رواية اخفيت انوثتي بثوب وشماغ الفصل الثامن والعشرون 28 - بقلم غير معروف

البارت سته وعشرون …♠

الساعه 10 الليل في مركز الشرطه
حمد واقف وماسك اعصابه ويناظر في سالم : لا لا صراحه ابداااااع خطتكم « ضرب الطاوله بعصبيه : تستهبل انت ووجهك ؟!!
مسوي كل هالهيصه عشان تسفر خويك ويتعالج على حساب غيره انت مريض ولا مجنون لا و بعد تهدد بنت مالها احد ويتيمه « وبكل عصبيه رفس الكرسي: خذوه ودوه السجن سنتين سجن بحكم الاعتداء والتعدي عالغير
سالم بقهر: وش سنتين ذي
حمد: احمد ربك لا اخليها ثلاث وبعد صلاح متهم بالتعاون معك بس العقوبه مخففه عنه سنه بس
تركي مسك سالم وصلاح وطلع 
حمد ناظر فيصل : فيصل من الحين لين يقوم راكان من غيبوبته ابيك تصير حارس شخصي لدانه ومشاعل 
هتان بسرعه: لا ما يحتاج طال عمرك « ناظر مشاعل بخجل وابتسم ناظر حمد: بتزوجها
مشاعل بصدمه وخجل نزلت راسها وابتسمت تحت النقاب
حمد ابتسم: اجل مبروك مقدما منك المال ومنها العيال 
فيصل والشباب : مبروك 
هتان بابتسامه وسيعه : مشكورين
دانه مسكت يد مشاعل: انا بطلع مع مشاعل تأمر بشي اخ حمد ؟!
حمد : لا وربي يحفظكم
طلعت دانه مع مشاعل 
قالت مشاعل: دنوي اكيد جودي الحين تحاتي وتبكي
قطع عليهم هتان : بنروح نجيبها وناخذ اوراقكم ونطلعكم 
من الدار اتوقع كفايه تقعدون فيها 
مشاعل بخجل نزلت راسها 
قالت دانه : ايه صح كلامك 
هتان يناظر مشاعل المستحيه وابتسم: يله تعالوا السياره 
فيصل وقف عندهم : اخ هتان اتمنى انك تنتبه للبنات كويس
هتان بابتسامه : افا عليك لا توصي حريص 
فيصل مد يده يسلم عليه: بالتوفيق يله استئذنكم 
هتان سلم عليه : الله معك 
ركبوا البنات بالسياره وركب هتان شغل السياره ومشى لدار الايتام وكانت دانه توصفه له 
بعد نص ساعه مع الزحمه وصلوا الدار 
لف هتان عالبنات: دانه نامي هالليله عندهم ومن بكره ان شاء الله انا بجي واطلعكم 
دانه : طيب « ناظرت لبسها وقالت : شلون بنزل لهم كذا ؟!
هتان لوى شفته ناظر مشاعل: مشاعل انزلي جيبي عبايه من عندك خل دانه تلبسها 
مشاعل هزت راسها باوك ونزلت
دخلت الغرفه بشويش لقتها معتمه وجود لابسه جلال الصلاة ونايمه على طرف السرير : يا عمري جود اسفه تاخرت عليك 
اخذت عباية جود وطلعت راحت لدانه وبس لبست العبايه دخلوا الدار وهتان مشى للشقق 

اليوم الثاني كان يوم الاحد 
الساعه 1 الظهر في دار الايتام
صحت وهي تحس راسها دايخ من البكي وخرت عنها البطانيه: وش جابني هنا !! « ناظرت سرير مشاعل ولقتها نايمه ابتسمت ونزلت لها وضمت مشاعل: ميشو الحمدلله على سلامتك خيتي 
قامت عنها ولاحظت سرير دانه عليه بطانيه واحد نايم عليه عقدت حواجبها وراحت بشويش ووخرت البطانيه وبصدمه : دااااننننههه 
دانه ومشاعل صحوا من صراخها 
مشاعل: شفيك جود 
جود بعدم تصديق : دانه هنا 
دانه بابتسامه فتحت يدينها: تعالي اضمك يالهبله
نطت عليها جود بفرحه : يالبييييه دنوووي وربي حرام عليك تتركينا
دانه بحنان وشوق: ما عاش الي يتركم فديتك
مشاعل : جود اليوم هتان بيجي يطلعنا من هنا وياخذ اوراقنا
جود بصدمه : بنطلع من هنا ؟!!!
الله مبغييينننااا طيب من هتان ذا ؟
دانه: واحد بتزوج مشاعل
جود تستوعب : اووه حركات 
مشاعل بخجل : احم هههه 
جود : ههههه خبله « ناظرت لدانه: متى بيجي ياخذنا طيب ؟!
دانه: اتوقع بهالوقت بيتصل ويقول بجي آخذكم عشآن كذا قوموا تجهزوا وجهزوا أغراضكم 
جود قامت بحماس: طيب 
مشاعل: اوم الحماس كل ذا عشان تطلعين من هنا
جود : تعبت من هالمكآن الكئيب 
دانه: خلاص حبيبتي قريب نطلع ونرتاح كلنا 
رن جوال ومشاعل ناظرت الشاشه وابتسمت بخجل: دنو انتي ردي عليه 
دانه رفعت حاجب: يا سلام عالخجوله هاتي هاتي اشوفه 
« اخذت من مشاعل الجوال وردت: الو هلا هتان 
هتان: هلا بدر « استوعب الي قاله وابتسم: اقصد هلا دانه 
دانه ضحكت عليه : هلا فيك 
هتان: ربع ساعه اكون عندكم إن شالله تجهزوا 
دانه ابتسمت: أوك « وقفلت منه 
ناظرت بالبنات: يله قال ربع ساعه وآجي آخذكم 
جود بحماس قفلت شنطتها وقامت تناقز بفرح: يا سلاااام ونااسه 
مشاعل طايره من الفرح بس ما بينت هالشي: طيب إحنا جاهزات

بعد ربع ساعه جا هتان وطلب من المديره بأمر من الأمير صاحبه أنه يطلع البنات وياخذهم لأهلهم
وبعد معاهدات وتعهدات وافقت المديره وقع على خروجهم وطلعوا مع هتان 
بسيارة هتان هو قدام والبنات ورا
قال بمزح: هالمره ماحد جنبي كني سواقكم باعديها لكم لكن المره الجايه « وقف عن الكلام وناظر المرايه وناظر مشاعل وابتسم وكمل: زوجتي تكون جنبي 
مشاعل من الحيا دوروها ماتلقوها 
جود بطناخه : مبروك مقدما كلووووولليييشش 
مشاعل بحيا قرصة يدها حكت جود مكان القرصه وقالت تحرجها : اوجعتيني يالدبه 
هتان من قلب ابتسم وناظر مشاعل من المرايه 
مشاعل ناظرت عيونه من المرايه ونزلتهم بإحراج
بعد دقايق وصل هتان 
الفندق : بنزلكم هنا يا بنات روحوا لسكرتير وخذوا مفتاح شقة رقم 30 وطلعوا انا بروح اجيب الغداء
دانه: هتان لو سمحت ابيك توديني لراكان 
هتان: مو الحين بعد الغداء اوديك 
فتحت جود الباب ونزلوا وراها البنات وطلعوا الشقه 
دخلوا البنات وصاروا يستكشفوا الغرف وكانت عباره عن غرفتين نوم وحمام وانتوا بكرامه ومطبخ وصاله 
جود: الله هالغرفه جميييله بنام هنا 
مشاعل: وانا بنام عالسرير ذا
دانه تناظر غرفة النوم الي جنبهم وقالت: هذا سرير فردي لي 
مشاعل قعدت بعالكنبه الي بالصاله: اووه احس براحه اخييرا 
جود مشت لها وقعدت جنبها: اي والله أخيرا حسيت بالحريه 
دانه قعدت وجلسوا يسولفوا
تسريع الاحداث 
الساعه 3 العصر وصلوا المستشفى وراحوا لغرفة راكان
جود تناظر فيه وهي خاقه عليه ببالها: ماشالله يجنن بس ليش هو هنا وايش فيه ؟!
مشاعل قاطعت تفكيرها وهي تسئل دانه: دنو الحين هذا راكان ؟
دانه بحزن: إيه هو
مشاعل: طيب ليش هو هنا ؟! 
دانه بنفس الحزن: واحد تعمد يسوي معاه حادث وتغيب 
جود بحزن وشفقه: من متى مغيب طيب ؟! 
دانه نزلت دمعه يتيمه ومسحتها بدون ماحد ينتبه: صار له الحين ثلاث اسابيع مغيب 
جود بتأثر: يا عمري عليه مسكين 
دانه طنشت كلمتها لانها تعرف انها ماتقصدها: يله نطلع خلاص 
طلعوا البنات وكان هتان واقف ينتظرهم ناظر بمشاعل: يله نروح 
مشاعل بخجل ناظرت الارض قالت جود بحماس وبراءه: وين ؟!
ابتسم على براءتها: اي مكان تبونه اوديكم 
مشاعل حست بغيره بس ما بينتها 
قالت دانه: ودينا اي مول نشتري ملابس محتاجين كم لبس كذا
هتان يناظر مشاعل المستحيه ويبيها تتكلم: مشاعل وين تبين نروح 
مشاعل بصوت مستحي ناظرت عيونه بخجل: مع البنات 
ابتسم بحب: اوك يله مشينا 
مشوا البنات معه وراحوا المول الي يشتغل فيه هتان والشباب 
مشاعل تهمس لجود: هذا المول الي شفت فيه هتان 
جودي بابتسامه: ايه صح 
مشاعل: الحين انا خجلانه منه كيف اتحرك بحريه 
جود : لانك خبله بكره تصيرين زوجته ويروح هالخجل ههههه
مشاعل ضربتها على كتفها 
بخفه: ليه شايفتني خفيفة عشان يروح الخجل 
جود ضحكت : كلن يصير كذا بعد الزواج يا هبله مو قصة خفيفه 
دانه : وش تتكلمون فيه ؟!
جود: ميشو خجلانه من هتان 
دانه: هههههه لبى الخجلانه 
هتان يمشي قدامهم التفت وناظرهم يسولفون ناظر مشاعل وقلبه كان يدق بقوه بباله: ااههخخ متى تصيرين زوجتي واسوي الي ابيه فيك براحتي اويلي ويلاه 
دانه قطعت تفكيره: هتان بندخل هالمحل نشتري ملابس 
هتان: اوك انا انتظركم بره مالي بشغل التسوق ونظامكم ذا 
دخلوا البنات وصاروا يناظرون الملابس قطعه قطعه ويحطوا بسله
الي يعجبهم فيها 
بعد شوي قالت جود: بنات أنا بروح اشتري مويه عطشت 
دانه: اوك لا تتأخرين 
طلعت جود وهي تدور كشك او محل يبيع مويه 
من بعيد شخص ما يراقبها ويمشي وراها 
وقفت بحيره ببالها: ابطلع فوق عالمطاعم ماغيرهم يبيعون ماي
وقفت عند الاسنصير ( اللفت ) 
وضغطت على زر وفتح معاها ركبت الاسنصير 
واحد وقف وقال: ادخل عادي ؟! 
جود ناظرته وقلبها بدا يدق: هآ « بعدت للزاويه : ايه ادخل 
دخل وناظرها بعيونه الخضراء الحاده: اي دور تبين ؟! 
جود بحيا: المطاعم
ضغط على رقم ثلاثه قفل الاسنصير وطلع فيهم الدور الثالث وطول الوقت وهو يناظرها وخاق على جسمها الي باين من العبايه وعلى عيونها الزيتيه ،، تنحنح برزانه وطلع من الاسنصير ووقف بعيد يراقبها

نتركهم ونروح للبنات تحت بعد ما حاسبوا طعوا ولقوا هتان بمكانه ويلعب بالمسبحه: ها خلصتوا ؟! 
دانه ومشاعل: ايه 
عقد حواجبه: ماشوف جود !!
دانه: راحت تشتري مويه 
مشاعل بقهر بقلبها: اوف ليش يسئل عنها 
هتان ناظر مشاعل وابتسم: وين وصلتي يا حلوه ؟!
مشاعل باحراج ناظرت بعيونه العسليه : هنا 
ابتسم : حلو ،، تبون مكان ثاني ؟!
دانه: ايه الله لا يهينك نبي نشتري جزم وانت مكروم 
هتان : اوك يله « ومشوا 

نتركهم ونطلع فوق عند جود 
بس شرت المويه مشت وشافت الدرج المتحرك وقررت تنزل فيه وبس نزلت وقفت بحيره: اووه وين المحل الي تركتهم فيه يووه حتى اسمه ما قريته غبيه يا جود
صوت خشن وعميق من
وراها: شكلك ضايعه !
لفت بصدمه ببالها: نفسه ابو عيون خضر : ها ايه ضيعت صديقاتي 
رفع راسه وناظر المكان ورجع ناظرها: آها معك رصيد طيب !!
جود : لا ماشحنته من سنه هههه 
ابتسم جنابي: اممم طيب كلمي صديقتك من جوالي 
جود: لا ماله داعي بدورهم انا 
مشت ومشى وراها: اقول جود 
جود طاح قلبها لفت وناظرته ورمشت : شلون عرفت اسمي ؟!
ابتسم: سمعتك تكلمين نفسك وقلتي اسمك ههههههه 
خقت جود مع ضحكته: طيب
مشت وحست انها تايهه ماتدري وين تروح وهالي ما تدري شسمه لاحق وراها 
قررت تركب المصعد وركب معاها وبالغلط ضغطت على زر b الي هو مصف السيارات
طلعت منه وهي تتأفف ناظرت فيه: ليه لاحقني انت ؟! 
وقف بوقار وهيبه وابتسم 
جود خقت على هيبته: وش تبي مني 
بنفس وقفته ناظرها: بلاحقك لين ترجعين لاهلك
جود نزلت راسها بحزن: … 
رجع خطوه بثقل: أخطيت بشي ؟
جود هزت راسها بقوه ولفت للاسنصير مسحت دمعها ودخلت وهو وراها 
ناظرها وابتسم على جنب 
بباله: دخلت مزاجي هالكيكه 

تعريف بطلنا الجديد 
اسمه سعود عمره 25 طوله 179
يشتغل موظف في البنك 
بشرته اسمر فاتح ونحيف شعره طويل لين كتوفه عيونه خضر على امه الروسيه
ملامحه جذابه وفيها حده ،، رزه وثقيل و انيق مره يحب يهتم بشكله كثير ،،

نهاية البارت سته وعشرين ^*^

رياكم يهمني 

توقعاتكم يا لبى 

استغفر الله واتوب اليه