السلام عليكم ورحمة الله
شلونكم متابعينن
لا تدعوا الروايه تلهيكم عن العباده
البارت ثلاثين ...♠
قطع عليهم دخول مشاعل
ام هتان باعجاب واضح قامت وسلمت عليها : هلا ببنتي هلا بمشاعل شلونك حبيبتي شخبارك ؟
مشاعل بحياء : الحمدلله بخير خاله وانتي شلونك !؟
ام هتان : بخير حبيبتي دوم ان شاءالله
تقدمت مشاعل لريم وسلمت عليها
الريم باعجاب: شلونك !؟
مشاعل : الحمدلله وانتي
الريم: بخير
نتركهم وننزل تحت عند هتان وابوه وراكان
ابو هتان: شلونك ياوليدي مع الشغل !
هتان: الحمدلله يبا الشغل ماشي بس يوم
راكان تنوم بالمستشفى شهر ماداومنا
ابو هتان: الحمدلله ع كل حال اهم شي انه الحين كويس وانتوا رجعتوا لشغلكم
هتان: ايه يبا الحمدلله
راكان كان يناظرهم بس تفكيره عند دانه وكيف الدنيا اخيرا بتجمعهم اليوم
تنهد وابتسامه شاقه وجهه
هتان لاحظ سرحان راكان وحب يحرجه قال: ابو الشباب شكله مسرح عند خطيبته الي توها ماصارت خطيبته ههههههههه
راكان متفشل مسح وجهه بيده وعطاه نظره سدحت هتان ضحك : ههههههههههه
عصب بو الشباب
راكان قام : عمي وش تشرب !؟
ابو هتان: ابي شاهي
راكان يصب الشاهي : تفضل
رن جوال هتان ناظر الشاشه وفز قلبه وهو يرد : هلا وفجاءه
ا امري ،، ابشري يمه جاي « قفل وقلبه يدق بقوه : امي تقول اطلع عشان تشوفها وتشوفك
ابو هتان: الله يتمم لكم على خير
راكان بنص ابتسامه وبخبث: روح الحق عليها لاتطير ههههههه
هتان: يعنني ارد الحركه « ضحك وطلع
ركب الاسنصير وطلع
طلع ومشى للشقه ودق الباب
شوي وفتحت له الريم: تفضل ادخل مشاعل تنتظرك
بلع ريقه وهو يدخل ومدنق راسه وقلبه يدق بقوه قعد قبالها رفع راسه يناظرها وهنا قلبه حس انه بطلع وعيونه بتطير
قعد معلق عيونه فيها ومفهي
مشاعل قلبها يدق ومستحيه رفعت عيونها تناظره بس نزلتهم بسرعه وهي تقول ببالها: شفيه الدلخ يناظرني افف اصلا اعرف شكله مو لازم اشوفه
قام وقعد جنبها تنحنح: شلونك مشاعل ؟
مشاعل بحيا تلعب باصابعها: بخير وانت
هتان بابتسامه: تمام دام غلاي انا تمام
مشاعل بحياء نزلت راسها رفع يده وحطها على دقنها ورفع راسها بشويش ناظر بعيونها وقلبه فاز من الفرحه: ميشو مشاعل ناظرتها وخدوها محمرين: لبيه
هتان مسك يدها وهمس : أحبك
نترك العرسان وندخل جوا
ام هتان بابتسامه: ماشاء الله كلامك وثقافتك تبين انك مخلصه جامعه
دانه بخجل: تسلمين خالتي من ذوقك
قامت مسكت الدله وصبت لها ومدته تعطيها فنجال القهوه
رن جوال ام هتان وردت: هلا .. ايه خلصنا .. يله نازلين « وقفلت الخط
ام هتان: يله يمه قومي لبسي عباتك وقولي لهتان يسبقنا
الريم قامت : ان شاء الله يمه
بعد خمس دقايق طلعوا اهل هتان
رمت نفسها عالسرير بتعب: وه تعبت
قعدت عالكنبه : لو تشوفييينه دنوو ذرب اتكييت اسلوب ولباقه اويلي ذبحني
دانه: الله يتمم لكم على خير
سمعوا صوت باب الغرفه ينفتح وتطلع جود وتقعد قالت بفهاوه وكلها نوم: وش صار معكم سولفولي
نترك البنات ونروح الدمام عند سعود
قاعد في سيارته ويفكر
بباله: انت ليش ميت عالبنت هالكثر وانت ما شفتها ولا تعرف شكلها بس ثلاث مواقف الي حصلت لك معها
يعني معقوله حب من اول لقاء اعجاب ويزول مع الايام
حط يده ع راسه يفكر وهو عاقد حواجبه سمع صوت جواله يرن ناظر الشاشه ورد وهو مبتسم: هلا باحلام هلا شلونك
احلام بابتسامه: الحمدلله بخير شلونك سعود شخبارك انت ؟
سعود : بخير دام اختي الطيبين بخير و كيف مشعل شخباره !؟
احلام وردت خدودها : مشعل بخير بغيت اقولك سعودي انت سافرت الدمام بسبب امي وابوي صح !؟
سعود عض ع شفاته : ايه
احلام: طيب ماينفع تزعل نفسك عشانها ابوي وامي صح يدورون المناصب واهل العز ومايفكرون بمشاعرنا بس بالنهايه يضلوا ابونا وامنا
سعود يفكر بكلامها : ايه صادقه طيب انا ابي اتزوج بس مابي الجوهره تكفين
احلام: انا بقنع امي انها تهون عن الجوهره وبقول لها زوجيه وحده اهو مقتنع فيها وبنفس الوقت تعجبكم
لمعت فكره براس سعود وقال بسرعه: احلاااام تعالي مو انتي عندك صديقه تموتين عليها وهي بنت وزير ؟؟
احلام: ايه لتكون تقصد عُلا !؟
سعود : شرايك فيها اكيد تعرفين عنها كل شي واكيد
قاطعته احلام بضيق: علا لا تفكر تاخذها ماهي مناسبه لك ابدا
سعود عقد حواجبه: ليش وش فيها ؟
احلام: الله يستر عليها انت ماعليك الله بيرزقك بالي احسن منهم كلهم
سعود تنهد: ان شاء الله اصلا ماني مستعجل لا صار عمري ٢٧ اخطبوا لي
احلام : هذي حياتك حبيبي ماحد يقدر يغصبك على شي
سعود يصرفها لانه مل مناقشات: طيب حبي انا استئذنك حلوم « وقفل الخط بعد ما ودعها
شغل سيارته ومشى عند كوفي يروق
نتركه ونرجع الرياض
كانوا قاعدين بالسياره ويسولفوا
.. : شفت عبدالله وش سوا في صلاح والله يستاااهل محد قاله يسوي الي سواه
.. : يا رجل ذا يبيله تربيه من اول وجديد
.. : خلنا منه الحين انت قلت لابوك عن دانه صح ولا ؟؟
.. : هتان انت تدري ابوي وافق بس رفع يدينه عني وقالي كل شي عليك
هتان تنهد: ايه ادري بس يعني انت الي بتدفع مهر او هو ..
قاطعه راكان : نعم نعم نعم ؟؟؟ يدفع عني المهر ؟؟ لا بالله وش رايك بعد يشتري البيت والعفش ومره وحده يصرف علينا
هتان : يعني انت بتقنعني الحين انك قادر تدفع لها المهر وتشتري بيت وعفش وتدفع للكهرباء والمويه وبنزين ؟؟
راكان : هتان انا معي بالبنك ٥٠٠ الف ريال اقدر اعيشها ملكه لو في دور فله وعفش احسن مايكون وجديد بس تدري كيف
هتان : كيف ؟؟
راكان: ابي اسوي مشروع يصب علي الفلوس صب وهالمشروع وين ماتروح ناجح لو تروح اقصا شمال وغرب وجنوب وشرق الكره الارضيه
هتان رفع حاجب: ووش هالمشروع ذا ؟؟
راكان بابتسامه: الاكل
هتان باستغراب : الاكل ؟!
راكان : يعني يا ذكي بشتري عربانه كبييره واحط بها ثلاجه وغاز ومخزن حق الاكل وطاوله فيها عدة ادراج وهالعربانه بربطها بسيارتي من ورى وتمشي معي
ان رحت حديقه ولا ممشى ولا بر تلقى الناس تهب عالاكل مره ابشتري ايس كريم كون زون او باسكن روبنز او لندن ويله بيع ومره اشتري خبز الصاج ودجاج وسوي شاورما وبيع واكسب الخ
هتان : وعادي تشتغل كذا ما تتفشل ؟!
راكان: اتفشل !؟ وليه اتفشل شغل حلو ونظيف وشريف ويصب علي فلووس الشغل مو عيب العيب بالشخص نفسه
هتان: طيب يابو درر حلو واعتبرني معك
راكان يبي يغيظه: وظفت نفسك ماشالله
هتان : هههههه مالت عليك
راكان شغل السياره ومشى : خل نروح ناكل انا جعت
نتركهم ونروح للبنات بالسوق وكانوا واقفين يشترون فساتين لملكتهم
ناظرت ساعتها وشهقت: جوود مشاعل الساعه ٨ وللحين راكان ما اتصل عشان نروح نكتب الكتاب
مشاعل : طيب يمكنه انشغل مع الشباب
جود بقلبها : ياليت اقدر اشوف سعود
رن جوال دانه ناظرت الشاشه وكان راكان ردت بخجل : الو راكان
راكان: لبى هالصووت يا ناس ها حبيبتي خلصتوا ؟
دانه بخجل: ايه خلصنا
راكان : طيب حبيبي انزلي عشان نروح المحكمه نملك
دانه بخجل اكثر : ان شاء الله
قفلت الخط ناظرت البنات : يله ننزل
اخذوا الاكياس ونزلوا وركبوا مع راكان
بالسياره
هتان قلبه يدق بسرعه من شاف مشاعل
اما راكان مختبص وحالته حاله من دانه
ونفس الشي مع البنات
هتان : راكان انت بس تنزل مع دانه انا باخذ جود ومشاعل اوصلهم الشقه وبعدين ارجع لك
راكان : فكره زينه
بعد نص ساعه مع الزحمه وصلوا المحكمه
نزل راكان مع دانه اما هتان ركب مكان السايق واتجه للشقه
بالمحكمه
القاضي : دانه هل تقبلين الزواج براكان ؟
دانه بخجل نزلت راسها وهمست : ايه
القاضي : راكان هل تقبل الزواج بدانه ؟
راكان شاق الوجه : طب .. اقصد ايه
القاضي ابتسم على حماس راكان : مبروك منك المال ومنها العيال
راكان بفرحه كبيره : عقبالك
القاضي ضحك : متزوج وقاضي اناههههه
راكان : ههههه الله يسعدك
عند هتان بالسياره كان يمشي على اقل من مهله لانه كان مستمتع بوجود مشاعل
هتان : بنات ماتبون قهوه ودونات او عصير وكيك ولا اوديكم البقاله تشترون ؟
جود ومشاعل : .. « لا رد
لف راسه عليهم : لو اكلم الجني كان رد الله يصلحكم كل ذا خجل « وغمز لمشاعل مشاعل نزلت راسها بخجل وابتسمت
جود ناظرته : ودنا لسنابل السلام نشتري كيكه حلواني لدانه وودنا د.كافي عشان نشتري شي
هتان : ابشري الحين اوديكم
مشاعل ودها تتكلم معه بس خجلانه
بعد سبع دقايق وصلوا سنابل السلام شروا قطع كيك مشكل وبعدها وداهم ل د.كافي عشان يشترون قهاوي
عند راكان بعد ما كتبوا كتابهم طلعوا وقعدوا بره ينتظروا هتان يجي
راكان بقلبه : الحين دنوي صارت حلالي يعني لو اضمها بالشارع محد متكلم بس تخيل اضمها بشارع وين حنا فيه ههههههههههه والله حدك متحمس ركيين
مسك يدها بحُب : دانه
دانه بخجل : هلا
راكان : لا مو هلا قولي لبيه
دانه بخجل : لبيه
راكان : لبااااك يا كلي « ناظر بعيونها وقال من كل قلب : أحبك
دانه شوي وتموت حياء : وانا بعد
راكان : انتي ايش !؟
دانه : أح « بلعت ريقها : أحبگ
راكان طاير من الفرح رفع يده ومسك عقاله وضرب فخذه خفيف : يطعني انا
يالبى حبك يالبيييهه اعشقك ياهلي كلهم
دانه بخجل ضحكت : منحرم منك حبيبي
نترك عرسانا ونرجع لهتان
كان يمشي بسرعه عشانه تأخر عليهم وبس وصل رن على راكان : هلا فيك وينك يالمعرس ؟؟ ... اوك يله جايك
« وقفل الخط ومشى وصفط لهم
فتح راكان الباب لدانه وقفل الباب وركب قدام
هتتذا ان باستهبال : شو تزوجت حبيبي خلاص انا شو بكرهك هلأ طلقني يله
راكان ابتسم وكمل : شو بك حبيبتي عادي سنة الحياه اتزوج ثنتين وثلاثه
هتان: كمااان تتزوج ثلاثه واربعه شو طماع ما تشبع يالاسباني ياحيوان
دانه تضحك عليهم بوضع الهزاز « 😂😁
راكان مسوي عصب : بتسبي زوجك ياموزه انتي طالق
هتان شهق : انت بتئول ايه طلئتني يا مصطفى
راكان انفجر ضحك : ههههههههههههه شلون صرت مصريه توك كنت لبناني
دانه ما تحملت وضحكت عالخفيف
هتان : سر المهنه هههههه
وصل هتان للشقق نزل راكان وفتح باب الي بجهة دانه : يله حبيبتي
نزلت دانه ومسك يدها راكان دخلو الشقق وطلعوا لشقة البنات بعد ما تأكد انها دخلت نزل وركب مع هتان
دخلت دانه وهي معقده حواجبها لان الشقه انوارها مطفيه فتحت الانوار وفجاءه
دخلت دانه الشقه وعقدت حواجبها باستغراب لان انوار الشقه مطفيه
وفجاءه حست بشخصين يضمونها بقوه ويصارخون : مبروووك مبروووك
وخروا عنها وفكو الانوار
دانه بابتسامة : يقطع بليسكم رجيتوني هههههه الله يبارك فيكم عقبالك جود والله يتمم عليك ميشو
مشاعل : أمين
جود : لا انا بدري علي
مشاعل : امشوا نسوي حفله
جود : هتان ودانا وشرينا كيك وكوفي
دانه : يالبيه مشكورين
قعدوا البنات عالكنب وكان قدامهم طاوله وعليها حلويات وتسالي ومشروبات فكوا الاغراض وقعدوا يسولفوا وياكلوا
الساعه ١٢ الليل في شقة راكان وهتان
كان هتان منسدح ويفكر بمشاعل
اما راكان كان يفكر بسفره وكيف رح يترك دانه اسبوعين عشانه يبي يروح يسجل ويكمل ماجستير هناك
قطع تفكيره صوت جواله ماظر الشاشه وكان ابوه رد: هلا يبا ،، بخير الحمدلله وانت شلونك ،، وخواني شلونهم ،، امر يبا ،، ايه بكره السفر الساعه ١ الظهر « عدل جلسته : يا يبا صرت حاجز ،، ليش وش فيك يبا حنا متفقين من زمان !!! ،، يا يبا ،، طيب خلاص ،، باي « قفل الخط ورمى الجوال عالسرير بقهر
هتان ناظره وهو رافع حاجب: وش فيك؟
راكان بضيقه : ابوي ما يبيني اكمل جامعه يقول بكره الساعه ثمانيه الصبح الغي الرحله عشان ماتروح عليك الفلوس
هتان : لا والله ؟؟؟!!! وش تلغيها ما تلغيها يبا انت متفق معه تملك على دانه وتسافر صح ولا لا ؟؟
راكان بغبنه : قلت له قالي غيرت رايي
هتان بقهر: يالييل ابوك ذا
راكان بقهر انسدح وغطى نفسه بالبطانيه : عادي تعودت عالغبنه الي تجي من ابوي
هتان قام وقعد على سرير راكان: ركون ادري انك متضايق من ابوك بس عادي يمكن تكون خيره لا تزعل منه
راكان ماسك العبره: مو هامني لا تحاتي
هتان يعرف لراكان قال: طيب بخليك بكره نتفاهم تكون ريحت شوي
راكان باستهبال: طيب يا زوجتي المتفاهمه
هتان باستهبال: عايز قبله
راكان : انقلع لا اهب فيك قال قبله
هتان : هههههههههه طيب « ورجع لسريره وهو يضحك عالهزاز
نتركهم ونروح لمكان اخر لشخص ثاني
بنفس هالوقت
كان قاعد عالشاطيء وياكل
لان له يومين ما اكل شي
فجاءه جت بنت ووقفت عنده:لو سمحت
ناظرها وهو يبلع اللقمه: هلا
البنت بتوتر : أبيك بموضوع بس الليل متأخر ممكن اعطيك رقمي وتتصل علي بكره او تعطيني رقمك
رفع حاجب: تعرفيني اعرفك ؟!
البنت بتوتر: لا مانعرف بعض بس ان ما،،
قاطعها وهو يطول جواله: سجلي رقمي ودقي علي بالوقت الي يناسبك
البنت بيد ترتجف سجلت رقمه وراحت بسرعه بعد ما شكرته
كمل اكله وهو يفكر كيف يرجع ويكلم اهله عن جود اذا رجع للرياض
اليوم الثاني الساعه ١٠ الصباح
في شقة الشباب
قاعدين بالمطبخ ويفطرون
راكان: اقول شرايك نروح البر نشوي بما اني لغيت الرحله
هتان: فكره حلوه ونقول لسعود وعبدالله
راكان: اكيد انصافنا شلون ما نقول لهم
هتان: خلاص اتصل على عبدالله وانا اكلم سعود ونقول لهم يجيبون قطتهم
راكان: ايه زين
سعود يستهبل بدلع: اقول حبيبي مارح نطلع طلعه رومنسيه
راكان رمى عليه علبة المناديل: انا قلت ذا يتزوج يعقل لا خطب وانهبل زياده
هتان: ههههههههههه يعني الواحد مايمزح
راكان: لا امزح امزح
هتان قام: شبعت خلاص ورانا شوي
راكان قام: طيب يله خل ننظف المطبخ
نتركهم ونروح للبنات بشقتهم
جود: بنااات قوموا يله يكفي نووم
مشاعل بكسل: ياربييه جود تو النااس
دانه رفعت البطانيه عن وجهها: سويتي فطور طيب ؟؟
جود: ايه سويت فطور ومعه شاهي
مشاعل: بنعناع ولا حبق ؟
جود: يالييلك ميشو قومي بس غسلي وجهك انتي ودانه و تعالوا افطروا يله
بعد خمس دقايق قعدوا البنات عالطاوله
دانه: بنات ودي اليوم نطلع مكان مليت من جو الشقه
جود: خل العيال يطلعونا مول شي
مشاعل: بعد الفطور اكلم هتان اشوفه
بعد ربع ساعه خلصوا البنات فطور وقعدوا بالصاله
جود بحماس : يله ميشو كلمي هتان
مشاعل تناظر رقمه وقلبها يدق ووجهها احمر همست: انزيين
دقت ورد عليها بلهفه: هلا بعيوني ترا اليوم لو ما رديتي على اهلي ياويلك
مشاعل بخجل: انزين
هتان: فديتها والله
مشاعل بخجل: افداك الا بقولك حبيبي هتان البنات ودهم يطلعون
هتان ذايب على كلمة حبيبي: يا روح حبيبي يا قلبه وعمره انتي
مشاهل شوي تموت خجل: هتااان
هتان: روووحه انتي
مشاعل بخجل قفلت الخط : هفف
دانه وجود : هههههههههههههههههههه
ناظرتهم: يارب تصير فيكم
دانه: آميين ههههههههه
جود تذكرت سعود وحست بضيقه بس تجاهلته وابتسمت للبنات
دانه: ها وش قال لك ؟
جت ترد بس رن جوالها وردت بعد اربع رنات : الو
هتان يبي يقهرها: طلبك مرفوض عشان مره ثانيه تقفلين الخط « وسكت
مشاعل لوت فمها: هتان اسفه بس يعني انت خجلتني بكلامك
هتان ذايب على صوتها ودلعها: لا مافيه
مشاعل: تكفى هتاان اخر مره والله
هتان: قولي احبك عشان اسامحك
مشاعل بخجل: آحبك « وصارت تهوي بيدها على خدها من الخجل
هتان بطير من الفرحه: وانا اعشقك وامووت فيك بعد
مشاعل بخجل: ااء شسمه اقول للبنات انكم وافقتوا
هتان: ابوك يالتصريفه ايه قوليلهم وافقوا مشاعل بفرحه: شكرا « ومن الحماس قفلت الخط : وافقوا وافقوا « شهقت: اوبس قفلت الخط بوجهه
دانه: ابشرك انه نوا عليك هههههههههههه
جود: ههههههههه
بالدمام عند سعود الساعه 12 الظهر
كان يزبط بسيارته عشان يرجع الرياض
ركب السياره وشغلها قرأ اذكار السفر ومشى وبعد شوي رن جواله ناظر بالشاشه وكان رقم
رد وكان يدري رقم مين: الو
صوت بنت: هلا معليش اني داقه بهالوقت بس صراحه ماقدر ادق الا بهلوقت
سعود وهو يفكر: لا ما عليك اختي
تنهدت وقالت بتردد: اخوي صراحه الموضوع يخصني انا شخصيا
سعود بدون اهتمام : ايوه ؟
البنت: انا اهلي ماعطوني جوال وشريت من وراهم جوال وشريحه
سعود: ايوه ؟؟
البنت: مالك بالطويله بجيك للمهم بعد فتره تعرفت على شاب وحبيته ووثقت فيه وعطيته صوري
سعود بقرف منها: والحين تبين تقولين ساعدني صح ؟؟
البنت بفشله قالت بصوت هامس: ايه
سعود: اسف مقدر اساعدك بشي
البنت خنقتها العبره: طيب مابجبرك
سعود: اخليك وراي سفر
البنت قفلت الخط ونهارت تبكي
سعود بقلبه: ليش ما اساعدها وش وراي كسرت خاطري مع اني معرفها بدق عليها بس اوصل الرياض وافهم منها كل السالفه واعرف منهو ذا واخذ رقمه
نرجع للرياض عند الشباب بنفس الوقت
راكان: هتان بسرعه تأخرنا على عبدالله
هتان وهو يحط سلة الاكل في شنطة السياره: طيب طيب « قفل باب الشنطه وركب قدام : اول شي مر البنات نوصلهم مول يقعدون به
راكان ناظره: مووول عالظهر ؟!!
هتان: يبون يطلعون طفشوا من الشقه
راكان: لا مافيه المغرب لا ردينا وديناهم
عشان نكون معهم
هتان: طيب اقولها المغرب بنمركم
راكان: ايوه
بعد مرور ساعه الا ربع وصل راكان مع عبدالله الثمامه وكان مع عبدالله اثنين من الشباب من ربعهم في الشغل
واحد من الشباب: راكان سعود بجي ولا ؟
راكان وهو يولع الحطب: ايه بس متأخر لنه له ساعه طالع من الدمام
هتان: انا حاسب انه يوصل ثلاثه ونص كذا
عبدالله: يا زيد جيب السله من الطبون
زيد اخذ السله وراح: هاه شباب بتشوون على طول ولا بعد الحلا ؟؟
هتان: لا ثلاثه نبدا شوي
زيد: اها محمد لو سمحت صب لي قهوه
راكان: اخص زيدوه صاير محترم
زيد: من زمان محترم ههههههه
هتان يستهبل على زيد: ايه من زمان يعني قبل دقيقه ههههههههه
زيد وهو يشرب قهوه: احترموا عمكم
عبدالله: تخسى والقول هههههه
الشباب : هههههههههههههه
الساعه 3 العصر عند البنات
دانه قاعده والبنات جنبها يسولفون
مشاعل: تذكرون نوره الي بالدار
جود: ايه الحقوده ماغيرها
دانه: جودي عيب
جود سوت بلسانها يعني ماهمها
مشاعل : طلعت مع ملاك والبنات من الدار
دانه : اما متى طلعوا ؟؟
مشاعل : امس الظهر تكلموا البنات عالبيبي بالقروب
جود جت تتكلم بس فجأه مسكت قلبها وشهقت وطاحت
مشاعل ودانه بصراخ: جووووووود
بالمستشفى مشاعل ودانه واقفين بالانتظار
مشاعل: اكلم هتان ؟!
دانه: لا تكلمين الشباب خلهم مستانسين جود يمكن فيها دوخه لا اكثر
مشاعل: قلبي يوجعني وخايفه عليها
دانه: ان شاءالله مافي الا الخير
نروح لسعود كان واقف عشان يصلي الظهر والعصر وبس خلص اشترى اغراض وركب سيارته ومشى
حط اناشيد يتسلى فيها بما انه يكره الاغاني في السفر
رن جواله ناظر الرقم وتنهد : الو
صوت بنت يرتجف: انا اسفه بس بس ..
قاطعها : وش فيك ؟؟؟
البنت تبكي وصوتها يرتجف: ارسلي صوري وقالي لو ماطلعتي معي بفضحك سعود بقلة صبر: وش هالبلا الي طاح على راسي انا وش دخلني فيك طيب ؟! روحي للشرطه وقوليلهم ولا كلمي الهيئه انا مو ناقص عوار راس ترا
البنت بصدمه من كلامه : صح كلامك انت وش تقرب لي عشان تساعدني اصلا انا غلطانه اني جيتك من الاساس عبالي انك اجودي وكفو وذيب طلعت ولا شي « بلعت ريقها وهي تشاهق وقفلت الخط
سعود وده يذبحها: اجودي ذيب قلعتك انتي والي رباك عالغلط شعلي منك انا !! استغفر الله بس ناس ما تتوب ولا تتعظ الا لمن تطيح بالغلط
دعس بنزين وهو منغاظ منها
بنفس الوقت عند الشباب
راكان : يله شباب خلنا نبدا شوي سعود على وصول
زيد : انا بساعدك بالشوي
محمد : وانا بشوي الكستناء
عبدالله تركا عالمركه: وانا بكمل حلا لا تخلصون
هتان وهو يصب قهوه: صح علييك
راكان ناظرهم: الدور الثاني عليكم ترا
هتان: ليه فيه دور ثاني ؟
عبدالله باستهبال: مافي مصف سيارات طيب
ناظروه بنظره يعني يا سمجك
عبدالله حك خشمه: هههه امزح
بعد نص ساعه صفت سياره عندهم
فتح الباب ونزل
قاموا الشباب: يا هلا . منور . ارحب . الحمدلله عالسلامه . هلا وغلا
سلموا عليه وقعدوا
هتان: حظك وصلت على اخر الشوي
ابتسم: مشكورين والله لكم رده علي
راكان: تسلم الا شلون السفر ياسعود
سعود: الحمدلله سفره مريحه
نترك الشباب ونرجع للبنات بالمستشفى
منهاره لمن سمعت الخبر وقلبها منقبض ويوجعها
والثانيه مصدومه وتناظر الارض بعدم تصديق
الدكتور بحزن على حالتها : ترحموا عليها ما تحتاج منكم الا الدعاء
استوعبوا البنات كلمته وانهاروا بكي
الشباب ماعرفوا الا متأخر ورجعوا وهم متنكدين وحالتهم حاله
راكان ماسك يد دانه ويهدي فيها
هتان قاعد جنب مشاعل ومتضايق عليها
اما سعود مصدوووم عالاخر وماهو مستوعب ان جود راحت خلاص !!!!!
راكان : حبيبتي دانه شلون ماتت « نطق الكلمه الاخيره بصعووبه
دانه هزت راسها وهي تبكي يعني مدري
قام راكان وراح للدكتور: دكتور لو سمحت ابي اعرف شلون ماتت جود ؟
الدكتور: مكتوب بالتقرير انها كانت تعبانه نفسيا وعقليا وقلبها توقف فجاءه
راكان: شلون تعبانه نفسيا وعقليا ؟؟
الدكتور: يعني كانت تفكر اوي اوي وتكتم بقلبها وقلبها ماستحملش الكتمه دي وماتت
راكان بحزن: مشكور « ورجع للبنات
قبل هالوقت لمن راح راكان للدكتور
سعود كان واقف وبس شاف راكان راح راح ووقف عند دانه: دانه
دانه ناظرته بعيون غرقانه دموع: هلا
سعود بلع ريقه وبصعوبه: شلون ماتت ؟
دانه مسحت دموعها وقالت بصوت مبحوح: مادري كيف كانت تسولف معنا
وفجاءه حطت يدها على قلبها وطاحت
سعود بغبنه وحزن يقتل: اها « رجع مكانه وهو غرقان تفكير وحزن على حبيبته الي حبها وماقدر يسعدها بيوم
شاف راكان جاي راح له بسرعه: وش قالك الدكتور؟؟
راكان بضيق: سقطه قلبيه
سعود برجفه: سقطه قلبيه ؟!!!
راكان : ايه
وقف عندهم: كيف ماتت ؟
سعود. نزل راسه بحزن قال راكان: سقطه قلبيه
بحزن: انا لله وانا اليه راجعون
بعد خمس ايام من الحزن والبكاء
بشقة البنات
مشاعل بحزن: عيب تأخرت عالناس بالرد
دانه نفس حالة مشاعل : طيب اكتبي لهم رساله انك موافقه
مشاعل: الظاهر ملكتنا بتطول
دانه: الله يعين
نفس الوقت عند الشباب بالشغل
راكان: هتان ترا مو باقي الا اسبوع وتجي حفلة ملكتي مع دانه قول لمشاعل تستعجل عشان نصير مع بعض
هتان: عاد اكيد نفسيتها شينه عشان جود راكان: الله يرحمها الحي ابقى من الميت
هتان: بتصل عليها اليوم اشوفها
جا بسرعه ووقف وهو يلهث: شباب عبدالله يبيكم عشان توزيع الرواتب
هتان وراكان شقوا الوجه: يله جايين
بمكتب المدير عبدالله
عبدالله وزع الرواتب عالموظفين وكالعه راكان وهتان اخر شي عشان يقعد يسولف معهم
عبدالله: وش صار على خطبتك يا هتان وافقت البنت ولا باقي ؟
راكان: تونا كنا نسولف عنها
عبدالله: ايوه؟
هتان: بكلمها اليوم ان شاء الله
عبدالله : الله يسهل لكم
عند سعود بنفس الوقت
كان جالس ونفسه مسدوده عن كل شي
دخلت اخته وقعدت عنده : سعود حبيبي مايصير كذا
تسوي بنفسك والله
سعود ببرود: طيب
تنهدت: سعووود
سعود: نعم ست احلام
احلام : بنزوجك الي تسعد وتنسيك جود وطوايفها
سعود: احلامووه لا اصكك بذي « واشر على علبة مناديل
احلام: طيب طيب
سعود تغطى بالبطانيه: ابي انام اطلعي
احلام قامت: طيب « وطلعت بعد ما طفت النور
فتح نور الجوال يعلن عن وصول رساله
بس ماعرف لانه مسويه صامت
بمكان بعيد عن الرياض
صوت رجال:قلت لك بجيب راسه زي ما ذلك
بخبث :ادري انك كفو يالذيب « وباست خده
ابخبث اكبر: فدوه هههههههه
نهاية البارت 30
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!