رواية أكابر و اقول فراقه عادي و انا في داخلي اصرخ تكفون جيبوه الفصل التاسع 9 - بقلم HaboOoshy

بـحي فخم وراقي منتشره القصور فيه بااشكال وبناء ضخم وكأن فيه منافسه بينهم وليس للبيوت المتواضعه أي مكان فيه

كان واقف بسروال السباحه وبدون بلوزه وجسمه مليان ماء كان ماسك بيده جواله ويناظر للصوره اللي فيه بنظره خاصه وغامضه
جاءت تمشي بدلع ماصخ:عبودي
رفع راسه لها بسرعه ونزل جواله ع الطاوله اللي جنبه وابتسم بالغصب:عيون عبدالعزيز
قربت له:ههه عبودي تراني ما اقدر ع هذا الكلام
ابتسم لها وسكت ولف يناظر للمسبح بهدوء
هي باستغراب: بيبي؟
لف لها عبدالعزيز:هلا
هي:وشفيك؟
عبدالعزيز:ولاشي
صارت تلعب بيدينها بدلع:بيبي يلا قولي
ناظرها بطفش:نوف
عقدت حواجبها بزعل:خلاص كيفك فيه احد مايقول لخطيبته اللي فيه
ناظرها ولف وجهه وشد ع يده ""استحمل ياعبدالعزيز استحمل" لف لها وابتسم:اسف حبي
ابتسمت له نوف بقوه:عاتي قلبي يلا بايو (بس لفت بسرعه وكانها تذكرت شي) صح قلبي لاتنسى اليوم بنروح المول
ناظرها عبدالعزيز بهدوء:ماعليك ماني ناسي (رجع طلع الجوال وصار يناظر الصوره ابتسم بآلم وهو يشوف اغلى انسانه ع قلبه كانت رابطه شعرها الطويل قرنين ومسويه بيدينها حبتين ""ااه ياقمر سامحيني "" لف وجهه وطلع من جهه المسبح)

بـــيــت ابـوفــهـــد

دخلت قمر بعبايتها لان البنات عازمينها نزلت للارض وهي تضم ريماز وتضحك:ههههه وشلونك ياحلوه؟
ريمازه وهي تنقز:زينه
ابتسمت قمر وشالت ريماز و وقفت
طلع فهد وهو مبتسم وهو يقرب لهم:مرحبا
ابتسمت قمر بفرحه غريبه اجتاحت قلبها:مراحب
جاءت تركض مها بس وقفت باستغراب وهي تشوف قرب فهد من قمر:اهلين
لفوا كلهم بسرعه وبعد فهد وهو يوجه كلامه لريماز:تعالي يلا من تقولين ابي البقاله
ريماز باستغراب:انا لا
قاطعها فهد وهو يشليها ويطلع فيها
ابتسمت قمر بارتباك وسلمت ع مها: وشلونك؟
مها:بخير الله يسلمك انتي وشلونك؟
قمر:بخير
مها وهي تسحب يدها:يلا يلا امشي بسرعه فوق لغرفتي
اضحكت قمر ع سرعه مها:ههه طيب طيب

قــاعــه الـفــنــدق ..

وقفت سديم بخوف وبهمس لحمد اللي جنبها وهم واقفين باستقبال الناس والوافدين الاجانب سواء كانوا حريم او رجال :حمد خايفه
حمد بزهق من سديم اللي من اليوم تكرر نفس الكلمه: اف سديم والله العظيم كل شي زين ومضبوط (واشر بيده) بعد شوفي ابوك كيف مبسوط انتي بس ريحي نفسك
ضحكت سديم:هههه شكلي زهقتك
حمد بقهر:مرا
دخل بسام صديق حمد وناظر حمد اللي يضحك مع سديم باستغراب:مرحبا
حمد بابتسامه:هلا وغلا(وسلم ع بسام بحراره)
بسام وهو يخز سديم:عاش من شافك صاير ماتنشاف ابدا
حمد وهو يبتسم بخجل:اعذرني والله بس كنت مشغول تفضل تفضل حياك
هز راسه بسام وعيونه لسى ع سديم ناظرها من فوق لتحت ودخل
سديم باستغراب ""وشفيه هذا يناظر لي كذا استغفرالله""
كان حمد منزل جواله ويطقطق فيه وهو مشغول
قربت لحمد وبهدوء: حمد انت هنا ؟
رفع راسه لها بصدمه وبهمس:وجد
ناظرته بارتباك واضح وابتسمت بعلامه خوف وناظرت سديم بنظره ماتتفسر ودخلت
لف لها وصار يناظر لها بصدمه
سديم بقهر ""خير وشفيهم ذولاء اليوم يناظرون لي كذا قله ادب " لفت لحمد:حمد تعرف هذي البنت؟
حمد وهو يناظر للبنت من فوق لتحت بعلامه استحقار:ايه
استغربت سديم كيف حمد يعرف واحد تكشف وليش يناظر لها باستحقار وقالت لقافه: وش تقرب لك ؟
حمد وهو لسى عيونه عليها:طليقتي
فتحت سديم فمها بصدمه ""طلقيته هذي الظاهر اللي كان يكلمها ذاك اليوم بالمصعد غريبه تزوج وحده تكشف قدام كل هالرجال "" بس قطع افكارها صوت اللي قدامه
وقف بطوله الفارع ورزته بالبدله الرسميه السودا:انسه سديم؟
سديم اللي رفعت راسها: هلا هلا ايه
ابتسم ومد يده:انا اسمي ثامر الـ ـ ـ
ناظرت سديم يده وتنحنحت:احمم وانا سديم الراسي
ابتسم حمد لانها ماصافحت الرجل وهذا دليل ع حياءها ودينها
دخل ثامر يده بجيبه:تشرفت عموما انا حبيت ابدي اعجابي باللي سويتيه بجد كان شغل حلو
ضحكت سديم بخجل:هه تسلم هذا من ذوقك
ابتسم ثامر وناظر سديم من فوق لتحت بنظره اعجاب:العفو عن اذنك
سديم وهي تناظر له:اذنك معك (على ماراح حركت يدينها بمعنى يس)
ناظرها حمد ولف وجهه:شوي شوي لاينط فيك عرق كل هذا عشانه مدحك ؟
ناظرته سديم بطرف عينها:طبعا
حمد وهو يتلفت للناس:بس ماهو اول واحد يمدحك
سكتت سديم وماردت عليه واكتفت تناظر ردود افعال الناس .

** بــيــت ابـوفــهـــد ..

غــرفــه مــهــا
كان الضحك هو سيد الموقف وقمر مرا مبسوطه مع البنات ودخلت معهم جو وحست براحـه
نواره:ههه اقول صبايا وش رايكم نروح لمول ؟
خوله ومها بصوت واحد:هيه هههه ايه ايه
منى:فكره حلوه بس من يودينا؟
قمر ""يوه من زمان عن المولات اخر مره رحت لما شفت نور ومنيرة (ابتسمت لما جو ببالها)""
نواره:عادي مشاري والا فهد
مها:اعتقد فهد تحت بروح اقوله
منى:ايه بسرعه
نزلت مها وقالت لفهد اللي وافق ولبسوا وطلعوا

ســيــاره فــهــد
كانوا البنات يسولفون ويضحكون باصوات عاليه ماعدا قمر اللي تتامل الشوارع ومنظرها بهدوء
وقفت السياره عند الاشاره طلع فهد جواله وصار يكتب مسج وارسله لقمر
رن جوال قمر بعلامه رساله فتحتها وصارت تقراءها ""عسى ماشر وشفيك مطفشه""
ابتسمت و رفعت راسها وناظرته بالمرايه اللي بادلها هو بابتسامه وصارت تكتب ""ولاشي بالعكس مبسوطه بس قاعده اتامل بالشوارع""
فتح فهد المسج وابتسم ودخل الجوال بجيبه ومشى

دخل عبدالعزيز و وراءه نوف بعبايتها الكتف المفتوحه واكمامها المزخرفه ولثمتها اللي مبينه اكثر من انها مغطيه المول
نوف بدلع: بيبي ابيك تختار لي فستان ع ذوقك اوك؟
ناظرها وابتسم ع خفيف:حاضر

بــنــفــس الــمول
دخل فهد و وراءه البنات وهم يضحكون ويسالفون
خوله بحماس: واو شوفوا هذا الفستان ابيه ابيه
قمر:ههه اعصابك طيب
فهد:ههه امشي امشي ادخلي لايطق فيك عرق
كل البنات:هههههههه
دخلوا المحل وتفرقوا فيه وقفت خوله قدام الفستان وهي تمسكه:قمور تعالي
قربت قمر:هلا
خوله:تتوقعين بيطلع علي حلو صح؟
قمر وهي تناظر له:امم ايه بيطلع حلو
وقفت نوف بجنب خوله ومسكت نفس الفستان وهي تقول للي يشتغل:عطني مقاس سمول
ناظروا لها خوله وقمر بصدمه وعلى قله ذوقها
خوله وهي تخزها:لو سمحت ابي منه مقاس سمول
اللي يشتغل:اسف اختي مافيه الا واحد بس هذي اخر قطعه
انقهرت خوله بس ماحبت تبين ولفت وجهها:اقول قمور امشي
لفت قمر وهي تبتسم لخوله بس من سمعت صوته لفت له بسرعه وصارت تناظر له
عبدالعزيز وهو يكلم نوف:شفيك حبي؟
نوف بدلع:ولاشي بس اخذت هذا الفستان حلو صح؟
عبدالعزيز وهو يبتسم بالغصب: ايه حلو مرا
صارت قمر تناظر له بتامل هي تعرف انه ما عجبه لانه مو من ذوقه ابدا
وقف فهد وراءها: قمر؟
لفت له بسرعه وابتسمت:هلا
فهد وهو يناظر عبدالعزيز بعدين ناظرها:امشي
هزت راسها قمر ولفت تبي تتطلع من المحل وعند الباب تصادمت هي وعبدالعزيز
وقف عبدالعزيز بصدمه وبهمس: قمر؟
((يعرف عيونها بالنقاب يمزيها بين كل البنات بس من سواء فهد حركته استبعد))
رجعت خطوه ع وراء ع طول بس قبل ماتنطق وقبل ما عبدالعزيز يمشي خطوه التفت يدين حول كتوفها وصار ظهرها ع صدره ويده اليسرى ع كتفها وابتسم: مهاوي يلا امشي (وسحبها بقوه ولف فيها ومشوا)
كانت تمشي مثل اللعبه بين يدينه بس وقفت بعد مابعدوا عنه وبعدت عن فهد وسكتت ولفت له:ليش سويت كذا كنت اقدر ادبر الموقف
فهد وهو يتكتف:جد ماشفت سويتي شي وكان بلحظه بيدري انه انتي
سكتت قمر ولفت وجهها وسكتت
مها باستغراب:فهد قمر متى طلعتوا ؟
منى:خوفتونا اختفيتوا فجاه
فهد بترقيعه:ههه لا بس قمر طلعت وضيعت وناديتها بس
خوله برجه:يلا خلونا نتعشى جوعانه
نواره وهي تحط يدينها ع اذونها:وصمه ان شاء الله ليش تصارخين؟
قمر بهدوء:انا مو جوعانه
فهد بحده:كلنا بناكل وعلى حسابي بعد يلا
البنات بمزح:هييييييه
فهد:قصروا اصواتكم يا الهمج
البنات حتى قمر:هههههههه

قـــاعـــه الــفــنـدق
فضت من كل الناس ومابقى غير سديم وابوها وحمد وبعض الموظفين
رمت سديم نفسها ع احد الكراسي بتعب وارهاق: اه يا رجولي تعورني من الوقفه ااه
ابوسديم اللي واقف بعيد ويتكلم مع مجموعه من الموظفين
قعد حمد بجنب سديم ع الكرسي الثاني: ااه وانا بعد بنام نومه لما اجي البيت لين اقول بس
سديم:هههه
تقدم لهم ابوسديم وهو يبتسم صفق لهم:بصراحه اثرتوا اعجابي والكل انبسط وصار يمدح  عشان كذا بعطيكم اجازه لمده اسبوع
حمد وسديم بوقت واحد:ااااااااه
ابوسديم:هههههههههه لهدرجه تعبتوا؟
سديم بكسل:بشكل ماتتصوره يبه
هز راسه ابوسديم:طيب انا مو رايح البيت بمر عمك خالد وبنطلع مكان خلي السواق يوصلك
سديم:الله معك سلم ع عمي
ابوسديم وهو يمشي:الله يسلمك
وقف حمد:يلا قومي نطلع للمواقف
سديم وهي تاقف:يلا

. بــيـــت ابـو وســـن
غــرفــه ووســـن
كانت قاعده بنفس مكانها المعتاد ع الجدار الداخل بالشباك وصاير كانه رف لمت رجولها للبعض وتناظر شكل الاشجار وهي تتطير من الهواء والحديقه اللي فيها كل انواع الورود والانوار الصفراء الخافته رجعت خصله وراء اذنها بنعومه
الجوري وهي قاعده ع السرير وبلهجه زهق:وسن طفشت ابي اروح لامي
تنهدت وسن ورجعت تناظر المنظر
الجوري بعصبيه: اف وسن
لفت لها وسن بانزعاج وبلهجه حاده:الجوري
الجوري وهي تاقف:انا بنزل تحت
وسن بضيق:انزلي بس لاتتطولين وانتبهي لنفسك
هزت راسها الجوري وطلعت من الغرفه
اما وسن بقت زي ماهي تناظر المنظر اللي نقدر ناصفه بانه رومانسي اكثر من انه جميل وهي سرحانه باافكارها..

مــوقــف الــفـنــدق..

صاروا سديم وحمد يمشون بالمواقف الهاديه بنفس هدوءهم
طلعت سديم جوالها: الو كومار قرب السياره (سكتت شوي بعدين قالت): ايش وليش ماقلت لي قبل اف منك ايه ايه يلا(سكرت بعصبيه)
حمد باستغراب:فيه شي؟
سديم وهي تضغط بجوالها:لا بس يقول السياره خربت هذا وقتها
حمد وهو يناظر ساعته شافها 1 الا ربع: امشي اوصلك
ناظرته بعدين رجعت لجوالها:لا لا ماله داعي ادق ع ابوي الحين
حمد:طيب اجل يلا مع السلامه
سديم بخوف وهي تتلفت بالمواقف الفاضيه: مع السلامه (صارت تدق ع ابوها بس ابوها مايرد ""اف وشفيه ابوي مايرد يالليل ياربي يمه من ادق عليه ايه صح" دقت ع ساره
لقت جوالها مقفل ودقت ع ريناد لقته مشغول ودقت ع ريوف لقته مقفل صارت تدق ع ابوها وريناد بس اللي مايرد واللي مشغول فجاه حست بنور سياره يقرب بلعت ريقها ورجعت خطوه وراء
وقفت السياره وفتح الشباك: اقول امشي شكل مااحد بيجيك وشوفي كم صارت الساعه
ناظرت سديم ساعتها بعدين ناظرت جوالها بعدين ناظرت حمد وهي محتاره
ضحك حمد غصبا عنه ع حركات عيونها:ههههه امشي
ناظرته هزت راسها ودقت ع السواق وقالت له يدبر نفسه ويروح ويترك السياره وصارت تناظر السياره احتارت تركب قدام والا وراء وعيونها تدور بين البابين
حمد:هههههه سديم وشفيك اركبي قدام لاني ماراح ارضى تركبين وراء
ناظرته بعدين هزت راسها و ركبت بهدوء
حرك حمد السياره وهو مبتسم بهدوء

بــيــت ابـونــاصـــر
مـكـتـب خـالـد
ابوسديم:بس وانا اخوك خلاص انسى
ابوناصر بضيقه وهو يحرك السلسال بيده:تعبت يا محمد تعبت من النسيان تعبت اقول بنسى وماقدر انسى تعبت بس خلاص ابي ارتاح ابي بنتي
ابوسديم:طيب وانا اخوك ولا يهمك برسل رجال يدورونها ونجيبها لك
رفع راسه ابوناصر:صدق يااخوي؟
ابتسم ابوسديم له:اكيد صدق (وكانه فيه كلام بلسانه)
ابوناصر باستغراب:فيه شي؟
ابوسديم:بصراحه ايه
ابوناصر:ايش؟
ابوسديم:انت لازم تروح تراضي مرتك تراها ماتستاهل
تنهد ابوناصر: ااه محمد انا مالي خلق هواش وكلام انا تعبان والشوق والقهر ذبحوني يا محمد ادري اني الغلطان بكل هالزومعه بس ااه (تنهد وركى جسمه ع الكرسي الضخم وحرك يدينه بمعنى مالي ذنب) ماقدر احلها
ابوسديم وهو يتامل اخوه هز راسه وكانه فاهمه:حتى امي زعلانه طيب اسمع انت روح راضهم ورجع مرتك للبيت الناس صاروا يتكلمون عنك ومرا امي بعد تراها زعلانه
ابوناصر ويتنهد بصوت عالي وبقهر: وانا من يراضيني؟
ابوسديم:خالد خلاص انت تبي قمر بجيبها لك من تحت الارض انت بس عليك تراضي امي وترجع مرتك
هز راسه ابوناصر:طيب ان شاء الله

ســيــاره حـــمـــد..

وقفوا عند الاشاره ومافيه الا صوت راشد الماجد باغنيه (تحبك الناس) بصوت هادي
حمد وهو يتنهد براحه:واخيرا خلصنا هالمؤتمر
ابتسمت سديم:ايه والله
دق جوال حمد ورد:هلا يمه بالطريق نص ساعه واجي (على صوته بخوف) ايش وشلون صار كذا أي مستشفى طيب طيب انا رايح (سكر السماعه ورمى الجوال ع الكبوت القدامي اللي خلف الدريكسون وحرك الغير بقوه وزاد سرعته)
سديم بخوف:وشفيه؟
حمد بارتباك وخوف:مهند بالمستشفى
سديم وهي تشهق:وشفييه؟
حمد:مدري (لف لها) اعذريني سديم بنروح للمستشفى بعدين اوديك
سديم بسرعه:لالا وش هذا الكلام روح المستشفى اكيد

الــمــسـتــشــفـــى ..

دخلوا حمد وهو يركض ووراءه سديم وقف عند الاستقبال:مهند حمد الـ ـ ـ
الموظف:غرفه 5 الدور الثاني
هز راسه حمد وراح يركض وسديم تحاول تجاريه بسرعته دخلوا المصعد و وصلوا
ركض حمد وهو يشوف وجد(طلقيته) قرب لهم بعصبيه: وين ولدي وشفيه ؟
وجد وهي تصد عنه:مافيه شي
حمد حس وكانه فيه ميه جني براسه مسكها من معصمها بقوة وبصراخ هز كل المستشفى: لما اتكلم معك لاتلفين عني فاهمه اكيد مو فاضيه للولدك فاضيه تحضرين هالحفلات
ناظرته بصدمه وبصراخ مشابه لصراخه:مالك شغل فيني فاهم (وبعدت يده بقوه عنها)
سديم بخوف وهي تقرب:حمد هد
طلع الدكتور وبعصبيه:ايش هذا الصراخ حنا بمستشفى
حمد:وشفيه ولدي؟
الدكتور:انت ابوه

هز راسه حمد بقله صبر:ايه
الدكتور:حرارته ارتفعت بس هو بخير الحين
تنهد حمد براحه:اقدر اشوفه؟
الدكتور:اكيد
حمد وهو بيدخل بس لف وعطى وجد نظره قويه: شوفي ان دقيتي ع امي ثاني مره ماتشوفين خير (ومشى بس بسرعه لف) وايه صح مهند بيروح معي
وجد بقهر:انت واحد مريض انا كنت ادق عليك وماترد علي ايش اسوي لك ومهند ماهو رايح معك هذا ولدي مثل ماهو ولدك
عطاها نظره قويه وبحده وهو يقرب لها ورفع اصبعه بعلامه تهديد: بالبدايه سمحت لك تاخذينه بس الحين ماراح اخليك
وجد: ماراح اخليك تاخذه وبيننا المحاكم
ضحك حمد باستهزاء:دام تبين المحاكم تراك بتخسرين لانك بتتزوجين سلطان صح؟
انصدمت وجد بقوه وبقهر وهي تشد ع يدها:انت وش دراك؟
حمد:ماهو مهم كيف عرفت بس ولدي باخذه او انك ماتتزوجين
ناظرته سديم بصدمه ماتوقعت ابدا حمد بيكون نذل كذا مهما سوت طلقيته مو مفروض يسوي فيها كذا حرام
دخل حمد شوي بعدين طلع وناظر وجد من فوق لتحت وهو شايل ولده
وجد اللي بدت تبكي تمسكت بذراع حمد:حمد تكفى لاتخذه مني
حمد وهو يدف يدها بقوه:كان مفروض تعرفين تهتمين فيه قبل وتضبطين نفسك (ولف لسديم) امشي
وجد بصوت عالي وهي تبكي: الله لا يوفقك 
اما سديم ماقدر اوصف وضعها مابين مصدومه ومذهوله من قسوه حمد المفاجاه ومابين خوف ورحمه وعطف ع وجد ومابين حقد وغضب ع حمد بس اللي متاكده منه ان مهما كان غلط وجد ماتستاهل ان حمد يسوي فيها كذا ..

بـــيــــت حــلا
الــسـ5:30فـجـر ـاعــة
كانت قاعده بالحديقه وماسكه بيدها كوب نسكافيه ولافه بطانيه حول جسمها وقفت شهد تتاملها كانت نايمه عندهم تنهدت واقعدت جنبها:اقول حلو
حلا بهدوء:هلا
شهد:وش رايك نواصل للصبح ونروح نفطر باي مول؟؟
حلا بضيق: لا والله مالي خلق
شهد:الا لك خلق اصلا ماراح اخذ رايك اذا جاءت 9 بقول لامي ترسل السواق ونروح
سكتت حلا بعد ماطلقت ااه مسموعه بهدوء
ناظرتها شهد ولفت يدها حول كتوف حلا وسحبتها لحضنها
اما حلا ماعارضت ابدا ونزلت راسها ع كتف شهد بهدوء..

بـــــيـــت ابــوســدديـــم
غـــررفـــه ســديـــم

النوم جفاها لسى تفكر باللي صار وماهي قادره تستوعب قسوه حمد وضعف وجد وكيف فيه انسان يسوي كذا؟
رمت غطاءها عن جسمها بضيق وهي تتافف بصوت عالي وقفت وفتحت الشباك الكبير وغمضت عيونها وهي تحس باالهواء القوي يلفح وجهها ويطير خصلات شعرها تخيلت نفسها للحظه مكان وجد وش راح تسوي ياترى بتبكي وتدعي على حمد زي ماسوت وجد والا بتصير قويه وتسحب ولدها منه ومستحيل تخليه ياخذه؟
هزت راسها بنفي لهذي الافكار ""اااه الله لايبلاني يارب ارزقني الزوج الصالح ولاتخليني اتعذب يارب"" سكرت الشباك وراحت تتوضي وصلت الفجر وبعدها نامت ..

** البـــقـــالـــه
الــســ9:00 صـبـاحا" ـاعـة

كانت قمر زي العاده متراكيه ع الكاشير وتنتظر الزباين بس هذي المره كانت تقرا بكتاب بهتمام
ماحست باللي دخل وصار يتشتري حط الاغراض ع الكاشير وبابتسامه: روعه هذي الروايه
رفعت راسها قمر بسرعه وصارت تتامل اخوها وعزوتها ابتسمت بهدوء:جد؟
عبدالعزيز باهتمام: ايه جد والا النهايه ماراح تتوقعها ابدا
ابتسمت قمر بهدوء وهي تتامل ملامحه وملابسه كل شي فيه تغير:امم اقدر اتوقع
ابتسم عبدالعزيز وتراكى ع الجدار:يلا
قمر وهي تتعدل بجلستها ونزلت الكتاب : يطلع القااتل هو اخو انجليا (بطله الروايه) صح ؟
ضحك بصدمه:هههههه كنت قاريها صح؟
هزت راسها بلا قمر:لا (وناظرته بنظره خاصه وغامضه) بس من واقع حياتي توقعت كذا لان جرح الاخوه صعب صح؟
تعدل بوقفته وبلع ريقه وهو يحس بغصه نزل الفلوس وسحب الكيس وطلع دون مايقول أي كلمه
كان فهد يمشي للبقاله وصدم اللي قدامه باستغراب
رفع راسه عبدالعزيز وبارتباك: اسف
صار فهد يناظر عبدالعزيز وهو يركب سيارته ويمشي فيها بسرعة ""وشفيه لايكون صار لقمر شي"" دخل يركض بس تنهد براحه وهو يشوفها تقرا الكتاب
رفعت راسها قمر بهدوء:وشفيك تركض؟
فهد بسرعه:لا ولا شي الا اقول وش عنده عبدالعزيز؟
هزت كتفها قمر بعدم اهتمام وعيونها ع الكتاب: ولاشي يتشتري
صار يتاملها كيف تخفي مشاعرها بس هو صار يعرفها زين ويفهمها
قمر بارتباك من نظاراته:ليش مارحت لداومك؟
ابتسم فهد: اليوم الخميس
ابتسمت قمر باستهزاء:اسفه بس ترا ماتفرق معي لا خميس ولا غيره
ناظرها فهد بهدوء: قمر؟
ارفعت راسها:هلا
فهد:قومي بنطلع انا ومشاري والشباب للمول بنفطر امشي
قمر بضيقه:لا مالي خلق والله
فهد وهو يتقدم وتراكى ع الكاشير:قمر قلت قومي
ناظرته قمر بنظرات قويه:قلت مو رايحه
فهد:عشان البقاله؟
قمر بسرعه:ايه
فهد:طيب ابوي بيجي الحين هو كان بيطلع وراءي
تنهدت قمر وارفعت راسها بضيق وبصوت عالي شوي:اف انت وش تبي خلاص روح يعني لازم اروح معك ولدتك وناسيتك انا (تاففت بصوت عالي ورمت الكتاب وراحت لغرفتها)
ظل واقف بمكانه بصدمه وقهر حس باحراج ""الزفته من زينها عاد خلها تولي تشوف"" طلع وهو معصب و واصله معه الف ..

بـــيـــت ابـــوفـــهـــد

كان واقف ويتاملها بهدوء مع انه يدري اللي يسويه غلط واكبر غلط بعد بس مايقدر يمنع هوى قلبه من حبه مايقدر يقول لقلبه لاتحبها
كانت قاعده وتلعب ع المرجيه وجنبها ريماز وهن يضحكن بنعومه

ابتسم وهو يشوفها حاول يكرهها بس ماقدر حاول يمنع قلبه بس ماقدر لانها تملكته من هي طفله مايهمه اذا هي تحب غيره مايهمه اذا كان هذا فارس او غيره بس اللي يهمه انه يحبها
ريماز وهي تمص المصاصه اللي بيدها: مها
مها وهي مبتسمة لفت لاختها:هلا
ريماز:انا احب مشاري اكثر من فارس وانتي من تحبين اكثر؟
ضحكت مها بخجل وكان اللي موجه لها السؤال شخص غير طفل مايفهم وش يقول:ههه اقولك بس ماتعلمين احد؟
هزت راسها ريماز بسرعه وفرحه:يعني سر؟
ضحكت مها:هههه ايه سر
ريماز: والله ماقول لاحد
مها وهي تحوس بشعر ريماز:ههههههه فارس

لا صــــدمـــه مو يدري انها تحبه بس ماكان يبيها تقولها بلسانها تكون غير وجرحها غير مايبي يسمعها تقول
مها بحب:انا احب فارس
غمض عيونه بقوة وتمنى انه يقدر يسد اذونه ولا يسمع اللي قالته تمنى انه اصم عشان مايسمعها تمنى انه اعمى عشان مايشوفها تمنى انه مانولد ولا عاش بهذي الحياه تمنى يقدر يمثل البرود اللي يظهر ع ملامحه دايما يمثله بداخله ويكون ثلج من برا وداخل بس مستحيل يقدر مستحيل
ريماز بصرخه وهي توها تنتبه لوجوده وراء الشجر:مشاري (وراحت تركض له)
وقفت مها بسرعه وخوف """ياويلي لايكون سمعني بعدين هو وشلون ياقف هنا خليني اروح اتغدى فيها قبل مايتعشى فيني"" رمت الجلال عليها (لانها متعوده دايم وجود مشاري عشان دوم تحطه ع كتوفها)

ابتسم مشاري بالالم وشال ريماز:اهلين يادبا
ريماز وهي تمد بوزها:انا مو دبا حمودي دبا
مشاري:هههه
وقفت مها قرب منها وبعصبيه:هيه انت وشلون تسمح لنفسك تاقف هنا هاه؟
ناظرها بتامل وتنهد نزل ريماز ولف وجهه يبي يمشي برا البيت لانه يمكن الحين يتقدم لها ويضربها او يسوي أي شي وهو مايبي يسوي شي يخاف يندم عليه
مها بحده:مشاري
وقف وهو معطيها ظهره وغمض عيونه يعرفها ماتقول له كذا ولا تنطق اسمه بهذي الطريقه الا منقهره منه بس مالف لها ولا اول مره مها تناديه وهو يتركها
وقفت مها بصدمه لانها مو متعوده مشاري يسحب عليها ضربت برجلها الارض بقوه ودخلت البيت بعصبيه
وقف وهو يحسها راحت لف وصار يتامل مكانها الفاضي ..

تدري وش اصعب محبه بهالكون
انك تغلي واحد ما درى عنك

الــــمــــول ..
ادخلوا سلمان وفهد وسامر وهو يضحكون ويسولفون اتجهوا للمطاعم ع طول
سلمان:اقول فهد مشاري وفارس وينهم؟
فهد:مشاري كلمني تو وقال انه ماراح يجي يبي يودي اخته مشوار (وبحقد لما تذكر قمر) اما فارس يقول تعبان اقول امش ننبسط وبكيفهم
سامر:هههه ايه والله

بــنـــفــس الــمــول
دخلوا شهد وحلا وشهد بس تسولف وتتكلم اما حلا فمكتفيه بالسكوت وهي مكتفه يدينها وتتفرج ع المحلات
شهد وهي تمسك معصم حلا:اقول امشي نروح لستار بكس فوق
حلا بهدوء: يلا

الـــبـــقــالـــة ..
دخل مشاري وسلم ع عمه:اقول عمي فارس راح مع فهد ؟
ابوفهد:لا والله فارس بغرفته وشكله تعبان
مشاري باستغراب وخوف:وشفيه؟
ابوفهد:والله مدري سالته قال مافيني شي بس من صوته حستيه تعبان
هز راسه مشاري:ايه عن اذنك عمي بروح له
ابوفهد:اذنك معك

مشاري وهو يطق ع باب قمر:فارس فارس؟

غـــرفــه قـــمـــر
وقفت قمر من الفراش وعدلت شعرها وفتحت الباب ودخلت
ناظرها مشاري باستغراب ودخل وراءها:وشفيك؟
تنهدت قمر وهي ترفع راسها:ولا شي
مشاري:فارس قل لي وشفيك؟
قمر وهي تبتسم بالغصب: قلت لك ولا شي بس شويه صداع (باستغراب وهي تشوف ملامح مشاري) انت اللي وشفيك؟
تنهد مشاري بصوت مسموع ورفع عيونه لفارس وبنظره خاصه:فارس
قمر اللي بلعت ريقها حست فيه شي بيجيها : نعم
مشاري:انت عمرك حبيت ؟
قمر بصدمه: لا بس ليش؟
هز راسه مشاري وهو ضام شفايفه سكت شوي بعدين قال: ولا قد احد قالك انه يحبك؟
قمر وهي تبلع ريقها:مشاري قل وشتبي وشله هالاسئله الغريبه؟
هز راسه مشاري:صح صادق بسالك سءال مباشر (ناظر عيون قمر) تحب مها؟
ناظرته قمر بصدمه وعدم استيعاب:ايش انت مجنون انا احب مها لا مستحيل مشاري انت وشلون بس تفكر كذا ومن قالك؟
مشاري وهو يتامل قمر: هي قالت انا احب فارس
ناظرت قمر مشاري بعطف وقهر وادركت انها بدخولها حياه مشاري حطمته عرفت انها مستحيل تدوم وقت طويل الا تدمر حياه الشخص اللي قرب لها تقدمت لمشاري وناظرته وبقهر:انا اسف
ابتسم مشاري وبصوت مقهور:ليش اللي نحبه مايحبنا وليش اللي يحبنا مانحبه يافارس ليش؟
ناظرته قمر كانت فيه دمعه بتنزل بس مسكتها ع اخر شي : مشاري اسمعني ..

كان منزل راسه بقهر رفعه وصار يناظر قمر بهدوء مقهور
قمر وهي تمسك يده:قوم  نطلع من هنا
مشاري:لا فارس مايحتاج
قمر بحده:مشاري قوم (طلعوا وشافوا ابوفهد قدامهم) عمي بنطلع شوي وبرجع
ابوفهد بسرعه:خذ راحتك ياولدي
هزت راسها قمر وطلعوا هي ومشاري وركبوا سياره مشاري

الـــمــــول ..
دخلوا حلا وشهد جهت المطاعم وقعدت حلا ع اقرب طاوله:شهوده مالي خلق اقوم جيبي لي معك أي شي
هزت راسها شهد:طيب (وراحت)

بالـطاولــه الـلي جــنـبـهــم
كانوا قاعدين الشباب وهو يضحكون ومبسوطين مع ان فهد لسى مقهور بس مع كذا مبسوط
سامر:فهد قوم اطلب لنا
فهد بكسل:ههه لاوالله مالي خلق اقوم انت قوم
سامر:هههه عاد انا سوداني تعرفوني (ناظروا سامر و فهد سلمان بمعنى قوم انت)
سلمان بصوت عالي : اف منكم ياسودانين انا وش الله بلاني باصدقاء زيكم

طـــاولــه شـهــد وحــلا
رفعت راسها حلا بسرعه وهي تسمع صوته وصارت تناظر للشاب اللي وقف وهو يضحك صارت تتامله ""وشفيني صرت اسمع صوته بالناس مثلا  ياسلمان ياليتك تحس فيني"" وقفت تبي تشوف شهد بس حست نفسها صدمت شي قوي وطاحت بالارض رفعت راسها وشافت نفس الشاب صارت تتامله
سلمان بسرعه: اسف اختي
جت شهد تركض وهي تمسك حلا:حلا انتي بخير؟
سامر وهو يحط يده ع كتف سلمان:اقول سلمان انت اعمى؟
رفعوا سلمان وحلا روسهم وصاروا يناظرون بعض وسؤال واحد بس يدور ببالهم ياترى تشابه اسماء ؟
رفعت شهد حلا وهي تنزل الاكل ع الطاوله ولفت لسلمان وبحده:ثاني مره انتبه لخطواتك
ضحكوا سامر وفهد ع سلمان اللي لسى عيونه ع حلا هز راسه وهو ياقف لف وجهه وصار يمشي جسد دون روح وكانه ترك روحه عند حلا

بــنــفــس الــمــول
الـطـابـق الأول
دخلوا قمر ومشاري وهو يمشون ويتكلمون
قمر:عاد مشاري وش معنى هذا المول كان رحنا أي كافي بالطريق
مشاري:لا لا فيه كافي هنا زين
قمر وهي تصعد السلم الكهربائي ومشاري جنبها:طيب  مشاري
مشاري وهو يمشي بهدوء:خلنا نتكلم اذا قعدنا
هزت راسها قمر:طيب

طــاولــه الــشــبــاب
كان فهد وسامر يسولفون اما سلمان ماشال عيونه عن حلا""معقوله تكون هي لا اكيد مجرد تشابه اسماء بس ليش تشابه اسماء يمكن صدق هي ااه خلاص ياحلا اطلعي من راسي اطلعي ااف""

قعدوا مشاري وقمر ع اقرب طاوله ومانتبهوا لطاوله الشباب اللي مو بعيده عنهم
قمر:يلا تكلم قول اللي بقلبك
ابتسم مشاري وتنهد:وش اقولك يافارس احبها احبها بس هي ماتحبني
قمر:مشاري انا مستعده اسوي أي شي
قاطعها مشاري بسرعه:فارس انت مالك دخل (وباحساس) القلب اذا حب مايعرف من يحب واللي يهمني انك ماتبادلها الشعور (ضحك باستهزاء) يمكن تحس باللي احس فيه يمكن تحس بجرح الحب من طرف واحد
قمر بدون شعور وبحركه اخويه فقط حطت يدها ع يد مشاري وشدت عليها وناظرته وكانها تقوله ترا كل الكلام اللي بالدنيا خلص ومافيه شي اقدر اقوله لك
ناظرها مشاري وابتسم بقووه وكانه يطمنها بانه مايحتاج تقول أي شي

طــاولــه الــِشــبــاب
لف فهد وجه وتحولت ابتسامته الي ملامح صدمه وقهر وشد ع يده وهو يشوف كيف قمر ماسكه يد مشاري ويناظرون بعض ومشاري يبتسم حس بقهر حس بغيرة ""مارضت تطلع معي وهاوشتني ورضت تتطلع معه "" وقف بعصبيه وهو يمشي باتجاهم متجاهل صوت سامر اللي يناديه بس سامر ماانتبه لمشاري وقمر

بس قبل ماياصل لطاوله قمر انتبه للشخص اللي يمشي باتجاه المعاكس وناظر قمر اسرع بخطوته وحط يدينه ع كتوف قمر ولفها بسرعه وسحبها وكانه يخبيها عن الشخص اللي جاي باتجاهم

كان سامر اللي توه ينتبه لوجود قمر ومشاري ع الطاوله جنبهم ومشاري مذهولين ومصدومين من حركه فهد الغريبه واللي اشد منهم صدمه هي قمر

كانت قمر متوسعه عيونها بصدمه وذهول بس من شافت الشخص اللي تعدها عرفت انه فهد قصده يخبيها عن ابوها اللي مر ومعه مجموعه من الرجال ودخلوا مطعم بعيد
دفها فهد بقوة لدرجه انها طاحت ع الكرسي وعطاها نظره ناريه وكمل مشيه وهو طالع من جهه المطاعم بقهر
اما مشاري ركض لفارس وهو مصدوم من حركات فهد الغريبه: فيك شي؟
اما سامر لحق فهد وهو يناديه
اما سلمان اللي توه يستوعب اللي يصير وصار يناظر لهم باستغراب كان وده يتكلم او يقول أي شي لحلا بس فهد وسامر اختفوا ومشاري يكلم فارس وهو قاعد ع الكرسي حس انه فيه شي وراح يركض باتجاه فهد وسامر

اما قمر تجمعت الدموع بعيونها توها تحس انها جرحت فهد اليوم توها تحس انها لولا فهد ماوصلت لهنا توها تحس ان فهد هو الشخص الوحيد اللي يعرفها زين مع اللي سوته له اليوم ماترك ابوها يشوفها غمضت عيونها بقوة و وقفت وصارت تمشي باتجاه الحمام ومنزله راسها عشان مشاري مايشوف دموعها ومتجاهله صوت مشاري وهو يناديها

واقع [ مؤلم ] :
" أن يتمناك الجميع ....
إلا من تمنيته ! "

واقع [قاتل ] :
" أن تكون تعلم بأنك المقصود ....
ولكنّك تُجيد دور التخاذل والغْباء بـ براعَه ! "

سـيـاره سـواق شــهـــد
شهد بطفش:حلا وشفيك من صدمك الولد وانتي مو ع بعضك؟
رفعت عيونها حلا عن الشباك وناظرت شهد:سمعتي اسمه؟
شهد باستغراب:مدري مانتبهت ليش؟
حلا:قالوا له سلمان (وبامل) تتوقعين شهد هو نفسه؟
شهد بسرعه وبقهر:لا ااف حلا خلاص انسيه يعني مافيه احد اسمه سلمان الا هو يعني؟
سكتت حلا بقهر والم ""مااحد يفهم اللي فيني ماحد مافيه غيرك ياسلمان معقوله تكون انت نفسك اذا كنت انت نفسك فا انا مبسوطه لاني شفتك واذا مو انت فبعد انا مبسوطه لاني سمعت اسمك ثاني مره""

حــمــامــات الــمــول

كانت قمر بداخل الحمام وهي تبكي بقهر من نفسها بهذي اللحظه حست انها تشبه ابوها وعبدالعزيز اللي يجرحون وينسون انهم اجرحوا انسان غالي انسان يهتم فيهم كانت تمنع شهقاتها تتطلع
مشاري من برا باب الحمام وهو يطق الباب: فارس افتح فارس قلي وشفيك وليش فهد سوا كذا فارس   اف طيب رد ابي اطمئن عليك بس قول أي شي
قمر بصوت مبحوح:انا بخير رح مشاري رح
تنهد مشاري براحه وقال باصرار:لا ماراح اروح الا انت معي
قمر بصوت عالي وبصراخ: قلت روح ماابيك ولا ابي احد روح بعد عني انا خربت حياتك بما فيه الكفايه بعد عني قبل ماتتاذى ..
انصدم مشاري من كلام صديقه واخوه الصغير وبقهر:فارس انت مالك دخل بموضوعي مع مها فاهم وقلت لك (باستهزاء) القلب مجنون يحب اللي مايحبه فارس تكفى افتح الباب وخلنا نروح للبيت
مسحت قمر دموعها بقوة وفتحت الباب ع خفيف وتعدت مشاري وهي منزله راسها
تنهد مشاري وابتسم ع خفيف وطلعوا برا المول كله ..

الـــبـــحـــــر
كاان فيه اثنين مايفرق بينهم الا كم خطوه بسيطه ولو لفوا روسهم لشافوا بعض ويفكرون كلهم بنفس الشخص بس كل واحد بباله سوال غير عن الثاني

فـــهــــــد
وهو يتنهد ومكتف يدينه بقوه""جرحتيني ياقمر ااه معقوله هي تحب مشاري""

عــبــدالــعــزيــز
كان مدخل يدينه بجيوب بنطلونه""جرحتك ياقمر ادري وربي ادري ااه وينك يااختي وينك اشتقت لك بس انتظريني خلاص ياقمر مابقى الا القليل ""

الـــبـــقـالـــه
وقفت سياره مشاري ولفت قمر له:مشكور
مشاري:قلت لك خلنا نروح لبيتي بس انت رفضت
ناظرت قمر البقاله بابتساامه عريضه:انا هنا ارتاح تسلم
ابتسم مشاري:ولو ماسوينا شي حنا اخوان
ضحكت قمر ع خفيف وهي تنزل من السياره:هه صح يلا مع السلامه
مشاري:مع السلامه ..
صارت قمر تتامل سياره مشاري لين اختفت واشرت بيدها لتاكسي وركبت وهي تقول: روح البحر

الــبـــحـــــر
وقف التاكسي ونزلت قمر وهي متاكده انه موجود هنا ابتسمت ع خفيف وهي تشوفه صارت تتامله لدرجه انها مانتبهت للي قريب منه صارت تمشي له وبحركه جرئيه مرا ضمته من وراء وبهمس:اسفه
بلع ريقه فهد من حركتها يدري ان قربها منه يربكه مسك يدينها الملتفه حول خصره وبعدها عنه وكتف يدينه وسكت
ابتسمت قمر وصارت قدام وجهه وبنعومه ودلع خفيف:قلت اسفه
ماناظرها حتى كانت عيونه ع البحر بس عقله وقلبه معها
رسمت ع شفايفها ابتسامه باهته وقالت وهي تتامل وجهه:بلحظه حسيت اني جرحت (سكتت شوي بعدين قالت) جرحت انسان غالي علي
ع طول نزل عيونه عليها وصار يناظرها
هزت راسها بمعنى ايه: ايه عرفت اني جرحتك اليوم بس ماكنت اقصد صدقني كنت متضايقه وتعبت من البكي ادري مهما قلت ماكان مفروض اسوي معك كذا بس انا اسسفه فهد
ابتسم باستخفاف:اها وماشفتك عصبتي ع مشاري؟
قمر وهي تتنهد:لان مشاري كان بمشكله وكان متضايق
فهد بعصبيه:ومن متى مشاري يلجا لك طول عمره اذا صارت له مشكله يقول لي وشي اللي بينكم وانا مااعرفه؟
ناظرته قمر بقهر كان ودها تقوله بس مستحيل تقوله دام مشاري مايبي احد يدري:ماقدر
قاطعها فهد بضحكه استهزاء وهو يحرك راسه
قمر اللي ماقدرت تستحمل ونزلت دموعها ع خدودها:ليش مو مصدقني؟
فهد بلع ريقه وهو يناظر لها مايقدر يشوف دموعها بعد نظره عنها وقال:لاني شفتكم كم مره مع بعضكم وتناظرون بعض بحب
قمر بصدمه: حب
فهد بعصبيه: ايه حب
قمر:انا مااحب مشاري
فهد بدون شعور:اجل من تحبين؟
بلحظه بس كانت بتغلط وتقول انت بس تمالكت نفسها وشدت ع قبضه يدها وبهمس: ولا احد تدري اللي علي سويته وانت براحتك (لفت وجهها ومشت بقهر) ..

عــبــدالـعــزيـــززز
صحى من افكاره على
اصوات صراخ جنبه صار يناظر لشباب وهم يتهاوشون بس ماقدر يفهم ايش يقولون""مو هذا نفس الولد اللي بالبقاله الا هو ااه (تذكر لما قال له عن نهايه الكتاب) ذكرني بقمر حسسني بااني قتلت اختي حسسني بتانيب الضمير (رفع راسه لسماء) ياترى انا غلطت بحق قمر وليش يتهاوش مع هذا الشاب انا وش دخلني"" لف وجهه ومشى باتجاه سيارته بعصبية ..

بـــعــد يــومــيـــن
قمر وفهد لسى متزاعلين ولا يتكلمون مع بعض وكل واحد ينتظر الثاني يجي ويعتذر

الــبــقــالـــه
وقفت قمر وهي تلبس عبايتها ورمت الطرحه باهمال ع وجهه وطلعت بعد ماكلمت ابوفهد بانها بتروح مشوار اشرت للتاكسي وركبت وهي تحرك يدينها بارتباك:روح شركه خالد الراسي تعرفها ؟
الهندي وهو يهز راسه:ايه معلوم
تنهدت بخوف وصارت تناظر شوارع الشرقيه وتتامل السيارات والبحر ""ليت فيه احد معي يمسك يدي ويهديني (طرى ببالها فهد وابتسمت) انت الوحيد اللي تاقف معي انت الوحيد اللي يفهمني انت الوحيد اللي عرفت سري وانت الوحيد اللي جرحتك سامحني فهد احس اني من ضيقتي من فهد تسرعت باني رحت لابوي لا لا انا ماتسرعت انا بس بقوله اني ابي سلسالي ايه صح بس ""
الهندي وهو ينفخ لانه من 5 دقايق وهو يكلم قمر وهي ماترد عليه:مدام حنا فيه يوصل
رفعت راسها وصارت تناظر العماره الكبير وتقرا المكتوب فيه "شركه خالد الراسي واولاده" ابتسمت بستخفاف ومدت فلوس للهندي ونزلت
دخلت الشركه وهي متوتره حدها ودقات قلبها قويه وقفها السوكرتي وهو يقول باستغراب:نعم اختي تبين شي؟
قمر: ايه ممكن اقابل خالد الراسي
السوكرتي باستهزاء:خالد الراسي بنفسه؟
قمر اللي حست انها مو ناقصته بعد وبلهجه حاده:ايه مو ماليه عينك يعني بعد عن وجهي
السوكرتي اللي تفشل:لاماقدر اخليك تتدخلين له الا لما تقولين لي من اقوله ؟
عصبت قمر وبصوت عالي شوي:قوله بنتك قمر روح
صار يناظر باستغراب:وشفيه؟
السوكرتي وهو يركض:طال عمرك هذي البنت تبي تدخل للاستاذ خالد
لف ناصر وشاف البنت عرفها ع طول وصار يناظر قمر باستحقار وهو رافع حاجب:خلاص رح
هز راسه السوكرتي وراح
قرب ناصر من عند قمر وبحده:نعم وش تبين؟
قمر وهي تناظر له من فوق لتحت وصدت عنه:انا ابي خالد
ناصر باستهزاء:خالد (وقال وهو لسى رافع حاجبه) مو ابوك؟
قمر بقهر وبصوت عالي شوي: اف بتدخلون والا لا
صار ناصر يتلفت للموظفين اللي صاروا يناظرون لهم باستغراب لف لها وقال بحده وصوت قصير: قصري صوتك انتي هنا بشركه راقيه مو بشارع من شوارعك اللي متعوده عليها وامشي قدامي اوصلك له
حزت بخاطرها كثير كلمته بس ماحبت تبين ومشت وراءه لداخل الشركه صارت تتاملها بتمعن وهي مبهوره من جمالها دخلوا المصعد وكان سيد الموقف الهدوء انفتح المصعد ودخلوا مكتب قزاز فخم ووقف السكرتير بسرعه وهو يقول:اهلين طال عمرك
ناصر وهو يناظر قمر من فوق لتحت: ابوي موجود؟
السكرتير: ايه موجود تفضلوا (وطلع من وراء مكتبه بسرعه واتجه لباب خشبي فخم ع اطرافه مزخرفه وفتحه وهو يقول: طال عمرك الاستاذ ناصر يبيك
خالد الراسي:خله يدخل
بعد السكرتير عن الباب وهو لسى ماسكه عشان يدخلون
دخل ناصر و وراءه قمر قال ناصر: صباح الخير يبه
وقف بسرعه ومارد ع ناصر عرفها ع طول من زولها وابتسم: قمر؟
بعدت الطرحه عن وجهها وقالت وهي تحوس بفمها: ابي سلسالي
انقهر ناصر بقوه ان ابوه سحب عليه شد ع يده بقوه وسكت
خالد وهو يطلع من كتبه واتجهه لها:موجود بس تعالي اقعدي وش تبين تشربين شاهي كافي والا عصير؟
ناظرته قمر باستحقار وحده:قلت ابي سلسالي
ابتسم خالد وهز راسه:طيب طيب بس اجلسي ابي اتفاهم معك
انقهر ناصر بقوة من ضعف ابوه قدامها حس ان خالد الراسي اللي من يدخل مجلس ياقفون الرجال خوفا وطاعه تتكلم هذي كذا معه؟
تنهدت قمر وناظرته ماتحب تشوف احد يترجاها وترفض تقدمت وقعدت ع الكرسي وسكتت
ابتسم خالد وقعد ع مكتبه ودخل يده بجيبه وحط السلسال ع المكتب وماسك طرفه
جت قمر بتسحبه بس هو ماسكه رفعت حاجب:اتركه
خالد:انتي وين عايشه ؟
قمر:مالك دخل
هز راسه خالد:طيب عندك عيال؟
قمر:مالك دخل
شد ع قبضه يده خالد بقهر مو عشانها تتكلم معه كذا لا لانها ماتقوله ع حياتها رفع راسه وبلهجه تحزن:مرتاحه؟
بلعت ريقها ماتتدري ليش لما يتكلم كذا تحس بتضعف يمكن عشانه ابوها تنهدت وبهمس: ايه
هز راسه خالد وبطيبه وصوت غلب عليه الندم:هذا اهم شي صدقيني
ناظرته قمر وسحبت السلسال ووقفت بسرعه ماتبي تضعف ماتدري هو يكسر خاطرها والا تشفق عليه والا عشانها فقدته وقت طويل وتبيه؟
صدت وهي تعطيه ظهرها:لايكون ع بالك اني بترك حقي بس انا مو فاضيه الحين (قالت كلمتها ومشت دون ماتسمع رده طلعت بسرعه وركبت اول تاكسي شافته ومشت)

بـــيـــت مــشــاري
فهد وهو واقف عند الباب ويكلم مشاري:افتح انا عند الباب

الـــمــجـــلـــس
وقف مشاري:عن اذنك ثواني
قمر بتافف ""ااف هذا وشفيه جايبني من ساعه وكل شوي يقول انتظر ااف"" قطع افكارها صوت مشاري وهو يقول:تفضل تفضل حياك(عقدت حواجبها باستغراب""من اللي جاي؟؟"")
دخل فهد وكان مبتسم بس من شاف قمر عصب ولف ع مشاري واشر باصبعه ع قمر:جايبني هنا وانت تتدري اني مابي اكلم اشكاله ؟
عصبت قمر وهي تاقف وبحركه بنوتيه وهي تحرك يدها:لا عاد انا اللي بموت عشان اكلمك ولمعلوماتك بس انا ماكنت ادري انك بتجي ولو اني ادري كان ماجيت
مشاري:ههههه اعصابك فارس قسم بالله حسيتك وحده من خواتي اذا انطلقت ماسكتت
سكتت قمر بسرعه خوف ان مشاري يدري انها بنت
فهد بعصبيه:انا طالع
وقف مشاري قدام باب وبابتسامه:تكفى يافهد لاتتطلع
سكت فهد شوي بعدين قال:مشاري بعد
مشاري بنظره رجوليه وهو رافع حاجبه:قلت لك تكفى
تنهد فهد ولف وجهه وعطى قمر نظره قويه وقعد بس عشان مشاري مايندرى يمكن فيه سبب ثاني
لف مشاري لقمر:وانت اقعد
قعدت قمر وهي مكتفه يدينها وصاده وجهها عن فهد
ابتسم مشاري بحب: الحين وشفيكم عجزت افهم ليش متزاعلين (سكت شوي ينتظر رد بس يوم مالقى رد) فهد فارس حنا اخوان قسم بالله ان معزتك بقلبي ماتعرفونها (لف لفهد وابتسم ابتسامه واسعه) فهد انت اخوي وصديقي و بحياتي مافيه الا انت ونواره اختي قسم بالله يافهد لو بيصير لي أي شي اول شي افكر فيه هو انت
سكت فهد وهو يبلع ريقه وقال:انت اكثر يامشاري والله بس انا مو زعلان معك
هز راسه مشاري تاكيد لكلام فهد:ادري بس(ولف لقمر وابتسم) وفارس انت اخوي الصغير(ضحك بحب) ههه صدقني احب اهتم فيك احسك(سكت شوي بعدين قال وهو يحرك كتوفه) مدري كانك طفل ماتعرف وشلون غلاتك صح اني ماعرفتك من وقت طويل بس والله اني اعتبرك اخ وصديق (نزل راسه شوي بعدين رفعه وقال) انتوا الاثنين اخواني ومااحب اشوف اخواني متزاعلين لان مافيه اخوان يتهاوشون صح اني ماعرف انتوا ليش تهاوشتوا لانه مو مهم بالنسبه لي بس المهم اني ماشوفكم تتعدون 3 ايام وانتوا ماتتكلمون ماجبتكم هنا اليوم عشان تبررون تصرفاتكم بس جبتكم اليوم عشان نقطع وعد ع انفسنا اننا نحمي بعض مهما كانت الظروف (اشر ع يده بمعنى حطوا يدينكم)
ابتسمت قمر بقوه وجاءت بتمد يدها بس قبل مايدها تاصل يد مشاري حط فهد يده وهو يناظر لها بنظره ارعبتها بلعت ريقها بس حست بنظراتهم لها وحطت يدها فوق يد فهد
ضحك مشاري:وعد؟
فهد وقمر بصوت واحد:وعد (وبعدوا يدينهم)
مشاري وهو ياقف وحده مبسوط: اليوم عشاءكم عندي ولا ابي احد يعترض
قمر بمزح: هو فيه احد اعترض؟
مشاري:هههه يعني اقول عشان ماتعارضون يلا بروح اطلب من المطعم (وطلع)
رفعت عيونها قمر لفهد وصارت تناظر له
لف لها وناظرها بنظره ناريه:نعم؟
مدت قمر بوزها وهي تعقد حواجبها ونزلت راسها
بلع ريقه من حركتها تنهد ولف وجهه شوي بعدين قال:قمر
ناظرته قمر دون ماتقول أي شي
فهد وهو يناظر الفراغ:اسف
سكتت قمر شوي بعدين ابتسمت:وانا بعد
ناظرها وابتسم بقوه وهو يتاملها
ناظرته بحب وضحكت بخجل ونزلت راسها شوي بعدين رفعته وصارت تناظر له
وقف مشاري عند الباب وصار يناظر لهم باستغراب ""وشفيهم يناظرون لبعض كذا "" علا صوته: اكيد فقدتوني
نزلوا روسهم ع طول لانهم توهم يستوعبون وضحكوا ترقيعه للموقف وتمنوا من كل قلبهم ان مشاري مانتبه لنظراتهم اللي هم اصلا مايدرون ليش سووا كذا

بـــيـــت خــالــد الــراســـي
دخلت ام ناصر وهي لسى متضايقه
صرخت اميره: يمه (وراحت تركض لها وضمتها بقوه) اشتقت لك يمه
ابتسمت ام ناصر وهي تضم بنتها:وانا اكثر يمه
ابتسم ناصر وهو يبوس راسها وخدها ويدها:تو مانور البيت
ابتسمت لولدها وضمته:منور فيكم
دخل خالد من وراءها وابتسم
باست راسه اميره وبهدوء:وشلونك يبه ؟
خالد:بخير (ناظر اعياله)بعدوا خلونا ندخل طيب؟
بعدوا ناصر واميره وهم يضحكون
قعدوا بالصاله وقالت ام ناصر:وين نادر؟
اميره:مدري انا توني قايمه من النوم
ناصر:وانا توني جاي من الشركه
ام ناصر بصوت عالي:ريتا
جاءت تركض ريتا:نعم؟
ام ناصر:روحي نادي نادر
ريتا:نادر راح
ام ناصر باستغراب:وين؟
ريتا:مدري
هزت راسها ام ناصر:خلاص روحي
ناصر وهو يطلع جواله:انا بكلمه ..

الـــبـــقـــالـــه
دخل البقاله وهو يتلفت
ابوفهد بابتسامه:هلا حبيبي وش تبي؟
نادر بهدوء: قمر
عقد حواجبه ابوفهد باستغراب:ايش؟
كانت قمر توها طالعه من المخزن وشافت نادر ركضت له قبل مايفضحها وحطت يدينها ع كتوفه:هههه اهلين نادر وشلونك؟
ابوفهد باستغراب:تعرفه؟
قمر بسرعه:ايه ايه اخو صديقي عن اذنك عمي شوي
هز راسه ابوفهد:اذنك معك
سحبت نادر وطلعت معه برا البقاله وابتسمت:وشلونك؟
نادر بدون أي تعابير ع وجهه:بخير وانتي؟
قمر بابتسامه واسعه:بخير (وبتردد) وشلون ابوك واخوانك ؟
نادر:ابوي ليش هو مو ابوك؟
قمر:اا اا
نادر:عادي لانك انتي ماعشتي معه عشان كذا تقولين ابوك صح؟
ناظرته قمر بصدمه ""ياالله قد ايش هذا الولد ذكي كيف ماانتبوه لذكاءه هذا مفروض ينمى والله لايطلع عبقري""
نادر وهو يحرك يده قدام وجهها:وين رحتي؟
ابتسمت قمر: ولا مكان امش عازمتك ع العشاء
نادر:اوك
قمر: بس دقايق (دخلت لابوفهد واستاذنت منه وطلعت)خلني اوقف تاكسي
نادر ببرود:لا ماله داعي امشي بسيارتي
قمر بصدمه:سيارتك؟
اشر بيده ع همر بداخلها سواق
قمر:هذي يعني خاصه فيك ؟
هز راسه نادر ببرود:ايه
قمر:طيب يلا
نزل بدي قارد وفتح الباب لقمر بعدين لنادر ورجع ركب قدام
ركبت قمر بلعت ريقها بخوف وهي تشوف غير السواق واحد جنبه اللي فتح الباب كيف ضخم وشكله مخيف لفت للمرتبه الاخيره ونفس الشي رجال ضخم وشكله مرعب ناظر قمر بنظره ارعبتها ولفت وجهها بسرعه وبهمس:اقول ماتخاف تركب معهم؟
ابتسم ببساطه:عادي
تكلم السواق:طال عمرك وين تبينا نروح؟
نادر وهو يناظر لقمر:أي مطعم تبين؟
قمر وهي تفكر ابتسمت تذكرت مطعم بسيط وحلو قريب من حيها القديم:تعرف شارع - - -
السواق:ايه
قمر:روح له
نادر باستغراب:أي مطعم؟
قمر بابتسامه:ماعليك بوديك لمكان مرا حلو وبيعجبك كثير
قطع كلامها جوال نادر
نادر بذوق: ثواني(ورد)الو
صارت تتامله قمر ""حركاته اكبر من عمره هدوءه غريب ع طفل مدري بس فيه شي غريب مايبتسم الا نادرا ملامحه مدري احسها خاليه من أي تعبير طفولي "
نادر:وين وصلتي؟؟
ناظرته وابتسمت:ولا مكان من كلمك؟
نادر:ناصر اخوي
قمر:يبي شي ؟
نادر وهو يحرك كتفه بعدم اهتمام:لا بس يقول امي رجعت البيت
قمر:ليش هي وين كانت؟
نادر: ببيت جدي
سكتت قمر وحست انها زعلت عشانها جاءت ذاك اليوم: طيب تبي تروح البيت عشان تشوفها وتسلم عليها؟
نادر:لا
حست بصدمه قمر:هذي امك؟
نادر وهو يناظر الشباك وسكت دون مايرد عليها
صارت تتامله بهدوء وابتسمت مسكت يده
لف وناظرها باستغراب وناظر يده بعدين رجع ناظرها
قمر:شوف انا اختك فاهم ماراح تخسرني (ابتسمت بحب) عارفه انت وش تحس فيه تحس انك منبوذ صح تحس ان الكل تركك دون مايسال؟
توسعت عيونه بصدمه وكانه يقول كيف عرفتي سحب يده من يدها ولف وسكت بهدوء
السواق:وصلنا وين نروح
اشرت قمر بيده:شوف هذاك المطعم
هز راسه السواق ووقف استغرب وهو يشوف مطعم بسييط
قمر وهي تفتح الباب:يلا
ناظر نادر المطعم باستغراب:وش هذا المكان؟
قمر وهي تحرك راسها:مطعم؟
نادر:هذا مطعم؟
سحبته قمر:اقول انزل..

مــســتــشــفــى الانـتـمــاء
دخلت اميره واتجهت لمكتب رامي لانه طالبها طقت الباب بس مالقت رد استغربت ""وينه يمكن عند مريض خلني انتظره داخل"" فتحت الباب ودخلت شهقت وهي تشوف رامي بالارض ماعرفت ايش تسوي ركضت له وهي تحط اذنها ع صدره رفعت راسها وهي تشوف وجهه صاير ازرق صارت تضغط ع صدره بقوة : رامي اصحى (استمرت بالضغط بس مافيه أي اجابه منه نزلت دموعها بخوف اتركته وراحت تركض صارت تناظر الممرات الفاضيه حست ان حياه رامي بين يدينها رجعت تركض له ..

كان الوليد يمشي باتجاه غرفه رامي استغرب ان باب مكتبه مفتوح دخل وانصدم وهو يشوف اميره فوق رامي:وش تسوين؟
رفعت اميره راسها ووقفت:الحقني دكتور دخلت ولقيته كذا
رمى الارواق الوليد وقعد ع الارض وصار يضغط ع صدره وصرخ:روحي نادي الدكتور سعد
هزت راسها اميره وراحت تركض بشكل جنوني وجابت الدكتور سعد ...

# يــــتـــــــبـــع...