رواية اخفيت انوثتي بثوب وشماغ الفصل الحادي والعشرون 21 - بقلم غير معروف

البارت العشرين …♠
ناظر بالبطاقه وأشر على طرفها من تحت: أكتب هنا حرف الراء وقلب وحرف الدال 
عامر وهو يكتبهم بالانجليزي: ايوه ؟!
وهو يفكر: واكتب ،،،
الساعه 12 الليل رجع هتان وراكان للشقه تعبانين
هتان دخل يغير اما راكان راح غرفة دانه وفتح بابها ولقاها نايمه ابتسم بحب وراح لغرفته حط كيس احمر لامع وكان شكله بالمره حلو بالخزانه وراح غير ملابسه وراح مع هتان بسابع نومه 

اليوم الثاني الساعه 2 الظهر 
في الشقه دانه بغرفتها عالابتوب 
اما راكان وهتان يسولفون ويفطرون
هتان: الا بسئلك راكان مو انت قبل اسبوع قررت تروح لبريطانيا تكمل ماجستير ؟! 
راكان: ايه وقلت لابوي وقال روح 
هتان: طيب حلو ومتى بتسافر ؟! 
راكان: ان شاء الله العطله الجايه يعني الاسبوع الجاي 
هتان: اها عاد تدري بفقدك حيل :( 
راكان: وانا بعد والله مايهون علي اخلي رفيق عمري وامشي عشان،

قاطعه هتان بضيقه مخفيها وغير الموضوع: بدر وينه ؟!
راكان: بالغرفه اكيد 
هتان: خله يجي يتغدا 
راكان قام: بروح اشوفه « وطلع من المطبخ

نروح لدار الايتام بنفس الوقت 
البنات بعد الغداء قاعدين بغرفهم
الا مشاعل والبنات في غرفة نوره وشلتها 
ملاك تسحب ورقتين وتناظر فيهم تأففت وحطتهم بالبنك ناظرت جود: دورك 
سحبت جود ورقتين وناظرت بهم ونفس الشي حطتهم بالبنك: اليوم حده طفش 
نوره رمت الاوراق: مره ملل مافي حماس 
رمت مشاعل الاوراق: صادقه « ورمت نفسها عالكنبه
اميره تناظرهم بطفش ناظرت لمشاعل وسرحت فيها
جود انتبهت ع اميره قامت وراحت لها: ميره شفيك ؟!
اميره بعيون فارغه: ولا شي
جود: الا فيك وشو قولي 
اميره حست بخنقه: مشاعل دانه ابيهم 
جود مسكت وجه اميره وبحنان: ميره حياتي كلنا عندك وبعدين مابي اشوفك ضعيفه قدام نوره وشلتها 
اميره شوي تبكي: خنمشي غرفتنا 
جود: طيب يله قومي « قاموا عشان يروحون
قالت مشاعل: بتروحون ؟! 
جود: ايه تعالي خلاص يكفي
قامت مشاعل سلمت عالبنات وطلعوا لغرفتهم

مشاعل قعدت عالكنبه وفتحت التلفزيون 
اما جود واميره قعدوا عالسرير 
اميره بخنقه: جود روحي قولي لمشاعل اميره تبيك
جود بحنان: طيب بقول لها بس تكفين لا تبكين 
اميره هزت راسها باوك 
قامت جود وراحت لمشاعل مشاعل ناظرتها: شفيك ؟!
جود: اميره تبكي وتقول تبيك مشتاقه لك
مشاعل عقدت حواجبها بضيقه: قولي لها مشاعل ماتخسر صديقاتها عشان شي مايستاهل 
جود بفرحه صارخت وضمتها بقوه: يالبيييه هذي ميشو الي نعرفها 
اميره نقزت من جود الي صارخت فجاءه 
جت جود وسحبتها من يدها وقعدتها قدام مشاعل: يلااااه قدااامي ضموا بعض وتراضوا 
مشاعل تناظر في اميره وتنزل راسها واميره تناظر في مشاعل وتنزل راسها 
جود ابتسمت عليهم: يلللااه ترا متحمسه لرجعتكم 
وماحسوا الا وهم ضامين بعض بشوق ووله وصاروا يبكون 

نتركهم شويات ونرجع لشقق 
الساعه 3 العصر 
كانت دانه بالصاله مع هتان وراكان يتابعون فلم
رن جوال دانه ناظرت فيه وكشرت حطته صامت وكملت تتابع الفلم 
راكان وهو يناظر الفلم: سطام اكيد 
دانه: من غيرهه النشبه
هتان: وش صار بينك وبينه مو كنتوا اصحاب ؟!
دانه بقرف: كنا بس انهيتها 
هتان بسخريه: ذا سطام ماله صاحب 
راكان: هو السبب بغروره وتكبره ولا لو كان حبيب شوف كيف بتكون علاقاته
هتان: ايه معك حق وبالنسبه يا بدر ترى دق علي امس او قبله ماتذكر وارسل لي وين بدر بس مارديت عليه كنت مشغول 
دانه: احسن واذا شفته مره ثانيه قول له بدر مختفي من زمان ومادري عنه شي 
هتان ضحك: كل ذا اكيد مسويلك شي كايد
دانه بقلبها: لعنه بشكله هالمتسلط
هتان: ايه سمعت من عبدالله انه يبي موظف بدالك 
دانه: والله اجل دور له موظف انا ببتعد عن انظار سطيم
فجاءه انفجر هتان ضحك: هههههههههههههههه انتقلت لك عدوى من راكان ههههههههههه
راكان ضحك: هههههههههه
دانه ضحكت: موب صرتوا ربعي 
هتان: اخذ بمثل من عاشر قوما اربعين يوما صار منهم « ناظر بساعته وقام: يالله هالحييين استئذنكم بروح شغلي 
راكان: هتان اسمع لا تنسى تصرف سطام عن بدر اوك 
هتان: ازهلها ياعمري 
راكان بنظره غبيه: بعد قلبي والله

طلع هتان لانه كان لابس من قبل 
نزل وركب سيارته وشغلها 
بس انفتح الباب الي جنبه وقعد شخص وقفل الباب ناظر فيه: هتان معليش دخلت بدون استئذان بس ابي اسئلك عن شي واروح
ناظر فيه هتان: هلا سطام لا عادي خذ راحتك وش اسئل
سطام: بدر وينه ؟! 
هتان بثقه: مدري عنه ماشفته من فتره « بباله: من دقيقتين هع
سطام ماكذبه لان وجه هتان يوحي بالصدق: طيب ماتدري وينه وين راح ؟!
هتان: لا ومايهمني واجد 
سطام تأفف وفتح الباب: طيب شكرا « ونزل وهو متنرفز
رخى هتان وجهه الي كان جدي ولوى فمه: شيبي ببدر اذا بدر مايبيه قسم يقهر هالعله « ومشى

نرقا فوق بالشقه
راكان دخل غرفته على طول وراح للدولاب واخذ الكيس وقعد يسولف مع نفسه: ياربيه كيف بقولها بس خايف ما ترضى شسوي 
عند دانه فتحت جوالها عالبيبي
وكانت بتدخل عند محادثة من زمان عنها بس راكان قاطعها 
راكان بتردد: دانه 
دانه خفق قلبها بقوه ناظرت فيه: هلا راكان 
راكان وهو يناظر بشكلها وخاق معها وخايف بنفس الوقت: دانه شسمه ذا 
دانه تناظر بشكله المتلخبط وخجلانه قالت تشجعه عالكلام: قول وشو 
راكان عص ع يده من التوتر وقال: ت تق،، 
نروح لدار الايتام نفس الوقت 
كانت تلبس عبايتها محمسه تبي تشوفه 
قطع حماسها صوت وراها: اميره وربي خايفه عليك لا تروحين له
اميره: جودي شفييك والله انه طيب حييييل وحبيب بعد 
جود بحزن: ماتثقين بالرجال لهم مليون وجه وكذابين الا من رحم ربي
اميره: يووه جودي خلاص لا تنكدين علي انا مبسوطه 
قاطعتهم مشاعل: اميره حبيبتي حنا نحبك ونخاف عليك بس مارح نجبرك على شي انتي ماتبينه
اميره بفرحه ناظرت جود: هاه شوفي كيف السنع تعلمي منها
جود باستسلام: طيب 
طلعت اميره بعد ما تعطرت كعادتها ورمت الطرحه ع وجهها
مشاعل قعدت وهي متضايقه: جود حنا نصحناها وهي بكيفها 
جود: تخيلي لو طلع كذاب وسوالها شي شنسوي عقبها ؟!!
مشاعل حست بصداع قالت: جود انا صدعت قومي خل نلبس ونطلع
جود ابتسمت بحزن : طيب 
وراحوا يلبسوا عشان يطلعوا 

نرجع لدانه الي وجهها تلون ومصدومه بلعت ريقها 
قال بحنان: انتي فكري مارح تخسرين شي « مسك يدها بحب: لا تاخذين قرار نحزن منه اوك
دانه بخجل ذابحها وتناظر بايده الي حست فيها حنان وهزت راسها بايه
ابتسم وترك يدها وقال: انتظرك
ناظرته بخجل وهو طالع وتارك وراه كيس كبير 
فتحت الكيس بتردد واخذت شي ملفوف بورق زينه وحجمه مو صغير ولا كبير وخرت عنه ورق الزينه وشهقت بخجل 
كان عباره عن دبدوب ابيض وماسك قلب احمر 
تلون وجهها وصار احمر اخذت كرت طاح عالارض وقرأت الي فيه ( احب ابتسامتك واحب براءتك واحب ملامح وجهك الجذابة باختصار ^ أحبك ^ )
احمر وجهها ببالها: راكان مدري شقولك جد انت انسان غير عن الناس ورجل غير عن باقي الرجال انا ،،
نروح لراكان الي دخل غرفته وهو شاق الوجه وبنفس الوقت خايف من ردها تنهد: الله يجيب الخير 

نروح لمكان ما في شوارع الرياض في سيارة بيضه كان يسوق وهو بقلبه عازم عالي بسويه ناظرها: اميره حبيبي
اميره بكل حب: لبيه 
ياسر بحزن كاذب: بطلبك بطلب بس اخاف ترديني 
اميره بسرعه : لا ما اردك امر
ياسر : ابي نروح لشقتي نرتاح فيها ونقعد شوي نسولف 
اميره بتردد : بس 
ياسر : ها وش بس انتي قلتي ماردك وش بك 
اميره بستسلام : خلاص موافقه
ياسر بفرحه مو سايعته : حبيييبببتيي اميييرتي ادري انك ماترديني هههه « وحرك سيارته
اما اميره كانت مبسوطه لفرحته وبنفس الوقت كانت خايفه 
،، 
نهاية البارت العشرون ^*^

توقعاتكم يالبئ 

البارت الجاي بعد اسبوع لظروف خاصه 

سبحان الله ، الحمدلله ، الله أكبر