رواية اخفيت انوثتي بثوب وشماغ الفصل العشرون 20 - بقلم غير معروف

البارت التاسع عشر …♠
دانه مسحت دموعها وشهقت بخفه: سطام 
راكان يشجعها عالكلام: ايوه ؟!
دانه جت تتكلم بس قطع كلامها صوت الجوال ناظرت فيه وكان سطام تأففت و كانت بترد بس راكان سحب الجوال وعطاه مشغول ناظر دانه: انا بروح له 
دانه: وش بتقول له ؟!
راكان: ماعليك اصرفه « ونزل من السياره 

قعد راكان يدور براسه لين شاف سيارة سطام راح له وفتح الباب وقعد عالكرسي ابتسم مجاملة: هلا والله 
سطام بصدمه ناظر فيه: هلا بك 
راكان: غريبه جاي هنا مو من عادتك !!
سطام بباله اووم النششببااه «: لا بس انتظر بدر بنطلع
راكان بكذبه: بدر ؟! بس هو ماجاء امس اصلا 
سطام طير عيونه: ككييفف انا موصله امسس 
راكان: مو موجود بالشقه من امس ان تبي تتأكد رح 
سطام بباله: الله يلعنك وين رحتي 
راكان: شفيك سرحت
سطام: ولا شي اجل دامك ركبت السياره شرايك نفرفر 
راكان فتح الباب: لا مشكور طالع مشوار « ونزل راح لسيارته

ركب قدام وشغل السياره قال لدانه وهو مدنق وجهه: انزلي تحت لايشوفك سطيم بسرعه
نزلت دانه وهي فرحانه من راكان: كيف صرفته ؟!

نروح لسطام الي منقهر حده من دانه يكلم نفسه: اتصلت عليها قبل ساعه ونص وقالت اجهز واقولك وهذا الحمار يقول من امس ماجت كيييف صاارتت ذي
انا اتصل على هتان اخذ العلم منه 

عند هتان بالشقه كان منسدح ويسمع اغاني وجوه جو رومنسي مع نفسه دق الجوال بس ما كان سامعه لانه بالغرفه وهو معلي صوت التلفزيون ويردد معوه

تحت عند سطام بعصبيه رمى الجوال عالكرسي الي جنبه حرك سيارته ومشى راجع بيته

في سيارة راكان: مابغى يروح الزفت
دانه: ابي انام رجعني الشقه تعبانه
راكان بدون شعور: ابشري حبيبتي الحين نرجع 
دانه بخجل نزلت راسها وحطت يدينها ع وجهها 

نروح لمكان من زماااان ما رحنا له دار الايتام الساعه 3 العصر في غرفة البنات 
مشاعل كانت تاكل شاورما هي وجود اما اميره كانت تسولف مع ياسر وتاكل لحالها بعيده عنهم

مشاعل: تصدقين جود حالتنا صارت صعبه اميره تواعد وتكلم وانا متحسفه اني قصيت شعري كذا وصبغته وانتي نحفتي ونفسيتك صارت زفت
جود: واالله منكم يا قلبي مو من طلعت دانه
مشاعل: وان تبين الصدق انتي اعقلنا 
جود ابتسمت: ماعليه ميشو انتي تحسنتي عن قبل وشعرك عادي بطول لا تخافين والدخان ليت تتركينه 
مشاعل: ايه هين الا ذا هو الي يعدل مزاجي 
جود ناظرت اميره: ميري تعالي هنا عندنا 
اميره: مشغوله 
مشاعل: خلك منها السبك بكره تندم عالي تسويه
اميره بعصبيه: انتي السبك يالايمو 
مشاعل: ياليييل قلت مو ايمو بس كذا صبغت شعري 
اميره باستهزاء: وخرمة الشفايف والخشم شتقولين عنها 
مشاعل تقهرها: موضه يا ام الموضات 
اميره طنشتها يوم شافت رسالة من ياسر وابتسمت: ( اميره حياتي ابي نلتقي اليوم شرايك ؟ )
اميره بكل حب وهيام كتبت له: ابشر حبيبي بعزكك 
ناظرت جود ومشاعل: اليوم بطلع معه غطوا علي
مشاعل: لو تموتين ماغطي عليك يابنت الشوارع
جود طيرت عيونها بمشاعل بصدمه: مشاعل ؟؟!!!
اميره بألم: انتي بنت الشوارع يال#####
جود بصراخ: خللاااااااااص ووش ذااا انتوا متأكدات انكم كنتوا صديقات من قبل ؟!!!! 
مشاعل بهدوء: هي الي تغيرت علي من ذاك اليوم الي نصحتها فيه 
اميره صدت عنهم: الزبده انا بطلع 5 المغرب معه
مشاعل بقلبها: روحه بلا رجعه 
جود: الله يهديك 
اميره قامت وراحت تدور لها لبس تلبسه اما جود ومشاعل طلعوا عند نوره وشلتها 

نرجع لدانه الساعه 7 الليل
كانت نايمه فتحت عيونها وكانت الغرفه ظلام ودافيه قامت وهي تحس انها مكسره ناظرت في ساعة الجوال وشهقت: الدوااامم 
اخذت جوالها واتصلت على راكان
راكان بكل حب: لبيه دنو
دانه بخجل: آآآء راكان ليه ماصحيتني عشان الدوام
راكان بجديه: بروح عند عبدالله اسحب ملفك ماله داعي تكملين التمثيليه عشان تعيشين 
دانه بصدمه: بس كيف ،،
قاطعها: لا كيف ولا شي جاك العلم « وطى نبرة صوته: نمتي حبيبتي زين ؟
دانه بخجل: ايه 
راكان بحنان: فديتها عوافي يا قلبي تبين اجيب لك عشا
دانه حاسه بجوع: ياليت 
راكان: ابشري يا عيوني انتي 
دانه بخجل: شكرا 
راكان: يله اخليك عندي شغل وانتبهي لنفسك 
دانه بابتسامه خجوله: اوك 
راكان قفل الخط وجا يمشي بس يد مسكته التفت وحس بتوتر اذا سمع شي منه: هلا سطام
سطام بخبث: تحب ؟؟ 
راكان: ها لا وش حب هه 
سطام: انزين طيب يالعاشق عبدالله يبيك بالاداره
راكان رفع حاجب: كان اتصل علي لو يبيني
سطام بقهر: ليه كذاب انا !!!
راكان: لا حاشاك مقصد بس استغربت يله بروح اشوفه
نزل راكان اما سطام طلع من المول بكبره وراح لشخص متوعد له شر

في حي أخر بشارع من شوارعه كان مظلم تقريبا وسياره لومينا سافطه على جنب وفيه شخصين قاعدين ورا ناظر فيها بخبث وقال بحنان كاذب: شبلاك كذا خايفه حبيبتي ترا ماخوف يا اميرتي 
اميره بدقات قلب ترتجف: طيب خلك بعيد عني 
بباله: الظاهر انها ماتثق فيني « ابتسم بحب ومسك يدها يطمنها: ابشري يا عمري مايصير خاطرك الا طيب
شدت ع يده خفيف: ياسر انا والله ماثق الا فيك لا تزعل
ياسر ابتسم: ياعمري انتي ادري وادري انك خايفه لانها اول مره نكون لحالنا 
ابتسمت اميره بحب: الله يخليك لي 
ياسر بنظرات شهوه ماقدر يمسك نفسه قرب منها ومسك رقبتها بيده وحط شفايفه ع شفايفها وطبع بوسه طويييلله وو« الموقع تشفر انتوا واندماجكم هههه

نرجع حق دانه بالشقه
كانت داخله موقعها المفضل عالنت بلقبها (كبرياء انثى) وتسولف مع البنات 
سمعت صوت باب الشقه يندق قامت بحماس ببالها: اكيد هذا ركوون 🙈🙊
ناظرت من العين بس رجعت لورى من الصدمه :سطام !!! شيسوي هناا 
رجعت بخفه عشان مايسمع صوت رجولها دخلت الغرفه واخذت جوالها ودقت على راكان
راكان بحب: لبييه ياقلب ركون
دانه بخجل: راكان شسمووه انت قلت لسطام يجيني ؟!
راكان طير عيونه: ليه سطيم البقره عندكك ؟؟!!
دانه: ايه بس مافتحت الباب 
راكان: ايه لا تفتحين له كن مافي احد بالشقه وانا جايك الحين مع العشا 
دانه بخجل: انزين راكان انتظرك
راكان بهيام: فديييت اسمي من شفايفك
دانه بخجل سكرت الخط بوجهه « غبي لازم يحرجني

بره الشقه كان سطام يدق الباب بس ماحد رد عليه نزل بقهر وركب سيارته وقعد يفكر بخطه عشان يوصل لدانه ويتزوجها « مو غصب الدنيا يالحبيب 

عند راكان 
اخذ الوجبه وركب سيارته ومشى للشقه 
خمس دقايق ووصل نزل وبسرعه طلع للشقه
دق الباب وفتحت له دانه وكانت مندسه ورا الباب 
دخل راكان وكتف يدينه وتركى عالجدار: تقفلين بوجهي اجل عقاب لك مافيه عشا
دانه بوزت بدلع: عادي اصلا و تستاهل محد قالك تحرجني
راكان بنظرة خلت دانه تدوخ قرب منها وخمها بقوووهه: محد قالك ذوبيني بدلعك 
دانه تجمدت من الحياء بعد عنها وعطاها الكيس قال بحنان: بالعافيه حبيبتي ومثل ماقلت لا تفتحين لاي احد
دانه بخجل: ان شاءالله
راكان ناظرها بحب وابتسم لها طلع من الشقه وركب سيارته ورجع المول

بالجهه المقابله كان بسيارته يفكر وجا بيمشي بس شاف سيارة توقف ونزل منها واحد ودخل الشقق: هذا راكان ومعه وجبه ؟! وش يسوي هنا هتان بالمول ليكون استئذن ورجع لانه تعبان خلنا ننتظر ونشوف تاليها

بعد سبع دقايق نزل راكان وراح 
سطام بباله: كذا السالفه يعني اكيد دانه قايله له يقولي انها مو موجوده بالشقق « زفر بقهر وعصبيه: والله لاوريك يا راكان 
حرك الدريكسون ودعس بنزين ومشى 

في دار الايتام الساعه 10 الليل دخلت الغرفه بخوف ناظرت السراير ولقتهم نايمات ومو بعادتهم وبسرعه راحت للحمام تغير وانتوا بكرامه 
بنفس الوقت في المول كان يمشي بسرعه قبل لا يقفل هالمحل لان هالمحل دايما يقفل بدري دخل بسرعه سحب نفس وابتسم: عامر السلام عليكم شلونك
عامر مد يده: هلا بك والله تمام وانت 
ابتسم: بخير والله طلبتك عامر ابي بطاقة حلوه كذا وتحفر فيها حرفين بكتبهم لك وابي معهم دبدوب ابيض صغير مو كبير مره ويمسك قلب احمر
عامر توسعت ابتسامته: لا تقول طحت بالحب 
حط يده ع رقبته: ممكن تقول كذا
عامر بنفس ابتسامته: الله يوفقك اجل طيب ابشر وش هم الحروف ووش اكتب بالبطاقه ؟
ناظر بالبطاقه وأشر على مكان أكتب هنا ،،،
نهاية البارت التاسع عشر ^*^

توقعاتكم يالبئ

سبحان الله وبحمده سبحان الله العظيم ^^