألك قول وش هي : شرهة عتابك ..؟
أخاف من../ شرهة لساني على لساني ..
لا ( قاال) بعد الغياب المر
, وش جابك ..؟
, وش جابك ..؟

وقف وهو يعقد حواجبه ولف وهو يشوف الناس القليله يمشون تنهد وكمل مشيه ..

مــكــتــب ثــامـــر
دخلت سديم بخوف وهي تترك الباب مفتوح
وقف ثامر وهو يبتسم:اهلين اهلين تو مانور مكتبي
ناظرته سديم بقرف:اخلص علي وش عندك؟
ثامر وهو يبتسم بمكر:طيب اجلسي
جلست سديم بخوف وارتباك
ثامر وهو يجلس ويمد يده لتلفون:وش تشربين؟
سديم:سم اخلص
ثامر:هههه طيب(سكر السماعه) محمد
لفت سديم بخوف للباب:من محمد؟
دخل رجال ضخم البنيه:تفضل طال عمرك
سحب ثامر منه سي دي:اطلع
طلع وهو يسكر الباب وراءه
وقف ثامر واتجه للباب وقفله ورجع جلس وراء مكتبه
وقفت سديم بخوف:انت وش قاعد تسوي؟
ثامر وهو يفتح لابه ويدخل السي دي وابتسم على جنب ولف لها اللاب:هذا حبيبك
بلعت ريقها وهي تشوف حمد وشكله بدوله اجنبيه ناظرت ثامر:وش تبي؟
ابتسم ثامر بمكر وضغط بالسي دي ودخل مقطع ثاني ولف لها اللاب
انصدمت وهي تشوف مهند بحديقه وهو مع امه وزوج امه ويركض ويلعب وقفت بخوف وبصراخ: وش تبي؟
ضحك ثامر:ههههه اعصابك
سديم وصدرها يرتفع وينزل:حقير
وقف ثامر وهو يركي يدينه على مكتبه:شوفي ياحلوه تبين تعرفين من انا؟
ناظرته بفهاوه وصدمه:من؟
سحب ملف من الدرج ورماه عليها:شوفي
اخذت الملف ويدينها ترجف وهي تتفتح الملف توسعت عيونها بصدمه صفقات مخدرات وصور مخدارت وحشيش واشياء كثيره شهقت بقرف وهي تلف بسرعه وهي تشوف صورة واحد ميت
ابتسم ثامر وهو يسكر الملف:عرفتي من انا و وش اقدر اسوي؟
ناظرته بصدمه وخوف ويدينها لحد الحين على فمها
ثامر وهو يقرب لها وجلس على مكتبه وهو يناظرها من فوق لتحت بتفحص:اذا ماسويتي اللي ابي بقتل مهند هههه عاد انتي تعرفين اذا حمد يقدر على فراق ولده والا لا هاه يقدر؟
سديم وهي لسى تحت تاثير الصدمه طرى ببالها يوم اختفى بغى عقله يطير وكلامه ان مهند هو الشيء الوحيد اللي مايبي يفقده هزت راسها بصدمه وهي تصيح:انت مو انسان؟(صرخت)مو انسان انت حيوان لا الحيوان اشرف منك حقير
ابتسم على جنب:شوفي اول كنت ابيك بالحلال الحين ابيك بس
ناظرته بصدمه وكلامه يدور بعقلها بخوف رجعت خطوه للوراء
ابتسم ثامر:لك يومين تفكرين هههه مع انه غصبا عنك بالنهايه بتوافقين والا (رفع يده بتهديد)بنهي بالاول حياة مهند واقول لحمد انك انتي السبب وبعدين بقتله قدامك
هزت راسها بفهاوه وصدمه وعدم استيعاب هي واقفه قدام مجرم حقير نذل:انت مجنـ ـ نـ ـون
ثامر:هههههه توك تتدرين؟
هزت راسها بخوف وهي تفتح الباب
ثامر:يومين بس وانفذ اللي قلته
لفت وناظرته بصدمه ومشت بسرعه وهي مو قادره تستوعب اللي صار
ثامر:ايه واذا احد درى باللي قلته الحين صدقيني ياسديم بنهي على ابوك وامك وخواتك(ابتسم) فاهمه؟
ناظرته بصدمه وطلعت بسرعة

بـــيـــت خـالــد الــراســي
مـكــتــب خــالــد
دخل ناصر بسرعه وهو يقعد: يبه ابيك تخطب لي نور
عقد خالد حواجبه باستغراب:بسم الله عليك اول شيء تنفس ثاني شي وش جاب سالفه الخطبه بهالليل؟ ثالثا شي من نور؟
ناصر: يبه نور اخت فواز يبه تكفى ماابي البنت تروح من يديني
ابتسم خالد وهو يغمز لولده:تحبها ؟
ناصر بارتباك:هاه لالا اا
ضحك خالد:امم شفتها قبل؟
ناصر وهو يبتسم:مره بس هاه يبه خلنا بكرا نروح نخطبها بسرعه
خالد:هههه طيب شوي شوي على نفسك
طق الباب عبدالعزيز:وشفيكم؟
خالد:لا بس ناصر يبيني اخطب له نور اخت فواز
عبدالعزيز بمزح:لا مايصير انا الكبير مفروض انا اتزوج اول
ناصر بسرعه:اقول طر
عبدالعزيز وخالد:هههههههه
خالد:مستعجل الولد اتركه هههه
عبدالعزيز:هههه مرا
ناصر وهو يبتسم:طيب ليش ماتخطب منيره بعد ونتزوج بيوم واحد؟
خالد:ايه والله فكره
عبدالعزيز بخيبه امل:وهي ترضى؟
سكتوا كلهم بخيبه امل بس قال خالد:ماعليك ياوليدي انت حاول
هز راسه عبدالعزيز وهو يبتسم:بحاول خلاص بكرا خلونا بعد العصر نروح لهم
خالد:ايه بس كلم فواز قبل وقله اننا بنجيهم
عبدالعزيز وهو يبتسم لناصر:ابشر

جـــنـــاح قـــمـــر
الــســ8:00ص ــاعـــه
صرخت وهي ترمي الوساده:اف وش تبون من صباح الله خير؟
ساره وهي تاكل الكروسان اللي بيدها:كذا رحنا لكافي وقلنا نجيكم
قمر: اف طيب انقلعوا لجناح اميره
اميره باستهبال:لالا جناحك انفه
ريوف:ههههه حلوه انفه
ريناد:اقول ماعندك مناكير؟
قمر بعصبيه:لا ماعندي اف
ساره وهي تتطلع جوالها اللي يدق:هلا وغلا بنور وصلتوا زين زين
قمر:بعد نور ومنيره من بقى سما ويارا؟
ريوف:ههههه قلنا لهم بس رايحين لشاليه مع عمانهم
قمر: ااف انتحر والا انتحر؟
ساره ببرود وهي تشرب كافي:انتحري
دخلوا نور ومنيره:السلام
وقفوا البنات يسلمون ماعدا قمر اللي سحبت الغطاء وحطته كله فوقها وماسكه الوساده وحطتها فوقه

نور:هذي وشفيها؟
ريناد:ههههه اقلقناها من الصبح
منيره وهي تجلس:الا وين سديم؟
ساره وهي تمد لها كافي:بالشركه
منيره وهي تاخذه:تسلمين
نور:ماقلتوا لوسن؟
ساره:لا استحينا من تركي
اميره بتهديد:شوفوا مو اذا تزوجتوا تقولون نستحي تكلموني فاهمين لو الساعه 3 الفجر فاهمين؟
ريناد باستهبال:عاد هذا الوقت بالذات مانقدر نتصل
ضحكوا كل البنات بصوت عالي
اميره: كولي تبن
البنات:هههههههه
قمر وهي تحت الغطاء وودها تقوم وتسطر البنات ناظرت جوالها وشافت ياشر بنور لانها كانت حطته صامت سحبته وهي تقرا الاسم بصدمه""اعز جروحي"":فهد (بلعت ريقها بصدمه ترد والا لا يمكن فيه شيء ردت بسرعه) بهمس:الو
بلع ريقه وهو يسمع صوتها ماقدر يستحمل اكثر كانت صورها تصبره بس الصور خانته واحتاج الصوت اكثر بهمس يوجع:قمر
بلعت ريقها وهي تحاول تاخذ نفس:نـ ـ ـعم؟؟
فهد بهمس:احبك واحبك لو ماتحبيني
سكتت قمر ودموعها بدت تنزل:انت جرحتني انت اكبر جرح بحياتي تتدري ليش لانك كنت تعرف عن كل جروحي وشو اكثر شيء يضيعني وسويت زيه بالضبط
(التفتوا البنات لقمر بصدمه ومن تكلم وقفت ريوف وهي تسحب الغطاء وشافت قمر وهي تكلم بالجوال وتصيح)
فهد:قمر تكفين اسمعيني
قمر بصوت عالي:وش اسمع وش اسمع؟
فهد بعصبيه وقهر:اموت باللحظه الف مره وانا اتخيلك لغيري اتخيل شخص يقرب منك يسمع صوتك يلمسك ماقدر قمر استحمل مااقدر
شهقت قمر:لانك تبي تملكني والا لانك تبي تكسب كل شي ولا تخسر أي شيء؟
فهد:قمر السالفه مو كذا السالفه انو
قمر وهي تقاطعه:ماابي اسمع منك شيء خلاص تكفى خلني اموت بهدوء
فهد بقهر:بسم الله عليك جعل يومي قبل يومك بس وربي ان قلبي مااظملكه الا انتي
قمر وهي تشاهق:ااه ااه وانا بعد اه خلاص فهد خلنا ننسى بعض مو عشان احد عشان انفسنا
سكت فهد شوي بعدين قال:لو قدرتي تنسيني انا بنساك
شهقت بقوه وهي تسكر السماعه وترمي الجوال بعيد
كل البنات صاروا حولها ويناظرون لها بصدمه
سحبتها نور وهي تضمها بدون أي كلمه
طاحت قمر بحضن نور وهي تتمسك فيها بقوه:ااه ااه ابي امي ااه
نور وهي تصيح مع قمر بدون شعور:بسم الله عليك ياروحي امك الله يرحمها
قاطعتها قمر:اه ااه ابي اروح لها ابي اموت
شهقوا كل البنات:بسم الله..لاتقولين كذا...قمر
نور:ااه اه قمر
اميره وهي تبعد نور اللي تصيح وضمت قمر:بس ياروحي الامور ماتجي كذا والدنيا مو لعبه عشان اذا مليتي قلتي ابي اموت لا الدنيا مراحل وكل مرحله لها صعوبتها بس انتي اصبري اصبري
قمر وهي تشهق:لين متى اميره لين متى؟
اميره:لين الله يفرجها
نور وهي تتطلع من الجناح بضيقه وتقعد على الكنب ""ليش يصير لقمر كذا مااتخيل اني افقدها مستحيل""
كان طالع من جناحه ووقف بصدمه وهو يشوفها جالسه وتمسح دموعها بدون شعور ركض لها:نور وشفيك انتي بخير؟
رفعت راسها وناظرته بصدمه:هاه؟
ناصر وهو يناظرها بتدقيق:فيك شيء؟
بلعت ريقها نور وهي تناظر وقفت بخجل:لا(حاولت تمر بس هو قدامها) بهمس:شوي
ناصر وهو يناظرها:اكيد مافيك شيء؟
نور بارتباك:ايه
بعد ناصر عن وجهها وهو يتاملها وهي تتدخل جناح قمر تنهد وابتسم""اليوم باذن الله بتكونين حلالي""

بـــيــت ابــوســديـــم
جــنــاح ســديـــم
كانت لامه رجولها لصدرها وهي تبكي""وش اسوي اه اااه ياربي هذا مجنون ويمكن يقتل امي وابوي وخواتي (ارتعبت من فكرة موتهم وقفت بسرعه وهي تمسك راسها) وش اسوي ابيع نفسي ولا اترك اهلي ومهند يموتون ياربي ياربي ساعدني""

بـــيـــت ابــوفــهــد
غــرفـــة فــهـــد
رمى الجوال بعصبيه على الارض وصدره يرتفع وينزل من الغضب يبي يفرغ عصبيته بس وين صرخ بقهر: كذا ياقمر كذا تنهين كل اللي بيننا؟(بدا صوته يهدا)انساها وشلون؟
دخل مشاري بدون مايطق الباب حتى:فهد
ناظره فهد بنظرات خايبه:نعم
مشاري وهو يعقد حواجبه:فيك شيء؟
فهد وهو يتنهد:قول اللي عندك
مشاري: عمي يبيك تحت
فهد وهو ينسدح ويعطي مشاري ظهره:قله اني موافق اتزوج معك بنفس اليوم
بلع ريقه مشاري وجلس جنبه على السرير:فهد لاتستلم يمكن فيه امل انتظر شوي يمكن تقدر تكسب قمر
قاطعه فهد بغضب وهو يرمي الغطاء ويقعد:هي ماتبيني قالت انساني وشلون انساها يامشاري خلاص انا وقمر انتهينا!

الـــســ5:00 عصرآ ــاعـــه
بـــيــت ابــوفــواز
مــجــلــس الــرجــال
فواز:حيا الله من جانا تو مانور بيتنا
خالد بابتسامه:منور باهله انا والله مالي بالطويله ودنا باختك لناصر ولدي على سنة الله ورسوله
ابتسم فواز وهو يناظر ناصر:ناصر والنعم فيه رجال وسمعته واصله للكل بس انتوا عارفين لازم اسال البنت واشوف رايها
ابتسم خالد:اكيد
وقف ماجد وهو يمد يده لخالد:فنجانك
ابتسم خالد وهو يمده له

بــرا الــمــجــلـــس
شقهت نور وهي تحط يدينها بسرعه على فمها""يخطبني انا يمه قلبي""
وقفت امها وراءها وبهمس:نور وجعه وش تسوين هنا؟
نزت نور وهي تلف لامها:هاه مااسوي شيء بس جبت الكاسات (ومشت وهي تتعدى امها بفهاوه)

بـــيـــت ابــوفــهــد
الــصــالــه
دخل مشاري بضيقه:يقول موافق
الكل ناظر مشاري بصدمه وقال ابوفهد:ايش متاكد هو قالك بنفسه؟
مشاري وهو يناظر ابوفهد بغضب:ايه هووظ لانه يأس ياعمي انت اكثر واحد تعرف قمر او فارس عمي هو نفس الانسان بس انه كذب باانه ولد والا بنت هي نفسها نفس اخلاقها نفسها نفسها ياعمي ارحموا من في الارض يرحمكم من فيةالسماء ارحموا هالاثنين ارحموا المسكينه اللي وين ماتتطقها عوجه (لف وجهه ومشى بعصبيه لبرا البيت)
وقفت مها وهي تلحقه مسكته من ذراعه وبخوف عليه:مشاري؟
اخذ نفس ولف وهو يناظرها بدون ولا كلمه
ناظرته ودموعها بدت تنزل على خدودها وضمته بقوه:لو بيدنا شيء نسويه لفهد وقمر قسم نسويه وحنا مغمضين لاتتضايق تكفى لاتتطلع وانت زعلان اخاف عليك
ابتسم بخفه ولف يدينها حول كتوفها ونزل راسه على كتفها:كل مااشوف فهد اتضايق حرام يصير فيهم كذا قمر طيبه وتستاهل وفهد اكثر بس هذا حظ المسكين

بــيــت خـالــد الــراســي
جــنــاح قــمــر
قمر وهي توقف وجوالها على اذنها:هذا حظ المسكين طول عمره ردي
تضايقت نور بقوه:قمور تكفين لاتتضايقين لو بيدي شيء اا
قاطعتها قمر وهي تبتسم:المهم انبسطي مع ناصر وو
قاطعتها نور:قمور احبك
قمر بابتسامه باهته:ادري
نور:هههه مشكله الغرور وه بس يالبى نصوري
قمر:وصرنا ندلع ؟
نور:هههه اكيد
قمر وهي تصد:الله يوفقكم يارب
نور بابتسامه:وياك

بـــعـــد مــرور يــومــيــن
بــيــت ابــوسـديــم
جــنــاح ســديـــم

بلعت ريقها وهي تتامل الحبوب الكثيره اللي بيدها بخوف اخذت نفس وهي تتامل جوالها وهي تناظر الرقم ركت راسها على السرير وهي تتذكر لما كلمت بسام صديق حمد وترجته يعطيها رقمه وعرفت انه بلندن بعدت ظهرها عن السرير وهي تناظر الرقم وناظرت الحبوب ودقت وبهمس:الو
وقف بصدمه:سديم؟
شهقت سديم وهي تبكي:حمد
بلع ريقه وحس بغصه:اا اا
سديم وهي تناظر الحبوب بحسره: انا احبك واحب مهند واحب اهلي ااه تكفى مهما صار لي ماابي اطيح من عينك وتذكر سديم اللي دايم تعرفها صدقني ماسويت كذا الا عشاني احبكم
قاطعها بخوف: سديم وشفيك وش صاير؟
طرى ببالها تهديد ثامر:ماصاير شيء بس تكفى ااه لاتنساني
حمد وهو يحس بالالم بصدره:تكفين سديم قولي لي تكفين
شهقت سديم بالالم:انا اموت ياحمد اموت ااه عشاني مااقدر ابيع نفسي ولا اتحمل اكون سبب بضركم لازم اموت
حمد بغصه ودموعه نزلت بدون شعور: وش  تقولين؟
نزلت راسها سديم:مع السلامه حمد
حمد وهو يبعد الجوال ويصارخ: سديم الو سديم

شهقت بقوة وهي تناظر صورة اهلها اللي مبروزتها شهقت اخذت نفس وبلعت الحبوب مرة وحده دقايق وبدت تحس بدوخه وقفت وهي تتحاول تتوازن بس ماقدرت حطت يدينها على صدرها طاحت على ركبها وتملكها الندم بس بعد ايش !
طاحت على الارض ودموعها تملى وجهها حاولت تزحف للباب بس ماقدرت حست ان الموت قرب والنفس ضاق بدت ترمش وهي تصرخ بداخلها بس مافيه أي مجيب لها بدت الدنيا تسود وتسود لين اختفت..!!!

لـــنـــدن
كان يركض مثل المجنون بس مايدري وش يسوي فتح جواله وهو يدور بالارقام بسرعه وفتح رقم ابوسديم ودق بسرعه:ررد ررررد الوو الوو

#يـــتـــــبـــع...