رواية أكابر و اقول فراقه عادي و انا في داخلي اصرخ تكفون جيبوه الفصل الثامن 8 - بقلم HaboOoshy

الــمــجــالـــس..

كانت قمر قاعده وتناظر المجلس كيف فخم
""ياالله انت عاايش هنا وحنا عيشين بخرابه؟""
ناظرت فهد وبهمس:خايفه
ناظرها فهد: لاتخافين انا معك
هزت راسها ووقفت هي وفهد لما دخلوا الرجال
وقف ابوناصر بصدمه وهو يشوف البنت اللي لابسه عبايه ""لا مستحيل معقوله هي ""
قرب لها بصدمه وهز راسه بلا: عبير(اسم ام قمر)
بعدت يده قمر بقوه ورجعت خطوه وراء فهد:لاتلمسني
ناظرها بصدمه:عبير؟
ناظرت قمر بحقد:لاتنطق اسم امي ع لسانك
ناصر والبنات اللي واقفين برا بس يشوفون ويسمعون حس بصدمه من هذي البنت ومن عبير؟

خالد بفهاوه:امك ؟ انتي اا
قمر بابتسامه ذبلانه:نسيت اسم بنتك؟
خالد:اا اسف بس
قمر:قمر اسمي قمر
هز راسه:اسف قمر وشلونك وشلون امك وعبدالعزيز؟
قمر بضحكه خفيفه:امي امي ماتت
ناظرها بصدمه:ايش متى؟
قمر:قبل سنتين هذا مو موضوعنا
خالد وهو يقعد بصدمه ع الكنب:ماتت ؟
(رفع راسه لقمر وبصوت عالي)وشلون
ناظرت قمر بصدمه ماتوقعت بيتاثر ناظرت فهد اللي بادلها نظره الاستغراب:بالسرطان
نزل راسه وهو يغطي وجهه بيدينه:وشلون تروحين ياعبير دوون ماتسامحيني وشلون؟
ناظرت قمر بصدمه:اسمع لاتحاول تثبت لي انك تحب امي لاا ـ ـ
قاطع كلامها وهو ياقف:انا احب امك يا قمر احبها ولا يوم نسيتها
قمر وهي تناظر له باستحقار:جد ههههه
صاروا كلهم يناظرون لها بصدمه
فهد وهو يلمس كتفها:قمر؟
قمر:هههه تصدق انك قلت نكته لو انت تحب امي ماتركتها لو انت تحب امي ماتركتنا لو انت جد تحبهاا كان سالت عنها كل هالسنين فهمني ليش ؟
ناظرها بهدوء:وشي اللي ليش؟
قمر وهي تناظر له بصدمه: ليش تركتنا طول عمري ماكنت تهمني ماقد فكرت فيك ولا حتى اهتميت بس من طاحت امي ظليت افكر وين ابوي حسيت بهذاك الوقت اني يتيمه
ليش لما اسال امي عنك تبتسم بهدوء وتسكت قلي ليش عبدالعزيز يحبك قلي ليش ابوفواز لما يتكلم عنك يضحك قلي ليش الكل يحبك الا انا بحياتي ماكرهت زي ماكرهتك انت السبب بكل اللي صار لي امي ماتت بسبك امي ماتت لان ما عندنا فلوس نعالجها انت هنا عايش وحنا نتعذب انحرمت من حلمي بسببك لو كنت مووجود كان كملت دراستي لما اختفى عبدالعزيز كنت اقول لنفسي اخوي مو اناني ليش اخوي يسوي كذا بس تدري الحين عرفت الجواب لاانه ولدك
مد يده بقهر لخد قمر بس فيه يد مسكته من ذراعه بقوه
فهد وهو ماسك يد خالد بقوه وبحده:نزل يدك
شهقوا كلهم بصدمه من رده فعل خالد
ناظرته قمر بصدمه وفهاوه بس شوي وبدأت تستوعب:ايه هذا اللي تقدر عليه
تنهد خالد وبصراخ :  بس خلاص اسكتي انا ماغلطت ماغلطت
قمر بنفس نبره صراخه:لا غلطت اصلا مايهمني لاني اكرهك اكرهك
خالد بحده وبصراخ هز كل البيت:لاتقولينها
الجد وهو يمسك خالد بقوه من صدره:اهدا (ولف لقمر) وانتي وشلون نتاكد انك صدق بنت ولدي؟
ناظرته قمر ببرود ومدت له الاوراق : تقدر تتاكد
تنهد خالد وهو يناظر قمر فجاه لمح سلسال برقبتها:هذا حق عبير
ناظرت قمر السلسال اللي برقبتها:اسمع انا جيت هنا عشان شي واحد بس
ابوسديم: واللي هو؟
قمر: حقي
الجد وابوسديم وناصر:حقك ؟
ناصر بقهر من اسلوبها مع ابوه: انتي اصلا كيف تتكلمين كذا يلا اطلعي برا مالك أي شي عندنا
قمر: اوك(مشت خطوه و وقفت قبال ابوها) اذا انت مو معطيني حقي ترا اقدر اخذه بالمحكمة (وبضحكه تنرفز) عاد انت تخيل فضيحتك خالد الراسي تتطلع عنده بنت وتتطالب بحقها ههه صدقني انا ماعندي شي اخسره ابدا
الجد وهو يناظر الاوراق:انت عبدالعزيز؟
فهد: انا لا انا
قمر وهي تمسك يد فهد:زوجي فهد زوجي ..
رفع راسه خالد: زوجك؟
قمر: اف اسمع تراني مو فاضيه لك خلصني بتعطيني حقي والا اروح للمحكمه ؟
ابوسديم بقهر:كم تبين؟
صارت قمر تناظر البيت وبحركه بيدها تنرفز:ابغى من كل حلالك النص
ناصر بصدمه: ايش ؟ (ولف لابوه) يبه هذي وحده كذابه بعدين وش قصة زواجك وجد يبه هذي بنتك؟
سكت خالد وناظر قمر وبهدوء وقال وكانه بعالم ثاني:اقدر اشوف السلسال اللي معك
قمر وهي تشد ع سلسالها:لا
خالد: بس شوي
ناظرته قمر ""لالا ياقمر لاتضعفين من نظاراته هذا هو سبب عذابك هذا اللي اااه ""وبهدوء كسير:ترجعه لي؟؟
خالد وهو يناظر لها""نفس اسلوب عبير ونفس نظراتها ااه ياربي"":اكيد
نزلته من رقبتها ومدت له بهدوء
سحبه خالد وفتحه دمعت عيونه وهو يشوف صورته وعبير جنبه ابتسم:اجلسي قمر بقولك كل السالفه من بدايتها لنهايتها
ناظرت قمر فهد اللي مسك يدها بقوه وجلسوا
فهد وهو يحس بالخوف ع قمر اللي يسحها بتنهار باي لحظه:بس اختصر لا ـ ـ
قمر بهمس:خله فهد
فهد بنفس الهمس: قمر انا خايف عليك
قمر بابتسامه:دامك جنبي لاتخاف
ناظرها بصدمه:قمر؟

خالد وهو يبتسم:اول مره قابلت امك كنت طالع بسيارتي ووقفت فجاه جنب حي فقير لان المنظر اللي قدامي صدمني شفت بنت قاعده تضرب شاب هههه انصدمت منها ونزلت ولما قربت لهم هرب الشاب قلت انا لو سمحتي لفت لي وهي معصبه وطرحتها ع راسها باهمال وقالت لي وهي تفنخ نعم شفت بذيك اللحظه ملاك بلمت فيها وماقدرت اتكلم اول مره اشوف جمال زي جمالها هي انتبهت وعدلت طرحتها وتغطت ومشت عني ماغابت عن بالي ومرت الايام وبعد فتره ارسلني ابوي اودي اوراق عشان بيشتري ارض بهذيك المنطقه المهم دخلت هذاك الحي وفجاه انتبهت لها وهي قاعده بالشارع ومتربعه وحولها مجموعه من الاطفال قربت لها هههه وقلت لها شكلك لايق مع هذولاء الاطفال ناظرتني باستحقار وماردت علي ومشيت وصارت كل اوراق هذيك الارض انا ماسكها يعني حجه عشان اروح واشوفها تعلقت فيها بقوه حبيتها ايه حبيتها وهي بعد حبتني واجهتها وقلت لها اني ابي اتزوجها هي سكتت وماردت بعدين قالت لي حنا من عالمين مختلفين يا خاالد انت وين وانا وين عصبت وقلت لها انا مستحيل اتخلى عنك
ضحكت قمر باستهزاء ولفت وجهها
ناظرها خالد بالالم""ليتك تتدرين ياقمر انك بحركاتك هذي تالميني"" المهم اقتنعت وتزوجونا كانت احلى 3 سنوات بحياتي معها ومع عبدالعزيز وبيوم دخلت بيتنا ولقيت امي بوجهي وقالت لي انا عرفت انك متزوج تهاوشنا لان امي ماكانت معارضه ع عبير نفسها لا امي معارضه ع انها اقل منا مستوى تهاوشنا وعرف ابوي واخواني بالسالفه (رفع راسه وناظر ابوه وابوسديم) خيرتني بين عبير والا تحرمني من الميراث
ناظرته قمر بصدمه:يعني بعتنا عشان فلوس؟
رفع راسه وبقهر وهو يحرك يدينه:انا كنت بادي بمشروع كبير ومهم بالنسبه لي لاتقولينها كذا يا قمر تذكريني باامك لما قالتها
دمعت عيون قمر بس مانزلت دموعها وهي ساكته وتناظر له
تنهد خالد:انا رحت لامك وقلت لها هي قالت زي كذا قلت لها انا بطلقك فتره بس عشان امي بعدين لما يخلص المشروع نرجع لبعض ماعصبت ولا صارخت بس قالت بعتنا عشان الفلوس؟ وسكتت وبعد ساعه جاتني وقالت لي انا موافقه انبسطت وطلقتها ونجح المشروع ولما انتهيت منه رجعت لها وانصدمت لما قالت لي انها ماتبي ترجع لي حاولت اقنعها بس رفضت وقالت لي اللي صح اني احبك بس اللي يبيعني بالفلوس انا ماابيه قالت لي انك مانفذت وعدي لها باني متسحيل اتخلى عنها (صرخ بقوه) حاولت اقنعها بس رفضت قلت خليني اتركها كم يوم وارجع لها ولما رجعت انصدمت بانها لسى متمسكه برايها قالت لي لاعاد تجي هنا لاني بنقل من هنا انا انصدمت وقلت لها طيب خليني ادور لك بيت زين بس رفضت ولما رجعت من بكرا انصدمت لما لقيتها نقلت مرت الشهور وبعد 10 شهور دقت علي ولما رديت انصدمت بانها تقول لي انها كانت حامل وانها ولدت بنت وتبيني اسميها حاولت افهم منها هي وين بس رفضت و وافقت ع اساس اني بقابلها بس اللي مشى معي بالاوراق كان ابوفواز بعد فتره دورتها ومالقيتها واجبرتني امي اتزوج ام ناصر (رفع راسه) قمرظر انا من سنتين وانا ادوركم مالقيتكم حاولت اسوي كل اللي اقدر عليه بس ماقدرت ليش ياعبير مارضيت ورجعتي لي صح انا غلطت بس
قاطعته قمر وهي تبتسم:غلطه العاشق باالف
رفع راسه وناظر لها بصدمه:ايش؟
قمر:غلطه العاشق باالف انت غلطت وانت كنت معشوقها ماكانت تقدر تسامحك
تنهد خالد:اسمعي قمر لو بيدي ارجع الزمن رجعته وو
قاطعته قمر:بس انت ماتقدر (ضحكت باستهزاء) انت ماتعرف العذاب اللي عشته والمر اللي مريت فيه شعور انك يتيم وابوك حي صعب ( شهقت بقوه وهي تبكي وشفايفها تهتز) شعور انك كل ماتغمض عيونك تحاول تنام براحه تلاحقك الذيابه والظلام والصراخ شعور اني كنت اموت من الجوع والبرد ( رفعت راسها وهي تناظر جدران المجلس) وابوي عايش بهذا العز صعب شعور انك وحيد وكل اللي حولك اللغاز شعور صعب (صرخت) شعور انك تبني حلم وتشوفه وهو يكبر قدامك وفجاة ينهار قدامك شعور ماقدرت استحمله شعور اني كل اهلي تخلوا عني شعور امي الله يرحمها وعبدالعزيز تخلى عني دوم كنت اقول ليش عبدالعزيز سوا كذا اخوي ماتهمه الفلوس بس الحين عرفت ليش سوا كذا(ابتسمت بالالم) لانه ولدك اكيد بيصير همه الفلوس زيك تخلى عني عشانها انت السبب بكل اللي صاار للي بكل دمعه نزلت من عيني انت السبب انت السبب
فهد وهو يضمها بقوه:قمر قمر خلاص خلاص
شهقت قمر بقوه والالم ودخلت نفسها بين يدين فهد بقوه وهي تشاهق ماقدرت تكمل ماقدرت تشرح اللي تحس فيه:طلعني من هنا طلعني من هنا احس اني بختنق
ناظرها بالالم وصدمه"معقوله انا اسوي كذا ببنتي بنت عبير وشلون خليتها تحس بهذا الالم وشلون اكون انا السبب بكل اللي صار لها "" : قمر؟
فهد وهو ياقف بقهر:لاتقول شي خلاص (لف يده حول كتوف قمر بقوه وهي مدخله راسها بصدره وطلع بعد ماعطى خالد نظره قويه)

خالد وهو ياقف: لحظه
مسكه ابوه بقوه: اتركها تروح
خالد وهو يبعد ابوه: لا ماراح اخليها تروح زي ماخليت عبير تروح (راح يركض وراءها)

كانت اميره من بداية الموقف ودموعها تنزل كيف ابوها يطلع متزوج قبل امها كيف البنت تصف ابوها بااوصاف وكانه مجرم كيف يكون له بنت غيرها وبصوت عالي: يبه
بس خالد ولاول مره مايوقف لصوت اميره وكمل ركضه
ساره وهي تمسك اميره وبخوف:اميره؟
اميره وهي تشاهق: لا لا ساره هذا ابوي انا انا لحالي
ركض ناصر لاميره ومسكها:اميره؟
طاحت بحضن اخوها:هي وشلون تقول كذا عن ابوي وشلون ابوي مو كذا مو كذا

خالد وهو يصرخ: وقف وقف
وقف فهد ولف له:نعم
خالد وهو يله يقدر يتنفس من الركض:لاتروحين ياقمر كذا تكفين لا تروحين كذا
قمر وهي تدخل راسها بصدر فهد اكثر: خذني فهد خذني ما ابغى اشوفه
ناظره فهد ولف عنه
خالد وهو يمسك ذراع فهد بقوه: لحظه لحظه
بس فهد دف يده بقوه وطلعوا
وقف خالد وهو يشوف السياره تحركت بسرعه جنونيه: عبير...

ســـيــاره فــهـــد..

وقف فهد عن البحر ونزل بسرعه لجهه باب قمر وفتحه وجلس ع ركبه:قمر قمر
رفعت راسها وناظرته وهي تشهق صارت تحرك يدينها بعشوائيه : ماكان  مفروض اسوي كذا اضعف كان مفروض اطالب بحقي وبس كان مفروض اعذبه بس انا ما سويت كذا.. يمه يارب خذني عندها يارب مااقدر اعيش يارب خذ روحي
صرخ فهد بقوه وهو يضمها:لا تقولين كذا فاهمه ؟
صارت تشاهق بقوه لفت يدينها حول خصر فهد وهي تبكي: خايفه خايفه
شدها له اكثر وضمها بقوه وكانها بتضيع منه:لاتخافين دامني معك لاتخافين قمر (مسك وجهها بيدينه وابتسم ع خفيف) انا هنا
ناظرته شهقت بقوه هزت راسها ونزلته ع كتفه:اوعدني ماتتخلى عني زي ماتخلى عني عبدالعزيز وابوي اوعدني فهد
فهد وهو يلف يدينه حول ظهرها:اوعدك اوعدك قمر بكون جنبك بااي وقت تحتاجيني فيه لاتنسين هذي الجمله ابدا (وبصوت ملاه الاحساس والرومانسيه والضيقه وخالطه هدوء مقهور) انا هنا
لفت يدينها حول رقبتها وهي تشاهق بقووه وصوت بكي عالي ..

بــيــت نــور ..

نور وهي ماسكه الجوال بيدها: اف ياربي ليش ماترد علي؟ (رجعت دقت بس نفس الشي مافيه رد) صارت تدور بخوف بالحوش شدت الجكيت ع نفسها لان الهواء كان قوي غمضت عيونها""يارب احم اختي يارب رجعها لي سالمه""

الــبــقـــالـــه

ابتسمت قمر وهي تاقف وهي ماسكه باب غرفتها:فهد صدقني انا بخير
فهد وهو يناظر خشمها الاحمر وعيونها الحمراء والاحمرار تحت عيونها وقال بخوف:اكيد؟
ابتسمت بقوه:اكيد
فهد وهو يناظر لها بضيق:لا لا خليني انام هنا اليوم انا مو حاس انك بخير
ابتسمت قمر بقوه:اوه منك قلت لك انا بخير
فهد باصرار: لا بنام يلا ادخلي غرفتك
تقدمت قمر ولفت فهد بقوه وصارت تتدفه من ظهره وبمزح:انت ماتنعطى وجهه يلا برا (وقفت لما صاروا عند باب البقاله)
لف لها فهد وهو يبتسم بحنيه:اكيد مافيك شي؟
قمر وهي تهز راسها بقوه:اكيد
هز راسه بايه ولف وجهه يبي يمشي
قمر بسرعه: فهد
لف لها دون مايتكلم
قمر وهي تبتسم بقوه وبملامح هاديه:مشكور
ناظر لها وهو يبتسم بقوه:ماسويت شي يلا مع السلامه اشوفك بكرا
قمر بهمس:مع السلامه(صارت تناظر فهد وهو يمشي بسيارته ليين اختفى من مستوى نظرها لفت وتراكت ع باب البقاله وهي تغمض عيونها تخيلت لو ان فهد ماكان معها وش كانت راح تسوي؟ ""اااه يارب لاتحرمني منه يارب خلني اعيش كذا طول عمري ""
دخلت يدها بجيبها وتتطلع جوالها انصدمت وهي تشوف 40 مكالمه كلها من نور ومنيره ضربت راسها بقوه اف وشلون نسيت اكلمهم اكيد خايفين علي دقت ع نور بسرعه وهي تمشي باتجاه غرفتها): الوو

صـــبـ8:30 ــاح

شــركـــه ابــوســديـم
سديم وهي قاعده بمكتبها ومراكيه يدينها ع المكتب وحاطه ذقنها فوق يدينها وسرحانه
طق الباب بس استغرب لما مالقى رد فتح الباب شوي شوي وهو يتنحنح:احمم
رفعت راسها له: تفضل تفضل حمد
دخل حمد وهو يناظر لها باستغراب:لحد الحين خايفه؟خلاص كل شي صار جاهز وبكرا باذن الله بتشوفين انجازك بعيونك
سديم وهي تهز راسها بلا:لا مو هذا اللي شاغل بالي المهم كل شي جاهز صح؟
حمد باستغراب اول مره يشوف مزاج سديم كذا معكر:ايه صح
هزت راسها سديم وسكتت شوي وهي تكتب وتناظر بالاوراق اللي قدامها بس فجاه رمت القلم بقوه ع الارض: خوذهم مو قادره اركز فيهم
ناظرها حمد باستغراب:سديم فيك شي تحسين بشي؟
تنهدت سديم وهي تهز راسها بلا:لا مافيني شي لاتهتم انا بروح البيت وانت بعد روح عشان بعد صلاه العصر نكون هنا خلاص؟
حمد:خلاص

طلعت سديم بسرعه وهي تفكر باللي صار امس ببيت عمها ""معقوله اللي صار احس وكاننا كان بمسلسل (تنهدت وهي تتذكر حال اميره امس وكيف انهارت وكيف قعدوا طول الليل يهدون فيها وخواتها ناموا عندها) الله يهديك ياعمي الله يهديك""
ركبت السيارة: روح لبيت عمي
السواق:حاضر ..

الــبــقــالـــة..

فتحت عيونها باانزعاج وهي تسمع صوت طق ع الباب بطريقة تطبيل ناظرت ساعتها شافتها 8 وقفت بسرعه لانها تاخرت عن فتح البقاله راحت تركض دون شعور وهي تفتح الباب وهي ناسيه شكلها
وقف فهد وهو مبلم ع شكلها كان مرا ناعم و شعرها مبعثر ع وجهها: اا ااا
قمر وهي ناسيه شكلها:اف تاخرت عن فتح البقاله يا ربي عمي هنا؟ (لفت بسرعه تبي تروح للحمام بس وقفت قدام المرايه وهي تشوف شكلها شهقت بقوه ولفت لفهد الواقف عند الباب وركضت وسكرت الباب بوجهه وهي تقفله غطت وجهها بااحراج""" ياربي وشلون نسيت امس ضامته واليوم طالعه له كذا اف ياربي فشله لا لا ماراح احسسه بشي""
دخلت الحمام وتوضت وصلت وغيرت ملابسها لبست صارت تناظر نفسها بالمرايه وفجاه شهقت وهي تحط يدينها ع رقبتها"سلسالي ""تذكرت انها عطته ابوها ومارجعه لها"" لا وشلون نسيته وشلون""
صحت ع صوت طق الباب لفت وفتحته وهي مصدومه
فهد اللي كان ع باله انها متضايقه لانه شافها: قمر  انا ماكان ا
قاطعته قمر وهي تقول:سلسالي
فهد:سلساك (استوعب هي ايش تقصد تذكر انها عطته ابوها يشوفه) نسيتيه؟
هزت قمر راسها: ايه (ولفت لفهد) فهد انا مااقدر اعيش دونه انا لازم اجيبه
فهد:طيب خلاص انا اجيبه لك
سكتت قمر شوي بعدين قالت:لا فهد انا بروح اجيبه
فهد بقهر:قمر متسحيل اخليك تروحين لهذاك البيت ثاني مره فاهمه؟
قمر:مو رايحه لبيته بروح له بشركته (ولفت لفهد) فهد انا ماسويت له شي الحين ما طلعت اللي بقلبي لسى ابغى اروح له بالشركه
فهد: قمر انا بس خايف عليك
قمر:حتى انا خايفه بس لين متى بعيش بهذا الخوف لازم اسوي اللي كان مفروض اسويه
فهد:طيب براحتك بس اسمعي حنا لازم نسوي خطه مانروح كذا دون أي هدف لازم قبل مانروح نكون نعرف ايش بنقول فاهمه عشان كذا خلينا نأجلها كم يوم
هزت راسها لانها اقتنعت بكلامه:طيب بروح اشوف البقاله اليوم تاخرت
مسكها فهد من معصمها قبل ماتروح ورجعها لين صارت قدامه وابتسم:اليوم مافيه شغل
ناظرته قمر باستغراب:ايش؟
فهد وهو يبتسم بغباء:اليوم فيه فله ووناسه ولعب بس
قمر اللي لسى مافهمت شي بس ابتسمت ع شكل ابتسامه فهد الغبيه: فهد مو فاهمه شي؟
فهد: مو لازم تفهمين يلا امشي بسرعه
هزت راسها ومشت معه:بس لحظه ماقلت لعمي ؟
فهد:لاتخافين قلت له يلا امشي (وصار يدفها)
ضحكت قمر بقوة وهي تركب السياره صارت تناظر له وهو يلف من قدام السياره ويركب وشلون لف لها وابتسم بقوه
فهد:اربطي حزامك
قمر باستغراب:ههه ليش؟
فهد وهو رافع حاجب بقوه:راح تشوفيني
قمر وهي تربط الحزام:الله يستر منك
ضحك فهد بقوه وساق بسرعه وهو يفحط بقوه
صرخت قمر:يامجنون
فهد وهو يمشي بهدوء عكس قبل شوي:ههههههههه
قمر:ممكن اعرف بس وين رايحين؟
فهد:نووو
قمر:هههه شكلك اليوم رايق مرا
فهد:طبعا
قمر:ههههه يلا نشوف وين بنروح ..

في المــســتــشــفــى دخلت اميره وهي مستغربه تجمع الاطباء والممرضات وبعض الناس وهي تسمع صوت صراخ قربت بخوف:وشفيه؟
لفت لها الممرضه:هذا واحد يصرخ ويسب الدكتور رامي
اميره بصدمه:ليش؟
هزت كتفها الممرضه بعلامه مدري
تقدمت اميره وهي تبعد الناس ووقفت با اول الناس وهي تشوف رامي وقباله الرجال يمكن بالثلاثينات
الرجال:انت واحد وقح وماتستحي ع وجهك
رامي بهدوء وهو مكتف يدينه ويناظر للرجال ببرود
الرجال بصراخ:تكلم قول شي ولا تدري خلك ساكت لانك بتقبى طول عمرك كذا انسان غبي (ودفه بخفه من كتفه ومشى وهو يبعد الناس)
ناظره رامي وهو يروح ولف وجهه ودخل مكتبه
صارت اميره تناظر مكتبه وتناظر الناس اللي تفرقوا وهم يتكلمون""ااه ماحد بهذي الدنيا مرتاح""
سوسن:اموره
لفت اميره وابتسمت ع خفيف:اهلين سوسن كيفك؟
سوسن:بخير الله يعينك اموره
اميره باستغراب:ليش؟
سوسن:اليوم دورك مساعده الدكتور رامي
اميره بضيق لانها ابدا مالها أي خلق للهواش: لا عاد اف الحين يحط كل حرته فيني
سوسن:ايه والله بس بصراحه استغربت من رده فعله شفتي الرجال يهزي فيه وهو ساكت ولا عليه ولاكان فيه احد يكلمه
اميره:ايه صح غريبه اف يلا عاد مابي اتاخر بايو ادعي لي
سوسن:هههه احسك داخله جهاد
اميره بضحكه خفيفه:هههه باي
سوسن:باي

خذت اميره نفس عميق وطقت الباب سمعت صوته وهو يقول تفضل فتحت الباب ع خفيف ودخلت وبهمس:السلام عليكم
رامي وهو منزل راسه وبنبره هاديه:وعليكم السلام نعم يااميره فيه شي؟
اميره: لا بس انا اليوم دوري اكون مساعدتك
تنهد وهو يهز راسه فتح الدرج اللي جنبه وطلع مجموعه ملفات:اقعدي ورتبيها حسب الموعد بعدين دخليهم بالكبميوتر
هزت راسها اميره وقعدت ع الكرسي اللي قدام مكتبه وصارت ترتب الملفات والهدوء هو سيد الموقف ..

بعد دقايق دق جوال رامي رد بهدوء:الو
رفعت نظرها وهي تسمع صوت امراه بان صوتها من نبرتها العاليه وعلامات الهدوء ع ملامحه بس الضيقه باينه عليه اللي قطع افكارها دخول الدكتور الوليد بسرعه وهو يتكلم دون ماينتبه لها
الوليد بعصبيه:انت لين متى بتظل كذا وشفيك وشي اللي غير رايك؟
سكر رامي الجوال وجلس يكتب بالاوراق اللي قدامه دون مايرفع راسه للوليد
الوليد بحركه عصبيه بعثر كل الاوراق اللي قدامه: وشفيك
صرخت اميره بخوف من حركه الوليد وصراخه
لف الوليد لها باستغراب وكانه توه ينتبه لها
رامي بنبره صدمت اميره حست فيها الضعف:الوليد تكفى اتركني خلاص
اميره وهي تاقف وبارتباك:انا ااحم
قاطعها رامي:اقعدي
قعدت اميره بخوف واحراج
الوليد وهو يهز راسه باسف:ليش بس قول لي ليش؟
رامي بنبره حاده وهو يرفع راسه للوليد:الوليد قلت خلاص لاتخليني اقول شي انت اعرف واحد اني بندم عليه
هز راسه الوليد باستحقار له:انت كذا غبي (قالها وهو يطلع ويصفق الباب بقوه)
اميره وهي تبلع ريقها وتناظر وجه رامي اللي صار لونه اصفر وشلون نزل راسه ع يدينه وبارتباك:دكتور تبي شي؟؟
بدون مايرفع راسه:لا كملي شغلك
هزت راسها وبهمس:طيب ..
وصارت تكمل شغلها بس افكارها مو معها ابدا افكارها انقسمت للقمسين تفكير باللي صار امس وتفكير برامي وشي اللي سواه خلى الكل يانبه كذا ..

** بــــيــت ابــونــاصـــر ..

سديم وهي تاقف بعصبيه:وانتوا وشلون تخلونها تروح للمستشفى وهي نفسيتها تعبانة ؟
ساره:اف سديم قلنا لك عصبت مرا واصرت انها تروح
ريناد:وتقول انها مافيها شي
ناصر وهو ياقف:خلوها يابنات ع راحتها
سديم وهي تتطلع جوالها: لا مو بكيفها (ودقت ع اميره)

في المـــســتــشــفــى ..

دق جوال اميره ردت بسرعه لانها حست انها ازعجت رامي : الو (غمضت عيونها لان سديم كانت تهاوشها وبهمس) سدومه اسفه  صدقيني مافيني شي والله العظيم صح متضايقه عشان اللي صار بس سدومه تكفين خلاص الحين مو وقته  طيب طيب يلا باي
رفع راسه رامي وهو يرتب شعره
اميره باحراج: ازعجتك ؟
هز راسه بلا: لا
اميره:دكتور اكيد مافيك شي؟
رامي:اكيد(عقد حواجبه) اقول اميرره
اميره:هلا
رامي:بسألك
اميره:تفضل
رامي:انتي تشوفيني انسان سخيف وغبي؟
اميره بصدمه من سؤاله: هااا
ابتسم وهو يهز راسه:مايحتاج تقولين عرفت جوابك
اميره بسرعه:لا مو كذا اقصد يعني (وهي تناظر له بخوف) بصراحة ؟
ضحك ع نظراتها:ههه اكيد
اميره:شوف مو غبي ابدا لانك لو غبي كان ما اخذت وسام افضل دكتور جراحه بالوطن العربي لو كنت غبي ما وصلت اللي وصلت له
ناظرها رامي بصدمه:انتي وشلون عرفتي اني اخذت وسام؟
اميره هزت كتوفها :   معروف
ابتسم رامي:لا انتي اول طالبه تكون تعرف
اميره:يمكن اما بالنسبه انك سخيف لا بس يعني شوف بعض حركاتك سخيفه بس انت كا شخص لا
ابتسم رامي: مشكوره ع الكلام
اميره وهي ترجع للملفات:عادي ماقلت الا الصدق
سكت شوي رامي بعدين قال:اميره انا اسف ع معاملتي لك
رفعت راسها اميره وبنبره مضحكه:حسستني انك بتموت بعد شوي
رامي:هههههههه
ابتسمت اميره وسكتت بهدوء
انفتح الباب و دخلت منه مراه يمكن بعمر الاربعين بعبايتها الكتف المفتوحه والمطرزه ولافه الطرحه باهمال و وجهها طالع ومليان مكياج: ايه انت تضحك هنا وحنا نحترق بالبيت؟
صارت اميره تناظر المراه بقرف ماتدري ليش
رامي وهو يركي ظهره ع الكرسي وناظرها بنظره ارعبت اميره:نعم؟
المراه بقهر:يابرد دمك انا محترقه وانت ولا عليك طيب بس قل لي ليش؟
اميره اللي حست انها تنرفزت ""كل من يجي يقول ليش؟ اف ماشاءالله عليه مستحمل لو انا يمكن انجلطت"""
رامي:خلود اطلعي انا مالي كلام معك
خلود بقهر: لا اجل مع من هذي بنتي اللي تخليت عنها دون سبب بنتي؟
وقف بعصبيه:خلاص وعشانها بنتك اطلعي صدقيني ماتبين تسمعين وشي السبب
خلود بقهر:لا ابي اسمع
رامي:هي وش قالت لك؟
خلود:ما قالت شيء تقول اسالوا رامي
رامي بضحكه استهزاء:ههه خلود اطلعي
خلود بقهر:كنت ما امنتك ع بنتي وعادتك مثل اخوي الصغير وعطيتك اغلى شي عندي تقوم تسوي فيها كذا يارامي؟
رامي بقهر وهو يشد ع يده:خلود انت ع عيني وراسي بس اللي بيني وبين ازهار انتهى
هزت راسها خلود بقهر:طيب طيب يارامي .. وطلعت بعصبيه .. قعد وهو يتنهد بقهر غمض عيونه وهو يمسح وجهه بيدينه
ناظرته اميره وهي تجمع الملفات وبصوت هادي:خلصتهم
وقف رامي:اجل تعالي هنا عند الكمبيوتر واكتبيهم
هزت راسها اميره وهي تاقف وقعدت مكانه وهو صار مكانها
رامي بنبره هاديه وعيونه ع قدام:اميره انتي ماتزوجتي قبل صح؟
لفت اميره له بعدين رجعت عيونها ع الكمبيوتر:لا
ابتسم ع خفيف وهز راسه:احسن لك
ناظرته باستغراب وحست انها فمهت بعض السالفة ""شكله طلق هذي اللي اسمها ازهار بس ليش هذي البنت مهمه عند الكل؟""

بـــيــت أبــو وســن ..

الجوري وهي تاقف:وسن اشتقت لامي
وسن وهي تناظر اختها بالالم ورجعت لفت للشبااك الكبير اللي داخل بالجدار وتارك مسافه وكانها رف جالسه فوقها وسن وهي تناظر السماء:حتى انا
قطع افكارهن وكلامهن طق ع الباب ناظرن بعض باستغراب
وقفت وسن وهي تفتح الباب:نعم؟
الخدامه:بابا كلام تعالي تحت عشان ماما انتي ع تلفون
شهقت وسن بفرحه ولفت للجوري و مسكت يدها وصارن يركضن
دخلت وسن بسرعه للصاله دون ماتناظر للي فيها سحبت السماعه بسرعه من يد ابوها:الوو
ابتسام وهي تشهق: يمه وسن
دمعت عيون وسن بس مستحيل تخليهم يشوفون ضعفها وبهمس: يمه
الجوري وهي واقفه وتنقز: ووسن عطيني وسن ابي اكلمها وسن
وسن وهي تناظر الجوري:يمه كلمي الجوري
الجوري وهي تسحب السماعه بلهفه: يمه
ابتسام:الجوري كيفك يمه تاكلين زين ناقصك شي؟
الجوري اللي بدت تبكي:يمه تعالي ابيك اشتقت لك يمه ليش تركتيني
ابتسام وهي تشهق من البكي:لا يمه ماتركت لاتقولين كذا..
وسن وهي تسحب السماعه من الجوري وبنبره حاده:ليش تقولين كذا الو يمه ماعليك من الجوري حنا بخير انتي انتبهي لنفسك  ماعليك تاكل زين وانا انتبه لها
ابتسام: سامحيني وانا امك ماقدرت احميك منهم قرب لك لمسك ؟
وسن بهدوء : لا (ناظرت ابوها اللي اشرت له جدتها ولف لها وهو يحرك يده بمعنى بسرعه) يمه انتبهي لنفسك خلاص وسلمي ع جدي وجدتي وبوسي لي فوز يلا مع السلامه (سكرت السماعه وهي تاقف)
ابوها بابتسامه:هاه انبسطتي؟
لفت له وبنظره بارده ومليانه استهزاء : انبسط معك؟
امسكت يد الجوري
الجوري وهي تشهق من البكي:يبه ابي اروح لامي
ابوها بقهر:ليش يابنتي ماتبين تقعدين عندي؟
ام ابوسن (الجده منيفه):وش تبين با امك ترى امك ما تحبك لو تحبك ما تركت هنا ؟
وسن بصرخه هزت كل البيت: انطمي امي اشرف منك وماتركتنا زي بعض الناس (وناظرت ابوها)
وقف عمها ابواحمد بصرخه:انتي اللي تنطمين وشلون تقولين لامي انطمي؟ (ولف لابوسن) عقل بنتك
ابووسن وهو ياقف وهو يبلع ريقه: وسن بس ولا كلمه
ابتسمت باستهزاء وكتفت يدينها:وش بتسوي يعني بتضربني جرب
عمها ابواحمد بقهر:اضربها اضربها
رفع يده ابووسن بس قبل ماتاصل خد وسن صار شخص بينهم وهو يمسك يد ابو وسن
ابوسن بقهر : تركي بعد عن وجهي
تركي:خلاص يا عمي امسحها بوجهي
وسن باستهزاء:هو بقى شي من وجهك عشان يمسح فيه كل وجهك راح من كثر ماتقولها
لف لها تركي بصدمه معقوله تكون هذي وسن الرقيقه معقوله تكون هذي وسن الضعيفه الحساسه صح هو غلط معها بس ماكان يبي يصير كذا
ابواحمد:لا بعد تقولين لولدي كذا
وسن بصراخ بعد ماعطت تركي نظره خاصه احرقت مشاعر داخله:عاد والله والولد شوف تراني عطيتك وجه بزيادة (مسكت يد الجوري) امشيي ااف(مرت من عندهم والكل مصدوم وكانها شخص جديد بس الجسم والوجه ماتغير)

الــمــلاهـــي ..

نزلت قمر من السياره وهي تناظر بصدمه:فهد؟
ابتسم وهز راسه ركض لها ومسك يدها بقوه وسحبها
قمر: لحظه لحظه فهد هههه
دخلوا وقص فهد التذاكر:يلا هاه أي لعبه تبين تلعبين؟
ابتسمت قمر بقوه وهي تتامل الالعاب والحدايق اللي داخله فيها والشباب اللي يمشون ((لان اليوم يوم شباب)) ""ياالله من زمان مادخلت الملاهي ""لفت وابتسمت بقوه:قطار الموت؟
فهد:اووه هههه قويه يعني؟
قمر وهي تضرب صدرها:ههههه احمم احم ههههه
ناظرها فهد وابتسم بقوه وركض وهو يصرخ:وراي يا دب
قمر اللي انصدمت ولما استوعبت صارت تركض وراءه: الدب انت..

بــــيــــت حــلا ..

قاعده بغرفتها وهي لامه رجولها لبعض فوق السرير وهي مقطعه نفسها بكي وتسحب من علبه المنديل جنبها وهي تشاهق
دخلت شهد وهي تناظر بنت خالتها واختها اللي ما ولدتها امها قربت لها وضمتها:حلو حبيبتي خلاص ياروحي انتي مقطعه نفسك هنا بكي وهو مايدري عنك تلقينه الحين يضحك ويسولف مع اصدقاءه وانتي قاعده هنا تبكين عشانه ؟
حلا وهي تشاهق ومدخله جسمها بحضن شهد: ااه  شهد انا ماتوقعت اني حبيته بس من قال انه بيتركني حسيت بالالم بكل جسمي حسيت ان احد دخل يده وسحب قلبي وسحبه بقوة مو بيدي شهد صديقيني مو بيدي
دمعت عيون شهد وسحبتها وضمتها ماعرفت كيف تواسيها ولاول مره ما تقدر تمسح دموع حلا

**الــمــلاهــــي ..

قمر تصارخ
فهد رافع يدينه بالسماء ويضحك ..
قمر بصراخ وخوف:فهد نزل يدينك ااااه فهد
فهد: ههههه ياخوافه طيب طيب (ونزل يدينه بس بسرعه مسك يدينها ورفعها وهو يضحك يبي يخوفها)
قمر دون شعور دخلت راسها بصدره وهي تصارخ: آه  فهد
تنح فهد وهو يحس جسمها ملاصق لجسمه مااستوعب ولا ترك يدينها لين وقف القطار استوعب وهو يشوف الشباب يناظرون لهم باستغراب نزل يدينها بسرعه وهو ينزل:يلا امش
رفعت راسها وضبطت شعرها المبعثر و وجهها احمر ..

من الاحراج طلعت بسرعه ومشت جنبه
فهد وهو يكح: كح ااححم تبين تشربين قهوه ؟
قمر بسرعه وهي منزله راسها:ايه ايه

اســتراحــه الــشـباب ..

كان قاعد باخر الدكه ورافع رجل ومنزل رجل ويلعب بالجوال ومعقد حواجبه بتوتر""اه اكلمها والا لا ااه""صار يناظر الاسم المكتوب بين الاسماء:حلاوه البراءه ""ااه ياحلا مدري ليش احس اني مكتوم دونك ماتوقعت ان صوتك اثر فيني لهدرجه""

سامر وهو ينزل ورقه البلوت وعيونه عليها: الا اقول مشاري وين فهد وفارس؟
مشاري وهو ينزل ورقه:ههه الملاعين مختفين ادق عليهم مايردون بس خلني اشوفهم اوريهم شغلهم
مروان باستهزاء وهو يرمي ورقه:اكيد الحبايب غرقانين مع بعضهم
وقف مشاري بسرعه وبتهديد:مروان حاسب ع كلامك و الا الله لاكون متوطيك هنا
سامر وهو ياقف ويمسك مشاري: مشاري هد بس يا رجال يعني ماتعرف مروان يمزح
مروان وهو ياقف:لا ما امزح وبوريكم ان فهد وفارس حبايب (قالها وهو يرص عليها بقوه بعلامه منرفزه لمشاري)
تقدم مشاري وهو يحاول يضربه بس سامر مسك مشاري بقوة ويصارخ:سلمان تعال ساعدني هنا (انقهر لما مااشاف أي رده فعل من سلمان اللي سرحان ويلعب بجواله) خلاص مشاري امسحها بوجهي هذي المره
هدا مشاري وهو يرفع يده بتهديد: بس عشان سامر والله انت مالك أي قدر وان سمعتك تعيد اللي قلته لااكون ذابحك يا مروان فاهم ؟
ابتسم مروان بستهزاء وبحركه برود دخل يدينه بجيوب بنطلونه وناظر مشاري من فوق لتحت
دف مشاري يدين سامر وطلع بعصبية ..

الــمــلاهــــي ..

قمر وهي تنزل الشوكه ع صحن الحلى وتبتسم بقوه:فهد مشكور
رفع راسه فهد لها:ايش؟
قمر وهي تتنهد براحه:مشكور ع هـ ـ ـ
قاطعها فهد وهو يقوم ومسك معصمها:خلصتي اكل؟
قمر باستغراب:ايه بس
فهد بسرعه:امش بنلعب لين نشبع اليوم
ابتسمت قمر وهي تركض وراءه بقوه لانه يسحبها وهو يركض ولف ناظرها وضحكوا

** بـــيـــت أبــونــاصــــر
مــكـــتـــبـــه ..

كان قاعد وراء مكتب فخم وبالتحف المنتشره بالغرفه وبالكرسي الاسود الضخم والفخم كانت عيونه ع السلسال اللي بيده كان يفتحه ويسكره ""ااه ياعبير ااه ماقدرت اطلع حبك من قلبي مافيه مره بعدك ملت قلبي حبيتك وعشقتك بس زي ماقالت قمر غلطة العاشق بالف اااه ياقمر ياريحه اغلى انسانه ع روحي وقلبي ليش ياعبير سويتي كذا ليش رحتي وتركتيني بس صديقني مستحيل اتخلى عن بنتك مستحيل بدورها وبالقاها ومستحيل اتخلى عنها مهما صار""
طق الباب وفتحه وصار يناظر ابوه السرحان اللي لسى ماستوعب انه دخل:يبه؟
رفع راسه ونزل يده بالسلسال الملتف حول يده:نعم؟
ناصر:وين امي؟
تنهد خالد وناظر اولده:امك راحت لبيت جدك
ناصر باستغراب:ليش؟
ابوناصر:رح اسالها
ناصر بقهر:ةيبه انت تدري ليش فقولي
ابوناصر: زعلت عشان اللي صار ذاك اليوم ولاني غلطت باسمها
ناصر بقهر:قلت عبير؟
رفع عيونه وناظر ولده:ايه
ضرب ناصر بقوه حافه المكتب:من وين طلعت لنا هذي؟
ابوناصر بحده:ناصر احترم اللفاظك
ناصر بابتسامه استسخاف:ليش عشانها بنت الغاليه يبه انت ما حبيت امي صح وشلون قلي وشلون عشت معها كل هالسنين وماحبيتها
وقف خالد بعصبيه وهو يضرب المكتب: ايه ايه لان قلبي مو ملك لي بس انا بحياتي ماقصرت مع امك باي شي ولا حتى معك(بالالم) بعكس المره اللي حبيتها وعيالي قصرت معهم كثير كثير
ناصر بصدمه:يعني امي عايشه معك وهي تعرف انك ماتحبها ؟
قعد خالد بقهر وسكت
ناصر بقهر:لو غير امي يا يبه كان ماسكتت ابدا
رفع عيونه بهدوء لولده:انت ياناصر ماجربت الحب صدقني لو جربته مابتقول كذا ولا تلومني
ناصر:صح بس انا ماجربته وبلومك يايبه (وقف قبل مايطلع لف لابوه) مانت مراضي امـ ـ(قبل مايكمل كلامه شاف ابوه فاتح السلسال ويناظر بالصوره وكانه رجع ثاني مره لافكاره انقهر وصفق الباب بعصبيه وطلع جواله ودق ع معاذ: معااذ تعال بيتنا ابيك) ..

دخلت اميره البيت واتجهت لغرفتها وهي تحس بتعب رمت نفسها ع السرير وهي تغمض عيونها وبلعت ريقها وهي تتذكر لما مرت من عند مكتب ابوها واللي من جنبه قزاز وشافته وهو يلعب بيده بذاك السلسال ""ليش يبه وش تبي هذي البنت؟ (فجاه جلست وفتحت عيونها وبدأت تتذكر "" هذي  البنت نفسها الا كانت تسوي نفسها ولد الا انا متاكده واللي معها بعد هو نفسه اللي قال انه زوجها الا انا متاكده وشلون راحت عن بالي طيب هي عاشت حياه صعبه بس هي خربت حياتنا امي ببيت جدي وابوي ومايطلع من مكتبه وناصر مدري وينه ااه حتى نادر (وقفت بسرعه) خلني اشوف وين نادر
اتجهت لجناح نادر بس استغربت لما لقته فاضي عقدت حواجبها ""هذا وين راح "" نزلت بالمصعد:سوزي وين نادر؟؟
سوزي:بجناحه
اميره:لا مو موجود
سوزي بصدمه وخوف:لا انا متاكده انوه موجود (وطلعت للجناح ووراءها اميره وفتحته بس مالقوا شي)
اميره بخوف:روحي مع ريتا وساندي دوروه بسرعه
هزت راسها وراحت تركض

الــبـــقــــالــــه ..

نزلت قمر من السياره وهي تضحك:ههههه يسلمو فهد
بس فهد مارد لانه يناظر باستغراب للولد اللي قاعد عن عتبت البقاله ويلعب بيده بـ أي باد وبصوت عالي:يا ولد البقاله مسكره روح لبيتك الساعه 12
وقف الولد بهدوء تام تستغربه ع واحد بسنه
ناظرت قمر وفهد له باستغراب بالذات بثوبه الباين الفخامه فيه والساعه اللي كانت الماس بسيط وجلد فخم وشعره المرتب اللي يبان انه ابدا مو من حارتهم
تقدم لين وصل قدام قمر وناظرها وبهدوء:انتي اسمك قمر؟
قمر بخوف لفت وناظرت فهد بعدين ناظرته كيف ان ولد صغير عرف انها بنت:ااا
نادر وهو يمد يده:انا نادر خالد الراسي
فتحت قمر فمها بصدمه وبهمس:خالد
نادر بنفس الهدوء وهو ينزل يده:انتي تصيرين اختي صح؟
قمر:ااا ايه
نادر وهو يناظر لها بهدوء ابتسم:طيب انا بقولك شي لمصلحتك اقدر؟
انصدمت قمر من جراءه الولد واسلوبه وبنفس الوقت ادبه الغير طبيعي: اكيد
نادر بنفس الابتسامه:لاتجين لعيلتنا تراها ماتصلح لك
انصدمت قمر: اه ليش؟
نادر وهو يبتسم بقوه:لانك شكلك مو زينا انتي شكلك طيبه بس حنا مو كذا
قمر بفهاوه: ايش يعني اهلك مو طيبين؟
نادر وهو يهز كتفه بعدم اهتمام:مو مهم بس انتي شكلك يعني كذا تحبين الناس وتهتمين لهم (رفع عيونه وناظر بعيون قمر) انا اعرف الناس من عيونهم (وابتسم بقوه) انتي كذا صح ؟
ناظرت قمر وهي مو قادره تستوعب هذا الولد:احمم(حطت يدينها ع كتوف نادر) انت كيف وصلت هنا؟
نادر وهو ياشر ع السياره واللي فيها رجلين ضخام
لفوا قمر وفهد وناظروا السياره بعدين ناظروا بعض بعدين رجعوا وناظروا نادر
قمر: طيب وشلون عرفت اني هنا؟
نادر:لما طلعتي من عندنا قلت لعبدالاله (سواق) انه يحلقكم ويشوف وين تسكنين وبس جابني هنا
هزت راسها قمر وصارت تناظر له وهو مبتسم بلعت ريقها حسته اه ماتدري كيف تاصف مشاعرها حسته وكانه فاقد شي ناظرت عيونه نفس عيون عبدالعزيز سحبته وضمته بقوه وهي تبلع ريقها ..

بــيــت ابــونــاصــر ..

اميره وهي تحس رجولها ماهي قادره ترفعها صارت تصيح وفتحت باب المكتب ع ابوها:يبه
وقف وهو يناظر لها بصدمه:اميره وشفيك؟
اميره:يبه نادر ماهو فيه مالقيته
ابوناصر بصدمه:ايش وشلون مالقيتيه دورتوه بكل القصر؟
هزت راسها اميره:ايه
طلع من وراء مكتبه وطلع يركض بالبيت

دخلوا سديم وخواتها البيت وهم يسالفون فجاه طلعت اميره وهي تبكي
ساره بصدمه:اميره وشفيك (ركضوا كل البنات لها)
اميره:نادر
البنات:وشفيه؟
اميره:مدري وينه دورناه بس مالقيناه
سديم:ايش يعني وين بيروح انتي بس هدي
ساره وهي تلف يدها حول كتفها:ايه هدي الحين كلنا بندوره يلا بنات ..

الــمــجــلــــس ..

وقف ناصر وبعصبيه وهو يكلم الخدامه:كيف مالقيتوه؟
معاذ وهو يمسك ذراع ناصر:هد يا ناصر هي وش ذنبها قوم ندوره بالحاره
ناصر وهو يهز راسه:صح يلا

صار الكل يركض ويدور نادر سواء داخل القصر او خارجه

** الــبــقــالـــه ..

قمر وهي تبعد عن نادر وابتسمت له وحطت يدينها ع كتوفه وبحنان:اسمع اذا بغيت أي شي اذا احتجت احد تسولف معه تراني موجوده وانت خلاص عرفت مكاني تعال لي خلاص؟
نادر:ههه اجل ع كذا كل دقيقه بكون عندك
ناظرته بالالم وابتسمت:عادي لو تبي كل ثانيه
ابتسم لها بقوه:انتي طيبه قمر ياليت تسكنين معي بالبيت
ابتسمت له بقوه وسكتت شوي بعدين قالت وهي تبعد يدينها عن كتوفه:شكلك تاخرت الحين الساعه 12وزياده
هز راسه نادر:طيب مع السلامه
قمر وهي تحرك يدها له:مع السلامه (صارت تتامله وهي تشوف احد الرجال نزل وفتح له الباب ورجع ركب قدام ومشت السياره)

قرب فهد لين صار وراءها وهو مبتسم:ياحنون انت
لفت له قمر:ههههههههه
ابتسم فهد بقوه""يالبى الضحكه"" اكتفى بالسكوت
قمر وهي تبتسم بقوه:احسه فاقد شي صح؟
فهد وهو يهز راسه:صح يلا عاد انتي روحي نامي اشوفك بكرا
هزت راسها:تصبح ع خير
فهد وهو يمشي:وانتي من اهله
وقفت تراقبه وهو يمشي ومدخل يدينه بجيوب بنطلونه لين اختفى بين ظلام الحاره ..

تنهدت ودخلت البقاله تراكت ع بابها وغمضت عيونها وابتسمت وحطت يدها ع قلبها ""اااه خلااص تاكدت اني احبك الله يخليك لي ولا يحرمني منك (فتحت عيونها ورفعتها للسماء تكفى ياربي لاتحرمني منه هو الوحيد اللي يحس فيني"" ابتسمت بقوه ودخلت غرفتها وانسدحت ع فراشها"" وش قصده نادر شكله وحيد احسه فاقد شي (طرى ببالها ابوها) مو مزعجه نفسي فيه ومخربه فرحتي ااه يا فهد ماتعرف قد ايش انبسطت اليوم احبك"" اطلقت ضحكه خجووله وضمت الوساده بيدينها الثنتين وغطت بنوم عميق ولا اول مره بعد مرور سنتين تنام والدمعه صار مكانها ابتسامه

بــيـــت ابــونــاصـــر

كانت ريوف تركض عند المسبح:  ناااااددر
(سكتت وهي معقده حواجب ها بخوووف وصدرها يرتفع وينزل من التعب والركض)

دخل البيت بسيارته بعد مادوره بالحاره ومالقاه اما ناصر راح يبلغ الشرطه وهو راجع للبيت نزل بسرعه وصار يمشي وهو يدور

كانت ريوف معطيه المسبح جنبها وهي واقفه بتفكير
اما هو معطي المسبح بعد جنبه صار يمشي ع وراء""هذا وين راح؟"" فجاه حس انه صدم شي ولف بسرعه

ريوف وهي تحس بشي صدمها لفت وكلها امل انه نادر
ريوف ومعاذ بصوت واحد:نادر؟
بس تعلقت عيونهم ببعض بصدمه
ريوف بدت دموعها تنزل ع خدودها ع طول وشفايفها ترجف اول مره تصدم شاب او بالاصح اول مره تصير قريبه من شاب زي كذا
اما هو فاتح فمه ع الاخر وبصوت قصير:الملاك
ناظرت ريوف بصدمه وهي تحاول تتحرك بس رجولها مو راضيه تمشي شهقت بقوه وخوف
اما معاذ ابتسم وهو يناظر ملامحها فجاه استوعب انها تبكي خوف منه: اسمعي انا اسف ماكنت اقصد بس انا كنت ادور نادر اسف (لف وجهه ومشى دون مايلف لها )..

**بــيـــت ابــو وســـن ..

وسن وهي قاعده بنفس مكانها ع الجدار اللي جنب الشباك ناظرت ساعتها شافتها تاشر لـ1:00 حطت يدها ع بطنها ""اااف بموت من الجوع"" ناظرت الجوري شافتها غاطه بنوم عميق نزلت من الجدار وهي تنقز ع الكومدينه بعدين ع السراميك""خلني انزل اكيد كلهم نايمين نومه اهل الكهف ان شاء الله ااف""فتحت باب غرفتهم ع خفيف عشان ماتصحى الجوري ضغطت المصعد ودخلته صارت تناظر نفسها بمرايه المصعد تنهدت ولفت لباب المصعد اللي انفتح واتجهت للمطبخ دخلته فتحت الثلاجه سحبت علبه عصير سيزر برتقال وجزر واخذت المرتديلا وعلبه المايونيز وجبنه الشرايح وخبز التوست وصارت تسوي لها كلوب وهي تغني بصووت خطير ومااليه الحززن:

كبرتني يا هم .. دخيلك قول للدنيا أنا عمري الحقيقي كم ؟

ابتسمت وهي تحط الكلوب بصحن ودخلته المكرويوف وسحبت صينيه وحطت علبه السيزر فيها ولفت تبي تتراكي ع الطاوله الرخام عشان تنتظر الكلوب يخلص تسخين بس لما لفت الابتسامه اللي ع شفايفها بدت تتلاشى ويدينها ترجف وعيونها ترمش بخوف وهي تشوف الشخص اللي دمرها ودمر انثوتها ودمر كل رمز سعاده بحياتها الشخص اللي من يذكر اسمه تحس بقشعريره بكل جسمها ماقدرت تتحرك او تتكلم بس قطع حبل افكارها الصوت اللي صدر عن المكرويف يعلن انتهى المده
تركي بهدوء وهو متراكي ع الباب:خلص الكلوب اللي من ربع ساعه تسوينه
توسعت عيونها بصدمه ""يعني كان موجود من دخلت المطبخ "" ماقدرت تتكلم
ضحك باستهزاء:اكل القط لسانك والا ايش وين اللي ترد وتهاوش اليوم (تعدل بوقفته وبصوت يرعب) والا خايفه ؟
بلعت ريقها واستجمعت قوتها مستحيل تخليه يخطف روحها ثاني مره وبحركه جريئه لابعد حد سحبت السكين اللي جنبها وبصوت حاد: وربي اللي خلقني ياتركي اذا مابعدت عني لاكون ذابحتك ولا يجي ع بالك اني بتردد ثانيه واحدة ( صرخت بقوه) خطفت مني اغلى شي املكه خطفت طفوله اختي وزواج امي وابوي وعايلتي كلها (وبدا صوتها يهدى) صدقني ماراح اتردد بقتلك
ناظرها ببرود خارجي فقط وقرب لها
وبكل خطوه يقرب لها ترجف يد وسن اكثر ودقات قلبها تزيد ودموعها تنزل بغزارة
وقف لين ماصارت بينهم الا مسافه بسيطه فتح ازارير ثوبه بقوه وبان صدره:يلا قتليني اقتليني يا وسن وريحي عمرك اقتليني
شهقت بقوة وهي تناظر له طاحت ع الارض ع ركبها وهي شاده ع يدها بالسكين وبهمس: ااه  تكفى بعد عني ابوس رجولك ااه تعبت (ارفعت راسها له وبصوت كله تعب وخوف) تكفى ياتركي بعد عني ااه خلاص اخذت كل اللي تبي (صارت تضرب صدرها بقوه) اخذت روحي اخذت وسن القديمه اخذتني خليتني وحيده خليتني جسد دون روح اااه ..

ناظرها بصدمه وذهول ماتوقع انه سبب لها كل هالالم يدري انه دمر شي فيها بس ماتوقع لهدرجه نزل لمستواها وبهمس:وسن
شهقت اقوى وهي تضغط ع السكين بكل قوتها
ناظر تركي السكين مسك يدها ورفعها اللي فيها السكين وحطه ع صدره:دخليه يا وسن دخليه وارتاحي وريحيني دخليه
شهقت باقوى وبلحظه كانت بتتدخله بس فكت يدها وطاح السكين وبقت يده متمسكه بيدها بقوى
ناظرها وترك يدها بقوه هز راسه بنفي: ماكنت ابي يصير كذا ما كنت ابي بس مدري ادري حتى لو قلت اسف مليون مره ماراح يفيد عارف لو اعتذرت وصرخت وبكيت بعد ماراح يفيد بس انا اسف وسن اسف
رفعت عيونها وناظرته وبدون شعور صارت تضربه بقوه من صدره ووجهه وهي تبكي بقوه
اما تركي كان مغمض عيونه وتارك لها الحريه بتفرغ كل غضبها
بعد فتره طاحت يدينها بحضنها ونزلت راسها وهي تشاهق بقوه ..
مسكها من كتوفها ووقفها معه وصار يناظر وجهها وشكلها بلع ريقه بالالم وبهمس: وسن
بس وسن ما ردت عليه ولا توقع اصلا انا سمعته
تنهد تركي توقع انه اذا تركها بتنهار بالارض فضل يمسكها لين تهدى شوي
رفعت بصرها له وبنظره حقد والم وكره دفته بعيد عنها وراحت تركض
لف وصار يناظر لها لين اختفت تنهد بألم فجاه حس بشي يمشي ع خده حط يده عليه وانصدم وهو يشوف دم طلع من المطبخ واتجهه للمغااسل وشاف خده كيف مقطوع تاكد ان هذي اظافر وسن""اااااه"" سحب منديل ومسحه بس ماراح مشى لغرفته وهو مازال حاط المنديل عليه

يا غربة الأيام في ذيك السنين
= ويا متاهات الألم في ضلوع القلب

بـــيــت خـالــد الـراســـي

دخل نادر بهدوء وهو يطقطق بالـ أي بااد
ركضت له اميره وهي تمسكه من كتوفه: نادر وين كنت خفنا عليك
نادر ببرود وهدوء:عادي كنت اتمشى مع اصحابي
تقدم ناصر بعصبيه ومسكه من ثوبه:انت وشلون تروح دون ماتقول لاحد هاه؟
ساره:ناصر اتركه
نادر وبنظره هاديه وملامح بارده وهو يبعد يد ناصر عن كتفه:انا كل يوم اطلع وما ارجع الا هذا الوقت
انصدموا اميره وناصر حسوا بتانيب الضمير انهم مالهم علاقه مع اخوهم الصغير بس اليوم فقدوه
ريوف بحركه انقاذ للموقف حطت يدينها ع كتوف نادر بنعومه:حبيبي ماتاخرت ع النوم يلا امشي مع لغرفتك
هز راسه نادر ومشى مع ريوف بهدوء تارك الكل وراءه ومر من عند ابوه اللي من شافه سكت ولا قال أي شي ..

#يــــتـــبـــع....