رواية أقدار~للكاتبة ضاقت أنفاسي الفصل الثاني عشر 12 - بقلم BlackButterfly002

بارت 12

«»«
»»«
»««

رحلنا رحلنا نعم يا حبيب .. بقلب جريح ودمع سكيب
تُرى يا حبيبي سيبقى الوداد .. ويبقى التآخي كغصن رطيب
أم الدهر يأتي بما لا نريد .. تنادي طويلاً ولا من مجيب
وأدعوك حيناً ولا لن أراك .. فيزداد شوقي كشوق الغريب
أخي سوف أُبدي لكم ما أُطيق .. فهل سوف تبدي لأجلي النحيب
لكم يا رفاقي بنفسي احترام .. كذا في فؤادي رؤىً لا تغيب......

""
"""
"""

في بيت ابو وليد للي اتفقوا تكون الملكه عائليه
ويعملوها بالبيت !
بمجلس واسع الكل منشغل بإجراءات الخطوبه !
جالس يناظرهم بحقد وهم مبسوطين
مستحيل يفوت فرصه الانتقام ورح يقهرهم مثل ما قهروه !
وخاصه وهو يشوف نظرات عيال عمه
وعيال خاله ابو وليد يناظرونه باستصغار وكأنه حشره قدامهم !
حتى ولده عمار سحبوه منه وسفره ابو راكان يكمل دراسته برا
وبناته زوجهم على كيفهم !
وهذي ساره على الطريق يتحكم بزواجها !
بس ما يكون خلف اذا ما كسر خشومهم !
بالاول رح يبدأ بعمه ابو عزام وعياله وبعدها يتفرغ لابو وليد وعياله !
لازم يقهرهم مثل ما قهروه
ينتظر على نار بعد ما كملوا الاجراءت وتمت الملكه وانهالت المباركات على عزام للي الفرحه تشع من عيونه !
وقف بكل ثقه بصوته الجهوري: بإسمي واسم إخواني أبارك لولد أختي عزام !
صوته الجهور وهيكله الضخم اجبر الموجودين يناظرونه
اغلب عيال عمه ناظروه وكأنهم يقولون ما يشرفنا وجودك ولا مباركتك
خلف بشبح ابتسامه وهو يشوف نظراتهم وبداخله يتوعد انتظروا شوي وتابع كلامه بخبث متقن : بما انه حنا في مناسبه الله يكثر الافراح علينا وعليكم
أبغى أبلغكم وافرحكم معي !
الكل ناظروه باستغراب وعدم راحه لكلامه ؟!!!
تابع كلامه وهو يشوف نظراتهم : ولد عمي ابو راكان قبل يومين خطب اختي على سنه الله ورسوله
وانا وافقت واتفقنا نعلن الخبر بهذي المناسبه !
وترى يا اخوان كل الموجودين معزومين في بيت عمي ابو راكان باكر بعد المغرب على الملكة !
صمت خيم على الحاضرين وكل الانظار على عيال ابو راكان !
ابو راكان ناظر عياله باستنكار مين فيهم للي يتصرف على كيفه بدون ما يشاوره !
وكأنه رجل طاوله !!
الشخص للي استبعده من عياله ابو عزام لانه زوج اختها وما يحل لها !!
موقف لا يحسد عليه قدام الناس عاجز عن النطق او على الاقل يفركش الموضوع !
تبقى ساره ابنة اخوه واي شيء يمس سمعتها يمسه !
اصابه العجز انه ينطق ويرفض هالمسخره !
كل للي قدر عليه سلط نظراته على خلف بتوعد !
ابتسم خلف وهو يشوف نظرات عمه ووجهه للي قلب اسود
حرك شفتيه وهو يناظر عيال عمه ابو راكان
*ابو عزام
*ابو ماجد
*ابو تالا
*مناف
*عبدالله
قبل ما يتكلم قاطعه خاله ابو الوليد للي ما عجبه الموضوع وبنبره إلتمس فيها خلف السخريه: مبارك !
بس ما قلت لنا مين من عيال عمك ؟!
خلف بابتسامه نرفزت ابو راكان : ولد عمي الصيدلاني !
كل الانظار تسلطت على عبدالله باستغراب
طول وقته بالسفر ونادرا ما ييجي هنا !
دوبه وصل قبل ربع ساعه و بدون ما يعطي احد خبر كانت مفاجأه !
كيف ومتى شاف خلف واتفق معه ؟!
وقف بهدوء معروف فيه وببرود وتكلم وهو يوزع نظراته للحاضرين يؤكد كلام خلف : تراني خطبتها من ولد عمي خلف واتفقنا على الشوفة الشرعيه الليله !
لانه من حق البنت تفكر وتعطينا رأيها
وإذا تمت الموافقه من الطرفين تراكم اول المعزومين !
شاف نظرات ابوه الناريه واختتم كلامه : الله يوفق الجميع !
وجلس وهو يناظر خلف للي صار وجهه بالالوان !
طنش همسات مناف وتحقيقه وهمس بهدوء : بعدين !
ابو راكان نار مشتعله بداخله بعد كلام عبدالله !
وينتظر هالمراسم تنتهي بسرعه حتى يشوف وش هالمسخره !
**
**
**
**
**
طول الطريق بعد انتهاء الملكه وهو ساكت
واول ما دخلوا البيت ناظر عياله وبعدها استقر نظره على عبدالله وبصراخ : ليه ؟!!
اشر على نفسه بقهر : ليه تخليني مثل الاطرش بالزفه !
تخطب وتتفق مع ولد عمك وانا اخر من يعلم !
ما لقيت الا هالنصاب تتزوج اخته ؟!
انت وين عقلك ؟!
ما تعلمت انه من اسس الزواج التوافق !
انت وين وساره وين ؟!
تراها مو من مستواك العلمي !
انت واحد دارس ومثقف تتزوج وحده اميه ما معها شهاده متوسط ؟!
انت ما عندك عقل ؟!
ابو عزام مسك يد ابوه : ارتاح يبه !
الحين يرتفع معك الضغط !
ابو راكان وهو يجلس: كيف ما يرتفع واخوك هذا رح يجلطني !
ابو تالا ناظر عبدالله بقهر : من متى إنت وخلف بينكم تواصل ؟!
ومتى خطبتها منه ؟!
عبدالله وهو يناظرهم باستغراب من هذا الهجوم
ابو عزام نفسه يخنق هالخلف : والحين ما بقى على الشوفه وقت !
روح ...
قاطعتهم ام راكان للي كانت تسمع وهي ساكته : يشوفها ؟!
واذا عجبته ؟!
ماجد بسخريه قاطعها : ساره الجوكر تعجبه !
وضحك بصوت عالي وسرعان ما كتمها لما شاف نظرات عمه ابو عزام الغاضبه !
تابعت ام راكان كلامها : انا ما اخرب على ساره بس في فرق كبير بالمستوى التعليمي !
قاطعها ابو راكان وهو مخنوق ويناظر عبدالله : خلاص مو انت للي خطبت من غير شورنا !
روح شوفها ....الله يوفقك
عبدالله ببرود : تعالي يمه معي وانت يبه
قاطعه ابو راكان بغضب : هذا الناقص اروح للمتخلف واخطب منه !
ابو عزام قاطع ابوه : خلاص ما له داعي احد يروح معك خذ امي وشوف البنت وانتهينا !
ابو ماجد بغرور : انتم من عقلكم تروحون تخطبون اخت خلف ؟!!
ماجد بلقافه يناظر عبدالله : اجي معك يا عمي !
ابو تالا بغضب : انت انطق هنا !
وشهوله تروح معهم
سلمان حرك حواجبه يغيض ماجد : انا رايح تراها خالتي !
ماجد انقهر : الحين اعترفت انها خالتك ؟!
ام راكان بعدم اقتناع : امشي اشوف نهايه هالمهزله !!
وناظرت سلمان: انت انطق هنا !
ابتسم ماجد بشماته على سلمان للي تفشل من جدته !
***
***
***
***
كملت تنظيف المطبخ وجلست على الكنبه بالصاله بضجر وهي تتخيل وتتوقع وش يعملون الحين بالملكه !
تفاجأت بدخول خالتها وهي متجهمه والغضب باين بعيونها
ومن خلفها اخوها خلف ملامحه متوتره
وقفت على حيلها لما صرخت خالتها : قومي عساك للهلاك !
ساره بخوف : وش فيه ؟!
خلف وهو يتوجه للمجلس : اسمعي
عبدالله ولد عمي خطبك وجاي الحين يشوفك بسرعه
تجهزي !
ام محمد بغضب : مو داخله رآسي عبدالله الصيدلاني يخطب هذي ؟!
اصلا من وين يعرفها ؟!
خلف بضجر من امه : وبعدين ؟!
وقسم بالله لو تخربين الموضوع الا
قاطعته ام محمد بقرف : لا تخاف مناي تنقلع من وجهي!
ساره تناظرهم بعدم تصديق،!
عريس ؟!
ولد عمها ابو راكان ؟!
الصيدلاني ؟!
ولا مره شافته يمكن سمعت عنه بالصدفه !
كانت ام راكان تتكلم قدامها وهي تدور له عروس !
كانت تقول تبغاها سنعه مؤدبه وبنت ناس وعالم ومتعلمه وحلوه!
متأكده انها ما كانت تقصدها !
بس كيف خطبها وهو ما يعرفها !
معقول ام راكان اقترحت عليه يخطبها !
او ابو راكان ؟!
كل هالاسئله تدور برأسها ما وقفها
الا لما سحبتها ام محمد بقرف : تعالي معي نجهز الضيافه !
**
**
**
**
**
في بيت ام محمد
ام راكان تهمس لاختها : والله عقلي مو مستوعب هالسخافه !
ام محمد بقهر : ابنك مو صاحي !
الف وحده تتمناه !
ما لقى الا ساره !
دخلت ساره بالضيافه وجلست ووجهها احمر من الاحراج والخجل
وكأنها اول مره تشوف ام راكان !
ام راكان تنهدت وهي تناظرها : اسمعي يا ساره الحين يدخل عبدالله علشان يشوفك !
اذا سألك اي سؤال جاوبي عليه ولا تستحين !
ام محمد بذم : هذي ما تعرف شيء اسمه حياء !
قاطعهم صوت خلف الجهور : يالله !
ام محمد كشرت وبدون نفس ردت : ادخل ادخل
دخل وخلفه عبدالله للي ترتسم ملامحه بالهدوء
رد السلام وجلس !
ام محمد : اخبارك يا عبدالله ؟!
وينك ما نشوفك ؟!
عبدالله بصوته الهادي : الله يسلمك يا خالتي !
تعرفي مشاغل الحياه !
ام محمد : وش تبغى بالغربه خلاص تعال استقر هنا !
عبدالله : ان شاء الله قريب!
ام راكان بجمود تبغى تخلص من هالسالفه : هذي العروس !
وناظرت ساره للي شوي ويوصل وجهها الارض وهي منزليته : ارفعي رأسك خله يشوفك !
ام محمد وهي تناظر عبدالله واثرثر بسرعه : هذي هي ساره !
يمكن اول مره تشوفها !
عمرها 16 سنه !
ادري انك رح تستغرب !
ما يغرك حجمها الكبير وضحكت على تعليقها !
ابتسم مجامله لخالته للي رجعت تكمل كلامها : تراها تركت الدراسه
وما معها الا شهاده المتوسط !
وناظرت ساره وهي تمثل البراءه : تعرفين تكتبين يا ساره ؟!
خلف ولع من كلام امه للي جالسه تخرب بالموضوع تكلم بسرعه : اصلا عبدالله ما تهمه هذي الامور !
عبدالله ناظره وابتسم بغموض : ايه صحيح !
امالت ام راكان شفتها دليل على عدم الرضى !
وقف عبدالله ناوي يطلع
خلف باستغراب من خروجه السريع : وين مستعجل ؟!
عبدالله بابتسامه : اليوم وصلت من السفر تعبان ابغى ارتاح !،
خلف بعجله : وش ردك ؟!
عبدالله طالعه بانتقاد لسؤاله : تعال نطلع برا واعطيك الجواب !
طلعوا ولحقتهم ام راكان وام محمد !
تنفست ساره بارتياح بعد خروجهم !
ما زال قلبها يدق بقوه !
وتحس وجهها مولع نار
تلمست خدودها
وعقلها بصراع معقول يوافق او يرفض ؟!
لما تناظر نفسها تجزم انه رح يرفضها ؟!
بس يبقى عندها امل اهله يقنعوه فيها !
والشكل مو ضروري اهم شيء الاخلاق !
**
**
**
وقف خلف بتوتر وهو يناظر عبدالله للي يتكلم بطريقه بارده تثير اعصابه
: شوف يا خلف انا ما يهمني المستوى التعليمي كثير واقدر اتغاضى عنه!
واقدر اتغاضى إنك أخوها !
واقدر اتغاضى عن صغر سنها !
لكن الجمال !
ما اقدر اتغاضى عن هذي النقطه !
بصراحه البنت ما عجبتني !
والله يوفقها مع للي يسعدها !
واختتم كلامه بابتسامه خبيثه وغادر متجه لبيته !
تنفست براحه ام راكان واسرعت الخطى خلف عبدالله !،
عصب خلف من رد عبدالله ومن ابتسامة امه الشامته : هالكلب !
ويتدلل ؟!
ام محمد : ايه يتدلل يطلع له !
والا انت من عقلك تبغى تلبسه بساره ؟!
خلف رفع حاجب باستنكار : وش عرفك ؟!
ام محمد : تبغى تقنعي انه عبدالله طلب يد ساره وهو ما يعرفها ؟!،
اكيد هذي من خططك !
وقبل ما تدخل كملت : تراك أخطأت الاختيار !
غلطان اذا ظنيت انه عبدالله مسكين وهادي !
لا يغرك الهدوء للي يحاوطه تراه اذكى منك بكثير يا روح امك !
روح شوف لك صيده ثانيه احسن لك !
انقهر من كلام أمه وغادر مثل البركان !!
ما توقع عبدالله بهذا الخبث ويطلع نفسه من الموضوع بذي السهولة !
**
**
**
**
جالسين بالصاله بعد ما رجع عبدالله من الشوفه
ابو راكان تفاجئ : يعني انت ما خطبتها من خلف ؟!
عبدالله هز راسه بالنفي : لا ما خطبتها
تراني تفاجأت بالموضوع مثلكم !
كيف اخطب البنت وانا ما أعرفها ؟!
ابو ماجد ابتسم : وكملت معه التمثيلية !
مناف :وخالتي وش قالت بعد ما رفضت ساره ؟!
ام راكان براحه انه انتهى الموضوع : عادي !
ابو تالا : وساره تدري انك رفضتها ؟!
عبدالله وقف بلامبالاه : اكيد عرفت
انا مو اول واحد ولا اخر واحد يرفض العروس !
عادي شيء متداول !
الله يوفقها !
ام راكان بصراحه تتكلم : شوف يا عبدالله بغض النظر انه خلف اخوها !
لكن الشهاده لله البنت مثل العسل
سنعه ومؤدبه وطيبه وبشوشه !
لو انها متعلمه الا اخطبها لك بنفسي !
بس البنت ما تناسبك حتى المظهر والعادات وافكارها تختلف
سلمان كمل عن جدته باختصار : تراها خبله وغبيه وعبيطه بس حلو
قاطعه مناف بعصبيه : سلمان!
انت ما تستحي على وجهك تتكلم على خالتك بهذي الطريقه !
عبدالله ابتسم على انفعال اخوه : خلاص فكونا من السيره فخ وتخلصنا منه !
وان شاء الله ربنا يوفقها !
وباستغراب : عزام بعده ما رجع ؟!
ابو ماجد : بعده عند خطيبته !
هذا الثقيل!
ابو راكان براحه وبداخله يتوعد خلف الا يرد له هالحركه : الله يوفقه !

***
***
***
•••
في اليوم الثاني شعورها بعد الرفض لا يوصف
تحس خاطرها مكسور والضيق بداخلها عكس ظاهرها !
وزاد عليها كلام خالتها والتشفي بعيونها وكلامها !
محبطه لدرجه لا توصف !
اذا كان عندها امل 2% تتزوج بعد الشوفه صار زيروووو
كملت تنظيف البيت وما طلعت من الاحراج !
كيف تطلع ويناظرونها انها مرفوضه!
لو كان الموضوع بالسر كان اخف عليها !
لكن للي وجع قلبها كل الناس تدري انه عبدالله رفضها بعد الشوفه !
حطها بموقف لا تحسد عليه !
ماسكه دموعها بالغصب !
اخذت نفس عميق لعل الضيق يرحل !
زاد احراجها وهي تشوف ماجد وسلمان داخلين : سلاام!
وقفت ساره تبغى تخرج من المكان حتى ما تعلق بلسانهم ردت باختصار مع ابتسامه مزيفه : هلا
ماجد وهو يجلس : علامك واقفه ؟!
اجلسي !
ساره بهدوء : عندي شغل !
سلمان بابتسامه باطنها السخريه : الحين طلع عندك الشغل لما دخلنا !
صحيح ما قلت لنا وش صار بالشوفه ؟!
ماجد بصراحه وصلت للوقاحه : شوفي لو دخلت عليه بذي الملابس معاه حق يرفضك !
ولازم ما تزعلين !
سلمان يكمل عنه : كويس ما هج عمي لما شافك !
ساره وهي تحاول تسيطر على نفسها ووجهها تحسه بالالوان : هههه سخيف !
ماجد متفاجئ : وطلع لك لسان !
ساره بقهر منهم : ليه قالوا لك ما عندي لسان !
ومدت له لسانها
سلمان ضحك على تصرفها ما علق على الموقف وبسرعه انتقل لسؤال يبغى يعرف اجابته حتى يشبع فضوله : وش شعورك لما وصلك خبر الرفض ؟!
ساره ببرود ظاهري : عادي
اصلا لو وافق انا مو موافقه !
ماجد يصفق بقوه : احلى !
بصراحه معك حق ترفضين !
معك شهاده برفسور هالقد !
واخوانك مناصب عاليه !
وجمالك ذباح !
ضحك سلمان بصوت عالي : وقسم بالله انك نكته !
طالعتهم وما ردت عليهم وطلعت من البيت وهي تسمعهم ينادون : تعالي ضيفينا !
طنشتهم وطلعت وهي تحس
الضيق زاد على صدرها من سوالفهم !
ما تدري وين تروح ؟!
بيت عمها ابو راكان ما رح تطبه اكيد عريس الغفله موجود !
ترددت تروح لبيت ابو عزام !
تخاف يفتحون السيره وما تقدر تمسك نفسها وتبكي !
ابتسمت بتلقائيه لما شافت عزام
طالع من بيتهم
ركضت له بسرعه
هز راسه بأسف ما يدري متى تعقل؟!
دوم يقولها لا تركضين ما عدت البنت الصغيره !
تتأسف وبعدها ترجع لنفس العاده !
اقتربت وهي تلقط انفاسها وبابتسامه عريضه: مبارك الخطوبه !
مدت يدها وسلمت بحراره !
وتكلمت باعتذار : اسفه ما قدرت احضر الخطوبه !
ابتسم عزام وهو اصلا ما انتبه اذا حضرت او لا كل تفكيره كان عند خطيبته : وش للي منعك ؟!
ضحكت ساره وهي تحك راسها ما تدري وش تقول
عزام ابتسم لها وهو مستغرب من ضحكاتها وابتساماتها !
كل يوم يجزم إنها بدون احساس او مشاعر او كرامه !
البارحه انرفضت واليوم تضحك
حسب معلوماته البنات يتحسسن من سالفة الرفض !
هز كتوفه وهو يقنع نفسه بعدها صغيره وما تفهم بهذي الامور !
ساره بحماس : اليوم تبغى تروح لخطيبتك خذني معك علشان ابارك لها !
عزام ميل شفته : عشتو
هذا الناقص !
متى تتركين طبع اللقافه ؟!
وبتحذير : لا تروحين لبيت جدي ابو راكان !
ترى عبدالله هناك !
مو حلوه تروحين وهو البارح رافضك !
بلاه يفكر انك تتميلحين عنده !
الناس كلامها ما يرحم !
صار وجهها ألوان لما جاب سيره عبدالله !
ليه يحسسونها انها لذي الدرجه ما تفهم ؟!
مستحيل تتدخل بيت عمها وعبدالله موجود !
متأكده انه عزام يبغى مصلحتها بس ما تدري ليه تضايقت من هالكلام
وحتى تنهي الموضوع : ان شاء الله !
مسك يدها وهو يشوفها تبغى تروح لبيت اهله : ولا تروحين لبيتنا !
ترى عمي عبدالله معزوم على الغداء عندنا !!
خلاص ارجعي للبيت !
وبنرفزه : انت ما تعرفين تجلسين بالبيت !
فكت يدها منه بهدوء وبصوت هادي : ان شاء الله
تحركت باتجاه بيتها والعبره خانقيتها
!
وقفت قدام البيت وتذكرت وجود سلمان وماجد
مو ناقصه مسخرتهم !
وبسرعه تابعت خطواتها لبيت اخوها خلف !
صحيح انه عبدالله أخو ام عمار
بس متأكده مستحيل ام عمار تحرجها !
طرقت الباب بهدوء
وبعدها دخلت وهي تسمع الاذن لها بالدخول .....
***
•••
***
•••
مرت ايام حاولت ساره تلتزم البيت
وما دخلت بيت ابو راكان
الا اليوم وصى لها ابو راكان تزوره
دخلت والاحراج مخيم عليها
سلمت عليهم وعيونها بالارض
ابو راكان بحنان : تعالي يا ابوي اجلسي عندي !
قامت بإحراج وجلست جنبه !
وبدأ يمسح على رأسها : وينك قطعتينا ؟!
رفعت نظرها بتردد واحراج وما ردت !
ام راكان ابتسمت لها : وش رأيك تتغدين معنا ؟!
ساره ابتسمت لها مجامله : ما اقدر اتفقت مع خالتي اجهز لها الغداء قبل ما ترجع من زيارتها!
ابو راكان بانتقاد وهو يناظر زوجته: اختك هذي ما تعرف تجلس في بيتها؟!
ساره بدفاع : راحت عند اختي اميره تسلم عليها راجعه من السفر !
ام راكان بانتقاد : ليه ما تيجي اميره وتسلم على امها ؟!
كان عندها ام ما تدري عنها !
طول وقتها بالسفر !
ابو راكان : زوجها ومضطره تمشي معه !
وكل واحد يركض خلف مصلحته !
شوفي عيالك ما نشوفهم الا بالمناسبات
وكأنه ما عندي عيال الا ابو تالا وابو عزام !
ام راكان : عيالك يدورون باب رزقهم !
دخل ابو تالا وهو يكلم بالجوال : خلاص ان شاء الله .....طول روحك شوي ..بالتفاهم كل شيء ينحل !
....يصير خير .....مع السلامه
جلس وهو يزفر بضيق
ام راكان : مين هذا ؟!
ابو تالا : مناف !
ابو راكان : صاير شيء ؟!
ابو تالا بانكار : لا ما في شيء مشكله بسيطه بالشغل !
وقفت ساره بابتسامه : اروح اعمل شاهي !
ابو راكان بابتسامه : يا ليت والله !
هزت رأسها وتوجهت للمطبخ
ام راكان : كنت خايفه يحز بخاطرها سالفه الشوفه !
حتى توقعت انها ما تدخل بيتنا !
ابو راكان ؛ ساره طيبه وما تعرف الحقد !
بس عبدالله ما يناسبها !
ابو تالا : بس البنت ما يعيبها شيء !
وبصراحه اكبر تابع كلامه : يبه انا ابغى الولد !
هذا عمري صك 40 وما عندي ولد يحمل اسمي !
ام راكان باستنكار : تبغى تتزوج على زوجتك !
ابو راكان بتفكير : وام تالا تدري ؟!
ابو تالا بلا مبالاه : اكيدرح تعرف !
وش رأيك يبه بساره ؟!
ابنة عمي وانا اولى من الغريب !
واحفظها واصونها عن اخوها خلف !!!
ومو مهم عندي المستوى التعليمي
ام راكان هزت راسها بالرفض : الفرق بالعمر كبير بينكم !
حرام البنت صغيره
ابو تالا : فرق العمر بالزواج بنظري مو مهم !
اهم شيء التفاهم !
وأنا بإذن الله مارح اظلمها !
هزت ام راكان راسها بخفيف بعد ما عرفت سبب النظرات الناريه من ام تالا لساره!
الحرمه شاكه بالموضوع !
ناظرابو تالاابوه يستحثه على الكلام:وش قلت يبه ؟!
ابوراكان بتفكير : اس
سكت وهو يشوف ساره داخله ومبتسمه لهم!
اشر لولده بعدين يتكلموا بالموضوع !
وزعت الشاهي ساره وجلست
ناظرتها ام راكان وابتسمت مجامله وهي تفكر لازم تحاول تخفف من زيارات ساره لهم بعد كلام ابو تالا
كانت مغفله وما انتبهت الايام الماضيه لنظرات ولدها !
على بالها ناظرها مثل ابنته او اخته !
صدق من قال هالزمان ينخاف من الرجال !
وخاصه لما يقولون مثل اختي
دخلت البيت وهي مستغربه لما سحبها خلف من يدها بقوه : انا من الصبح ادورك ؟!
وين طسيتي ؟!
وقبل ما تجاوب سحبها : تعالي بسرعه إلبسي عباتك بسرعه !
ما كان عندها الجرأة تسأل ليه
وبسرعه توجهت لغرفتها ولبست عبايتها !
خالتها مو موجوده عند اميره بعدها ما رجعت !
معقول صار على خالتها حادث ؟!
وجه خلف مخطوف وكأنه فيه مصيبه !!
طلعت بسرعه وهي تسمعه يستعجلها !
ناظرت ساعتها كانت 10.30 !
زاد خوفها وهو يحرك بسرعه كبيره !
ويلتفت حوله مثل المجنون !!
زاد رعبها لما وقف عند موقف السيارات
تأكدت انه خالتها صايبها شيء لما شافت المبنى للي وقف عنده ؟!
المستشفى !!
التفتت عليه برعب وهو يكلمها بحزم : اسمعي الحين تنزلين تعملين فحص الزواج !
انزلي بسرعه
علشان نلحق على المحكمه ونملك !
ناظرته بعدم استيعاب !!
فحوصات !
وملكه !
كله بسرعه بسرعه وهي مثل الخروف يسحبها خلفه
بدون اعتراض !
بس عليها تنفذ الكلام !
كمل الاجراءات بالمستشفى
والحين واقفه باب المحكمه وكل خليه فيها ترجف !
كيف تتزوج بذي السرعه !
زواج بدون شوفة شرعيه !
كيف صارت هذي ؟!
ومين العريس للي قبل فيها بدون ما يشوفها ؟!
وخالتها وين موقعها بهذا الزواج ؟!!
بلعت ريقها برعب وهي تتقدم ...
الحين رح تلتقي بزوج المستقبل ؟!!
**
**
وابكي بحزن كَ ثقل الجبال
وبعد السماء وطول البلاد
وابكي بعين تجف بها
دموع الحنايا ونزف الفؤاد
اخبئ خلف ظلوعي الحنين
وصوتي هزيل جفاه الرقاد
رمتني الليالي بتلك الطعون
وجرحي مرير رميت البعاد
هشيم الايادي ابت ان تكون
بكفي معينا وكانت رماد
وجدتك قلبا حنونا رحيم
بقى حين طال علي السهاد
ارتب حرفا رقيقا انيق
يفوح شذاه وحبي مداد
نثرته عقدا بين يديك
وحرفي سيبقى بشوقي وداد
~~~
~~~
~~~
~~~
التفتت عليه برعب وهو يكلمها بحزم : اسمعي الحين تنزلين تعملين فحص الزواج !
انزلي بسرعه علشان نلحق على المحكمه ونملك !
ناظرته بعدم استيعاب !!
فحوصات !
وملكه !
كله بسرعه بسرعه وهي مثل الخروف يسحبها خلفه
بدون اعتراض !
بس عليها تنفذ الكلام !
كمل الاجراءات بالمستشفى
والحين واقفه باب المحكمه وكل خليه فيها ترجف !
كيف تتزوج بذي السرعه !
زواج بدون شوفة شرعيه !
كيف صارت هذي ؟!
ومين العريس للي قبل فيها بدون ما يشوفها ؟!
وخالتها وين موقعها بهذا الزواج ؟!!
بلعت ريقها برعب وهي تتقدم ...
الحين رح تلتقي بزوج المستقبل !!
كيف شكله وكم عمره ؟!
هل يا ترى مطلق والا ارمل والا شايب !!
بالمستشفى ما كان عندها القدره ترفع رأسها وتشوفه !
او تلمحه بطرف عينها !!
زفرت بضيق وهي تشعر بالغصه بحلقها !
هذا للي كانت تتمناه!!
انها تتزوج وتبدأ حياه جديده ؟!
بس ليه ما تحس بالفرحه والخوف ساكن بداخلها ؟!
يمكن وساوس الشيطان !
او الخوف من مواجهة عريس المستقبل لأنه بنظرها مجهول!
رفعت رأسها لخلف لما نغزها بخصرها
ناظرت باستغراب
وسرعان ما فهمت لما سألها القاضي عن موافقتها !!
متى دخلت عند القاضي ؟؟؟
تحس نفسها كانت بعالم اخر !
بلعت ريقها لما راودتها افكار برفض هالزواج لانه رح يغضب عمها ابو راكان وعزام !
ما تبغى يزعلون منها !
كنسلت افكارها لما تذكرت وش رح يكون مصيرها وهي بين يدين خلف لوحدها !
وبصوت مرتجف ردت : موافقه !
اخذت نفس لما اعطوها توقع رفعت نظرها لاسم للي رح ينكتب اسمها معه !
اصابها الاحباط اول مره تسمع بهذا الاسم !
هاني محمد .....
للحظه تمنت يكون عبدالله ولد عمها !
او ماجد !
نفضت الافكار من راسها باحتقار لنفسها !
هي وين وهم وين ؟!
لازم تناظر على قد مستواها !
يمكن ما يناسبها الا هزاع !
وقعت بسرعه لما تذكرت هزاع حتى تهرب منه ويدها ترتجف بعد صوت خلف المتنرفز منها !
تمت الاجراءات على خير !
وصارت رسميا زوجة هاني !
رفعت نظرها بتلقائيه للعريس لما طلب منها خلف تسلم عليه !
حست نفسها رح توصل للسقف حتى تشوف رأسه !!!
بالرغم من انها تعتبر طويله الا انها حست بفارق الطول بينهم !
استغربت الملامح اول مره تشوفه !
وزاداستغرابها انه شاب صغير بالعمر مو مثل ما رسمت بعقلها !
رجعت ووضعت احتمال انه مطلق او ارمل !
عقلها مو قادر يستوعب شاب مثله يتزوجها ليه؟!
استغربت لما مشى ويدها بيده صرخت بداخلها هي يا ابو الشباب الظاهرنسيت يدي معك!
بس اضطرت تجاريه وتمشي معه وهو ماسك يدها خايف تطير!
حست بنشوة فرح اول مره تحس احد يمسكها بذي الطريقه حتى ما تبعد عنه !
واستغربت خلف للي تركهم وتوجه لسيارته !
قلبها دق بقوه معقول اليوم الزواج وهي ما تدري !
وبسرعه دفت يده والخوف ارتسم بملامحها !
وبسرعه ركضت باتجاه سياره خلف !
**
*•
**
**
نزلت من سياره خلف وقلبها مو مرتاح !
وناظرته تشوفه ينزل او لا !!
مقهوره للحين من حركته ما يبغى يوصلها !
يبغاها ترجع مع هاني لوحدها !
شافته يكلم بالجوال لدقائق وبعدها قفل وبسرعه حرك وغادر المكان ولا كأنه عمل شيء...
الحين فهمت حركته لما أخذها وسرعته الزايده خايف احد يدري ويفركش الموضوع !
بلعت ريقها بخوف وهي تسمع صوت خالتها تردح لها : يا قليله الحياءرايحه تتزوجين بدون ما تخبرينا !
التفتت ساره برعب من نظرات خالتها !
تقدمت بتوتر وهي ما تدري كيف تخلص نفسها !
رماها خلف وهرب !
وتركها بمواجهة هذا البركان !
_ ادخلي وقسم بالله الا اطلع هالحركه من عيونك !
انا قلبي ناغزني من يوم ما دخلتي معي المستشفى !
طلعتي مو قليله !
عرفتي كيف تشبكينه حتى تهربي من عندي !!!
عقدت ساره حواجبها باستغراب مو فاهمه شيء !
مستشفى ؟!
وش دخل هذي بسالفتها !
تقدمت ساره للداخل باستسلام ما في مفر من المواجهة
**
••
**
***
ابو راكان والغضب يسري بدمه من خلف !
رمى كلامه بعرض الحائط ولا عبره !
كيف زوجها وما اهتم لتهديداته !
كلمها بغضب لاول مره : انت غبيه !
كيف توافقين وتملكين بذي الطريقه ؟!
ام عمار بدفاع عن ساره : تبغى ساره توقف بوجه خلف وانت اعرف بعقله!
ابو راكان بعدم اقتناع : الصبح كانت عندي !
ولا طرفت للموضوع !
بس اكيد انها فاتحه حلقها لذي السوالف !
لو خبرتني الصبح كان تصرفت !
ام محمد تشعر بسعاده وهي تشوف هجوم ابو راكان على ساره :انا نفسي افهم ليه هالرجال مصمم عليها !
وحنا رفضناه بالبداية !!
ليه رجع خطبها مره ثانيه !
سلمان ينكت وهو يبتسم : قلنا لك يا جده ناقصهم بفريق السله لاعب
بلع اخر كلمه وهو يشوف نظرات جده مو وقت سخافته !
ام راكان بهدوء : خلاص يا ابو راكان البنت ملكت وانتهى الموضوع يمكن خير!
ام تالا بفرح هم وانزاح عنها : الله يوفقها !
وناظرت زوجها للي وجهه فيه الغبن والقهر !
ابو عزام : الرجال ما يعيبه شيء نصيبها معه ،!
ابو راكان وللحين ما خمدت النار للي بقلبه : مو انا للي يستغفلني !
خلف
سكت وهو يشوف خلف داخل وملامحه متجهمه كالعاده !
كمل عن عمه : خلف للي جاء لك واعطاك اخته لعيالك بس انتم رفضوتها !
ولدك رفضها ما عجبته الظاهر يبغاها ملكة جمال !
رفضوتها ما لكم حق توقفون نصيبها !
رجال صائم ومصلي ومتعلم وعنده خير !
ليه ارفضه ؟!
البنت جالسه بالبيت وش تنتظر ؟!
اذا عيال عمها ما يبغونها ليه تبغى توقف نصيبها !
جاوبني !،
ابو راكان بعصبيه : البنت بعدها صغيره!
خلف بسخريه اشر على ساره :،صارت طول الباب وانت تقول صغيره !
يا عمي خليني ساكت وما ابغى اتكلم !
ابو عزام بهدوء : طيب ليه ما شاورت اخوتك على الاقل !
خلف بحده : والله إخواني رموها عندي وما لهم حق يتدخلون !
ام محمد بقهر : اتوقع انا للي ربيتها على الاقل شاورتني !
مو تزوجها بدون علمي !
ولا تنسى انا ادرى بمصلحتها !
ضحك خلف بسخريه : مصلحتها !
لو تعرفين مصلحتها كان ما جبتي هزاع الداشر لا،شغل ولا مشغله وتبغين تزوجينها له !
على الاقل هذا استاذ وله سمعته الطيبه !
ويكون بعلمك الخميس الحفله رح ييجون اهل هاني ويعملون حفله صغيره لهم بمناسبه الخطوبه !
ابو تالا بقهر : اهم شيء عندك قبضت المهر !!
طالعه خلف وهو رافع حاجب : وانت وش دخلك !
وباستفزاز : ايه قبضت !
مهر ولا وبالاحلام !
وطالعهم وهو يشوف القهر بعيونهم : اشوفكم الخميس !
وطلع ببرود ولا كأنه عمل شيء،!
عزام جالس يطالعهم بهدوء
استقر نظره على ساره وهي واقفه وكأنها مذنبه ومنزله عيونها !
حس بالشفقه عليها هي ضعيفه وما تقدر تدافع عن نفسها
كيف توقف بوجه خلف!
تذكر لما تخرجت جدته من المستشفى استغرب نظرات رجال عليهم !
الحين فهم اكيد هو نفس العريس للي خطبها !
مستغرب من اصراره وتصميمه على زواجه من ساره !
ناظر جده وهو ينهر ساره : روحي لغرفتك وقسم مو طايق اشوف احد فيكم !
وبسرعه استقرت عيونه على ساره وهي تغادر بدون اي اعتراض !!
رحمها وطالع جده وبلوم : يا جدي تراك قسيت على ساره !
ابو راكان : من قهري عليها !
ترى اخو هاني مو مضبوط وسمعته بالارض وساره صغيره اخاف عليها منه
قاطعه عزام : يا جدي ما في بهذا الوقت احد صغير !
الطفل ابو سنتين يفكر احسن مني !
ام راكان تهدي الوضع : خلاص يا جماعه كلامكم ما في فائده منه !
صلوا على النبي واستهدو ا بالرحمن !
**
**
**
**
قفلت الباب وسمحت لدموعها بالنزول ....ليه مكتوب عليها الشقاء،!
رفعت نظرها للسقف وهمست بالاستغفار !
ما تقصد الاعتراض على القدر !
حتى فرحة الخطوبه قلبوها نكد عليها !
تتمنى مثل باقي البنات الكل يبارك لها ويفرح لها !
حتى كلمة مبروك محرومه منها !
ولا احد اطرب مسامعها بهذي الكلمه !
تلقت بديل للتباريك الصراخ واللوم ؟!
تكورت على نفسها وبداخلها وجع !
وين امها وابوها بمثل هذي اللحظه يوقفون معها ....يباركون لها .....
بهذي اللحظات تشعر بطعم اليتم !
وحيده وش يطلع بيدها !
ما عندها الجرأة توقف بوجه احد او ترد عليه !
تحس لسانها ينعقد وما تقدر تدافع عن نفسها لو بحرف !
متضايقه من نفسها لمتى رح تبقى بهذذا الضعف ؟!
متى يكون لها شخصية قويه وتآخذ حقها بيدها ؟!!
خايفه من حياتها مع هاني...وللي يزيد خوفها اصراره عليها ....ما تشوف في نفسها شيء يخليه يتعلق فيها ويصمم على الزواج منها !!
«الانتقام »
قلبها قارصه يكون بينه وبين خلف مشاكل !
ويبغى ينتقم عن طريقها !
ما تدري وش تكون رد فعلها لو كان حدسها صحيح !
••
**
**
**
**
في اليوم الثاني
دخلت بيت ام عزام تبغى تعرف اذا عمها ابو راكان زعلان عليها !
شافت نسرين جالسه لوحدها توجهت لها وجلست عندها بهدوء !
نسرين رفعت حاجب بحسد : مبروك الخطوبه !
ساره ابتسمت مجامله : الله يبارك فيك !
عقبالك قريب !
نسرين بقهر : ما ظنيت يكون قريب !
ساره بضحكه قصيره : اكيد بعد ماتكملين دراسه وتتخرجين تحتاجين 6 سنوات !
نسرين بضيق مثل اي بنت بهذا العمر تحب تتزوج بس للي رابطها الدراسه وبغرور تكلمت : هذا اذا درست تخصص عادي لو طب او هندسه احتاج أكثر !
مو مثلك ما وصلتي للثانوي !
ابتسمت ساره على كلامها : يا اختي انتم بيت عباقره مو مثلنا !
تنهدت ساره وهي تناظر نسرين بإعجاب شعرها لمنتصف ظهرها
حنطيه ملامحها ناعمه نحيفه ودائما مرتبه ومهتمه بعمرها عكسها !
فهي مثال للشرشحه !
ابتسمت وهي تشوف نسرين تمسك كتاب للمطالعه وتفتحته ......متفوقه بدراستها بالرغم انه اهلها بالنسبة لهم غبيه لان معدلها 93 !
اهم اولويات بيت عمها ابو راكان الدراسه !
عكس اخوها خلف صارت مشكله كبيره على دراسة عمار وبالغصب سحبه ابو راكان للخارج يكمل دراسه حتى يضمن ما يتعرض له خلف !
دخل عبدالرحمن وجلس وهو يوزع ابتسامات : هلا بالعروس !
توردت خدود ساره من الاحراج : هلا
عبدالرحمن : وش شعورك بعد الملكه !
قاطعته نسرين بتذكر وهي تناظر ساره : جهزتي نفسك للحفلة !
ساره بتفكير : عندي ج
قاطعتها نسرين بقرف : لا تقولين من ملابسك الخايسه !
يا غبيه تراها حفله لازم تشترين فستان وتحجزين عند كوافيره حتى تكونين متميزه !
عبدالرحمن ضحك : ما اتخيل شكل ساره بفستان !
وبعدين تحتاجون تفصيل حتى تلاقون فستان على طولها !
طالعته ساره بدون كلام متأكده انه يبالغ بمسألة طولها !
كل هذا غيره لأنها اطول منه دوم يحاول ينكسها !
ابتسمت نسرين وهي تمسك يد ساره : طنشيه تراه يغار لانك اطول منه !
عبدالرحمن فتح عيونه باستنكار : اغار !
ليه قالوا لك بنت حتى اغار !
وبكشره : وين امي ؟!
نسرين : في بيت جدي ابو راكان !
عبدالرحمن بتذكر طالع ساره وهو ناوي يطلع : ترى جدي متحلف فيك !
ولا يبغى يشوف رقعة وجهك !
نسرين همست لها : تراه كذاب !
جدي ما قال شيء والبارحه بابا قال انه جدي رضي وسكت وناوي يجيب لك هديه
ابتسمت ساره لطاري الهديه !
وانصتت لكلام نسرين وهي تشرح لها وش لازم تعمل يوم الحفلة !

***
***
***
***
جالس بالمحاضره بضجر قرب رأسه من سلمان وهمس : يا ثقل دم هالدكتور !
سلمان بنفس الضجر : قسم بالله اسلوبه ينعس ويملل الواحد !
ماجد بنفس الهمس : تتوقع جدي يترك خطوبه ساره كذا !
سلمان رفع حاجب : ما اتوقع خلاص كتبوا الكتاب وانتهينا !
ماجد : يمكن يروح للقاضي ويعترض بحكم انه البنت صغيره !
سلمان : اسكت بلا صغيره اكيد لما شافها ظنها ام العريس
كتم ماجد ضحكته وحط يده على فمه
سرعان ما نقز لما صرخ الدكتور فوق رأسه : تراك زودتها !
وش قلة الحياء هذي ؟!
ما عندك احترام لهذي العلوم ؟!
ماجد وهو يحك رأسه : والله اني احترم الرياضيات
لا عفوا أقصد العلوم !
ضرب الدكتور على مقعده بقوه : بس !
صدقني يا ماجد اذا استمريت على هذا الحال رح تخسر !
ماجد عقد حواجبه بسخريه : اخسر ؟!
ليه انا داخل بصفقه ماليه ؟!!
احتقن وجه الدكتور بغضب : بسرعه غادر القاعه !
وقف وكأنه ينتظر هالشيء من زمان : ان شاء الله دكتور
ومسك يد سلمان : تعال معي الدعوه مفتوحه !
نقز ماجد على صرخه الدكتور : برا لوحدك !
بسرعه توجه للباب وقبل ما يقفل الباب ناظر برأسه باستفزاز :لا تنسى تحط لي حضور
ولعب بحواجبه وبسرعه طلع لما شاف نظرات الدكتور !،.
**
**
**
**
**
جالسه مع امها بالصالة تستمع من شكاوي نهى للي ما تخلص
تنهدت عائشه ؛ يا يمه نهى تراها عنيده !
لو تطيع زوجها ما صار معها كذا !
ام سعود تنهدت بقلة حيله : متى تعقل هالبنت وتترك عنها سوالفها البايخه !
اي رجال ما يطيق حرمته تتكلم على اهله !
ودوم اقولها احترام اهل زوجك احترام لزوجك نفسه !
بس المشكله عقلها مو مساعدها !
يا خوفي الحين زوجها يشتكي لابوك عن لسانها الطويل !
عائشه : هو
سكتت وهي تشوف ابوها يدخل وعابس الوجه !
رد السلام وجلس بهدوء
ام سعود بتوجس خايفه يكون زوج نهى اتصل فيه : عسى ما شر يا ابو سعود !
ابو سعود بغضب : مين غيره ولد الكلب !
عفست ملامحها عائشه ما تحب تشوف ابوها يشتم الناس ولا كأنه دكتور !
تابع ابو سعود بغضب : وقسم بالله قرفت التدريس لاجله !
وش هالاشكال ؟!
رافع خشومه بالسماء وكأنه ما احد يدرس طب غيره !
ومستهتر وداشر ،وقليل ادب !
ام سعود هزت راسها هذا حال زوجها دائما يشكي من هالطالب : متى ينتهي هالفصل وترتاح من وجه لا تنسى انه يدرس عندك ماده حره
يعني يخلص الفصل ولا رح تشوف وجهه بعدها !
ابو سعود وهو ينافخ : متى يخلص هالفصل ؟!
يا ثقل دمه !
مو عارف كيف اتصرف معه ؟!!
وناظر عائشه : قومي حطي الأكل شيء يسد النفس !
عقدت حواجبها ووقفت بسرعه !
يبغى الاكل ونفسه مسدوده !!
**
**
**
**
**
طلعت من بيت ابو عزام وتوجهت لبيتها وعقلها سارح بعريس الغفله !
كيف رح تتأقلم مع الوضع الجديد !
استغربت وهي تشوف رجال عند باب البيت
وقفت وقلبها يطق طبول !
ابتسم وهو يشوفها وهو يكلم بالجوال
وبعد دقائق قفل وهو يسمع صوت عزام من الداخل يطلب منه الدخول !
هاني اشر لها : تفضلي !
ابتسمت ساره باحراج وتقدمت للداخل
وهي تشوف نظرات عزام للي يظهر عليها عدم الرضى !
ونظرات خالتها المتوعده !
طيب هي وش دخلها حتى تناظرها كذا ؟!
وكأنها هي للي قالت له تعال !!!
عزام بأمر اشرلها بعيونه تطلع
وبسرعه وبدون تردد طلعت
وهي تتحسس قلبها للي يدق من الخوف !
جلست بالصاله وهي تفكر بسبب الزياره !
معقول يبغى يفسخ الخطوبه ؟!
خايفه خالتها تتشاجر معه وتمسح فيه الارض !
وتخرب الموضوع !
وقفت على حيلها لما شافت عزام بعصبيه مكتومه اقترب منها : وش تعملين هنا ؟!!
ساره بارتباك هزت راسها ما تدري وش تقول !
عزام يكتم غضبه من الغباء للي هي فيه : وين الضيافه ؟!
من اول ما دخل الرجال اشرت لك تروحي تجيبينها !
بعدين مع عقلك هذا ؟!
حالفه يمين ما تستخدمين عقلك !
تحركي بسرعه !
هزت راسها وبعد كم خطوه وقفها : غيري ملابسك وإلبسي شيء مثل الخلق ولا تتأخرين !
بسرعه !
انقهر من الغباء للي فيها بس شاطره تهز راسها مثل البغبغاء !
تفاجئ لما دخلت عليهم ومسك نفسه لا يلطم !
هذي ملابس تلبسها قدام خطيبها للقاء الاول !
وقف بسرعه عزام واخذ منها الضيافه خاف تفشلهم بعد لبسها للي يفشل !
ام محمد تناظر هاني بجعرفه : ومن اي جامعه تخرجت ؟!
عزام ناظر جدته وانتقد اسلوبها وحتى يغير جو : ليه يا جده تبغين تدرسين بنفس الجامعه ؟!
ضحكت ساره بشويش على كلام عزام !
انقهرت ام محمد وحست بالفشيله
وبعدها وقفت وبإسلوب فيه حده : حياك الله يا هاني !
بس اعتذر منك ما عندنا البنات يجلسون مع الخطيب !
سمحت لك كم دقيقه لو يدري إخوانها وأعمامها كان صارت سالفه !
وأشرت لساره : قومي !
انحرج عزام من طريقه جدته وخاصه لما شاف وجه هاني بالالوان !
**
**
**
**
**
تحس بالفرحه وهي تشوف جودي وليان عندها !
جودي باعتراض: لا هذا الفستان احلى !
ليان دفتها :،-لا القصير احلى !
طيري من هنا !
ساره هزت راسها : ما ابغى قصير !
جودي دفت ليان بنصر : شفتي ما تبغاه !
الفستان للي جبته لها احلى !
ساره بحرج: ولا رح ألبس هذا !
الظهر والصدر رح يبان منه ما ابغى !
جودي شدتها من إذنها : يا متخلفه ما فيها شيء !
ساره هزت رأسها بالرفض
ليان حكت بسخريه ؛ احلى يالعنيده ! من متى هالعناد ؟!
خطوه جديده !
جودي وهي تجلس على السرير :-طيب وش رح تلبسين ؟!
ساره بتردد :ءءألبس العبايه افضل
وبسرعه غطت وجهها لما صوبت جودي عليها الخداديه !
ليان وهي تمسك فستانها : اشق الثوب واطلع منه !
ساره تراها حفله خطوبتك وانت العروسه مو من المعازيم !!
تحسسيني انك بالعصر الحجري!
دخلت ام محمد بكشره : بعدك للحين ما جهزتي !
جودي : شوفيها يا جدتي !
ما تبغى تلبس الفستان تقول عاري !
ام محمد بنظرات تقييميه لساره : و هي صادقه بلاه الناس يشوفون كراعينها ويهجون !
وضربت الباب بقوه وطلعت !
تنهدت ساره بإحباط !
اكيد اذا لبست قصير الكل رح يتمسخر عليها !!
وحتى نفسها ما تستسيغ لبس القصير !
جودي مسكت يدها : لا تهتمين لكلام جدتي !
بس هي متوتره شوي الظاهر !
يلا قومي جربي الفستان !
ليان بتشجيع : قومي وحنا نحكم اذا حلو او لا ؟!
ساره بتردد : بشرط ألبسه على سروال وعندي واحد نفس هذا اللون
سكتت لما صرخت عليها جودي : سااااره
اكيد انهبلتي او جالسه تتريقين !
ليان سحبت الشاله من رأسها : قومي جربي الفستان !
وشهقت وهي تشوف شعرها : انت ما تروشتي للحين ؟!
فتحت ساره فمها بفهاوه :هاه
ضروري ؟!
جرتها جودي من يدها : ضره تشاركك بزوجك يالبعيد !
وش الضروري ؟!
قسم بالله ما تخلص الحفله الا وانا مجلوطه !!
••
••
••
خلف جالس بالمجلس ينتظر اهل العريس ومبسوط وهو يشوف نظرات ابو راكان الغاضبه !
ومستغرب من نظرات او تالا وكأنه ماكل حلاله !
خلف يستظرف : علامك تناظرني كذا ؟!
وكأنك اول مره تشوفني !
ابو تالا بكره : تعجز قواميس العالم وصفك ولو بكلمه !
ابو راكان بهمس حازم وهو يشوف ابو وليد داخل عليهم : خلاص انتهينا !
انقهر خلف وهو يشوف خاله ابو الوليد يطنشه وما سلم عليه !
حلف بنفسه الا يقهرهم ويكسر الخشوم للي رافعينها للسماء بس يحتاج وقت للتفكير ....
كل يوم يضيف عدو جديد للقائمه !
اول ضربه وجهها لابو راكان بزواج ساره بدون إذنه او علمه وما رح يكتفي رح يستغل كل شيء ويقهره
قطع افكاره صوت جواله تناوله ورد برواق لاول مره
وعيون عمه وعيال عمه وخاله لو كانت تذبح كان ذبحته !!!!!
***
***
***
***
ام عمار وهي بعجله : بسرعه مشطي شعرك يا ساره ما بقى وقت !!
وبعدك ما لبستي !
وش تعملين من الصبح !
وانا ارسلت لك هالخبلتين من الصبح يساعدونك !
جودي وهي تتخصر : يا سلام تزوجت وبعدك تقولين عني خبله !
ام عمار طنشتها : بسرعه عجلوا اشوف !
قاطعتهم ام محمد وهي تدخل بعيون فيها شماته وألقت كلامها مثل الصاعقه
وطلعت ببرود وما اهتمت لللجسد للي خر على الارض من قوة الصدمه !!!!!
****
عش يومك

أمس انتهى وغداً لا نملك ضماناً لمجيئه فقط اليوم هو ما نملكه ونملك الإستمتاع به. عش يومك واستفد من تجارب
الماضي من غير أن تعيش مشاكله وهمومه . ثق بخالقك الذى يعطى للطائر رزقه يوما بيوم .
هل سمعت عن طائر يملك حقلاً أو حديقة ؟ ، إنه اليقين بالله والتوكل عليه والثقة بما عنده .الأفضل قادم شريطة أن
تحسن الظن بخالقك ولا تضيع يومك.
)()
)()
()(
()(

**
**
***
تمر الايام واحسها بنفس اللون والطعم
من بعد تلك الصدمه احس فقدت روحي ..ما اشوف شيء جميل بالحياه ....
اتظاهر بالابتسامه وبداخلي حزن قطع قلبي !
مرت الايام بسرعه والحين انا بالايام الاخيره من العده !
العده نعم!!!
الحين انا ساره أرمله الاستاذ هاني !
شعور فقده لا يوصف بالرغم ما عشت معه وما شفته الا للحظات !
بس انكسار فرحتي هذا للي اوجعني !
وكلام الناس ذبحني !
اصبحت نقطة للتشائم !
وكأني أول وحده يموت زوجها بليلة الحفله !
أخذت نفس عميق ....
وذاكرتها ترجع لذاك اليوم !
فرح انقلب لعزاء بلحظه !
طلبت من عمي ابو راكان أقضي العده في بيت اخوي نادر
حتى اهرب من نظرات الشفقه والحزن من حولي !
والاهم حتى اهرب من خالتي وكلامها للي يسم البدن !
أصرت خالتي تروح لنادر وكأنها حالفه يمين ما تتركني لوحدي !
_ ساره يا ساره
زفرت بضيق وانا اسمع صوتها من بعد وفاة هاني وانا ما اطيق اسمع صوتها
مع ذلك مجبوره اكتم ضيقي وما ابين شيء !
طلعت اشوف وش تبغى !
ناظرتها جالسه مع ام هزاع وبهدوء : نعم خالتي !
ام محمد بفوقيه : جددي القهوه !
ام هزاع تناظر ساره بتدقيق : عجلي فيها !
ما رديت عليها ودخلت بس وقفت قريب وانا اسمع كلامهم !
_ وش قلت يا ام هزاع ما بقى شيء على العده وتخلص !
اذا تبغينها لهزا
_ قاطعتها ام هزاع وكأنها ملسوعه : لا لا هذي فالها مو كويس !
اخاف على ولدي يخطبها من هنا ويموت من هنا !
فكينا منها اعوذ بالله من هالطاري !
_ صادقه ما ظنيت احد يتقدم لها بعد هالسالفه !
الناس تخاف !
اخذت نفس عميق والدموع تلمع بعيونها !
خانتني دمعه على خدي نزلت مسحتها !
امسح دموعي لعلها تغسل الوجع للي بداخلي
دخلت 16 من شهر ولقبي بالمجتمع أرمله !
بدأت أجهز القهوه والعبره خانقيتني !
متى تنسى الناس هالسالفه ؟!
والا رح تبقى ملتزقه فيني طول حياتي ؟!
ما ادري وش قلة عقول الناس ؟!
وين الايمان بالقدر ؟!
ربنا كتب له يموت بذاك اليوم ....انا وش دخلني يحطوني السبب بموته !
احس نفسي ضايعه لا مستقبل ولا ماضي !

***
***
•••
•••

حطيت القهوه وانا اراقب خالتي تتكلم بالجوال !
كملت مكالمتها وقفلت الجوال وبفرح تكلمت : نوره حامل !
ابتسمت بألم وانا اهمس : الله يبارك لها فيه !
للحين مجروحه من عزام ...تزوج وما انتظر انتهي من العده !
كان نفسي اشوفه عريس واحضر زواجه !
طلبت منه ينتظرني بس رمى طلبي بعرض الحائط !
بحجة ما يقدر يؤجل الزواج اكثر من كذا !
من لما جيت هنا ما شفت احد منهم ولا احد زارني !
بحجة ما يدخلون بيت نادر !
_ علامك انطرمتي ؟!
ناظرتها وابتسمت مجامله : نعم خالتي !
_ ام هزاع تكلمك !
ناظرتها وانا ماسكه نفسي واتظاهر بالبرود : نعم !
ام هزاع : وش ناويه لما تخلص العده تعملين ؟!
طالعتها وش هالحرمه الملقوفه وبحده : ناوي احفر قبرك وارتاح منك !
ام هزاع بفزع : اعوذ بالله منك يا وجه النحس !
ما استبعد عنك بعد ما دفنتي الرجال وهو بعز شبابه،!
بس وش نقول بحظك النحس،!
ساره طلعت عن سكوتها للحظات : جعل النحس يصيبك انت وعيالك
ام محمد بنظرتها المرعبه : سويييير تكلمي عدل !
استغفرت بداخلي ما لي مزاج اسمع سخافة حديثهن قررت المغادرة
بس جلست وانا اشوف مها داخله !
يا حبي لها !
يمكن للي خفف علي الايام الماضيه الشجار بين خالتي ومها
والردح للي ما ينتهي وكأنك تشوف مسلسل
ونادر ضايع بينهم !!!
مها برفعه حاجب وهي تناظر ام هزاع :ولدك الزفت وش عنده مرابط عند باب بيتنا طول اليوم !
ام هزاع بقهر من ولدها للي متعلق بساره : والله واقف بالشارع !
متى ما سجلوا الشارع بإسمك تعالي اعترضي !
مها بغضب : وقسم بالله لو اشوفه مقرب من البيت الا امسح فيه الارض !
قاطعتها ام محمد : لك داخل الباب اما برا وش دخلك ؟!
مها ترفع اصبعها وبتهديد مباشر : وقسم بالله لو اشوفه مقرب من ساره ما يحصل له خير !
قولي له يترك البنت بحالها وخليه يروح يشوف له شغله احسن له !
ام هزاع تؤشر على ساره بانقراف : ما بقى الا وجه النحس حتى يخطبها ولدي !
اصلا ولدي الف وحده تتمناه !
مو ييجي يراكض خلف الارامل !
وبعدين ولدي انا اتصلت فيه ييجي يوصلني للبيت !
مها وهي تحط شنطتها وبسخريه : اوووه يوصلك !
عاد نسيت انه بيتك بعيد عننا 100 كيلو
وبحده : ترى تطلعين رجلك من الباب تلاقيني الرجل الثانيه على باب بيتكم !
ام هزاع بانسحاب : اعوذ بالله من هاللسان !
ما اقول الا يكون بعونك يا ام محمد !
ناظرت مها وهي تجلس وترمي الشاله بعد ما طلعت ام هزاع وهي تتأفف: اوف حرررر
ابتسمت وانا اشوف خالتي تتمتم بكلام
الظاهر
اختصرت حتى ما تعلق بلسان مها !

**
**
**
**
ام عزام بفرح : الحمد لله
متى تعدي ايام الحمل واشوف حفيدي !
اسيل بغيره : يعني عيالنا مو عاجبينك ؟!
ابو عزام : عيال الولد يختلفون !
غلاتهم ومعزتهم غير !
اسيل بقهر : يا سلاااام !
حرك عزام حواجبه يغيضها !
اسيل كشت عليه : مالت عليك وعلى زوجتك !
نوره بنعومه ضحكت : انا وش دخلني !
ام عزام ابتسمت : كل عيالكم غاليين بس لا تزعلين يا ساره
اوه قصدي اسيل !
اسيل : من وين جبتي ساره !
والله هالدبه مشتاق لها زمان ما شفتها !
سلمان : وش رأيك اخذك لها ؟!
اسيل قرصته بعيونها : يالكذاب !
وبعدين زوجي رافض فكره اني اروح لها !
ام عزام : امي تقول كم يوم وراجعين !
الله يسامحك يا ابو عزام لو تركتني اروح لها !
ابو عزام ونبره صوته فيها غضب : دامه متبري من اهله ولا كأنه يعرفنا !
وحنا بعد ما نعرفه ولا يشرفنا ندخل بيته !
دامك تكلمينها بالجوال انتهينا !
سلمان : سمعت عمتي ام عمار تقول لجدي انه خلف شفط كل الورثة للي طلعت لساره من هاني !
خلاها تعطيه وكاله عامه بكل شيء !
ابو عزام انقهر : هذا مال يتيمه رح ينسأل عنه !
اسيل : أنا سمعت انه ساره سامحه له يؤخذ للي يبغى
سلمان بانفعال : اففف من الغباء للي عايشه فيه !
نوره باستغراب : ما عمري شفتها ساره !!
تشبه عيال عمتي ام محمد ؟!
سلمان ضحك : تعرفين خلف ؟!
فوله وانقسمت نصفين !
رفعت حاجب وبعدها ناظرت اسيل للي تتكلم : لا تردين عليه تراه كذاب !
والله البنت عسل بس ما ادري ليه حظها مايل كذا ؟!

***
***
***
***
جهزت اغراضي وجلست مع سعديه
اليوم راجع بما انها انتهت العده !
سعديه باندماج بنقل الاخبار : ايه انا سمعته يقول لصديقه ما بقى الا هالارمله اتزوجها ؟!
ابتسمت واخفيت معالم الألم وانا اردد بداخلي
صدق المثل «رضينا بالهم والهم ما رضي فينا »
الحين هزاع العطال البطال رافضني ؟!
لأي حد وصلت ؟!
إلي ما يسوى وجالس على اهله عله يرفضني !
اخخخخ من حظي !
متى تبتسم لي الحياه ؟!
لو وافق عبدالله علي كان حالي مو كذا !
حتى ماجد يقولون خطب !
بعده صغير اتوقع عمره 21 !
ويدرس ما ادري كيف خطب ؟!
اتمنى اشوفها للي خطبها ؟!
وش فيها مميز حتى يختارها حسب كلام خالتي ويطلب من اهله يخطوبنها !
حتى زوجة عزام اتمنى اشوفها !
ابغى اشوف للي سلبت عقل عزام وخالتي تقول عنه مجنون نوره !
_ صدق انك ممله
وضربتني على رأسي!
اخخخخ يا مجرمه وش بغيتي،؟
_ طول وقتك سرحانه !
مين اخذ عقلك؟؟؟
العريس وتسهل لقبره !
لا تقولين قاعده بترسمين على الثاني !
ترى انحرك انا بعدني ما شفت ولا خاطب وانت تمسكين الثاني !
ابتسمت مجامله وما رديت لانه كلامها يضيق الخلق !
تابعت ثرثرتها : ما قلت لك !
هزيت راسي بالنفي : لا ما قلتي لي ؟!
_ فرح للي كانت بالشعبه ب يقولون زوجها طلقها ؟!
مسكينه بعدها صغيره ومطلقه !
مثلك بالضبط صغيره وارمله !
بس هي وضعها احسن شوي منك !
على الاقل الناس تخطبها اما انت الناس تنفر منك تخاف على عيالها !
هذا هو طبع سعديه صريحه لحد الوقاحه
تجرحك بالكلام بدون مبالاه كل شيء على لسانها تتكلم فيه بدون ما توزن كلامها !
رديت عليها بجلافه : والله هذا نصيب وربنا قدر موته بذيك اللحظه !
ضربتني على كتفي بمزح : علامك زعلتي ؟ !
انا وش دخلني هذا كلام الناس !
هزيت راسي وانا متأكده ما في بيت بالقريه الا نشرت قصتي عنده ام هزاع وخالتي !
قاطعتنا خالتي وهي تناظر سعدية بقرف : يلا قومي هذا خلف وصل !
***
***
•••
***
في السياره
ما ادري هذا خلف والا استبدلوه خلال فتره العده !
للي يسمع كلامه ما يصدق !
ناظرت خالتي للي تعرض قضيتي وين ما راحت وكأنها حامليتني على ظهرها !!!
_ والحين هذي اختك طاحت بكبدنا،!
ما رح احد يقرب منها !
_ ليه وش ناقصها ؟!
ألف واحد يتمناها !
لا تسمعي كلام هالمريضين لانه كل شيء قضاء وقدر !
ما تدري وين الخير لها !
عسى ان تكرهوا شيئا وهو خير لكم !
ربنا كتب لها الخير بموته !

انا ما أصدق انه للي يتكلم خلف !!
من وين نازله عليه الحكمه !
طالعني بالمرايه : أي شيء تحتاجينه لا يردك لسانك !
انا تحت الخدمه !
لحظه معقول اذني ضاربه وما عدت اسمع واميز الكلام !
ام محمد بهمس غاضب : بعد ما شفطت فلوسها وسرقتهم
قاطع امه بغضب من كلامها وطالعني : ساره انا سرقت فلوسك ؟!
بلعت ريقي من غضبه نظراته تخوف ورديت وانا أشوف نظراته تحثني على الاجابه : لا
انا مسامحك خذ للي تبغى !
نقزت لما إلتفتت علي خالتي بغضب : ايا قليله الاصل انا للي اصرف عليك وتحملتك طول هالسنين وبالاخير تتبرعين بفلوسك لهذا الطماع !
خلف مستانس من اجابتي : الدم ما يصير مي !
وانا اخوها وانت الغريبه !
فأكيد رح تعطيني انا
صدت بوجهها بزعل لجهة الشباك وبقهر تكلمت: الحيه ما تعض بطنها !
لكن يصير خير

الله يكون بعوني عليها دوم خلف يحطني بوجهها وينسحب !
حطيت يدي على قلبي وانا اشوفها تلتفت لي وكأنها بركان : من اليوم ورايح فلس واحد ما اصرف عليك !
وخلي اخوك الحنون يصرف عليك !

وش هالورطه !
ما رح تسكت اليوم ولا رح تتركني بحالي !
استغرب من حالها سمعت انها تملك فلوس كثيره بالبنك والحين حاطه عينها على فلوسي !
صدق بني ادم ما يملي عينه الا التراب !!!
***
***
***
***
***
من البارحه وصلت هنا وانا مرتاحه بشوفة عمي ابو راكان
اذا غبت عنه احس بالحنين يمكن اتخيله مكان ابوي !
علشان كذا أحن له !
او معاملته الحلوه لي هي السبب!
الحين جالسه في بيت عمي ابو راكان بانتظار عزام وزوجته نوره
متشوقه اشوفها !
وقفت وانا اشوف عزام داخل وماسك بيدها !
شوقي لعمي عزام دفعني اتقدم خطوات بلهفه وأسلم عليه بشوق وكأني ما شفته من سنين !
ابتسم لي : اخبارك يا دبه ؟!
ابتسمت من قلب وكأن الروح ردت لي برجوعي هنا : الحمد لله !
ومديت يدي أسلم على نوره وانا فاتح عيوني بصدمه من نعومتها وحلاتها
مدت يدها وسلمت علي ببرود !
حسيتها من النظره الاولى مغروره ومتكبره !
ما ادري يمكن شكلها يوحي كذا ؟!
جلسنا ورجعت عادتي بتوزيع الابتسامات !
ابو راكان بهدوء،: مين للي رجعكم ؟!
رديت بابتسامه : خلف !
ام راكان : علامها ام محمد ما جاءت تسلم !
ابو عزام : المفروض يمه انت تروحين لها !
رديت بهدوء وعيوني تتسارق لنوره : خالتي تعبت البارحه من الطريق والحين نايمه !
جاءت عيني بعين نوره ابتسمت لها بتلقائيه بس تفاجأت لما صدت للجهة الثانيه ؟!
همست لي نسرين : لا تهتمين تراها تغار على عزام من الهواء !
الظاهر انها غارت لاني سلمت على زوجها !
دخل سلمان بعد ما استأذن وعلى طول توجه لي وسلم بس قهرني وهو يقول : هلا بخلف !
لو ماجد هنا كان استانس بشوفتك !
طالعت حولي باستغراب ابحث بعيوني عن ماجد : وين ماجد ؟!
سلمان ضحك بشماته : مسكين بعد الخطوبه سحبه عمي ابو ماجد للبيت !
وحلف عليه ما يدخل بيت جدي الا بعد التخرج !
جلس جنبي سلمان سألته : ليه ؟!
سلمان : بعدين سالفه طويله !
وطالع جده : عمي عبدالله اتصل فيني يقول جوالك مغلق !
احس صار وجهي بالالوان متأكد الحين يناظروني لانه رفضني !
احسها بصمه عار !
حاولت الانشغال واطرقع اصابعي بدون ما ارفع نظري وهم يتكلمون عنه !
للحين متعقده من هذي السالفه !
يا كثر عقدي !
رفعت نظري ولفت انتباهي ابو تالا يناظرني !
احس نفسي ملخبطه وبسرعه استأذنت وطلعت !
**
**
**
**
دخلت البيت وزفرت بضيق وانا اسمع صوت خلف وام عمار صوتهم طالع !
احسهم مثال للاسره الفاشله !
خلف عنيد وعصبي وام عمار عنيده وما تسكت له !
يمكن السبب حسب ما شفته ام عمار !!
لا تظنون اني واقف بصف اخوي !
بس ام عمار دوم بكلامها تحسسه انه اقل منها !
وتهينه بالكلام وتفتخر بأهلها !
اكيد هذا الكلام يهدم ويقطع اوصال الموده والمحبه !
وقفت وانا اشوف ام عمار تردح : بتشوف اذا ما خليت ابوي يربيك !
ويعرفك قدرك !
خلف بكره : انقلعي من وجهي قبل ما ابتلش فيك !
ترى مو رايق لك !
بسرعه انقلعي للبيت جهزي الاكل !
ام عمار : جعلك بالسم للي يهري معدتك ويريحني منك !
وناظرتني : يا حظك ترملتي ؟!
متى ييجي دوري و اترمل ؟!
وطلعت بعد ما ضربت الباب بقوه !
ضايقني كلامها !
مهما كان خلف سيء ببقى أخوي وما احد يطيب له بأهله !
ما أدري هل تضايقت على حال خلف
او لانها ذكرتني بأني ارمله ؟!
جلست وانا اشوف خلف يؤشر لي بالجلوس : تعالي يا ساره ابغاك بسالفه !
جلست وانا اردد بقلبي الله يستر !
بدأ كلامه بمقدمه : شوفي يا ساره ابغى اقولك موضوع بس توعديني يبقى سر بيننا لوقت معين !
هزيت راسي وعقلي يفكر وش هالموضوع : وعد
اخذ نفس عميق وناظرني : الدنيا ما توقف عند نقطه وحده !
لا تفكري انه خلاص بعد وفاه هاني وقفت الحياه !
انت غلطانه !
بعدك صغيره بأول الحياه !
لازم تعيدي التجربه وتخوضي الحياه من جديد !
انا بصراحه خطبك مني واحد
قاطعته بتلقائيه : ما ابغى اتزوج
ناظرني بحده خلتني ابلع لساني وللحظات رجع لكلامه بهدوء : لو هاني كان مكانك وانت للي ربنا اخذ امانتك !
تقنعيني انه ما رح يتزوج من بعدك ؟!
ساره ردي علي انت وضعك الحين صعب !
مو بالسهل احد يخطبك لانك تعرفين عقول الناس المريضه !
تراها فرصه وما تتعوض !
تابع كلامه لما شافني ساكته : انا زوجتك البارحة !
فتحت عيوني باستنكار دوبني البارحه طالعه من العده والحين يزوجني !
تنرفز من نظرتي : لا تناظري كذا !
شوفي هذا الزواج لمصلحتك !
وانت الربحانه من كل الجهات !
اسمعي ونفذي كلامي بدقه
ناظرته بصدمه وانا مو مستوعبه الموضوع !
أكيد عقله ضارب يزوجني بهذي السرعه
**
**
**
مر على خطوبتي أكثر من 3 أشهر
وانا مو مرتاحه !
كيف ابوي يرضى انخطب بذي الطريقه ؟!
كان حلمي اجلس معه ونتفاهم مع بعض قبل الملكه حتى اعرف مدى توافق عقولنا مع بعض !
اما أملك بدون ما اشوف العريس !
بس ملكه والزواج بعد ما اكمل دراسه ؟!
يعني بعد 8 سنوات !
ابوي مو صاحي وش هالشرط ؟!
أي خطوبه تمتد 8 سنوات !
طالعت امي وهي تكلمني !
_ وش فيك يمه سرحانه ؟!
رديت بضيق : مو مرتاحه لموضوع هالخطوبه !!
_ ما تدري وين الخير ؟!
اسماء مستلقيه على الكنبه وتقلب بالجوال : انا سمعت ابوي يبغى يؤجل علشان بأي فرصه يطلقك منه !
عفست ملامحي : يا سلام !
انا شفته علشان اتطلق منه !!
اسماء : يا بختك ابوه عميد الجامعه !!
وبلقافه : للحين يمه ما تبغين تقولين لنا كيف ابوي زوج عائشه وهو رافض فكره زواجها !
مطت امي شفتها بضيق: خلي عنك اللقافه يا اسماء !
يعني كيف زوجها ؟!
وش هالاسئله البايخه ؟!
بصراحه مو داخله راسي هالسالفه كذا فجأة أبوي يقولي ترى اليوم ملكنا بالمحكمه !
اسماء نهضت نفسها وتربعت : الحين ولد العميد يخطب هذي ؟!
وش عرفهم فيها !
و كيف ابوي يقبل يزوج دلوعته لأكره مخلوق على قلبه !
ترى طول الفصل وابوي يشتكي من ماجد !
وما يطيقه !
وفجأه يزوجه ابنته!
ام سعود : يا حظهم بعائشه عاقله ومثقفه وأخلاق وجمال !
اسماء : يا يمه وش عرفهم فيها !
لا تقولين يعرفون ابوي !
خلينا صريحين ترى للي يتعامل معه ويشوف اخلاقه مستحيل يناسبه !
ام سعود بحده : ما تستحين تتكلمين على ابوك كذا ؟ !
وش فيها اخلاق ابوك ؟!
اسماء مطت شفتها : عصبي ويتكلم من رؤوس خشومه !
وبعدين ليه اهل العريس ما شفناهم
ولا احد منهم جاء ؟!
ام سعود بضجر من لقافة اسماء : قلت لك ابوك قال لهم انه عائشه ما تدري وبعدها صغيره وما يبغى يخبرها الحين !
بعد الثانوي يفرجها ربك !
خلاص قفلي الموضوع !
ابتسمت بإحباط على شكل اسماء وهي تتحلطم
كل الطرق للوصول لهذا العريس مقفله بوجهي !
للحين ابوي يظن اني ما ادري !
للصدفه سمعت امي تخبر اخواتي
والا كنت مثل غايب طوشه !
ما ادري عن شيء !

**
**
**
••
بعد يومين
كالعاده ابو راكان بغضب : ولدك هذا متى يترك البنت بحالها ؟!!
كيف يزوجها وحنا ما ندري ؟!
ام محمد ببرود ظاهري وبداخلها تغلي من القهر : علمي علمك ما عرفت الا الحين !
ام راكان : خلاص اترك عيال اخوك بحالهم !
زوجها وش عليك منهم !
ابو راكان قارب على الانفجار : انت متخيله الوضع !
سكت بقهر وطلع من بيت ام محمد
يتمنى يشوف خلف ويفرغ كل قهره فيه !
وقفه ابو تالا : وش صار يبه !
ابو راكان بغضب : تزوجت وراحت مع زوجها !
اخخخخ من هالخلف لمتى يحرك هالبنت مثل الدميه بيده يزوجها على كيفه !
وبغضب اكبر تعرف مين للي تزوجها ؟!
ابو زيد !
ابو تالا بهتت ملامحه من الصدمه وما تكلم !!!
**
**
**
**
واقفه وصوتها مهزوز بس تتظاهر بالفرح : ما اقدر اتركه !
هذا زوجي !
عزام بغضب ماسك قبضة يده ما يضربها : انت غبيه ؟!
كيف توافقين على هالزواج !
هزت كتوفها وش ترد وش تقول او تعترض وخلف مزوجها بدون علمها وكل شيء منتهي !
عزام وهو ماسك اعصابه : امشي معي وباكر تتطلقين منه فاهمه !
اوجعني قلبي ارمله ومطلقه بنفس السنه !
اخذت نفس اجمع قوتي قدام عزام : ما اقدر اتركه مريض يحتاج من يرعاه !
هزها بقوه : ليه هو متزوج ممرضه متنقله !
نزلت عيونها ما عندها القوه تواجه عزام !
وتهديدات خلف قدام عيونها !
وبنبره رجاء لعزام : اتركني عنده ما اقدر اتركه حرام مريض!
طالعها بقهر وبتوعد : مستحيل تبقين على ذمته ولو على جنازتني !
وتركها وغادر المستشفى !
نعم انا بالمستشفى الحين !
مرافقه مع زوجي الجديد !
اخذني خلف له هنا !
عمركم شفتم عروس كذا !
دخلت غرفته وناظرته وزفرت بضيق من ضعف شخصيتي !
أتمنى يكون عندي القوه وما اسكت لخلف !
كيف يزوجني لشايب !
ويحضرني للمستشفى أرافق معه !
ما ادري كم دفع هالشايب مهر لخلف !
اتمنى ألاقي مكان فاضي وافرغ كل الكبت للي بداخلي !
ما ادري عن اقداري وش مكتوب لي !
صديت بوجهي لجهة الباب لما شفته فتح عيونه بضعف !
حاله يبكي الصخر الله يعافينا ويكفينا شر الجلطات !
يا رب ادم علينا نعمة الصحه !
ناظرته وهو يتكلم بضعف : ابغى مويه !
ناولته بهدوء وانا اشوف يدينه ترتجف من الضعف !
دخل الدكتور المشرف على حالته!
وطمنه انه في تحسن !
وباكر رح يخرجونه
بعدها طلع ورجعت وجلست مكاني بملل اندب حظي !
للحين مقهوره من خلف !
تبغون الصراحه ام عمار وقليله عليه !
قهرني كيف يزوجني ويرميني كذا !
وانا كنت حاسه كلامه بالسياره مو لله !
اكيد الحين خالتي فرحانه وتشمت فيني على هالزواج !
بس للي متأكد منه عمي ابو راكان ما رح يسكت لخلف ورح يخلصني من هالورطه !
**
**
**
مسك يد سلمان وبابتسامه ماكره : تعال ابغى أسلم على عمي !
سلمان بقرف : يا اخي فكني !
ما اصدقت اكمل الماده حتى اخلص من وجهه !
تبغاني اروح له برجليني !
يا اخي هالدكتور غثيث !
ماجد : تعال خليني انغص عليه تعرف انه ما يطيقني هههه
مشى خلفه سلمان على مضض
طرق الباب بهدوء وهو يبتسم : يقال اني مؤدب !
دخل لما سمعه يقول : تفضل !
نزل ابو سعود نظارته وعفس ملامحه وهو يشوف ماجد : نعم !
ماجد يستخف دمه : اشتقتلك يا دكتور
قصدي يا عمي !
وبوقاحه جلس على الكنبه!
أبو سعود بغيض : وش تبغى بسرعه تراني مشغول !
ماجد وهو يريح على الكنبة ويؤشر لسلمان : تعال اجلس
وناظر ابو سعود : امممم ابغى قهوه !
ضرب ابو سعود المكتب بيده وبغضب : انت وش تبغى مني ؟!
متى تجوز عن حركاتك الوقحه !
احترم منصب ابوك هنا على الاقل !
فتح عيونه ماجد وهو يمثل الصدمه : علامك عصبت يا عمي !
هذا وانا تارك محاضراتي وجاي اسأل عن خطيبتي !
ارتفع الضغط عند ابو سعود واشر على الباب : اطلع لا بارك الله فيك !
وبتوعد : لو على جثتي ما تزوجتها ولا لمحت لها خيال !
والحين انقلع ولا ابغى اشوف رقعه وجهك يالداشر !
دفه خارج المكتب بغضب وقفل الباب !
طالعه سلمان بشماته : عجبك الحين !
ماجد بكل وقاحة : اهم شيء نكدت عليه !
ولعب حواجبه بانتصار !
سلمان هز راسه باسف : الظاهر انك استخفيت !
وللحين عمي عامل عليك حصار !
ماجد بضيق : شيء يقهر !
وقسم بالله السالفه ما تستاهل !
والله اني مشتاق لجدي ولجدتي !
سلمان بلقافه : ما خبرتك ساره تزوجت! .
ماجد كش عليه : يا سخفك !
سلمان وهو يكتم ضحكته : والله تزوجت بعد ما طلعت من العده
فتح ماجد عيونه بصدمه : صدق ؟؟؟؟
سلمان سحبه : تعال نجلس واعطيك التفاصيل !!
***
***
***
**
**
**
اليوم كتبوا له خروج
مشيت بالممرات وانا اجر العربايه ما أدري وين عياله ؟!
ما أحد زاره من اهله ؟!
تذكرت الاجر بمساعدة هالشايب وربي رح ييسر من يساعدني لما اصير بعمره
ابتسمت لفعل الخير وانا اردد ربي يكتب لي الاجر
وقفت العربايه على جنب وبهدوء : كلمته وابتسمت له وانا أشوف ملامح الحزن بوجهه : دقيقه اصرف الدواء !
اقتربت من الصيدليه
ومديت الوصفه بهدوء وانا عيوني على زوجي وابتسم له وبداخلي ابغى ابكي على حالي وحاله !
صديت برعب لما سمعت الصوت الساخر : عيونك لا يطيروا على الشايب !
احمر وجهي بفشيله وحرج وما رديت مسكت العلاج وقبل ما اغادر رجع تكلم بسخريه جرحتني : الله يرحمه مقدما !
سحبت الدواء وتوجهت للعربايه ودفيتها وانا ماسكه دموعي !
هذا ولد عمي الصيدلاني !
كيف ما انتبهت انه يشتغل هنا !
خبري فيه مسافر !
متى استقر هنا ؟!
وش يبغى يسخر مني !
مو رفضني وانتهى الموضوع !
وقفت عند البوابه الخارجيه والعبره بحلقي ما ادري مين للي رح يرجعنا ؟!
تكلم هالشايب وكأنه فهم سبب وقوفي : انا اتصلت بالسواق يرجعنا
طلعت للمواقف للحظه تمنيت تضربني سياره واموت وارتاح من هالدنيا !
الحين اكيد هزاع وأمه يتشمتون فيني !
مقهوره ابغى اموت وارتاح من الحياه !
**
**
**
**
مر اسبوع على زواجي للي فهمت انه مقاطع عياله وحلف يمين الا يقهرهم ويتزوج ويسجل كل الورث بإسمي !
لا تستغربوا من وين جبت هالمعلومات !
اكيد من الخدم !
للحين وضعه مستقر !
جلست بالصاله متربعه وعيوني على التي في !
استغربت من دخوله المفاجئ وبصراخ؛ وين ابوي ؟!
وصوت من خلفه : عملها وتزوج !
وقسم بالله ليندم ونذبحها قدام عيونه !
وناظروني بغضب: وين زوجته ؟!
انا من الخوف اشرت فوق
وبسرعه توجهوا يبحثون عن زوجته !
متأكده ظنوا اني من الخدم !
نظراتهم تقول كذا ؟!
شفتم فائده اللبس البسيط !
قاعده اهذر وحياتي بخطر !
باين انهم مو ناويين على خير !
وبسرعه توجهت لغرفتي لبست عباتي وطلعت من البيت والرعب تملكني !
لو استفردوا فيني ما اتوقع ابقى على قيد الحياه !
يا روح ما بعدك روح !
وقفت على الشارع وابتعدت ووقفت سيارة اجره !
وقلبي للحين يدق بقوه،!
ناظرت السائق يسألني وين يروح ؟!
حاولت اتذكر الطريق
حسيت كل عقلي طار مو مجمعه حرف !
ولمح بذهني المستشفى للي كان داخل فيه زوجي ويشتغل عزام فيه !!
***
***
•••
***
لي ساعه جالسه بالانتظار انتظر عزام عنده عمليه !
احس بالتوتر وقلبي يدق بقوه مو راضي ينتظم !
معقول ناويين يقتلوني !
حسبي الله كله بسبب خلف رماني وشفط الفلوس !
وانا
سكتت
للحظات لما شفت واحد واقف قدامي !
تجمدت للحظه من الخوف لما صور لي عقلي انهم عيال ابو زيد
و بتلقائية رفعت عيوني بخوف
وبسرعه نزلت نظري !
وانا أسمع كلامه الساخر : الظاهر انه الشايب تعبان !
ما رديت ما ادري وش يحس لما يسخر مني !
يا ليتني ما شفته ولا عرفته !
صادق خلف عيالي عمي الغرور يمشي بعروقهم !
الظاهر مل وقبل ما يروح تكلم بجديه : اذا بغيتي شيء انا موجود !
تنفست براحه بعد ما راح !
وقررت اتوجه اتجول بالمستشفى الظاهر عزام مطول !
وصلت للطوارئ ووقفت على جنب وانا اناظر الناس !
حمدت ربي على نعمة الصحه وانا اشوف المرضى !
فجأة فز قلبي برعب
وانا اشوفهم
والله
نفسهم نفسهم عيال ابو زيد !
ابتعدت عن المكان بسرعه وانا اشوفهم
طلبوا نقاله !
متأكده انه ابو زيد !
وش صار بعد ما طلعت !
لما دخلوا البيت اشكالهم ما كانت تبشر بخير !
فركت يديني برعب وقررت اراقب الوضع من بعيد !
***
***
***
ام محمد حاسه بفقد ساره بالبيت
وقررت تجيب شغاله تسد عن ساره
لانها ما تقدر لشغل البيت والطبخ !
نفسها تعرف كل التفاصيل !
كيف تزوجت ومتى كتبت الكتاب ؟!
اخخخ لو تشوف خلف للي صار ملح وذاب !
لو تعرف وين ساكن زوجها إلا تروح وتمسح فيها الارض !
كيف تستغفلها ؟!
دخلت ام عمار عليها تتفقدها بما انها لوحدها الحين !
وبدأت ام محمد تحقيق : ما سمعت شيء عن ساره ؟!
ام عمار ما حبت تتكلم بهذا الموضوع : الله يوفقها
ام محمد بقهر : عاجبك شغل زوجك بدون علمي !
ام عمار ببرود : والله لما اشتكي منه توقفين معه وتدافعين عنه !
وحطي في بالك ترى ابوي واخواني متحلفين فيه بعد سواد وجهه !
ام محمد ما طاب لها بولدها : تتكلمين وكأنه مو زوجك !
ام عمار بتشفي: خله يلاقي جزاء اعماله !
كيف قلبه طاوعه يزوج اخته الصغيره لواحد شايب مرمي بالمستشفى !
الله يأخذ الفلوس للي بتعمي العيون !
ام محمد بدفاع : هذي جزاء ولدي دبر لها عريس !
انت تعرفين الناس ما رح تقربها !
قاطعتها ام عمار بقهر : ساره مو اول وحده ولا اخر وحده !
ترى سعاد إذا تذكرينها توفى خطيبها والعرسان على بابها ما وقفوا والحين متزوجه ومبسوطه مع زوجها !
ام محمد عفست ملامحها : الحين جايه تغثيني بكلامك !
**
**
**
**

دخل ابو زيد العنايه الحثيثه !
ناظرته من خلف القزاز بحزن على حاله
قررت تشوف عزام اكيد كمل عملياته
خلاص رح ترجع لبيت خالتها مستحيل تجلس دقيقه تخاف يذبحونها عياله !
بعد ما التفتت بلعت ريقها بصدمه وهي تشوف عياله يناظرونها
والشر يطلع من عيونهم : هلا والله !
زيد بحده : خلينا نتفاهم على بلاطه !
قررت اهرب منهم اسلم لي
بس فزعت لما مسك يدي : مو بالسرعه هذي !
اذا ما تبغين نذبحك بدم بارد !
تعالي نتفاهم !
هزيت راسي بالرفض بخوف ما اضمن وين رح يأخذوني !
طلع اوراق من مخبأته : حتى تضمنين سلامتك نبغى تنازل منك على كل حقوقك من ابوي !
ويا دار ما دخلك شر !
وناولني القلم : بسرعه وقعي !
ما املك القوه حتى اوقف بوجههم وما اتنازل عن حقي !
وش ابغى بالفلوس اذا رح يطاردوني طول حياتي !
مسكت القلم بيد ترتجف بس وقفني صوت قوي : وش فيه،؟!
**
**
**