رواية أخطاء لايُمحيها الزمن الفصل الاول 1 - بقلم أنثى 🪽 ملائكية

تم اعادة نشر البارت لان هواي ماوصلهم البارت

اخطاء لايُمحيها الزمن

آنثى 💜 ملائكيه...

نحن بشر نخطئ لنتعلم من خطائنا
لنصبح اقوة واكثر ثبات نحن كالشجر
نقف كلما اشتدت الرياح تمسكنا بجذوعنا
نتحمل الاوجاع ونتحمل الحقد من اقرب
الاشخاص وخاصه الذين نحبهم بشدة
نسقط دائما ولكن نقف مرة اخرة لاعيب
في الاخطاء ان كان تجربه نضوج لنا
اعلم اخطائي لا تغتفر ولا يمحيها الزمن
وسوف اتذكرها وانا اعض اصابعي ندم

..بقلمي..

جوري ...  فات من يمي طب للغرفه وقفل باب باوعت ع غراضي المشمورا كبال الغرفه واني ابجي اخذتهم ورحت للمخزن بخطوات بطيئه ومحمله بالهموم والخيبه انك تحب انسان وتفضله على كل احلامك ويتحقق وكانك وصلت لاعلى مراحل الفرح بعدين تنصدم مجرد حلم وانت بواقع كله حزن وأسى فتحت باب المخزن ظلمه  مخلين بي غراض المطبخ وغراض بيت الزايده نزلت دموعي على حالي گمت اشهگ خليت غراضي باوعت داير المخزن موحش واظلم احس نفسي بغابه والفقير مايعيش هاي تاليتي اصفه بالمخزن مشيت واشوف مرايه مكسورة بالگاع شلتها واشوف ندبة الي صارت بطراف گصتي تلمستها بوجع واني صاكه سنوني هاي علامتك الي گادر عليها ماسوالي علامات حب وزورگني بالفراش لاا كلشي ويه بقسووة وضرب اريد يوم ارتاح بي ماكوو شفت فراش مخلينه فرشت بطانيه بلكاع وتذكرت طفولتي وسبب اخطائي لوصلتني لهاي المرحله .....

..خلصت دروسي وجنت حيل تعبانه اني صف ثالث ابتدائي بس جسمي جبير مو مالعمري ركضت للشارع حتى العب اجه جوارينه حيل حلو واعيونه خضر نزل المستواي گرص خدي واني احس خدودي شتعلن نار من الخجل دخلت للبيت اركض جان امي تصيح بيه ....

ولج يمعزايه توني نضفت الطرمه مليتيها طين ..

جوري ...باوعت ورايه صدگ طين حتى مادري شوكت ادمرت رحت غسلت رجلي بالصوندا ودخلت للبيت كلما اتذكر گرصني اضحك رحت طلعت الالوان ودفتر الرسم جاي الون بالعشب ورق الخضر وتذكرت عيونه لونهن اخضر واني احب هذا الون وصار ابو عيون الخضر بعقلي ماكدرت انسى مرت الايام دراسه ولعب نجحت للرابع الابتدائي وجسمي صار اكبر حسبالك عمري 11مو 9 اني هواي شاطره بالصف اروح للمدرسه بنشاط گعدت غسلت وجهي ورحت لامي ضفرت شعري اتمشيت للمدرسه وصلت وگعدت بصفي مشت الدروس واجه درس الاسلاميه رغم حيل شاطرا بس هي تضوج مني وشكلها يخوف نوب حسبالك الوحشي بفلم رساله بلعت ريگي من شفتها دخلت مكروها ذيج المرا خلتلي 6بالشهادة گمنا تحيه الها ..عاش العراق ...گالت جلوس ..

المعلمه ...اليوم موضوعنه عن الصلاة منو بيكم تعرف تصلي او تشوف اهلها يصلون ..

جوري ..اني احب أشارك بالصف حتى الي متجاوب اگوم بمكانها رأستن والمعلمات ايخزرني وكله عشرات اخذ من شفت الموضوع عن الصلاة رأستن رفعت ايدي ...ست ست سسس..الصف صار عبراة عن زنابير بس الاس نسمع وهي تصيح ..

المعلمه ...هدوووء يالله جوري گومي لنشوف ..

جوري ...گمت بثقه واني أعرف بصفي وگفت يم المعلمه وصحت ...الله اكبر وقريت سورة الفاتحه..فزيت من عاطت بيه باوعتلها شلون ضايجه .

المعلمه ...ولج شبساااع الله اكبر نوب الفاتحه هاي صلاتج غير اول شي تكبير بعدين النيه ...

جوري ...هواي ضجت وطلاب صارو يضحكون عليه
صارت الفرصة وماصدكت طلعت اركض .......

مرت سنه وصار عمري 10 .....

. جوري .....اني احب بابا هواي ومتعلقه بي رغم عندي ثنين اخوان احمد و حسين واختي ازهار بس  اني الوحيده الي احس بأهلي وخاصه بابا صح مجان يسولفون كدامي بس اباوع بعيونه اعرف تعبان وله بي شي ودوم يصير انفجار مكان شغله واني لهذا سبب هواي اخاف عليه ويبقى بالي يمه من يروح لمناطق بعيده وابقه ادعيله وحدي الزم قران وابجي واتوسل ب رب العالمين يرجعلنه سالم وحمدالله بس اشوفه كدامي ارتاح رغم هو مامحسسنه بشي بس اني جنت احس كلش زين واعرف عندي اخويه حسين هم هواي اخاف عليه هو صغير عمره ٤سنوات يطلع للشارع اتخبل لان أخاف يضيع ومنلكاه اكثر من مره جنت ابجي اذا صار اسمع بي ضايع ومرات احبسه بل غرفه حته ميطلع ماعرف ليش جانت ايام طفولتي كلها خوف حته اني اخاف ع روحي يعني كل هذا الخوف انزرع بداخلي بسبب صار بلعراق  الخطف والقتل ونفجارات منطقتنه .     

بدت المدارس وبدا تعب رجعت من المدرسه ورحت بدلت و نمت گعدت العصر واني تعبانه وحلمت حلم غريب كوة كمت رحت للمغسله ذبيت ع وجهي ماي حته اصحصح شافتني امي ...

ام جوري... حبيبتي شنو نايمه جنتي ماعويدج تنامين بهل وكت متعودين تكمزين فوگ روسنه ...

جوري ..ابتسمت ... ي ماما شوي تعبانه

ام جوري....   ليش شبيج يمه ...

جوري ... مادري بس مخنوكه اباوع بعيون امي احس كلام بنظراتها اني احس بيهم ماعرف ليش شعور قوي اكو شي  راحت للغرفتها لحكتها كتلها .....ماما شبيج ....

ام جوري....، مابيه  شي بس من شوي جانت هنا عمتج يمي

جوري ... شتريد ...

ام جوري ... هيج جتي تشوفنه ...

جوري ...ها...... طلعت ضليت اروح منا وجي منا  لحد مادخت اله اكو شي كلبي دايكلي اجت بيبي ام ابويه يمنه وياها بنتها الي هيه عمتي اشوفهن مبتسامات ويبسبسن بيناتهن طبعا اني شكيت بلموضوع كلت بكلبي اهو بس لا خطابه عليه مثل كل مره  رحت للغرفه امي كلت اسولفها الحلم اشوفها بلكن تسولفلي كتلها ع حلم شو باوعتني ومحجت شي بس جرت نفس وكتلها ماما شبيهن بيبي وعمتي يبسبسن سولفلي اني بنتج جان تكلي يمه جايج خطابه

جوري ...شنو ...

ام جوري ...فلان من منطقه وبصف مدرستج بيتهم...

جوري ..عزه فسر حلمي هوا نفس موصفات شاب ابو عيون حلوة يباوعلي بالحلم اثاري حاطني بعقله ...

ام جوري....  بس اني كتلها عمتج تردلهم خبر بعدج صغيره هو نتي كلج عمرج ١٠سنوات بس هنا بيت جدج ميعرفون صغيره يشيلون وينطون شوفي عماتج مصيرهن شلون ازوجن صغار  بس هنه سبعات يشتغلن يرضن عيالهن رجالهن ويمه ونتي وين تعرفين تشتغلين بيض متعرفين سوين والعيال يردون وحده سبعه

جوري ...ااي صح ماما بس معقوله هذا نفسه شفته بلحلم هو ديريدني ...

ام جوري ... اااي هو شايفج بلمدرسه ..

جوري ...  بس مشايفته يجوز مامنتبها...

ام جوري.... يمه اريدج من تمشين بشارع متشيلين عينج ع احد وتباعين خليها ترجيه بذنج هذا زمان الله يستر منه

جوري ... ااي ماما بدون متكليلي...كرصتني بخدي

ام جوري ....اعرف كلش زين بس هم انبهج يله كومي غسلي ماعين واكعدي اقري احسن

جوري ...رحت وني صافنه وتذكر الحلم كلت بكلبي بس هو حلو واكثر شي جذبني بي هو شعره يجنن اسود ومسوي سبايكي وني اعشق هيج شي وخاصتن الموده وهو ع اخر موديل ممم ضليت سراحنه ههههه الى ان شفت نفسي مخلصه مواعين شوكت خلصتهن مادري اصلا اني اكره غسل مواعين اتفاجأت هلمره انو شلون خلصت بسرعه وشكد حبيت اغسلهم بواهسي ههههه وجان اروح اصعد غرفتي فتحت جنطي طلعت كتبي اكتب واتصفن خرب بعقلي حته ماكو واهس ادرس كمت رحت ع موبايل  وسماعات اخذتهن ونزلت للحديقه عنده مرجوحه اهز واسمع اغاني وسراحنه شوي واجت يمي بنت عمي شيماء واخوها وبن عمتي يسر محمد كعدو يمي وسولفتلهم هههه وهمه يتوسلون بيه لاتعوفينه وتزوجين عبالك صدك راح ازوج . ومرت الايام اجتي امتحانات اخر سنه وراها عطلنه واجه رمضان

آنثى 💜 ملائكيه
بل ٦ كلت راح يئذن خلي انزل جان شوفني امي ها نمتي كتلها ي توني كعدت هههه وضككت كعدت اختي صح نوم راحت تصلي مؤمنه ساعه لحد مخلصت وجت حضرنه ويه ماما عصاير والحلويات طبعا اني جنت بلخفيه اكل هههه امثل كدامهم اني صايمه تجي يمنه بنت عمي وبن عمتي يسئلوني صايمه اكلهم اي محمد يكلي بله طلعي لسانج اذا ابيض هههه يعني صايمه واذا احمر لا ههههه اكله ااا شوف 😝ابيض وكلنه ع واهس نباوع لسان ههههه كلنه صيام مشالله واحنه من جوه لجوه نشرب مي لو ناكل شي ....

...صار الاذان بس فطرنه ماما كالتلنه يله كلمن تلزم شغله وحده ع مواعين وحده ع هدوم ولحمامات والمسح اختي ازهار كالت اني لهدوم كتلها اني لهدوم كالت ما ضلينه نتداكر كالت امي جوري عليج مواعين وسكتي كتلها اهوو ماحبهن كالت لعد مسحي كتلها يله وباجر عليه لهدوم كالت ميخالف رحت بدلت ثوب قصير سمائي وشلت شعري ذيل حصان نزلت و بلشنه اختي ع هدوم وامي ع المطبخ وني واكفه اغسل مغاسل والجامه وجان ماشوف اله لايت جان ع شحن وكع احنه معلكي يم قريب ع مغسله لان ع شحن واحنه كل ميوكع يتفصخ تجي امي او ابويه تسوي تشكله وترجع مكانه اني شفته وكع كلت خلي اسوي ايديه جانت كلها مبلله و ملابسي  كلها ماي  من اشغل رحت  شكله لايت وهو ع شحن مادري نقطه مشتغله ماحسيت اله لزمني كهرباء تهكربت نوب ارد اعيط احس اصرخ بعلوو صوتي و اصيح ماما بس ماكدر لساني وحلكي نصم بعد لاكدرت اعيط ولا وجهي يتحرك ضليت فاتحه عيوني ولايت لازك بيدي ماوكع واهتز بل كهرباء ماعرف كم دقيقه لازمني كهرباء  وماشفت نفسي غير مشموره يم درج واكع من ايدي لايت يله عطت ماما وابجي واصرخ امي جان عبالها شفت ابو بريعص لان دومي اصرخ من اشوفه وخاف منه

اسمعها صاحت ع اختي..

ام جوري.... لج أزهار تعاي شوفي اختج يمكن داتخاف متجي هيه

جوري ...اني ابجي كوةوماحس بيدي بس رجفه امي  بلمطبخ وقريبه عليه شلون ماشافتني مادري ملتهيه بشغل مطبخ اجت اختي شافتني كالت

ازهار ... عزااا جوري شبيج شنو هل دم ...

جوري ...نزلت عيوني و اباوع على ايدي مثل مخترعه وخايفه حيل كعدت اباوع على ايدي وابجي يعني لوميته محد يحس بيه 

ازهار ..ماما الحگي جوري مادري شبيها وايدها كلها دم ..

ام جوري...لطمة على صدرها ..عزااا شبيها ولج
جتي تركض ....عزه شبيج يمه كومي اسم الله رحمن ابنيتي .....

جوري ...ابجي وحتى ماكدر امسح دموعي  ماما شكد صحت عليج و ماسمعتيني تكهربت وشفت نفسي يم درج ومادري شلون هنا وصلت اني متت ماما

ام جوري... يمه هذا ليتكهرب محد يحس بي لان صوته يروح السانه يصير ثگيل واني اشتغل مادري يلله كومي بعدها رجفه بيج وشفتج زرگه خلي  اوديج بيبتج تضربج بل خشب حته ينسحب الكهربا ...

جوري ....لبست عبا امي ورحنه من وره بيت بيبي جانت عايشه ويه بيت عمي صغير بيتهم قديم وبصفنه بسرعه وصلنه شافتني بيبي تخبلت كبل نومتني ع جربابتها جابت خشبه وتضرب

الحجيه ....شجاج ياامرة غير عينج على بنياتج ليش مشفتيها وين جنتي.....

ام جوري ... عمه مادري عبالي شافت ابو بريص دومها تصرخ من تشوفه ...

الحجيه .. هزت بيدها معاجبها الحجي ...دخابري ابوها وديها دكتور...

جوري ... اني اشهك وابجي اجوي يمي ابن عمتي وابن عمي واخته تحمدولي بسلامة همزين مامتتي كمت ابجي اكلهم لكم اتخايل تابوت كدامي وابجي ولا جنت مصدكه شلون بقيت عايشه كهربا حسبالك عزرايل تصورلي كتلها ماما يمكن الله مااخذ روحي لان اصلي وياج صلاه ليل ونقره جوشن كبير وصغير.  

ام جوري ....  لا يمه عمرج طويل بس اكو وحده تجي تلزم لايت وهيه ناكعه ملابسها بالمي ياعيني غير تنتبهين...

جوري ... حظي الاغبر وداني مادري نسيت اصلا ..

ام جوري ....ديربالج يايمه مرة ثانيه ربج ستر ومصار شي ...

جوري ... اجه ابويه تخبل من شافني ضل يصيح ويتعارك ويه امي خطيه وكعت سالفه براسها وكلها تلومها ...

ابو جوري .... اي غير تنتبهين ع بنتج ياامرة انتي عينج عالبيت عايفج المن شكم واحد عندج ....

جوري.... ضل يصيح بعدين اخذني دكتور شاف اصبعي كال الواير ماال لايت مايع باصبعهاهذا بعد صار شلون الحرك ميروح اثاره بس يطيب بس وكال ماكو شي انشالله كتبلي دهن خليت اله فتره وتحسن بس صدك ضل الاثر ماالته مراح ....

مشت الايام والاشهر بدت مدارس وصرت صف خامس ورسبت بخمس دورس ماحب دراسه جنت دوم العب واسولف لو على الامبثري اسمع اغاني وبنات عمتي نفس شي رسبن وابن عمي هم اني احب ضحك وسوالف مرحه والي يشوفني يتعجب عليه كانمه جبيرة واسولف وياهم كانما مو بعمري مرة رحنه للزيارة واخاف من اطلعه حيل مجلبه بعبايت ماما ولازمه اخوي حيل من ايدة اخاف يتيه ونصادف بطريقنه الأميريكان شكد اكرهم احسهم خربو البلد وصار يخوف اكثر دخلت للتفتيش وهاي ام التفتش صفنت بوجهي وتكلي خاله مكياج هوا كله عمري 10 لان احمر من شمس ومسحته بالكلنس رطب وماراح ابعدين دخلنه زرنه وطلعنه الحمدلله عدت سلامة ورجعنه

مرت الاشهر كاعده بالحديقه على مرجوحه واجتي بيبي  هيه بيت عمي ومرات تجينه رحت اركض باوستها وگعدت بالاستقبال التمينه اني وجهال عماتي ...

جوري ...بيبي سولفينه عن ايام زمان ...

الحجيه ....اه جوري دومج تحبين الماضي گعدو بدون صوت واسولف الكم ....

من واني اصغيره احب اشتغل وسبعه وكلمتي وحده مصير اثنين واني انصح ماانصح ودائما ناس تكلي انتي عالمه متكلمه فاهمه وحسبالهم اني مكمله دراسه واني اصلا ماكاعده بمدرسه جان ابوي الله يرحمه بس عنده حرام لابنيه تكعد مدرسه ورغم عندا مدرسه باسمه وقريب ع بيتنه وجتي المديره تكله لابويه

المديرة ...حجي ليش متكعد بنتك شو مدرسه مدرستكم وحالها حال طالبات

.... لا حرام شلون تكعد مدرسه ماقبل بنتي تروح وتجي يوميه ...

بس جان اخويه صالح يعلمني ع قران هو دارس واصل وعلمني ع احرف واني مشاالله ذكيه بسرعه لگفتهن وتعلمت أقره قران وشوي گمت اكتب وهاي جانت طفولتي مرات اشتغل أروح للبساتين أزرع وياهم اووالم تراب واودي ع شط وهذا جان شغلي شغل عشر رياجيل ومحد جان يكدر يفك حلكه او يحجي شي وياي هاي اني بنت فلان ومعروفين واني من نوع شجاعه ماخاف من شي عنندي ايمان بالله كلش قوي جنت كلش احبها الامي قبل لاتموت واني رحت خليتها شاهدت وأكلها كولي اشهد الله اله الا الله و لابجيت ولاصيحت ونسوان  گمت أسمعهن يكولون هاي بنتها هيج مشالله عليها عكس خواتها كعدن يدكن ويلطمن رحتلهن و تتعارك وياهن گمت اصيح ....ميصير هيج تسون هذا امر الله وكلنه هل طريق ومن هلحجي وبعدين ورا فترة زوجت جدكم  وهوا يصير ابن خالتي هو راد وحده راحو وخطبوها ومنطوها تالي عاد كالوله عليه لمن اجه بل ليلة عرسنه كلت اله ... اي فاس وكع براس...   جان جدكم كلش فقير هيه واني سباعيه وقويه صار كلشي بيدي وحتى الفولس صار يضمهم عندي وگمت حته  اشتغل عندهم مشتل زرع واني أزرع ليشوفني يكول مهندسه وكلها تجي تشتري منه هلكد مجان مشتل حلو ومرتب زرع اشكال انواع وكلش جبير المشتل وحته جنت عادي تعامل ويه رجال واثقه من نفسي وجدكم هم واثق مني  شوفو ولدي جدكم جان مايجمع فلس لو نضل عليه مانصير عاد اني لزمت شغل المشتل ومو بس مشتل اشتغلت حته بلدبس جان دبس مالتي كلش طيب محافظات اصلا يجون يشترون منه كلش اشتهر دبس وعالم عرفوني وكلش يمدحون بينه بيتنه وصار صيتنه بكل مكان واشتهرنا  و يحبوني ع اخلاقي وكلامي اكسب المقابل واخذ بالحجي مانطي  وحته العالم تجي تخطب بناتنه ع سمعتي اول مزوجت مصار عدي وضلت ٢سنتين وجانن نسوان يكللي نتي مجبوسه ومن هل اني ولا هتميت اكول الله موجود الى ان شفت نفسي حامل وحبلت واني ضليت تشتغل الى ان جبت عمتكم جبيره يسر وهنا بيبي ضلت كل سنه تجيب طفل بس بيهم يعيشون وبيهم لا لو اجيبهم ويموتون لو اطرح جبت ٥وماتو و٥طرح والباقين عاشو وهاي بين واحد واحد يعيش صار عندي ٦بنات و ٥ ولد واني لابجيت ولانقهرت هذا امر الله وشيجي حمدلله ابوس ايدي وجه وگفه

جوري ....ملتمين عليها ومانحس بالوقت تحجيلنه ع قبل واهلهم نضل نصفنن شلون جانو هيج.و بيبي الحلو بيها تتعظ عندها مقالات كلش حلوه تكولها شلون الامثال جانت تحب تقره كتب تتطلع ع هاي امور وتحفظ وتكولها دائما هاي الامثال وتكول كلها ع جرح بيبي من نوع الكتومه عصبيه كلشش ومن تعصب تفقد جانت ولدها بناتها تموتهم كتل ع ابسط شي اذا جانت مقهوره من شي طلع قهرها بولدها او بناتها رغم جانت عايفتهم ع طول جانت بشغل وبناتها كبرن وربن خواتهن واخونهن الاصغر منهن وجانن عماتي حيل سبعات ونضيفات يطبخن و يشتغلن ويسون بيت يلمع لمع يخافن من امهن لاتجي وتشوف بيت وسخ وهاي ضلن من وحده لوحده وبيبي زوجت بناتها وهيه بعدها تحبل وجيب وجانت متفرق عن بناتها كم شهر وتكول هذا كله بعد رزق من الله.....

خلصت  بيبي اليوم هنا ضلين يمنه والله ماشبع من سوالفج ....

الحجيه ... يي ابنيتي ام عيون حلوة اشوف عيونج تلمع من اجيب سيرة قبل ...

جوري....اي بيبي انتم الخير والبركه وكلوبكم نضيفه وحياتكم هادئه على حب الله موهسا بس نفاق هسا گولي تضلين يمنه ...

الحجيه ...ولج فصعونه بعدج شكدودج وتعرفين كلشي ااي بعد مارجع لبيت عمج ...

جوري ... اشوفها ضايجه ضاهر اكو شي بس هيه متحجي طبعا اني كلش كيفت بجيتها حته اختي واخواني قبل جانت بيت عمي اصغر واحد هوا وبيبي عايشه وياهم وعدها غرفه وحدها  .....

نسولف شلون وجدو اتوفه من سنه ٢٠٠٥  اني اذكر جان عمري ٦سنوات من توفه جان ١٠محرم بيبي كل سنه تجيب ملايه تقره وهاي مله عوذه منها حسوده حسب مجنت اسمع منهم بذاك اليوم طبت بيت جدي وكامت تكول خربان بيت ابو يوسف خربان ومن هاي حجايتها كلنه ضجنه منها واشو بنفس اليوم بليل جدو صاح ع عمتي كاللها يابه جيبلي دشداشه سوده خلي اطلع للموكب كاللتله يابه ليش تروح مو تعبان هلايام جان جدو يشكي من كلبه عنده تسدد بل شراين كلها يابه لابا عبدالله رايح لبس داشداشه ولعرقجين وطلع وصل موكب ليم منطقتنه واحنه كلنه جهال وعماتي طلعنه نتفرج على موكب وجان يشوفنه جدو ويبتسم ويرفع ايده جن عبالك ديودعنه اخر يوم مشه الموكب ليغاد واحنه رجعنه نص فرع درب ونسمع صوت صياح والموكب سكت وهنا يجي عمي جبير  يبجي ويصيح ابويه وكع مااات وكلهم يركضون عليه وكع بنص شارع بلموكب ومات عماتي دكن ولطمن وبيبي اجت تتعارك وياهن شكو شبيجن وبدون عياط افتهمتن واباوع بيبي  شكد هيه قويه لشوي جابو جدو بتابوت واباوع شلون عماتي يبجن واجتي امه جدو جانت عايشه راحت يم تابوت تعيط وتبجي ابني راح وبيبي جانت نايمه من جابو ليشوفها ولا مهتمه بس هيه جانت عدها هذا شي امر الله لاعتراض عليه وقويه حته ابد ماشفتها تبجي او تلطم وابد مجانت ترضه هيج احد يبجي ع ميت او يلطم تكول ميصلح هل شي.  لحد ثاني يوم اجو شالو تابوت طبعا خلو ثاني يوم لان جان بوكتها منع تجوال وخلو ومن اخذو اشوف عمتي لمدلله صغيره جان عمرها ١٣سنه اشوفها تبجي هواي وشالو جدو وراحت وراه تركض لحد مجا عمو اخذها ورجعها تبجي تكله اريد بابا وضلت واكفه يم باب لبيت ابوعلها اني وبجي وياها كلش نقهرت عليه صح جانت متحبني وتكتلني مرات ونتعارك بس بذاك اليوم هواي نقهرت عليها وع جدو. وهيج مرات الايام وعنده عمتي ايات جانت كل خميس تجي يمنه او مرات يجن خواتها هم ونلتم سوالف وضحك فد مره اجت عمتي وبناتها طبعا عمتي ايات عدها ٣بنات وحده منهن كلش علاقتي بيها قويه بنت عمتي  اسمها شذى من مواليد 97 اكبر مني بسنتين  يعني اني هسا عمري 11 وهيه 13 اني وياها دوم سوالف وضحك وركص وغنه  واسرارها كلها عنندي ...

 صارت عطلت نص سنه 15يوم بخلال هاي العطله قرور عرس خالو امي گالت نروح للصالون تعدل شعرنا حتى يترتب  بدلت واني احب ارتب نفسي والبس اكسسوارات خلصت رحت وياها أول مرة ادخل صالون واشوف عروسه حلوة لابسه بدله جنت حيل مرتبكه وخجوله وهي تمدح بيه وتكلي ام خدود قررت تسوي شعري مدرج خلصت سشورته وصار يجنن باوع عليه مدرج وسرح حيل فرحت ونصحت امي على زيوت تسوي شعر ثخين امي كالت الله كريم ورجعنه للبيت رجعنه وني كلش مكيفه بشعري ومفلول وسرح وبس اهز براسي ومامصدكه صعدت لغرفتي فتحت الكنتور اخذت تراكسود نص ردن و لونه وردي غيرت ملابسي وشغلت اغاني بل موبايل واركص وبعدين اخذت سماعات وكلت خلي اطلع للسطح ضوجه وكت عصر احب جو هيج وقت طلعت وكعدت ع جربايه العدنه وهيه من حديد مخليها من جنه نام بلسطح بلصيف . واني وجنت صافنه وسرحانه وشوي وماشوف اله الدنيا  تنث مطر باوعت للسمه الله شحلوه سمه وامطار خفيفه جان نيسان والجو كلش حلو وهوه خفيف.يطاير شعري الله شمحله ذيج الراحه ....

ضليت تقريباً نص ساعه والاجوء هدوء وغير ماسمع اله صوت تصيفر اسمع واحد يصوفر كتلني الفضول منو هذا وكفت ومشيت باب بلسطح جبير واسع كله فريته الى ان وصلت يم الحبال الي نشر عليها ملابس ويم والمحجر مال السطح وكفت وجان يلفت انتباهي ع ولد فتحت اعيوني على وسعهم اباوعله عزه يجنن طويل رشيق حنطاوي ملامحه من بعيد تخبل شعره سرح لابس قميص رصاصي مخطط بلون الابيض بنطرونه اسود ياربي منين ماا اباوعله حلو شنو من جمال هذا وصافنه وهو جاي يصوفر ع طيور ويطير واله ان شافني بس عرفت شافني بسرعه نصيت راسي ومشيت مدنگه و طبيت للغرفه وكلبي يدك سريع عزاا شافني رحت ع شباك غرفتي كلت منا اكيد يبين فتحت البرده والله واشوفه بعده يباوع ع سطح ويتأمل اطلعل اوي فدوه ونوب ماشوف اله اختي تجي ...

ازهار ..ها شدباعين ولج بابا موكال محد يفتح شباك   ...

جوري ...انجبي انتي اني بس اباوع ع سمه شكد حلوه ..

ازهار ...هااا ...وترفع تك حاجب ..

جوري ..امشي ولي.... ضلت واگفه حسيتها ممقتنعا بس مهتميت عفتها ونزلت خرب وكل شوي يجي بالي وابتسم  شصارلي كبر جوري شوي ثگل عيب حتى لو حلو يجبر الواحد يتغزل بي ابن الذينه ...

ام جوري....ولج جووري شكو يمه توزعين ابتسامات....

جوري ..حركت شعري بدلع ...ااي غير اليوم مكيفه بكصة شعري....

ام جوري ...عسا ايامج كلها سعادة يله عاد همي ايدج واعتني بي حتى يضل حلوو اذا هملتي راح يرجع تعبان وضعيف  ....

جوري...ابتسمت ...اي انشااءالله.ماما شمسويه عشه گالت مخلمه ردت اصعد وماخلتني اله اغسل لمواعين واني گتلها ورا العشه وبيبي سمعت

الحجيه ..... شنو شنو ليش متغسليهن شعدج موليه فوك ٢٤ساعه فوك الله يساعده لياخذج..

جوري ...ضلت تحجي عليه لميت شفايفي بزعل .... بيبي ترضين كلساع اغسل مواعين ...

الحجيه ..بعصبيه ... لج لعد شلون شو جانن عماتج مو مثلج من اكلهن ع شي يسونه بدون حجي شو انتي حضرت جنابج تتأففين وتعاندين لو مني ومن امج الزمج اموتج كتل يله ولي كدامي غسلي ماعيييين...

جوري ...وبيبي وحطت شي براسها رحت بدون كلام .....ي هسه رايحه ....وبكلبي ادردم عليها اووف من هالعيشه ومن كفه خشمي غسلتهن وصعدت لغرفتي جريت موبايل شغلت اغاني نزلت للعشا وابوي كلساع يكومني على شغله يدري اتعاجز وماحب احد يصخرني خلصنه شغل ونمت گعدت ثاني يوم وامي استقبلتني تعاي نضفي توني جاي اغسل وجهي رحت بملل اتريگت وطلعت للطرمه اخذ فرشه الكنس واشوف هذا بالسطح ويصوفر باوعلي وابتسم صفح عزاااا بعينك ان شالله  ركضت للبيت شافتني امي

كبل طكيتها بركضه للبيت وگلبي يدگ سريع شلون جريئ  شافتني امي تمشيت على كيف حتى لاتتنبه بس امي تلگف شي وهوا طاير ..

ام جوري...هاي شكو شبيج تركضين...

كتلها ها لا هيج بس حته اخلص بساع

ام جوري ... ديله مثل مكتلج كملي بساع بدون لعب ..

رحت ع غرفة بيبي اكنسها وافكر بي كملتها ورحت ع غرف الباقيه والمطبخ خلصت كلشيىي بسرعه وصعدت للغرفه داخذ ملابس كلت خلي اشوفه بعده موجود قبل لافتح البرده باوعت اختي بعدها نايمه همزين فتحتها واباوعهذا بعده ونوب كاعد ويباوع ع سطح وجوه عينه هنا وهنا يمااا عزاا حاط عينه عليه ووف اريد قصة حب يعني هسا يحبني ووف شكد افكار بعقلي واني ابتسم ونداريت وجان اشوف اختي كاعده .....عزه لج هاي شوكت كعدتي توني شفتج نايمه ....

ازهار... شدسوين جوري عل منو تباوعين وتحجين ويه نفسج هليام احوالج مخربطه ...

جوري ...خرب ..ها لج اباوع على روضه القديمه مال حمودي من جان بيها يعني عليمن اباوع شو تخربطين بكلام ..

أزها. .. هااا ...

جوري ...اي اكلج روحي نضفي الباقي عليج اني هروح اسبح..... بعد عفتها ورحت نزلت شافتني ماما هاي شنو شو مككملتي شغلج كتلها اي ماما باقي على زهراء هسه تنزل تكمل وعفتها وطبيت للحمام سبحت وطلعت اخذت مشط وعلكت تلفاز واكيد ع طيور جنةاختي نزلت تنضف متحب تتريك و للضهر اجوي من الشغل بيبي وبابا واخوني ، ماما بدتت تحضر الغده بابا صاحني احضر الحمام ورا دخلت اخوي سبحته وعطرته طلعنا تغدينا وراها والكل راح نام واني واختي خلصنه الامواعين واني اكره نومت ضهر رحت اباوع تلفزيون ماشوف اله حسين اخذ ريموت ركضت اخذته وگام يصرخ ويبجي وابوي موصينه ضهر نصير هادئين طلع عيونه بگصته وصار يضرب ويصيح واني اخذت الحصة الاكبر بضرب لان جبيرة گام يدفر ويسب ..

بنت الكلب شنووو موصيج موگايلج تصيرين عاقله ..

جوري ..بابا اعتذر والله ماعيدها بس عوفني ..اجتي بيبي تصيح عليه وگومتني من گاع هوا عافها ورگع الباب هزت بيدها معاجبها ..

گومي غسلي وجهج وكافي بجي متدرين بابوج عصبي ..

جوري ...رجت غسلت وجهي وصعدت فوگ طلعت الامبثري خليت سماعات بذاني ورحت للشباك اباوع على شاب شفته ماكو رجعت ضايجه وزادت بجيتي اجوي ولد عمتي محمد وشيماء سئلوني گتلهم بابا ضربني گالو خلي ننزل نلعب بالحديقه حتى تروح ضوجه خطيه نقهرو عليه نزلنه للمرجوحه نسولف ورا شوي جتي ازهار گالت ماما تريدج رحت واشوف بابا گاعد مابوعت عليه ضايجه حيل هوا جرني بحضنه وباسني براسي ..

باباتي ليش تخليني امد ايدي عليج واضربج ..

جوري ..ضليت ابجي بحضنه وهوا يمسد على راسي ...

بعد لاتصيحين وتعلين صوتج واني نايم ..

جوري ...هزيت راسي  بمعني ايي وهوا راح..لليل خنگه وضوجه رحت الماما اني وازهار حتى تسمحلنه نطلع برى وهي وافقت لان فرعنه كله گرايب وصتنه لا نتأخر تمشينه البيت عمتي يسرى وبيت عمي نفس فرع وشفت شيماء بنت عمي ومحمد واخو علي وبلال صديقهم...

جوري ..علي حلو وشخصيه قويه طويل ورشيق عندا شوي ضخامه صاحب جتافات عيونه عسليه..علي تارك دراسه الابتدائيه حاول ينجح من سادس وامگدر لان ماعندا واهس فتركها فيشتغل وي أبوي بالمشتل مرات اروح لبابا بالمشتل واصدف اشوفه يباوعلي صفح وگالب وجها احسه يكرهني اني من اشوفه اضل صافنه بوجها بغباء يجبر الواحد يباوع عليه ماعرف ليش انجذبله ياربي شايل خرزة محبه ......

مرة الايام وكلما اصعد للسطح أشر هدوم اشوف هذا يطير طيور وصار يباوعلي ويبتسم واني گلبي يضل يرف مثل الحمامه من يباوعلي اركض جوا واليوم امي انطتني سلة ملابس ومثل كل مرة اخذهن بنشاط واصعد اشرهن طلعت للسطح واسمعه يصوفر گلبي صار يدگ سريع واني اشر بالملابس باوعتله وصعدت للسطح ثاني جان يصير مقابيلي وشايل خشبه جبيرة وعليها رقم ويأشر بمعني حفضي اخدودي صارن نار نزلت اركض ودخلت للغرفه ارجف صح عندي فون وسيمكارت اتواصل وي صديقتي بس مستحيل اسوي هيج ضليت بس نظرات اني ويه لحد مافديوم اجه محمد ابن عمتي يسر صعدنا للسطح وهوا شاف ولد وياي وراح ...

محمد ...جوري عليمن تباوعين ..

جوري...گمت احجي وي محمد وعدني ميفتح الموضوع وي احد اشرتله على بيت الولد ..هذاك الولد تعرفه ..

محمد ..ايي يشتغل وي ابو المولدة ..

جوري ..ابتسمت اي شنو اسمه ..

محمد ..اعتقد حسن ماتذكر ليش تسئلين ..

جوري ...گعدت اسولفله اني معجبه بي ويباوعلي اجتي شيماء سئلت على زهار وكتلها بالغرفه وضلينه نسولف اني ومحمد وحبيت اسئله على علي....حمودي اگلک ليش علي اخوك كلما يشوفني يگلب وجها حسبالك يضوج مني ومايطيقني ...

محمد ... والله ياجوري مادري بي هوا ميسولف كتوم ..

جوري...زين شيحب اخوك...

محمد ...يحب الحلويات دائما يسمع اغاني ..

جوري ... ركصت حواحبي ...شنو الأخ عاشگ  هم يحب وحدة منا منه ..

محمد ..ههههه اي دائما يباوع لشمس بنت عمتي ...

يتبع ...

آنثى 💜 ملائكيه

اخطاء لايُمحيها الزمن

لاتنسو التصويت وبعدني ممحددا وقت البارتات جايه يعني اكمل بارت وانشرا  ....