رواية أخطاء لايُمحيها الزمن الفصل الثاني 2 - بقلم أنثى 🪽 ملائكية

آنثى 💜 ملائكيه

اخطاء لايُمحيها الزمن

في هذا المساء الجميل أسأل الله ان يرزقنا ويرزقكم السعادة والصحة والعافية وراحة البال ونسمات الإطمئنان والخير الكثير ...

جوري ..اهاا...

محمد ...احس گاعد بمكتب ضابط وتحقيق ليش سئلين هلگد ..

جوري ...ههههه ميصير اسئل على ابن عمتي ...ضربته بوكس خفيف على جتفه .. موتگله حجيت وياك علمودة ...

محمد .. لا ماحجي..

جوري ..رحنه نزلنا نباوع تلفزيون صارت ساعه عشرة كلنا ملتمين اجه بابا ..

...ام جوري شنو رائيج نروح زيارة لكربلا صار هواي مطالعين...

امي هواي فرحت واني هم اريد اگمز من الفرح لان جان ابوي يطلعنه بسنة حسنة وخاصه زياراة ابد منروح بس متعود يطلعنه بسيارة نفتر لو متنزهات وگفت على صفحه وامي تسئل شوكت نروح رجفه صارت بگلبي وخوف سيطر عليه جاي اگلهم ماروح وامي حست حجت وياي ..

ام جوري...بنتي لاتخافين متحبين طلعين تتونسين اقري ايات وتروح الخوفه ...

جوري ...هذا طبعي زفت اكره طلعه وخوف يسيطر عليه لو اتخايل اضيع لو يصير انفجار انفض هاي الفكار من راسي بس ترجع غصباً عني صعدت حتى نام تمنيت ماروح ويغلسون بس اجتي امي گوة كمت اسحل بروحي غسلت ..

ام جوري ..بنتي لبسي صايه...

بيبي ...لااا خلي تلبس عبايه لان ميصير ميدخلونه بدون عبايه روحي بنتي لبسي عبايه صرتي مرا ..

جوري .. دمعه صارت بطرف عيني وين أگدر البس عبايه اني ماقبلت ودگيت رجلي بالگاع

...ماااا مالبسها غير اتعثر وياساعه اگوع على وجهي يمه تقبلين يشوه وجهي بسبب عبايه ..

حبوبه ...بنات اخر زمن وج ميدخلوج ..

ام جوري...بنتي هناك بالامام البسيها يمه هناك ميصدگون صف خامس حسبالهم عمرج 14لو 15 ..

جوري ..اختنگت حيل وبدي اشمر العبايه واگلهم ماطلع وياكم حاولت اقنع امي ماروح حكم القوي على ضعيف اجتي بيبي وشافتني ممبدله صاحت بيه صعدت فوك فتحت بردا وماشفته موجود دمعه وصلت طرف عيني اووف اليوم راح اشتاقله بدلت ونزلت ودمعتي بعيني اباوع الازهار متكشخه فتحت اعيوني وشهگت اهااااا شووف تفرقه

... هاي شنو ازهار گصيفات ملابسج شلون يدخلوج ..

ازهار ...عيني بعدني طفله وثاني شي رشيقه مومثلج دبدوبه اممم ..طلعت السانها تعيب...

جوري...احس دخان طلع من أذاني ... انجبي على الاقل حلوة واخبل ..جتي امي...يمه شنوو هالتفرقه اشو ماحاسبتو أزهار على ملابسها ..

ام جوري...بنتي هيه ناعمه وصغيره ماتبين مو مثلج بينه مفاتن جسمج مبينه كلها حسبالك بالغه...

جوري ...هذا هم حظي الگشر مدري من ياطينه بكلشي ماتهنى....

.. استعجلتنه امي وطلعنا لكربلا وصلنا لسيطرة دخول اني أسولف درت وجهي واشوف كومة حرس واحد صافن عليه من شفته رفع تک حاحب دنگت راسي امي موصيتني اي شخص يباوعلي ادنگ ونوب اهلي وياي اخاف ينتبهون نزلنا يم الامام وجبروني البس العبايه اختنگت حيل وبس انفخ
.... ماما عفيه والله ماعرف البسها ..

ام جوري...بنتي بس حطيها على راسج ..

حبوبه ...صلاووات على محمد شكد حلوة عليج ..

جوري ..حتى اخوي حسوني صافن عليه .

حسين ..صايرا حلوة بالعبا بعد لاتنزعيها..

ازهار ...صدگ طالعه حلوة ...

جوري ...باوعت لحسين وازهار صفح ....نجبوو انتو محد طلب رئيكم ماحب البسها گووا ...

حبوبه ...والله بنتج صايرا مرة بطولج صلاوات ..

ام جوري...جرت حسرة ..

جوري...باوعت لبابا يدخن جگاير وعينه عليه من سمع بيبي ..

ابو جوري ...صاح.. خلي ندخل نزور بساع ونطلع ...

رجعنه من الامام ومرت الايام وصارت نص سنه اتخابر وي صديقتي واتفقنه تجي شوفني وصفت الها البيت واجتي طلعت حتى اشوفها وانضرب بصدر علي باوعت بعيونه حيل عصبي وطابگ حواجبه...

علي....شكو طالعه بضهاري وشعرج طالع وليش بدون حجاب ..

جوري ...گلبت عيوني بملل... صديقتي اجيتي وماتندل بيته وثاني شي دنيا عصر مو ضهر وثالث شي مالك علاقه بدون حجاب ...

علي ...خزر بوجها ورفع اصبعه يهدد ...جووري لزمي حدج رايح لأمج احجي وياها ضاهر ميفيد وياج الحجي ..

جوري...دخل البيتنه مثل العاصفه فريت ايدي ليشوفك حسباله كاتله أبوك على هالكره اجتي صديقتي فرحت بجيتها وضلينه نضحك وامي قدمت الضيافه ورا نص ساعه راحت اجتي امي ...

ام جوري...جوري منين هاي الابنيه ...

جوري ...من فلان منطقه تدرين ماما اول ماعرفتها گالت احلى شي بيج شامه ورصعه الي بحنجج بس ليش اني ماحبهم ولاأشوفهم حلووين ....

ام جوري...بنتي اذا انتي ماتحبيهم فغيرج ايحبهم وشكل اذواق ....

جوري ...بنزعاج ...يمااا ياااذوق ليش ماشلتوها شامه واني صغير مااريدها ...

أم جوري ...شعليه اني ابوج وبيبيتج قررو مايشيلوها ومحد قبل نشيلها لان حلوة ...

جوري....نقهرت حيل منهم ....يماا ياحلوة دشوفيها تكبر بس لا تصير مثل مالخالتي لمياء والله امووت ..

ام جوري...خرب ذكرتيني واني حامل بيج ورحت لأهلي وخواتي موجودات ف أختي لمياء جانت موجودا تعرفين عندها شامه واني صرت اکبالها وضليت اباوعلها واگول بخاطري خطيه شلون حاملتها وماتشيلها وشوفي سبحان الله طلعتي بيج شامه ونفس المكان ...

جوري...اووف ماما هساا الا تباوعيلها هسا لوجنتي حامل بأزهار حسين گابليها وگعدي الا بيه باوعتي هذا هم حظي ....

ام جوري...والله لا أرادي باووعت ..

جوري...گاعدين وگلبي مورم من قهر وجان تجي بيبي تغني ...

حبوبه ...شاامة ودگه بالحنج منوو يشتريها ...

جوري ...بيبي رحمة لأهلج سكتي ..

حبوبه ...بنتي لج نسوان يموتن ويشترنها ونتي مترديها ...

جوري.... اي ماحبها ..

أزهار ..بضحكه .. بيبي غنيلها انا وياج يام شامه انا وياج ...

جوري ...باوعتلها صفح .. دكرمينه بسكوتج انتي بله...

ازهار ..يحظي مفروض تتباهين عندج منطيتج جمال اكثر ..

جوري ...اتخبل من هيح يسولفون يصيرون ضدي گمت بعصبيه دفعت كرسي وصعدت وامي صاحتني ألم ملابس وانزلهن ورفضت وضلت تصيح اكسر راسج شلون تراددين گمت ابجي واصيح ليش تقهروني وهي تگلي يتشاقون صعدت للسطح حتى اتنفس مختنگه وجان اشوفه كدامي ويگلي هلاو مانطيت اي ردة فعل واشرلي بحركه بيدا شبيج تجاهلته لميت ملابس من الحبل ورحت يم درج صحت ..ماماااا ..

ام جوري ...وجعااا شبيج تصيحين ..

جوري ...هاج لگفي الملابس راح أشمرهم ...شمرتهن من فوگ تعاجزت انزلهم واسمعها ضلت تصيح وتغلط رحت للغرفه وكلت خلي اشوفه بعدا موجود لو راح فتحتها واشوفه بعدا موجود بگلبي گمت احجي عزاا هذا ولايمل دووم كاعد منتظرني فدوة لله معقوله يحبني ... ماحس اله أمي تعيط بأسمي ..

ام جوري ...جووووووري ..

جوري ...درت وجهي باوعت واشوفها گبالي كمت ابلع بريكي عززا بعينج جوري رحتي بيها ...دموعي گامت تنزل من خوف ورجفه لزمت جسمي ...

ام جوري...بصياااح وتهديد ...شدسوين وعليمن تباوعين...

جوري....گمت امتمت بالحجي وحلگي جف خوف سيطر عليه واني اباوعلها ضايجه حيل وعيونها بگصتها..هااا ماما داباوع على سماا ..

ام جوري....لاتجذبين احجي ...

جوري ...جتي جرتني من البردة وجسمي يرجف يارب كون ماتشوفه عاطت بيه يعني شافته اجتي يمي لوت أذني حيل ولزمت زندي حيل ....

ام جوري ...اذا ابوج عرف بيج والله يذبحج على القبله ومايرحم بيج انتي خوب تعرفي الابوج مايتفاهم وعصبي وج لو ما اني محضرتج وكايلتلج الف مره من تشوفين واحد يباوع دنكين هاااا ....

جوري ...دموعي تجري وابجي ... يي ماما بعد ماسويها والله ..

ام جوري ... يله ولي نزلي بعد ماشوفج هنا حيوانه ولمي الهدوم من لكع ورجعيهن بل كنتور يلا على سريع ....

جوري ..نزلت وابجي واشهگ شافتني بيبي..

حبوبه ... يا شبيج تبجين احد وياج لو خاف لان شاقيت وياج...

جوري ... كلشي محاجيتها عفتها واخذت لهدوم ودخلت للغرفه ارتب بيهن وابجي واسمع بيبي تكلها الامي شبيها بنتج تبجي كالتلها لا عمه مابيها بس هيه ضاجت لان صيحت عليها وتعاركت شتعرفيها جوري نحسه وام دميعه على اقل شي تبجي شسويلها. واني اسمع وابجي ماشوفها اله جتني

ام جوري... كافي عاد تبجين حته بيبتج شكت اصبري احسابج بعدين...

جوري... وعافتني وطلعت اجه اخويه صغير عليه..

حسين .. جوري طلعيلي لعبه سيارات ..

حوري ..مسحت ادموعي... اي حبيبي... اخذت منه موبايل ونطتياها جريته لحضني حضنته وبوسته والعب ويا ب موبايل صدك التهيت ويا وصرت اضحك وياوجان يجي بابا كتله الله يساعدك واني أبتسم كلي ويساعدج بابه اخذ ملابس وراح سبح واجه بدل واكل لكمه وطلع ابويه جان قليل يكعد ويانه اكثر احياناً طالع بره.اجت ماما يمي

ام جوري... اي احجيلي هسه اريد اسمع كل شي ..

جوري ... ع شنو ...

ام جوري .. لاتغشمين نفسج احجي يله...

جوري ...دنگت راسي وجريت نفس ..شحجي ...

ام جوري .. شعندج ويا واني اكول مرات من اطلع وره البيت انتبه عليه يباوع واني بس شفته حجيت عليه بكلبي كلت شكد ميستحي هذا ماعنده خوات بس بلحظتها مدري ليش اجيتي انتي بالي كلت خاف هاي تطلع فد يوم ويشوفها وقررت اقفلها لهاي لباب تالي الكاج من شباك تباعين ليش يمه ليش تردين تجيبلنه حجايه موحلوه....

جوري ...امي تحجي وياي واني صرت ابجي حيل خجلت ..

ام جوري ...انتي بنيه وحلوه مثل الجوهره حافظي ع نفسج وخليج ثكليه رزنه تره اني ماحب لبنيه الخفيفه اني احجي ع هيج نماذج لخفيفات دور بنتي صير مثلهن ماريدج هيج يمه وكافي تبجين هسه مصار شي بس كافي ..

جوري ...ماشي ماما.... باستني من راسي وطلعت بقيت ابجي طلعت دفاتري وكعدت اكتب لان الكتابه هيه وسيلتي اكول اووف المن احجي الي بيه منو يفهمني تذكرت محمد بن عمتي بس هو ماكو يمي حالياً حته احجيله ضليت ابجي حته ورمت عيوني شوي وعفت ورحت للغرفه مال اهلي ونمت قررت امي تخليني اشتغل واذا ماشتغلت اتگول لبيبي لان أخاف منها وبيبي تگلي لاتخافين شغل ماينزل وزنج گومي شتغل لا گطع سبحه عليج اگوم اشتغل من گفه خشمي اكنس وامسح وادخل اسبح ومن اريد اروح لغرفتي امي تمنعني حيل اشتاقيلته نوب حتى موبايلي حاذفه الغاني منه مبقيه بس لعبة لحسين حيل اختنگت مر اسبوع ماشايفته قررت اسوي خطه اودي بيد اخوي على دفاتري فوگ واروح اجيبهم هسا تگول هوا ينزلهن يعني فشلت ضليت لحد مايوم نايمه واسمع ضحك وسوالف طلعت واسمع صوت عمتي نباء وبناتها جايات واشوف امي دتسوي عشه وملتهيه ويه عمتي دك سوالف اني اخذتها فرصه وكيفت كلت ي خلي اصعد شمدريها صعدت درج بركضه باوعت همزين ماكو احد بسرعه فتحت البرده واشوفه ع نفس الكعده بس شافني هوا شفته طفر وتقدم ويسويلي بيده هلاو 👋 واني هم سوتله هلاو👋 ويئشر بيده ويكلي ويحجي افتهمته يكلي وين جنتي مختفيه يي يمكن محد جان يصدك انو شلون افتهم هيج. بس اني صرت افهمه لان حبيته صح جنت اشوفه الاحلى منه واتذكر ابو عيون خضر وغيرها بس هذولي مجرد اعجاب وهاهيه بس هذا لا اباوع وابجي حسيته شكد ضاج وشوي ونتبهت ع نفسي كلت خاف احد يشوفني وسديت البرده ونزلت وطكيتها بركضه للغرفه بس شكد فرحت بشوفته وبقيت اضحك ويه نفسي وجان تجي ماما ...

ام جوري .. شكو شو داتضحكين ..

جوري ... اااي ماما غير تذكرت من جتي بنين وضحكت كالتلي ها حسيتها مقتنعت ..

ام جوري.. ادري متجين سلمين ع عمتج وتعاي تعشي يلا ..

جوري ... اي هسه جايه وراحت....

بعد مرور الاشهر صرت صف سادس وبالگوة لان رسبت بنصف سنه بس الحمدلله شديت حيلي ونجحت للسادس باًالعطله مال نص سنه كاعده ارسم وجان احس عندي وجع بطني قوي كمت الوب منه وابجي رحت كتلها ماما بطني كالت خاف استبراد عاديشو اني صعدت دبدل ملابسي وجان اشوف دم فتحت اعيوني على وسعهم من الخوف تخبلت نزلت اكلها ماما وابجي كامت تفهمني وتكلي عادي هاي كل بنيه وهيج وهيج..عرفت انو هاي شهريه.وماكو وره 3 اشهر وجتي ماما تكلي جايجج خطابه ولا منو صديق بابا.اسعد مو غيره ....

اسعد.... من مواليد 76 مامتزوج جان هو مدير بلمدرسه وهم شريك ويه ابويه الكاع مالة اسعد يعني ابويه مأجرها من عنده وشريك بلشغل.وصديقه ابويه المقرب من همه وصغار بلمدرسه بنفس الصف وبنفس العمر. جنت نوبات اسمع بابا يسولف عنه هواي ويمدح بيه واذكر مره شفته من السطح بس جانت ظلمه يعني مشفت شكله زين بس صليعته هههه وجان بوكتها برمضان وكاعده اشر ملابس ع حباله واسمع واحد يصيح ع ابويه ويدك بل باب وصار عدي فضول منو هذا وشفته بس ماعرفه ولاعرفت انو هذا اسعد فـ لمن جتي ماما وكالتلي جايج خطابه صديق ابوج ويمكن راح ينطيج اله بهل اثناء ودخل ابويه وكعد يحجي وياي وكلي

... والله بابا اني مثلج هم نصدمت من
كلي اريد بنتك كتله ..

جوري ...شلون بابا ..

...والله يابنتي اني سألته ليش مامزوج لحد الان كلي مامفكر ازوج واني كمت أشجعه وكله اني ازوجك بيدي ويوميه كمت اكله ازوج وازوج وانته مو مكون نفسك عندك بيت وشغله بيدك وخير من الله بعد ليش متزوج ماكو ثاني يوم كلي ابو أحمد اني قررت ازوج بس اريد منك. وبيك.لان اني مشفت مثلك صديق وفي وطيب واخلاقك ومن هلحجي يكلي واخر شي كلي ماريد غير بنتك.أني اتفاجأت لمن كلي عليج.كلشي ماحجيت بعد بس كله الله كريم وهاهيه وحته سالفه محجه بيها وره يوم وهم جا كله اريد الموافقه من بنتك اني ماكدر اكله لا بعد صديقي واعرفه أني ردتت اكله كبع واخذ بس فكرت بيج بعدج صغيره وهو جبير هواي وانتي بنتي واعرفها كلشي متعرفين سوين وعنوديه بشكل وهذا عباله أنتي سبعه وام بيت هاي شلون مكدرت انطي موافقه اله ....

جوري ...اني بقيت صافنه ياربي ماريد هيج زواج كل الي اريدا قصة حب مثل الاميرات شنوو اتزواح واحد بگد أبوي اوووف دمعتي بعيني ابوي راح وكلها....

حبوبه..... انطيها هاهيه شوف خير للرجال شاريها واذا جبير عليها عماتها مو ازوجن صغار واخذن رياجيل اكبر منهن 100سنه وروح شوفهن خواتك شغاويات....

.... يامي شيجيب بنتي على خواتي بنتي شايفتها لاتحب تشتغل وعنوديه وعجوزيه وراسها براس هذا رجال وين يتحملها ع اقل خواتي جانن يشتغلن ويسمعن كلام هاي وين.كالتله تتعلم ميخالف مادري اشوفها الها اذا قبلت انطيها يمها القرار....
ها بابا تقبلين لو لا.هو خوش ولد وشاغول وعنده بيت وحد بس بعده ديبني بي وعنده خير من الله...

ام جوري ....عيني وهاي بنتك اذا راحت يم اخته زينه شسوي بيها غير تخبلها اني زينه اعرفها من قبل وكحه ولسان وتحب تشتغل وتنضف ومره اني بذني سمعتها تريد جنه سبعه تشتغل تطبخ صخم وهاي. بنتك هلا عيني بيضه متعرف طكها وتتخبل اذا اكلها كومي اشتغلي لا هاي اذا تروح يم زينه لو بنتك تتخبل لو هيه وحده من الاثنين لا اصلا كول منو يكول تبقيها يمها.....

جوري ... باوعتها ماما ودمعه بعيني خرب فضحتني واذا ماشتغل غير ادلع على اهلي قابل جايبيني بنگلادش الهم ...

ابو جوري ... ليش هيه بس زينه وهو اسعد هم يريد وحده مفننه هسه بابا كليلي هاهيه لو لا....

جوري ...كاعدين بابا وماما يسولفون كدامي، وكلي بابا ها كليلي هاهيه لو لا. صفنت وشوي كتله مادري بابا بكيفك سكتت ابويه واشوفه يفرك براسه ودايخ بيه ....

ابو جوري ... بس همه يردون جواب هلايام لازم ارجعلهم خبر....

جوري ..سؤال بعقلي واريد احجي خجلانه وخايفه بنفس الوقت ماعرف شلون حجيت ...بابا زين هو حلو....

ابو جوري ... بنت نعل حلو شنو اهم شي رجال زين ميهم شكله بس ميخالف اشوفلج صورته.حتى تشوفي..

جوري .. ماشي وعفته ورحت لغرفتي ضليت افكر شلون هو شغله حلو مال مدير صفنت وتذكرت قبل جنت اكول اذا اتزوج كون لو مدير لو معلم الله شحلو ابتسمت اخذت الموبايل وكعدت اسمع اغاني وغير وماشوف اله ابوي فوك راسي ...

ابو جوري...بصياح... اني مو كايل متلعبين بلموبايل هذا مالت امج شكو تلعبين بي كم كايلج ..

جوري ..وعاط بيه بسرعه كمت ابجي.صحيح بابا جان ابد ميقبل الزم موبايل وكل مجان يشوفه بيدي يتعارك واروح انطيها امي واكعد ابجي جنت اتمنه لو يصير عندي موبايل لمس وحديث . هو اخذ مني موبايل ويغنزر بوجهي....

أمشي نزلي جوه وغسلي وجهج وكافي بجي وتعاي تلكيني بلغرفه...

كتله ماشي راح بقيت ابجي اني شوي ونزلت مشيت داروح للمغسله وجان اسمع بابا يحجي وي ماما..

أبو جوري... بارحه اسعد يسألني ع بنتج يكلي شنو تحبه شنو تكرهه وشنو الي تريده اني بشقه كتله يمعود خابصتني بل موبايل تريد لمس وحديث. جان يكلي اسعد والله اجيبلها اني وادللها بس خلي تقبل بيه. ...

جوري ..سمعته لو احس ايدرالين صعد عندي بداخلي شكد فرحت الله هذا يجبلي موبايل لمس شكد اتمنه يصير عندي موبايل خاص بيه رحت غسلت وجهي ورحت يمهم...

.. تعاي بابا كعدي يمي..

كعدت وجان يطلع صورته من المحفضه مالته..

.. باعي هذا هو

. اخذت صوره واني خجلانه واباوعه تذكرت هذا الي شفته من سطح ابو صلعه كتله ضجت حيل هسا شصار لو حلوو خرب حظي زفت.... بابا هذا محلو ...اشوف ابويه كوه كاتم ضحكه هو وامي...

ام جوري ...وهسه شنو اي لو لا ..

جوري ..احس عقلي راح ينفجر محتارة بزماني كتلها ...ها... بلحظه تذكرت موبايل وهو مدير خرب بالحظ كلشي عندا واي وحدة تتمنه واحد مثلة بس مشكله محلووو شلون ورطة ....ماما بس مشكله محلو وجبير شلوون ..

ام جوري... شوفي جوري لازم تفكرين عندج بعد وكت منا لباجر بس عود مو تقلبين وتكولين باجر عكبه ليش اني اخذتلي شايب وشوفين بنات خالاتج ايه وزينب الي بعمرج ماخذات قريب اعمارهن عود مو تجين وتكليلنه ليش زوجتوني رجال جبير ماشي فكري احسن هاي حياتج انتي وقرري بكيفج ...

جوري ...عافتني وطلعت بهل اثناء دك موبايل بابا شافه اسعد...

ابو جوري.. هلا حبيبي هلا بيك ..

اسعد ..ابو حسن خواتي باجر يجن يشوفنها..

ابو جوري.. اي هلا بيهن... واشوفه يبلع بريكه وسد تليفون كلي حضري نفسج باجر يجن خواته يشوفنج...

جوري ..باوعته بابا واني خدودي صارن نار من خجلي ...ها ..وعافني وطلع راح كال بيبي ولماما. اوووف واني ضليت محتاره شلون ياربي بين قابله وبين لا وخايفه وقلقه حيل نمت وللصبح حسيت ساعه 11 كعدت اتريك واني صافنه شلون جتي ماما شافتني..

ام جوري.. ها كعتي ..

... اي ماما شوكت يجن خواته...

ام جوري... يكول ابوج العصر انتي حضري نفسج ..

...ماشي خلصت ريوك لملمت لمواعين الي ع ميز وغسلت مواعين صعدت رتبت غرفتي وهنا واسمع صوت تصيفر خرب تذكرت ابو طيور شكد اشتاقيتله فتحت البرده باوعته واكف ويباوع على سطحنه وينتظرني اطلع ابتسمت وسديتها لبرده خفت احد يصعد خلصت ونزلت سمعت اذان كالت ماما صلي وندعي من الله بي صالح الج يصير واني هم رحت توضيت وصليت وندعيت خلصت ورحت فتحت كنتور شنو البس ماعندي شي بي خير ووف اخذتلي صفنه للكنتور لحد مقررت الي اختارته. تنوره سوده قصيره للركبه ودنفوشه.وياها بدي اصفر وياه قميص اسود قصير مخطط بل اصفر وبي ورد وكرستاال ومخصر عليه وجذاب رحت سبحت وعطرت وشسورت شعري وسويته مثل كريلي ولبست سواراتي ومحابس ووكلادتي الذهب الي هيه بااسمي جوري وهنا واسمع جرس يندك عرفت همه طلعت ماما ورحبت بيهن وراحت يمهن بيبي كعدت وشوي وجتني للغرفه ماما أشوفها تباوعني من
من فوك ليجوه واخذت نفس عميق وجان تكلي...

..خلصتي...

جوري .. اي ..

..تعاي قدمي الهن عصاير وكيك ..

جوري ..داطلع وجان يصير كبالي بابا شفته شلون باوعني احس بعيونه كلام وحزن واعرف ميريد يزوجني شوي وابتسم الي ورحت اخذ العصاير والكيك ودخلت سلام عليكم واني ابتسم توتر طغى عليه جاوبن هنه عليكم السلام. جايات 3نسوان كلهن خواته قدمتلهن وكعدت يم بيبي اشوفهن شلون يباوعلي وحده منهن جانت تسولف ويه بيبي وشوي وجان تندار عليه اني جنت مدنكه بس من باوعتني رفعت راسي واباوعها وبداخلي اكول شكد حلوه هاي اخته اباوعها هيه بيضه وعيونها كبار وعسليات ملامح حلوه خرب حظي ليش مااخوها مثلها حلو وصاك وجان تبتسم الي كالتلي

...يي شلونج جوري صدقة الله صدگ اسم على مسمه ...

جوري ..ابتسمت الها ... الحمدالله ...گالت

... ياصف انتي ..

جوري .. سادس.. كالت..

... الله يوفقج..

جوري . شكراً... ودنكت راسي وشوي واسمع اخويه حسين يصحيني تعاي جوري طلعت رحتله كتله..

ها حبيبي..

حسين .. منو هذن نسوان غريبات ..

... بعدين تعرف ...

حسين ...ليش كاعده يمهن انتي اريد تروح ..

....أني بنيه وبعدين ميصير تدخل عيب ...

..عفته ورحت لغرفتي بعد مارجعت يمهن اصلا استحي وشوي واسمعهن ترخصن وراحن.طلعت من لغرفه واشوف بيبي وماما يحجن تكلها انطوها خوش ناس وخواته حبابات.وجان يسمعن عماتي ويجن ندى وبراء..

... شنو هاي جاين خطابه ومندري ..

ام جوري... والله فجأه جوي وحتى مصار مدة من انفتح الموضوع بس كلام ..

ندى... اي وشنو قبلتو لو لا ...

ام جوري... والله بعد منطينه كلمه ...

براء.... خطيه تنطوها الها جبير عليها وهيه زعطوطه وينها وين زواج انطيها كارتون وچبس....

حبوبه ... ليش مو انتن زوجتن بعمرها ليش هيه وحد....

براء ...يمه شبيج گبيتي بوجهي بس جوري تختلف عنه بينه...

وجان يجي بابا سلم ع خواته وكعد يمهم ...

ام جوري.. هم خابرك بعد اسعد ..

ابو جوري .. اي خابرني وكايلات اله خواته لـ بنيه حلوه بس حيل صغيره كايلهن عادي واذا صغيره يكول بعد محجن بس طلب هو يجي يشوفها باجر ويريد الكلام الاخير منها....

حبوبه ... اي خلي يجي حته ماكو اعتراض بعد وحته هم بنتك بلكن تقتنع بي وتقبل ام راس اليابس ولو مايعحبها العجب....

جوري ...لميت شفايفي بزعل ..بيبي شبيج وياي قابل گاعدة على گلبج وتردين تخلصين مني ...

حبوبه ... ولج علمودج يا فصعونه رجال جبير وفاهم وعندا خير شتردين بعد ..

جوري..جان يدك موبايل ابويه شاف اخته يسر ام مهند جبيره تخابره شاله ...

الو هلا خيتي شلونج

. هلا بيك ابو أحمد. شنو هذا الي سمعته تريد تنطي بنتك لواحد بكد جدي تره خطيه بنتك بعدها صغيره باجر عگبه تتندم لاتاخذ قرار بساع...

...الله كريم بعد منطيت كلمه يجي باجر يشوفها ونقرر..

.. ابو أحمد ع شنو تقرر انته ناوي تنطيها مو ....

يتبع

اخطاء لايُمحيها الزمن

آنثى 💜 ملائكيه

بنات  كل وحدة سوي 5 منشن لمتابعاتها خلي يتابعن القصه والبارت المفاجئه ينزل من يصعد التفاعل  ..