رواية اخفيت انوثتي بثوب وشماغ الفصل الثالث والثلاثون 33 - بقلم غير معروف

♠البارت الواحد وثلاثين 
والأخـــيـــر ♠ 

الفصل الاول : 

↩ سعوود حبيبي قوم جهزت الفطور 
سعود وكله نوم: ياعيون سعود انتي
..: حبيبي قوم افطر عشان تروح الشغل 
سعود بكسل قام سحبها وضمها بقوه باسها جنب شفتها: الحمدلله ان اهلي وافقوا نتزوج « ابتسم: احبك جود ↪ 

سسعوود قووم من النومم يا ولد 
قام منفجع من صوتها ناظر فيها بضيقه : شرووق خير انتي تصارخين كذا وجع 
شروق تتخصر: امي قالت روحي قوميه
سعود: قوميني ما قلت شي بس مو كذا يالدفشه الله يعينه سّعِّيد عليك
شروق: يؤ يؤ سِعِّيد يسواك وطوايف اهلك
قام ومسك علبة المناديل ورماها عليها وجت براسها 
صارخت بألم: الله ياخذك يا دلوع الماما
سعود صار يركض وراها وهو ماسك شعرها ويتفل عليها 
حليمه بصراخ: سعوود شرووق خيير ان شاءالله وينكم فيه بزران انتوا ؟؟
سعود: يمه خلفتي بنت دفشه للاسف
شروق: لي سنه اصحيه ولا قام لا وبعد يقول احبك جود ومدري منهي ذي
سعود صنم بمكانه اما امه بعصبيه: باقيي تحبها بنت الي ..
قاطعها بحرقه: ماتت البنت راحت عند ربها الي مايندرا اهلها مين ع قولتك ارتاحي « وطلع وهو قلبه محروق
حليمه بغبنه على ولدها: هذي ساحرته قبل تموت ولا ايش ؟
صوت من وراها: يمه حرام عليك البنت راحت عند اللطيف الله مايبيها تتعذب خذاها عنده 
حليمه بقلة صبر: احلاموه لا تقعدين تعطيني محاضرات يه .. شروق روحي قولي للشغاله تنشب الغدا بنموت جوع
احلام: يمه اسمها يانتي مو شغاله 
حليمه بنفاذ صبر: حنا مالكينها يعني شغاله لمن تطلع تصير يانتي فهمتي 
احلام تركت امها وطلعت لسعود 
احلام تدق الباب: سعودي عادي ادخل؟
من ورا الباب : إيه 
فتحت الباب ودخلت : شلونك عساك احسن من أمس ؟
سعود توه يمسك الجوال : احسن 
احلام: يووه سعود ترا الدنيا تمشي تتحداني ان المشاعر الي تكنها لجود مجرد اعجاب مو حب 
سعود: اتحداك انا اعرف قلبي منك 
احلام: الايام بيننا اخ سعود 
سعود ناظر الرسائل وكانت عليها علامة 2 يعني رسالتين 
دخل الاولى وكانت من راكان 
↩ سعود يالحب اليوم العشاء بنسافر انا وهتان للجبيل تخاوينا ؟ ↪ 
طلع من الرساله ودخل عالثانيه 
↩ سعود بن سلطان لقد ربحت معنا بالسحب على سيارة مرسيدس 2011 نرجوا منك الحضور لاستلامها في مدينة الدمام ننتظر حضورك .. وشكرا ↪ 
عقد حواجبه باستغراب : سحب ؟؟ وبالدمام كمان !! 
أحلام : وش فيه ؟ 
سعود: رساله من واحد يقول ربحت سيارة مرسيدس وبالدمام 
أحلام: انت قد شاركت بمسابقه ؟؟
سعود: لا بحياتي كلها ما شاركت 
أحلام: آجل لا تروح انت عندك bmw وعندك بورش مو لازم مرسيدس
سعود: صادقه اقول خبري امي اني بخاوي راكان وهتان للجبيل 
أحلام قامت : طيب « وطلعت 

نترك سعود ونروح لراكان وهتان
هتان: ها رد عليك سعود ؟؟ 
راكان: لا باقي 
هتان: اها 
راكان : وش صار على مشاعل ردت على اهلك ؟؟ 
هتان بفرحه مو سايعته: إيه دانه كلمتهم وقالت مشاعل موافقه والله يسعدهم 
راكان بفرحه لصديقه: مبروك يا معيريس 
هتان: نصير انا وانت بنفس القاعه وننزف مع بعض يا سلاااام 
راكان: وكل واحد جنبه خطيبته الله 
هتان: بأمريكا حنا يالاخو 
راكان: هههههههه 

نترك المعاريس ونروح للبنات 
دانه: جود ااء اقصد مشاعل ليش ما نكلم الشباب يجون يطلعونا مليت والله
مشاعل: انا يالله يالله قلت لك ردي عالناس بالموافقه تبيني اطلع من الشقه انا فقدت جزء غالي مني حسي ياتبن 
دانه بحزن مخفيته: كلنا نحزن بس صعب نقعد طول حياتنا حزينين 
مشاعل بقهر: توها ما مرت خمس ايام على موت جود وحضرتك ماكلفتي نفسك تبكين عليها الا اول ثلاث ايام 
دانه بحده: مشاعل انتي دخلتي غرفتي وشفتيني ابكي اخر الليل ؟؟؟ انا انسانه مستحيل اوري احد دموعي حتى لو كان غالي اوريك قوتي وانا بداخلي اضعف خلق الله 
مشاعل بغبنه: طيب شسوي اذا انتي غير عني و ابكي قدام الي يسوا ومايسوا
دانه ببرود: ماعندي كلام اصلا تنكدت « دخلت غرفتها قفلت الباب وصارت تبكي مشاعل حطت راسها بين رجولها وصارت تبكي 

نروح لمكان بعيد عن الرياض 
.. : عبيد حبيبي ما اتصل ذا سعود 
عبيد : نورااه وشوله مستعجله حبيبتي « وبخبث : انا بجيب راسه لا تخافين 
نوره بثقه عمياء: ادري بك ذيب بعد قلبي عبيد بخبث: اصير لك ذيب يالغلا 

الساعه 5 المغرب في الرياض 
تحديدا في شقة راكان وهتان 
راكان يصفط ملابسه في الشنطه: يله هتان عشان نلحق على اهلك 
هتان: ايه يله كاني بخلص 
راكان: اهلك متى حددوا موعد الملكه ؟؟
هتان: مايقدروا يقعدوا اكثر من كذا لان ابوي مريض عشان كذا بكتبوا الكتاب بنفس اليوم الي بنسوي به حفلة خطوبتنا راكان : أها زين طيب « قفل الشنطه : انا جهزت خلاص وانت ؟ 
هتان: جاهز خلاص بس باقي نحط الاكل راكان: ماكو شي ناخذه من الثلاجه نشتري عالطريق وحنا رايحين 
هتان: اوك مم طيب يله خل ناخذ البنات نوديهم عند عمتي وبعدها نروح لاهلي
راكان: بتصل على دانه عشان يجهزوا 

وبعد نص ساعه 

بدلع خجول : حبيبي شلون نقعد عند ناس مانعرفهم ؟
بحب : عادي حبيبتي الي بتقعدون عندهم بتكون عمة هتان وعيالها صغار وزوجها مسافر من يومين عشان شغله 
نزلت راسها بحياء: بشتاق لك كثير
ضم يدينها بقوه: وانا بعد بشتاق لك دنوي دانه بخجل: ربي يحفظك ركون 
راكان بابتسامة عاشق: ولي يا حافظ « ابتسم : يله حبيبتي انتبهي لنفسك 
دانه بغصه ماوضحتها: وانت بعد 

بنفس هالوقت 
.. : حبي ابي كل ساعه ترسلين لي تقولين لي اخبارك 
بدلع : وانت بعد ابي اتطمن عليك « بدلع زياده : هتان حبيبي بتتأخر 
هتان شد على يدها بحب: لا قلبي كلها يومين مع الشباب نقعد عالبحر ونرجع « غمز لها : المرات الجايه بتكونين مع حبيبك 
ضربت صدره بخجل : جب زيين روح تأخرت على ربعك 
ضحك عليها: زين زين هالمره مسموحه 

مشوا الشباب بعد ما تطمنوا عالبنات 

في بيت عمة هتان 
تعريف سريع 
عمة هتان سعاد عمرها 35 عندها ثلاث اولاد وبنتين أكبر بنت عندها عمرها 14
زوجها جسار عمره 39 وسافر عشان شغله

سعاد بطيبه : شلون العرايس الحلوات 
دانه ومشاعل بابتسامه: الحمدلله وانتي شلونك
سعاد : الحمدلله عساه دوم يا رب « علت صوتها: أميره يمه تعالي سلمي عالضيوف
دانه ومشاعل سرت بجسمهم قشعريره لانهم تذكروا صديقتهم أميره 
دانه تهمس: فقدتها ميرو
مشاعل بحزن : الله يرحمها ويغفر لها 
دخلت أميره والي عمرها 14 كان جميله وملابسها أنيقه وطويله 
سلمت عليهم وقعدت وبعد شوي دخلوا بنتين وولدين 
سعاد تعرفهم على عيالها: هذي ندى عمرها 12 وهذا فيصل عمره 10 
فيصل بجرأه: يماه البنات حلوات 
مشاعل ودانه بخجل وخقوا معه : انت الحلو 
سعاد : ههههه هذا فيصل جريء من صغره ماشاءالله عليه 
مشاعل ودانه: الله يحفظه لك 
سعاد : تسلمون « كملت : هذا حمد عمره 8 وهذي آخر العنقود العنود عمرها 6 
دانه : ماشاءالله ربي يخليهم لك 
مشاعل: يتربوا بعزكم يارب 
سعاد : الله يخليكم بعد راسي « ناظرت اميره : يمه اميره صبي القهوه 

نخليهم يسولفوا ونروح للشباب 
بسيارة هتان الجيب هتان الي يسوق وجنبه راكان ووراهم سعود 
سعود: وراه ما خبرتوا عبود يخاوينا ؟ 
راكان: قلنا له قال مشغول مع اهله 
سعود : اها 
هتان: وبعدين حنا رايحين ورا أهلي نوصلهم وحنا متطمنين ومنها نقعد بالجبيل نستانس شوي 
سعود: يعني عصفورين بحجر 
هتان : ايوه 
سعود فتح كيس بطاطس دوريتوس أزرق : تبون شباب ؟
راكان : هات واحد 
هتان : طعميني راكان صعب اسوق واكل 
سعود يبي يحرجه : اشتقت لزوجتك سميحه صح ههههههههه 
هتان : ايه اشتقت لسميحه 
سعود بنذاله: ترا سجلت وانت تقولها بسمعها لمشاعل 
هتان شرق: تستهبل 
راكان : هههههههههههههههه يلعن ابو النذاااله تسوي بينهم فتنه
هتان : امسحها يا تسلب 
سعود بعناد: والله محذفها لين تسحب كلمتك وتقول اسف عمي 
هتان: تخسى والله 
سعود بنذاله : اجل تستاهل الي بجيك 
هتان شوي يكفخه: خلاص اسحب كلمتي سعود باستمتاع: وايش بعد ؟ 
هتان بقهر : زق بوجهك اقصد اسف عمي 
سعود : هههههههههههههه
هتان: ضحكه بلا سنون احذف التسجيل 
سعود بضحكه : أصلا ما سجلت يا تيس هههههههههههه 
راكان : هههههههههههههه يعلن بو اللعانه 
هتان وده يبكسهم طنقر ودعس بنزين وهم يضحكون عليه 

بنفس هالوقت بالدمام 
بعصبيه خفيفه : للحين ما اتصل وين الي تقول انه برد وبتجيب راسه ؟؟!!
ببرود مخلوط بعصبيه: الصبر زين ترا 
كتفت يدينها: بنتظر واشوف اخرتها
ببرود: ماحد ميت لو انتظر

نرجع للبنات بالرياض 
مشاعل : خاله سعاد انا تعبانه ابي انام
سعاد: تعالي حبيبتي ونادي دانه عشان اوريها غرفتكم الي بتنامون بها 

طلعوا البنات مع سعاد ودلتهم غرفتهم
وبس طلعت من عندهم 
دانه تمددت عالسرير : تعباااانه حيييل 
مشاعل : ايه والله مدري وش صار لنا 
دانه نامت على بطنها وحطت يدينها على وجهها تركيه : اقول ميشو شرايك نروح اليوم نشتري ملابس عشان زواجنا ؟
مشاعل: ممم المغرب لا جاء افكر
دانه رجعت نامت على ظهرها وهي تقول: فيك عجز مدري من وين جبتيه
مشاعل: تذكرين اخر مره شريت فيها علبة دخان متى كانت ؟
دانه: متى ؟
مشاعل : قبل شهرين وماشربت منها الا حبتين كذا باقي البكت بالشنطه 
دانه: معك هم الحين ؟
مشاعل: لا بالشقه
دانه وهي تغطي وجهها: ذكريني بس نرجع اطول العلبه واحرقها بالي فيها
مشاعل ضحكت بخفه: يصير خير « وناموا 

بالطريق للجبيل 
راكان كان الي يسوق 
وجنبه سعود وهتان ورى و نايم 
سعود: راكان 
راكان خطف نظره لسعود ورجع يناظر الطريق : هلا 
سعود: امس الليل كيذا جتني رساله 
راكان : ايوه ؟
سعود : تقول اني ربحت مرسيدس ولازم اروح استلمها بالدمام !!!!
راكان رفع حاجب : ممم وليه بالدمام مو بالرياض ؟
سعود : مدري برايك نروح ناخذها ؟ 
راكان بدون اهتمام: بكيفك ان خاطرك بسياره بنمر على الدمام ناخذها 
سعود وهو يفكر: طيب« اشر بيده: وقف عالمحطه ذي ابي شي آكله 

نزلوا من السياره ودخلوا السوبر ماركت الا هتان الي كان غاطس بالنوم 

وقفت سيارة كانت تمشي وراهم ونزل منها رجال كبير دخل السوبر ماركت وراح لراكان وسعود: وراه وقفتوا ؟ 
راكان ابتسم: هلا عمي ابد بنشتري تسالي
سعود: ما وصوك الاهل على شي ياعم 
ابو هتان: الا وصوني وكاني بشتري لهم

الساعه 6 المغرب 
طلعت دانه مع مشاعل وسعاد وعيالها عالسوق عشان يشترون أغراض

والشباب وصلوا أهل هتان لدمام 
بالطريق الي يودي للجبيل 
سعود الي يسوق وجنبه هتان وراكان ورا
راكان: ها سعود تبي المرسيدس ولا لا ؟؟
سعود بحيره: مدري
هتان : شالسالفه ياعيال ؟ 
قاله سعود السالفه قال هتان: يا شيخ روح خذها منت خسران شي سياره كشخه وبتجيك ببلاش 
راكان : إتصل عالرقم شوفهم 
سعود طال جواله من جيبه ودق عالرقم نزل الجوال وسكره : مغلق الجوال 
راكان : خلاص انسى 
هتان : أجل يله ادعس للجبيل ياوحش

بعد مرور أسبوع عالاحداث 
جا يوم الخميس المنتظر حفلة خطوبة راكان ودانه وهتان ومشاعل 

راكان وهتان 
لابسين ثوب بكبك وناسفين الشماغ والعقال ولابسين بشوت عسليه وبنيه وحدودها ذهبي 

دانه ومشاعل اختاروا نفس موديل الفستان وكان ماسك عالجسم من فوق ومن تحت فيه نفشه خفيفه لونه خمري وفيه فصوص مرصعه بشكل أنيق 

كانت الحفله بسيطه على فخامتها وأناقتها والمعازيم كانوا قليل مو كثير لان الحفله عائليه 
أهل راكان كلهم بما فيهم من عيال عمه وخواله وأصحابه المقربين 
ونفس الشي هتان 
أما عن دانه ومشاعل ماكان من طرفهم أحد ..
انزفوا البنات على اغنية الكواكب لراشد 

وبعدها نزلوا المعازيم للعشا 

طبعا قرروا العرسان ان بين حفلة الخطوبه وحفلة الزواج شهر بس 

يوم السبت الساعه 12 الظهر 

واقف جنب سيارته ومكتف يدينه ينتظرها تنزل 
شافها وهي تطلع وابتسم ابتسانه عريضه
وصلت عنده بخجل: معليش تأخرت 
مسك يدينها بحنان : عادي حبيبتي 
فتح لها الباب : تفضلي قلبي 
دخلت قفل الباب وركب مكان السواق 

الجهه المقابله هتان راكب وجنبه مشاعل
ماسك يدها وبيده الثانيه ورده 
بعيون تلمع بالحب: تدرين هذي حق مين 
مشاعل بخجل: حق منو 
هتان ناظر الورده وناظر مشاعل: هذي حق زوجتي وحلالي وروحي وقلبي 
مشاعل تدلع: منو زوجتك هذي
هتان يغيضها: وحده اسمها نوره
مشاعل تعرف انه يبي يغيضها: نوره ها
هتان: ههههه لا ميشو بعد روحي 
حرك سيارته: يله اكيد ينتظرونا 
وقف عند سيارة راكان 
هتان: يله ركون سباق ؟
راكان: بفوز عليك سيد سلحفاة 
هتان : اتحداك سيد أرنب 
راكان بتحدي : واحد اثنييين ثلااااثه 

وانطلقوا .

راكان يعد : واحد ثنين ثلاثه 
وانطلقوا 
دانه تصارخ وتقول لراكان خفف 
وراكان يضحك ومستمتع 
اما مشاعل تحمس فيه ومستانسه وهتان يضحك عليها ويزيد سرعته 

عند خط النهاية الي هو الشارع العام وقفوا بكل تهور 
نزل راكان : انا اول
نزل هتان : لا انا اول 
راكان : شوف الخط العجل حق سيارتي عليه 
هتان : انا عليه بعد بس عجلي لاف شوي 
دانه : كلكم فايزين بس خلصونا شباب 
مشاعل: منجد أهم شي استانسنا 
هتان باستهبال: ابشر اخ بدر 
دانه بفشله: اسكت طيب

وصلوا للمول وتسوقوا وشروا ملابس التجهيزات حق عرسهم 

بالمطعم اخذوا طاوله بأربع كراسي 
هتان وراكان جنب بعض 
ودانه ومشاعل قبالهم 
هتان أخذ قطعه من الدونات ومدها لفم راكان : كلي حبيبتي فديت هالخشه 
مشاعل مصدومه اما دانه تعودت عليهم 
هتان ناظر مشاعل وضحك: لازم تتعودين زي ماتعودت دانه هههههههه 
راكان وخر يد هتان: يالدلخ قلنا خلاص 
هتان: اخر مره طيب 
راكان اخذها واكلها : اخر مره حبيبتي ولا بطلقك عاد لا تصيرين بثره 
هتان مسوي زعل: تطلقني يا مفلح
راكان: مفلح بوجهك 👳
هتان: هههههههه « يله حبيبي ميشو استعجلي عشان نروح نتمشى 
راكان ناظر لدانه وغمز لها بعشق

مشى اليوم وهم على حالهم من استهبال وطقطقه وشراء ملابس وأكل 

مشت ايامهم بين حب وفرح ووناسه واستهبال وكل انواع جمال الدنيا 
وجاء اليوم المنتظر يوم زواج ابطالنا 

الساعه 9 في قاعة الافراح 
قاعة الحريم تعج بأغاني الاعراس والمسرح مافضى من رقص الحريم 

وفي قاعة الرجال جابو فرقة سوريه للدبكه والشباب من اصحابهم واقاربهم ما قصروا في الرقص والدبكه 

مشاعل ودانه كانوا لابسين نفس النفنوف
من فوق مظهر منطقة بسيطه من الصدر ومشدود من الخصر والبطن ومنفوش من تحت وكان لونه أبيض ناصع ومطرز عليه ورود صغيره بكل مكان ومرتبه بشكل مره حلو و التسريحه كانت نفس الشي اما المكياج اختلف على حسب شكل الوجه والي يليق عليه 
وانزفوا البنات على زفة الحافظ الله 

اما الشباب كانوا نفس الشي 
ثوب بكبك وبشت بني غامق مطرز من الجوانب ذهبي 

الساعه 2 الليل 

في سيارة بنتلي فخمه 
ركب راكان ومعاه دانه وراحوا الفندق

وفي سيارة مرسيدس 
ركب هتان ومعاه مشاعل وراحوا للفندق 

بشقة من شقق فرانسيس دخلت دانه ووراها راكان 
وقفت ماتدري شتسوي من الخجل 
مشى لعندها وضمها بحب : مبروك حبيبتي 
ناظرته بخجل ذابحها : يبارك فيك 
قال بابتسامه: أحبك دانه 
دانه بصوت خافت : وانا بعد 
حملها وضمها بقوه : بدخل اتروش وانتي وراي « نزلها ودخل الحمام 
وبس طلع راح لقاها قاعده عالسرير 
بس بأسرع من الصاروخ لقاها دخلت الحمام ومقفلته 

انتظر نص ساعه وطلعت راحت لشنطتها تدور عطرها وهي خجلانه منه وهو يناظرها وماحست الا وهي مرفوعه 
غطت وجهها بخجل: ركون نزلني
راكان: والله منزلك لين تقولين احبك 
دانه بخجل: احبك
راكان بفرحه ضمها من ورا : فديتها حبيبة قلبي دنوويتي 
نزلها ولفها له: رفع وجهها بيده قرب منها و .. « خايف على مشاعركم 😅 

بنفس هالوقت في نفس الفندق بس بغرفة ثانيه 

دخلت ودخل وراه 
جلست عالكنبه وقعد جنبها مسك يدينها 
بتوتر: مبروك ميشو 
ناظرته بخجل: يبارك فيك 
هتان قرب وجهه لوجهها وقال وهو يقرب عالاخر لين ماشسمه ذا 😉 : أحبك 
قامت بتوتر وخجل : بتروش 
هتان قلبه بيطير : انزين وانا بدخل الثاني عشان نخلص مع بعض « وغمز لها 
دخلت الحمام ووجها محمر خجل تروشت ومسحت المكياج وطلعت لقته قاعد وحاط رجل على رجل : نعيما 
مشاعل : الله ينعم عليك « بقلبها : مسرع ماخلص 😄😄 
قرب منها وضمها بقوه « طفا النور «مشفر 

ابطالي الباقين 
سعود مايبي يتزوج الا لمن تتزوج الجوهره عشان يرتاح منها ويتزوج
عبدالله خطب بنت عمه هديل 
سطام الله هداه وصار مؤذن بالمسجد الي قدام بيتهم 
سالم وصلاح طلعوا من السجن واهتدوا 
الريم خطبها صاحب هتان اسمه محمد 

بعد مرور خمس سنين 

بصوت طفولي : بابا ودني ملاهي
حملها وباس خدها: ياروح بابا ابشري بوديك وتلعبين لين تتعبين 
بفرحه طفوليه : ياي وناثه 
ابتسمت وهي حاطه يدها على بطنها الكبير : حبيبي راكان روح شوف متعب لايكون مسوي شي بغرفته 
راكان راح وجاب ولده متعب الي كان مشخبط على وجهه من الالوان : دنو شوفي تعوبي وش سوا هههههه 
دانه : يوه متعب حبيبي وش ذا 
متعب بكذب : هو سوا تسذا بودهي 
دانه: يمه منك يالتسذوب 
راكان: ههههههههههه « ناظر بنته: لموس حبيبي روحي جيبي قماشه نمسح وجه اخوك 
راحت لميس وجابت قماشه مبلله مويه 
دانه : حبيبي يله تأخرنا عالجماعه 

وبعد مامسح وجه متعب طلعوا وركبوا سيارتهم 

بمكان ثاني كانوا قاعدين يجهزوا الاغراض بسيارتهم 

ينطنط : ماما ماما ثوفي يويو يدلبني 
ماسكه بتعب من بطنها : يوسف حبيبي لا تضرب يزن ترا اعاقبك 
يوسف بمشاكسات: طيب ميشو
صوت رجولي: قول ماما مو ميشو
يوسف: انت تقول ميشو عادي
ركب وهو يضحك على يوسف: مشاعل وش صار حبيبتي على حملك ان شاءالله مو تعبانه منه؟؟ 
مشاعل: لا تحاتي هتون انا كويسه
هتان بخوف: مابي يصيرلك زي اول حمل مشاعل بحب : لا تخاف حبيبي 

بمكان ثاني 
حمل ولده وباسه على خده: يسعدو حبيب بابا شعولي 
صوت انوثي : سعود حبيبي 
سعود بعشق: ياروح سعود انتي
بغنج ودلع: افتح شنطة السياره بحط الاغراض 
سعود حط ولده مشعل بالسياره وقفل الباب وراح لحبيبة قلبه وضمها بعد ماحط الاغراض بالشنطه: الله يحليك لي يا احلى رهف بالدنيا 
رهف بخجل: ويخليك لي حبيبي 
...

تمت بحمد الله ❤❤❤❤❤❤💋