رواية اخفيت انوثتي بثوب وشماغ الفصل السادس والعشرون 26 - بقلم غير معروف

البارت خمسه وعشرون ...♠
الدكتور حط الصاعق ع صدر راكان وكبس عليه مره ومرتيين
وفجاءه صوت جهاز القلب طلع صوت ان قلبه رجع ينبض والخطوط انرسمت عالجهاز
الدكتور براحه : الحمدلله
هتان بفرحه راح وضم راكان بقوه و باس راسه: الحمدلله
الدكتور انبسط لهتان قال : الله يقومه بالسلامه ويخليكم لبعض
استئذنك الحين « وطلع مع النيرسات

بالجهه المقابلة
كان في الغرفه وسرحان يفكر بحاله عقد حواجبه بألم بباله : اخ يا سطام شسويييت انت كنت احسن ما يكون والحين !!
« نزل راسه يناظر جسمه المقعد رفع يدينه وغطا وجهه وشهق شهقه ألم وحزن وطاحت دموعه
كمل كلامه : وش ينفع الندم الحين ووش يرجع صحة جسمي
مسح دموعه يوم سمع الباب ينفتح
ناظر باتجاه والباب ولف وجهه وهو معقد حواجبه : هلا هتان
هتان راح عنده وقعد : شلونك
سطام ببرود قاتل : بخير
هتان يناظر بعيونه بلوم: عاجبك حالك وحال راكان الحين
سطام بنفس البرود: ماكنت اقصد اصدمه بس ،،
هتان بشرر : بس ايييش الحقد عماك ولا عينت الخير
سطام لف وجهه : الحين انت ليش جاي عندي ؟!
هتان حط عينه بعيون سطام: جيت عشان اقولك كلمتين
لو راكان مات بسببك كان انا الي اقتصيت منك
ابتسم بسخريه: كان افضل شي
هتان بعصبيه رفع يده يضربه بس تمالك نفسه ونزلها ناظره باستحقار ولف وطلع من الغرفه
هتان بباله: هه حمار
بره الغرفه
قعد عالكرسي وعقد حواجبه يفكر جته فكره رفع جواله وراح للمكالمات واتصل عالرقم دقه دقتين
ورد صوت ناعم مستحي: الو
ابتسم: شلونك مشاعل ؟!
مشاعل بحيا: الحمدلله
هتان: دوم « سكت شوي ثم قال: ااءء مشاعل انا يعني صح ماقد كلمتك كثير بس يعني شسمه « بباله: ليش متصل اذا مش عارف تركب كلمتين على بعض ياغبي
مشاعل: هتان معي انت
هتان: ايه ايه معك
مشاعل باستغراب: طيب ؟!
هتان بسرعه: اكلمك بعدين معليش الدكتور جا « وقفل الخط
بباله: يلعن شكلك ياغبي
تنهد بقهر ودخل غرفة راكان

بمكان ثاني كانت تتمشى بالشارع
وكان الشارع فاضي تقريبا
ناظرت كرسي عند ممشى وقررت تقعد عليه قعدت وهي تشيل اللطمه عن وجهها وفتحت جوالها تطقطق فيه

بالجهه المقابله كانوا يراقبونها من طلعت من الشقق واول ما قعدت ناظروا في بعض وابتسموا في خبث
واحد منهم : روح حط هذا ع فمه
الثاني بابتسامة خبث: ابشر

نرجع لها سكرت الجوال وقامت حطت الجوال بجيبها وجت تمشي بس ماحست الا بذيك اليد تنحط على فمها وبعدها غفت عيونها

الساعه 3 العصر في دار الايتام
كانت مشاعل تقلب بالتلفزيون وجود تسوي فشار
رن جوال مشاعل وردت بسرعه لمن شافت رقم دانه: الو هلا دنوي
صوت رجولي: دانه ؟! اها يعني هذا الولد طلع بنت ههههههههه يعني شكوكي كانت بمحلها
مشاعل بصدمه قامت: انت ميينن ودانه وينها ؟!!
الصوت: هههههه لا تخافين على بدر او دانه زي ما قلتي هي معنا بس نبي ديه ونرجعها لكم
مشاعل بعصبيه: تستهبل حضرتك من وين ووين نجيب لك فلوس الديه ووش سوت لك دانه عشان تخطفها وتطلب ديه ؟!
الصوت: معك يومين بس تجيبين عشر الاف ريال ولا دانه بتموت
مشاعل بخوف : لا لا الله يخليك تكفا لا تذبحونها اجيب لك عشر الاف بس اصبر علي
الصوت بانتصار: انتظرك« وقفل الخط
جود واقفه بخوف : من ذا ووش يبي بدانه ووش ديته ؟!
مشاعل برجفه وتبكي: جوود هذا الزفت الي مدري مين خاطف دانه وطالب ديه عشر الاف ريال
جود بصدمه: ايييششش من ويين نجيب له هالمبلغ يا حسرهه
مشاعل مسحت دموعها: ماعرف اهئ من وين نجيبهم اهئ
جود عصت ع يدها: حسبي الله هالكلب جعله الحيه الي تقرصه ويموت الزفت
مشاعل جتها فكره بس خافت وترددت تسويها بس رجعت وقررت تسوي هالفكره

بنفس الوقت في الشقق عند هتان
كان قاعد يقلب بكتاب الاحياء ويقرا منه لزيادة المعلومات
ولانه يحب الاحياء كثير
قطع قراءته صوت جواله وبدون ما يناظر الشاشه رد : الو
صوت رجولي: اخبارك يا وحش
هتان ناظر بالشاشه وعقد حواجبه رقم غريب ؟! : هلا من معي ؟!
الصوت: واحد من هالناس ههههه الا انت تعرف بدر خويك بالشقه !
هتان باستغراب: اي اعرفه ليش ؟
الصوت: حلوو آجل عندك يومين بس ان ما جبت الديه بدر بموت

هتان بصدمه قام من الكنبه: نععمم
وش موته وش ديته ذي وين بدر
الصوت: بدر خطفناه وعندك يومين ان ما تجيب ديه قدرها عشر الاف ريال بموت صاحبك
هتان بعصبيه: خييييررر على حساب من تخطفه يال### يال### قسم بالله لو ما تفكونه اجيب الشرطه تفهههمم ولا لاا
الصوت ببرود: آجل ودع صاحبك
هتان بتوعد: خله يصير له شي قسم بالله يال### لتندم
الصوت بضحكه: هههههههه طيب
نشوف « وقفل الخط
هتان قعد يلف بالغرفه بخوف: يا رب من وين اجيب له هالمبلغ وانا علي دين 14 الف ياربييه ساعدني
وكيف خطف دانه كييفف ومن ذااا

نتركه ونروح لمكان مهجور ومعتم
صحت من غفوتها لكنها ماتقدر تشوف بسبب الربطه الي على عيونها سمعت اشخاص يتكلمون وركزت معهم عشان تعرف منهم
الاول : هههههههههه كذا حنا كسبنا 20 الف بكل سهووله
الثاني : يا سلام عليييك قدرت تهدد البنت الي اسمها مشاعل واكيد رح تدبر لنا هالمبلغ عشان تنقذ هالي اسمه بدر او دانه ههههه
الاول: ولا تنسى هتان بعد اكيد بدبر لنا الفلوس عشان ينقذ بدير
الثاني: شكله ما يدري انها بنت
دانه تسمع ومصدووومه ببالها: ايا الملعونين تخطفوني عشان فلوس
وتهددون صديقتي وهتان الله ياخذكم بس ابي اعرف انتوا مين
الاول: صلاح تعال نتغدا جوعان
صلاح قام: وذي نأكلها يا سالم ؟!
سالم بسخريه: شفقان عليها ههههه خلها تصحا اول وثم تخيس جوع
دانه من سمعت الاسماء شهقت بصدمه ببالها: صلاح هو نفسه الي حشرني ذاك اليوم بالمول وسالم صاحب سطام ؟!! اجل اكيد اللعبه من سطام الحقير

الساعه 5 المغرب كان واقف عند البنك طلع فلوس وهو متحسر على فلوسه الي جمعهن للدين تنهد وركب سيارته : اااهه ياربي وش هالمصايب ذي راكان بصوب ودانه بصوب ثاني والدين بصوب « تنهد بهم وحرك سيارته

بنفس الوقت كانت قاعده تفكر كيف تجيب هالمبلغ الكبير وكيف حتروح له وتعطيه المبلغ
جود ناظرتها : ميشو هدي بالك لو كلمنا الشرطه حتمسكهم و نرتاح
مشاعل بغصه: بس اخاف يضرون دانه او يذبحونها
جود بحزن: اوف شنسوي طيب ؟
مشاعل: انا بروح لهم
جود بصدمه : ايييش تستهبلين ؟!
مشاعل باصرار: بروح لهم قلت
جود بعصبيه عطتها كف وصارت تبكي: يا شيخه طلعه من هالغرفه مافيه انا خسرت اميره بسبب ان حنا ما شدينا عليها ودانه راحت من حصه الحقيره ومابي اخسرك انتي كمان « وانهارت تبكي
مشاعل بصدمه تحسس ع خدها وتناظر بجود قامت وضمتها بحنان: حبيبتي جود انا ابي انقذ دانه في خطه ببالي ابي اسويها

جود تسحب انفاسها: ان صارلكم شي انا حموت والله 😭😭😭
مشاعل: خلاص ياقلبي انتهينا مارح يصير لنا شي هدي
جود مسحت دموعها وماهي مرتاحه : طيب

نتركهم ونروح لهتان
هتان بقلق يناظر الرقم يتصل فيه او لا وقرر يتصل عالرقم
شوي ويرد صوت خشن: هلا والله هتان وينك مختفي يالجاحد
هتان: الحمدلله بخير تدري راكان مشغلني الله يقومه بسلامه وانت كيفك يا عبدالله
عبدالله : بخير الحمدلله ها شصار ع راكان ما قام من الغيبوبه ؟!
هتان بحزن : لا والله ما قام
عبدالله : الله يقومه بالسلامه
هتان: عبدالله بغيتك بطلب
عبدالله : ابشر هات طلبك
هتان: ابي تسلفني 10 الاف
عبدالله : ابشر بها العشره متى تباها ؟!
هتان : اليوم لو تقدر
عبدالله: ابشر بس ليش تباها اتذكر اني عطيتك الكفاءه قبل يومين مع الراتب
هتان يناظر بالفلوس : بسد فيهم دين
عبدالله عقد حواجبه : دين ؟! ليش ما قلت الله يصلحك مو حنا متكفلين بكل شي لك
هتان: خجلت اقولك ان عندي دين
عبدالله : بالله !! تستهبل كم الدين الي عليك ومن صاحبه ؟!
هتان باحراج: 14 الف لشركة ال**** للسيارات
عبدالله : اوك ازهلها الحين اخلي فهد يروح يسده عنك
هتان حك رقبته باحراج: مدري شقولك يا عبدالله مشكور
عبدالله : لا تقول شي انت صاحبي وابوك ابوي الله يحفظه يله الحين احولك العشر الاف
هتان: لا لا خلاص لا تحولي
عبدالله : طيب يا شنب الحين وراي شغل كرف بقفل منك
هتان ابتسم : الله يوفقك عبودي
عبدالله: عبودي بعينك هههههه باي يا اهبل
هتان ابتسم : باي « وقفل الخط
بباله : الحين الدين راح الحمدلله باقي الزق الي خاطف دانه ماغير الا اتصل عالشرطه واقول لها بدون ما تشككهم بوجودهم

نترك هتان ونروح لشقه بالمكان المهجور
قبل هالوقت بساعتين
دخلوا على دانه بعد ماخلصوا غدا
سالم : صلاح فك الشريط عن عيونه
صلاح راح لها وفك الشريطه
دانه من قوة النور غمضت عيونها وفتحتهم بشويش ناظرت فيهم وسوت نفسها مصدومه: هذا انتم ؟
سالم بسخريه: لا ظلهم اجل من يا بدر ؟!! « بابتسامه جانبيه
دانه: وش تبون مني طيب ؟!
صلاح بنظرات وصخه: ولا شي يا قلبي بس نصفي حساب ماضي
دانه بخوف مخفيته: اي حساب ذا
صلاح قرب منها: حق ذاك اليوم بالمول « بعد عنها وابتسم بخبث ناظر سالم وقال: متى ؟!
سالم بخبث: لا لا مو الحين ههههه
الي ببالك يبيله صبر شوي
دانه بخوف بلعت ريقها: انتم شقاعدين تخربطون ؟!
صلاح : مالك شغل انت
سالم خاف ان صلاح يتهور راح ومسكه : تعال نطلع نزين الجو لضيوفنا « طلعوا وقفلوا الباب
دانه ببالها : يارب مادري هم ع ايش ناويين بس يارب انقذنا

نهاية البارت خمسه وعشرين ^*^

بنفس وقتنا هذا الي هو 5 المغرب
كان صلاح قاعد بالغرفه الي عند دانه وسالم راح يسوي اشغاله
دانه استغلت هالفرصه : اقول صلاح
صلاح ناظرها: خير يا بدير ؟!
دانه : يديني عورتي فكهم تكفى
صلاح رفع حاجب : احسن
دانه لوت فمها : قلت تكفى
صلاح : لا مافيه « قام من الكرسي ومشى لها وقعد ناظر بعيونها: ايش اسمك ؟!
دانه قلبها انقبض: شتقصد ؟!
صلاح : عرفنا انك بنت ههههههه
خويتك مشاعل قالت لنا اسمك
دانه عقدت حواجبها : كيف ؟!
صلاح قال لها الي سووه : ههههه كلكم مخفات بجيبون لنا الفلوس وهتان بنحبسه هنا وانتي وصديقتك مشاعل « دور عيونه وابتسم : سر كل شي بوقته حلو
قام وقعد عالكرسي وتنهد بانتظار
اما دانه كل كلامه يدور براسها وتحس بينفجر من التفكير

الساعه 7 العشاء في مركز الشرطه
الشرطي حمد: متأكد يا استاذ هتان من كلامك ؟!
هتان : يعني بكذب مثلا ؟!
الشرطي حمد: اتصل فيه طيب
هتان طلع جواله واتصل عالرقم بعد رنتين رد: هلا بالغالي ههههه
هتان بقهر : ع ايش تضحك
الصوت بباله: دمر جبهتي الكلب ، تنحنح وقال : شتبي انت الحين ؟!
هتان : جبت الفلوس وين تبينا نلتقي ؟!
الصوت: اوك حلو يالمجتهد اولا قبل كل شي خل اعرف انك علمت الشرطه لانك حتندم ثاني شي لو جبت احد معك برضو حتندم
هتان ببرود : وين نلتقي طيب ؟!
الصوت تعال شارع ال**** عماره ال**** الدور الثاني الشقه السادسه والفلوس تكون كاش فاهم
هتان: كاش زي ماتبي اوك طالع
« الصوت قفل الخط
هتان قالهم عن المكان
الشرطي حمد: علي وفيصل وتركي وماجد روحوا معه بس بسياره ثانيه وحطوا اغاني وعلوا الصوت عشان ما يشكوا فيكم
الشباب : ابشر طال عمرك
حمد : يله روحوا شوفوا شغلكم انا بجي مع الشرطه السريه بعدكم
طلعوا الشرطه مع هتان
ركب هتان بسيارته والشرطه ركبوا سيارة كامري فيها دعمه وشكلها توحي ان صاحبها داشر
حطوا اغاني ومشوا ورا هتان

فيصل وطى صوت الاغنيه: وراه متحمس يبوي انت ماتصدق عالدشره
ماجد ضحك بفشله: لابس متحمس
فيصل حرك راسه وهو يبتسم : امش بس امش يالدلخ
تركي : هههههههه ريحة القذيفه ملت السياره يا ماجد
ماجد ناظره من المرايه : ع تبن
علي وتركي وفيصل: ههههههههه
في سيارة هتان كان يفكر كيف رح تنجح الخطه ذي : الله ييسرها

مكان آخر بنفس الوقت
ماسكتها بخوف: لا تروحين مشاعل تكفيين اهئ
مشاعل ضمتها بحنان : ادعيلي ولا تبكين من متى انتي ضعيفه
جود تبكي: انا من اليوم صرت ضعيفه اااهههئئ
مشاعل شدتها اكثر : جودي حبي اقعدي وصلي وادعيلي ماتدرين يمكن الله يسمع منك
جود بحرقه قفت عنها وراحت عالسرير : طيب روحي
مشاعل ماتبي تطلع وتكسر خاطرها وبنفس الوقت ماتبي تضيع وقت تنهدت رمت النقاب على وجهها وطلعت من الدار
ناظرت في الشارع تدور تاكسي بعد خمس دقايق وقف تاكسي
وركبت معاه: لو سمحت تعرف شارع ال*****
راعي التكسي هندي: يس ماما
مشاعل: طيب حلو روح له

نترك مشاعل ونروح مكان ثاني
كان واقف بالشارع ويلولح بالمسبحه رن جواله وطلعه من جيبه ناظر الاسم وابتسم بانتصار رد : هلا هلا وين صرت هتان ؟!
هتان : خمس دقايق اكون عندك وين واقف انت ؟!
الصوت: واقف بالمكان الي قلت لك يله استعجل وراي شغل
هتان بخبث: ابشر جايك بطلبك وزياده بعد
الصوت ابتسم جنابي: انتظرك « وقفل الخط ،، هز راسه: باقي مشاعل الغبيه ههههههه
رن جواله مره ثانيه ناظر الشاشه ورد بخبث: هلا بالمهلي هلا مشاعل هلا ايوه وين وصلتي ؟!
مشاعل باستحقار وألم: جيت ومعي اكبر من الي تبيه بكثير شي مارح تتوقعه بعمرك اني جبته لك
الصوت ببرود: حياك انتي والي معك هههههه انتظرك« وقفل منها
بعد ست دقايق وصلت سياره ازيرا سوده ووقفت عنده
نزل هتان وراح له وهو معه مظروف الفلوس ناظر فيه: وين بدر اول شي ؟!
« طبعا هتان ما عرفه لانه متلثم
ميل راسه ومد يده: فلوس اول
هتان عض ع شفته: طيب وينه ؟!
تنهد بقلة صبر: لا تخاف عليه هات الفلوس ورح خذه
هتان ما كان متطمن له ورجع خطوتين: سلم تستلم
انقهر وقال بمكر: طيب تعال
مشى هتان وراه بس طبعا كان مراقب من قبل الشرطه
بسيارة الشرطه فيصل رفع يده واشر بثلاث اصابع: معكم ثلاث دقايق ماطلع مع المخطوف الحقوه

بعيد عنهم بشارع كانت مع التكسي تدله على العماره وبس وصلت الشارع المطلوب قعدت تتلفت تتدور ع العماره وبس لقتها قالت لراعي التكسي: وقف وقف خلاص هنا
وقف الهندي اخذ الفلوس ونزلت

بالجهه المقابله بسيارة الشرطه
ماجد يناظر الشارع وفيصل العماره وعلي وتركي ع استعداد
ماجد بصدمه: شباب شوفوا في بنت رايحه للعماره
فيصل فتح الباب: انا رايح لها وانتوا روحوا للعماره الظاهر انه طاح بفخ الكلب
الشباب بصوت واحد: حاضر
« ونزلوا متجهين للعماره
مشاعل وقفت برجفه ودموعها صارت تنزل بس وقفها فيصل: لو سمحتي
مشاعل ناظرته بخوف قالت برجفه: هلا اخوي
فيصل: شعندك جايه هنا لحالك ؟؟
مشاعل بخوف ورجفه: لا شسمه ذا اقصد
فيصل بصبر: ايوه كملي
مشاعل ببكاء: انت مين طيب ؟
فيصل: شرطي سريه
مشاعل براحه: هاذا هنا في واحد خاطف صديقتي وقايل لي جيبي عشر الاف ريال فديه
فيصل عقد حواجبه: اها !! وجبتيهم معك ؟!
مشاعل بانهيار تبكي: لا ماقدر اجيبهم بس بس « شهقت وصارت تبكي اكثر
فيصل بحزن عليها: بس ايش ؟!
مشاعل تشاهق وتبكي: بخليه ياخذني مكانها
فيصل شهق: غبيه انتي ؟؟!! طيب كان اتصلتي على الشرطه
مشاعل مسحت دموعها: ماقدرت هددني ان علمت الشرطه يقتل صديقتي وانا مالي غيرها بحياتي
فيصل : ،،،،
نروح جوا العماره فوق بالشقه
الشرطه واقفين بره الشقه
وبالشقه هتان يتضارب مع سالم
سالم مسك وجه هتان وعطاه بكس
هتان من قوة البكس رجع لورى سحب نفس وناظر بسالم: والله لتندم يال### يال####
سالم: تخسى انت وعشر من اشكالك يهددوني
هتان بعصبيه: سطام الحقير شيبي اكثر من الي صار لراكان « صرخ: شيييبببييي بععد
سالم ببرود: سطام ماله دخل انا وصلاح الي خططنا لهشي عشان ناخذ سطام ونعالجه
هتان بقهر: هههه قول والله تعالجونه على حساب غيركم
قام بجنون ومسك راس سالم وخبطه بالجدار: هذا ولا شي الشرطه بالط « ما كمل كلامه الا والباب ينفتح بقوه ويدخلوا ثلاث شرطه سريه
سالم ماسك راسه من الالم ويناظر فيهم مو مستوعب الي صار
هتان يسحب نفس: خذوه لو سمحتوا وابي صديقي بدر اسئلوه وين حابسه
سالم متألم من راسه: ماله داعي تستجوبوني بدر وصلاح فوق الدور الثالث الشقه 12
تركي ناظر ربعه: علي وماجد روحوا امسكوا بصاحبه والمختطف جيبوه لنا هنا
علي وماجد : حاضر « وطلعوا
تركي مسك سالم وكلبش يدينه وقعده عالارض
هتان: انا بنزل تحت اعلم فيصل
« طلع من الشقه ونزل تحت
ناظر بالشارع لقى فيصل مكتف يدينه وقباله بنت راح لهم
هتان: فيصل ترا تركي كلبش سالم وعلي وماجد راحوا يمسكون صلاح ويجيبون المخطوف
مشاعل بصدمه واقفه وتناظر هتان بلمت فيه وحست بقلبها بطلع من مكانه ما توقعت بيوم انها بتشوفه صدفه
ناظرها هتان وجا يتكلم بس عقد حواجبه بشك: كني قد شفتك بمكان
مشاعل بتوتر نزلت راسها
قال فيصل: هذي صديقة دانه المختطفه وسالم مهددها تجي وتجيب معها فلوس ديه
هتان فتح عيونه عالاخر وعرف انها مشاعل: نععمم
مسك يدها بعصبيه وقهر: ليش ماقلتي لي طيب رقمي عندك
مشاعل تألمت من مسكته قالت بحزن: خفت
فيصل: هتان هدي بشويش عالبنت
انا طالع اشوفهم « وراح عنهم
حالة هدوء وتوتر
قال هتان: انا اسف مشاعل
مشاعل دموعها بعينها وما تكلمت
هتان تنهد وهو يناظر يدها تركها وناظر عيونها: اهم شي انهم لحقوا عليك و وو ما صارلك شي
مشاعل بخجل مسحت دموعها
هتان حط يده ع رقبته وابتسم: يله شرايك نروح لدانه نشوفها
مشاعل بخجل: طيب
مشى هتان وقلبه يدق ووراه مشاعل تمشي بخجل

فوق بالشقه
فيصل قاعد وحاط رجل على رجل ويناظر في سالم وصلاح
باستحقار ناظر دانه: هذا انتي مره ثانيه !! « هز راسه وتنهد: يالله وقفوا المخابيل هذيلا ودوهم السياره وانتي بتجين معنا المخفر نشوف وش نسوي فيك ،،
قاطعه صوت هتان الي دخل ووراه مشاعل: لا تاخذونها ولا شي انا اعرف وين اوديها
مشاعل بلهفه مشت لدانه وخمتها: دنووي حرااام عليك تسوي فينا كذا اقلقتينا عليك
دانه بصدمه وخرتها وناظرت فيها: مشاعل وش جابك هنا ؟!
مشاعل نزلت دموعها: كلمني الي خطفك وقالي اجيب فلوس عشان يخليك
دانه ناظرت سالم وراحت له ناظرت فيه وتفلت بوجهه: هذي عني وعن صديقاتي
سالم كشر: حقيره بتندمين والله
فيصل قام: خذوهم ياعلي وماجد تركي رح شغل السياره انا بكلم حمد واقوله اننا مسكانهم
ماجد وعلي : حاضر « اخذوا صلاح وسالم ونزلوا فيهم للسياره
وتركي نزل يشغل السياره

نهاية البارت خمسه وعشرون^*^

رايكم يالبئ

استغفر الله الذي لا اله هو الحي القيوم واتوب اليه