البارت سبعه وعشرين…♠
الفصل الاول :
في الدور الثاني عند البنات وهتان
بعد ما طلعوا قال هتان: يا بنات مو كن جود تآخرت ؟!
مشاعل بقهر: رجع يسئل عنها !!
هتان ناظرها: وش قلتي ؟!
مشاعل بارتباك: يمكن ضاعت
دانه: بتتصل علينا لو ضاعت ما عليكم انتوا وبعدين هي كبيره تعرف كيف تتصرف
هتان: ايه صح مدري ليش شايل همها !!
مشاعل بقلها : لانك حيوان وتبن
هتان قعد عالكرسي: شرايكم نروح نتحلى يا بنات ؟!
دانه نست حالها وقالت: ايييووهه يالشنب جبتها ابي حلا وقهوه
مشاعل فتحت عيونها بصدمه
ضحك هتان عليها: عادي ذا بدر مايترك عربجته
دانه استحت من عربجتها: لا لا ههههه نسيت نفسي
آخذ هتان جواله ورد على المكالمه : هلا دكتور محمد ؟؟
الدكتور محمد: تعال بسرعه على المستشفى
هتان بخوف: وش صاير دكتور ؟
الدكتور: تعال وتعرف« وقفل منه
دانه بخوف: وش فيه ؟!!
هتان: الدكتور يقول تعال بسرعه
دانه: جايه معك
مشاعل: وانا بعد
هتان: وجود بتقعد هنا ضايعه ؟!
مشاعل بقهر: خليها تعرف تتصرف ماهي صغيره
هتان بصدمه يناظرها : طيب
دانه: جود برسل لها رساله يله خنروح لراكان بسرعه
هتان : طيب يله تعالوا
نتركهم ونروح لجود
قعدت الكرسي بتعب: ياربي وينهم
جلس بعييد: يمكن يدورونك
ناظرته وسرحت بجمال عيونه صحتها ابتسامته الجذابه فت وجهها عنه بخجل وهي تلعب باصابعها بتوتر،، قطع توترها وخجلها رنة رساله من جوالها
طالته من الشنطه وفتحت الرساله وقرأتها ( جود وينك يا بنت تأخرتي اسمعي حنا رايحين حق راكان استعجلي حنا عند البوابه سته ) حطت الجوال بشنطتها
وقفت وناظرته: وين بوابه سته ؟!
قام برزانه: تعالي وراي
مشت وراه وبعد دقايق وصلوا البوابه ناظرت ولقت سيارة هتان بتمشي بشويش
مشت بسرعه وراه ودقت قزازة الشباك حق هتان عشان يوقف
وقف هتان وفتح الشباك: ادخلي
قبل ما يمشي هتان وقفه صوت يعرفه زين: هتان !!
هتان ناظر من الشباك ابتسم فتح باب السياره وسلم عليه: سعود هلا فيك والله لك وحشه يا وحش
سعود ابتسم: والله انت الي لك وحشه تدري جاي عشانك وعشان راكان اليوم بس ما لقيتكم
هتان اختفت ابتسامته: مدري شقولك والله يا سعود بس راكان مغيب من ثلاث اسابيع بسبب واحد صادمه والحين حنا رايحين له نشوفه دكتوره قال تعال بسرعه
سعود كشر: حادث !!غيبوبه !!
شقاعد تخربط انت ؟!!
هتان: اركب اركب واعطيك العلم ومنه تزور الصديق الوفي ههههه
سعود ابتسم: ايه الصديق الوفي ذكرى لا تنسى ههههه « ركب هتان ولف سعود وركب جنبه
جود بصدمه قاعده تستوعب الي يصير ببالها: هالحين هذا ابو عيون خضر طلع يعرف هتان !!!
هتان بباله: يا محاسن الصدف طلعت جود تقرب لصديقي القديم الله يا محلا قدرك
بعد نص ساعه مع الزحمه
وصلوا المستشفى وراحوا له
وقف سعود وهتان عند راسه
ودانه ومشاعل وجود بالجهه الثانيه من السرير
سعود تنهد بألم على صاحبه من الطفوله: الله يقومك بالسلامه يا الصديق الوفي قو قلبك فديتك
هتان ربت يده ع كتف سعود: تدري به هالوحش قوي ما عليك
سعود رفع راسه وناظر جود بتسم جنابي : هتان ابيك بشي تعال بره
طلع هتان ورا سعود
جود بسرعه: دانه من ذا انتي كنتي معهم اكيد تعرفينه ؟!
دانه بانكار: أول مره أشوفه هالسعود !! يمكن صاحبهم بس ما يشتغل معهم بالمول
مشاعل تناظر جود: تدرين هتان كان يسئل عنك طول الوقت
دانه: ايه لاحظت مع انه بس يسئل مجرد خوف تضيع عنا
جود بزعل: وبعدين هو قايل بيتزوجك ليش متحسسه مني
مشاعل: مو متحسسه منك بس
دانه: عادي يبا هي غارت لا اكثر
نتركهم بسواليفهم ونطلع عند الشباب
سعود بتردد: ممم هتان بسئلك انا اعرف ان عندك اخت بس الريم اكبر منك
هتان رفع حاجب: ايوه ؟!
سعود: طيب هالبنات منهم ؟!
هتان: أمانه عندي من أهلهم وحده منهم حبيبة راكان والثانيه بتصير زوجتي ان شاءالله
سعود بقلق حس قلبه ببطنه: ها اها والثالثه من ؟ « قالها وهو خايف
هتان: تقصد جود ذي صديقتهم
سعود براحه: آها « غير الموضوع قبل ما يسئله : الا كيف اهلك وكيف الريم ؟!
هتان ابتسم : والله كويسين وبخير والريم الحين تدرس جامعه
سعود ابتسم: ماشاءالله ربي يوفقها
هتان بباله : باقي تحبها يا سعود
قطع تفكيره سعود: بدخل اشوفه
هتان هز راسه باوك
دخل سعود ولقى البنات قاعدين دخل وراه هتان والدكتور محمد
الدكتور محمد: السلام عليكم
الكل : وعليكم السلام
الدكتور بابتسامه: ابشركم ان راكان اليوم صحى
البنات بفرحه ضموا دانه
وهتان سجد بفرحه اما سعود نزل لمستوا هتان وضمه: الحمدلله
هتان قام وراح لراكان وضمه : راكان قوم قوم خلاص اشتقنالك
سعود مسك يد راكان : قوم يا صاحبي يكفي نوم
هتان باس راسه وحطه على صدره : قوم تكفى
الدكتور : حنا عطيناه مهدئ لانه صراحه لم صحى صار يصارخ ويقول كلام مش مفهوم
دانه راحت عنده: لو سمحت دكتور هو متى قام من غيبوبته ؟!
الدكتور وهو يتذكر: الساعه خمسه المغرب كذا
دانه عقدت حواجبها وقالت بصوت هامس : نفس الوقت الي صار معه الحادث
الدكتور: استئذنكم انا عندي مريض اشوفه
هتان وسعود: يعطيك العافيه
سعود لف وجهه عند البنات وناظر بجود الي كانت تناظره
ابتسم لها ولفت وجهها بخجل
هتان: سعود خل نودي البنات عالشقه ونرجع لراكان
سعود تنهد: يله طيب
هتان: يا بنات يله تعالوا نوصلكم للشقه ترتاحون
راحوا البنات معهم وصلهم هتان للفندق ودخلوا الشقه
اما هتان وسعود راحوا يتعشوا وبعدين يروحوا ل راكان
بالشقه عند البنات
دانه وهي متمدده عالكنبه: بنات انا جوعانه شرايكم نطبخ شي
جودي سرحانه عند سعود قالت مشاعل: ايه فكره « ناظرت لجود
وقالت: جووودي وين وصلتي
جود انتبهت لها ابتسمت: عندكم هههههههه
دانه قامت: واااضح عندنا الله واعلم من خذا عقلك
جود رمت عليها المخده: اسكتي يادبه
مشاعل: قومي قومي بس بنسوي عشاء جوعانين
قاموا البنات ودخلوا المطبخ يسوون العشاء
عند هتان وسعود في المطعم
سعود بتردد: هتان
هتان ناظره: هلا يالغالي امر
سعود بعد مشاورات مع نفسه قال: هتان تدري يعني صار عمري 25
هتان حط يده على خده: ايوه ؟!
سعود انحرج بس تشجع وكمل: وو تدري الواحد يدور الستر
هتان ابتسم لنهفهم قصده: حلو من سعيدة الحظ هذي ؟!
سعود حك دقنه وهمس بصوت مسموع: جود
هتان مسك الملعقه وكمل اكل: تستاهلها ومبروك مقدما
بس تدري لازم اقول لمشاعل تقول لها ونشوف رايها
سعود ابتسم بثقل: مشكور هتان
هتان: افا عليك كم عندنا سعود حنا
سعود بفرحه كبييييره ما اظهرها: الله يسعدك
هتان: عن الرسميه عاد كمل اكل خل نروح لراكان
سعود حرك راسه باوك وكمل عشاه
في المستشفى
فتح عيونه وهو يحس بدفا ويسمع دقات قلبه
كانتالرؤيا مو واضحه عنده عشان كذا كان يشوف
بياض بكل مكان وشوية ظلال
نزل عيونه على خشمه وشاف حق الاكسجين عليه
بباله: انا وين ومن انا ؟؟!! « عقد حواجبه: ايه صح
صار معي حادث مدري مع مين او منهو !! « تذكر دانه
فز بسرعه ومن الشد انفك المغذي عن يده وطاح سلك
الموصل بالنبض حق قلبه
سمعصوت الباب ينفتح ودخلت النيرس مع الدكتور
الدكتور بخوف: راكان « حط يده على قلبه براحه: الحمدلله
على سلامتك يا راكان
راكان يناظره رد بصوت مبحوح : الله يسلمك
راح له الدكتور وربت يده على كتفه: اصدقاءك كل يوم
يجون عندك واليوم جو بس راحوا من ساعه يرتاحون
راكان ناظره: كلمهم دكتور خلهم يجون كلهم
الدكتور: ان شاء الله بس انت ارتاح الحين لين يجون
راكان: دكتور كم لي نايم انا ؟!
الدكتور ناظره وعض ع شفته: شهر ونص
راكان فتح عيونه: اوح كل ذا نايم هذي غيبوبه مو نومه
الدكتور ضحك بخفه: وهي غيبوبه اصلا
النيرس: دكتور يبغا شي
الدكتور: لاتقدرين تروحين « واتصل الدكتور هتان
بعد ما خلصوا عشاهم ركبوا السياره متجهين لراكان
رن جوال هتان ودر لمن شاف رقم الدكتور: هلا دكتور
« فتح عيونه بصدمه وفرح: قااام ،، الله يبشرك بالجنه
جايين الحين ،، مع السلامه
سعود بفرحه مو سايعته: قام الوحش !!
هتان بنفس فرحه: ايييه قااام لازم نجيب له هديه
سعود: ايه وش نجيب له ؟؟
هتان: باقة ورد كبيره وكيكة من محل ال*****
سعود: ايه وانا بعد بجيب له شي يحبه من طفولته
هتان ابتسم: لا تقول انه ال****
سعود بابتسامه: اييوهه
الساعه10 الليل في المستشفى
هتان اول ما دخل الغرفه ركض وضم راكان بقووووه
بشوق كبير: وحشتنا والله ياحيوان الحمدلله على سلامتك
راكان يضمه بشوق وحب: الشوق كله لك فديتك هههههه
هتان بعد عنه ناظره بشوق عطاه كف ورجع ضمه: عساه
اخر ضرر واخر اوجاعك يالبئ
راكان ضحك على حركته: الشر والاوجاع ما يجونك ياعيني
هتان بعد خمس دقايق من الحضن وخر عنه: في مفاجاه
راكان: وش هي ؟!
هتان طلع ودخل شخص ثاني
راكان فتح عيونه عالاخر: سعووووووود
سعود راح له وهو فاتح يدينه وضمه بقووه: اشتقت لك حيييييل
الحمدلله على سلامتك يالصديق الوفي
راكان مسح دمعته بغت تطيح: الله يسلمك والله انا مشتاق لك اكثر
واكثر واكثر
بعد سعود عنه وابتسم قعد على طرف السرير: عساك بخير ياقلبي ؟
هتان قعد عندهم قال راكان: والله الحمدلله افضل حال
هتان قام طلع بره ورجع مع كيسين وباقة ورد كبيره
حطهم عنده: باقة الورد مني ومن سعودي وهذا الكيس « رفعه
وكمل: مني « رفع الكيس الثاني: وهذا من سعود
راكان بابتسامه منحرجه: مشكورين ماكان له داعي كل ذا هههه
سعود: عن الطفاقه والرسميه ترا من زمان ما شفتك ولازم هديه مني لك
هتان رمش بغباء: بقهره يرفس النعمه وغيره يتمناها
راكان وسعود: ههههههههههههههه
قطع كلامهم الدكتور: السلام عليكم
الشباب: وعليكم السلام
الدكتور محمد: الحمدلله على سلامتك يا راكان
راكان: الله يسلمك الشر ما يجيك
الدكتور: انتهت الزياره يا شباب
سعود قام: طيب متى يخرج راكان ؟!
الدكتور: لمن يتعافى كليا نوقع له على الخروج
راكان: بكره بطلع ان شاءالله
الدكتور: ما يصلح الا اذا طلعت على كفالتك
راكان: اطلع على كفالتي مليت من هنا واشتقت لاهلي كمان
الدكتور: طيب بكره يصير خير
سلموا الشباب على راكان وطلعوا
اليوم الثاني الساعه 2 الظهر في شقة البنات
مشاعل قامت بملل من الكنبه: يلعن بوه هالجو وش ذا الطفش
جو ناظرتها بنعس: تو اليوم ما بدا عشان تطفشين
مشاعل جت ترد عليها بس جوالها رن ناظرت بالشاشه وصار وجهها
احمد ردت بخجل: الو هتان
هتان بابتسامه عاشق: هلا مشاعل كيفك ؟!
مشاعل بخجل: تمام وانت ؟
هتان بقلبه: فدييييت هالصوت وفدييت راعيه: تمام بخير
بسئلك مشاعل انتوا تغديتوا ولا لسه ؟!
مشاعل: لا باقي ماتغدينا
هتان: حلو آجل تاي بالطريق مع سعود جايبين لكم غداء
مشاعل بحياء: ماله داعي حنا ندبرها
هتان: لا وش ماله داعي ذي لا اتصلت عليك افتحي الباب
مشاعل: اوك
هتان بدون ما ينتبه: يله حبيبتي مع السلامه
مشاعل تجمد قلبها ودقاتها صارت تسرع وتحس ان جود
تسمع دقاتها من قوتها قالت بحياء: مع السلامه « وقفلت الخط
حطت يدها على قلبها ومسحت جبهتها الي تعرقت خفيف
قامت وبسرعه هجت للحمام تخبي خجلها من جود
جود عرفت وش سالفة مشاعل من وجهها وصارت تضحك عليها
دانه من وراها: شفيك يالدلخه ؟!
جود: ههههههه مشاعل اضحك عليها لو تشوفي وجهها
صار طماطم شكله هتان قالها شي اخجلها
دانه ابتسمت: يليقون على بعض
نتركهم ونروح لهتان وسعود الي نزلوا من السياره
ونزلوا للشقق وتوجهوا لشقة البنات
سعود واقف وقلبه بدا يدق بقوه بلع ريقه وقال بنفسه: ابيها
يا نااس امووت لو ماخذيتها هذي نظره وسوت لي هالعجايب
اجل لو عاشرتها شلوون يصير فيني !!
انفتح الباب وطلعت دانه وهي لابسه عباية ونقاب: هلا
هتان مد لها الكيس وهو منغبن من مشاعل: غداكم
سعود رفع حاجب: مارح ندخل طيب ؟!
هتان ناظره وجره من يده: تعال تعال يبا عبالك انك بكندا
سعود حك رقبته من ورا ومشى مع هتان
دخلت دانه وقابلت مشاعل الي لابسه عبايتها: وين يابوا الشباب؟؟
مشاعل بسرعه طلعت وهي تقول: بعدين اقولك
رفت جوالها واتصلت على عالرقم ورد صوت منقهر: نعم ؟
مشاعل بحياء: هتان وينك ؟!
هتان: ليش شتبين ؟!
مشاعل بحياء: ابيك شوي
هتان ابتسم: طيب جايك »» قفل الخط ونزل من السياره
بعد ما قال لسعود ينتظره
دخل الشقق وطلع بالمصعد لقاها واقفه عند باب شقتهم
راح لها وهو مبسوط وقلبه يدق بقوه ناظر بعيونها بخجل: هلا
ناظرت عيونه بخجل اكبر ونزلت راسها: شلونك
هتان وهو مازال مثبت عيونه على عيونها: بخير وانتي
مشاعل ناظرته بخجل: تمام
كان متردد يمسك يدها بس اخر شي مسك كف يدها وقلبه
شوي يطلع من مكانه: ميشو
مشاعل بخجل ذابحها تناظر يدها المشبوكه مع يده: هلا
هتان بعد مشاورات مع نفسه قال بنفس متقطع: أحبك
مشاعل دوروها ماتلقوها من قوة الخجل تركت يده ودخلت الشقه
وقفلت الباب قعدت وهي تمسك يدها بتوتر: اااححح قلبي شقال
تو؟؟ قال احبك اااوييليي
واقفه وفمها واصل للارض من الصدمه: هيه ميشو !!
من ذا الي قالك احبك ؟!!!
مشاعل وقفت بتوتر: ها ااء شسمه ذا اااقصد هتان
دانه بنص ابتسامه: تعالي يالعاشقه تغدي خذا عقلك هالمطفوق
مشاعل بنص عين ووجهها احمر: جب جب زييين
دانه دخلت وهي سارحه في راكان الي ماتدري وش وضعه الحين
جود: ميييته جووووع انا اخلصوا علي
قعدوا البنات عالطاوله وبدوا يتغدوا
نروح لهتان وسعود الي راحوا لركان
راكان وهو ياكل من اكل المستشفى: الله يكرم النعمه
بس طعمه مقرف استغفر الله
هتان ابتسم: اليوم تطلع اكل وانت ساكت
سعود: هههههههه الله لا يبلانا
راكان: ماودي ادعي عليك بس ان شاءالله تذوق طعمه
سعود وهو يضحك: لا لا لا يرحم امك نمزح ههههههههه
فجاءه انفتح الباب ودخل منه شخص وهو مبتسم: السلام عليكم
راكان قام وهو متشقق فرح وضمه بقووه: عبووودي مشتااق لك ياوحش
عبدالله ضامه بقوه: اههخ يا ساعدي والله الحياة وكل شي بدونك شينه
راكان يستهبل: ادري ما تستغنون عني هع
ضربه عبدالله بكتفه خفيف: اقعد بس جايك شغل ابو كلب تعويض عن الشهر كله
هتان حط يده ع فمه وهو يضحك بهبل: اووه ماي قااش بيبي
عبدالله ناظر هتان: ولك بالمثل اصبر لا تخاف
راكان سوا زي هتان: اووه بيبي تستاهل ماحد قالك تطقطق علي
سعود يناظرهم ويضحك وعبدالله ماسك دمعته بعودة راكان
راكان ناظر هتان: هتان وين بدر ماشوفه معكم ؟!
هتان ابتسم جنابي وقال بباله: عبالك ماعرفنا عن حبيبتك يالدلخ
»» قاله: بجي اكيد اليوم يسلم عليك محلاه ان ما جا الحب يسلم عالحب حقه » وغمز له
راكان ما فهم قصده وابتسم لهتان
سعود: اليوم العشاء علي يا شباب
عبدالله يبي يغيض سعود: راح كندا وتعلم الكرم ابو بخل
سعود ناظره: كل تبن كنت مطفر زمان ههههههه
هتان: مالومه كانت الطفاره تطلع من جيبه زمان هههههههه
راكان: ههههههههههه اهم شي انه الحين هو مقرش وعازمنا
دخل الدكتور وبعد السلام والسؤال عن الحال قال: اليوم بتخرج
يا راكان
راكان بانتصار: الحمدلله زين «« بقلبه: من فوق خشومكم هع
وقعدا الشباب يسولفوا
…
تكملة البارت يوم السبت بإذن الله
رايكم وتوقعاتكم يالبئ
رب اغفر للمسلمين والمسلمات والمؤمنين والمؤمنات الاحياء منهم والاموات
البارت سبعه وعشرين …â™
الفصل الثاني :
الساعه4 العصر في شقة البنات
كانوا يلعبوا سعودي ديل ومتحمسين
جود: دانه لا تلعبين بدون دورك
دانه تضحك: اشوف كروتي بس
مشاعل: ياليييل ترا اقسم اني مالعب
دانه وهي تضحك: لا خلاص اخر مره
جود رمت كرتين في البنك وورقه كانت ارض من الاراضي: دورك اخت دانه غشاشه
دانه وهي تضحك ناظرت الكروت حطت كرت بالبنك وكرت عالارض: معلييش جودي
باخد هالارض
جود بقهر حطت بالمشمش: اشربي مويتها
دانه وهي تضحك: لاااهه هههههههه
مشاعل سحبت كرتين: تستاهلين دندن « ناظرت فيهم وحطت
كرت عالارض وفوق الارض حطت لا يحوشك: باقي ارض وافوووز
دانه بحماس: جود جود عليها لا تفوز
جود قامت بجيب عصير تبون بنات ؟!
دانه: العبي دورك وروحي
جود قعدت وسحبت كرتين حطتهم بالبنك بتافف وقامت
مشاعل سحبت كرتين ناظرت فيهم حطت كرتين عالارض
وكرت علىارض ثانيه وقامت بحماس: فففززززتت هههععع
دانه بنص عين: اللهم سكنهم مساكنهم
مشاعل ترقص باستهبال: كذا اللعب ولا بلاش
جت جود وهي تحمل صينية كاسات عصير: وش فيكم ؟!
مشاعل: فزت
جود: اما عاد مسرع فزتي « وقعدت مع البنات
نترك البنات ونرجع للمستشفى بنفس الوقت
راكان كان متمدد عالسرير تنهد: هتوني كلم بدر خله ياتي
هتان: طيب بروح اجيبه اصلا « وقام
سعود: لا تتاخر هتان وجيب شي ناكله
راكان: انت ماتشبع هههههههه
سعود ابتسم: والله جعت لنا ساعتين متغديين
هتان: ههههههه سعود هو هو ماتغير
سعود حط يده ع راسه: ههههههه
طلع هتان وهو يتصل على دانه عشان يقول لها تجهز
سعود يتمغط: نعساان
راكان: انا شبعان نوم لي شهر نايم
سعود: هههههههه مالومك تكره النوم
راكان ما سمعه لانه سرح بعيد
« طلع من الغرفه وهو لابس ثوب ومتكشخ دخل المطبخ ولقاها
قاعده تحضر الفطور ابتسم بحب وقلبه كان يدق بقوه: صباح الخير
بخجل: صباح النور
مشى ووقف عندها وكان راسها يوصل لصدره مسك يدها
ناظر بعيونها وقال : كيفك دانه ؟!
دانه بخجل: بخير « ناظرت يدينهم ورفعت راسها تناظره
ما تحمل يصبر عنها وضمها بقوه وخر بشويش عنها
لمن سمع صوت هتان يناديه ترك يدها وهو يسمع
اسمه يتكرر كثير
صحى من ذكرياته وهو فاهي ويناظر بسعود: راكان
وين وصلت يبا
راكان بفشله: هآ عندك هههههه
سعود بنص عين: باين ماشالله عليك
راكان: الا ما وصل هتان
سعود: ما تترقع
راكان: ههههههههههههه
بعد نص ساعه رن جوال سعود: الو هتان
هتان: تعال تحت ابيك بشغله
سعود قام: اوك جايك « قفل منه: بروح لهتان يبيني « وطلع
كانت واقفه بره وتناظر الباب تنتظر سعود يطلع وبس شافته طلع
ودخل الاسنصير مشت لغرفة راكان ودخلت بعد ما دقت الباب
سمع صوت الباب يندق قال: تفضل
دخلت والدمعه بعينها والشوق ذابها وكل قلبها وله وقفت قدامه
وهي تناظره بشوق كبير ووله يذبح
رفع راسه وجت عينها بعينها ما كان مستوعب من هي بس
ما أخذ وقت بالتفكير وقام من سريره مشى لها وهو فاتح يدينه
وبدون سابق انذار ضمها بقوووه وحملها وهو يبكي
دانه واقفه تناظره وهي مو مستوعبه انه صحى من غيبوبته
وماحست الا وهو ضامها ورافعها ضمته بشوق كبير ووله
مضت خمس دقايق وهم ضامين بعض وبدون اي صوت
تاركين ضمتهم وانفاسهم تعبر عن شوقهم الكبير لبعض
ننزل لتحت خارج المستشفى
وقف سعود وهو يدور على هتان لين لقاه: هتان
هتان لف عليه: هلا وينك تأخرت يا رجل
سعود: وش تبي مني ؟!
هتان يحاول يأخر فيه: لا بس قلت نروح نشتري كيكه شرايك
سعود رفع حاجب: بمناسبة ايش هالكيكه ؟!
هتان يفكر: او دونات مع نسكافيه او قهوه
سعود: طيب يله نشوف اقرب كافي نشتري منها
هتان مشى طيب يله نركب السياره ونروح
نطلع فوق عند راكان ودانه
نزلها بعد الحضن الطويل وكانوا خجلانين من تصرفهم
دانه: الحمدلله على سلامتك راكان اخر اوجاعك ان شاءالله
راكان بحب: الله يسلمك يا بعدي الاوجاع ما تآتيك
دانه فتحت شنطتها وطالت منه ورقة ومدته له بخجل
اخذ الورقه وكانت عباره عن بطاقة حلوه بباله: كنها مرت علي
هالبطاقه!!! « فتحها وقرأ بصوت عالي: أنا موافقه يا اول حياتي
ويا أجمل شي حصل لي« رفع راسه وناظرها: مآ فهمت
ابتسمت بخجل وأخذت البطاقه الثانيه ومدته له
أخذ البطاقه وعلى طول ابتسم لانه تذكر كل شي
قام بفرح وضمها بقوه: يالبيييه كنت ادري انك موافقه
وبنفس الوقت كنت خايف ترديني الله لا يحرمني منك يا زوجتي
يا نصي الثاني يا تؤام روحي
دمعت عيونها وهي تسمع كلامه وصوته المبسوط وضمته بحب
بعد عنها شوي وهو مستغرب وتوه يستوعب: دانه !!
دانه ناظرته بخجل: لبيه
راكان: انتي كيف جيتي ؟! وكيف كيف مو لابسه ثوب !!
وكيف كنتي طول الوقت مع هتان بالشقه ؟!
ابتسمت على اسئلته القلقه: بقولك كل شي يا بعدي
قعد عالسرير وناظرها عشان تبدا الكلام
نتركهم ونرجع للشباب الي كانوا واقفين عند كوفي
هتان يكلم القراسون: جيب عشره دونات خمسه شكلاطه
وخمسه ساده و « عد على اصابعه وقال: واربعه كوفي ساده برغوه
وحط معه سكر لو سمحت
القراسون: اوك « وراح
سعود: ياخي حر افتح المكيف
هتان فتح المكيف: عاد تصدق هالسنه الشتاء طول
والصيف جاء بسرعه كيف لا تسئلني
سعود: دامك بالسعوديه فسترا العجب العجاب بكل شي ههههههه
هتان: انت محق يا ابا لهب هاهاها
سعود رمى عليه علبة المناديل: انا دائما صادق يا مسيلمة الكذاب
ناظروا بعض وفقعوا ضحك: هههههههههههههههههههههه
القراسون وقف وناداهم: بابا هدا طلب كلاص ( هذا الطلب خلص )
هتان اخذ الطلب: شكرا لك يا ابا صندوح
الفلبيني يناظرهم ببلاهه: افوان بالآفيه « عفوا بالعافيه
هتان مشى بالسياره قال سعود: الفلبيني احسه قال اللهم
عافنا مما ابتليتهم فيه ههههههههههه
هتان: ههههههههههههههه
نترك المهابيل ونروح للشقه عند مشاعل وجود
جود بطفش: بالله هتان ليش أخذ دانه وراح ؟!
مشاعل بقهر: وأنا ايش دراني بالله
جود خافت منها قالت: طيب بشويش كليتيني
مشاعل مسكت الخديده ورمتها على جود قلدتها: كليتيني
رن جوال مشاعل ناظرت الشاشه: والله مارد عليه التسلب ذا
جود عرفت انها تسب هتان ضحكت بقلبها واخذت الجوال: انا
برد عليه بشوف وش يبي « وردت: الو
هتان كان متحمس يفاجئ مشاعل بكلمه بس عض ع شفته
لمن سمع صوت جود: هلا جود كيفك
جود: تمام
هتان: وين مشاعل يا حلوه ؟! « كان متعمد يقولها عشان
يقهر يسعود ويشوف ردة فعله
سعود من سمعه اشتط ووده يذبحه بباله: اوريك يا هتين
جود بخجل مدت لمشاعل الجوال: هتان يبيك
مشاعل اخذت الجوال: الو
هتان قلبه ينبض بقوه من سمع صوتها بباله: جعني فداااك
« تنحنح وقال: كيفك ميشو
مشاعل: وش تبي ؟!
هتان تخبص وجهه قال يرقع: هآ بخير انا الا بقولك بعد شوي
بمرك مع سعود ناخذكم عند راكان ودانه تجهزوا
مشاعل ببرود تبي تقهره: طيب شي ثاني ؟!
هتان رفع حاجب مستغرب من تصرفاتها: سلامتك حبيبتي » قالها بدون قصد
قفلت السماعه بوجهه ووجهها تلون أحمر: جودي يله نلبس
هتان وسعود بمرونا الحين
جود صارت عيونها قلوب من سمعت اسم سعود ونقزت
بسرعه للغرفه تتجهز
لبست بنطلون سترتش اسود وبلوزه بيضه عليها أرنب
وبوت اديداس ابيض ولبست عباتها الجديده مزخرفه اكمامها بالاسود
حطت كحل بانت جمال عيونها العسليه لفت الشاله وربطت النقاب
ومن الحماس الزايد رشت عطر من نعومي اخذت شنطتها
وطلعت قعدت بالصاله تنتظرهم
اما مشاعل ما كلفت على نفسها لبست العبايه فوق البجامه
وربطت النقاب وحطت جوالها بالشطنه وطلعت
ناظرت جود وهي فاتحه فمها: خير بابا وش ذاا رايحه سوق
ولا تزورين ناس انتي ؟! كلها زيارة مريض الله واكبر
جود ما اهتمت لها وكانت مبسوطه وماتبي تعكر مزاجها
نرجع للمستشفى عند دانه وراكان
كانت طول هالوقت وهي تحكي له عن كل شي صار بغيبوبته
وهو كان زي الطالب المنصت باهتمام واي شي يلفت نظره
كان يعلق اما بهدوء او استغراب
وبعد كلام وكلام من شوق وعتاب وحب واعتراف سكتوا للحظه
ناظر ساعته: غريبه الشباب تأخروا « ناظرها وابتسم: احسن ما شبعت منك
وردت خدودها وابتسمت بدون تعليق
نتركهم ونرجع للشباب
هتان حاط رجل على رجل وينتظر البنات وبقلبه عتاب لمشاعل
سعود قلبه يدق لانه بشوف جود
بعد شوي نزلوا البنات وركبوا السياره مشاعل ورى هتان
وجود جنبها قالوا بصوت واطي: السلام عليكم
هتان ناظرها من المرايه الاماميه قال هو وسعود: وعليكم السلام
مشاعل حست قلبها بطلع من مكانه من نظرات هتان لها اما هتان كانت
نظراته عتاب عالي بتسويه مشاعل له
سعود وجود هدوء وقلب ينبض ومشاعر متبادله
سعود يشم ريحة عطر نسائي عقد حواجبه بضيق
بباله: من الي راشه عطر استغفر الله الله يصلحها
هتان: كنه في ريحة عطر حريم صح
سعود ناظره وابتسم: كنك قريت افكاري ههههه
مشاعل ناظرت جود ولوت فمها ببالها: الغبيه طيحت وجهي عند العرب
وصل هتان المستشفى وصفط سيارته عند المصفات: يله انزلوا
نزلوا قفل هتان السياره ودخلوا المستشفى
جود: مشاعل بروح الحمام واجي طيب
مشاعل: حاولي تشيلين ريحة العطر
جود بفشله: طيب « وراحت
سعود لف يناظر جود بس مالقاها: وين الثانيه ؟!
مشاعل: راحت الحمام
سعود وهو يلف: اها
عند دانه وراكان الي كانوا مره يغازلون بعض بطريقه غير
مباشره ومره يسولفون ومره يضحكون
رن جوال راكان ورد بمياعه يستهبل: اهلين حبيبي
الصوت بنفس نبة راكان: هلا فيكي يا روحي وينك يا البي « يتكلم لبناني
راكان يناظر دانه وكمل استهباله: بالغرفه حبيب آلبي
هتان: نحنا جاينيك حبيبتي « وهو يستهبل كانوا يناظروه شباب ويضحكون
سعود جت بباله خطه حط يده على راسه: الله يفشلك يا راكان انت وهتان
وقت استهبالكم « سوا بيده يعني يوتيرن: بروح ماعرفك انا
هتان: ههههههههههههههههه اقول ركون انتظر جايينك
راكان وهو يضحك: طيب طيب انتظركم « وقفل الخط
عند سعود الي كان شاق الوجه بخطته الي جت صدفه راح لحمام النساء
وانتظر عشان تطلع جود وبس طلعت راح لها وقلبه يدق بقوه
تنحنح: جود
جود فز قلبها على صوته لفت وناظرته بخجل: هلا
يناظر بعيونها خاق عليهم: يله نروح لهم
مشت جنبه وبانت ريحة عطرها بس ع خفيف عقد حواجبه
ومسك يدها: طلعت ريحة العطر منك ؟!!
جود بتوتر نزلت راسها ببالها: ياربي ليتني ما رشيت عطر
سعود بعصبيه خفيفه: تدرين ان الي ترش عطر ملعونه وزانيه ؟!
جود بندم: ماكنت اقصد
سعود قرب منها وعص ع اسنانه وناظر بعيونها: اول واخر مره تفهمين
جود تناظر بعيونه الي فيهم حنان عجيب وبنفس الوقت عصبيه خفيفه
بلعت ريقها وعيونها بدت تدمع: فهمت
سعود عص على يدها: يله نروح لهم مع ان ودي لو تغيرين عباتك
جود بحياء ودمعه بعينها مشت معه وكان ودها تفك يدها منه
بس هو عاص على يدها
نطلع فوق وصلوا هتان ومشاعل ودخلوا
قام راكان وضم هتان يكمل استهباله: حبيب آلبي وحشتني واللهِ
هتان يسوي نفسه: يا قلبي تؤبرني شو مشتاق لعيونك الحلوي « طبعا كلام معوق
بما انهم يحاولون يقلدون لهجة اللبنانيين ����
مشاعل ودانه قعدوا وهم يضحكون عليهم
راكان رفع حاجب: وين سعود ؟!
هتان وهو يقعد: شرد لنه تفشل مني مدري وين راح ههههههههههه
راكان: ههههههههههه هذا مايعرف للاستهبال اصلا
دانه تهمس باذن مشاعل: جود وينها ؟
مشاعل: بالحمام
دانه: طيب وش يدريها عن رقم الغرفه ؟!
مشاعل رفعت كتوفها ونزلتهم يعني مدري
بعد دقايق انفتح الباب ودخل سعود وكان معه كيس: سلام شباب
سلم عليهم وقعد: هذي مويه لكم شريتها
هتان اخذ الكيس: شكرا جبتها بالوقت المناسب
سعود: عطي البنات اتوقع يبون
هتان قام وحط الكيس قدام مشاعل ورجع قعد
سعود: متى بتطلع يا راكان ؟!
راكان: اتوقع هذي الساعه « ناظر ساعته:6 المغرب
سعود: ان شاءالله تكون اخر مره تدخل بها المشفى والكل
الكل: آمين
انفتح الباب ودخلت جود وراحت للبنات وقعدت: السلام عليكم
الكل: وعليكم السلام
راكان ما يعرف صديقات دانه: دانه هذيلا صديقاتك؟!
دانه بخجل من نظراته: ايه « اشرت عالبنات: هذي جود وهذي مشاعل
راكان: اها هلا والله فيكم
قطع كلامهم الدكتور لمن دخل: السلام عليكم
الكل: وعليكم السلام
الدكتور ناظرهم وابتسم: ماشاءالله الظاهر عندك حفله يا راكان هههههههه
راكان ابتسم: اصدقائي وباقي ناقص منهم عبود ما جاء
الدكتور: الله يخليهم لك ها كيف نفسيتك ؟!
راكان: الحمدلله احسن من قبل وتحسنت شوي
الدكتور: الله يديم عليك الصحه « تنهد: ها متى قررت تطلع ؟!
راكان قام: الحين اوقع على خروجي
هتان يكلم سعود: كنها طرده ههههههه
سعود: ههههههه
الدكتور: طيب ماشي الحين اعطيك ورقه توقع عليها خروج
بعد عشر دقايق طلعوا ابطالنا من المستشفى
نزلوا البنات بالفندق الي مستئجرين لهم فيه
وهم رجعوا عالشقق حق الشغل مالهم
وهم قاعدين يسولفون قال راكان: شباب
التفتوا عليه باهتمام: امر ،، هلا
راكان: يوم الخميس الجاي يعني بعد ثلاث ايام قررت
وهالقرار من زمان ودي فيه صراحه ومالي تراجع عنه
سعود: اقلقتني ياولد قول وش قررت
هتان: لا تلعب باعصابنا ياخي
راكان: قررت ،،،
نهاية البارت سبعه وعشرين ^*^
رايكم وتوقعاتكم يالبئ
اللهم صل وسلم على سيدنا محمد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!