رواية أقدار~للكاتبة ضاقت أنفاسي الفصل الثالث عشر 13 - بقلم BlackButterfly002

بارت 13

~~
~~~
~~
~~~

ليست كل الاقنعة كذب فبعضها يكون لاخفاء الاحزان.......
""""
""""
""""
""""

دخل ابو زيد العنايه الحثيثه !
ناظرته من خلف القزاز بحزن على حاله
قررت تشوف عزام اكيد كمل عملياته
خلاص رح ترجع لبيت خالتها مستحيل تجلس دقيقه تخاف يذبحونها عياله !
بعد ما التفتت بلعت ريقها بصدمه وهي تشوف عياله يناظرونها
والشر يطلع من عيونهم : هلا والله !
زيد بحده : خلينا نتفاهم على بلاطه !
قررت اهرب منهم اسلم لي
بس فزعت لما مسك يدي : مو بالسرعه هذي !
اذا ما تبغين نذبحك بدم بارد !
تعالي نتفاهم !
هزيت راسي بالرفض بخوف ما اضمن وين رح يأخذوني !
طلع اوراق من مخبأته : حتى تضمنين سلامتك نبغى تنازل منك على كل حقوقك من ابوي !
ويا دار ما دخلك شر !
وناولني القلم : بسرعه وقعي !
ما املك القوه حتى اوقف بوجههم وما اتنازل عن حقي !
وش ابغى بالفلوس اذا رح يطاردوني طول حياتي !
مسكت القلم بيد ترتجف بس وقفني صوت قوي : وش فيه،؟!
التفتت وانا اشوف طوق النجاة
وبسرعه توجهت خلف عزام احتمي فيه منهم !
تقدم زيد والشرار يطلع من عيونه : تعالي وقعي أحسن
قاطعه عزام بحده : نعم ؟!
الظاهر انك مخربط !
زيد وهو يبغى الشر : لا مو مخربط !
تعالي وقعي !
ويا دار ما دخلك شر !
إلتفت لي عزام يبغى يعرف السالفه
خفت يضرون عزام رديت بصوت يرتجف : ما في شيء !
وبسرعه سحبت الورقه ابغى اوقع واخلص من هالسالفه ما ابغى فلوس و لا مشاكل !
سرعان ما انسحبت الورقه من يدي واستقرت بيد
عزام !
تصفحها للحظات وبعدها ناظرنا
ببرود
وخلال ثواني
كانت الاوراق بوجه زيد
ارتدت على الارض !
ناظرت الورق وبعدها ناظرت عيال ابو زيد اشوف رد فعلهم!
طالع عزام عيال ابو زيد بقوة عين: خلي ابوك يرسل ورقة طلاقها وقتها رح نتنازل عن كل شيء !
عزام مسك يدي واعطاهم نظره تحدي !
وهم بالمغادره !
تناول زيد الاوراق من الارض وبوعيد : كلامي ما يتكرر !
ابعدت يد عزام بسرعه وتوجهت
لزيد سحبت الاوراق وهي ترتجف : وين اوقع !
قاطعها صرخه من عزام : ساره !
وقف بطريقه ولد ابو زيد
واستغل الفرصه زيد وبسرعه اشر لها مكان التوقيع
ما إلتفتت له لانها متأكده رح تضعف
اذا ناظرته
وخلال ثواني وقعت على الاوراق
بلعت ريقها لما حرر نفسه عزام و مسكها من يدها بقوه : غبيه !
زيد بابتسامة نصر : كذا شاطره !
والحين تقدرين تجلسين عند البابا وتهتمين فيه !
واعطاها نظره احتقار!
وغادروا بكل برود !
مسك عزام يده لاخر لحظه ما يضربها !
ما تعرف تتصرف ورح تبقى غبيه طول عمرها !
تكلم وهو يشد على أسنانه :-قدامي على البيت !
غمضت عيونها لعلها تستجمع قوتها
لمتى رح تبقى بهذي السلبيه؟!
لازم تعبر عن رأيها
قاطعها عزام بنفاذ صبر : امشي قدامي !
تبخرت قوتها قدام عزام !
ثلاث أشخاص ما تقدر تعارضهم بشيء
_ خلف
_ عزام
_ خالتها
لما شافها واقفه مثل الصنم سحبها بقوه معه !
فتح المصعد واول ما دخلوا صرخ بقوه : وقسم بالله احش رجولك لو أشوفك معتبه باب غرفته !
نزلت نظري ما عندي القوه ارد عليه !
طالعني بقهر من تصرفاتي : نفسي اعرف ليه وقعتي ؟!
ها حقك ليه تتنازلين عنه ؟!
ليه تقبلين الزواج فيه اصلا ؟!
اعطيني بس جواب !
انفتح المصعد وطلعت خلفه وقلبها ما وقف من قوة الدق
توجهت معه للمواقف واشر لها تركب السياره من الخلف
دخلت بخوف وقلبها مقبوض !
خلف لو يدري عنها وش رح يعمل !
عمها ابو راكان أكيد زعلان الحين عليها !
والهم الأكبر خالتها !
كيف تواجهها ؟!
قطع تخوفاتها صوته : اكلمك ليه ما تردين ؟
انخطف لونها لما شافت عبدالله جالس من الامام !
ما حست بوجوده
_ الظاهر تفكرين بحالة زوجك بصراحه يكسر الخاطر !
حست نبره السخريه بكلامه
وكالعاده ابتسمت بإحراج وتوتر شتمت نفسها ما له داعي لهذي الابتسامه
وش تعمل بنفسها غبيه وعبيطه !
دخل عزام معصب وحرك وهو ينافخ
وقلبها يتراقص من الخوف !
عم الصمت في السياره طول الطريق!
**
**
**
**
نزلت من السياره وغمضت عيونها وهي تسمع عزام يتوعد فيها : وقسم بالله اذا سمعت إنك رايحه للزفت
ناظرته ساره وهي تهز راسه بطاعه وتبتسم بتوتر خايفه خالتها تسمع صوته وتشوفها !
وحركت بسرعه باتجاه بيت خلف تهرب من خالتهابس وقفها عزام : وين رايحه؟!
ناظرت بيت خالتها وحطت اصبع الشاهد على فمها وبنظره توسل انه يسكت !
ضحك عبدالله على طريقتها وبلعانه تكلم : تراها خالتي متحلفه فيك !
عزام حزن عليها اشر لها : خلاص روحي !
وبسرعه ركضت بإتجاه بيت خلف
انحرج عزام من ركضها وناظر عمه : ما ادري متى تعقل هالبنت ؟!
تفكر نفسها بزر تركض !
زفر بضيق وتابع كلامه : تدري اني أحزن على حالها !
ضحية طمع وجشع خلف !
قلبها طيب وتفكر كل الناس كذا !
ما تدري إنه الخبث يسري بدم الكثير !
ترضى بالقليل حتى تكمل هالحياه !
ابتسم عزام وهو يشوف عمه متأثر
: الظاهر انك تأثرت!
اكتفى عبدالله بشبح ابتسامه بدون كلام !
**
**
**
من وقت ما دخلت ومسكتها جودي تحقيق
ساره بتأفف : وبعدين !
جودي مقهورة : كيف طاوعتي خلف وتزوجتي هالشايب!
وبعدين ليه هو بالمستشفى ؟!
ساره بضحكه تخفي آلامها وحزنها : انصدم من جمالي واصابته سكته قلبيه !
يقول معقول في احد بهذا الجمال !
ضربتها جودي على فخذها : بدون زناخه!
ليه داخل المستشفى؟!
ساره مطت شفتها بطريقه مضحكه : يا اختي انا وش عرفني ؟!
الظاهر ابوك خربط بدل ما يأخذني لفندق اخذني للمستشفى !
جودي بلقافه: طيب زوجته وين ؟!
ساره بضحك : اتوقع إنها حاجزه بالغرفه للي جنبه !
وضحكت بصوت عالي و هي تقول : تخيلي شكلهم كل واحد بغرفه بالمستشفى
جودي ما اخذت منها لا حق ولا باطل : يعني الحين زوجته بالمستشفى ؟!
هزت ساره كتوفها وهي تضحك : ما ادري عنها !
يمكن عايشه ويمكن ميته !
قرصتها جودي : سخيفه وانا صدقت انها بالمستشفى !
طيب عياله وين ؟!
وش رد فعلهم على هذا الزواج !
تربعت ساره وهي تشبر بيدينها : لو شفتيهم يراكضون خلفي بالمستشفى
وينادوني ماما ماما !
تأثرت جودي : يا حرام يمكن امهم ميته !
وفتحت عيونها باستنكار لما شافت ساره ارتمت على الارض من الضحك !
قاطعتهم ام محمد وهي تردح : ايا قليله الحياء تضحكين بعد سواد وجهك !
ما تستحين صوت ضحكاتك للشارع واصله !
اذا ما ربيتك اليوم واخليك تمشين على الصراط المستقيم !
وقفت ساره بسرعه وهي تعدل ملامح وجهها الضاحكه وبداخلها تردد
اللهم سكنهم مساكنهم !
من وين طلعت لي هالعجوز !
لا وبعد معها عصا !
وبسرعه نقزت فوق الكنبه لما شفتها متوجه لي وناويه تضربني !
ابتسمت براحه لما وقفتها ام عمار يا حبي لها !
ام عمار كانت واقفه قريب وتسمع سوالف ساره
تحسها تمزح وتضحك مع جودي وليان !
اما قدام الكبار تكون هاديه وعاقله !
اضطرت توقف خالتها لما شافتها ناويه تضرب ساره وبقهر من خالتها تكلمت : يا خالتي تراها مو صغيره تضربينها !
ام محمد بصراخ: بعد سواد وجهها تبغيني اسكت !
طالعت خالتي وانا رافع حاجب حسسوني وكأني خاطفه وراجعه !
تابعت ام محمد كلامها : اذا اخوانها تاركينها على راسها تشرد !
انا ما رح اسكت ابدا !
اشرت لها ام عمار تسكت شوي لما رن جوالها
ردت بهدوء وهي تناظر خالتها
لثواني قفلت الخط وناظرت خالتها : ابوي عند الباب يبغى يدخل !
زفرت بقهر ام محمد ما طلعت حرتها للحين : ان شاء الله
بلعت ساره ريقها بإحراج من عمها كيف تكلمه وتناظره بعد هالسالفه !
دخل ابو راكان وخلفه ام راكان !
نزلت ساره عن الكنبه وبتردد اقتربت وسلمت عليهم !
حست عمها سلم عليها بجفاء !
جلست لما اشر لها تجلس وهي خايفه من القادم !
ما تدري وش يبغى منها ؟!
بس اكيد يبغاها تطلب الطلاق !
انتظرته يتكلم وبعد لحظات بدأ يتكلم بكل برود : شوفي يا ساره انا كثير نبهتك ما تمشين وراء خلف لانك انت الخسرانه !
هو يبلع الفلوس وانت الخسرانه !
دوبك دخلت 16 وصرتي ارمله للمره الثانيه !
رفعت نظرها بصدمه وبهتت ملامحها وتردد بداخلها ارمله للمره الثانيه !!
ابو زيد مااااااات !!
**
**
**
**
جالسه بالصاله تناظر من حولها بصمت
ما تنكر ولا دمعه نزلت من عيونها !
لانها متوقعه موت ابو زيد بأي لحظه !
بلعت غصتها وهي تمثل لامبالاه من كلام خالتها وام راكان !!
_ والله سمعت يقولون عمره بالخمسينات مو مريض وصحته مثل الحصان !
صارت مشكله بينه وبين زوجته !
طبعا عياله وقفوا مع امهم ضد أبوهم !
ويقولون حلف الا يقهرهم ويتزوج على امهم !
ام محمد تكمل عن ام راكان : ايه سمعت حتى يقولون مو باين عليه العمر !
ولما خطب هالمنحوسه _ واشرت على ساره _ يقولون ثاني يوم من العقد اصابته جلطه وصار مثل الجثة بالمستشفى !
والله ما ظنيت احد يقربها بعد هالسالفه !
قبرت اثنين !
ما ادري وش النحس عليها !
من يومها منحوسه !
ام راكان ناظرت ساره بحزن على حالها صغيره ومترمله مرتين وبصوت هادي : ان شاء الله ربنا يعوضك
قاطعتها ام محمد : مين هذي المجنونه للي رح تستغني عن ولدها وتزوجه لهذي النحسه!
ام عمار : يا خالتي كل شيء اقدار ربنا كتبها !
كل واحد مكتوب له عمر رح يعيشه !
اميره جالسه من البدايه تناظر ما اعجبها كلام امها واول مره تحس نفسها تبغى تبكي على اختها الصغيره
دوبها ورده فتحت وتترمل مرتين !
واكثر شيء يخليها تبغى تبكي وهي تشوف ساره تناظرهم بلا مبالاه
ولا كأنه الامر يهمها !
متأكده انه ساره مثلها ما تظهر مشاعرها
تكون من الداخل منفجره وفوق هذا تبتسم ولا كأنه صاير شيء وبصوت فيه نبره حنان : وش رأيك يا ساره تيجي عندي
قاطعتها بفزع وغضب ام محمد : لا
وين تأخذينها ؟!
بعدين زوجك مو محرم لها !
ما تخافين تسرق منك زوجك !
وبعدين العده رح تقضيها بالقريه عند نادر !
واليوم العصر نازلين للقريه !
حسمت خالتها امرها وما في مجال للنقاش !
المره الأولى لما توفى هاني كانت تبغى تبعد عن هذا المكان وما تشوف نظرات الشفقه !
اما اليوم ما تبغى تطلع من هنا !
خلاص ملت من حياه التشتت !!
حست قلبها وقف لما شافته دخل والشرار يطلع من عيونه !
متوجه لها وكأنه بركان
بأي لحظه رح ينفجر فيها !
غمضت عيونها ورفعت يدها تغطي وجهها لانه ملامحه تؤكد لها انه ضاربها ضاربها !
وصدق حدسها لما انهال عليها بالضرب ويصرخ بأعلى صوته بالشتائم !
تقدمت ام راكان بفزع وهي تصرخ عليه تحاول تبعده عن ساره
وخلف مستمر بالطق
والكل يجهل سبب ثوران خلف على ساره !
فلتت شيلتها وشدها من شعرها وهو يرفعها لفوق وبصراخ : ليه تنازلتي عن حقوقك لعيال الكلب !
هزها بقوه : ليه يا كلبه !
وقسم بالله لطلع الفلوس من عيونك !
صرخت عليه ام راكان بقهر وهي تشوف ساره تحاول تخلص شعرها من قبضته وعيونها تلمع من الالم: إنت ما تخاف ربك !
ما تفرد عضلاتك الا على هاليتيمه !
اتركها جعل يدينك للكسر !!
وبصرخها من اعماقها: اتركهاااااااااا
خلف للي ما طلع حرته بساره وجكر بخالته زاد العيار ونزل يطق فيها من جديد !
ما فكها منه الا عيال ام عزام خلصوها من هالوحش للي انقض عليه بدون ذنب اقترفته !
ابتعدت خطوات عن خلف لما بعدوه عنها !
وبسرعه عدلت شيلتها وهي تشوف عيال عمها ابو راكان داخلين !
وزادت شياطين خلف لما شافهم !
ولعانه فيهم فك نفسه و رجع هجم على ساره وضربها وطالعهم وهو يصرخ بوجههم: أختي وما احد له دخل !
اذبحها اموتها ما احد له دخل !
ابعد يد عزام عنه بقوه وناظر ساره بتوعد : حسابك بعدين يا حيوانه !
وطلع وهو يناظر عيال عمه بقرف !
تحس بالاحراج الكل يطالعها ويناظرها
اكيد بشفقه
وقع نظرها على خالتها جالسه على الكنبه ومبتسمه وكأنه عاجبه للي صار !
نزلت نظرها من الاحراج وصارت تتأكد انه شعرها مغطى !
وقفت وناظرت جودي وليان يبكون عليها !
اقتربت جودي وهي تتفقد فيها !
ابتسمت ساره وبضحكه : علامك تتفقديني !
تراني ما زلت على قيد الحياه !
وغمزت لها بابتسامه حزينه !
ليان بتأثر : يوجعك شيء !
ساره بمكابره : اصلا ما يوجع !
وقلب وجهها بالالوان وهي تشوف عيال عمها مسلطين نظرهم عليها !
خيم الصمت بالصاله والانظار عليها فقط !
زفر بضيق وسأل وهو يناظر جدته : ليه ضربها ؟!
ام راكان وجعها قلبها من هالموقف : حسبي الله عليه هالطماع !
ضربها لأنها متنازله عن حقوقها لعيال ابو زيد !
هز راسه وطالع اعمامه : ما له داعي وقفتنا هنا !
وخلال ثواني انسحبوا من المكان !
جلست ساره جنب جودي وضحكت على شكل جودي ساحت الكحله : ههههههه
جودي ابتسمت على ضحكتها : تضحكين على شكلي يا دبه !
كله بسببك !
قاطعتها أم محمد : انت ما عندك احساس !
دوبك ماكله طق وجالسه تضحكين !
على الاقل احترمي هالحريم للي جالسات يعزونك !
والا نسيتي اذكرك !
تراه عزاء زوجك الثاني يا عديمة الاحساس !
شوي احترام لزوجك للي دوبهم دفنوه !
ساره طالعتها وابتسمت بتمرد لاول مره : إلي مات الله يرحمه !
ام محمد اكره ما عليها تشوف هالابتسامه امنيتها تشوفها مكسوره مذلوله والابتسامه ما تعرف طريقها وبحقد ردت : والله الواحد صار يخاف يجلس معك من نحاستك !
يا وجه البوم
قاطعتها نوره للي كانت جالسه من البدايه مستمعه : استغفري ربك يا عمتي !
وش هالكلام ؟!
كتمت عبرتها ووقفت وعيونها تنذر بالدموع !
اول مره تشوف احد يضرب اخته بهذي الوحشيه !
ما تلوم ابوها واخوها لما يتعاملون مع خلف باحتقار !
لانه فعلا احقر انسان شافته على الارض !
ام محمد مطت شفتها بسخريه : علامها راحت !
ما كنت ادري انه اخوي عنده بنت حساسه لهذي الدرجه !
ام راكان بضيق : خلاص اسكتي والله وجعني قلبي على هاليتيمه !
يا ليتها بقت عند اهل امها ولا جاءت هنا وضاقت المر بحياتها مع عيالك الفاشلين !
حرام عليكم تراها يتيمه !
شوفي ووجهها كيف انتفخ من ابنك الثور !
بعدها بعمر الزهور دفنتوها وهي عايشه !
بس ما اقول الا حسبي الله
حركت ام محمد شفتها ترد
بس قاطعتها اميره بقهر : خلاص يمه لا ترقعي للزفته خلف !
وقسم بالله اني اخجل من افعاله !
ام محمد بهجوم : انت اخر وحده تتكلمين !
على الاقل خلف اشوفه كل فتره
اما انت يالعاقه
بالشهور ما اشوفك 24 ساعه مسافره!
حتى عيالك ما اذكر ملامحهم !
من سنين ما شفتهم !
هزت اميره رأسها بفقدان امل من امها !
مستحيل تعترف بغلطها !
ام عمار ما تبغى تصير مشكله ثانيه : خلاص قفلوا الموضوع !
وفكونا من المشاكل !
***
***
***
***
***
بعد العصر
راكبه جنب خالتها وتناظر من الشباك
والعبره خانقيتها
احداث اليوم كانت صعبه عليها
وزاد عليها خلف لما طقها !
تتمنى تستفرد بنفسها وتفرغ كل الكمت للي بداخلها !
امنيه بسيطه صعب تحقيقها طول ما خالتها مرافقيتها مثل ظلها !
مسكت دموعها حتى ما تنزل كيف تتحمل كلام خالتها وام هزاع !
ما رح تقدر تتحمل !
تخاف تنهار ويتشمتون فيها !
غمضت عيونها لازم تتغير
ويصير لها شخصيه توقف خلف عند حده !
كافي لهنا !
قلبها طق من اعماله !.
صارت مثل السلعه يتاجر فيها !
حنت لجدتها ام سعيد تتمنى ترجع وتعيش معها
وقابله بعيشه الفقر !
وش فائده الاكل ومحرومه أشياء كثيره !
بس للي محيرها كلام ام راكان « يا ليتها بقت عند اهل امها »
اهل امها ؟!
مين اهل امها ؟!
هي ما تعرف الا جدتها ام سعيد !
معقول ام راكان خربطت ؟!
لازم تسأل عن اهل امها !
بس كيف ومين تسأل؟،
***
***
***
***
ابو راكان بصراخ يكلم بالجوال بعد ما فقد صوابه : وقسم بالله يا خلف لو اسمع انك مقرب من ساره ما يحصل لك طيب .......ايه اعتبره تهديد وإنت تدري اقدر ادمرك ......ايه رح اذلك لاخر يوم .....الخلاصه تترك ساره بحالها ......وقسم بالله لو اسمع انك مزوجها الا ادفنك بيديني ....صدق انك احقر ما شفت بحياتي
وقفل الخط بغضب : اوقح من كذا ما شفت !
ابو عزام بهدوء : وش قالك؟
ابو راكان جلس على الكنبه بغضب : يبغى فلوس علشان ما يقرب من ساره !
شفت احقر من كذا ؟!
ابو ماجد بهدوء : انا اقول ليه ما تزوجها عن طريقك يبه يمكن ترتاح
قاطعه ابو راكان بفقدان امل : مين يقبل يتزوج وحده مترمله مرتين !!
خلينا واقعين لو عندك ولد تزوجه لها ؟!
ابو ماجد بغرور : اكيد لا !
يكفي ماجد الزفت للي خطبت له من ذيك العائله !
ابو راكان : والله عائله ابو سعود ما عليها كلام !
ناس سمعتهم طيبه ومتعلمين !
مو مثل عيال اخوي للي يفشلون !
ابو ماجد بترفع : بس انا كنت راسم له نسرين !
ما رح الاقي احسن من ابنة اخوي ابو عزام !!
ابو عزام : كل شيء نصيب !
مناف رفع اصابعه وهو يؤشر باتجاه اخوه : تراه ولدك مو صاحي ؟!
ويبغاله تربيه من اول وجديد!
ابو ماجد بقهر : هذا للي قهرني والا واحد صاحي ينشر هالاشاعه قدام الدكاتره حتى يقهر دكتوره !
لا والحين طالع لي بسالفه يبغى يشوف خطيبته ويزورها !
لكن حامض على بوزه !
ابو تالا ببرود: طيب افسخ الخطبه
ابو ماجد بحده وحزم : وقسم بالله ما تنفسخ
انا متأكد انه ندمان على خباله بهذي السالفه !
بس خله يتحمل نتائج خباله!
والبنت بعدها صغيره متى ما تخرج
وقتها يصير خير !
ام راكان : يا ولدي إذا ما كان له خاطر بالبنت لا تجبره !
ما ألقى بال لكلام امه للي دوم بصف العيال !!
***
***
***
***
جودي وهي تمسح دموعها : نفسي احس اني مثل باقي البنات عندي اب !
ليه هو قاسي لذي الدرجه!
لهدرجه يكرهنا؟!
نفسي اشوفه يزورني علشان يتطمئن علي !
ليان بضيق : لما يسألني زوجي عنه ليه ما يزورنا ما ادري وش ارقع له!
ام عمار تنهدت : يا ماما يعني من لما تزوجته وعقله كذا ما تغير !
ولا رح ييجي يوم يتغير !
وش اقول للي دفنت نفسي معه ؟!
احمدوا ربكم ازواجكن متفاهمين ومتعلمين !
مو مثلي تزوجت هالهمجي !
انا احمل درجه الدكتوراه ومع ذلك تركتها
حتى ما انحرج اذا احد من زميلاتي عرفت إنه خلف زوجي !
الفرق بيننا كبير !
كان طموحي اتزوج شاب متعلم ومثقف مثلي !
نكمل الحياه بالتفاهم والحب والاحترام !
انهدمت كل احلامي بزواجي منه !
وش اقول لما
سكتت ام عمار وهي تمسح دموعها من جروح الماضي !
جودي بكت على حال امها اول مره تفضفض لهم !
تابعت ام عمار بألم : صرت اختصر التجمعات حتى ما تلتفت لي الانظار
زوجة النصاب!
وقسم بالله قرفت الحياه معه !
والله ما صبرني عليه غيركم !
جبرت نفسي اتحمله علشان اغلى 3 على قلبي
جودي
ليان
عمار
***
حطت الكتاب بضجرمن الدراسه
وقررت تطلع تجلس مع نهى واسماء
طلعت من غرفتهاوابتسمت على كلام نهى للي داهمها : واخيرا طلعتي من معتكف هالدراسه !
اسماء بسخريه : تراك اولى ثانوي !
حسستيني انك ثالث ثانوي !
نهى تتمسخر : تخيلي بعد هالتعب عريس الغفله يمنعها من الدراسه !
جلست عائشه وبابتسامه : يطلع له يعمل للي يبغاه
وانا انفذ كلامه بكل طاعه !
وبنغزه مو مثل بعض ناس ما تيجي الا بالطق !
ولعبت بحواجبها !
اسماء تحرك كف يدها للامام والخلف : يمه يمه جيل بعبع !
على حساب طول وقتك نازله اشعارات
دراستي ودراستي والدكتوره عائشه
قاطعتها نهى بضحكه وهي تضرب فخذ اسماء : تخيلي ترسب
وضحكت بصوت عالي !
عائشه رفعت حاجب بثقه : الحمد لله عارفه نفسي !
اسماء بغيره : مين قدك زوجك يدرس طب !
ما بقى عليه كثير ويتخرج !
مو مثل حظي عامل حاله تاجر وهو من جنبها !
من خساره لخساره
وللي يقهر لما يقول اهم شيء نطلع رأس المال !!
حاشر نفسه بالتجارة بالغصب وهو ما يعرف يجمع رقمين على بعض !
نهى بغيره : على الاقل حظك احسن من حظي !
ما اقول الا مالت علي وعلى حظي متزوجه حمار لا يصد ولا يرد !
عائشه بانتقاد : عيب عليك تتكلمين على زوجك كذا !
لازم يكون فيه احترام بينكم !
نهى بجعرفه : لازم تقلبين وجهك عني !
تراك من صغرك تتفلسفين كثير !
ما احد حاس بمعاناتي !
الاقيها من زوجي الحمار
والا من امه الحربايه !
والا من اخواته الخبيثات !
يا اختي انا عمري ما شفت مثلهن !
قدامك عسل ينقط ومن خلفك
افاعي تنقط سم !
عائشه : حرام تظلمي الناس !
نهى مطت شفتها : اسكتي اسكتي إنت وش عرفك !
ما احد خبر زوجي اني اطلع عالسوق لما ازوركم بدون اذنه غيرهن !
تذكرين لما طلعنا وبالصدفه شفت اخواته بالسوق !
ما لحقت اطلع من السوق الا الزفته متصل يزف فيني ويتحلف !
ووقتها حصلت منه طراق
وعضت على شفتها بقهر كله منهن هال.....
اسماء : اعوذ بالله تعالي قولي لي !
مثل هالحربايه للي عندي ما فيه !
يا كرهي لامه !
على بالها ابوي مزوجني لهم شغاله !
تبغاني اخدمها !
وكتيبة البنات للي عندها وش فايدتهن !
بس انا اسماء !
ودقت على صدرها بفخر
وقفتها عند حدها !
على بالها بنات الناس شغالات عندها !
بس بنت ال ..... كل يوم تعملي مشكله مع زوجي !
منكده علي !
الله يأخذها ويريحني منها !
وقفت عائشه بضجر : اففف قسم بالله للي يجلس معكم يحصل ذنوب
كله شتم وحش بالناس ؟!
مسكت يدها اسماء : خلاص اجلسي
وقبل ما تجلس تكلمت نهى بحماس وهي تناظر اسماء : ما قلتلك ؟!
فوزيه وحماتي مولعه بينهم !
فوزيه عرفت انه حماتي تتكلم عليها !
وتروح لها للبيت وتمسح فيها الارض ! ياه فشت غلي فيها !
حتى بناتها مسحت فيهم الارض وطلعت القديم والجديد وهي تردح لهم !
وانا اناظر واضحك بداخلي !
اسماء بحماس : طيب وفوزيه وش عرفها ؟!
دقت بفخر على صدرها نهى : انا قلت لها حماتي وبناتها يتكلمون عنك كذا وكذا
مع شوي من البهارات من عندي !
هزت راسها عائشه بأسف على حالهن : غيبه، نميمه ،وكذب !
تذكري يا نهى لا يدخل الجنة قتات !
وقررت تتركهن وترجع لدراستها مو ناقصها ذنوب !
**
**
**
**
سعديه من اول ما دخلت مسكتها تحقيق وهي تناظر خدود ساره فيها انتفاخ : لا تقولين لطمتي خدودك علشان هالشايب !
ناظرتها ساره بنص عين : سخيفه !
سعديه بضحكه : لذي الدرجه عز عليك الشايب ولطمتي خدودك !
الله يصلحك ما تدرين انه لطم الخدود حرام !
وبتحقيق : خلف للي ضربك ؟!
ساره ابتسمت بسخريه : لا انا لطمت خدودي من حزني على فراق الشايب !
سعديه ضربتها على راسها : سخيفه !
عفست ملامحها اوجعتها الضربه راسها وشعرها للحين يوجعها من يدين خلف !
سعديه مطت شفتها : يالمجرمه تزوجتي اثنين وانا مو ملاقي احد يناظر خشتي !
لا وللي قاهرني هالهزاع بعده مصمم يخطبك !!
ناظرتها ساره وهي رافعه حاجب بتكذيب : مو قلتي لي انه رافضني ذيك المره !
حكت رأسها بضحكه وهي تفكر كيف ترقع كذبتها الاولى !!
ساره اشرت لها : لا تطلعين كذبه ثانيه !
ما يهمني لا هزاع ولا غيره !
اشبعي فيه !
ادري انك تحومين حوله !
مبارك عليك !
فتحت فمها بصدمه ما توقعت انه ساره كشفتها وبترقيع سريع : مين قالك اصلا !
ما بقى الا هزاع اناظره !
تدرين انه هزاع خطبني 3 مرات ورفضته !
ولما فقد الامل صار يراكض خلفك !
ما تشوفين كيف يناظرني بقهر لاني رفضته !
ساره بتسليك : صادقه !
شهادتك هالقد جالسه تتشرطين !
سعديه رفعت حاجب بحده : وش قصدك ؟!
ساره تنهدت : الحال من بعضه !
على قولتك لو ييجي شايب يخطبنا يا حظنا !
الكل الحين يبغى متعلمه وموظفه وحلوه !
واتوقع حنا نفتقد هالعلامات 3
سعديه تنفش ريشها :يا اختي كل وحده تتكلم عن نفسها !
وبنغزه: انا لو عندي عيال عم كان زمان تزوجت !
ساره انقهرت منها وكأنها تذكرها برفض عبدالله لها
كتمت قهرها وما حبت تجرحها بالكلام !
وقررت تسكت احسن لها !
مو ناقصه جروح للي فيها مكفيها !
تتذكر نظرات ام راكان وبنات خلف ونوره لما كانوا يطلعونها ويبكون!
وهي ما قدرت تبكي على نفسها !
لمتى تكابر وترسم ابتسامه مزيفه !
ذبحها الحنين للماضي !
مشتاقه لجدتها ام سعيد تبغى ترمي نفسها بحضنها وتشكي لها هالحال!
مشتاقه لعائشه صديقة الطفوله!
تمسك يدها وتخبرها بكل شيء اوجعها وجرحها !
تنهدت وهي تناظر سعديه تتكلم بموضوع ثاني ولا كأنه صار بينهم شيء قبل لحظات !
هذي عادتها من طفولتهم!
**
**
**
**
في اليوم الثاني
نادر وهو يمسح على راسها بحنيه وهي حاطه راسها على فخذه : لا تهتمين لكلام الناس !
عيشي حياتك مثل ما تبغين انت وارمي كلام الناس وراء ظهرك !
لأنه باختصار رضى الناس غايه لا تدرك !
ناظرته وابتسمت بألم ودموعها تنذر بالنزول ....نادر اخوها للي ما رح تلاقي احن وارقى منه !
الكل يتكلم عليه وينتقد طريقه حياته !
ومع ذلك طنش الكل وعاش مثل ما يبغى هو ....وما سمح لكلام الناس يتحكم فيه !!
بس هي ضعيفه ألف واحد يتدخل بشؤونها وبنبره ضعيفه : اي حياه تتكلم عنها ؟!
ناظر عيونها اللامعه بالدموع : لا تخلين حياتك تتوقف هنا !
بعدك صغيره وتقدرين تصنعين مستقبلك بيدك !
ردت بنبره متشائمه منكسره : خلف ما ترك لي مستقبل !
مسح بإصبعه دمعه اخذت مجراها على خدها : ليه الدموع يا ابوي !
دفنت وجهها على فخذته وكأنها الكلمه للي فجرت كل الكمت للي بداخلها وبصوتها الناحب : ليه انا ما لي اب مثل باقي البنات !
وين ابوي وين امي !
وين جدتي ام سعيد كلهم تركوتي لخلف وخالتي !
دمروا مستقبلي !
للي بعمري الحياه دوبها فتحت لهم الحياه !
وانا قفلت بوجهي !
يا ليت متت معهم لا عشت دقيقه عند احد !
الكل يتحكم فيني ويمشي حياتي على كيفه !
مسحوا شخصيتي ما اقدر أطالب بحقوقي !
حتى ما أقدر أدافع عن نفسي !
أبلع المر والقهر واسكت وابتسم !
حتى تمشي حياتي !
خلاص تعبت تعبت
ودخلت بنوبة بكاء قويه
مسح على رأسها وهو يسمع شهقاتها !
تتمنى يكون ابوها موجود !
وهو يتمنى طفل يناديه بابا !
كل واحد فيهم يتمنى شيء مستحيل !!!!!
ساره طفله
وعيت على الدنيا لا أب ولا أم !
يتيمه !
لكن خلف ما رحمها !
يتمنى يخفف من آلامها واحزانها !
تنهد الظاهر مكتوب عليها الشقى طول حياتها !
***
***
***
***
قريب المغرب
جالسه بالحوش وتناظر غروب الشمس وتتمنى ما تنتهي ايام العده !
تخاف من مفاجآت خلف !
قلبها مقبوض كل يوم يمر تتمنى انه ما ييجي اليوم للي بعده !
استغربت لما سمعت طرقات على الباب : مين ؟!
_ افتحي انا عمك سلمان !
فتحت الباب وناظرته بنص عين : عمي مره وحده !
سلمان وهو ينفش ريشه : مو عاجبك !
ابتسمت ساره : يقال اني خالتك !
عفس ملامحه بتكبر : تخسين ما بقى الا بزر تكون خالتي !!
ضحكت ساره على تعليقه !
ابتسم على ملامحها : اشوفك مبسوطه !
ودفها للداخل : مطوله وانت لاطعيتني عند الباب ؟!
ساره بفرح لشوفته : وين تحب تجلس؟!
سلمان بسخريه : للي يسمعك يقول من كبر البيت !
تراني اذا جلست هنا رجولي ألاقيهم عند الجيران !
ساره بابتسامة: كأنك تبالغ !
سلمان بلامبالاه جلس على الكرسي للي بالحوش : ما علينا!
المهم اخبارك ؟!
جلست ساره مقابل له : بخير !
طالع حوله باستغراب: وين جدتي وخالي!
_ خالتي عند الجيران ونادر بالبقاله ومها عند صديقتها !
كمل عنها : وانت محبوسه هنا !
وبابتسامه: وضعك ذكرني بماجد !
عمي عامل عليه حصار ممنوع يطلع
من البيت للجامعه ومن الجامعه للبيت !
ساره بتذكر : ما خبرتني كيف خطب ؟! ومتى ؟!
سلمان و هو يخز فيها بمزح : لا تقولين حاطه عينك عليه ؟!
اقولك من الحين ترى الرجال عنده طموح واحلام
وانا ما اقدر ابعد عنه وافقده و يموت !
حتى لو كان مزح جرحها كلامه وكالعاده وضعت قناع لامبالاه وابتسمت وهي تعلق : سخيف !
مين خطب ؟!
سلمان وهو يحك راسه : ابنة دكتور نزل عنده ماده !
وبتذكر : قال لي عزام انه ابوها كان جار لكم
ساره بلهفه : وش اسمه ؟!
وقبل ما يتكلم سألت : ابو سعود ؟!
سلمان عفس ملامحه لذكره : ايه
ساره بلهفه وفرح : اي وحده من بناته ؟!
سلمان عقد حواجبه : انا وش عرفني ؟!
ساره برجاء : بالله بالله اتصل بماجد وشوف وش اسم خطيبته ؟!
لما شاف سلمان لهفتها ما حب يكسر بخاطرها : انتظري اكلمه
طلع جواله واتصل عليه وبعد لحظات وصله صوته : هلا هلا بالمحبوس .....ههههههه ......والله انا بالقريه ........متى ما انتهى الحصار وقتها تعال اعتب علي !
اشرت له ساره يسأل بسرعه !
طيب طيب ماجد ابغى اسألك .....لا عاد بلا ثقل دم ......ايه خطيبتك وش اسمها ؟! ...... هههههه لا ما ابغى اخطبها .......لا انا اسألك ......ما تعرف اسم خطيبتك .....والله انك نكته ........ايه ايه فهمت اصغر وحده
قاطعته ساره بفجعه وهي تصرخ : عيشه عيشه عيشه
طالعها سلمان : وش فيك انجنيتي !
ساره بفرح واخيرا رح تلتقي عائشه : ماجد خاطب صديقتي !
رجع سلمان يتكلم وهو غاسل يده منها : غبيه فرحانه طلعت خطيبتك صديقتك .......ههههه معك حق تتركها دام ساره صديقتها .....تخيل تكون كوبي بيست عن ساره .......ههههه تراك حطيت نفسك بورطه بسبب خبالك ......طيب خلاص انقلع
قفل الخط
وارتفع ضغط سلمان من لقافة ساره
اول مره يشوفها بهذي السعاده ...
قاطعهم دخول مها ناظرته وهي رافعه حاجب !
انحرج سلمان وبسرعه وقف : اخبارك يا خالتي !
مها بهدوء : هلا حياك الله !
وش أخبارك واخبار اهلك !
سلمان : بخير الله يسلمك !
مها : خذ راحتك
واستأذنت ودخلت بهدوء !
رجع جلس سلمان وهو يلتفت حوله ما يبغى احد يسمعه : احسها زوجة خالي نكديه وشريره و
قاطعته ساره : بالعكس حبوبه وت
قطعت كلامها وهي تشوف خالتها داخله
ناظرت سلمان وابتسمت وبداخلها ما في نكديه وشريره غير جدتك !
سلمت ام محمد وبعصبيه ناظرت ساره قبل ما تجلس : قومي جيبي الضيافه !
جالسه وفاتحه حلقك للسوالف!
هذا للي فالحه فيه !
سلمان بهدوء ناظر ساره لما دخلت
وبعدها إلتفت على جدته : راعي مشاعرها
قاطعته بشراسه : خليك بنفسك ولا تتدخل بأمور ما تخصك !
وبعدين ليه جاي هنا ؟!
وما اعطيتني خبر !!!
وامك اليوم اتصلت فيها ما ترد !
قاطعها سلمان بمزح : بإسم الله اكلتيني بقشوري !
وش فيك هبيتي فيني!
ام محمد بصراخ : يا ساره يا زفته !
ساااااره !
طلعت ساره بسرعه : نعم خالتي !
ام محمد بغضب : جهزي اغراضي بسرعه !
ناظرتها ساره باستغراب
وسرعان ما تحركت لما صرخت عليها : تحركي
سلمان عقد حواجبه : وش فيه ؟!!
ام محمد بغضب : ام هزاع الكلبه انا اروايها !
قوم رجعني لبيتي !
تحرم علي هالقريه بعد اليوم !
قوم تحرك خلصني !!
حطت ساره الاغراض لها وعلى رأسها علامة تعجب بس ما قدرت تسآلها لما شافت ملامحها الغاضبه !
وقفت ام محمد وبحزم : من يوم ورايح لا اعرفك ولا تعرفيني !
اخوانك وعمك اولى فيك !
خلاص انا رفعت يدي منك !
وبيتي يتعذرك !
وناظرت سلمان بأمر : قوم بسرعه وصلني !
سلمان انصاع لامرها وهو مو فاهم شيء !
ناظرت ساره زول خالتها وهي طالعه تتحلطم !
مو مصدقه عيونها !
تحس انها سمعت الكلام غلط !
اكيد هي بحلم !
مو قادره تصدق !!!
واخيرا حصلت على الحريه ؟!!!
تبغى تصرخ بأعلى صوتها وتعبر عن مدى فرحتها !
بس الغريب وش صار خلاها تنقلب بهذا الشكل ؟!!!
قفزت بفرح وتوجهت للداخل تناقز من الفرحة وتنادي على مها تخبرها
احلى خبر كانت تنتظره من زمان !
**
**
**
**
خلال دقائق كان الخبر منتشر في بيت ابو راكان !
ما قدر سلمان يسكت حتى يوصل ويذيع هالخبر !
نشر هالخبر على الواتس !
ام عزام مو مصدقه : معقول امي بعد هالسنين تتركها ؟!
طيب وش صار ؟!
ام راكان : ما خبركم سلمان عن السبب !!
نسرين : بس كتب كذا وقال التفاصيل بعدين !
ام راكان براحه : احسن شيء عملته !
فكت هاليتيمه من شرها !
ابو ماجد ولا مره إلتقى بساره عقد حواجبه : الحين هي عند نادر ؟!
عزام بهدوء : ايه عند خالي!
زم شفته بفوقيه : والله لولا اختي ام عمار والا زمان كان طيرتهم من هالمكان !
ونرتاح من خلف وإخوانه !
هالقرابه ما نبغاها ولا يشرفونا !
ام راكان باستخفاف لكلام ولدها : يا ولدي البيت والارض بإسمهم ما يطلعلك تطيرهم !
وبلوم : احترم ام عزام تراهم إخوانها !
ابو ماجد بقرف : لو مكانك زمان تبريت منهم وخاصه هالخلف !
ابو تالا : اذا انت ما تطيقهم تراهم اخوانها !
وش عليك منهم ؟!
ام تالا ناظرته بحده : ما احد طلب منك تكون محامي دفاع عنهم !!
ابو تالا بغضب من نظراتها : وش رأيك أحطك محاسب على كلماتي استأذنك قبل ما اتكلم !
تر
قاطعه عزام : يا عمي اذكر الله !
وفكونا من المشاكل ؟!!
لفت ام تالا وجهها بزعل وهي تعيش حياه رعب من بعد ما مات زوج ساره !
كل ما تقول خلصت منها تطلع لها من جديد !
ما تدري متى تنتهي من هالكابوس ؟!!
**
**
**
**
**
مرت ايام العده وهي تحس براحه كبيره
رحيل خالتها اكبر هم انزاح من حياتها !
وكأن الحياه ابتسمت لها من جديد !
اهم شيء تنام وتصحى بدون ما تسمع صوتها النشاز او كلماتها الجارحه !
بس متخوفه تكون لفتره وبعدها ترجعها !
انتهت العده وهي متحيره وش تعمل ؟!
مرتاحه بالعيشه عند نادر بعيد عن خلف وخالتها !
قررت تطلع اليوم وتمشي بالشارع زمان ما طلعت !
كل يوم كانت سعديه بوجهها تسليها
صحيح تغثها احيانا بكلامها ...بس تسلك لها ما عندها غيرها ....من ذاك اليوم ما شفت أم هزاع
سمعت انها ثاني يوم جاءت لهم للبيت بس مه تكفلت وطردتها ومن يومها
ما رجعت !
نفسها تعرف وش للي صار بين خالتها وام هزاع ؟!!
فتحت باب الحوش وناظرت حولها وهي تحس نفسها مشتاقه تطلع وتركض !
عدلت شيلتها وهي ناويه تلف بالحاره وبعدها تمر على نادر بالبقاله !
تناظر حولها ومبتسمه تحس نفسها خلاص نسيت الماضي وبدأت حياه جديدة !
عبست ملامحها لما وقفها صوته : زمان القمر ما بان !
مطت شفتها ما تطيقه وما تدري وش للي معلقه فيها ؟!
حسب كلام سعديه تقول انه يرسم على ورثتي!
الاخ يفكر انها غنيه ما يدري انها ما تملك فلس واحد !
تكلم وهو يجاريها بالمشي : الظاهر انك طلعتي من العده ؟!
عاد ما قلتي لنا مين الميت الجاي ؟!
انقهرت منه ما احد رح ينسى وبكل كره نطقت : انت الجاي !
ابتسم هزاع بفرحه : يعني موافقه علي !
خلاص باكر نيجي نخطبك رسمي
ونملك و
قاطعهم تصفيق من خلفهم : ما شاء الله !!!
طالعت خلفها وانخطف لونها وهي تناظر .....

  #175 
قديم 25-08-17, 10:27 PM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

السلام عليكم ....اتمنى الجميع يكون بخير ....اشكركم على الردود والمتابعه ....
**
***
**
يتبع بارت 13

**
**
**

تناظر حولها ومبتسمه تحس نفسها خلاص نسيت الماضي وبدأت حياه جديدة !
عبست ملامحها لما وقفها صوته : زمان القمر ما بان !
مطت شفتها ما تطيقه وما تدري وش للي معلقه فيها ؟!
حسب كلام سعديه تقول انه يرسم على ورثتي!
الاخ يفكر انها غنيه ما يدري انها ما تملك فلس واحد !
تكلم وهو يجاريها بالمشي : الظاهر انك طلعتي من العده ؟!
عاد ما قلتي لنا مين الميت القادم ؟!
انقهرت منه ما احد رح ينسى وبكل كره نطقت : انت الجاي !
ابتسم هزاع بفرحه : يعني موافقه علي !
خلاص باكر نيجي نخطبك رسمي
ونملك و
قاطعهم تصفيق من خلفهم : ما شاء الله !!!
طالعت خلفها وانخطف لونها وهي تناظرها الحين اكيد رح تفسر على كيفها
وخلال ثواني كان صوتها يلعلع : انت
ما تستحين على وجهك طالعه من العده وقاعده تشبكين خيوطك !
وبالشارع لا فيه خجل ولا حياء!
والا غاب القط إلعب يا فار !
شفتي خالتك تركتك وصرتي تلعبين بذيلك وتطلعين على حقيقتك !
والحين جايه ناويه تذبحين ولدي !
بس حامض على بوزك الحين اتصل بأهلك خلهم يمسكونك عن عيالنا !
وطلعت الجوال ناويه تتصل وبسرعه
تناوله هزاع بهلع : انت انجنيتي يمه ؟!
ام هزاع باصرار : خلهم يجون يشوفنها وهي تواعد الشباب !
هزاع : تبغينهم يذبحوني ؟!
ما احد واقف معها غيري !
رجعت لصوابها اكيد لو اتصلت رح يعرفون انه هزاع واكيد ما رح يرحموه !
وبحده ناظرت ساره : لولا ولدي والا كان خليتهم يشوفون ابنتهم وين داشره
سكتت فجأة لما شافت ساره مسكت حجر من طرف الشارع وبتهديد : وقسم بالله كلمه افلع راسك بالحجر !
ام هزاع تعرف انها ساره شخصيتها ضعيفه وما تقدر تؤذي نمله وبقوه تخصرت لها : إفلعي رأسي اشوف وش رح يطلع منك !!
مسكت وشدت عليه بقهر من نفسها
ضعيفه قلبها ما يطاوعها تؤذي احد
ومع ذلك حصلت الاذى من للي حولها
وبالاخص ام هزاع دوم حاطه ضدها
ما عملت لها شيء ليه تتبلى عليها بالكلام وهي عارفه ابنها مو تاركها بحالها
شدت على الحجر اكثر وغمضت عيونها بقهر ليه الناس ما عندهاضمير فرغت كل قهرها وهي ترم الحجر بعيد بقوه !
فتحت عيونها بخوف على صراخ ام هزاع وهي تشوف الدم ينزل بغزاره
كيف ما تدري !
رجعت للخلف خطوه بخوف لما صرخ عليها هزاع بحقد : والله لاشرب من دمك يا بنت...
وخلال ثواني ركضت هاربه من المكان
وقلبها يدق طبول من الخوف والرعب !
مستحيل تكون هي ؟!
كيف ضربها الحجر ما قصدت تصيبها
كانت تبغى ترميه بعيد !
بس كيف ضرب فيها !
تحس نفسها مفزوعه بعد ما شافت منظر الدم !
قلبها الرهيف ما تحمل هالصوره !
فز على حيله لما شافها بهذا المنظر
وجهها احمر وتبكي وكأنه مصيبه حلت فوق راسها وبخطوات سريعه اقترب منها وسألها برعب : وش فيه ؟!!!!
مها صار لها شيء ؟!!
هزت رأسها بالنفي وجلست بعد ما استنفذ الركض طاقتها !
ما يدري وش فيها !
وش صار حنى يصيبها كذا ؟!
معقول خلف جاء هنا يأخذها ويبغى يزوجها وهربت منه ؟!
وبسرعه سألها : خلف هنا ؟!
ورعب نظرت حولها تبحث عنه !
بالرغم من الموقف ضحك على شكلها المرعوب : انا اسألك خلف جاء ؟!
بلعت ريقها وهزت راسها بالنفي !
وقف نادر بهدوء وتوجه للثلاجه كلع علبة مويه واعطاها تشرب بعد ما فتحها لها : سمي واشربي حتى تهدي شوي !
بعد ما شربت ناظرها حتى تتكلم وتخبره وش صار ؟!
ساره بصوت يرتجف : خبيني !
ابغى اهرب !
قبل ما تيجي الشرطه وتأخذني !
بالله لا تسلمني للشرطه والله ما كان قصدي !
قلبه وقع وش تهذر شرطه وتهرب وبسرعه هزها : وقعتي قلبي وش صاير ؟!
وليه الشرطه تأخذك ؟!
فهميني السالفة ؟!
ساره بتوتر وخوف : مو قصدي بغيت ارمي الحجر بعيد ما ادري كيف وصل ام هزاع وفلع راسها
ورجعت تبكي من جديد !
ضحك نادر : هذي هي السالفه ؟!
وعامله مناحه علشان كذا ؟!
يا ليتك كسرتي رأسها وارتحنا منها !
ساره انقهرت من بروده: الحين ىح يشتكون علي !
يمكن تموت ؟!
والله ما كان قصدي
قاطعها نادر ببرود : يا بنت الحلال روقي قومي اشتري للي بنفسك
وانسي هالسالفه !
ساره اخذت نفس وهي تمسح دموعها براحه بعد كلامه : يعني ما رح يشتكون علي !
نادر بلامبالاه : خلهم يشتكون وقتها توقعين على تعهد وانتهت السالفه !
وابتسم وغمز لها !
ضحكت براحه ما عمرها شافت مثل نادر حتى ما كلف نفسه يسأل عن سبب المشكله !
فرق بينه وبين خلف لو كان خلف موجود كانت بعداد الموتى !
فتحت الثلاجه وطلعت علبه عصير نشف ريقها والسبب ام هزاع نكدت عليها
مع انها كانت رايقه ومبسوطه وتحس بسعاده بداخلها ما تدري عن سببها !!!
ناظرها وابتسم لما شاف ملامح الراحه اكتست وجهها تكلم بصوت حاني : كملي العصير علشان نرجع للبيت !
يمكن مها الحين تحاتيك !
هزت رأسها بطاعه وهي تشرب عصير مثل الاطفال خايفه تخلص العلبه !!
***
***
***
***
في بيت ابو راكان كان الوضع مختلف من شهور !
وقف بقهر من رفض أهله : يبه انا من شهور اقنعك بالموضوع وبإمكاني اتزوجها واحطكم بامر الواقع بس انا ابغى رضاكم
!
ابو راكان بجديه فيها حزم : دام تبغى رضاي ورضى امك شيل الموضوع من راسك !
ام راكان من شهور ودموعها ما تجف خوف على ولدها : اذا لي خاطر عندك يمه فكنا من هالموضوع !
رد بنرفزه : يمه ترانا متعلمين !
مو جهال !
وش هالتطير هذا ؟!
ربنا كتب انه يموت زوجها وش دخل هذا بهذا ؟!
وناظر الموجودين : علامكم يا جماعه كل هذا اقدار مو لذي الدرجه يوصل فينا الجهل !!
ابو راكان يعرف انه كله اقدار بس قلبه ناقز من هالفكره وبنفس الوقت رفضه لاسباب اخرى وهذي المسأله زادت الرفض عنده وبحكمه تكلم : يا ولدي انت متعلم والبنت مو متعلمه فرق بينكم ؟!
باكر عيالك مين يعلمهم ؟!
فكر بمستقبلهم ؟!
تأفف: يا يبه قلت لك انا مستعد اخليها تكمل دراسه تراها بعدها صغيره ورح تدخل جامعه وتتخرج ..
يعني العقبة هذي امسحها
ابو راكان بمعارضه : اقول لك ما تنفعنا
حياتها مختلفه عن حياتنا !
انا لي مكانه بالمجتمع وتصير مناسبات ويلزم حضور زوجات عيالي
تبغى تفشلني !
لو تشوفها لما تجلس على الاكل وكأنها طالعه من مجاعه !
والاكل يوصل للساعد وحول فمها كله اكل !
وحتى مشيتها ولباسها ابد ما يناسبنا !
البنت بريئه وعقلها طفولي ما تناسبك ابدا!
اخذ نفس بمحاوله اقناع اخيره : يبه خذها على بلاطه
انا غير ساره مو متزوج
ابو راكان بنرفزه؟: وش للي اعجبك فيها ؟!
مو رفضتها بالشوفه !!
وش للي تغير الحين !
عبدالله يتكلم بصراحه: انا لما رحت للشوفه وقتها ما ناظرتها ولا كنت ادري عن شكلها او اي شيء يتعلق فيها !
كنت وقتها عندي هدف اتخلص من الموقف للي حطني فيه خلف
وحتى أثبت له اني ما انغصب على شيء !
بعد الرفض شفتها اكثر من مره وقتها حسيت فعلا هي للي تناسبني
انا ما ابغى وحده كبيره
انا ابغاها صغيره امشيها على كيفي،! ابغاها ورده مغمضه وانا اعلمها الصح من الغلط !
وفوق هذا البنت حلوه طويله ونعومه
وبشوشه وهذا اهم شيء !
ما ابغى وحده نكديه تنكد حياتي !
قاطعه ابو تالا بسخريه مبطنه بقهر : طلع الاخ عاشق !
طنشه عبدالله وناظر ابوه : وش قلت يبه ؟!
تنهد ابو راكان : لا تظن يا عبدالله لما اعارض على ساره اني ما احبها ؟! بالعكس والله إنها غاليه علي واعتبرها مثل بناتي !
بس الزواج فيه اسس
قاطعه عبدالله وهو على اعصابه : وش قلت يبه ؟
اتركنا من الاسس !
وانا مستعد اغيرها واخليه
قاطعه ابو ماجد بتكبر : حتى لو تغاضينا عن الفروق بينك وبينها !
تبقى اكبر عقبها وما رح نوافق عليها !
اخوانها !
كيف تقبل يكون عيالك خالهم خلف !
والا ناسي المثل ثلثين الولد لخاله !
والا نادر للي
قاطعه بقهر : لا تنسى تراه متزوج اختنا هالخلف !
وابو عزام اخوال عياله خلف ونادر
قاطعه بتصميم: يختلف الوضع
عيال ابو عزام خلف مو خالهم من ام واب !
ترى للي يربط بينهم الرضاعه بس !
ولا تنس
قاطعه ابو راكان وهو يشوف عبدالله مصمم وما يبغى تكبر السالفه وتصير مشاكل بين عياله وبحزم تكلم : خلاص
مثل ما تبغى يا عبدالله اخطبها !
بس بعدين لا تندم وتتحسف على نسب خلف الي يشرف !
واعطاه نظره عدم رضى !
ام راكان بفجعه : حرام عليكم ولدي صغير ما اقدر فراقه !
مناف تنرفز من امه : وبعدين مع هالسالفه !
حسستوني انها ساره ملك الموت !
استغفر الله !
خله يموت واذا ما لقى احد يرجع !
وش هالتفكير ؟!
كل واحد حر بقراراته اتركوه بحاله !
يقولكم المواصفات للي يبغاها موجوده فيها !
يا عالم افهموا هو للي رح يتزوج مو انتم !
ابو ماجد رفع حاجب : وعلامك معصب !
وقف مناف نفض يدينه بقرف : كلامك يرفع الضغط !
وتركهم وطلع!
ابتسم عبدالله على موقف مناف فش غله فيهم
قهروه طول الفتره واقفين بوجهه !
انمحت ابتسامته وهو يشوف خالته ام محمد داخله و ملامحها تدل على وجود مصيبه !
ما خاب ظنه لما بدأت تشبر بيدينها وتصرخ : جالسين هنا !
وتاركين العالم خلفكم !
وقف أبو راكان ونشف الدم بعروقه من اسلوبها : وش فيه وش صاير ؟!!!!
ام محمد وهي تضرب راسها : يا فضيحتنا !
اقترب ابو عزام وهزها وقلبه يدق بقوه : وش صاير ؟!!!
ام محمد تكمل بنفس الاسلوب المفزع : هذي اخرتنا بناتنا يدخلون السجون !
يا فضيحتنا
قاطعها ابو راكان ما بقى فيه عقل : اقول جعل الثور ينطحك !
وش صاير !
جالسه تولولي مثل البومه !
ناظرته ام محمد بعد ما فشلها بكلامه وبشماته تكلمت : روح شوف ابنة اخوك !
قتلت حرمه من القريه والحين الشرطه تبحث عنها حتى يمسكونها
قاطعها ابو راكان بفزع : وش تقولين ؟!
ام محمد ابتسمت بشماته : هذا للي جاك !
ترى الشرطه مليانه بالقريه تدور عليها !
كل الانظار متسلطه على ام محمد بعد هالاخبار
والصدمه تعتلي ملامحهم !
مستحيل ساره تعملها !
ساره صاحبه القلب الرهيف والرقيق تقتل حرمه ؟!
ما تحب تجرح احد بالكلام كيف تقتل !
اكيد بالموضوع فيه غلط !
وصار إلتباس بالموضوع !
ابو عزام وجهه بهت : طيب ليه تقتلها ؟!
وش السبب ؟!
وكيف قتلتها ؟!
واصلا وين ساره الحين ؟!
ام محمد تبث سمها : يقولون هاربه مع و
قاطعها ابو راكان وهو يطلع من المكان مصدوم !
عقله مو قادر يستوعب انها ساره تقتل !!!!
***
***
***
***
دخلت البيت وابتسمت لما شافت مها واقفه تنتظرهم بالحوش
مها بتوتر : وش صاير ؟
جاء ولد ام هزاع يهدد !
نادر بلا مبالاه : جهزتي الاغراض ؟!
ناظرتهم ساره بضياع مو فاهمه شيء : اغراض ؟!
نادر : نسيت اقول لك انه اليوم رح ننقل من هنا !
مها تعدل كلامه : مو نسينا
بس تعمدنا ما نخبرك
علشان لسانك ما يزل قدام سعديه !
عقدت حواجبها بعدم فهم
طنشها نادر وهو مستعجل : يلا بسرعه خلينا نطلع من الباب الخلفي !
توجهت معهم تأخذ الاغراض وهي مثل الاطرش بالزفه !
مو فاهمه شيء ولا تدري عن شيء !
وين متوجهين ما تدري !!
***
***
***
هزاع بتهديد : والله ما نتنازل عن حقنا!
واذا ما رميتها بالسجن مثل الكلبه ما يكون اسمي هزاع !
طالعه ابو ماجد بفوقيه ولوى بوزه !
عبدالله رفع اصبعه بتهديد : كلمه وحده عن خطيبتي اقص لسانك !
تفهم !.
انقهر هزاع بعد كلام عبدالله
ما امداها تخطب !
وبنغزه لعبدالله : الله يرحمك مقدما !
تقدم عبدالله خطوه وهو ناوي عليه !
بس وقفته يد ابوه واشر له بعيونه يطنشه !
زفر بغضب وما تحرك إحترام لابوه !
عزام بهدوء : كل للي حصلت عليه امك ضربه بسيطه على راسها
وعامل لنا هالعرس وحالتك حاله !
ولا ومشتكي للشرطه !
هزاع بحده : تفكرنا خبل نتنازل عن حقنا !
ابو راكان بهدوء : تعال نجلس ونتفاهم !
هزاع خلال ثواني حسبها بعقله وهز راسه بالموافقه
***
***
***
جالس فوق راس امه ومبسوط : والله الظاهر ابغى ساره كل يوم تفلع راسك !
جحظت عيونها ام هزاع : يا قليل الحياء !
هزاع بفرح : حصلنا مبلغ حلو مقابل هالحجر !
هذي تجاره والا بلاش !
تكلمت بغضب : ليه قالوا لك راسي تجاره !
وافرض اني متت من الضربه !
بضحكه قصيره : وقتها نطلب الديه
ونعيش حياتنا وننبسط ونطلع من هالخرابه للي عايشين فيها !.
ضحك بصوت عالي لما شافت رد فعل امه ومسكت الكآس تبغى تضربه !

***
***
***

ماجد بسخريه : والله ما توقعتها هالساره كذا !
عبدالله ينفخ ريشه : حرم عبدالله قول وفعل !
سلمان بإحباط : يعني يا عمي ما حلي لك الا تتزوج« خلف »
عقد عبدالله حواجبه بعدم فهم !
ماجد بضحكه : قصده ساره !
بس حنا نناديها خلف !
عبدالله بحده لسلمان : تراها خالتك يا قليل الحياء
وناظر عزام للي مستلقي على الكنبه : عاجبك كلام اخوك !
عزام بابتسامه : تراه معه حق !
ضربه بالخداديه: سد حلقك !
قال خلف !
وش جاب الثرى للثريا !
اعتدل عزام بجلسته : ما لقيتوا العروس الضائعه !
عبدالله عفس ملامحه : ما لقيناها !
رحنا لبيت نادر وما احد رد علينا البيت فاضي !!
حتى سألنا عن البقاله بس مقفله !
ماجد بتفكير : وين راح ؟!
سلمان ابتسم : بسيطه هذي !
اتصل بخلف وخبره بموافقة جدي
وانا متأكد رح يطلعهم من تحت الارض !
ابتسم عبدالله لهذي الفكره : صدقت !
الحين اشوفه !
عزام إلتفت على ماجد،: وش صار بالحصار ؟!
ماجد بملل : بس اليوم سمح لي اطلع !
عزام مو مرتاح لخطبه ماجد وبتوجس،: انت تعرف خطيبتك ؟!
ماجد بقهر وحسره : من وين اشوفها ؟!
وابوها المعقد موجود !
وكمل بحماس وهو يعدل جلسته : نفسي ازورها علشان اقهره واطلع المر بحلقه !
عزام وهو يتذكر ايام نهى ما نسي ذاك الموقف مو عاجبه هالنسب : طيب سآلت عن اهل البنت او عالاقل سألت عن البنت ؟!
ماجد باستخفاف : ترى ابوها دكتور دراسات اسلاميه !
وش تتوقع بناته يكونون ؟!
عزام مط شفته وما حب يتكلم ويوقع الشك بقلب ماجد ويمكن البنت تغيرت !
وبتفكير سأل : اي وحده خطبت من البنات ؟!
ماجد رفع حاجب بانتقاد : ليه تسأل ؟!
واردف بالاجابه : الصغيره !
فتح عزام عيونه بفجعه : الصغيره ما غيرها !
و بتعزيه : الله يكون بعونك يا ولد العم !
ناظروه باستغراب : تعرفها !
عزام ابتسم على نظراتهم : اعرفها لما كانت صغيره اعوذ بالله قرده من القرود ولسانها اطول منها !
هز ماجد راسه بإحباط : ما ادري وش هالورطه للي ورطت نفسي فيها !
وبرجاء ناظر عزام : كلم ابوي يمكن يغير رأيه ونفسخ الخطبه !
عزام بشماته : من هالحال وازفت ان شاء الله !
طالعه بحقد : من يومك لئيم !
وسكت وهو يشوف عبدالله يكلم بالجوال ومعصب : مو على كيفك !.....والله .....قلت لك نفس الاتفاق وكل شروطك رح انفذها .... طيب كيف باكر وحنا ما ندري عن مكانهم ؟! ..... طيب طيب يصير خير .....مع السلامه
قفل الخط وتفل وكأنه خلف قدامه : الله يأخذك يا كلب !
يبى يذلني !
عزام بضحكه : كنسل الموضوع وانت الربحان !
رمقه عبدالله بقرف وجلس : تفكرني مثلك ومثل اعمامك وولد خالي !
ترى افكاركم هذي اخر اهتمامي !
جمال المراه لما تجلس بالبيت وتهتم بزوجها وعيالها مو طول وقتها دايره بشغلها !
عزام ابتسم : حرام تشبهنا بوليد !
عبدالله بسخريه : ولا رح اشوف مثله
يبغى يتزوج 4 حريم
وحده دكتوره والثانيه مهندسه والثالثه دكتوره بالجامعه والرابعه صيدلانيه !
عليه افكار غريبه !
عزام : يعني حنا وسط مو مثل طلبات وليد
ولا مثلك !
حنا نبغاها متعلمه فهم
قاطعه عبدالله بقرف : خلاص تراك غثيتني !
وانت بالجامعه واخوي يبغى زوجك
وطول هالسنين ما لقيت وحده تعجبك !
غير نوره !
مالت عليك وعليها
رافعه خشمها وشايفه حالها كا ادري على وش
قاطعه ماجد : تراك تتكلم على خالتي ما اسمح لك !
عزام اشر لماجد : اتركه هذا من غيرته
ما لقى دكتوره تناظره
وابتسم وهو يحرك حواجبه
ماجد بسخريه : وش يبغى بالدكتوره وساره معها شهاده المتوسط وضحك بصوت عالي !
ناظره عبدالله باستياء هذي الأمور ما تهمه !
اهم شيء يملك على ساره ما يدري ليه دخلت قلبه وما يبغى غيره !
***
***
***
في اليوم الثاني
دخل وهو رافع خشومه وبعجله تكلم: يا اخي انت كل يوم بخرابه !
نادر باستغراب : انت وش عرفك بمكاني !
خلف وهو يناظر ساعته : المهم وين ساره
ونادى بصوته الجهور: ساره يا ساره
يا زفت
قاطعه نادر : وش بغيت فيها ؟!
خلف ناظره باستخفاف من سؤاله : ابغى اسفرها تغير جو!
وبحده: يعني وش ابغى فيها ؟!
اليوم ملكتها !
وقف نادر بعصبيه : يا اخي انت ما تستحي على وجهك !
متى تترك هالبنت بحالها ؟!
ومين الزفت للي رح تزوجها إياه هالمرخ !
خلف ابتسم بخبث : لا تخاف هالمره صيده مرتبه !
عبدالله ولد عمي !
نادر بعدم تصديق : عبدالله !
وبنبره شك : عبدالله معه خبر والا تلبيس مثل ذيك المره !
خلف : لا تخاف هو للي ادوشني طول العده وهو ينبه علي ما ازوجها لانه يبغاها !
نادر مو مستوعب : معقول عبدالله !!
وعمي موافق !
خلف بضجر : وبعدين مع تحقيقك !
خلها تطلع مو قاضي عندي شغل !
نادر بحزم : ساره مو طالعه من هنا !
أول شيء نسألها عن رأيها
قاطعه بغضب: هذا الناقص !
ارمله وتتدلل اصلا تحمد ربها انه عبدالله ناظر وجهها !
نادر سكت ويحس كلامه صحيح فرصه لساره تأخذ عريس بهذي المواصفات وبهدوء تكلم : طيب قول لهم الملكه هنا
قاطعه بغضب : وبعدين مع عقلك!
خلها تلبس وتطلع رح نملك بالمحكمه!.
نادر بشك : وش يضمن لي انك تضحك علي وتزوجها واحد من اشكالك !
خلف : اشكالك !
على الاقل اما اشتغل بتعب مو مثلك عايش على الصدقه !
نادر طنش كلامه : انا رايح معك
قاطعه بعجله : تهال بس ما رح ارجعك ترجعون لوحدكم مو فاضي لكم !
ناظره بقهر من تصرفاته عمره ما رح يتغير !
***
***
***
***
***

تمت الاجراءات واقفه ما تشعر بالفرح ولا كأنه الامر يهمها !
ما تدري معقول هذي اخر مره تدخل المحكمه !
متى تستقر وتعيش مثل باقي البنات ؟!!
مو قادره تستوعب عبدالله خطبها ؟!
وكيف وهو للي رفضها بالشوفه المره الاولى !
وش صار حتى يخطبها مره ثانيه ؟!
ممكن عمها ابو راكان غصبه عليها ؟!
الفرق بينهم كبير كيف تنازل وخطبها !!
معقول خالتها تدري ؟!
وش رد فعلها ؟!
رفعت نظرها لما وقف جنبها نادر وبهدوء كلمها : تعالي
ناظرت عبدالله للحظات ونزلت نظرها وهي مستغربه الابتسامه شاقه حلقه !
ليه مبسوط لذي الدرجه ؟!
عقلها مو قادر يستوعب !
تحس نفسها ما تستحق تكون له !
هي ما تناسبه !
بنظرها لازم يخطب فتاه مثل نوره !
على كلام سعديه شايب وكثير عليها !
توقعت تتزوج اعزب ومتعلم !
كل توقعاتها بالعريس القادم يكون شايب !
واذا تكرم عليها الشايب و وافق بعد ما يسمع عن حظها النحس !
زفرت بضيق وهي تناظر عمها واقف مع عبدالله !
مستغربه لما سلم عليها عمها ابو راكان كان مكشر والابتسامه لما سلم عليها بالغصب طلعها !
وش السبب ؟!!!
تحس في شيء ناقص مو قادره تربط الاحداث ببعضها !
**
**
وقف مع ابوه دقائق وبعدها توجه
لنادر وابتسم له : تفضلوا اوصلكم بطريقي !
نادر : ما نبغى نغلبك
قاطعه عبدالله : ما في غلبه يا رجال !
امشي وانا احس الارض مو واسعيتني من الفرح !
وكأني ملكت الدنيابمجرد ما كتبت الكتاب !
ناظرت للخلف وشتفها تمشي وعيونها بالارض ابعى اصرخ بأعلى صوتي وأقول قمر يا عالم !
والله إنها قمر كل شيء فيها جذاب وخاصة طولها !
ما انكر مشيتها ملفته للنظر وما تقرب للاناقه بشيء
ومع ذلك تعجبني بكل شيء !
ما ادري سبب لهفتي وكيف دخلت قلبي بهذي السرعه !
كل للي أعرفه مستحيل أفرط فيها
ولو على جثتي !!!
اول ما ركبت بالسياره بدأت أرحب فيهم
نزلت راسها باحراج مني !
يا جمال البنت الخجوله !
احلى ما فيها انها بسيطه
قاطعني نادر وهو يبتسم : حرك حرك كله كلام خطوبه !
بعد الزواج كل هالخرابيط تتطير !
ضحكت على كلامه : انا غير عن الكل !
مستحيل اتغير !
قاطعني رنين الجوال ابتسمت وانا اشوف رقم امي كل شوي تتصل فيني وتتطمئن علي
رديت انا ابتسم : هلا والله ....والله بخير ....ما صار علي شيء ...ههههه تعوذي من الشيطان ......يصير خير ....مع السلامه !
***
***
***
ام راكان قفلت الخط وهي تبكي : يا خوفي عليك يا ولدي !
ام محمد بخبث : جنيتي على ولدك !
لو وقفتي ومنعتيه من هالزواج !
زوجتيه وكأنك ما تدرين عن نحاستها !
يا حسرتي عليك يا عبدالله بعدك بعز شبابك !
زاد بكي ام راكان من كلامها وهي تحس خلاص فقدت ولدها وبأي لحظه يوصلها خبره!
ام عزام بنرفزه : يمه وبعدين مع هالكلام ؟!!
ما يصير !
ام محمد الغيره والقهر ذبحها وهي تشوف ساره تملك على عبدالله !
ما رح تتركها تتهنى فيه !
ورح تكمل انتقامها منها من بعيد لبعيد وبكره تكلمت : وين صارت هذي ارمله مرتين تتزوج واحد بعز شبابه واعزب !
عبدالله تناسبه بنت فهمانه واعيه متعلمه وفوق هذا تكون حلوه مو جوكر مقرفه بشعه !
ام عزام هزت راسها بفقدان امل من سوالف امها : حرام عليك والله انها
قاطعتها ام محمد : بلاك ما تشوفين وجهها كله حبوب وكآنه كله حصى !،
ام عمار : هذي الحبوب فتره وتعدي
لانها بفتره مراهقه !
ام راكان والحزن كله مخيم فوق راسها خايفه على عبدالله !
ما تقدر تتحمل فكره فقدانه !

***
***
***
**
جالس ويناظر الخرابه للي ساكنها نادر
وهو مستغرب كيف حال وضع عيال عمه !
فرق شاسع بينهم !
ما ينكر انه ما يحب عيال عمه ولا يعترف فيهم !
بس ساره غير من اول مره شافها !
ابتسم لما دخلت لابسه عبايتها ومعها القهوه
وخدودها اكتست باللون الاحمر من الخجل : السلام
رحب فيها : هلا والله !
كيفك وش اخبارك ؟!
ساره بابتسامة خجوله : بخير !
ناظر المكان وسألها باستغراب : مو كنتم ساكنين بالقريه ؟!
دخل نادر على سؤاله وجاوب بسرعه : ايه بس انتقلنا
لقيت هنا شغل افضل !
عبدالله بتأييد :هنا افضل اقرب لكم
واقرب لخالتي لو بغت تزورك !
مطت ساره وهي تدعي بنفسها «الله لايجيب الطريق للي رح تجيبها» !
ارتشف نادر من القهوه وبإبتسامه: اروح اشوف الاكل وش صار عليه ! وطلع وتركهم بالمجلس
قاطعه رنين الجوال رد بهدوء : هلا ......سخيف ايه بعدني عايش .....انقلع مو فاضي لك .. ايه غداي عندهم ....محتر .....طيب طير
وقفل الجوال !
نزلت نظرها بضيق من المكالمه
كان الصوت طالع
صوت عزام جرحها كلامه !
يتفقد عبدالله لذي الدرجه يشوفونها شؤم عليهم !
وللي زاد جرحها لما قال ما تنقرف تأكل عندهم !
لهذي الدرجه يشوفهم قذرين ؟!!!
رفعت نظرها وابتسمت بألم لما نادى عليها : نعم !
استغرب حالها : وش فيك ؟!
هزت كتوفها : ما في شيء !
حس انها سمعت المكالمه ما عرف كيف يرقع ؟!!
سألته بتردد : ما تخاف تموت وتنتهي حياتك بزواجك مني ؟!
تفاجئ من سؤالها وبنفس الوقت حزن عليها لما حس بصوتها نبره حزن يتمنى يلجم لسان الكل عنها حتى ما تحزن او يصيبها ضيق
اخذ نفس يعدل ملامح الضيق للي ظهرت على ملامحه وابتسم لها بمحبه : حياتي بدأت اليوم بعد ما ملكنا !
تفاجأت من إجابته !
كمل وهو يناظرها بإبتسامه : اذا رح تسمعين لكلام الناس رح تتعبين !
طنشي الكلام وعيشي حياتك
والاعمار كلها بيد رب العالمين !
كاتب لكل واحد عمره !
وما احد يموت ناقص عمر صح ؟!
ابتسمت لكلامه وهي تشعر براحه
وهي تحس خلاص بدأت الحياه من اليوم تبتسم لها من جديد !
ما رح تضيع الفرصه ورح تعيش
وتنبسط بكل لحظه !
***
***
***
***
رايحه جايه بالصاله مو مرتاحه
لما سمعت انه عبدالله طاير فيها
وطول اليوم جالس عندهم
وما رجع الا لما اتصل فيه ابو راكان وطلب منه يرجع
وما رجع الا بعد ساعه من اتصاله !
مستحيل تشوفها مبسوطه وتسكت !
بس وش يطلع بيدها !
عقلها مسكر مو قادر يفكر بشيء !
رح تصيبها جلطه اذا ما تصرفت بسرعه !
قررت تتصل بخلف وتطلع حرتها فيه !
**
***
***
***
ابو راكان مو عاجبه الوضع : انت ما تستحي من صباح ربنا وانت جالس عندهم !
عبدالله حاس بوزه : وش فيها ؟!
ابو راكان بغضب : يا ثقل دمك !
دوبك اليوم ملكت عليها وهذا حالك !
وبعدين اخوها يمكن عنده مشاغل
حاشره بالبيت معكم !!!
ابتسم عبدالله بداخله "لو يدري انه طول اليوم جالس معها لوحدنا ونادر ما شفته الا دقائق بعد الاكل ! "
ابو تالا بانتقاد : خلك ثقيل شوي !
ابو ماجد لوى بوزه بسخريه : ما ادري جالس طول يومك عندهم !
ماجد طالعه باستخفاف وهو يكتم ضحكته : الحين يا عمي طول الوقت جالس مع ساره !
وطالع سلمان وانفجروا من الضحك مع بعض !
طالعه عبدالله وهو رافع حاجب انقهر من سخريته وضحكه : بعض ناس محتره لانه للحين ما شاف خطيبته !
ماجد انقهر وناظر ابوه : شفت يبه !
الكل يتشمت فيني !
لمتى هالحال !
خلاص اذا ما شفت خطيبتي وزرتها
وقسم بالله الا اطلقها باكر وما علي من احد !
ابو ماجد ناظر عبدالله وهو يجاكر بماجد بعيونه : خلاص باكر اكلم ابوها
ونروح كلنا ونزورها !
ماجد قفز مو مصدق مثل البزر : صدق يبه !
عبدالله حاس بوزه : بزران اخر زمن !!

**
**
**
**
ام سعود عامله بالبيت طوارئ بعد ما خبرها ابو سعود بزياره اهل ماجد !
عائشه وهي تساعد امها: طيب مو قلتي بعد الثانويه
ام سعود وهي ترتب البيت : ابوك يقول اتصل فيه ابو ماجد واحرجه انهم جايين !
وتعرفين ابوك ما قدر يعترض لانه ابو ماجد عميد الجامعه واكيد يحسب له حساب اذا رفض له طلبه !
عائشه وقلبها يدق بقوه : طيب وش قال لما قلت له اني ادري بموضوع الخطوبه !
ام سعود بلامبالاه : ما قال شيء
اصلا ما توسعت معه بالكلام لانه معصب
ما يبغى الموضوع يتم !
عائشه باحراج وخجل : صعبه اجلس معه وانا اول مره اشوفه !
ام سعود : باكر تتعودين وتصيرين سيف ابو حدين بالدفاع عنه
ولسانك معه مترين !
كل البنات كذا !
عائشه ابتسمت على كلام امها : مو لذي الدرجه !
ام سعود بهم : الله يكون بعوني ابوك مو متقبل الموضوع !
يقول عمره ما كره انسان مثله !
عائشه بضيق وهي مستمره بالترتيب : بابا ما يصير كذا لازم يحاول يتقبله !
قاطعتهم اسماءوهي داخله وهي تردح : انا غريبه ما أحد يخبرني !
ام سعود تأففت ابو سعود نبه عليها اسماء ونهى ما احد يخبرهن !
ما تدري وين عرفت اسماء واكيد الحين نهى خلفها !!!!!
**
**
**
**
دخل البيت وهو ماسك يدها وينادي : يمه يمه !،
استحت ساره وحاولت تسحب يدها
بدون جدوى !
طلعت ام راكان وغصبت الابتسامه : هلا عبدالله !
فلتت ساره يدها وهمست له : ابغى اسلم !
سلمت على ام راكان بفرح
حاولت ام راكان ما تحسسها بشيء !
ورحبت فيها كالعاده !
دخل عزام وناظرهم بانتقاد : ساره هنا !

تقدمت ساره وسلمت عليه بابتسامه !
بارك لها وسألها بحزم : مين جابك ؟!
عبدالله مسك يدها بهدوء وتوجه للكنبه
بعد ما جاس ابتسم بفخر : انا جبتها بعد ما افطرنا بالمطعم !
عزام بحده : وش هذا التسيب ؟!
وين خالي نادر عنك دايره على كيفك ؟!
بلعت ساره ريقها بخوف من نظرات عزام لازم يعكر عليها وما قدرت ترد بحرف واحد
عبدالله باعتراض : هي ترى ما أسمح لك تكلم خطيبتي كذا !
وبعدين اخوانها ما عندهم اعتراض انت وش دخلك !
اعطى ساره نظره قويه مطنش عبدالله
ام راكان تلطف الجو : بعدين معك يا عزام!!!
ساره بتهرب من نظرات عزام وقفت وتناظر ام راكان : اجهز القهوه يا خالتي ؟!
وتحركت للمطبخ حتى تتخلص من نظرات عزام !
بعد ما طلعت عزام بحده : رجاء يا عمي هالحركات اتركها !
بعد ما تتزوج خذها وين ما بغيت !
عبدالله ما عجبه كلامه : عزام لا تتدخ
قاطعهم دخول ابو ماجد جلس وناظرهم باستغراب : وش فيكم !
ام راكان تقفل الموضوع : ولا شيء !
ابو ماجد بتذكير : لا تنسي يمه موعدنا مع الجماعه اليوم !
ام راكان بهدوء : إن شاء الله !
دخلت ساره بالقهوه مبتسمه باحراج
لما شافت ابو ماجد
حطت القهوه وناظرته بخجل : كيف حالك يا عمي!
ابو ماجد ناظرها بتقييم وسرعان ما فتح عيونه بصدمه
***
***