رواية أقدار~للكاتبة ضاقت أنفاسي الفصل السابع عشر 17 - بقلم BlackButterfly002

بارت 17

ناظرتهم بضياع مو مصدقه شيء !
تحس نفسها بحلم ولازم تصحى منه !
صرخت بألم لما سحبها ابو راكان بقوه خارج البيت
ناظرت عزام وباستنجاد صرخت : عمي عزااااام
بس خاب ظنها
لما اشاح بوجهه عنها !
رماها بقوه خارج البيت وبغضب : اذا شفتك عتبتي باب بيتنا اذبحك!!!!
غمضت عيونها لما قفل الباب بقوه
ناظرت الباب وهي تحت الصدمه
مو مصدقه شيء !
خلف طلق ام عمار ؟!
ليه ومتى ؟!
خلاص عبدالله طلقها بدون ذنب،!!
ليه يعاقبوها بفعل خلف !
نزلت نظرها للارض وهي تردد
وقلبها ينفطر
«اليوم الزواج »
وقفت وهي تحس بطعم الاهانه ضربها وطلقها وطردها !
بدون ذنب !
بدون ذنب!!!
حضنت يدها وهي عافسه ملامحها من الالم لما رماها عمها اصطدمت بالارض !
اخذت نفس عميق وهي تناظر السماء بزرقتها !
وقفت وهي محتاره وين تروح ؟!!!
ضاقت الدنيا بعيونها ...كلما تقول زانت حياتها تخرب !!!
وجدت نفسها تجلس على عتبة بيت ام محمد وهي تجهل الحاضر والمستقبل !
***
***
***
ابو راكان بغضب : وقسم بالله الا ادفعه الثمن غالي !!!
الحين يا ابو ماجد تشوف عمال ابغى ابني سور بيننا
وابغاه اليوم ينتهي بأقصى سرعه !
ابو ماجد بهدوء : ان شاء الله !
وبنبره لوم :قلت لكم من قبل نخلص من هالعلقه !!
وناظر عبدالله : ناوي ترجعها لذمتك
قاطعه عبدالله وللحين النار بقلبه وصوره ام عمار بذهنه : تخسى !
لو تخلص الحريم ما رجعتها لذمتي !
ام عزام بين نارين وإلي موجعها ساره ما لها ذنب وبصوت مخنوق تكلمت : ساره وش ذنبها ؟!!
عبدالله والشرار يطلع من عيونه: ذنبها انها اخته ومثل ما طلق اختي نطلق اخته !!
سلمان بملامح جامده : والعرس ؟!
ابو راكان بحزم : ما في عرس ولا زفت !
خلاص نلغي كل شيء !
وناظر عبدالله : لا تهتم بس تطلع اختك من المستشفى رح ازوجك إلي تسواهم كلهم !
ام راكان قلبها قارصها على ام عمار : خذوني لها !
ابو تالا بهدوء : يا يمه الدكتور قال انها بخير ما له داعي هالقلق !
الاهم الحين نلاقي الكلب
قاطعتهم وهي تدخل وتردح بعد ما خبرها خلف بالسالفه : ما احد كلب الا انت واخوانك !
ابو راكان وقف بغضب : صدقيني رح ييجي يوم و يتمنى الموت هالخلف !
ام راكان بغضب : الله يحرق قلبك عليه !
الله يأخذه الله
قاطعتها ام محمد بصراخ : قفلي حلقك يا ....
روحي شوفي ابنتك وش مهببه وبعدها تعالي تكلمي ليه عمل فيها كذا ؟!
عبدالله بصراخ: اختي اشرف منكم كلكم !
ما اسمح لك تفتحي فمك عليها بحرف !
والله والله لنحرق قلبك عليه !
ام محمد بانفعال : جعلك بالنار إلي تحرقك !
يا ليته صابك فال ساره وارتحنا منك !
ام راكان وهي تدفها حتى تطلع من البيت : انقلعي لا بارك الله فيك !
الحمد لله ولدي تخلص من هالبومه وطلقها وارتحنا منكم كلكم !
ام محمد بذهول وهي تناظر عبدالله : طلقتها ؟!!!
ابو راكان طالعها بكره : العين بالعين والبادي اظلم !
ام محمد بلعت صدمتها وعدلت ملامحها وهي تبتسم باستفزاز : على بالك كذا تقهر خلف لما تطلق ساره ؟!!!
مسكين ترى المويه تمشي من تحتك وانت مو داري ؟!
ومين قال لك انه خلف ناوي يزوجك اياها ؟!
مخطط للطلاق من قبل بس وفرت عليه الخطط !
سحب الفلوس إلي يبغاها منك واكتفى !
وحط في بالك الجوالات والشبكه والفلوس إلي اعطيتهم لساره اخذهم خلف !
كانت ترسلك تبغى فلوس وخلف جنبها يضحكون عليك !!
غبي اذا ظنيت ساره مهتمه لك
تراها اليد اليمنى لخلف وكانت تضحك عليك وعلى اهلك
قاطعها ابو تالا بغضب : تراني محترمك لاخر لحظه لأنك خالتي بلا
قاطعته بسخريه وتبث سمومها : مين قدك الحين بعد ما طلقها عبدالله
فضيت لك الساحه !
وتقدر تراكض خلف ساره مثل المراهقين !
عقد عبدالله حواجبه باستنكار لهذا الكلام !
ام محمد مستمره وهي تبث سمومها : تراها تضحك عليك مثل ما ضحكت على هزاع وخلته يراكض خلفها !
وحتى مناف ما خلص من ألاعيبها
جرته
قاطعها ابو راكان بصراخ : بس
الله يجيرنا من شرك ومن
قاطعته وهي متوجه للخارج : ما كذبت بكلمه وهذي ام تالا معها خبر بذي السوالف وكم مره وصلت للطلاق بينهم بسببها
ولا تنكر ترى ابو تالا خطبها من خلف
اعطتهم نظره كره وطلعت وهي تشتم فيهم !!!
***
***
***
***
بهتت ملامحه وجلس على اقرب كنبه مو مصدق هالكلام !
معقول ساره لعوب !
لذي الدرجه كان مغمض عيونه وما يشوف ألاعيبها ؟!!!
اخوانه كانوا يبغونها !
ما رح يكذب خالته لو كانت كذابه كانت انكرت ام تالا السوالف !
وابو تالا وجهه صار اسود من كلامها !
يتمنى امنيه وحده تكون قدامه
ويطلع كل حرته فيها !!،
اصعب شعور لما تكون مغفل !!!
ام راكان جلست جنبه وحطت يدها على كتفه : لا تسمع كلامها !
ترى اخوك
ابعد يدها عن كتفه بهدوء وكأن حمل الجبال على صدره : لا تبرري يا يمه !!!
ما عادت تهمني او تعنيني !
الحمد لله إلي فكنا من شرهم !
اخذ نفس وتركهم وتوجه لغرفته !
وبداخله نار ما يدري وش يطفيها !!!!!!
***
***
***

شافتها جالسه على عتبة البيت ومتكوره على نفسها : احلى احلى
اشوفك هنا ؟!
هذا إلي ناقصني ارمله ومطلقه !
الله يعيذنا من حظك النحس يا وجه البوم !
ابعدي خليني افتح الزفت !
ناظرتها ساره بصمت وابتعدت عن الباب بهدوء !!
فتحت الباب وبغضب : ادخلي نشوف وش آخر هالمهزله !
جلست على الكنبه بغضب لولا تنبيه خلف عليها انها ما تفرط بساره
كان طردتها يقول اذا لزم الامر يعطي ساره كم طراق ويأخذها للمستشفى ويشتكي على عبدالله انه ضاربها !
تنهدت من افكار خلف المجنونه !
ناظرتها وهي جالسه بهدوء وبشماته: اشوف العاشق الولهان طلقك يوم الزواج !!!
ناظرتها ساره بملامحه هاديه وما ردت ولا كأنه احد يكلمها !
تابعت بشماته : تدري تمنيت يطلقك بالزفه !
الله لا يبلانا !
لا تناظريني كذا مثل الغبيه !
وش هالبنت المتخلفه ؟!
ما ادري كيف عبدالله خطبك ؟!
متأكده انه حس نفسه تورط واستغل فرصة طلاق خلف واخته وطلقك حتى يخلص نفسه من هالورطه !
استلقت على الكنبه وهي تضحك بشماته: الصراحه تكسرين الخاطر
اتبعت كلامها بضحكات متتابعة وبخبث تكلمت : مسكينه بعدك ما شفت شيء !!!
طالعتها ساره بقلب ميت وتوجهت لغرفتها بهدوء
وكأنها بصدمه ما تدري متى تصحى منها !!!
***
***
***
عقدت حواجبها باستنكار من كلام ابوها : كيف ما في زواج ؟!
أبو سعود : اقولك الزواج إلتغى وعم ماجد طلقها !
ردت بصوت هامس : طلقها !!
وش السبب ؟!
ابو سعود هز كتوفه بنرفزه : انا وش عرفني ليه طلقها !
هذا إلي عرفته الزواج انلغى !
ام سعود بخفوت : الله يستر على بنات الناس !
ابو سعود عقد حواجبه : وش قصدك ؟!
ام سعود بتفكير : طلقها يوم الزواج اكيد في شيء كايد !
لا تنسى تراها ابنة عمه !
استغفرت عائشه بداخلها وهي تتذكر علاقة ماجد بهذي البنت !
معقول كان بينهم ش
قطعت افكارها وهي تستغفر بصوت مسموع !
تعوذت من الشيطان وقعها بالاثم !!!
ناظرت امها : يمكن اختلفوا على امور ماديه وعصب وطلقها !
للبيوت اسرار !
ام سعود هوت راسها : الله اعلم وش صار بينهم؟!!!!
اتصلي بماجد وشوفي سبب هالطلاق !
دفعها الفضول لمعرفه السبب لكن لاخر لحظه تذكرت الحديث «من حسن اسلام المرء ترك ما لا يعنيه »
شيء ما يخصها ليه تتدخل بخصوصيات الناس !!!!
وبصوت هادي : الله يصلح بينهم !
وبعدين يمه افرضي طلقني ماجد
لازم يكون على شيء مو زين ؟!
قاطعها ابو سعود بغضب : وش هالكلام ؟!
وليه يطلقك ؟!
بلعت ريقها وبتبرير : انا اقول افرض قصدي بس اعطي مثال !
ابو سعود بغضب : لعنبووو هالامثله !
هالسيره ما ابغى اسمعها ابدا !
فاهمه ؟!
هوت راسها بطاعه : ان شاء الله
تنهدت عائشه لو يدري عن اتفاقها مع ماجد على الطلاق وش رح يقول ؟!!
الله يستر من القادم !!!
***
***
***
ام راكان وهي تحضن ابنتها ودموعها على خدودها : جعل يده للكسر !!
حسبي الله عليه هالهمجي !
ام عمار وهي تبلع ريقها بصعوبه وكل شيء بجسمها يوجعها وكأنها سقطت من اعلى الجبل !
ناظرت ابوها إلي مسح دمعه نزلت من عينه غصب عنه وبصوت ضعيف تكلمت : كله منها !
ام راكان حطت يدها على شعرها : لا تتعبي نفسك ارتاحي الحين !
ام عمار ودموعها تنزل :،شعري يوجعني !
ابعدت ام راكان يدها عن شعرها : حسبي الله عليه !
جودي جالسه على الكرسي وجهها منتفخ من كثر البكاء حال امها
اوجعها ملامح وجهها مو باينه من الكدمات غير الكسور إلي سببها ابوها !
عمرها ما شافت انسان بوحشيته !
ليه يعمل فيها كذا ؟!!!
تكره ابوها من كل قلبها عمرها ما حست انه ابوها دائما يعاملهم بقسوه وعنف !!
زفرت بضيق وناظرت اختها ليان إلي ما كان حالها يختلف عنها !
ناظرت ام عمار بناتها : انا بخير يا ماما لا تخافون !
طلعت من ليان شهقه غصب عنها
وين الخير وهي تشوف حال امها !!!
***
***
***
***
فتحت عيونها بصعوبه وناظرت حولها باستغراب !
نهضت نفسها وجلست على السرير !
تنهدت براحه وهي تردد : الحمد لله حلم !!
ناظرت الساعه على الحائط 10:15ص
تذكرت الصلاه وبسرعه قفزت تصلي الفجر فاتتها الصلاه !
غسلت بصعوبه يدها توجعها اذا حركتها !
عقدت حواجبها باستغراب : وش سبب هالوجع !
فرشت السجاده ....اكملت صلاتها
وعقلها يستذكر الاحداث !
هزت راسها بالرفض حلم ليه تحس انه واقع ؟!
توجهت للشباك تناظر بيت عبدالله حتى تريح نفسها انه حلم وتخلص من هواجيسه !
رجعت للخلف خطوه بصدمه وهي تشوف عمال يشتغلون ببناء سور يفصل بينهم وبين بيت عمها !
طلعت تركض من الغرفه مو مصدقه !
ليه هذا الجدار بينهم ؟!!
وقفتها ام محمد : وجع !
علامك تراكضين مثل الناقه ؟! تظنين نفسك صغيره ؟!
قاطعهم دخول عزام بدون استئذان
وخلفه عبدالله وبنات خلف !
استغربت تواجدهم ؟!
تحس عقلها مشوش وضايعه بين الواقع والحلم ؟!!!
ام محمد بغضب : نعم مدرعمين بدون احم ولا دستور !
واشرت على عبدالله : تراك طلقتها اذا ناسي وما يجوز تشوفها !!
رجعت خطوه للخلف بصدمة مستحيييييل !
ما كانت تحلم ؟!!
هربت للنوم من البارحه حتى ترتاح من الواقع المر !
لكن الواقع واقع ومستحيل الاحلام تمحيه !
مرت احداث الامس قدامها مثل لمح البصر !
عمرها ما توقعت عبدالله يعمل فيها كذا ؟!
توقعت جاي يعتذر عن تصرفه !
ويعترف بذنبه لانها ما لها ذنب !!
عزام بجمود ناظر جدته : كلمتين وطالعين !
وطالع ساره بملامحه الجامده : سؤال ويا ليت تجاوبين بكل صدق وبدون لف ودوران !
عبدالله تقدم خطوه وملامحه غامضه ما فهمتها ساره : عزام انا إلي ابغى اسألها !
ام محمد بحقد : لا تفكر اني اوافق ترجعها لذمتك
قاطعها بسخريه : تراني ميت حتى ارجعها !
وبجديه ناظرها :كل شيء بيننا انتهى !
لكن ابغى اسألك واتأكد حتى ما اظلمك
قاطعته ساره ولاول مره وتكلمت بمراره بعد ما تيقنت انها مو بحلم : وطلاقك مو ظلم لي بدون ذنب ؟!
طالعها بجمود : هذا الموضوع انتهيت منه !
ام محمد ذبحها الفضول تعرف السؤال: خلصنا اسألها و انقلع من هنا ؟!
طالعها للحظات وبعدها ناظر ساره ولاول مره يشوفها كذا بدون حجاب شعرها طويل اسود اخذ نفس وسألها : انت اعطيتي خلف الاوراق ؟!
ناظرتهم الكل ينتظر الاجابه سكتت للحظات وبعدها نطقت بهدوء: ايه انا !
ب....
قطعت كلامها بعد الكف إلي حصلته
منه والشرار يطلع من عيونه وهو يصرخ : اخرسي
ابتسمت بألم طول فتره الخطوبه يشجعها تبدي رأيها وتبرر موقفها
ومن هذي السخافات !
ولما جاءت تبرر له الموقف سكتها بكف !
سحب يده بإحكام : اتركها يا عمي !
لا توسخ يدك فيها !
ناظرها عزام بتحسف : عمر ذيل الكلب ما انعدل !
عبدالله يحاول يفلت يده من عزام : الكلبه طلاق وقليل عليها !!
جودي تقدمت منها بكره : ليه تطعنين امي بظهرها؟!!
كذا تعاملي إلي استقبلوك بطيبه !
ليان ناظرتها بكره : حقيره !
خلي خلف ينفعك !
ام محمد بغضب : صدق قليله ادب هذا ابوك يا قليلة التربيه !
واكيد خلف رح ينفعها احسن من هالزفته
عبدالله ناظر خالته بقرف : ما رح اوسخ لساني فيك ورح احترم شيباتك !
عزام مقهور من ساره وقبل ما يطلع ناظرها : ممكن اعرف ليه عملتي كذا ؟!!
قولي انه خلف غصبك واجبرك ؟!
حتى لو اجبرك تعملين كذا ليه ما علمتي احد فينا حتى نتصرف معه !
جاوبيني ؟!
طالعته لثواني بصمت وتحركت تبغى ترجع لغرفتها ببرود كبرود الثلج !!
عزام شد قبضة يده يبغى يكسرها : وقفي يا زفته تراني اكلمك !
تراني ماسك نفسي عليك بالغصب
تقدم منها وسحبها من شعرها بقوه لما طنشته : انا اكلم الجدار ؟!
ترى دور المسكينه مو لايق عليك وانكشفت حقيقتك !
نطقت من الالم : اترك شعري !
مو قادر يغفر لها هالتصرف عمره ما شاف انذل
منها
ما قدر يمسك نفسه وبدون وعي نزل فيها طق
ما صدر منها الا صرخات مكتومه من الالم !
يضرب فيها بدون رحمه وبدون ذنب !
ما في احد يحامي عنها ويدافع !
من شدة الوجع صرخت بإسم شخص الحين تحس بمعنى فقدانه : يباااااااااااااااه يبه
رفعت نظرها لما توقف الطق
شافت عبدالله يمسك يد عزام !
معقول تحرك قلبه وحن عليها !
تكره ضعف شخصيتها لمتى هالحال ؟!
ناظرتهم واقفين فوق رأسهم يناظرونها بحده !
وجودي وليان واقفات ناظرتهم بحسافه !
تتمنى تقدر تهرب تهج وتختفي من هالدنيا !
مسحت دموعها إلي نزلت غصب عنها
تشكي من ضيم الدنيا
عبدالله بتوعد : هذي اعتبريها قرصة اذن !
يا ويلك اذا اقتربت من اهلي !
لاني ما رح ارحمك !
عزام ناظرها بحسافه : تمنيت اجي ويكون إلي سمعته كذب !
وكله تأليف خلف
قاطعته ام محمد بغضب : والله إلي رفع سبع سموات ما غصبها ولا جبرها خلف !!
لا تحطون كل شيء برقبة ولدي !
والحين انقلعوا من هنا قبل ما اتصل بالشرطه !
عبدالله بقرف: طالعين لكن بشري ولدك ما رح يتهنى !
عزام بتوعد : والله لندوسه تحت رجولنا !
ام محمد بغضب ؛ برا برا يا .....
وخلال ثواني عم الصمت المكان
طلعت ام محمد تتصل بخلف تخبره بآخر المستجدات !!!
***
***
***
***
ام عمار بكره : حسبي الله عليها وانا ظنيتها مسكينه وعلى نياتها !
ابو راكان بهدوء : اخذت عقابها ...طلاقها من عبدالله بيوم الزواج اكبر عقاب !
وش يخلصها من لسان الناس !!
ابو الوليد بنغزه : احمد ربك تخلصت من هالنسب !
ابو راكان براحه : الحمد لله !!
وان شاء الله تقوم ام عمار بالسلامه وهذا اهم شيء !
ام راكان بتعجب : وانا استغرب من سناعتها كل شيء تدخله وتنظفه
طلعت هالناقه حية !
بس كيف نلقى هالخلف ؟!
ملح وذاب ؟!!
ام عمار بكره : عساه للموت ونرتاح من شره !
وخالتي ام محمد وش وضعها ؟!
ام راكان وهي تشبر بيدينها : اعوذ بالله منها ما خلصنا منها كل شوي تطلع وتردح لنا وصوتها طالع بالشارع !
ابو الوليد : ليه ما اتصلت بمحمد وتخبره عن سواد وجه اخوه ؟!
ابو راكان بكره : لما اقول لك عيال اخوي ما غيهم فائده صدقني !
قليل الخاتمه خبرته بالموضوع بيقول انا رافع يدي عن خلف وما لي علاقه فيه !
مو بزر اركض خلفه واحل مشاكله !
بصراحه استفزني وثقلت عليه الكلام
وقفلت الخط بوجهه من حرتي !
ابو الوليد هز راسه : يعين الله !!
**
*•
•••
قفلت الخط ودخلت الصاله شافتها مكانها متكوره على نفسها كلمتها بأمر : قومي للمستشفى !
قومي بسرعه !
ناظرتها بضعف وهزت راسها بالرفض
ام محمد بإصرار :-الحين اجيب لك العبايه !
مو قادره تحرك نفسها تحس جسمها تكسر !
متأكده يدها انكسرت ضربها عزام على نفس المكان لما رماها على الارض ابو راكان !!
لاول مره تساعدها ام محمد
ركبت السياره بمساعدتها
وطالعت السواق : بسرعه حرك للمستشفى !
***
****
ابو راكان بغضب يناظر عزام : انا قلت لكم لا تروحون لها
ابو ماجد بغضب مشابه لابوه : متهورين مو قلنا اتركوها
خلصوا انفسكم الحين !
ابو راكان عض على شفته : انا الغبي إلي ظنيتها هبله وعلى نياتها ؟!
والحين فوق سوادها تشتكي على ولدي !
دخل ماجد غرفة ام عمار بفزع : إلحقوا اشتبك عمي عبدالله مع خالتي ام محمد !
وقف بفزع ابو راكان : لا حول ولا قوه الا بالله !
ام عمار بكره : حسبي الله ونعم الوكيل
!!!
**
***
***
ام محمد بردح : اذا ما نمت اليوم بالسجن
قاطعها عبدالله بغضب : انام بعد ما اذبحها هالخاينه !
سلمان مسكه بقوه : وين وين تبغى تدخل ؟!!
عبدالله يحاول يفك نفسه : اتركني اذبحها !
ام محمد بخبث : الحين الشرطي يحقق معها !
وبعدها يجركم الاثنين للسجن
مثل
قاطعها بغضب : بس !
فضحتونا لا بارك الله فيك ولا بعيالك !
وين هي الزفته ساره !
طالت وشمخت وصارت تشتكي !
عبدالله وبداخله بركان من ساره واخوانها : والله لاذبحها
**
**
**
**
ام راكان تبكي بعد ما اخذوا عبدالله وعزام للتوقيف : الله يأخذك يا ساره !!
جعلك بالساحق الماحق
قاطعتها ام عزام بصوت مخنوق على ولدها : طول وقتها تناديه عمي والحين ساحبيته للسجن !
اسيل بغضب : كله من تحت رأس جدتي !
والحل الحين ؟!!

الصمت فقط يغلفها كل يوم تطلع وتجلس امام السور تناظره وكأنها تتأمل لوحه فنيه ابدع الرسام بأبعادها
كما ابدع الجدار بحجب الرؤيه عنها !!!
تحس هالجدار شطر قلبها من النص !
تبغى تصرخ بأعلى صوتها وتنادي عمها : احبك يا عمي !
مشكلتها حبهم عشعش بقلبها كيف تنساهم بذي السهوله وتنقطع عنهم ؟!
وما تقدر تستغني عنهم !
والجدار ابعدهم عنها !
تبغى تشوفهم لو من بعيد !
حتى عبدالله
قطعت افكارها وهي تتنهد بألم ....
متأكده ايام وتنصلح كل الامور
وترجع المياه لمجاريها !
لحظة غضب ورح يبان كل شيء ويرجعون لها !
عمها يحبها ومستحيل يظلمها او يطردها من حياته للابد!!
ناظرت يدها ما زال لون الازرق يحيط ببعضها !
حمدت ربها انها ما انكسرت يدها
جسمها للحين يعورها من طق عزام !
اخر ما توقعته عزام يضربها كذا ؟!
حتى جودي وليان يشوفونها تنطق بقوه وبدون رحمه وما يدافعون عنها ؟!
لذي الدرجه كارهينها ؟!!!
زفرت بضيق وهي تسمع خالتها تنادي عليها !
تحس لسانها معقود مو قادره تنطق حرف واحد !
الصمت هو جوابها !
من بعد الحادث ما نطقت بحرف واحد !
قلبها ميت وبداخله نبضة امل ترجع الامور لمجراها !
دخلت بهدوء وهي تواجه غضب ام محمد : وبعدين مع خبالك يا مخبوله ؟!
24 ساعه مقابله هالسور ؟!
اكيد عقلك ضارب ؟!
والا تشمي ريحه الحبايب ؟!!
جلست وهي تكمل كلامها بشماته : ترى وضعك يكسر الخاطر !
ترى إلي تنتظرينه يرجعك اليوم زواجه !
وناظرت ساعتها : تراهم على وصول الزواج انتهى قبل نصف ساعه !
بهتت ملامح ساره من هالخبر إلي نزل عليها مثل الصاعقه !
مستحيل !
اكيد تكذب حتى تقهرها !
مستحيل عبدالله وعمها يتخلو عنها !!
وبسرعه توجهت لخارج البيت حتى تتأكد بنفسها !!
فتحت البوابه الرئيسية ووقفت بالشارع وتحس بضيق وقلبها يدق بقوه !
سرعان ما رجعت خطوه للخلف بعدم تصديق وهي تشوف السيارات المتوجهه لبيت ابو راكان !
تزوج !
وانتهى الزواج !!
هي اخر من تعلم !!
لذي الدرجه تكن لها بالكره خالتها اخفت عنها الامر لوقت رجوعهم
حتى تقهرها !
ما تذكر انها زعلتها بشيء حتى تكرها لذي الدرجه !!
رجعت خطوات خائبه للبيت بعد ما قررت الرجوع لبيت نادر !
وش الفائده من جلوسها هنا ؟!
تحملت خالتها وكلامها على امل يرجعها عبدالله !
خابت ظنونها !
تحس الضيق والقهر خنقها والغصه بحلقها !
ما اذنبت حتى تلقى هذا الجزاء !!!
دخلت وهي تحاول ما تظهر لها ضيقها !
ام محمد بشماته : اكيد صدقتي لما شفتي بعيونك !
تمنيت تشوفينه بالبشت وتكحلين عينك بشوفته !
ضحكت بطريقه مستفزه : عاد الحين عبدالله بأفخم الفنادق !
تدرين هذا الصح لازم من زمان طلقك تراك مو من مستواهم !
والحين اخذ وحده يتباها فيها
جمال وادب واخلاق وتعليم!
تدرين من تزوج ؟!!!!
تزوج شروق ابنة ابو الوليد إلي يكون اخوي !
اخت نورة زوجة عزام !
تدرين اخوي وش يقول عنك ؟!!
وبطريقه مستفزه : والا بلاها احطها بوجهك !
نفسها تعرف من اي طينه خلقت خالتها؟!
لذي الدرجه الاحساس معدوم عندها ؟!
وش إلي تبغى توصل له بالضبط ؟!!
يوم ضربها عزام وألزمت تأخذها للمستشفى ظنت انها تغيرت و رق قلبها بس تفاجأت اصرت عليها تروح للمستشفى حتى تشتكي على عبدالله وعزام !
كله علشان خلف !
ما تنازلوا عن عزام وعبدالله حتى اضطر ابو راكان يتنازل عن خلف !!
كل الناس مصالح !
تنرفزت من خالتها للحين ما سكتت وتقرقر فوق رأسها
خلاص ما تقدر تتحمل كلامهااكثر من كذا وبدون وعي صرخت : خلاص قفلي حلقك !
تفاجأت ام محمد رد ساره
ناظرتها وهي فاتحه عيونها بعدم تصديق
ساره تكلمها كذا ؟!!!
ساره وتتنفس بغضب :دودودودو حشى بالعه راديو ؟!!
على بالك تبغين تقهريني بقرقرتك ؟!
تراني مو سائله عن الدنيا كلها !!!
ام محمد وللحين مستوعبه انها تكلمها كذا : انت تكلميني !
ساره بقرف من هالحياه : لا الجدار إلي خلفك !،
تركتها تحت دهشتها وتوجهت للغرفه اخذت شنطة اليد
وطلعت بدون ما تناظر ام محمد إلي جالسه وفاتحه فمها بعدم تصديق !
ولما استوعبت انها ساره طالعه ومعها شنطتها صرخت بغضب : يا الحيوانه وين طالعه بهذا الوقت ؟!
طنشتها ساره وطلعت وبداخلها سكين تطعن فيها وسالفة زواجه مو قادره تنساها !
وقفت بالشارع ما تنكر خروجها بهذا الوقت غلط لوحدها بس ما تقدر تجلس دقيقه عند خالتها !
تبغى تطلع وتفرغ الكبت إلي بداخلها بعيد عنها !!
نقزت بخوف لما حست باليد إلي مسكتها : ادخلي لا بارك الله فيك !
تبغين تفضحينا !
نفضت ساره يدها بغضب وبصوت عالي : اتركيني !
ام محمد تناظر حولها : لا تفضحينا بعد سواد وجهك !
والحين طالعه بآخر الليل !
ساره بقوه ما تدري من وين حصلتها
يمكن زواج عبدالله طلعها من طورها : مو جالسه عندك دقيقه وحده !
ام محمد برجاء : تعالي نتفاهم بالداخل !
ساره بعناد : مو داخله تفهمين والا لا ؟!!!
ام محمد شافت بعض السيارات تمر وتناظرهم : فضحتينا ادخلي للصبح وباكر انقلعي وين ما بغيتي !
ساره رفعت بتهديد : وقسم بالله لو تفتحين فمك بالسالفه الا
قاطعتها ام محمد بقرف : مو فاتحه حلقي بس ادخلي !
لو بقيت منكتمه احسن لنا !
ما ادري من وين طلعلك هاللسان ؟!
ساره بسخريه وهي تدخل : طلع من حلقي !
ام محمد بكره وهي عافسه ملامحها من خلفها : يا سخفك !
كل هالغضب لانه تزوج وحده ثانيه ؟!
وبشماته :ذوقي إلي ذوقتني اياه امك ..
طنشتها ساره ودخلت وهي تحمد ربها انه خالتها رجعتها!
فكره مجنونه تطلع بهذا الوقت ؟!!!
دخلت الغرفه واستلقت على السرير بملابسها تحس رجع اصابها البرود !
تناظر السقف لدقائق وبعدها حست بدموعها الدافئه تأخذ مجراها على خديها !
مو قادره تستوعب انه عبدالله خلاص
صفحه وانطوت من حياتها !

***
***
***
***
في الصباح
جالسين ينتظرون عبدالله وعروسته !
ام راكان بفرح : الحمد لله ربنا عوض عبدالله بشروق !
ابو ماجد بحماس: نفسي اعرف رد فعل خلف لما يدري ؟!
عزام ابتسم : لو يدري انها ابنة عمي ابو الوليد العروس الا ينجلط !
ابو راكان بابتسامه : يمكن اكثر شيء يكره خلف خاله ابو الوليد !
ام راكان مطت شفتها: ام محمد متصله بابو الوليد ويقول مسحت فيه الارض انه وقف معي وصف ضدها !
ابو عزام بضيق من سيرتها : الله يجيرنا من شرها ؟!
ساره تدري انه تزوج ؟!!
ابو ماجد بتآكيد : اكيدمعها خبر !
على بالها يجلس على ذكراها !
ام ماجد بثقه : أختي رح تنسيه كل الحريم !
وبعدين عبدالله احسه كل حبه لها طار وتحول لكره بعد سواد وجهها !
ام عزام ما تدري بالرغم من توقيف عزام بالسجن بسببها بس للحين كاسره خاطرها
وتتمنى لو تقدر تأخذها تعيش عندها !
متأكده مستقبلها ضاع وخاصة بعد الكلام إلي طلع عليها بعد طلاق عبدالله لها !
البارحه كان اغلب كلام الحريم بالصالة عنها !
حتى شرفها انطعن فيه والسبب عبدالله !
حتى لو اخطأت ساره ما يصل عقابها لذي الدرجه !!
حرام عليه يطلقها بيوم الزواج !
بعمر الزهور ارمله ومطلقه !
ما تدري كيف رح تتحمل ساره كل هذا ؟!
تكلمت بغصه والدموع تلمع بعيونها : حرام عليكم تراكم ظلمتوها اكث..
قاطعتها ام عمار بكره : ظلمناها ؟!
كله من تحت راسها
ام عزام بقهر : حتى لو غلطت ما توصل لذي الدرجه يطلقها بيوم الزواج ؟!
16 سنه تترمل وتتطلق !
تراها طفله !
نسرين بعمرها افكارها طفوليه وللحين اعاملها وكأنها طفله !
بس وقفوا مع الحق تراها صغيره ما تستحق كل هالعقاب !
كل الحريم البارحه يطعنون بشرفها !!
حرام عليكم دمرتوا حياتها ومستقبلها !
نوره بسخريه لوت بوزها : هالمستقبل المبهر إلي ينتظرها ؟!!!
ابو ماجد بسخريه : لا تخافين باكر خلف يدبر لها عريس !
ابو راكان بتأييد : صادق !
لا تخافين على هالمستقبل الزاهر !
ابو عزام بهدوء : خلاص يا ام عزام !
موضوع انتهى !
صدت بضيق ليه ما احد يوقف مع الحق؟!!
قاطعهم دخول عبدالله ومعه العروس
والابتسامه شاقه الحلق !
طالعه عزام بهدوء ما يدري هالابتسامه من قلب او يمثل الراحه والفرح !
معقول كل التعلق إلي يحمله لساره اختفى بلمح البصر ؟!!!
وما عاد له اثر ؟!
***
***
***
***
تمر الايام..........
و بالرغم من التغيرات و الظروف إلي يواجهها الانسان من خير او شر
يحتم علينا الزمن التأقلم على الوضع
ونسيان الماضي او تجاهله !
حطت الفطور بروتين عادي
نادر ناظرها وابتسم بالرغم من تغيرها البسيط صار طبعها حاد شوي
وفقدت اهم شيء كانت تزين فيه ثغرها بس الظروف إلي مرت افقدتها
«الابتسامه »
انطفت ابتسامتها !!!!!
تميل للهدوء وقلة الكلام !
وخاصه بعد الكلام إلي انتشر بين الجيران عنها !
ما يدري من نشر هالكلام عنها ؟!
قرر الرحيل حتى ما يوجع قلبها بالكلام من حولها
لكنها رفضت الرحيل وهي تتكلم ببرود «إلي نشر الكلام عني حتى لو هجيت لاخر العالم رح يلحقني ويتكلم فيني خلينا هنا افضل
واخرها الناس تقفل حلقها »
مسكينه ان ظنت الناس ينسون الماضي !
مها بهدوء وبطنها بارز قليلا : غريبه للحين خلف مختفي !
نادر بسخريه ابتسم : ما عنده الشجاعه يقابل عيال عمه عارف رح يدوسونه !
والسالفه بعدها ما ماتت !
ارتشفت من كوب الشاهي وهي تتمنى يختفي خلف للابد !
ما تتوقع امتلاكها قوه لمواجهة خلف لتوبخه على افعاله !
دمر مستقبلها !!
اي مستقبل ينتظرها الحين ؟!
لابد من وقفه تعيد ترتيب حياتها من جديد !
ابتعدت عن اهل عمها ابو راكان وانقطعت اخبارهم عنها !
تحس بالبرود جهتم !
هزت رأسها بالرفض ما تشعر لجهتهم بالبرود فقط !
تشعر قلبها كره كل بيت عمها !
كرهتهم وخاصه
«عبدالله »
كل يوم قلبها يحقد عليه اكثر بعد ما استلمت ورقة الطلاق !
تناظرها كل فتره بتأمل وهي تفكر بالذنب العظيم الذي اقترفته حتى يعاقبها بهذا الشكل !!!
مرتاحه حاليا من خالتها ام محمد من بعد ما وصلتها لبيت نادر ما شافتها ولا تبغى تشوفها حاليا !
تنهدت وناظرت مها إلي تكلمها
تغصب نفسها تتكلم وتكون طبيعيه
بس من الداخل نار تكويها !
***
***
**
ناظر امه بفرح وهو يدخل الصاله : الحمد لله شروق حامل !
ما احد بسعادتي رح اكون اب !
ام راكان اطلقت زغروده : مبروك يا ولدي !
الحمد لله !
عبدالله بابتسامه بعد ما جلس : ان شاء الله تكون بنت !!
ماجد وهو مستلقي على الكنبه ويطقطق بالجوال : وتسميها ساره !
طالعه عبدالله بصدمه ما توقع يتكلم ماجد كذا !
ام راكان عفست ملامحها بقرف: تخسى ...هذا الناقص حفيدتي تكون على اسمها !
ما صدقنا نرتاح منها ومن سيرتها !
ماجد نزل الجوال وطالع عمه وهو رافع حاجب : تبغى تقنعني انك مو ندمان على طلاقها ؟!
عبدالله بملامح غامضه : ندمان اني طلقتها والا المفروض اخليها معلقه
حتى ما يستفيد خلف منها فلس واحد !
ماجد بتلاعب جاد : يعني ساره مو بقلبك الحين ؟!
عبدالله : يا سخفك !
عندي إلي تسوى العالم وما فيها
وش ابغى بوحده همجيه وعبيطه وبنفس الوقت خبيثه !!!
ماجد اعتدل جلسته بسخريه : من لما خطبتها وحنا نقول لك تراها عبيطه وغبيه وتقول عاجبيتني والحين صارت كذا ؟!
عبدالله تنرفز منه : انت مين سلطك علي ؟!!
وش تبغى بالضبط مني ؟!!!
ماجد طالعه بتحدي : ابغى اخطب ساره
شهقت ام راكان وهي تضرب يدها على صدرها !!!
دخل ابو ماجد على اخر جمله : خطبك القرد يا قليل الحياء !!!
ماجد صار وجهه ألوان ما توقع تواجد ابوه بهذي اللحظه وبسرعه نطق بتبرير : والله اطقطق على عمي عبدالله !
ناظر عمه : صح يا عمي ؟!
طالعه عبدالله بنظرات حاول تكون طبيعيه : اذا لقيت خلف روح اخطبها !
وبعدها وقف وهو يكمل كلامها : تراها طلعت من هنا
واشر على راسه : وعافها الخاطر !
وتركهم وطلع !
ابو ماجد جلس وهو يناظره بغضب : وقسم بالله لو اسمع هالكلام مره ثانيه انه
قاطعه ماجد : وقسم بالله امزح معه !
ام راكان بغضب : هذا الكلام ما فيه مزح !
ثمن كلامك قبل ما تتكلم !
ماجد مط شفته وهو طالع يهرب من نظرات ابوه : ان شاء الله
**
**
**
**
**
مها رافعه حاجب ما عجبها كلام اميره : الحمد لله غيرنا مو لاقي خيمه يسكن فيها !
اميره بتحسف : كان معكم بس بسفاهتكم ضيعتو
قاطعها نادر بضجر : ليه دوم لما تشوفوني لازم تسمعوني هالاسطوانه؟ !!
والحين وش سبب هالزياره ؟!
اميره بهدوء: يعني لما ازورك لازم يكون فيه سبب ؟!
نادر رفع حاجب : والله ما عمري شفتك زرتيني فأكيد فيه سبب لزيارتك !!
اميره بنغزه : ليه من قبل كنا نعرف اراضيك ؟!
كل يوم كنت بديره !
مها تنهي هالموضوع : وهذا حنا استقرينا هنا !
اميره طالعت ساره بضيق وبعدها تكلمت : سمعت بالأحداث إلي صارت !
ترى امي ما خبرتني بطلاقك الا قبل فتره بسيطه !
قالت لي الزواج تكنسل لانه ام عمار تعبت !
ما كنت ادري عن شيء وبعدها سافرت
نادر يقاطعها : والحين رجعتي !!!
طنشت مداخلته وهي تناظر ساره : ان شاء الله ربنا يعوضك !
وبعدها ناظرت نادر : تدري انه محمد باع بيته وامي وخلف كمان !!!
شهقت ساره بعدم تصديق : وش تقولين ؟!
اميره بتأكيد لكلامها : مثل ما اقول لك
نادر وهو عاقد حواجبه: مو تقولون خلف مختفي ؟!
اميره هزت راسها : ايه مختفي بس تواصل معه خالي ابو الوليد واتفق معه يبيع البيت وينقلع ولا يشوفونه بعدها او رح يطلعونه من تحت الارض ووقتها رح يكون الموت ارحم له !
تقول امي انه خلف رفض بالبدايه
بس اتصل عليه اخوي محمد واقنعه يبيع البيت ويبعد عنهم لانه بكلا الحالتين ما رح يقدر يرجع للبيت وبيت عمي متحلفين فيه !
وحتى خالي ابو الوليد قال له اذا ما تنازلت رح يرفع عليه قضيه تزوير
هزت كتوفها اميره : ما ادري بالضبط وش قضية التزوير هذي ....لانه عليه قضايا بلى تزوير ونصب
نادر ما اهتم لبيع البيوت : وبعدين وش صار ؟!
اميره بهدوء : اضطر يوافق خلف غصب عنه
وقبل اسبوع تمت عملية البيع !!
وبعدها اختفى خلف!
ومحمد رجع باع بيته وبعدها سافر
نادر : وامي وين الحين ؟!
اميره : جالسه عندي
قاطعتها مها باندماج: مين اشترى البيوت؟!
اميره بهدوء : خالي ابو الوليد
نادر عفس ملامحه بكره : يا كرهي لهذا الخال !
رافع خشومه للسماء !
خالي صالح الله يرحمه كنت اهضمه اكثر منه !
زاد ضيقتها بعد خبر البيع !
ما تدري وش السبب يمكن تحن لمكان عاشت فيه لسنوات او
قاطعت افكارها اميره وهي تناظرها : والحين جيت لساره في ابنة صديقتي عندها حفلة تخرج
وابغى تحضرين معي !
ساره ما لها نفس تشوف احد و برفض : ما ابغى
قاطعتها اميره بتشجيع : لازم تغيرين نفسك وما تحبسي نفسك بين هالجدران !
لا اول وحده ولا اخر وحده طلقها ولد عمها !
بعدك صغيره عيشي حياتك وانسي الماضي !
مها بتأييد : صادقة اميره لا تنكدي على نفسك
إلي باعك بيعه روحي مع اميره تغيرين جو
اميره بابتسامه ظهرت منها بعض التجاعيد : انا مو طالعه بدونها !
فكرت ساره للحظات ليه تدفن نفسها على ذكرى ناس باعوها بدون ذنب !
وبسرعه ناظرت اميره : متى طالعين ؟!
اميره بابتسامه : الحين نطلع ونلف لوقت الحفله !

***
***
***
جلست على احدى الطاولات بهدوء
وتناظر القاعه بفخامتها
كل هذا علشان حفلة تخرج ؟!!!
مطت شفتها بسخريه !
اميره تكلمها بجديه : وش رايك بالحفله والمكان؟!
ساره تعبر عن رايها ما عاد يهمها إذا الشخص المقابل اعجبه ردها او لا
او يزعل من ردها !
كل التحفظات الماضيه رمتها وتحس نفسها صارت تتكلم وما يهمها شيءوما عادت تستحي بإبداء رايها زواج عبدالله قلب حالها
ناظرت حولها بتأمل : مبالغ فيها !
ليه كل هالتكلف ؟!!!
اميره بابتسامة : يعني ما عجبتك ؟!!
ساره بعبوس: ما احب هالاماكن
او ما اعتدت دخولها !
اميره تبغى تشجعها : تدري وش قصه صاحبة هالحفله ؟!
هزت راسها بعدم المعرفه !
تابعت اميره كلامها بهدوء : هذي البنت
خطبها ولد خالها من لما كان عمرها
18 سنه !
وشرط عليهم ما يبغاها تكمل تعليمها ! وافقوا على شرطه
وجلست بالبيت حالها حال اي بنت بدون دراسه
بالرغم من عشقها للدراسه !
المهم ولد خالها قرر يكمل دراسات عليا برا !
وفعلا سافر وتركها ودوم ويتواصل مع اهله
وهي تنتظره بشوق متى يرجع !
تدرين بعد غياب 10 سنوات
ساره عقدت حواجبها : 10 سنوات دراسه ؟!
اميره وهي تشبك يدينها ببعض : طبعا لا
اكمل دراسته وقرر يأخذ خبره من هناك وتوظف !
ولما رجع هنا فسخ الخطوبه يقول يبغاها بنت صغيره ومتعلمه وحلوه !
فتحت عيونها بصدمه ساره من هالقصه !
اميره تنهدت : ضيع عمرها ودراستها وبالاخير تركها !
والحين عمرها 32سنه وتخرجت من الجامعه !
وناويه تكمل دراسات عليا !
بعد ما فسخ الخطوبه ما اعتزلت او دفنت نفسها
بالعكس على طول قدمت للجامعه
واكملت دراستها وقررت تصنع نفسها بنفسها وما تسمح لاحد يحطمها !
تابعت ساره بنظراتها البنت إلي تتكلم عنها اميره
كيف الابتسامه ما فارقتها وتنتقل بالقاعه مثل الفراشه!!!
وقفت اميره : الحين راجعه بس اسلم على صديقتي وراجعه لك !
مطت ساره شفتها اختها اميره لها صديقات ومعارف كثير
عكسها !
حست قلبها يدق بقوه لما شافت ام عمار تجلس على طاوله قريبه منها مقابل لها
ومعها جودي وشروق !
نزلت نظرها ما تبغى تشوفهم
ما قدرت تسيطر على نظراتها
وحست بوجع بقلبها لما شافت
ام راكان ونوره !
ذبحها الحنين لام راكان وام عمار
وبنفس الوقت كرهتهم كلهم !
مشاعر متضاربه بداخلها !
نزلت نظرها وهي تفكر بمستقبلها
لازم تنسى كل الماضي والأشخاص إلي كانوا فيه !
رح تبدأ بحياه جديده تصنعها بنفسها !
وما تسمح للظروف تقهرها !!
طلعت الجوال إلي اعطاها اياه عبدالله
كان اخر هديه منه
بعد ما كسر خلف جوالها !
اشغلت نفسها بالجوال حتى ما تناظرهم !

ام عمار بعدم تصديق :،شوفوا ذي ساره!
وش جابها هنا ؟!!
جودي بكره بعد الحادثه كرهتها : الله يأخذها !
ام راكان تناظرها بهدوء ما تكلمت
نوره بجعرفه : وش عرفها بذي الحفلات ؟!
حدها المطبخ !
شروق طالعتها بغيره بس ما تكلمت !
ام عمار وقفت بخبث : مين تيجي معي ؟!
واشرت بعيونها على ساره !
ام راكان بحزم : اجلسي واتركيها بحالها !
ام عمار بتوعد : مستحيل افرط بذي الفرصه !
لازم اطلع حرتي فيها !
وطالعت شروق وغمزت لها تيجي معها !
جودي تحمست وقفت وتوجهت مع امها وشروق !
وقفت قدام الطاوله وبسخريه نطقت: يقال مشغوله بالجوال ؟!
استمرت بالانشغال بالجوال وكأنه ما احد يمها !
تابعت ام عمار بسخريه : الحمد لله انه عبدالله علمك كيف تستخدمين الجوال
كسب فيك اجر !
رفعت نظرها ببرود وردت وكأنها قالب من الثلج : نعم ؟!
ام عمار باستفزاز : حبيت اطمئن عليك بعد الطلاق ؟!
مطت ساره شفتها بسخريه وهي تشوف كميه الحقد والكره إلي بعيون ام عمار ونطقت بسخريه مشابهه: فيك الخير اكثر مني !
نسيت اطمئن عليك بعد طلاقك انت الثانيه !
ترى وضعك اصعب مني
مو حلوه بالمجتمع عندها احفاد وتتطلق بعد ما طقها زوجها وطردها !
قاطعتها ام عمار بانفعال : انكتمي ولا كلمه !
روحي شوفي لك شايب تقبرينه ويكون الثالث !
ردت ساره بلامبالاه: تراه الشايب لك
مو لي !
تراني صغيره مو مثلك
قاطعتها جودي بغضب: تدرين انك قليله حياء!
اصلا مين رح يطالع بوجهك بعد سواد وجهك !
الحمد لله ربنا خلص خالي عبدالله منك باللحظه الاخيره !
ساره بقرف : عاد من زين خالك !
ام عمار تقهرها اشرت لشروق : اجلسي يا شروق تراك حامل مو زين لك الوقفه!
حست ساره بطعنه بصدرها حضرته تزوج وزوجته حامل !
عايش حياته !
وهي رماها لكلام الناس إلي ما رحمها !
جودي تغيضها : شوفي ربنا عوضه بالقمر !
ساره بطفش ناظرت ام عمار : وش المطلوب جايه لعندي ؟!
تبغين اتوسطلك عند خلف علشان يرجعك !
قاطعتها ام عمار بغضب وصوت مرتفع شوي: تخسين !
ناظرت ساره حولها وبعض الحريم يناظرون تكلمت وهي توقف : اجل بلاه هالتلزق تراك لو تموتين ما ارجعك خلف لذمته !
بسببك عاف الحريم،!
بصراحه معه حق !
وتركتهم وغادرت تبحث بعيونها عن اميره !
**
***
***
***
**
رجعت جلست ام عمار وهي مفوره من العصبيه : الكلبه وصار لها لسان !
ام راكان تلوم فيها : قلت لك لا تروحين لها !
وش عليك فيها !
خلاص كل واحد راح بحال سبيله !!!
ام عمار بغضب : لا ما انتهينا !
اجل انا اتلزق فيها علشان تتوسط لي عند خلف يرجعني ؟!!
نوره وهي تبحث بعيونها عن ساره : يا ابنة الحلال طنشيها !
الحين تلاقينها ميته بحرتها بعد ما طلقها عبدالله !
وخاصه انه طلقها بدون ذنب
جودي باعتراض :،كيف بدون ذنب والاوراق
قاطعتها نوره : تراه خالك طلقها قبل ما يدرون بسالفة الاوراق !
ام عمار بتأكيد : ايه لما طلقها عبدالله ما كنت مخبر احد بسالفة الاوراق !
ام راكان : انا ما تهمني سالفة الاوراق الاهم عندي انه ولدي ترك هالبومه وانتهينا !
ابتسمت نوره على تفكير ام راكان !
وركزت نظرها على ساره إلي جالسه بهدوء وكأنها بعالم اخر !
ما انتبهت على سوالفهم وكان كل تركيزها على ملامح ساره !
سلطت انظارها على اميره إلي اقتربت من ساره
كلمتها وجلست عندها !
تكلمت نوره ونظرها ما زال مركز عليها : احس انها تغيرت كثير !
من اول الحفله والهدوء مخيم عليها
حتى شبح ابتسامه ما صدر منها
بالرغم انها اميره عندها تضحك وهي تكلمها !
ناظروا جهة ساره يراقبون ملامحها
إلي اكتساها الحزن !
ام راكان تنهدت بوجع : والله الواحد ما عاد يعرف الصح من الغلط !
والله إلي رفع السموات لولا حظها النحس
ما سمحت لعبدالله يطلقها !
طالعتها شروق وما عجبها كلامها
نوره رفعت حاجب : ومين قال لك انه عبدالله يقبل تكون على ذمته ؟!
ام راكان هزت راسها وبنفسها تقول «بلاك ما شفت شكله لما قال له ماجد يبغى يخطبها»
ام عمار : حتى لو عبدالله ما طلقها ابوي مستحيل يقبل تبقى على ذمة عبدالله !
نوره بتأكيد : عمي ابو راكان شجعه على الطلاق قبل ما يعرف بسالفه الاوراق!
ام راكان تنهدت : الله يهدي النفوس !!!!

***
**
**
***
***
وقفت برا مع اميره للرجوع واستغربت الضيق على وجه اميره وهي تتكلم بالجوال !
قفلت الخط وناظرت ساره : السواق يقول السياره
بنشر عجلها !
ساره بهدوء: والحين ؟!
اميره هزت كتوفها : والله ما ادري !
خليني اشوف سياره اجره او شيء !
وتركتها وراحت !
تنهدت بلامبالاه وتكتفت وهي تناظر للبعيد !
ما توقعت تشوفهم اليوم بالحفله ! تفاجأت بنظرات الحقد والكره منهم
كل هذا علشان الاوراق ؟!
للحين ما تدري وش سالفة هالاوراق إلي عملوا عليها بلبله وفضايح !!!
استغربت من الصوت إلي يكلمها !!
لحظه هالصوت تعرفه ؟!
كيف ما تعرفه وللحين صوته يرن بإذنها «انت طالق»
إلتفتت له وهي عابسه ملامحها
وش يبغى واقف عندها !!
عبدالله بسخريه : اووووه سوري ظنيتك شغاله هنا كنت ابغ
قطع كلامه لما تركته وابتعدت عنه !
تبعها ووقف وتكلم بجديه فيها نبره غاضبه : وش تعملين هنا وحدك ؟!!
طالعته بنظرات كره ...عمرها ما كرهت انسان مثله ...كل ذرة محبه حملتها له تحولت لكره !
والحين جاي يتدخل فيها ؟!
ردت بحده : ما يخصك !!
وانقلع من هنا قبل ما ألم عليك الناس !
عبدالله ضحك بسخريه : لا لا ما اصدق هذي ساره ؟!
الظاهر الدوره إلي سجلتي فيها استفدتي منها وصار لك لسان ؟!
او انكشفت حقيقتك !!
اعطاها نظرات ناريه لما شافها مطنشيته اكره ما عليه احد يطنشه : تراني اكلمك وش تعملين هنا ؟!
قاطعتهم اميره وهي تقترب وبضيق من رؤية عبدالله : ساره !
التفت عبدالله عليها وكلمها بإحترام يحس اميره غير عن اخوانها مثقفه ولا كأنها اخت لهم : هلا كيف حالك ؟!
اميره بهدوء : بخير الحمد لله !
وطالعت ساره : تعالي
وقفت سياره اجره !
قاطعها عبدالله بنخوه : والله ما تركبون سياره اجره وانا موجود !
اميره طالعت ساره إلي عبست ملامحها : مشكور
ما نبغى نعطلك
والحين اسمح لنا !
عبدالله بحزم : تراني حلفت !
والله ما ارضى بنت العم تركب بسياره اجره وانا موجود !
اميره انحرجت منه بس مستحيل تحرج ساره وهي تعرف الوضع : الله يجزيك الخير !
اعذرنا
قاطعها بحزم : قلت والله ما تركبون الا معي!
طالعته ساره بكره ابو النخوه
شهامته ما تسمح له ابنة عمه تركب سياره اجره !
اما هي سمح للي يسوى وما يسوى يتكلم عليها !
عمرها ما شافت انسان كذاب ومخادع مثله !
طالعت اميره : أنا راجعه بسياره الاجره !
وقفت بعد صرخته : انت ما تستحين على وجهك !
وقسم بالله احترام لاميره والا كان تصرفت معك
قاطعته بغضب : ومين حضرتك حتى تتصرف معي؟!!!
تراك آخذ بنفسك مقلب !
واذا فيك خير قرب من جهتي !
اعطته نظرة حقد وتوجهت للشارع الرئيسي وهي تحس بداخلها بركان وخلفها اميره
تحاول تجاري خطواتها السريعه !!
اول ما وقفت سياره اجره ركبت وجنبها اميره إلي اول ما ركبت ما قدرت تكتم ضحكتها : اخص يالقويه !
زفرت ساره بضيق : من جدك تبغين اركب معه ؟!
اميره بابتسامة : تبغين الصراحه اي!
بغيت تركبين وتمسحين فيه الارض
وتعطيه كم طراق يبرد حرتك فيه !
فتحت ساره عيونها باستنكار : اضربه !!
اميره بحماس : و اكسري راسه بعد !
بس كخطوه اولى حلو انك ما سكت له ولا لاهله !
خلاص انسي الماضي وعيشي يومك بدون حزن ونكد !
المشكلة اني مو مستقره هنا كان اخذتك عندي بس
قاطعتها ساره بهدوء : مرتاحه عند نادر !
**
**
**
**
**
جالس بالحديقة متربع على العشب وعابس ملامحه بغضب
تكلم وهو يشد على قبضة يده بقهر : انا تكسر كلامي ؟!
عزام وهو يشرب من العصير : يا عمي ترى ما لك كلمه عليها !
بس انا مستغرب من كلامكم
معقول ساره إلي تتكلمون عنها ؟!!!
عبدالله هز رأسه بقهر : ايه ساره
اخخخ لو شفتها تناظرني وكأني اكلت حلالها !
يرحم ايام تخجل ترفع عيونها وتناظرني !
والحين تفرعنت !
حتى شروق كلمتني بالأمور إلي صارت بالحفله وكيف كلمت ام عمار !
تصدق تقول عني «من زيني؟!!» تتمسخر علي هالناقه ؟!
والله وصار لها لسان !!
وطلعت على حقيقتها !
وانا الغبي إلي اخترتها على اساس انها بسه مغمضه
طلعت لبوه اعوذ بالله منها !!!
ضحك عزام وهو يناظره : الحين صارت ناقه ؟!
يرحم ايام زمان !
تنهد عبدالله بضيق : كنت مغفل !
عزام بهدوء : طلعها يا عمي من راسك !
خلاص انت تزوجت وزوجتك حامل ما شاء الله عليها مو ناقصها شيء!
عبدالله تنرفز : شايفني طول وقتي افكر فيها ؟!
اصلا اذا موجوده بالعالم مو داري عنها !
وحتى موقف اليوم كلمتها حتى اقهرها وابرد حرتي فيها !
سكت للحظات وبعدها نطق بتردد : ما ادري احسها حزينه والبشاشه والفرح إلي كان دائما مرسوم بملامحها انطفى !
وكأنه كل هموم الدنيا فوق راسها ؟!!!
بس تدري احسن من هالحال واردى ان شاء الله !
للحين ما طلعت حرتي فيها !
عزام بابتسامة جانبيه على عبدالله إلي للحين مشاعره متلخبطه
يحسه يحن لها وبنفس الوقت مو طايقها !
مشاعره متضاربه نحوها .......
***
***
***
***
كالعاده اذا كملت الواجبات المدرسيه
تجلس بالصاله وتطالع اي كتاب تقع يدها عليه
تحب المطالعه بمجالات مختلفه
والحين جالسه تطالع كتاب عن البلاغه العربيه
تنهدت عقلها مشوش من الخبر إلي سمعته !
كيف يسافر ويتركها بدون ما يرسل ورقة الطلاق ؟!
فاهمه حركته الانتقاميه يغيب كم سنه
وبعدها لما يرجع يطلقها !
بس مو فارقه معها اهم شيء دراستها ويبعد من وجهها !
متأكده من حركته هذي !
كل اوراقه مكشوفه بالنسبة لها!
جلست ام سعود عندها وتكلمت بضيق : ترى ابوك معصب بعد سفر ماجد !!
عائشه عقدت حواجبها وهي تقفل الكتاب : ليه معصب؟!!
ام سعود : يقول مو ولد عمك علشان يملك عليك وينقلع !
عائشه ببرود : ذيك المحكمه يروح ويطلقني واكون له من الشاكرين !
ام سعود بغيض من برودها : انتبهي تتكلمين كذا قدام ابوك تراه واصله معه !
وبعدين خطيبك منقلع كم سنه والله اعلم متى يرجع ؟!
تراني ما ارتاح للرجال إلي يسافرون برا !
عائشه بملل : يعني وش الحل ؟!
نركض خلفه ونرتجيه حتى ما يسافر ويرجع ؟!!!
وقفت ام سعود بغضب: يا برود اعصابك !
حتى ما كلف نفسه ييجي ويودعك قبل ما ينقلع !
على وش شايف نفسه ؟!
ما كذب أبوك ولا بكلمه لما كان يشكي منه !
صدق انه غثيث وما ينبلع !
ورافع خشومه بالسماء،!
لكن هين اذا ما فسخت هالخطوبه ما اكون ام سعود !
ابتسمت بفرح عائشه امها بصفها ضد ماجدوووووو !!!

***
***
***
استغربت من الدق على الباب بقوه
طالعت مها : مين يجينا هالحزه ؟!
مها بنفس الاستغراب : يمكن احد يبغى نادر !
روحي شوفي
هزت راسها وطلعت وتوجهت للباب وفتحته وهي تقول : مين ؟!
بعد ما فتحت عفست ملامحها وش جابها الحين ؟!
وبدون نفس تكلمت : نعم ؟!!!
بغت تقول لها يا جعل النعامه ترفسك بس مسكت لسانها لاخر لحظه وبتمثيل متقن تكلمت بفزع : ساره إلحقيني
ساره حست قلبها وقع من طريقتها : وش فيه ؟!!!
ام محمد بفزع : ما في وقت تعالي بسرعه
اشرح لك على الطريق !
احتارت ساره بس طريقة خالتها دفعتها تدخل بسرعه تعطي مها خبر انها طالعه مع خالتها !
طلعت تفكر وش إلي صار و افزع خالتها بهذا الشكل ؟!
معقول ابو راكان اصابه شيء ؟!
او خلف او
مو قادره تسألها خايفه تسمع شيء
يكون القاضيه لانها تتوقع ما رح تقدر تستحمل صدمات اكثر من كذا !!!!
استغربت ساره لما وقفت السياره بمنطقه خاليه ناظرت خالتها بعدم فهم !!
ليه هي هنا ؟!!!
ام محمد بخبث : انزلي افهمك السالفه
واشرت على سياره وقفت خلفهم !
نزلت ساره لما شافت خالتها نزلت
عقدت حواجبها لما شافته نزل من السياره !!!
حست قلبها توقف وش جابه الحين ؟!!!
اقترب منهم بهدوء
ام محمد ناظرته : انا انتهت مهمتي
ما عندي وقت طيارتي ما بقى عليها شيء !!!
طالعتها بصدمه مو فاهمه شيء
تبغى تمسك خالتها وتوقفها كيف تتركها هنا وتغادر بكل بساطه !
وليه هي هنا ؟!
بس عجزت الحروف تطلع بحضوره !
ما تدري ليه لسانها ينعقد بوجوده !
تكلم بطيبه مو لايقه عليه ولا تناسبه : تعالي اركبي معي وافهمك السالفه !
ما ترك لها المجال تعترض وسحبها معه للسياره !
حرك السياره وتكلم بهدوء لا يليق بشخصيته الهمجيه: انا اسف
ادري وصلك اذى بسببي !
بس لا تتحسفي على ناس عاقبوك بذنب غيرك !
انا من بعد الحادثه انتقلت لقريه اعيش فيها بعيد عن شر عيال عمي !
خلاص نويت ابدأ حياه جديده
بعيده كل البعد عن النصب والاحتيال !
انا تعلمت درس من هالحياه !
نويت استقيم وارجع كل حقوق الناس إلي اكلتها بدون حق
واولهم انت !!
طالعت الطريق وهي تستمع لكلامه إلي مو قادره تستوعبه !
اكمل برجاء : سامحيني يا ساره
ابغى اعيش وبالي مرتاح ما احد زعلان علي !
ناظرته مو مصدقه خلف يتغير ؟!!!
وش صاير بالدنيا !
ما تدري رق قلبها غصب عنها !
بس اكتفت بالسكوت !
تابع كلامه : ابغى تسامحيني على شيء ثاني بعد ما اخبرك فيه !
ويا ليت ما تسودي وجهي !
تراني تكلمت بالنيابه عنك
!
طالعته مو فاهمه شيء !
استرق النظر لها يشوف رد فعلها لكلامه ورجع يركز على الطريق !
لما قارب على الوصول تكلم : بعد ما تبت وجيت هنا
وقررت ابعد عن اهلي وكل معارفي حتى ما احد يعيرني بالماضي !
عشت براحه هنا من طيبة قلوب هالناس !
كان بالقرية رجال فاقد عقله يدور بالدنيا ما يدري عن نفسه ! يبغى احد يتحمله ويهتم فيه !
كسر خاطري هالرجال !
امه وابوه مو عايشين !
امه انجبته وهي كبيره بالعمر ولما ولدته اصابه نقص اكسجين
وطلع عقله ناقص
يعني بين قوسين «مجنون»
بس الشهاده لله تراه طيب وحبوب
بس عقله طاير !
ناظرته بعد ما وقف عند بيت متوسط الحال نطقت بعد ما شجعت نفسها : جايبني من البيت علشان تقول قصة حياته
قاطعها : جبتك لبيت زوجك !
طالعته بصدمه تحس نفسها بحلم
اكيد جالس يمزح معها !!
من بعد عبدالله عافت الرجال و الحياه كلها !
اكمل كلامه متجاهل ملامحها المصدومه : قلت لك كسر خاطري
وبلحظه تسرع كان اهل القريه مجتمعين قلت لهم
اني رح ازوجه لاختي على سنة الله ورسوله ونكسب فيه اجر
قاطعته بغضب لاول مره خلاص فاض المر على المرار وبصراخ : رجعني للبيت!
خلف احتد ملامحه بغضب : لا تتكلمي كذا احسن ما اعدل لك ملامحك !
تفهمين والالا !
والحين انزلي احسن ما اجرك من شعرك !
ناظرته بتحدي غاضب : ما رح انزل
قطع كلامه وهو ينزل من السياره
ويفتح الباب من جهتها !
حست نفسها رح تعملها على نفسها لما فتح الباب من جهتها !
سحبها بقوه وهو يهمس بفحيح : لا تجبريني ادفنك هنا !
سحبها للبيت واول ما دخل نفضها بقوه : تراني زوجتك وانتهى الموضوع !
كوني هاديه ومطيعه حتى ما اطلع جنوني عليك
طالعته بكره دوبه يروي قصص عن توبته وانه تغير !
صدق المثل عمر الكلب ما انعدل ذيله !
عضت شفتها بقهر من الغباء المطقع إلي هي فيه !
بسرعه رق قلبها وصدقته !
لمتى يفهم قلبها انها هالدنيا ما فيها طيبه !!!
طالعها بأمر : الحين رتبي المكان وجهزي الاكل لزوجك
مسكين تراه داير على راسه ما يدري عن نفسه !
ساره خلاص ما تقدر تتحمل اكثر من كذا
إلي تشوفه اكبر من طاقة تحملها !
يا شماتة الناس فيها !
تتزوج مجنون !!
غمضت عيونها بقهر وهي تتخيل شكل عبدالله لما يسمع انها تزوجت مجنون وش رد فعله !
هو تزوج مثقفه وحلوه وبنت حسب ونسب !
وهي تتزوج مجنون داير بالشوارع ما يدري عن هوى داره
وبكل غضب اجتمع بداخلها صرخت : مو على كيفك !!
اكيد عند هالمجنون كم ورثه تبغى تبلعهم !!!
خلف بهمس حاد : انكتمي !
وباستفزاز : ايه عنده ارض وابغى استثمرها !
وضحك بصوت عالي وهو يرسم احلام على ذي الارض !!!!

مجتمعين بالمجلس بعد ما سمع عن المشكله و يبغى يصلح الوضع تكلم بهدوء بعد ما وضع فنجان القهوه،: انا دخلت عليكم وان شاء الله ما تردوني خايب !
ابو راكان باستغراب من طلب صديقه وش يبغى منهم : اشرب قهوتك وبإذن الله ما تطلع الا وإنت راضي !
ابو علي ناظر الموجودين : انا سمعت بالمشكله إلي حصلت بينكم !
ووصلني خبر من قريب انه عبدالله طلق زوجته لانه خلف طلق زوجته !
ترى الظلم ظلمات يوم القيامه ...البنت ما لها ذنب بأفعال اخوها وكلنا نعرف خلف وتصرفاته إلي تسود الوجه !
وكثير بنات بهذا المجتمع وقع عليهم الظلم من هذي الناحيه !
طلقت اختي اطلق اختك !
ضربت اختي اضرب اختك !
تصرفات جاهله وما تمد صله للعقل !!
طيب وش ذنب هالاخت؟!
كم حرمه بالمجتمع تطلقت لانه اخوها طلق اخت زوجها !!!
هنا يقع الظلم ولا بد نرفعه !
وانا الحين جاي علشان كذا !
اخت خلف ما لها علاقه بالموضوع ليه تتطلق ؟!!!
وتراها ابنة اخوك واكيد ما تقبل عليها الشينه !
ترى الناس ما رحمتها وحطت فيها الشينه !
اتمنى ما تردني يا ابو راكان وترجع هالبنت لذمة عبدالله !
ابو راكان رفض الفكره بطريقه ملتويه :،بس عبدالله تزوج وزوجته الحين حامل !!!
ابو علي ببساطه : وش فيها متزوج ؟!
تراه لا اول واحد ولا اخر واحد عنده زوجتين !!!
اهم شيء يعدل بينهم وانتهى الموضوع !!
ابو ماجد احتقن وجهه مو عاجبه هالكلام : ما اتوقع زوجته تقبل فيها !
ابو علي : من متى الحريم يشورون على الرجال متى ما بغى يتزوج !!!
ابو ماجد اعطى لعبدالله اشاره بعيونه ينهي هالموضوع !
ابو علي ناظر عبدالله بجديه : وش قلت يا عبدالله !
تراها ابنة عمك وانت اولى فيها !
واذا ارجعتها تكف ألسنة الناس عنها !!
دخل وهو يسمع حديثهم ورد السلام بصوت مسموع : السلام عليكم !
سلم على ابو علي وتوجه وجلس جنب ابوه بهدوء ينقل لهم الخبر إلي سمعهم قبل لحظات !!
ابو علي متحمس للصلح : نقول على بركة الله ونرجع البنت لذمتك !
نطق عزام وهو يناظر ابو علي باحترام : جيت متأخر يا عم !
طالعه ابو علي والموجودين بعدم فهم !!
كمل كلامه بهدوء،: تراها البنت تزوجت والبارحه كانت ملكتها !!!!
عم المجلس الصدمه من الخبر !!!
ابو راكان واثار الصدمه مرسومه على ملامحه : تزوجت ؟!
ومن إلي تزوجها ؟!
عزام هز رأسه بالنفي : والله ما ادري بس جدتي اتصلت بعمي ابو الوليد وخبرته !!!
تكلم ابو علي باحراج جاي يرجع البنت وهي متزوجه على ذمة رجال ثاني : الله يوفقها .....واسمحوا لي !
ابو راكان : وين مستعجل
قاطعه ابو علي وهو يهم بالمغادره : عندي شغل لفوق رأسي
مره ثانيه ان شاء الله !
استاذن وطلع !!!
دقائق وعم المكان من ضحكات سلمان المرتفعه : جاي يرجعها !!!
وانسدح على بطنه من الضحك !
ابو راكان طالعه وهو عافس ملامحه : الحمد لله والشكر على نعمة العقل ؟!
على وش يضحك هالغبي !
ابو ماجد بقهر : صار مزوجها هالحيوان !
الله اعلم كم بلع من هالمهر !
ابو عزام بهدوء : وش علينا منهم ؟!
يزوجها يطلقها بستين داهيه !
ابو تالا بقهر : نفسي هالخلف ادوسه تحت رجليني !
طالعه عبدالله بنظرات وكأنه يقول له ما كذبت خالتي لما قالت انك تبغاها !!
وقف ابو تالا بعد نظرات عبدالله وطلع من المجلس،!
ابو ماجد بغبن من عبدالله : وانت ساكت والرجال يتكلم !
بدل ما تقول ما ابغاها وتسكته اشوفك سكتت
وكأنه كلامه جاز لك !
عبدالله وملامحه منتفخه من الغضب : ايه جازت لي وما احد يتدخل بحياتي !
وتركهم وطلع !
ابو ماجد بغضب : انا رح يقهرني هالولد بالغباء إلي معشش بعقله !
متأكد لو يقول له خلف تعال تزوجها الا يركض ويبيعنا كلنا !
ابو راكان بهدوء : اتركه !
رد فعله عادي ..اي واحد لما يسمع انه زوجته تزوجت يصيبه كذا !
خلاص قفل على الموضوع !
وانتهينااااااا

السلام عليكم ....اتمنى الجميع بخير : )
اشكركم على ردودكم وتواجدكم الجميل ....تبالنسبة للروايات إلي كتبتها بس 3
طفولتي المشتتة
بديت انساك يا لون السعاده
واقدار
اتمنى منكم المتابعه والدعم بالتعليق بعد كل بارت ..
***
***
**
يتبع بارت 17
•••
•••
•••
•••

غمضت عيونها بقهر وهي تتخيل شكل عبدالله لما يسمع انها تزوجت مجنون وش رد فعله !
هو تزوج مثقفه وحلوه وبنت حسب ونسب !
وهي تتزوج مجنون داير بالشوارع ما يدري عن هوى داره
وبكل غضب اجتمع بداخلها صرخت : مو على كيفك !!
اكيد عند هالمجنون كم ورثه تبغى تبلعهم !!!
خلف بهمس حاد : انكتمي !
وباستفزاز : ايه عنده ارض وابغى استثمرها !
وضحك بصوت عالي وهو يرسم احلام على ذي الارض !!!!!
وقفت ساره مو قادره تعبر عن القهر إلي بداخلها
تبغى تصرخ بأعلى صوتها وتنفس من قهرها !
كيف تطلع القهر والكبت من تسلط خلف والتحكم بحياتها على كيفه !
لمتى هالحال ؟!
حاولت تستجمع قوتها إلي تلاشت مجرد النظر بعيون خلف !!
تحركت خطوات ظاهرها الثقه ومن داخلها قلبها يتراقص من الخوف !
رفع حاجب وهو يشوفها ناويه تطلع !
تركها حتى تجاوزته خطوتين
وسرعان ما إلتف وسحبها بقوه
من إثرها سقطت على الارض بقوه !
وسرعان ما تقدم ورفعها من كتفها لمستواه وبفحيح مثل الافعى : عيدي هالحركه وشوفي وش رح يصير !
نطقت بضعف: هالزواج مستحيل يتم !
استقرت كفه على خدها وبغضب : مو على كيفك!!
انا احدد متى ينتهي هالزواج ؟!!
لا تخافين بعد ما تخلص مصلحتي
اطلقك وازوجك واحد عاقل !
وبسخريه : اذا بقى هالمجنون عايش من حظك النحس !
همست والغصه بحلقها وهي تشوف نفسها لعبه يحركها خلف على كيفه : اتركني !
خلف بتسليه دفها على الارض : راجعلك بعدين
الحين عندي بعض المشاغل !
يا ويلك اذا عتبت رجلك باب البيت
خلك مطيعه احسن ما ادفنك هنا بقلب بارد !
وما احد رح يفقدك او يدري عنك !!
شدت على اسنانها من القهر ما في كلمه توصف «خلف »
زمت شفتها تحاول توقف الدموع !!!
خانتها دموعها اول ما طلع خلف من الباب !
جثت على الارض وضربت قبضة يدها البلاط بقوه وبصوت كله قهر : ليه يصير معي كذا ؟!!!
ليه ؟!!
زفرت بضيق من هالحال !
رفعت راسها لما حست حركه حولها
خافت يرجع خلف مو طايقه تشوف رقعة وجهه !
تفاجأت وزحفت للخلف وهي جالسه بمقدار خطوه !
مسحت دموعها بظاهر كفها وهي تناظر بتمعن وكأنه الزمن توقف عندها !!
تقدم منها وبقلق : يعورك ؟!
طالعته للحظات وبعدها انفجرت من الضحك !!!
تحاول تكتم ضحكاتها مو قادره مجرد ما تناظره ترجع تدخل بنوبة من الضحك !
تحس بطنها رح يتفجر مو قادره تتحمل وجع بطنها من الضحك !
دفنت وجهها بالارض وهي مستمره بالضحك وجسمها يهتز!!!
بعد انتهاء موجة الضحك رفعت راسها وهي تستعيذ من الشيطان !!
من زمان ما ضحكت كذا !!!
بغت تدعي على كل من سرق ضحكتها
تراجعت للحظه الاخيره وسكتت !!
رجعت تناظر الكائن إلي يحدق بها بصمت
والحلاوه بفمه يمص فيها وكأنه بزر بالروضه !
مظهره خلاها تضحك غصب عنها !
رجال بلحيه وشارب وطول الباب وبيده حلاوه !
جلس امامها وكأنه بزر ومد لها بالحلاوه : خذي بس لا تبكي !
ليه كنت تبكين ؟؟؟!
تبغين حلاوه ؟!!!
طالعت ساره الحلاوه بيده وشكله المبهذل وتنهدت بهدوء !
اردف كلامه باستغراب من سكوتها : زعلانه مني ؟!
انا كنت ألعب بس سرقوا مني الكره !
انا ما احبهم !
انت تحبينهم ؟!!
طالعته ساره وقلبها بطيبته رق له مسكين رجال كبير وعقله مثل البزران !
عايشين بنعمه غافلين عنها !
نتحلطم على امور فقدناها وما شكرنا ربنا على النعم الموجوده !
نعمة العقل !!
عمرها ما فكرت تحمد ربها وتشكره على هذي النعمه !!
طالعته وهي تشكر ربها على نعمة العقل !
_ انا ركضت بعيد عنهم ....لا لا انا قلت لهم ما ابغى اروح ...لا قصدي انا كنت نايم هنا !
انا أصلا ما اعرفهم... .ما ابغى العب معهم يضربوني !
انت تبغين تلعبين معهم ؟؟؟!
تنهدت وهي تسمعه يتكلم يجيب من الشرق ويحط بالغرب وبمجامله له : لا ما ابغى العب معهم !
وين امك وابوك ؟!!
تحمس وهو يحط الحلاوه بفمه : امي كانت هناك تلعب بالكره انا قلت لها
تكون حارس !
وزعلت تقول تبغى تكون كابتن ماجد !
سكتت للحظات وناظرها : وش يعني امك !!
تربعت ساره وحطت يدها تحت خدها وبسخريه : يا حظي يوم زوجني خلف لك !
للحين بقلبها نار مو قادره تطفيها !
تتمنى
قاطع افكارها وهو يمسك يدها وبإلحاح : ابغى كره كبيره
كبيره كبيره كبيره كبيره كبيره
تنرفزت منه وبصرخه: وبعدين !!!
خلاص انكتم !!!
من وين اجيب فلوس !
زم شفته يبغى يبكي طالعت حولها مو
قادره تستوعب رجال وهذي حركاته !!!
ضربت على جبهتها : مجنون وش ترتجي منه ؟!!!!!
***
***
***
***
شروق من اول ما سمعت انه صديق ابو راكان يبغى يرجع ساره وهي مولعه ومو ساكته !
صرخ بغضب من قرقرتها : وبعدين ؟!
قلت لك الزفته تزوجت وليه تلحين فوق راسي ؟!
شروق بعدم استيعاب : خذها على بلاطه وقسم بالله لو ترجعها لذمتك ما اجلس في بيتك دقيقه وخلي اخت خلف تنفعك !!!!
عبدالله قفلت معه : وقسم بالله اذا ما قفلت هالسالفه الا الحين اروح اطلقها من زوجها وارجعها لذمتي !
شروق بردح : قول هذا إلي تبغاه انك
قاطعها بصرخه : انكتمي !
كلمه زايده الحين واعتبرني نفسك طالق !
شهقت وهي تحط يدها على فمها
ناظرته بقهر بدون أي كلمه وتوجهت لغرفتها وهي تغلي من فكرة رجوع ساره
بعد ما وصلت لها الاخبار سكوته لما جاء صديق ابو راكان يرجع ساره !!!
***
***
***
ام عمار بشماته،: من هالحال واردى !
مجنون وكثير عليها !!!
اسيل تضايقت على ساره للحين تحبها وما جاز لها إلي صار لها : ومن وين جاء خلف بهذا المجنون !
ام ماجد : ابوي يقول انها عمتي ام محمد خبرته انها ما تعرف الا انه مجنون وداير بالشوارع وتتوقع انه نفسه المجنون إلي بالقريه ولد ام مصلح كانت تشوفه هناك!!
ام راكان تضايقت بالرغم من الاحداث الاخيره تحاول تقنع نفسها انه ساره مثل اخوانها
بس داخلها يرفض هالفكره
لما يمر طيف ساره تحسها طيوبه وبريئه وما عندها خباثه
تحس بالغصه وهي تتخيل شكلها مع هالمجنون
وغصب عنها طلعت شهقه منها ما قدرت تكتمها ودموعها اخذت مجراها !
ام ماجد باستغراب : تبكين يا عمتي!
ام راكان وهي تمسح دموعها : كاسره خاطري هاليتيمه !
دمروها اخوانها وضيعوا مستقبلها !
حسبي الله عليهم !!!
اسيل مطت شفتها : قولي هالكلام لعمي طلقها ورماها
ام عمار قاطعتها بكره : بعد سواد وجهها تبغين يخليها على ذمته ؟!-
ام راكان بصوت باكي : والله ما ادري كاسره خاطري !
يمكن احس كانت متعلقه بعمها كثيره
لو تشوفين فرحتها لما تجلس معه !
اكيد الحين متلهفه تشوف عمها!
حاولت احنن قلب ابو راكان عليها وينسى الماضي
بس قام يصارخ علي ويتوعد لو يشوفها الا يكسرها تكسير !
ما اتوقع انها نسيت عبدالله بهذي السهوله
تراها كانت متعلقه فيه كثير !
والحين بعد طلاقها تتزوج هالمجنون !!
والله صعبه عليها !
وانفجرت باكيه على حال ساره !
ام ماجد مطت شفتها : اشوف اليوم العالمي للحنان !
الحين تذكرت ساره وحالها ؟!!!
ابتسمت ام عمار بدون نفس : اشوف الحنان نازل على امي !
ما تشوفي للحين اعاني من ضرب الهمجي !
بسببها وانت الحين كاسره خاطرك !!!
جعلها لهذا الحال واردى !!!
عمار متحلف لها ولاخوها خلف!!!
ام راكان هزت راسها بقله حيله : الله يصلح الوضع !
القطاعه مو زينه تراه ابوه وما يجوز هالكلام !
حتى علاقتي
بأختي انقطعت و ما تكلمني وما تدخل علي !
ام ماجد مطت شفتها : من زينها عمتي ام محمد !
بدل ما توقف مع الحق
ام راكان قاطعتها : انت من عقلك تبغين اختي توقف بوجه خلف !
حسبي الله عليه كل البلاء من تحت رأسه!!!
وبعدين يمكن هالخلف جبرها او هددها
قاطعها وهو يدخل بعد ما سمع كلامها وبحزم وهو يجلس : لا تبررين لها يمه !
خلاص انتهينا من بيت عمي !
والقطيعه احسن من هالوصل إلي ما يجيب الا وجع الرأس !
وخالتي اخرها ترجع وتكلمك مثل قبل واحسن !!
وفري دموعك على شيء له قيمه !
خزته وهي تحس انه يسخر منها وبحده : انت بالذات لا تتكلم !
يا خوفي تكون ظلمت ساره وحوبتها ما تترك..
تنهد عبدالله وصدره ضايق : الله يهديك يمه !
اي حوبه ؟!
وبعدين طلاقنا على البر كان افضل !
بعد الطلاق اكتشفت انها ما تناسبني وإني ارتكبت اكبر خطأ لما ربطت اسمها بإسمي !
والحين عسى هالمجنون يطلع كل جنونه فيها ويعلمها ان الله حق !!!
أسيل عفست ملامحها بضيق،: يا قساوة قلبك !
كنت مطيرها فوق وعلى غلطه صغيره والله اعلم اذا ارتكبتها او لا
مسحت فيها الارض ورميتها بقلب بارد!
صدق الرجال ما لهم امان !!!!!
واعطته نظره حاده ولفت وجهها !
رد بضحكه قصيره على ملامحها المنفعله: انتبهي لا يطق لك عرق !
ام راكان بضيق ناظرته: الله يرضى عليك يا عبدالله خلاص قفل على الموضوع !!
*•
***
**
***
***

***
***
***
***
تمــــــــر ايام ماتسأل بحســــن الظن اقول اقــــدار
واخـــــــبي الشوق في قلــــبي وطيفك داعب الانظار
تجيني من بعـــــــد غيـــبه وتســـألني عن الاخــــبار
اقول بخير رغـــــــم اني همــومي في حشــاي كثار
واضحك واحبس الدمعه واسولف لك عن اللي صار
ابيك تحـــــس بوجـــودي
(تحن - تخاف - تحب - وتغار

****
بعد مرور سنوات

دخل بيت اهله ومحكم قبضة يدها : اقول اركدي وبدون حركات زياده !
ام راكان والسبحه بيدها وتناظره : علامك عليها بشويش !
عبدالله بنرفزه : اعوذ بالله تبغى البقاله !
عفست ملامحها بطفوله: ابغى مثلجات !
سحبتها ام راكان من عبدالله بهدوء : لا يا حبيبتي الجو البارد بلاه تمرضي الحين !
برطمت بطفوله : بث انا
عبدالله وهو يجلس على الكنبه بتعب: قلت ولا كلمه !
طالعت ابوها وهي ماده البوز وسكتت !
ام راكان : وبعدين معك ؟!!
خفف شوي على عيالك
قاطعها بابتسامة : يا يمه العيال لازم تكون حازم معهم
مو كل شيء يبغونه يحصلونه !
ام راكان حاست بوزها : ما ادري كيف تفكر ؟!!!
غريبه شروق ما نزلت للحين ؟!
عبدالله وهو يؤشر ل ندى تجلس مكانها : عندها شغل تعرفي الدورات والمحاضرات بالجامعه إلي تقدمها تحتاج لمجهود وحموده البارحه جننها وما نامت الليل منه !!
ام راكان هزت راسها : الله يوفقها !
وانت متى طالع على دوامك ؟!
حك شعره بانزعاج من الدوام : اليوم شفتي مسائي زميلي عنده ظرف وبدلنا
نزل ابو راكان بهدوء وتوجه لهم للصاله
رد السلام وتوجه لندى وهو يعبث بشعرها القصير : كيفك يا دبه !
ندى تخصرت : حموده دب انا حلوه !
ضحك ابو ركان على رد فعلها بعد ما جلس : اعوذ بالله هالبنت تطلع ملسونه !
ابتسم عبدالله : لا تخاف انا اقصه لها !!
واعطى ندى نظره حاده : اعتذري من جدك !!
طالعت ابوها بعد نظرته وبسرعه توجهت لجدها وهي تقبل يده وراسه : اثفه «اسفه»
قبلها ابو راكان على خدها وهو مبسوط عليها : ربي يحفظك
ام راكان بتذكر : اووو نسيت عزام اليوم يبغى يتغدى عندنا !!
عبدالله ابتسم : قصدك عازم نفسه !
ام راكان تشعر بالسعاده وهي تشوف عيالها واحفادها حولها !
ما بقى الا اختها ام محمد للحين ما تكلمها : يقول في موضوع يبغى يكلمني فيه !
عبدالله بتذكر : يمكن موضوع خالتي ام محمد !
خالي ابو الوليد مصمم يصلح بينكم الوضع !
بس إلي فهمته خالتي رافضه تصلحك !
ام راكان حركت راسها بفقدان امل من اختها : سنين مرت وهي معنده وحاقده علي !
ابو راكان بحزم : ومين قال اني موافق على هذا الصلح ؟!
طالعته وبهتت ملامحها للحين معند !
اردف كلامه بحزم : خلاص ما نبغى هالعلاقه تراني تبريت منهم كلهم !!
ام راكان بضيق : تراها اختي !
واذا انت تبريت من عيال اخوك هذا شيء راجع لك !!
انا ما اقبل بقطيعه الارحام واختي وابغى اصلح الوضع بيني وبينها !
وبعدين عيال اخوك ما احد يعرف عنهم شيء
وكأنهم ملح وذاب !
ابو راكان بسخريه : تبغين تقنعيني اختك الخبيثه ما تعرف مكانهم !!
ام راكان : تراها صار لها سنين عايشه عند اخوي ابو الوليد
برا وما رجعت لهنا الا قبل كم
قاطعها ابو راكان بملل : وصدقتي هالخرابيط !!!
اعوذ بالله من شرها !
من الحين اقولك ما ابغاها تدخل بيتي
قاطعته وهي تناظر عبدالله بقهر : تكلم ما تسمع ابوك وش يقول ؟!!!
تكلم بهدوء : وابوي صادق !
تبغين تشوفينها بيت خالي ابو الوليد مفتوح
قاطعته بقهر : طلبناك عون مو فرعون !
ابو راكان مط شفته بسخريه : عاد من زين اختك مقطعه حالك عليها !
وقفت ام راكان بزعل : اقوم من هنا احسن لي !!
**•
***
***
***
***
تكلم بصوت متردد : لو سمحتي دكتوره !
وقفت بكل غرورها وطالعته : نعم !
وقفت قريب منهم وتطالعها بكره وبهمس نطقت : نعامه ترفسك ما ادري على وش شايفه نفسها !
مطت شفتها وهي تهمس بسخريه «دكتوره »
انا متأكده انها ما تفهم شيء بالطب واخذت الشهاده بالواسطه !
لوت بوزها بقرف وهي تدق على صدرها بتمثيل وهي تشوفها تبتسم للرجال وبهمس : يا شين السرج على البقر !
اصلا
وسرعان ما صرخت لما حست باليد على كتفها !
كل بالممر ناظروا باستغراب من الصرخه !
التفتت خلفها وبغضب :جعلك بالجني إلي يركبك يا حيوانه
قاطعها ابغض صوت بحياتها : لمتى تحترمون انكم بمستشفى ؟!
وش هالحركات الغبيه ؟!
تخصرت ساره بيد ورفعت يدها الثانيه تردح فيها : اذا في احد غبي هنا فهو حضرتك !
الدكتوره بغضب : لا تخليني احطك براسي وافنشك من هنا !!
ردت ساره بسخريه : ارجوك لا تحطيني براسك !
وبقرف تابعت ساره كلامها : استغفر الله نفسيات اخر زمن !
سحبتها سعديه من يدها : فكينا من المشاكل !
طالعتهم الدكتوره وغادرت المكان وهي تشتم فيها !
ابعدت سعديه عنها بغضب : اتركيني
تسحبين فيني وكأني خروف عندك !
سعديه وهي تتخصر : لا والله قولي ناقه !
رفعت ساره يدها : جعل الناقه
قاطعتها سعديه : خلاص توبه بس لا تدعين !
المهم وش فيك على هالدكتوره؟!
عفست ساره ملامحها بقرف : كأنك ما تعرفينها !!
افففف ما ادري من لما اشوفها يصيبني غثيان
قاطعتها سعديه بسخريه وهي تتكتف: ليه الاخت حامل ومتوحمه فيها ؟!!
ساره بقرف : الوحام اخف من شوفتها إلي تجيب الغثيان وهي تتدلع !!!
سعديه ضربتها على كتفها بخفه : هذي الانوثه يا غبيه !
مو مثل اشكالنا الاناقه بجهة وحنا بجهة !
ضحكت ساره من قلبها عليها : اي اناقه وانت تجولي المستشفى بهذي؟!!
واشرت على اداة التنظيف إلي معها !
تخيلي شكلك تمسحين الممرات ولابسه اخر صيحات الموضه ؟!
وضحكت بصوت عالي وهي تضرب كفها بكف سعديه إلي ضحكت بصوت مرتفع!
قاطع ضحكهم صوت قوي : ما في حياء ولا احترام للمستشفى ؟!!!
قطعت سعديه ضحكتها وهي تشوف المدير بنفسه قدامهم
ومن خلفه نائب المدير والدكتوره تلعب بحواجبها تغيضهم !!
تكلم المدير بغضب : جالسات للضحك وتاركات شغلكم ؟!
رجاء هالتصرف ما يتكرر حتى ما أتخذ اجراءات صارمه !!
اعتبروه انذار لكم !
اعطاهم نظره ناريه وغادر وخلفه الدكتوره تبتسم بنصر !!
كشت ساره عليهم : يقال انها تمون على المدير !!
مالت عليك انت وهالمدير المتخلف
وصارت تقلده بسخريه «اعتبروه انذار لكم ! »
سعديه حطت يدها على فمها : اسكتي لا احد يسمعك !
عز الله انفصلنا !!
ساره بلامبالاه : قطيعه تقطعه !
وعضت شفتها بقهر وهي تتذكر هالدكتوره : اخخخخ لو امسكها يا كرهي لها !!!
سعديه متعمده ترفع ضغطها : تراها تشبهك
اعطتها ساره نظرات ناريه : شبهيني بالقرد ولا تشبهيني فيها !!
سعديه بضحكه : اخاف اشبهك بالقرد ويزعل !!
ورجعت ضحكاتها يتردد صداها بالممر !
اما ساره فتحت عيونها باستنكار: تدرين انك
قاطعهم صوت من خلفهم غاضب : تدرين انت وهي ما تستحون على وجهكم !
نقزت ساره وبسرعه تناولت اداه التنظيف
وبنفس الوقت حاولت سعديه تسحبها منها بقوه
وكل وحده تقول هذي لي !
قاطعهم بعصبيه:،بس،!
ساره بابتسامة ناظرته : مثل ما تشوف عينك يا سعادة المدير !
ترانا نتشاجر مين تنظف ؟!
من حماسنا للتنظيف !
وطالعت سعديه وهي تسحب منها بقوه؛ هذي لي !
ارتخت يد سعديه بينما ساره سحبتها بقوه
بطريقه فلتت من يدها و اصطدمت بوجه المدير !!!
التفتت للخلف وكتمت ضحكتها وهي تشوف المدير بهذا المنظر !
تقدمت سعديه تصلح الوضع : اسفين يا سعاده المدير وقسم بالله بالغلط !!،
تكلم وجهه احمر من الغضب : انقلعوا على شغلكم
وغادر بسرعه !!
ما قدرت ساره تكتم الضحكه وهي تتخيل شكله
طالعت سعديه وتكلمت وهي تضحك : ههه ششش ههه شف
وما قدرت تكمل جلست على الارض !
سعديه تضحك وعيونها على الممر تخاف يطلع لهم مره ثانيه !!!
***
***
***
**
دخلت المصلى تصلي العشاء كل ما تتذكر شكل المدير ما تمسك نفسها من الضحك !
بعد ما كملت صلاه ناظرتها سعديه : يا خوفي يطردونا والسبب انت ؟!
ابتسمت ساره : انا وش دخلني ؟!!!
بعدين هو وش دخله نضحك نبكي ؟!
حنا واقفين بمكان ما فيه احد
سعديه وهي تحرك يدها : اقول اسكتي !
انت بالذات لازم تقفلين حلقك وتسكتين حتى ما يطردونك
لانك عارفه الوضع !
ساره تنهدت وسرحت لثواني وبعدها نطقت : ربك إلي يرزق!
سعديه بطفش : اففف يا قرف الشغل !!
وناظرت ساعتها : يا ليت يمر الوقت بسرعه
ابغى ارجع للبيت وانام براحه !!!
**
**
***
دخل مكتبه بغضب وقفل الباب بغضب : ناس حثاله !
ترك الملف إلي بيده وناظره باستغراب: وش صاير ؟!!
جلس المدير على مكتبه بغضب : حشى انا موظف بزران هنا !!
ابتسم نائب المدير : وش فيهن المخبولات ؟!!
المدير كلما يتذكر الموقف يثور ويحمد ربه انه ما في احد كان بهذا الممر والا كانت علوم!!!
أخبره بالسالفه وبقهر: كنت ناوي افصلهم
بس الدكتوره مها توسطت لهم تقول وضعهم المادي متدني
ورأفة بأهلهم إلي اكيد ينتظرون هالراتب كان فصلتهم !
ناس ترفع الضغط !

واقفه تعدل نقابها والنظاره الطبيه
وقفت د.مها عندها بغرور : احمدي ربك اني اليوم تواسطت لك ترى كان المدير ناوي يفصلك انت والمهرجه الثانيه
طالعتها ساره بحده : الله لا يكثر خيرك !!!
وباسلوب تغيضها وهي تتدلع: عادي لو فصلنا مديرك الف مستشفى يستقبلنا !
وندخل بجهدنا وتعبنا مو مثلك بالواسطه !
حمر وجه الدكتوره وبأمر : تعالي نظفي مكتبي
قاطعتها ساره بدلع: اووو سوري انتهى دوامي للاسف!
وبحده : تقدري تنظفي قذارتك بنفسك !
رمقتها بقرف وتركتها تغلي من القهر !
توجهت للصيدليه تصرف الدواء لام سعديه
اعطته الوصفه وناظرت الممر تراقب سعديه !
ابتسمت لما شافت سعديه متوجه لها وهي تمشي بخطوات تحاول تكون فيها انيقه !
قاطع عليها الصيدلاني: تفضلي اختي !!
سحبت الدواء بدون ما تناظر وغادرت !!
طالع زميله بملل : احس دوام الصباحي احلى من المسائي،!!
_ انت يا عبدالله ما يعجبك العجب ولا صيام رجب !
عبدالله وهي يتثاوب: نعسان!
وحط راسه على المكتب وترك النوم يأخذه لعالم الاحلام !!
***
***
***
سعديه بغضب وهي تشوفها متقدمه عليها بخطوات سريعه عجلت خطواتها وسحبتها من الخلف : بلا بوجهك يا زفته !
امشي شوي شوي !
ساره وقلبها طاير ترجع للبيت : وبعدين معك يالقزمه !
ما احد قال لك تلبسين هالكعب !
سعديه بغيره : ايه حضرتك مو بحاجة هالكعب !
ساره طنشتها : تشوفين حضرتك الوقت متأخر ما في مجال لأناقتك
وهالكعب وكأنه مسمار !
وتركتها ووقفت عند الشارع توقف سياره أجره !!!
**
**
**
**
جالسين بمجلس عربي
تكلمت ام محمد بحزم : قلت لك يا اخوي ما ابغاها ولا ابغى اشوف واحد من عيالها !
ابو الوليد بهدوء،: بس هذي اختك وربنا امر بصلة الرحم !
ام محمد بغضب : لا يمكن اكلمها ليوم ا لدين !
بسببها تفرقت عن عيالي وسنوات ما شفتهم !
قلبي محروق على خلف إلي اختفى من سنوات وما احد يدري عنه ميت والا عايش ؟!
ابو الوليد بنفسه ان شاء الله يكون ميت ويرتاح العالم من شره وبمجامله لاخته : ان شاء الله ربنا يطمئنك على عيالك !
وبعدين ام راكان وش دخلها باختفاء خلف ؟!!!
ام محمد باصرار : مستحيل لساني يناطق لسانها !
انا تبعيني علشان عيالها وتطردني من بيتها !!!
للحين اتذكر لما طردتني من بيتها وكأني شحاده !!
خلاص انتهينا !
ام الوليد تدخلت بهدوء،: بس كذا طال زعلكم ؟!!
ام محمد تنهي الموضوع : اقولك مستحيل وقفلي على الموضوع !
وناظرت اخوها : باكر ابغى اروح لنادر في بيته !
اخاف يكون غير مكانه !!
وين الاقيه الحين هالخبل ؟!
ابو الوليد بعفويه : دوري عليه بالخرابات اكيد رح تلقينه!
ام محمد خزته بزعل : ما ادري ليه تفضل عيال ام راكان على عيالي !
ابو وليد ابتسم : فكينا من هالسالفه احسن ما تنتهي بزعل !!!
**
**
**
دخلت البيت بهدوء وابتسمت لام سعديه لما شافتها جالسه بالصاله
وقفت ام سعديه بنعاس واشرت لها الكل نايم !
اشرت لها ساره بالشكر وقفلت الباب بعد ما طلعت ام سعديه!
خلعت العبايه وكروتين يومي لازم تتفقد العيال !
دخلت الغرفه بشويش على رؤوس اصابعها
تفقدتهم وهي تغطيهم بإحكام وبهمس : ربي يحفظكم !
طلعت من الغرفه بهدوء وتوجهت للمطبخ تعمل شيء تأكله الجوع ذبحها !
**
**
**
**
ربطت شعرها كله ذيل حصان بضجر !
عندها باكر امتحان وللحين تحس نفسها مو متمكنه من المادة !!
جلست على السرير وبحضنها الكتاب ما لها نفس تدرس
هذي السنة الثالثه لها بالطب !
اكثر شيء مريحها غياب ماجد !
مر على سفره 5 سنوات
بعد ما سافر بسنه رجع زياره واستغربت لما زارها بس كانت زياره خفيفه 15 دقيقة
بعدها خبرتها امها انه ابوها طلب من اهله ما يزورها حتى ما تنشغل عن الدراسه !!
تستغرب بعض تصرفات ابوها !!
زميلاتها بالدراسة يستغربون لما يعرفون انها مخطوبه 5 سنوات وخاصه انه ما في قرابه بينهم !!

خلال هالفتره كانت تزور اهله حسب اوامر ابوها !
ما تدري متى يرجع ؟!!
بس إلي تعرفه انه قريب رح يرجع !!
تسارعت دقات قلبها لما تتخيل رد فعل ابوها لما يطلقها ماجد بعد هالسنين،!!!
**
**
**
**
في اليوم الثاني دخلت ام عمار بيت اهلها
توجهت للصاله وهي تشوف امها وابوها جالسين كالعاده بنفس المكان !
سلمت عليهم وجلست مقابل لهم !
ابو راكان بهدوء : زوجك سافر ؟!
هزت راسها وهي ترتشف من القهوه إلي صبتها لنفسها : ايه مسافر كم يوم وراجع !!
ام راكان بهدوء : الله يحفظه !
اعتدلت ام عمار بجلستها وهي رافعه حاجب : سمعت انك ناويه تصالحين اختك ؟!
ام راكان مطت شفتها وهي عارفه رأي ام عمار بهذا الموضوع : ايه
ورجاء لا تتدخلين !
ام عمار بقهر : يمه انت من عقلك !
ام راكان بضيق من تدخلها : ايه من عقلي !
وبعدين لا تكلميني وكأني مجنونه وما اعرف مصلحتي !
ام عنار خففت حدة صوتها: يمه الله يسامحك بهذي السهوله نسيت
قاطعتها بغضب : اي سهوله ؟!
ترى السالفه مر عليها يمكن اكثر من 5سنوات !!!
وبعدين ابوك وافق اني ازورها في بيت اخوي واصلح الوضع بيننا !!
ام عمار بقهر : اذا تصالحتي مع اختك انسي انه لك بنت !!
ام راكان بغضب : وبعدين معك !
تراني مو بزر تتحكمين بتصرفاتي!
وخذيها على بلاطه رح اصالح اختي
وإلي مو عاجبه يطق رأسه بالجدار!
ضحك وهو يدخل الصاله ويسمع كلامهم : إلي يسمعك يقول اختك تبغى تكلمك !!
تراها رافضه تشوفك حتى !
قاطعته ام راكان بغضب : ابو ماجد رجاء لا تتدخل !
اشر ابو راكان لعياله يقفلون الموضوع !
وناظر ام عمار : متى ناويه تزوجين ولدك ؟!
تراه مو صغير صار 27 سنه !
ام عمار عفست ملامحها : عجزت فيه ما يبغى يتزوج الحين !
ابو ماجد بسخريه : يمكن ينتظر ابوه يحضر زواجه !
ام عمار مطت شفتها : والله عمار اذا له اب مو داري عنه !
كل عقله بشغله !!
ابو ماجد : الله يوفقه !
وليد يمدح فيه كثير !

**
**
**
**
تكلم زميلتها بكل اريحيه : سمعت انها مطلقه !
_ مطلقه !!
_ ويقولون ارمله مرتين ومطلقه مرتين !!
_ طيب ليه مطلقه مرتين وش السبب ؟!
_ يقولون من بعد ما ترملت مرتين الثالث طلقها الظاهر خاف على نفسه،!
عاد تخيلي إلي طلقها ولد عمها ؟!
وطليقها الرابع مجنون ؟!
_ ما عندها عيال ؟!
_ سمعت
وقطعت حديثها وهي تشوف المشرفه على شغلهم وبسرعه كل وحده انشغلت بعملها !
واقفه قريب منهم بدون ما احد ينتبه لها !
وتسمع احاديثهم !!
ما يفرق معها هالكلام !
اصابها ادمان من سنين !
ما عاد يؤثر فيها !
صفحات طوتها بنفسها وبدات صفحة جديده
هي مالكة نفسها وما احد له سلطه عليها !!
بعيده عن الكل وما يهمها احد بعد ما حذفت من قاموس حياتها
«الثقه»
ما تثق بأي انسان على وجه الارض !
لو دققت في قلبها رح تلاقيه اسود!!! يكره اغلب من حوله
الا إلي تمسكت بالحياه لأجلهم
اطفال ايتام تحس نفس معاناتهم لانها ذاقت نفس الكأس !
رح تبذل كل جهد حتى ما يذوقوا إلي ذاقته !
رح تكون لهم مثل الظل وما تسمح لاحد يجرح مشاعرهم بكلمه !
الصفعات إلي ذاقتها من سنين علمتها تكون اقوى !
وما تنحي لاحد الا لربها إلي خلقها !
تنهدت لما شافت سعديه مقبله لجهتها وتحاول تكون مشيتها انيقه !!
ابتسمت بسخريه على افكار سعديه !
تغيرت سعديه الخجريه وصارت بأقصى جهدها تواكب الموضه !!
سعديه بعجله : تعالي ننظف مكتب نائب المدير !
هزت ساره رأسها بملل وتوجهت بهدوء !
دخلت سعديه وبضحكه ؛ وش رايك نفتش يمكن نلاقي فلوس،!
ساره بضحكه على افكار سعديه : يمكن تحت المكتب تلاقين فلوس !
سعديه بجديه بسرعه توجهت للمكتب تشوف تحته !
ساره فتحت عيونها باستنكار : وش تعملين يا مجنونه !
لذي الدرجه محتاجه فلوس !!
اقول تعالي نظفي وبدون هبل !
سعديه وهي تمسح المكتب : يا حظ إلي رح تكون من نصيب هذا الدكتور!!
ساره وهي منشغله بالتنظيف : يعني هو اعزب !
سعديه بصراحتها المعتاده : لا ترسمين عليه !
مستحيل يقبل يكون زوجك الخامس !!
تراه متزوج !
ساره ناظرتها باستغراب : صدق !!
سعديه وهي تجلس على طاولة المكتب وتحرك رجلينها بعد ما خلعت الحذاء : متزوج 2 ويدور على الثالثه !
يقولون ناوي يتزوج
دكتوره طب / ومهندسه / ودكتوره بالجامعه / و
قاطعتها ساره بسخريه :والرابعه فراشه إلي هي حضرتك !
علشان تخدمين زوجاته الثلاث !
سعديه بتمني : مستعده اخدم كل اهله بس يخطبني !
واتخلص من الفقر كله وارتاح !
ناظرتها ساره باستصغار لعقلها : عمر الغنى ما كان هو الراحة !!
راحة البال بدون هموم هذا اهم شيء
حتى لو كنت افقر انسانه على وجه الارض !
سعديه تكتفت بسخريه :،يقال الحين حضرتك عايشه براحة بال بدون هموم !!!
ساره تركت إلي بيدها وطالعتها بثقه : ايه الحمد لله مرتاحه !
سعديه خزتها بتكذيب : مو علينا هالكلام !!
شوفي نفسك بالمرايه جلد على عظم من الفقر وتقولين مرتاحه !
يرحم لما كان كل خد مثل كيس المغذي !!
ساره بدلع تقهرها : دايت !!
سعديه : اي رجيم ؟!!
عز الله لو اني بقره الا تأكليني،!
ساره بضحكه : يععع اقرف !
كشت عليها سعديه : مالت عليك !
المال هو اصل السعاده بالحياه !
مطت شفتها بسخريه : مشكلتك تفكيرك سطحي !
وتفكرين مثل المراهقات !
قاطتها سعديه بغبن : يا حلوه صحيح عمري 21 بس للحين ما دخلت عش الزوجيه اكيد رح اتصرف مثل المراهقات !
وبنغزه : مو مثلك دخلت 4 مرات عش الزوجيه !
وبضحكه : وفشلتي بالاربع مرات !
تابعت ساره شغلها وهي متعوده على صراحه سعديه إلي توصل لحد الوقاحه ومع ذلك ردت بهدوء،: مشكلتك ما تفهمين شيء وما تعرفين شيء فلا تجلسين تتفلسفين بأمور ما تعرفينها !
سعديه رفعت حاجب : على بالك ما ادري ليه طلقك ولد عمك ؟!!
ساره بسخريه: ليه ؟
سعديه ابتسمت : يقولون يبغاها حلوه ومثقفه ونحيفه وانيقه
والاهم من كل هذا «عزباء»
صفرت ساره : واو
اشكرك من اعماق قلبي انك خبرتيني السبب !
وانا طول هالسنين افكر بالسبب !
وبجديه ناظرتها : قلت لك امور ما تفهمين فيها لا تحشرين انفك فيها !
وبنبره حاده : قفلي هالسالفه ولا تفتحي صفحات انطوت من سنين !!!
سعديه مطت شفتها : لو استمريتي مع المجنون احسن لك
على الاقل يكسر لك خشومك إلي رافعيتهم للسماء !
ترى حدك فراشه ليه تعاملين الناس بترفع وكشره!
ساره بضجر : يا صبر ايوب !
سعديه وبعدين معك !!!
قاطع اندماجهم دخول نائب المدير وبكشره وهو معقد حواجبه : وش تعملين انت وإياها هنا ؟!
سعديه ابتسمت : مثل ما تشوف ننظف المكتب !
تكلم بغضب : ومين سمح لكم تدخلون بدون إذن !
وبعدين الصبح المكتب نظفته ام احمد !
سعديه بتلعثم : حن
قاطعها بعصبيه : انا الف مره قلت ما يدخل المكتب الا ام احمد ترتبه
قاطعته سعديه بتوتر : حنا آسفات ما
وقفت ساره وبخطى هاديه قاطعتها : لما تعتذري اعتذري عن نفسك بس !
وبحده : انا مو اسفه !
وتركتهم وطلعت بهدوء!
سعديه بترقيع : تراها مجنونه تتكلم بدون وعي !
لا تهتم لكلامها !
رد بغضب : بس ما اشوفها مجنونه !
سعديه تتلفت حولها وبصوت منخفض: طليقها كان مريض نفسي وما طلقها الا لما صارت مثله !
لا تلاحقها يا دكتور !
وانا اعتذر مره ثانيه على دخولنا كذا !
انا ما ادري كنت انظف بالممرات وجاءت عندي تقول ننظف مكتبك !
انا على بالي المسؤوله طلبت منها كذا !
قاطعها بملل من كلامها : خلاص اتفضلي برا !
وما ابغى هالحركه تنعاد مره ثانيه !!
هزت راسها وطلعت بسرعه !
**
**
**
ساره بغضب من حركات سعديه المراهقه : وقسم بالله ما تستحين على وجهك !
سعديه جلست بإحباط : فشلت خطتي وانا على بالي يشوفني واكون الثالثه !!
هزت راسها ساره بفقدان امل منها !
سعديه وهي تتكتف : لا تناظريني كذا !
تبغين تقنعيني انك ما تفكرين
قاطعت ساره عليها كلامها : الحمد لله !
ما افكر بذي الأمور !
وعلى قولتك اخذت نصيبي وزياده !!
اتمنى هالحركات ما تنعاد مره ثانيه !
لاني ما اضمن لك رد فعلي المره الجايه !
وغادرت بهدوء و بداخلها بركان يغلي من سعديه !
قرفت الدوام المسائي مضطره تتمسك بسعديه ما تبغى ترجع البيت لوحدها بسياره اجره !
رفعت نظرها للسقف وبداخلها تردد «قريب تفرج ان شاء الله»
**
**
**
**
دخلت البيت مثل الفزاعه وصراخها عم المكان !
ام الوليد نشف الدم بعروقها طلعت مرعوبها على صراخها : وش فيه ؟؟؟!
وش صاير ؟!!
ام محمد تضرب خدودها وتنوح !
إلتم الاغلب حولها يبغون يفهمون السالفه !
ابو الوليد بخوف : قطعتي قلبي وش صاير ؟ !
ام محمد بنحيب : ن ا در !!
ام الوليد : وش فيه نادر ؟!!
ام محمد بنحيب : راح نادر !
خلاص ما عاد اشوفه !!!
رحل من الدنيا وما شبع اللقمه !
اخخخخ يا ليتني اعطيته من فلوسي
يتهنى فيهم !
ابو الوليد : انا لله وانا إليه راجعون !
ام وليد : متآكده ؟!!
هزت راسها ودموعها تنزل : ايه متأكده
سألت الجيران وقالوا مات
ودخلت بنوبة بكاء !
ابو الوليد بهدوء: ادعي له بالرحمه !!!
الحين محتاج الدعاء !
سكتت لما حس انها ما تسمع وش يقول !!
قرر يأخذها لغرفتها ويتأكد من الموضوع بنفسه !!!
***
***
***
***
ام راكان تبكي بعد ما راحت لام محمد وطردتها وما قبلت عزاءها !
أبو راكان للحين متفاجئ من موت نادر،!
ما معهم خبر !
تنهد ونطق بهدوء : الله يهديها اختك !
وان شاء الله ربنا يرحم نادر !!
ام راكان تمسح الدموع المستمره : الله يرحمه !
عاش وما احد شكى منه !
ابو ماجد ما اهتم بالموضوع : الله يرحمه !
ابو تالا : طيب ما عرفتوا سبب الوفاه ؟!
وزوجته وين ؟!!
واخته ؟!!
ام ماجد بهدوء : ما سألت عنهم عمتي!
الظاهر انفجعت لما سمعت الخبر ورجعت على طول للبيت!!!
ام عمار : طيب زوجته كانت حامل
اكيد عنده عيال !
ابو راكان بهدوء : اكيد مع امهم !
للحظات حس بالمسؤوليه بعد كلامهم وقف بهدوء لازم يتحرك بس
وقفه صوت ابو راكان الحازم : عزام !
اجلس !!
اتمنى ما تتدخل بأحد !
قطعنا هالصله وما نبغى ترجع مره ثانيه !
ما يهمنا احد !
ابو عزام بتأييد : اجلس يا عزام !
ولا تتدخل !
زفر بضيق وجلس بهدوء بدون تعليق

سعديه بمزح : وش رايك نروح للمدير يتوسط لنا بإجازه !
وغمزت لها
ضحكت ساره وهي تتذكر الموقف : اكيد بعد ما مسحنا وجهه ما رح يتردد !
وتابعت كلامها وهي تخز سعديه بعيونها : وش تبغين بالاجازه )؟؟!
سعديه اشرت لها على مقاعد بالممر
بعد ما جلست تكلمت سعديه وهي تحط رجل فوق رجل : الاجازه علشان نفلها !
نطلع للسوق ونشتري كل شيء بخاطرنا !!
ومن الحين اقولك بدون البزران !!!
ارخت ساره ظهرها على الكرسي : على بالي عندك سالفه !
سعديه بقهر من ردها : سوسو لا تكونين معقده !
شوفي البنات إلي بعمرنا كيف عايشات حياتهن !
انسي الفلوس وطبقي هالمثل «اصرف ما بالجيب يأتيك ما بالغيب »
ساره وهي تغمض عيونها : خذيها على بلاطه بدون البزران ما اطلع !!!
سعديه بقهر : ادفني نفسك معهم !
تدرين البعض يسألني هنا عنك يقولون هذي امك !!!
ضحكت ساره كالعاده بصوت عالي على كلام سعديه :انا امك ؟!
ابوك يالكذب !!!
وخزتها بعيونها !
سعديه بتصريف لكذبتها : لا تناظريني كذا !!
وبعدين شوفي مين هنا !
إلتفتت ساره وابتسمت وهي تشوف د.مها تناظرها بكره !
سعديه بهمس : احسها هالدكتوره تكرهك كره مو طبيعي !
ساره بلامبالاه : بقلعتها !
ولا تنسي شعور متبادل !
سعديه تحمست : شوفي خلفها نائب المدير !
وش رايك نشوفه يتواسط لنا ؟!
قرصتها ساره بخصرها : اختصري !
وطلعت جوالها تراسل ام سعديه تتطمئن على البزران !
وقفت د.مها عندهم بانتقاد : اشوفكم جالسات !!!
سعديه بتبرير : نبغى نرتاح
قاطعتها د.مها ونظرها على ساره إلي منشغله بالجوال : ترتاحين وصوت الضحك لآخر الممر !!!
ساره طنشتها وباندماج : سعديه شوفي هالصوره !
سعديه المنحرجه تخاف يطردونها من الشغل بسبب ساره !
انقلب وجه د.مها وصار لونه احمر وهي تشوف تطنيش ساره لها !!
وقف نائب المدير عندهم : وش فيه د. مها ؟!!
د. مها بغضب : ما ادري متى تحترم المكان إلي تشتغل فيه صوت ضحكها لاخر الممر !
واشرت على ساره !
ناظر ساره إلي مندمجه بالجوال وما عبرتهم !
انقهر من حركتها وما نسي حركتها بالمكتب !
الدكاتره هنا يحسبون له حساب
وهي ولا على بالها !
ولا كآنه واقف !
وبصوت هادي : لو سمحت
قاطعته لما رن جوالها وقفت وردت بروقان،: الو
وتحركت ببرود تاركه المكان لهم !
ومن خلفها د. مها بركان يغلي من القهر !
سعديه بانحراج : المعذره !
ومثل البرق غادرت المكان !!!
لحقت بساره وسرعان ما ضربتها على كتفها بقهر : عز الله الا يطردونا من المستشفى والسبب انت !
وقفت ساره وعافسه ملامحها من مكان الضربه بعد ما قفلت الجوال !
سعديه بغضب : ليه ما عبرتي الدكتور وهو يسألك
قاطعتها ساره بلامبالاه : الحقران يقطع المصران !
والحين فارقي عن وجهي ما لي مزاج اشوف احد !
سعديه انقهرت من ردها : سجلي بمستشفى الامراض النفسيه لانك مريضه نفسي !
وتركتها وغادرت بغضب ونسيت تمشي بأناقه وهدوء !
ساره بصوت مرتفع شوي وهي تلوح بيدها : خربتي ام الانااااااااقه !!!!
إلتفتت عليها سعديه وللحين معصبه
خلعت النعال وتوجهت لساره ناويه تطقها فيها ناسيه نفسها انها بمكان عام !!
اول ما شافتها ساره متوجه لها تبغى تطقها وبدون تفكير
مسكت بطرف العبايه وصارت تركض بسرعه
ومن خلفها سعديه تتوعد فيها !
نزلت الدرج وهي تركض ما تدري وين تهرب من جنون سعديه !
توجهت لاحد الممرات فاضي
حست بالصدمه لما شافت نهايه الممر جدار وما في مفر
صرخت وهي تركض مع ضحكات قصيره : توووووبه
إلتفتت للخلف وصرخت لما سددت سعديه لجهتها النعال : لاااا
وقفت وحطت يدها على فمها من الصدمه واقتربت بتردد : انت بخير !!
سعديه تقدمت برعب وقلق : اسفه يا دكتوره !
انحنى نائب الدكتور للمدير يتفقده : انت بخير !!
ضاغط المدير بكف يده مكان الضربه ويحاول يكتم غيضه وبكل غضب صرخ : اعتبري نفسك انت وإياه مفصولات من الحين !
ولو اشوف رقعه وجه وحده فيكم ما تل
قاطعته ساره بهدوء و بداخلها تغلي بعد ما فقدت وظيفتها : من زين هالوظيفه !!
وطالعت سعديه ببرود : ساندريلا لا تنسي نعالك !!
وطالعت المدير بسخريه وبنظرها السالفه خربانه خربانه : اذا تحب تحتفظ بنعالها ما عندنا مشكله !
وانا بنفسي أدلك على الخرابه إلي ساكنه فيها هالساندريلا
واشرت على سعديه !
تنهدت وتحركت بخطوات هاديه تاركه المكان بهدوء
تناظر الممرات وعقلها سارح تفكر بمكان ثاني تلاقي فيه وظيفه جديده بدوام مسائي ؟!!!
تراودها نفسها ترجع وتمسح بالمدير المكان كيف يطردها !
زفرت بضيق ما تنكر تصرفها غلط
بس احيانا تصيبها حالات جنان من الضحك واللعب تفرغ الكبت إلي تحس فيه !
من كثر الضغط إلي تشوفه تنفس عن نفسها بهذي التصرفات !
ناظرت ساعتها لازم ترجع للبيت بعد ما تكمل الاجراءات
وباكر تشوف لها وظيفه ثانيه !
***
***
***
فتح المدير عيونه بصدمه من كلامها وعم المكان السكوت للحظات بعد ما غادرت !
سعديه منحرجه ومنقهره بعد ما انطردت من الوظيفه !
تقدمت بهدوء واخذت النعال ولبسته بهدوء !
تكلم المدير بعد ما وقف : انا انذرتكم من قبل عن هذي الحركات !
سعديه شافت ملامحه لانت : والله مو قصدنا !
بس حرام تفصلنا من شغلنا !
تقدر تحط عقاب بس ما يوصل للفصل !!
ترى زميلتي مطفره وعندها بزران وهي إلي تصرف عليهم !
وصاحب البيت مهددها يطلعها من البيت اذا ما دفعت الاجره !
وهي يتيمه ومطلقه وما عندها احد يساندها !
الحين لما طردتهم اكيد رح يكون مكانهم بالشارع بعد ما يطردهم صاحب البيت !
وتابعت كلامها بتمثيل متقن بعد ما شافت ملامحه رقت : لو تبغى تطردني انا ما عندي مشكله !
بس زميلتي حرام
قاطعها بهدوء : خلاص تقدري انت ترجعين لوظيفتك وزميلتك بعد !! بس هذي الحركات ما ابغى اشوفها !
مفهوم !
سعديه بفرح : ان شاء الله دكتور !
والحين اروح ابشرها بهذا الخبر !
وغادرت بسرعه المكان !!!
ابتسم نائب المدير : الحمدلله على السلامه
المدير وهو يتحسس مكان الضربه : حسبي الله!!!
ربك ستر لو جاء الكعب براسي كان كسره بسب طيشهن !
نائب المدير باحتقار : ما في رجال يضبطهن !
طايشات والمشكله البنت الثانيه عندها بزران !!!
المدير : لولا البزران ما وافقت على رجوعهم !
نائب المدير بهدوء : اروح اكمل شغلي احسن لي !!
***
***
***
كملت الاجراءات واخذت نفس عميق قبل ما تطلع
توقفت لما سمعت صوتها الساخر من خلفها : كسرتي خاطري بعد ما طردك المدير !!
إلتفتت لها بعبوس وسرعان ما استقرت كفها على خدها وبحده : وانا خاطري اودعك قبل ما اطلع !
فتحت د.مها عيونها بصدمه ويدها مكان الكف ما توقعت توصل فيها الجرأة تمد يدها عليها !
اغلب الموجودين ناظروا بعد صوت الكف بإستغراب !!
د.مها بغضب : انت قد هذي الحركه ؟!
ساره بحده : لو ما كنت قدها كان ما عملتها !!!
اعتبريها إنذار لك ما تقتربين من صوبي لأني ما اضمن لك نفسي،!
د.مها بغضب : الحين رح اشتكي عليك
قاطعها نائب المدير : د.مها هدي شوي خلينا نفهم الموضوع !
سعديه تفاجأت من الموقف وبصوت هادي : ساره المدير رجعنا للوظيفه !
تبغين يرجع يفصلنا مره ثانيه !!
ساره بسخريه : صدق رجعنا !
وسرعان ما تحولت ملامحها للحده : قولي له يقدر يشتغل مكاني بما اني تركت الشغل
يا حظه «وظيفه شاغره »
ترى لايقه عليه هالوظيفه وتناسبه كثير !
وهمت بالمغادرة بس وقفها صوت حاد: وقفي لحظه