رواية اخفيت انوثتي بثوب وشماغ الفصل الخامس والعشرون 25 - بقلم غير معروف

البارت اربعه وعشرين …â™ 

الساعه 7 في دار الايتام
كانوا بنات كثير في غرفة البنات مشاعل ودانه وجود ونوره وملاك يلعبون سعودي ديل 

وثلاث بنات قاعدين يسولفون ويناظروهم وهم يلعبون
دانه بلعانه حطت ورقه : ملاك هاتي الارض ذي 
ملاك بقهر : لاا يررحمم اممكك 
دانه بابتسامه عريضه: اجل حطي بالمشمش او تبطي عظم 
ملاك تنهدت: خذيها ماعندي
دانه بانتصار اخذت الارض وضمتها لكروتها: نوره دورك
نوره أخذت ورقتين ناظرت فيهم وابتسمت بخبث حطت ورقه عالساحه: دانه معلييش هالارض صادرتها 
دانه كتمت قهرها: طيب مالي فيها
نوره ابتسمت لملاك: شوفيني كيف رديت لك حقك 
مشاعل: هههههههه هاللعبه حماس 
نوره: طيب اسحبي يالمتحمسه 
مشاعل سحبت ورقتين ناظرت فيهم وناظرت في اوراق البنات ابتسمت جنابي حطت ورقه: بزرف ذي يا جودي معليش هاها
جود ضحكت على ضحكتها الغبيه: ههفف دايما تسرقوني انتوا
دانه: مظلومه مسكينه هههههههه
جود ضربتها ع كتفها خفيف: اص 
دانه ضحكت عليها اما مشاعل بكل سهوله حطت ورتين وقالت بحماس : فففززززتتت ييسس
دانه رمشت مرتين : بل بل متى لحقتي تفوزين 
مشاعل حركت حواجبها: سينسي
دانه ناظرت الساعه وشهقت: او لا الوقت تأخر شلون ارجع بالليل
مشاعل: نامي اليوم عندنا 
دانه وهي تلبس عبايتها: لا مقدر 
لفت الطرحه وربطت النقاب سلمت عالبنات وطلعت

بنفس الوقت هذا كان يمشي في الشارع يحس نفسه تائه صاحبه مغيب من اسبوعين وشغله صاير ماش واهله يقولوه خلاص ارجع
نزل وقعد عالرصيف اخذ نفس يهدي نفسه شوي وراح سارح لايام الطفوله يوم كان عمره 10 
صوت طفولي: هتان تعال نلعب كوره العيال ينتظرونا 
هتان ابتسم بطفوله: جاي جاي 
لبس نعاله وانتوا بكرامه وطلع معاه وصلوا الملعب الصغير الي ع قدهم وبحماس : جينا يا عيال
قاطع حماسهم صوت رجال يناديه ويوم التفتت لقاه ابوه: هتان بابا تعال 
ناظر بابوه ببراءه : هلا بابا
ابوه : انا واختك الريم وامك بنروح المستشفى نودي اختك جمانه تعبانه تجي معنا 
بخوف قال: بجي معكم 
سمع صوت طفولي يناديه: هتان وين بتروح ؟!
هتان: راكان بروح مع بابا تجي 
راكان ابتسم: ايه 
ركبوا السياره مع ابوهم ومشوا المستشفى وراحوا يودوا جمانه عالطوارئ وبعد ربع ساعه 
طلع الدكتور ولون وجهه متغير 
ابو هتان: وش صار يا دكتور ؟
الدكتور: البقيه بحياتك
هتان يناظر راكان : وش يقول؟!
راكان بلع ريقه: ماتت جمانه 
انهار هتان عالارض وصار يبكي
صحا من ذكرياته وهو يدمع فقد اخته الي كان يحبها كثير بطفولته

وخايف الحين يفقد صاحبه وتؤام روحه شهق بغصه وغمض عيونه 
يبعد هالتخيلات عنه 
قام وركب سيارته وشم ريحة يحبها ريحه عمرها ما طلعت من سيارته نزلت دمعه يتيمه من عيون من زمان ما دمعت 
سمع جواله يرن ناظر في الرقم تنهد وهو يفتح سبيكر: الو بدر 
دانه: هتان فزعتك تعال للشارع ال*** وصلني الشقق 
هتان بغصه بالعها: طيب « وحرك سيارته رايح لدانه 

بعد عشر دقايق كان واصل للمكان وقف يوم شافها واقفه 
فتحت باب السياره ودخلت تنهدت وناظرته : السلام عليكم
هتان حرك سيارته قال بهمس: وعليكم السلام 
دانه حست انه ضايق: بلاك هتان؟
هتان كتم نفسه: ولا شي « لف عليها: وين كنت ؟!
دانه : عند اصحابي من زمان ما رحت لهم 
هتان ما كان يم دانه ابد قالت دانه بعد دقيقه من صمت: هتان بلاك ؟
هتان تنهد بضيقه: راكان ،، 
دانه بخوف فزت: شفيه راكان ؟!
هتان ناظرها بصدمه: شفيه صوتك صار كنه صوت بنت ؟!
دانه استوعبت ورجعت صوتها لصوت بدر : احين شفيه راكان 
هتان : ابد ماشي فيه بس انا خايف افقده زي جمانه 
دانه بغصه : ماحنا فاقدينه انشالله 
هتان وقف السياره فجاءه ونزل من السياره مشى لباب دانه وفتحه 
قال : انزل بقولك كلمة راس 
نزلت دانه وقلبها ناغزها وقفت عالمكان الي اشر عليه هتان: وش 
هتان قرب وجهه منها كثير وقال
بغموض: وراه وجهك انخطف يا،
دانه حاولت تمسك خجلها وقالت : هتان شفيك لتكون مصخن « ورفعت يدها برجفه تحس جبهته 
هتان مسك يدها الناعمه والصغير وابتسم: لا تمثلين زياده كشفتك ترا 
عدل وقفته ومشى : تعالي نروح لراكان نتطمن عليه يله 
مشى هو وركب سيارته اما هي من الصدمه ما تحركت 
فتح الشباك وعلى صوته : اركبي
مشت للسياره بتثاقل وركبت 
ومشى هتان وطول الطريق ساكتين 

نزلوا من السياره عالمستشفى و توجهوا لغرفة راكان 
دخلوا الغرفه وقعدوا عند ركان
هتان يناظر في وجه راكان بحزن
ودانه تناظر في راكان والغصه بحلقها وبنفس الوقت متوتره من هتان
هتان ناظرها: ماني ملقوف بس شي يحكني وابي اعرف ليش سويتي كذا بنفسك وخدعتينا ؟!
دانه بدون ما تناظره: لو قلت لك وش بتحصل فيه ؟
هتان بهدوء: جواب لسؤالي
دانه ناظرته ببرود وقالت له السالفه 
هتان معقد حواجبه: وراكان يدري 
دانه بغصه : ايه
هتان بعد صمت دام دقيقتين 
قال : طيب شسمك ؟!
دانه : دانه 
هتان بصدمه : ليكون ؟؟!! 
دانه : ايش ؟!
هتان : ليكون انتي دانه هي نفسها الي قالي انه يحبها قبل شهرين !!
دانه بحيا وردت خدودها ونزلت راسها بدون م تجاوب
هتان قام وطلع وهو مصدوم قعد عالكراسي الي برا ماهو مستوعب اي شي 

نتركهم ونروح لدار الايتام
الساعه 12 كانت قاعده عالسرير تحس باكتئاب وتناظر بالفراغ نزلت دموع تحرق على خدودها بس ما كانت تحس انها تبكي من الالم الي بداخلها 
قالت ببالها : ابي اهرب من هنا احس اني تايهه المديره تشد علينا بعد وفاة اميره وكل شوي تفتش جوالاتنا وماناخذ راحتنا لا بأكل او شرب وجود اااااه يا جودي انتي معرف كيف صامله للحين ماتشتكين او تبينين تعبك 
قامت وراحت لجود الي كانت نايمه وضمتها وراحت بنوبة بكاء

بعد خمس دقايق من البكي خطرت ببالها فكره قامت وراحت لسريرها اخذت جوالها ودخلت ع جهات الاتصال وصارت تدور ع رقم لين لقته صار قلبها يدق لمن ضغطت عالاتصال ورن ورن ورن لين رد عليها 

بالمستشفى في غرفة الطوارئ كان نايم ع الكرسي الي جنب سرير راكان 
صحا يوم سمع صوت جواله يرن اخذه من جيب بنطلونه وبدون ما يشوف الرقم رد: الو
صوت بنت متوتر ومغصوص:الو
عقد حواجبه من الصوت بعد الجوال وناظر بالشاشه وقام رجع الجوال ع اذنه وقال بانفاس متسارعه: هلا مشاعل 
مشاعل بغصه: اسفه هتان بالغلط دقيت عليك « جت تقفل الخط
بس قاطعها : لا عادي مشاعل حصل خير « سكت وبعد شوي قال بتردد : شفيك مشاعل ؟!
مشاعل بغصه كاتمتها : ولا شي قلت لك اسفه بالغلط دقيت
هتان ما صدقها قال يبي يسحب الكلام منها : اجل لو بالغلط ع مين كنتي بتدقي في هالوقت ؟!
مشاعل بلعت ريقها وقلبها انقبض بتردد قالت: اأنا شسمه أأء يعني 
قال يشجعها عالكلام : ايوه ؟! 
مشاعل تجمعت الدموع بعيونها : كنت ابي اقولك انه « بلعت ريقها تفكر وش تقوله 
قالها بصبر : اسمعك كملي 
مشاعل حست انها تورطت بلعت ريقها وشهقت شهقه مو مقصوده قالت بألم : خلاص ولا شي 
هتان بتنهيده : مشاعل تبين امرك بكره ؟!
مشاعل بصدمه : ايش ؟!!! 
هتان : احسك ضايقه ان ودك يعني « ما كمل كلامه لانها سكرت الخط 
عض على شفته بقهر : غبي غبي
ضرب فخذه وحط الجوال ع الطاوله وقعد يفكر فيها 

نرجع لمشاعل الي قفلت الخط من الصدمه : خييير من اولها طلعه !!
رمت الجوال ودفنت نفسها بالبطانيه ونامت وهي تبكي

اليوم الثاني الساعه 1 ونص الظهر
في المستشفى تحديدا بغرفة الطوارئ 
كانت فاضيه الا من راكان الي كنه جثه هامده 
فجاءه جهاز القلب صار يصفر 
ودخلوا النيرسات بسرعه مع الدكتور وهم خايفين 
الدكتور : سميره شيكي عالاسلاك 
يانتي شوفي جهاز التنفس بسرعه
سميره راحت بسرعه تشوف الجهاز : كل حاقه بمكانها دكتور
الدكتور : جيبي جهاز الصاعق بسرعه 
سميره اخذت جهاز الصاعق : تفضل دكتور محمد 
الدكتور محمد اخذ الجهاز وحطه على صدر راكان :بسم الله 
ضغط عليه وتحرك صدر راكان من الصعقه ضغط عليه مره ثانيه وثالثه ورابعه
سميره بخوف : هو مابتنفسش ؟! 
الدكتور بقلق : قلبه وقف فجاءه 
« رجع حط الصاعق ع صدره وضغط مره ومرتين 
قطع عليه شخص يدخل من الباب وهو يتنفس بصعوبه: وش فيه ؟؟!
الدكتور حرك راسه بقلق : قلبه وقف عن النبض
صرخ بشهقه : ايييششش 
« حط يده ع راسه بصدمه وخوف: تكفا دكتور عطه صعقه يمكن يرجع نبضه مابي اخسره تكفا 
الدكتور بأمل كبير بالله سما بالله وحط الصاعق لأخر مره ع صدر راكان وكبس عليه مرهه ومرتيين
،،،،
نهاية البارت اربعه وعشرين ^*^

رايكم وتوقعاتكم يا ابطال :)

سبحان الله وبحمده سبحان الله العظيم